Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62012TN0088

Kawża T-88/12: Rikors ippreżentat fl- 20 ta’ Frar 2012 — Charron Inox u Almet vs Il-Kunsill

ĠU C 109, 14.4.2012, p. 32–33 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

14.4.2012   

MT

Il-Ġurnal Uffiċjali tal-Unjoni Ewropea

C 109/32

Rikors ippreżentat fl-20 ta’ Frar 2012 — Charron Inox u Almet vs Il-Kunsill

(Kawża T-88/12)

2012/C 109/65

Lingwa tal-kawża: il-Franċiż

Partijiet

Rikorrenti: Charron Inox (Marseille, Franza); u Almet (Satolas-et-Bonce, Franza) (rappreżentant: P.-O. Koubi-Flotte, avukat)

Konvenut: Il-Kunsill tal-Unjoni Ewropea

Talbiet tar-rikorrenti

—

prinċipalment tannulla r-Regolament tal-Kunsill (UE) Nru°1331/2011, tal-14 ta’ Diċembru 2011, minħabba li huwa bbażat fuq konstatazzjonijiet ekonomiċi insuffiċjenti;

—

sussidjarament tannulla l-Artikolu 2 tar-Regolament tal-Kunsill (UE) Nru 1331/2011, tal-14 ta’ Diċembru 2011, li jiġbor b’mod definittiv dazju antidumping proviżżorju diġà miġbur sa fejn dan il-ġbir jippreġudika l-prinċipju ta’ aspettattivi leġittimi;

—

iktar sussidjarjament tirrikonoxxi r-responsabbiltà mhux kuntrattwali tal-Unjoni li tivvalida l-applikazzjoni immedjata ta’ ġbir li, jekk jiġi meqjus is-suġġett, kellu jiġi mħabbar lill-operaturi ekonomiċi kkonċernati f’terminu raġonevoli biżżejjed sabiex ikunu jistgħu jantiċipaw b’ċertezza legali suffiċjenti l-għażliet ekonomiċi tagħhom;

—

fi kwalunkwe każ, tordna r-rimbors u/jew il-kumpens tal-kumpanniji rikorrenti skont l-ammonti li ġejjin:

—

dannu għall-kumpannija CHARRON INOX minħabba l-ħlas tad-dazju antidumping inkwistjoni: EUR 89 402,15;

—

dannu soffert mill-kumpannija ALMET — LE METAL CENTRE minħabba l-ħlas tad-dazju antidumping inkwistjoni: EUR 375 493;

—

dannu konġunt soffert mill-kumpanniji CHARRON INOX u ALMET — LE METAL CENTRE minħabba l-ħlas tad-dazju antidumping inkwistjoni: EUR 58 594; iż-żewġ kumpanniji CHARRON INOX u ALMET — LE METAL CENTRE jirregolaw personalment bejniethom it-tqassim ta’ din is-somma;

—

dannu għall-kumpannija CHARRON INOX li nħoloq minħabba l-ħtieġa li tissottometti ruħha għal kundizzjonijiet iktar onerużi għand fornituri Indjani: EUR 57 883,18;

—

dannu għall-kumpannija ALMET — LE METAL CENTRE li nħoloq minħabba l-ħtieġa li tissottometti ruħha għal kundizzjonijiet iktar onerużi għand fornituri Indjani: EUR 66 578,14.

Motivi u argumenti prinċipali

Il-motivi u l-argumenti prinċipali invokati mir-rikorrenti insostenn tar-rikors tagħhom kontra r-Regolament li jimponi dazju definittiv antidumping u li jiġbor b’mod definittiv id-dazju provviżorju impost fuq l-importazzjonijiet ta’ pajpijiet u tubi mingħajr saldaturi tal-azzar li ma jissaddadx, li joriġinaw mir-Repubblika tal-Poplu taċ-Ċina (1) huma essenzjalment identiċi jew simili għal dawk invokati fil-kuntest tal-Kawża T 445/11, Charron Inox u Almet vs Il-Kummissjoni (2), fir-rigward tar-Regolament li jistitwixxi dazju antidumping provviżorju fuq dawn l-importazzjonijiet (3).

(1)  Regolament ta’ Implimentazzjoni tal-Kunsill (UE) Nru 1331/2011, tal-14 ta’ Diċembru 2011, li jimponi dazju definittiv anti-dumping u li jiġbor b’mod definittiv id-dazju provviżorju impost fuq l-importazzjonijiet ta’ pajpijiet u tubi mingħajr saldaturi tal-azzar li ma jissaddadx, li joriġinaw mir-Repubblika tal-Poplu taċ-Ċina (ĠU, L 336, p. 6).

(2)  ĠU 2011, C 290, p 18.

(3)  Regolament tal-Kummissjoni (UE) Nru 627/2011, tas-27 ta’ Ġunju 2011, li jimponi dazju provviżorju antidumping fuq l-importazzjonijiet ta’ ċerti pajpijiet u tubi mingħajr saldaturi tal-azzar li ma jissaddadx li joriġinaw mir-Repubblika Popolari taċ-Ċina

(ĠU L 169, p. 1).

Top