21.3.2016   

MT

Il-Ġurnal Uffiċjali tal-Unjoni Ewropea

C 106/44

—

tannulla d-deċiżjoni tal-Kummissjoni Ewropea tad-19 ta’ Novembru 2015, adottata mid-direttur ġenerali tal-kompetizzjoni, marbuta mal-implementazzjoni ta’ miżuri korrettivi mhux-ORM fil-Każ COMP/M.7018 – Telefónica Deutschland/E-Plus (iktar ’il quddiem id-“deċiżjoni ta’ konċentrazzjoni”) li ddikjarat l-ittra ta’ impenn volontarju b’mod konformi mal-impenji definittivi u mad-dritt tal-Unjoni;

—

tordna li l-Kummissjoni teżiġi li Telefónica Deutschland tipproduċi ittra ġdida ta’ impenn volontarju li tkun strettament limitata għall-obbligu li huwa impost fuqha skont il-punt 78 tal-impenji definittivi approvati mid-deċiżjoni ta’ konċentrazzjoni;

—

tikkundanna lill-Kummissjoni għall-ispejjeż tagħha kif ukoll għal dawk tar-rikorrenti, skont l-Artikolu 87 tal-verżjoni kkonsolidata tar-Regoli tal-Proċedura tal-Qorti Ġenerali.

1.

Fil-kuntest tal-ewwel motiv tagħha, ir-rikorrenti ssostni li billi adottat id-deċiżjoni, il-Kummissjoni wettqet żbalji manifesti ta’ liġi peress li la t-Trattati, la r-regolament tal-Unjoni Ewropea dwar il-konċentrazzjonijiet, la d-deċiżjoni ta’ konċentrazzjoni u lanqas l-impenji definittivi ma jippermettu l-klawżola 2.3 tal-ittra ta’ impenn volontarju kif aċċettata mid-deċiżjoni.

2.

Fil-kuntest tal-ewwel motiv tagħha, ir-rikorrenti ssostni li billi adottat id-deċiżjoni tagħha, il-Kummissjoni wettqet abbuż ta’ poter billi ħadet kont ta’ kunsiderazzjonijiet estranji għall-kompetizzjoni, bi ksur tat-Trattati, tar-Regolament dwar il-konċentrazzjonijiet u tad-deċiżjoni ta’ konċentrazzjoni.