EUR-Lex Access to European Union law
This document is an excerpt from the EUR-Lex website
Document 62018CN0731
Case C-731/18 P: Appeal brought on 23 November 2018 by Bank for Development and Foreign Economic Affairs (Vnesheconombank) against the judgment of the General Court (Sixth Chamber) delivered on 13 September 2018 in Case T-737/14 Vnesheconombank (VEB) v Council
Kawża C-731/18 P: Appell ippreżentat fit-23 ta’ Novembru 2018 mill-Bank for Development and Foreign Economic Affairs (Vnesheconombank) mis-sentenza mogħtija mill-Qorti Ġenerali (Is-Sitt Awla) fit-13 ta’ Settembru 2018 fil-Kawża T-737/14, Vnesheconombank (VEB) vs Il-Kunsill
Kawża C-731/18 P: Appell ippreżentat fit-23 ta’ Novembru 2018 mill-Bank for Development and Foreign Economic Affairs (Vnesheconombank) mis-sentenza mogħtija mill-Qorti Ġenerali (Is-Sitt Awla) fit-13 ta’ Settembru 2018 fil-Kawża T-737/14, Vnesheconombank (VEB) vs Il-Kunsill
ĠU C 65, 18.2.2019, p. 25–26
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
18.2.2019 |
MT |
Il-Ġurnal Uffiċjali tal-Unjoni Ewropea |
C 65/25 |
Appell ippreżentat fit-23 ta’ Novembru 2018 mill-Bank for Development and Foreign Economic Affairs (Vnesheconombank) mis-sentenza mogħtija mill-Qorti Ġenerali (Is-Sitt Awla) fit-13 ta’ Settembru 2018 fil-Kawża T-737/14, Vnesheconombank (VEB) vs Il-Kunsill
(Kawża C-731/18 P)
(2019/C 65/33)
Lingwa tal-kawża: l-Ispanjol
Partijiet
Appellant: Bank for Development and Foreign Economic Affairs (Vnesheconombank) (rappreżentanti: J. Viñals Camallonga u J. Iriarte Angel, avukati)
Partijiet oħra fil-proċedura: Il-Kunsill tal-Unjoni Ewropea, Il-Kummissjoni Ewropea
Talbiet
L-appellant jitlob li l-Qorti tal-Ġustizzja jogħġobha:
— |
tannulla s-sentenza tal-Qorti Ġenerali (Is-Sitt Awla) tat-13 ta’ Settembru 2018, Vnesheconombank vs Il-Kunsill (T-737/14, mhux ippubblikat, EU:T:2018:543); |
— |
tiddeċiedi definittivament il-kawża billi tilqa’ t-talbiet tal-appellant magħmula fl-ewwel istanza, jiġifieri tannulla l-Artikolu 1 tad-Deċiżjoni 2014/512/PESK (1), tal-31 ta’ Lulju 2014, l-Artikolu 5 tar-Regolament (UE) Nru 833/2014 (2), tal-31 ta’ Lulju 2014, l-Artikolu 1 il-ġdid skont id-Deċiżjoni 2014/659/PESK (3), tat-8 ta’ Settembru 2014, u l-Artikolu 5 l-ġdid skont ir-Regolament (UE) Nru 960/2014 (4), tat-8 ta’ Settembru 2014, f’dak li jikkonċerna lil VEB, u tħassar ismu mill-annessi tad-dispożizzjonijiet iċċitati meta huwa msemmi fihom; |
— |
tikkundanna lill-Kunsill għall-ispejjeż sostnuti fil-kuntest taż-żewġ istanzi. |
Aggravji u argumenti prinċipali
Insostenn tal-appell tiegħu, l-appellant jinvoka erba’ aggravji:
1. |
Żball ta’ liġi bbażat fuq li l-Qorti Ġenerali sostniet b’mod żbaljat li l-Kunsill osserva l-obbligu ta’ motivazzjoni tiegħu; |
2. |
Żball ta’ liġi bbażat fuq li l-Qorti Ġenerali sostniet b’mod żbaljat li ma hemmx żball manifest ta’ evalwazzjoni tal-fatti li huma bbażati fuqhom id-dispożizzjonijiet rilevanti tal-atti kkontestati. Barra minn hekk, dan jikkostitwixxi użu ħażin ta’ poter; |
3. |
Żball ta’ liġi bbażat fuq li l-Qorti Ġenerali sostniet b’mod żbaljat li d-dritt għal-protezzjoni ġudizzjarja effettiva ġie rrispettat; |
4. |
Żball ta’ liġi bbażat fuq li l-Qorti Ġenerali sostniet b’mod żbaljat li d-dritt ta’ proprjetà ta’ VEB ġie rrispettat. Barra minn hekk, dan jikkostitwixxi ksur tal-prinċipju ta’ ugwaljanza. |
(1) Deċiżjoni tal-Kunsill 2014/512/PESK tal-31 ta’ Lulju 2014 dwar miżuri restrittivi fid-dawl tal-azzjonijiet tar-Russja li jiddestabbilizzaw is-sitwazzjoni fl-Ukraina (ĠU 2014, L 229, p. 13).
(2) Regolament tal-Kunsill (UE) Nru 833/2014 tal-31 ta’ Lulju 2014 dwar miżuri restrittivi fid-dawl tal-azzjonijiet tar-Russja li jiddestabbilizzaw is-sitwazzjoni fl-Ukraina (ĠU 2014, L 229, p. 1).
(3) Deċiżjoni tal-Kunsill 2014/659/PESK tat-8 ta’ Settembru 2014 li temenda d-Deċiżjoni 2014/512/PESK dwar miżuri restrittivi fid-dawl tal-azzjonijiet tar-Russja li jiddestabbilizzaw is-sitwazzjoni fl-Ukraina (ĠU 2014, L 271, p. 54).
(4) Regolament tal-Kunsill (UE) Nru 960/2014 tat-8 ta’ Settembru 2014 li jemenda r-Regolament (UE) Nru 833/2014 dwar miżuri restrittivi fid-dawl tal-azzjonijiet tar-Russja li jiddestabbilizzaw is-sitwazzjoni fl-Ukraina (ĠU 2014, L 271, p. 3).