Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62012TN0512

Kawża T-512/12: Rikors ippreżentat fid- 19 ta’ Novembru 2012 — Front Polisario vs Il-Kunsill

ĠU C 55, 23.2.2013, p. 14–15 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

23.2.2013   

MT

Il-Ġurnal Uffiċjali tal-Unjoni Ewropea

C 55/14

Rikors ippreżentat fid-19 ta’ Novembru 2012 — Front Polisario vs Il-Kunsill

(Kawża T-512/12)

2013/C 55/26

Lingwa tal-kawża: il-Franċiż

Partijiet

Rikorrent: Front populaire pour la libération de la saguia-el-hamra et du rio de oro (Front Polisario) (Laâyoune) (rappreżentant: C.-E. Hafiz, avukat)

Konvenut: Il-Kunsill tal-Unjoni Ewropea

Talbiet

—

tannulla l-att ikkontestat, u konsegwentement, l-atti kollha ta’ applikazzjoni.

Motivi u argumenti prinċipali

Ir-rikorrent jinvoka ħames motivi insostenn tar-rikors tiegħu kontra i) id-Deċiżjoni tal-Kunsill, tat-8 ta’ Marzu 2012, dwar il-konklużjoni ta’ Ftehim fil-forma ta’ Skambju ta’ Ittri bejn l-Unjoni Ewropea u r-Renju tal-Marokk li jittratta miżuri reċiproċi ta’ liberalizzazzjoni fuq il-prodotti agrikoli, il-prodotti agrikoli pproċessati, il-ħut u l-prodotti tas-sajd, is-sostituzzjoni tal-Protokolli Nri 1, 2 u 3 u tal-annessi tagħhom u l-emendi għall-Ftehim Ewro-Mediterranju li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, minn naħa, u r-Renju tal-Marokk, min-naħa l-oħra (ĠU L 241, p. 2), kif ukoll ii) ir-Regolament ta’ Implimentazzjoni tal-Kummissjoni (UE) Nru 812/2012, tat-12 ta’ Settembru 2012, li jemenda r-Regolament tal-Kunsill (KE) Nru 747/2001 fir-rigward tal-kwoti tariffarji tal-Unjoni għal ċerti prodotti agrikoli u prodotti agrikoli pproċessati li joriġinaw mill-Marokk (ĠU L 247, p. 7).

Ir-rikorrenti, fil-kwalita’ tiegħu ta’ rappreżentant tal-poplu ta’ Sahrawi, iqis ruħu kkonċernat direttament u individwalment minn dawn l-atti.

(1)

L-ewwel motiv huwa bbażat, minn naħa, fuq ksur tal-prinċipju ta’ motivazzjoni, meta l-motivazzjoni kienet partikolarment neċessarja fid-dawl tal-kuntest ġuridiku u, min-naħa l-oħra, fuq ksur tad-dritt għal smigħ, peress li l-Front Polisario ma ġiex ikkonsultat.

(2)

It-tieni motiv huwa bbażat fuq ksur tad-drittijiet fundamentali protetti mill-Artikolu 67 TFUE, mill-Artikolu 6 TUE u mill-prinċipji stabbiliti mill-ġurisprudenza peress li ġie skartat id-dritt għal awtodeterminazzjoni tal-poplu ta’ Sahrawi u peress li ġiet inkoraġġuta l-politika ta’ annessazzjoni mmexxija mir-Renju tal-Marokk, li skont ir-rikorrent jikkostitwixxi forza ta’ okkupazzjoni. Barra minn hekk, ir-rikorrent isostni li jeżisti ksur tal-prinċipju ta’ koerenza previst fl-Artikolu 7 TFUE minħabba n-nuqqas ta’ osservanza tal-prinċipju ta’ sovranità, kif ukoll ksur tal-valuri li fuqhom hija mibnija l-Unjoni Ewropea u tal-prinċipji li jirregolaw l-azzjoni esterna tagħha bi ksur tal-Artikoli 2 TUE, 3(5) TUE, 21 TUE u 205 TFUE.

(3)

It-tielet motiv huwa bbażat fuq ksur tal-istrumenti ta’ ftehim internazzjonali konklużi mill-Unjoni Ewropea, u partikolarment tal-ftehim ta’ assoċjazzjoni konkluż bejn l-Unjoni Ewropea u r-Renju tal-Marokk, kif ukoll tal-Konvenzjoni tan-Nazzjonijiet Uniti dwar id-dritt tal-baħar.

(4)

Ir-raba’ motiv huwa bbażat fuq ksur ta’ diversi regoli tad-dritt internazzjonali u senjatament tad-dritt għal awtodeterminazzjoni, tal-effett relattiv tat-trattati u tad-dispożizzjonijiet essenzjali tad-dritt umanitarju internazzjonali.

(5)

Il-ħames motiv huwa bbażat fuq l-illegalità tal-atti kkontestati, safejn l-illegalità tal-aġir tal-Unjoni Ewropea skont id-dritt internazzjonali jwassal għall-illegalità ta’ dawn l-atti.
Top