Talba għal deċiżjoni preliminari mressqa mis-Supremo Tribunal Administrativo (il-Portugall) fit-28 ta’ Jannar 2011 — Amorim Energia, B.V. vs Ministério das Finanças e da Administração Pública

(Kawża C-38/11)

2011/C 130/16

Lingwa tal-kawża: il-Portugiz

Qorti tar-rinviju

Supremo Tribunal Administrativo

Partijiet fil-kawża prinċipali

Rikorrenti: Amorim Energia, B.V.

Konvenut: Ministério das Finanças e da Administração Pública

Domanda preliminari

L-Artikoli 63 u 65 TFUE (li qabel kienu l-Artikoli 56 u 58 KE) jipprekludu leġiżlazzjoni ta’ Stat Membru, bħall-Artikoli 46(1), 96(2) u (3), 14(3) u 89 taċ-CIRC, li, fil-kuntest tal-eliminazzjoni tat-taxxa doppja ekonomika fuq il-profitti mqassmin, għalkemm tosserva d-Direttiva tal-Kunsill 90/435/KEE (1), tat-23 ta’ Lulju 1990, ma tippermettix lill-kumpanniji azzjonisti residenti fi Stat Membru ieħor jiksbu r-rimbors tat-taxxa mnaqqsa f’ras il-għajn taħt l-istess kundizzjonijiet bħall-kumpanniji azzjonisti residenti fil-Portugall, peress li din teżiġi għal dan il-għan perijodu minimu ta’ pussess itwal u holding minimu fil-kapital ikbar, fatt li jdewwem jew jirrendi impossibili l-eliminazzjoni tat-taxxa doppja ekonomika?

(1)  Direttiva tal-Kunsill 90/435/KEE, tat-23 ta’ Lulju 1990, dwar is-sistema komuni tat-tassazzjoni li tapplika fil-każ tal-kumpanniji prinċipali u sussidjarji ta’ Stati Membri differenti (ĠU Edizzjoni Speċjali bil-Malti, Kapitolu 9, Vol. 1, p. 147).