Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62019TN0318

Kawża T-318/19: Rikors ippreżentat fit-23 ta’ Mejju 2019 — Thunus et vs BEI

ĠU C 246, 22.7.2019, p. 36–37 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

22.7.2019   

MT

Il-Ġurnal Uffiċjali tal-Unjoni Ewropea

C 246/36

Rikors ippreżentat fit-23 ta’ Mejju 2019 — Thunus et vs BEI

(Kawża T-318/19)

(2019/C 246/38)

Lingwa tal-kawża: il-Franċiż

Partijiet

Rikorrenti: Vincent Thunus (Contern, il-Lussemburgu) u 7 rikorrenti oħra (rappreżentant: L. Levi, avukat)

Konvenut: Il-Bank Ewropew tal-Investiment

Talbiet

Ir-rikorrenti jitolbu li l-Qorti Ġenerali jogħġobha:

—

tiddikjara dan ir-rikors ammissibbli u fondat, inkluża l-eċċezzjoni ta’ illegalità inkluża fih;

—

konsegwentement,

—

tannulla d-deċiżjoni li tinsab fir-rendikonti tas-salarju tar-rikorrenti għax-xahar ta’ Frar 2019, deċiżjoni li tiffissa l-aġġustament annwali tas-salarju bażiku limitat għal 0.8 % għas-sena 2019 u, għaldaqstant, l-annullament tad-deċiżjonijiet simili li jinsabu fir-rendikonti tas-salarju sussegwenti;

—

għaldaqstant, tikkundanna lill-konvenut

—

għall-ħlas, bħala kumpens għad-dannu materjali (i) tal-bilanċ tas-salarju li jikkorrispondi għall-applikazzjoni tal-aġġustament annwali għal-2019, jiġifieri żieda ta’ 1.2 % għall-perijodu mill-1 ta’ Jannar 2019 sal-31 ta’ Diċembru 2019; (ii) tal-bilanċ tas-salarju li jikkorrispondi għall-konsegwenzi tal-applikazzjoni tal-aġġustament annwali ta’ 0.8% għall-2019 fuq l-ammont tas-salarji li ser jitħallsu sa minn Jannar 2019; (iii) ta’ interessi moratorji fuq il-bilanċi tas-salarji dovuti sal-ħlas totali tas-somom dovuti, fejn ir-rata ta’ interessi moratorji li għandha tiġi applikata għandha tiġi kkalkolata abbażi tar-rata ffissata mill-Bank Ċentrali Ewropew għall-operazzjonijiet prinċipali ta’ finanzjament mill-ġdid, applikabbli matul il-perijodu kkonċernat, miżjuda bi tliet punti;

—

jekk ikun il-każ, fil-każ li huwa ma jipproduċihomx b’mod volontarju, tordna lill-konvenut bħala miżuri ta’ organizzazzjoni tal-proċedura sabiex jipproduċi d-dokumenti li ġejjin:

—

id-deċiżjoni tal-Bord tad-Diretturi tal-BEI tat-18 ta’ Lulju 2017 (CA/505/17);

—

ir-rapport tas-Sottokumitat għar-Remunerazjoni tal-Bord tad-Diretturi ta’ Diċembru 2018;

—

id-deċiżjoni tal-Bord tad-Diretturi tal-11 ta’ Diċembru 2018 (Annex 3 to PV/19/01);

—

id-deċiżjoni tal-Kumitat ta’ Tmexxija tat-30 ta’ Jannar 2019 (MC-018-ADM-20190130);

—

in-nota tad-Direttorat tal-Persunal tat-18 ta’ Jannar 2019 (CS-PERS/HRPLC/DIR/2019-001/ABGS);

—

tikkundanna lill-konvenut għall-ispejjeż kollha.

Motivi u argumenti prinċipali

Insostenn tar-rikors, ir-rikorrenti jinvokaw rispettivament, minn naħa, fir-rigward tad-deċiżjoni tal-Bord tad-Diretturi tat-18 ta’ Lulju 2017, żewġ motivi u, min-naħa l-oħra, fir-rigward tad-deċiżjoni tal-Kumitat ta’ Tmexxija ta’ Diċembru 2018 u ta’ Jannar 2019, erba’ motivi.

Fir-rigward tad-deċiżjoni tal-Bord tad-Diretturi tat-18 ta’ Lulju 2017:

1.

L-ewwel motiv, ibbażat fuq il-ksur tal-prinċipju ta’ ċertezza legali.

2.

It-tieni motiv, ibbażat fuq il-ksur tal-aspettattivi leġittimi u tad-drittijiet kweżiti.

Fir-rigward tad-deċiżjoni tal-Kumitat ta’ Tmexxija ta’ Diċembru 2018 u ta’ Jannar 2019:

1.

L-ewwel motiv, ibbażat fuq in-nuqqas ta’ kompetenza tal-awtur tal-att ikkontestat u l-ksur tal-Artikolu 18 tar-Regolamenti tal-Persunal.

2.

It-tieni motiv, ibbażat fuq il-ksur tal-garanziji proċedurali tal-Artikolu 41 tal-Karta tad-Drittijiet Fundamentali tal-Unjoni Ewropea.

3.

It-tielet motiv, ibbażat fuq il-ksur tad-dritt għal konsultazzjoni tal-Kulleġġ.

4.

Ir-raba’ motiv, ibbażat fuq il-ksur tal-prinċipju ta’ proporzjonalità.

F’dak li jirrigwarda t-talba għad-danni, ir-rikorrenti jitolbu l-ħlas tad-differenza fir-remunerazzjoni dovuta jiġifieri 1.2 % mill-1 ta’ Jannar 2019 (inkluż l-impatt ta’ din iż-żieda fuq il-benefiċċji pekunarji) miżjud b’interessi moratorji.
Top