Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62010TN0015

Kawża T-15/10: Rikors ippreżentat fil- 25 ta’ Jannar 2010 — Noko Ngele vs Il-Kummissjoni

ĠU C 161, 19.6.2010, p. 43–43 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

19.6.2010   

MT

Il-Ġurnal Uffiċjali tal-Unjoni Ewropea

C 161/43

Rikors ippreżentat fil-25 ta’ Jannar 2010 — Noko Ngele vs Il-Kummissjoni

(Kawża T-15/10)

(2010/C 161/68)

Lingwa tal-kawża: il-Franċiż

Partijiet

Rikorrent: Mariyus Noko Ngele (Brussell, il-Belġju) (rappreżentant: F. Sabakunzi, avukat)

Konvenuta: Il-Kummissjoni Ewropea

Talbiet tar-rikorrent

—

tiddikjara li s-CDE qatt ma ssostitwixxa lis-CDI u li mgħandhiex eżistenza legali u personalità ġuridika fil-Belġju;

—

tikkundanna in solidum lill-Kummissjoni Ewropea, lil wieħed mill-membri tagħha u lil xi wħud mill-aġenti tagħha sabiex abbażi ta’ danni finanzjarji jħallsu l-ammont ta’ mitejn elf Euro, miżjuda bl-interessi legali ta’ 10 % fis-sena sa mill-1995 u bl-interessi ġudizzjarji;

—

tikkundanna in solidum lill-Kummissjoni Ewropea, lil wieħed mill-membri tagħha u lil xi wħud mill-aġenti tagħha sabiex abbażi ta’ danni morali u psikoloġiċi jħallsu l-ammont ta’ ħames miljun Euro, miżjud bl-interessi ġudizzjarji;

—

tiddikjara li d-deċiżjoni li ser tingħata tkun eżekuttiva minkejja kull rikors;

—

tikkundanna lill-konvenuta għall-ispejjeż u għall-kumpens tal-proċedura stmata għal tletin elf Euro.

Motivi u argumenti prinċipali

Permezz ta’ dan ir-rikors, ir-rikorrent jitlob il-kumpens għad-dannu allegatament subit wara l-impossibbiltà li jipproċedi għall-irkupru ta’ dejn li huwa kellu fil-konfront taċ-“Ċentru għall-Iżvilupp Industrijali (CDI)” wara li din l-organizzazzjoni ġiet issostitwita minn istituzzjoni konġunta tal-grupp tal-Istati ACP (Afrikani, tal-Karibew u tal-Paċifiku) u tal-Unjoni Ewropea bl-isem “Ċentru għall-Iżvilupp tal-Impriżi (CDE)”.

Top