Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62021TN0514

Kawża T-514/21: Rikors ippreżentat fil-21 ta’ Awwissu 2021 – Associazione “Terra Mia Amici No Tap” vs BEI

ĠU C 431, 25.10.2021, pp. 43–45 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

25.10.2021   

MT

Il-Ġurnal Uffiċjali tal-Unjoni Ewropea

C 431/43

Rikors ippreżentat fil-21 ta’ Awwissu 2021 – Associazione “Terra Mia Amici No Tap” vs BEI

(Kawża T-514/21)

(2021/C 431/52)

Lingwa tal-kawża: it-Taljan

Partijiet

Rikorrent: Associazione “Terra Mia Amici No Tap” (Melendugno, l-Italia) (rappreżentant: A. Calò, avukat)

Konvenut: Il-Bank Ewropew tal-Investiment

Talbiet

Ir-rikorrenti titlob li l-Qorti Ġenerali jogħġobha:

—

tikkonstata u tiddikjara li l-Bank Ewropew tal-Investiment (BEI) naqas bi ħtija milli jwieġeb għat-talba għal reviżjoni mressqa mill-assoċjazzjoni rikorrenti;

—

tikkundanna lill-Bank Ewropew tal-Investiment joħroġ ordni ta’ rtirar tal-finanzjamenti mogħtija lil TAP AG;

—

bl-ispejjeż tal-kawża kontra l-konvenut.

Motivi u argumenti prinċipali

Insostenn tar-rikors tagħha, ir-rikorrenti tinvoka tliet motivi.

1.

L-ewwel motiv ibbażat fuq ksur tal-Konvenzjoni ta’ Aarhus (1) u tar-Regolament (KE) Nru 1367/2006 tas-6 ta’ Settembru 2006 (2) (“Regolament Aarhus”).

—

F’dan ir-rigward, huwa enfasizzat li skont l-Artikolu 10(1) tar-Regolament Aarhus, “[k]walunkwe organizzazzjoni mhux governattiva li tissodisfa l-kriterji stabbiliti fl-Artikolu 11 għandha d-dritt li tagħmel talba għal reviżjoni interna lill-istituzzjoni jew korp tal-Komunità li adottaw att amministrattiv taħt xi liġi ambjentali jew, f’każ ta’ allegazzjoni ta’ ommissjoni amministrattiva, li kellhom jadottaw tali att”. Fil-każ ineżami, il-BEI kellu jwieġeb fit-terminu previst fl-imsemmi Artikolu 10 tal-imsemmi regolament, ħaġa li naqas li jwettaq.

2.

It-tieni motiv, ibbażat fuq ksur tal-punt 36 tal-EIB Statement of Environmental and Social Principles and Standards tal-2009.

—

F’dan ir-rigward, huwa enfasizzat li l-Artikolu 36 jipprovdi speċifikament li l-BEI għandu jeħtieġ li l-proġetti kollha li huwa jiffinanzja josservaw tal-inqas:

—

il-leġiżlazzjoni ambjentali nazzjonali applikabbli;

—

il-leġiżlazzjoni ambjentali tal-Unjoni Ewropea applikabbli, b’mod partikolari d-Direttiva dwar l-evalwazzjoni tal-effetti fuq l-ambjent (EEA) tal-Unjoni u d-Direttivi dwar il-konservazzjoni tan-natura, kif ukoll id-direttivi settorjali u d-direttivi “trażversali”;

—

il-prinċipji u l-istandards tal-konvenzjonijiet ambjentali internazzjonali rilevanti li huma inkorporati fid-dritt tal-Unjoni.

Fil-każ ineżami, ebda wieħed mill-imsemmija punti ma ġie osservat.

Fil-fatt jirriżulta pprovat l-ksur tas-segwenti:

a.

il-leġiżlazzjoni ambjentali tal-Unjoni u b’mod partikolari:

a.I

il-premessa 36 moqrija flimkien mal-Artikolu 4 u mal-Artikolu 14 tar-Regolament (UE) Nru 347/2013 (3) (assenza ta’ analiżi tal-ispejjeż u l-benefiċċji);

a.II

il-premessa 31 tar-Regolament Nru 347/2013 moqrija flimkien mal-Artikolu 5(1) u mal-punt 1 tal-Anness IV tad-Direttiva 2011/92/UE (4) (impatti kumulattivi esterni);

a.III

il-premessa 31 tar-Regolament Nru 347/2013 moqrija flimkien mal-Artikolu 5(1) u mal-punt 1 tal-Anness IV tad-Direttiva 2011/92/UE (impatti kumulattivi interni) – Projbizzjoni ta’ “Salami Slicing”;

a.IV

l-Artikolu 2(1) tad-Direttiva 2011/92/UE, l-Artikolu 6(3) u (4) tad-Direttiva habitat;

a.V

l-Artikolu 4(4) tad-Direttiva 2009/147 (5), Direttiva għasafar;

a.VI

il-premessa 30 moqrija flimkien mal-Artikolu 9 tar-Regolament 1367/2006 u mal-Artikolu 6 tad-Direttiva EEA (Trasparenza u parteċipazzjoni);

a.VII

il-premessa 28 moqrija flimkien mal-Artikolu 7 tar-Regolament (UE) Nru 347/2013 (Leġiżlazzjoni habitat);

a.VIII

ksur tal-Artikolu 191(1) TFUE flimkien mal-ksur tad-Dikjarazzjoni tal-Prinċipji u tal-Istandards fil-Qasam Soċjali u Ambjentali tal-Bank Ewropew tal-Investiment, approvata mill-Bord tad-Diretturi fit-3 ta’ Frar 2009;

b.

il-leġiżlazzzjoni Taljana u b’mod partikolari:

b.I

id-Decreto legislativo 42/2004 [id-Digriet Leġiżlattiv 42/2004] għall-implimentazzjoni tal-Artikolu 26 tal-Konvenzjoni dwar il-Pajsaġġ;

b.II

id-Decreto legislativo 42/2004 [id-Digriet Leġiżlattiv 42/2004] għall-implimentazzjoni tal-Artikolu 146 tal-Konvenzjoni dwar il-Pajsaġġ;

b.III

l-Artikolu 14 tal-legge 7 agosto 1990 n. 241 Conferenza dei servizi [il-Liġi tas-7 ta’ Awwissu 1990 Nru 241 Konferenza tas-Servizzi];

b.IV

il-preskrizzjoni A57 tad-Decreto ministeriale di compatibilità ambientale 223/14 [id-Digriet Ministerjali ta’ Kompatibbiltà Ambjentali 223/14];

b.V

id-Decreto legislativo 152/06 Mancate sanzioni [id-Digriet Leġiżlattiv 152/06 Assenza ta’ Sanzjonijiet];

b.VI

l-Artikolu 452 quater tal-codice Penale [il-Kodiċi Kriminali] (diżastru ambjentali).

3.

It-tielet motiv, ibbażat fuq ksur tar-Regolament Nru 347/2014 tal-Parlament Ewropew u tal-Kunsill tas-17 ta’ April 2013.

—

F’dan ir-rigward, huwa enfasizzat li fil-fatt ma saret ebda analiżi xierqa tal-ispejjeż u l-benefiċċji.

(1)  Konvenzjoni dwar l-aċċess għall-informazzjoni, il-parteċipazzjoni pubblika fit-teħid ta’ deċiżjonijiet u l-aċċess għall- ġustizzja fi kwistjonijiet ambjentali (ĠU 2006, L 164M, p. 17).

(2)  Regolament (KE) Nru 1367/2006 tal-Parlament Ewropew u tal-Kunsill tas-6 ta’ Settembru 2006 dwar l-applikazzjoni għall-istituzzjonijiet u l-korpi tal-Komunità tad-disposizzjonijiet tal-Konvenzjoni ta’ Aarhus dwar l-Aċċess għall-Informazzjoni, il-Parteċipazzjoni tal-Pubbliku fit-Teħid ta’ Deċiżjonijiet u l-Aċċess għall-Ġustizzja fi Kwistjonijiet Ambjentali (ĠU 2006, L 264, p. 13).

(3)  Regolament (UE) Nru 347/2013 tal-Parlament Ewropew u tal-Kunsill tas-17 ta’ April 2013 dwar linji gwida għall-infrastruttura tal-enerġija trans-Ewropea u li jħassar id-Deċiżjoni Nru 1364/2006/KE u li jemenda r-Regolamenti (KE) Nru 713/2009, (KE) Nru 714/2009 u (KE) Nru 715/2009 (ĠU 2013, L 115, p. 39).

(4)  Direttiva 2011/92/UE tal-Parlament Ewropew u tal-Kunsill tat-13 ta’ Diċembru 2011 dwar l-istima tal-effetti ta’ ċerti proġetti pubbliċi u privati fuq l-ambjent (ĠU 2012, L 26, p. 1).

(5)  Direttiva 2009/147/CE tal-Parlament Ewropew u tal-Kunsill tat-30 ta’ Novembru 2009 dwar il-konservazzjoni tal-għasafar selvaġġi (ĠU 2010, L 20, p. 7).

Top