This document is an excerpt from the EUR-Lex website
Document 52025DC0704
REPORT FROM THE COMMISSION TO THE EUROPEAN PARLIAMENT AND THE COUNCIL on export authorisations in 2024 pursuant to the Regulation concerning trade in certain goods which could be used for capital punishment, torture or other cruel, inhuman or degrading treatment or punishment
RAPPORT TAL-KUMMISSJONI LILL-PARLAMENT EWROPEW U LILL-KUNSILL dwar l-awtorizzazzjonijiet tal-esportazzjoni fl-2024 skont ir-Regolament li jikkonċerna l-kummerċ f’ċerti oġġetti li jistgħu jintużaw għall-piena kapitali, tortura jew trattament krudili, inuman jew kastig degradanti ieħor
RAPPORT TAL-KUMMISSJONI LILL-PARLAMENT EWROPEW U LILL-KUNSILL dwar l-awtorizzazzjonijiet tal-esportazzjoni fl-2024 skont ir-Regolament li jikkonċerna l-kummerċ f’ċerti oġġetti li jistgħu jintużaw għall-piena kapitali, tortura jew trattament krudili, inuman jew kastig degradanti ieħor
COM/2025/704 final
IL-KUMMISSJONI EWROPEA
Brussell, 21.11.2025
COM(2025) 704 final
RAPPORT TAL-KUMMISSJONI LILL-PARLAMENT EWROPEW U LILL-KUNSILL
dwar l-awtorizzazzjonijiet tal-esportazzjoni fl-2024 skont ir-Regolament li jikkonċerna l-kummerċ f’ċerti oġġetti li jistgħu jintużaw għall-piena kapitali, tortura jew trattament krudili, inuman jew kastig degradanti ieħor
1.Introduzzjoni
L-objettiv tar-Regolament (UE) 2019/125 dwar il-kummerċ ta’ ċerti oġġetti li jistgħu jintużaw għall-piena kapitali, it-tortura jew trattament jew pieni krudili, inumani jew degradanti oħra 1 (“ir-Regolament”) huwa li jipprevjeni, f’pajjiżi barra mill-UE, il-piena kapitali, minn naħa waħda, u t-tortura u trattament jew piena krudili, inumana jew degradanti oħra, min-naħa l-oħra. Jiddistingwi bejn:
-oġġetti li huma abbużivi b’mod inerenti u ma għandhomx jiġu kkummerċjalizzati għall-ebda raġuni (l-Anness II); kif ukoll
-oġġetti li jista’ jkollhom użi leġittimi, bħal tagħmir tal-infurzar tal-liġi (l-Anness III) u oġġetti għal użu terapewtiku (l-Anness IV).
Il-kummerċ fl-oġġetti elenkati fl-Anness III u IV huwa soġġett għal ċerti restrizzjonijiet, inkluż ir-rekwiżit li ssir applikazzjoni lill-awtorità kompetenti ta’ Stat Membru għal awtorizzazzjoni għall-esportazzjoni ta’ tali oġġetti.
L-Artikolu 26(3) tar-Regolament jiddikjara li l-Istati Membri għandhom ifasslu rapport ta’ attività pubbliku u annwali li jipprovdi informazzjoni dwar l-għadd ta’ applikazzjonijiet riċevuti, il-prodotti u l-pajjiżi kkonċernati, u d-deċiżjonijiet meħuda dwar l-applikazzjonijiet. L-Artikolu 26(4) jiddikjara li l-Kummissjoni jeħtiġilha tfassal rapport annwali magħmul mir-rapporti annwali tal-attività ppubblikati mill-Istati Membri. Jeħtiġilha tagħmel ir-rapport disponibbli pubblikament.
Dan ir-rapport tal-Kummissjoni jipprovdi informazzjoni dwar l-attivitajiet ta’ awtorizzazzjoni tal-Istati Membri rigward l-esportazzjonijiet ta’ oġġetti fl-2024 2 li jistgħu jintużaw għat-tortura jew għall-piena kapitali.
L-Istati Membri kollha rrapportaw dwar l-għadd ta’ awtorizzazzjonijiet għall-esportazzjoni mogħtija u rifjutati skont l-Artikoli 11(1) u 16(1) tar-Regolament u dwar l-oġġetti u l-pajjiżi ta’ destinazzjoni inkwistjoni. F’xi każijiet, l-awtoritajiet kompetenti fl-Istati Membri rrapportaw ukoll dwar l-għadd jew il-kwantitajiet ta’ oġġetti awtorizzati għall-esportazzjoni u l-kategorija tal-utent aħħari li lilu jkunu ġew fornuti l-oġġetti.
|
Awtorizzazzjonijiet skont ir-Regolament (UE) 2019/125 L-Artikoli 11(1) u 16(1) tar-Regolament jirrikjedu awtorizzazzjoni ta’ esportazzjonijiet 3 tal-oġġetti elenkati fl-Anness III u fl-Anness IV, rispettivament. L-Anness III jelenka ċerti oġġetti li jistgħu jintużaw għall-fini ta’ tortura jew trattament jew pieni krudili, inumani jew degradanti oħra. L-oġġetti fl-Anness III jaqgħu taħt l-intestaturi li ġejjin: oġġetti maħsuba għat-trażżin tal-bnedmin; armi u tagħmir maħsuba għall-fini ta’ kontroll tal-irvellijiet jew ta’ awtoprotezzjoni; u armi u tagħmir għat-tferrix ta’ sustanzi kimiċi inkapaċitanti jew irritanti għall-fini ta’ kontroll tal-irvellijiet jew ta’ awtoprotezzjoni, u ċerti sustanzi relatati. L-Anness IV jelenka ċerti sustanzi kimiċi li jistgħu jintużaw f’injezzjonijiet letali. Minbarra meta l-Awtorizzazzjoni Ġenerali għall-Esportazzjoni (GEA - general export authorisation) tal-Unjoni stabbilita fl-Anness V tintuża għall-esportazzjonijiet ta’ oġġetti elenkati fl-Anness IV, l-awtorizzazzjoni għall-esportazzjoni għandha tinkiseb mill-awtoritajiet kompetenti fl-Istat Membru kkonċernat, kif elenkat fl-Anness I tar-Regolament. L-esportazzjonijiet lejn destinazzjonijiet elenkati fil-GEA tal-Unjoni normalment jistgħu jsiru mingħajr ma tinkiseb awtorizzazzjoni individwali jew globali mogħtija minn Stat Membru. L-approċċ sa issa kien li jiġi inkluż pajjiż mhux tal-UE fl-Anness V jekk ikun irratifika ftehim internazzjonali rilevanti b’impenn li jabolixxi l-piena kapitali għar-reati kollha. Għall-pajjiżi li mhumiex membri tal-Kunsill tal-Ewropa, dan ifisser li l-pajjiż inkwistjoni jrid ikun irratifika t-Tieni Protokoll Fakultattiv għall-Patt Internazzjonali dwar id-Drittijiet Ċivili u Politiċi (ICCPR) mingħajr riżerva. Madankollu, jekk ikun hemm suspett raġonevoli dwar l-abbiltà tal-esportatur li jikkonforma mat-termini tal-awtorizzazzjoni jew mal-leġiżlazzjoni dwar il-kontroll tal-esportazzjoni, l-awtorità kompetenti tista’ tipprojbixxi lill-esportatur milli juża l-GEA tal-Unjoni. L-Artikolu 20(2) tar-Regolament jiddikjara li awtorizzazzjoni għall-esportazzjoni mogħtija minn Stat Membru tista’ tkun awtorizzazzjoni individwali (awtorizzazzjoni għall-esportazzjonijiet lejn utent aħħari jew destinatarju wieħed f’pajjiż mhux tal-UE) jew awtorizzazzjoni globali (awtorizzazzjoni għall-esportazzjonijiet lejn utent aħħari jew distributur speċifikat wieħed jew aktar f’pajjiż mhux tal-UE speċifikat wieħed jew aktar) 4 . L-Artikoli 3, 4 u 5 tar-Regolament jipprojbixxu l-esportazzjoni, l-importazzjoni u t-tranżitu, rispettivament, tal-oġġetti elenkati fl-Anness II. L-awtoritajiet kompetenti jistgħu jagħtu deroga mill-projbizzjoni, iżda biss jekk jintwera li l-oġġetti kkonċernati se jintużaw esklużivament għal wiri pubbliku f’mużew (f’pajjiż mhux tal-UE jew, f’konformità mal-Artikolu 4, fi Stat Membru) fid-dawl tas-sinifikat storiku tagħhom. |
2.Awtorizzazzjonijiet mogħtija u miċħuda
Fl-2024, l-għadd totali ta’ awtorizzazzjonijiet irrapportati ammontaw għal 248, bi 7-il Stat Membru jirrapportaw li kienu taw awtorizzazzjonijiet. L-Istati Membri li fadal informaw lill-Kummissjoni li ma kienu rċevew l-ebda applikazzjoni għal awtorizzazzjonijiet skont ir-Regolament li tissuġġerixxi attività limitata f’dan il-qasam. Bħal fl-eżerċizzji ta’ rapportar preċedenti, id-data ma tipprovdix massa kritika li minnha jistgħu jinsiltu konklużjonijiet sostanzjati.
Billi d-definizzjonijiet ta’ “awtorizzazzjoni individwali” u ta’ “awtorizzazzjoni globali” fl-Artikolu 2 tar-Regolament ma jinkludux komponent kwantitattiv, indikazzjoni tal-għadd ta’ awtorizzazzjonijiet mogħtija ma tagħtix indikazzjoni tal-għadd jew tal-kwantità ta’ oġġetti kkonċernati minn dawn l-awtorizzazzjonijiet. L-informazzjoni li l-Istati Membri jipprovdu lill-Kummissjoni tipikament lanqas ma tagħmel distinzjoni bejn awtorizzazzjonijiet individwali u awtorizzazzjonijiet globali.
L-Istati Membri rrapportaw li kienu rrifjutaw 2 applikazzjoni għal awtorizzazzjoni għall-esportazzjoni fl-2024. Il-każijiet irrapportati ta’ ċaħda kienu jikkonċernaw oġġetti deskritti fl-Anness III kodiċi 3.1 5 maħsuba għall-esportazzjoni lejn iċ-Ċilì u oġġetti deskritti fl-Anness IV kodiċi 1.1 d) 6 maħsuba għall-esportazzjoni lejn Iżrael.
L-Artikoli 3, 4 u 5 tar-Regolament jipprojbixxu l-esportazzjoni, l-importazzjoni u t-tranżitu, rispettivament, tal-oġġetti elenkati fl-Anness II. Ir-Regolament jippermetti lill-awtoritajiet kompetenti nazzjonali jagħtu deroga mill-projbizzjoni, iżda biss jekk jintwera li l-oġġetti kkonċernati se jintużaw esklużivament għal wiri pubbliku f’mużew (f’pajjiż mhux tal-UE jew, f’konformità mal-Artikolu 4, fi Stat Membru) fid-dawl tas-sinifikat storiku tagħhom. L-awtoritajiet kompetenti rrapportaw li huma ma tawx tali derogi fl-2024.
L-Anness 1 ta’ dan ir-rapport jipprovdi ħarsa ġenerali lejn l-għadd ta’ awtorizzazzjonijiet ta’ esportazzjoni rrapportati mogħtija u rrifjutati mill-Istati Membri matul il-perjodu 2017-2024.
L-Anness 2 ta’ dan ir-rapport jipprovdi informazzjoni dwar l-għadd ta’ awtorizzazzjonijiet ta’ esportazzjoni rrapportati maħruġa mill-Istati Membri fir-rigward tal-oġġetti elenkati fl-Anness III.
L-Anness 3 ta’ dan ir-rapport jipprovdi informazzjoni dwar id-destinazzjonijiet irrapportati tal-esportazzjonijiet awtorizzati u rrifjutati fir-rigward tal-oġġetti elenkati fl-Anness III.
L-Anness 4 ta’ dan ir-rapport jagħti sommarju tal-informazzjoni pprovduta lill-Kummissjoni dwar l-użu finali rrapportat tal-esportazzjonijiet awtorizzati fir-rigward tal-oġġetti elenkati fl-Anness III.
L-Anness 5 ta’ dan ir-rapport jipprovdi ħarsa ġenerali dettaljata lejn l-esportazzjonijiet awtorizzati tal-oġġetti tal-Anness III fl-2024.
L-Anness 6 ta’ dan ir-rapport jipprovdi informazzjoni dwar l-għadd ta’ awtorizzazzjonijiet ta’ esportazzjoni rrapportati maħruġa mill-Istati Membri fir-rigward tal-oġġetti elenkati fl-Anness IV.
L-Anness 7 ta’ dan ir-rapport jipprovdi informazzjoni dwar id-destinazzjonijiet irrapportati tal-esportazzjonijiet awtorizzati u rrifjutati fir-rigward tal-oġġetti elenkati fl-Anness IV.
L-Anness 8 ta’ dan ir-rapport jagħti sommarju tal-informazzjoni pprovduta lill-Kummissjoni dwar l-użu finali rrapportat tal-esportazzjonijiet awtorizzati fir-rigward tal-oġġetti elenkati fl-Anness IV.
L-Anness 9 ta’ dan ir-rapport jipprovdi ħarsa ġenerali dettaljata lejn l-esportazzjonijiet awtorizzati tal-oġġetti tal-Anness IV fl-2024.
ĠU L 30, 31.1.2019, p. 1.
Dan ir-rapport ma jipprovdix informazzjoni dwar l-użu mill-esportaturi tal-Awtorizzazzjonijiet Ġenerali għall-Esportazzjoni tal-Unjoni, skont l-Anness V tar-Regolament, għall-esportazzjonijiet tal-oġġetti elenkati fl-Anness IV.
L-Artikolu 2(d) tar-Regolament jiddefinixxi “esportazzjoni” bħala “kwalunkwe ħruġ ta’ oġġetti mit-territorju doganali tal-Unjoni, inkluż il-ħruġ ta’ oġġetti li jeħtieġu dikjarazzjoni doganali u l-ħruġ ta’ oġġetti wara li jkunu ġew maħżuna f’żona ħielsa fit-tifsira tar-Regolament (UE) Nru 952/2013 tal-Parlament Ewropew u tal-Kunsill”.
L-Artikolu 2(p) jiddefinixxi bis-sħiħ “awtorizzazzjoni individwali”. L-Artikolu 2(q) jiddefinixxi għalkollox “awtorizzazzjoni globali”.
Armi u tagħmir li jistgħu jinġarru li jamministraw jew ixerrdu doża ta’ sustanza kimika inkapaċitanti jew irritanti.
Melħ tas-sodju tal-pentobarbital - (CAS 57-33-0)
IL-KUMMISSJONI EWROPEA
Brussell, 21.11.2025
COM(2025) 704 final
ANNESS
ta'
RAPPORT TAL-KUMMISSJONI LILL-PARLAMENT EWROPEW U LILL-KUNSILL
dwar l-awtorizzazzjonijiet tal-esportazzjoni fl-2024 skont ir-Regolament li jikkonċerna l-kummerċ f’ċerti oġġetti li jistgħu jintużaw għall-piena kapitali, tortura jew trattament krudili, inuman jew kastig degradanti ieħor
Anness 1:
Ħarsa ġenerali: L-għadd ta’ awtorizzazzjonijiet għall-esportazzjoni rrapportati mogħtija u rrifjutati mill-Istati Membri matul il-perjodu 2017–2024 (oġġetti koperti skont l-Anness III u l-Anness IV tar-Regolament)
Anness 2:
Oġġetti tal-Anness III: Għadd ta’ awtorizzazzjonijiet ta’ esportazzjoni rrapportati maħruġa mill-Istati Membri fl-2024
Anness 3:
Oġġetti tal-Anness III: Destinazzjonijiet irrapportati 1 ta’ esportazzjonijiet awtorizzati u rifjutati fl-2024
Anness 4:
Oġġetti tal-Anness III: Użu aħħari rrapportat tal-esportazzjonijiet awtorizzati lejn pajjiżi terzi fl-2024
Anness 5:
Ħarsa ġenerali lejn l-esportazzjonijiet awtorizzati rrapportati tal-oġġetti tal-Anness III fl-2024
|
Deskrizzjoni tal-Prodott |
Destinazzjoni |
Stat Membru |
|
Qajd u ktajjen tal-gruppi (ħlief manetti ordinarji) |
L-Iżvizzera, ir-Renju Unit, l-Istati Uniti tal-Amerka |
DE |
|
Manetti individwali jew ċrieki b’mekkaniżmu li jissakkar u li għandhom ċirkonferenza ta’ ġewwa akbar minn 165 mm |
Il-Bożnija-Ħerzegovina |
CZ |
|
Pistoli tax-xokkijiet |
In-Norveġja |
SE |
|
Armi u tagħmir li jistgħu jinġarru li jamministraw jew ixerrdu doża ta’ sustanza kimika inkapaċitanti jew irritanti. |
Andorra, l-Arġentina, Aruba, il-Bożnija-Ħerzegovina, Bonaire, Sint Eustatius u Saba, il-Kanada, Curacao, il-Georgia, l-Indja, l-Iran, l-Iraq, Iżrael, il-Ġappun, il-Kosovo (skont l-UNSCR 1244), il-Kuwajt, il-Moldova, il-Montenegro, il-Maċedonja ta’ Fuq, il-Mauritania, Mauritius, il-Perù, il-Polineżja Franċiża, is-Serbja, is-Senegal, Sint Maarten — il-parti Netherlandiża, l-Iżvizzera, it-Tuneżija, ir-Renju Unit, l-Ukrajna, l-Urugwaj, l-Afrika t’Isfel. |
CZ, DE, ES, FR, NL, SE |
|
Vanillilamide tal-aċidu pelargoniku (PAVA) |
L-Awstralja, iċ-Ċina, l-Indoneżja, l-Indja, il-Ġappun, il-Malażja, Singapore, l-Afrika t’Isfel, il-Korea t’Isfel, it-Tajwan, ir-Renju Unit |
DE |
|
Oleoreżina tal-kapsiku (OC) |
Il-Brażil, l-Iżvizzera, l-Emirati Għarab Magħquda, ir-Renju Unit |
DE |
|
Taħlitiet li fihom mill-inqas 0,3 % bil-piż ta’ PAVA jew OC u solvent (pepper spray) |
Iċ-Ċina, l-Indja, il-Kuwajt, il-Maċedonja ta’ Fuq, l-Oman, is-Serbja, Singapore, l-Iżvizzera, it-Turkija, l-Ukrajna, ir-Renju Unit, l-Emirati Għarab Magħquda |
DE, ES, IT |
|
Apparat fiss jew li jiġi mmuntat għat-tifrix ta’ aġenti kimiċi inkapaċitanti jew irritanti li jkopri firxa wiesgħa |
L-Iżvizzera |
DE |
Anness 6:
Oġġetti tal-Anness IV: Għadd ta’ awtorizzazzjonijiet ta’ esportazzjoni rrapportati maħruġa mill-Istati Membri fl-2024
Anness 7:
Oġġetti tal-Anness IV: Destinazzjonijiet irrapportati 2 ta’ esportazzjonijiet awtorizzati u rifjutati fl-2024
Anness 8:
Oġġetti tal-Anness IV: Użu aħħari rrapportat tal-esportazzjonijiet awtorizzati lejn pajjiżi terzi fl-2024
Anness 9:
Ħarsa ġenerali lejn l-esportazzjonijiet awtorizzati rrapportati ta’ oġġetti tal-Anness IV fl-2024
|
Deskrizzjoni tal-Prodott |
Destinazzjoni |
Stat Membru |
|
(c) Pentobarbital - (CAS RN 76-74-4) |
Il-Korea t’Isfel |
DE |
|
(d) Melħ tas-sodju tal-pentobarbital - (CAS 57-33-0) |
L-Arġentina, Aruba, il-Kanada, il-Kolombja, Curacao, Hong Kong, Iżrael, il-Korea t’Isfel, il-Marokk, il-Messiku, il-Malażja, il-Perù, Sint Maarten — il-parti Netherlandiża, l-Afrika t’Isfel, l-Iżvizzera, ir-Renju Unit |
DE, IE, NL |
|
(e) Sekobarbital - (CAS RN 76-73-3) |
Il-Kolombja |
DE |
|
(f) Melħ tas-sodju tas-sekobarbital - (CAS RN 309-43-3) |
Il-Kanada, ir-Renju Unit |
DE |
|
(g) Tijopental - (CAS RN 76-75-5) |
L-Awstralja, il-Bożnija-Ħerzegovina, in-Norveġja, ir-Rwanda, l-Arabja Sawdija, l-Iżvizzera, ir-Renju Unit |
AT, DE |
|
(h) Melħ tas-sodju tijopental (CAS RN 71-73-8), magħruf ukoll bħala tijopenton sodiku |
L-Arġentina, il-Bangladesh, Bonaire, Sint Eustatius u Saba, il-Brażil, iċ-Ċilì, il-Kolombja, Kuba, Djibouti, l-Eġittu, il-Georgia, l-Indoneżja, l-Indja, l-Iraq, l-Iran, Iżrael, il-Libanu, il-Liberja, il-Messiku, il-Malażja, it-Territorju Palestinjan Okkupat, l-Arabja Sawdija, is-Somalja, it-Turkija, l-Ukrajna, ir-Renju Unit, l-Urugwaj |
CZ, DE, IT, LV, NL |
|
Aġenti anestetiċi barbiturati oħra li jaġixxu fuq perjodu qasir u intermedju |
Il-Każakistan, il-Korea t’Isfel |
DE, PL |
Jekk isem partikolari jintuża fil-lista ta’ destinazzjonijiet, ma għandux jiġi interpretat bħala li jmur lil hinn mir-referenza għal territorju (doganali) magħruf komunement b’dak l-isem
**L-isem huwa mingħajr preġudizzju għall-pożizzjonijiet dwar l-istatus u huwa konformi ma’ UNSCR 1244/1999 u l-Opinjoni tal-QIĠ dwar id-dikjarazzjoni tal-indipendenza tal-Kosovo.
Jekk isem partikolari jintuża fil-lista ta’ destinazzjonijiet, ma għandux jiġi interpretat bħala li jmur lil hinn mir-referenza għal territorju (doganali) magħruf komunement b’dak l-isem