Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62013TN0409

    Kawża T-409/13: Rikors ippreżentat fit- 2 ta’ Awwissu 2013 — Companhia Previdente e Socitrel vs Il-Kummissjoni

    ĠU C 367, 14.12.2013, p. 30–31 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    14.12.2013   

    MT

    Il-Ġurnal Uffiċjali tal-Unjoni Ewropea

    C 367/30

    Rikors ippreżentat fit-2 ta’ Awwissu 2013 — Companhia Previdente e Socitrel vs Il-Kummissjoni

    (Kawża T-409/13)

    2013/C 367/53

    Lingwa tal-kawża: il-Portugiż

    Partijiet

    Rikorrenti: COMPANHIA PREVIDENTE — Sociedade de Controle de Participações Financeiras, SA (Lisbona, il-Portugall) u SOCITREL — Sociedade Industrial de Trefilaria, SA (Trofa, il-Portugall) (rappreżentanti: D. Proença de Carvalho, J. Caimoto Duarte, F. Proença de Carvalho u T. Luísa Faria, avukati)

    Konvenuta: Il-Kummissjoni Ewropea

    Talbiet

    —

    tiddikjara r-rikors ammissibbli u fondat;

    —

    tannulla d-Deċiżjoni tad-Direttorat Ġenerali għall-Kompetizzjoni tal-Kummissjoni Ewropea D/2013/048425, tal-24 ta’ Mejju 2013, dwar ir-rifjut għal tnaqqis minħabba assenza ta’ kapaċità kontributtiva, tal-multa imposta fuq SOCITREL taħt ksur tal-proċedura skont l-Artikolu 101 TFUE u l-Artikolu 53 tal-Ftehim ŻEE, li ddikjarat ukoll li COMPANY PREVIDENTE hija responsabbli in solidum għall-ħlas ta’ din il-multa;

    —

    tapplika fir-rigward tar-rikorrenti t-tnaqqis tal-multa, minħabba assenza ta’ kapaċità kontributtiva.

    Motivi u argumenti prinċipali

    Insostenn tar-rikors tagħhom, ir-rikorrenti jinvokaw żewġ motivi.

    1.

    L-ewwel motiv ibbażat fuq ksur mill-Kummissjoni Ewropea tal-obbligu ta’ motivazzjoni taħt l-Artikolu 296 TFUE, minħabba li ma ħaditx inkunsiderazzjoni l-provi mressqa mill-grupp COMPANHIA PREVIDENTE dwar l-insolvenza tagħha

    —

    Ir-rikorrenti jallegaw li kien hemm ksur tal-Artikolu 296 TFUE, minħabba li r-rifjut tat-tnaqqis tal-multa minħabba assenza ta’ kapaċità kontributtiva ma kienx sostanzjat b’mod xieraq, peress li ma humiex analizzati speċifikament il-kundizzjonijiet li, skont il-prattika deċiżjonali tal-Kummissjoni Ewropea (b’mod partikolari, skont il-punt 35 tal-Linji Gwida għall-kalkolu tal-multi imposti skont l-Artikolu 23(2)(a) tar-Regolament (KE) Nru 1/2003 (1), iktar ’il quddiem il-“Linji Gwida”), u skont il-ġurisprudenza tal-qrati tal-Unjoni Ewropea dwar l-insolvenza, għandhom ikunu sodisfatti sabiex jingħata tnaqqis tal-multa f’dan il-kuntest, u sa fejn l-argumenti invokati minn COMPANHIA PREVIDENTE matul il-proċedura inkwistjoni quddiem il-Kummissjoni Ewropea ma ġewx indirizzati b’mod xieraq, f’dak li jikkonċerna l-osservanza ta’ dawn il-kundizzjonijiet mill-grupp COMPANHIA PREVIDENTE.

    2.

    It-tieni motiv ibbażat fuq żball ta’ fatt, żball manifest ta’ evalwazzjoni u ksur tal-prinċipju ta’ proporzjonalità, minħabba li l-Kummissjoni ma kinitx naqqset il-multa minħabba assenza ta’ kapaċità kontributtiva tal-grupp COMPANHIA PREVIDENTE

    —

    Ir-rikorrenti jallegaw li kien hemm żball ta’ fatt, żball manifest ta’ evalwazzjoni u ksur tal-prinċipju ta’ proporzjonalità, peress li l-fatti rilevanti kollha ma ġewx ikkunsidrati b’mod xieraq u minħabba li l-provi prodotti minn COMPANHIA PREVIDENTE ma ġewx eżaminati adegwatament matul il-proċedura ta’ reviżjoni tal-multa minħabba assenza ta’ kapaċità kontributtiva, skont l-punt 35 tal-Linji Gwida, u l-multa baqgħet waħda li tmur lil hinn mill-possibbiltajiet finanzjarji attwali tal-grupp COMPANHIA PREVIDENTE.

    Barra minn hekk, ir-rikorrenti jitolbu skont l-Artikolu 261 TFUE, it-tnaqqis, minħabba assenza ta’ kapaċità kontributtiva, tal-multa imposta fuq SOCITREL, li COMPANY PREVIDENTE hija responsabbli in solidum għaliha.

    (1)  ĠU 2006, C 210, p. 2.

    Top