Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62016CN0144

Kawża C-144/16: Talba għal deċiżjoni preliminari mressqa mit-Tribunal Judicial da Comarca de Setúbal (il-Portugall) fl-14 ta’ Marzu 2016 – Município de Palmela vs ASAE – Divisão de Gestão de Contraordenações

ĠU C 211, 13.6.2016, p. 27–28 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

13.6.2016   

MT

Il-Ġurnal Uffiċjali tal-Unjoni Ewropea

C 211/27

Talba għal deċiżjoni preliminari mressqa mit-Tribunal Judicial da Comarca de Setúbal (il-Portugall) fl-14 ta’ Marzu 2016 – Município de Palmela vs ASAE – Divisão de Gestão de Contraordenações

(Kawża C-144/16)

(2016/C 211/35)

Lingwa tal-kawża: il-Portugiż

Qorti tar-rinviju

Tribunal Judicial da Comarca de Setúbal

Partijiet fil-kawża prinċipali

Rikorrenti: Município de Palmela

Konvenuta: ASAE – Divisão de Gestão de Contraordenações

Domandi preliminari

a) –

Peress li d-Digriet-Liġi Nru 379/97, tas-27 ta’ Diċembru [1997], approva r-regolament li jistabbilixxi l-kundizzjonijiet ta’ sigurtà li għandhom jiġu osservati fil-lokalizzazzjoni, fl-implementazzjoni, fil-ħolqien u fl-organizzazzjoni funzjonali tal-ispazji ta’ logħob u ta’ rikreazzjoni, tat-tagħmir relatat u tas-superfiċji ta’ impatt.

b) –

Peress li d-Digriet-Liġi Nru 119/2009, tad-19 ta’ Mejju [2009], emenda d-Digriet-Liġi Nru 379/97, tas-27 ta’ Diċembru [1997], fejn saru emendi fuq ir-redazzjoni ta’ ċerti regoli tekniċi u ġew miżjuda regoli tekniċi oħrajn, u ppubblika mill-ġdid l-imsemmi regolament li minnu jagħmel parti sħiħa.

c) –

Peress li l-ebda waħda mill-imsemmija leġiżlazzjonijiet nazzjonali ma ġiet ikkomunikata lill-Kummissjoni Ewropea fl-ambitu ta’ proċedura ta’ informazzjoni fil-qasam tar-regoli u tar-regolamentazzjoni teknika stabbilita permezz tad-Direttiva 98/34/KE (1) tal-Parlament Ewropew u tal-Kunsill, tat-22 ta’ Ġunju 1998, emendata bid-Direttiva 98/48/KE tal-Parlament Ewropew u tal-Kunsill, tal-20 ta’ Lulju 1998, u trasposta fl-ordinament ġuridiku intern permezz tad-Digriet-Liġi Nru 58/2000, tat-18 ta’ April [2000]:

1)

Il-qorti nazzjonali għandha tiddeċiedi fis-sens li leġiżlazzjoni nazzjonali li tintroduċi regoli tekniċi u li, bi ksur tad-dispożizzjonijiet tad-Direttiva 98/34/KE, ma ġietx innotifikata lill-Kummissjoni Ewropea hija kollha kemm hi mhux applikabbli, jew għandha tillimita d-deċiżjoni dwar nuqqas ta’ applikabbiltà għar-regoli tekniċi ġodda introdotti mil-leġiżlazzjoni nazzjonali? Jew,

2)

Leġiżlazzjoni nazzjonali li tintroduċi regoli tekniċi u li, bi ksur tad-dispożizzjonijiet tad-Direttiva 98/34/KE, ma ġietx innotifikata lill-Kummissjoni Ewropea għandha tiġi ssanzjonata bin-nuqqas ta’ applikabbiltà sħiħa tagħha jew id-deċiżjoni dwar nuqqas ta’ applikabbiltà għandha tillimita lilha nnifisha għar-regoli tekniċi ġodda introdotti mil-leġiżlazzjoni nazzjonali?

3)

Ir-regoli tekniċi kollha li jirriżultaw fl-imsemmi regolament għandhom jitqiesu li ma humiex applikabbli, jew huma biss dawk ir-regoli tekniċi emendati jew introdotti bid-Digriet-Liġi Nru 119/2009, tad-19 ta’ Mejju [2009], li ma humiex applikabbli?

(1)  Direttiva 98/34/KE tal-Parlament Ewropew u tal-Kunsill, tat-22 ta’ Ġunju 1998, li tistabbilixxi proċedura għall-għoti ta’ informazzjoni fil-qasam tal-istandards u tar-Regolamenti Tekniċi (ĠU Edizzjoni Speċjali bil-Malti, Kapitolu 13, Vol. 20, p. 337).

Top