Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62012CN0411

    Kawża C-411/12: Rikors ippreżentat fis- 7 ta’ Settembru 2012 — Il-Kummissjoni Ewropea vs Ir-Repubblika Taljana

    ĠU C 355, 17.11.2012, p. 10–10 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    17.11.2012   

    MT

    Il-Ġurnal Uffiċjali tal-Unjoni Ewropea

    C 355/10

    Rikors ippreżentat fis-7 ta’ Settembru 2012 — Il-Kummissjoni Ewropea vs Ir-Repubblika Taljana

    (Kawża C-411/12)

    2012/C 355/16

    Lingwa tal-kawża: it-Taljan

    Partijiet

    Rikorrenti: Il-Kummissjoni Ewropea (rappreżentanti: B. Stromsky, S. Thomas u D. Grespan, aġenti)

    Konvenuta: Ir-Repubblika Taljana

    Talbiet

    —

    tiddikjara li, billi ma adottatx fit-termini stabiliti l-miżuri neċesarji kollha sabiex tneħħi s-sistema ta’ għajnuna mill-Istat meqjusa illegali u inkompatibbli mas-suq intern permezz tad-Deċiżjoni tal-Kummissjoni 2011/746/UE, tat-23 ta’ Frar 2011, dwar għajnuna mill-Istat mogħtija mill-Italja lil Portovesme Srl, ILA SpA, Eurallumina SpA u Syndial SpA (Miżuri ta’ għajnuna mill-Istat C 38/B/04 (ex NN 58/04) u C 13/06 (ex N 587/05) (notifikata bid-dokument numru C(2011) 956)) (ĠU L 309, p. 1), ir-Repubblika Taljana naqset milli twettaq l-obbligi imposti mill-Artikoli 3, 4 u 5 ta’ din id-deċiżjoni u tat-Trattat TFUE;

    —

    tikkundanna lir-Repubblika Taljana għall-ispejjeż.

    Motivi u argumenti prinċipali

    It-terminu stabbilit fid-deċiżjoni għall-irkupru tal-għajnuna mill-Istat iddikjarata illegali skada fl-24 ta’ Ġunju 2011. Barra minn hekk, il-konvenuta kellha tikkomunika lill-Kummissjoni sal-24 ta’ April 2011 l-ammont totali ta’ għajnuna li għandha tiġi rkuprata u l-miżuri meħuda u previsti sabiex tikkonforma mad-deċiżjoni.

    Fid-data tal-preżentata ta’ dan ir-rikors, il-konvenuta kienet għadha ma adottatx il-miżuri neċessarji sabiex tirkupra l-għajnuna mingħand l-impriżi benefiċjarji u lanqas ma kienet ikkomunikat lill-Kummissjoni l-informazzjoni kollha meħtieġa.

    Top