This document is an excerpt from the EUR-Lex website
Document 62023CN0047
Case C-47/23: Action brought on 31 January 2023 — European Commission v Federal Republic of Germany
Kawża C-47/23: Rikors ippreżentat fil-31 ta’ Jannar 2023 – Il-Kummissjoni Ewropea vs Ir-Repubblika Federali tal-Ġermanja
Kawża C-47/23: Rikors ippreżentat fil-31 ta’ Jannar 2023 – Il-Kummissjoni Ewropea vs Ir-Repubblika Federali tal-Ġermanja
ĠU C 94, 13.3.2023, p. 30–31
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
13.3.2023 |
MT |
Il-Ġurnal Uffiċjali tal-Unjoni Ewropea |
C 94/30 |
Rikors ippreżentat fil-31 ta’ Jannar 2023 – Il-Kummissjoni Ewropea vs Ir-Repubblika Federali tal-Ġermanja
(Kawża C-47/23)
(2023/C 94/33)
Lingwa tal-kawża: il-Ġermaniż
Partijiet
Rikorrent: Il-Kummissjoni Ewropea (rappreżentanti: C. Hermes u M. Noll-Ehlers, bħala aġenti)
Konvenut: Ir-Repubblika Federali tal-Ġermanja
Talbiet
Il-Kummissjoni titlob li l-Qorti tal-Ġustizzja jogħġobha:
— |
tikkonstata li r-Repubblika Federali tal-Ġermanja naqset milli twettaq l-obbligi tagħha taħt l-Artikolu 6(2) u taħt it-tieni subparagrafu tal-Artikolu 4(1) tad-Direttiva tal-Kunsill 92/43/KEE tal-21 ta’ Mejju 1992 dwar il-konservazzjoni ta’ l-habitat naturali u tal-fawna u l-flora selvaġġa (1), fir-rigward tat-tipi ta’ habitat 6510 (mergħat ta’ ħuxlief f’altitudni baxxa) u 6520 (mergħat ta’ ħuxlief tal-muntanji) protetti min-network Natura 2000 sa fejn hija |
— |
ġeneralment u strutturalment naqset milli tieħu l-miżuri neċessarji sabiex jiġi evitat id-deterjorament tat-tipi ta’ habitat 6510 u 6520 fis-siti identifikati għal dan il-għan, u |
— |
ġeneralment u strutturalment naqset milli tibgħat data aġġornata lill-Kummissjoni dwar it-tipi ta’ habitat 6510 u 6520 fis-siti identifikati għal dan il-għan; |
— |
tikkundanna lir-Repubblika Federali tal-Ġermanja għall-ispejjeż tal-proċedura. |
Motivi u argumenti prinċipali
Permezz tar-rikors tagħha, il-Kummissjoni ssostni li r-Repubblika Federali tal-Ġermanja naqset sistematikament milli twettaq l-obbligu tagħha taħt l-Artikolu 6(2) tad-Direttiva 92/43/KEE li tipproteġi siti ta’ Natura 2000 kontra d-deterjorament tal-habitats naturali inklużi fihom, b’mod partikolari fir-rigward ta’ żewġ tipi ta’ habitats importanti ta’ interess Komunitarju, jiġifieri mergħat ta’ ħuxlief f’altitudni baxxa (TH 6510) u mergħat ta’ ħuxlief fuq il-muntanji (TH 6520).
Il-ksur sistematiku tal-projbizzjoni ta’ deterjorament jirriżulta, l-ewwel, minn data trażmessa mill-Ġermanja nnifisha, li turi li bejn l-2006 u l-2020, f’iktar minn kwart tas-siti ta’ Natura 2000 identifikati mill-Ġermanja għall-protezzjoni ta’ dawk it-tipi ta’ habitat, madwar nofs iż-żona ta’ dawn il-habitats kienet intilfet.
It-tieni, l-awtoritajiet Ġermaniżi naqsu sistematikament milli jwettqu sorveljanza regolari tal-istat ta’ konservazzjoni taż-żewġ tipi ta’ habitats ġewwa ż-żoni ta’ konservazzjoni identifikati għal dan il-għan.
It-tielet, l-awtoritajiet Ġermaniżi naqsu sistematikament milli jirregolaw il-fatturi prinċipali ta’ pressjoni għaż-żewġ tipi ta’ habitats, jiġifieri l-ħsad bikri u l-fertilizzazzjoni eċċessiva, permezz ta’ miżuri ta’ protezzjoni legalment vinkolanti.
Barra minn hekk, il-Ġermanja naqset sistematikament milli twettaq l-obbligu tagħha taħt it-tieni subparagrafu tal-Artikolu 4(1) tad-Direttiva 92/43 li tittrażmetti regolarment data aġġornata għaż-żewġ tipi ta’ habitats.
(1) ĠU Edizzjoni Speċjali bil-Malti, Kapitolu 15, Vol. 2, p. 102