Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62009CN0359

Kawża C-359/09: Talba għal deċiżjoni preliminari mressqa mill-Fővárosi Ítélőtábla (Repubblika Ungeriża) fis- 7 ta’ Settembru 2009 — Dr. Donat Cornelius Ebert vs Budapesti Ügyvédi Kamara

ĠU C 312, 19.12.2009, p. 13–13 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

19.12.2009   

MT

Il-Ġurnal Uffiċjali tal-Unjoni Ewropea

C 312/13

Talba għal deċiżjoni preliminari mressqa mill-Fővárosi Ítélőtábla (Repubblika Ungeriża) fis-7 ta’ Settembru 2009 — Dr. Donat Cornelius Ebert vs Budapesti Ügyvédi Kamara

(Kawża C-359/09)

2009/C 312/20

Lingwa tal-kawża: L-Ungeriż

Qorti tar-rinviju

Fővárosi Ítélőtábla

Partijiet fil-kawża prinċipali

Rikorrent: Dr. Donat Cornelius Ebert

Konvenut: Budapesti Ügyvédi Kamara

Domandi preliminari

(1)

Jistgħu d-Direttiva tal-Kunsill 89/48/KE (1) u d-Direttiva 98/5/KE (2) tal-Parlament Ewropew u tal-Kunsill, jiġu interpretati fis-sens li r-rikorrent, ċittadin Ġermaniż, li għadda mill-eżami sabiex ikun jista’ jeżerċita l-professjoni ta’ avukat fil-Ġermanja, huwa membru tal-kamra tal-avukati lokali u għandu permess sabiex joqgħod u jaħdem fl-Ungerija, ikun intitolat, mingħajr ma huwa membru tal-kamra tal-avukati Ungeriża, li juża mingħajr kwalunkwe permess it-titolu uffiċjali ta’ “ügyvéd” (avukat), li huwa t-titolu uffiċjali fl-Ungerija, Stat ospitanti, quddiem il-qrati u fil-proċeduri amministrattivi, minbarra t-titolu Ġermaniż ta’ “Rechtsanwalt” u dak Ungeriż ta’ “európai közösségi jogász” (avukat Eropew)?

(2)

Id-Direttiva 98/5/KE tissupplimenta d-dispożizzjonijiet tad-Direttiva 89/48/KE fis-sens li, fir-rigward tal-eżerċiżju tal-attività ta’ avukat, din hija lex specialis fil-qasam tagħha, filwaqt li d-Direttiva 89/48/KE tirregola biss b’mod ġenerali r-rikonoxximent ta’ diplomi ta’ edukazzjoni ogħla?

(1)  Direttiva tal-Kunsill 89/48/KE, tal-21 ta’ Diċembru 1988, dwar sistema ġenerali għar-rikonoxximent ta’ diplomi ta’ edukazzjoni ogħla mogħtija mal-kompletar tal-edukazzjoni u t-taħriġ professjonali ta’ mill-inqas tliet snin (ĠU Edizzjoni Speċjali bil-Malti: Kapitolu 5 Volum 1 p. 337)

(2)  Direttiva 98/5/KE tal-Parlament Ewropew u tal-Kunsill, tas-16 ta’ Frar 1998, sabiex tkun iffaċilitata l-prattika tal-professjoni ta’ avukat fuq bażi permanenti fl-Istati Membri minbarra dak fejn kienet miksuba l-kwalifikazzjoni (ĠU Edizzjoni Speċjali bil-Malti: Kapitolu 6 Volum 3 p. 83)

Top