This document is an excerpt from the EUR-Lex website
Document 62016CN0208
Case C-208/16 P: Appeal brought on 14 April 2016 by the Federal Republic of Germany against the judgment of the General Court (Ninth Chamber) delivered on 4 February 2016 in Case T-287/11 Heitkamp BauHolding GmbH v European Commission
Kawża C-208/16 P: Appell ippreżentat fl-14 ta’ April 2016 mir-Repubblika Federali tal-Ġermanja mis-sentenza mogħtija mill-Qorti Ġenerali (Id-Disa’ Awla) fl-4 ta’ Frar 2016 fil-Kawża T-287/11, Heitkamp BauHolding GmbH vs Il-Kummissjoni Ewropea
Kawża C-208/16 P: Appell ippreżentat fl-14 ta’ April 2016 mir-Repubblika Federali tal-Ġermanja mis-sentenza mogħtija mill-Qorti Ġenerali (Id-Disa’ Awla) fl-4 ta’ Frar 2016 fil-Kawża T-287/11, Heitkamp BauHolding GmbH vs Il-Kummissjoni Ewropea
ĠU C 211, 13.6.2016, p. 38–39
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
13.6.2016 |
MT |
Il-Ġurnal Uffiċjali tal-Unjoni Ewropea |
C 211/38 |
Appell ippreżentat fl-14 ta’ April 2016 mir-Repubblika Federali tal-Ġermanja mis-sentenza mogħtija mill-Qorti Ġenerali (Id-Disa’ Awla) fl-4 ta’ Frar 2016 fil-Kawża T-287/11, Heitkamp BauHolding GmbH vs Il-Kummissjoni Ewropea
(Kawża C-208/16 P)
(2016/C 211/49)
Lingwa tal-kawża: il-Ġermaniż
Partijiet
Appellanti: Ir-Repubblika Federali tal-Ġermanja (rappreżentanti: T. Henze u R. Kanitz, avukati)
Partijiet oħra fil-proċedura: Heitkamp BauHolding GmbH, Il-Kummissjoni Ewropea
Talbiet
— |
tannulla s-sentenza tal-Qorti tal-Ġustizzja tal-Unjoni Ewropea tal-4 ta’ Frar 2016 fil-Kawża T-287/11, sa fejn din tiċħad ir-rikors bħala infondat, |
— |
tannulla d-Deċiżjoni tal-Kummissjoni C(2011)275 finali, tas-26 ta’ Jannar 2011, fil-każ “Għajnuna mill-Istat C 7/2010 – KStG, Sanierungsklausel [klawżola ta’ ristrutturazzjoni]” skont l-ewwel paragrafu tal-Artikolu 61 tal-Istatut tal-Qorti tal-Ġustizzja, |
— |
tikkundanna lill-Kummissjoni għall-ispejjeż sostnuti quddiem il-Qorti Ġenerali u l-Qorti tal-Ġustizzja. |
Aggravji u argumenti prinċipali
Insostenn tal-appell tagħha, l-appellanti tinvoka aggravju wieħed.
Ksur tal-Artikolu 107(1) TFUE. Il-Qorti tal-Ġustizzja ma qisitx li l-Artikolu 8c(1a) tal-KStG, l-hekk imsejħa klawżola ta’ ristrutturazzjoni, ma huwiex selettiv:
— |
L-hekk imsejħa klawżola ta’ ristrutturazzjoni ma hijiex prima facie selettiva, minħabba li ma hemm l-ebda devjazzjoni mill-għan rilevanti tas-sistema ta’ referenza, u minħabba li hija miżura ġenerali li minnha tista’ tibbenefika kull kumpannija fit-territorju tal-Istat Membru. |
— |
L-hekk imsejħa klawżola ta’ ristrutturazzjoni hija ġġustifikata kemm min-natura u kemm mill-istruttura interna tas-sistema fiskali. Il-klawżola ta’ ristrutturazzjoni hija ġġustifikata l-ewwel nett mill-prinċipju ta’ tassazzjoni skont il-kapaċità kontributtiva, it-tieni nett mill-miżuri kontra l-abbuż, jiġifieri l-prevenzjoni ta’ skemi abbużivi, u t-tielet nett mid-differenzi oġġettivi bejn l-akkwist ta’ azzjonijiet li jikkawża preġudizzju u l-akkwist iġġustifikat ta’ azzjonijiet għall-finijiet ta’ ristrutturazzjoni |