This document is an excerpt from the EUR-Lex website
Document 52023PC0239
Proposal for a COUNCIL DECISION on the conclusion, on behalf of the European Union and its Member States, of a Protocol amending the Euro-Mediterranean Aviation Agreement between the European Community and its Member States, of the one part, and the Kingdom of Morocco, of the other part, to take account of the accession to the European Union of the Republic of Croatia
Proposta għal DEĊIŻJONI TAL-KUNSILL dwar il-konklużjoni, f’isem l-Unjoni Ewropea u l-Istati Membri tagħha, ta’ Protokoll li jemenda l-Ftehim Ewro-Mediterranju dwar l-avjazzjoni bejn il-Komunità Ewropea u l-Istati Membri tagħha minn naħa waħda u r-Renju tal-Marokk min-naħa l-oħra, biex titqies l-adeżjoni tar-Repubblika tal-Kroazja mal-Unjoni Ewropea
Proposta għal DEĊIŻJONI TAL-KUNSILL dwar il-konklużjoni, f’isem l-Unjoni Ewropea u l-Istati Membri tagħha, ta’ Protokoll li jemenda l-Ftehim Ewro-Mediterranju dwar l-avjazzjoni bejn il-Komunità Ewropea u l-Istati Membri tagħha minn naħa waħda u r-Renju tal-Marokk min-naħa l-oħra, biex titqies l-adeżjoni tar-Repubblika tal-Kroazja mal-Unjoni Ewropea
COM/2023/239 final
IL-KUMMISSJONI EWROPEA
Brussell, 8.5.2023
COM(2023) 239 final
2023/0142(NLE)
Proposta għal
DEĊIŻJONI TAL-KUNSILL
dwar il-konklużjoni, f’isem l-Unjoni Ewropea u l-Istati Membri tagħha, ta’ Protokoll li jemenda l-Ftehim Ewro-Mediterranju dwar l-avjazzjoni bejn il-Komunità Ewropea u l-Istati Membri tagħha minn naħa waħda u r-Renju tal-Marokk min-naħa l-oħra, biex titqies l-adeżjoni tar-Repubblika tal-Kroazja mal-Unjoni Ewropea
MEMORANDUM TA’ SPJEGAZZJONI
1.KUNTEST TAL-PROPOSTA
•Raġunijiet u objettivi tal-proposta
Ir-Repubblika tal-Kroazja daħlet fl-Unjoni Ewropea fl-1 ta’ Lulju 2013. F’konformità mal-Artikolu 6(2) tal-Att dwar il-kundizzjonijiet tal-adeżjoni, il-Kroazja impenjat ruħha li taderixxi mal-ftehimiet konklużi jew iffirmati mill-Istati Membri u l-Unjoni ma’ pajjiż terz wieħed jew aktar jew ma’ organizzazzjoni internazzjonali, fosthom il-Ftehim Ewro-Mediterranju dwar l-Avjazzjoni mal-Marokk.
Skont id-dispożizzjonijiet tal-Artikolu 6(2) imsemmi hawn fuq, “l-adeżjoni tal-Kroazja ma’ dawn il-ftehimiet għandha tiġi maqbula bil-konklużjoni ta’ protokoll għal tali ftehimiet bejn il-Kunsill, li jaġixxi b’mod unanimu f’isem l-Istati Membri, u l-pajjiż jew pajjiżi terzi jew l-organizzazzjoni internazzjonali kkonċernati. Il-Kummissjoni [...] għandha tinnegozja dawn il-protokolli f’isem l-Istati Membri [...]”.
Il-Kummissjoni nnegozjat il-Protokoll li jemenda il-Ftehim Ewro-Mediterranju dwar l-avjazzjoni bejn il-Komunità Ewropea u l-Istati Membri tagħha minn naħa waħda u r-Renju tal-Marokk min-naħa l-oħra.
Il-Protokoll jipprevedi l-adattamenti lingwistiċi li jenħtieġ li jsiru fil-Ftehim minħabba l-adeżjoni tal-Kroazja.
Skont l-Artikolu 6(2) imsemmi hawn fuq, kif ukoll skont l-Artikolu 100(2) u l-Artikolu 218(5) tat-Trattat dwar il-Funzjonament tal-Unjoni Ewropea, l-iffirmar tal-Protokoll ġie approvat permezz ta’ deċiżjoni ta’ [...], u l-Protokoll ġie ffirmat fi [...].
L-objettiv ta’ din il-proposta huwa li tinkiseb Deċiżjoni tal-Kunsill, abbażi tal-Artikolu 100(2) u tal-Artikolu 218(6)(a) tat-Trattat dwar il-Funzjonament tal-Unjoni Ewropea (it-“TFUE”), flimkien mal-Artikolu 6(2) tal-Att tal-Adeżjoni, dwar il-konklużjoni tal-protokoll f’isem l-Unjoni u l-Istati Membri tagħha.
•Konsistenza mad-dispożizzjonijiet eżistenti fil-qasam ta’ politika
Id-dispożizzjonijiet tal-Protokoll jissupplimentaw id-dispożizzjonijiet tal-Ftehim Ewro-Mediterranju dwar l-avjazzjoni bejn il-Komunità Ewropea u l-Istati Membri tagħha minn naħa waħda u r-Renju tal-Marokk min-naħa l-oħra, sabiex titqies l-adeżjoni tal-Kroazja mal-Unjoni Ewropea. Dan il-Protokoll jippermetti lill-Kroazja tissodisfa l-obbligi tagħha skont l-Artikolu 6(2) tal-Att dwar il-kundizzjonijiet tal-adeżjoni.
•Konsistenza ma’ politiki oħra tal-UE
Il-Ftehim mal-Marokk kien l-ewwel ftehim komprensiv dwar it-trasport bl-ajru li ġie ffirmat ma’ sieħeb tal-Unjoni mhux Ewropew. Dan il-Ftehim huwa komponent importanti tal-politika esterna tal-Unjoni dwar l-avjazzjoni u jifforma parti minn għadd ta’ ftehimiet Ewro-Mediterranji dwar is-servizzi tal-ajru, li l-Unjoni sadanittant iffirmat ukoll mal-Iżrael u mal-Ġordan. Il-Ftehim tal-Avjazzjoni mal-Marokk ippermetta li tiġi kważi ttriplikata l-konnettività, f’termini assoluti, bejn dan il-pajjiż u l-Unjoni. Dan il-Protokoll se jippermetti lill-Kroazja tgawdi dawn il-benefiċċji bħalma jagħmlu bħalissa l-Istati Membri l-oħra.
2.BAŻI ĠURIDIKA, SUSSIDJARJETÀ U PROPORZJONALITÀ
•Bażi ġuridika
L-Artikolu 100(2), flimkien mal-Artikolu 218(6)(a) tat-Trattat dwar il-Funzjonament tal-Unjoni Ewropea, u t-tieni subparagrafu tal-Artikolu 6(2) tal-Att tal-Adeżjoni.
•Sussidjarjetà (għall-kompetenza mhux esklużiva)
Il-Protokoll jemenda ftehim bejn l-Unjoni Ewropea (u l-Istati Membri tagħha) u pajjiż terz. Dan ġie ffirmat fil-livell tal-UE u l-konklużjoni tiegħu għandha ssir fl-istess livell.
•Proporzjonalità
Din hija l-proċedura standard għar-reġistrazzjoni tal-adeżjoni ta’ Stat Membru ġdid għal ftehim konkluż mill-Unjoni (u l-Istati Membri tagħha). Il-kamp ta’ applikazzjoni tal-Protokoll huwa strettament limitat għall-kwistjoni tal-adeżjoni tal-Kroazja mal-Ftehim dwar l-avjazzjoni mal-Marokk.
•Għażla tal-istrument
Ftehim internazzjonali.
3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT
•Evalwazzjonijiet ex post/kontrolli tal-idoneità tal-leġiżlazzjoni eżistenti
Mhux applikabbli.
•Konsultazzjoni mal-partijiet ikkonċernati
Mhux applikabbli.
•Ġbir u użu tal-għarfien espert
Mhux applikabbli.
•Valutazzjoni tal-impatt
Mhux applikabbli.
•Idoneità regolatorja u simplifikazzjoni
Mhux applikabbli.
•Drittijiet fundamentali
Mhux applikabbli.
4.IMPLIKAZZJONI BAĠITARJA
Il-proposta ma għandhiex implikazzjonijiet għall-baġit tal-Unjoni.
5.ELEMENTI OĦRA
•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rapportar
Mhux applikabbli.
•Dokumenti ta’ spjegazzjoni (għad-direttivi)
Mhux applikabbli.
•Spjegazzjoni fid-dettall tad-dispożizzjonijiet speċifiċi tal-proposta
Il-Kunsill huwa mistieden jikkonkludi l-Protokoll li jemenda l-Ftehim Ewro-Mediterranju dwar l-avjazzjoni bejn il-Komunità Ewropea u l-Istati Membri tagħha minn naħa waħda u r-Renju tal-Marokk min-naħa l-oħra.
L-Artikolu 1 jieħu nota tal-approvazzjoni tal-Protokoll f’isem l-Unjoni u l-Istati Membri tagħha.
L-Artikolu 2 jispeċifika l-proċedura ta’ notifika lin-naħa Marokkina tat-tlestija tal-formalitajiet interni ta’ approvazzjoni mill-Unjoni u l-Istati Membri tagħha.
2023/0142 (NLE)
Proposta għal
DEĊIŻJONI TAL-KUNSILL
dwar il-konklużjoni, f’isem l-Unjoni Ewropea u l-Istati Membri tagħha, ta’ Protokoll li jemenda l-Ftehim Ewro-Mediterranju dwar l-avjazzjoni bejn il-Komunità Ewropea u l-Istati Membri tagħha minn naħa waħda u r-Renju tal-Marokk min-naħa l-oħra, biex titqies l-adeżjoni tar-Repubblika tal-Kroazja mal-Unjoni Ewropea
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 100(2), flimkien mal-Artikolu 218(6)(a)(v) tiegħu,
Wara li kkunsidra l-Att tal-Adeżjoni tal-Kroazja, u b’mod partikolari t-tieni subparagrafu tal-Artikolu 6(2) tiegħu,
Wara li kkunsidra l-proposta tal-Kummissjoni Ewropea,
Wara li kkunsidra l-kunsens tal-Parlament Ewropew,
Billi:
(1)F’konformità mad-deċiżjoni [referenza tad-deċiżjoni ta’ ffirmar] tal-Kunsill, il-Protokoll li jemenda l-Ftehim Ewro-Mediterranju dwar l-Avjazzjoni, bejn il-Komunità Ewropea u l-Istati Membri tagħha, minn naħa waħda, u r-Renju tal-Marokk, min-naħa l-oħra, sabiex titqies l-adeżjoni tar-Repubblika tal-Kroazja mal-Unjoni Ewropea (il-“Protokoll”), ġie ffirmat fi [id-data tal-iffirmar tal-Ftehim], soġġett għall-konklużjoni tiegħu aktar tard.
(2)Jenħtieġ li l-Protokoll jiġi approvat f’isem l-Unjoni u l-Istati Membri tagħha,
ADOTTA DIN ID-DEĊIŻJONI:
Artikolu 1
Il-Protokoll li jemenda l-Ftehim Ewro-Mediterranju dwar l-Avjazzjoni bejn il-Komunità Ewropea u l-Istati Membri tagħha, minn naħa waħda, u r-Renju tal-Marokk, min-naħa l-oħra, sabiex titqies l-adeżjoni tar-Repubblika tal-Kroazja fl-Unjoni Ewropea (il-“Protokoll”) huwa approvat f’isem l-Unjoni Ewropea u Istati Membri tagħha.
Artikolu 2
Il-Kummissjoni hija awtorizzata tipproċedi, f’isem l-Unjoni u l-Istati Membri tagħha, għan-notifika prevista fl-Artikolu 4(1) tal-Protokoll, sabiex jiġi espress il-kunsens tal-Unjoni u tal-Istati Membri tagħha li jkunu marbuta bil-Protokoll.
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell,
Għall-Kunsill
Il-President
IL-KUMMISSJONI EWROPEA
Brussell, 8.5.2023
COM(2023) 239 final
ANNESS
tal-
Proposta għal Deċiżjoni tal-Kunsill
dwar il-konklużjoni, f’isem l-Unjoni Ewropea u l-Istati Membri tagħha, ta’ Protokoll li jemenda l-Ftehim Ewro-Mediterranju dwar l-avjazzjoni bejn il-Komunità Ewropea u l-Istati Membri tagħha minn naħa waħda u r-Renju tal-Marokk min-naħa l-oħra, biex titqies l-adeżjoni tar-Repubblika tal-Kroazja mal-Unjoni Ewropea
ANNESS
PROTOKOLL
li jemenda il-Ftehim Ewro-Mediterranju dwar l-avjazzjoni
bejn il-Komunità Ewropea u l-Istati Membri tagħha, minn naħa waħda,
u r-Renju tal-Marokk, min-naħa l-oħra, sabiex titqies l-adeżjoni tal-Kroazja mal-Unjoni Ewropea
IR-REPUBBLIKA TAL-AWSTRIJA,
IR-RENJU TAL-BELĠJU,
IR-REPUBBLIKA TAL-BULGARIJA,
IR-REPUBBLIKA TAL-KROAZJA,
IR-REPUBBLIKA TA’ ĊIPRU,
IR-REPUBBLIKA ĊEKA,
IR-RENJU TAD-DANIMARKA,
IR-REPUBBLIKA TAL-ESTONJA,
IR-REPUBBLIKA TAL-FINLANDJA,
IR-REPUBBLIKA FRANĊIŻA,
IR-REPUBBLIKA FEDERALI TAL-ĠERMANJA,
IR-REPUBBLIKA ELLENIKA,
L-UNGERIJA,
L-IRLANDA,
IR-REPUBBLIKA TALJANA,
IR-REPUBBLIKA TAL-LATVJA,
IR-REPUBBLIKA TAL-LITWANJA,
IL-GRAN DUKAT TAL-LUSSEMBURGU,
MALTA,
IR-RENJU TAN-NETHERLANDS,
IR-REPUBBLIKA TAL-POLONJA,
IR-REPUBBLIKA PORTUGIŻA,
IR-RUMANIJA,
IR-REPUBBLIKA SLOVAKKA,
IR-REPUBBLIKA TAS-SLOVENJA,
IR-RENJU TA’ SPANJA,
IR-RENJU TAL-IŻVEZJA,
billi huma partijiet għat-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea u billi huma Stati Membri tal-Unjoni Ewropea (minn hawn ’il quddiem, “l-Istati Membri”),
u
L-UNJONI EWROPEA,
minn naħa waħda,
u
IR-RENJU TAL-MAROKK,
min-naħa l-oħra,
Wara li kkunsidraw l-adeżjoni tar-Repubblika tal-Kroazja mal-Unjoni Ewropea fl-1 ta’ Lulju 2013,
FTIEHMU KIF ĠEJ:
Artikolu 1
Ir-Repubblika tal-Kroazja hija parti għall-Ftehim Ewro-Mediterranju dwar l-avjazzjoni bejn il-Komunità Ewropea u l-Istati Membri tagħha u r-Renju tal-Marokk fit-12 ta’ Diċembru 2006 (minn hawn ’il quddiem il-“Ftehim”), kif emendat bil-Protokoll iffirmat fit-18 ta’ Ġunju 2012 biex titqies l-adeżjoni tar-Repubblika tal-Bulgarija u tar-Rumanija mal-Unjoni Ewropea (minn hawn ’il quddiem il-“Protokoll”).
Artikolu 2
1. Id-dispożizzjoni li ġejja tiżdied fl-Anness II (“Ftehim Bilaterali bejn il-Marokk u l-Istati Membri tal-Komunità Ewropea”) tal-Ftehim kif emendat bil-Protokoll.
Wara t-tieni inċiż dwar il-Bulgarija:
“— Il-Ftehim bejn il-Gvern tar-Repubblika tal-Kroazja u l-Gvern tar-Repubblika tal-Marokk dwar it-trasport bl-ajru ffirmat f’Rabat is-7 ta’ Lulju 1999;”.
2. Id-dispożizzjonijiet li ġejjin jiżdiedu mal-ewwel paragrafu tal-Anness III (“Proċeduri biex jitħaddmu l-awtorizzazzjonijiet u l-permessi tekniċi: l-awtoritajiet kompetenti”) tal-Ftehim kif emendat bil-protokoll.
Wara t-taqsima dwar il-Bulgarija:
“Il-Kroazja:
l-Aġenzija tal-Avjazzjoni Ċivili Kroata (CCAA)”.
Artikolu 3
It-test tal-Ftehim bil-Kroat, mehmuż ma’ dan il-Protokoll, għandu jsir awtentiku skont l-istess kundizzjonijiet bħall-verżjonijiet lingwistiċi l-oħra.
Artikolu 4
1. Dan il-Protokoll huwa approvat mill-partijiet skont il-proċeduri tagħhom stess. Għandu jidħol fis-seħħ fid-data tad-dħul fis-seħħ tal-Ftehim. Madankollu, f’każ li dan il-Protokoll jiġi approvat mill-partijiet kontraenti wara d-data ta’ dħul fis-seħħ tal-Ftehim, il-Protokoll għandu jidħol fis-seħħ f’konformità mal-Artikolu 30(2) tal-Ftehim, xahar wara d-data li fiha l-partijiet jinnotifikaw lil xulxin dwar it-twettiq tal-formalitajiet ta’ approvazzjoni interni.
2. Dan il-Protokoll jifforma parti integrali mill-Ftehim u għandu japplika b’mod provviżorju mid-data tal-iffirmar tiegħu mill-partijiet.
Dan il-Protokoll tfassal fi ……….., il-……….., f’żewġ kopji, bil-lingwa Bulgara, Ċeka, Daniża, Estonjana, Finlandiża, Franċiża, Ġermaniża, Griega, Ingliża, Irlandiża, Kroata, Latvjana, Litwana, Maltija, Netherlandiża, Pollakka, Portugiża, Rumena, Slovakka, Slovena, Spanjola, Taljana, Ungeriża, Żvediża u Għarbija, u kull wieħed minn dawn it-testi huwa ugwalment awtentiku.
GĦALL-ISTATI MEMBRI GĦAR-RENJU TAL-MAROKK
GĦALL-UNJONI EWROPEA