This document is an excerpt from the EUR-Lex website
Document 62020TN0251
Case T-251/20: Action brought on 4 May 2020 — KG v Parliament
Kawża T-251/20: Rikors ippreżentat fl-4 ta’ Mejju 2020 – KG vs Il-Parlament
Kawża T-251/20: Rikors ippreżentat fl-4 ta’ Mejju 2020 – KG vs Il-Parlament
ĠU C 247, 27.7.2020, p. 17–18
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
27.7.2020 |
MT |
Il-Ġurnal Uffiċjali tal-Unjoni Ewropea |
C 247/17 |
Rikors ippreżentat fl-4 ta’ Mejju 2020 – KG vs Il-Parlament
(Kawża T-251/20)
(2020/C 247/26)
Lingwa tal-kawża: l-Ingliż
Partijiet
Rikorrent: KG (rappreżentanti: S. Rodrigues u A. Champetier, avukati)
Konvenut: Il-Parlament Ewropew
Talbiet
Ir-rikorrent jitlob li l-Qorti Ġenerali jogħġobha:
— |
tannulla d-deċiżjoni tal-Parlament tal-4 ta’ Frar 2020 li tiċħad l-ilment tiegħu tad-29 ta’ Novembru 2019; |
— |
tannulla, jekk ikun il-każ, id-deċiżjoni tal-Parlament tat-30 ta’ Awwissu 2019 li tiċħad it-talba inizjali magħmula mir-rikorrent fl-4 ta’ April 2019; |
— |
tordna lill-konvenut jikkumpensa lir-rikorrent d-dannu morali stmat, ex aequo et bono, għal EUR 5 000; |
— |
tikkundanna lill-konvenut jirrimborsa l-ispejjeż legali kollha, inklużi l-ispejjeż tal-konsulent legali tar-rikorrent. |
Motivi u argumenti prinċipali
Insostenn tar-rikors tiegħu, ir-rikorrent jinvoka tliet motivi.
1. |
L-ewwel motiv huwa bbażat fuq interpretazzjoni żbaljata tal-Artikolu 20(3) tal-Anness XIII tar-Regolamenti tal-Persunal u fuq ksur tal-prinċipju tal-kontinwità tas-servizz. |
2. |
It-tieni motiv huwa bbażat fuq ksur tal-prinċipji ta’ aspettattivi leġittimi u ta’ drittijiet miksuba. |
3. |
It-tielet motiv huwa ibbażat fuq ksur tad-dritt għal amministrazzjoni tajba u tal-obbligu ta’ premura. |