This document is an excerpt from the EUR-Lex website
Document 62021TN0019
Case T-19/21: Action brought on 19 January 2021 — Amazon.com and Others v Commission
Kawża T-19/21: Rikors ippreżentat fid-19 ta’ Jannar 2021 – Amazon.com et vs Il-Kummissjoni
Kawża T-19/21: Rikors ippreżentat fid-19 ta’ Jannar 2021 – Amazon.com et vs Il-Kummissjoni
ĠU C 72, 1.3.2021, p. 34–35
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
1.3.2021 |
MT |
Il-Ġurnal Uffiċjali tal-Unjoni Ewropea |
C 72/34 |
Rikors ippreżentat fid-19 ta’ Jannar 2021 – Amazon.com et vs Il-Kummissjoni
(Kawża T-19/21)
(2021/C 72/46)
Lingwa tal-kawża: l-Ingliż
Partijiet
Rikorrenti: Amazon.com, Inc. (Wilmington, Delaware, l-Istati Uniti), Amazon Services Europe Sàrl (Lussemburgu, il-Lussemburgu), Amazon EU Sàrl (il-Lussemburgu), Amazon Europe Core Sàrl (il-Lussemburgu) (rappreżentanti: A. Komninos u G. Tantulli, avukati)
Konvenuta: Il-Kummissjoni Ewropea
Talbiet
Ir-rikorrenti jitolbu li l-Qorti Ġenerali jogħġobha:
— |
tannulla parzjalment id-Deċiżjoni tal-Kummissjoni Ewropea C(2020) 7692 final tal-10 ta’ Novembru 2020 għal dik il-parti li teskludi lill-Italja mill-ambitu tal-investigazzjoni u mill-konsegwenzi legali tal-Artikolu 11(6) tar-Regolament 1/2003; |
— |
tordna lill-Kummissjoni tbati l-ispejjeż tar-rikorrenti marbuta ma’ dawn il-proċeduri. |
Motiv u argumenti prinċipali
Insostenn tar-rikors tagħhom, ir-rikorrenti jinvokaw motiv uniku li abbażi tiegħu d-deċiżjoni kkontestata neħħiet illegalment lill-Italja mill-ambitu tal-Każ AT.40703 u eskludiet lill-Italja mill-konsegwenzi legali tal-Artikolu 11(6) tar-Regolament 1/2003. B’dan il-mod, id-deċiżjoni kkontestata kisret l-Artikolu 11(6) tar-Regolament 1/2003 u ppreġudikat l-effettività tiegħu u/jew injorat l-Artikolu 11(6) tar-Regolament 1/2003 u nnegat l-iskop tal-eżistenza tiegħu.