Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62017TN0443

Kawża T-443/17: Rikors ippreżentat fl-14 ta’ Lulju 2017 – António Conde & Companhia vs Il-Kumissjoni

ĠU C 293, 4.9.2017, p. 39–40 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

4.9.2017   

MT

Il-Ġurnal Uffiċjali tal-Unjoni Ewropea

C 293/39

Rikors ippreżentat fl-14 ta’ Lulju 2017 – António Conde & Companhia vs Il-Kumissjoni

(Kawża T-443/17)

(2017/C 293/49)

Lingwa tal-kawża: l-Ingliż

Partijiet

Rikorrenti: António Conde & Companhia, SA (Gafanha de Nazaré, il-Portugall) (rappreżentant: J. García-Gallardo Gil-Fournier, avukat)

Konvenuta: Il-Kumissjoni Ewropea

Talbiet

—

tannulla d-deċiżjoni tal-Kummissjoni li tirrifjuta li tgħaddi minnufih lis-Segretarju tal-Kummissjoni tas-Sajd fl-Atlantiku tal-Grigal l-ismijiet tal-bastimenti b’liċenzja Portugiża SANTA ISABEL u CALVÃO, li sa mill-1 ta’ Lulju 2017 qed tippreveniha milli topera fiż-żoni tas-sajd fl-Atlantiku tal-Grigal, sabiex tistad għar-redfish u għall-gambli, u dan bi ksur tal-Artikolu 5(1) tar-Regolament Nru 1236/2010 (1);

—

tikkundanna lill-Kummissjoni għall-ispejjeż.

Motivi u argumenti prinċipali

Insostenn tar-rikors tagħha, ir-rikorrenti tinvoka motiv wieħed ibbażat fuq il-fatt li l-konvenuta kisret l-Artikolu 5(1) tar-Regolament Nru 1236/2010 billi interferiet fil-proċess ta’ abbozzar jew ta’ komunikazzjoni tal-lista ta’ bastimenti mfassla mill-Portugall għat-trażmissjoni lis-Segretarju tal-Kummissjoni tas-Sajd fl-Atlantiku tal-Grigal. Il-konvenuta ma hijiex intitolata tikkummenta fuq, temenda, tagħmel rakkomandazzjonijiet rigward, tevalwa, tiċħad, tħejji jew tagħmel pressjoni fuq l-Istati Membri fir-rigward ta’ dawn il-listi.

(1)  Regolament (UE) Nru 1236/2010 tal-Parlament Ewropew u tal-Kunsill, tal-15 ta’ Diċembru 2010, li jistabbilixxi skema ta’ kontroll u infurzar applikabbli fiż-żona koperta mill-Konvenzjoni dwar il-Koperazzjoni Multilaterali fil-Ġejjieni dwar is-Sajd fl-Atlantiku tal-Grigal u li jħassar ir-Regolament tal-Kunsill (KE) Nru 2791/1999 (ĠU 2010, L 348, p. 17).

Top