Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62011TN0130

    Kawża T-130/11: Rikors ippreżentat fis- 7 ta’ Marzu 2011 — Gossio vs Il-Kunsill

    ĠU C 130, 30.4.2011, p. 20–20 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    30.4.2011   

    MT

    Il-Ġurnal Uffiċjali tal-Unjoni Ewropea

    C 130/20

    Rikors ippreżentat fis-7 ta’ Marzu 2011 — Gossio vs Il-Kunsill

    (Kawża T-130/11)

    2011/C 130/38

    Lingwa tal-kawża: il-Franċiż

    Partijiet

    Rikorrent: Marcel Gossio (Abidjan, il-Côte d’Ivoire) (rappreżentant: G. Collard, avukat)

    Konvenut: Il-Kunsill tal-Unjoni Ewropea

    Talbiet tar-rikorrent

    Ir-rikorrent jitlob lill-Qorti Ġenerali jogħġobha:

    —

    tikkonstata li, rigward ir-rikorrent, G. Gossio, ir-Regolament tal-Kunsill (UE) Nru 25/2011, tal-14 ta’ Jannar 2011, kif ukoll id-Deċiżjoni tal-Kunsill, tal-14 ta’ Jannar 2011, ippubblikati fil-15 ta’ Jannar 2011 fil-Ġurnal Uffiċjali tal-Unjoni Ewropea, ma humiex fondati fil-fatt,

    —

    konsegwentement,

    —

    tannulla r-Regolament tal-Kunsill UE Nru 25/2011, tal-14 ta’ Jannar 2011 u d-Deċiżjoni tal-Kunsill 2011/18/PESK tal-14 ta’ Jannar 2011;

    —

    sussidjarjament, tordna li l-isem ta’ M. Gossio jitneħħa mil-listi annessi mal-imsemmi regolament u mal-imsemmija deċiżjoni.

    Motivi u argumenti prinċipali

    Insostenn tar-rikors, ir-rikorrent jinvoka żewġ motivi.

    (1)

    L-ewwel motiv huwa bbażat fuq ksur tal-obbligu ta’ motivazzjoni, inkwantu l-motivi tal-inklużjoni tar-rikorrent fil-lista tal-persuni u entitajiet li għalihom japplikaw il-miżuri restrittivi huma sterjotipati mingħajr ma ssemma l-ebda element fattwali preċiż li jippermetti li tiġi evalwata r-rilevanza tal-imsemmija inklużjoni fil-lista.

    (2)

    It-tieni motiv huwa bbażat fuq żball manifest ta’ evalwazzjoni, inkwantu r-rikorrent, peress li jagħmel parti mill-amministrazzjoni, ma għandux, fid-dawl tal-funzjonijiet tiegħu, kompetenza sabiex ipoġġi lilu nnifsu taħt l-awtorità ta’ president speċifiku, imma għandu jeżerċita l-funzjonijiet tiegħu fil-kontinwità tal-amministrazzjoni li jagħmel parti minnha.
    Top