This document is an excerpt from the EUR-Lex website
Document 62012CN0585
Case C-585/12 P: Appeal brought on 12 December 2012 by Shell Petroleum NV, The Shell Transport and Trading Company Ltd, Shell Nederland Verkoopmaatschappij BV against the judgment of the General Court (Sixth Chamber) delivered on 27 September 2012 in Case T-343/06: Shell Petroleum NV, The Shell Transport and Trading Company Ltd, Shell Nederland BV v European Commission
Kawża C-585/12 P: Appell ippreżentat fit- 12 ta’ Diċembru 2012 minn Shell Petroleum NV, The Shell Transport and Trading Company Ltd, Shell Nederland BV mis-sentenza mogħtija (Is-Sitt Awla) fis- 27 ta’ Settembru 2012 fil-Kawża T-343/06, Shell Petroleum NV, The Shell Transport and Trading Company Ltd, Shell Nederland BV vs Il-Kummissjoni Ewropea
Kawża C-585/12 P: Appell ippreżentat fit- 12 ta’ Diċembru 2012 minn Shell Petroleum NV, The Shell Transport and Trading Company Ltd, Shell Nederland BV mis-sentenza mogħtija (Is-Sitt Awla) fis- 27 ta’ Settembru 2012 fil-Kawża T-343/06, Shell Petroleum NV, The Shell Transport and Trading Company Ltd, Shell Nederland BV vs Il-Kummissjoni Ewropea
ĠU C 55, 23.2.2013, p. 6–6
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
23.2.2013 |
MT |
Il-Ġurnal Uffiċjali tal-Unjoni Ewropea |
C 55/6 |
Appell ippreżentat fit-12 ta’ Diċembru 2012 minn Shell Petroleum NV, The Shell Transport and Trading Company Ltd, Shell Nederland BV mis-sentenza mogħtija (Is-Sitt Awla) fis-27 ta’ Settembru 2012 fil-Kawża T-343/06, Shell Petroleum NV, The Shell Transport and Trading Company Ltd, Shell Nederland BV vs Il-Kummissjoni Ewropea
(Kawża C-585/12 P)
2013/C 55/08
Lingwa tal-kawża: l-Ingliż
Partijiet
Appellanti: Shell Petroleum NV, The Shell Transport and Trading Company Ltd, Shell Nederland BV (rappreżentanti: O.W. Brouwer, W. Knibbeler, A.A.J. Pliego Selie, P. van den Berg, avukati)
Parti oħra fil-proċedura: Il-Kummissjoni Ewropea
Talbiet tal-appellanti
— |
tannulla l-paragrafi tas-sentenza kif mitlub fl-appell, |
— |
tagħti sentenza finali u tannulla d-deċiżjoni kkontestata jew tnaqqas il-multa kif mitlub fl-appell, jew, sussidjarjament, tirrinvija l-kawża quddiem il-Qorti Ġenerali sabiex din tiddeċidiha skont is-sentenza tal-Qorti tal-Ġustizzja, u |
— |
tikkundanna lill-Kummissjoni Ewropea għall-ħlas tal-ispejjeż. |
Aggravji u argumenti prinċipali
L-appellanti jinvokaw żewġ aggravji. Fis-sentenza appellata, il-Qorti Ġenerali parzjalment ċaħdet ir-rikors ippreżentat mill-appellanti għall-annullament parzjali tad-Deċiżjoni tal-Kummissjoni Ewropea tat-13 ta’ Settembru 2006 (Nru C(2006) 4090 finali), dwar proċedura skont l-Artikolu 81 KE (Każ COMP/F/38.456 — Bitume).
Bl-ewwel aggravju tagħhom, l-appellanti jsostnu bir-rispett li l-Qorti Ġenerali wettqet żbalji ta’ liġi u naqset milli tagħti motivazzjoni suffiċjenti jew adegwata meta kkonkludiet li d-deċiżjoni kkontestata turi skont il-livell legali meħtieġ li l-istess impriża wettqet ksur ripetut. Il-Qorti Ġenerali wettqet ukoll żball ta’ liġi u naqset milli tagħti motivazzjoni suffiċjenti jew adegwata billi kkonkludiet li l-kundizzjonijiet stabbiliti fis-sentenza tal-Kawża T-203/01, Michelin, ġew sodisfatti. Finalment, il-Qorti Ġenerali wettqet żball ta’ liġi billi ċaqilqet l-oneru tal-prova għall-appellanti.
Permezz tat-tieni aggravju tagħhom, l-appellanti jsostnu bir-rispett li l-Qorti Ġenerali wettqet żball ta’ liġi u naqset milli tagħti motivazzjoni suffiċjenti jew adegwata meta kkonkludiet li l-Kummissjoni Ewropea kienet intitolata li tinkludi l-bejgħ tal-prodott C Mexphalte fil-kalkolu tal-multa. Il-Qorti Ġenerali barra minn hekk żbaljat fil-proċedura billi naqset li tindirizza ċerti argumenti mressqa mill-appellanti. Barra minn hekk, il-Qorti Ġenerali naqset milli tagħti motivazzjoni suffiċjenti jew adegwata billi naqset li tindirizza l-inkonsistenza li tirriżulta mill-fatt li bitume industrijali ġie eskluż mill-kalkolu tal-multa. Il-Qorti Ġenerali żnaturat ukoll il-provi essenzjali billi qagħdet fuq interpretazzjoni mhux eżatt ta’ dokument kruċjali biex tintlaħaq konklużjoni fuq Mexphalte C li evidentement ma tistax tiġi dedotta minn dan id-dokument. Il-Qorti Ġenerali barra minn hekk wettqet żball ta’ liġi u naqset milli tagħti motivazzjoni suffiċjenti jew adegwata meta bidlet l-ammont tal-multa skont l-eżerċizzju tal-ġurisdizzjoni sħiħa tagħha. Fl-aħħar nett, il-Qorti Ġenerali wettqet żball ta’ proċedura u kisret ir-regoli li jirregolaw l-oneru tal-prova billi ma investigatx jekk il-Kummissjoni Ewropea kisritx il-prinċipju ta’ trattament ugwali billi inkludiet, fil-multa fuq il-appellanti, il-bejgħ ta’ Mexphalte C.