“9504 40 00 Karti tal-logħob

Din is-subintestatura tinkludi karti tal-logħob tipiċi li jeħtieġu interazzjoni bejn il-karti nfushom, bħall-akkoppjament, l-iskambju jew l-użu u l-kombinazzjoni tal-karti biex jiffurmaw kliem, gruppi ta’ simboli jew ringieli ta’ numri (pereżempju, karti tal-pontijiet, karti tal-logħob tal-poker, karti tal-lessiku, karti tat-tarot u karti tal-logħob tal-fantasija). Din is-subintestatura tinkludi wkoll karti tal-logħob tal-memorja u karti tal-logħob simili oħrajn, li normalment jintlagħbu sabiex jiġu akkoppjati l-istess kuluri, valuri, simboli jew immaġnijiet.

Tipi oħra ta’ logħob tal-karti fejn il-karti fihom mistoqsijiet ta’ għarfien, kompiti, kwiżżijiet, stampi jew tweġibiet għal dawn il-mistoqsijiet (kemm jekk f’sett bi strumenti oħra tal-logħob, pereżempju, dada jew arloġġ tar-ramel) madankollu mhumiex meqjusa bħala karti tal-logħob ta’ din is-subintestatura. Min jilgħab irid biss jwieġeb għal mistoqsija, jissodisfaw kompitu jew, pereżempju, jimmaġinaw li jidhru fl-istampa fuq kard u l-mod kif jilagħbu ma jeħtieġx interazzjoni bejn il-karti. Dawn il-karti għandhom il-karatteristiċi oġġettivi ta’ logħob ieħor tas-salott u għalhekk għandhom jiġu kklassifikati taħt il-kodiċi NM 9504 90 80 bħala logħob ieħor.”