EUR-Lex Access to European Union law
This document is an excerpt from the EUR-Lex website
Document 62016CN0084
Case C-84/16 P: Appeal brought on 12 February 2016 by Continental Reifen Deutschland GmbH against the judgment of the General Court (Seventh Chamber) delivered on 8 December 2015 in Case T-525/14: Compagnie générale des établissements Michelin v European Union Intellectual Property Office
Kawża C-84/16: Appell ippreżentat fit-12 ta’ Frar 2016 minn Continental Reifen Deutschland GmbH mis-sentenza mogħtija mill-Qorti Ġenerali (Is-Seba’ Awla) fit-8 ta’ Diċembru 2015 fil-Kawża T-525/14 – Compagnie générale des établissements Michelin vs L-Uffiċċju tal-Proprjetà Intellettwali tal-Unjoni Ewropea
Kawża C-84/16: Appell ippreżentat fit-12 ta’ Frar 2016 minn Continental Reifen Deutschland GmbH mis-sentenza mogħtija mill-Qorti Ġenerali (Is-Seba’ Awla) fit-8 ta’ Diċembru 2015 fil-Kawża T-525/14 – Compagnie générale des établissements Michelin vs L-Uffiċċju tal-Proprjetà Intellettwali tal-Unjoni Ewropea
ĠU C 211, 13.6.2016, p. 22–23
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
13.6.2016 |
MT |
Il-Ġurnal Uffiċjali tal-Unjoni Ewropea |
C 211/22 |
Appell ippreżentat fit-12 ta’ Frar 2016 minn Continental Reifen Deutschland GmbH mis-sentenza mogħtija mill-Qorti Ġenerali (Is-Seba’ Awla) fit-8 ta’ Diċembru 2015 fil-Kawża T-525/14 – Compagnie générale des établissements Michelin vs L-Uffiċċju tal-Proprjetà Intellettwali tal-Unjoni Ewropea
(Kawża C-84/16)
(2016/C 211/28)
Lingwa tal-kawża: l-Ingliż
Partijiet
Appellanti: Continental Reifen Deutschland GmbH (rappreżentanti: S. O. Gillert, K. Vanden Bossche, B. Köhn-Gerdes, J. Schumacher, avukati)
Partijiet oħra fil-proċedura: L-Uffiċċju tal-Proprjetà Intellettwali tal-Unjoni Ewropea; Compagnie générale des établissements Michelin
Talbiet
|
— |
tannulla fl-intier tagħha s-sentenza tal-Qorti Ġenerali, tat-8 ta’ Diċembru 2015, fil-Kawża T-525/14; |
|
— |
tibgħat lura l-kawża quddiem il-Qorti Ġenerali sabiex teżamina mill-ġdid l-karattru distintiv intrinsiku tas-sinjali kontenzjużi, inklużi l-elementi li jikkostitwixxu dawn is-sinjali, u l-livell ta’ xebh bejn dawn is-sinjali, u |
|
— |
tikkundanna lill-appellata għall-ispejjeż. |
Aggravji u argumenti prinċipali
L-appell huwa bbażat fuq ksur tad-dritt tal-Unjoni mill-Qorti Ġenerali sa fejn hija kisret, fis-sentenza tagħha tat-8 ta’ Diċembru 2015, l-Artikolu 8(1)(b) tar-Regolament Nru 207/2009 (1) dwar it-trade mark tal-Unjoni Ewropea.
Fil-qosor, il-Qorti Ġenerali wettqet żball fl-evalwazzjoni tagħha tal-karattru distintiv tal-applikazzjoni għat-trade mark ikkontestata “
”, inkluż l-elementi “
” u “
” li jikkostitwixxu s-sinjali, u ta’ dak tat-trade mark preċedenti “
”. Barra minn hekk, din l-evalwazzjoni żbaljata tal-Qorti Ġenerali hija bbażata wkoll kemm fuq żnaturament tal-fatti li jikkonċernaw l-għarfien lingwistiku tal-pubbliku rilevanti u kif jifhem is-sens tal-elementi tas-sinjali kontenzjużi kif ukoll fuq żnaturament tal-provi li ġew prodotti minn Michelin fl-Annessi C.1 u C.4, ippreżentati f’din l-istanza bħala l-Anness 6.
Barra minn hekk, il-Qorti Ġenerali ma tatx raġunijiet għaliex ma ħaditx inkunsiderazzjoni ċerti aspetti tas-sinjali kontenzjużi, pereżempju l-elementi figurattivi tagħhom, fl-evalwazzjoni tagħha tax-xebh tagħhom.
Billi bbażat ruħha fuq dawn l-evalwazzjonijiet żbaljati, il-Qorti Ġenerali ddeċidiet b’mod żbaljat li, minħabba x-xebh qawwi jew l-identiċità tal-prodotti indikati, ix-xebh medju bejn it-trade mark li għaliha saret applikazzjoni u t-trade mark Franċiża preċedenti u l-karattru distintiv intrinsiku normali ta’ din it-trade mark preċedenti, kien hemm probabbiltà ta’ konfużjoni fis-sens tal-Artikolu 8(1)(b) tar-Regolament Nru 207/2009.
(1) Regolament tal-Kunsill (KE) Nru 207/2009, tas-26 ta’ Frar 2009, dwar it-trade mark Komunitarja, ĠU 2009, L 78, p. 1.