9.3.2015   

MT

Il-Ġurnal Uffiċjali tal-Unjoni Ewropea

C 81/22

—

tannulla l-Artikolu 1(3) tad-Deċiżjoni tal-Kunsill 2014/659/PESK, tat-8 ta’ Settembru 2014 (1), li jdaħħal l-Artikolu 4a fid-Deċiżjoni tal-Kunsill 2014/512/PESK;

—

tannulla l-Artikolu 1(3) tar-Regolament tal-Kunsill (UE) Nru 960/2014, tat-8 ta’ Settembru 2014 (2), li jdaħħal l-Artikolu 3a fir-Regolament tal-Kunsill Nru 833/2014;

—

tannulla l-Artikolu 1(1) u l-Anness tad-Deċiżjoni tal-Kunsill 2014/659/PESK, sa fejn dawn idaħħlu l-Artikolu 1(2)(b) sa (d), l-Artikolu 1(3) u l-Anness III fid-Deċiżjoni tal-Kunsill 2014/512/PESK, sa fejn dawn id-dispożizzjonijiet jikkonċernaw lir-rikorrenti;

—

tannulla l-Artikolu 1(5), l-Artikolu 1(9), u l-Anness III tar-Regolament tal-Kunsill Nru 960/2014, sa fejn dawn idaħħlu l-Artikolu 5(2)(b) sa (d), l-Artikolu 5(3), u l-Anness VI fir-Regolament Nru 833/2014, sa fejn dawn id-dispożizzjonijiet jikkonċernaw lir-rikorrenti;

—

tannulla l-Artikolu 1(4) tad-Deċiżjoni tal-Kunsill 2014/659/PESK, li jissostitwixxi l-Artikolu 7(1)(a) tad-Deċiżjoni tal-Kunsill 2014/512/PESK, sa fejn din id-dispożizzjoni tikkonċerna lir-rikorrenti;

—

tannulla l-Artikolu 1(5a) tar-Regolament tal-Kunsill Nru 960/2014, li jissostitwixxi l-Artikolu 11(1)(a) tar-Regolament tal-Kunsill Nru 833/2014, sa fejn din id-dispożizzjoni tikkonċerna lir-rikorrenti; u

—

tikkundanna lill-Kunsill għad-danni tar-rikorrenti f’din il-proċedura.

1.

L-ewwel motiv ibbażat fuq il-ksur tal-Artikolu 296 TFUE minħabba nuqqas ta’ motivazzjoni għaliex, b’mod partikolari, la d-Deċiżjoni tal-Kunsill 2014/659/PESK, u lanqas ir-Regolament tal-Kunsill (UE) Nru 960/2014 ma jipprovaw jispjegaw għalfejn il-proġetti petroliferi mhux konvenzjonali tar-rikorrenti huma suġġetti għal miżuri restrittivi mmirati.

2.

It-tieni motiv ibbażat fuq il-fatt li l-Artikolu 215 TFUE ma huwiex bażi legali xierqa għad-dispożizzjonijiet ikkontestati tar-Regolament tal-Kunsill (UE) Nru 960/2014 u li l-Artikolu 29 UE ma huwiex bażi legali xierqa għad-dispożizzjonijiet ikkontestati tad-Deċiżjoni tal-Kunsill 2014/659/PESK.

3.

It-tielet motiv ibbażat fuq il-fatt li d-dispożizzjonijiet ikkontestati jiksru l-ftehim ta’ sħubija u ta’ kooperazzjoni bejn l-Unjoni Ewropea u r-Russja (3).

4.

Ir-raba’ motiv ibbażat fuq ksur tal-prinċipju ta’ proporzjonalità u tad-drittijiet fundamentali. Id-dispożizzjonijiet ikkontestati jikkostitwixxu interferenza sproporzjonata għal-libertà ta’ impriża u għad-dritt ta’ proprjetà tar-rikorrenti. Dawn ma humiex xierqa biex jintlaħaq l-għan tagħhom (u b’hekk lanqas ma huma neċessarji) u, f’kull każ, jimponu piżijiet li jaqbżu b’ħafna l-benefiċċji eventwali kollha.