This document is an excerpt from the EUR-Lex website
Document 62020TN0312
Case T-312/20: Action brought on 27 May 2020 — EVH v Commission
Kawża T-312/20: Rikors ippreżentat fis-27 ta’ Mejju 2020 – EVH vs Il-Kummissjoni
Kawża T-312/20: Rikors ippreżentat fis-27 ta’ Mejju 2020 – EVH vs Il-Kummissjoni
ĠU C 247, 27.7.2020, p. 35–36
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
27.7.2020 |
MT |
Il-Ġurnal Uffiċjali tal-Unjoni Ewropea |
C 247/35 |
Rikors ippreżentat fis-27 ta’ Mejju 2020 – EVH vs Il-Kummissjoni
(Kawża T-312/20)
(2020/C 247/47)
Lingwa tal-kawża: il-Ġermaniż
Partijiet
Rikorrenti: EVH GmbH (Halle [Saale], il-Ġermanja) (rappreżentanti: I. Zenke u T. Heymann, avukati)
Konvenuta: Il-Kummissjoni Ewropea
Talbiet
Ir-rikorrenti titlob li l-Qorti Ġenerali jogħġobha:
— |
tannulla d-deċiżjoni tal-konvenuta tas-26 ta’ Frar 2019, li tiddikjara kompatibbli mas-suq intern il-konċentrazzjoni “RWE/E.ON Assets”, Każ M.8871 (ĠU 2020, C 111, p. 1); |
— |
tikkundanna lill-konvenuta għall-ispejjeż tal-proċedura. |
Motivi u argumenti prinċipali
Insostenn tar-rikors tagħha, ir-rikorrenti tinvoka l-motivi li ġejjin.
1. |
L-ewwel motiv ibbażat fuq il-fatt li d-deċiżjoni ta’ awtorizzazzjoni fiha difett formali.
|
2. |
It-tieni motiv ibbażat fuq il-fatt li l-konvenuta ma vverifikatx biżżejjed il-fatti u, li kieku dawn ġew ivverifikati b’mod xieraq, kien ikollha tagħti bidu għat-tieni fażi tal-proċedura.
|
3. |
It-tielet motiv ibbażat fuq il-fatt li l-konvenuta – anki minħabba l-investigazzjonijiet mhux xierqa tagħha – wettqet żball manifest ta’ evalwazzjoni meta qieset li l-fużjoni kienet kompatibbli mal-kompetizzjoni.
|