Opinjoni tal-Kumitat Ekonomiku u Soċjali Ewropew dwar “Proposta għal Regolament tal-Parlament Ewropew u tal-Kunsill li jemenda r-Regolament (UE) Nru 1303/2013 u r-Regolament (UE) Nru 223/2014 fir-rigward tal-Azzjoni ta’ Koeżjoni għar-Refuġjati fl-Ewropa (CARE)”

(COM(2022) 109 final — 2022/0075 (COD))

(2022/C 290/28)

Billi l-Kumitat jikkunsidra li l-kontenut tal-proposta huwa kompletament sodisfaċenti u li, barra minn hekk, diġà ta fehmtu fl-Opinjonijiet preċedenti tiegħu, jiġifieri SOC/597 – Fond Soċjali Ewropew+, adottata fis-17 ta’ Ottubru 2018, ECO/462 – Regolament dwar il-Fond Ewropew għall-Iżvilupp Reġjonali u l-Fond ta’ Koeżjoni, adottata fis-17 ta’ Ottubru 2018, kif ukoll fid-dokumenti ta’ pożizzjoni tiegħu SOC/591 – Fond għal Għajnuna Ewropea għall-Persuni l-Aktar fil-Bżonn (FEAD)/Kriżi tal-COVID-19, ECO/517 – COVID-19: Il-Fondi Strutturali u ta’ Investiment Ewropej – flessibbiltà eċċezzjonali, iddeċieda, matul il-568 sessjoni plenarja tiegħu tat-23 u l-24 ta’ Marzu 2022 (seduta tat-23 ta’ Marzu 2022), b’199 vot favur, l-ebda vot kontra u 6 astensjonijiet, li jagħti opinjoni favorevoli għat-test propost u li jagħmel referenza għall-pożizzjoni li ħa fid-dokumenti msemmija.