IL-KUMMISSJONI EWROPEA

Brussell, 1.6.2023

COM(2023) 271 final

2023/0165(COD)

Proposta għal

DIRETTIVA TAL-PARLAMENT EWROPEW U TAL-KUNSILL

li temenda d-Direttiva 2009/16/KE dwar il-kontroll mill-Istat tal-port

(Test b’rilevanza għaż-ŻEE)

{SEC(2023) 202 final} - {SWD(2023) 148 final} - {SWD(2023) 149 final}

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

Ir-responsabbiltà primarja għall-monitoraġġ tal-konformità tal-vapuri mal-istandards tal-OMI u tal-ILO hija tal-Istat fejn il-vapur huwa rreġistrat u li l-vapur għandu n-nazzjonalità tiegħu – l-Istat tal-bandiera. Madankollu, ir-regoli tal-Istat tal-bandiera japplikaw biss għal bastimenti li jtajru dik il-bandiera. Għad hemm Stati tal-bandiera li huma lesti li jippermettu bastimenti substandard joperaw taħt il-bnadar tagħhom jew li ma jistgħux jinfurzaw b’mod adegwat ir-regoli internazzjonali. Għalhekk, ħafna mill-konvenzjonijiet tekniċi l-aktar importanti tal-OMI fihom dispożizzjonijiet għall-vapuri li għandhom jiġu spezzjonati meta l-bastimenti jżuru portijiet barranin sabiex jiżguraw li jissodisfaw ir-rekwiżiti internazzjonali.

Sabiex tittejjeb l-effettività, l-Istati tal-port li jwettqu spezzjonijiet tal-PSC bdew jikkoordinaw il-ħidma tagħhom b’mod sistematiku fil-livell reġjonali. Il-Memorandum ta’ Qbil ta’ Pariġi dwar il-kontroll mill-Istat tal-port (minn hawn ’il quddiem l-“MtQ 3 ta’ Pariġi”) imfassal fl-1982 huwa l-ewwel minn disa’ strutturi intergovernattivi madwar id-dinja. L-24 Stat Membru taż-Żona Ekonomika Ewropea (ŻEE) kollha b’portijiet tal-baħar, kif ukoll il-Kanada, il-Federazzjoni Russa 4 u r-Renju Unit, huma firmatarji tal-MtQ ta’ Pariġi. L-UE mhijiex membru.

Id-Direttiva dwar il-PSC tinkorpora l-proċeduri u l-għodod tal-MtQ ta’ Pariġi kif miftiehem fl-2009. L-MtQ ta’ Pariġi u d-Direttiva dwar il-PSC huma bbażati fuq il-kunċetti ta’ piż kondiviż u spezzjonijiet immirati u armonizzati. Il-Kummissjoni, megħjuna mill-Aġenzija Ewropea għas-Sigurtà Marittima (EMSA), tipprovdi lill-Istati Membri kollha tal-MtQ ta’ Pariġi u taż-ŻEE bl-appoġġ tekniku meħtieġ sabiex jiġi deċiż liema bastimenti għandhom jispezzjonaw, u sabiex jirrapportaw u jikkondividu r-riżultati tal-ispezzjonijiet tal-PSC permezz tal-bażi tad-data THETIS (ospitata mill-EMSA) u bit-taħriġ dwar kif għandhom jitwettqu l-ispezzjonijiet. L-Istati Membri taż-ŻEE jingħataw ukoll informazzjoni dwar il-bastimenti skedati li jidħlu fil-portijiet tagħhom permezz tas-sistema tal-Unjoni għall-iskambju ta’ informazzjoni marittima “SafeSeaNet” 5 sabiex ikunu jistgħu jippjanaw l-ispezzjonijiet tagħhom.

L-objettivi ewlenin tad-Direttiva dwar il-PSC huma li:

(i)ittejjeb is-sikurezza u s-sigurtà marittima kontinwament;

(ii)ittejjeb il-prevenzjoni tat-tniġġis u tal-impatt ambjentali kontinwament;

(iii)ittejjeb il-kundizzjonijiet tal-għajxien u tax-xogħol abbord kontinwament;

(iv)tevita distorsjonijiet tal-kompetizzjoni.

Għal dan l-għan, l-elementi ewlenin tar-reġim tal-PSC tal-UE huma:

(i)li jittieħed approċċ armonizzat għall-ispezzjonijiet u għad-detenzjonijiet;

(ii)li kull Stat Membru jimpenja ruħu għal impenn annwali ta’ spezzjoni

(iii)li l-vapuri jiġu mmirati għal spezzjoni abbażi ta’ profil ta’ riskju tal-vapur (SRP) għal kull vapur individwali u

(iv)li jinżammu r-rekords u tiġi kondiviża l-informazzjoni (bażi tad-data tal-ispezzjoni).

Minn meta daħlet fis-seħħ, id-Direttiva ġiet emendata biex tiġi infurzata l-Konvenzjoni dwar ix-Xogħol Marittimu, 2006 (MLC, 2006) 6 . Barra minn hekk, fl-UE, japplikaw regoli speċifiċi partikolari għal laneċ f’servizz regolari, 7 rekwiżiti tal-assigurazzjoni, 8 il-kontroll tal-iskart iġġenerat mill-vapuri u r-residwi tal-merkanzija 9 ,, ir-riċiklaġġ sikur u ambjentalment korrett tal-vapuri 10 u l-monitoraġġ, ir-rapportar u l-verifika (MRV) tal-emissjonijiet ta’ gassijiet serra (GHG) 11 meta l-ispezzjonijiet tal-PSC jivverifikaw l-infurzar ta’ dawn ir-regoli. Għal atti legali oħrajn tal-UE, bħall-kontroll tal-kontenut ta’ kubrit fil-fjuwils tal-baħar, il-PSC jintuża wkoll biex jivverifika fil-maġġoranza l-kbira tal-Istati Membri tal-UE mill-PSC 12 . Il-kontroll mill-Istat tal-port fl-UE huwa bbażat l-aktar fuq ir-regoli u l-proċeduri tal-MtQ ta’ Pariġi iżda dawn id-dispożizzjonijiet tal-UE ma japplikawx għall-firmatarji mhux taż-ŻEE tal-MtQ ta’ Pariġi.  

Id-Direttiva kienet soġġetta għal evalwazzjoni ex post u kontroll tal-idoneità marittima (flimkien ma’ partijiet oħrajn ta’ leġiżlazzjoni tal-UE dwar is-sikurezza marittima) fl-2018. Minn meta daħlet fis-seħħ id-Direttiva, din ġiet immonitorjata kontinwament ukoll mill-Kummissjoni li identifikat il-kwistjonijiet problematiċi li ġejjin:

1)ir-rekwiżiti kurrenti tal-UE ma humiex allinjati mar-regoli obbligatorji internazzjonali ġodda u mal-proċeduri l-ġodda miftiehma fil-livell reġjonali (l-Organizzazzjoni Marittima Internazzjonali – l-OMI, u l-MtQ ta’ Pariġi);

2)ir-rekwiżiti kurrenti tal-UE ma japplikawx għall-bastimenti tas-sajd – ċerti konvenzjonijiet internazzjonali li japplikaw għal bastimenti tas-sajd b’tul ta’ aktar minn 24 metru, li jistgħu jiġu infurzati mill-PSC, ma jiġux spezzjonati jew ma jiġux spezzjonati b’mod koordinat;

3)hemm distribuzzjoni mhux uniformi tal-ispezzjonijiet tal-PSC madwar il-portijiet tal-UE;

4)id-disinn kurrenti tal-profil ta’ riskju tal-vapur u l-mekkaniżmu ta’ mmirar użat biex jintgħażlu l-vapuri għall-ispezzjoni, ma humiex aġġornati;

5)is-sistema tiddependi wisq fuq sistema kumplessa ta’ ċertifikati bbażati fuq il-karta, u

6)hemm proċeduri inadegwati u mhux flessibbli u riżorsi tal-PSC inadegwati (ħiliet, taħriġ).

Il-problemi identifikati jeżistu madwar l-UE kollha u għandhom l-istess kawżi sottostanti. Fin-nuqqas ta’ azzjoni tal-UE, l-Istati Membri jirriskjaw li jaħdmu b’mod mhux koordinat u mhux armonizzat. Hemm valur ċar tal-UE fit-titjib tad-Direttiva sabiex jiġu indirizzati l-problemi identifikati.

–Taġġorna u tallinja l-leġiżlazzjoni tal-UE mar-regoli u mal-proċeduri internazzjonali, stabbiliti mill-OMI/ILO jew mill-MtQ ta’ Pariġi;

–Tipproteġi l-bastimenti tas-sajd, l-ekwipaġġ tagħhom u l-ambjent. Bastimenti tas-sajd akbar b’tul ta’ aktar minn 24 metru ma humiex inklużi fl-ambitu tal-kontroll mill-Istat tal-port. Sistema volontarja ta’ kontroll għal dan it-tip ta’ bastiment – għandha żżid il-livell ta’ konformità mal-istandards internazzjonali ta’ sikurezza u ta’ protezzjoni ambjentali applikabbli għal dawn il-bastimenti;

–Tiżgura użu akbar ta’ soluzzjonijiet diġitali. B’mod partikolari, din tinkoraġġixxi l-adozzjoni u l-użu ta’ ċertifikati statutorji elettroniċi billi torbot l-użu tagħhom mal-profil ta’ riskju tal-vapur użat biex jimmira u jagħżel il-vapuri għall-ispezzjoni.

–Tiżgura approċċ effiċjenti u armonizzat għat-twettiq tal-ispezzjonijiet tal-PSC. Dan jinkludi l-immirar aħjar tal-bastimenti għall-ispezzjoni billi jiġu ristrutturati l-aspetti mhux aġġornati tal-profil ta’ riskju tal-vapur u jiżdiedu komponenti ġodda miegħu.

Għal raġunijiet ta’ ċarezza u konsistenza, din il-proposta taġġorna wkoll għadd ta’ definizzjonijiet u referenzi għal-leġiżlazzjoni relatata tal-UE u għar-Regolamenti dwar l-OMI.

•Konsistenza mad-dispożizzjonijiet eżistenti fil-qasam ta’ politika

•Konsistenza ma’ politiki oħrajn tal-UE

Il-proposta tifforma parti mill-programm REFIT tal-Kummissjoni u timplimenta l-aġenda tagħha għal Regolamentazzjoni Aħjar billi tiżgura li l-leġiżlazzjoni eżistenti tkun sempliċi u ċara, ma toħloqx piż bla bżonn u żżomm il-pass mal-iżviluppi politiċi, soċjetali u teknoloġiċi li qegħdin jevolvu. Din il-proposta u proposti relatati għar-reviżjoni tad-Direttivi l-oħrajn dwar is-sikurezza marittima huma wkoll parti minn u għandhom interazzjoni sinifikanti mal-korp tad-dritt tal-Unjoni li jirregola s-sikurezza marittima li jinkludi s-sistema ta’ monitoraġġ u informazzjoni dwar it-traffiku ta’ bastimenti tal-UE (SafeSeaNet) 15 ,, ir-Regolament li jistabbilixxi l-EMSA 16 , id-Direttiva dwar is-sikurezza tal-bastimenti tas-sajd 17 , il-leġiżlazzjoni tal-UE relatata ma’ organizzazzjonijiet rikonoxxuti 18 , id-Direttiva Qafas dwar l-Istrateġija Marina 19 u leġiżlazzjoni ambjentali oħra tal-UE 20 .

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

•Sussidjarjetà (għall-kompetenza mhux esklużiva)

Peress li l-istrumenti internazzjonali fil-qasam tal-PSC fis-settur tat-trasport marittimu huma kompetenza esklużiva tal-UE skont l-Artikolu 3(2) tat-TFUE, il-prinċipju tas-sussidjarjetà ma japplikax, la għal dawk l-istrumenti u lanqas għar-regoli tal-UE li jimplimentaw dawk il-ftehimiet.

•Proporzjonalità

•Għażla tal-istrument

Peress li l-proposta tirrikjedi biss li jsiru diversi emendi għad-Direttiva 2009/16/KE, Direttiva emendatorja hija l-aktar strument legali xieraq.

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post/kontrolli tal-idoneità tal-leġiżlazzjoni eżistenti

L-evalwazzjoni ex post tar-REFIT tal-2018 u l-kontroll tal-idoneità tat-trasport marittimu kkonkludew li, għalkemm id-Direttiva tillimita l-flessibbiltà tal-MtQ ta’ Pariġi sa ċertu punt, din iżżid il-valur, billi tgħaqqad qafas ta’ kontroll mill-Istat tal-port ma’ mekkaniżmu ta’ infurzar legali, biex tiżgura implimentazzjoni korretta u konsistenti fl-Istati Membri. Dan irriżulta fi pressjoni biex jinkisbu riżultati u jkun hemm titjib kontinwu, u b’hekk għal allokazzjoni aħjar tar-riżorsi fil-livell tal-Istati Membri għall-kontroll mill-Istat tal-port. L-evalwazzjoni kkonkludiet li d-Direttiva kkontribwiet għall-objettivi maħsuba sabiex jittejbu s-sikurezza marittima, is-sigurtà, il-prevenzjoni tat-tniġġis u sabiex jiġu żgurati kundizzjonijiet aħjar tax-xogħol u tal-għajxien abbord.

L-EMSA appoġġat ir-reġim ta’ kontroll mill-Istat tal-port b’modi importanti. Aktar minn żewġ terzi tal-Istati Membri tal-UE/taż-ŻEE li jwettqu spezzjonijiet jużaw esklużivament it-THETIS biex jagħżlu liema bastimenti għandhom jispezzjonaw. Ir-rwol tal-EMSA fil-ġestjoni u fl-aġġornament tat-THETIS, u t-taħriġ ipprovdut mill-EMSA tal-ispetturi sabiex jiġu armonizzati l-ispezzjonijiet fir-reġjun kollu tal-MtQ ta’ Pariġi, instab li kien importanti ħafna wkoll.

Barra minn hekk, il-Kummissjoni u l-EMSA mmonitorjaw kontinwament l-implimentazzjoni tad-Direttiva. Peress li r-rapporti ta’ spezzjoni tal-PSC jridu jittellgħu fit-THETIS malli titlesta spezzjoni, l-EMSA għandha ħarsa ġenerali kważi f’ħin reali u dettaljata tal-ispezzjonijiet kollha mwettqa. L-EMSA tipprovdi wkoll help desk u assistenza teknika lill-Istati Membri li jirrikjedu l-assistenza, u twettaq żjarat lill-Istati Membri taż-ŻEE biex tivverifika l-konformità.

Madankollu, il-kontroll tal-idoneità tat-trasport marittimu u l-analiżi orizzontali mill-EMSA identifikaw diversi oqsma li jistgħu jittejbu fir-reġim tal-PSC.

•Konsultazzjonijiet mal-partijiet ikkonċernati

–Erba’ intervisti esploratorji ma’ rappreżentanti fil-livell tal-UE ta’ partijiet ikkonċernati ewlenin, b’mod partikolari biex jappoġġaw u jirfinaw id-definizzjoni ġenerali tal-problema u l-għażliet ta’ politika possibbli.

–Stħarriġ immirat tal-partijiet ikkonċernati organizzat mill-konsulent inkarigat mill-istudju ta’ appoġġ estern għall-valutazzjoni tal-impatt, bejn is-7 ta’ Settembru 2021 u s-6 ta’ Ottubru 2021. L-istħarriġ intbagħat lill-partijiet ikkonċernati ewlenin b’talbiet speċifiċi għal informazzjoni, b’mod partikolari biex tiġi sostnuta l-valutazzjoni tal-impatti ta’ miżuri ta’ politika possibbli.

–Il-konsulent inkarigat mill-istudju ta’ appoġġ estern għall-valutazzjoni tal-impatt, organizza 22 intervista mmirata li saru mit-13 ta’ Lulju 2021 sas-16 ta’ Settembru 2021, mal-partijiet ikkonċernati ewlenin biex jimlew talbiet speċifiċi għal informazzjoni, b’mod partikolari biex tiġi appoġġata l-valutazzjoni tal-impatti ta’ miżuri ta’ politika possibbli.

–Attivitajiet ta’ konsultazzjoni addizzjonali organizzati mid-DĠ MOVE u mill-konsulent inkarigat mill-istudju ta’ appoġġ estern għall-valutazzjoni tal-impatt sabiex jiġu kkonsultati l-Istati Membri u l-partijiet ikkonċernati ewlenin sabiex jinstiltu l-fehmiet tagħhom dwar il-miżuri ta’ politika differenti u jiġu vvalidati r-riżultati emerġenti u finali tal-istudju ta’ appoġġ għall-Valutazzjoni tal-Impatt f’termini tal-kwantifikazzjoni tal-impatti. Dawn l-attivitajiet saru matul il-laqgħat tal-Kumitat tad-Djalogu Soċjali Settorjali tal-UE dwar it-trasport marittimu (16 ta’ April 2021, 23 ta’ Settembru 2021 u 16 ta’ Diċembru 2021), il-Kumitat tad-Djalogu Soċjali Settorjali tal-UE dwar is-Sajd fil-Baħar (29 ta’ Jannar 2021, 8 ta’ Marzu 2021 u 16 ta’ Novembru 2021), il-Kumitat tad-Djalogu Soċjali tas-Settur tal-UE dwar il-portijiet (19 ta’ Novembru 2021), laqgħa informali tad-Diretturi tat-Trasport Marittimu tal-UE/taż-ŻEE (30 ta’ Novembru 2021), laqgħat virtwali u personali tal-Kumitat tal-Kontroll mill-Istat tal-Port tal-MtQ ta’ Pariġi (Mejju 2021 u Mejju 2022), laqgħat tal-Kumitat tal-UE dwar l-Ibħra Sikuri u l-Prevenzjoni tat-Tniġġis mill-Bastimenti (17 ta’ Mejju 2021, 11 ta’ Novembru 2021 u 31 ta’ Mejju 2022).

•Ġbir u użu tal-għarfien espert

•Valutazzjoni tal-impatt

·Applikazzjoni tal-approċċ “one in, one out”

•Idoneità regolatorja u simplifikazzjoni (REFIT)

•Drittijiet fundamentali

4.IMPLIKAZZJONIJIET BAĠITARJI

5.ELEMENTI OĦRA

•Arranġamenti ta’ monitoraġġ, ta’ evalwazzjoni u ta’ rapportar

L-implimentazzjoni tista’ tiġi mmonitorjata permezz tal-monitoraġġ tal-Kummissjoni u/jew tal-EMSA tal-bażi tad-data THETIS biex jiġi vverifikat li l-vapuri qegħdin ikunu mmirati b’mod korrett għall-ispezzjoni u li l-ispezzjonijiet qegħdin jitwettqu b’mod korrett u li r-rapporti ta’ spezzjoni jittellgħu fil-bażi tad-data. L-EMSA twettaq ukoll ċikli ta’ żjarat lill-Istati Membri biex tivverifika l-operazzjonijiet fuq il-post bħala parti mir-rwol ta’ appoġġ tal-EMSA lill-Kummissjoni 21 . L-Istati Membri se jkollhom sistema ta’ ġestjoni tal-kwalità (QMS) biex jiċċertifikaw l-organizzazzjoni, il-politiki, il-proċessi, ir-riżorsi u d-dokumentazzjoni tagħha huma xierqa biex jintlaħqu l-objettivi tagħha. Dan se jkollu jiġi ċċertifikat u sussegwentement soġġett għal awditjar perjodiku. L-Istati Membri se jkunu meħtieġa jikkondividu mal-Kummissjoni/mal-EMSA r-riżultati tal-awditi mwettqa mill-korp akkreditat b’tali mod li l-awtoritajiet nazzjonali ta’ kontroll mill-Istat tal-port ikunu jistgħu jżommu ċ-ċertifikazzjoni tal-QMS tagħhom.

Billi ċ-ċiklu sħiħ taż-żjarat ta’ implimentazzjoni previsti tal-EMSA huwa skedat li jdum 5 snin 22 , huwa propost li ċ-ċiklu ta’ evalwazzjoni tad-Direttiva jiġi stabbilit f’intervalli ta’ 7 snin.

•Dokumenti ta’ spjegazzjoni (għad-direttivi)

•Spjegazzjoni fid-dettall tad-dispożizzjonijiet speċifiċi tal-proposta

Il-Premessa 11 tħeġġeġ lill-Istati Membri kollha tal-UE li huma eliġibbli (Spanja, il-Greċja, Franza, il-Kroazja, l-Italja u s-Slovenja) biex isiru membri tal-Memorandum ta’ Qbil Mediterran dwar il-kontroll mill-Istat tal-port biex itejbu l-kwalità u l-kwantità tal-ispezzjonijiet ta’ kontroll mill-Istat tal-port imwettqa fil-baċir tal-Mediterran.

Il-punt 28 jaġġorna l-Anness VIII dwar il-proċeduri tar-rifjut tal-aċċess (projbizzjoni) imsemmija fl-Artikolu 16 sabiex dawn jiġu allinjati mal-bidliet diġà miftiehma fil-MtQ ta’ Pariġi.

2023/0165 (COD)

Proposta għal

DIRETTIVA TAL-PARLAMENT EWROPEW U TAL-KUNSILL

li temenda d-Direttiva 2009/16/KE dwar il-kontroll mill-Istat tal-port

(Test b’rilevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 100(2) tiegħu,

Wara li kkunsidraw il-proposta tal-Kummissjoni Ewropea,

Wara li kkunsidraw l-opinjoni tal-Kumitat Ekonomiku u Soċjali Ewropew 23 ,

Wara li kkunsidraw l-opinjoni tal-Kumitat tar-Reġjuni 24 ,

Filwaqt li jaġixxu skont il-proċedura leġiżlattiva ordinarja,

Billi:

(1)Id-Direttiva 2009/16/KE tal-Parlament Ewropew u tal-Kunsill 25 tistabbilixxi regoli dwar is-sistema għall-ispezzjonijiet tal-kontroll mill-Istat tal-port, fejn vapuri eliġibbli li jidħlu f’portijiet tal-Unjoni jiġu spezzjonati biex jiġi vverifikat jekk il-kompetenza tal-ekwipaġġ abbord u l-kundizzjoni tal-vapur u t-tagħmir tiegħu jikkonformawx mar-rekwiżiti ta’ konvenzjonijiet internazzjonali dwar is-sikurezza tal-ħajja fuq il-baħar u dwar il-protezzjoni tal-ambjent tal-baħar.

(2)Id-Direttiva 2009/16/KE hija bbażata fuq l-istruttura intergovernattiva volontarja diġà eżistenti tal-Memorandum ta’ Qbil ta’ Pariġi dwar il-kontroll mill-Istat tal-port (MtQ ta’ Pariġi) u l-kunċetti ta’ piż kondiviż ta’ spezzjoni, immirar ibbażat fuq ir-riskju tal-vapuri għall-ispezzjonijiet, spezzjonijiet armonizzati u l-kondiviżjoni tar-riżultati tal-ispezzjoni.

(3)Minn meta daħlet fis-seħħ id-Direttiva 2009/16/KE, kien hemm bidliet fl-ambjent regolatorju internazzjonali (b’mod partikolari fil-MtQ ta’ Pariġi u fl-Organizzazzjoni Marittima Internazzjonali) u fl-iżviluppi teknoloġiċi. Dawk il-bidliet kif ukoll l-esperjenza miksuba mill-implimentazzjoni tad-Direttiva 2009/16/KE jenħtieġ li jitqiesu.

(4)Għadd ta’ konvenzjonijiet internazzjonali daħlu fis-seħħ u ġew ratifikati mill-Istati Membri mill-2011. Dawn huma l-Konvenzjoni Internazzjonali għall-Kontroll u l-Ġestjoni tal-Ilma u s-Sedimenti tas-Saborra tal-Vapuri (il-Konvenzjoni ta’ BWM) u l-Konvenzjoni Internazzjonali ta’ Nairobi dwar it-Tneħħija ta’ Fdalijiet ta’ Bastimenti (il-Konvenzjoni ta’ Nairobi). Għalhekk, jenħtieġ li dawn jiġu inklużi fil-lista tal-Konvenzjonijiet koperti mid-Direttiva 2009/16/KE, biex ikunu jistgħu jiġu infurzati bħala parti mis-sistema ta’ kontroll mill-Istat tal-port.

(5)Sabiex tkun tista’ ssir sistema aġġornata u armonizzata ta’ kontroll mill-Istat tal-port huwa meħtieġ li jkun hemm mod aktar mgħaġġel biex tiġi aġġornata l-lista ta’ konvenzjonijiet internazzjonali infurzati mill-kontroll mill-Istat tal-port mingħajr il-ħtieġa li tiġi emendata d-Direttiva kollha. Għalhekk ladarba Konvenzjoni internazzjonali tkun daħlet fis-seħħ – jiġifieri tkun laħqet livell miftiehem ta’ ratifika – u wara l-adozzjoni tagħha mill-Membri tal-MtQ ta’ Ftehim ta’ Pariġi bħala strument rilevanti, il-lista ta’ Konvenzjonijiet fid-Direttiva jenħtieġ li tiġi aġġornata mill-Kummissjoni.

(6)Minħabba d-daqs żgħir tagħhom, il-biċċa l-kbira tal-bastimenti tas-sajd fl-UE joperaw f’ilmijiet territorjali, u ma humiex suxxettibbli li jiġu spezzjonati f’portijiet barranin. Dan ifisser li b’mod ġenerali, bastimenti tas-sajd b’tul ta’ aktar minn 24 metru biss (li huma wkoll il-bastimenti tas-sajd li huma l-aktar soġġetti għal konvenzjonijiet internazzjonali) x’aktarx jinvolvu ruħhom f’ilmijiet internazzjonali u jidħlu f’portijiet differenti minn dawk fil-pajjiż fejn ikunu rreġistrati u għalhekk ikunu soġġetti għal PSC. Peress li l-maġġoranza tal-konvenzjonijiet internazzjonali applikabbli għal bastimenti tas-sajd akbar huma differenti minn dawk li bħalissa huma infurzati permezz tal-kontroll mill-Istat tal-port u biex jiġu evitati effetti sekondarji mhux mixtieqa fuq is-sistema kurrenti ta’ kontroll mill-Istat tal-port, qiegħda tiġi proposta sistema parallela ta’ kontroll mill-Istat tal-port għall-bastimenti tas-sajd.

(7)Madankollu, minħabba x-xejriet tas-sajd mhux l-Istati Membri kollha tal-UE ssirilhom żjara minn dawn il-bastimenti tas-sajd akbar. Għalhekk, qiegħda tiġi proposta sistema volontarja għal dawk l-Istati Membri tal-UE li jixtiequ jwettqu dawn l-ispezzjonijiet u li hija separata mir-reġim attwali ta’ kontroll mill-Istat tal-port biex tippermetti l-flessibbiltà u l-mod kif l-istandards jiġu żviluppati fil-kontroll mill-Istat tal-port. Din is-sistema ta’ kontroll mill-Istat tal-port tal-bastiment tas-sajd b’tul ta’ aktar minn 24 metru tista’ għalhekk tiġi żviluppata b’mod organiku mill-Istati Membri, mill-MtQ ta’ Pariġi u mill-Kummissjoni.

(8)Il-mekkaniżmu tas-sehem ġust jipprovdi distribuzzjoni tal-piż ta’ spezzjoni fost l-Istati Membri tal-MtQ ta’ Pariġi. Kull Stat Membru jiġi allokat ċertu numru ta’ spezzjonijiet – l-impenn ta’ spezzjoni tiegħu jew is-“sehem ġust” – li għandhom jitwettqu kull sena. L-eliġibbiltà għall-ispezzjoni hija ddeterminata primarjament mit-tul ta’ żmien li għadda mill-aħħar spezzjoni. Il-vapuri ta’ prijorità II jistgħu jiġu spezzjonati waqt li l-bastimenti ta’ Prijorità I għandhom jiġu spezzjonati.

(9)L-Istati Membri jistgħu jaqbżu ċertu numru ta’ spezzjonijiet ta’ “Prijorità” u xorta jikkonformaw mal-impenn ta’ spezzjoni tagħhom. Madankollu, għal xi Stati Membri l-għadd ta’ sejħiet għall-vapuri li fil-fatt iseħħu matul sena partikolari jista’ jew jaqbeż jew ikun inqas mill-impenn ta’ spezzjoni allokat. Metodu alternattiv ta’ konformità mal-obbligu tas-sehem ġust għal dawn l-Istati Membri (mgħobbija żżejjed jew mhux mgħobbija biżżejjed) instab li ma kienx flessibbli, għalhekk huwa meħtieġ li d-dispożizzjonijiet ikkonċernati jiġu allinjati mad-dispożizzjonijiet riveduti tal-MtQ ta’ Pariġi.

(10)L-Istati Membri huma permessi wkoll li jipposponu l-ispezzjonijiet tal-vapuri f’ċerti ċirkostanzi, diment li l-bastiment jiġi spezzjonat fil-port tal-waqfa li jmiss jew fi żmien 15-il jum u din il-possibbiltà tiġi mmodifikata sabiex tkun tista’ tintuża mill-Istati Membri kollha. Ċerti kategoriji ta’ bastimenti li huma perċepiti li jippreżentaw riskju ogħla u li għalhekk huma eliġibbli għal spezzjoni estiża huma meħtieġa li jinnotifikaw il-ħin stmat tal-wasla tagħhom lejn port ta’ 72 siegħa qabel il-wasla tagħhom. Madankollu wara għadd ta’ snin, ġie konkluż li dan l-obbligu kien ta’ piż kbir wisq fuq l-operaturi u ma żied l-ebda valur peress li l-awtoritajiet nazzjonali diġà għandhom l-informazzjoni meħtieġa disponibbli aktar faċilment fil-bażi tad-data THETIS. Abbażi ta’ dan, il-MtQ ta’ Pariġi neħħa dan l-obbligu ta’ notifika ta’ qabel il-wasla, u għalhekk id-Direttiva 2009/16/KE jenħtieġ li tiġi allinjata kif xieraq.

(11)Matul l-aħħar 10 snin u minkejja ż-żidiet fl-għadd ta’ bastimenti li jidħlu fil-portijiet tal-UE inkluż it-trasport marittimu fuq distanzi qosra ta’ merkanzija bejn il-portijiet ewlenin fl-Istati Membri tal-UE u l-portijiet li jinsabu fl-Ewropa ġeografika jew f’pajjiżi mhux Ewropej fil-Mediterran u fil-Baħar l-Iswed, il-profil tas-sikurezza tal-bastimenti li jidħlu fil-portijiet tal-UE tjieb b’mod konsiderevoli. L-ispezzjonijiet tal-kontroll mill-Istat tal-port qegħdin jintużaw dejjem aktar biex tiġi infurzata l-leġiżlazzjoni ambjentali bħal fir-rigward tal-emissjonijiet tal-kubrit jew l-iskrappjar sikur u ambjentali tal-vapuri. Il-pakkett “lesti għall-mira ta’ 55 %” għandu l-għan li jnaqqas l-emissjonijiet totali tal-gassijiet serra tal-UE b’55 % sal-2030, u b’hekk iwitti t-triq għan-newtralità klimatika sal-2050 u t-trasport marittimu huwa mistenni li jikkontribwixxi għal dan l-isforz. Madankollu, il-profil ta’ riskju tal-vapuri mfassal qabel l-2009 kellu prijoritajiet differenti u ma huwiex adattat bis-sħiħ biex jiffoka l-isforz ta’ spezzjoni fuq il-bastimenti bl-inqas prestazzjoni ambjentali.

(12)Fuq din il-bażi, il-profil ta’ riskju tal-vapur jenħtieġ li jiġi aġġornat biex jirrifletti kwistjonijiet ambjentali billi tingħata aktar importanza lill-prestazzjoni ambjentali, inkluża l-intensità tal-karbonju operazzjonali tal-vapuri li jkunu qegħdin jiġu spezzjonati kif ukoll lil nuqqasijiet u detenzjonijiet relatati mal-ambjent.

(13)Id-diġitalizzazzjoni hija parti integrali mill-progress teknoloġiku fil-qasam tal-ġbir u l-komunikazzjoni tad-data bil-ħsieb li tgħin biex jitnaqqsu l-kostijiet u biex ir-riżorsi umani jintużaw b’ effiċjenza. L-għadd ta’ vapuri li bħalissa jġorru ċertifikati elettroniċi qiegħed jiżdied u mistenni li jiżdied. Għalhekk, l-effettività tal-kontroll mill-Istat tal-port jenħtieġ li tissaħħaħ billi jsir aktar użu miċ-ċertifikati elettroniċi biex ikunu jistgħu jsiru spezzjonijiet aktar iffukati fuq il-vapuri mħejjija aħjar. L-adozzjoni u l-użu ta’ dawn iċ-ċertifikati elettroniċi jenħtieġ li jiġu inċentivati bl-inklużjoni tagħhom fil-profil ta’ riskju tal-vapur.

(14)Il-kontroll mill-Istat tal-port qiegħed isir aktar kumpless hekk kif qed jiżdiedu rekwiżiti ġodda ta’ spezzjoni, jew permezz tad-dritt tal-Unjoni jew permezz tal-Organizzazzjoni Marittima Internazzjonali. Għalhekk hemm bżonn li jiġi żgurat it-titjib tal-ħiliet u t-taħriġ mill-ġdid tal-uffiċjali ta’ kontroll mill-Istat tal-port u li t-taħriġ tagħhom jiġi żviluppat kontinwament.

(15)L-amministrazzjonijiet tal-Istati tal-bandiera tal-Unjoni f’konformità mad-Direttiva 2009/21/KE tal-Parlament Ewropew u tal-Kunsill 26 huma meħtieġa li jkollhom sistema ta’ ġestjoni tal-kwalità sabiex jgħinu lill-Istati Membri jkomplu jtejbu l-prestazzjoni tagħhom bħala Stati tal-bandiera u jiżguraw kundizzjonijiet ekwivalenti bejn l-amministrazzjonijiet. Rekwiżit simili għall-attivitajiet ta’ kontroll mill-Istat tal-port jenħtieġ li jippermetti lill-Istati Membri jiċċertifikaw li l-organizzazzjoni tagħhom, il-politiki, il-proċessi, ir-riżorsi u d-dokumentazzjoni tagħha huma xierqa biex jintlaħqu l-objettivi tagħha kif ukoll jidentifikaw problemi tas-sistema bħal kwistjonijiet ta’ allokazzjoni tar-riżorsi jew tal-persunal qabel ma dawn isiru problematiċi.

(16)Sabiex tkun tista’ ssir applikazzjoni aġġornata tad-dispożizzjonijiet ta’ din id-Direttiva biex l-Istati Membri jkunu jistgħu jissodisfaw l-obbligi tagħhom skont id-dritt internazzjonali f’konformità mad-Direttiva, is-setgħa ta’ adozzjoni ta’ atti skont l-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi delegata lill-Kummissjoni fir-rigward tal-aġġornament tal-Konvenzjonijiet fil-kamp ta’ applikazzjoni tad-Direttiva 2009/16/KE u li temenda l-lista ta’ proċeduri u linji gwida relatati mal-Istat tal-port Kontroll adottati mill-MtQ ta’ Pariġi. Huwa ta’ importanza partikolari li l-Kummissjoni twettaq konsultazzjonijiet xierqa matul il-ħidma preparatorja tagħha, inkluż fil-livell ta’ esperti, u li dawk il-konsultazzjonijiet isiru f’konformità mal-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet 27 . B’mod partikolari, biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati.

(17)Sabiex jiġu żgurati kundizzjonijiet uniformi għall-implimentazzjoni tad-dispożizzjonijiet tad-Direttiva 2009/16/KE dwar il-lista ta’ Konvenzjonijiet taħt il-kamp ta’ applikazzjoni tagħha, b’mod ġenerali, ir-reġim volontarju ta’ kontroll mill-Istat tal-port għall-bastimenti tas-sajd b’tul ta’ aktar minn 24 metru, il-kundizzjonijiet għall-applikazzjoni tal-Anness VII dwar spezzjoni estiża, is-sett uniformi ta’ linji gwida u proċeduri dwar is-sikurezza u s-sigurtà, kif ukoll ir-rekwiżiti għaċ-ċertifikati elettroniċi, jenħtieġ li l-Kummissjoni tingħata setgħat ta’ implimentazzjoni. Dawk is-setgħat jenħtieġ li jiġu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill 28 .

(18)Sabiex tittejjeb il-kwalità tal-ispezzjonijiet tal-kontroll mill-Istat tal-port f’żoni tal-baħar qrib l-UE, l-Istati Membri eliġibbli kollha huma mħeġġa jissieħbu fil-MtQ tal-Mediterran dwar il-kontroll mill-Istat tal-port (MtQ tal-Mediterran).

(19)Fid-dawl taċ-ċiklu sħiħ ta’ monitoraġġ taż-żjarat fl-Istati Membri mill-Aġenzija Ewropea għas-Sigurtà Marittima (EMSA) biex timmonitorja l-implimentazzjoni tad-Direttiva 2009/16/KE, il-Kummissjoni jenħtieġ li tevalwa l-implimentazzjoni tad-Direttiva 2009/16/KE mhux aktar tard minn [10 snin wara d-data tal-applikazzjoni tagħha msemmija fl-Artikolu XX)] u tirrapporta lill-Parlament Ewropew u lill-Kunsill dwarha. Jenħtieġ li l-Istati Membri jikkooperaw mal-Kummissjoni biex jiġbru l-informazzjoni kollha meħtieġa għal din l-evalwazzjoni.

(20)Peress li l-objettivi ta’ din id-Direttiva ma jistgħux jintlaħqu b’mod suffiċjenti mill-Istati Membri minħabba n-natura internazzjonali tat-trasport marittimu iżda pjuttost jistgħu, minħabba l-effetti tan-network tal-Istati Membri li jaġixxu flimkien, jintlaħqu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità, kif stabbilit f’dak l-Artikolu, din id-Direttiva ma tmurx lil hinn minn dak li huwa meħtieġ sabiex jintlaħqu dawk l-objettivi.

(21)Għalhekk jenħtieġ li d-Direttiva 2009/16/KE tiġi emendata skont dan,

ADOTTAW DIN ID-DIRETTIVA:

Artikolu 1

Emendi għad-Direttiva 2009/16/KE

Id-Direttiva 2009/16/UE hija emendata kif ġej:

(1)l-Artikolu 2 huwa emendat kif ġej:

(a)fil-punt 1, jiżdiedu l-punti (i) u (m) li ġejjin:

“(l)Il-Konvenzjoni Internazzjonali għall-Kontroll u l-Ġestjoni tal-Ilma u s-Sedimenti tas-Saborra tal-Vapuri (il-Konvenzjoni BWM);

(m)Il-Konvenzjoni Internazzjonali ta’ Nairobi dwar it-Tneħħija ta’ Fdalijiet ta’ Bastimenti (il-Konvenzjoni ta’ Nairobi).”

(b)jitħassar il-punt 3.

(2)l-Artikolu 3 huwa emendat kif ġej:

(a)il-paragrafu 4 huwa sostitwit b’dan li ġej:

“4.Bastimenti tas-sajd b’tul ġenerali ta’ inqas minn 24 metru, vapuri tal-gwerra, awżiljarji navali, vapuri tal-injam b’binja primittiva, vapuri tal-gvern użati għal skopijiet mhux kummerċjali u jottijiet tad-divertiment li ma jkunux involuti fil-kummerċ għandhom jiġu esklużi mill-kamp ta’ applikazzjoni ta’ din id-Direttiva.”

(b) jiżdied il-paragrafu 4a li ġej:

“4a.L-Istati Membri jistgħu jwettqu spezzjonijiet ta’ kontroll mill-Istat tal-port ta’ bastimenti tas-sajd b’tul ġenerali ta’ aktar minn 24 metru. Il-Kummissjoni għandha tadotta atti ta’ implimentazzjoni li jistabbilixxu l-modalitajiet ta’ tali reġim speċifiku ta’ kontroll mill-Istat tal-port għall-bastimenti tas-sajd b’tul ġenerali ta’ aktar minn 24 metru. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 31(2).”

(3)fl-Artikolu 5, jiddaħħal il-paragrafu 2a li ġej:

“2a.L-ispezzjonijiet tal-vapuri ta’ Prijorità II imwettqa mill-Istati Membri meta l-impenn ta’ spezzjoni annwali tagħhom ikun inqabeż b’aktar minn 150 % ma għandhomx jitqiesu fil-kalkolu tal-impenn ta’ spezzjoni annwali tal-Istati Membri li huma partijiet għall-MtQ ta’ Pariġi.”

(4)l-Artikolu 6 huwa sostitwit b’dan li ġej:

“Artikolu 6

Modalitajiet tal-konformità mal-impenn ta’ spezzjoni

Stat Membru li jonqos milli jwettaq l-ispezzjonijiet meħtieġa fl-Artikolu 5(2)(a), jikkonforma mal-impenn tiegħu f’konformità ma’ dik id-dispożizzjoni jekk tali spezzjonijiet li ma jkunux saru ma jaqbżux l-10 % tal-għadd totali ta’ bastimenti ta’ prijorità I li jidħlu fil-portijiet u fl-ankraġġi tiegħu, irrispettivament mill-profil ta’ riskju tagħhom.

Minkejja l-perċentwali ta’ spezzjonijiet maqbuża msemmija fl-ewwel subparagrafu, l-Istati Membri għandhom jipprijoritizzaw l-ispezzjoni ta’ vapuri, li, skont l-informazzjoni pprovduta mill-bażi tad-data għall-ispezzjonijiet, jidħlu fil-portijiet fil-Komunità b’mod mhux frekwenti.

Minkejja l-perċentwali ta’ spezzjonijiet maqbuża msemmija fl-ewwel subparagrafu, għal vapuri ta’ Prijorità I li jidħlu fl-ankraġġi, l-Istati Membri għandhom jipprijoritizzaw l-ispezzjoni ta’ vapuri bi profil ta’ riskju għoli, li, skont l-informazzjoni pprovduta mill-bażi tad-data għall-ispezzjonijiet, jidħlu fil-portijiet fl-Unjoni b’mod mhux frekwenti.”

(5)fl-Artikolu 7, il-paragrafu 2 huwa sostitwit b’dan li ġej:

“2.Stat Membru, li fih l-għadd totali ta’ sejħiet ta’ bastimenti ta’ Prijorità I u ta’ Prijorità II ikun inqas minn 150 % tas-sehem ta’ spezzjoni msemmi fl-Artikolu 5(2) il-punt (b), għandu jitqies bħala li jikkonforma mal-impenn annwali ta’ spezzjoni tiegħu, jekk dak l-Istat Membru jwettaq spezzjonijiet ta’ żewġ terzi tal-vapuri ta’ Prijorità I u II tal-għadd totali ta’ vapuri ta’ Prijorità I u II li jidħlu fil-portijiet u fl-ankraġġi tiegħu.”,

(6)fl-Artikolu 8, il-paragrafi 1 u 2 huma sostitwiti b’dawn li ġejjin:

1.Stat Membru jista’ jiddeċiedi li jipposponi l-ispezzjoni ta’ vapur ta’ Prijorità I jew Prijorità 2 fiċ-ċirkostanzi li ġejjin:

(a)jekk l-ispezzjoni tista’ titwettaq fiż-żjara li jmiss tal-vapur fl-istess Stat Membru, diment li l-vapur ma jżurx kwalunkwe port ieħor fl-Unjoni jew fir-reġjun tal-MtQ ta’ Pariġi bejn iż-żewġ żjarat u l-posponiment ma jkunx ta’ aktar minn 15-il jum; jew

(b)jekk l-ispezzjoni tista’ titwettaq f’port ieħor tal-waqfa fil-Komunità jew fir-reġjun tal-MtQ ta’ Pariġi fi żmien 15-il jum, diment li l-Istat li fih jinsab it-tali port tal-waqfa jkun qabel bil-quddiem li jwettaq l-ispezzjoni.

2.Meta ma ssirx spezzjoni fuq vapur ta’ Prijorità I jew Prijorità II minħabba raġunijiet operazzjonali, din ma għandhiex tingħadd bħala spezzjoni maqbuża, diment li r-raġuni għaliex inqabżet l-ispezzjoni tiġi rreġistrata fil-bażi tad-data għall-ispezzjonijiet u jekk iseħħu ċ-ċirkostanzi eċċezzjonali li ġejjin:

(a)fil-ġudizzju tal-awtorità kompetenti, it-twettiq tal-ispezzjoni joħloq riskju għas-sikurezza tal-ispetturi, tal-vapur, tal-ekwipaġġ tiegħu jew tal-port jew tal-ambjent tal-baħar, jew; jew

(b)il-vapur jidħol biss matul il-lejl (kif previst fl-Artikolu 2(10)). F’dan il-każ, l-Istati Membri għandhom jieħdu l-miżuri meħtieġa biex jiżguraw li l-vapuri li jidħlu regolarment matul il-lejl jiġu spezzjonati kif xieraq.”

(7)jiddaħħal l-Artikolu 8a li ġej:

“Artikolu 8a

Force majeure

In-nuqqas li titwettaq spezzjoni minħabba raġunijiet ta’ force majeure ma għandux jitqies bħala spezzjoni maqbuża diment li l-ispezzjoni maqbuża u r-raġunijiet għan-nuqqas ta’ twettiq tagħha jkunu ddokumentati u rreġistrati fil-bażi tad-data tal-ispezzjoni.”

(8)jitħassar l-Artikolu 9;

(9)fl-Artikolu 10(2), jiżdied dan li ġej

“(c) Parametri ambjentali

Il-parametri ambjentali għandhom ikunu bbażati fuq l-Indikatur tal-Intensità tal-Karbonju tal-vapur u fuq l-għadd ta’ nuqqasijiet relatati mal-MARPOL, mal-AFS, mal-Konvenzjoni BWM, mas-CLC 92, mal-Konvenzjoni dwar il-Bunkers u mal-Konvenzjonijiet ta’ Nairobi f’konformità mal-Anness I, mal-Parti I.3 u mal-Anness II.”

(10)fl-Artikolu 14, il-paragrafu 4 huwa sostitwit b’dan li ġej:

“4.Spezzjoni estiża għandha ssir minn mhux inqas minn żewġ uffiċjali tal-kontroll mill-Istat tal-port. L-ambitu ta’ spezzjoni estiża, inklużi l-oqsma ta’ riskju li għandhom jiġu koperti, huwa stabbilit fl-Anness VII. Il-Kummissjoni għandha tadotta miżuri dettaljati permezz ta’ atti ta’ implimentazzjoni biex tiżgura kundizzjonijiet uniformi għall-applikazzjoni tal-Anness VII. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 31(2).”;

(11)fl-Artikolu 14a, il-paragrafu 4 huwa sostitwit b’dan li ġej:

“4.L-Artikolu 11 il-punt (a) u l-Artikolu 14 ma għandhomx japplikaw għal vapuri ro-ro tal-passiġġieri u inġenji ta’ veloċità għolja għall-passiġġieri f’servizz regolari spezzjonati skont dan l-Artikolu.”

(12)l-Artikolu 16 huwa emendat kif ġej:

(a)il-paragrafu 1 huwa sostitwit b’dan li ġej:

“1.Stat Membru għandu jirrifjuta l-aċċess għall-portijiet u l-ankraġġi tiegħu lil kwalunkwe vapur li:

–itajjar il-bandiera ta’ Stat li jaqa’ fil-lista ta’ prestazzjoni baxxa, adottata f’konformità mal-MtQ ta’ Pariġi fuq il-bażi ta’ informazzjoni rreġistrata fil-bażi tad-data għall-ispezzjonijiet u kif ippubblikata kull sena mill-Kummissjoni, u li jkun inżamm aktar minn darbtejn matul is-36 xahar preċedenti f’port jew f’ankraġġ ta’ Stat Membru jew ta’ Stat firmatarju tal-MtQ ta’ Pariġi, jew

–itajjar il-bandiera ta’ Stat li jaqa’ fil-lista ta’ prestazzjoni għolja jew medja, adottata f’konformità mal-MtQ ta’ Pariġi fuq il-bażi ta’ informazzjoni rreġistrata fil-bażi tad-data għall-ispezzjonijiet u kif ippubblikata kull sena mill-Kummissjoni, u li jkun inżamm aktar minn darbtejn matul l-24 xahar preċedenti f’port jew f’ankraġġ ta’ Stat Membru jew ta’ Stat firmatarju tal-MtQ ta’ Pariġi.

L-ewwel subparagrafu ta’ dan l-Artikolu ma għandux japplika għas-sitwazzjonijiet imsemmija fl-Artikolu 21(6).

Ir-rifjut tal-aċċess għandu jkun applikabbli malli l-vapur iħalli l-port jew l-ankraġġ fejn ikun ġie soġġett għat-tielet detenzjoni u fejn tkun inħarġet ordni ta’ rifjut tal-aċċess.”;

(b)il-paragrafu 3 huwa sostitwit b’dan li ġej:

“3.Kwalunkwe detenzjoni sussegwenti f’port jew f’ankraġġ fl-Unjoni għandha tirriżulta fil-fatt li l-vapur jiġi rrifjutat l-aċċess għal kwalunkwe port u ankraġġ fl-Unjoni. Din it-tielet ordni ta’ rifjut tal-aċċess tista’ titneħħa wara li jkun għadda perjodu ta’ 24 xahar mill-ħruġ tal-ordni u biss jekk:

–(a) iċ-ċertifikati statutorji u ta’ klassifikazzjoni tal-vapur jinħarġu minn organizzazzjoni jew minn organizzazzjonijiet rikonoxxuti skont ir-Regolament (KE) Nru 391/2009 tal-Parlament Ewropew u tal-Kunsill 29

–(b) il-vapur huwa ġestit minn kumpanija bi prestazzjoni għolja skont l-Anness I, il-Parti I.1, u

–jiġu ssodisfati l-kundizzjonijiet elenkati fil-paragrafi 3 sa 9 tal-Anness VIII.

Kull vapur li ma jissodisfax il-kriterji speċifikati f’dan il-paragrafu, wara li jkun għadda l-perjodu ta’ 24 xahar mill-ħruġ tal-ordni, għandu jiġi rrifjutat permanentement l-aċċess għal kwalunkwe port u ankraġġ fl-Unjoni.”

(c)il-paragrafu 4 huwa sostitwit b’dan li ġej:

“4.Kwalunkwe detenzjoni sussegwenti ta’ bastiment li jtajjar il-bandiera ta’ Stat elenkat fil-lista ta’ prestazzjoni medja jew baxxa, kif ippubblikata fir-rapport annwali tal-MtQ ta’ Pariġi, f’port jew f’ankraġġ fl-Unjoni wara t-tielet rifjut tal-aċċess għandha twassal biex il-bastiment jiġi rrifjutat permanentement l-aċċess għal kwalunkwe port u ankraġġ fl-Unjoni.”

(d)jiddaħħal il-paragrafu 4a li ġej:

“4a.Jekk vapur li jtajjar il-bandiera ta’ Stat elenkat fil-lista ta’ prestazzjoni għolja jinżamm f’port jew f’ankraġġ wara t-tielet jew kwalunkwe rifjut sussegwenti tal-aċċess u, fiż-żmien tal-ewwel interfaċċa sussegwenti tal-vapur/tal-port f’port tal-UE, iċ-ċertifikati statutorji u ta’ klassifikazzjoni tal-vapur jinħarġu minn organizzazzjoni jew minn organizzazzjonijiet rikonoxxuti skont ir-Regolament (KE) Nru 391/2009 u tiġi pprovduta evidenza li tkun saret żjara abbord mis-soċjetà ta’ klassifikazzjoni qabel il-ħruġ ta’ tali ċertifikati, il-vapur għandu jiġi rrifjutat l-aċċess għal kwalunkwe port jew ankraġġ għal perjodu ta’ 24 xahar.

Jekk fiż-żmien tal-ewwel interfaċċa tal-vapur/port, iċ-ċertifikati statutorji jew ta’ klassifikazzjoni ma jinħarġux minn organizzazzjoni jew minn organizzazzjonijiet rikonoxxuti skont ir-Regolament (KE) Nru 391/2009, il-vapur għandu jiġi rrifjutat permanentement l-aċċess għal kwalunkwe port u ankraġġ.”

(13)fl-Artikolu 21, il-paragrafu 4 huwa sostitwit b’dan li ġej:

“4.L-Istati Membri għandhom jieħdu miżuri biex jiżguraw li l-aċċess għal kwalunkwe port jew ankraġġ fl-Unjoni jiġi rrifjutat għall-vapuri msemmija fil-paragrafu 1 li jipproċedu għall-baħar:

(a)mingħajr ma jikkonformaw mal-kundizzjonijiet determinati mill-awtorità kompetenti ta’ kwalunkwe Stat Membru fil-port ta’ spezzjoni; jew

(b)li ma jikkonformawx mar-rekwiżiti applikabbli tal-Konvenzjonijiet billi ma jmorrux fil-baċir għat-tiswija indikat.

L-ordni ta’ rifjut tal-aċċess għandha titneħħa wara li jkun għadda perjodu ta’ 12-il xahar. L-ordni ta’ rifjut tal-aċċess għandha ssir applikabbli mid-data tal-ħruġ tagħha.

Tali rifjut għandu jinżamm sakemm is-sid jew l-operatur jipprovdi evidenza għas-sodisfazzjon tal-awtorità kompetenti tal-Istat Membru fejn instab li l-vapur kien difettuż, li turi li l-vapur jikkonforma bis-sħiħ mar-rekwiżiti applikabbli tal-Konvenzjonijiet.”

(14)fl-Artikolu 22, il-paragrafu 7 huwa sostitwit b’dan li ġej:

“7.F’kooperazzjoni mal-Istati Membri u billi jitqiesu l-għarfien espert u l-esperjenza miksuba fl-Unjoni u fl-ambitu tal-MtQ ta’ Pariġi, il-Kummissjoni għandha tiżviluppa programm ta’ żvilupp u taħriġ professjonali għall-ispetturi ta’ kontroll mill-Istat tal-port. Dan il-programm ta’ taħriġ għandu jqis l-ambitu usa’ tal-kontroll mill-Istat tal-port kif ukoll it-titjib fl-ambitu u fil-forom tat-taħriġ.

F’kooperazzjoni mal-Istati Membri, il-Kummissjoni għandha, fuq bażi kontinwa, tidentifika u tipprovdi ħtiġijiet ġodda ta’ taħriġ biex jiġu emendati l-kurrikuli, is-sillabi u l-kontenut tal-programm ta’ żvilupp u taħriġ professjonali għall-ispetturi, speċjalment fir-rigward ta’ teknoloġiji ġodda u fir-rigward tal-obbligi addizzjonali li jirriżultaw mill-istrumenti rilevanti.”

(15)l-Artikolu 24 huwa emendat kif ġej:

(a)il-paragrafu 2 huwa sostitwit b’dan li ġej:

“2.L-Istati Membri għandhom jieħdu l-miżuri xierqa sabiex jiżguraw li l-informazzjoni dwar il-ħin attwali tal-wasla u l-ħin attwali tat-tluq ta’ kwalunkwe vapur li jżur il-portijiet u l-ankraġġi, flimkien ma’ identifikatur tal-port ikkonċernat, tiġi ttrasferita fi żmien 3 sigħat mit-tluq fil-bażi tad-data għall-ispezzjonijiet permezz tas-sistema ta’ skambju ta’ informazzjoni marittima tal-Unjoni “SafeSeaNet” imsemmija fl-Artikolu 3 il-punt (s) tad-Direttiva 2002/59/KE. Ladarba jkunu ttrasferew tali informazzjoni fil-bażi tad-data għall-ispezzjonijiet permezz ta’ SafeSeaNet, l-Istati Membri jkunu eżentati mill-forniment ta’ data bi qbil mal-punti 1.2 u 2(a) u (b) tal-Anness XIV ta’ din id-Direttiva.”

(b)il-paragrafu 3 huwa sostitwit b’dan li ġej:

“3.L-Istati Membri għandhom jiżguraw li l-informazzjoni marbuta mal-ispezzjonijiet imwettqin f’konformità ma’ din id-Direttiva tiġi ttrasferita fil-bażi tad-data għall-ispezzjonijiet hekk kif jitlesta r-rapport ta’ spezzjoni jew titneħħa d-detenzjoni.

Fi żmien 72 siegħa, l-Istati Membri għandhom jiżguraw li l-informazzjoni ttrasferita fil-bażi tad-data għall-ispezzjonijiet tiġi vvalidata għal finijiet ta’ pubblikazzjoni. Ir-rapport ta’ spezzjoni għandu jiġi vvalidat qabel it-trasferiment tiegħu fil-bażi tad-data minn spettur tal-kontroll mill-Istat tal-port li ma kienx parti mit-tim li wettaq l-ispezzjoni.”

(16)jiddaħħal l-Artikolu 24a li ġej:

“Artikolu 24a

Ċertifikati elettroniċi

1.Il-Kummissjoni għandha, f’kooperazzjoni mill-qrib mal-Istati Membri, tadotta atti ta’ implimentazzjoni li jistabbilixxu l-ispeċifikazzjonijiet funzjonali u tekniċi għal interfaċċa armonizzata tar-rapportar, għodda ta’ validazzjoni u repożitorju/bażi tad-data ċentrali għall-verżjonijiet elettroniċi taċ-ċertifikati elenkati fl-Anness IV u msemmija fl-Artikolu 13(1). Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 31(2).”

2.L-Istati Membri jistgħu jużaw l-interfaċċa armonizzata tar-rapportar, l-għodda ta’ validazzjoni u r-repożitorju/il-bażi tad-data ċentrali għall-verżjonijiet elettroniċi taċ-ċertifikati biex jiffaċilitaw it-tranżizzjoni tar-reġistri tal-vapuri tagħhom għaċ-ċertifikati elettroniċi.

3.Il-vapuri li jtajru l-bandiera ta’ Stat li joħroġ tali ċertifikati elettroniċi għandu jkollhom dan rifless fil-profil ta’ riskju tal-vapur (SRP) kif stabbilit fl-Annessi I u II.

4.L-Istat Membru għandu jkun responsabbli biex jiżgura s-sottomissjoni tal-elementi tad-data f’konformità mar-rekwiżiti legali u tekniċi applikabbli, l-Istat Membru għandu jibqa’ responsabbli għad-data u għall-validità tal-informazzjoni u taċ-ċertifikati, kif ukoll għall-aġġornament ta’ kwalunkwe informazzjoni li tkun inbidlet wara s-sottomissjoni fil-bażi tad-data ċentrali.”

(17)l-Artikolu 25 huwa sostitwit b’dan li ġej:

“Artikolu 25

Skambju ta’ informazzjoni u kooperazzjoni

Kull Stat Membru għandu jiżgura li l-awtoritajiet jew il-korpi tal-port tiegħu u l-awtoritajiet jew korpi rilevanti oħrajn jipprovdu lill-awtorità tal-kontroll mill-Istat tal-port it-tipi ta’ informazzjoni li ġejjin li jkollhom:

(a)informazzjoni dwar vapuri li naqsu milli jinnotifikaw kwalunkwe informazzjoni skont ir-rekwiżiti ta’ din id-Direttiva, id-Direttiva 2002/59/KE u d-Direttiva (UE) 2019/883 tal-Parlament Ewropew u tal-Kunsill 30 , kif ukoll, jekk xieraq, tar-Regolament (KE) Nru 725/2004 tal-Parlament Ewropew u tal-Kunsill tal-31 ta’ Marzu 2004 dwar it-titjib tas-sigurtà fuq il-vapuri u fil-faċilitajiet tal-portijiet,

(b)informazzjoni dwar il-vapuri li pproċedew bil-baħar mingħajr ma kkonformaw mal-Artikolu 7 tad-Direttiva (UE) 2019/883 dwar il-faċilitajiet tal-akkoljenza fil-portijiet,

(c)informazzjoni dwar vapuri li nċaħdilhom dħul jew tkeċċew minn port minħabba raġunijiet ta’ sigurtà,

informazzjoni dwar anomaliji apparenti f’konformità mal-Artikolu 23.”

(18)l-Artikolu 30 huwa sostitwit b’dan li ġej:

“Artikolu 30

Monitoraġġ ta’ konformità u prestazzjoni tal-Istati Membri

Sabiex tiġi żgurata l-implimentazzjoni effettiva ta’ din id-Direttiva u biex ikun immonitorjat il-funzjonament ġenerali tar-reġim tal-kontroll mill-Istat tal-port f’konformità mal-Artikolu 2(b) il-punt (i) tar-Regolament (KE) Nru 1406/2002, il-Kummissjoni għandha tiġbor l-informazzjoni meħtieġa u twettaq żjarat fl-Istati Membri.

Kull Stat Membru għandu jiżviluppa, jimplimenta u jżomm sistema ta’ ġestjoni tal-kwalità għall-partijiet operazzjonali tal-attivitajiet tal-amministrazzjoni tiegħu, relatati mal-Istat tal-port. Tali sistema ta’ ġestjoni tal-kwalità għandha tiġi ċertifikata f’konformità mal-istandards ta’ kwalita internazzjonali applikabbli.”

(19)l-Artikolu 30a huwa sostitwit b’dan li ġej:

“Artikolu 30a

Atti delegati

Il-Kummissjoni għandha tingħata s-setgħa li tadotta atti delegati f’konformità mal-Artikolu 30b, biex jiġi emendat l-Artikolu 2(1) biex tiġi emendata l-lista ta’ Konvenzjonijiet stabbilita fl-Artikolu 2(1) ladarba tali Konvenzjonijiet ikunu ġew adottati bħala strument rilevanti mill-MtQ ta’ Pariġi u biex jiġi emendat l-Anness VI sabiex tiżdied u/jew tiġi aġġornata l-lista ta’ proċeduri u linji gwida relatati mal-Istat tal-port Kontroll adottata mill-MtQ ta’ Pariġi stabbilit f’dak l-Anness.”

(20)fl-Artikolu 31 jiddaħħal dan li ġej:

“4. L-emendi għall-istrumenti rilevanti elenkati fl-Artikolu 2 il-punt 1 jistgħu jiġu esklużi mill-kamp ta’ applikazzjoni ta’ din id-Direttiva, skont l-Artikolu 5 tar-Regolament (KE) Nru 2099/2002.”

(21)l-Artikolu 33 huwa sostitwit b’dan li ġej:

“Artikolu 33

Regoli ta’ implimentazzjoni

Meta tistabbilixxi r-regoli ta’ implimentazzjoni msemmija fl-Artikoli 2(2) 3(4a), 10(3), 10(4), 14(4), 15(3), 18a(7), 23(5) 24a(6) u l-Artikolu 27 f’konformità mal-proċeduri msemmija fl-Artikolu 31(2), il-Kummissjoni għandha tieħu ħsieb speċifikament li dawk ir-regoli jqisu l-għarfien espert u l-esperjenza miksuba bis-sistema ta’ spezzjonijiet fl-Unjoni u fuq il-bażi tal-għarfien espert tal-MtQ ta’ Pariġi.”

(22)l-Artikolu 35 huwa sostitwit b’dan li ġej:

“Artikolu 35

Rieżami tal-implimentazzjoni

Il-Kummissjoni għandha sa [OP: Jekk jogħġbok daħħal data: 10 snin mid-data tad-dħul fis-seħħ ta’ din id-Direttiva emendatorja] jippreżentaw rapport lill-Parlament Ewropew u lill-Kunsill dwar l-implimentazzjoni ta’ din id-Direttiva u l-konformità magħha.”

(23)L-Anness I huwa emendat f’konformità mal-Anness I ta’ din id-Direttiva.

(24)L-Anness II huwa sostitwit bit-test fl-Anness II ta’ din id-Direttiva.

(25)L-Anness III jitħassar.

(26)L-Anness II huwa sostitwit bit-test fl-Anness III ta’ din id-Direttiva.

(27)L-Anness V huwa sostitwit bit-test tal-Anness IV ta’ din id-Direttiva.

(28)L-Anness VIII huwa sostitwit bit-test fl-Anness V ta’ din id-Direttiva.

Artikolu 2

Traspożizzjoni

1.L-Istati Membri għandhom jadottaw u jippubblikaw, sa [OP: Jekk jogħġbok daħħal data: sena mid-data tad-dħul fis-seħħ ta’ din id-Direttiva emendatorja] il-liġijiet, ir-regolamenti u d-dispożizzjonijiet amministrattivi meħtieġa sabiex jikkonformaw ma’ din id-Direttiva. Huma għandhom jikkomunikaw minnufih it-test ta’ dawk id-dispożizzjonijiet lill-Kummissjoni.

Meta l-Istati Membri jadottaw dawk id-dispożizzjonijiet, fihom għandu jkun hemm referenza għal din id-Direttiva jew għandhom ikunu akkumpanjati minn tali referenza meta ssir il-pubblikazzjoni uffiċjali tagħhom. Huma l-Istati Membri li għandhom jiddeċiedu kif issir dik ir-referenza.

2.L-Istati Membri għandhom jikkomunikaw lill-Kummissjoni t-test tad-dispożizzjonijiet prinċipali tad-dritt nazzjonali li jadottaw fil-qasam kopert minn din id-Direttiva.

Artikolu 3

Dħul fis-seħħ

Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Artikolu 4

Destinatarji

Din id-Direttiva hija indirizzata lill-Istati Membri.

Magħmul fi Brussell,

 

DIKJARAZZJONI FINANZJARJA LEĠIŻLATTIVA “AĠENZIJI”

1.QAFAS TAL-PROPOSTA/TAL-INIZJATTIVA 

1.1.Titolu tal-proposta/tal-inizjattiva

1.2.Qasam/Oqsma ta’ politika kkonċernat(i)

1.3.Il-proposta tirrigwarda 

◻ azzjoni ġdida

◻ azzjoni ġdida b’segwitu għal proġett pilota/azzjoni preparatorja 31  

☑ l-estensjoni ta’ azzjoni eżistenti 

◻ fużjoni ta’ azzjoni waħda jew aktar f’azzjoni oħra/ġdida 

1.4.Objettiv(i)

1.4.1.Objettiv(i) ġenerali 

1.4.2.Objettiv(i) speċifiku/speċifiċi 

1.4.3.Riżultat(i) u impatt mistennija

Speċifika l-effetti li l-proposta/l-inizjattiva jenħtieġ li jkollha fuq il-benefiċjarji/il-gruppi fil-mira.

1.4.4.Indikaturi tal-prestazzjoni 

Speċifika l-indikaturi għall-monitoraġġ tal-progress u tal-kisbiet.

1.5.Raġunijiet għall-proposta/għall-inizjattiva 

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva

1.5.2.Valur miżjud tal-involviment tal-Unjoni (dan jista’ jirriżulta minn fatturi differenti, eż. il-gwadanji mill-koordinazzjoni, iċ-ċertezza legali, effettività akbar jew il-komplementarjetajiet). Għall-finijiet ta’ dan il-punt, il-“valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li jkun addizzjonali għall-valur illi kieku kien jinħoloq mill-Istati Membri waħedhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħrajn

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata u impatt finanzjarju tal-proposta/tal-inizjattiva

◻ durata limitata

–◻    Proposta/inizjattiva fis-seħħ minn [JJ/XX]SSSS sa [JJ/XX]SSSS

–◻    Impatt finanzjarju mill-SSSS sa SSSS

☑ durata mhux limitata

–Implimentazzjoni b’perjodu ta’ tnedija minn SSSS sa SSSS, [mhux disponibbli],

–segwita b’operazzjoni fuq skala sħiħa.

1.7.Metodu/i ta’ implimentazzjoni tal-baġit ippjanat(i) 32   

◻ Ġestjoni diretta mill-Kummissjoni permezz ta’

–◻    aġenziji eżekuttivi

◻ Ġestjoni kondiviża mal-Istati Membri

☑ Ġestjoni indiretta billi jiġu fdati kompiti ta’ implimentazzjoni baġitarja:

◻ lill-organizzazzjonijiet internazzjonali u lill-aġenziji tagħhom (iridu jiġu speċifikati);

◻lill-BEI u lill-Fond Ewropew tal-Investiment;

☑ lill-korpi msemmija fl-Artikoli 70 u 71;

◻ lill-korpi tal-liġi pubblika;

◻ lill-korpi rregolati mil-liġi privata b’missjoni ta’ servizz pubbliku sakemm dawn ikollhom garanziji finanzjarji adegwati;

◻ lill-korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika-privata u li jkollhom garanziji finanzjarji adegwati;

◻ lill-korpi jew lill-persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.

Kummenti

2.MIŻURI TA’ ĠESTJONI 

2.1.Regoli ta’ monitoraġġ u ta’ rapportar 

Speċifika l-frekwenza u l-kundizzjonijiet.

2.2.Sistema/i ta’ ġestjoni u ta’ kontroll 

2.2.1.Ġustifikazzjoni tal-mod(i) ta’ ġestjoni, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontroll ÷ il-valur tal-fondi relatati ġestiti”), u valutazzjoni tal-livelli mistennija tar-riskju ta’ żball (mal-pagamenti u fl-għeluq) 

2.3.Miżuri għall-prevenzjoni ta’ frodi u ta’ irregolaritajiet 

Speċifika l-miżuri ta’ prevenzjoni u ta’ protezzjoni eżistenti jew previsti, eż. mill-Istrateġija Kontra l-Frodi.

3.IMPATT FINANZJARJU STMAT TAL-PROPOSTA/TAL-INIZJATTIVA 

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i 

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

·Linji baġitarji ġodda mitluba

Skont l-ordni tal-intestaturi tal-qafas finanzjarju pluriennali u tal-linji baġitarji.

3.2.Impatt stmat fuq in-nefqa 

3.2.1.Sommarju tal-impatt stmat fuq in-nefqa 

miljuni ta’ EUR (għal tliet pożizzjonijiet deċimali)

 
L-impatt baġitarju lil hinn mill-QFP kurrenti huwa ħarsa ġenerali indikattiva, mingħajr preġudizzju għall-Ftehim dwar il-QFP futur.

miljuni ta’ EUR (għal tliet pożizzjonijiet deċimali)

miljuni ta’ EUR (għal tliet pożizzjonijiet deċimali)

L-impatt baġitarju lil hinn mill-QFP kurrenti huwa ħarsa ġenerali indikattiva, mingħajr preġudizzju għall-Ftehim dwar il-QFP futur.

3.2.2.Impatt stmat fuq l-approprjazzjonijiet tal-EMSA 

–☑    Il-proposta/l-inizjattiva ma teħtieġx l-użu ta’ approprjazzjonijiet operazzjonali

–◻    Il-proposta/l-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt:

Ammonti f’miljuni ta’ EUR (għal tliet pożizzjonijiet deċimali)

Meta jkun applikabbli, l-ammonti jirriflettu s-somma tal-kontribuzzjoni tal-Unjoni għall-aġenzija u dħul ieħor tal-aġenzija (tariffi u imposti).

3.2.3.Impatt stmat fuq ir-riżorsi umani tal-EMSA 

3.2.3.1.Sommarju

–◻    Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva

–☑    Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

miljuni ta’ EUR (għal tliet pożizzjonijiet deċimali) Meta applikabbli, l-ammonti jirriflettu t-total tal-kontribuzzjoni tal-Unjoni lill-aġenzija u dħul ieħor tal-aġenzija (tariffi u imposti).

L-impatt baġitarju lil hinn mill-QFP kurrenti huwa ħarsa ġenerali indikattiva, mingħajr preġudizzju għall-Ftehim dwar il-QFP futur.

Rekwiżiti tal-persunal (FTE):

L-impatt baġitarju lil hinn mill-QFP kurrenti huwa ħarsa ġenerali indikattiva, mingħajr preġudizzju għall-Ftehim dwar il-QFP futur.

L-EMSA se tibda tħejji r-reklutaġġ hekk kif tiġi adottata l-proposta. Il-kostijiet huma stmati abbażi tas-suppożizzjoni li ż-żewġ FTEs jiġu rreklutati mill-1 ta’ Lulju 2025. Għalhekk huma meħtieġa biss 50 % tal-kostijiet tar-riżorsi umani għall-ewwel sena.

3.2.3.2.Rekwiżiti stmati ta’ riżorsi umani għad-DĠ prinċipali

–☑    Il-proposta/l-inizjattiva ma teħtieġx l-użu ta’ riżorsi umani.

–◻    Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:

Stima li trid tingħata f’ammonti sħaħ (jew l-iktar l-iktar għal pożizzjoni deċimali waħda)

Ir-riżorsi umani meħtieġa se jiġu koperti mill-persunal tad-DĠ li diġà jkun assenjat għall-ġestjoni tal-azzjoni u/jew li diġà jkun ġie riassenjat fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

Deskrizzjoni tal-kompiti li jridu jitwettqu:

Id-deskrizzjoni tal-kalkolu tal-kost għall-unitajiet FTE jenħtieġ li tiġi inkluża fit-Taqsima 3 tal-Anness V.

3.2.4.Kompatibbiltà mal-qafas finanzjarju pluriennali attwali 

–☑    Il-proposta/l-inizjattiva hija kompatibbli mal-qafas finanzjarju pluriennali attwali.

–☑    Il-proposta/l-inizjattiva teħtieġ riprogrammazzjoni tal-intestatura rilevanti fil-qafas finanzjarju pluriennali.

–◻    Il-proposta/l-inizjattiva teħtieġ l-applikazzjoni tal-istrument ta’ flessibbiltà jew ir-reviżjoni tal-qafas finanzjarju pluriennali 41 .

3.2.5.Kontribuzzjonijiet ta’ partijiet terzi 

–Il-proposta/l-inizjattiva ma tipprevedix kofinanzjament minn partijiet terzi.

–Il-proposta/l-inizjattiva tipprevedi l-kofinanzjament stmat hawn taħt:

miljuni ta’ EUR (għal tliet pożizzjonijiet deċimali)

3.3.Impatt stmat fuq id-dħul 

–☑    Il-proposta/l-inizjattiva ma għandha l-ebda impatt finanzjarju fuq id-dħul.

–◻    Il-proposta/l-inizjattiva għandha l-impatt finanzjarju li ġej:

fuq ir-riżorsi proprji

fuq dħul ieħor

indika, jekk id-dħul hux assenjat għal-linji tan-nefqa

miljuni ta’ EUR (għal tliet pożizzjonijiet deċimali)

Għad-dħul “assenjat” mixxellanju, speċifika l-linja/i baġitarja/i tan-nefqa affettwata/i.

Speċifika l-metodu biex jiġi kkalkolat l-impatt fuq id-dħul.

(1)    ĠU L 131, 28.5.2009, p. 57

(2)    Ir-regoli internazzjonali jinkludu l-Konvenzjoni Internazzjonali għas-Salvagwardja tal-Ħajja Umana fuq il-Baħar (SOLAS 74), il-Konvenzjoni Internazzjonali għall-Prevenzjoni tat-Tniġġis mill-Bastimenti (MARPOL 73/78), l-Istandards ta’ Taħriġ, Ċertifikazzjoni u Għassa għall-Baħħara (STCW), il-Konvenzjoni Internazzjonali dwar il-Linji tat-Tagħbija, 1966 u l-Konvenzjoni dwar ir-Regolamenti Internazzjonali għall-Prevenzjoni ta’ Kolliżjonijiet fuq il-Baħar, 1972 (COLREG 72).

(3)     www.parismou.org  

(4)    Wara l-invażjoni tal-Ukrajna, is-sħubija tal-Federazzjoni Russa fil-MtQ ta’ Pariġi ġiet sospiża f’Mejju 2022.

(5)    Din hija sistema ospitata u żviluppata mill-EMSA li tippermetti lill-Istati Membri jipprovdu u jirċievu informazzjoni dwar il-vapuri u l-merkanzija perikoluża tagħhom. Din tipprovdi, fost l-oħrajn, l-identifikazzjoni, il-pożizzjoni u l-istatus ta’ vapur; il-ħinijiet tat-tluq u tal-wasla; rapporti dwar l-inċidenti, dettalji dwar il-merkanzija perikoluża.

(6)    Id-Direttiva 2013/38/UE tal-Parlament Ewropew u tal-Kunsill tat-12 ta’ Awwissu 2013 li temenda d-Direttiva 2009/16/KE dwar il-kontroll mill-Istat tal-port (ĠU L 218, 14.8.2013, p. 1)

(7)    Id-Direttiva (UE) 2017/2110 tal-Parlament Ewropew u tal-kunsill tal-15 ta’ Novembru 2017 dwar sistema ta’ spezzjonijiet għall-operazzjoni bla periklu ta’ vapuri ro-ro tal-passiġġieri u inġenji ta’ veloċità għolja għall-passiġġieri f’servizz regolari u li temenda d-Direttiva 2009/16/KE u li tħassar id-Direttiva tal-Kunsill 1999/35/KE (ĠU L 315, 30.11.2017)

(8)    Id-Direttiva 2009/20/KE tal-Parlament Ewropew u tal-Kunsill tat-23 ta’ April 2009 dwar l-assigurazzjoni tas-sidien ta’ vapuri għal pretensjonijiet marittimi (ĠU L 131, 28.5.2009, p. 128)

(9)    Id-Direttiva (UE) 2019/883 tal-Parlament Ewropew u tal-Kunsill tas-17 ta’ April 2019 dwar il-faċilitajiet tal-akkoljenza fil-portijiet għall-konsenja ta’ skart minn bastimenti, li temenda d-Direttiva 2010/65/UE u li tħassar id-Direttiva 2000/59/KE (ĠU L 151, 7.6.2019, p. 11)

(10)    Ir-Regolament (UE) Nru 1257/2013 tal-Parlament Ewropew u tal-Kunsill tal-20 ta’ Novembru 2013 dwar ir-riċiklaġġ tal-bastimenti u li jemenda r-Regolament (KE) Nru 1013/2006 u d-Direttiva 2009/16/KE (ĠU L 330, 10.12.2013, p. 1)

(11)    Ir-Regolament (UE) 2015/757 tal-Parlament Ewropew u tal-Kunsill tad-29 ta’ April 2015 dwar il-monitoraġġ, ir-rappurtar u l-verifika ta’ emissjonijiet tad-diossidu tal-karbonju mit-trasport marittimu, u li jemenda d-Direttiva 2009/16/KE (ĠU L 123, 19.5.2015, p. 55)

(12)    Id-Direttiva (UE) 2016/802 tal-Parlament Ewropew u tal-Kunsill tal-11 ta’ Mejju 2016 dwar tnaqqis tal-kontenut tal-kubrit f’ċerti karburanti likwidi (kodifikazzjoni) (ĠU L 132, 21.5.2016, p. 58)

(13)    ĠU L 131, 28.5.2009, p. 114

(14)    ĠU L 131, 28.5.2009, p.132

(15)    Id-Direttiva 2002/59/KE li tistabbilixxi sistema għall-monitoraġġ u l-informazzjoni dwar it-traffiku tal-bastimenti fil-Komunità (ĠU L 208, 5.8.2002, p. 10)

(16)    ĠU L 208, 5.8.2002, p. 1

(17)    ĠU L 34, 9.2.1998, p. 1

(18)    Ir-Regolament (KE) Nru 391/2009 dwar ir-regoli u l-istandards komuni għall-organizzazzjonijiet għall-ispezzjoni u l-perizji tal-vapuri (ĠU L 131, 28.5.2009, p. 11) u d-Direttiva 2009/15/KE dwar ir-regoli u l-istandards komuni għall-organizzazzjonijiet għall-ispezzjoni u l-perizji tal-vapuri u għall-attivitajiet rilevanti tal-amministrazzjonijiet marittimi (ĠU L 131, 28.5.2009, p. 47)

(19)    ĠU L 164, 25.6.2008, p. 19

(20)    Bħad-Direttiva 92/43/KEE (id-“Direttiva dwar il-Ħabitats”), id-Direttiva 2009/147/KE (id-“Direttiva tal-UE dwar l-Għasafar”), id-Direttiva (UE) 2019/904 (id-Direttiva dwar il-plastik li jintuża darba biss)

(21)    L-EMSA twettaq tali żjarat skont l-Artikolu 3 tar-Regolament (KE) Nru 1406/2002 li jistabbilixxi Aġenzija Ewropea għas-Sigurtà Marittima bħala parti mill-kompiti ewlenin tagħha; għalhekk, ma huwa mistenni li jirriżulta l-ebda kost addizzjonali.

(22)    Kif previst fil-Metodoloġija tal-EMSA għal żjarat fl-Istati Membri, http://emsa.europa.eu/implementation-tasks/visits-and-inspections/items.html?cid=89&id=3065

(23)    ĠU C , , p. .

(24)    ĠU C , , p. .

(25)    ĠU L 131, 28.5.2009, p. 57

(26)    Id-Direttiva 2009/21/KE tal-Parlament Ewropew u tal-Kunsill tat-23 ta’ April 2009 dwar il-konformità mar-rekwiżiti tal-Istat tal-bandiera (ĠU L 131, 28.5.2009, p. 132).

(27)    ĠU L 123, 12.5.2016, p. 1.

(28)    Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13).

(29)    Ir-Regolament (KE) Nru 391/2009 tal-Parlament Ewropew u tal-Kunsill tat-23 ta’ April 2009 dwar ir-regoli u l-istandards komuni għall-organizzazzjonijiet għall-ispezzjoni u l-perizji tal-vapuri (ĠU L 131, 28.5.2009, p. 11.)”;

(30)    Id-Direttiva (UE) 2019/883 tal-Parlament Ewropew u tal-Kunsill tas-17 ta’ April 2019 dwar il-faċilitajiet tal-akkoljenza fil-portijiet għall-konsenja ta’ skart minn bastimenti (ĠU L 151, 7.6.2019, p. 116).”

(31)    Kif imsemmi fl-Artikolu 58(2)(a) jew (b) tar-Regolament Finanzjarju.

(32)    Id-dettalji tal-metodi ta’ implimentazzjoni tal-baġit u r-referenzi għar-Regolament Finanzjarju jinsabu fuq is-sit BUDGpedia: https://myintracomm.ec.europa.eu/corp/budget/financial-rules/budget-implementation/Pages/implementation-methods.aspx

(33)    Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.

(34)    EFTA: Assoċjazzjoni Ewropea tal-Kummerċ Ħieles.

(35)    Pajjiżi kandidati u, meta applikabbli, kandidati potenzjali mill-Balkani tal-Punent.

(36)    L-outputs huma l-prodotti u s-servizzi li jridu jiġu pprovduti (eż.: l-għadd ta’ skambji ta’ studenti ffinanzjati, l-għadd ta’ km ta’ toroq mibnija, eċċ.).

(37)    Kif deskritt fil-punt 1.4.2. “Objettiv(i) speċifiku/speċifiċi …”

(38)    AC = Persunal bil-Kuntratt; AL = Persunal Lokali; END = Espert Nazzjonali Sekondat; INT = persunal tal-aġenziji; JPD = Professjonisti Subalterni f’Delegazzjonijiet.

(39)    Sottolimitu għall-persunal estern kopert minn approprjazzjonijiet operazzjonali (li qabel kienu l-linji “BA”).

(40)    Prinċipalment għall-Fondi tal-Politika ta’ Koeżjoni tal-UE, il-Fond Agrikolu Ewropew għall-Iżvilupp Rurali (FAEŻR) u l-Fond Ewropew għall-Affarijiet Marittimi, is-Sajd u l-Akkwakultura (FEMSA).

(41)    Ara l-Artikoli 12 u 13 tar-Regolament tal-Kunsill (UE, Euratom) Nru 2093/2020 tas-17 ta’ Diċembru 2020 li jistabbilixxi l-qafas finanzjarju pluriennali għas-snin mill-2021 sal-2027.

(42)    Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara t-tnaqqis ta’ 20 % għall-kostijiet tal-ġbir.

IL-KUMMISSJONI EWROPEA

Brussell, 1.6.2023

COM(2023) 271 final

ANNESSI

tal-

Proposta għal Direttiva tal-Parlament Ewropew u tal-Kunsill

li temenda d-Direttiva 2009/16/KE dwar il-kontroll mill-Istat tal-port

{SEC(2023) 202 final} - {SWD(2023) 148 final} - {SWD(2023) 149 final}

ANNESS I

“I. Profil ta’ Riskju tal-vapur

Il-profil ta’ riskju tal-vapur għandu jiġi ddeterminat permezz ta’ kombinament tal-parametri ġeneriċi, storiċi, u ambjentali li ġejjin.

1. Parametri ġeneriċi

(a)Tip ta’ vapur

Vapuri tal-passiġġieri, tankers taż-żejt u kimiċi, tankers tal-gass u trasportaturi ta’ tagħbija bl-ingrossa għandhom jiġu kkunsidrati li jippreżentaw riskju ogħla.

(b)Kemm għandu żmien il-vapur

Vapuri li għandhom aktar minn 12-il sena huma kkunsidrati li jippreżentaw riskju ogħla.

(c)Prestazzjoni ta’ Stat tal-Bandiera

(i)Vapuri li jtajru l-bandiera ta’ Stat b’rata għolja ta’ detenzjoni fil-Komunità u fir-reġjun tal-MtQ ta’ Pariġi għandhom jiġu kkunsidrati li jippreżentaw riskju ogħla.

(ii)Vapuri li jtajru l-bandiera ta’ Stat b’rata ta’ detenzjoni baxxa fil-Komunità u fir-reġjun tal-MtQ ta’ Pariġi għandhom jiġu kkunsidrati li jippreżentaw riskju aktar baxx.

(iii)Vapuri li jtajru l-bandiera ta’ Stat li jkun irratifika l-istrumenti obbligatorji kollha tal-IMO elenkati fl-Artikolu 2(1) għandhom jiġu kkunsidrati li jippreżentaw riskju aktar baxx. Malli l-miżuri msemmijin fl-Artikolu 10(3) jiġu adottati, l-Istat tal-bandiera ta’ tali vapur għandu juri konformità mal-Kodiċi għall-implimentazzjoni ta’ strumenti obbligatorji tal-IMO.

(iv)Vapuri li jtajru l-bandiera ta’ Stat li jkun ipprovda verżjonijiet elettroniċi taċ-ċertifikati statutorji stabbiliti fil-punti 1-XX tal-Anness IV.

(d)Organizzazzjonijiet rikonoxxuti

(i)Vapuri li jkunu ngħataw ċertifikati minn organizzazzjonijiet rikonoxxuti li għandhom livell ta’ prestazzjoni baxx jew baxx ħafna f’rabta mar-rati ta’ detenzjoni tagħhom fil-Komunità u fir-reġjun tal-MtQ ta’ Pariġi għandhom jiġu kkunsidrati li jippreżentaw riskju ogħla.

(ii)Vapuri li jkunu ngħataw ċertifikati minn organizzazzjonijiet rikonoxxuti li għandhom livell ta’ prestazzjoni għoli f’rabta mar-rati ta’ detenzjoni tagħhom fil-Komunità u fir-reġjun tal-MtQ ta’ Pariġi għandhom jiġu kkunsidrati li jippreżentaw riskju aktar baxx.

(iii)Vapuri li jkunu nħarġulhom ċertifikati minn organizzazzjonijiet rikonoxxuti skont it-termini tar-Regolament (KE) Nru 391/2009.

(e)Prestazzjoni ta’ kumpanija

(i)Vapuri ta’ kumpanija bi prestazzjoni baxxa jew baxxa ħafna kif determinat mir-rati ta’ nuqqasijiet u ta’ detenzjoni tal-vapuri tagħha fil-Komunità u fir-reġjun tal-MtQ ta’ Pariġi għandhom jiġu kkunsidrati li jippreżentaw riskju ogħla.

(ii)Vapuri ta’ kumpanija bi prestazzjoni għolja kif determinat mir-rati ta’ nuqqasijiet u ta’ detenzjoni tal-vapuri tagħha fil-Komunità u fir-reġjun tal-MtQ ta’ Pariġi għandhom jiġu kkunsidrati li jippreżentaw riskju aktar baxx.

(f)Parametri storiċi

(i)Vapuri li nżammu għal aktar minn darba, għandhom jiġu kkunsidrati bħala li jippreżentaw riskju ogħla.

(ii)Vapuri li, waqt spezzjoni(ijiet) imwettqa fil-perjodu msemmi fl-Anness II kellhom inqas mill-għadd ta’ nuqqasijiet msemmija fl-Anness II, għandhom jiġu kkunsidrati li jippreżentaw riskju aktar baxx.

(iii)Vapuri li ma nżammux waqt il-perjodu msemmi fl-Anness II għandhom jiġu kkunsidrati li jippreżentaw riskju aktar baxx.

Il-parametri tar-riskju għandhom ikunu kkombinati permezz ta’ ponderazzjoni li tirrifletti l-influwenza relattiva ta’ kull parametru fuq ir-riskju ġenerali tal-vapur sabiex jiġu ddeterminati l-profili ta’ riskju tal-vapur li ġejjin:

–livell ta’ riskju għoli,

–livell ta’ riskju standard,

–livell ta’ riskju baxx.

Meta jiġu ddeterminati dawn il-profili ta’ riskju għandha tingħata enfasi akbar lill-parametri tat-tip ta’ vapur, il-prestazzjoni tal-Istat tal-bandiera, l-organizzazzjonijiet rikonoxxuti u l-prestazzjoni tal-kumpanija.

(g)Parametri ambjentali

(i)L-Indikatur tal-Intensità tal-Karbonju tal-vapur, il-vapuri li huma tal-kategorija D-E għandhom jiġu kkunsidrati li jippreżentaw riskju ogħla.

(ii)Vapuri li, waqt spezzjoni(ijiet) imwettqin fil-perjodu msemmi fl-Anness II, kellhom inqas mill-għadd ta’ nuqqasijiet relatati ma’ MARPOL, AFS, BWMC, CLC 92, il-Konvenzjoni dwar il-Bunkers u l-Konvenzjonijiet ta’ Nairobi msemmijin fl-Anness II, għandhom jiġu kkunsidrati li jippreżentaw riskju aktar baxx.

ANNESS II

DISINN TA’ PROFIL TA’ RISKJU TAL-VAPUR

(kif imsemmija fl-Artikolu 10(2))

L-HRS huma vapuri li jissodisfaw il-kriterji għal valur totali ta’ ħames punti ta’ ponderazzjoni jew aktar. L-LRS huma vapuri li jissodisfaw il-kriterji kollha tal-Parametri għar-Riskju Baxx.

L-SRS huma vapuri li la huma HRS u lanqas LRS

ANNESS III

“Anness IV

LISTA TA’ ĊERTIFIKATI U DOKUMENTI

(imsemmija fl-Artikolu 13(1))

Parti A Lista ta’ ċertifikati u dokumenti li sa fejn applikabbli għandhom jiġu vverifikati bħala minimu matul l-ispezzjoni msemmija fil-paragrafu 2.2.3 (kif xieraq):

1.Ċertifikat ta’ Tunnellaġġ Internazzjonali;

2.Rapporti ta’ spezzjonijiet preċedenti ta’ kontroll mill-Istat tal-port;

3.Ċertifikat tas-Sikurezza tal-Vapuri tal-Passiġġieri (SOLAS 1974, ir-regolament I/12);

4.Ċertifikat ta’ Kostruzzjoni tas-Sikurezza tal-Vapuri tal-Merkanzija (SOLAS 1974, ir-regolament I/12);

5.Ċertifikat tat-Tagħmir tas-Sikurezza tal-Vapuri tal-Merkanzija (SOLAS 1974, ir-regolament I/12);

6.Ċertifikat tar-Radju tas-Sikurezza tal-Vapuri tal-Merkanzija (SOLAS 1974, ir-regolament I/12);

7.Ċertifikat tas-Sikurezza tal-Vapuri tal-Merkanzija (SOLAS 1974, ir-regolament I/12);

8.Ċertifikat ta’ Eżenzjoni (SOLAS 1974, ir-regolament I/12);

9.Dokument dwar l-Ekwipaġġ Minimu Sikur (SOLAS 1974, ir-regolament V/14.2);

10.Ċertifikat Internazzjonali tal-Linja tat-Tagħbija (1966) (LLC 66/88, l-artikolu 16.1);

11.Ċertifikat Internazzjonali ta’ Eżenzjoni tal-Linja tat-Tagħbija (LLC 66/88, l-artikolu 16.2);

12.Ċertifikat Internazzjonali għall-Prevenzjoni tat-Tniġġis miż-Żejt (MARPOL, l-Anness I, ir-regolament 7.1);

13.Ċertifikat Internazzjonali għall-Prevenzjoni tat-Tniġġis għall-Ġarr ta’ Sustanzi Likwidi Noċivi bl-Ingrossa (NLS) (MARPOL, l-Anness II, ir-regolament 9.1);

14.Ċertifikat Internazzjonali għall-Prevenzjoni tat-Tniġġis mid-Drenaġġ (ISPPC) (MARPOL, l-Anness IV, ir-regolament 5.1, MEPC.1/Circ.408);

15.Ċertifikat Internazzjonali għall-Prevenzjoni tat-Tniġġis tal-Arja (IAPPC) (MARPOL, l-Anness VI, ir-regolament 6.1);

16.Ċertifikat Internazzjonali tal-Effiċjenza Enerġetika (MARPOL, l-Anness VI, ir-regolament 6);

17.Ċertifikat Internazzjonali għall-Ġestjoni tal-Ilma tas-Saborra (IBWMC) (BWMC l-Art 9.1(a) u r-regolament E-2);

18.Ċertifikat Internazzjonali tas-Sistema ta’ Antifouling (ċertifikat tal-IAFS) (AFS 2001 l-Anness 4 tar-regolament 2);

19.Dikjarazzjoni dwar l-AFS (AFS 2001 l-Anness 4 tar-regolament 5);

20.Ċertifikat Internazzjonali tas-Sigurtà tal-Vapuri (ISSC) jew Ċertifikat Internazzjonali Interim għas-Sigurtà tal-Vapuri (il-Kodiċi ISPS il-parti A/19 u l-appendiċijiet);

21.Ċertifikati għall-kaptani, l-uffiċjali jew il-klassifikazzjonijiet maħruġa f’konformità mal-Konvenzjoni STCW (STCW l-Art. VI, ir-regolament I/2 u t-taqsima A-I/2 tal-Kodiċi STCW);

22.Kopja tad-Dokument ta’ Konformità jew kopja tad-Dokument Interim ta’ Konformità maħruġ f’konformità mal-Kodiċi Internazzjonali ta’ Ġestjoni għat-Tħaddim Sikur tal-Vapuri u għall-Kodiċi tal-ISM tal-Prevenzjoni tat-Tniġġis (DoC) (ir-regolament SOLAS IX/4.2, il-Kodiċi ISM, il-paragrafi 13 u 14);

23.Ċertifikat ta’ Ġestjoni tas-Sikurezza jew Ċertifikat Interim ta’ Ġestjoni tas-Sikurezza maħruġ f’konformità mal-Kodiċi Internazzjonali ta’ Ġestjoni għat-tħaddim Sikur tal-Vapuri u għall-Prevenzjoni tat-Tniġġis (SMC) (SOLAS 1974, ir-regolament IX/4.3, il-Kodiċi ISM, il-paragrafi 13 u 14);

24.Ċertifikat Internazzjonali ta’ Idoneità għat-Trasport ta’ Gassijiet Likwifikati bl-Ingrossa, jew iċ-Ċertifikat ta’ Idoneità għat-Trasport ta’ Gassijiet Likwifikati bl-Ingrossa, skont liema jkun xieraq (ir-regolament 1.5.4 dwar il-Kodiċi tal-IGC jew ir-regolament 1.6 dwar il-Kodiċi tal-GC);

25.Ċertifikat Internazzjonali ta’ Idoneità għat-Trasport ta’ Sustanzi Kimiċi Perikolużi bl-Ingrossa, jew iċ-Ċertifikat ta’ Idoneità għat-Trasport ta’ Sustanzi Kimiċi Perikolużi bl-Ingrossa, skont liema jkun xieraq (ir-regolament 1.45.4 dwar il-Kodiċi tal-IBC u r-regolament 1.6.3 dwar il-Kodiċi tal-BCH); 26 INF (il-Kodiċi Internazzjonali għat-Trasport Sikur ta’ Fjuwil Nukleari Rradjat Imballat, Plutonju u Skart Radjuattiv ta’ Livell Għoli Abbord il-Vapuri) Ċertifikat ta’ Idoneità (ir-regolament SOLAS VII/16 u l-Kodiċi INF reg.1.3);

26.INF (il-Kodiċi Internazzjonali għat-Trasport Sikur ta’ Fjuwil Nukleari Irradjat Imballat, Plutonju u Skart Radjuattiv ta’ Livell Għoli Abbord il-Vapuri) Ċertifikat ta’ Idoneità (ir-regolament SOLAS VII/16 u l-Kodiċi INF reg.1.3);

27.Ċertifikat ta’ assigurazzjoni jew kwalunkwe sigurtà finanzjarja oħra fir-rigward tar-responsabbiltà ċivili għad-danni mit-tniġġis taż-żejt (CLC 69/92 l-art. VII.2);

28.Ċertifikat tal-assigurazzjoni jew kwalunkwe garanzija finanzjarja oħra fir-rigward tar-responsabbiltà ċivili għad-danni mit-tniġġis taż-żejt tal-bunkers (BUNKERS 2001 l-art. 7.2);

29.Ċertifikat ta’ Assigurazzjoni jew Sigurtà Finanzjarja oħra fir-rigward tar-Responsabbiltà għat-Tneħħija ta’ Relitti (Tneħħija tar-Relitti, l-Artikolu 12);

30.Ċertifikat ta’ Sikurezza tal-Inġenji ta’ Veloċità Għolja u Permess għat-Tħaddim ta’ Inġenji ta’ Veloċità Għolja (SOLAS 1974, ir-regolament X/3.2 u l-Kodiċi 94/00 tal-HSC ir-regolamenti 1.8.1 u 1.9);

31.Dokument ta’ konformità mar-rekwiżiti speċjali għall-vapuri li jġorru merkanzija perikoluża (SOLAS 1974, ir-regolament II-2/19.4);

32.Dokument ta’ awtorizzazzjoni għall-ġarr tal-ħbub u manwal dwar it-tagħbija tal-ħbub (SOLAS 1974, ir-regolament VI/9; Il-Kodiċi Internazzjonali għall-Ġarr Sikur ta’ Ħbub bl-Ingrossa, it-taqsima 3);

33.Dikjarazzjoni ta’ Konformità tal-Iskema ta’ Valutazzjoni tal-Kundizzjoni (CAS), Rapport Finali tal-CAS u Rekord ta’ Rieżami (MARPOL l-Anness I, ir-regolamenti 20 u 21; ir-riżoluzzjoni MEPC.94(46), kif emendata bir-riżoluzzjonijiet MEPC.99(48), MEPC.112(50), MEPC.131(53), ir-riżoluzzjoni MEPC.155(55), u MEPC.236(65);

34.Reġistru Sinottiku Kontinwu (SOLAS 1974, ir-regolament xi-1/5);

35.Ktieb tar-Rekords taż-Żejt, il-partijiet I u II (MARPOL, l-Anness I, ir-regolamenti 17 u 36);

36.Ktieb tar-Rekords tal-Merkanzija (MARPOL, l-Anness II, ir-regolament 15);

37.Ktieb tar-Rekords tal-Iskart, il-partijiet I u II (MARPOL, l-Anness V, ir-regolament 10.3); (MARPOL, l-Anness V, ir-regolament 10);

38.Pjan ta’ Ġestjoni tal-Iskart (MARPOL, l-Anness V, ir-regolament 10; ir-riżoluzzjoni MEPC.220(63));

39.Ġurnal ta’ abbord u r-reġistrazzjonijiet tal-livell u tal-istatus mixgħul/mitfi tal-magni tad-diżil tal-baħar (MARPOL, l-Anness VI, ir-regolament 13.5.3);

40.Ġurnal ta’ abbord għall-bidla taż-żejt tal-fjuwil (MARPOL, l-Anness VI, ir-regolament 14.6);

41.Ktieb tar-Rekords tas-Sustanzi li Jnaqqsu l-Ożonu (MARPOL, l-Anness VI, ir-regolament 12.6);

42.Ktieb tar-Rekords tal-Ilma tas-Saborra (BWRB) (BWMC l-Art 9.1 (b) u r-regolament B-2);

43.Sistemi fissi għat-tifi tan-nar bil-gass – Ċertifikat ta’ Eżenzjoni tal-ispazji tal-merkanzija u kwalunkwe lista ta’ merkanzija (SOLAS 1974, ir-regolament II-2/10.7.1.4);

44.Manifest jew pjan ta’ stivar ta’ oġġetti perikolużi (SOLAS 1974, ir-regolamenti VII/4 u VII/7-2; MARPOL, l-Anness III, ir-regolament 54);

45.Għat-tankers taż-żejt, ir-rekord tas-sistema ta’ monitoraġġ u kontroll tar-rimi taż-żejt għall-aħħar vjaġġ bis-saborra (MARPOL, l-Anness I, ir-regolament 31.2);

46.Pjan ta’ kooperazzjoni għat-Tiftix u s-Salvataġġ għall-vapuri tal-passiġġieri li jinnegozjaw fuq rotot fissi (SOLAS 1974, ir-regolament V/7.3);

47.Għall-vapuri tal-passiġġieri, Lista ta’ limitazzjonijiet operazzjonali (SOLAS 1974, ir-regolament V/30.2);

48.Ċarts nawtiċi u pubblikazzjonijiet nawtiċi (SOLAS 1974, ir-regolamenti V/19.2.1.4 u V/27);

49.Rekords tas-sigħat ta’ mistrieħ u t-tabella tal-arranġamenti ta’ ħidma abbord (it-taqsima tal-Kodiċi STCW A-VIII/1.5 u 1.7, il-Konvenzjoni tal-ILO Nru 180 u l-Art. 5.7, l-Art. 8.1 u l-MLC, l-Istandard 2006 A.2.3.10 u A.2.3.12);

50.Evidenza ta’ spazji tal-makkinarju mhux ikkontrollati (UMS) (SOLAS 1974, ir-regolament II-I/46.3);

51.Ċertifikati mitluba skont id-Direttiva 2009/20/KE tal-Parlament Ewropew u tal-Kunsill tat-23 ta’ April 2009 dwar l-assigurazzjoni ta’ sidien ta’ vapuri għal pretensjonijiet marittimi;

52.Ċertifikat mitlub skont ir-Regolament (KE) Nru 392/2009 tal-Parlament Ewropew u tal-Kunsill tat-23 ta’ April 2009 dwar ir-responsabbiltà ta’ trasportaturi ta’ passiġġieri bil-baħar fil-każ ta’ aċċidenti;

53.Ċertifikat dwar l-inventarju tal-materjali perikolużi jew dikjarazzjoni ta’ konformità kif applikabbli skont ir-Regolament (UE) Nru 1257/2013 tal-Parlament Ewropew u tal-Kunsill; u

54.Dokument ta’ Konformità maħruġ skont ir-Regolament (UE) 2015/757 tal-Parlament Ewropew u tal-Kunsill tad-29 ta’ April 2015 dwar il-monitoraġġ, ir-rappurtar u l-verifika ta’ emissjonijiet tad-diossidu tal-karbonju mit-trasport marittimu, u li jemenda d-Direttiva 2009/16/KE.

Parti B Lista ta’ ċertifikati u dokumenti oħra li, sa fejn ikun applikabbli, huma meħtieġa jkunu abbord (kif xieraq):

1.Tpinġijiet tal-kostruzzjoni (reg. SOLAS II-1/3-7);

2.Fajl dwar il-Kostruzzjoni tal-Vapuri (reg. SOLAS II-1/3-10);

3.Ktejjeb tal-Immanuvrar u informazzjoni (reg. SOLAS II-1/28);

4.Informazzjoni dwar l-istabbiltà (regolamenti SOLAS II-1/5 u II-1/5-1 u LLC 66/88 ir-reg. 10);

5.Informazzjoni dwar is-suddiviżjoni u l-istabbiltà (MARPOL l-Anness I ir-reg. 28);

6.Pjanijiet u fuljetti għall-kontroll tad-danni (reg. SOLAS II-1/19; MSC.1/Circ.1245)

7.Manwal ta’ Aċċess għall-Istrutturi tal-Vapuri (reg. SOLAS II-1/3-6);

8.Fajls Imtejba ta’ Rapporti dwar l-Istħarriġ (fil-każ ta’ trasportaturi ta’ tagħbija bl-ingrossa jew tankers taż-żejt) (reg. SOLAS XI-1/2 u 2011 Kodiċi ESP il-paragrafi 6.2 u 6.3 tal-anness A, il-parti A u l-parti B, u l-anness B, il-parti A u l-parti B);

9.Manwal dwar l-Iżgurar tal-Merkanzija (reg. SOLAS VI/5.6 u VII/5; MSC.1/Circ.1353/Rev.1);

10.Ktejjeb dwar it-Trasportatur ta’ Tagħbija bl-Ingrossa (reg. SOLAS VI/7.2 u XII/8, Kodiċi BLU);

11.Pjan ta’ Tagħbija/Ħatt għal merkanzija bl-ingrossa (reg. SOLAS VI/7.3);

12.Informazzjoni dwar il-Merkanzija (reg. SOLAS VI/2 u XII/10, MSC/Circ.663);

13.Pjan/ktejjeb għall-kontroll tan-nirien (reg. SOLAS II-2/15.2.4 u II-2/15.3.2);

14.Ktejjeb operazzjonali dwar is-sikurezza kontra n-nirien (reg. SOLAS II-2/16.2);

15.Manwal ta’ taħriġ dwar is-sikurezza kontra n-nirien (reg. SOLAS II-2/1 5.2.3);

16.Manwal tat-taħriġ (reg. SOLAS III/35);

17.Taħriġ abbord, provi u rekords tal-manutenzjoni (reg. SOLAS II-2/15.2.2.5 u r-reg. III/19.3 u III/19.5 u III/20.6 u III/20.7);

18.Pjanijiet u Proċeduri speċifiċi għall-vapuri għall-Irkupru ta’ Persuni mill-Ilma (reg. SOLAS III/17-1; MSC.346(91); MSC.1/Circ.1447);

19.Sistema ta’ appoġġ għad-deċiżjonijiet għall-kaptani (Vapuri tal-passiġġieri) (reg. SOLAS III/29);

20.Kodiċi Internazzjonali tas-Sinjali u kopja tal-Volum III tal-Manwal IAMSAR (reg. SOLAS V/21);

21.Rekords tal-attivitajiet tan-navigazzjoni (reg. SOLAS V/26 u V/28.1);

22.Pjan ta’ Sigurtà tal-Vapuri u rekords assoċjati (reg. SOLAS XI-2/9 u Kodiċi ISPS l-parti A/9 u 10);

23.Ċertifikat Internazzjonali għall-Prevenzjoni tat-Tniġġis tal-Arja mill-Magni (EIAPPC) (Kodiċi Tekniku tal-NOX tal-2008 ir-reg. 2.1.1.1);

24.Fajl tekniku tal-EEDI (MARPOL l-Anness VI, ir-reg. 20);

25.Fajls tekniċi (Kodiċi Tekniku tal-NOX tal-2008 ir-reg. 2.3.4);

26.Reġistru tal-parametri tal-magna (Kodiċi Tekniku tal-NOX ir-reg. 2.3.7);

27.Ċertifikat tal-approvazzjoni tat-tip ta’ inċineratur (MARPOL l-Anness VI ir-reg. 16.6);

28.Manwal Operazzjonali tal-Manifattur għall-Inċineraturi (MARPOL l-Anness VI ir-reg. 16.7);

29.Proċedura għall-Bidla taż-Żejt tal-Fjuwil għall-bidla taż-żejt tal-fjuwil (MARPOL l-Anness VI ir-reg. 14.6);

30.30 Noti ta’ konsenja tal-bunkers u Kampjun Rappreżentattiv (MARPOL l-Anness VI ir-reg. 18.6 u 18.8.1);

31.Pjan ta’ Emerġenza Abbord għat-Tniġġis miż-Żejt (MARPOL l-Anness I ir-reg. 37.1; ir-riżoluzzjoni MEPC.54(32), kif emendata bir-riżoluzzjoni MEPC.86(44));

32.Pjan ta’ Emerġenza Abbord għat-Tniġġis tal-Baħar għal Sustanzi Likwidi Noċivi (MARPOL l-Anness II ir-reg. 17);

33.Pjan għall-Ġestjoni tal-Effiċjenza Enerġetika tal-Vapuri (MARPOL l-Anness VI ir-reg. 22, MEPC.1/Circ795);

34.Pjan ta’ Operazzjoni STS u Rekords tal-operazzjonijiet STS (MARPOL l-Anness I ir-reg. 41);

35.Manwal għall-Proċeduri u l-Arranġamenti (tankers tas-sustanzi kimiċi) (MARPOL l-Anness II ir-reg. 14.1; ir-riżoluzzjoni MEPC.18(22), kif emendata bir-riżoluzzjoni MEPC.62(35));

36.Pjan ta’ Ġestjoni tal-VOC (MARPOL l-Anness VI ir-reg. 15.6);

37.Pjan għall-Ġestjoni tal-Ilma tas-Saborra (BWMP) (BWMC reg. B-1, ir-riżoluzzjoni MEPC.127(53))

38.Rapport tat-Test tal-Konformità LRIT (reg. SOLAS V/19-1.6; MSC.1/Circ.1307);

39.Kopja taċ-Ċertifikat ta’ konformità maħruġ mill-faċilità tal-ittestjar, li jiddikjara d-data ta’ konformità u l-istandards ta’ prestazzjoni applikabbli tal-VDR (reġistratur tad-data dwar il-vjaġġ) (reg. SOLAS V/18.8);

40.Rapport tat-test tal-AIS (reg. SOLAS V/18.9, MSC.1/Circ.1252);

41.Rapport dwar l-Istħarriġ rigward l-Istorbju (reg. SOLAS II-1/3-12);

42.Manwal Operazzjonali dwar il-Monitoraġġ u l-Kontroll tar-Rilaxx taż-Żejt (ODMC) (MARPOL l-Anness I ir-reg. 31; ir-riżoluzzjoni A.496(XII); ir-riżoluzzjoni A.586(14), kif emendata bir-riżoluzzjoni MEPC.24(22); ir-riżoluzzjoni MEPC.108(49), kif emendata bir-riżoluzzjoni MEPC.240(65));

43.Manwal dwar l-Operazzjoni u t-Tagħmir tal-Ħasil taż-Żejt Mhux Raffinat (MARPOL l-Anness I ir-reg. 35, ir-riżoluzzjoni MEPC.81(43));

44.Skedi tad-Data tas-Sikurezza tal-Materjal (MSDS) (reg. SOLAS VI/5-1, MSC.286(86));

45.Rekord tal-AFS (AFS 2001 l-Anness 4 ir-reg. 2);

46.Fajl Tekniku tal-Kisi (reg. SOLAS II-1/3-2); u

47.Pjanijiet ta’ manutenzjoni (reg. SOLAS II-2/14.2.2, II-2/14.3 u II-2/14.4).

Għal referenza:

1.Ċertifikat tar-Reġistru jew dokument ieħor ta’ nazzjonalità (UNCLOS l-art. 9.1.2);

2.Ċertifikati dwar is-saħħa tal-buq tal-vapur u installazzjonijiet makkinarji maħruġa mis-soċjetà ta’ klassifikazzjoni kkonċernata (meħtieġa biss jekk il-vapur iżomm il-klassi tiegħu ma’ soċjetà ta’ klassifikazzjoni);

3.Ktieb tar-Rekords tat-Tagħmir tal-Merkanzija (Konvenzjoni Nru 32 tal-ILO l-art. 9.2(4) u Konvenzjoni Nru 152 l-art. 25);

4.Ċertifikati ta’ tagħmir għat-tagħbija u l-ħatt (Konvenzjoni tal-ILO Nru 134 l-art. 4.3(e) u l-Konvenzjoni Nru 32 tal-ILO l-art. 9(4));

5.Ċertifikati mediċi (il-Konvenzjoni tal-ILO Nru 73 jew l-MLC, l-Istandard A1.2 tal-2006);

6.Rekords tas-sigħat tax-xogħol jew tal-bqija tal-baħħara (Konvenzjoni tal-ILO Nru 180 il-parti II l-art. 8.1 jew l-MLC, 2006, Standard A.2.3.12);

7.Ċertifikat tax-Xogħol Marittimu (MLC, 2006, ir-Regolament 5.1.3);

8.Dikjarazzjoni taċ-Ċertifikat tax-Xogħol Marittimu (MLC, 2006, ir-Regolament 5.1.3);

9.Dikjarazzjoni ta’ konformità tax-xogħol Marittimu (DMLC) abbord (il-partijiet I u II) (MLC, 2006, ir-Regolament 5.1.3);

10.Ftehimiet ta’ impjieg tal-baħħara (MLC, 2006, Standard A 2.1);

11.Ċertifikat ta’ Assigurazzjoni jew Sigurtà Finanzjarja għar-Ripatriazzjoni tal-Baħħara (MLC, 2006, ir-Regolament 2.5); u

12.Ċertifikat ta’ Assigurazzjoni jew Sigurtà Finanzjarja għar-responsabbiltà tas-Sidien tal-vapuri (MLC, 2006, ir-Regolament 4.2).”

ANNESS IV

“ANNESS VI

PROĊEDURI GĦALL-KONTROLL TAL-VAPURI

(imsemmija fl-Artikolu 15(1))

L-Anness I, “Proċeduri ta’ Kontroll mill-Istat tal-Port”, tal-MtQ ta’ Pariġi u l-istruzzjonijiet li ġejjin mill-MtQ ta’ Pariġi, fil-verżjoni aġġornata tagħhom:

PSCC Struzzjonijiet tekniċi

–PSCC41-2008-07 Kodiċi ta’ Prattika Tajba

–PSCC53-2020-08 Definizzjonijiet u Abbrevjazzjonijiet

MtQ Ġenerali ta’ Pariġi

–PSCC54-2021-03 Tip ta’ spezzjoni

–PSCC55-2022-10 Detenzjoni u Azzjoni Meħuda

–PSCC55-2022-08 Formoli mudell

–PSCC52-2019-05 Kontroll operazzjonali

–PSS43-2010-11 Eżenzjonijiet mill-Istat tal-Bandiera

–PSCC48-2015-09 RO Responsabbiltà

–PSCC51 Twaqqif ta’ operazzjoni

–PSCC49-2016-11 Test ta’ black-out

–PSCC53-2020-06 Rifjut ta’ Aċċess (Projbizzjoni)

–PSCC50-2017-12 Struttura tat-trasportaturi bl-ingrossa/tankers taż-żejt

–PSCC43-2010-06 Dħul f’Baċir Imbattal mill-Ilma

–PSCC53-2020-11 Il-permess ta’ vjaġġ wieħed lejn impjant ta’ tiswija għal nuqqasijiet ta’ “danni aċċidentali”

Konvenzjoni SOLAS

–PSCC55-2022-09 Kodiċi tal-ISM

–PSCC54-2021-02 Kodiċi tal-ISPS

–PSCC51-2018-12 ECDIS

–PSCC43-2010-32 VDR (Reġistraturi tad-Data tal-Vjaġġ)

–PSCC43-2010-09 Skedi tad-Data dwar is-Sikurezza tal-Materjali

–PSCC43-2010-21 GMDSS

–PSCC44-2011-16 Ganċijiet għar-rilaxx tad-dgħajsa tas-sopravivenza fuq it-tagħbija

–PSCC45-2012-10 Stabbiltà tad-danni fuq it-tankers

–PSCC55-2022-05 LRIT

–PSCC43-2010-28 Kejl tal-ħxuna ESP/CAS

–PSCC43-2010-29 Kejl tal-ħxuna

–PSCC51-2018-11 Kodiċi Polari

–PSCC55-2022-02 IGF Kodiċi

Konvenzjoni MARPOL

–PSCC46-2013-18 MARPOL l-Anness I OWS

–PSCC43-2010-39 MARPOL l-Anness II Strippaġġ

–PSCC47-2014-08 MARPOL l-Anness III IMDG

–PSCC55-2022-07 MARPOL l-Anness IV Drenaġġ

–PSCC52-2019-07 MARPOL l-Anness V Skart

–PSCC55-2022-11 MARPOL l-Anness VI Tniġġis tal-Arja

–PSCC43-2010-38 Ħasil taż-żejt grezz

–PSCC44-2011-20 MARPOL Investigazzjoni

–Konvenzjoni Internazzjonali dwar il-Linji tat-Tagħbija

–PSCC54-2021-06 Konvenzjoni Internazzjonali dwar il-Linja tat-Tagħbija

Konvenzjoni AFS

–PSCC47-2014-13 Sistemi tal-Antifouling

Konvenzjoni dwar il-Bunkers

–PSCC43-2010-08 Konvenzjoni dwar il-Bunkers

–Ċertifikazzjoni tal-Baħħara u l-Ekwipaġġ

–PSCC54-2021-04 Ċertifikazzjoni tal-Baħħara u l-Ekwipaġġ (STCW, MLC u SOLAS)

–Konvenzjoni dwar il-Ġestjoni tal-Ilma tas-Saborra

–PSCC51-2018-09 Konvenzjoni dwar il-Ġestjoni tal-Ilma tas-Saborra

Konvenzjonijiet tal-ILO

–PSCC52-2019-10 Konvenzjoni dwar ix-Xogħol Marittimu 2006 (MLC)

–PSCC53-2020-14 Sigħat ta’ Xogħol jew ta’ Mistrieħ u idoneità għax-xogħol”

ANNESS V

“ANNESS VIII

PROĊEDURI RIGWARD IĊ-ĊAĦDA TA’ AĊĊESS GĦAL PORTIJIET U ANKRAĠĠI FIL-KOMUNITÀ

(imsemmija fl-Artikolu 16)

(1)Jekk jiġu ssodisfati l-kundizzjonijiet deskritti fl-Artikolu 16(1), l-awtorità kompetenti tal-port li fih jinżamm il-vapur għat-tielet darba għandha tinforma lill-kaptan tal-vapur bil-miktub li se tinħareġ ordni ta’ rifjut tal-aċċess li se ssir applikabbli immedjatament wara li l-vapur ikun telaq mill-port. L-ordni tar-rifjut tal-aċċess għandha ssir applikabbli immedjatament wara li l-vapur ikun telaq mill-port wara li n-nuqqasijiet li jwasslu għad-detenzjoni jkunu ġew rimedjati.

(2)L-awtorità kompetenti għandha tibgħat kopja tal-ordni ta’ rifjut tal-aċċess lill-amministrazzjoni tal-Istat tal-bandiera, lill-organizzazzjoni rikonoxxuta konċernata, lill-Istati Membri l-oħrajn, u lill-firmatarji l-oħrajn tal-MtQ ta’ Pariġi, lill-Kummissjoni u lis-Segretarjat tal-MtQ ta’ Pariġi. L-awtorità kompetenti għandha taġġorna wkoll il-bażi tad-data għall-ispezzjonijiet b’informazzjoni dwar iċ-ċaħda ta’ aċċess mingħajr dewmien.

(3)Sabiex titneħħa ordni ta’ rifjut tal-aċċess, is-sid jew l-operatur irid jindirizza talba formali lill-awtorità kompetenti tal-Istat Membru li tkun imponiet ordni ta’ rifjut tal-aċċess. Din it-talba għandha tkun akkumpanjata minn dokument mill-amministrazzjoni tal-Istat tal-bandiera maħruġ wara żjara abbord minn surveyor debitament awtorizzat mill-amministrazzjoni tal-Istat tal-bandiera, li juri li l-vapur jikkonforma bis-sħiħ mad-dispożizzjonijiet applikabbli tal-Konvenzjonijiet. L-amministrazzjoni tal-Istat tal-bandiera għandha tipprovdi evidenza lill-awtorità kompetenti li saret żjara abbord.

(4)It-talba għat-tneħħija ta’ ordni ta’ rifjut tal-aċċess trid tkun akkumpanjata wkoll, fejn xieraq, minn dokument mis-soċjetà għal klassifikazzjoni li għandha l-vapur fi klassi wara żjara abbord minn surveyor mis-soċjetà għal klassifikazzjoni, li juri li l-vapur jikkonforma mal-istandards tal-klassi stipulati minn dik is-soċjetà. Is-soċjetà għal klassifikazzjoni għandha tipprovdi evidenza lill-awtorità kompetenti li saret żjara abbord.

(5)L-ordni ta’ rifjut tal-aċċess tista’ titneħħa biss wara li jkun għadda l-perjodu msemmi fl-Artikolu 16 ta’ din id-Direttiva u l-kumpanija trid tindirizza talba formali lill-awtorità tal-Istat tal-port tal-Istat Membru li tkun imponiet il-projbizzjoni u tipprovdi d-dokumenti mitluba fil-paragrafi 3 u 4

(6)Talba bħal din, inklużi d-dokumenti meħtieġa, trid tiġi sottomessa lill-Istat li jkun ħareġ il-projbizzjoni mill-inqas xahar qabel tmiem il-perjodu ta’ projbizzjoni. Jekk din l-iskadenza ma tiġix issodisfata, f’dak il-każ jista’ jseħħ dewmien sa xahar wara li l-Istat li jkun ħareġ il-projbizzjoni jkun irċieva t-talba

(7)Is-sistema ta’ informazzjoni se żżid fattur prevalenti għall-vapur u l-vapur se jiġi indikat responsabbli għat-tip ta’ spezzjoni “Spezzjoni estiża” fil-waqfa li jmiss fil-port/l-ankraġġ fir-reġjun.

(8)L-awtorità kompetenti għandha tinnotifika wkoll id-deċiżjoni tagħha bil-miktub lill-amministrazzjoni tal-Istat tal-bandiera, lis-soċjetà għal klassifikazzjoni kkonċernata, lill-Istati Membri l-oħrajn, lill-firmatarji l-oħrajn tal-MtQ ta’ Pariġi, lill-Kummissjoni u lis-Segretarjat tal-MtQ ta’ Pariġi. L-awtorità kompetenti trid taġġorna wkoll il-bażi tad-data għall-ispezzjonijiet bl-informazzjoni dwar it-tneħħija tal-aċċess mingħajr dewmien.

(9)L-informazzjoni marbuta mal-vapuri li kienu miċħudin aċċess għal portijiet fil-Komunità trid issir disponibbli fil-bażi tad-data għall-ispezzjonijiet u trid tiġi ppubblikata f’konformità mad-dispożizzjonijiet tal-Artikolu 26 u tal-Anness XIII.”