This document is an excerpt from the EUR-Lex website
Document 62011TN0142
Case T-142/11: Action brought on 14 March 2011 — SIR v Council
Kawża T-142/11: Rikors ippreżentat fl- 14 ta’ Marzu 2011 — SIR vs Il-Kunsill
Kawża T-142/11: Rikors ippreżentat fl- 14 ta’ Marzu 2011 — SIR vs Il-Kunsill
ĠU C 130, 30.4.2011, p. 24–24
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
30.4.2011 |
MT |
Il-Ġurnal Uffiċjali tal-Unjoni Ewropea |
C 130/24 |
Rikors ippreżentat fl-14 ta’ Marzu 2011 — SIR vs Il-Kunsill
(Kawża T-142/11)
2011/C 130/47
Lingwa tal-kawża: il-Franċiż
Partijiet
Rikorrenti: Soċjetà Ivorjana tar-Raffinar (SIR) (Abidjan, Côte d’Ivoire) (rappreżentant: M. Ceccaldi, avukat)
Konvenut: Il-Kunsill tal-Unjoni Ewropea
Talbiet tar-rikorrenti
Ir-rikorrenti titlob li l-Qorti Ġenerali jogħġobha:
— |
tannulla d-Deċiżjoni 2011/18/PESK u r-Regolament tal-Kunsill (UE) 25/2011 tal-14 ta’ Jannar 2011 li jimponu miżuri restrittivi kontra ċerti persuni u entitajiet u b’mod partikolari fir-rigward tas-Soċjetà SIR; |
— |
tikkundanna lill-Kunsill għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti tinvoka ħames motivi.
(1) |
L-ewwel motiv huwa bbażat fuq ksur tal-Karta tan-Nazzjonijiet Uniti, kif ukoll fuq tal-Artikoli 3(5) u (6), 21(1) TUE u 7 TFUE, sa fejn il-Kunsill tal-Unjoni Ewropea eċċeda l-kompetenzi tiegħu billi stabbilixxa miżuri restrittivi peress li l-isem tar-rikorrenti ma huwiex inkluż fost il-persuni imsemmija fir-Riżoluzzjoni 1572 (2004) tal-Kunsill tas-Sigurtà tan-Nazzjonijiet Uniti. |
(2) |
It-tieni motiv huwa bbażat fuq ksur tal-prinċipju ta’ nuqqas ta’ interferenza fl-affarijiet interni ta’ Stat peress li l-Kunsill tal-Unjoni Ewropea mar kontra d-deċiżjoni sovrana tal-Kunsill Kostituzzjonali tar-Repubblika tal-Côte d’Ivoire li tidddikjara bħala President elett lil M. L. Gbagbo u mhux lil M. A. Ouattara. |
(3) |
It-tielet motiv huwa bbażat fuq illegalità interna tal-atti kkontestati li ma jistgħux ikunu relatati ma’ kompetenza u/jew ma’ setgħa tal-Kunsill tal-Unjoni Ewropea. |
(4) |
Ir-raba’ motiv huwa bbażat fuq ksur tad-drittijiet tad-difiża, sa fejn ir-rikorrenti ma setgħetx tieħu konjizzjoni tal-provi kontra tagħha u konsegwentement ma setgħetx ssostni l-opinjoni tagħha b’mod utli f’dan ir-rigward. |
(5) |
Il-ħames motiv huwa bbażat fuq ksur tal-prinċipju ta’ proporzjonalità peress li l-konsegwenzi tal-miżuri meħuda kemm għar-rikorrenti kif ukoll għall-popolazzjoni Ivorjana kienu sproporzjonati meta mqabbla mal-għan li għandu jintlaħaq. |