This document is an excerpt from the EUR-Lex website
Document 62018CN0320
Case C-320/18 P: Appeal brought on 14 May 2018 by Crocs, Inc. against the judgment of the General Court (Seventh Chamber) delivered on 14 March 2018 in Case T-651/16: Crocs v EUIPO
Kawża C-320/18 P: Appell ippreżentat fl-14 ta’ Mejju 2018 minn Crocs, Inc. mis-sentenza mogħtija mill-Qorti Ġenerali (Is-Seba’ Awla) fl-14 ta’ Marzu 2018 fil-Kawża T-651/16 – Crocs vs EUIPO
Kawża C-320/18 P: Appell ippreżentat fl-14 ta’ Mejju 2018 minn Crocs, Inc. mis-sentenza mogħtija mill-Qorti Ġenerali (Is-Seba’ Awla) fl-14 ta’ Marzu 2018 fil-Kawża T-651/16 – Crocs vs EUIPO
ĠU C 319, 10.9.2018, p. 12–13
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
10.9.2018 |
MT |
Il-Ġurnal Uffiċjali tal-Unjoni Ewropea |
C 319/12 |
Appell ippreżentat fl-14 ta’ Mejju 2018 minn Crocs, Inc. mis-sentenza mogħtija mill-Qorti Ġenerali (Is-Seba’ Awla) fl-14 ta’ Marzu 2018 fil-Kawża T-651/16 – Crocs vs EUIPO
(Kawża C-320/18 P)
(2018/C 319/15)
Lingwa tal-kawża: l-Ingliż
Partijiet
Appellanti: Crocs, Inc. (rappreżentanti: J. Guise, Solicitor, D. Knight, Solicitor)
Partijiet oħra fil-proċedura: L-Uffiċċju tal-Proprjetà Intellettwali tal-Unjoni Ewropea, Gifi Diffusion
Talbiet
L-appellanti titlob li l-Qorti tal-Ġustizzja jogħġobha:
— |
Tannulla s-sentenza appellata. |
— |
Fil-każ li l-Qorti tal-Ġustizzja tilqa’ l-ewwel aggravju, ir-rikorrenti titlob ukoll li l-Qorti tal-Ġustizzja jogħġobha tannulla d-deċiżjoni tal-Bord tal-Appell u tikkonferma d-deċiżjoni tad-Diviżjoni tal-Kanċellazzjoni. |
— |
Fil-każ li l-Qorti tal-Ġustizzja tilqa’ t-tieni aggravju, ir-rikorrenti titlob li s-sentenza appellata tiġi annullata u li l-Qorti Ġenerali tiġi ordnata tillimita l-eżami tagħha għall-kwistjonijiet ta’ fatt u ta’ liġi indirizzati mid-deċiżjoni tal-Bord tal-Appell. Jekk il-Qorti Ġenerali tikkonkludi li ma tistax tikkonferma d-deċiżjoni tal-Bord tal-Appell meta teżamina l-istanzi ta’ żvelar fuq is-sit tal-internet b’mod iżolat, allura r-rikorrenti titlob li l-kawża tiġi rrinvijata quddiem il-Bord tal-Appell sabiex tiġi eżaminata mill-ġdid il-kwistjoni dwar jekk, fid-dawl tal-provi prodotti, l-istanzi ta’ żvelar ta’ Fort Lauderdale u l-istanzi ta’ żvelar kummerċjali jaqgħux taħt l-eċċezzjoni tal-Artikolu 7 (1). |
— |
Fil-każ li l-Qorti tal-Ġustizzja tilqa’ t-tielet aggravju, ir-rikorrenti titlob li s-sentenza appellata tiġi annullata fir-rigward tal-applikazzjoni tal-Aritkolu 7 u li l-Qorti Ġenerali tiġi ordnata teżamina mill-ġdid il-provi billi tapplika b’mod xieraq il-formulazzjoni tal-Aritkolu 7 kif ukoll il-kriterju ta’ probabbilitajiet. |
— |
Fil-każ li l-Qorti tal-Ġustizzja tilqa’ r-raba’ aggravu, ir-rikorrenti titlob li s-sentenza appellata tiġi annulata u l-kawża tiġi rrinvijata quddiem Awla oħra tal-Qorti Ġenerali għall-finijiet ta’ eżami mill-ġdid. |
— |
Ir-rikorrenti titlob, barra minn hekk, li l-Qorti tal-Ġustizzja tiddeċiedi favoriha dwar l-ispejjeż, skont l-Artikoli 137 u 184 tar-Regoli tal-Proċedura tal-Qorti tal-Ġustizzja. |
Aggravji u argumenti prinċipali
1) |
L-ewwel aggravju – ksur tal-Artikolu 63 tar-RDK Il-Qorti Ġenerali wettqet żball fl-interpretazzjoni u fl-applikazzjoni tal-Aritkolu 63 peress li ma annullatx id-deċiżjoni tal-Bord tal-Appell sa fejn hija aċċettat li jiġu ammessi provi ġodda. |
2) |
It-tieni aggravju – ksur tal-Aritkolu 61 tar-RDK Il-Qorti Ġenerali kisret l-Aritkolu 61 billi fir-realtà ddeċidiet dwar kwistjonijiet ta’ fatt li dwarhom il-Bord tal-Appell ma kienx iddeċieda fid-deċiżjoni tiegħu u li ma kinux jagħmlu parti mis-suġġett tar-appell. Għaldaqstant, il-Qorti Ġenerali eċċediet is-setgħa tagħha ta’ annullament jew ta’ tibdil tad-deċiżjonijiet tal-Bord tal-Appell. |
3) |
It-tielet aggravju – ksur tal-Artikolu 7 tar-RDK Il-Qorti Ġenerali kisret l-Artikolu 7 billi applikat livell ta’ prova żbaljat. Billi għamlet dan il-Qorti Ġenerali ssuġġeriet ukoll li dan il-kriterju jeżiġi provi speċifiċi, minflok ma applikat ir-rekwiżiti legali għall-provi prodotti fil-kuntest tal-proċedura. Fl-aħħar nett, il-Qorti Ġenerali ċaħdet, b’mod żbaljat, l-argument tar-rikorrenti li fattur kwantitattiv jista’ jittieħed inkunsiderazzjoni waqt l-applikazzjoni tal-Aritkolu 7. |
4) |
Ir-raba’ aggravju – kompożizzjoni irregolari tal-Qorti Ġenerali (Is-seba’ Awla) Is-Seba’ Awla tal-Qorti Ġenerali kienet komposta b’mod irregolari. L-Imħallef Kornezov inħatar fl-2016 fil-Qorti Ġenerali wara li kien fit-Tribunal għas-Servizz Pubbliku. Madankollu, minn dak iż-żmien ġie stabbilit li l-ħatra tal-Imħallef Kornezov fit-Tribunal għas-Servizz Pubbliku kienet ivvizzjata minn difett proċedurali. Kieku l-Imħallef Kornezov ma kienx qed jaqdi l-kariga tiegħu fit-Tribunal għas-Servizz Pubbliku fl-2016, il-ħatra tiegħu fil-Qorti Ġenerali ma kinitx tkun possibbli qabel l-2019. Għaldaqstant, jidher li l-ħatra tiegħu fil-Qorti Ġenerali hija vvizzjata b’difett proċedurali. Konsegwentement, is-sentenza appellata għandha tiġi annullata u l-kawża għandha tiġi rrinvijata quddiem awla oħra tal-Qorti Ġenerali. |
(1) Artikolu 7 tar-Regolament tal-Kunsill (KE) Nruo6/2002, tat-12 ta’ Diċembru 2001, dwar id-disinji Komunitarji (ĠU Edizzjoni Speċjali bil-Malti, Kapitolu 13, Vol. 27, p. 142, iktar ’il quddiem ir-“RDK”).