1)

L-Artikolu 14(2)(b) flimkien mal-Artikolu 14(5) tar-Regolament tal-Parlament Ewropew u tal-Kunsill (KE) Nru 178/2002 tat-28 ta’ Jannar 2002 li jistabilixxi l-prinċipji ġenerali u l-ħtiġijiet tal-liġi dwar l-ikel, li jistabilixxi l-Awtorità Ewropea dwar is-Sigurtà fl-Ikel u jistabbilixxi l-proċeduri fi kwistjonijiet ta’ sigurtà ta’ l-ikel (1), għandu jiġi interpretat fis-sens li jipprekludi regola jew interpretazzjoni minn Stat Membru li tgħid liema prodotti tal-ikel għandhom jitqiesu bħala mhux tajbin għall-konsum mill-bniedem jekk l-użu maħsub tagħhom ma huwiex iggarantit, mingħajr ma huma meħtieġa r-raġunijiet imsemmija fl-Artikolu 14(5) tar-regolament imsemmi iktar ’il fuq dwar għalfejn il-prodotti tal-ikel saru inaċċettabbli għall-konsum mill-bniedem (kontaminazzjoni b’materjal estraneju jew mod ieħor, putrifikazzjoni, deterjorament jew tħassir)?

Fil-każ li r-risposta għall-ewwel domanda tkun fin-negattiv:

2)

L-Artikolu 14(2)(b) flimkien mal-Artikolu 14(5) tar-Regolament Nru 178/2002, għandu jiġi interpretat fis-sens li prodotti tal-ikel għandhom jitqiesu bħala mhux tajbin għall-konsum mill-bniedem jekk il-prodotti tal-ikel, meta kkonsmati kif intiż, iwasslu għal qbiż kbir (ħames darbiet għal adult medju li jiżen 70 kg) ta’ valur meqjus mill-Awtorità Ewropea dwar is-Sigurtà fl-Ikel, fil-kuntest ta’ evalwazzjoni ta’ addittiv tal-ikel (li jinsab fil-prodotti tal-ikel), bħala l-valur tad-doża aċċettabbli ta’ kuljum (ADI)?