—

tannulla s-sentenza tal-Qorti Ġenerali tas-26 ta’ Ġunju fil-Kawża T-617/17;

—

tordna lill-Kummissjoni tbati l-ispejjeż.

1.

Is-sentenza appellata hija vvizzjata minn distorsjoni tal-fatti u żball ta’ liġi fir-rigward tal-ksur tal-Artikolu 7(1) tar-Regolament Nru 2185/96 (1). Il-Qorti Ġenerali naqset milli tieħu inkunsiderazzjoni l-fatt li s-suġġett reali tal-kawża għad-danni kienet il-kwistjoni jekk OLAF kienx kiser l-Artikolu 7(1) tar-Regolament Nru 2185/96 meta talab lill-appellanti biex tippermettilu jiġbor data li ma kienet b’ebda mod relatata mal-investigazzjoni tiegħu. Il-Qorti Ġenerali lanqas ma ħadet inkunsiderazzjoni l-fatt li l-appellanti effettivament awtorizzat lill-OLAF jinvestiga l-kategoriji kollha ta’ data li kien talab.

2.

Is-sentenza appellata hija vvizzjata minn żball ta’ liġi u minn nuqqas ta’ motivazzjoni fir-rigward tal-ksur tal-prinċipju ta’ protezzjoni tal-aspettattivi leġittimi. Il-Qorti Ġenerali ma kkjarifikatx liema mit-tliet kundizzjonijiet stabbiliti fil-ġurisprudenza dwar il-protezzjoni tal-aspettattivi leġittimi ma humiex sodisfatti f’dan il-każ.

3.

Is-sentenza appellata hija vvizjata minn distorsjoni tal-fatti u minn żball ta’ liġi fir-rigward tal-ksur tad-dritt għal smigħ. Il-Qorti Ġenerali naqset milli tieħu inkunsiderazzjoni l-fatt li l-Kummissjoni adottat pożizzjoni li hija vinkolanti fuq l-awtorità kontraenti, li tista’ tirriżulta f’att li jikkawża preġudizzju lill-appellanti, mingħajr ma l-appellanti tkun instemgħat.