This document is an excerpt from the EUR-Lex website
Document 62019CN0688
Case C-688/19 P: Appeal brought on 18 September 2019 by the Federal Republic of Germany against the judgment of the General Court (First Chamber) delivered on 9 July 2019 in Case T-53/18, Federal Republic of Germany v European Commission
Kawża C-688/19 P: Appell ippreżentat fit-18 ta’ Settembru 2019 mir-Repubblika Federali tal-Ġermanja mis-sentenza mogħtija mill-Qorti Ġenerali (L-Ewwel Awla) fid-9 ta’ Lulju 2019 fil-Kawża T-53/18 – Ir-Repubblika Federali tal-Ġermanja vs Il-Kummissjoni Ewropea
Kawża C-688/19 P: Appell ippreżentat fit-18 ta’ Settembru 2019 mir-Repubblika Federali tal-Ġermanja mis-sentenza mogħtija mill-Qorti Ġenerali (L-Ewwel Awla) fid-9 ta’ Lulju 2019 fil-Kawża T-53/18 – Ir-Repubblika Federali tal-Ġermanja vs Il-Kummissjoni Ewropea
ĠU C 372, 4.11.2019, p. 28–29
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
4.11.2019 |
MT |
Il-Ġurnal Uffiċjali tal-Unjoni Ewropea |
C 372/28 |
Appell ippreżentat fit-18 ta’ Settembru 2019 mir-Repubblika Federali tal-Ġermanja mis-sentenza mogħtija mill-Qorti Ġenerali (L-Ewwel Awla) fid-9 ta’ Lulju 2019 fil-Kawża T-53/18 – Ir-Repubblika Federali tal-Ġermanja vs Il-Kummissjoni Ewropea
(Kawża C-688/19 P)
(2019/C 372/30)
Lingwa tal-kawża: il-Ġermaniż
Partijiet
Appellanti: Ir-Repubblika Federali tal-Ġermanja (rappreżentanti: J. Möller u R. Kanitz, aġenti, assistiti minn M. Winkelmüller, F. van Schewick u M. Kottmann, Rechtsanwälte)
Parti oħra fil-proċedura: Il-Kummissjoni Ewropea
Talbiet
L-appellanti titlob li l-Qorti tal-Ġustizzja jogħġobha:
|
— |
tannulla s-sentenza tal-Qorti Ġenerali tal-Unjoni Ewropea tad-9 ta’ Lulju 2019 fil-Kawża T-53/18, Il-Ġermanja vs Il-Kummissjoni, |
|
— |
tannulla d-Deċiżjoni tal-Kummissjoni (UE) 2017/1995 tas-6 ta’ Novembru 2017 dwar iż-żamma f’Il-Ġurnal Uffiċjali tal-Unjoni Ewropea tar-referenza tal-istandard armonizzat EN 13341:2005 + A1:2011 dwar tankijiet statiċi termoplastiċi għall-ħażna ’l fuq mill-art ta’ żjut tat-tisħin domestiċi, pitrolju u fjuwils tad-diżil f’konformità mar-Regolament (UE) Nru 305/2011 tal-Parlament Ewropew u tal-Kunsill (1), |
|
— |
tannulla d-Deċiżjoni tal-Kummissjoni (UE) 2017/1996 tas-6 ta’ Novembru 2017 dwar iż-żamma f’Il-Ġurnal Uffiċjali tal-Unjoni Ewropea tar-referenza tal-istandard armonizzat EN 12285-2:2005 dwar tankijiet tal-azzar maħdumin fil-ħanut tax-xogħol skont ir-Regolament (UE) Nru 305/2011 tal-Parlament Ewropew u tal-Kunsill (2), |
|
— |
sussidjarjament, fir-rigward rispettivament ta’ (2) u (3), tibgħat il-kawża lura quddiem il-Qorti Ġenerali, |
|
— |
tikkundanna lill-Kummissjoni għall-ispejjeż. |
Aggravji u argumenti prinċipali
Insostenn tal-appell tagħha, l-appellanti tinvoka żewġ aggravji.
|
|
L-ewwel nett, is-sentenza appellata tikser l-Artikolu 18(2) flimkien mal-Artikolu 17(5) tar-Regolament Nru 305/2011 (3). Il-Qorti Ġenerali ma ħaditx inkunsiderazzjoni l-fatt li, permezz ta’ dawn id-dispożizzjonijiet, il-Kummissjoni kienet kemm awtorizzata kif ukoll meħtieġa li tadotta waħda mill-miżuri proposti mir-Repubblika Federali tal-Ġermanja. |
|
|
It-tieni nett, is-sentenza appellata tikser l-Artikolu 18(2) flimkien mal-Artikolu 3(1) u (2) u l-Artikolu 17(3) tar-Regolament Nru 305/2011. Il-Qorti Ġenerali ma ħaditx inkunsiderazzjoni l-fatt li dawn id-dispożizzjonijiet kienu jobbligaw lill-Kummissjoni teżamina jekk l-istandards inkwistjoni kinux jippreġudikaw il-konformità mar-rekwiżiti bażiċi għal xogħlijiet ta’ kostruzzjoni. |
(3) Regolament (UE) Nru 305/2011 tal-Parlament Ewropew u tal-Kunsill tad-9 ta’ Marzu 2011 li jistabbilixxi kondizzjonijiet armonizzati għall-kumerċjalizzazzjoni tal-prodotti għall-bini u li jħassar id-Direttiva tal-Kunsill 89/106/KEE (ĠU 2011, L 88, p. 5)