IL-KUMMISSJONI EWROPEA
Brussell, 14.7.2021
COM(2021) 551 final
2021/0211(COD)
Proposta għal
DIRETTIVA TAL-PARLAMENT EWROPEW U TAL-KUNSILL
li temenda d-Direttiva 2003/87/KE li tistabbilixxi sistema għall-iskambju ta’ kwoti ta’ emissjonijiet ta’ gassijiet serra ġewwa l-Unjoni, id-Deċiżjoni (UE) 2015/1814 dwar l-istabbiliment u l-funzjonament ta’ riżerva tal-istabbiltà tas-suq għall-iskema ta’ negozjar tal-emissjonijiet tal-gassijiet serra tal-Unjoni u r-Regolament (UE) 2015/757
(Test b’rilevanza għaż-ŻEE)
{SEC(2021) 551 final} - {SWD(2021) 557 final} - {SWD(2021) 601 final} - {SWD(2021) 602 final}
MEMORANDUM TA’ SPJEGAZZJONI
1.KUNTEST TAL-PROPOSTA
•Raġunijiet u objettivi tal-proposta
Il-Komunikazzjoni dwar il-Patt Ekoloġiku Ewropew nediet strateġija ġdida għat-tkabbir għall-UE bil-għan li tittrasforma lill-UE f’soċjetà ġusta u għanja b’ekonomija moderna, effiċjenti fir-riżorsi u kompetittiva. Hija tafferma mill-ġdid l-ambizzjoni tal-Kummissjoni li żżid il-miri klimatiċi tagħha u tagħmel lill-Ewropa l-ewwel kontinent newtrali għall-klima sal-2050. Barra minn hekk, hija timmira li tipproteġi s-saħħa u l-benesseri taċ-ċittadini minn riskji u impatti relatati mal-ambjent. Il-ħtieġa u l-valur tal-Patt Ekoloġiku Ewropew saħansitra komplew jikbru fid-dawl tal-effetti severi ħafna tal-pandemija tal-COVID-19 fuq is-saħħa, il-kundizzjonijiet tal-għajxien u tax-xogħol u l-benesseri taċ-ċittadini tal-Unjoni.
L-indirizzar tat-tibdil fil-klima huwa sfida urġenti. F’konformità mas-sejbiet xjentifiċi tar-Rapport Speċjali tal-Grupp Intergovernattiv ta’ Esperti dwar it-Tibdil fil-Klima (IPCC), jeħtieġ li jinkisbu emissjonijiet żero netti globali tas-CO2 madwar l-2050, u li tinkiseb in-newtralità għall-gassijiet serra l-oħrajn kollha kemm jista’ jkun malajr aktar tard fis-seklu. Din l-isfida urġenti tirrikjedi li l-UE żżid l-azzjoni tagħha u turi tmexxija globali billi ssir newtrali għall-klima sal-2050. Dan l-objettiv huwa stabbilit fil-Komunikazzjoni “Pjaneta Nadifa għal Kulħadd” - Viżjoni strateġika Ewropea fit-tul għal ekonomija għanja, moderna, kompetittiva u newtrali għall-klima.
Abbażi tal-istrateġija tal-Patt Ekoloġiku Ewropew u ta’ valutazzjoni tal-impatt komprensiva, il-Komunikazzjoni tal-Kummissjoni ta’ Settembru 2020 dwar It-tisħiħ tal-ambizzjoni klimatika tal-Ewropa għall-2030 (“il-Pjan dwar il-Mira Klimatika għall-2030”) ipproponiet li tiżdied l-ambizzjoni tal-UE u li jitressaq pjan komprensiv biex tiżdied il-mira vinkolanti tal-Unjoni Ewropea għall-2030 lejn tnaqqis nett fl-emissjonijiet ta’ mill-inqas 55 %, b’mod responsabbli. Iż-żieda tal-ambizzjoni tal-2030 issa tgħin biex tingħata ċertezza lil dawk li jfasslu l-politika u lill-investituri, sabiex id-deċiżjonijiet li jittieħdu fis-snin li ġejjin ma jżommux il-livelli tal-emissjonijiet inkonsistenti mal-objettiv tal-UE li ssir newtrali għall-klima sal-2050. Il-mira għall-2030 hija konformi mal-objettiv tal-Ftehim ta’ Pariġi li ż-żieda fit-temperatura globali tinżamm ferm taħt 2 °C u li jsiru sforzi biex din tinżamm għal 1.5 °C.
Il-Kunsill Ewropew approva l-mira vinkolanti l-ġdida tal-UE għall-2030 fil-laqgħa tiegħu ta’ Diċembru 2020. Huwa stieden ukoll lill-Kummissjoni “biex tivvaluta kif is-setturi ekonomiċi kollha jistgħu jikkontribwixxu bl-aħjar mod għall-mira għall-2030 u biex tressaq il-proposti meħtieġa, akkumpanjati minn eżami fil-fond tal-impatt ambjentali, ekonomiku u soċjali fil-livell tal-Istati Membri, b’kont meħud tal-pjanijiet nazzjonali għall-enerġija u l-klima, filwaqt li jiġu rieżaminati l-flessibbiltajiet eżistenti”.
Għal dan il-għan, il-Liġi Ewropea dwar il-Klima, kif miftiehma mal-koleġiżlaturi, se tagħmel il-mira tan-newtralità klimatika tal-UE legalment vinkolanti, u żżid l-ambizzjoni tal-2030 billi tistabbilixxi mira ta’ tnaqqis nett tal-emissjonijiet ta’ mill-inqas 55 % sal-2030, meta mqabbel mal-1990.
Sabiex issegwi l-perkors propost fil-Liġi Ewropea dwar il-Klima, u twassal dan il-livell miżjud ta’ ambizzjoni għall-2030, il-Kummissjoni rrevediet il-leġiżlazzjoni dwar il-klima u l-enerġija attwalment fis-seħħ li hija mistennija li tnaqqas biss l-emissjonijiet ta’ gassijiet serra b’40 % sal-2030 u b’60 % sal-2050. Dan il-pakkett leġiżlattiv “Lesti għall-mira ta’ 55 %”, kif imħabbar fil-Pjan dwar il-Mira Klimatika għall-2030, huwa l-aktar element kostitwenti komprensiv fl-isforzi għall-implimentazzjoni tal-mira klimatika ambizzjuża l-ġdida għall-2030, u s-setturi u l-politiki ekonomiċi kollha se jkollhom bżonn jagħtu l-kontribut tagħhom.
F’Diċembru 2020, il-Kunsill Ewropew stieden ukoll lill-Kummissjoni biex tikkunsidra l-esplorazzjoni ta’ modi kif tissaħħaħ l-Iskema tal-UE għan-Negozjar ta’ Kwoti ta’ Emissjonijiet (EU ETS), filwaqt li tippreserva l-integrità tagħha u tqis il-ħtieġa li jiġu indirizzati t-tħassib distribuzzjonali u l-faqar enerġetiku. Il-Kunsill Ewropew stieden ukoll lill-Kummissjoni biex tikkunsidra li tipproponi miżuri li jippermettu lill-industriji intensivi fl-enerġija jiżviluppaw u jużaw teknoloġiji innovattivi newtrali għall-klima, filwaqt li jżommu l-kompetittività industrijali tagħhom.
Il-leġiżlazzjoni attwali dwar l-ETS ġiet riveduta fl-2018 biex twassal għal tnaqqis ta’ 43 % fl-emissjonijiet tal-EU ETS sal-2030 meta mqabbla mal-2005, koerenti ma’ mira ta’ tnaqqis tal-emissjonijiet għall-ekonomija kollha tal-UE ta’ mill-inqas 40 % sal-2030 meta mqabbla mal-1990. Madankollu, analiżi aktar reċenti mis-servizzi tal-Kummissjoni tindika li, jekk il-leġiżlazzjoni tibqa’ l-istess, is-setturi attwalment koperti mill-EU ETS minflok jiksbu tnaqqis fl-emissjonijiet ta’ -51 % fl-2030 meta mqabbel mal-2005.
Minkejja li dan ikun ifisser li l-kontribut ta’ -43 % imsemmi hawn fuq jiġi superat, dan xorta jkun kontribut insuffiċjenti għal mira ġenerali ta’ mill-inqas -55 %, meta mqabbel mal-1990. Għalhekk, l-objettiv ġenerali ta’ din l-inizjattiva huwa li tirrevedi d-Direttiva dwar l-ETS b’mod proporzjonat mal-ambizzjoni klimatika tal-2030 sabiex sal-2030 jintlaħaq tnaqqis nett ta’ mill-inqas 55 % fl-emissjonijiet ta’ gassijiet serra taħt il-livelli tal-1990 u bi trajettorja gradwali u bilanċjata lejn in-newtralità klimatika sal-2050, b’mod kosteffettiv u koerenti, filwaqt li titqies il-ħtieġa għal tranżizzjoni ġusta u l-ħtieġa li s-setturi kollha jikkontribwixxu għall-isforzi klimatiċi tal-UE.
Kif spjegat fil-valutazzjoni tal-impatt, il-kontribut tas-setturi koperti mill-EU ETS ta’ -61 %, meta mqabbel mal-2005, jitqies bħala li jirrifletti bl-aħjar mod ir-riżultati tal-Pjan dwar il-Mira Klimatika għall-2030 u jittieħed bħala l-ambizzjoni tal-EU ETS li tikkontribwixxi għal mira ġenerali ta’ mill-inqas -55 % meta mqabbel mal-1990. Iż-żieda fil-kontribut ambjentali tal-EU ETS tinvolvi l-aġġustament primarjament tal-għadd totali ta’ kwoti maħruġa taħt l-EU ETS (il-“limitu massimu”). Madankollu, ammont imnaqqas ta’ kwoti disponibbli għas-suq jaffettwa pilastri oħrajn tal-EU ETS u l-prezz tal-karbonju. Dan iħalli impatt fuq prinċipji ewlenin bħall-ħtieġa għall-istabbiltà tas-suq, il-protezzjoni kontra r-riskju ta’ rilokazzjoni tal-emissjonijiet tal-karbonju, l-effetti distributtivi bbilanċjati bir-reqqa bejn l-Istati Membri, u d-disponibbiltà ta’ fondi għaż-żieda fil-ħtiġijiet ta’ investiment f’teknoloġiji b’livell baxx ta’ emissjonijiet tal-karbonju.
Fl-istess ħin li l-EU ETS tinġieb f’konformità mal-mira ġenerali ta’ mill-inqas -55 % meta mqabbel mal-1990, jeħtieġ li din l-ambizzjoni klimatika miżjuda tkun riflessa wkoll fil-kontribut għall-isforzi klimatiċi tal-UE ta’ setturi li bħalissa ma humiex fl-EU ETS. Il-valutazzjoni tal-impatt li takkumpanja l-Pjan dwar il-Mira Klimatika għall-2030 sabet li, fin-nuqqas ta’ miżuri addizzjonali, l-emissjonijiet f’ċerti setturi ma jonqsux daqs kemm meħtieġ biex ikunu fit-triq biex jinkiseb tnaqqis ta’ 55 % fl-emissjonijiet madwar l-ekonomija kollha. Fil-fatt, fit-trasport marittimu, l-emissjonijiet illum huma ogħla milli kienu fl-1990, u l-emissjonijiet tat-trasport marittimu huma mistennija li jiżdiedu aktar f’xenarju ta’ żamma tal-istatus quo. Il-mogħdijiet kollha vvalutati bħala parti mill-Pjan dwar il-Mira Klimatika għall-2030 u mill-Istrateġija dwar il-Mobbiltà Sostenibbli u Intelliġenti jipprevedu tnaqqis ta’ 80-82 % fl-emissjonijiet mit-tbaħħir internazzjonali sal-2050 b’mod relattiv għall-1990 (ekwivalenti għal tnaqqis ta’ 88-89 % fl-emissjonijiet b’mod relattiv għall-2008), sabiex ikunu konsistenti maż-żieda fil-livell ta’ ambizzjoni klimatika. Għalhekk, il-Kummissjoni Ewropea impenjat ruħha li testendi l-EU ETS għat-trasport marittimu bħala parti minn ġabra ta’ miżuri tal-UE biex tindirizza l-emissjonijiet mit-trasport marittimu, flimkien ma’ azzjoni miftiehma fl-IMO. F’dan il-kuntest, il-Kummissjoni tilqa’ l-progress li għamlu l-Parlament Ewropew u l-Kunsill mill-2019 fuq il-proposta biex jiġi emendat ir-Regolament (UE) 2015/757 sabiex titqies kif xieraq is-sistema globali ta’ ġbir tad-data għad-data dwar il-konsum taż-żejt tal-fjuwil tal-bastimenti (COM(2019) 38 final) u l-Kummissjoni tieħu nota tal-appoġġ tal-Plenarja tal-Parlament Ewropew għall-estensjoni tal-Iskema tal-UE għan-Negozjar ta’ Kwoti ta’ Emissjonijiet (EU ETS) biex tkopri l-emissjonijiet tat-trasport marittimu mill-2023. Jenħtieġ li l-emissjonijiet mit-trasport marittimu jiġu inklużi fl-iskema eżistenti għall-iskambju ta’ kwoti tal-emissjonijiet. Sabiex tiġi żgurata tranżizzjoni bla xkiel, jenħtieġ li jiġi introdott perjodu ta’ introduzzjoni gradwali fejn il-kumpaniji tat-tbaħħir ikollhom iċedu biss kwoti għal porzjon tal-emissjonijiet ivverifikati tagħhom, li jiżdiedu gradwalment għal 100 % fuq 4 snin. Billi madwar 90 miljun tunnellata biss ta’ CO2 jiżdiedu permezz tal-estensjoni għat-trasport marittimu għall-ETS eżistenti, l-impatt fuq id-disponibbiltà tal-kwoti għal setturi oħrajn koperti jibqa’ limitat.
Sabiex titqies l-inklużjoni tas-settur marittimu fl-EU ETS, jenħtieġ li r-Regolament (UE) 2015/757 jiġi emendat, b’mod partikolari fir-rigward tar-rapportar ta’ data dwar l-emissjonijiet aggregati fil-livell tal-kumpaniji u b’kunsiderazzjoni tar-rwol tal-awtoritajiet amministrattivi fir-rigward tal-kumpaniji tat-tbaħħir. Dawn l-emendi jikkomplementaw dawk proposti f’COM(2019) 38 final.
Kif speċifikat fil-Pjan dwar il-Mira Klimatika għall-2030, is-settur tal-bini bħalissa huwa responsabbli direttament u indirettament għal 36 % tal-emissjonijiet ta’ gassijiet serra relatati mal-enerġija fl-UE u għandu potenzjal kosteffettiv kbir li jnaqqas l-emissjonijiet. Aktar minn nofs dawk l-emissjonijiet huma diġà koperti mill-ETS eżistenti, b’mod partikolari l-provvista tal-elettriku għall-użu fil-bini u l-biċċa l-kbira tal-emissjonijiet tat-tisħin distrettwali. Madankollu, ħafna djar għadhom qegħdin jiġu msaħħna b’sistemi antikwati li jużaw fjuwils fossili li jniġġsu, bħal faħam u żejt.
Is-settur tat-trasport bit-triq għandu wkoll potenzjal sinifikanti ta’ tnaqqis kosteffettiv. Illum, it-trasport bit-triq jirrappreżenta għoxrin fil-mija tal-emissjonijiet tal-gassijiet serra tal-UE u żied l-emissjonijiet tiegħu b’aktar minn kwart mill-1990. Kif diġà ġie kkunsidrat fil-Komunikazzjoni dwar il-Patt Ekoloġiku Ewropew, il-Kummissjoni qed tipproponi li tinkludi s-settur tal-bini u t-trasport bit-triq fl-iskambju ta’ kwoti tal-emissjonijiet. Il-kopertura ta’ dawn is-setturi mill-iskambju ta’ kwoti tal-emissjonijiet, meta titqiegħed fil-kuntest ta’ miżuri regolatorji u ta’ investiment xierqa oħrajn għas-setturi inkwistjoni, tipprevedi kemm inċentivi ekonomiċi akbar u aktar armonizzati biex jitnaqqsu l-emissjonijiet f’dawn is-setturi fl-UE, kif ukoll ċertezza akbar li jitwassal dan it-tnaqqis fl-emissjonijiet għal dawk is-setturi.
L-iskambju ta’ kwoti tal-emissjonijiet għas-setturi tal-bini u tat-trasport bit-triq jenħtieġ li jiġi introdott permezz ta’ skambju ta’ kwoti tal-emissjonijiet separat iżda kontigwu. Dan se jevita kwalunkwe disturb fl-iskema ta’ skambju ta’ kwoti tal-emissjonijiet li tiffunzjona tajjeb għall-installazzjonijiet stazzjonarji u għall-avjazzjoni, minħabba l-potenzjal differenti ta’ tnaqqis f’dawk is-setturi u fatturi differenti li jinfluwenzaw id-domanda. Kwalunkwe fużjoni possibbli taż-żewġ sistemi jenħtieġ li tiġi vvalutata biss wara ftit snin ta’ funzjonament tal-iskambju l-ġdid ta’ kwoti tal-emissjonijiet, abbażi tal-esperjenza. L-estensjoni għall-bini u għat-trasport bit-triq teħtieġ approċċ upstream għall-entitajiet regolati.
L-istabbiltà tas-suq hija kruċjali biex l-EU ETS tiffunzjona b’mod korrett biex tilħaq il-miri tagħha. Sabiex tiġi żgurata l-istabbiltà tas-suq, id-Deċiżjoni (UE) 2015/1814 stabbilixxiet ir-riżerva tal-istabbiltà tas-suq (MSR). Din bdiet topera f’Jannar 2019. L-objettivi tal-MSR huma li tindirizza l-iżbilanċi storiċi bejn il-provvista u d-domanda u li tagħmel l-EU ETS aktar reżiljenti għal żbilanċi kbar. Il-mekkaniżmu jrid jippreserva l-istabbiltà regolatorja u jiżgura prevedibbiltà fit-tul. L-Artikolu 3 tad-Deċiżjoni jirrikjedi li l-Kummissjoni tirrieżamina l-funzjonament tar-riżerva fi żmien tliet snin mill-bidu tal-operat tagħha. Dan ir-rieżami jeħtieġ li jiġi kkunsidrat flimkien mal-effetti taż-żieda fl-ambizzjoni tal-EU ETS għall-istabbiltà tas-suq, għalhekk, l-emendi meħtieġa għar-riżerva huma proposti flimkien mal-emendi għall-EU ETS b’din il-proposta.
F’dan il-kuntest, din il-proposta, bħala parti mill-pakkett “Lesti għall-mira ta’ 55 %”, għandha l-objettivi speċifiċi li ġejjin:
–issaħħaħ l-EU ETS fil-kamp ta’ applikazzjoni attwali tagħha sabiex tipprovdi l-kontribut xieraq għal mira ġenerali ta’ mill-inqas -55 % tal-emissjonijiet ta’ gassijiet serra meta mqabbla mal-1990;
–tiżgura protezzjoni effettiva kontinwa għas-setturi esposti għal riskju sinifikanti ta’ rilokazzjoni tal-emissjonijiet tal-karbonju, filwaqt li tinċentiva l-użu ta’ teknoloġiji b’livell baxx ta’ emissjonijiet tal-karbonju;
–tindirizza l-effetti distribuzzjonali u soċjali ta’ din it-tranżizzjoni, billi tirrevedi l-użu tad-dħul mill-irkant u d-daqs u l-funzjonament tal-mekkaniżmi ta’ finanzjament b’livell baxx ta’ emissjonijiet tal-karbonju;
–tiżgura li s-setturi l-oħrajn, minbarra dawk attwalment inklużi fl-EU ETS, jikkontribwixxu b’mod kosteffettiv għat-tnaqqis tal-emissjonijiet meħtieġ f’konformità mal-miri tal-UE u mal-impenji tal-Ftehim ta’ Pariġi, b’mod partikolari billi jiġu inklużi l-emissjonijiet mit-trasport marittimu u l-emissjonijiet mill-bini u mit-trasport bit-triq skont ir-regoli tal-EU ETS, filwaqt li tiżgura sinerġiji ma’ politiki oħrajn immirati lejn dawk is-setturi;
–tirrieżamina s-sistema ta’ monitoraġġ, rapportar u verifika tal-emissjonijiet ta’ CO2 mit-trasport marittimu biex tqis l-inklużjoni tas-settur tat-trasport marittimu fl-EU ETS;
–tirrieżamina r-riżerva tal-istabbiltà tas-suq f’konformità mal-obbligu legali korrispondenti u teżamina l-emendi possibbli għat-tfassil tagħha, sabiex jiġu ssodisfati l-objettivi legali fid-deċiżjoni dwar l-MSR u tiġi indirizzata kwalunkwe kwistjoni li tista’ titqajjem fil-kuntest tal-ambizzjoni akbar.
•Konsistenza mad-dispożizzjonijiet tal-politika eżistenti fil-qasam ta’ politika
Jenħtieġ li s-setturi kollha tal-ekonomija jikkontribwixxu għat-tnaqqis tal-emissjonijiet ta’ gassijiet serra. Il-pakkett dwar il-klima u l-enerġija “Lesti għall-mira ta’ 55 %” huwa pass komprensiv fir-reviżjoni tal-leġiżlazzjoni tal-Unjoni biex tiġi allinjata mal-ambizzjoni klimatika miżjuda tal-UE. L-inizjattivi kollha fil-pakkett huma interkonnessi mill-qrib, u kull waħda tiddependi mit-tfassil tal-oħrajn. Din il-proposta leġiżlattiva hija komplementari għall-proposti magħmula fil-pakkett u żżomm il-konsistenza magħhom.
Is-setturi barra mill-EU ETS huma koperti mir-Regolament dwar il-Kondiviżjoni tal-Isforzi (ESR), li jistabbilixxi mira ġenerali għat-tnaqqis tal-emissjonijiet ta’ gassijiet serra madwar l-UE kollha, kif ukoll miri annwali vinkolanti għal Stati Membri individwali li għandhom jintlaħqu sal-2030. L-ESR ikopri, fost l-oħrajn, is-setturi tat-trasport bit-triq u tal-bini, kif ukoll l-emissjonijiet min-navigazzjoni domestika, li flimkien jammontaw għal madwar 50 % tal-emissjonijiet tal-ESR. Kuntrarju għall-EU ETS, is-setturi koperti mill-ESR ma humiex soġġetti għal sinjal tal-prezz tal-karbonju madwar l-UE kollha. Billi tipprovdi l-inċentivi ekonomiċi addizzjonali (permezz tal-ipprezzar tal-karbonju) meħtieġa biex jinkiseb it-tnaqqis tal-emissjonijiet kosteffiċjenti fil-bini u fit-trasport bit-triq, l-ETS il-ġdida tikkomplementa l-ESR fil-kamp ta’ applikazzjoni attwali, li jżomm l-inċentivi u r-responsabbiltà għall-azzjoni nazzjonali. L-importanza ta’ din tal-aħħar ġiet espressa wkoll minn għadd kbir ta’ partijiet interessati. Billi l-ambizzjoni tal-2030 fir-rigward tal-iskambju ta’ kwoti tal-emissjonijiet għall-bini u għat-trasport bit-triq hija stabbilita b’mod konsistenti mal-kontributi kosteffiċjenti tas-setturi koperti, ma hemm l-ebda distorsjoni tal-kontributi tas-setturi tal-ESR mhux koperti mill-ipprezzar tal-karbonju fl-UE kollha. Il-miżuri nazzjonali li jindirizzaw ostakli mhux relatati mal-prezzijiet jew li jagħmlu disponibbli soluzzjonijiet alternattivi jistgħu jagħmlu l-ipprezzar tal-karbonju jaħdem aħjar.
Id-Direttiva (UE) 2018/410 tiddikjara fil-premessa 4 li l-azzjoni mill-Organizzazzjoni Marittima Internazzjonali (OMI) jew mill-Unjoni jenħtieġ li tibda mill-2023, inkluża l-ħidma preparatorja fuq l-adozzjoni u l-implimentazzjoni ta’ miżura li tiżgura li s-settur jikkontribwixxi kif xieraq għall-isforzi meħtieġa biex jintlaħqu l-objettivi miftiehma skont il-Ftehim ta’ Pariġi u li tingħata kunsiderazzjoni xierqa mill-partijiet interessati kollha. Barra minn hekk, it-tnaqqis tal-emissjonijiet tat-trasport marittimu huwa parti mill-impenn ta’ tnaqqis fl-ekonomija kollha tal-UE skont il-Ftehim ta’ Pariġi.
Sal-lum, ma hemm l-ebda miżura adegwata fis-seħħ, la fil-livell globali u lanqas fil-livell tal-UE, sabiex jinkiseb it-tnaqqis fl-emissjonijiet meħtieġ mis-settur tat-trasport marittimu biex ikun konformi mal-livell miżjud ta’ ambizzjoni klimatika tal-UE. Fil-livell tal-UE, l-emissjonijiet ta’ CO2 minn bastimenti ’l fuq minn 5000 tunnellaġġ gross li jivvjaġġaw lejn jew minn portijiet li jinsabu fiż-ŻEE qed jiġu mmonitorjati, irrapportati u vverifikati (permezz tar-Regolament Marittimu tal-UE dwar il-monitoraġġ, ir-rapportar u l-verifika) mill-2018. Fil-livell globali, hemm fis-seħħ qafas regolatorju dwar l-effiċjenza enerġetika ta’ bastimenti ġodda u reċentement ġew approvati miżuri ta’ effiċjenza enerġetika għall-bastimenti eżistenti. L-OMI adottat ukoll Strateġija Inizjali dwar it-Tnaqqis tal-Emissjonijiet ta’ Gassijiet Serra mill-Bastimenti, li tistabbilixxi objettiv ta’ tnaqqis tal-emissjonijiet ta’ gassijiet serra ta’ mill-inqas 50 % sal-2050 meta mqabbel mal-livelli tal-2008. Filwaqt li l-progress reċenti miksub fl-OMI huwa milqugħ tajjeb, dawn il-miżuri ma humiex biżżejjed għad-dekarbonizzazzjoni tat-tbaħħir internazzjonali f’konformità mal-objettivi klimatiċi internazzjonali.
Minħabba din is-sitwazzjoni, il-Kummissjoni Ewropea impenjat ruħha li tipproponi ġabra ta’ miżuri tal-UE biex iżżid il-kontribut tat-trasport marittimu għall-isforzi klimatiċi tal-UE, flimkien mal-miżuri miftiehma fil-livell globali fi ħdan l-OMI. Minbarra l-estensjoni tal-EU ETS għat-trasport marittimu, il-ġabra ta’ miżuri tinkludi b’mod partikolari l-inizjattiva FuelEU Maritime, li għandha l-għan li żżid id-domanda u l-użu ta’ fjuwils alternattivi rinnovabbli għat-trasport, kif ukoll proposta għar-rieżami tad-Direttiva dwar it-Tassazzjoni fuq l-Enerġija (ETD) fir-rigward tal-eżenzjoni attwali tal-fjuwil użat mill-bastimenti mit-tassazzjoni.
Bħalissa, l-EU ETS tkopri direttament jew indirettament madwar 30 % tal-emissjonijiet tal-bini mit-tisħin. Dan huwa relatat mal-kopertura tas-sistema tat-tisħin distrettwali u tal-elettriku użat għal finijiet ta’ tisħin. Il-kopertura tal-emissjonijiet kollha tal-kombustjoni tal-fjuwils fossili f’dan is-settur u l-integrazzjoni tagħhom fl-iskambju ta’ kwoti tal-emissjonijiet tal-UE jippreżentaw benefiċċji importanti f’termini tal-effettività tat-tnaqqis tal-emissjonijiet. Fit-trasport bit-triq, l-iskambju ta’ kwoti tal-emissjonijiet ikollu l-vantaġġ li jaqbad l-emissjonijiet tal-flotta taħt il-limitu massimu u, fl-istess ħin, jinċentiva bidla fl-imġiba b’effetti dejjiema fuq is-soluzzjonijiet ta’ mobbiltà permezz tas-sinjal tal-prezz. Madankollu, l-istandards tar-rendiment tal-emissjonijiet ta’ CO2 għall-karozzi jibqgħu l-ixprunatur ewlieni biex tiġi żgurata l-provvista ta’ vetturi nodfa moderni u innovattivi, inklużi karozzi elettriċi. B’mod parallel mal-applikazzjoni tal-iskambju ta’ kwoti tal-emissjonijiet għat-trasport bit-triq, il-Kummissjoni qed tipproponi li ssaħħaħ l-istandards tas-CO2 għall-karozzi u għall-vannijiet għall-2030 biex tiżgura perkors ċar lejn mobilità mingħajr emissjonijiet. Minbarra l-użi possibbli diġà speċifikati tad-dħul mill-irkant li jinkludu, pereżempju, il-promozzjoni tal-formazzjoni tal-ħiliet u r-riallokazzjoni tax-xogħol, parti mid-dħul iġġenerat mill-iskambju ta’ kwoti tal-emissjonijiet fis-setturi l-ġodda tista’ tintuża biex jiġu indirizzati l-impatti soċjali li jirriżultaw mill-iskambju ġdid ta’ kwoti tal-emissjonijiet f’dawn is-setturi u investiti f’miżuri maħsuba biex jaċċelleraw il-mewġa ta’ rinnovazzjoni tal-bini, kif ukoll l-użu ta’ vetturi b’emissjonijiet żero, u biex tiġi żviluppata l-infrastruttura meħtieġa, bħal stazzjonijiet ta’ riforniment u ċċarġjar intelliġenti u li jinsabu f’postijiet strateġiċi għall-vetturi b’emissjonijiet żero. Il-miżuri ta’ appoġġ maħsuba biex jippromwovu l-effiċjenza enerġetika f’unitajiet domestiċi vulnerabbli jew bi dħul baxx jistgħu jikkontribwixxu wkoll biex jiġu evitati effetti distributtivi eċċessivi. Għal dak l-għan, fi ħdan il-pakkett leġiżlattiv “Lesti għall-mira ta’ 55 %”, il-Kummissjoni tagħmel proposta għat-twaqqif ta’ Fond Soċjali għall-Klima biex jiffinanzja l-pjanijiet tal-Istati Membri rilevanti biex jiġu indirizzati l-aspetti soċjali tal-iskambju ta’ kwoti tal-emissjonijiet għall-bini u għat-trasport bit-triq b’enfasi speċifika fuq unitajiet domestiċi vulnerabbli, il-mikrointrapriżi u l-utenti tat-trasport. Parti mid-dħul mill-irkant tas-sistema l-ġdida għandha tintuża biex tiffinanzja l-pjanijiet tal-Istati Membri.
Il-livell ta’ ambizzjoni, il-limitu massimu tal-emissjonijiet u t-trajettorja għall-ETS il-ġdida huma proposti li jiġu stabbiliti b’mod koerenti f’konformità mat-tnaqqis kosteffettiv tal-emissjonijiet tal-bini u tat-trasport bit-triq li jirriżulta minn taħlita ta’ pprezzar tal-karbonju u t-tisħiħ tal-qafas regolatorju eżistenti għal dawn is-setturi.
•Konsistenza ma’ politiki oħrajn tal-Unjoni
Il-Patt Ekoloġiku Ewropew, l-objettiv tiegħu tan-newtralità klimatika, u t-tranżizzjoni ekoloġika u diġitali doppja huma prijorità ewlenija tal-Unjoni Ewropea. Il-pakkett “Lesti għall-mira ta’ 55 %”, Next Generation EU u l-Qafas Finanzjarju Pluriennali għall-perjodu 2021-2027 se jgħinu biex jinkisbu t-tranżizzjonijiet ekoloġiċi u diġitali doppji li qed timmira għalihom l-Ewropa. Il-kombinazzjoni ta’ dawn il-politiki se tindirizza l-kriżi ekonomika u taċċellera l-bidla għal ekonomija nadifa u sostenibbli, billi torbot l-azzjoni klimatika u t-tkabbir ekonomiku.
It-tnaqqis tal-emissjonijiet netti ta’ gassijiet serra sal-2030 b’mill-inqas 55 %, meta mqabbla mal-1990 fuq skala wiesgħa tal-ekonomija, jitlob mhux biss bidliet fil-klima attwali, iżda wkoll fil-qafas tal-politika tal-enerġija. Il-pakkett “Lesti għall-mira ta’ 55 %” jipprovdi rieżami komprensiv tal-leġiżlazzjoni dwar il-klima u l-enerġija biex jintlaħaq dan l-objettiv. Il-proposta għall-emenda tal-ETS hija parti minn dan is-sett kbir ta’ proposti ta’ politika mfassla b’mod koerenti. L-ETS hija strument ewlieni maħsub biex jgħin lill-UE tilħaq il-mira miżjuda għall-2030 u tranżizzjoni b’suċċess u ġusta lejn in-newtralità klimatika sal-2050. Bħala tali, din l-inizjattiva hija marbuta ma’ ħafna oqsma ta’ politika oħrajn, inklużi l-politiki esterni tal-Unjoni. Pereżempju, bħala strument ibbażat fis-suq u mifrux mal-UE kollha, l-ETS hija konsistenti mas-suq intern tal-UE u tkompli ssaħħu aktar.
Il-Fond għall-Innovazzjoni miżjud skont id-Direttiva dwar l-ETS, bħala wieħed mill-istrumenti ewlenin tal-UE biex it-teknoloġiji innovattivi b’emissjonijiet baxxi ta’ karbonju jinġiebu eqreb lejn is-suq, jikkomplementa strumenti oħrajn bħal Orizzont 2020 u Orizzont Ewropa, li jiffokaw prinċipalment fuq fażijiet aktar bikrija tar-riċerka. Il-Fond għall-Modernizzazzjoni miżjud skont id-Direttiva dwar l-ETS jappoġġa l-investimenti fl-immodernizzar tas-settur tal-enerġija u tas-sistemi usa’ tal-enerġija, it-tisħiħ tal-effiċjenza enerġetika, u l-iffaċilitar ta’ tranżizzjoni ġusta f’reġjuni dipendenti fuq il-faħam fi Stati Membri bi dħul aktar baxx. Dan jikkomplementa strumenti oħrajn bħall-politika ta’ koeżjoni u l-Fond għal Tranżizzjoni Ġusta.
Il-konsistenza ma’ politiki oħrajn tal-Unjoni tiġi żgurata wkoll permezz tal-koerenza tal-valutazzjonijiet tal-impatt għall-EU ETS ma’ dawk għall-bqija tal-qafas tal-klima, l-enerġija u t-trasport għall-2030, bħall-komplementarjetà tal-estensjoni tal-iskambju ta’ kwoti tal-emissjonijiet mad-Direttiva dwar l-Effiċjenza fl-Użu tal-Enerġija, u ma’ miżuri oħrajn ippreżentati bħala parti mill-ġabra ta’ miżuri maħsuba biex jindirizzaw l-emissjonijiet ta’ gassijiet serra mit-trasport marittimu. Jintużaw linja bażi komuni u xenarji ta’ politika ewlenin komuni ma’ inizjattivi oħrajn tal-pakkett “Lesti għall-mira ta’ 55 %”. Dawn ix-xenarji jqisu l-azzjonijiet u l-politiki rilevanti kollha tal-UE.
Il-kostijiet amministrattivi addizzjonali tal-estensjoni għat-trasport bit-triq u għall-bini huma previsti li jkunu limitati bl-użu, fejn possibbli, tal-istrutturi eżistenti użati għad-Direttiva dwar it-Tassazzjoni fuq l-Enerġija u għall-Obbligi tal-Iffrankar tal-Enerġija skont id-Direttiva dwar l-Effiċjenza Enerġetika. Min-naħa tiegħu, l-iffrankar addizzjonali tal-enerġija jissaħħaħ bl-ETS il-ġdida, bir-rabta potenzjali tagħha mal-iffrankar tal-enerġija skont l-Artikolu 7 tad-Direttiva dwar l-Effiċjenza Enerġetika.
2.BAŻI ĠURIDIKA, SUSSIDJARJETÀ U PROPORZJONALITÀ
•Bażi ġuridika
Il-bażi ġuridika għal din il-proposta hija l-Artikolu 192 tat-TFUE. F’konformità mal-Artikoli 191 u 192(1) tat-TFUE, l-Unjoni Ewropea għandha tikkontribwixxi biex, inter alia, jintlaħqu l-objettivi li ġejjin: il-preservazzjoni, il-protezzjoni u t-titjib tal-kwalità tal-ambjent; il-promozzjoni ta’ miżuri fil-livell internazzjonali maħsuba biex jittrattaw problemi ambjentali reġjonali jew globali u, b’mod partikolari, biex jiġġieldu t-tibdil fil-klima.
•Sussidjarjetà (għal kompetenzi mhux esklużivi)
Id-Direttiva dwar l-EU ETS hija strument leġiżlattiv eżistenti tal-UE adottat fl-2003. F’konformità mal-prinċipju tas-sussidjarjetà stabbilit fl-Artikolu 5 tat-TFUE, l-objettivi ta’ din il-proposta biex tiġi emendata d-Direttiva dwar l-EU ETS jistgħu jintlaħqu biss permezz ta’ strument leġiżlattiv fil-livell tal-UE.
Bl-istess mod, id-Deċiżjoni (UE) 2015/1814 tal-Parlament Ewropew u tal-Kunsill dwar l-istabbiliment u t-tħaddim ta’ riżerva tal-istabbiltà tas-suq għall-EU ETS hija miżura eżistenti tal-Unjoni. L-emendar tagħha, bħala parti minn din il-proposta, ma jistax jinkiseb fil-livell lokali jew nazzjonali, iżda jeħtieġ azzjoni mill-Unjoni.
It-tibdil fil-klima huwa problema transfruntiera u l-azzjoni tal-UE tista’ tikkomplementa u ssaħħaħ b’mod effettiv l-azzjoni lokali, nazzjonali, reġjonali u globali. Iż-żieda tal-mira tal-2030 għat-tnaqqis tal-gassijiet serra tal-UE se jkollha impatt fuq ħafna setturi fl-ekonomija kollha tal-UE u, għalhekk, azzjoni kkoordinata fil-livell tal-UE hija indispensabbli u għandha ċans ħafna akbar li twassal għat-trasformazzjoni meħtieġa, filwaqt li taġixxi bħala xprunatur b’saħħtu għal bidla kosteffiċjenti u għal konverġenza ’l fuq. Barra minn hekk, ħafna mill-elementi ta’ din il-proposta għandhom dimensjoni importanti tas-suq intern, b’mod partikolari l-għażliet relatati mal-protezzjoni tar-rilokazzjoni tal-emissjonijiet tal-karbonju u l-mekkaniżmi ta’ finanzjament għal emissjonijiet baxxi tal-karbonju.
Bħala suq tal-karbonju, l-EU ETS tinċentiva t-tnaqqis tal-emissjonijiet li għandu jsir mill-aktar soluzzjonijiet kosteffiċjenti l-ewwel fl-attivitajiet li tkopri, filwaqt li tikseb effiċjenza akbar bis-saħħa tal-iskala tagħha. L-implimentazzjoni ta’ miżura simili fil-livell nazzjonali tirriżulta fi swieq tal-karbonju iżgħar u frammentati, filwaqt li toħloq ir-riskju ta’ distorsjonijiet tal-kompetizzjoni u x’aktarx twassal għal kostijiet globali ogħla ta’ tnaqqis tal-emissjonijiet. L-istess loġika tapplika għall-estensjoni tal-ipprezzar tal-karbonju għal setturi ġodda.
Id-dimensjoni transfruntiera tas-settur tat-trasport marittimu titlob azzjoni kkoordinata fil-livell Ewropew. L-azzjoni tal-UE tista’ wkoll tispira u twitti t-triq għal azzjoni usa’, pereżempju, fir-rigward tat-trasport marittimu fi ħdan l-Organizzazzjoni Marittima Internazzjonali (OMI) u minn pajjiżi terzi.
•Proporzjonalità
Kif stabbilit fit-taqsimiet 3 u 7 tal-valutazzjoni tal-impatt li takkumpanja din il-proposta, il-proposta tikkonforma mal-prinċipju tal-proporzjonalità minħabba li ma tmurx lil hinn minn dak li huwa meħtieġ sabiex l-objettivi tal-implimentazzjoni tal-mira ta’ tnaqqis tal-emissjonijiet ta’ gassijiet serra tal-UE għall-2030 jintlaħqu b’mod kosteffettiv, filwaqt li fl-istess ħin jiġi żgurat il-funzjonament xieraq tas-suq intern.
Il-Kunsill Ewropew approva tnaqqis ġenerali fl-emissjonijiet ta’ gassijiet serra fl-ekonomija kollha u fuq livell domestiku ta’ mill-inqas 55 % taħt il-livelli tal-1990 sal-2030. Din il-proposta tkopri parti kbira minn dawn l-emissjonijiet ta’ gassijiet serra, u tirrevedi d-Direttiva dwar l-EU ETS sabiex jintlaħaq dan l-objettiv.
•L-għażla tal-istrument
L-objettivi ta’ din il-proposta jistgħu jiġu segwiti l-aħjar permezz ta’ Direttiva. Din hija l-aktar strument legali xieraq biex isiru l-emendi għad-Direttiva dwar l-ETS eżistenti (id-Direttiva 2003/87/KE).
Direttiva tesiġi li l-Istati Membri jilħqu l-objettivi u jimplimentaw il-miżuri fis-sistemi legali sostantivi u proċedurali nazzjonali tagħhom. Dan l-approċċ jagħti lill-Istati Membri aktar libertà meta jiġu biex jimplimentaw miżura tal-UE milli jagħmel Regolament, fis-sens li l-Istati Membri jingħataw l-għażla tal-aktar mezz xieraq biex jimplimentaw il-miżuri fid-Direttiva. Dan jippermetti lill-Istati Membri jiżguraw li r-regoli emendati jkunu konsistenti mal-qafas legali sostantiv u proċedurali eżistenti tagħhom li jimplimenta l-EU ETS, b’mod partikolari dak li jirregola l-permessi għall-installazzjonijiet, kif ukoll il-miżuri ta’ infurzar u l-penali.
Direttiva hija wkoll l-istrument xieraq biex tiġi emendata d-Deċiżjoni (UE) 2015/1814 dwar l-istabbiliment u t-tħaddim ta’ riżerva tal-istabbiltà tas-suq minħabba li r-rieżami ta’ dan l-istrument legali huwa relatat mill-qrib mal-effetti fuq l-istabbiltà tas-suq tal-ambizzjoni miżjuda tal-EU ETS.
Din id-Direttiva hija wkoll l-istrument xieraq biex jiġi emendat ir-Regolament (UE) 2015/757 dwar il-monitoraġġ, ir-rapportar u l-verifika tal-emissjonijiet tad-diossidu tal-karbonju mit-trasport marittimu, minħabba li din id-Direttiva tinkludi l-emissjonijiet ta’ CO2 minn ċerti attivitajiet ta’ trasport marittimu fl-EU ETS, abbażi tad-data dwar l-emissjonijiet li ġejja mir-Regolament (UE) 2015/757.
3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT
•Evalwazzjonijiet ex post/kontrolli tal-idoneità tal-leġiżlazzjoni eżistenti
Ma kien hemm l-ebda evalwazzjoni ex post jew kontroll tal-idoneità relatati ma’ din il-proposta minħabba l-istadju bikri tal-implimentazzjoni tal-leġiżlazzjoni attwali tal-ETS, li bdiet tapplika fl-2021, kif emendata bid-Direttiva (UE) 2018/410 tal-Parlament Ewropew u tal-Kunsill. Konsegwentement, kien hemm data limitata disponibbli għal evalwazzjoni.
•Konsultazzjonijiet mal-partijiet ikkonċernati
F’diversi passi fl-iżvilupp ta’ din il-proposta, kienu involuti l-Istati Membri, ir-rappreżentanti tal-industrija mis-settur privat, l-organizzazzjonijiet mhux governattivi, l-istituzzjonijiet tar-riċerka u akkademiċi, it-trade unions u ċ-ċittadini.
Ir-reviżjoni tal-EU ETS tibni fuq ir-rispons dwar il-Pjan dwar il-Mira Klimatika għall-2030 u l-interkonnessjonijiet tal-EU ETS ma’ politiki paralleli u mal-objettivi usa’ tal-Patt Ekoloġiku Ewropew. L-objettiv ewlieni tal-konsultazzjonijiet dwar ir-reviżjoni tal-EU ETS kien li jinġabru l-fehmiet tal-partijiet interessati dwar it-tisħiħ tal-EU ETS eżistenti, l-estensjoni tal-EU ETS għal setturi ġodda (it-trasport marittimu, kif ukoll il-bini, it-trasport bit-triq jew il-kombustjoni tal-fjuwils fossili kollha) u r-rieżami tal-MSR. Il-konsultazzjoni fittxet ukoll inputs dwar kif għandu jiġi indirizzat ir-riskju ta’ rilokazzjoni tal-emissjonijiet tal-karbonju, l-użu tad-dħul u mekkaniżmi ta’ appoġġ b’livell baxx ta’ emissjonijiet tal-karbonju.
Il-Kummissjoni l-ewwel stiednet rispons dwar valutazzjoni tal-impatt tal-bidu, li tiddeskrivi l-kunsiderazzjonijiet inizjali u l-għażliet ta’ politika tar-reviżjoni. Il-Kummissjoni mbagħad organizzat konsultazzjoni pubblika online bi kwestjonarju għal kull waħda mill-proposti tal-pakkett “Lesti għall-mira ta’ 55 %”, fejn irċeviet kważi 500 tweġiba. Sabiex tiġi appoġġata l-inizjattiva li tikkonċerna l-ipprezzar tal-karbonju għat-trasport marittimu, twettaq stħarriġ immirat tal-partijiet interessati akkumpanjat minn programm ta’ intervisti mmirat. Barra minn hekk, il-Kummissjoni organizzat laqgħat bilaterali u multilaterali (virtwali) mal-partijiet interessati, inkluż ma’ rappreżentanti tal-industrija f’setturi differenti, trade unions, organizzazzjonijiet mhux governattivi u Stati Membri u pparteċipat f’konferenzi virtwali. Fl-aħħar nett, il-Kummissjoni tat struzzjonijiet lil kuntrattur biex jorganizza żewġ workshops ma’ esperti dwar ir-rieżami tal-MSR.
Ir-riżultati tal-attivitajiet ta’ konsultazzjoni huma rrapportati fil-valutazzjoni tal-impatt li takkumpanja din il-proposta u ttieħdu f’kunsiderazzjoni għall-proposta attwali sa fejn possibbli.
B’mod ġenerali, il-konsultazzjonijiet pubbliċi wrew appoġġ wiesa’ għall-EU ETS bħala strument ta’ politika.
Ħafna partijiet interessati jappoġġaw it-tisħiħ tal-EU ETS eżistenti biex tiżdied l-ambizzjoni tagħha f’konformità mal-mira l-ġdida għall-2030 u abbażi ta’ kunsiderazzjonijiet ta’ kosteffiċjenza. Kienu biss xi rispondenti mis-settur privat u mis-soċjetà ċivili li argumentaw favur, rispettivament, kontribut aktar baxx jew ogħla, meta mqabbel mal-prinċipju tal-kosteffiċjenza. Sabiex tinkiseb l-ambizzjoni msaħħa, il-partijiet interessati ġeneralment sabu l-aġġustament tal-fattur ta’ tnaqqis lineari importanti, filwaqt li xi partijiet interessati enfasizzaw ukoll l-importanza ta’ kombinazzjoni ma’ tnaqqis ta’ darba tal-kwantità ta’ kwoti, kif rifless f’din il-proposta.
Dwar l-allokazzjoni bla ħlas u r-riskju ta’ rilokazzjoni tal-emissjonijiet tal-karbonju, maġġoranza kbira tal-partijiet ikkonċernati huma favur l-emendar tal-qafas attwali tar-rilokazzjoni tal-emissjonijiet tal-karbonju, filwaqt li xi partijiet interessati tal-industrija jridu jżommu l-qafas attwali tar-rilokazzjoni tal-emissjonijiet tal-karbonju mingħajr bidliet. L-opinjonijiet dwar l-għażliet speċifiċi ta’ emenda huma mħallta u l-introduzzjoni ta’ miżuri oħrajn biex jiġi inċentivat aktar it-tnaqqis tal-gassijiet serra rċeviet l-akbar appoġġ. Il-proposta tipprovdi inċentivi bħal dawn billi tagħmel l-allokazzjoni bla ħlas kondizzjonali fuq l-investimenti fit-tekniki biex tiżdied l-effiċjenza enerġetika. Il-modifika tal-valuri ta’ referenza biex tiġi żgurata l-inkorporazzjoni aktar mgħaġġla tal-innovazzjoni u tal-progress teknoloġiku kisbet appoġġ minn firxa wiesgħa ta’ partijiet interessati, ħlief minn xi partijiet tas-settur privat. Il-proposta tinkludi dan l-approċċ minħabba li huwa meqjus li jwassal distribuzzjoni aktar ġusta u trasparenti tal-allokazzjoni bla ħlas minn tnaqqis ogħla għas-setturi kollha permezz tal-fattur ta’ korrezzjoni transsettorjali.
Fir-rigward tal-użu tad-dħul mill-irkant, il-proposta tirrifletti l-fehma espressa minn ħafna partijiet interessati li huma meħtieġa regoli aktar stretti biex jiġi żgurat li l-Istati Membri jonfqu d-dħul tagħhom mill-irkant tal-EU ETS f’konformità mal-objettivi klimatiċi.
Fir-rigward tal-mekkaniżmi ta’ finanzjament b’livell baxx ta’ emissjonijiet tal-karbonju, il-partijiet interessati ġeneralment jilqgħu żieda fid-daqs tal-Fond għall-Innovazzjoni, kif ukoll l-introduzzjoni ta’ strumenti ta’ sostenn addizzjonali bħall-kuntratti għad-differenza għall-karbonju. Dan huwa debitament rifless fil-proposta permezz taż-żieda fid-daqs tal-Fond għall-Innovazzjoni u l-estensjoni tal-kamp ta’ applikazzjoni tiegħu.
Fir-rigward tal-Fond għall-Modernizzazzjoni, il-maġġoranza tal-partijiet interessati, b’mod partikolari mis-soċjetà ċivili u partijiet mis-settur privat, jappoġġaw żieda fil-Fond għall-Modernizzazzjoni, kif riflessa f’din il-proposta. Il-partijiet interessati ġeneralment jappoġġaw is-simplifikazzjoni tat-tipi ta’ investimenti li jistgħu jiġu ffinanzjati mill-Fond għall-Modernizzazzjoni u jtejbu l-koerenza tal-Fond għall-Modernizzazzjoni mal-Patt Ekoloġiku Ewropew. Il-proposta tikkontribwixxi għal dan l-objettiv billi tneħħi l-eċċezzjoni għall-finanzjament tat-tisħin distrettwali li jaħdem bil-fjuwils fossili f’ċerti Stati Membri.
Ir-riżerva tal-istabbiltà tas-suq (MSR) għandha appoġġ wiesa’ fost il-gruppi tal-partijiet ikkonċernati; madankollu, ma hemm l-ebda kunsens dwar liema bidliet jenħtieġ li jsiru fil-parametri tagħha. Is-soċjetà ċivili esprimiet aktar appoġġ għat-tisħiħ tal-parametri tal-MSR mis-settur privat. Kien hemm appoġġ għaż-żamma tar-regola ta’ invalidazzjoni, jew mingħajr riżerva jew inkella b’emenda, filwaqt li xi partijiet interessati ssuġġerew li r-regola ta’ invalidazzjoni jenħtieġ li titneħħa. Fil-workshops tal-esperti, xi partijiet interessati raw il-ħtieġa għal rata ta’ inkorporazzjoni varjabbli biex jiġu evitati effetti ta’ limitu kbar u rieżamijiet aktar frekwenti. Il-proposta ssib bilanċ bejn il-ħtieġa li jiġi żgurat tnaqqis tal-eċċess tas-suq fuq perjodu ta’ żmien raġonevoli, il-prevedibbiltà tal-mekkaniżmu kif ukoll il-kumplessità tiegħu. Barra minn hekk, il-proposta li jiġu inklużi l-kwoti u l-emissjonijiet tal-avjazzjoni fil-kalkolu tal-eċċess tikkorrispondi għall-għażla ppreferuta tal-maġġoranza tal-partijiet interessati.
Fir-rigward tat-trasport marittimu, il-maġġoranza l-kbira tal-partijiet interessati li ħadu sehem fl-istħarriġ immirat indikaw li jenħtieġ li s-settur marittimu jikkontribwixxi aktar għall-azzjoni klimatika milli qed jagħmel bħalissa. L-estensjoni tal-EU ETS eżistenti għat-trasport marittimu hija l-għażla ppreferuta ta’ pprezzar tal-karbonju espressa mill-partijiet interessati minn fost l-għażliet proposti, filwaqt li l-industrija tat-trasport marittimu enfasizzat l-importanza tal-miżuri fil-livell internazzjonali. Il-proposta tindirizza l-fehmiet espressi mill-partijiet interessati billi tkopri l-emissjonijiet minn vjaġġi ġewwa l-UE u nofs l-emissjonijiet minn vjaġġi barra l-UE u tinkludi klawżola ta’ rieżami b’rabta mal-ħidma fl-Organizzazzjoni Marittima Internazzjonali (OMI) lejn miżuri globali bbażati fuq is-suq. Dan huwa wieħed mill-ħames approċċi li għadhom qed jiġu kkunsidrati fil-kuntest tal-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC).
Fir-rigward tas-setturi tat-trasport bit-triq u tal-bini, diversi partijiet interessati, inklużi sħab soċjali kemm min-naħa ta’ dawk li jħaddmu kif ukoll min-naħa tal-impjegati, ġeneralment ikunu xettiċi dwar estensjoni tal-iskambju ta’ kwoti tal-emissjonijiet għal dawn is-setturi. Fost l-għażliet ippreżentati, l-għażla ta’ politika ppreferuta ta’ firxa wiesgħa ta’ partijiet interessati hija li jibdew b’sistema awtonoma separata, kif riflessa f’din il-proposta. Il-fehmiet huma maqsuma dwar jekk jenħtieġx diġà li r-reviżjoni tal-EU ETS tiddetermina meta u kif l-iskambju ta’ kwoti tal-emissjonijiet għas-setturi tat-trasport bit-triq u tal-bini jista’ jiġi integrat gradwalment fl-EU ETS eżistenti. B’mod partikolari, l-organizzazzjonijiet mhux governattivi indikaw ir-riskji assoċjati ma’ konnessjoni taż-żewġ sistemi. Il-proposta tqis debitament dan it-tħassib billi tipproponi skambju ta’ kwoti tal-emissjonijiet separat iżda kontigwu u klawżola ta’ rieżami.
•
Il-ġbir u l-użu tal-għarfien espert
Din il-proposta tibni fuq l-evidenza miġbura fil-valutazzjoni tal-impatt għar-reviżjoni preċedenti tal-EU ETS konkluża fl-2018, il-valutazzjoni tal-impatt li takkumpanja l-Pjan dwar il-Mira Klimatika għall-2030, l-analiżi mwettqa b’appoġġ għall-viżjoni strateġika Ewropea fit-tul tal-Kummissjoni għal ekonomija għanja, moderna, kompetittiva u newtrali għall-klima u l-evidenza rilevanti miġbura f’inizjattivi konkorrenti oħrajn tal-Patt Ekoloġiku, kif ukoll studji preċedenti relatati mal-emissjonijiet ta’ gassijiet serra mit-trasport marittimu, mit-trasport bit-triq u mill-bini. Hija tibni fuq id-data dwar l-emissjonijiet u l-esperjenzi mill-implimentazzjoni tas-sistemi ta’ monitoraġġ, rapportar u verifika tal-UE.
Bħal proposti oħrajn u valutazzjonijiet tal-impatt tal-pakkett ta’ politika “Lesti għall-mira ta’ 55 %”, din il-proposta tagħmel ukoll użu minn ġabra ta’ għodod ta’ mmudellar integrati li jkopru l-emissjonijiet kollha ta’ gassijiet serra tal-ekonomija tal-UE. Dawn l-għodod jintużaw biex jipproduċu sett ta’ xenarji ewlenin li jirriflettu pakketti ta’ politika awtokonsistenti allinjati mal-mira klimatika miżjuda għall-2030 li tibni fuq ix-xenarji żviluppati għall-Pjan dwar il-Mira Klimatika għall-2030.
Ix-xenarji huma bbażati fuq ix-Xenarju ta’ Referenza aġġornat tal-UE, projezzjoni tal-evoluzzjoni tas-sistemi tal-enerġija nazzjonali u tal-UE u l-emissjonijiet ta’ gassijiet serra skont il-qafas ta’ politika attwali li jinkludi l-impatti tal-COVID-19. Dawn ix-xenarji tħejjew bl-għajnuna ta’ kuntratt mal-laboratorju E3M, fl-Università Teknika Nazzjonali ta’ Ateni, u r-riżultati dettaljati tal-immudellar qed jiġu ppubblikati flimkien mal-proposti.
Barra minn hekk, il-Kummissjoni tibbaża ruħha fuq il-korp dejjem jikber ta’ riċerka empirika riveduta bejn il-pari dwar l-EU ETS u tagħmel użu minn diversi kuntratti ta’ appoġġ. Fost il-kuntratti ta’ appoġġ, Vivid Economics wettqet studju biex tappoġġa lill-Kummissjoni Ewropea fir-rieżami tal-MSR. Fir-rigward tad-dispożizzjonijiet dwar ir-rilokazzjoni tal-emissjonijiet tal-karbonju, saret ħidma ta’ appoġġ minn Öko-Institut, Trinomics, Ricardo u Adelphi.
Barra minn hekk, tim ta’ studju mmexxi minn Ricardo wettaq “Studju dwar l-EU ETS għat-trasport marittimu u l-għażliet jew il-kombinazzjonijiet alternattivi possibbli biex jitnaqqsu l-emissjonijiet ta’ gassijiet serra”.
•Il-valutazzjoni tal-impatt
Id-Direttiva proposta hija akkumpanjata minn valutazzjoni tal-impatt, li tibni fuq is-sejbiet tal-valutazzjoni tal-impatt komprensiva għall-Pjan dwar il-Mira Klimatika għall-2030. Din ifformat il-bażi analitika biex jiġi stabbilit l-objettiv ta’ tnaqqis nett ta’ mill-inqas 55 % fl-emissjonijiet ta’ gassijiet serra sal-2030 meta mqabbel mal-1990. Sommarju eżekuttiv u l-opinjoni pożittiva tal-bord ta’ skrutinju regolatorju dwar il-valutazzjoni tal-impatt huma wkoll disponibbli għall-pubbliku. Il-valutazzjoni tal-impatt hija bbażata fuq xenarji ta’ mmudellar integrati li jirriflettu l-interazzjoni ta’ strumenti ta’ politika differenti fuq l-operaturi ekonomiċi, sabiex jiġu żgurati l-komplementarjetà, il-koerenza u l-effettività fil-kisba tal-ambizzjoni tal-klima għall-2030. Din hija kkomplementata mid-data disponibbli u minn għodod analitiċi speċifiċi biex jiġu indirizzati mistoqsijiet speċifiċi dwar it-tfassil tal-politika.
Il-valutazzjoni tal-impatt tanalizza tliet tipi ta’ problemi. L-ewwel nett, dawk assoċjati mal-ħtieġa li tissaħħaħ l-EU ETS eżistenti b’mod proporzjonat mal-mira miżjuda ta’ tnaqqis nett ta’ mill-inqas -55 % fl-emissjonijiet ta’ gassijiet serra sal-2030, meta mqabbla mal-1990, filwaqt li jiġu evitati l-iżbilanċi fil-provvista/fid-domanda. It-tieni nett, il-ħtieġa li jiġi żgurat li ċerti setturi jikkontribwixxu biżżejjed għall-kisba tal-mira miżjuda. Fl-aħħar nett, il-ħtieġa għal aktar investiment u kapaċità akbar biex tiġi indirizzata d-distribuzzjoni tal-impatti tal-miżuri għat-tnaqqis tal-emissjonijiet, filwaqt li l-fondi jibqgħu limitati.
Fir-rigward tat-tisħiħ tal-EU ETS eżistenti biex tiżdied l-ambizzjoni tagħha f’konformità mal-mira netta ta’ mill-inqas ‑55 % għall-2030, kwalunkwe wieħed mill-pakketti ta’ għażliet ikun effettiv u effiċjenti fil-kisba tal-objettiv għall-2030. Il-valutazzjoni tal-impatt ikkonkludiet ukoll li huwa meħtieġ approċċ aktar immirat għall-allokazzjoni bla ħlas, fejn dan għadu japplika, fil-forma ta’ parametri referenzjarji msaħħa u kundizzjonalità fuq l-isforzi ta’ dekarbonizzazzjoni sabiex tiġi inċentivata l-adozzjoni ta’ teknoloġiji b’livell baxx ta’ emissjonijiet tal-karbonju.
Fir-rigward tal-MSR, il-valutazzjoni tal-impatt uriet, fost l-oħrajn, li biex jinżamm il-funzjonament tajjeb tal-EU ETS, jenħtieġ li r-rata ta’ inkorporazzjoni tinżamm għal 24 % sal-2030, u li tiġi adattata sabiex jitneħħa l-“effett ta’ limitu” mhux mixtieq. Dan l-effett ta’ limitu jidher meta l-għadd totali ta’ kwoti fiċ-ċirkolazzjoni (it-TNAC) ikun qrib ħafna tal-limitu massimu ta’ 833 miljun, li jiddetermina l-inkorporazzjoni tal-kwoti fl-MSR. F’dak il-każ, kwota waħda aktar jew inqas fit-TNAC tista’ tiskatta l-volum sħiħ tal-inkorporazzjoni ta’ 200 miljun kwota jew xejn, skont jekk it-TNAC ikunx ’il fuq mil-limitu jew taħtu. L-inċertezza marbuta ma’ jekk dan iseħħx jew le tista’ toħloq volatilità tal-prezzijiet fis-suq u żżid ir-riskju ta’ abbuż tas-suq.
Sabiex il-qafas tal-politika dwar il-klima jiġi estiż għat-trasport marittimu, ġew analizzati erba’ għażliet ewlenin u ambiti ġeografiċi differenti. L-għażla ppreferuta hija l-integrazzjoni tas-settur tat-trasport marittimu fl-EU ETS eżistenti.
Il-valutazzjoni tal-impatt qieset l-istabbiliment tal-iskambju ta’ kwoti tal-emissjonijiet għat-trasport bit-triq u għall-bini jew il-kombustjoni tal-fjuwils fossili kollha bħala skambju awtonomu ġdid ta’ kwoti tal-emissjonijiet bħala għażla ewlenija. Iż-żewġ għażliet jipprovdu inċentivi ekonomiċi addizzjonali u permezz tal-limitu massimu jiżguraw it-twassil tal-istess tnaqqis relattiv ta’ 43 % fl-emissjonijiet fis-setturi kkonċernati sal-2030, meta mqabbel mal-2005. L-inklużjoni tal-bini u tat-trasport bit-triq biss fil-kamp ta’ applikazzjoni ta’ sistema addizzjonali ta’ skambju ta’ kwoti tal-emissjonijiet, għall-kuntrarju tas-setturi kollha li jikkonsmaw il-fjuwils fossili li bħalissa huma barra mill-ETS, għandha benefiċċji ċari f’termini ta’ effiċjenza ekonomika, b’mod partikolari minħabba li tevita l-ħolqien ta’ reġim ġdid ta’ protezzjoni tar-riskju ta’ rilokazzjoni tal-emissjonijiet tal-karbonju għal dawk il-partijiet tal-industrija żgħira, li jkunu jeħtieġu tali reġim, iżda li jkunu soġġetti għal piż li probabbilment ikun sproporzjonat għall-benefiċċji tiegħu.
•
L-idoneità regolatorja u s-simplifikazzjoni
Il-leġiżlazzjoni tal-EU ETS konsistentement iffavorixxiet approċċi biex timminimizza l-piż regolatorju kemm għall-operaturi ekonomiċi kif ukoll għall-amministrazzjonijiet. Filwaqt li l-maġġoranza tal-installazzjonijiet taħt l-EU ETS huma fl-industriji intensivi fl-enerġija bi strutturi tas-suq ikkaratterizzati minn intrapriżi kbar, il-proposta taħseb ukoll għal emittenti żgħar, li jistgħu jkunu proprjetà ta’ SMEs jew mikrointrapriżi. B’mod partikolari, minbarra r-regoli eżistenti li jtaffu l-piż amministrattiv u l-kostijiet tal-monitoraġġ u r-rapportar tal-emissjonijiet, l-installazzjonijiet b’emissjonijiet baxxi jibbenefikaw mill-possibbiltà li l-Istati Membri jeskluduhom mill-EU ETS jekk ikunu soġġetti għal miżuri nazzjonali li jwasslu għal kontribut ekwivalenti għat-tnaqqis fl-emissjonijiet.
F’konformità mal-impenn tal-Kummissjoni għal Regolamentazzjoni Aħjar, din il-proposta tħejjiet b’mod inklużiv, abbażi ta’ trasparenza sħiħa u involviment kontinwu mal-partijiet ikkonċernati, is-smigħ ta’ rispons estern u l-kunsiderazzjoni tal-iskrutinju estern biex jiġi żgurat li l-proposta tilħaq il-bilanċ ġust (ara wkoll it-taqsima dwar il-ġbir u l-użu tal-għarfien espert).
L-estensjoni prevista għat-trasport marittimu tibni fuq il-mekkaniżmi eżistenti ta’ monitoraġġ, rapportar u verifika (MRV) li jeżentaw lil bastimenti żgħar u li se jkollhom jiġu emendati bl-għan li jiġu adatti għall-iskambju ta’ kwoti tal-emissjonijiet. Iż-żamma ta’ sistema unika ta’ MRV se żżomm l-isforzi ta’ konformità u l-piż amministrattiv għall-kumpaniji tat-tbaħħir aktar baxxi milli kieku kien hemm diversi sistemi. L-EU ETS il-ġdida għal setturi oħrajn tapplika upstream, abbażi ta’ dispożizzjonijiet eżistenti li jirregolaw l-imħażen tat-taxxa jew il-fornituri tal-fjuwil.
•Id-drittijiet fundamentali
Il-proposta tirrispetta d-drittijiet fundamentali u tosserva l-prinċipji rikonoxxuti b’mod partikolari mill-Karta tad-Drittijiet Fundamentali tal-Unjoni Ewropea. B’mod partikolari, hija tikkontribwixxi għall-objettiv ta’ livell għoli ta’ ħarsien tal-ambjent f’konformità mal-prinċipju tal-iżvilupp sostenibbli kif stabbilit fl-Artikolu 37 tal-Karta.
4.IMPLIKAZZJONIJIET BAĠITARJI
L-EU ETS tiġġenera dħul sinifikanti. Fil-preżent, ħafna minn dak id-dħul mill-irkant jakkumula għall-Istati Membri.
L-aġġustamenti għall-qafas baġitarju tal-UE se jiġu ppreżentati mill-Kummissjoni bħala parti mill-pakkett li jmiss dwar ir-Riżorsi Proprji, inkluża proposta biex jiġi emendat il-qafas finanzjarju pluriennali. Il-baġits nazzjonali tal-Istati Membri se jibbenefikaw mill-estensjoni tal-kamp ta’ applikazzjoni tal-EU ETS għat-trasport marittimu u mill-iskambju l-ġdid ta’ kwoti tal-emissjonijiet għat-trasport bit-triq u għall-bini.
It-tħaddim sigur tar-reġistru tal-Unjoni huwa ffinanzjat mill-baġit tal-Unjoni. L-estensjoni tal-kamp ta’ applikazzjoni tal-EU ETS għat-trasport marittimu u l-EU ETS il-ġdida għat-trasport bit-triq u għall-bini se jkunu jeħtieġu riżorsi addizzjonali għat-tħaddim sigur tar-reġistru tal-Unjoni, kif speċifikat fid-dikjarazzjoni finanzjarja li takkumpanja din il-proposta. Dawn ir-riżorsi se jsiru disponibbli permezz ta’ riallokazzjoni fid-dawl tar-restrizzjonijiet baġitarji u tal-persunal għall-Amministrazzjoni Pubblika Ewropea skont il-Qafas Finanzjarju Pluriennali attwali, filwaqt li n-nefqa operazzjonali relatata se tiġi ffinanzjata bil-pakkett tal-programm LIFE. L-għażliet ta’ żvilupp u akkwist tal-IT se jsiru skont il-Komunikazzjoni dwar il-linji gwida dwar il-finanzjament tat-teknoloġija tal-informazzjoni u ċ-ċibersigurtà, tal-10 ta’ Settembru 2020, li tinkludi l-approvazzjoni minn qabel mill-Bord tat-Teknoloġija tal-Informazzjoni u taċ-Ċibersigurtà tal-Kummissjoni Ewropea għal ċerta nefqa tal-IT.
5.ELEMENTI OĦRAJN
•Il-pjanijiet ta’ implimentazzjoni u l-arranġamenti ta’ monitoraġġ, evalwazzjoni u rapportar
Il-Kummissjoni se tkompli timmonitorja u tevalwa l-funzjonament tal-EU ETS fir-Rapport annwali tagħha dwar is-Suq tal-Karbonju, kif previst fl-Artikolu 10(5) tad-Direttiva dwar l-ETS. Dan ikopri wkoll l-impatti tar-reviżjoni attwali tal-EU ETS. Ir-Rapport annwali tal-Kummissjoni dwar is-Suq tal-Karbonju u r-rapport annwali tal-Istati Membri għandhom japplikaw ukoll għas-setturi li għalihom jiġi estiż l-iskambju ta’ kwoti tal-emissjonijiet. Id-data dwar il-monitoraġġ, ir-rapportar u l-verifika miksuba permezz tar-regolamentazzjoni tas-setturi l-ġodda se tkun sors ewlieni ta’ informazzjoni għall-Kummissjoni biex tevalwa l-progress fis-setturi kkonċernati.
Ir-regoli dwar il-monitoraġġ, ir-rapportar u l-verifika għat-tbaħħir jenħtieġ li jsegwu r-regoli stabbiliti fir-Regolament (UE) 2015/757 tal-Parlament Ewropew u tal-Kunsill, kif emendat mill-proposta COM(2019) 38 final u minn din il-proposta.
Barra minn hekk, l-evalwazzjoni tal-progress fuq l-applikazzjoni tad-Direttiva dwar l-ETS hija prevista fl-Artikolu 21 attwali tad-Direttiva nnifisha.
L-inizjattiva tibni fuq il-proċess ibbażat fuq pjanijiet nazzjonali integrati dwar l-enerġija u l-klima u fuq il-qafas robust ta’ trasparenza għall-emissjonijiet ta’ gassijiet serra u informazzjoni oħra dwar il-klima li tinsab fir-Regolament (UE) 2018/1999 tal-Parlament Ewropew u tal-Kunsill. Il-Kummissjoni se tuża, inter alia, l-informazzjoni sottomessa u rrapportata mill-Istati Membri skont ir-Regolament dwar il-Governanza bħala bażi għall-valutazzjoni regolari tagħha tal-progress. Barra minn hekk, id-dispożizzjonijiet għar-rapportar dwar l-użu tad-dħul mill-irkant iġġenerat skont din id-Direttiva huma stabbiliti fir-Regolament (UE) 2018/1999. L-impatti tal-bidliet f’din id-Direttiva se jkollhom jiġu analizzati u jistgħu jeħtieġu emenda sussegwenti ta’ dak ir-Regolament biex tiġi żgurata l-koerenza bejn iż-żewġ atti legali.
Aktar dettalji dwar il-monitoraġġ u l-evalwazzjoni huma pprovduti fit-taqsima 9 tal-valutazzjoni tal-impatt li takkumpanja din il-proposta.
•Spjegazzjoni dettaljata tad-dispożizzjonijiet speċifiċi tal-proposta
L-elementi ewlenin tad-Direttiva dwar l-ETS li huma emendati huma dawn li ġejjin:
It-Trasport Marittimu (l-Artikolu 3, l-Artikoli 3g sa 3ge, u l-Artikolu 16)
Il-proposta testendi l-kamp ta’ applikazzjoni tas-Sistema tal-UE għall-Iskambju ta’ Kwoti tal-Emissjonijiet biex tkopri t-trasport marittimu. Għal dan l-għan, il-proposta temenda d-definizzjoni ta’ “emissjonijiet” fl-Artikolu 3(b) biex tinkludi l-emissjonijiet minn bastimenti li jwettqu attività ta’ trasport marittimu, testendi l-Kapitolu II tad-Direttiva biex ikun ikopri “l-avjazzjoni u t-trasport marittimu” u żżid it-trasport marittimu bħala attività ġdida fl-Anness I. Barra minn hekk, hija tinkludi definizzjonijiet ġodda għal “kumpanija tat-tbaħħir” u “awtorità amministrattiva fir-rigward tal-kumpaniji tat-tbaħħir” fl-Artikolu 3(v) u fl-Artikolu 3(w), rispettivament. Sabiex testendi l-Kapitolu II għat-trasport marittimu, hija ddaħħal l-Artikoli 3g sa 3ge.
L-estensjoni tal-EU ETS għat-trasport marittimu tapplika fir-rigward tal-emissjonijiet minn vjaġġi ġewwa l-UE, nofs l-emissjonijiet minn vjaġġi barra l-UE u l-emissjonijiet li jseħħu fl-irmiġġ f’port tal-UE; l-istess regoli li japplikaw għal setturi oħrajn koperti mill-EU ETS jenħtieġ li japplikaw għat-trasport marittimu fir-rigward tal-irkant, it-trasferiment, iċ-ċediment u l-kanċellazzjoni tal-kwoti, tal-penali u tar-reġistri (l-Artikolu 16). L-obbligu li jiġu ċeduti l-kwoti fis-settur tat-trasport marittimu se jiġi introdott gradwalment matul il-perjodu mill-2023 sal-2025, bil-kumpaniji tat-tbaħħir ikollhom iċedu 100 % tal-emissjonijiet ivverifikati tagħhom mill-2026 (l-Artikolu 3ga). F’konformità ma’ din l-introduzzjoni gradwali, sa fejn jiġu ċeduti inqas kwoti fir-rigward tal-emissjonijiet ivverifikati għat-trasport marittimu matul dawk is-snin, jenħtieġ li jiġi kkanċellat l-ammont ta’ kwoti mhux ċeduti. Għandhom japplikaw ir-regoli ta’ monitoraġġ u rapportar, kif ukoll ir-regoli ta’ verifika u akkreditazzjoni stabbiliti fir-Regolament (UE) 2015/757, kif emendat (l-Artikoli 3gb u 3gc). Minbarra r-regoli ġenerali tal-EU ETS dwar il-penali, jistgħu jinħarġu ordnijiet ta’ tkeċċija kontra bastimenti taħt ir-responsabbiltà ta’ kumpanija tat-tbaħħir li tkun naqset milli ċċedi kwoti għal żewġ perjodi ta’ rapportar konsekuttivi jew aktar, bir-riżultat li l-bastimenti taħt ir-responsabbiltà tagħha jistgħu jinżammu mill-Istat Membru tal-bandiera u jiġu mċaħħda d-dħul f’port taħt il-ġuriżdizzjoni ta’ Stat Membru għajr l-Istat tal-bandiera (l-Artikolu 16(11a)). Kull kumpanija tat-tbaħħir li taqa’ fil-kamp ta’ applikazzjoni tal-EU ETS tiġi attribwita lil Stat Membru – l-awtorità amministrattiva – għall-amministrazzjoni tagħha skont id-Direttiva. L-awtorità amministrattiva tiġi ddeterminata abbażi ta’ fejn tkun irreġistrata l-kumpanija tat-tbaħħir. Jekk il-kumpanija ma tkunx irreġistrata fi Stat Membru, din tiġi attribwita lill-Istat Membru fejn kellha l-ogħla numru ta’ waqfiet f’port fis-sentejn ta’ monitoraġġ preċedenti. Mill-2024, il-Kummissjoni għandha tippubblika u taġġorna regolarment lista ta’ kumpaniji tat-tbaħħir koperti mid-Direttiva u l-awtorità amministrattiva rispettiva tagħhom (l-Artikolu 3gd). L-awtoritajiet amministrattivi jistgħu jitolbu l-assistenza tal-Aġenzija Ewropea għas-Sigurtà Marittima (EMSA) biex iwettqu l-obbligi tagħhom skont din id-Direttiva, b’mod partikolari fir-rigward tal-approvazzjoni tal-pjanijiet ta’ monitoraġġ u l-verifika tal-emissjonijiet (l-Artikolu 18b). Minħabba l-esperjenza tagħha fl-implimentazzjoni tar-Regolament (UE) 2015/757 u l-għodod tal-IT tagħha, l-EMSA tista’ tkompli tgħin lill-awtoritajiet amministrattivi fl-implimentazzjoni tad-Direttiva, pereżempju, billi tiffaċilita l-iskambju ta’ informazzjoni jew billi tiżviluppa linji gwida u kriterji. Hija inkluża klawżola ta’ rapportar u ta’ rieżami (l-Artikolu 3ge) biex tiġi mmonitorjata l-implimentazzjoni ta’ dan il-Kapitolu u biex jitqiesu l-iżviluppi rilevanti fil-livell tal-Organizzazzjoni Marittima Internazzjonali.
Fattur ta’ tnaqqis lineari u tnaqqis ta’ darba tal-limitu massimu(l-Art. 9)
Il-fattur ta’ tnaqqis lineari jinbidel għal 4,2 % mis-sena wara d-dħul fis-seħħ ta’ din id-Direttiva li temenda d-Direttiva dwar l-ETS. Il-fattur ta’ tnaqqis lineari miżjud jiġi kkombinat ma’ aġġustament ’l isfel ta’ darba tal-limitu massimu sabiex il-fattur ta’ tnaqqis lineari l-ġdid ikollu l-istess effett daqslikieku kien japplika mill-2021. Dan jiżgura li l-kwantità ġenerali tal-kwoti (“limitu massimu”) se tonqos b’pass annwali miżjud li jirriżulta fi tnaqqis ġenerali tal-emissjonijiet tas-setturi taħt l-EU ETS ta’ 61 % sal-2030 meta mqabbel mal-2005. Barra minn hekk, mis-sena wara d-dħul fis-seħħ ta’ din id-Direttiva, il-limitu massimu għandu jiżdied b’ammont ta’ kwoti li jikkorrispondu għall-emissjonijiet tat-trasport marittimu li għandhom jiġu inklużi fl-EU ETS u derivati minn data mis-sistema MRV tat-Trasport Marittimu tal-UE għas-snin 2018 u 2019, aġġustati, mis-sena 2021, bil-fattur ta’ tnaqqis lineari.
L-użu tad-dħul mill-irkant (l-Artikolu 10)
Sabiex jiġu indirizzati l-ħtiġijiet akbar fl-investimenti b’livell baxx ta’ emissjonijiet tal-karbonju, id-dispożizzjoni dwar l-użu tad-dħul mill-irkant hija emendata b’tali mod li l-Istati Membri jridu jużaw id-dħul kollu, sal-punt li dan ma jkunx attribwit għall-baġit tal-Unjoni, għal skopijiet relatati mal-klima, inkluż biex tiġi appoġġata r-rinnovazzjoni sostenibbli tal-unitajiet domestiċi bi dħul baxx. L-aġġustamenti għall-qafas baġitarju tal-UE se jiġu ppreżentati mill-Kummissjoni bħala parti mill-pakkett ta’ Riżorsi Proprji li jmiss, inkluża proposta biex jiġi emendat il-qafas finanzjarju pluriennali.
Barra minn hekk, sabiex jiġu indirizzati l-effetti distributtivi u soċjali tat-tranżizzjoni, il-proposta tipprevedi l-irkantar ta’ 2,5 % addizzjonali tal-limitu massimu biex tiġi ffinanzjata t-tranżizzjoni enerġetika tal-Istati Membri b’PDG per capita taħt il-65 % tal-medja tal-UE fil-perjodu 2016-2018, permezz tal-Fond għall-Modernizzazzjoni.
Approċċ aktar strett ta’ parametri referenzjarji u l-istabbiliment tal-kundizzjonalità għall-allokazzjoni bla ħlas (l-Artikolu 10a(1))
Sabiex titnaqqas il-possibbiltà li jiġi applikat il-fattur ta’ korrezzjoni transsettorjali wara l-aġġustament tal-limitu massimu, qed jiġi propost li l-aġġornament tal-parametri referenzjarji jsegwi aktar mill-qrib it-tnaqqis tal-emissjonijiet fis-setturi u fis-subsetturi, billi tiżdied ir-rata massima ta’ aġġornament għal 2,5 % fis-sena mill-2026 minflok il-1,6 % attwali. Dan l-approċċ huwa meqjus li jwassal għal distribuzzjoni aktar ġusta u trasparenti tal-allokazzjoni bla ħlas meta mqabbel ma’ tnaqqis ogħla għas-setturi kollha permezz tal-fattur ta’ korrezzjoni transsettorjali.
Barra minn hekk, l-allokazzjoni bla ħlas issir kondizzjonali fuq l-isforzi ta’ dekarbonizzazzjoni sabiex tiġi inċentivata l-adozzjoni ta’ teknoloġiji b’livell baxx ta’ emissjonijiet tal-karbonju. L-installazzjonijiet koperti mill-obbligu li jsir awditjar tal-enerġija skont l-Artikolu 8(4) attwali tad-Direttiva dwar l-Effiċjenza Enerġetika (“EED”) se jkunu meħtieġa jimplimentaw ir-rakkomandazzjonijiet tar-rapport tal-awditjar, jew juru l-implimentazzjoni ta’ miżuri oħrajn li jwasslu għal tnaqqis fl-emissjonijiet ta’ gassijiet serra ekwivalenti għal dawk irrakkomandati mir-rapport tal-awditjar. Inkella, huma jaraw l-allokazzjoni bla ħlas tagħhom imnaqqsa. F’konformità mal-Artikolu 8(4) tal-EED attwali, l-SMEs ma humiex soġġetti għal awditjar tal-enerġija. Barra minn hekk, skont il-kundizzjonijiet tal-Artikolu 8(6) tal-EED, l-intrapriżi li ma humiex SMEs u li qed jimplimentaw sistema ta’ ġestjoni tal-enerġija jew ambjentali huma eżentati mir-rekwiżit tal-awditjar tal-enerġija. Ir-regoli li jiddeterminaw l-eżenzjoni biex jitwettaq awditjar tal-enerġija huma proposti li jinbidlu skont l-EED riveduta, mill-eżenzjoni tal-SMEs għal eżenzjoni bbażata fuq il-konsum tal-enerġija. Tali regola ta’ eżenzjoni tkun xierqa wkoll għall-kundizzjonalità tal-allokazzjoni bla ħlas.
Miżuri ta’ aġġustament tal-karbonju fil-fruntieri (l-Artikolu 10a(1))
Miżura ta’ Aġġustament tal-Karbonju fil-Fruntieri (CBAM) hija miżura alternattiva biex jittaffew ir-riskji ta’ rilokazzjoni tal-emissjonijiet tal-karbonju. Għalhekk, is-setturi u s-subsetturi koperti minn dik il-miżura ma jenħtieġx li jirċievu allokazzjoni bla ħlas. Jiġi stabbilit perjodu tranżitorju biex jippermetti lill-produtturi, lill-importaturi u lin-negozjanti jaġġustaw għar-reġim il-ġdid, bi tnaqqis gradwali tal-allokazzjoni bla ħlas hekk kif is-CBAM tiġi introdotta gradwalment. Jiġu stabbiliti wkoll regoli dwar il-kalkolu tal-ammont finali li għandu jitnaqqas mill-allokazzjoni bla ħlas li għandha tiġi rkantata.
Kuntratti għad-differenza għall-karbonju u ż-żieda tal-Fond għall-Innovazzjoni (l-Artikolu 10a(8))
Il-kuntratti għad-differenza għall-karbonju (‘carbon contracts for difference’ - CCfDs) huma element importanti biex jiġi skattat it-tnaqqis tal-emissjonijiet fl-industrija, billi joffru lill-UE l-opportunità li tiggarantixxi lill-investituri f’teknoloġiji innovattivi li ma jagħmlux ħsara lill-klima prezz fiss li jippremja t-tnaqqis tal-emissjonijiet tas-CO2 ’il fuq mil-livelli tal-prezzijiet attwali fl-EU ETS. Il-kamp ta’ applikazzjoni tal-Fond għall-Innovazzjoni huwa estiż biex ikun jista’ jipprovdi appoġġ għal proġetti permezz ta’ mekkaniżmi kompetittivi ta’ sejħiet għall-offerti bħas-CCfDs. Barra minn hekk, il-Fond għall-Innovazzjoni jiżdied b’50 miljun kwota miksuba bl-istess mod mill-kwoti disponibbli għall-allokazzjoni bla ħlas u għall-irkant kif inhu l-każ għad-dotazzjoni attwali tal-Fond. B’riżultat ta’ dan, 40 miljun kwota se jirriżultaw mill-kwoti disponibbli għall-allokazzjoni bla ħlas, u 10 miljun kwota mill-kwoti li għandhom jiġu rkantati.
Fond għall-Modernizzazzjoni (l-Artikolu 10d)
Din il-proposta tallinja l-Fond għall-Modernizzazzjoni mal-objettivi klimatiċi l-ġodda tal-Unjoni billi tirrikjedi li l-investimenti jkunu konsistenti mal-objettivi tal-Patt Ekoloġiku Ewropew u tal-Liġi Ewropea dwar il-Klima u billi telimina l-appoġġ għal investimenti relatati ma’ kwalunkwe fjuwils fossili, mhux biss il-fjuwils fossili solidi kif inhu l-każ bħalissa. Barra minn hekk, il-proposta: iżżid il-persentaġġ tal-fond li jeħtieġ li jiġi investit f’investimenti prijoritarji; tagħti aktar prominenza lis-sorsi rinnovabbli u lill-investimenti fl-effiċjenza enerġetika fit-trasport, fil-bini, fl-iskart u fl-agrikoltura; timmira lejn l-effiċjenza enerġetika bħala qasam ta’ prijorità fuq in-naħa tad-domanda, inkluża l-industrija b’mod espliċitu bħala settur eliġibbli; u tinkludi l-appoġġ tal-unitajiet domestiċi biex jindirizzaw il-faqar enerġetiku.
Il-Qbid u l-Użu tal-Karbonju (il-punt (b) tal-Artikolu 3 u l-Artikolu 12(3b))
L-ambizzjoni klimatika miżjuda se tħeġġeġ l-użu tas-soluzzjonijiet teknoloġiċi kollha biex jitnaqqsu l-emissjonijiet, inklużi l-qbid u l-użu tal-karbonju. B’riżultat ta’ dan, il-proposta tistabbilixxi li l-obbligi ta’ ċediment ma jinħolqux għall-emissjonijiet tas-CO2 li jispiċċaw kimikament marbuta b’mod permanenti fi prodott hekk li f’kundizzjonijiet ta’ użu normali ma jidħlux fl-atmosfera.
It-tneħħija tal-ostakoli għal teknoloġiji innovattivi b’livell baxx ta’ emissjonijiet tal-karbonju billi jiġu mmodifikati l-kamp ta’ applikazzjoni u l-parametri referenzjarji tal-EU ETS (l-Artikolu 2, l-Artikolu 10a u l-Anness I)
Ir-regoli dwar l-allokazzjoni bla ħlas tal-EU ETS jiġu emendati biex jappoġġaw aħjar id-dekarbonizzazzjoni tal-industriji intensivi fl-enerġija bl-introduzzjoni ta’ teknoloġiji rivoluzzjonarji.
Teknoloġiji effiċjenti eżatt taħt il-livell tal-parametru referenzjarju jirċievu aktar allokazzjoni bla ħlas milli jarmu. Dan ipoġġi lit-teknoloġiji innovattivi barra mill-EU ETS fi żvantaġġ kompetittiv, biex b’hekk l-investimenti f’dawk it-teknoloġiji jistgħu jiġu skoraġġuti. L-installazzjonijiet innovattivi jistgħu jaqgħu barra mill-EU ETS minħabba li jbiddlu l-proċess tal-produzzjoni tagħhom jew minħabba li l-input termiku nominali totali tagħhom tal-unitajiet ta’ kombustjoni ta’ installazzjoni jonqos għal inqas minn 20 MW.
Dan id-diżinċentiv jiġi indirizzat billi: (i) jiġi speċifikat li l-installazzjonijiet jibqgħu fl-EU ETS fejn inaqqsu l-kapaċità totali tal-unitajiet tal-kombustjoni tagħhom biex inaqqsu l-emissjonijiet ta’ gassijiet serra (eż. permezz tal-elettrifikazzjoni); (ii) id-definizzjonijiet tal-attivitajiet isiru teknoloġikament newtrali (jitneħħew ir-referenzi għal fjuwils fossili jew għal proċessi ta’ produzzjoni speċifiċi); (iii) issir referenza għall-kapaċitajiet tal-produzzjoni minflok għall-kapaċitajiet tal-kombustjoni u (iv) jiġu riveduti d-definizzjonijiet tal-parametri referenzjarji biex jiġi żgurat trattament ugwali tal-installazzjonijiet indipendentement mit-teknoloġija użata, inkluż meta jintużaw teknoloġiji b’livell baxx jew żero ta’ karbonju. Iż-żamma ta’ installazzjonijiet innovattivi fl-EU ETS se tnaqqas ukoll il-valuri ta’ referenza u, b’hekk, tinkoraġġixxi tnaqqis akbar fl-emissjonijiet.
L-introduzzjoni ta’ skambju ta’ kwoti tal-emissjonijiet għall-bini u għat-trasport bit-triq (il-Kapitolu IVa)
L-iskambju l-ġdid ta’ kwoti tal-emissjonijiet għall-bini u għat-trasport bit-triq jenħtieġ li jiġi stabbilit bħala sistema awtonoma separata mill-2025 (il-Kapitolu IVa). Matul l-ewwel sena, l-entitajiet regolati se jkunu meħtieġa jżommu permess għall-emissjonijiet ta’ gassijiet serra u jirrapportaw l-emissjonijiet tagħhom għas-snin 2024 u 2025 (l-Artikoli 30b u 30f). Il-ħruġ ta’ kwoti u obbligi ta’ konformità għal dawn l-entitajiet se jkun applikabbli biss mill-2026, li se jippermetti lis-sistema l-ġdida tibda tiffunzjona b’mod ordnat u effiċjenti (l-Artikoli 30c, 30d u 30e). Billi hemm għadd sostanzjalment kbir ta’ emittenti żgħar fis-setturi tal-bini u tat-trasport bit-triq, u għal raġunijiet ta’ fattibbiltà teknika u effiċjenza amministrattiva, il-punt tar-regolamentazzjoni huwa stabbilit mhux mal-emittenti, iżda aktar ’il fuq tul il-katina tal-provvista (l-Artikolu 30b u l-Anness III). Għalhekk, ir-rilaxx għall-konsum ta’ fjuwils li jintużaw għall-kombustjoni fis-setturi tal-bini u tat-trasport bit-triq se jkun l-attività regolata għas-sistema l-ġdida (l-Anness III). Il-kamp ta’ applikazzjoni tas-setturi tal-bini u tat-trasport bit-triq huwa definit abbażi tas-sorsi rilevanti ta’ emissjonijiet inklużi
fil-Linji Gwida tal-IPCC tal-2006 għall-Inventarji Nazzjonali tal-Gassijiet Serra
(l-Anness III). L-entitajiet regolati huma definiti f’konformità mas-sistema tad-dazju tas-sisa tad-Direttiva tal-Kunsill (UE) 2020/262, billi diġà jeżisti mekkaniżmu robust ta’ monitoraġġ u rapportar għall-kwantitajiet ta’ fjuwils rilaxxati għall-konsum għal finijiet ta’ taxxa skont dik id-Direttiva. L-obbligi ta’ monitoraġġ, rapportar u verifika fis-setturi tal-bini u tat-trasport bit-triq se jiġu allinjati kemm jista’ jkun mal-mekkaniżmi li jiffunzjonaw tajjeb stabbiliti għall-installazzjonijiet stazzjonarji u għall-avjazzjoni (l-Artikolu 30(f)).
Il-limitu massimu tal-emissjonijiet għas-sistema l-ġdida tal-iskambju ta’ kwoti tal-emissjonijiet se jiġi stabbilit mill-2026 abbażi tad-data miġbura skont ir-Regolament dwar il-Kondiviżjoni tal-Isforzi u l-livell ta’ ambizzjoni u se jonqos biex jilħaq it-tnaqqis tal-emissjonijiet ta’ 43 % fl-2030, meta mqabbel mal-2005 għas-setturi tal-bini u tat-trasport bit-triq (l-Artikolu 30c u l-Anness IIIa). Jiġi definit fattur ta’ tnaqqis lineari korrispondenti. Ladarba jiġu stabbiliti l-monitoraġġ u r-rapportar tal-iskambju l-ġdid ta’ kwoti tal-emissjonijiet, il-kwantità totali tal-kwoti għall-2028 se tiġi aġġustata abbażi tad-data disponibbli dwar l-MRV għall-perjodu mill-2024 sal-2026. Il-fattur ta’ tnaqqis lineari se jiġi rivedut biss jekk id-data dwar l-MRV tkun ogħla b’mod sinifikanti mil-limitu massimu inizjali, u mhux minħabba differenzi fuq skala żgħira mad-data tal-inventarju tal-UNFCCC tal-UE.
Il-kwoti għall-iskambju l-ġdid ta’ kwoti tal-emissjonijiet se jiġu rkantati minħabba li ma hija pprovduta l-ebda allokazzjoni bla ħlas (l-Artikolu 30d). Sabiex jiġi żgurat bidu bla xkiel tal-iskambju ta’ kwoti tal-emissjonijiet fis-setturi l-ġodda, ċertu ammont ta’ kwoti se jitqassam minn qabel (l-ewwel subparagrafu tal-Artikolu 30d(2)). Barra minn hekk, sabiex tiġi żgurata l-istabbiltà tas-suq mill-bidu, se topera wkoll Riżerva tal-Istabbiltà tas-Suq fis-setturi kkonċernati abbażi ta’ regoli speċifiċi (it-tieni subparagrafu tal-Artikolu 30d(2)). Billi s-sistema hija ġdida, huma stabbiliti miżuri ta’ mitigazzjoni sabiex jiġi indirizzat ir-riskju potenzjali ta’ volatilità eċċessiva tal-prezzijiet, li jista’ jkun partikolarment għoli fil-bidu tal-iskambju ta’ kwoti tal-emissjonijiet fis-setturi l-ġodda (l-Artikolu 30h).
Sabiex jiġu indirizzati wħud mill-isfidi tranżitorji u soċjali mill-ipprezzar tal-karbonju fis-setturi l-ġodda, kif ukoll sabiex jiġi żgurat appoġġ immirat għall-innovazzjoni, l-iskambju ta’ kwoti tal-emissjonijiet għat-trasport bit-triq u għall-bini se jikkontribwixxi wkoll għall-fondi b’livell baxx ta’ karbonju li jeżistu diġà. B’hekk, 150 miljun kwota maħruġa taħt is-sistema l-ġdida għall-iskambju ta’ kwoti tal-emissjonijiet għat-trasport bit-triq u għall-bini se jkunu disponibbli għall-Fond għall-Innovazzjoni biex tiġi stimulata t-tranżizzjoni ekoloġika (l-Artikolu 30d(4)).
Il-Kummissjoni se tissorvelja l-applikazzjoni tar-regoli tal-iskambju l-ġdid ta’ kwoti tal-emissjonijiet u, jekk ikun meħtieġ, tipproponi li jsir rieżami sal-1 ta’ Jannar 2028 biex jittejbu l-effettività, l-amministrazzjoni u l-applikazzjoni prattika tiegħu (l-Artikolu 30i).
L-elementi ewlenin tad-Deċiżjoni dwar l-MSR emendata permezz tal-proposta huma dawn li ġejjin:
Il-kunsiderazzjoni tad-domanda netta mill-avjazzjoni (l-Artikolu 1(4a)) u mis-settur marittimu
Il-proposta temenda l-kalkolu tal-għadd totali ta’ kwoti fiċ-ċirkolazzjoni sabiex tinkludi l-emissjonijiet mill-avjazzjoni u l-kwoti maħruġa fir-rigward tal-avjazzjoni. Ir-Regolament (UE) 2017/2392 tal-Parlament Ewropew u tal-Kunsill emenda l-Artikolu 12(3) tad-Direttiva dwar l-EU ETS biex l-operaturi kollha jkunu jistgħu jużaw il-kwoti kollha li jinħarġu għall-obbligi ta’ ċediment tagħhom, inklużi l-kwoti tal-avjazzjoni. L-akkuratezza u l-effikaċja tar-riżerva bħala miżura tal-istabbiltà tas-suq permezz tal-provvista u d-domanda tagħha se jittejbu billi jiġu inklużi l-kwoti tal-avjazzjoni fil-kalkolu tar-riżerva, filwaqt li tiġi ppreservata l-integrità ambjentali tagħha. Jekk din il-proposta biex tiġi emendata l-EU ETS tiġi adottata, l-emissjonijiet u l-kwoti tal-avjazzjoni jingħaddu fl-għadd totali ta’ kwoti fiċ-ċirkolazzjoni fejn ikunu seħħew, jew fejn ikunu nħarġu, mis-sena ta’ wara d-dħul fis-seħħ ta’ din l-emenda. Għalkemm ma hemm l-ebda kwota marittima separata, it-test jeħtieġ li jiġi mmodifikat ukoll biex jinkludi l-kwoti u l-emissjonijiet b’rabta mas-settur marittimu fil-kalkolu, minħabba li bħalissa t-test jirreferi biss għall-emissjonijiet u l-kwoti għall-installazzjonijiet. Sabiex tiġi evitata d-distorsjoni mill-introduzzjoni gradwali tar-rekwiżiti għat-trasport marittimu, id-differenza bejn l-emissjonijiet ivverifikati u l-kwoti ċeduti għas-settur marittimu, li se jiġu kkanċellati minflok irkantati, se jingħaddu fl-għadd totali ta’ kwoti fiċ-ċirkolazzjoni daqslikieku l-kwoti kienu nħarġu.
Rata ta’ inkorporazzjoni (l-Artikolu 1(5))
Ir-rata ta’ inkorporazzjoni hija emendata sabiex jiġi indirizzat l-“effett ta’ limitu” li jseħħ meta l-għadd totali ta’ kwoti fiċ-ċirkolazzjoni (it-TNAC) ikun qrib ħafna tal-limitu massimu. F’dak il-każ, kwota waħda aktar jew inqas fit-TNAC tista’ tiskatta l-inkorporazzjonijiet jew le, skont jekk it-TNAC ikunx ’il fuq mil-limitu jew taħtu. L-inċertezza marbuta ma’ jekk dan iseħħx jew le tirriskja li toħloq volatilità tal-prezzijiet fis-suq.
Il-proposta timmodifika l-mekkaniżmu tar-rata ta’ inkorporazzjoni. Hija tipproponi inkorporazzjoni ta’ riżerva tal-istabbiltà tas-suq (MSR) buffer meta t-TNAC ikun bejn 833 miljun u 1096 miljun. F’dak il-każ, l-inkorporazzjoni tkun id-differenza bejn it-TNAC u l-limitu ta’ 833 miljun. Sakemm it-TNAC ikun ogħla minn 1096 miljun kwota, tapplika r-rata normali ta’ inkorporazzjoni (24 % sal-2030).
Ir-raġuni għall-għażla taċ-ċifra ta’ 1096 miljun kwota hija li, f’dak l-ammont, l-inkorporazzjoni ta’ 24 % u d-differenza bejn it-TNAC u l-limitu massimu huma qrib xulxin. Din tindirizza l-effett ta’ limitu, filwaqt li żżomm inkorporazzjoni effiċjenti tal-MSR jekk it-TNAC ikun ogħla.
Definizzjoni tal-għadd totali ta’ kwoti fiċ-ċirkolazzjoni (TNAC) (l-Artikolu 1(5))
Meta jiġi kkalkolat it-TNAC, il-formula se tispeċifika li huma biss il-kwoti maħruġa u mhux imqiegħda f’riżerva li huma inklużi fil-provvista tal-kwoti, u l-għadd ta’ kwoti fir-riżerva ma jibqax jitnaqqas mill-provvista tal-kwoti. Din il-bidla tagħmel il-kalkolu tal-għadd totali ta’ kwoti fiċ-ċirkolazzjoni aktar ċar, u ma għandha l-ebda impatt materjali fuq ir-riżultat tiegħu, inkluż fuq il-kalkoli tal-passat tat-TNAC.
Mekkaniżmu ta’ invalidazzjoni (l-Artikolu 1(5a))
Mill-2023 se jibdew jiġu invalidati l-kwoti fir-riżerva tal-istabbiltà tas-suq (MSR) ’il fuq mil-livell tal-volumi tal-irkant tas-sena preċedenti. Madankollu, il-livell tal-volumi tal-irkant tas-sena preċedenti jiddependi fuq diversi elementi, bħal-limitu massimu u t-tħaddim tal-MSR innifisha. Sabiex jiġi żgurat li l-livell ta’ kwoti li jibqa’ fir-riżerva wara l-invalidazzjoni jkun aktar prevedibbli, huwa propost li l-għadd ta’ kwoti fir-riżerva jiġi limitat f’livell ta’ 400 miljun kwota. Dan il-valur jikkorrispondi wkoll għal-limitu minimu għall-valur tat-TNAC, li taħtu l-kwoti jiġu rilaxxati mill-MSR.
Ir-riżerva tal-istabbiltà tas-suq (MSR) għall-iskambju ta’ kwoti tal-emissjonijiet għat-trasport bit-triq u għall-bini (l-Artikolu 1a)
Sabiex jiġi indirizzat ir-riskju ta’ żbilanċ bejn il-provvista u d-domanda, se titħaddem ukoll Riżerva tal-Istabbiltà tas-Suq għall-iskambju l-ġdid ta’ kwoti tal-emissjonijiet għat-trasport bit-triq u għall-bini, bl-inkorporazzjonijiet u r-rilaxxi tal-kwoti bbażati fuq il-limiti għall-eċċess tal-kwoti f’dak is-suq. Barra minn hekk, sabiex l-MSR tkun tista’ titħaddem bħala għodda effettiva biex tindirizza l-iżbilanċi fis-suq mill-bidu tal-iskambju ta’ kwoti tal-emissjonijiet fiż-żewġ setturi, se jinħolqu għadd ta’ kwoti għas-setturi l-ġodda fir-riżerva. Sabiex jiġi indirizzat ir-riskju potenzjali ta’ volatilità eċċessiva tal-prezzijiet, jiġu stabbiliti miżuri li jippermettu r-rilaxx ta’ kwoti addizzjonali mill-MSR. Madankollu, il-mekkaniżmu ta’ skattar għal dan ir-rilaxx addizzjonali se jkun ibbażat fuq iż-żieda fil-prezz medju tal-kwoti u mhux fuq l-eċċess tal-kwoti fis-suq.
L-elementi ewlenin tar-Regolament (UE) 2015/757, magħruf bħala r-Regolament dwar l-MRV, li huma emendati permezz ta’ din il-proposta huma dawn li ġejjin:
Il-proposta tintroduċi definizzjonijiet ġodda ta’ “awtorità amministrattiva” u “data aggregata dwar l-emissjonijiet fil-livell tal-kumpaniji”. Barra minn hekk, l-emendi proposti jobbligaw lill-kumpaniji jissottomettu l-pjanijiet ta’ monitoraġġ tagħhom lill-awtoritajiet amministrattivi responsabbli għall-approvazzjoni (l-Artikoli 6 u 7 emendati), jirrapportaw id-data aggregata dwar l-emissjonijiet fil-livell tal-kumpaniji (l-Artikolu 4 emendat) u, wara l-verifika tad-data aggregata dwar l-emissjonijiet fil-livell tal-kumpaniji (l-Artikoli 13 sa 16 emendati), jissottomettu din id-data aggregata vverifikata lill-awtorità amministrattiva responsabbli (l-Artikolu 11a l-ġdid u l-Artikolu 12 emendat). Il-verifikatur ma għandu l-ebda obbligu li jivverifika r-rapport dwar l-emissjonijiet fil-livell tal-bastimenti u r-rapport imsemmi fl-Artikolu 11(2) tar-Regolament (UE) 2015/757, billi dawn ir-rapporti fil-livell tal-bastimenti diġà ġew ivverifikati. Il-proposta tagħti wkoll is-setgħa lill-Kummissjoni biex tadotta atti delegati biex temenda l-metodi u r-regoli ta’ monitoraġġ biex tagħmilhom adatti għall-iskambju ta’ kwoti tal-emissjonijiet (l-Artikolu 5(2) emendat) u biex tissupplimenta r-Regolament (UE) 2015/757 bir-regoli għall-approvazzjoni tal-pjanijiet ta’ monitoraġġ u l-bidliet tagħhom mill-awtoritajiet amministrattivi, ir-regoli għall-monitoraġġ, ir-rapportar u s-sottomissjoni tad-data aggregata dwar l-emissjonijiet fil-livell tal-kumpaniji (l-Artikoli 6(8), 7(5) u 11a(4)), u r-regoli għall-verifika tad-data aggregata dwar l-emissjonijiet fil-livell tal-kumpaniji u għall-ħruġ ta’ rapport ta’ verifika fir-rigward tad-data aggregata dwar l-emissjonijiet fil-livell tal-kumpaniji (l-Artikoli 13(6) u 15(6)).
Meta tipproponi li temenda r-Regolament dwar l-MRV, din il-proposta tikkomplementa l-proposta tal-Kummissjoni COM(2019) 38 final.
2021/0211 (COD)
Proposta għal
DIRETTIVA TAL-PARLAMENT EWROPEW U TAL-KUNSILL
li temenda d-Direttiva 2003/87/KE li tistabbilixxi sistema għall-iskambju ta’ kwoti ta’ emissjonijiet ta’ gassijiet serra ġewwa l-Unjoni, id-Deċiżjoni (UE) 2015/1814 dwar l-istabbiliment u l-funzjonament ta’ riżerva tal-istabbiltà tas-suq għall-iskema ta’ negozjar tal-emissjonijiet tal-gassijiet serra tal-Unjoni u r-Regolament (UE) 2015/757
(Test b’rilevanza għaż-ŻEE)
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea u, b’mod partikolari, l-Artikolu 192(1) tiegħu,
Wara li kkunsidraw il-proposta mill-Kummissjoni Ewropea,
Wara li ntbagħat l-abbozz tal-att leġiżlattiv lill-parlamenti nazzjonali,
Wara li kkunsidraw l-opinjoni tal-Kumitat Ekonomiku u Soċjali Ewropew,
Wara li kkunsidraw l-opinjoni tal-Kumitat tar-Reġjuni,
Waqt li jaġixxu f’konformità mal-proċedura ordinarja leġiżlattiva,
Filwaqt li:
(1)Il-Ftehim ta’ Pariġi, li ġie adottat f’Diċembru 2015 skont il-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC), daħal fis-seħħ f’Novembru 2016 (“il-Ftehim ta’ Pariġi”). Il-Partijiet fih qablu li jżommu ż-żieda fit-temperatura medja globali sew taħt 2 °C ’il fuq mil-livelli preindustrijali u jagħmlu sforzi biex jillimitaw iż-żieda fit-temperatura sa 1,5 °C ’il fuq mil-livelli preindustrijali.
(2)L-indirizzar tal-isfidi relatati mal-klima u mal-ambjent u l-ilħuq tal-objettivi tal-Ftehim ta’ Pariġi huma fil-qalba tal-Komunikazzjoni dwar il-“Patt Ekoloġiku Ewropew”, adottata mill-Kummissjoni fil-11 ta’ Diċembru 2019.
(3)Il-Patt Ekoloġiku Ewropew jikkombina sett komprensiv ta’ miżuri u inizjattivi li jsaħħu lil xulxin immirati lejn il-kisba tan-newtralità klimatika fl-UE sal-2050, u jistabbilixxi strateġija ġdida ta’ tkabbir li għandha l-għan li tittrasforma l-Unjoni f’soċjetà ġusta u għanja, b’ekonomija moderna, effiċjenti fl-użu tar-riżorsi u kompetittiva, fejn it-tkabbir ekonomiku jkun diżakkoppjat mill-użu tar-riżorsi. Huwa għandu wkoll l-għan li jipproteġi, jikkonserva u jsaħħaħ il-kapital naturali tal-Unjoni, u jipproteġi s-saħħa u l-benesseri taċ-ċittadini minn riskji u impatti relatati mal-ambjent. Fl-istess ħin, din it-tranżizzjoni taffettwa lin-nisa u lill-irġiel b’mod differenti u għandha impatt partikolari fuq xi gruppi żvantaġġati, bħall-anzjani, il-persuni b’diżabilità u l-persuni bi sfond razzjali jew etniku minoritarju. Għalhekk, irid jiġi żgurat li t-tranżizzjoni tkun ġusta u inklużiva, u ma tħalli lil ħadd jibqa’ lura.
(4)In-neċessità u l-valur tal-Patt Ekoloġiku Ewropew kibru biss fid-dawl tal-effetti severi ħafna tal-pandemija tal-COVID-19 fuq is-saħħa, il-kundizzjonijiet tal-għajxien u tax-xogħol u l-benesseri taċ-ċittadini tal-Unjoni, li wrew li s-soċjetà tagħna u l-ekonomija tagħna jeħtieġ li jtejbu r-reżiljenza tagħhom għax-xokkijiet esterni u jaġixxu kmieni biex jevitawhom jew itaffuhom. Iċ-ċittadini Ewropej qed ikomplu jesprimu fehmiet qawwija li dan japplika b’mod partikolari għat-tibdil fil-klima.
(5)L-Unjoni impenjat ruħha li tnaqqas l-emissjonijiet netti tal-gassijiet serra madwar l-ekonomija kollha tal-Unjoni b’mill-inqas 55 % sal-2030 taħt il-livelli tal-1990 fil-kontribut aġġornat determinat fil-livell nazzjonali sottomess lis-Segretarjat tal-UNFCCC fis-17 ta’ Diċembru 2020.
(6)Fir-Regolament (UE) 2021/1119 tal-Parlament Ewropew u tal-Kunsill, l-Unjoni stabbilixxiet il-mira tan-newtralità klimatika fl-ekonomija kollha sal-2050 fil-leġiżlazzjoni. Dak ir-Regolament jistabbilixxi wkoll impenn vinkolanti tal-Unjoni għat-tnaqqis domestiku tal-emissjonijiet netti ta’ gassijiet serra (emissjonijiet wara t-tnaqqis tal-assorbimenti) ta’ mill-inqas 55 % taħt il-livelli tal-1990 sal-2030.
(7)Is-setturi kollha tal-ekonomija jeħtieġ li jikkontribwixxu biex jinkiseb dak it-tnaqqis tal-emissjonijiet. Għalhekk, l-ambizzjoni tal-Iskema tal-UE għall-Iskambju ta’ Kwoti tal-Emissjonijiet (EU ETS), stabbilita bid-Direttiva 2003/87/KE tal-Parlament Ewropew u tal-Kunsill biex tippromwovi t-tnaqqis tal-emissjonijiet ta’ gassijiet serra b’mod kosteffettiv u ekonomikament effiċjenti, jenħtieġ li tiżdied b’mod proporzjonat ma’ din il-mira ta’ tnaqqis nett tal-emissjonijiet ta’ gassijiet serra madwar l-ekonomija għall-2030.
(8)Jenħtieġ li l-EU ETS tinċentiva l-produzzjoni minn installazzjonijiet li jnaqqsu parzjalment jew kompletament l-emissjonijiet ta’ gassijiet serra. Għalhekk, jenħtieġ li d-deskrizzjoni ta’ xi kategoriji ta’ attivitajiet fl-Anness I tad-Direttiva 2003/87/KE tiġi emendata biex jiġi żgurat trattament ugwali tal-installazzjonijiet fis-setturi kkonċernati. Barra minn hekk, jenħtieġ li l-allokazzjoni bla ħlas għall-produzzjoni ta’ prodott tkun indipendenti min-natura tal-proċess tal-produzzjoni. Għalhekk, huwa meħtieġ li tiġi mmodifikata d-definizzjoni tal-prodotti u tal-proċessi u l-emissjonijiet koperti għal xi parametri referenzjarji biex jiġu żgurati kondizzjonijiet ekwivalenti ta’ kompetizzjoni għal teknoloġiji ġodda u għal dawk eżistenti. Huwa meħtieġ ukoll li l-aġġornament tal-valuri ta’ referenza għar-raffineriji u għall-idroġenu jiġi diżakkoppjat biex ikun jirrifletti l-importanza dejjem tikber tal-produzzjoni tal-idroġenu barra mis-settur tar-raffineriji.
(9)Id-Direttiva tal-Kunsill 96/61/KE tħassret bid-Direttiva 2010/75/UE tal-Parlament Ewropew u tal-Kunsill. Jenħtieġ li r-referenzi għad-Direttiva 96/61/KE fl-Artikolu 2 tad-Direttiva 2003/87/KE u fl-Anness IV tagħha jiġu aġġornati kif xieraq. Minħabba l-ħtieġa għal tnaqqis urġenti tal-emissjonijiet madwar l-ekonomija kollha, jenħtieġ li l-Istati Membri jkunu jistgħu jaġixxu biex inaqqsu l-emissjonijiet ta’ gassijiet serra li huma fil-kamp ta’ applikazzjoni tal-EU ETS permezz ta’ politiki oħrajn minbarra l-limiti tal-emissjonijiet adottati skont id-Direttiva 2010/75/UE.
(10)Fil-Komunikazzjoni tagħha “Perkors għal Pjaneta b’Saħħitha għal Kulħadd”, il-Kummissjoni titlob li l-UE titmexxa lejn tniġġis żero sal-2050, billi t-tniġġis fl-arja, fl-ilma ħelu, fil-baħar u fil-ħamrija jitnaqqas għal livelli li ma għadhomx mistennija li jkunu ta’ ħsara għas-saħħa u għall-ekosistemi naturali. Il-miżuri skont id-Direttiva 2010/75/UE, bħala l-istrument ewlieni li jirregola l-emissjonijiet ta’ sustanzi li jniġġsu l-arja, l-ilma u l-ħamrija, ħafna drabi jippermettu wkoll li l-emissjonijiet ta’ gassijiet serra jitnaqqsu. F’konformità mal-Artikolu 8 tad-Direttiva 2003/87/KE, jenħtieġ li l-Istati Membri jiżguraw koordinazzjoni bejn ir-rekwiżiti tal-permessi tad-Direttiva 2003/87/KE u dawk tad-Direttiva 2010/75/UE.
(11)Filwaqt li jiġi rikonoxxut li teknoloġiji innovattivi ġodda spiss jippermettu t-tnaqqis tal-emissjonijiet kemm tal-gassijiet serra kif ukoll tas-sustanzi niġġiesa, huwa importanti li jiġu żgurati sinerġiji bejn il-politiki li jwasslu għal tnaqqis tal-emissjonijiet kemm tal-gassijiet serra kif ukoll tas-sustanzi niġġiesa, jiġifieri d-Direttiva 2010/75/UE, u li tiġi analizzata l-effettività tagħhom f’dan ir-rigward.
(12)Id-definizzjoni ta’ ġeneraturi tal-elettriku ntużat biex jiġi ddeterminat l-ammont massimu ta’ allokazzjoni bla ħlas lill-industrija fil-perjodu mill-2013 sal-2020, iżda wasslet għal trattament differenti tal-impjanti tal-enerġija ta’ koġenerazzjoni meta mqabbla mal-installazzjonijiet industrijali. Sabiex jiġi inċentivat l-użu ta’ koġenerazzjoni b’effiċjenza għolja u sabiex jiġi żgurat trattament ugwali tal-installazzjonijiet kollha li jirċievu allokazzjoni bla ħlas għall-produzzjoni tas-sħana u għat-tisħin distrettwali, jenħtieġ li jitħassru r-referenzi kollha għall-ġeneraturi tal-elettriku fid-Direttiva 2003/87/KE. Barra minn hekk, ir-Regolament Delegat tal-Kummissjoni (UE) 2019/331 jispeċifika l-eliġibbiltà tal-proċessi industrijali kollha għall-allokazzjoni bla ħlas. Għalhekk, id-dispożizzjonijiet dwar il-qbid u l-ħżin tal-karbonju fl-Artikolu 10a(3) tad-Direttiva 2003/87/KE saru obsoleti u jenħtieġ li jitħassru.
(13)Il-gassijiet serra li ma jiġux rilaxxati direttament fl-atmosfera jenħtieġ li jitqiesu bħala emissjonijiet taħt l-EU ETS u jenħtieġ li l-kwoti jiġu ċeduti għal dawk l-emissjonijiet, sakemm ma jkunux maħżuna f’sit tal-ħżin f’konformità mad-Direttiva 2009/31/KE tal-Parlament Ewropew u tal-Kunsill, jew sakemm ma jkunux kimikament marbuta b’mod permanenti fi prodott hekk li f’kundizzjonijiet ta’ użu normali ma jidħlux fl-atmosfera. Jenħtieġ li l-Kummissjoni tingħata s-setgħa li tadotta atti ta’ implimentazzjoni li jispeċifikaw il-kundizzjonijiet fejn il-gassijiet serra għandhom jitqiesu bħala kimikament marbuta b’mod permanenti fi prodott hekk li f’kundizzjonijiet ta’ użu normali ma jidħlux fl-atmosfera, inkluża l-kisba ta’ ċertifikat għat-tneħħija tal-karbonju, fejn xieraq, fid-dawl tal-iżviluppi regolatorji fir-rigward taċ-ċertifikazzjoni ta’ tneħħija tal-karbonju.
(14)L-attività tat-trasport marittimu internazzjonali, li tikkonsisti fi vjaġġi bejn portijiet taħt il-ġuriżdizzjoni ta’ żewġ Stati Membri differenti jew bejn port taħt il-ġuriżdizzjoni ta’ Stat Membru u port barra mill-ġuriżdizzjoni ta’ kwalunkwe Stat Membru, kienet l-uniku mezz ta’ trasport mhux inkluż fl-impenji tal-Unjoni fil-passat biex jitnaqqsu l-emissjonijiet ta’ gassijiet serra. L-emissjonijiet mill-fjuwil mibjugħ fl-Unjoni għal vjaġġi li jitilqu minn Stat Membru wieħed u li jaslu fi Stat Membru differenti jew f’pajjiż terz żdiedu b’madwar 36 % mill-1990. Dawk l-emissjonijiet jirrappreżentaw kważi 90 % tal-emissjonijiet kollha tan-navigazzjoni tal-Unjoni, billi l-emissjonijiet mill-fjuwil mibjugħ fl-Unjoni għal vjaġġi li jitilqu minn u li jaslu fl-istess Stat Membru tnaqqsu b’26 % mill-1990. F’xenarju ta’ żamma tal-istatus quo, l-emissjonijiet minn attivitajiet tat-trasport marittimu internazzjonali huma pproġettati li jiżdiedu b’madwar 14 % bejn l-2015 u l-2030 u 34 % bejn l-2015 u l-2050. Jekk l-impatt tal-attivitajiet tat-trasport marittimu fuq it-tibdil fil-klima jkompli jikber kif ipproġettat, dan jimmina b’mod sinifikanti t-tnaqqis li sar minn setturi oħrajn fil-ġlieda kontra t-tibdil fil-klima.
(15)Fl-2013, il-Kummissjoni adottat strateġija għall-integrazzjoni progressiva tal-emissjonijiet marittimi fil-politika tal-Unjoni għat-tnaqqis tal-emissjonijiet ta’ gassijiet serra. Bħala l-ewwel pass f’dan l-approċċ, l-Unjoni stabbilixxiet sistema għall-monitoraġġ, ir-rapportar u l-verifika tal-emissjonijiet mit-trasport marittimu fir-Regolament (UE) 2015/757 tal-Parlament Ewropew u tal-Kunsill, li għandha tiġi segwita mill-istabbiliment ta’ miri ta’ tnaqqis għas-settur marittimu u l-applikazzjoni ta’ miżura bbażata fuq is-suq. F’konformità mal-impenn tal-koleġiżlaturi espress fid-Direttiva (UE) 2018/410 tal-Parlament Ewropew u tal-Kunsill, jenħtieġ li l-azzjoni mill-Organizzazzjoni Marittima Internazzjonali (OMI) jew mill-Unjoni tibda mill-2023, inkluża l-ħidma preparatorja fuq l-adozzjoni u l-implimentazzjoni ta’ miżura li tiżgura li s-settur jikkontribwixxi debitament għall-isforzi meħtieġa biex jintlaħqu l-objettivi miftiehma skont il-Ftehim ta’ Pariġi u tingħata kunsiderazzjoni xierqa mill-partijiet interessati kollha.
(16)Skont id-Direttiva (UE) 2018/410, jenħtieġ li l-Kummissjoni tirrapporta lill-Parlament Ewropew u lill-Kunsill dwar il-progress miksub fl-OMI lejn objettiv ambizzjuż ta’ tnaqqis tal-emissjonijiet, u dwar il-miżuri ta’ akkumpanjament maħsuba biex jiżguraw li s-settur tat-trasport marittimu jikkontribwixxi debitament għall-isforzi meħtieġa biex jintlaħqu l-objettivi miftiehma skont il-Ftehim ta’ Pariġi. Jenħtieġ li jiġu inkoraġġuti l-isforzi li qed isiru bħalissa permezz tal-OMI biex jiġu limitati l-emissjonijiet marittimi globali. Madankollu, filwaqt li l-progress reċenti miksub permezz tal-OMI huwa milqugħ tajjeb, dawn il-miżuri mhux se jkunu biżżejjed biex jintlaħqu l-objettivi tal-Ftehim ta’ Pariġi.
(17)Fil-Patt Ekoloġiku Ewropew, il-Kummissjoni ddikjarat l-intenzjoni tagħha li tieħu miżuri addizzjonali biex tindirizza l-emissjonijiet ta’ gassijiet serra mis-settur tat-trasport marittimu permezz ta’ ġabra ta’ miżuri li jippermettu lill-Unjoni tilħaq il-miri tagħha fir-rigward tat-tnaqqis tal-emissjonijiet. F’dan il-kuntest, jenħtieġ li d-Direttiva 2003/87/KE tiġi emendata biex tinkludi s-settur tat-trasport marittimu fl-EU ETS sabiex jiġi żgurat li dan is-settur jikkontribwixxi għall-objettivi klimatiċi akbar tal-Unjoni, kif ukoll għall-objettivi tal-Ftehim ta’ Pariġi, li jirrikjedi li l-pajjiżi żviluppati jieħdu t-tmexxija billi jwettqu miri ta’ tnaqqis tal-emissjonijiet fl-ekonomija kollha, filwaqt li l-pajjiżi li qed jiżviluppaw huma mħeġġa jimxu maż-żmien lejn miri ta’ tnaqqis jew limitazzjoni tal-emissjonijiet fl-ekonomija kollha. Meta wieħed iqis li l-emissjonijiet mill-avjazzjoni internazzjonali barra mill-Ewropa jenħtieġ li jiġu limitati minn Jannar 2021 permezz ta’ azzjoni globali bbażata fuq is-suq, filwaqt li ma hemm l-ebda azzjoni fis-seħħ li tillimita jew tipprezza l-emissjonijiet tat-trasport marittimu, huwa xieraq li l-EU ETS tkopri sehem mill-emissjonijiet mill-vjaġġi bejn port taħt il-ġuriżdizzjoni ta’ Stat Membru u port taħt il-ġuriżdizzjoni ta’ pajjiż terz, bil-pajjiż terz ikun jista’ jiddeċiedi dwar azzjoni xierqa fir-rigward tas-sehem l-ieħor tal-emissjonijiet. B’hekk, jenħtieġ li l-estensjoni tal-EU ETS għas-settur tat-trasport marittimu tinkludi nofs l-emissjonijiet minn bastimenti li jwettqu vjaġġi li jaslu f’port taħt il-ġuriżdizzjoni ta’ Stat Membru minn port barra l-ġuriżdizzjoni ta’ Stat Membru, nofs l-emissjonijiet minn bastimenti li jwettqu vjaġġi li jitilqu minn port taħt il-ġuriżdizzjoni ta’ Stat Membru u li jaslu f’port barra mill-ġuriżdizzjoni ta’ Stat Membru, l-emissjonijiet minn bastimenti li jwettqu vjaġġi li jaslu f’port taħt il-ġuriżdizzjoni ta’ Stat Membru minn port taħt il-ġuriżdizzjoni ta’ Stat Membru, u l-emissjonijiet fl-irmiġġ f’port taħt il-ġuriżdizzjoni ta’ Stat Membru. Dan l-approċċ ġie nnotat bħala mod prattiku biex tissolva l-kwistjoni ta’ Responsabbiltajiet u Kapaċitajiet Komuni iżda Differenzjati, li ilha sfida għal żmien twil fil-kuntest tal-UNFCCC. Il-kopertura ta’ sehem mill-emissjonijiet kemm minn vjaġġi li jidħlu kif ukoll minn dawk li joħorġu bejn l-Unjoni u pajjiżi terzi tiżgura l-effettività tal-EU ETS, b’mod partikolari billi żżid l-impatt ambjentali tal-miżura meta mqabbel ma’ kamp ta’ applikazzjoni ġeografiku limitat għall-vjaġġi fl-UE, filwaqt li tillimita r-riskju ta’ sejħiet evażivi fil-portijiet u r-riskju ta’ delokalizzazzjoni tal-attivitajiet ta’ trasbord barra mill-Unjoni. Sabiex tiġi żgurata l-inklużjoni bla xkiel tas-settur fl-EU ETS, jenħtieġ li ċ-ċediment tal-kwoti mill-kumpaniji tat-tbaħħir jiżdied gradwalment fir-rigward tal-emissjonijiet ivverifikati rrapportati għall-perjodu mill-2023 sal-2025. Sabiex tiġi mħarsa l-integrità ambjentali tas-sistema, sa fejn jiġu ċeduti inqas kwoti fir-rigward tal-emissjonijiet ivverifikati għat-trasport marittimu matul dawk is-snin, ladarba d-differenza bejn l-emissjonijiet ivverifikati u l-kwoti ċeduti tkun ġiet stabbilita kull sena, jenħtieġ li jiġu kkanċellati għadd korrispondenti ta’ kwoti. Mill-2026, jenħtieġ li l-kumpaniji tat-tbaħħir iċedu l-għadd ta’ kwoti li jikkorrispondu għall-emissjonijiet ivverifikati kollha tagħhom irrapportati fis-sena preċedenti.
(18)Jenħtieġ li d-dispożizzjonijiet tad-Direttiva 2003/87/KE fir-rigward tal-attivitajiet tat-trasport marittimu jinżammu taħt rieżami fid-dawl tal-iżviluppi internazzjonali futuri u l-isforzi li jsiru biex jintlaħqu l-objettivi tal-Ftehim ta’ Pariġi, inkluż it-tieni rendikont globali fl-2028, u r-rendikonti globali sussegwenti li minn hemm ’il quddiem isiru kull ħames snin, maħsuba biex jinformaw il-kontributi suċċessivi ddeterminati fuq livell nazzjonali. B’mod partikolari, jenħtieġ li l-Kummissjoni tirrapporta fi kwalunkwe ħin qabel it-tieni rendikont globali fl-2028 - u għalhekk mhux aktar tard mit-30 ta’ Settembru 2028 - lill-Parlament Ewropew u lill-Kunsill dwar il-progress fin-negozjati tal-OMI dwar miżura globali bbażata fuq is-suq. Fir-rapport tagħha, jenħtieġ li l-Kummissjoni tanalizza l-istrumenti tal-Organizzazzjoni Marittima Internazzjonali u li tivvaluta, skont kif rilevanti, kif għandhom jiġu implimentati dawk l-istrumenti fid-dritt tal-Unjoni permezz ta’ reviżjoni tad-Direttiva 2003/87/KE. Fir-rapport tagħha, jenħtieġ li l-Kummissjoni tinkludi proposti kif xieraq.
(19)Jenħtieġ li l-Kummissjoni tirrieżamina l-funzjonament tad-Direttiva 2003/87/KE b’rabta mal-attivitajiet tat-trasport marittimu fid-dawl tal-esperjenza tal-applikazzjoni tagħha, inkluż b’rabta ma’ prattiki evażivi possibbli u, imbagħad, jenħtieġ li tipproponi miżuri biex tiżgura l-effettività tagħha.
(20)Jenħtieġ li l-persuna jew l-organizzazzjoni responsabbli għall-konformità mal-EU ETS tkun il-kumpanija tat-tbaħħir, definita bħala s-sid tal-bastiment jew kwalunkwe organizzazzjoni jew persuna oħra, bħall-maniġer jew in-noleġġatur tal-bastimenti mingħajr ekwipaġġ, li jkunu assumew ir-responsabbiltà għall-operat tal-bastiment mingħand is-sid tal-bastiment u li, meta jassumu tali responsabbiltà, ikunu qablu li jieħdu f’idejhom id-dmirijiet u r-responsabbiltajiet kollha imposti mill-Kodiċi Internazzjonali ta’ Ġestjoni għall-Operazzjoni Sikura tal-Bastimenti u għall-Prevenzjoni tat-Tniġġis. Din id-definizzjoni hija bbażata fuq id-definizzjoni ta’ “kumpanija” fil-punt (d) tal-Artikolu 3 tar-Regolament (UE) 2015/757, u f’konformità mas-sistema globali ta’ ġbir tad-data stabbilita fl-2016 mill-OMI. F’konformità mal-prinċipju ta’ min iniġġes iħallas, il-kumpanija tat-tbaħħir tista’, permezz ta’ arranġament kuntrattwali, iżżomm lill-entità li hija direttament responsabbli għad-deċiżjonijiet li jaffettwaw l-emissjonijiet tas-CO2 tal-bastiment responsabbli għall-kostijiet tal-konformità skont din id-Direttiva. Din l-entità normalment tkun l-entità li hija responsabbli għall-għażla tal-fjuwil, tar-rotta u tal-veloċità tal-bastiment.
(21)Sabiex jitnaqqas il-piż amministrattiv fuq il-kumpaniji tat-tbaħħir, jenħtieġ li Stat Membru wieħed ikun responsabbli għal kull kumpanija tat-tbaħħir. Jenħtieġ li l-Kummissjoni tippubblika lista inizjali ta’ kumpaniji tat-tbaħħir li wettqu attività marittima li taqa’ fil-kamp ta’ applikazzjoni tal-EU ETS, li tispeċifika l-awtorità amministrattiva fir-rigward ta’ kull kumpanija tat-tbaħħir. Jenħtieġ li l-lista tiġi aġġornata mill-inqas kull sentejn biex il-kumpaniji tat-tbaħħir jiġu attribwiti mill-ġdid lil awtorità amministrattiva oħra, kif rilevanti. Għall-kumpaniji tat-tbaħħir irreġistrati fi Stat Membru, jenħtieġ li l-awtorità amministrattiva tkun dak l-Istat Membru. Għall-kumpaniji tat-tbaħħir irreġistrati f’pajjiż terz, jenħtieġ li l-awtorità amministrattiva tkun l-Istat Membru li fih il-kumpanija tat-tbaħħir kellha l-akbar numru stmat ta’ waqfiet f’port minn vjaġġi li jaqgħu fil-kamp ta’ applikazzjoni tad-Direttiva 2003/87/KE fl-aħħar sentejn ta’ monitoraġġ. Għall-kumpaniji tat-tbaħħir irreġistrati f’pajjiż terz u li ma wettqu l-ebda vjaġġ li jaqa’ fil-kamp ta’ applikazzjoni tad-Direttiva 2003/87/KE fl-aħħar sentejn ta’ monitoraġġ, jenħtieġ li l-awtorità amministrattiva tkun l-Istat Membru minn fejn il-kumpanija tat-tbaħħir bdiet l-ewwel vjaġġ tagħha li jaqa’ fil-kamp ta’ applikazzjoni ta’ dik id-Direttiva. Jenħtieġ li l-Kummissjoni tippubblika u taġġorna fuq bażi biennali lista ta’ kumpaniji tat-tbaħħir li jaqgħu fil-kamp ta’ applikazzjoni tad-Direttiva 2003/87/KE li tispeċifika l-awtorità amministrattiva għal kull kumpanija tat-tbaħħir. Sabiex jiġi żgurat it-trattament ugwali tal-kumpaniji tat-tbaħħir, jenħtieġ li l-Istati Membri jsegwu regoli armonizzati għall-amministrazzjoni tal-kumpaniji tat-tbaħħir li għalihom għandhom responsabbiltà, f’konformità mar-regoli dettaljati li għandhom jiġu stabbiliti mill-Kummissjoni.
(22)Jenħtieġ li l-Istati Membri jiżguraw li l-kumpaniji tat-tbaħħir li jamministraw ikunu konformi mar-rekwiżiti tad-Direttiva 2003/87/KE. Fil-każ li kumpanija tat-tbaħħir tonqos milli tikkonforma ma’ dawk ir-rekwiżiti u kwalunkwe miżura ta’ infurzar meħuda mill-awtorità amministrattiva tkun naqset milli tiżgura l-konformità, jenħtieġ li l-Istati Membri jaġixxu f’solidarjetà. Bħala l-aħħar miżura, jenħtieġ li l-Istati Membri jkunu jistgħu jirrifjutaw id-dħul lill-bastimenti taħt ir-responsabbiltà tal-kumpanija tat-tbaħħir ikkonċernata, ħlief għall-Istat Membru li l-bastiment ikun qed itajjar il-bandiera tiegħu, li jenħtieġ li jkun jista’ jżomm dak il-bastiment.
(23)Jenħtieġ li l-kumpaniji tat-tbaħħir jimmonitorjaw u jirrapportaw id-data aggregata tagħhom dwar l-emissjonijiet mill-attivitajiet tat-trasport marittimu fil-livell tal-kumpaniji f’konformità mar-regoli stabbiliti fir-Regolament (UE) 2015/757. Ir-rapporti dwar id-data aggregata dwar l-emissjonijiet fil-livell tal-kumpaniji jenħtieġ li jiġu vverifikati f’konformità mar-regoli stabbiliti f’dak ir-Regolament. Meta jwettaq il-verifiki fil-livell tal-kumpaniji, jenħtieġ li l-verifikatur ma jivverifikax ir-rapport dwar l-emissjonijiet fil-livell tal-bastimenti u r-rapport imsemmi fl-Artikolu 11(2) ta’ dak ir-Regolament, billi dawk ir-rapporti fil-livell tal-bastimenti jkunu ġew ivverifikati diġà.
(24)Abbażi tal-esperjenza minn kompiti simili relatati mal-ħarsien tal-ambjent, jenħtieġ li l-Aġenzija Ewropea għas-Sigurtà Marittima (EMSA) jew organizzazzjoni rilevanti oħra, kif xieraq u f’konformità mal-mandat tagħha, tassisti lill-Kummissjoni u lill-awtoritajiet amministrattivi fir-rigward tal-implimentazzjoni tad-Direttiva 2003/87/KE. Minħabba l-esperjenza tagħha bl-implimentazzjoni tar-Regolament (UE) 2015/757 u l-għodod tal-IT tagħha, l-EMSA tista’ tgħin lill-awtoritajiet amministrattivi b’mod partikolari fir-rigward tal-monitoraġġ, ir-rapportar u l-verifika tal-emissjonijiet iġġenerati mill-attivitajiet marittimi taħt il-kamp ta’ applikazzjoni ta’ din id-Direttiva billi jiġi ffaċilitat l-iskambju ta’ informazzjoni jew jiġu żviluppati linji gwida u kriterji.
(25)Ir-Regolament (UE) 2017/2392 tal-Parlament Ewropew u tal-Kunsill emenda l-Artikolu 12(3) tad-Direttiva 2003/87/KE biex jippermetti lill-operaturi kollha jużaw il-kwoti kollha li jinħarġu. Ir-rekwiżit li l-permessi għall-emissjonijiet ta’ gassijiet serra jkun fihom obbligu li jiġu ċeduti l-kwoti, skont il-punt (e) tal-Artikolu 6(2) ta’ dik id-Direttiva, jenħtieġ li jiġi allinjat kif xieraq.
(26)Il-kisba tal-mira ta’ tnaqqis tal-emissjonijiet tal-Unjoni għall-2030 se tkun teħtieġ tnaqqis fl-emissjonijiet tas-setturi koperti mill-EU ETS ta’ 61 % meta mqabbla mal-2005. Il-kwantità ta’ kwoti tal-EU ETS fl-Unjoni kollha jeħtieġ li titnaqqas biex jinħolqu s-sinjal meħtieġ tal-prezz tal-karbonju fit-tul u l-ħtieġa għal dan il-grad ta’ dekarbonizzazzjoni. Għal dan l-għan, jenħtieġ li jiżdied il-fattur ta’ tnaqqis lineari, filwaqt li titqies ukoll l-inklużjoni tal-emissjonijiet mit-trasport marittimu. Jenħtieġ li din tal-aħħar tiġi derivata mill-emissjonijiet mill-attivitajiet tat-trasport marittimu rrapportati f’konformità mar-Regolament (UE) 2015/757 għall-2018 u l-2019 fl-Unjoni, aġġustati, mis-sena 2021, bil-fattur ta’ tnaqqis lineari.
(27)Meta jitqies li din id-Direttiva temenda d-Direttiva 2003/87/KE fir-rigward ta’ perjodu ta’ implimentazzjoni li diġà beda fl-1 ta’ Jannar 2021, għal raġunijiet ta’ prevedibbiltà, effettività ambjentali u sempliċità, jenħtieġ li l-perkors ta’ tnaqqis lineari aktar qawwi tal-EU ETS ikun linja dritta mill-2021 sal-2030, bħal sabiex jinkiseb tnaqqis ta’ 61 % fl-emissjonijiet fl-EU ETS sal-2030, bħala l-pass intermedju xieraq lejn in-newtralità klimatika fl-ekonomija kollha tal-Unjoni fl-2050. Billi l-fattur ta’ tnaqqis lineari miżjud jista’ japplika biss mis-sena ta’ wara d-dħul fis-seħħ ta’ din id-Direttiva, tnaqqis ta’ darba tal-kwantità ta’ kwoti jenħtieġ li jnaqqas il-kwantità totali ta’ kwoti sabiex ikun konformi ma’ dan il-livell ta’ tnaqqis annwali li jkun sar mill-2021 ’il quddiem.
(28)Il-kisba tal-ambizzjoni klimatika miżjuda se tirrikjedi riżorsi pubbliċi sostanzjali fl-UE, kif ukoll baġits nazzjonali li għandhom jiġu ddedikati għat-tranżizzjoni klimatika. Sabiex jikkomplementa u jsaħħaħ l-infiq sostanzjali relatat mal-klima fil-baġit tal-UE, jenħtieġ li d-dħul kollu mill-irkant mhux attribwit għall-baġit tal-Unjoni jintuża għal finijiet relatati mal-klima. Dan jinkludi l-użu għal appoġġ finanzjarju biex jiġu indirizzati l-aspetti soċjali f’unitajiet domestiċi bi dħul baxx u medju billi jitnaqqsu t-taxxi distortivi. Barra minn hekk, biex jiġu indirizzati l-effetti distributtivi u soċjali tat-tranżizzjoni fl-Istati Membri bi dħul baxx, jenħtieġ li jintuża ammont addizzjonali ta’ 2,5 % tal-kwantità ta’ kwoti madwar l-Unjoni kollha minn [sena tad-dħul fis-seħħ tad-Direttiva] sal-2030 biex tiġi ffinanzjata t-tranżizzjoni enerġetika tal-Istati Membri bi prodott domestiku gross (PDG) per capita taħt il-65 % tal-medja tal-Unjoni fis-snin 2016-2018, permezz tal-Fond għall-Modernizzazzjoni msemmi fl-Artikolu 10d tad-Direttiva 2003/87/KE.
(29)Jenħtieġ li jiġu pprovduti aktar inċentivi biex jitnaqqsu l-emissjonijiet ta’ gassijiet serra bl-użu ta’ tekniki kosteffiċjenti. Għal dak l-għan, l-allokazzjoni bla ħlas tal-kwoti tal-emissjonijiet għal installazzjonijiet stazzjonarji mill-2026 ’il quddiem jenħtieġ li tkun kundizzjonali fuq investimenti f’tekniki biex tiżdied l-effiċjenza enerġetika u jitnaqqsu l-emissjonijiet. L-iżgurar li din tkun iffokata fuq utenti akbar tal-enerġija jirriżulta fi tnaqqis sostanzjali fil-piż għan-negozji b’użu aktar baxx tal-enerġija, li jistgħu jkunu proprjetà ta’ intrapriżi żgħar u ta’ daqs medju jew ta’ mikrointrapriżi. [Referenza li għandha tiġi kkonfermata bl-EED riveduta]. Jenħtieġ li l-atti delegati rilevanti jiġu aġġustati kif xieraq.
(30)Il-Mekkaniżmu ta’ Aġġustament tal-Karbonju fil-Fruntieri (CBAM), stabbilit skont ir-Regolament (UE) […./..] tal-Parlament Ewropew u tal-Kunsill, huwa alternattiva għall-allokazzjoni bla ħlas biex jiġi indirizzat ir-riskju ta’ rilokazzjoni tal-emissjonijiet tal-karbonju. Sal-punt li s-setturi u s-subsetturi jkunu koperti minn dik il-miżura, jenħtieġ li huma ma jirċevux allokazzjoni bla ħlas. Madankollu, hija meħtieġa eliminazzjoni gradwali tranżitorja tal-kwoti bla ħlas sabiex il-produtturi, l-importaturi u n-negozjanti jkunu jistgħu jaġġustaw għar-reġim il-ġdid. Jenħtieġ li t-tnaqqis tal-allokazzjoni bla ħlas jiġi implimentat billi jiġi applikat fattur għall-allokazzjoni bla ħlas għas-setturi tas-CBAM, filwaqt li s-CBAM jiġi introdott gradwalment. Jenħtieġ li dan il-persentaġġ (il-fattur CBAM) ikun ugwali għal 100 % matul il-perjodu tranżitorju bejn id-dħul fis-seħħ tar-[Regolament CBAM] u l-2025, 90 % fl-2026 u jenħtieġ li jitnaqqas b’10 punti perċentwali kull sena biex jilħaq 0 % u b’hekk tiġi eliminata l-allokazzjoni bla ħlas sal-għaxar sena. Jenħtieġ li l-atti delegati rilevanti dwar l-allokazzjoni bla ħlas jiġu aġġustati kif xieraq għas-setturi u s-subsetturi koperti mis-CBAM. L-allokazzjoni bla ħlas li ma għadhiex tiġi pprovduta lis-setturi tas-CBAM abbażi ta’ dan il-kalkolu (id-domanda tas-CBAM) trid tiġi rkantata u d-dħul jakkumula għall-Fond għall-Innovazzjoni, sabiex tiġi appoġġata l-innovazzjoni f’teknoloġiji b’livell baxx ta’ emissjonijiet tal-karbonju, fil-qbid u l-użu tal-karbonju (“CCU”), fil-qbid u l-ħżin ġeoloġiku tal-karbonju (“CCS”), fl-enerġija rinnovabbli u fil-ħżin tal-enerġija, b’mod li jikkontribwixxi għall-mitigazzjoni tat-tibdil fil-klima. Jenħtieġ li tingħata attenzjoni speċjali lill-proġetti fis-setturi tas-CBAM. Sabiex jiġi rrispettat il-proporzjon tal-allokazzjoni bla ħlas disponibbli għas-setturi mhux tas-CBAM, l-ammont finali li għandu jitnaqqas mill-allokazzjoni bla ħlas u li għandu jiġi rkantat jenħtieġ li jiġi kkalkolat abbażi tal-proporzjon li d-domanda tas-CBAM tirrappreżenta fir-rigward tal-ħtiġijiet ta’ allokazzjoni bla ħlas tas-setturi kollha li jirċievu allokazzjoni bla ħlas.
(31)Sabiex il-progress teknoloġiku jiġi rifless aħjar u l-valuri ta’ referenza korrispondenti jiġu aġġustati għall-perjodu rilevanti ta’ allokazzjoni, filwaqt li jiġu żgurati inċentivi għat-tnaqqis tal-emissjonijiet u l-innovazzjoni tiġi ppremjata kif xieraq, jenħtieġ li l-aġġustament massimu tal-valuri ta’ referenza jiżdied minn 1,6 % għal 2,5 % fis-sena. Għall-perjodu mill-2026 sal-2030, b’hekk, jenħtieġ li l-valuri ta’ referenza jiġu aġġustati f’medda ta’ bejn 4 % u 50 % meta mqabbla mal-valur applikabbli fil-perjodu mill-2013 sal-2020.
(32)Approċċ komprensiv għall-innovazzjoni huwa essenzjali biex jintlaħqu l-objettivi tal-Patt Ekoloġiku Ewropew. Fil-livell tal-UE, l-isforzi meħtieġa għar-riċerka u l-innovazzjoni huma appoġġati, fost l-oħrajn, permezz ta’ Orizzont Ewropa, li jinkludi finanzjament sinifikanti u strumenti ġodda għas-setturi li jaqgħu taħt l-ETS. Jenħtieġ li l-Istati Membri jiżguraw li d-dispożizzjonijiet nazzjonali tat-traspożizzjoni ma jfixklux l-innovazzjonijiet u jkunu teknoloġikament newtrali.
(33)Jenħtieġ li l-kamp ta’ applikazzjoni tal-Fond għall-Innovazzjoni msemmi fl-Artikolu 10a(8) tad-Direttiva 2003/87/KE jiġi estiż biex jappoġġa l-innovazzjoni f’teknoloġiji u proċessi b’livell baxx ta’ emissjonijiet tal-karbonju li jikkonċernaw il-konsum tal-fjuwils fis-setturi tal-bini u tat-trasport bit-triq. Barra minn hekk, jenħtieġ li l-Fond għall-Innovazzjoni jservi biex jappoġġa l-investimenti għad-dekarbonizzazzjoni tas-settur tat-trasport marittimu, inklużi l-investimenti fi fjuwils alternattivi sostenibbli, bħall-idroġenu u l-ammonijaka li jiġu prodotti minn sorsi rinnovabbli, kif ukoll teknoloġiji ta’ propulsjoni b’emissjonijiet żero bħat-teknoloġiji tar-riħ. Meta jitqies li d-dħul iġġenerat mill-penali mqajma fir-Regolament xxxx/xxxx [FuelEU Maritime] jiġi allokat lill-Fond għall-Innovazzjoni bħala dħul assenjat estern f’konformità mal-Artikolu 21(5) tar-Regolament Finanzjarju, jenħtieġ li l-Kummissjoni tiżgura li tingħata kunsiderazzjoni xierqa lill-appoġġ għal proġetti innovattivi mmirati biex jaċċelleraw l-iżvilupp u l-użu ta’ fjuwils rinnovabbli u b’livell baxx ta’ emissjonijiet tal-karbonju fis-settur marittimu, kif speċifikat fl-Artikolu 21(1) tar-Regolament xxxx/xxxx [FuelEU Maritime]. Sabiex jiġi żgurat li jkun hemm finanzjament suffiċjenti disponibbli għall-innovazzjoni fi ħdan dan il-kamp ta’ applikazzjoni estiż, jenħtieġ li l-Fond għall-Innovazzjoni jiġi ssupplimentat b’50 miljun kwota, li jirriżultaw parzjalment mill-kwoti li altrimenti jistgħu jiġu rkantati, u parzjalment mill-kwoti li altrimenti jistgħu jiġu allokati bla ħlas, f’konformità mal-proporzjon attwali ta’ finanzjament ipprovdut minn kull sors għall-Fond għall-Innovazzjoni.
(34)Skont l-Artikolu 10 tar-Regolament tal-Kummissjoni (UE) Nru 2019/1122, fejn l-operaturi tal-inġenji tal-ajru ma jibqgħux joperaw titjiriet koperti mill-EU ETS, il-kontijiet tagħhom jiġu stabbiliti għal status eskluż, u l-proċessi ma jistgħux jibqgħu jinbdew minn dawk il-kontijiet. Sabiex tiġi ppreservata l-integrità ambjentali tas-sistema, jenħtieġ li jintużaw il-kwoti li ma jinħarġux lill-operaturi tal-inġenji tal-ajru minħabba l-għeluq tagħhom biex ikopru kwalunkwe nuqqas ta’ ċediment minn dawk l-operaturi, u kwalunkwe kwota li jifdal jenħtieġ li tintuża biex titħaffef l-azzjoni biex jiġi indirizzat it-tibdil fil-klima billi titqiegħed fil-Fond għall-Innovazzjoni.
(35)Il-Kuntratti għad-Differenza għall-Karbonju (CCfDs) huma element importanti biex jiġi skattat it-tnaqqis tal-emissjonijiet fl-industrija, billi joffru l-opportunità li l-investituri f’teknoloġiji innovattivi li ma jagħmlux ħsara lill-klima jiġu ggarantiti prezz li jippremja t-tnaqqis tal-emissjonijiet tas-CO2 ’il fuq minn dak ikkawżat mil-livelli tal-prezzijiet attwali fl-EU ETS. Il-firxa ta’ miżuri li jista’ jappoġġa l-Fond għall-Innovazzjoni jenħtieġ li tiġi estiża biex tipprovdi appoġġ għall-proġetti permezz ta’ sejħiet għall-offerti kompetittivi fil-prezzijiet, bħas-CCDs. Jenħtieġ li l-Kummissjoni tingħata s-setgħa li tadotta atti delegati dwar ir-regoli preċiżi għal dan it-tip ta’ appoġġ.
(36)Meta l-attività ta’ installazzjoni tiġi sospiża temporanjament, l-allokazzjoni bla ħlas tiġi aġġustata għal-livelli ta’ attività li jiġu rrapportati b’mod obbligatorju kull sena. Barra minn hekk, l-awtoritajiet kompetenti jistgħu jissospendu l-ħruġ ta’ kwoti tal-emissjonijiet lil installazzjonijiet li jkunu ssospendew l-operazzjonijiet, sakemm ma jkun hemm l-ebda evidenza li se jerġgħu jibdew l-operazzjonijiet. Għalhekk, jenħtieġ li l-operaturi ma jibqgħux jintalbu juru lill-awtorità kompetenti li l-installazzjoni tagħhom se terġa’ tibda l-produzzjoni fi żmien speċifikat u raġonevoli f’każ ta’ sospensjoni temporanja tal-attivitajiet.
(37)Il-korrezzjonijiet tal-allokazzjoni bla ħlas mogħtija lil installazzjonijiet stazzjonarji skont l-Artikolu 11(2) tad-Direttiva 2003/87/KE jistgħu jirrikjedu l-għoti ta’ kwoti bla ħlas addizzjonali jew it-trasferiment ta’ kwoti żejda lura. Jenħtieġ li l-kwoti mwarrba għal parteċipanti ġodda skont l-Artikolu 10a(7) tad-Direttiva 2003/87/KE jintużaw għal dawk il-finijiet.
(38)Il-kamp ta’ applikazzjoni tal-Fond għall-Modernizzazzjoni jenħtieġ li jiġi allinjat mal-aktar objettivi klimatiċi reċenti tal-Unjoni billi jirrikjedi li l-investimenti jkunu konsistenti mal-objettivi tal-Patt Ekoloġiku Ewropew u r-Regolament (UE) 2021/1119, u li jiġi eliminat l-appoġġ għal kwalunkwe investiment relatat mal-fjuwils fossili. Barra minn hekk, jenħtieġ li l-persentaġġ tal-Fond għall-Modernizzazzjoni li jeħtieġ li jiġi ddedikat għall-investimenti ta’ prijorità jiżdied għal 80 %; jenħtieġ li l-effiċjenza enerġetika tkun immirata bħala qasam ta’ prijorità fuq in-naħa tad-domanda; u l-appoġġ tal-unitajiet domestiċi biex jindirizzaw il-faqar enerġetiku, inkluż f’żoni rurali u remoti, jenħtieġ li jiġi inkluż fil-kamp ta’ applikazzjoni tal-investimenti ta’ prijorità.
(39)Ir-Regolament ta’ Implimentazzjoni tal-Kummissjoni (UE) 2018/2066 jistabbilixxi regoli dwar il-monitoraġġ tal-emissjonijiet mill-bijomassa li huma konsistenti mar-regoli dwar l-użu tal-bijomassa stabbiliti fil-leġiżlazzjoni tal-Unjoni dwar l-enerġija rinnovabbli. Hekk kif il-leġiżlazzjoni ssir aktar elaborata dwar il-kriterji ta’ sostenibbiltà għall-bijomassa bl-aħħar regoli stabbiliti fid-Direttiva (UE) 2018/2001 tal-Parlament Ewropew u tal-Kunsill, l-għoti ta’ setgħat ta’ implimentazzjoni fl-Artikolu 14(1) tad-Direttiva 2003/87/KE jenħtieġ li jiġi estiż b’mod espliċitu għall-adozzjoni tal-aġġustamenti meħtieġa għall-applikazzjoni fl-EU ETS tal-kriterji ta’ sostenibbiltà għall-bijomassa, inklużi l-bijofjuwils, il-bijolikwidi u l-fjuwils tal-bijomassa. Barra minn hekk, jenħtieġ li l-Kummissjoni tingħata s-setgħa li tadotta atti ta’ implimentazzjoni biex tispeċifika kif għandu jitqies il-ħżin tal-emissjonijiet minn taħlitiet ta’ bijomassa b’rata żero u bijomassa li ma hijiex minn sorsi b’rata żero.
(40)Il-fjuwils likwidi u gassużi rinnovabbli ta’ oriġini mhux bijoloġika u l-fjuwils tal-karbonju riċiklati jistgħu jkunu importanti biex jitnaqqsu l-emissjonijiet ta’ gassijiet serra f’setturi li huma diffiċli biex jiġu dekarbonizzati. Fejn il-fjuwils tal-karbonju riċiklati u l-fjuwils likwidi u gassużi rinnovabbli ta’ oriġini mhux bijoloġika jiġu prodotti minn diossidu tal-karbonju maqbud taħt attività koperta minn din id-Direttiva, jenħtieġ li l-emissjonijiet jitqiesu taħt dik l-attività. Sabiex jiġi żgurat li l-fjuwils rinnovabbli ta’ oriġini mhux bijoloġika u l-fjuwils tal-karbonju riċiklati jikkontribwixxu għat-tnaqqis tal-emissjonijiet ta’ gassijiet serra u biex jiġi evitat għadd doppju għall-fjuwils li jagħmlu dan, huwa xieraq li l-għoti tas-setgħa msemmi fl-Artikolu 14(1) jiġi estiż b’mod espliċitu għall-adozzjoni mill-Kummissjoni tal-atti ta’ implimentazzjoni li jistabbilixxu l-aġġustamenti meħtieġa għal kif għandu jitqies ir-rilaxx eventwali tad-diossidu tal-karbonju u kif għandu jiġi evitat l-għadd doppju biex jiġi żgurat li jkun hemm fis-seħħ inċentivi xierqa, filwaqt li jitqies ukoll it-trattament ta’ dawn il-fjuwils skont id-Direttiva (UE) 2018/2001.
(41)Billi d-diossidu tal-karbonju huwa mistenni li jiġi ttrasportat ukoll b’mezzi oħrajn għajr pipelines, bħal bil-bastimenti u bit-trakkijiet, jenħtieġ li l-kopertura attwali fl-Anness I tad-Direttiva 2003/87/KE għat-trasport ta’ gassijiet serra għall-fini tal-ħżin tiġi estiża għall-mezzi kollha tat-trasport għal raġunijiet ta’ trattament ugwali u irrispettivament minn jekk il-mezzi tat-trasport humiex koperti mill-EU ETS. Fejn l-emissjonijiet mit-trasport ikunu koperti wkoll minn attività oħra skont id-Direttiva 2003/87/KE, jenħtieġ li l-emissjonijiet jitqiesu taħt dik l-attività l-oħra biex jiġi evitat għadd doppju.
(42)L-esklużjoni ta’ installazzjonijiet li jużaw esklussivament il-bijomassa mill-EU ETS wasslet għal sitwazzjonijiet fejn l-installazzjonijiet li jaħarqu sehem għoli ta’ bijomassa jkunu kisbu profitti mhux previsti billi jkunu rċevew kwoti bla ħlas li jaqbżu bil-kbir l-emissjonijiet attwali. Għalhekk, jenħtieġ li jiġi introdott valur ta’ limitu għall-kombustjoni tal-bijomassa b’rata żero li ’l fuq minnu l-installazzjonijiet jiġu esklużi mill-EU ETS. Il-valur ta’ limitu ta’ 95 % huwa konformi mal-parametru ta’ inċertezza stabbilit fl-Artikolu 2(16) tar-Regolament Delegat tal-Kummissjoni (UE) 2019/331.
(43)Il-Komunikazzjoni tal-Kummissjoni dwar it-tisħiħ tal-ambizzjoni klimatika tal-Ewropa għall-2030 issottolinjat l-isfida partikolari biex jitnaqqsu l-emissjonijiet fis-setturi tat-trasport bit-triq u tal-bini. Għalhekk, il-Kummissjoni ħabbret li espansjoni ulterjuri tal-iskambju ta’ kwoti tal-emissjonijiet tista’ tinkludi l-emissjonijiet mit-trasport bit-triq u mill-bini. L-iskambju ta’ kwoti tal-emissjonijiet għal dawn iż-żewġ setturi ġodda jiġi stabbilit permezz ta’ skambju ta’ kwoti tal-emissjonijiet separat iżda kontigwu. Dan jevita kwalunkwe disturb fl-iskambju ta’ kwoti tal-emissjonijiet li jiffunzjona tajjeb fis-setturi tal-installazzjonijiet stazzjonarji u tal-avjazzjoni. Is-sistema l-ġdida hija akkumpanjata minn politiki u miżuri komplementari li jissalvagwardjaw kontra impatti bla bżonn fuq il-prezzijiet, li jsawru l-aspettattivi tal-parteċipanti fis-suq u li jimmiraw għal sinjal tal-prezz tal-karbonju għall-ekonomija kollha. L-esperjenza preċedenti wriet li l-iżvilupp tas-suq il-ġdid jeħtieġ l-istabbiliment ta’ sistema effiċjenti ta’ monitoraġġ, rapportar u verifika. Bil-ħsieb li jiġu żgurati sinerġiji u koerenza mal-infrastruttura eżistenti tal-Unjoni għall-EU ETS li tkopri l-emissjonijiet minn installazzjonijiet stazzjonarji u mill-avjazzjoni, huwa xieraq li jiġi stabbilit skambju ta’ kwoti tal-emissjonijiet għas-setturi tat-trasport bit-triq u tal-bini permezz ta’ emenda għad-Direttiva 2003/87/KE.
(44)Sabiex jiġi stabbilit il-qafas ta’ implimentazzjoni meħtieġ u jiġi pprovdut perjodu ta’ żmien raġonevoli biex tintlaħaq il-mira tal-2030, jenħtieġ li l-iskambju ta’ kwoti tal-emissjonijiet fiż-żewġ setturi l-ġodda jibda fl-2025. Matul l-ewwel sena, jenħtieġ li l-entitajiet regolati jkunu meħtieġa jżommu permess għall-emissjonijiet ta’ gassijiet serra u jirrapportaw l-emissjonijiet tagħhom għas-snin 2024 u 2025. Jenħtieġ li l-ħruġ ta’ kwoti u l-obbligi ta’ konformità għal dawn l-entitajiet ikunu applikabbli mill-2026. Dan is-sekwenzjar se jippermetti l-bidu tal-iskambju ta’ kwoti tal-emissjonijiet fis-setturi b’mod ordnat u effiċjenti. Dan jippermetti wkoll li l-finanzjament tal-UE u l-miżuri tal-Istati Membri jkunu fis-seħħ biex tiġi żgurata introduzzjoni soċjalment ġusta tal-iskambju ta’ kwoti tal-emissjonijiet tal-UE fiż-żewġ setturi sabiex jittaffa l-impatt tal-prezz tal-karbonju fuq unitajiet domestiċi vulnerabbli u fuq l-utenti tat-trasport.
(45)Minħabba l-għadd kbir ħafna ta’ emittenti żgħar fis-setturi tal-bini u tat-trasport bit-triq, ma huwiex possibbli li jiġi stabbilit il-punt ta’ regolamentazzjoni fil-livell ta’ entitajiet li jarmu direttament gassijiet serra, kif inhu l-każ għall-installazzjonijiet stazzjonarji u għall-avjazzjoni. Għalhekk, għal raġunijiet ta’ fattibbiltà teknika u effiċjenza amministrattiva, huwa aktar xieraq li jiġi stabbilit il-punt ta’ regolamentazzjoni aktar ’il fuq fil-katina tal-provvista. L-att li jiskatta l-obbligu ta’ konformità taħt l-iskambju l-ġdid ta’ kwoti tal-emissjonijiet jenħtieġ li jkun ir-rilaxx għall-konsum ta’ fjuwils li jintużaw għall-kombustjoni fis-setturi tal-bini u tat-trasport bit-triq, inkluż għall-kombustjoni fit-trasport bit-triq ta’ gassijiet serra għall-ħżin ġeoloġiku. Sabiex tiġi evitata kopertura doppja, ir-rilaxx għall-konsum ta’ fjuwils li jintużaw f’attivitajiet oħrajn skont l-Anness I tad-Direttiva 2003/87/KE ma jenħtieġx li jiġi kopert.
(46)L-entitajiet regolati fiż-żewġ setturi l-ġodda u l-punt ta’ regolamentazzjoni jenħtieġ li jiġu definiti f’konformità mas-sistema tad-dazju tas-sisa stabbilita bid-Direttiva tal-Kunsill (UE) 2020/262, bl-adattamenti meħtieġa, billi dik id-Direttiva diġà tistabbilixxi sistema robusta ta’ kontroll għall-kwantitajiet kollha ta’ fjuwils rilaxxati għall-konsum għall-finijiet tal-ħlas tad-dazji tas-sisa. L-utenti finali tal-fjuwils f’dawk is-setturi ma jenħtieġx li jkunu soġġetti għall-obbligi skont id-Direttiva 2003/87/KE.
(47)L-entitajiet regolati li jaqgħu fil-kamp ta’ applikazzjoni tal-iskambju ta’ kwoti tal-emissjonijiet fis-setturi tal-bini u tat-trasport bit-triq jenħtieġ li jkunu soġġetti għal rekwiżiti simili ta’ permessi għall-emissjonijiet ta’ gassijiet serra bħall-operaturi ta’ installazzjonijiet stazzjonarji. Huwa meħtieġ li jiġu stabbiliti regoli dwar l-applikazzjonijiet għal permessi, il-kundizzjonijiet għall-ħruġ ta’ permessi, il-kontenut, u r-rieżami, u kwalunkwe bidla relatata mal-entità regolata. Sabiex is-sistema l-ġdida tibda b’mod ordnat, jenħtieġ li l-Istati Membri jiżguraw li l-entitajiet regolati li jaqgħu fil-kamp ta’ applikazzjoni tal-iskambju l-ġdid ta’ kwoti tal-emissjonijiet ikollhom permess validu mill-bidu tas-sistema fl-2025.
(48)Jenħtieġ li l-kwantità totali ta’ kwoti għall-iskambju l-ġdid ta’ kwoti tal-emissjonijiet issegwi trajettorja lineari biex tintlaħaq il-mira ta’ tnaqqis tal-emissjonijiet sal-2030, filwaqt li jitqies il-kontribut kosteffiċjenti tal-bini u tat-trasport bit-triq għat-tnaqqis fl-emissjonijiet bi 43 % sal-2030, meta mqabbel mal-2005. Jenħtieġ li l-kwantità totali ta’ kwoti tiġi stabbilita għall-ewwel darba fl-2026 sabiex issegwi trajettorja li tibda fl-2024 mill-valur tal-limiti tal-emissjonijiet tal-2024 (1 109 304 000 CO2t), ikkalkolat f’konformità mal-Artikolu 4(2) tar-Regolament (UE) 2018/842 tal-Parlament Ewropew u tal-Kunsill abbażi tal-emissjonijiet ta’ referenza għal dawn is-setturi għall-perjodu mill-2016 sal-2018. Għaldaqstant, jenħtieġ li l-fattur ta’ tnaqqis lineari jiġi stabbilit għal 5,15 %. Mill-2028, jenħtieġ li l-kwantità totali ta’ kwoti tiġi stabbilita abbażi tal-emissjonijiet medji rrapportati għas-snin 2024, 2025 u 2026, u jenħtieġ li tonqos bl-istess tnaqqis annwali assolut kif stabbilit mill-2024, li jikkorrispondi għal fattur ta’ tnaqqis lineari ta’ 5,43 % meta mqabbel mal-valur komparabbli tal-2025 tat-trajettorja definita hawn fuq. Jekk dawk l-emissjonijiet ikunu ogħla b’mod sinifikanti minn dan il-valur tat-trajettorja u jekk din id-diverġenza ma tkunx dovuta għal differenzi fuq skala żgħira fil-metodoloġiji tal-kejl tal-emissjonijiet, jenħtieġ li l-fattur ta’ tnaqqis lineari jiġi aġġustat biex jintlaħaq it-tnaqqis meħtieġ fl-emissjonijiet fl-2030.
(49)L-irkantar tal-kwoti huwa l-aktar metodu sempliċi u ekonomikament effiċjenti għall-allokazzjoni tal-kwoti tal-emissjonijiet, li jevita wkoll profitti mhux previsti. Kemm is-settur tal-bini kif ukoll dak tat-trasport bit-triq huma taħt pressjoni kompetittiva relattivament żgħira jew mhux eżistenti minn barra l-Unjoni u ma humiex esposti għal riskju ta’ rilokazzjoni tal-emissjonijiet tal-karbonju. Għalhekk, jenħtieġ li l-kwoti għall-bini u għat-trasport bit-triq jiġu allokati biss permezz ta’ rkantar mingħajr ma jkun hemm allokazzjoni bla ħlas.
(50)Sabiex jiġi żgurat bidu bla xkiel għall-iskambju ta’ kwoti tal-emissjonijiet fis-setturi tal-bini u tat-trasport bit-triq u b’kont meħud tal-ħtieġa tal-entitajiet regolati li jiħħeġġjaw jew jixtru kwoti bil-quddiem biex itaffu r-riskju tagħhom tal-prezz u tal-likwidità, jenħtieġ li jiġu rkantati ammont ogħla ta’ kwoti minn kmieni. Għalhekk, jenħtieġ li l-volumi tal-irkant fl-2026 ikunu 30 % ogħla mill-kwantità totali tal-kwoti għall-2026. Dan l-ammont ikun biżżejjed biex jipprovdi likwidità, kemm jekk l-emissjonijiet jonqsu f’konformità mal-ħtiġijiet ta’ tnaqqis, kif ukoll f’każ li t-tnaqqis fl-emissjonijiet iseħħ biss b’mod progressiv. Ir-regoli dettaljati għal dan it-tqassim minn qabel tal-volum tal-irkant għandhom jiġu stabbiliti f’att delegat relatat mal-irkantar, adottat skont l-Artikolu 10(4) tad-Direttiva 2003/87/KE.
(51)Ir-regoli ta’ distribuzzjoni dwar l-ishma tal-irkant huma rilevanti ħafna għal kwalunkwe dħul mill-irkant li jakkumula għall-Istati Membri, speċjalment fid-dawl tal-ħtieġa li tissaħħaħ il-kapaċità tal-Istati Membri li jindirizzaw l-impatti soċjali ta’ sinjal tal-prezz tal-karbonju fis-setturi tal-bini u tat-trasport bit-triq. Minkejja l-fatt li ż-żewġ setturi għandhom karatteristiċi differenti ħafna, huwa xieraq li tiġi stabbilita regola ta’ distribuzzjoni komuni simili għal dik applikabbli għall-installazzjonijiet stazzjonarji. Il-parti ewlenija tal-kwoti jenħtieġ li titqassam fost l-Istati Membri kollha abbażi tad-distribuzzjoni medja tal-emissjonijiet fis-setturi koperti matul il-perjodu mill-2016 sal-2018.
(52)L-introduzzjoni tal-prezz tal-karbonju fit-trasport bit-triq u fil-bini jenħtieġ li tkun akkumpanjata minn kumpens soċjali effettiv, speċjalment fid-dawl tal-livelli diġà eżistenti ta’ faqar enerġetiku. Fl-2018, madwar 34 miljun ċittadin Ewropew irrapportaw nuqqas ta’ kapaċità li jżommu djarhom sħan b’mod adegwat, u 6,9 % tal-popolazzjoni tal-Unjoni qalu li ma jistgħux jaffordjaw li jsaħħnu djarhom b’mod suffiċjenti fi stħarriġ li sar fl-2019 madwar l-UE kollha. Sabiex jinkiseb kumpens soċjali u distributtiv effettiv, jenħtieġ li l-Istati Membri jkunu meħtieġa jonfqu d-dħul mill-irkant fuq l-iskopijiet relatati mal-klima u l-enerġija diġà speċifikati għall-iskambju ta’ kwoti tal-emissjonijiet eżistenti, iżda wkoll għal miżuri miżjuda speċifikament biex jindirizzaw it-tħassib relatat għas-setturi l-ġodda tat-trasport bit-triq u tal-bini, inklużi miżuri ta’ politika relatati skont id-Direttiva 2012/27/UE tal-Parlament Ewropew u tal-Kunsill. Id-dħul mill-irkant jenħtieġ li jintuża biex jiġu indirizzati l-aspetti soċjali tal-iskambju ta’ kwoti tal-emissjonijiet għas-setturi l-ġodda b’enfasi speċifika fuq l-unitajiet domestiċi vulnerabbli, il-mikrointrapriżi u l-utenti tat-trasport. F’dan l-ispirtu, Fond Soċjali għall-Klima ġdid se jipprovdi finanzjament iddedikat lill-Istati Membri biex jappoġġaw liċ-ċittadini Ewropej l-aktar affettwati jew f’riskju ta’ faqar enerġetiku jew ta’ mobbiltà. Dan il-Fond se jippromwovi l-ġustizzja u s-solidarjetà bejn u fi ħdan l-Istati Membri, filwaqt li jtaffi r-riskju tal-faqar enerġetiku u tal-mobbiltà matul it-tranżizzjoni. Huwa se jibni fuq il-mekkaniżmi ta’ solidarjetà eżistenti u jikkomplementahom. Fil-prinċipju, ir-riżorsi tal-Fond il-ġdid se jikkorrispondu għal 25 % tad-dħul mistenni mill-iskambju l-ġdid ta’ kwoti tal-emissjonijiet fil-perjodu 2026-2032, u se jiġu implimentati abbażi tal-Pjanijiet Soċjali għall-Klima li l-Istati Membri jenħtieġ li jressqu skont ir-Regolament (UE) 20…/nn tal-Parlament Ewropew u tal-Kunsill. Barra minn hekk, jenħtieġ li kull Stat Membru juża d-dħul mill-irkant tiegħu, inter alia, biex jiffinanzja parti mill-kostijiet tal-Pjanijiet Soċjali tiegħu għall-Klima.
(53)Ir-rapportar dwar l-użu tad-dħul mill-irkant jenħtieġ li jiġi allinjat mar-rapportar attwali stabbilit bir-Regolament (UE) 2018/1999 tal-Parlament Ewropew u tal-Kunsill.
(54)L-innovazzjoni u l-iżvilupp ta’ teknoloġiji ġodda b’livell baxx ta’ emissjonijiet tal-karbonju fis-setturi tal-bini u tat-trasport bit-triq huma kruċjali biex jiġi żgurat il-kontribut kosteffiċjenti ta’ dawn is-setturi għat-tnaqqis mistenni tal-emissjonijiet. Għalhekk, jenħtieġ li 150 miljun kwota mill-iskambju ta’ kwoti tal-emissjonijiet fis-setturi tal-bini u tat-trasport bit-triq ikunu disponibbli wkoll għall-Fond għall-Innovazzjoni biex jistimolaw it-tnaqqis kosteffiċjenti tal-emissjonijiet.
(55)L-entitajiet regolati koperti mill-iskambju ta’ kwoti tal-emissjonijiet fis-setturi tal-bini u tat-trasport bit-triq jenħtieġ li jċedu l-kwoti għall-emissjonijiet ivverifikati tagħhom li jikkorrispondu għall-kwantitajiet ta’ fjuwils li jkunu rrilaxxaw għall-konsum. Jenħtieġ li huma jċedu l-kwoti għall-ewwel darba għall-emissjonijiet ivverifikati tagħhom fl-2026. Sabiex jitnaqqas kemm jista’ jkun il-piż amministrattiv, għadd ta’ regoli applikabbli għall-iskema eżistenti tal-iskambju ta’ kwoti tal-emissjonijiet għal installazzjonijiet stazzjonarji u għall-avjazzjoni jenħtieġ li jsiru applikabbli għall-iskambju ta’ kwoti tal-emissjonijiet għall-bini u għat-trasport bit-triq, bl-adattamenti meħtieġa. Dan jinkludi, b’mod partikolari, regoli dwar it-trasferiment, iċ-ċediment u l-kanċellazzjoni tal-kwoti, kif ukoll ir-regoli dwar il-validità tal-kwoti, il-penali, l-awtoritajiet kompetenti u l-obbligi ta’ rapportar tal-Istati Membri.
(56)Sabiex l-iskambju ta’ kwoti tal-emissjonijiet fis-setturi tal-bini u tat-trasport bit-triq ikun effettiv, jenħtieġ li jkun possibbli li l-emissjonijiet jiġu mmonitorjati b’ċertezza għolja u bi spiża raġonevoli. Jenħtieġ li l-emissjonijiet jiġu attribwiti lill-entitajiet regolati abbażi tal-kwantitajiet ta’ fjuwil rilaxxati għall-konsum u kkombinati ma’ fattur ta’ emissjoni. Jenħtieġ li l-entitajiet regolati jkunu jistgħu jidentifikaw u jiddifferenzjaw b’mod affidabbli u preċiż is-setturi li fihom jiġu rilaxxati l-fjuwils għall-konsum, kif ukoll l-utenti finali tal-fjuwils, sabiex jiġu evitati effetti mhux mixtieqa, bħal piż doppju. Sabiex ikun hemm biżżejjed data biex jiġi stabbilit l-għadd totali ta’ kwoti għall-perjodu mill-2028 sal-2030, l-entitajiet regolati li jkollhom permess fil-bidu tas-sistema fl-2025 jenħtieġ li jirrapportaw l-emissjonijiet storiċi assoċjati tagħhom għall-2024.
(57)Huwa xieraq li jiġu introdotti miżuri biex jiġi indirizzat ir-riskju potenzjali ta’ żidiet eċċessivi fil-prezzijiet, li, jekk ikunu partikolarment għoljin fil-bidu tal-iskambju ta’ kwoti tal-emissjonijiet fis-setturi tal-bini u tat-trasport bit-triq, jistgħu jimminaw ir-rieda tal-unitajiet domestiċi u tal-individwi li jinvestu fit-tnaqqis tal-emissjonijiet ta’ gassijiet serra tagħhom. Jenħtieġ li dawn il-miżuri jikkomplementaw is-salvagwardji pprovduti mir-Riżerva tal-Istabbiltà tas-Suq stabbilita bid-Deċiżjoni (UE) 2015/1814 tal-Parlament Ewropew u tal-Kunsill u li saret operattiva fl-2019. Filwaqt li s-suq se jkompli jiddetermina l-prezz tal-karbonju, il-miżuri ta’ salvagwardja se jiġu skattati permezz ta’ awtomatiżmu bbażat fuq ir-regoli, fejn il-kwoti jiġu rilaxxati mir-Riżerva tal-Istabbiltà tas-Suq biss jekk jiġu ssodisfati kundizzjonijiet konkreti ta’ skattar ibbażati fuq iż-żieda fil-prezz medju tal-kwoti. Dan il-mekkaniżmu addizzjonali jenħtieġ li jkun ukoll reattiv ħafna, sabiex tiġi indirizzata l-volatilità eċċessiva dovuta għal fatturi differenti minn dak ta’ tibdil fil-prinċipji fundamentali tas-suq. Jenħtieġ li l-miżuri jiġu adattati għal livelli differenti ta’ żieda eċċessiva fil-prezzijiet, li tirriżulta fi gradi differenti tal-intervent. Jenħtieġ li l-kundizzjonijiet tal-iskattar jiġu mmonitorjati mill-qrib mill-Kummissjoni u jenħtieġ li l-miżuri jiġu adottati mill-Kummissjoni bħala kwistjoni ta’ urġenza meta jiġu ssodisfati l-kundizzjonijiet. Dan huwa mingħajr preġudizzju għal kwalunkwe miżura ta’ akkumpanjament li jistgħu jadottaw l-Istati Membri biex jindirizzaw l-impatti soċjali negattivi.
(58)L-applikazzjoni tal-iskambju ta’ kwoti tal-emissjonijiet fis-setturi tal-bini u tat-trasport bit-triq jenħtieġ li tiġi mmonitorjata mill-Kummissjoni, inkluż il-grad ta’ konverġenza fil-prezzijiet mal-ETS eżistenti u, jekk ikun meħtieġ, jenħtieġ li jiġi propost rieżami lill-Parlament Ewropew u lill-Kunsill biex jittejbu l-effettività, l-amministrazzjoni u l-applikazzjoni prattika tal-iskambju ta’ kwoti tal-emissjonijiet għal dawk is-setturi abbażi tal-għarfien miksub, kif ukoll konverġenza miżjuda fil-prezzijiet. Jenħtieġ li l-Kummissjoni tintalab tippreżenta l-ewwel rapport dwar dawk il-kwistjonijiet sal-1 ta’ Jannar 2028.
(59)Sabiex jiġu żgurati kundizzjonijiet uniformi għall-implimentazzjoni tal-Artikoli 3gd(3), 12(3b) u 14(1) tad-Direttiva 2003/87/KE, jenħtieġ li jingħataw setgħat ta’ implimentazzjoni lill-Kummissjoni. Sabiex jiġu żgurati sinerġiji mal-qafas regolatorju eżistenti, l-għoti ta’ setgħat ta’ implimentazzjoni msemmi fl-Artikoli 14 u 15 ta’ dik id-Direttiva jenħtieġ li jiġi estiż biex ikopri s-setturi tat-trasport bit-triq u tal-bini. Dawk is-setgħat ta’ implimentazzjoni jenħtieġ li jiġu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill.
(60)Sabiex jiġu adottati atti mhux leġiżlattivi ta’ applikazzjoni ġenerali biex jissupplimentaw jew jemendaw ċerti elementi mhux essenzjali ta’ att leġiżlattiv, jenħtieġ li l-Kummissjoni tingħata s-setgħa li tadotta atti f’konformità mal-Artikolu 290 tat-Trattat dwar il-Funzjonament tal-Unjoni Ewropea fir-rigward tal-Artikoli 10(4) u 10a(8) ta’ dik id-Direttiva. Barra minn hekk, sabiex jiġu żgurati sinerġiji mal-qafas regolatorju eżistenti, jenħtieġ li d-delega fl-Artikoli 10(4) u 10a(8) tad-Direttiva 2003/87/KE tiġi estiża biex tkopri s-setturi tat-trasport bit-triq u tal-bini. Huwa ta’ importanza partikolari li l-Kummissjoni twettaq konsultazzjonijiet xierqa matul il-ħidma ta’ tħejjija tagħha, inkluż fil-livell ta’ esperti, u li dawk il-konsultazzjonijiet isiru f’konformità mal-prinċipji stabbiliti fil-Ftehim Interistituzzjonali dwar it-Tfassil Aħjar tal-Liġijiet tat-13 ta’ April 2016. B’mod partikolari, biex tiġi żgurata parteċipazzjoni ugwali fit-tħejjija tal-atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi ta’ esperti tal-Kummissjoni li jittrattaw it-tħejjija tal-atti delegati. F’konformità mad-Dikjarazzjoni Politika Konġunta tat-28 ta’ Settembru 2011 tal-Istati Membri u tal-Kummissjoni dwar id-dokumenti ta’ spjegazzjoni, l-Istati Membri impenjaw ruħhom li jakkumpanjaw, f’każijiet ġustifikati, in-notifika tal-miżuri ta’ traspożizzjoni tagħhom b’dokument wieħed jew aktar li jispjegaw ir-relazzjoni bejn il-komponenti ta’ direttiva u l-partijiet korrispondenti tal-istrumenti ta’ traspożizzjoni nazzjonali. Fir-rigward ta’ din id-Direttiva, il-leġiżlatur iqis li t-trażmissjoni ta’ tali dokumenti hija ġustifikata
(61)EU ETS riformata u li tiffunzjona sewwa, li tinkludi strument li jistabbilizza s-suq, hija mezz ewlieni għall-Unjoni biex tilħaq il-mira miftiehma tagħha għall-2030 u l-impenji skont il-Ftehim ta’ Pariġi. Ir-Riżerva tal-Istabbiltà tas-Suq tfittex li tindirizza l-iżbilanċ bejn il-provvista u d-domanda tal-kwoti fis-suq. L-Artikolu 3 tad-Deċiżjoni (UE) 2015/1814 jistabbilixxi li r-riżerva għandha tiġi rieżaminata tliet snin wara li ssir operattiva, billi tingħata attenzjoni partikolari liċ-ċifra perċentwali għad-determinazzjoni tal-għadd ta’ kwoti li għandhom jitqiegħdu fir-Riżerva tal-Istabbiltà tas-Suq, il-limitu għall-għadd totali ta’ kwoti fiċ-ċirkolazzjoni (TNAC) li jiddetermina l-inkorporazzjoni tal-kwoti, u l-għadd ta’ kwoti li għandhom jiġu rilaxxati mir-riżerva.
(62)Meta titqies il-ħtieġa li jingħata sinjal ta’ investiment aktar b’saħħtu biex jitnaqqsu l-emissjonijiet b’mod kosteffiċjenti u bil-ħsieb li tissaħħaħ l-EU ETS, jenħtieġ li d-Deċiżjoni (UE) 2015/1814 tiġi emendata sabiex tiżdied ir-rata perċentwali għad-determinazzjoni tal-għadd ta’ kwoti li għandhom jitqiegħdu kull sena fir-Riżerva tal-Istabbiltà tas-Suq. Barra minn hekk, għal livelli aktar baxxi tat-TNAC, jenħtieġ li l-inkorporazzjoni tkun ugwali għad-differenza bejn it-TNAC u l-limitu li jiddetermina l-inkorporazzjoni tal-kwoti. Dan jipprevjeni l-inċertezza konsiderevoli fil-volumi tal-irkant li tirriżulta meta t-TNAC ikun qrib il-limitu, u fl-istess ħin jiżgura li l-eċċess jilħaq il-wisa’ tal-banda tal-volum li fiha s-suq tal-karbonju jitqies li jopera b’mod bilanċjat.
(63)Barra minn hekk, sabiex jiġi żgurat li l-livell ta’ kwoti li jifdal fir-Riżerva tal-Istabbiltà tas-Suq wara l-invalidazzjoni jkun prevedibbli, jenħtieġ li l-invalidazzjoni tal-kwoti fir-riżerva ma tibqax tiddependi fuq il-volumi tal-irkant tas-sena preċedenti. Għalhekk, jenħtieġ li l-għadd ta’ kwoti fir-riżerva jiġi stabbilit f’livell ta’ 400 miljun kwota, li jikkorrispondi għal-limitu inferjuri għall-valur tat-TNAC.
(64)L-analiżi tal-valutazzjoni tal-impatt li takkumpanja l-proposta għal din id-Direttiva wriet ukoll li jenħtieġ li d-domanda netta mill-avjazzjoni tiġi inkluża fl-għadd totali ta’ kwoti fiċ-ċirkolazzjoni. Barra minn hekk, billi l-kwoti tal-avjazzjoni jistgħu jintużaw bl-istess mod bħall-kwoti ġenerali, l-inklużjoni tal-avjazzjoni fir-riżerva tagħmilha għodda aktar preċiża u, b’hekk, għodda aħjar, sabiex tiġi żgurata l-istabbiltà tas-suq. Jenħtieġ li l-kalkolu tal-għadd totali ta’ kwoti fiċ-ċirkolazzjoni jinkludi l-emissjonijiet u l-kwoti tal-avjazzjoni maħruġa fir-rigward tal-avjazzjoni mis-sena wara d-dħul fis-seħħ ta’ din id-Direttiva.
(65)Sabiex jiġi ċċarat il-kalkolu tal-għadd totali ta’ kwoti fiċ-ċirkolazzjoni (TNAC), jenħtieġ li d-Deċiżjoni (UE) 2015/1814 tispeċifika li huma biss il-kwoti maħruġa u mhux imqiegħda fir-Riżerva tal-Istabbiltà tas-Suq li huma inklużi fil-provvista ta’ kwoti. Barra minn hekk, jenħtieġ li l-formula ma tibqax tnaqqas l-għadd ta’ kwoti fir-Riżerva tal-Istabbiltà tas-Suq mill-provvista ta’ kwoti. Din il-bidla ma jkollha l-ebda impatt materjali fuq ir-riżultat tal-kalkolu tat-TNAC, inkluż fuq il-kalkoli tal-passat tat-TNAC jew fuq ir-riżerva.
(66)Sabiex jittaffa r-riskju ta’ żbilanċi fil-provvista u fid-domanda assoċjati mal-bidu tal-iskambju ta’ kwoti tal-emissjonijiet għas-setturi tal-bini u tat-trasport bit-triq, kif ukoll biex dan isir aktar reżistenti għax-xokkijiet fis-suq, jenħtieġ li l-mekkaniżmu bbażat fuq ir-regoli tar-Riżerva tal-Istabbiltà tas-Suq jiġi applikat għal dawk is-setturi l-ġodda. Sabiex dik ir-riżerva tkun operattiva mill-bidu tas-sistema, jenħtieġ li tiġi stabbilita b’dotazzjoni inizjali ta’ 600 miljun kwota għall-iskambju ta’ kwoti tal-emissjonijiet fis-setturi tat-trasport bit-triq u tal-bini. Il-limiti inferjuri u superjuri inizjali, li jiskattaw ir-rilaxx jew l-inkorporazzjoni tal-kwoti mir-riżerva, jenħtieġ li jkunu soġġetti għal klawżola ta’ rieżami ġenerali. Elementi oħrajn, bħall-pubblikazzjoni tal-għadd totali ta’ kwoti fiċ-ċirkolazzjoni jew il-kwantità ta’ kwoti rilaxxati jew imqiegħda fir-riżerva, jenħtieġ li jsegwu r-regoli tar-riżerva għal setturi oħrajn.
(67)Huwa meħtieġ li r-Regolament (UE) 2015/757 jiġi emendat biex titqies l-inklużjoni tas-settur tat-trasport marittimu fl-EU ETS. Jenħtieġ li r-Regolament (UE) 2015/757 jiġi emendat biex jobbliga lill-kumpaniji jirrapportaw id-data aggregata dwar l-emissjonijiet fil-livell tal-kumpaniji u jissottomettu għall-approvazzjoni l-pjanijiet ta’ monitoraġġ ivverifikati tagħhom u d-data aggregata dwar l-emissjonijiet fil-livell tal-kumpaniji lill-awtorità amministrattiva responsabbli. Barra minn hekk, jenħtieġ li l-Kummissjoni tingħata s-setgħa li tadotta atti delegati biex temenda l-metodi għall-monitoraġġ tal-emissjonijiet tas-CO2 u r-regoli dwar il-monitoraġġ, kif ukoll kwalunkwe informazzjoni rilevanti oħra stabbilita fir-Regolament (UE) 2015/757, sabiex tiżgura l-funzjonament effettiv tal-EU ETS fil-livell amministrattiv u tissupplimenta r-Regolament (UE) 2015/757 bir-regoli għall-approvazzjoni tal-pjanijiet ta’ monitoraġġ u l-bidliet tagħhom mill-awtoritajiet amministrattivi, bir-regoli għall-monitoraġġ, ir-rapportar u s-sottomissjoni tad-data aggregata dwar l-emissjonijiet fil-livell tal-kumpaniji u bir-regoli għall-verifika tad-data aggregata dwar l-emissjonijiet fil-livell tal-kumpaniji u għall-ħruġ ta’ rapport ta’ verifika fir-rigward tad-data aggregata dwar l-emissjonijiet fil-livell tal-kumpaniji. Id-data mmonitorjata, irrapportata u vverifikata skont ir-Regolament (UE) 2015/757 tista’ tintuża wkoll għall-fini ta’ konformità ma’ liġi oħra tal-Unjoni li tirrikjedi l-monitoraġġ, ir-rapportar u l-verifika tal-istess informazzjoni dwar il-bastimenti.
(68)Jenħtieġ li d-Direttiva 2003/87/KE, id-Deċiżjoni (UE) 2015/1814 u r-Regolament (UE) 2015/757 jiġu emendati kif xieraq,
ADOTTAW DIN ID-DIRETTIVA:
Artikolu 1
Emendi għad-Direttiva 2003/87/KE
Id-Direttiva 2003/87/KE hija emendata kif ġej:
(1)Fl-Artikolu 2, il-paragrafi 1 u 2 jiġu sostitwiti b’dawn li ġejjin:
“1.
Din id-Direttiva għandha tapplika għall-attivitajiet elenkati fl-Annessi I u III, u għall-gassijiet serra elenkati fl-Anness II. Meta installazzjoni li tkun inkluża fil-kamp ta’ applikazzjoni tal-EU ETS minħabba t-tħaddim tal-unitajiet ta’ kombustjoni b’input termiku nominali totali li jaqbeż l-20 MW tbiddel il-proċessi ta’ produzzjoni tagħha biex tnaqqas l-emissjonijiet ta’ gassijiet serra tagħha u ma tibqax tissodisfa dak il-limitu, hija għandha tibqa’ fil-kamp ta’ applikazzjoni tal-EU ETS sa tmiem il-perjodu rilevanti ta’ ħames snin imsemmi fit-tieni subparagrafu tal-Artikolu 11(1), wara l-bidla fil-proċess tal-produzzjoni tagħha.
2.
Din id-Direttiva għandha tapplika mingħajr preġudizzju għal kwalunkwe rekwiżit skont id-Direttiva 2010/75/UE tal-Parlament Ewropew u tal-Kunsill(*).
_________
(*) Id-Direttiva 2010/75/UE tal-Parlament Ewropew u tal-Kunsill tal-24 ta’ Novembru 2010 dwar l-emissjonijiet industrijali (il-prevenzjoni u l-kontroll integrati tat-tniġġis) ĠU L 334, 17.12.2010, p. 17.”;
(2)L-Artikolu 3 huwa emendat kif ġej:
(a)il-punt (b) huwa sostitwit b’dan li ġej:
“(b) “emissjonijiet” tfisser ir-rilaxx ta’ gassijiet serra minn sorsi f’installazzjoni jew ir-rilaxx minn inġenju tal-ajru li jwettaq attività tal-avjazzjoni elenkata fl-Anness I jew minn bastimenti li jwettqu attività ta’ trasport marittimu elenkata fl-Anness I tal-gassijiet speċifikati fir-rigward ta’ dik l-attività, jew ir-rilaxx ta’ gassijiet serra li jikkorrispondu għall-attività msemmija fl-Anness III;”;
(b)il-punt (d) huwa sostitwit b’dan li ġej:
“(d) “permess għall-emissjonijiet ta’ gassijiet serra” tfisser il-permess maħruġ f’konformità mal-Artikoli 5, 6 u 30b;”;
(c)jitħassar il-punt (u);
(d)jiżdiedu l-punti (v) sa (z) li ġejjin:
“(v) “kumpanija tat-tbaħħir” tfisser is-sid tal-bastiment jew kwalunkwe organizzazzjoni jew persuna oħra, bħall-maniġer jew in-noleġġatur tal-bastimenti mingħajr ekwipaġġ, li jkunu assumew ir-responsabbiltà għall-operat tal-bastiment mingħand is-sid tal-bastiment u li, meta jassumu tali responsabbiltà, ikunu qablu li jieħdu f’idejhom id-dmirijiet u r-responsabbiltajiet kollha imposti mill-Kodiċi Internazzjonali ta’ Ġestjoni għall-Operazzjoni Sikura tal-Bastimenti u għall-Prevenzjoni tat-Tniġġis, kif stabbilit fl-Anness I tar-Regolament (KE) Nru 336/2006 tal-Parlament Ewropew u tal-Kunsill(*);
_________
(*) Ir-Regolament (KE) Nru 336/2006 tal-Parlament Ewropew u tal-Kunsill tal-15 ta’ Frar 2006 dwar l-implimentazzjoni tal-Kodiċi Internazzjonali dwar l-Amministrazzjoni tas-Sigurtà fi ħdan il-Komunità u li jħassar ir-Regolament tal-Kunsill (KE) Nru 3051/95 (ĠU L 64, 4.3.2006, p. 1).
(w) “awtorità amministrattiva fir-rigward ta’ kumpanija tat-tbaħħir” tfisser l-awtorità responsabbli għall-amministrazzjoni tal-EU ETS fir-rigward ta’ kumpanija tat-tbaħħir f’konformità mal-Artikolu 3gd;”;
(x) “entità regolata” għall-finijiet tal-Kapitolu IVa għandha tfisser kwalunkwe persuna fiżika jew ġuridika, ħlief għal kwalunkwe konsumatur finali tal-fjuwils, li tinvolvi ruħha fl-attività msemmija fl-Anness III u li taqa’ f’waħda mill-kategoriji li ġejjin:
(i)meta l-fjuwil jgħaddi minn maħżen tat-taxxa kif definit fl-Artikolu 3(11) tad-Direttiva tal-Kunsill (UE) 2020/262(*), il-magazzinier awtorizzat kif definit fl-Artikolu 3(1) ta’ dik id-Direttiva, responsabbli biex iħallas id-dazju tas-sisa li jkun sar dovut skont l-Artikolu 7 ta’ dik id-Direttiva;
(ii)jekk il-punt (i) ma jkunx applikabbli, kwalunkwe persuna oħra responsabbli biex tħallas id-dazju tas-sisa li tkun saret dovuta skont l-Artikolu 7 tad-Direttiva (UE) 2020/262 fir-rigward tal-fjuwils koperti minn dan il-Kapitolu;
(iii)jekk il-punti (i) u (ii) ma jkunux applikabbli, kwalunkwe persuna oħra li għandha tiġi rreġistrata mill-awtoritajiet kompetenti rilevanti tal-Istat Membru bl-iskop li tkun responsabbli li tħallas id-dazju tas-sisa, inkluża kwalunkwe persuna eżentata mill-ħlas tad-dazju tas-sisa, kif imsemmi fir-raba’ subparagrafu tal-Artikolu 21(5) tad-Direttiva tal-Kunsill 2003/96/KE(**);
(iv)jekk il-punti (i), (ii) u (iii) ma jkunux applikabbli, jew jekk diversi persuni jkunu responsabbli in solidum għall-ħlas tal-istess dazju tas-sisa, kwalunkwe persuna oħra maħtura minn Stat Membru.
_________
(*) Id-Direttiva tal-Kunsill (UE) 2020/262 tad-19 ta’ Diċembru 2019 li tistabbilixxi l-arranġamenti ġenerali għad-dazju tas-sisa (ĠU L 058, 27.2.2020, p. 4).
(**) Id-Direttiva tal-Kunsill 2003/96/KE tas-27 ta’ Ottubru 2003 li tirriforma l-istruttura tal-Komunità dwar tassazzjoni fuq prodotti ta’ enerġija u elettriku (ĠU L 283, 31.10.2003, p. 51).
(y) “fjuwil” għall-finijiet tal-Kapitolu IVa għandu jfisser kwalunkwe fjuwil elenkat fit-Tabella-A u fit-Tabella-C tal-Anness I tad-Direttiva 2003/96/KE, kif ukoll kwalunkwe prodott ieħor offrut għall-bejgħ bħala fjuwil tal-magni jew fjuwil tat-tisħin kif speċifikat fl-Artikolu 2(3) ta’ dik id-Direttiva;
(z) “rilaxx għall-konsum” għall-finijiet tal-Kapitolu IVa għandu jkollu l-istess tifsira bħal fl-Artikolu 6(3) tad-Direttiva (UE) 2020/262.”;
(3)it-titolu tal-Kapitolu II huwa sostitwit b’dan li ġej:
“L-AVJAZZJONI U T-TRASPORT MARITTIMU”
(4)L-Artikolu 3a huwa sostitwit b’dan li ġej:
“Artikolu 3a
Kamp ta’ applikazzjoni
L-Artikoli 3b sa 3f għandhom japplikaw għall-allokazzjoni u l-ħruġ ta’ kwoti fir-rigward tal-attivitajiet tal-avjazzjoni elenkati fl-Anness I. L-Artikoli 3g sa 3ge għandhom japplikaw fir-rigward tal-attivitajiet tat-trasport marittimu elenkati fl-Anness I.”
(5)L-Artikoli 3f u 3g jiġu sostitwiti b’dawn li ġejjin:
“Artikolu 3f
Pjanijiet ta’ monitoraġġ u rapportar
L-Istat Membru amministrattiv għandu jiżgura li kull operatur tal-inġenji tal-ajru jippreżenta lill-awtorità kompetenti f’dak l-Istat Membru pjan ta’ monitoraġġ li jistabbilixxi miżuri għall-monitoraġġ u r-rapportar tal-emmissjonijiet u tad-data f’tunnellati-kilometri għall-fini ta’ applikazzjoni skont l-Artikolu 3e u li tali pjanijiet ikunu approvati mill-awtorità kompetenti f’konformità mal-atti msemmija fl-Artikolu 14.
Artikolu 3g
Il-kamp ta’ applikazzjoni għall-attivitajiet tat-trasport marittimu
1.L-allokazzjoni tal-kwoti u l-applikazzjoni tar-rekwiżiti ta’ ċediment fir-rigward tal-attivitajiet tat-trasport marittimu għandhom japplikaw fir-rigward ta’ ħamsin fil-mija (50 %) tal-emissjonijiet minn bastimenti li jwettqu vjaġġi li jitilqu minn port taħt il-ġuriżdizzjoni ta’ Stat Membru u li jaslu f’port barra mill-ġuriżdizzjoni ta’ Stat Membru, ħamsin fil-mija (50 %) tal-emissjonijiet minn bastimenti li jwettqu vjaġġ li jitlaq minn port barra mill-ġuriżdizzjoni ta’ Stat Membru u li jasal f’port taħt il-ġuriżdizzjoni ta’ Stat Membru, mija fil-mija (100 %) tal-emissjonijiet minn bastimenti li jwettqu vjaġġi li jitilqu minn port taħt il-ġuriżdizzjoni ta’ Stat Membru u li jaslu f’port taħt il-ġuriżdizzjoni ta’ Stat Membru u mija fil-mija (100 %) tal-emissjonijiet minn vapuri rmiġġati f’port taħt il-ġuriżdizzjoni ta’ Stat Membru.
2.L-Artikoli 9, 9a u 10 għandhom japplikaw għall-attivitajiet tat-trasport marittimu bl-istess mod kif japplikaw għal attivitajiet oħrajn koperti mill-EU ETS.”
(6)jiżdiedu l-Artikoli 3ga sa 3ge li ġejjin:
“Artikolu 3ga
L-introduzzjoni gradwali tar-rekwiżiti għat-trasport marittimu
Il-kumpaniji tat-tbaħħir għandhom ikunu responsabbli biex iċedu l-kwoti skont l-iskeda li ġejja:
(a)20 % tal-emissjonijiet ivverifikati rrapportati għall-2023;
(b)45 % tal-emissjonijiet ivverifikati rrapportati għall-2024;
(c)70 % tal-emissjonijiet ivverifikati rrapportati għall-2025;
(d)100 % tal-emissjonijiet ivverifikati rrapportati għall-2026 u kull sena minn hemm ’il quddiem.
Sal-punt li jiġu ċeduti inqas kwoti meta mqabbla mal-emissjonijiet ivverifikati mit-trasport marittimu għas-snin 2023, 2024 u 2025, ladarba tkun ġiet stabbilita d-differenza bejn l-emissjonijiet ivverifikati u l-kwoti ċeduti fir-rigward ta’ kull sena, kwantità korrispondenti ta’ kwoti għandha tiġi kkanċellata minflok irkantata skont l-Artikolu 10.
Artikolu 3gb
Il-monitoraġġ u r-rapportar tal-emissjonijiet mit-trasport marittimu
Fir-rigward tal-emissjonijiet mill-attivitajiet tat-trasport marittimu elenkati fl-Anness I, l-awtorità amministrattiva għandha tiżgura li kumpanija tat-tbaħħir taħt ir-responsabbiltà tagħha timmonitorja u tirrapporta l-parametri rilevanti matul perjodu ta’ rapportar, u tippreżenta data aggregata dwar l-emissjonijiet fil-livell tal-kumpaniji lill-awtorità amministrattiva f’konformità mal-Kapitolu II tar-Regolament (UE) 2015/757 tal-Parlament Ewropew u tal-Kunsill (*).
_________
(*) Ir-Regolament (UE) 2015/757 tal-Parlament Ewropew u tal-Kunsill tad-29 ta’ April 2015 dwar il-monitoraġġ, ir-rapportar u l-verifika ta’ emissjonijiet tad-diossidu tal-karbonju mit-trasport marittimu, u li jemenda d-Direttiva 2009/16/KE (ĠU L 123, 19.5.2015, p. 55).
Artikolu 3gc
Il-verifika u l-akkreditazzjoni tal-emissjonijiet mit-trasport marittimu
L-awtorità amministrattiva fir-rigward ta’ kumpanija tat-tbaħħir għandha tiżgura li r-rapportar tad-data aggregata dwar l-emissjonijiet fil-livell tal-kumpaniji tat-tbaħħir sottomessa minn kumpanija tat-tbaħħir skont l-Artikolu 3gb jiġi vverifikat f’konformità mar-regoli ta’ verifika u akkreditazzjoni stabbiliti fil-Kapitolu III tar-Regolament (UE) 2015/757 (*).
_________
(*) Ir-Regolament (UE) 2015/757 tal-Parlament Ewropew u tal-Kunsill tad-29 ta’ April 2015 dwar il-monitoraġġ, ir-rapportar u l-verifika ta’ emissjonijiet tad-diossidu tal-karbonju mit-trasport marittimu, u li jemenda d-Direttiva 2009/16/KE (ĠU L 123, 19.5.2015, p. 55).
Artikolu 3gd
Awtorità amministrattiva fir-rigward ta’ kumpanija tat-tbaħħir
1. L-awtorità amministrattiva fir-rigward ta’ kumpanija tat-tbaħħir għandha tkun:
(a) fil-każ ta’ kumpanija tat-tbaħħir irreġistrata fi Stat Membru, l-Istat Membru li fih hija rreġistrata l-kumpanija tat-tbaħħir;
(b) fil-każ ta’ kumpanija tat-tbaħħir li ma hijiex irreġistrata fi Stat Membru, l-Istat Membru bl-akbar għadd stmat ta’ waqfiet f’port minn vjaġġi mwettqa minn dik il-kumpanija tat-tbaħħir fl-aħħar sentejn ta’ monitoraġġ u li jaqgħu fil-kamp ta’ applikazzjoni stabbilit fl-Artikolu 3g;
(c) fil-każ ta’ kumpanija tat-tbaħħir li ma hijiex irreġistrata fi Stat Membru u li ma wettqet l-ebda vjaġġ li jaqa’ fil-kamp ta’ applikazzjoni stabbilit fl-Artikolu 3g fis-sentejn ta’ monitoraġġ preċedenti, l-awtorità amministrattiva għandha tkun l-Istat Membru minn fejn il-kumpanija tat-tbaħħir tkun bdiet l-ewwel vjaġġ tagħha li jaqa’ fil-kamp ta’ applikazzjoni stabbilit fl-Artikolu 3g.
Fejn xieraq, l-awtorità amministrattiva responsabbli fir-rigward ta’ kumpanija tat-tbaħħir għandha tiġi aġġornata kull sentejn.
2. Abbażi tal-aħjar informazzjoni disponibbli, il-Kummissjoni għandha:
(a) qabel l-1 ta’ Frar 2024, tippubblika lista ta’ kumpaniji tat-tbaħħir li wettqu attività marittima elenkata fl-Anness I li kienet taqa’ fil-kamp ta’ applikazzjoni definit fl-Artikolu 3g fl-1 ta’ Jannar 2023 jew b’effett minn dik id-data, li tispeċifika l-awtorità amministrattiva għal kull kumpanija tat-tbaħħir f’konformità mal-paragrafu 1; u
(b) mill-inqas kull sentejn minn hemm ’il quddiem, taġġorna l-lista biex tattribwixxi mill-ġdid il-kumpaniji tat-tbaħħir lil awtorità amministrattiva oħra, fejn xieraq, jew biex tinkludi kumpaniji tat-tbaħħir li sussegwentement ikunu wettqu attività marittima elenkata fl-Anness I li kienet taqa’ fil-kamp ta’ applikazzjoni definit fl-Artikolu 3g.
3. Il-Kummissjoni għandha tadotta atti ta’ implimentazzjoni biex tistabbilixxi regoli dettaljati relatati mal-amministrazzjoni tal-kumpaniji tat-tbaħħir mill-awtoritajiet amministrattivi skont din id-Direttiva. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 22a(2).
Artikolu 3ge
Rapportar u rieżami
1. Il-Kummissjoni għandha tikkunsidra emendi possibbli b’rabta mal-adozzjoni mill-Organizzazzjoni Marittima Internazzjonali ta’ miżura globali bbażata fuq is-suq biex jitnaqqsu l-emissjonijiet ta’ gassijiet serra mit-trasport marittimu. Fil-każ tal-adozzjoni ta’ tali miżura, u fi kwalunkwe każ qabel l-inventarju globali tal-2028 u mhux aktar tard mit-30 ta’ Settembru 2028, il-Kummissjoni għandha tippreżenta rapport lill-Parlament Ewropew u lill-Kunsill li fih għandha teżamina kwalunkwe miżura bħal din. Fejn xieraq, il-Kummissjoni tista’ ssegwi r-rapport bi proposta leġiżlattiva lill-Parlament Ewropew u lill-Kunsill biex temenda din id-Direttiva kif xieraq.
2. Il-Kummissjoni għandha timmonitorja l-implimentazzjoni ta’ dan il-Kapitolu u x-xejriet possibbli fir-rigward tal-kumpaniji li jfittxu li jevitaw li jkunu marbuta bir-rekwiżiti ta’ din id-Direttiva. Jekk ikun xieraq, il-Kummissjoni għandha tipproponi miżuri biex tipprevjeni tali evitar.”;
(7)L-Artikolu 3h huwa sostitwit b’dan li ġej:
“Artikolu 3h
Kamp ta’ applikazzjoni
Id-dispożizzjonijiet ta’ dan il-Kapitolu għandhom japplikaw għall-permessi għall-emissjonijiet ta’ gassijiet serra u għall-allokazzjoni u l-ħruġ ta’ kwoti fir-rigward tal-attivitajiet elenkati fl-Anness I għajr l-attivitajiet tal-avjazzjoni u tat-trasport marittimu.”;
(8)fl-Artikolu 6(2), il-punt (e) huwa sostitwit b’dan li ġej:
“(e) obbligu li jiġu ċeduti kwoti ugwali għall-emissjonijiet totali tal-installazzjoni f’kull sena kalendarja, kif ivverifikati f’konformità mal-Artikolu 15, fi żmien erba’ xhur wara t-tmiem ta’ dik is-sena.”;
(9)L-Artikolu 8 huwa emendat kif ġej:
(a)jitħassru l-kliem “tal-Parlament Ewropew u tal-Kunsill(1)” u n-nota (1) f’qiegħ il-paġna;
(b)jiżdied il-paragrafu li ġej:
(c)“Il-Kummissjoni għandha tirrieżamina l-effettività tas-sinerġiji mad-Direttiva 2010/75/UE. Jenħtieġ li l-permessi ambjentali u klimatiċi rilevanti jiġu kkoordinati biex tiġi żgurata eżekuzzjoni effiċjenti u aktar mgħaġġla tal-miżuri meħtieġa għall-konformità mal-objettivi tal-UE dwar il-klima u l-enerġija. Il-Kummissjoni tista’ tippreżenta rapport lill-Parlament Ewropew u lill-Kunsill fil-kuntest ta’ kwalunkwe rieżami futur ta’ din id-Direttiva.”;
(10)fl-Artikolu 9, jiżdied il-paragrafu li ġej:
“Fi [is-sena ta’ wara d-dħul fis-seħħ ta’ din l-emenda], il-kwantità ta’ kwoti għall-Unjoni kollha għandha titnaqqas bi [-- miljun kwota (li għandhom jiġu ddeterminati skont is-sena tad-dħul fis-seħħ)]. Fl-istess sena, il-kwantità ta’ kwoti għall-Unjoni kollha għandha tiżdied b’79 miljun kwota għat-trasport marittimu. Minn [is-sena ta’ wara d-dħul fis-seħħ ta’ din l-emenda], il-fattur lineari għandu jkun ta’ 4,2 %. Il-Kummissjoni għandha tippubblika l-kwantità ta’ kwoti għall-Unjoni kollha fi żmien 3 xhur minn [id-data tad-dħul fis-seħħ tal-emenda li għandha tiddaħħal].”;
(11)L-Artikolu 10 huwa emendat kif ġej:
(a)fil-paragrafu 1, it-tielet subparagrafu huwa sostitwit b’dan li ġej:
“2 % tal-kwantità totali ta’ kwoti bejn l-2021 u l-2030 għandhom jiġu rkantati biex jiġi stabbilit fond għat-titjib tal-effiċjenza enerġetika u l-immodernizzar tas-sistemi tal-enerġija ta’ ċerti Stati Membri (“l-Istati Membri benefiċjarji”) kif stabbilit fl-Artikolu 10d (“il-Fond għall-Modernizzazzjoni”). L-Istati Membri benefiċjarji għal dan l-ammont ta’ kwoti għandhom ikunu l-Istati Membri b’PDG per capita bi prezzijiet tas-suq taħt is-60 % tal-medja tal-Unjoni fl-2013. Il-fondi li jikkorrispondu għal din il-kwantità ta’ kwoti għandhom jitqassmu f’konformità mal-Parti A tal-Anness IIb.
Barra minn hekk, 2,5 % tal-kwantità totali ta’ kwoti bejn [is-sena ta’ wara d-dħul fis-seħħ tad-Direttiva] u l-2030 għandhom jiġu rkantati għall-Fond għall-Modernizzazzjoni. L-Istati Membri benefiċjarji għal dan l-ammont ta’ kwoti għandhom ikunu l-Istati Membri b’PDG per capita bi prezzijiet tas-suq taħt il-65 % tal-medja tal-Unjoni matul il-perjodu mill-2016 sal-2018. Il-fondi li jikkorrispondu għal din il-kwantità ta’ kwoti għandhom jitqassmu f’konformità mal-Parti B tal-Anness IIb.”
(b)fil-paragrafu 3, l-ewwel u t-tieni sentenzi jiġu sostitwiti b’dawn li ġejjin:
“3. L-Istati Membri għandhom jiddeterminaw l-użu tad-dħul iġġenerat mill-irkantar tal-kwoti, ħlief għad-dħul stabbilit bħala riżorsi proprji f’konformità mal-Artikolu 311(3) tat-TFUE u mdaħħal fil-baġit tal-Unjoni. L-Istati Membri għandhom jużaw id-dħul tagħhom iġġenerat mill-irkantar tal-kwoti msemmija fil-paragrafu 2, bl-eċċezzjoni tad-dħul użat għall-kumpens tal-kostijiet indiretti tal-karbonju msemmija fl-Artikolu 10a(6), għal waħda jew aktar minn dawn li ġejjin:”;
(c)fil-paragrafu 3, il-punt (h) huwa sostitwit b’dan li ġej:
“(h) miżuri maħsuba biex itejbu l-effiċjenza enerġetika, is-sistemi tat-tisħin distrettwali u l-insulazzjoni, jew biex jipprovdu appoġġ finanzjarju sabiex jiġu indirizzati l-aspetti soċjali f’unitajiet domestiċi bi dħul baxx u medju, inkluż billi jitnaqqsu t-taxxi distortivi;”;
(d)fil-paragrafu 4, l-ewwel sentenza hija sostitwita b’dan li ġej:
“4. Il-Kummissjoni għandha s-setgħa li tadotta atti delegati f’konformità mal-Artikolu 23 biex tissupplimenta din id-Direttiva fir-rigward taż-żmien, l-amministrazzjoni u aspetti oħrajn tal-irkantar, inklużi l-modalitajiet għat-trasferiment ta’ sehem mid-dħul għall-baġit tal-Unjoni, sabiex jiġi żgurat li dan jitwettaq b’mod miftuħ, trasparenti, armonizzat u mhux diskriminatorju.”
(12)L-Artikolu 10a huwa emendat kif ġej:
(a)il-paragrafu 1 huwa emendat kif ġej:
(i)wara t-tieni subparagrafu jiddaħħlu ż-żewġ subparagrafi li ġejjin:
“Fil-każ ta’ installazzjonijiet koperti mill-obbligu li jwettqu awditjar tal-enerġija skont l-Artikolu 8(4) tad-Direttiva 2012/27/UE tal-Parlament Ewropew u tal-Kunsill(*) [referenza tal-Artikolu li għandha tiġi aġġornata bid-Direttiva riveduta], l-allokazzjoni bla ħlas għandha tingħata kompletament biss jekk jiġu implimentati r-rakkomandazzjonijiet tar-rapport tal-awditjar, sal-punt li ż-żmien tal-ħlas lura għall-investimenti rilevanti ma jaqbiżx il-ħames snin u li l-kostijiet ta’ dawk l-investimenti jkunu proporzjonati. Inkella, l-ammont ta’ allokazzjoni bla ħlas għandu jitnaqqas b’25 %. L-ammont ta’ allokazzjoni bla ħlas ma għandux jitnaqqas jekk operatur juri li jkun implimenta miżuri oħrajn li jwasslu għal tnaqqis fl-emissjonijiet ta’ gassijiet serra ekwivalenti għal dawk irrakkomandati mir-rapport tal-awditjar. Il-miżuri msemmija fl-ewwel subparagrafu għandhom jiġu aġġustati kif xieraq.
Ma għandha tingħata l-ebda allokazzjoni bla ħlas lil installazzjonijiet f’setturi jew subsetturi, sal-punt li dawn ikunu koperti minn miżuri oħrajn li jindirizzaw ir-riskju ta’ rilokazzjoni tal-emissjonijiet tal-karbonju kif stabbilit mir-Regolament (UE) .../.. [referenza għas-CBAM](**). Il-miżuri msemmija fl-ewwel subparagrafu għandhom jiġu aġġustati kif xieraq
_________
(*) Id-Direttiva 2012/27/UE tal-Parlament Ewropew u tal-Kunsill tal-25 ta’ Ottubru 2012 dwar l-effiċjenza fl-enerġija, li temenda d-Direttivi 2009/125/KE u 2010/30/UE u li tħassar id-Direttivi 2004/8/KE u 2006/32/KE (ĠU L 315, 14.11.2012, p. 1).”;
(**) [referenza sħiħa tas-CBAM]
(ii)is-sentenza li ġejja tiżdied fi tmiem it-tielet subparagrafu:
“Sabiex jiġu pprovduti aktar inċentivi għat-tnaqqis tal-emissjonijiet ta’ gassijiet serra u għat-titjib tal-effiċjenza enerġetika, il-parametri referenzjarji ex ante ddeterminati għall-Unjoni kollha għandhom jiġu rieżaminati qabel il-perjodu mill-2026 sal-2030 bil-ħsieb li potenzjalment jiġu mmodifikati d-definizzjonijiet u l-konfini tas-sistema tal-parametri referenzjarji tal-prodotti eżistenti.”;
(b)jiddaħħal il-paragrafu 1a li ġej:
“1a. Ma għandha tingħata l-ebda allokazzjoni bla ħlas b’rabta mal-produzzjoni tal-prodotti elenkati fl-Anness I tar-Regolament [dwar is-CBAM] mid-data tal-applikazzjoni tal-Mekkaniżmu ta’ Aġġustament tal-Karbonju fil-Fruntieri.
B’deroga mis-subparagrafu preċedenti, għall-ewwel snin tat-tħaddim tar-Regolament [CBAM], il-produzzjoni ta’ dawn il-prodotti għandha tibbenefika minn allokazzjoni bla ħlas f’ammonti mnaqqsa. Għandu jiġi applikat fattur li jnaqqas l-allokazzjoni bla ħlas għall-produzzjoni ta’ dawn il-prodotti (il-fattur CBAM). Il-fattur CBAM għandu jkun ugwali għal 100 % għall-perjodu matul id-dħul fis-seħħ tar-[Regolament CBAM] u l-aħħar tal-2025, 90 % fl-2026 u għandu jitnaqqas b’10 punti perċentwali kull sena biex jilħaq 0 % sal-għaxar sena.
It-tnaqqis tal-allokazzjoni bla ħlas għandu jiġi kkalkolat kull sena bħala s-sehem medju tad-domanda għall-allokazzjoni bla ħlas għall-produzzjoni tal-prodotti elenkati fl-Anness I tar-Regolament [CBAM] meta mqabbla mad-domanda totali għall-allokazzjoni bla ħlas ikkalkolata għall-installazzjonijiet kollha, għall-perjodu rilevanti msemmi fil-paragrafu 1 tal-Artikolu 11. Għandu jiġi applikat il-fattur CBAM.
Il-kwoti li jirriżultaw mit-tnaqqis tal-allokazzjoni bla ħlas għandhom ikunu disponibbli biex jappoġġaw l-innovazzjoni f’konformità mal-Artikolu 10a(8).”;
(c)il-paragrafu 2 huwa emendat kif ġej:
(i)fit-tielet subparagrafu, il-punt (c) huwa sostitwit b’dan li ġej:
“(c) Għall-perjodu mill-2026 sal-2030, il-valuri ta’ referenza għandhom jiġu ddeterminati bl-istess mod kif stabbilit fil-punti (a) u (d) abbażi tal-informazzjoni ppreżentata skont l-Artikolu 11 għas-snin 2021 u 2022 u abbażi tal-applikazzjoni tar-rata ta’ tnaqqis annwali fir-rigward ta’ kull sena bejn l-2008 u l-2028.”;
(iii)fit-tielet subparagrafu, jiżdied il-punt (d) li ġej:
“(d) Fejn ir-rata ta’ tnaqqis annwali taqbeż it-2,5 % jew tkun inqas minn 0,2 %, il-valuri ta’ referenza għall-perjodu mill-2026 sal-2030 għandhom ikunu l-valuri ta’ referenza applikabbli fil-perjodu mill-2013 sal-2020 imnaqqsa bi kwalunkwe waħda minn dawk iż-żewġ rati perċentwali li tkun rilevanti, fir-rigward ta’ kull sena bejn l-2008 u l-2028.”;
(iv)ir-raba’ subparagrafu huwa sostitwit b’dan li ġej:
“B’deroga fir-rigward tal-valuri ta’ referenza għall-aromatiċi u l-gass sintetiku, dawk il-valuri ta’ referenza għandhom jiġu aġġustati bl-istess persentaġġ bħall-parametri referenzjarji tar-raffineriji sabiex jinżammu kundizzjonijiet ekwivalenti ta’ kompetizzjoni għall-produtturi ta’ dawk il-prodotti.”;
(d)jitħassru l-paragrafi 3 u 4;
(e)fil-paragrafu 6, l-ewwel subparagrafu huwa sostitwit b’dan li ġej:
“Jenħtieġ li l-Istati Membri jadottaw miżuri finanzjarji f’konformità mat-tieni u mar-raba’ subparagrafi li jiffavorixxu setturi jew subsetturi li huma esposti għal riskju ġenwin ta’ rilokazzjoni tal-emissjonijiet tal-karbonju minħabba kostijiet indiretti sinifikanti li huma effettivament imġarrba mill-kostijiet tal-emissjonijiet ta’ gassijiet serra mgħoddija fil-prezzijiet tal-elettriku, diment li tali miżuri finanzjarji jkunu f’konformità mar-regoli dwar l-għajnuna mill-Istat u, b’mod partikolari, ma jikkawżawx distorsjonijiet bla bżonn tal-kompetizzjoni fis-suq intern. Jenħtieġ li l-miżuri finanzjarji adottati ma jikkumpensawx il-kostijiet indiretti koperti minn allokazzjoni bla ħlas f’konformità mal-parametri referenzjarji stabbiliti skont il-paragrafu 1. Meta Stat Membru jonfoq ammont ogħla mill-ekwivalenti ta’ 25 % tad-dħul mill-irkant tiegħu tas-sena li fiha jkunu ġġarrbu l-kostijiet indiretti, huwa għandu jistabbilixxi r-raġunijiet li għalihom ikun inqabeż dak l-ammont.”;
(f)fil-paragrafu 7, it-tieni subparagrafu huwa sostitwit b’dan li ġej:
“Mill-2021 ’il quddiem, il-kwoti li skont il-paragrafi 19, 20 u 22 mhumiex allokati għal installazzjonijiet għandhom jiżdiedu mal-ammont ta’ kwoti mwarrba f’konformità mal-ewwel sentenza tal-ewwel subparagrafu ta’ dan il-paragrafu.”;
(g)il-paragrafu 8 huwa sostitwit b’dan li ġej:
“8. 365 miljun kwota mill-kwantità li altrimenti tista’ tiġi allokata bla ħlas skont dan l-Artikolu, u 85 miljun kwota mill-kwantità li altrimenti tista’ tiġi rkantata skont l-Artikolu 10, kif ukoll il-kwoti li jirriżultaw mit-tnaqqis tal-allokazzjoni bla ħlas imsemmija fl-Artikolu 10a(1a), għandhom jiġu magħmula disponibbli għal Fond bl-għan li jappoġġaw l-innovazzjoni f’teknoloġiji u proċessi b’livell baxx ta’ emissjonijiet ta’ karbonju, u jikkontribwixxu għall-objettivi ta’ tniġġis żero (il-“Fond għall-Innovazzjoni”). Il-kwoti li ma jinħarġux lill-operaturi tal-inġenji tal-ajru minħabba l-għeluq tal-operaturi tal-inġenji tal-ajru u li ma humiex meħtieġa biex ikopru kwalunkwe nuqqas ta’ ċediment minn dawk l-operaturi, għandhom jintużaw ukoll għall-appoġġ għall-innovazzjoni kif imsemmi fl-ewwel subparagrafu.
Barra minn hekk, 50 miljun kwota mhux allokati mir-riżerva tal-istabbiltà tas-suq għandhom jissupplimentaw kull dħul li jifdal mit-300 miljun kwota disponibbli fil-perjodu mill-2013 sal-2020 skont id-Deċiżjoni tal-Kummissjoni 2010/670/UE(*), u għandhom jintużaw b’mod f’waqtu għall-appoġġ għall-innovazzjoni kif imsemmi fl-ewwel subparagrafu. Barra minn hekk, id-dħul assenjat estern imsemmi fl-Artikolu 21(2) tar-Regolament (UE) [FuelEU Maritime] għandu jiġi allokat lill-Fond għall-Innovazzjoni u implimentat f’konformità ma’ dan il-paragrafu.
Il-Fond għall-Innovazzjoni għandu jkopri s-setturi elenkati fl-Anness I u fl-Anness III, inkluż il-qbid u l-użu tal-karbonju (“CCU”) mingħajr ħsara għall-ambjent, li jikkontribwixxi sostanzjalment għall-mitigazzjoni tat-tibdil fil-klima, kif ukoll prodotti li jissostitwixxu lil dawk intensivi fil-karbonju prodotti fis-setturi elenkati fl-Anness I, u li jgħin biex jistimula l-kostruzzjoni u t-tħaddim ta’ proġetti mmirati lejn il-qbid u l-ħżin ġeoloġiku (“CCS”) tas-CO2 mingħajr ħsara għall-ambjent, kif ukoll ta’ enerġija rinnovabbli innovattiva u teknoloġiji tal-ħżin tal-enerġija; f’postijiet ġeografikament bilanċjati. Il-Fond għall-Innovazzjoni jista’ jappoġġa wkoll teknoloġiji u infrastruttura innovattivi rivoluzzjonarji għad-dekarbonizzazzjoni tas-settur marittimu u għall-produzzjoni ta’ fjuwils b’livell baxx u b’livell żero ta’ emissjonijiet tal-karbonju fl-avjazzjoni, fit-trasport ferrovjarju u fit-trasport bit-triq. Għandha tingħata attenzjoni speċjali lil proġetti f’setturi koperti mir-[Regolament CBAM] biex tiġi appoġġata l-innovazzjoni f’teknoloġiji b’livell baxx ta’ emissjonijiet tal-karbonju, fis-CCU, fis-CCS, fl-enerġija rinnovabbli u fil-ħżin tal-enerġija, b’mod li jikkontribwixxi għall-mitigazzjoni tat-tibdil fil-klima.
Il-proġetti fit-territorju tal-Istati Membri kollha, inklużi proġetti fuq skala żgħira, għandhom ikunu eliġibbli. It-teknoloġiji li jirċievu appoġġ għandhom ikunu innovattivi u jkunu għadhom mhux kummerċjalment vijabbli fuq skala simili mingħajr appoġġ, iżda għandhom jirrappreżentaw soluzzjonijiet rivoluzzjonarji jew ikunu maturi biżżejjed għall-applikazzjoni fuq skala prekummerċjali.
Il-Kummissjoni għandha tiżgura li l-kwoti destinati għall-Fond għall-Innovazzjoni jiġu rkantati f’konformità mal-prinċipji u l-modalitajiet stabbiliti fl-Artikolu 10(4). Ir-rikavat mill-irkant għandu jikkostitwixxi dħul assenjat estern f’konformità mal-Artikolu 21(5) tar-Regolament Finanzjarju. L-impenji baġitarji għal azzjonijiet li jestendu fuq aktar minn sena finanzjarja waħda jistgħu jiġu diżaggregati fuq diversi snin f’pagamenti akkont annwali.
Il-proġetti għandhom jintgħażlu abbażi ta’ kriterji oġġettivi u trasparenti, filwaqt li jitqies, fejn ikun rilevanti, il-punt sa fejn il-proġetti jikkontribwixxu biex jinkiseb tnaqqis tal-emissjonijiet ferm taħt il-parametri referenzjarji msemmija fil-paragrafu 2. Il-proġetti għandu jkollhom il-potenzjal għal applikazzjoni mifruxa jew li jnaqqsu b’mod sinifikanti l-kostijiet tat-tranżizzjoni lejn ekonomija b’livell baxx ta’ emissjonijiet ta’ karbonju fis-setturi kkonċernati. Proġetti li jinvolvu s-CCU għandhom iwasslu għal tnaqqis nett fl-emissjonijiet u jiżguraw l-evitar jew il-ħżin permanenti tas-CO2. Fil-każ ta’ għotjiet ipprovduti permezz ta’ sejħiet għal proposti, jistgħu jiġu appoġġati sa 60 % tal-kostijiet rilevanti tal-proġetti, li 40 % minnhom ma hemmx bżonn li jkunu dipendenti fuq l-evitar ivverifikat tal-emissjonijiet ta’ gassijiet serra, diment li jinkisbu l-istadji ewlenin iddeterminati minn qabel, filwaqt li titqies it-teknoloġija użata. Fil-każ ta’ appoġġ ipprovdut permezz ta’ offerti kompetittivi u fil-każ ta’ appoġġ għal assistenza teknika, jistgħu jiġu appoġġati sa 100 % tal-kostijiet rilevanti tal-proġetti.
Il-Kummissjoni għandha s-setgħa li tadotta atti delegati f’konformità mal-Artikolu 23 biex tissupplimenta din id-Direttiva li tikkonċerna r-regoli dwar it-tħaddim tal-Fond għall-Innovazzjoni, inklużi l-proċedura u l-kriterji tal-għażla, u s-setturi eliġibbli u r-rekwiżiti teknoloġiċi għat-tipi differenti ta’ appoġġ.
L-ebda proġett ma għandu jirċievi appoġġ permezz tal-mekkaniżmu taħt dan il-paragrafu li jaqbeż 15 % tal-għadd totali ta’ kwoti disponibbli għal dan l-iskop. Dawn il-kwoti għandhom jitqiesu taħt il-paragrafu 7.”;
_________
(*) Id-Deċiżjoni tal-Kummissjoni 2010/670/UE tat-3 ta’ Novembru 2010 li tistabbilixxi l-kriterji u l-miżuri għall-finanzjament ta’ proġetti kummerċjali ta’ dimostrazzjoni li l-għan tagħhom huwa l-qbid u l-ħżin ġeoloġiku ta’ CO 2 , f’kundizzjonijiet ta’ sigurtà għall-ambjent, kif ukoll ta’ proġetti ta’ dimostrazzjoni ta’ teknoloġiji innovattivi ta’ enerġija rinnovabbli, fl-ambitu tal-iskema għall-iskambju ta’ kwoti ta’ emissjonijiet ta’ gassijiet serra ġewwa l-Komunità, stabbilita bid-Direttiva 2003/87/KE tal-Parlament Ewropew u tal-Kunsill (ĠU L 290, 6.11.2010, p. 39).
(h)fil-paragrafu 19, l-ewwel sentenza hija sostitwita b’dan li ġej:
“19. Ma għandha tingħata l-ebda allokazzjoni bla ħlas lil installazzjoni li tkun waqfet topera.”;
(i)jiżdied il-paragrafu 22 li ġej:
“22. Fejn ikunu meħtieġa korrezzjonijiet għall-allokazzjonijiet bla ħlas mogħtija skont l-Artikolu 11(2), dawn għandhom jitwettqu bi kwoti minn, jew billi jiżdiedu kwoti ma’, l-ammont ta’ kwoti mwarrba f’konformità mal-paragrafu 7 ta’ dan l-Artikolu.”;
(13)fl-Artikolu 10c, il-paragrafu 7 huwa sostitwit b’dan li ġej:
“L-Istati Membri għandhom jesiġu li l-installazzjonijiet li jiġġeneraw l-elettriku u l-operaturi tan-network li jibbenefikaw jirrapportaw, sat-28 ta’ Frar ta’ kull sena, dwar l-implimentazzjoni tal-investimenti magħżula tagħhom, inkluż il-bilanċ tal-allokazzjoni bla ħlas u n-nefqa fuq l-investiment imġarrba u t-tipi ta’ investimenti appoġġati. L-Istati Membri għandhom jirrapportaw dwar dan lill-Kummissjoni, u l-Kummissjoni għandha tagħmel tali rapporti pubbliċi.”;
(14)L-Artikolu 10d huwa emendat kif ġej:
(a)fil-paragrafu 1, l-ewwel u t-tieni subparagrafi jiġu sostitwiti b’dawn li ġejjin:
“1. Għandu jiġi stabbilit fond biex jappoġġa l-investimenti proposti mill-Istati Membri benefiċjarji, inkluż il-finanzjament ta’ proġetti ta’ investiment fuq skala żgħira, għall-immodernizzar tas-sistemi tal-enerġija u għat-titjib tal-effiċjenza enerġetika għall-perjodu mill-2021 sal-2030 (il-“Fond għall-Modernizzazzjoni”). Il-Fond għall-Modernizzazzjoni għandu jiġi ffinanzjat permezz tal-irkant tal-kwoti kif stabbilit fl-Artikolu 10, għall-Istati Membri benefiċjarji stabbiliti fih.
L-investimenti appoġġati għandhom ikunu konsistenti mal-għanijiet ta’ din id-Direttiva, kif ukoll mal-objettivi tal-Komunikazzjoni tal-Kummissjoni tal-11 ta’ Diċembru 2019 dwar il-Patt Ekoloġiku Ewropew (*) u tar-Regolament (UE) 2021/1119 tal-Parlament Ewropew u tal-Kunsill (**) u mal-objettivi fit-tul kif espressi fil-Ftehim ta’ Pariġi. Ma għandu jiġi pprovdut l-ebda appoġġ mill-Fond għall-Modernizzazzjoni lill-faċilitajiet tal-ġenerazzjoni tal-enerġija li jużaw fjuwils fossili.”;
_________
(*) COM(2019) 640 final.
(**) Ir-Regolament (UE) 2021/1119 tal-Parlament Ewropew u tal-Kunsill tat-30 ta’ Ġunju 2021 li jistabbilixxi l-qafas biex tinkiseb in-newtralità klimatika u li jemenda r-Regolamenti (KE) Nru 401/2009 u (UE) 2018/1999 (“il-Liġi Ewropea dwar il-Klima”) (ĠU L 243, 9.7.2021, p. 1).”;
(b)il-paragrafu 2 huwa sostitwit b’dan li ġej:
“2. Mill-inqas 80 % tar-riżorsi finanzjarji mill-Fond għall-Modernizzazzjoni għandhom jintużaw biex jappoġġaw l-investimenti f’dawn li ġejjin:
(a)il-ġenerazzjoni u l-użu tal-elettriku minn sorsi rinnovabbli;
(b)it-tisħin u t-tkessiħ minn sorsi rinnovabbli;
(c)it-titjib tal-effiċjenza enerġetika min-naħa tad-domanda, inkluż fit-trasport, fil-bini, fl-agrikoltura u fl-iskart;
(d)il-ħżin tal-enerġija u l-modernizzazzjoni tan-networks tal-enerġija, inklużi pipelines tat-tisħin distrettwali, grilji għat-trażmissjoni tal-elettriku u ż-żieda fl-interkonnessjonijiet bejn l-Istati Membri;
(e)l-appoġġ ta’ unitajiet domestiċi bi dħul baxx, inkluż f’żoni rurali u remoti, biex jindirizzaw il-faqar enerġetiku u biex jimmodernizzaw is-sistemi tat-tisħin tagħhom; u
(f)tranżizzjoni ġusta f’reġjuni dipendenti fuq il-karbonju fl-Istati Membri benefiċjarji, sabiex jiġu appoġġati r-riallokazzjoni, it-taħriġ mill-ġdid u t-titjib tal-ħiliet tal-ħaddiema, l-edukazzjoni, l-inizjattivi ta’ tfittxija tal-impjiegi u n-negozji ġodda, fi djalogu mas-sħab soċjali.”;
(15)L-Artikolu 12 huwa emendat kif ġej:
(a)il-paragrafu 2 huwa sostitwit b’dan li ġej:
“2. L-Istati Membri għandhom jiżguraw li l-kwoti maħruġa minn awtorità kompetenti ta’ Stat Membru ieħor jiġu rikonoxxuti għall-fini tal-issodisfar tal-obbligi ta’ operatur, ta’ operatur tal-inġenji tal-ajru jew ta’ kumpanija tat-tbaħħir skont il-paragrafu 3”;
(b)jitħassar il-paragrafu 2a;
(c)il-paragrafu 3 huwa sostitwit b’dan li ġej:
“3. L-Istati Membri, l-Istati Membri amministrattivi u l-awtoritajiet amministrattivi fir-rigward ta’ kumpanija tat-tbaħħir għandhom jiżguraw li, sat-30 ta’ April ta’ kull sena:
(a) l-operatur ta’ kull installazzjoni jċedi għadd ta’ kwoti li huwa ugwali għall-emissjonijiet totali minn dik l-installazzjoni matul is-sena kalendarja preċedenti kif ivverifikat f’konformità mal-Artikolu 15;
(b) kull operatur tal-inġenji tal-ajru jċedi għadd ta’ kwoti li huwa ugwali għall-emissjonijiet totali tiegħu matul is-sena kalendarja preċedenti, kif ivverifikat f’konformità mal-Artikolu 15;
(c) kull kumpanija tat-tbaħħir iċċedi għadd ta’ kwoti ugwali għall-emissjonijiet totali tagħha matul is-sena kalendarja preċedenti, kif ivverifikat f’konformità mal-Artikolu 3gc.
L-Istati Membri, l-Istati Membri amministrattivi u l-awtoritajiet amministrattivi fir-rigward ta’ kumpanija tat-tbaħħir għandhom jiżguraw li l-kwoti ċeduti f’konformità mal-ewwel subparagrafu jiġu sussegwentement ikkanċellati.”;
(d)fil-paragrafu 3-a, l-ewwel sentenza hija sostitwita b’dan li ġej:
“3-a. Fejn meħtieġ, u sakemm ikun meħtieġ, sabiex tiġi mħarsa l-integrità ambjentali tal-EU ETS, l-operaturi, l-operaturi tal-inġenji tal-ajru, u l-kumpaniji tat-tbaħħir fl-EU ETS għandhom ikunu pprojbiti milli jużaw il-kwoti li jinħarġu minn Stat Membru li fir-rigward tagħhom hemm obbligi li jiskadu għall-operaturi tal-inġenji tal-ajru, għall-kumpaniji tat-tbaħħir u għal operaturi oħrajn.”;
(e)jiddaħħal il-paragrafu 3b li ġej:
“3b. Ma għandux jinħoloq obbligu ta’ ċediment tal-kwoti fir-rigward tal-emissjonijiet ta’ gassijiet serra li jitqiesu li jkunu nqabdu u ntużaw biex isiru kimikament marbuta b’mod permanenti fi prodott hekk li f’kundizzjonijiet ta’ użu normali ma jidħlux fl-atmosfera.
Il-Kummissjoni għandha tadotta atti ta’ implimentazzjoni dwar ir-rekwiżiti biex tikkunsidra li l-gassijiet serra jkunu saru kimikament marbuta b’mod permanenti fi prodott hekk li f’kundizzjonijiet ta’ użu normali ma jidħlux fl-atmosfera.
Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 22a(2).”;
(16)fl-ewwel subparagrafu tal-Artikolu 14(1), tiżdied is-sentenza li ġejja:
“Dawk l-atti ta’ implimentazzjoni għandhom japplikaw il-kriterji tas-sostenibbiltà u tal-iffrankar tal-emissjonijiet ta’ gassijiet serra għall-użu tal-bijomassa stabbiliti bid-Direttiva (UE) 2018/2001 tal-Parlament Ewropew u tal-Kunsill(*), bi kwalunkwe aġġustament meħtieġ għall-applikazzjoni skont din id-Direttiva, sabiex din il-bijomassa jkollha rata żero. Huma għandhom jispeċifikaw kif għandu jitqies il-ħżin tal-emissjonijiet minn taħlita ta’ sorsi b’rata żero u sorsi mhux b’rata żero. Huma għandhom jispeċifikaw ukoll kif għandhom jitqiesu l-emissjonijiet minn fjuwils rinnovabbli ta’ oriġini mhux bijoloġika u fjuwils tal-karbonju riċiklati, filwaqt li jiżguraw li jitqiesu dawn l-emissjonijiet u li jiġi evitat għadd doppju.”;
_________
(*) Id-Direttiva (UE) 2018/2001 tal-Parlament Ewropew u tal-Kunsill tal-11 ta’ Diċembru 2018 dwar il-promozzjoni tal-użu tal-enerġija minn sorsi rinnovabbli (ĠU L 328, 21.12.2018, p. 82).”;
(17)It-titolu tal-Kapitolu IV huwa sostitwit b’dan li ġej:
“DISPOŻIZZJONIJIET LI JAPPLIKAW GĦALL-INSTALLAZZJONIJIET TAL-AVJAZZJONI, TAT-TRASPORT MARITTIMU U DAWK STAZZJONARJI”.
(18)L-Artikolu 16 huwa emendat kif ġej:
(a)il-paragrafu 2 huwa sostitwit b’dan li ġej:
“2. L-Istati Membri għandhom jiżguraw il-pubblikazzjoni tal-ismijiet tal-operaturi, tal-operaturi tal-inġenji tal-ajru u tal-kumpaniji tat-tbaħħir li qegħdin jiksru r-rekwiżiti li jċedu biżżejjed kwoti skont din id-Direttiva.”;
(b)jiddaħħal il-paragrafu 3a li ġej:
“3a. Il-penali stabbiliti fil-paragrafu 3 għandhom japplikaw ukoll fir-rigward tal-kumpaniji tat-tbaħħir.”;
(c)jiddaħħal il-paragrafu 11a li ġej:
“11a. Fil-każ ta’ kumpanija tat-tbaħħir li tkun naqset milli tikkonforma mar-rekwiżiti ta’ ċediment għal żewġ perjodi ta’ rapportar konsekuttivi jew aktar u fejn miżuri ta’ infurzar oħrajn ikunu naqsu milli jiżguraw il-konformità, l-awtorità kompetenti tal-Istat Membru tal-port tad-dħul tista’, wara li tagħti l-opportunità lill-kumpanija tat-tbaħħir ikkonċernata biex tissottometti l-osservazzjonijiet tagħha, toħroġ ordni ta’ tkeċċija li għandha tiġi nnotifikata lill-Kummissjoni, lill-Aġenzija Ewropea għas-Sigurtà Marittima (EMSA), lill-Istati Membri l-oħrajn u lill-Istat tal-bandiera kkonċernat. Bħala riżultat tal-ħruġ ta’ tali ordni ta’ tkeċċija, kull Stat Membru, bl-eċċezzjoni tal-Istat Membru li l-bastiment ikun qed itajjar il-bandiera tiegħu, għandu jirrifjuta d-dħul tal-bastimenti taħt ir-responsabbiltà tal-kumpanija tat-tbaħħir ikkonċernata fi kwalunkwe wieħed mill-portijiet tiegħu sakemm il-kumpanija tissodisfa l-obbligi ta’ ċediment tagħha f’konformità mal-Artikolu 12. Fil-każ li l-bastiment itajjar il-bandiera ta’ Stat Membru, l-Istat Membru kkonċernat għandu, wara li jagħti l-opportunità lill-kumpanija kkonċernata biex tissottometti l-osservazzjonijiet tagħha, jordna li l-bastiment jinżamm sakemm il-kumpanija tat-tbaħħir tissodisfa l-obbligi tagħha. Dan il-paragrafu għandu jkun mingħajr preġudizzju għar-regoli marittimi internazzjonali applikabbli fil-każ ta’ bastimenti f’diffikultà.”;
(19)L-Artikolu 18b huwa sostitwit b’dan li ġej:
“Artikolu 18b
Assistenza mill-Aġenzija Ewropea għas-Sigurtà Marittima u minn organizzazzjonijiet rilevanti oħrajn
Għall-finijiet tat-twettiq tal-obbligi tagħha skont l-Artikoli 3ċ(4), 3f, 3gb, 3gċ, 3gd, 3ge u 18a, il-Kummissjoni u l-awtoritajiet amministrattivi jistgħu jitolbu l-assistenza tal-Aġenzija Ewropea għas-Sigurtà Marittima jew ta’ organizzazzjoni rilevanti oħra u jistgħu jikkonkludu, għal dak l-għan, kwalunkwe ftehim xieraq ma’ dawk l-organizzazzjonijiet.”;
(20)Fil-paragrafu 2 tal-Artikolu 30, tiżdied is-sentenza li ġejja:
“Il-miżuri applikabbli għas-setturi tas-CBAM għandhom jinżammu taħt rieżami fid-dawl tal-applikazzjoni tar-Regolament xxx [referenza għas-CBAM].”;
(21)Il-Kapitolu IVa li ġej jiddaħħal wara l-Artikolu 30:
“KAPITOLU IVa
SISTEMA TA’ SKAMBJU TA’ KWOTI TAL-EMISSJONIJIET GĦALL-BINI U GĦAT-TRASPORT BIT-TRIQ
Artikolu 30a
Kamp ta’ applikazzjoni
Id-dispożizzjonijiet ta’ dan il-Kapitolu għandhom japplikaw għall-emissjonijiet, għall-permessi għall-emissjonijiet ta’ gassijiet serra, għall-ħruġ u għaċ-ċediment ta’ kwoti, għall-monitoraġġ, għar-rapportar u għall-verifika fir-rigward tal-attività msemmija fl-Anness III. Dan il-Kapitolu ma għandu japplika għall-ebda emissjoni koperta mill-Kapitoli II, IIa u III.
Artikolu 30b
Permessi għall-emissjonijiet ta’ gassijiet serra
1.L-Istati Membri għandhom jiżguraw li, mill-1 ta’ Jannar 2025, l-ebda entità regolata ma twettaq l-attività msemmija fl-Anness III, sakemm dik l-entità regolata ma jkollhiex permess maħruġ minn awtorità kompetenti f’konformità mal-paragrafi 2 u 3.
2.Applikazzjoni lill-awtorità kompetenti mill-entità regolata skont il-paragrafu 1 għal permess għall-emissjonijiet ta’ gassijiet serra skont dan il-Kapitolu għandha tinkludi, mill-inqas, deskrizzjoni ta’:
(a)l-entità regolata;
(b)it-tip ta’ fjuwils li tirrilaxxa għall-konsum u li jintużaw għall-kombustjoni fis-setturi tal-bini u tat-trasport bit-triq kif definit fl-Anness III u l-mezzi li permezz tagħhom tirrilaxxa dawk il-fjuwils għall-konsum;
(c)l-użu/i finali tal-fjuwils rilaxxati għall-konsum għall-attività msemmija fl-Anness III;
(d)il-miżuri ppjanati għall-monitoraġġ u r-rapportar tal-emissjonijiet, f’konformità mal-atti msemmija fl-Artikoli 14 u 30f;
(e)sommarju mhux tekniku tal-informazzjoni pprovduta taħt il-punti minn (a) sa (d).
3.L-awtorità kompetenti għandha toħroġ permess għall-emissjonijiet ta’ gassijiet serra li jagħti awtorizzazzjoni lill-entità regolata msemmija fil-paragrafu 1 għall-attività msemmija fl-Anness III, jekk hija tkun sodisfatta li l-entità hija kapaċi timmonitorja u tirrapporta l-emissjonijiet li jikkorrispondu għall-kwantitajiet ta’ fjuwils rilaxxati għall-konsum skont l-Anness III.
4.Il-permessi għall-emissjonijiet ta’ gassijiet serra għandu jkun fihom, mill-inqas, dawn li ġejjin:
(f)l-isem u l-indirizz tal-entità regolata;
(g)deskrizzjoni tal-mezzi li bihom l-entità regolata tirrilaxxa l-fjuwils għall-konsum fis-setturi koperti minn dan il-Kapitolu;
(h)lista tal-fjuwils li l-entità regolata tirrilaxxa għall-konsum fis-setturi koperti minn dan il-Kapitolu;
(i)pjan ta’ monitoraġġ li jissodisfa r-rekwiżiti stabbiliti mill-atti msemmija fl-Artikolu 14;
(j)ir-rekwiżiti ta’ rapportar stabbiliti mill-atti msemmija fl-Artikolu 14;
(k)obbligu li jiġu ċeduti l-kwoti, maħruġa taħt dan il-Kapitolu, ugwali għall-emissjonijiet totali f’kull sena kalendarja, kif ivverifikati f’konformità mal-Artikolu 15, fi żmien erba’ xhur wara t-tmiem ta’ dik is-sena.
5.L-Istati Membri jistgħu jippermettu lill-entitajiet regolati jaġġornaw il-pjanijiet ta’ monitoraġġ mingħajr ma jbiddlu l-permess. L-entitajiet regolati għandhom jissottomettu kwalunkwe pjan ta’ monitoraġġ aġġornat lill-awtorità kompetenti għall-approvazzjoni.
6.L-entità regolata għandha tinforma lill-awtorità kompetenti bi kwalunkwe bidla ppjanata fin-natura tal-attività tagħha jew fil-fjuwils li tirrilaxxa għall-konsum, li jistgħu jeħtieġu aġġornament tal-permess għall-emissjonijiet ta’ gassijiet serra. Fejn xieraq, l-awtorità kompetenti għandha taġġorna l-permess f’konformità mal-atti msemmija fl-Artikolu 14. Meta jkun hemm bidla fl-identità tal-entità regolata koperta minn dan il-Kapitolu, l-awtorità kompetenti għandha taġġorna l-permess sabiex ikun jinkludi l-isem u l-indirizz tal-entità regolata l-ġdida.
Artikolu 30c
Il-kwantità totali tal-kwoti
1.
Il-kwantità ta’ kwoti maħruġa fl-Unjoni kollha skont dan il-Kapitolu kull sena mill-2026 għandha tonqos b’mod lineari mill-2024. Il-valur tal-2024 għandu jiġi definit bħala l-limiti tal-emissjonijiet tal-2024, ikkalkolati abbażi tal-emissjonijiet ta’ referenza skont l-Artikolu 4(2) tar-Regolament (UE) 2018/842 tal-Parlament Ewropew u tal-Kunsill(*) għas-setturi koperti minn dan il-Kapitolu u bl-applikazzjoni tat-trajettorja lineari għat-tnaqqis tal-emissjonijiet kollha fil-kamp ta’ applikazzjoni ta’ dak ir-Regolament. Il-kwantità għandha tonqos kull sena wara l-2024 b’fattur ta’ tnaqqis lineari ta’ 5,15 %. Sal-1 ta’ Jannar 2024, il-Kummissjoni għandha tippubblika l-kwantità ta’ kwoti għall-Unjoni kollha għas-sena 2026.
2.
Il-kwantità ta’ kwoti maħruġa fl-Unjoni kollha skont dan il-Kapitolu kull sena mill-2028 għandha tonqos b’mod lineari mill-2025 abbażi tal-emissjonijiet medji rrapportati skont dan il-Kapitolu għas-snin mill-2024 sal-2026. Il-kwantità ta’ kwoti għandha tonqos b’fattur ta’ tnaqqis lineari ta’ 5,43 %, ħlief jekk japplikaw il-kundizzjonijiet tal-punt 1 tal-Anness IIIa, f’liema każ, il-kwantità għandha tonqos b’fattur ta’ tnaqqis lineari aġġustat f’konformità mar-regoli stabbiliti fil-punt 2 tal-Anness IIIa. Sat-30 ta’ Ġunju 2027, il-Kummissjoni għandha tippubblika l-kwantità ta’ kwoti għall-Unjoni kollha għas-sena 2028 u, jekk ikun meħtieġ, il-fattur ta’ tnaqqis lineari aġġustat.
_________
(*) Ir-Regolament (UE) 2018/842 tal-Parlament Ewropew u tal-Kunsill tat-30 ta’ Mejju 2018 dwar it-tnaqqis annwali vinkolanti tal-emissjonijiet ta’ gassijiet serra mill-Istati Membri mill-2021 sal-2030 li jikkontribwixxi għall-azzjoni klimatika biex jiġu onorati l-impenji li saru fil-Ftehim ta’ Pariġi, u li jemenda r-Regolament (UE) Nru 525/2013 (ĠU L 156, 19.6.2018, p. 26).
Artikolu 30d
L-irkant ta’ kwoti għall-attività msemmija fl-Anness III
1.Mill-2026, il-kwoti koperti minn dan il-Kapitolu għandhom jiġu rkantati, sakemm ma jitqegħdux fir-Riżerva tal-Istabbiltà tas-Suq stabbilita bid-Deċiżjoni (UE) 2015/1814. Il-kwoti koperti minn dan il-Kapitolu għandhom jiġu rkantati separatament mill-kwoti koperti mill-Kapitoli II, IIa u III.
2.L-irkant tal-kwoti skont dan il-Kapitolu għandu jibda fl-2026 b’volum li jikkorrispondi għal 130 % tal-volumi tal-irkant għall-2026 stabbiliti abbażi tal-kwantità ta’ kwoti għall-Unjoni kollha għal dik is-sena u l-ishma u l-volumi tal-irkant rispettivi skont il-paragrafi 3, 5 u 6. Il-volumi addizzjonali li għandhom jiġu rkantati għandhom jintużaw biss biex jiġu ċeduti l-kwoti skont l-Artikolu 30e(2) u jitnaqqsu mill-volumi tal-irkant għall-perjodu mill-2028 sal-2030. Il-kundizzjonijiet għal dawn l-irkantijiet bikrija għandhom jiġu stabbiliti f’konformità mal-paragrafu 7 u mal-Artikolu 10(4).
Fl-2026, se jinħolqu 600 miljun kwota koperti minn dan il-Kapitolu bħala parteċipazzjonijiet fir-Riżerva tal-Istabbiltà tas-Suq skont l-Artikolu 1a(3) tad-Deċiżjoni (UE) 2015/1814.
3.Għandhom jiġu rkantati 150 miljun kwota maħruġa taħt dan il-Kapitolu u d-dħul kollu minn dawn l-irkanti għandu jiġi magħmul disponibbli għall-Fond għall-Innovazzjoni stabbilit skont l-Artikolu 10a(8). L-Artikolu 10a(8) għandu japplika għall-kwoti msemmija f’dan il-paragrafu.
4.Il-kwantità totali tal-kwoti koperti minn dan il-Kapitolu, wara li jitnaqqsu l-kwantitajiet stabbiliti fil-paragrafu 3, għandhom jiġu rkantati mill-Istati Membri u distribwiti bejniethom f’ishma li jkunu identiċi għas-sehem tal-emissjonijiet ta’ referenza skont l-Artikolu 4(2) tar-Regolament (UE) 2018/842 għas-setturi koperti minn dan il-Kapitolu għall-medja tal-perjodu mill-2016 sal-2018 tal-Istat Membru kkonċernat.
5.L-Istati Membri għandhom jiddeterminaw l-użu tad-dħul iġġenerat mill-irkant tal-kwoti msemmija fil-paragrafu 4, ħlief għad-dħul stabbilit bħala riżorsi proprji f’konformità mal-Artikolu 311(3) tat-TFUE u mdaħħal fil-baġit tal-Unjoni. L-Istati Membri għandhom jużaw id-dħul tagħhom għal waħda jew aktar mill-attivitajiet imsemmija fl-Artikolu 10(3) jew għal waħda jew aktar minn dawn li ġejjin:
(a)miżuri maħsuba biex jikkontribwixxu għad-dekarbonizzazzjoni tat-tisħin u tat-tkessiħ tal-bini jew għat-tnaqqis tal-ħtiġijiet tal-enerġija tal-bini, inkluża l-integrazzjoni ta’ enerġiji rinnovabbli u miżuri relatati skont l-Artikoli 7(11), 12 u 20 tad-Direttiva 2012/27/UE [ir-referenzi għandhom jiġu aġġornati bid-Direttiva riveduta], kif ukoll miżuri li jipprovdu appoġġ finanzjarju għal unitajiet domestiċi bi dħul baxx f’bini bl-agħar rendiment;
(b)miżuri maħsuba biex jaċċelleraw l-użu ta’ vetturi b’emissjonijiet żero jew biex jipprovdu appoġġ finanzjarju għall-introduzzjoni ta’ infrastruttura kompletament interoperabbli tar-riforniment tal-fjuwil u tal-irriċarġjar għal vetturi b’emissjonijiet żero jew miżuri maħsuba biex jinkoraġġixxu tranżizzjoni lejn forom pubbliċi tat-trasport u jtejbu l-multimodalità, jew biex jipprovdu appoġġ finanzjarju sabiex jiġu indirizzati l-aspetti soċjali li jikkonċernaw l-utenti tat-trasport bi dħul baxx u medju.
L-Istati Membri għandhom jużaw parti mid-dħul mill-irkant tagħhom iġġenerat f’konformità ma’ dan l-Artikolu biex jindirizzaw l-aspetti soċjali tal-iskambju ta’ kwoti tal-emissjonijiet skont dan il-Kapitolu b’enfasi speċifika fuq unitajiet domestiċi vulnerabbli, mikrointrapriżi vulnerabbli u utenti tat-trasport vulnerabbli kif definiti skont ir-Regolament (UE) 20…/nn [ir-Regolament dwar il-Fond Soċjali għall-Klima](*). Fejn Stat Membru jissottometti lill-Kummissjoni [Pjan Soċjali għall-Klima] skont dak ir-Regolament, l-Istat Membru għandu juża dak id-dħul, inter alia, biex jiffinanzja dak il-pjan.
L-Istati Membri għandhom jitqiesu li ssodisfaw id-dispożizzjonijiet ta’ dan il-paragrafu jekk ikollhom fis-seħħ u jimplimentaw politiki ta’ appoġġ fiskali jew finanzjarju jew politiki regolatorji, li jimmassimizzaw l-appoġġ finanzjarju, kif stabbiliti għall-finijiet stabbiliti fl-ewwel subparagrafu u li jkollhom valur ekwivalenti għad-dħul iġġenerat mill-irkant tal-kwoti kif imsemmi f’dan il-Kapitolu.
L-Istati Membri għandhom jinformaw lill-Kummissjoni dwar l-użu tad-dħul u l-azzjonijiet meħuda skont dan il-paragrafu billi jinkludu din l-informazzjoni fir-rapporti tagħhom sottomessi skont ir-Regolament (UE) 2018/1999 tal-Parlament Ewropew u tal-Kunsill (**).
6.L-Artikoli 10(4) u 10(5) għandhom japplikaw għall-kwoti maħruġa skont dan il-Kapitolu.
_________
(*) Ir-Regolament (UE) 2018/1999 tal-Parlament Ewropew u tal-Kunsill tal-11 ta’ Diċembru 2018 dwar il-Governanza tal-Unjoni tal-Enerġija u tal-Azzjoni Klimatika, li jemenda r-Regolamenti (KE) Nru 663/2009 u (KE) Nru 715/2009 tal-Parlament Ewropew u tal-Kunsill, id-Direttivi 94/22/KE, 98/70/KE, 2009/31/KE, 2009/73/KE, 2010/31/UE, 2012/27/UE u 2013/30/UE tal-Parlament Ewropew u tal-Kunsill, id-Direttivi tal-Kunsill 2009/119/KE u (UE) 2015/652 u li jħassar ir-Regolament (UE) Nru 525/2013 tal-Parlament Ewropew u tal-Kunsill (ĠU L 328, 21.12.2018, p. 1).
(**) [daħħal ir-referenza]
Artikolu 30e
It-trasferiment, iċ-ċediment u l-kanċellazzjoni tal-kwoti
1.L-Artikolu 12 għandu japplika għall-emissjonijiet, għall-entitajiet regolati u għall-kwoti koperti minn dan il-Kapitolu, bl-eċċezzjoni tal-Artikolu 12, il-paragrafi (2a), (3), (3a), il-paragrafu (4), it-tielet u r-raba’ sentenza, u l-paragrafu (5). Għal dan l-iskop:
(a)kwalunkwe referenza għal emissjonijiet għandha tinqara daqslikieku kienet referenza għall-emissjonijiet koperti minn dan il-Kapitolu;
(b)kwalunkwe referenza għal operaturi tal-installazzjonijiet għandha tinqara daqslikieku kienet referenza għall-entitajiet regolati koperti minn dan il-Kapitolu;
(c)kwalunkwe referenza għal kwoti għandha tinqara daqslikieku kienet referenza għall-kwoti koperti minn dan il-Kapitolu.
2.Mill-1 ta’ Jannar 2027, l-Istati Membri għandhom jiżguraw li, sat-30 ta’ April ta’ kull sena, l-entità regolata ċċedi għadd ta’ kwoti koperti minn dan il-Kapitolu, li huwa ugwali għall-emissjonijiet totali, li jikkorrispondu għall-kwantità ta’ fjuwils rilaxxati għall-konsum skont l-Anness III, matul is-sena kalendarja preċedenti, kif ivverifikat f’konformità mal-Artikoli 15 u 30f, u li dawk il-kwoti sussegwentement jiġu kkanċellati.
Artikolu 30f
Il-monitoraġġ, ir-rapportar, il-verifika tal-emissjonijiet u l-akkreditazzjoni
1.L-Artikoli 14 u 15 għandhom japplikaw għall-emissjonijiet, għall-entitajiet regolati u għall-kwoti koperti minn dan il-Kapitolu. Għal dan l-iskop:
(a)kwalunkwe referenza għal emissjonijiet għandha tinqara daqslikieku kienet referenza għall-emissjonijiet koperti minn dan il-Kapitolu;
(b)kwalunkwe referenza għal attività elenkata fl-Anness I għandha tinqara daqslikieku kienet referenza għall-attività msemmija fl-Anness III;
(c)kwalunkwe referenza għal operaturi għandha tinqara daqslikieku kienet referenza għall-entitajiet regolati koperti minn dan il-Kapitolu;
(d)kwalunkwe referenza għal kwoti għandha tinqara daqslikieku kienet referenza għall-kwoti koperti minn dan il-Kapitolu.
2.L-Istati Membri għandhom jiżguraw li kull entità regolata timmonitorja, għal kull sena kalendarja mill-2025, l-emissjonijiet li jikkorrispondu għall-kwantitajiet ta’ fjuwils rilaxxati għall-konsum skont l-Anness III. Huma għandhom jiżguraw ukoll li kull entità regolata tirrapporta dawn l-emissjonijiet lill-awtorità kompetenti fis-sena ta’ wara, billi tibda mill-2026, f’konformità mal-atti msemmija fl-Artikolu 14(1).
3.L-Istati Membri għandhom jiżguraw li kull entità regolata li jkollha permess f’konformità mal-Artikolu 30b fl-1 ta’ Jannar 2025 tirrapporta l-emissjonijiet storiċi tagħha għas-sena 2024 sat-30 ta’ Marzu 2025.
4.L-Istati Membri għandhom jiżguraw li l-entitajiet regolati jkunu jistgħu jidentifikaw u jiddokumentaw b’mod affidabbli u preċiż, għal kull tip ta’ fjuwil, il-volumi preċiżi ta’ fjuwils rilaxxati għall-konsum, li jintużaw għall-kombustjoni fis-setturi tal-bini u tat-trasport bit-triq, kif identifikati fl-Anness III, u l-użu finali tal-fjuwils rilaxxati għall-konsum mill-entitajiet regolati. L-Istati Membri għandhom jieħdu miżuri xierqa biex jevitaw kwalunkwe riskju ta’ għadd doppju tal-emissjonijiet koperti taħt dan il-Kapitolu u tal-emissjonijiet koperti taħt il-Kapitoli II, IIa u III. Għandhom jiġu adottati regoli dettaljati għall-evitar tal-għadd doppju f’konformità mal-Artikolu 14(1).
5.Il-prinċipji għall-monitoraġġ u r-rapportar tal-emissjonijiet koperti minn dan il-Kapitolu huma stabbiliti fil-Parti Ċ tal-Anness IV.
6.Il-kriterji għall-verifika tal-emissjonijiet koperti minn dan il-Kapitolu huma stabbiliti fil-Parti Ċ tal-Anness V.
Artikolu 30g
Amministrazzjoni
L-Artikoli 13, 15a, l-Artikolu 16(1), (2), (3), (4) u (12), l-Artikoli 17, 18, 19, 20, 21, 22, 22a, 23 u 29 għandhom japplikaw għall-emissjonijiet, għall-entitajiet regolati u għall-kwoti koperti minn dan il-Kapitolu. Għal dan l-iskop:
(a)kwalunkwe referenza għal emissjonijiet għandha tinqara daqslikieku kienet referenza għall-emissjonijiet koperti minn dan il-Kapitolu;
(b) kwalunkwe referenza għal operatur għandha tinqara daqslikieku kienet referenza għall-entitajiet regolati koperti minn dan il-Kapitolu;
(c)kwalunkwe referenza għal kwoti għandha tinqara daqslikieku kienet referenza għall-kwoti koperti minn dan il-Kapitolu.
Artikolu 30h
Miżuri fil-każ ta’ żieda eċċessiva fil-prezz
1.Fejn, għal aktar minn tliet xhur konsekuttivi, il-prezz medju tal-kwoti fl-irkantijiet imwettqa f’konformità mal-att adottat skont l-Artikolu 10(4) ikun aktar mid-doppju tal-prezz medju tal-kwota matul is-sitt xhur konsekuttivi preċedenti fl-irkantijiet għall-kwoti koperti minn dan il-Kapitolu, il-Kummissjoni għandha, bħala kwistjoni ta’ urġenza, tadotta deċiżjoni biex jiġu rilaxxati 50 miljun kwota koperti minn dan il-Kapitolu mir-Riżerva tal-Istabbiltà tas-Suq f’konformità mal-Artikolu 1a(7) tad-Deċiżjoni (UE) 2015/1814.
2.Fejn, għal aktar minn tliet xhur konsekuttivi, il-prezz medju tal-kwoti fl-irkantijiet imwettqa f’konformità mal-att adottat skont l-Artikolu 10(4) ikun aktar minn tliet darbiet il-prezz medju tal-kwota matul is-sitt xhur konsekuttivi preċedenti fl-irkantijiet għall-kwoti koperti minn dan il-Kapitolu, il-Kummissjoni għandha, bħala kwistjoni ta’ urġenza, tadotta deċiżjoni biex jiġu rilaxxati 150 miljun kwota koperti minn dan il-Kapitolu mir-Riżerva tal-Istabbiltà tas-Suq f’konformità mal-Artikolu 1a(7) tad-Deċiżjoni (UE) 2015/1814.
Artikolu 30i
Rieżami ta’ dan il-Kapitolu
Sal-1 ta’ Jannar 2028, il-Kummissjoni għandha tirrapporta lill-Parlament Ewropew u lill-Kunsill dwar l-implimentazzjoni tad-dispożizzjonijiet ta’ dan il-Kapitolu fir-rigward tal-effettività, l-amministrazzjoni u l-applikazzjoni prattika tagħhom, inkluż dwar l-applikazzjoni tar-regoli skont id-Deċiżjoni (UE) 2015/1814 u l-użu ta’ kwoti ta’ dan il-Kapitolu biex jiġu ssodisfati l-obbligi ta’ konformità tal-entitajiet ta’ konformità koperti mill-Kapitoli II, IIa u III. Fejn xieraq, il-Kummissjoni għandha takkumpanja dan ir-rapport bi proposta lill-Parlament Ewropew u lill-Kunsill biex jiġi emendat dan il-Kapitolu. Sal-31 ta’ Ottubru 2031, il-Kummissjoni jenħtieġ li tivvaluta l-fattibbiltà tal-integrazzjoni tas-setturi koperti mill-Anness III fis-Sistema għall-Iskambju ta’ Kwoti tal-Emissjonijiet li tkopri s-setturi elenkati fl-anness 1 tad-Direttiva 2003/87/KE.”;
(22)L-Annessi I, IIb, IV u V tad-Direttiva 2003/87/KE huma emendati f’konformità mal-Anness I ta’ din id-Direttiva, u l-Annessi III, IIIa u IIIb huma mdaħħlin fid-Direttiva 2003/87/KE kif stabbilit fl-Anness I ta’ din id-Direttiva.
Artikolu 2
Emendi għad-Deċiżjoni (UE) 2015/1814
Id-Deċiżjoni (UE) 2015/1814 hija emendata kif ġej:
(1)L-Artikolu 1 huwa emendat kif ġej:
(a)fil-paragrafu 4, it-tieni sentenza hija sostitwita b’dan li ġej:
“L-għadd totali ta’ kwoti fiċ-ċirkolazzjoni f’sena partikolari għandu jkun l-għadd kumulattiv ta’ kwoti maħruġa u mhux imqiegħda fir-riżerva fil-perjodu mill-1 ta’ Jannar 2008, inkluż l-għadd ta’ kwoti maħruġa f’dak il-perjodu skont l-Artikolu 13(2) tad-Direttiva 2003/87/KE, fis-seħħ sat-18 ta’ Marzu 2018, u d-drittijiet biex jintużaw il-krediti internazzjonali eżerċitati mill-installazzjonijiet taħt l-EU ETS fir-rigward tal-emissjonijiet sal-31 ta’ Diċembru ta’ dik is-sena partikolari, neqsin it-tunnellati kumulattivi tal-emissjonijiet ivverifikati mill-installazzjonijiet taħt l-EU ETS bejn l-1 ta’ Jannar 2008 u l-31 ta’ Diċembru ta’ dik l-istess sena partikolari, kwalunkwe kwota kkanċellata f’konformità mal-Artikolu 12(4) tad-Direttiva 2003/87/KE.”;
(b)jiddaħħal il-paragrafu 4a li ġej:
“4a. Minn [is-sena ta’ wara d-dħul fis-seħħ ta’ din id-Direttiva], il-kalkolu tal-għadd totali ta’ kwoti fiċ-ċirkolazzjoni għandu jinkludi l-għadd ta’ kwoti maħruġa fir-rigward tal-avjazzjoni u tat-trasport marittimu mill-bidu ta’ dik is-sena, u l-għadd ta’ kwoti ċeduti mill-operaturi tal-inġenji tal-ajru u mill-operaturi tal-bastimenti fir-rigward tal-emissjonijiet li għalihom il-kwoti huma l-unitajiet li jistgħu jintużaw fir-rigward tal-obbligi tal-EU ETS.
Il-kwoti kkanċellati skont l-Artikolu 3ga tad-Direttiva 2003/87/KE għandhom jitqiesu bħala maħruġa għall-finijiet tal-kalkolu tal-għadd totali ta’ kwoti fiċ-ċirkolazzjoni.”;
(c)il-paragrafi 5 u 5a jiġu sostitwiti b’dawn li ġejjin:
“5. Fi kwalunkwe sena partikolari, jekk l-għadd totali ta’ kwoti fiċ-ċirkolazzjoni jkun bejn 833 miljun u 1 096 miljun, għadd ta’ kwoti ugwali għad-differenza bejn l-għadd totali ta’ kwoti fiċ-ċirkolazzjoni, kif stabbilit fl-aktar pubblikazzjoni reċenti msemmija fil-paragrafu 4 ta’ dan l-Artikolu, u 833 miljun, għandhom jitnaqqsu mill-volum ta’ kwoti li għandhom jiġu rkantati mill-Istati Membri skont l-Artikolu 10(2) tad-Direttiva 2003/87/KE u għandhom jitqiegħdu fir-riżerva fuq perjodu ta’ 12-il xahar li jibda fl-1 ta’ Settembru ta’ dik is-sena. Jekk l-għadd totali ta’ kwoti fiċ-ċirkolazzjoni jkun ogħla minn 1 096 miljun kwota, l-għadd ta’ kwoti li għandhom jitnaqqsu mill-volum ta’ kwoti li għandhom jiġu rkantati mill-Istati Membri skont l-Artikolu 10(2) tad-Direttiva 2003/87/KE u li għandhom jitqiegħdu fir-riżerva fuq perjodu ta’ 12-il xahar li jibda fl-1 ta’ Settembru ta’ dik is-sena għandu jkun ugwali għal 12 % tal-għadd totali ta’ kwoti fiċ-ċirkolazzjoni. B’deroga mill-aħħar sentenza, sal-31 ta’ Diċembru 2030, il-persentaġġ għandu jiġi rduppjat.
Mingħajr preġudizzju għall-ammont totali ta’ kwoti li għandhom jitnaqqsu skont dan il-paragrafu, sal-31 ta’ Diċembru 2030, il-kwoti msemmija fil-punt (b) tal-ewwel subparagrafu tal-Artikolu 10(2) tad-Direttiva 2003/87/KE ma għandhomx jitqiesu meta jiġu ddeterminati l-ishma tal-Istati Membri li jikkontribwixxu għal dak l-ammont totali.
5a. Sakemm ma jiġix deċiż mod ieħor fl-ewwel rieżami mwettaq f’konformità mal-Artikolu 3, mill-2023, il-kwoti miżmuma fir-riżerva ’l fuq minn 400 miljun kwota ma għandhomx jibqgħu validi.”;
(2)jiddaħħal l-Artikolu 1a li ġej:
“Artikolu 1a
It-tħaddim tar-Riżerva tal-Istabbiltà tas-Suq għas-setturi tal-bini u tat-trasport bit-triq
1.Il-kwoti koperti mill-Kapitolu IVa tad-Direttiva 2003/87/KE għandhom jitqiegħdu fi u jiġu rilaxxati minn taqsima separata tar-riżerva stabbilita skont l-Artikolu 1 ta’ din id-Deċiżjoni, f’konformità mar-regoli stabbiliti f’dan l-Artikolu.
2.It-tqegħid fir-riżerva skont dan l-Artikolu għandu jopera mill-1 ta’ Settembru 2027. Il-kwoti koperti mill-Kapitolu IVa tad-Direttiva 2003/87/KE għandhom jitqiegħdu u jinżammu fir-riżerva, u jiġu rilaxxati minnha, separatament mill-kwoti koperti mill-Artikolu 1 ta’ din id-Deċiżjoni.
3.Fl-2026, it-taqsima msemmija fil-paragrafu 1 għandha tinħoloq f’konformità mat-tieni subparagrafu tal-Artikolu 30d(2) tad-Direttiva 2003/87/KE. Sal-1 ta’ Jannar 2031, il-kwoti msemmija f’dan il-paragrafu li ma jiġux rilaxxati mir-riżerva ma għandhomx jibqgħu validi.
4.Il-Kummissjoni għandha tippubblika l-għadd totali ta’ kwoti fiċ-ċirkolazzjoni koperti mill-Kapitolu IVa tad-Direttiva 2003/87/KE kull sena, sal-15 ta’ Mejju tas-sena sussegwenti, separatament mill-għadd ta’ kwoti fiċ-ċirkolazzjoni skont l-Artikolu 1(4). L-għadd totali ta’ kwoti fiċ-ċirkolazzjoni skont dan l-Artikolu f’sena partikolari għandu jkun l-għadd kumulattiv ta’ kwoti koperti mill-Kapitolu IVa tad-Direttiva 2003/87/KE maħruġa fil-perjodu mill-1 ta’ Jannar 2026, neqsin it-tunnellati kumulattivi tal-emissjonijiet ivverifikati koperti mill-Kapitolu IVa tad-Direttiva 2003/87/KE għall-perjodu bejn l-1 ta’ Jannar 2026 u l-31 ta’ Diċembru ta’ dik l-istess sena partikolari u kwalunkwe kwoti koperti mill-Kapitolu IVa tad-Direttiva 2003/87/KE kkanċellati f’konformità mal-Artikolu 12(4) tad-Direttiva 2003/87/KE. L-ewwel pubblikazzjoni għandha sseħħ sal-15 ta’ Mejju 2027.
5.Fi kwalunkwe sena partikolari, jekk l-għadd totali ta’ kwoti fiċ-ċirkolazzjoni, kif stabbilit fl-aktar pubblikazzjoni reċenti msemmija fil-paragrafu 4 ta’ dan l-Artikolu, ikun ogħla minn 440 miljun kwota, għandhom jitnaqqsu 100 miljun kwota mill-volum ta’ kwoti koperti mill-Kapitolu IVa li għandhom jiġu rkantati mill-Istati Membri skont l-Artikolu 30d tad-Direttiva 2003/87/KE u għandhom jitqiegħdu fir-riżerva fuq perjodu ta’ 12-il xahar li jibda fl-1 ta’ Settembru ta’ dik is-sena.
6.Fi kwalunkwe sena partikolari, jekk l-għadd totali ta’ kwoti fiċ-ċirkolazzjoni jkun inqas minn 210 miljuni, 100 miljun kwota koperti mill-Kapitolu IVa għandhom jiġu rilaxxati mir-riżerva u jiżdiedu mal-volum ta’ kwoti koperti mill-Kapitolu IVa li għandhom jiġu rkantati mill-Istati Membri skont l-Artikolu 30d tad-Direttiva 2003/87/KE. Meta jkun hemm inqas minn 100 miljun kwota fir-riżerva, il-kwoti kollha fir-riżerva għandhom jinħarġu skont dan il-paragrafu.
7.Il-volumi li għandhom jiġu rilaxxati mir-riżerva f’konformità mal-Artikolu 30h tad-Direttiva 2003/87/KE għandhom jiżdiedu mal-volum ta’ kwoti koperti mill-Kapitolu IVa li għandhom jiġu rkantati mill-Istati Membri skont l-Artikolu 30d tad-Direttiva 2003/87/KE fi żmien tliet xhur mid-dħul fl-applikazzjoni tal-miżura adottata skont l-Artikolu 30h tad-Direttiva 2003/87/KE.
8.L-Artikolu 1(8) u l-Artikolu 3 għandhom japplikaw għall-kwoti koperti mill-Kapitolu IVa tad-Direttiva 2003/87/KE.”.
Artikolu 3
Emendi għar-Regolament (UE) 2015/757
Ir-Regolament (UE) 2015/757 huwa emendat kif ġej:
(1)fl-Artikolu 3, jiżdiedu l-punti (q) u (r) li ġejjin:
“(q)
“awtorità amministrattiva” tfisser l-awtorità amministrattiva fir-rigward ta’ kumpanija tat-tbaħħir imsemmija fl-Artikolu 3gd tad-Direttiva 2003/87/KE tal-Parlament Ewropew u tal-Kunsill*;
(r) “data aggregata dwar l-emissjonijiet fil-livell tal-kumpaniji” tfisser is-somma ta’ emissjonijiet tas-CO2 li għandhom jiġu rrapportati minn kumpanija skont id-Direttiva 2003/87/KE, fir-rigward tal-bastimenti kollha taħt ir-responsabbiltà tagħha matul il-perjodu tar-rapportar.
*
Id-Direttiva 2003/87/KE tal-Parlament Ewropew u tal-Kunsill tat-13 ta’ Ottubru 2003 li tistabbilixxi sistema għall-iskambju ta’ kwoti ta’ emissjonijiet ta’ gassijiet serra ġewwa l-Unjoni u li temenda d-Direttiva 96/61/KE (ĠU L 275, 25.10.2003, p. 32).”;
(2)fl-Artikolu 4, jiżdied il-paragrafu 8 li ġej:
“8.
Il-kumpaniji għandhom jirrapportaw id-data aggregata dwar l-emissjonijiet fil-livell tal-kumpaniji tal-bastimenti taħt ir-responsabbiltà tagħhom matul perjodu ta’ rapportar skont l-Artikolu 11a.”;
(3)fl-Artikolu 5, il-paragrafu 2 huwa sostitwit b’dan li ġej:
“2.
Il-Kummissjoni għandha s-setgħa li tadotta atti delegati f’konformità mal-Artikolu 23 biex temenda l-metodi stabbiliti fl-Anness I u r-regoli stabbiliti fl-Anness II, sabiex jittieħdu f’kunsiderazzjoni r-reviżjonijiet tad-Direttiva 2003/87/KE, ir-regoli internazzjonali rilevanti, kif ukoll l-istandards internazzjonali u Ewropej. Il-Kummissjoni għandha wkoll is-setgħa li tadotta atti delegati f’konformità mal-Artikolu 23 biex temenda l-Annessi I u II sabiex tirfina l-elementi tal-metodi ta’ monitoraġġ stabbiliti fihom, fid-dawl tal-iżviluppi teknoloġiċi u xjentifiċi, u sabiex tiżgura t-tħaddim effettiv tal-EU ETS stabbilita skont id-Direttiva 2003/87/KE.”;
(4)L-Artikolu 6 huwa emendat kif ġej:
(a)il-paragrafu 5 huwa sostitwit b’dan li ġej:
“5. Il-kumpaniji għandhom jużaw pjanijiet ta’ monitoraġġ standardizzati bbażati fuq mudelli, u l-pjanijiet ta’ monitoraġġ għandhom jiġu sottomessi bl-użu ta’ sistemi awtomatizzati u formati ta’ skambju tad-data. Dawk il-mudelli, inklużi r-regoli tekniċi għall-applikazzjoni uniformi u t-trasferiment awtomatiku tagħhom, għandhom jiġu ddeterminati mill-Kummissjoni permezz ta’ atti ta’ implimentazzjoni. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 24(2).”;
(b)jiżdiedu l-paragrafi 6, 7 u 8 li ġejjin:
“6. Fi żmien tliet xhur minn [id-data tad-dħul fis-seħħ tad-Direttiva riveduta dwar l-ETS], il-kumpaniji għandhom jissottomettu lill-awtorità amministrattiva responsabbli pjan ta’ monitoraġġ għal kull wieħed mill-bastimenti tagħhom li jaqgħu fil-kamp ta’ applikazzjoni ta’ dan ir-Regolament, li għandu l-ewwel jiġi vvalutat bħala konformi ma’ dan ir-Regolament mill-verifikatur.
7. Minkejja l-paragrafu 6, għall-bastimenti li jaqgħu fil-kamp ta’ applikazzjoni ta’ dan ir-Regolament għall-ewwel darba wara d-dħul fis-seħħ ta’ [id-data tad-dħul fis-seħħ tad-Direttiva riveduta dwar l-ETS], il-kumpaniji għandhom jissottomettu pjan ta’ monitoraġġ f’konformità mar-rekwiżiti ta’ dan ir-Regolament lill-awtorità amministrattiva responsabbli mingħajr dewmien żejjed u mhux aktar tard minn tliet xhur wara l-ewwel waqfa ta’ kull bastiment f’port taħt il-ġuriżdizzjoni ta’ Stat Membru.
8. Fi żmien sentejn mid-dħul fis-seħħ ta’ [id-Direttiva riveduta dwar l-ETS], l-awtoritajiet amministrattivi responsabbli għandhom japprovaw il-pjanijiet ta’ monitoraġġ sottomessi mill-kumpaniji f’konformità mar-regoli stabbiliti fl-atti delegati adottati mill-Kummissjoni skont it-tieni subparagrafu. Għall-bastimenti li jaqgħu fil-kamp ta’ applikazzjoni ta’ [id-Direttiva riveduta dwar l-ETS] għall-ewwel darba wara d-dħul fis-seħħ tagħha, l-awtorità amministrattiva responsabbli għandha tapprova l-pjan ta’ monitoraġġ sottomess fi żmien erba’ xhur wara l-ewwel waqfa tal-bastiment f’port taħt il-ġuriżdizzjoni ta’ Stat Membru f’konformità mar-regoli stabbiliti fl-atti delegati adottati mill-Kummissjoni skont it-tieni subparagrafu.
Il-Kummissjoni għandha s-setgħa li tadotta atti delegati f’konformità mal-Artikolu 23 biex jissupplimentaw dan ir-Regolament fir-rigward tar-regoli għall-approvazzjoni tal-pjanijiet ta’ monitoraġġ mill-awtoritajiet amministrattivi.”;
(5)L-Artikolu 7 huwa emendat kif ġej:
(a)fil-paragrafu 4, it-tieni sentenza hija sostitwita b’dan li ġej:
“Wara l-valutazzjoni, il-verifikatur għandu jinnotifika lill-kumpanija jekk dawk il-modifiki humiex konformi. Il-kumpanija għandha tissottometti l-pjan ta’ monitoraġġ immodifikat tagħha lill-awtorità amministrattiva responsabbli ladarba tkun irċeviet notifika mill-verifikatur li l-pjan ta’ monitoraġġ huwa konformi.”;
(b)jiżdied il-paragrafu 5 li ġej:
“5.
L-awtorità amministrattiva għandha tapprova l-modifiki tal-pjan ta’ monitoraġġ skont il-paragrafu 2, il-punti (a), (b), (c), (d), f’konformità mar-regoli stabbiliti fl-atti delegati adottati mill-Kummissjoni skont it-tieni subparagrafu ta’ dan il-paragrafu.
Il-Kummissjoni għandha s-setgħa li tadotta atti delegati f’konformità mal-Artikolu 23 biex jissupplimentaw dan ir-Regolament fir-rigward tar-regoli għall-approvazzjoni ta’ bidliet fil-pjanijiet ta’ monitoraġġ mill-awtoritajiet amministrattivi.”;
(6)fl-ewwel subparagrafu tal-Artikolu 10, jiżdied il-punt (k) li ġej:
“(k) l-emissjonijiet aggregati totali ta’ CO2 li għandhom jiġu rrapportati skont id-Direttiva 2003/87/KE b’rabta mal-attivitajiet tat-trasport marittimu.”;
(7)jiddaħħal l-Artikolu 11a li ġej:
“Artikolu 11a
Ir-rapportar u s-sottomissjoni tad-data aggregata dwar l-emissjonijiet fil-livell tal-kumpaniji
1.Il-kumpaniji għandhom jiddeterminaw id-data aggregata dwar l-emissjonijiet fil-livell tal-kumpaniji matul perjodu ta’ rapportar, abbażi tad-data tar-rapport dwar l-emissjonijiet u tar-rapport imsemmi fl-Artikolu 11(2) għal kull bastiment li kien taħt ir-responsabbiltà tagħhom matul il-perjodu ta’ rapportar, f’konformità mar-regoli stabbiliti fl-atti delegati adottati skont il-paragrafu 4.
2. Mill-2024, il-kumpanija għandha tissottometti lill-awtorità amministrattiva responsabbli, sal-31 ta’ Marzu ta’ kull sena, id-data aggregata dwar l-emissjonijiet fil-livell tal-kumpaniji li tkopri l-emissjonijiet fil-perjodu ta’ rapportar li għandu jiġi rrapportat skont id-Direttiva 2003/87/KE b’rabta mal-attivitajiet tat-trasport marittimu, f’konformità mar-regoli stabbiliti fl-atti delegati adottati skont il-paragrafu 4 u li tiġi vverifikata f’konformità mal-Kapitolu III ta’ dan ir-Regolament (id-“data aggregata u vverifikata dwar l-emissjonijiet fil-livell tal-kumpaniji”).
3. L-awtorità amministrattiva tista’ titlob lill-kumpaniji jissottomettu d-data aggregata u vverifikata dwar l-emissjonijiet fil-livell tal-kumpaniji sa data aktar kmieni mill-31 ta’ Marzu, iżda mhux aktar kmieni mit-28 ta’ Frar.
4. Il-Kummissjoni għandha s-setgħa li tadotta atti delegati f’konformità mal-Artikolu 23 biex tissupplimenta dan ir-Regolament bir-regoli għall-monitoraġġ u r-rapportar tad-data aggregata fil-livell tal-kumpaniji u għas-sottomissjoni tad-data aggregata dwar l-emissjonijiet fil-livell tal-kumpaniji lill-awtorità amministrattiva.”;
(8)L-Artikolu 12 huwa emendat kif ġej:
(a)it-titolu huwa sostitwit b’dan li ġej:
“Il-format tar-rapport dwar l-emissjonijiet u r-rapportar tad-data aggregata dwar l-emissjonijiet fil-livell tal-kumpaniji”;
(b)il-paragrafu 1 huwa sostitwit b’dan li ġej:
“1. Ir-rapport dwar l-emissjonijiet u r-rapportar tad-data aggregata dwar l-emissjonijiet fil-livell tal-kumpaniji għandhom jiġu sottomessi bl-użu ta’ sistemi awtomatizzati u formati għall-iskambju tad-data, inklużi mudelli elettroniċi.”;
(9)L-Artikolu 13 huwa emendat kif ġej:
(a)il-paragrafu 2 huwa sostitwit b’dan li ġej:
“2. Il-verifikatur għandu jivvaluta l-konformità tar-rapport dwar l-emissjonijiet u tar-rapport imsemmi fl-Artikolu 11(2) mar-rekwiżiti stabbiliti fl-Artikoli minn 8 sa 12 u fl-Annessi I u II.”;
(b)jiżdiedu l-paragrafi 5 u 6 li ġejjin:
“5. Il-verifikatur għandu jivvaluta l-konformità tad-data aggregata dwar l-emissjonijiet fil-livell tal-kumpaniji mar-rekwiżiti stabbiliti fl-atti delegati adottati skont il-paragrafu 6.
Fejn il-verifikatur jikkonkludi, b’assigurazzjoni raġonevoli, li d-data aggregata dwar l-emissjonijiet fil-livell tal-kumpaniji tkun ħielsa minn dikjarazzjonijiet ħżiena materjali, il-verifikatur għandu joħroġ rapport ta’ verifika li jiddikjara li d-data aggregata dwar l-emissjonijiet fil-livell tal-kumpaniji tkun ġiet ivverifikata bħala sodisfaċenti f’konformità mar-regoli stabbiliti fl-atti delegati adottati skont il-paragrafu 6.
6. Il-Kummissjoni għandha s-setgħa li tadotta atti delegati f’konformità mal-Artikolu 23 biex tissupplimenta dan ir-Regolament bir-regoli għall-verifika tad-data aggregata dwar l-emissjonijiet fil-livell tal-kumpaniji u l-ħruġ ta’ rapport ta’ verifika.”;
(10)L-Artikolu 14 huwa emendat kif ġej:
(a)fil-paragrafu 2, il-punt (d) huwa sostitwit b’dan li ġej:
“(d) il-kalkoli li jwasslu għad-determinazzjoni tal-emissjonijiet globali tas-CO2 u tal-emissjonijiet aggregati totali tas-CO2 li għandhom jiġu rrapportati skont id-Direttiva 2003/87/KE b’rabta mal-attivitajiet tat-trasport marittimu;”;
(b)jiżdied il-paragrafu 4 li ġej:
“4. Meta jikkunsidra l-verifika tad-data aggregata dwar l-emissjonijiet fil-livell tal-kumpaniji, il-verifikatur għandu jivvaluta l-kompletezza u l-konsistenza tad-data rrapportata mal-informazzjoni pprovduta mill-kumpanija, inklużi r-rapporti vverifikati dwar l-emissjonijiet tagħha u r-rapport imsemmi fl-Artikolu 11(2).”;
(11)fl-Artikolu 15, jiżdied il-paragrafu 6 li ġej:
“6.
Fir-rigward tal-verifika tad-data aggregata dwar l-emissjonijiet fil-livell tal-kumpaniji, il-verifikatur u l-kumpanija għandhom jikkonformaw mar-regoli ta’ verifika stabbiliti fl-atti delegati adottati skont it-tieni subparagrafu. Il-verifikatur ma għandux jivverifika r-rapport dwar l-emissjonijiet u r-rapport imsemmi fl-Artikolu 11(2) ta’ kull bastiment taħt ir-responsabbiltà tal-kumpanija.
Il-Kummissjoni għandha s-setgħa li tadotta atti delegati f’konformità mal-Artikolu 23 biex tissupplimenta dan ir-Regolament bir-regoli għall-verifika tad-data aggregata dwar l-emissjonijiet fil-livell tal-kumpaniji, inklużi l-metodi ta’ verifika u l-proċedura ta’ verifika.”;
(12)fl-Artikolu 16, il-paragrafu 1 huwa sostitwit b’dan li ġej:
“1.
Il-verifikaturi li jivvalutaw il-pjanijiet ta’ monitoraġġ, ir-rapporti dwar l-emissjonijiet u d-data aggregata dwar l-emissjonijiet fil-livell tal-kumpaniji, u li joħorġu r-rapporti ta’ verifika u d-dokumenti ta’ konformità msemmija f’dan ir-Regolament għandhom ikunu akkreditati għal attivitajiet fil-kamp ta’ applikazzjoni ta’ dan ir-Regolament minn korp nazzjonali ta’ akkreditament skont ir-Regolament (KE) Nru 765/2008.”;
(13)fl-Artikolu 20, il-paragrafu 3 huwa sostitwit b’dan li ġej:
“3. Fil-każ ta’ bastimenti li jkunu naqsu milli jikkonformaw mar-rekwiżiti ta’ monitoraġġ u rapportar għal żewġ perjodi ta’ rapportar konsekuttivi jew aktar u meta miżuri ta’ infurzar oħrajn ikunu naqsu milli jiżguraw il-konformità, l-awtorità kompetenti tal-Istat Membri tal-port tad-dħul tista’, wara li tagħti l-opportunità lill-kumpanija kkonċernata biex tippreżenta l-osservazzjonijiet tagħha, toħroġ ordni ta’ tkeċċija li għandha tiġi nnotifikata lill-Kummissjoni, lill-EMSA, lill-Istati Membri l-oħrajn u lill-Istat tal-bandiera kkonċernat. Bħala riżultat tal-ħruġ ta’ tali ordni ta’ tkeċċija, kull Stat Membru, bl-eċċezzjoni tal-Istat Membru li l-bastiment ikun qed itajjar il-bandiera tiegħu, għandu jirrifjuta d-dħul tal-bastiment ikkonċernat fi kwalunkwe wieħed mill-portijiet tiegħu sakemm il-kumpanija tissodisfa l-obbligi tagħha ta’ monitoraġġ u rapportar f’konformità mal-Artikoli 11 u 18. Meta l-bastiment itajjar il-bandiera ta’ Stat Membru, l-Istat Membru kkonċernat għandu, wara li jagħti l-opportunità lill-kumpanija kkonċernata biex tippreżenta l-osservazzjonijiet tagħha, jordna li l-bastiment jinżamm sakemm il-kumpanija tissodisfa l-obbligi tagħha. It-twettiq ta’ dawk l-obbligi għandu jiġi kkonfermat bin-notifika ta’ dokument ta’ konformità validu lill-awtorità nazzjonali kompetenti li tkun ħarġet l-ordni ta’ tkeċċija. Dan il-paragrafu għandu jkun mingħajr preġudizzju għar-regoli marittimi internazzjonali applikabbli fil-każ ta’ bastimenti f’diffikultà.”;
(14)L-Artikolu 23 huwa emendat kif ġej:
(a)fil-paragrafu 2, jiżdied is-subparagrafu li ġej:
“Is-setgħa li tadotta l-atti delegati msemmija fl-Artikolu 5(2), fir-rigward tal-iżgurar tal-funzjonament tal-EU ETS, u fl-Artikoli 6(8), 7(5), 11a(4), 13(6) u 15(6), għandha tingħata lill-Kummissjoni għal perjodu ta’ żmien indeterminat mid-dħul fis-seħħ tar-[Regolament rivedut dwar l-MRV].”;
(b)fil-paragrafi 3 u 5, il-kliem “l-Artikoli 5(2), 15(5), 16(3)” huwa sostitwit bil-kliem “l-Artikoli 5(2), 6(8), 7(5), 11a(4), 13(6), 15(5), 15(6) u 16(3)”.
Artikolu 4
Traspożizzjoni
1.L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw mal-Artikoli 1 u 2 ta’ din id-Direttiva sa mhux aktar tard mill-31 ta’ Diċembru 2023. Huma għandhom minnufih jikkomunikaw lill-Kummissjoni t-test ta’ dawk id-dispożizzjonijiet.
2.Meta l-Istati Membri jadottaw dawk id-dispożizzjonijiet, dawn għandhom jinkludu referenza għal din id-Direttiva jew ikunu akkumpanjati minn tali referenza meta jiġu ppubblikati uffiċjalment. L-Istati Membri għandhom jiddeterminaw kif għandha ssir tali referenza.
3.L-Istati Membri għandhom jikkomunikaw lill-Kummissjoni t-test tad-dispożizzjonijiet prinċipali tal-liġi nazzjonali li huma jadottaw fil-qasam kopert minn din id-Direttiva.
Artikolu 5
Dispożizzjonijiet tranżitorji
1.Meta jikkonformaw mal-obbligu tagħhom stabbilit fl-Artikolu 4(1) ta’ din id-Direttiva, l-Istati Membri għandhom jiżguraw li l-leġiżlazzjoni nazzjonali tagħhom li tittrasponi l-Artikolu 3, il-punt (u), l-Artikolu 10a(3) u 10a(4), l-Artikolu 10c(7) u l-Anness I, il-punt 1, tad-Direttiva 2003/87/KE, fil-verżjoni tagħha applikabbli fi [il-jum qabel id-data tad-dħul fis-seħħ ta’ din id-Direttiva], tkompli tapplika sal-31 ta’ Diċembru 2025.
Artikolu 6
Data tal-applikazzjoni tal-Artikolu 3
L-Artikolu 3 għandu japplika minn [id-data tad-dħul fis-seħħ tad-Direttiva riveduta dwar l-ETS].
Artikolu 7
Dħul fis-seħħ
Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Artikolu 8
Destinatarji
Din id-Direttiva hija indirizzata lill-Istati Membri. Madankollu, l-Artikolu 3 għandu jorbot fl-intier tiegħu u japplika direttament fl-Istati Membri kollha.
Magħmul fi Brussell,
Għall-Parlament Ewropew
Għall-Kunsill
Il-President
Il-President
DIKJARAZZJONI FINANZJARJA LEĠIŻLATTIVA
Werrej
1.
QAFAS TAL-PROPOSTA/TAL-INIZJATTIVA
1.1.
Titolu tal-proposta/tal-inizjattiva
1.2.
Qasam/oqsma ta’ politika kkonċernat(i)
1.3.
Il-proposta/l-inizjattiva tirrigwardja:
1.4.
Objettiv(i)
1.4.1.
Objettiv(i) ġenerali
1.4.2.
Objettiv(i) speċifiku/speċifiċi
1.4.3.
Riżultat(i) u impatt(i) mistenni(ja)
1.4.4.
Indikaturi tal-prestazzjoni
1.5.
Raġunijiet għall-proposta/għall-inizjattiva
1.5.1.
Rekwiżit(i) li għandhom jiġu ssodisfati fuq terminu qasir jew twil, inkluża skeda ta’ żmien dettaljata għat-tnedija tal-implimentazzjoni tal-inizjattiva
1.5.2.
Il-valur miżjud tal-involviment tal-Unjoni (dan jista’ jirriżulta minn fatturi differenti, eż. titjib fil-koordinazzjoni, ċertezza tad-dritt, effettività akbar jew komplementarjetajiet). Għall-finijiet ta’ dan il-punt, “valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li huwa addizzjonali għall-valur li altrimenti kien jinħoloq mill-Istati Membri weħidhom
1.5.3.
Tagħlimiet meħuda minn esperjenzi simili fl-imgħoddi
1.5.4.
Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħrajn
1.5.5.
Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni
1.6.
Durata u impatt finanzjarju tal-proposta/inizjattiva
1.7.
Mod(i) ta’ ġestjoni ppjanat(i)
2.
MIŻURI TA’ ĠESTJONI
2.1.
Regoli ta’ monitoraġġ u ta’ rapportar
2.2.
Sistema/i ta’ ġestjoni u ta’ kontroll
2.2.1.
Ġustifikazzjoni tal-mod(i) ta’ ġestjoni, il-mekkaniżmu/i għall-implimentazzjoni tal-finanzjament, il-modalitajiet ta’ pagament u l-istrateġija ta’ kontroll proposta
2.2.2.
Informazzjoni dwar ir-riskji identifikati u s-sistema/i ta’ kontroll intern stabbiliti għall-mitigazzjoni tagħhom
2.2.3.
Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontroll ÷ il-valur tal-fondi relatati ġestiti”), u valutazzjoni tal-livelli mistennija tar-riskju ta’ żball (mal-ħlas u fl-għeluq)
2.3.
Miżuri għall-prevenzjoni ta’ frodi u ta’ irregolaritajiet
3.
IMPATT FINANZJARJU STMAT TAL-PROPOSTA/TAL-INIZJATTIVA
3.1.
Intestatura/i tal-qafas finanzjarju pluriennali u l-linja/i tal-baġit tan-nefqa affettwata/i
3.2.
Impatt finanzjarju stmat tal-proposta fuq l-approprjazzjonijiet
3.2.1.
Sommarju tal-impatt stmat fuq l-approprjazzjonijiet operazzjonali
3.2.2.
Output stmat iffinanzjat b’approprjazzjonijiet operazzjonali
3.2.3.
Sommarju tal-impatt stmat fuq l-approprjazzjonijiet amministrattivi
3.2.4.
Kompatibbiltà mal-qafas finanzjarju pluriennali attwali
3.2.5.
Kontributi ta’ partijiet terzi
3.3.
Impatt stmat fuq id-dħul
DIKJARAZZJONI FINANZJARJA LEĠIŻLATTIVA
QAFAS TAL-PROPOSTA/TAL-INIZJATTIVA
1.1.Titolu tal-proposta/tal-inizjattiva
Proposta għal Direttiva tal-Parlament Ewropew u tal-Kunsill li temenda d-Direttiva 2003/87/KE u d-Deċiżjoni (UE) 2015/1814 biex tissaħħaħ l-Iskema tal-UE għan-Negozjar ta’ Kwoti ta’ Emissjonijiet u biex din tiġi estiża f’konformità mal-ambizzjoni klimatika miżjuda tal-Unjoni għall-2030.
1.2.Qasam/oqsma ta’ politika kkonċernat(i)
Intestatura 3 Riżorsi naturali u Ambjent
Titolu 9 – Ambjent u Azzjoni dwar il-Klima
1.3.Il-proposta/l-inizjattiva tirrigwardja:
◻ azzjoni ġdida
◻ azzjoni ġdida wara proġett pilota/azzjoni preparatorja
✓ l-estensjoni ta’ azzjoni eżistenti
◻ fużjoni jew ridirezzjoni ta’ azzjoni waħda jew aktar lejn azzjoni oħra/ġdida
1.4.Objettiv(i)
1.4.1.Objettiv(i) ġenerali
Ir-reviżjoni tad-Direttiva dwar l-ETS b’mod proporzjonat mal-ambizzjoni klimatika tal-2030 li jintlaħaq tnaqqis nett ta’ mill-inqas 55 % fl-emissjonijiet ta’ gassijiet serra sal-2030 taħt il-livelli tal-1990 u bi trajettorja gradwali u bilanċjata lejn in-newtralità klimatika sal-2050, b’mod kosteffettiv u koerenti, filwaqt li jitqiesu l-ħtieġa għal tranżizzjoni ġusta u l-ħtieġa li s-setturi kollha jikkontribwixxu għall-isforzi klimatiċi tal-UE.
1.4.2.Objettiv(i) speċifiku/speċifiċi
Objettiv speċifiku Nru 1
It-tisħiħ tal-Iskema tal-UE għan-Negozjar ta’ Kwoti ta’ Emissjonijiet (EU ETS) fil-kamp ta’ applikazzjoni attwali tagħha sabiex tipprovdi l-kontribut xieraq għal mira ġenerali ta’ mill-inqas -55 % ta’ emissjonijiet ta’ gassijiet serra meta mqabbla mal-1990.
Objettiv speċifiku Nru 2
L-iżgurar ta’ protezzjoni effettiva kontinwa għas-setturi esposti għal riskju sinifikanti ta’ rilokazzjoni tal-emissjonijiet tal-karbonju, filwaqt li jiġi inċentivat l-użu ta’ teknoloġiji b’livell baxx ta’ emissjonijiet tal-karbonju.
Objettiv speċifiku Nru 3
L-indirizzar tal-effetti distributtivi u soċjali ta’ din it-tranżizzjoni, permezz tar-rieżami tal-użu tad-dħul mill-irkantar u tad-daqs u l-funzjonament tal-mekkaniżmi ta’ finanzjament b’livell baxx ta’ karbonju.
Objettiv speċifiku Nru 4
L-iżgurar li s-setturi l-oħrajn minbarra dawk li bħalissa huma inklużi fl-EU ETS jikkontribwixxu b’mod kosteffettiv għat-tnaqqis tal-emissjonijiet meħtieġ f’konformità mal-miri tal-UE u mal-impenji tal-Ftehim ta’ Pariġi, b’mod partikolari billi jinkludu l-emissjonijiet mit-trasport marittimu fl-EU ETS u billi jemendaw ir-Regolament (UE) 2015/757 sabiex dan isir adatt għall-iskambju ta’ kwoti tal-emissjonijiet.
Objettiv speċifiku Nru 5
L-iżgurar li s-setturi l-oħrajn minbarra dawk li bħalissa huma inklużi fl-EU ETS jikkontribwixxu b’mod kosteffettiv għat-tnaqqis tal-emissjonijiet meħtieġ f’konformità mal-miri tal-UE u mal-impenji tal-Ftehim ta’ Pariġi, anki billi jinkludu l-iskambju ta’ kwoti tal-emissjonijiet għall-bini u għat-trasport bit-triq, filwaqt li jiżguraw sinerġiji ma’ politiki komplementari oħrajn li jimmiraw għal dawk is-setturi.
Objettiv speċifiku Nru 6
Ir-rieżami tar-Riżerva tal-Istabbiltà tas-Suq (MSR) f’konformità mal-obbligu legali korrispondenti u l-eżami ta’ emendi possibbli għat-tfassil tagħha, sabiex jiġu ssodisfati l-objettivi legali fid-deċiżjoni dwar l-MSR u tiġi indirizzata kwalunkwe kwistjoni li tista’ titqajjem fil-kuntest tal-ambizzjoni miżjuda.
1.4.3.Riżultat(i) u impatt(i) mistenni(ja)
Speċifika l-effetti li l-proposta/l-inizjattiva jenħtieġ li jkollha fuq il-benefiċjarji/il-gruppi fil-mira.
Il-leġiżlazzjoni attwali dwar l-ETS ġiet riveduta fl-2018 biex twassal għal tnaqqis ta’ 43 % fl-emissjonijiet tal-EU ETS sal-2030 meta mqabbla mal-2005, koerenti ma’ mira ta’ tnaqqis tal-emissjonijiet għall-ekonomija kollha tal-UE ta’ mill-inqas 40 % sal-2030 meta mqabbla mal-1990. Jekk il-leġiżlazzjoni tibqa’ l-istess, is-setturi ekonomiċi li bħalissa huma koperti mill-ETS ma jipprovdux kontribut suffiċjenti għall-mira ġenerali riveduta tal-UE ta’ tnaqqis fl-emissjonijiet ta’ gassijiet serra ta’ mill-inqas -55 % fl-2030, meta mqabbel mal-1990.
L-inizjattiva preżenti tistabbilixxi l-qafas meħtieġ biex jinkiseb it-tnaqqis mistenni fl-emissjonijiet billi:
- l-EU ETS tiġi adatta għall-ambizzjoni klimatika miżjuda ta’ tnaqqis nett ta’ mill-inqas 55 % fl-emissjonijiet, kif stabbilit fil-Liġi Ewropea dwar il-Klima.
- jissaħħaħ il-Fond għall-Innovazzjoni bħala sforz imsaħħaħ biex jiżdiedu malajr it-teknoloġiji b’livell baxx ta’ emissjonijiet tal-karbonju fis-suq, sabiex l-UE tkun tista’ tilħaq il-mira tagħha ta’ tnaqqis tal-emissjonijiet.
- jissaħħaħ il-Fond għall-Modernizzazzjoni biex titħaffef il-modernizzazzjoni tas-sistemi tal-enerġija fi Stati Membri bi dħul aktar baxx.
- jiġi żgurat li s-settur tat-trasport marittimu jikkontribwixxi b’mod kosteffettiv għat-tnaqqis fl-emissjonijiet meħtieġ f’konformità mal-miri tal-UE u mal-impenji tal-Ftehim ta’ Pariġi, billi jkopri notevolment mill-inqas l-emissjonijiet tat-trasport marittimu ġewwa ż-ŻEE.
- jiġi żgurat il-kontribut rilevanti tas-setturi tat-trasport bit-triq u tal-bini għall-mira l-ġdida ta’ tnaqqis fl-emissjonijiet ta’ gassijiet serra.
Il-qafas jiġi rivedut b’mod li jippreserva l-integrità tal-ETS attwali u jqis il-ħtieġa li jiġu indirizzati t-tħassib distributtiv u l-faqar enerġetiku.
1.4.4.Indikaturi tal-prestazzjoni
Speċifika l-indikaturi għall-monitoraġġ tal-progress u tal-kisbiet.
Indikatur nru 1: il-livell ta’ tnaqqis tal-emissjonijiet ta’ gassijiet serra fl-UE fl-2030 (mira ta’ tnaqqis ta’ 55 % meta mqabbla mal-1990, kif stabbilit fil-Liġi Ewropea dwar il-Klima).
Indikatur nru 2: il-livell ta’ tnaqqis tal-emissjonijiet ta’ gassijiet serra għas-setturi fl-Iskema eżistenti tal-UE għan-Negozjar ta’ Kwoti ta’ Emissjonijiet (ETS) fl-2030 (mira ta’ tnaqqis ta’ 61 % meta mqabbla mal-2005)
Indikatur nru 3: il-livell ta’ tnaqqis tal-emissjonijiet ta’ gassijiet serra għas-setturi tat-trasport bit-triq u tal-bini fl-ETS il-ġdida fl-2030 (mira ta’ tnaqqis ta’ 43 % meta mqabbla mal-2005).
Il-livelli ta’ tnaqqis tal-emissjonijiet ta’ gassijiet serra fl-UE huma rrapportati skont ir-Regolament (UE) 2018/1999 u leġiżlazzjoni sekondarja oħra relatata mal-monitoraġġ u r-rapportar fl-ETS.
1.5.Raġunijiet għall-proposta/għall-inizjattiva
1.5.1.Rekwiżit(i) li għandhom jiġu ssodisfati fuq terminu qasir jew twil, inkluża skeda ta’ żmien dettaljata għat-tnedija tal-implimentazzjoni tal-inizjattiva
L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma’ din id-Direttiva u l-Kummissjoni għandha tiżviluppa l-miżuri ta’ implimentazzjoni rilevanti.
Aktar miżuri li għandhom jiġu żviluppati, li jibdew wara l-adozzjoni tad-Direttiva, se jinkludu r-reviżjoni u l-adozzjoni ta’ għadd ta’ atti leġiżlattivi sekondarji. B’mod partikolari, dan se jikkonċerna l-leġiżlazzjoni sekondarja li tistabbilixxi regoli dettaljati dwar l-irkantar; ir-Reġistru tal-Unjoni; il-monitoraġġ u r-rapportar tal-emissjonijiet u l-verifika tar-rapporti dwar l-emissjonijiet u l-akkreditazzjoni tal-verifikaturi; u l-allokazzjoni bla ħlas. L-implimentazzjoni se tirrikjedi wkoll li jiġu elaborati l-iżviluppi tal-IT fir-Reġistru tal-Unjoni biex jiġu ttrattati tipi ġodda ta’ kwoti u operaturi ġodda u titnieda proċedura ġdida ta’ akkwist għall-pjattaforma komuni tal-irkant. L-iżvilupp tal-IT u l-għażliet tal-akkwist se jitwettqu skont il-Komunikazzjoni dwar il-linji gwida dwar il-finanzjament tat-teknoloġija tal-informazzjoni u taċ-ċibersigurtà, tal-10 ta’ Settembru 2020.
1.5.2.Il-valur miżjud tal-involviment tal-Unjoni (dan jista’ jirriżulta minn fatturi differenti, eż. titjib fil-koordinazzjoni, ċertezza tad-dritt, effettività akbar jew komplementarjetajiet). Għall-finijiet ta’ dan il-punt, “valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li huwa addizzjonali għall-valur li nkella kien jinħoloq mill-Istati Membri weħidhom.
It-tibdil fil-klima huwa problema transkonfinali u l-azzjoni tal-UE tista’ tikkomplementa u ssaħħaħ b’mod effettiv l-azzjoni lokali, nazzjonali u reġjonali. Iż-żieda tal-mira tal-2030 għat-tnaqqis tal-gassijiet serra tal-UE se jkollha impatt fuq ħafna setturi fl-ekonomija kollha tal-UE u, għalhekk, azzjoni kkoordinata fil-livell tal-UE hija indispensabbli u għandha ċans ħafna akbar li twassal għat-trasformazzjoni meħtieġa, filwaqt li taġixxi bħala xprunatur b’saħħtu għal bidla kosteffiċjenti u għal konverġenza ’l fuq. Barra minn hekk, ħafna mill-elementi ta’ din il-proposta għandhom dimensjoni importanti tas-suq intern, b’mod partikolari l-għażliet relatati mal-protezzjoni tar-rilokazzjoni tal-emissjonijiet tal-karbonju u l-mekkaniżmi ta’ finanzjament għal emissjonijiet baxxi tal-karbonju.
Bħala suq tal-karbonju, l-EU ETS tinċentiva t-tnaqqis tal-emissjonijiet li għandu jsir mill-aktar soluzzjonijiet kosteffiċjenti l-ewwel fl-attivitajiet li tkopri, filwaqt li tikseb effiċjenza akbar bis-saħħa tal-iskala tagħha. L-implimentazzjoni ta’ miżura simili fil-livell nazzjonali tirriżulta fi swieq tal-karbonju iżgħar u frammentati, filwaqt li toħloq ir-riskju ta’ distorsjonijiet tal-kompetizzjoni u x’aktarx twassal għal kostijiet globali ogħla ta’ tnaqqis tal-emissjonijiet. L-istess loġika tapplika għall-estensjoni tal-ipprezzar tal-karbonju għal setturi ġodda.
Id-dimensjoni transfruntiera tas-settur tat-trasport marittimu titlob azzjoni kkoordinata fil-livell Ewropew. L-azzjoni tal-UE tista’ wkoll tispira u twitti t-triq għall-iżvilupp ta’ azzjoni globali, eż. fir-rigward tat-trasport marittimu fi ħdan l-Organizzazzjoni Marittima Internazzjonali.
1.5.3.Tagħlimiet meħuda minn esperjenzi simili fl-imgħoddi
Id-Direttiva dwar l-ETS hija strument ta’ politika tal-UE eżistenti adottat fl-2003. Il-Kummissjoni kisbet esperjenza siewja matul aktar minn 15-il sena kemm ilha topera l-EU ETS.
Din il-proposta tibni fuq l-esperjenza miġbura fir-reviżjonijiet u l-inizjattivi preċedenti tal-EU ETS, inkluża l-aktar reviżjoni reċenti konkluża fl-2018, il-Komunikazzjoni dwar it-tisħiħ tal-ambizzjoni klimatika tal-Ewropa għall-2030, l-Istrateġija fit-Tul għal ekonomija għanja, moderna, kompetittiva u newtrali għall-klima u inizjattivi rilevanti oħrajn tal-Patt Ekoloġiku Ewropew. L-inizjattiva tibni wkoll fuq il-proċess ibbażat fuq pjanijiet nazzjonali integrati dwar l-enerġija u l-klima u l-qafas li jinsab fir-Regolament dwar il-Governanza.
1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħrajn
In-nefqa operazzjonali relatata tista’ tiġi koperta minn approprjazzjonijiet taħt il-programm LIFE kif miftiehem taħt il-QFP attwali.
Din il-proposta hija parti mill-pakkett dwar il-klima u l-enerġija “Lesti għall-mira ta’ 55 %”. L-objettiv ġenerali tal-pakkett huwa li l-leġiżlazzjoni tal-Unjoni tiġi allinjata mal-ambizzjoni klimatika miżjuda tal-UE. L-inizjattivi kollha fil-pakkett huma interkonnessi mill-qrib, u kull waħda tiddependi mit-tfassil tal-oħrajn. Din il-proposta leġiżlattiva hija komplementari għall-proposti magħmula fil-pakkett u żżomm il-konsistenza magħhom.
Il-konsistenza ma’ politiki oħrajn tal-Unjoni tiġi żgurata wkoll permezz tal-koerenza tal-valutazzjonijiet tal-impatt għall-EU ETS ma’ dawk għall-bqija tal-qafas tal-klima, l-enerġija u t-trasport għall-2030, bħall-komplementarjetà tal-estensjoni tal-iskambju ta’ kwoti tal-emissjonijiet mad-Direttiva dwar l-Effiċjenza fl-Użu tal-Enerġija, u ma’ miżuri oħrajn ippreżentati bħala parti mill-ġabra ta’ miżuri maħsuba biex jindirizzaw l-emissjonijiet ta’ gassijiet serra mit-trasport marittimu. Jintużaw linja bażi komuni u xenarji ta’ politika ewlenin komuni ma’ inizjattivi oħrajn tal-pakkett. Dawn ix-xenarji jqisu l-azzjonijiet u l-politiki rilevanti kollha tal-UE.
Il-kostijiet amministrattivi addizzjonali jistgħu jkunu limitati bl-użu, fejn possibbli, tal-istrutturi eżistenti użati għad-Direttiva li tistabbilixxi l-arranġamenti ġenerali għad-dazju tas-sisa u d-Direttiva dwar it-Tassazzjoni fuq l-Enerġija. Min-naħa tiegħu, l-iffrankar addizzjonali tal-enerġija jissaħħaħ bl-ETS il-ġdida, bir-rabta potenzjali tagħha mal-iffrankar tal-enerġija skont l-Artikolu 7 tad-Direttiva dwar l-Effiċjenza Enerġetika.
1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni
- Id-durata u l-impatt finanzjarju tal-proposta/inizjattiva
◻ durata limitata
◻
fis-seħħ minn [JJ/XX]SSSS sa [JJ/XX]SSSS
◻
Impatt finanzjarju minn SSSS sa SSSS għall-approprjazzjonijiet ta’ impenn u minn SSSS sa SSSS għall-approprjazzjonijiet ta’ pagament.
✓ durata mhux limitata
·Implimentazzjoni b’perjodu tal-bidu mill-2023 sal-2024,
·segwita b’operazzjoni fuq skala sħiħa.
1.6.Mod(i) ta’ ġestjoni ppjanat(i)
✓ Ġestjoni diretta mill-Kummissjoni
✓ mid-dipartimenti tagħha, inkluż mill-persunal tagħha fid-delegazzjonijiet tal-Unjoni;
✓
mill-aġenziji eżekuttivi
◻ Ġestjoni kondiviża mal-Istati Membri
✓ Ġestjoni indiretta billi l-kompiti tal-implimentazzjoni tal-baġit jiġu fdati lil:
◻ pajjiżi terzi jew il-korpi li ħatru;
◻ organizzazzjonijiet internazzjonali u l-aġenziji tagħhom (li għandhom jiġu speċifikati);
✓ il-BEI u l-Fond Ewropew tal-Investiment;
◻ il-korpi msemmija fl-Artikoli 70 u 71 tar-Regolament Finanzjarju;
◻ korpi ta’ dritt pubbliku;
◻ korpi regolati mid-dritt privat b’missjoni ta’ servizz pubbliku, sal-punt li jipprovdu garanziji finanzjarji adegwati;
◻ korpi regolati mid-dritt privat ta’ Stat Membru li huma fdati bl-implimentazzjoni ta’ sħubija pubblika-privata u li jipprovdu garanziji finanzjarji adegwati;
◻ persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.
Jekk jiġi indikat iżjed minn mod ta’ ġestjoni wieħed, jekk jogħġbok ipprovdi d-dettalji fit-taqsima "Kummenti".
Kummenti
Il-ġestjoni tal-kwoti tal-EU ETS issir permezz ta’ leġiżlazzjoni li għaliha huma responsabbli d-dipartimenti tal-Kummissjoni.
Il-Fond għall-Innovazzjoni huwa fil-biċċa l-kbira tiegħu implimentat mill-Aġenzija Eżekuttiva Ewropea għall-Klima, għall-Infrastruttura u għall-Ambjent (CINEA).
Il-Fond għall-Modernizzazzjoni jopera taħt ir-responsabbiltà tal-Istati Membri benefiċjarji, li jaħdmu f’kooperazzjoni mill-qrib mal-Bank Ewropew tal-Investiment (BEI), mal-Kumitat tal-Investiment stabbilit għall-fond u mal-Kummissjoni Ewropea.
2.MIŻURI TA’ ĠESTJONI
2.1.Regoli ta’ monitoraġġ u ta’ rapportar
Speċifika l-frekwenza u l-kundizzjonijiet.
Il-Kummissjoni se tkompli timmonitorja u tevalwa l-funzjonament tal-ETS fir-Rapport annwali tagħha dwar is-Suq tal-Karbonju, kif previst fl-Artikolu 10(5) tad-Direttiva dwar l-ETS. Dan ikopri wkoll l-impatti tar-reviżjoni attwali tal-ETS. Ir-Rapport annwali tal-Kummissjoni dwar is-Suq tal-Karbonju u r-rapport annwali tal-Istati Membri għandhom japplikaw ukoll għas-setturi li għalihom jiġi estiż l-iskambju ta’ kwoti tal-emissjonijiet. Id-data tal-MRV miksuba permezz tar-regolamentazzjoni tas-setturi l-ġodda se tkun sors ewlieni ta’ informazzjoni għall-Kummissjoni biex tevalwa l-progress fis-setturi kkonċernati.
Barra minn hekk, l-evalwazzjoni tal-progress fuq l-applikazzjoni tad-Direttiva dwar l-ETS hija regolata fl-Artikolu 21 attwali, li jesiġi li l-Istati Membri jippreżentaw lill-Kummissjoni rapport annwali li jagħti attenzjoni partikolari lil kwistjonijiet li jinkludu l-allokazzjoni tal-kwoti, it-tħaddim tar-Reġistru, l-applikazzjoni tal-monitoraġġ u r-rapportar, il-verifika u l-akkreditazzjoni u kwistjonijiet relatati mal-konformità.
Fl-aħħar nett, il-Kummissjoni twettaq regolarment studji dwar diversi aspetti pertinenti tal-politika tal-UE dwar il-klima.
2.2.Sistema/i ta’ ġestjoni u ta’ kontroll
2.2.1.Ġustifikazzjoni tal-mod(i) ta’ ġestjoni, il-mekkaniżmu/i għall-implimentazzjoni tal-finanzjament, il-modalitajiet ta’ pagament u l-istrateġija ta’ kontroll proposta
Mhux applikabbli - Il-proposta ma hijiex qed timplimenta programm finanzjarju ġdid, iżda qed tfassal politika fit-tul. Il-mod ta’ ġestjoni, il-mekkaniżmi għall-implimentazzjoni tal-finanzjament, il-modalitajiet ta’ pagament u l-istrateġija ta’ kontroll b’rabta mar-rati ta’ żball ma humiex applikabbli. L-implimentazzjoni ta’ din il-proposta se teħtieġ ir-riallokazzjoni tar-riżorsi umani fi ħdan il-Kummissjoni. Hemm fis-seħħ proċeduri xierqa.
2.2.2.Informazzjoni dwar ir-riskji identifikati u s-sistema/i ta’ kontroll intern stabbiliti għall-mitigazzjoni tagħhom
L-EU ETS hija l-mekkaniżmu ta’ politika ewlieni biex jinkiseb it-tnaqqis fl-emissjonijiet tal-UE minn madwar nofs l-ekonomija. Mill-2013, il-Kummissjoni għandha l-kompitu li tipprovdi Reġistru tal-Unjoni, bażi tad-data online li tipprovdi kontabbiltà preċiża għat-tranżazzjonijiet kollha tal-kwoti, pjattaforma komuni tal-irkant għall-irkantar tal-kwoti tal-Istati Membri u l-infrastruttura ta’ appoġġ rilevanti għat-tnejn. Ir-Reġistru tal-Unjoni li fih jinżammu l-kwoti taħt l-EU ETS huwa mhedded minn riskju ta’ attakki ċibernetiċi frodulenti li jistgħu jirriżultaw f’serq jew miżapproprjazzjoni tal-kwoti li jwasslu għal telf finanzjarju sinifikanti (sa diversi biljuni ta’ euro), litigazzjoni legali u impatt konsiderevoli fuq ir-reputazzjoni u l-kredibbiltà tal-Kummissjoni. Ir-riskju huwa trażversali u, flimkien mad-DĠ CLIMA, jinvolvi d-DĠ DIGIT, l-HR-DS, il-BUDG u l-LS. Iddaħħlu fis-seħħ miżuri ta’ mitigazzjoni. Ir-riskju finanzjarju jiżdied f’konformità maż-żidiet fil-valur tas-suq tal-karbonju. Id-distribuzzjoni ta’ kwoti bla ħlas f’valur totali għoli ħafna tirrikjedi wkoll politiki stretti dwar kif jistgħu jiġu distribwiti dawn il-kwoti, u l-assigurazzjoni tar-rispett tar-regoli fis-seħħ. Din tinvolvi sistema ta’ ġestjoni u kontroll fil-livell tal-Istati Membri u fil-livell tal-Kummissjoni. Fl-aħħar nett, iż-żieda tas-setturi l-ġodda mal-ETS se żżid il-kopertura ġenerali tas-sistema u, b’mod korrispondenti, il-valur tas-suq u r-riskju assoċjat.
Kumitat ta’ Tmexxija ta’ Livell Għoli li jinvolvi d-DĠ ewlieni u d-DĠ assoċjati ilu fis-seħħ mill-2011. Fl-2014 saret valutazzjoni tar-riskju komprensiva li identifikat il-miżuri l-ġodda ta’ sigurtà tal-IT meħuda mill-2015. Bħala riżultat tar-rakkomandazzjonijiet imressqa mill-IAS fir-rapport tal-awditjar tiegħu dwar ir-Reġistru tal-EU ETS (sigurtà tal-IT), ġew implimentati miżuri biex tkompli tittejjeb is-sigurtà tas-sistema tar-reġistru, kif ukoll miżuri dwar il-governanza, l-assigurazzjoni tal-kwalità u l-ittestjar. Mill-2014 bdew jiġu implimentati azzjonijiet ta’ mitigazzjoni addizzjonali.
Fl-2019 twettqet valutazzjoni tar-riskju ġdida għar-Reġistru tal-Unjoni. Id-DĠ CLIMA abbozza pjan ta’ sigurtà ġdid li fih tnax-il miżura ta’ sigurtà li għandhom jiġu implimentati fi żmien sentejn f’kollaborazzjoni mill-qrib mad-DIGIT.
L-implimentazzjoni tiġi mmonitorjata fil-livell tal-Maniġment Superjuri b’Kumitati ta’ Tmexxija regolari bejn id-DĠ CLIMA u d-DIGIT.
2.2.3.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontroll ÷ il-valur tal-fondi relatati ġestiti”), u valutazzjoni tal-livelli mistennija tar-riskju ta’ żball (mal-ħlas u fl-għeluq)
Din l-inizjattiva ma toħloqx kontrolli/riskji sinifikanti ġodda li ma jkunux koperti minn qafas ta’ kontroll intern eżistenti. Ma ġiet prevista l-ebda miżura speċifika lil hinn mill-applikazzjoni tar-Regolament Finanzjarju.
2.3.Miżuri għall-prevenzjoni ta’ frodi u ta’ irregolaritajiet
Speċifika l-miżuri ta’ prevenzjoni u ta’ protezzjoni eżistenti jew previsti, eż. mill-Istrateġija ta’ Kontra l-Frodi.
B’reazzjoni għar-riskji speċifiċi ta’ frodi għall-EU ETS, id-DĠ CLIMA saħħaħ il-linji gwida għall-Kummissjoni kollha rigward l-etika u l-integrità professjonali permezz ta’ “Kodiċi ta’ Etika u Kondotta ddedikat b’rabta mal-abbuż minn informazzjoni privileġġata, il-frodi u d-divulgazzjoni ta’ informazzjoni sensittiva”, taħriġ speċifiku u inizjattivi ta’ sensibilizzazzjoni. Huwa żviluppa wkoll il-Politika dwar il-Klassifikazzjoni ta’ Informazzjoni Sensittiva tal-EU ETS u l-istruzzjonijiet ta’ mmaniġġjar relatati bi 3 livelli ta’ sensittività. It-tliet marki tal-ETS relatati huma approvati mid-DĠ HR-DS (kif imsemmi fl-Avviż tas-Sigurtà 1 fir-reviżjoni 10 tiegħu). Fl-2019, id-DĠ HR-DS ippubblika l-avviż tas-sigurtà C(2019) 1904 li jaġġorna l-politika dwar informazzjoni Sensittiva Mhux Ikklassifikata (‘Sensitive Non-Classified’ - SNC). Id-DĠ CLIMA, f’allinjament ma’ din il-politika l-ġdida, ippubblika struzzjonijiet ġodda dwar l-immaniġġjar għall-informazzjoni SNC tad-DĠ CLIMA. Jiġu organizzati sessjonijiet ta’ taħriġ xierqa għall-parteċipanti ġodda fuq bażi regolari.
3.IMPATT FINANZJARJU STMAT TAL-PROPOSTA/TAL-INIZJATTIVA
3.1.Intestatura/i tal-qafas finanzjarju pluriennali u l-linja/i tal-baġit tan-nefqa affettwata/i
(2)Linji baġitarji eżistenti
Fl-ordni tal-intestaturi tal-qafas finanzjarju pluriennali u l-linji baġitarji.
Intestatura tal-qafas finanzjarju pluriennali
|
Linja baġitarja
|
Tip ta’
|
Kontribut
|
|
Numru
|
Diff./Mhux diff.[1]
|
minn pajjiżi tal-EFTA[2]
|
minn pajjiżi kandidati[3]
|
minn pajjiżi terzi
|
skont it-tifsira tal-Artikolu 21(2)(b) tar-Regolament Finanzjarju
|
3
|
09 01 01 01
|
Mhux diff.
|
IVA
|
LE
|
LE
|
LE
|
3
|
09 02 03
|
Diff.
|
IVA
|
LE
|
LE
|
LE
|
7
|
20 01 02 01
|
Mhux diff.
|
LE
|
LE
|
LE
|
LE
|
7
|
20 02 06 01
|
Mhux diff.
|
LE
|
LE
|
LE
|
LE
|
7
|
20 02 06 02
|
Mhux diff.
|
LE
|
LE
|
LE
|
LE
|
7
|
20 02 06 03
|
Mhux diff.
|
LE
|
LE
|
LE
|
LE
|
(3)Linji tal-baġit ġodda mitluba: Mhux applikabbli.
3.2.Impatt finanzjarju stmat tal-proposta fuq l-approprjazzjonijiet
3.2.1.Sommarju tal-impatt stmat fuq l-approprjazzjonijiet operazzjonali
·◻
Il-proposta/l-inizjattiva ma teħtieġx l-użu ta’ approprjazzjonijiet operazzjonali
·✓
Il-proposta/l-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt:
miljuni ta’ EUR (ċifri ttondjati għal tliet pożizzjonijiet deċimali)
Intestatura tal-qafas finanzjarju pluriennali
|
3
|
“riżorsi naturali u ambjent”
|
|
|
|
|
|
|
|
|
|
DĠ: CLIMA
|
|
2023
|
2024
|
2025
|
2026
|
2027
|
TOTAL
|
Approprjazzjonijiet operazzjonali
|
09 02 03
|
Impenji
|
(1)
|
1 241
|
1 485
|
2 138
|
1 893
|
1 369
|
8 126
|
|
Pagamenti
|
(2)
|
|
0 496
|
1 339
|
1 747
|
2 040
|
5 622
|
Approprjazzjonijiet ta’ natura amministrattiva ffinanzjati mill-pakkett ta’ programmi speċifiċi
|
09 01 01 01
|
|
(3)
|
1 029
|
1 632
|
1 476
|
1 184
|
0 952
|
6 273
|
TOTAL tal-approprjazzjonijiet għad-DĠ CLIMA
|
Impenji
|
= 1 + 3
|
2 270
|
3 118
|
3 615
|
3 077
|
2 320
|
14 400
|
|
Pagamenti
|
= 2 + 3
|
1 029
|
2 128
|
2 815
|
2 931
|
2 992
|
11 895
|
|
|
|
|
|
|
|
|
|
TOTAL tal-approprjazzjonijiet operazzjonali
|
Impenji
|
(4)
|
1 241
|
1 485
|
2 138
|
1 893
|
1 369
|
8 126
|
|
Pagamenti
|
(5)
|
-
|
0 496
|
1 339
|
1 747
|
2 040
|
5 622
|
TOTAL tal-approprjazzjonijiet ta’ natura amministrattiva ffinanzjati mill-pakkett għal programmi speċifiċi
|
(6)
|
1 029
|
1 632
|
1 476
|
1 184
|
0 952
|
6 273
|
TOTAL tal-approprjazzjonijiet skont l-INTESTATURA 3 tal-qafas finanzjarju pluriennali
|
Impenji
|
= 4 + 6
|
2 270
|
3 118
|
3 615
|
3 077
|
2 320
|
14 400
|
|
Pagamenti
|
= 5 + 6
|
1 029
|
2 128
|
2 815
|
2 931
|
2 992
|
11 895
|
TOTAL tal-approprjazzjonijiet operazzjonali
|
Impenji
|
(4)
|
1 241
|
1 485
|
2 138
|
1 893
|
1 369
|
8 126
|
|
Pagamenti
|
(5)
|
-
|
0 496
|
1 339
|
1 747
|
2 040
|
5 622
|
TOTAL tal-approprjazzjonijiet ta’ natura amministrattiva ffinanzjati mill-pakkett għal programmi speċifiċi
|
(6)
|
1 029
|
1 632
|
1 476
|
1 184
|
0 952
|
6 273
|
TOTAL tal-approprjazzjonijiet
taħt l-INTESTATURI minn 1 sa 6
tal-qafas finanzjarju pluriennali
(Ammont ta’ referenza)
|
Impenji
|
= 4 + 6
|
2 270
|
3 118
|
3 615
|
3 077
|
2 320
|
14 400
|
|
Pagamenti
|
= 5 + 6
|
1 029
|
2 128
|
2 815
|
2 931
|
2 992
|
11 895
|
Intestatura tal-qafas finanzjarju pluriennali
|
7
|
"Nefqa amministrattiva"
|
Din it-taqsima jenħtieġ li timtela bl-użu tad-“data baġitarja ta’ natura amministrattiva” li l-ewwel trid tiddaħħal fl-Anness tad-Dikjarazzjoni Finanzjarja Leġiżlattiva (l-Anness V tar-regoli interni), li jittella’ fuq DECIDE għal finijiet ta’ konsultazzjoni bejn is-servizzi.
miljuni ta’ EUR (ċifri ttondjati għal tliet pożizzjonijiet deċimali)
|
|
|
|
2023
|
2024
|
2025
|
2026
|
2027
|
TOTAL
|
DĠ: CLIMA
|
|
Riżorsi umani
|
3 344
|
3 648
|
3 648
|
3 648
|
3 648
|
17 936
|
Nefqa amministrattiva oħra
|
0 210
|
0 404
|
0 176
|
0 060
|
0 060
|
0 910
|
TOTAL DĠ CLIMA
|
3 554
|
4 052
|
3 824
|
3 708
|
3 708
|
18 846
|
|
|
|
|
|
|
|
|
|
Approprjazzjonijiet TOTALI taħt l-INTESTATURA 7 tal-qafas finanzjarju pluriennali
|
(Total ta’ impenji = Total ta’ pagamenti)
|
3 554
|
4 052
|
3 824
|
3 708
|
3 708
|
18 846
|
miljuni ta’ EUR (ċifri ttondjati għal tliet pożizzjonijiet deċimali)
|
|
|
2023
|
2024
|
2025
|
2026
|
2027
|
TOTAL
|
TOTAL tal-approprjazzjonijiet skont l-INTESTATURI 1 sa 7 tal-qafas finanzjarju pluriennali
|
Impenji
|
5 824
|
7 170
|
7 439
|
6 785
|
6 028
|
33 245
|
|
Pagamenti
|
4 583
|
6 180
|
6 639
|
6 639
|
6 700
|
30 741
|
3.2.2.Output stmat iffinanzjat b’approprjazzjonijiet operazzjonali
Approprjazzjonijiet ta’ impenn f’miljuni ta’ EUR (ċifri ttondjati għal tliet pożizzjonijiet deċimali)
Indika l-objettivi u l-outputs
|
linja baġitarja
|
OUTPUTS
|
2023
|
2024
|
2025
|
2026
|
2027
|
total
|
|
|
Tip[1]
|
Kost medju
|
Nru
|
Kost
|
Nru
|
Kost
|
Nru
|
Kost
|
Nru
|
Kost
|
Nru
|
Kost
|
Nru
|
Kost
|
objettiv speċifiku 4 - is-settur marittimu
|
- aġġornament tal-pjattaforma Thetis-MRV
|
09 02 03
|
ftehim ta’ kooperazzjoni tal-EMSA
|
|
|
0 250
|
|
|
|
|
|
|
|
|
|
0 250
|
- modifiki tar-Reġistru tal-Unjoni
|
09 02 03
|
Kuntratti tas-Servizzi
|
|
|
0 260
|
|
0 304
|
|
0 133
|
|
0 127
|
|
0 126
|
|
0 949
|
|
09 01 01 01
|
QTM, Extramuros, tagħmir
|
|
|
0 626
|
|
0 730
|
|
0 330
|
|
0 316
|
|
0 313
|
|
2 314
|
- estensjoni tas-Service desk
|
09 02 03
|
Kuntratti tas-Servizzi
|
|
|
0 000
|
|
0 013
|
|
0 099
|
|
0 088
|
|
0 080
|
|
0 280
|
|
09 01 01 01
|
QTM, Extramuros, tagħmir
|
|
|
0 000
|
|
0 053
|
|
0 116
|
|
0 083
|
|
0 055
|
|
0 306
|
- aġġornament tal-MRV tas-sistema ta’ rapportar tal-ETS
|
09 02 03
|
Kuntratti tas-Servizzi
|
|
|
0 099
|
|
0 120
|
|
0 202
|
|
0 103
|
|
0 054
|
|
0 579
|
Subtotal tal-objettiv speċifiku Nru 4
|
|
1 234
|
|
1 220
|
|
0 880
|
|
0 715
|
|
0 628
|
|
4 677
|
objettiv speċifiku 5 - bini u trasport
|
- modifiki tar-Reġistru tal-Unjoni
|
09 02 03
|
Kuntratti tas-Servizzi
|
|
|
0 173
|
|
0 203
|
|
0 089
|
|
0 084
|
|
0 084
|
|
0 633
|
|
09 01 01 01
|
QTM, Extramuros, tagħmir
|
|
|
0 404
|
|
0 473
|
|
0 207
|
|
0 197
|
|
0 195
|
|
1 476
|
- estensjoni tas-Service desk
|
09 02 03
|
Kuntratti tas-Servizzi
|
|
|
0 000
|
|
0 091
|
|
0 365
|
|
0 300
|
|
0 250
|
|
1 007
|
|
09 01 01 01
|
QTM, Extramuros, tagħmir
|
|
|
0 000
|
|
0 377
|
|
0 824
|
|
0 589
|
|
0 389
|
|
2 178
|
- aġġornament tal-MRV tas-sistema ta’ rapportar tal-ETS
|
09 02 03
|
Kuntratti tas-Servizzi
|
|
|
0 459
|
|
0 754
|
|
1 250
|
|
1 191
|
|
0 774
|
|
4 429
|
Subtotal tal-objettiv speċifiku Nru 5
|
|
1 036
|
|
1 898
|
|
2 734
|
|
2 362
|
|
1 692
|
|
9 722
|
TOTALI
|
|
2 270
|
|
3 118
|
|
3 615
|
|
3 077
|
|
2 320
|
|
14 400
|
3.2.3.Sommarju tal-impatt stmat fuq l-approprjazzjonijiet amministrattivi
·◻
Il-proposta/l-inizjattiva ma tirrikjedix l-użu ta’ approprjazzjonijiet ta’ natura amministrattiva
·✓
Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:
miljuni ta’ EUR (ċifri ttondjati għal tliet pożizzjonijiet deċimali)
|
2023
|
2024
|
2025
|
2026
|
2027
|
TOTAL
|
|
|
|
|
|
|
|
INTESTATURA 7 tal-qafas finanzjarju pluriennali
|
|
|
|
|
|
|
Riżorsi umani
|
3 344
|
3 648
|
3 648
|
3 648
|
3 648
|
17 936
|
Nefqa amministrattiva oħra
|
0 210
|
0 404
|
0 176
|
0 060
|
0 060
|
0 910
|
Subtotal tal-INTESTATURA 7 tal-qafas finanzjarju pluriennali
|
3 554
|
4 052
|
3 824
|
3 708
|
3 708
|
18 846
|
|
|
|
|
|
|
|
Barra mill-INTESTATURA 7[1] tal-qafas finanzjarju pluriennali
|
|
|
|
|
|
|
Riżorsi umani
|
|
|
|
|
|
|
Nefqa oħra ta’ natura amministrattiva
|
1 029
|
1 632
|
1 476
|
1 184
|
0 952
|
6 273
|
Subtotal barra mill-INTESTATURA 7 tal-qafas finanzjarju pluriennali
|
1 029
|
1 632
|
1 476
|
1 184
|
0 952
|
6 273
|
|
|
|
|
|
|
|
TOTAL
|
4 583
|
5 684
|
5 300
|
4 892
|
4 660
|
25 119
|
L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ li diġà jkunu assenjati għall-ġestjoni tal-azzjoni u/jew li diġà jkunu ġew riallokati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.
3.2.3.1.Rekwiżiti stmati ta’ riżorsi umani
·◻
Il-proposta/l-inizjattiva ma tirrikjedix l-użu ta’ riżorsi umani.
·✓
Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:
L-istima trid tiġi espressa f’unitajiet ekwivalenti għall-full-time
|
2023
|
2024
|
2025
|
2026
|
2027
|
Ÿ Pożizzjonijiet fil-pjan ta’ stabbiliment (uffiċjali u persunal temporanju)
|
20 01 02 01 (Kwartieri Ġenerali u l-Uffiċċji tar-Rappreżentanza tal-Kummissjoni)
|
22
|
24
|
24
|
24
|
24
|
20 01 02 03 (Delegazzjonijiet)
|
|
|
|
|
|
01 01 01 01 (Riċerka indiretta)
|
|
|
|
|
|
01 01 01 11 (Riċerka diretta)
|
|
|
|
|
|
Linji baġitarji oħra (speċifika)
|
|
|
|
|
|
Ÿ Persunal estern (f’unità Ekwivalenti għall-Full Time: FTE)[1]
|
20 02 01 (AC, END, INT mill-“pakkett globali”)
|
|
|
|
|
|
20 02 03 (AC, AL, END, INT u JPD fid-delegazzjonijiet)
|
|
|
|
|
|
XX 01 xx yy zz
|
- fil-Kwartieri Ġenerali
|
|
|
|
|
|
|
- fid-Delegazzjonijiet
|
|
|
|
|
|
01 01 01 02 (AC, END, INT - Riċerka indiretta)
|
|
|
|
|
|
01 01 01 12 (AC, END, INT – Riċerka diretta)
|
|
|
|
|
|
Linji baġitarji oħra (speċifika)
|
|
|
|
|
|
TOTAL
|
22
|
24
|
24
|
24
|
24
|
XX huwa l-qasam ta’ politika jew it-titolu baġitarju kkonċernat.
Ir-riżorsi umani meħtieġa se jiġu koperti mill-persunal tad-DĠ li diġà jkun assenjat għall-ġestjoni tal-azzjoni u/jew li diġà jkun ġie riallokat fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.
Deskrizzjoni tal-kompiti li jridu jitwettqu:
Uffiċjali u aġenti temporanji
|
Huma meħtieġa riżorsi addizzjonali tar-riżorsi umani għal:
- L-abbozzar legali u l-approvazzjoni ta’ emendi ta’ leġiżlazzjoni sekondarja li jistabbilixxu regoli ta’ implimentazzjoni dettaljati dwar l-irkant; ir-Reġistru tal-Unjoni; il-monitoraġġ u r-rapportar; il-verifika tar-rapporti dwar l-emissjonijiet u l-akkreditazzjoni tal-verifikaturi; l-allokazzjoni bla ħlas;
- Il-kompiti ta’ implimentazzjoni relatati mal-estensjoni tal-ETS għat-trasport marittimu (inklużi l-emendi meħtieġa għas-sistema ta’ MRV eżistenti) u għall-iskambju l-ġdid ta’ kwoti tal-emissjonijiet għall-bini u għat-trasport bit-triq;
- L-akkwist tal-pjattaforma/i ġdida/ġodda tal-irkant għall-irkantar ta’ kwoti ġenerali, kif ukoll tip ġdid ta’ kwoti għas-setturi tal-bini u tat-trasport bit-triq
- Il-monitoraġġ tal-implimentazzjoni tal-obbligi ta’ monitoraġġ, rapportar u verifika (MRV)
- L-implimentazzjoni u s-sorveljanza ulterjuri ta’ fondi b’livell baxx ta’ karbonju
- L-adattamenti tal-IT fir-Reġistru tal-Unjoni.
|
Persunal estern
|
|
3.2.4.Kompatibbiltà mal-qafas finanzjarju pluriennali attwali
Il-proposta/l-inizjattiva:
·✓
tista’ tiġi ffinanzjata kompletament fl-intestatura rilevanti tal-Qafas Finanzjarju Pluriennali (QFP).
In-nefqa se tkun koperta fi ħdan il-pakkett LIFE.
·◻
teħtieġ l-użu tal-marġni mhux allokat taħt l-intestatura rilevanti tal-QFP u/jew l-użu tal-istrumenti speċjali kif definiti fir-Regolament dwar il-QFP.
·◻
teħtieġ reviżjoni tal-QFP.
3.2.5.Kontributi ta’ partijiet terzi
Il-proposta/l-inizjattiva:
·✓
ma tipprevedix kofinanzjament minn partijiet terzi
·◻
tipprevedi l-kofinanzjament minn partijiet terzi kif stmat hawn taħt:
Approprjazzjonijiet f’miljuni ta’ EUR (ċifri ttondjati għal tliet pożizzjonijiet deċimali)
|
2023
|
2024
|
2025
|
2026
|
2027
|
Total
|
Speċifika l-korp ta’ kofinanzjament
|
|
|
|
|
|
|
TOTAL tal-approprjazzjonijiet kofinanzjati
|
|
|
|
|
|
|
Impatt stmat fuq id-dħul
·◻
Il-proposta/l-inizjattiva ma għandha l-ebda impatt finanzjarju fuq id-dħul.
·✓Il-proposta/l-inizjattiva jkollha l-impatt finanzjarju li ġej:
✓
fuq ir-riżorsi proprji
✓fuq dħul ieħor
jekk jogħġbok indika, jekk id-dħul hux assenjat għal-linji tan-nefqa ◻
miljuni ta’ EUR (ċifri ttondjati għal tliet pożizzjonijiet deċimali)
Linja baġitarja tad-dħul:
|
Approprjazzjonijiet disponibbli għas-sena finanzjarja attwali
|
Impatt tal-proposta/inizjattiva
|
|
|
2023
|
2024
|
2025
|
2026
|
2027
|
L-Artikolu ………….
|
|
|
|
|
|
|
Għad-dħul assenjat, speċifika l-linja/i baġitarja/i tan-nefqa affettwata/i.
Rimarki oħrajn (eż. metodu/formula użati għall-kalkolu tal-impatt fuq id-dħul jew kwalunkwe informazzjoni oħra).
Dan ma jistax jiġi kkwantifikat