Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62011TN0131

Kawża T-131/11: Rikors ippreżentat fis- 7 ta’ Marzu 2011 — Ezzedine vs Il-Kunsill

ĠU C 130, 30.4.2011, p. 20–21 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

30.4.2011   

MT

Il-Ġurnal Uffiċjali tal-Unjoni Ewropea

C 130/20

Rikors ippreżentat fis-7 ta’ Marzu 2011 — Ezzedine vs Il-Kunsill

(Kawża T-131/11)

2011/C 130/39

Lingwa tal-kawża: il-Franċiż

Partijiet

Rikorrent: Ibrahim Ezzedine (Treichville, il-Côte d’Ivoire) (rappreżentant: G. Collard, avukat)

Konvenut: Il-Kunsill tal-Unjoni Ewropea

Talbiet tar-rikorrent

—

tikkonstata li, fir-rigward tar-rikorrent, I. Ezzedine, id-Deċiżjoni tal-Kunsill 2011/71/PESK, tal-31 ta’ Jannar 2011, ippubblikata fit-2 ta’ Frar 2011 fil-Ġurnal Uffiċjali tal-Unjoni Ewropea, ma hijiex fondata fil-fatt,

—

konsegwentement,

—

tannulla d-Deċiżjoni tal-Kunsill 2011/71/PESK tal-31 ta’ Jannar 2011;

—

sussidjarjament, tordna li l-isem ta’ I. Ezzedine jitneħħa mil-lista annessa mal-imsemmija deċiżjoni.

Motivi u argumenti prinċipali

Insostenn tar-rikors tiegħu, ir-rikorrent isostni żewġ motivi.

(1)

L-ewwel motiv ibbażat fuq ksur tal-obbligu ta’ motivazzjoni, inkwantu l-motivi tal-inklużjoni tar-rikorrent fil-lista tal-persuni u entitajiet li għalihom japplikaw il-miżuri restrittivi huma sterjotipati mingħajr ma ssemma l-ebda element fattwali preċiż li jippermetti li tiġi evalwata r-rilevanza tal-imsemmija inklużjoni fil-lista.

(2)

It-tieni motiv huwa bbażat fuq żball manifest ta’ evalwazzjoni, inkwantu r-rikorrent huwa akkużat li kkontribwixxa għall-finanzjament tal-amministrazzjoni illeġittima ta’ L. Gbagbo, meta r-rikorrent kien jeżerċita biss attività ta’ imprenditur privat u kien jikkontribwixxi għall-finanzjament tar-Repubblika tal-Côte d’Ivoire u mhux għal reġim speċifiku permezz tal-ħlas tat-taxxi.
Top