EUR-Lex Access to European Union law
This document is an excerpt from the EUR-Lex website
Document 62017TN0320
Case T-320/17: Action brought on 25 May 2017 — European Dynamics Luxembourg and Evropaïki Dynamiki v EIF
Kawża T-320/17: Rikors ippreżentat fil-25 ta’ Mejju 2017 – European Dynamics Luxembourg u Evropaïki Dynamiki v EIF
Kawża T-320/17: Rikors ippreżentat fil-25 ta’ Mejju 2017 – European Dynamics Luxembourg u Evropaïki Dynamiki v EIF
ĠU C 256, 7.8.2017, p. 31–32
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
7.8.2017 |
MT |
Il-Ġurnal Uffiċjali tal-Unjoni Ewropea |
C 256/31 |
Rikors ippreżentat fil-25 ta’ Mejju 2017 – European Dynamics Luxembourg u Evropaïki Dynamiki v EIF
(Kawża T-320/17)
(2017/C 256/37)
Lingwa tal-kawża: l-Ingliż
Partijiet
Rikorrenti: European Dynamics Luxembourg SA (Lussemburgu, il-Lussemburgu), Evropaïki Dynamiki – Proigmena Systimata Tilepikoinonion Pliroforikis kai Tilematikis AE (Ateni, il-Greċja) (rappreżentanti: M. Sfyri u C-N. Dede, avukati)
Konvenut: Il-Fond Ewropew tal-Investiment (FEI)
Talbiet
— |
tannulla d-deċiżjoni tal-għoti tal-konvenut li ġie irrilevata lir-rikorrenti fis-16 ta’ Marzu 2017 dwar offerta mressqa mir-rikorrenti fil-kuntest ta’ proċedura ta’ sejħa għal offerti (referenza 2016-MIBO_IPA_PPI-002) li permezz tagħha ġew informati li l-offerta tagħhom ma kinitx ġiet ikklassifikata bħala l-offerta l-iktar ekonomikament vantaġġuża; |
— |
tikkundanna lill-konvenut għall-ħlas ta’ EUR 100 000 (mitt elf ewro) lir-rikorrenti bħala danni eżemplari; u |
— |
tikkundanna lill-konvenut għall-ħlas tal-ispejjeż legali u spejjeż oħra sostnuti mir-rikorrenti inkonnessjoni ma’ dan ir-rikors, anki jekk dan ir-rikors jiġi miċħud. |
Motivi u argumenti prinċipali
Insostenn tar-rikors, ir-rikorrenti jinvokaw motiv wieħed, li huwa bbażat fuq l-allegazzjoni li l-konvenut kiser id-dritt tal-UE dwar il-kuntratti pubbliċi, il-prinċipji ta’ trasparenza u d-dispożizzjonijiet tad-direttivi dwar il-kuntratti pubbliċi, flimkien mal-Gwida Prattika FEI, billi ma kkomunikax lir-rikorrenti il-punteġġi mogħtija f’kull kriterju tal-għoti lill-offerta rebbieħa u analiżi ddettaljat tal-aspetti qawwija u dawk dgħajjfa tal-offerta tagħhom inkonnessjoni ma’ dawk tal-offerta rebbieħa. Ir-rikorrenti jargumentaw li l-konvenut aġixxa bi ksur tal-prinċipju ta’ amministrazzjoni tajba billi kiser id-drittijiet tar-rikorrenti għal rimedju effettiv kontra d-deċiżjoni kkontestata.