52021PC0341

IL-KUMMISSJONI EWROPEA

Brussell, 22.6.2021

COM(2021) 341 final

2021/0167(NLE)

Proposta għal

DEĊIŻJONI TA’ IMPLIMENTAZZJONI TAL-KUNSILL

dwar l-approvazzjoni tal-valutazzjoni tal-pjan għall-irkupru u r-reżiljenza għall-Ġermanja

{SWD(2021) 163 final}

2021/0167 (NLE)

Proposta għal

DEĊIŻJONI TA’ IMPLIMENTAZZJONI TAL-KUNSILL

dwar l-approvazzjoni tal-valutazzjoni tal-pjan għall-irkupru u r-reżiljenza għall-Ġermanja

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra r-Regolament (UE) 2021/241 tal-Parlament Ewropew u tal-Kunsill tat-12 ta’ Frar 2021 li jistabbilixxi l-Faċilità għall-Irkupru u r-Reżiljenza 1 , u b’mod partikulari l-Artikolu 20 tiegħu,

Wara li kkunsidra l-proposta tal-Kummissjoni Ewropea,

Billi:

(1)It-tifqigħa tal-COVID-19 kellha impatt ta’ tfixkil fuq l-ekonomija tal-Ġermanja, u żiedet l-isfidi li kienu jeżistu qabel il-pandemija. Fl-2019, il-prodott domestiku gross (PDG) per capita tal-Ġermanja kien 133 % tal-medja tal-UE. Skont it-tbassir tar-Rebbiegħa 2021 tal-Kummissjoni, il-PDG reali tal-Ġermanja naqas b’4,9 % fl-2020 u huwa mistenni li jonqos b’1,7 % b’mod kumulattiv fl-2020 u l-2021. Filwaqt li l-ekonomija qed tirkupra relattivament malajr, aspetti fit-tul b’impatt fuq il-prestazzjoni ekonomika fuq terminu medju jinkludu b’mod partikolari żbilanċ fl-investiment ta’ tfaddil b’investiment privat u pubbliku li waqa’ lura meta mqabbel mal-ħtiġijiet tal-investiment, u użu subottimali tal-potenzjal tas-suq tax-xogħol ta’ gruppi inattivi jew sottorappreżentati.

(2)Fid-9 ta’ Lulju 2019 u fl-20 ta’ Lulju 2020, il-Kunsill indirizza r-rakkomandazzjonijiet lill-Ġermanja fil-kuntest tas-Semestru Ewropew. B’mod partikolari, fl-2020 il-Kunsill irrakkomanda li jittaffew il-konsegwenzi immedjati tal-COVID-19, tiġi indirizzata b’mod effettiv il-pandemija, u jiġu mobilizzati riżorsi adegwati għall-kura tas-saħħa. B’mod aktar wiesa’, il-Ġermanja ngħatat il-parir li żżid l-investiment pubbliku u privat, billi tiffoka fuq l-investiment fit-tranżizzjoni ekoloġika u diġitali filwaqt li tagħti attenzjoni partikolari lil oqsma inkluż it-trasport, sistema tal-enerġija nadifa, effiċjenti u integrata, diġitalizzazzjoni, edukazzjoni, l-akkomodazzjoni u r-RuŻ. Il-Kunsill irrakkomanda wkoll li titjieb id-diġitalizzazzjoni tas-servizzi pubbliċi u l-SMEs billi jitnaqqas il-piż regolatorju u amministrattiv, u tissaħħaħ il-kompetizzjoni fis-servizzi tan-negozji u fi professjonijiet regolati. Barra minn hekk, il-Kunsill stieden lill-Ġermanja biex iċċaqlaq it-taxxi minn fuq ix-xogħol, tnaqqas id-diżinċentivi biex wieħed jaħdem aktar sigħat, inkluż it-tassazzjoni għolja fuq il-qligħ mix-xogħol, b’mod partikolari għal dawk b’paga baxxa u dawk li għandhom it-tieni sors ta’ dħul, tissalvagwardja s-sostenibbiltà fit-tul tas-sistema tal-pensjonijiet tagħha, tappoġġa tkabbir ogħla fil-pagi u ttejjeb l-eżiti edukattivi u l-livelli ta’ ħiliet tal-gruppi żvantaġġati. Wara li vvalutat il-progress fl-implimentazzjoni ta’ dawn ir-rakkomandazzjonijiet speċifiċi għall-pajjiż fiż-żmien tal-preżentazzjoni tal-pjan għall-irkupru u r-reżiljenza, il-Kummissjoni ssib li r-rakkomandazzjoni dwar it-teħid tal-miżuri kollha meħtieġa biex tiġi indirizzata b’mod effettiv il-pandemija, tiġi sostnuta l-ekonomija u jiġi appoġġat l-irkupru li jirriżulta ġiet implimentata bis-sħiħ.

(3)Fit-2 ta’ Ġunju 2021, il-Kummissjoni ppubblikat reviżjoni fil-fond skont l-Artikolu 5 tar-Regolament (UE) Nru 1176/2011 tal-Parlament Ewropew u tal-Kunsill 2 għall-Ġermanja 3 . L-analiżi tal-Kummissjoni wasslitha biex tikkonkludi li l-Ġermanja qed tesperjenza żbilanċi makroekonomiċi b’rilevanza transfruntiera, b’mod partikolari li s-surplus fil-kont kurrenti jippersisti f’livelli għoljin, li jirrifletti livell baxx ta’ investiment meta mqabbel mat-tfaddil.

(4)[Ir-Rakkomandazzjoni tal-Kunsill dwar il-politika ekonomika taż-Żona tal-Euro 4 rrakkomanda lill-Istati Membri taż-Żona tal-Euro biex jieħdu azzjoni, inkluż permezz tal-pjanijiet tagħhom għall-irkupru u r-reżiljenza, biex, fost l-oħrajn, jiżguraw pożizzjoni ta’ politika li tappoġġa l-irkupru u biex ikomplu jtejbu l-konverġenza, ir-reżiljenza u t-tkabbir sostenibbli u inklużiv. L-abbozz ta’ rakkomandazzjoni tal-Kunsill irrakkomanda wkoll it-tisħiħ tal-oqfsa istituzzjonali nazzjonali, l-iżgurar tal-istabbiltà makrofinanzjarja u l-ikkompletar tal-UEM u t-tisħiħ tar-rwol internazzjonali tal-euro. [If the Council recommendation is not adopted by the time of the CID adoption, please remove the recital].

(5)Fit-28 ta’ April 2021, il-Ġermanja ppreżentat il-pjan tagħha għall-irkupru u r-reżiljenza lill-Kummissjoni, f’konformità mal-Artikolu 18(1) tar-Regolament (UE) 2021/241. Din il-preżentazzjoni segwiet proċess ta’ konsultazzjoni, imwettaq f’konformità mal-qafas legali nazzjonali, ta’ awtoritajiet lokali u reġjonali, sħab soċjali, organizzazzjonijiet tas-soċjetà ċivili, organizzazzjonijiet taż-żgħażagħ u partijiet ikkonċernati rilevanti oħra. Is-sjieda nazzjonali tal-pjanijiet għall-irkupru u r-reżiljenza qed tirfed l-implimentazzjoni b’suċċess tagħhom u l-impatt dejjiemi tagħhom fil-livell nazzjonali u l-kredibbiltà fil-livell Ewropew. Skont l-Artikolu 19 ta’ dak ir-Regolament, il-Kummissjoni vvalutat ir-rilevanza, l-effettività, l-effiċjenza u l-koerenza tal-pjan għall-irkupru u r-reżiljenza, f’konformità mal-linji gwida tal-valutazzjoni tal-Anness V ta’ dak ir-Regolament.

(6)Il-pjanijiet għall-irkupru u r-reżiljenza jenħtieġ li jsegwu l-objettivi ġenerali tal-Faċilità għall-Irkupru u r-Reżiljenza stabbiliti bir-Regolament (UE) 2021/241 u tal-Istrument ta’ Rkupru tal-UE stabbilit bir-Regolament tal-Kunsill (UE) 2020/2094 5 sabiex jiġi appoġġat l-irkupru wara l-kriżi tal-COVID-19. Huma għandhom jippromwovu l-koeżjoni ekonomika, soċjali u territorjali tal-Unjoni billi jikkontribwixxu għas-sitt pilastri msemmija fl-Artikolu 3 tar-Regolament (UE) 2021/241.

(7)L-implimentazzjoni tal-pjanijiet ta’ rkupru u reżiljenza tal-Istati Membri se tikkostitwixxi sforz ikkoordinat ta’ investiment u riformi madwar l-Unjoni. Permezz tal-implimentazzjoni kkoordinata u simultanja ta’ dawn ir-riformi u l-investimenti u l-implimentazzjoni ta’ proġetti transfruntiera, dawn ir-riformi u l-investimenti se jsaħħu lil xulxin b’mod reċiproku u jiġġeneraw effetti konsegwenzjali pożittivi madwar l-Unjoni kollha. Għalhekk, madwar terz tal-impatt tal-Faċilità fuq it-tkabbir u l-ħolqien tal-impjiegi tal-Istati Membri se jiġi minn effetti konsegwenzjali minn Stati Membri oħra.

Rispons bilanċjat li jikkontribwixxi għas-sitt pilastri

(8)F’konformità mal-Artikolu 19(3)(a) u t-Taqsima 2.1 tal-Anness V tar-Regolament (UE) 2021/241, il-pjan għall-irkupru u r-reżiljenza jirrappreżenta fil-parti l-kbira (Klassifikazzjoni A) rispons komprensiv u bbilanċjat b’mod adegwat għas-sitwazzjoni ekonomika u soċjali, u b’hekk jikkontribwixxi b’mod xieraq għas-sitt pilastri kollha kemm huma msemmija fl-Artikolu 3 tar-Regolament (UE) 2021/241, filwaqt li jqis l-isfidi speċifiċi u l-allokazzjoni finanzjarja tal-Istat Membru kkonċernat.

(9)Il-pjan għall-irkupru u r-reżiljenza jipprovdi rispons komprensiv għas-sitwazzjoni ekonomika u soċjali billi jsegwi approċċ olistiku biex jinkiseb l-irkupru, filwaqt li jsaħħaħ ir-reżiljenza soċjoekonomika. L-40 miżura inklużi fil-pjan jikkostitwixxu taħlita bbilanċjata ta’ riformi u investimenti li jkopru l-politiki ekonomiċi, industrijali, diġitali, ambjentali, soċjali u tal-kura tas-saħħa.

(10)Il-pjan għall-irkupru u r-reżiljenza huwa bbilanċjat kif xieraq fl-indirizzar tas-sitt pilastri kollha msemmija fl-Artikolu 3 tar-Regolament (UE) 2021/241. Hemm enfasi qawwija fuq it-tranżizzjoni ekoloġika, b’miżuri relatati mal-protezzjoni tal-klima li jilħqu mill-inqas 42 % tal-allokazzjoni, inklużi miżuri ewlenin dwar il-mobilità u l-akkomodazzjoni. Il-pjan juri ambizzjoni diġitali saħansitra aktar b’saħħitha, li tilħaq mill-inqas 52 % tal-allokazzjoni, li tvarja permezz tal-industrija, l-edukazzjoni, il-politika soċjali, il-kura tas-saħħa, l-amministrazzjoni pubblika. L-investimenti u r-riformi jindirizzaw l-ostakli amministrattivi biex jiffaċilitaw l-investimenti u jrawmu tkabbir intelliġenti, sostenibbli u inklużiv, filwaqt li jibbenefikaw ukoll lill-SMEs. Il-koeżjoni soċjali hija promossa permezz ta’ diversi miżuri biex tiġi mmodernizzata l-amministrazzjoni pubblika u jiġu appoġġati l-gruppi żvantaġġati, jiġu limitati l-kontribuzzjonijiet tas-sigurtà soċjali, u jissaħħu l-edukazzjoni u l-ħiliet, b’mod partikolari billi tiġi appoġġata d-diġitalizzazzjoni tal-edukazzjoni. Il-pjan jiffoka b’mod qawwi fuq il-promozzjoni tal-investimenti u l-indirizzar tal-ostakli għall-investiment, li huwa mistenni li jgħin lill-awtoritajiet lokali jindirizzaw l-isfidi tal-infrastruttura u b’hekk jikkontribwixxi għall-koeżjoni territorjali. Ir-riformi u l-investimenti tal-amministrazzjoni pubblika biex tissaħħaħ is-sistema tal-kura tas-saħħa jikkontribwixxu għal aktar reżiljenza, kif ukoll miżuri għad-diġitalizzazzjoni u l-immodernizzar tas-servizzi pubbliċi u biex jitnaqqsu l-ostakli għall-investiment. Diversi miżuri relatati mal-ħiliet huma ta’ benefiċċju għall-ġenerazzjoni li jmiss.

L-indirizzar tal-isfidi kollha jew ta’ subsett sinifikanti ta’ sfidi identifikati fir-Rakkomandazzjonijiet Speċifiċi għall-Pajjiżi

(11)F’konformità mal-Artikolu 19(3)(b) u t-Taqsima 2.2 tal-Anness V tar-Regolament (UE) 2021/241, il-pjan għall-irkupru u r-reżiljenza huwiex mistenni li jikkontribwixxi biex jiġu indirizzati b'mod effettiv l-isfidi kollha, jew subsett sinifikanti minnhom (Klassifikazzjoni A) identifikati fir-rakkomandazzjonijiet speċifiċi għall-pajjiż, inklużi l-aspetti fiskali u r-rakkomandazzjonijiet li jsiru skont l-Artikolu 6 tar-Regolament (UE) Nru 1176/2011 fejn xieraq, indirizzati lill-Istat Membru kkonċernat jew sfidi identifikati f'dokumenti rilevanti oħra adottati uffiċjalment mill-Kummissjoni fil-kuntest tas-Semestru Ewropew;

(12)Il-pjan jinkludi sett estensiv ta’ riformi u investimenti li jsaħħu lil xulxin li jikkontribwixxu għall-indirizzar ta’ subsett sinifikanti tal-isfidi ekonomiċi u soċjali deskritti fir-rakkomandazzjonijiet speċifiċi għall-pajjiż indirizzati lill-Ġermanja mill-Kunsill fis-Semestru Ewropew fl-2019 u fl-2020.

(13)Ir-rakkomandazzjonijiet relatati mar-rispons immedjat tal-politika fiskali għall-pandemija jistgħu jitqiesu li jaqgħu barra mill-kamp ta’ applikazzjoni tal-RRP tal-Ġermanja, minkejja li l-Ġermanja ġeneralment wieġbet b’mod adegwat u suffiċjenti għall-ħtieġa immedjata li l-ekonomija tiġi appoġġata permezz ta’ mezzi fiskali fl-2020 u fl-2021, f’konformità mad-dispożizzjonijiet tal-Klawżola Ġenerali dwar il-Pajsaġġ.

(14)L-implimentazzjoni tal-pjan hija mistennija li tindirizza diversi rakkomandazzjonijiet speċifiċi għall-pajjiż relatati maż-żieda fl-investiment u t-tnaqqis tal-piż amministrattiv, billi l-pjan għandu l-għan li jnaqqas b’mod sinifikanti l-ostakli għall-investiment u jżid l-investiment. B’mod partikolari, l-istabbiliment ta’ grupp ta’ ħidma konġunt fil-livell federali u tal-Länder għal amministrazzjoni effiċjenti u favur iċ-ċittadini u n-negozji, l-appoġġ għall-awtoritajiet lokali permezz tal-PD - Berater der öffentlichen Hand GmbH (“Partnerschaft Deutschland”) fl-implimentazzjoni effettiva tal-finanzjament tal-investiment u l-miżuri legali biex jitħaffu l-proċeduri tal-ippjanar u tal-awtorizzazzjoni huma mistennija li jtejbu l-investiment pubbliku u jippromwovu l-investiment privat. Barra minn hekk, l-investiment huwa mistenni li jiżdied, li jirrifletti l-impenji tal-pjan li jappoġġa d-dekarbonizzazzjoni u s-soluzzjonijiet ibbażati fuq l-idroġenu b’enfasi fuq l-idroġenu rinnovabbli, u l-investimenti fil-mobilità sostenibbli, inkluż f’vetturi b’emissjonijiet żero u fi stazzjonijiet tal-iċċarġjar, fir-RuŻ, u fid-diġitalizzazzjoni tal-ekonomija, inklużi l-SMEs, tal-edukazzjoni, tal-kura tas-saħħa u tal-amministrazzjoni pubblika.

(15)L-implimentazzjoni tal-pjan hija mistennija wkoll li tikkontribwixxi biex jiġu indirizzati r-rakkomandazzjonijiet speċifiċi għall-pajjiż relatati mal-edukazzjoni, il-parteċipazzjoni fis-suq tax-xogħol, it-tassazzjoni fuq ix-xogħol u l-politika soċjali, billi ssaħħaħ id-diġitalizzazzjoni tal-edukazzjoni, tappoġġa lill-istudenti bi żvantaġġi, issaħħaħ il-provvista tal-kura tat-tfal, ittejjeb it-trasparenza tal-pensjonijiet u trażżan iż-żidiet fil-porzjon tat-taxxa.

(16)Billi jindirizza l-isfidi msemmija hawn fuq, il-pjan għall-irkupru u r-reżiljenza huwa mistenni li jikkontribwixxi wkoll biex jikkoreġi l-iżbilanċi 6 li qed tesperjenza l-Ġermanja, b’mod partikolari fir-rigward tas-surplus fil-kont kurrenti tagħha li jippersisti f’livelli għoljin li jirrifletti livell baxx ta’ investiment relattiv għat-tfaddil, u għandu rilevanza transfruntiera.

(17)Il-pjan jipprovdi bażi solida għal aktar sforzi ta’ riforma u investiment fis-snin li ġejjin, biex jiġu indirizzati aktar sfidi strutturali.

Kontribut għall-potenzjal tat-tkabbir, il-ħolqien tal-impjiegi u r-reżiljenza ekonomika, soċjali u istituzzjonali

(18)F’konformità mal-Artikolu 19(3)(c) u t-Taqsima 2.3 tal-Anness V tar-Regolament (UE) 2021/241, il-pjan għall-irkupru u r-reżiljenza huwa mistenni li jkollu impatt qawwi (Klassifikazzjoni A) fuq it-tisħiħ tal-potenzjal tat-tkabbir, il-ħolqien tal-impjiegi, u r-reżiljenza ekonomika, soċjali u istituzzjonali tal-Istat Membru, filwaqt li jikkontribwixxi għall-implimentazzjoni tal-Pilastru Ewropew tad-Drittijiet Soċjali, inkluż permezz tal-promozzjoni ta’ politiki għat-tfal u ż-żgħażagħ, u fuq it-taffija tal-impatt ekonomiku u soċjali tal-kriżi tal-COVID-19, u b’hekk isaħħaħ il-koeżjoni ekonomika, soċjali u territorjali u l-konverġenza fl-Unjoni.

(19)Simulazzjonijiet mis-servizzi tal-Kummissjoni juru li l-pjan għandu l-potenzjal li jżid il-PDG tal-Ġermanja bejn 0,4 % u 0,7 % sal-2026 7 . Il-pjan huwa mistenni li jippromwovi tkabbir intelliġenti, sostenibbli u inklużiv, b’kontribut kbir minn investimenti li jappoġġaw tranżizzjoni klimatika u diġitali ta’ suċċess, jippromwovu l-innovazzjoni, jiddekarbonizzaw l-ekonomija, inkluż it-trasport u l-industrija, u jiddiġitalizzaw l-intrapriżi, l-amministrazzjoni pubblika u s-servizzi pubbliċi. Il-miżuri huma mistennija li jwasslu għal użu aktar mifrux ta’ vetturi b’emissjonijiet żero, żieda fid-disponibbiltà ta’ teknoloġiji bbażati fuq l-idroġenu, stokk ta’ djar li ma jagħmilx ħsara lill-klima u effiċjenti fl-użu tal-enerġija. Huma mistennija wkoll li jagħmluha aktar faċli għall-kumpaniji, inklużi l-SMEs, biex jinvestu. Billi l-edukazzjoni u l-ħiliet jittejbu permezz tal-miżuri li jsaħħu l-metodoloġiji tat-tagħlim, il-materjali tat-tagħlim u l-għoti ta’ appoġġ speċifiku, il-produttività, ir-reżiljenza u l-inklużjoni huma kollha mistennija li jibbenefikaw.

(20)Il-pjan għall-irkupru u r-reżiljenza jindirizza l-vulnerabbiltajiet soċjali u jippromwovi l-koeżjoni soċjali permezz ta’ firxa ta’ miżuri, li jikkontribwixxu wkoll għall-implimentazzjoni tal-prinċipji tal-Pilastru Ewropew tad-Drittijiet Soċjali. Il-familji bit-tfal huma mistennija li jibbenefikaw mill-miżuri inklużi fil-pjan bħat-tisħiħ tal-kura tat-tfal b’90 000 post addizzjonali, li huwa f’waqtu meta wieħed iqis id-distakk f’postijiet disponibbli. Appoġġ addizzjonali għat-tagħlim lill-istudenti li waqgħu lura minħabba l-pandemija għandu l-għan li jilħaq kwart tal-istudenti kollha. Biex jappoġġa s-sistema ta’ apprendistat, li ntlaqtet ħażin mill-pandemija, il-pjan jinkludi inċentivi finanzjarji għall-kumpaniji biex iżommu u jimpjegaw apprendisti, u b’hekk jikkontribwixxi biex tiġi ssodisfata l-Garanzija għaż-Żgħażagħ 8 . Bil-“Garanzija Soċjali 2021”, il-pjan jikkontribwixxi għall-prevenzjoni ta’ żieda fl-ispejjeż tax-xogħol mhux marbuta mal-pagi, li huma f’livell għoli fil-Ġermanja, billi jillimita l-kontribuzzjonijiet tas-sigurtà soċjali għal 40 %. Il-pjan jimpenja ruħu wkoll għall-iżvilupp ta’ portal diġitali tal-pensjonijiet li għandu jappoġġa liċ-ċittadini fl-ippjanar tal-pensjoni tagħhom, billi jipprovdi ħarsa ġenerali lejn id-dispożizzjonijiet individwali tagħhom. Il-pjan jinkludi wkoll miżuri biex tittejjeb l-operazzjoni tas-sistema tal-kura tas-saħħa li huma mistennija li jkunu ta’ benefiċċju għas-soċjetà kollha.

La tagħmilx ħsara sinifikanti

(21)F’konformità mal-Artikolu 19(3)(d) u t-Taqsima 2.4 tal-Anness V tar-Regolament (UE) 2021/241, il-pjan għall-irkupru u r-reżiljenza huwa mistenni jiżgura li l-ebda miżura għall-implimentazzjoni ta’ riformi u proġetti ta' investiment inkluża fil-pjan għall-irkupru u r-reżiljenza ma tagħmel ħsara sinifikanti lill-objettivi ambjentali (Klassifikazzjoni A) fis-sens tal-Artikolu 17 tar-Regolament (UE) 2020/852 tal-Parlament Ewropew u tal-Kunsill 9 (il-prinċipju “la tagħmilx ħsara sinifikanti”). Il-pjan tal-Ġermanja għall-irkupru u r-reżiljenza jivvaluta l-konformità mal-prinċipju “la tagħmilx ħsara sinifikanti”. Il-valutazzjoni ssegwi l-metodoloġija stabbilita fil-Gwida Teknika tal-Kummissjoni dwar l-applikazzjoni ta’ “la tagħmilx ħsara sinifikanti” skont ir-Regolament dwar il-Faċilità għall-Irkupru u r-Reżiljenza (2021/C 58/01). Dan ikopri s-sitt objettivi ambjentali fis-sens tal-Artikolu 17 tar-Regolament (UE) 2020/852, jiġifieri l-mitigazzjoni tat-tibdil fil-klima, l-adattament għat-tibdil fil-klima, l-użu sostenibbli u l-protezzjoni tal-ilma u tar-riżorsi tal-baħar, l-ekonomija ċirkolari, il-prevenzjoni u l-kontroll tat-tniġġis, u l-protezzjoni u r-restawr tal-bijodiversità u l-ekosistemi. L-impatt ambjentali huwa vvalutat fil-livell tal-miżura, jiġifieri valutazzjoni individwali waħda għal kull riforma jew investiment.

Kontribut għat-tranżizzjoni ekoloġika inkluża l-bijodiversità

(22)F’konformità mal-Artikolu 19(3)(e) u t-Taqsima 2.5 tal-Anness V tar-Regolament (UE) 2021/241, il-pjan għall-irkupru u r-reżiljenza jinkludi miżuri li fil-parti l-kbira jikkontribwixxu (Klassifikazzjoni A) għat-tranżizzjoni ekoloġika, inkluża l-bijodiversità, jew biex jiġu indirizzati l-isfidi li jirriżultaw minnha. Il-miżuri li jappoġġaw l-objettivi klimatiċi jammontaw għal ammont li jirrappreżenta mill-inqas 42 % tal-allokazzjoni totali tal-pjan, ikkalkulat skont il-metodoloġija tal-Anness VI tar-Regolament (UE) 2021/241. Skont l-Artikolu 17 tar-Regolament (UE) 2021/241, il-pjan għall-irkupru u r-reżiljenza huwa konsistenti mal-informazzjoni inkluża fil-Pjan Nazzjonali għall-Enerġija u l-Klima għall-2030.

(23)Il-pjan jiffoka ħafna fuq il-pilastru tat-tranżizzjoni ekoloġika. Biex jappoġġa l-objettivi klimatiċi f’oqsma bħat-tranżizzjoni tal-enerġija u l-adattament għat-tibdil fil-klima, il-pjan jipprevedi firxa wiesgħa ta’ miżuri li jistgħu jinġabru fi tliet oqsma ewlenin ta’ azzjonijiet. L-ewwel nett, għadd ta’ azzjonijiet fil-pjan jiffokaw fuq l-iżvilupp ta’ ekonomija effiċjenti tal-idroġenu fl-industrija u l-ekonomija inġenerali b’enfasi fuq l-idroġenu rinnovabbli. It-tieni, qed isir ukoll sforz imdaqqas biex jitħaffu l-investimenti f’mobilità li ma tagħmilx ħsara lill-klima sabiex jiġu indirizzati l-isfidi tal-Ġermanja relatati mat-trasport sostenibbli. Fl-aħħar nett, il-pjan fih sensiela ta’ miżuri biex jiżdiedu l-kostruzzjoni u r-rinnovazzjoni li ma jagħmlux ħsara lill-klima, b’enfasi prominenti fuq ir-rinnovazzjoni tal-effiċjenza enerġetika.

(24)Dawn il-miżuri jikkontribwixxu direttament għat-tranżizzjoni ekoloġika, b’mod partikolari l-mitigazzjoni tat-tibdil fil-klima. Barra minn hekk, dawn jikkontribwixxu indirettament għall-objettivi l-oħra tat-tranżizzjoni ekoloġika, b’mod partikolari billi jippromwovu ċ-ċirkolarità, u jnaqqsu l-emissjonijiet ta’ sustanzi li jniġġsu l-arja, u huma allinjati mal-Pjan Nazzjonali Ġermaniż għall-Enerġija u l-Klima (National Energy and Climate Plan, "NECP") għall-2021-2030 u l-Pjan ta’ Azzjoni Klimatiku Ġermaniż għall-2050. Il-pjan ma fih l-ebda miżura li għandha l-bijodiversità bħala l-objettiv tagħha, iżda billi tikkontribwixxi għall-mitigazzjoni tat-tibdil fil-klima, dawn il-miżuri se jkunu wkoll ta’ benefiċċju għall-preservazzjoni tal-bijodiversità, billi t-tibdil fil-klima huwa wieħed mit-theddidiet ewlenin għall-bijodiversità. Il-Ġermanja wettqet valutazzjoni sistematika la tagħmilx ħsara sinifikanti li tindika li l-ebda waħda mill-miżuri proposti ma tiġġenera ħsara għall-bijodiversità.

Kontribut għat-tranżizzjoni diġitali

(25)F’konformità mal-Artikolu 19(3)(f) u t-Taqsima 2.6 tal-Anness V tar-Regolament (UE) 2021/241, il-pjan għall-irkupru u r-reżiljenza fih miżuri li fil-parti l-kbira jikkontribwixxu (Klassifikazzjoni A) għat-tranżizzjoni diġitali jew għall-indirizzar tal-isfidi li jirriżultaw minnha. Il-miżuri li jappoġġaw l-objettivi diġitali jammontaw għal ammont li jirrappreżenta mill-inqas 52 % tal-allokazzjoni totali tal-pjan, ikkalkulat skont il-metodoloġija tal-Anness VII tar-Regolament (UE) 2021/241.

(26)B’sehem sinifikanti tal-allokazzjoni totali u prominenza tal-aspetti diġitali fil-maġġoranza tal-komponenti tagħha, il-pjan Ġermaniż għall-irkupru u r-reżiljenza jagħmel enfasi qawwija fuq it-tranżizzjoni diġitali u l-isfidi li jirriżultaw minnha fis-setturi kollha.

(27)Il-pjan jindirizza t-trasformazzjoni diġitali tas-servizzi pubbliċi (inklużi s-servizzi tas-saħħa) u tan-negozji, żewġ aspetti li l-Ġermanja bħalissa qed taħdem fuqhom taħt il-medja tal-UE. Il-pjan jinkludi komponent sħiħ dwar il-modernizzazzjoni tal-amministrazzjoni pubblika permezz ta’ diġitalizzazzjoni aċċellerata u t-trawwim tal-interoperabbiltà. Barra minn hekk, f'komponent iddedikat għas-saħħa, żewġ miżuri għandhom l-għan li jaċċelleraw it-trasformazzjoni diġitali tas-servizzi tas-saħħa pubblika u tal-isptarijiet rispettivament. Sa fejn huma kkonċernati n-negozji, huma previsti investimenti li jappoġġaw it-tranżizzjoni diġitali u ekoloġika tal-industrija awtomobilistika.

(28)Il-pjan jinkludi wkoll miżuri importanti li jindirizzaw il-kapital uman u l-investimenti f’teknoloġiji diġitali avvanzati, b’komponent dwar id-diġitalizzazzjoni tal-edukazzjoni u ieħor li jinkludi kontribuzzjonijiet għal żewġ inizjattivi Ewropej fuq skala kbira dwar il-mikroelettronika, u dwar teknoloġiji cloud u edge tal-ġenerazzjoni li jmiss.

Impatt dejjiemi

(29)F’konformità mal-Artikolu 19(3)(g) u t-Taqsima 2.7 tal-Anness V tar-Regolament (UE) 2021/241, il-pjan għall-irkupru u r-reżiljenza huwa mistenni li jkollu impatt fit-tul fuq il-Ġermanja (Klassifikazzjoni A).

(30)Il-pjan fih riformi tal-amministrazzjoni pubblika li għandhom l-għan li javvanzaw id-diġitalizzazzjoni tal-gvern, inaqqsu l-piż amministrattiv fuq iċ-ċittadini u d-ditti u jħaffu aktar l-ippjanar u l-approvazzjoni ta’ proġetti ta’ investiment pubbliku. Dawn il-miżuri huma essenzjali biex jitneħħa l-investiment pubbliku b’lura u biex il-klima tan-negozju ssir aktar favorevoli għall-investiment fit-tul billi tiġi żgurata l-kwalità tal-infrastruttura pubblika u s-servizzi diġitali effiċjenti tal-gvern u jiġu permessi effetti fit-tul li jsaħħu l-produttività.

(31)Il-pjan jikkonsisti f’sett ta’ miżuri li jindirizzaw l-użu ta’ enerġija mingħajr karbonju b’enfasi partikolari fuq l-idroġenu rinnovabbli, il-mobilità b’emissjonijiet baxxi u l-akkomodazzjoni; id-diġitalizzazzjoni tal-gvern, l-edukazzjoni, il-kura tas-saħħa u n-negozji; u l-promozzjoni ta’ aċċess aħjar għall-ħiliet għaż-żgħażagħ vulnerabbli. L-indirizzar ta’ dawn l-isfidi għandu jippermetti tkabbir sostenibbli u inklużiv. Barra minn hekk, il-miżuri huma mistennija li jkollhom effett ta’ benefiċċju dejjiemi fuq il-kapital uman u l-effiċjenza tar-riżorsi. L-impatt dejjiemi tal-pjan jista’ jissaħħaħ ukoll permezz ta’ sinerġiji bejn il-pjan u programmi oħra ffinanzjati mill-fondi tal-politika ta’ koeżjoni, b’mod partikolari billi jiġu indirizzati b’mod sostantiv l-isfidi territorjali u jiġi promoss żvilupp ibbilanċjat

Monitoraġġ u implimentazzjoni

(32)F’konformità mal-Artikolu 19(3)(h) u t-Taqsima 2.8 tal-Anness V tar-Regolament (UE) 2021/241, l-arranġamenti proposti fil-pjan għall-irkupru u r-reżiljenza huma adegwati (Klassifikazzjoni A) biex jiżguraw monitoraġġ u implimentazzjoni effettivi tal-pjan għall-irkupru u r-reżiljenza, inkluż l-iskeda ta’ żmien prevista, l-istadji importanti u l-miri, u l-indikaturi relatati.

(33)Il-korp ta’ koordinazzjoni fil-Ministeru Federali tal-Finanzi u l-ministeri kompetenti huma responsabbli għall-implimentazzjoni effettiva tal-pjan. L-arranġamenti varji stabbiliti għat-tfassil, in-negozjar u l-iżgurar ta’ implimentazzjoni effiċjenti u regolari tal-pjan huma kredibbli f’termini ta’ mandat legali u kapaċità amministrattiva. L-istadji importanti u l-miri tal-pjan Ġermaniż jikkostitwixxu sistema xierqa għall-monitoraġġ tal-implimentazzjoni tal-pjan. L-istadji importanti u l-miri proposti huma ċari u realistiċi; u l-indikaturi proposti għal dawk l-istadji importanti u l-miri huma rilevanti, aċċettabbli u robusti; L-istadji importanti u l-miri huma rilevanti wkoll għall-miżuri li diġà tlestew u li huma eliġibbli skont l-Artikolu 17(2) tar-Regolament. It-twettiq sodisfaċenti ta’ dawn l-istadji importanti u l-miri maż-żmien huwa meħtieġ biex tiġi ġġustifikata talba ta’ żborż. Il-mekkaniżmi ta’ verifika, il-ġbir tad-data u r-responsabbiltajiet deskritti mill-awtoritajiet Ġermaniżi jidhru robusti biżżejjed biex jiġġustifikaw it-talbiet għal żborż b’mod adegwat hekk kif jitlestew l-istadji importanti u l-miri.

(34)L-Istati Membri għandhom jiżguraw li l-finanzjament taħt il-Faċilità jiġi kkomunikat u rikonoxxut f’konformità mal-Artikolu 34 tar-Regolament (UE) 2021/241. L-appoġġ tekniku jista’ jintalab taħt l-Istrument ta’ Appoġġ Tekniku biex jassisti lill-Istati Membri fl-implimentazzjoni tal-pjan tagħhom.

Estimi tal-prezzijiet

(35)F’konformità mal-Artikolu 19(3)(i) u t-Taqsima 2.9 tal-Anness V tar-Regolament (UE) 2021/241, il-ġustifikazzjoni mogħtija fil-pjan dwar l-ammont tal-ispejjeż totali stmati tal-pjan għall-irkupru u r-reżiljenza hija moderatament (Klassifikazzjoni B) raġonevoli u plawżibbli, hija konformi mal-prinċipju tal-kosteffiċjenza u hija proporzjonata għall-impatt ekonomiku u soċjali nazzjonali mistenni.

(36)L-istimi tal-ispejjeż u d-dokument ta’ sostenn ipprovduti juru gradi differenti ta’ dettalji u profondità tal-kalkoli. Skont l-informazzjoni pprovduta, ma hemm l-ebda indikazzjoni li r-raġonevolezza jew il-plawżibbiltà tal-ispejjeż se jkunu mxekkla. Madankollu, il-livell ta’ assigurazzjoni seta’ żdied permezz tal-għoti ta’ stimi aktar dettaljati għal ċerti miżuri. Fl-aħħar, l-ammont tal-ispejjeż totali stmati tal-pjan għall-irkupru u r-reżiljenza hija raġonevoli u plawżibbli u hija konformi mal-prinċipju tal-kosteffiċjenza u hija proporzjonata għall-impatt ekonomiku u soċjali nazzjonali mistenni.

Ħarsien tal-interessi finanzjarji

(37)Skont l-Artikolu 19(3)(j) u t-Taqsima 2.10 tal-Anness V tar-Regolament (UE) 2021/241, l-arranġamenti proposti fil-pjan għall-irkupru u r-reżiljenza huma adegwati (Klassifikazzjoni A) biex jipprevjenu, jidentifikaw u jikkoreġu l-korruzzjoni, il-frodi u l-kunflitti ta’ interess meta jintużaw il-fondi previsti skont dak ir-Regolament, u l-arranġamenti huma mistennija li jevitaw b’mod effettiv il-finanzjament doppju minn dan ir-Regolament u minn programmi oħra tal-Unjoni. Dan huwa mingħajr preġudizzju għall-applikazzjoni ta’ strumenti u għodod oħra li jippromwovu u jinfurzaw il-konformità mad-dritt tal-UE, inkluż għall-prevenzjoni, l-identifikazzjoni u l-korrezzjoni tal-korruzzjoni, il-frodi u l-kunflitti ta’ interess, u għall-protezzjoni tal-finanzi tal-Unjoni f’konformità mar-Regolament (UE, Euratom) 2020/2092 tal-Parlament Ewropew u tal-Kunsill.

(38)Is-sistema ta’ kontroll intern deskritta fil-pjan għall-irkupru u r-reżiljenza tal-Ġermanja tiddependi ħafna fuq il-proċessi u l-istrutturi nazzjonali eżistenti għall-awditjar, li jirriżultaw f’għoti ta’ setgħa u kapaċità amministrattiva adegwati. Bl-unità ta’ koordinazzjoni fil-Ministeru tal-Finanzi, l-unitajiet ta’ kontroll intern f’kull Ministeru u l-Qorti tal-Awdituri nazzjonali, huma identifikati atturi ċari flimkien mar-rwoli u r-responsabbiltajiet tagħhom għat-twettiq tal-kompiti ta’ kontroll intern. L-atturi huma indipendenti fil-funzjonament tagħhom u s-segregazzjoni tal-funzjonijiet rilevanti hija rispettata, u b’hekk is-sistemi ta’ kontroll isiru robusti u adegwati.

(39)Il-liġijiet u r-regolamenti nazzjonali huma kkunsidrati effiċjenti fil-prevenzjoni, id-detezzjoni u l-korrezzjoni ta’ irregolaritajiet bħal frodi, korruzzjoni, jew kunflitt ta’ interess meta jintużaw il-fondi taħt il-Faċilità għall-Irkupru u r-Reżiljenza. Dan japplika wkoll għall-evitar ta’ finanzjament doppju mill-Faċilità għall-Irkupru u r-Reżiljenza u programmi oħra tal-Unjoni. Il-qafas regolatorju u l-korpi pubbliċi ta’ implimentazzjoni huma deskritti b’mod adegwat u l-atturi responsabbli għall-kontrolli għandhom is-setgħat legali u l-kapaċità amministrattiva biex jeżerċitaw ir-rwoli u l-kompiti rispettivi tagħhom. Il-Ġermanja indikat li se tiġi stabbilita sistema tal-IT integrata għall-ġbir, il-ħżin u r-rappurtar adegwati tad-data meħtieġa għall-implimentazzjoni tal-pjan tagħha għall-irkupru u r-reżiljenza. Il-Ġermanja bdiet proċess biex is-sistema tal-IT tagħha tiġi awditjata mill-Qorti tal-Awdituri (Bundesrechnungshof) biex tidentifika dgħufijiet possibbli u biex tindirizza mingħajr dewmien kwalunkwe rakkomandazzjoni tar-rapport tal-awditjar, kif ukoll biex tiżgura r-reġistrazzjoni sħiħa tad-data kollha dwar ir-riċevituri finali tal-fondi, kif imsemmi fil-paragrafu (d) tal-Artikolu 22(2) tar-Regolament (UE) 2021/241, inkluż permezz ta’ sistema tranżizzjonali. Il-Ġermanja impenjat ruħha li tipprovdi aċċess għal data bħal din.

Koerenza tal-pjan

(40)F’konformità mal-Artikolu 19(3)(k) u t-Taqsima 2.11 tal-Anness V tar-Regolament (UE) 2021/241, il-pjan jinkludi fil-parti l-kbira (Klassifikazzjoni A) miżuri li jirrappreżentaw azzjonijiet koerenti.

(41)Il-pjan Ġermaniż għall-irkupru u r-reżiljenza għandu narrattiva koerenti b’enfasi strateġika ċara fuq it-tranżizzjoni ekoloġika u diġitali. F'kull komponent, ir-riformi u l-investimenti huma mmirati biex jiksbu objettivi koerenti u r-riżultati mistennija tagħhom isaħħu lil xulxin. L-azzjonijiet ippjanati huma koerenti u komplementari anki bejn il-komponenti, b’riformi strutturali li jakkumpanjaw l-investiment ippjanat biex jissaħħaħ l-impatt tiegħu. Hemm konsistenza u komplementarjetà intrinsika anke fil-miżuri minn komponenti differenti. Sabiex tiġi promossa koerenza usa’ bejn l-istrumenti, b’mod partikolari mal-fondi tal-politika ta’ koeżjoni Ewropea, hija mħeġġa allokazzjoni territorjali bbilanċjata tar-riżorsi.

Ugwaljanza

(42)Kwistjonijiet ta’ ugwaljanza bejn is-sessi u opportunitajiet indaqs għal kulħadd huma indirizzati fil-pjan f’diversi komponenti. Miżuri partikolarment rilevanti jinkludu t-titjib tad-disponibbiltà tal-edukazzjoni u l-kura bikrija tat-tfal li jippromwovu kemm l-ugwaljanza bejn is-sessi kif ukoll it-tnaqqis tal-iżvantaġġi soċjoekonomiċi. L-appoġġ għall-apprendistati u l-għajnuna għall-istudenti bi żvantaġġi tat-tagħlim relatati mal-COVID-19 huma mistennija li jibbenefikaw b’mod sproporzjonat liż-żgħażagħ minn sfondi vulnerabbli, inkluż bi sfond ta’ migrazzjoni.

Awtovalutazzjoni tas-sigurtà

(43)Ma ġietx ipprovduta awtovalutazzjoni tas-sigurtà billi ma tqisitx xierqa mill-Ġermanja, skont l-Artikolu 18(4)(g) tar-Regolament (UE) 2021/241.

Proġetti transfruntiera u li jinvolvu aktar minn pajjiż wieħed

(44)Karatteristika ċentrali tal-pjan Ġermaniż għall-irkupru u r-reżiljenza hija l-inklużjoni ta’ Proġetti Importanti ta’ Interess Ewropew Komuni (Important Projects of Common European Interest, “IPCEI”) ippjanati fl-oqsma tal-idroġenu (EUR 1 500 000 000), tal-mikroelettronika (EUR 1 500 000 000), u tat-teknoloġiji cloud u edge tal-ġenerazzjoni li jmiss (EUR 750 000 000). Dawn il-proġetti multinazzjonali nbdew b’mod konġunt ma’ pajjiżi oħra.

Proċess ta’ Konsultazzjoni

(45)Fuq il-bażi tas-sommarju tal-proċess ta’ konsultazzjoni pprovdut mill-Ġermanja, il-partijiet ikkonċernati rilevanti ġew ikkonsultati fil-fażi ta’ tħejjija tal-pjan u l-opinjonijiet tagħhom ġew ikkunsidrati kif xieraq. Fl-ambitu tar-responsabbiltajiet tagħhom, il-Länder kienu involuti fi stadju bikri u f’bosta passi fl-elaborazzjoni tal-pjan. Il-pożizzjonijiet tagħhom, b’mod partikolari fir-rigward tal-istruttura ta’ governanza matul il-fażi ta’ implimentazzjoni, huma riflessi fil-pjan. Il-Parlament Federali ġie infurmat regolarment dwar il-kontenut tal-pjan. Il-fehmiet tal-imsieħba soċjali u tal-organizzazzjonijiet ambjentali huma riflessi b’mod partikolari fl-għażla tal-miżuri fil-pjan: Wara l-konsultazzjoni, parti mir-riformi u l-investimenti ppjanati inizjalment ġew adattati jew tneħħew mill-pjan. Ġew ikkonsultati wkoll il-partijiet ikkonċernati soċjali, ir-rappreżentanti tal-industrija u tan-negozju, is-soċjetà ċivili u l-Bord Nazzjonali tal-Produttività. Għall-proġetti transfruntiera fil-pjan, il-Ġermanja ħadmet mill-qrib ma’ Stati Membri oħra li kienu qed jipparteċipaw f’dawn il-proġetti.

(46)Proċess kontinwu ta’ koordinazzjoni mal-Länder, inklużi l-muniċipalitajiet, huwa mistenni li jseħħ ukoll matul il-fażi ta’ implimentazzjoni tal-pjan. Fuq talba tal-Länder, l-istruttura ta’ governanza tipprevedi laqgħat ta’ koordinazzjoni regolari bejn il-Länder u l-Ministeri Federali responsabbli għar-riformi u l-investimenti li jaffettwaw direttament ir-responsabbiltajiet tal-Länder f’kuntest federali. Il-Länder għandhom ukoll ikunu involuti mill-qrib u f’waqthom fir-rappurtar dwar il-progress fl-implimentazzjoni. Sabiex tiġi żgurata s-sjieda mill-atturi rilevanti, huwa kruċjali li jiġu involuti l-awtoritajiet lokali u l-partijiet ikkonċernati kollha kkonċernati, inklużi s-sħab soċjali, matul l-implimentazzjoni tal-investimenti u r-riformi inklużi fil-pjan.

Valutazzjoni pożittiva

(47)Wara l-valutazzjoni pożittiva tal-Kummissjoni dwar il-pjan għall-irkupru u r-reżiljenza tal-Ġermanja bis-sejba li l-pjan jikkonforma b’mod sodisfaċenti mal-kriterji għall-valutazzjoni stabbiliti fir-Regolament (UE) 2021/241, skont l-Artikolu 20(2) u l-Anness V ta’ dak ir-Regolament, jenħtieġ li din id-Deċiżjoni tistabbilixxi r-riformi u l-proġetti ta’ investiment meħtieġa għall-implimentazzjoni tal-pjan, l-istadji importanti, il-miri u l-indikaturi rilevanti, u l-ammont disponibbli mill-Unjoni għall-implimentazzjoni tal-pjan fil-forma ta’ appoġġ finanzjarju li ma jitħallasx lura.

Kontribuzzjoni finanzjarja

(48)L-ispiża totali stmata tal-pjan Ġermaniż għall-irkupru u r-reżiljenza hija ta’ EUR 26 518 833 613 10 li hija ogħla mill-kontribuzzjoni finanzjarja massima. Billi l-pjan għall-irkupru u r-reżiljenza jikkonforma b’mod sodisfaċenti mal-kriterji għall-valutazzjoni stabbiliti fir-Regolament (UE) 2021/241 u, barra minn hekk, billi l-ammont tal-ispejjeż totali stmati tal-pjan għall-irkupru u r-reżiljenza huwa ogħla mill-kontribuzzjoni finanzjarja massima disponibbli għall-Ġermanja jenħtieġ li l-kontribuzzjoni finanzjarja allokata għall-pjan għall-irkupru u r-reżiljenza tal-Ġermanja tkun ugwali għall-ammont totali tal-kontribuzzjoni finanzjarja disponibbli għall-Ġermanja, f’konformità mal-Artikolu 11 ta’ dan ir-Regolament.

(49)F’konformità mal-Artikolu 11(2) tar-Regolament (UE) 2021/241, il-kalkolu tal-kontribuzzjoni finanzjarja massima għall-Ġermanja irid jiġi aġġornat sat-30 ta’ Ġunju 2022. Għalhekk, f’konformità mal-Artikolu 23(1) ta’ dak ir-Regolament, jenħtieġ li issa jkun hemm ammont disponibbli għall-Ġermanja għal impenn legali sal-31 ta’ Diċembru 2022. Jekk meħtieġ wara l-kontribuzzjoni finanzjarja massima aġġornata, jenħtieġ li l-Kunsill, bi proposta mill-Kummissjoni, jemenda din id-Deċiżjoni biex jinkludi l-kontribuzzjoni finanzjarja massima aġġornata mingħajr dewmien żejjed.

(50)L-appoġġ li għandu jingħata għandu jiġi ffinanzjat mill-għoti b’self mill-Kummissjoni f’isem l-Unjoni fuq il-bażi tal-Artikolu 5 tad-Deċiżjoni tal-Kunsill (UE, Euratom) 2020/2053 11 . L-appoġġ irid jitħallas bin-nifs ladarba l-Ġermanja tkun wettqet b'mod sodisfaċenti l-istadji importanti rilevanti u l-miri identifikati b'rabta mal-implimentazzjoni tal-pjan għall-irkupru u r-reżiljenza.

(51)Il-Ġermanja talbet prefinanzjament ta’ EUR 2 250 000 000. Dan l-ammont għandu jsir disponibbli għall-Ġermanja soġġett għad-dħul fis-seħħ u f’konformità mal-Ftehim ta’ Finanzjament previst fl-Artikolu 23(1) tar-Regolament (UE) 2021/241.

(52)Jenħtieġ li din id-Deċiżjoni tkun mingħajr preġudizzju għall-eżitu ta’ kull proċedura marbuta mal-għoti ta’ fondi tal-Unjoni skont kull programm ieħor tal-Unjoni ħlief ir-Regolament (UE) 2021/241 jew għal proċeduri marbuta ma’ distorsjonijiet tal-operazzjoni tas-suq intern li jistgħu jitwettqu, b’mod partikolari skont l-Artikoli 107 u 108 tat-Trattat. Din ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

ADOTTA DIN ID-DEĊIŻJONI:

Artikolu 1
Approvazzjoni tal-valutazzjoni tal-pjan għall-irkupru u r-reżiljenza

Il-valutazzjoni tal-pjan għall-irkupru u r-reżiljenza tal-Ġermanja fuq il-bażi tal-kriterji previsti fl-Artikolu 19(3) tar-Regolament (UE) 2021/241 hija approvata. Ir-riformi u l-proġetti ta’ investiment skont il-pjan għall-irkupru u r-reżiljenza, l-arranġamenti u l-iskeda ta’ żmien għall-monitoraġġ u l-implimentazzjoni tal-pjan għall-irkupru u r-reżiljenza, inkluż l-istadji importanti u l-miri rilevanti, l-indikaturi rilevanti marbuta mal-issodisfar tal-istadji importanti u l-miri previsti, u l-arranġamenti biex il-Kummissjoni tagħti aċċess sħiħ għad-data rilevanti sottostanti huma stabbiliti fl-Anness ta’ din id-Deċiżjoni.

Artikolu 2
Kontribuzzjoni finanzjarja

1.L-Unjoni għandha tqiegħed għad-dispożizzjoni tal-Ġermanja kontribuzzjoni finanzjarja fil-forma ta’ appoġġ li ma jitħallasx lura li jammonta għal EUR 25 613 478 442 12 . Ammont ta’ EUR 16 291 323 631 għandu jkun disponibbli biex jiġi impenjat legalment sal-31 ta’ Diċembru 2022. Soġġett għall-aġġornament previst fl-Artikolu 11(2) tar-Regolament (UE) 2021/241 li jikkalkola ammont għall-Ġermanja li jkun ugwali għal dan l-ammont jew ogħla minnu, ammont ieħor ta’ EUR 9 322 154 811 għandu jkun disponibbli biex jiġi impenjat legalment mill-1 ta’ Jannar 2023 sal-31 ta’ Diċembru 2023.

2.Il-kontribuzzjoni finanzjarja tal-Unjoni għandha ssir disponibbli mill-Kummissjoni lill-Ġermanja fi ħlasijiet parzjali f’konformità mal-Anness ta’ din id-Deċiżjoni. Ammont ta’ EUR 2 250 000 000 għandu jsir disponibbli bħala pagament ta’ prefinanzjament. Il-Kummissjoni tista’ tiżborża l-prefinanzjament u ħlasijiet parzjali f’segment wieħed jew f’diversi segmenti. Id-daqs tas-segmenti għandu jkun soġġett għad-disponibbiltà tal-finanzjament.

3.Il-prefinanzjament għandu jkun rilaxxat soġġett għad-dħul fis-seħħ u f’konformità mal-Ftehim ta’ Finanzjament previst fl-Artikolu 23(1) tar-Regolament (UE) 2021/241. Il-prefinanzjament għandu jitħallas billi jitnaqqas proporzjonalment mill-pagament tal-ħlasijiet parzjali.

4.Ir-rilaxx tal-ħlasijiet parzjali f’konformità mal-Ftehim ta’ Finanzjament għandu jkun kondizzjonali għall-finanzjament disponibbli u deċiżjoni mill-Kummissjoni, f’konformità mal-Artikolu 24 tar-Regolament (UE) 2021/241, li l-Ġermanja tkun laħqet b’mod sodisfaċenti l-istadji importanti u l-miri rilevanti identifikati fir-rigward tal-implimentazzjoni tal-pjan għall-irkupru u r-reżiljenza. Soġġett għad-dħul fis-seħħ tal-impenji legali msemmija fil-paragrafu 1, sabiex wieħed ikun eliġibbli għal pagament, l-istadji importanti u l-miri għandhom jitlestew sa mhux aktar tard mill-31 August 2026.

Artikolu 3
Destinatarju

Din id-Deċiżjoni hija indirizzata lir-Repubblika Federali tal-Ġermanja.

Magħmul fi Brussell,

Għall-Kunsill

Il-President

(1) ĠU L 57, 18.2.2021, p. 17-75.

(2) Ir-Regolament (UE) Nru 1176/2011 tal-Parlament Ewropew u tal-Kunsill tas-16 ta' Novembru 2011 dwar il-prevenzjoni u l-korrezzjoni ta' żbilanċi makroekonomiċi (ĠU L 306, 23.11.2011, p. 25).

(3) SWD(2021) 401 final

(4) Sakemm tiġi adottata l-aħħar mill-Kunsill, wara l-approvazzjoni mill-Kunsill Ewropew. It-test miftiehem mill-Grupp tal-Euro fis-16 ta’ Diċembru 2020 jinsab fuq: https://data.consilium.europa.eu/doc/document/ST-14356-2020-INIT/en/pdf

(5) Ir-Regolament tal-Kunsill (UE) 2020/2094 tal-14 ta’ Diċembru 2020 li jistabbilixxi Strument tal-Unjoni Ewropea għall-Irkupru biex jappoġġa l-irkupru wara l-kriżi tal-COVID-19 (ĠU L 433I, 22.12.2020, p. 23).

(6) Dawn l-iżbilanċi makroekonomiċi jirreferu għar-rakkomandazzjonijiet li saru skont l-Artikolu 6 tar-Regolament (UE) Nru 1176/2011 fl-2019 u fl-2020.

(7) Simulazzjonijiet bħal dawn jirriflettu l-impatt ġenerali tal-NGEU, li jinkludi wkoll finanzjament għal ReactEU, u aktar finanzjament għal Orizzont Ewropa, InvestEU, JTF, Żvilupp Rurali u RescEU. Simulazzjoni bħal din ma tinkludix l-impatt pożittiv possibbli tar-riformi strutturali, li jista’ jkun sostanzjali.

(8) Ir-Rakkomandazzjoni tal-Kunsill tat-30 ta’ Ottubru 2020 dwar Pont għall-Impjiegi - It-tisħiħ tal-Garanzija għaż-Żgħażagħ u li tissostitwixxi r-Rakkomandazzjoni tal-Kunsill tat-22 ta’ April 2013 dwar l-istabbiliment ta’ Garanzija għaż-Żgħażagħ 2020/C 372/01

(9) Ir-Regolament (UE) 2020/852 tal-Parlament Ewropew u tal-Kunsill tat-18 ta’ Ġunju 2020 dwar l-istabbiliment ta’ qafas biex jiġi ffaċilitat l-investiment sostenibbli, u li jemenda r-Regolament (UE) 2019/2088 (ĠU L 198, 22.6.2020, p. 13).

(10) Il-Ġermanja ssottomettiet żewġ stimi tal-ispejjeż. Il-valur gross tal-pjan ta’ EUR 27 949 882 000 jinkludi l-VAT għal xi miżuri, filwaqt li valur nett ta’ mill-inqas EUR 26 518 833 613 jeskludi l-VAT.

(11) ĠU L 424, 15.12.2020, p. 1.

(12) Dan l-ammont jikkorrispondi għall-allokazzjoni finanzjarja wara t-tnaqqis tas-sehem proporzjonali tal-Ġermanja tal-ispejjeż tal-Artikolu 6(2) tar-Regolament (UE) 2021/241, ikkalkulat skont il-metodoloġija tal-Artikolu 11 ta’ dak ir-Regolament.

Top

IL-KUMMISSJONI EWROPEA

Brussell, 22.6.2021

COM(2021) 341 final

ANNESS

tal-

Proposta għal Deċiżjoni ta' Implimentazzjoni tal-Kunsill

dwar l-approvazzjoni tal-valutazzjoni tal-pjan għall-irkupru u r-reżiljenza għall-Ġermanja

{SWD(2021) 163 final}

ANNESS

WERREJ

A. KOMPONENT 1.1: Id-dekarbonizzazzjoni bl-użu tal-idroġenu rinnovabbli b’mod partikolari

B. KOMPONENT 1.2: Mobilità li ma tagħmilx ħsara lill-klima

C. KOMPONENT 1.3: Rinnovazzjoni u kostruzzjoni li ma jagħmlux ħsara lill-klima

D. KOMPONENT 2.1: Id-data bħala l-materja prima tal-futur

E. KOMPONENT 2.2: Diġitalizzazzjoni tal-Ekonomija

F. KOMPONENT 3.1: Diġitalizzazzjoni tal-Edukazzjoni

G. KOMPONENT 4.1: It-tisħiħ tal-inklużjoni soċjali

H. KOMPONENT 5.1: Tisħiħ ta’ Sistema tal-Kura tas-Saħħa reżistenti għall-Pandemija

I. KOMPONENT 6.1: Amministrazzjoni Pubblika Moderna

J. KOMPONENT 6.2: Tnaqqis tal-ostakli għall-investiment

TAQSIMA 1: RIFORMI U INVESTIMENTI TAĦT IL-PJAN GĦALL-IRKUPRU U R-REŻILJENZA

1.Deskrizzjoni ta’ Riformi u Investimenti

A. KOMPONENT 1.1: Id-dekarbonizzazzjoni bl-użu tal-idroġenu rinnovabbli b’mod partikolari

Il-komponent tal-pjan Ġermaniż għall-irkupru u r-reżiljenza jindirizza l-isfida tal-mitigazzjoni tat-tibdil fil-klima billi jimmira li jnaqqas l-emissjonijiet tal-gassijiet serra (greenhouse gas, GHG) fl-ekonomija. L-objettivi tal-komponent huma li jappoġġa l-użu tal-idroġenu prodott b’enerġija minn sorsi rinnovabbli u li jikkontribwixxi bħala għan primarju għat-tnaqqis tal-emissjonijiet tal-GHG kif definit fin-NECP Ġermaniż, b’enfasi fuq l-industrija. Il-komponent ifittex ukoll li jagħti kontribut f’termini ta’ innovazzjoni industrijali u politika dwar l-impjiegi.

Il-komponent jappoġġa l-indirizzar tar-Rakkomandazzjoni Speċifika għall-Pajjiż dwar l-investiment fit-tranżizzjoni ekoloġika u jikkostitwixxi element kostitwenti fit-tfassil ta’ sistema tal-enerġija nadifa, effiċjenti u integrata (ir-Rakkomandazzjoni Speċifika għall-Pajjiż 2, 2019 u r-Rakkomandazzjoni Speċifika għall-Pajjiż 1, 2020).

Huwa mistenni li l-ebda miżura f’dan il-komponent ma tagħmel ħsara sinifikanti lill-objettivi ambjentali skont it-tifsira tal-Artikolu 17 tar-Regolament (UE) 2020/852, filwaqt li jitqiesu d-deskrizzjoni tal-miżuri u l-passi ta’ mitigazzjoni stabbiliti fil-pjan għall-irkupru u r-reżiljenza skont il-Gwida Teknika tad-DNSH (2021/C58/01).

A.1. Deskrizzjoni tar-riformi u l-investimenti għal appoġġ finanzjarju li ma jitħallasx lura

1.1.1 Investiment: Proġetti tal-idroġenu fil-qafas tal-IPCEIs

L-objettiv tal-Proġetti Importanti tal-idroġenu ta’ Interess Ewropew Komuni (IPCEIs) 1 ippjanati huwa li jaċċelleraw l-adozzjoni meħtieġa mis-suq tal-idroġenu u d-derivattivi tiegħu għad-dekarbonizzazzjoni tal-proċessi intensivi fl-emissjonijiet u l-iżvilupp ta’ oqsma ġodda ta’ applikazzjoni fil-Ġermanja u fl-Ewropa.

Il-miżura tikkonsisti f’appoġġ finanzjarju li għandu jingħata lil proġetti integrati tul il-katina tal-valur kollha permezz tal-idroġenu tal-IPCEI. Fir-rigward tal-produzzjoni, l-IPCEI għandu jiffoka fuq il-bini ta’ kapaċità kbira tal-elettroliżi għall-produzzjoni tal-idroġenu rinnovabbli f’postijiet fejn ikun hemm biżżejjed elettriku rinnovabbli disponibbli. F’dan il-qafas, il-kapaċità tal-elettroliżi sa 500 MW hija mistennija li tinbena għall-ħtiġijiet industrijali fil-Ġermanja. Fir-rigward tal-infrastruttura, huwa mistenni li tinbena infrastruttura tat-trasport u tal-ħżin tal-idroġenu Ġermaniża u Ewropea.

L-implimentazzjoni tal-investiment għandha titlesta sal-31 ta’ Awwissu 2026.

1.1.2 Investiment: Programm ta’ finanzjament għad-dekarbonizzazzjoni fl-industrija

L-għan tal-miżura huwa li tgħin lill-industrija taqleb minn proċessi ta’ produzzjoni intensivi ħafna fl-emissjonijiet għal proċessi b’emissjonijiet baxxi ta’ gassijiet serra. B’mod aktar preċiż, hija tfittex li tgħin lin-negozji jindirizzaw l-isfidi tat-tranżizzjoni, li jinsabu b’mod partikolari fl-ispejjeż għoljin u r-riskju ekonomiku tal-iżvilupp ta’ teknoloġiji newtrali għall-klima.

Għandu jingħata appoġġ għar-riċerka u l-iżvilupp, l-ittestjar f’impjanti sperimentali jew pilota u l-investimenti f’installazzjonijiet għall-applikazzjoni u l-implimentazzjoni ta’ miżuri fuq skala industrijali. L-appoġġ għandu jingħata fil-forma ta’ għotja ta’ investiment parzjali. Il-miżura hija mmirata lejn kumpaniji f’industriji intensivi fl-enerġija b’emissjonijiet GHG li jirriżultaw mill-proċess ta’ produzzjoni kopert mill-iskema tal-UE għall-iskambju ta’ kwoti tal-emissjonijiet (b’mod partikolari l-azzar, is-siment, il-ġir, is-sustanzi kimiċi, il-metalli mhux ferrużi, il-ħġieġ u ċ-ċeramika). Huma biss il-proġetti li jirriżultaw f’emissjonijiet sostanzjalment taħt il-parametri referenzjarji tas-Sistema tal-UE għall-Iskambju ta’ Kwoti tal-Emissjonijiet li jistgħu japplikaw għal appoġġ taħt il-miżura 2 .

L-implimentazzjoni tal-miżura għandha titlesta sal-31 ta’ Awwissu 2026. Barra minn hekk, il-Ġermanja qed tippjana li testendi l-miżura lil hinn mill-2026 b’finanzjament mill-baġit nazzjonali tagħha.

1.1.3 Investiment: Skema pilota għal kuntratti ta’ azzjoni klimatika bbażata fuq il-prinċipju tal-Kuntratti tal-Karbonju għad-Differenza

L-għan tal-miżura huwa, bħal fil-każ tal-miżura 1.1.2, l-introduzzjoni ta’ teknoloġiji ta’ produzzjoni ġodda u aktar nodfa għall-industriji li jużaw ħafna enerġija. L-objettiv speċifiku tal-miżura huwa li tipprovdi lin-negozji b’ċertezza finanzjarja meta jagħmlu investimenti sinifikanti f’teknoloġiji newtrali għall-klima u biex jitnaqqsu fuq bażi permanenti l-emissjonijiet ta’ gassijiet b’effett ta’ serra relatati mal-proċess li huma diffiċli li jiġu evitati taħt l-ogħla livell ta’ żvilupp tekniku attwali tat-teknoloġiji.

Għandhom jiġu ffirmati kuntratti ta’ azzjoni klimatika bejn l-Istat u l-industriji li jużaw ħafna enerġija biex itaffu l-ispejjeż operattivi ogħla tat-teknoloġiji innovattivi. Dawn il-kuntratti għandhom jiggarantixxu prezz fiss tas-CO2 fuq tul ta’ żmien fiss għall-kumpaniji li jinvestu f’teknoloġiji għat-tnaqqis tas-CO2. Il-programm huwa mistenni li jkun immirat primarjament lejn kumpaniji fl-industriji tal-azzar, tal-kimika u tal-materjali tal-bini fejn l-emissjonijiet tal-proċess huma partikolarment diffiċli biex jiġu evitati. Huma biss il-proġetti li jirriżultaw f’emissjonijiet sostanzjalment taħt il-parametri referenzjarji tal-ETS li għandhom ikunu eliġibbli għall-appoġġ taħt il-miżura 3 .

L-implimentazzjoni tal-investiment hija mistennija li tibda sal-31 ta’ Diċembru 2021 u għandha titlesta sal-31 ta’ Awwissu 2026. Barra minn hekk, il-Ġermanja qed tippjana li testendi l-miżura lil hinn mill-2026 b’finanzjament mill-baġit nazzjonali tagħha.

1.1.4 Investiment: Riċerka dwar il-protezzjoni tal-klima relatata mal-proġett

Bħal miżuri oħra minn dan il-komponent, l-għan ta’ din il-miżura huwa li tikkontribwixxi għall-għan ġenerali tad-dekarbonizzazzjoni tal-ekonomija f’konformità mal-miri tal-2050 iżda b’enfasi aktar qawwija fuq l-SMEs u l-industriji bażiċi.

Il-proġetti kollaborattivi għandhom jiġu appoġġati fit-tliet oqsma: (i) il-protezzjoni tal-klima fl-industrija, (ii) l-innovazzjoni tal-SMEs u (iii) ir-reżiljenza għat-tibdil fil-klima. L-ewwel qasam għandu jiffoka fuq il-protezzjoni tal-klima fl-industrija tal-materjali bażiċi bil-għan li jiġu promossi r-riċerka industrijali u l-iżvilupp ta’ proċessi ġodda li jipprevjenu l-emissjonijiet tal-gassijiet b’effett ta’ serra. It-tieni qasam ta’ fokus għandu jikkonsisti f’miżuri ta’ appoġġ għall-innovazzjoni tal-SMEs li jikkontribwixxu għall-mitigazzjoni tat-tibdil fil-klima u l-effiċjenza enerġetika. Fl-aħħar nett, it-tielet qasam għandu jiffoka fuq miżuri ta’ appoġġ għal proġetti ta’ reżiljenza għall-klima minn muniċipalitajiet u negozji lokali assoċjati ma’ sħab tar-riċerka (universitajiet u istituti ta’ riċerka mhux universitarji).

L-implimentazzjoni tal-investiment għandha titlesta sal-31 ta’ Diċembru 2025.

1.1.5 Investiment: Proġetti emblematiċi għar-riċerka u l-innovazzjoni fil-kuntest tal-Istrateġija Nazzjonali għall-Idroġenu

Din il-miżura tikkontribwixxi għall-objettiv ġenerali tad-dekarbonizzazzjoni tal-ekonomija u għandha tiffoka speċifikament fuq l-indirizzar ta’ kwistjonijiet ewlenin relatati mal-forniment tal-idroġenu ekoloġiku fis-sistema tal-enerġija futura.

Min-naħa tar-riċerka, l-ewwel inizjattiva ewlenija għandha tindirizza l-isfidi tal-produzzjoni serjali tal-elettrolizzaturi tal-ilma. It-tieni inizjattiva ewlenija għandha tiffoka fuq il-produzzjoni integrata u diretta lil hinn mill-kosta tal-idroġenu u d-derivattivi tiegħu fil-baħar bl-użu tal-enerġija mir-riħ lil hinn mill-kosta. It-tielet inizjattiva ewlenija għandha tesplora u tivvaluta l-potenzjal tat-teknoloġiji tat-trasport bl-idroġenu.

L-implimentazzjoni tal-miżura għandha titlesta sal-31 ta’ Awwissu 2026.

A.2. Stadji importanti, miri, indikaturi u skeda ta’ żmien għall-monitoraġġ u l-implimentazzjoni għal appoġġ finanzjarju li ma jitħallasx lura

Numru sekwenzjali	Miżura relatata (Riforma jew Investiment)	Stadju Ewlieni/Mira	Isem	Indikaturi kwalitattivi (għal stadji importanti)	Indikaturi kwantitattivi (għall-miri)			Skeda ta’ żmien indikattiva għat-tlestija		Deskrizzjoni ta’ kull stadju importanti u mira
					Unità ta’ kejl	Linja bażi	Għan	Kwart	Sena
1	1.1.1 Proġetti tal-idroġenu fil-qafas tal-IPCEIs	Ewlieni	Tlestija tal-proċedura ta’ espressjoni ta’ interess	Il-kumpaniji ppreżentaw abbozzi ta’ proġetti	—	—	—	Q2	2021	Il-proċedura ta’ espressjoni ta’ interess tlestiet. Ġew identifikati proġetti potenzjali u parteċipanti fil-proġetti fil-Ġermanja.
2	1.1.1 Proġetti tal-idroġenu fil-qafas tal-IPCEIs	Ewlieni	Ħruġ tal-ewwel deċiżjonijiet ta’ għotja	Deċiżjonijiet ta’ għotja maħruġa	—	—	—	Q1	2022	Id-deċiżjonijiet tal-għotjiet inħarġu lill-benefiċjarji/applikanti mill-Ministeru għall-Affarijiet Ekonomiċi u l-Enerġija (BMWi), il-Ministeru tat-Trasport u l-Infrastruttura Diġitali (BMVI), il-Ministeru tal-Ambjent (BMU), li jippermettu l-bidu tal-implimentazzjoni tal-proġetti magħżula.
3	1.1.1 Proġetti tal-idroġenu fil-qafas tal-IPCEIs	Mira	Impenn ta’ mill-inqas EUR 500 000 000	—	EUR miljun	0	500	Q2	2024	Mill-inqas EUR 500 000 000 ġew impenjati għal proġetti tal-idroġenu f’konformità mad-deċiżjonijiet ta’ għotja maħruġa.
4	1.1.1 Proġetti tal-idroġenu fil-qafas tal-IPCEIs	Ewlieni	Evalwazzjoni tal-programm ta’ appoġġ	L-ewwel rapport ta’ evalwazzjoni (rapport interim) ippubblikat	—	—	—	Q4	2025	L-evalwaturi pprovdew l-ewwel rapport ta’ evalwazzjoni, li għandu jinkludi valutazzjoni inizjali tal-effetti diretti u indiretti tal-għajnuna u valutazzjoni tal-adegwatezza u l-proporzjonalità tal-miżura ta’ appoġġ. Ir-rapport ta’ evalwazzjoni għandu jivvaluta b’mod partikolari s-suċċess lejn l-iżvilupp ta’ kapaċitajiet elettrolitiċi, l-integrazzjoni sistemika tagħhom fis-sistema tal-enerġija (l-evitar ta’ konġestjoni fin-network), l-iżvilupp ta’ infrastruttura xprunata mid-domanda, l-implimentazzjoni ta’ teknoloġiji għad-dekarbonizzazzjoni tal-idroġenu. L-evalwaturi għandhom jivvalutaw ukoll is-suċċess tal-adozzjoni mis-suq tat-teknoloġija tal-idroġenu u sa liema punt huwa rilevanti għas-sistema u l-ħtiġijiet tal-enerġija. L-evalwazzjoni għandha tingħata b’kuntratt lil evalwaturi esterni u indipendenti.
5	1.1.1 Proġetti tal-idroġenu fil-qafas tal-IPCEIs	Mira	Impenn ta’ EUR 1 500 000 000	—	EUR miljun	0	1 500	Q3	2026	Mill-inqas EUR 1 500 000 000 ġew impenjati għal proġetti tal-idroġenu f’konformità mad-deċiżjonijiet ta’ għotja maħruġa.
6	1.1.1 Proġetti tal-idroġenu fil-qafas tal-IPCEIs	Mira	Ħolqien ta’ mill-inqas 300 MW ta’ kapaċità tal-elettroliżi		Megawatt	0	300	Q3	2026	Mill-inqas għandha tinħoloq kapaċità ta’ elettroliżi ta’ 300 MW.
7	1.1.2 Programm ta’ appoġġ għad-dekarbonizzazzjoni fl-industrija	Ewlieni	Dħul fis-seħħ tal-linja gwida dwar il-finanzjament (Förderrichtlinie) għad-dekarbonizzazzjoni fl-industrija	Dħul fis-seħħ tal-linja gwida dwar il-finanzjament	—	—	—	Q1	2021	Il-linja gwida daħlet fis-seħħ, u b’hekk il-kumpaniji setgħu jippreżentaw l-applikazzjonijiet.
8	1.1.2 Programm ta’ appoġġ għad-dekarbonizzazzjoni fl-industrija	Mira	Ħruġ ta’ deċiżjonijiet ta’ għotja	—	Għadd	0	20	Q4	2024	Id-deċiżjonijiet ta’ għotja nħarġu lill-benefiċjarji/applikanti, li jippermettu l-bidu tal-implimentazzjoni tal-proġetti magħżula.
9	1.1.2 Programm ta’ appoġġ għad-dekarbonizzazzjoni fl-industrija	Mira	Żborż lill-proġetti appoġġati	—	EUR miljun	0	426,823	Q3	2026	Mill-EUR 449 288 000 allokati għall-miżura, mill-inqas EUR 426 823 000 ta’ fondi impenjati għall-proġetti magħżula ġew żborżati lill-benefiċjarji.
10	1.1.2 Programm ta’ appoġġ għad-dekarbonizzazzjoni fl-industrija	Mira	Tnaqqis tal-emissjonijiet tal-gassijiet serra fl-industrija	—	Miljun tunnellata ta’ ekwivalenti ta’ CO2 (evitar annwali)	0	1	Q3	2026	Il-miżura wasslet biex jiġu evitati mill-inqas 1 miljun tunnellata ta’ ekwivalenti ta’ CO2 fi 12-il xahar konsekuttiv 2025/2026, kif muri mir-rapporti interim/finali mibgħuta mill-benefiċjarji lill-promotur tal-proġett. Ir-rapporti għandhom jindikaw kemm ġew evitati emissjonijiet ta’ gassijiet serra (GHG) mill-proġetti implimentati, meta mqabbla mal-emissjonijiet ta’ gassijiet serra li kienu jseħħu mingħajr l-intervent. It-tnaqqis globali tal-emissjonijiet ta’ gassijiet b’effett ta’ serra miksub mill-miżura għandu jinġabar fil-qosor f’rapport separat.
11	1.1.3 Skema pilota għal kuntratti ta’ azzjoni klimatika bbażati fuq il-prinċipju tal-Kuntratti tal-Karbonju għad-Differenza	Ewlieni	Tlestija ta’ proċedura ta’ espressjoni ta’ interess għal kuntratti dwar it-tibdil fil-klima	Il-kumpaniji jippreżentaw espressjonijiet ta’ interess għall-kuntratti dwar it-tibdil fil-klima lill-Ministeru tal-Ambjent (BMU)	—	—	—	Q4	2021	Il-proċedura ta’ espressjoni ta’ interess tlestiet, bil-kumpaniji li esprimew l-interess tagħhom li jirċievu appoġġ għall-proġetti tagħhom permezz ta’ kuntratti u proġetti relatati mat-tibdil fil-klima li ntgħażlu.
12	1.1.3 Skema pilota għal kuntratti ta’ azzjoni klimatika bbażati fuq il-prinċipju tal-Kuntratti tal-Karbonju għad-Differenza	Ewlieni	Linja gwida ta’ finanzjament (Förderrichtlinie) għal programm pilota dwar kuntratti dwar it-tibdil fil-klima bbażat fuq il-prinċipju tal-Kuntratti dwar il-Karbonju għad-Differenza	Dħul fis-seħħ tal-linja gwida dwar il-finanzjament	—	—	—	Q3	2022	Il-linja gwida għal programm pilota dwar il-kuntratti dwar it-tibdil fil-klima bbażat fuq il-prinċipju tal-Kuntratti dwar il-Karbonju għad-Differenza daħlet fis-seħħ, u b’hekk il-kumpaniji setgħu jippreżentaw l-applikazzjonijiet.
13	1.1.3 Skema pilota għal kuntratti ta’ azzjoni klimatika bbażati fuq il-prinċipju tal-Kuntratti tal-Karbonju għad-Differenza	Mira	Żborż lill-proġetti appoġġati	—	EUR miljun	0	522,5	Q3	2026	Mill-EUR 550 000 000 allokati għall-miżura, mill-inqas EUR 522 500 000 ta’ fondi impenjati għall-proġetti magħżula ġew żborżati lill-benefiċjarji.
14	1.1.4 Riċerka dwar il-protezzjoni tal-klima relatata mal-proġett	Mira	Approvazzjoni ta’ applikazzjonijiet għall-appoġġ ta’ proġetti ta’ riċerka relatati mal-klima	—	Numru ta’ applikazzjonijiet approvati	0	45	Q4	2021	Il-proġetti ta’ riċerka relatati mal-klima magħżula taħt is-sejħa għall-offerti ġew approvati għall-finanzjament.
15	1.1.4 Riċerka dwar il-protezzjoni tal-klima relatata mal-proġett	Mira	Żborż lill-proġetti appoġġati	—	EUR miljun	0	57	Q4	2025	Mill-EUR 60 000 000 allokati għall-miżura, mill-inqas EUR 57 000 000 ta’ fondi impenjati għall-proġetti magħżula ġew żborżati lill-benefiċjarji.
16	1.1.4 Riċerka dwar il-protezzjoni tal-klima relatata mal-proġett	Mira	Tlestija ta’ proġetti ta’ riċerka appoġġati relatati mal-klima	—	Għadd	0	45	Q4	2025	Il-proġetti tlestew, kif muri mill-preżentazzjonitar-rapport finali.
17	1.1.5 Proġetti emblematiċi għar-riċerka u l-innovazzjoni fil-kuntest tal-Istrateġija Nazzjonali għall-Idroġenu	Ewlieni	Pubblikazzjoni tal-kompetizzjoni “Idea Competition “Idrogen Republic Germany” (Förderaufruf zum Ideenwettbewerb “Wasserstoffrepublik Deutschland”)	Pubblikazzjoni tal-kompetizzjoni fuq il-paġna ewlenija tal-Ministeru tal-Edukazzjoni u r-Riċerka	—	—	—	Q2	2020	Il-kompetizzjoni, inklużi l-kundizzjonijiet tal-eliġibbiltà, ġiet ippubblikata fuq il-paġna ewlenija tal-Ministeru tal-Edukazzjoni u r-Riċerka u nfetħet għall-applikazzjonijiet.
18	1.1.5 Proġetti emblematiċi għar-riċerka u l-innovazzjoni fil-kuntest tal-Istrateġija Nazzjonali għall-Idroġenu	Mira	Ħruġ ta’ deċiżjonijiet ta’ għotja	—	Għadd ta’ deċiżjonijiet ta’ għotja maħruġa	0	150	Q2	2022	Id-deċiżjonijiet ta’ għotja nħarġu lill-benefiċjarji/applikanti, li jippermettu l-bidu tal-implimentazzjoni tal-proġetti magħżula.
19	1.1.5 Proġetti emblematiċi għar-riċerka u l-innovazzjoni fil-kuntest tal-Istrateġija Nazzjonali għall-Idroġenu	Mira	Tlestija tal-proġetti appoġġati	—	Numru	0	150	Q3	2026	Il-proġetti tlestew, kif muri mid-disponibbiltà tar-rapport finali uffiċjali. Dawn ir-rapporti għandhom jiddeskrivu fid-dettall ir-riżultati miksuba u jqabbluhom mal-għanijiet stabbiliti.
20	1.1.5 Proġetti emblematiċi għar-riċerka u l-innovazzjoni fil-kuntest tal-Istrateġija Nazzjonali għall-Idroġenu	Mira	Żborż lill-proġetti appoġġati	—	EUR miljun	0	560	Q3	2026	Mill-EUR 700 000 000 allokati għall-proġetti emblematiċi, mill-inqas EUR 560 000 000 ġew żborżati lill-benefiċjarji. Kalkolu bbażat fuq il-pagamenti attwali li jkunu saru.
21	1.1.5 Proġetti emblematiċi għar-riċerka u l-innovazzjoni fil-kuntest tal-Istrateġija Nazzjonali għall-Idroġenu	Mira	Impenn għal proġetti ewlenin ta’ riċerka u innovazzjoni	—	EUR miljun	0	665	Q3	2026	Mill-EUR 700 000 000 allokati għall-proġetti emblematiċi, ġew impenjati mill-inqas EUR 665 000 000.

B. KOMPONENT 1.2: Mobilità li ma tagħmilx ħsara lill-klima

Il-komponent tal-pjan Ġermaniż għall-irkupru u r-reżiljenza jindirizza l-isfida tal-mitigazzjoni tat-tibdil fil-klima b’enfasi fuq is-settur tat-trasport.

L-objettiv tal-komponent huwa li jikkontribwixxi għat-tnaqqis sostanzjali tal-emissjonijiet tas-CO2 fis-settur tat-trasport. Għandha l-għan speċifiku li tistabbilixxi teknoloġiji alternattivi fis-settur tat-trasport b’mod sostenibbli, biex tagħmilhom aktar effiċjenti fl-enerġija, favur il-klima u l-ambjent, u b’hekk tippromwovi aktar it-tranżizzjoni tal-enerġija fit-trasport.

L-appoġġ għall-iżvilupp tas-suq tal-elettromobilità u l-investiment komplementari fit-teknoloġiji tal-mobilità sostenibbli huma maħsuba wkoll biex jappoġġaw it-tranżizzjoni lejn industrija tal-karozzi u tal-provvista newtrali għall-klima u biex jgħinu lill-Ġermanja ssaħħaħ lill-Ġermanja ekonomikament fit-terminu medju u fit-tul.

Il-komponent jappoġġa l-indirizzar tar-Rakkomandazzjoni Speċifika għall-Pajjiż biex “l-investiment jiġi ffukat fuq it-tranżizzjoni ekoloġika u diġitali, b’mod partikolari fuq it-trasport sostenibbli, (...) ir-riċerka u l-innovazzjoni” (ir-Rakkomandazzjoni Speċifika għall-Pajjiż 1, 2020).

B.1. Deskrizzjoni tar-riformi u l-investimenti għal appoġġ finanzjarju li ma jitħallasx lura

1.2.1 Investiment: Għotjiet għall-kostruzzjoni ta’ infrastruttura tal-iċċarġjar

L-isfida ġenerali indirizzata mill-miżura hija l-ħtieġa li jiġu żviluppati soluzzjonijiet ta’ mobilità nadifa għad-dekarbonizzazzjoni tas-settur tat-trasport. B’mod speċifiku, din il-miżura tindirizza l-ħtieġa li jiġi żviluppat network kullimkien ta’ infrastruttura tal-iċċarġjar għall-vetturi elettroniċi. Din hija waħda mill-kundizzjonijiet ewlenin għas-suċċess tal-elettromobilità billi n-nuqqas attwali ta’ infrastruttura tal-iċċarġjar iżomm lura x-xiri ta’ vetturi elettroniċi.

Il-miżura tikkonsisti f’għajnuna għall-punti tal-iċċarġjar tal-bini, inkluża l-konnessjoni meħtieġa mal-grilja tas-sit tal-iċċarġjar u l-installazzjoni tal-punt tal-iċċarġjar innifsu. L-appoġġ għandu jieħu l-forma ta’ finanzjament ta’ proġetti għal skema ta’ għotjiet li għandhatitħaddem mill-Ministeru tat-Trasport u l-Infrastruttura Diġitali (BMVI). Għandu japplika kemm għall-infrastruttura tal-iċċarġjar aċċessibbli għall-pubbliku kif ukoll għal dik mhux aċċessibbli għall-pubbliku.

L-implimentazzjoni tal-miżura għandha titlesta sal-31 ta’ Diċembru 2025.

1.2.2 Investiment: Finanzjament għall-iżvilupp tal-elettromobilità

L-isfida ġenerali indirizzata minn din il-miżura hija wkoll il-ħtieġa li jiġu żviluppati soluzzjonijiet ta’ mobilità nadifa għad-dekarbonizzazzjoni tas-settur tat-trasport. B’mod partikolari, hija timmira lejn l-iżvilupp ulterjuri tas-suq tal-elettromobilità u, b’mod partikolari, l-iżvilupp ta’ flotot ta’ vetturi muniċipali u kummerċjali.

Il-miżura tikkonsisti f’appoġġ finanzjarju mogħti għax-xiri ta’ vetturi elettriċi fi flotot muniċipali u kummerċjali u l-infrastruttura tal-iċċarġjar meħtieġa għat-tħaddim ta’ dawn il-vetturi. Barra minn hekk, għandhom jiġu appoġġati proġetti ta’ riċerka u żvilupp orjentati lejn l-applikazzjoni, l-iżvilupp ta’ proġetti ta’ mobilità elettrika (muniċipali u kummerċjali) u kunċetti ta’ elettromobilità. L-appoġġ għandu jieħu l-forma ta’ finanzjament ta’ skema ta’ għotjiet li għandha titħaddem mill-Ministeru tat-Trasport u l-Infrastruttura Diġitali (BMVI).

L-implimentazzjoni tal-miżura għandha titlesta sat-30 ta’ Ġunju 2024.

1.2.3 Investiment: Għotjiet għas-sostituzzjoni tal-flotta ta’ vetturi privati

L-isfida ġenerali indirizzata minn din il-miżura hija l-istess bħal dik għall-Miżura 1.2.2. Il-promozzjoni tal-elettromobilità hija parti essenzjali biex jintlaħqu l-għanijiet klimatiċi ta’ Pariġi fis-settur tat-trasport. Il-miżura tiffoka fuq l-isfida rappreżentata mis-sehem baxx ħafna ta’ karozzi elettroniċi puri fil-flotta totali tal-vetturi (1,2 % fl-2020), speċjalment meta mqabbla mas-7-10 miljun vettura elettrika prevista fil-Programm dwar it-Tibdil fil-Klima tal-2030.

L-iskema ta’ għotjiet għandha tnaqqas il-prezzijiet tax-xiri ta’ vetturi elettriċi, li normalment ikunu ogħla meta mqabbla ma’ dawk b’magni b’kombustjoni interna, biex b’hekk jiġi stimulat is-suq. L-appoġġ għandu jiġi pprovdut esklussivament għall-promozzjoni ta’ vetturi b’emissjonijiet żero u ibridi plug-in li jarmu inqas minn 50g CO2/km.

L-implimentazzjoni tal-miżura għandha titlesta sal-31 ta’ Diċembru 2022.

1.2.4 Riforma: Estensjoni tal-perjodu ta’ reġistrazzjoni inizjali għall-għoti tal-eżenzjoni mit-taxxa ta’ 10 snin għall-vetturi purament elettriċi

Il-miżura tikkonsisti f’eżenzjoni mit-taxxa ta’ 10 snin li tibda mir-reġistrazzjoni ta’ vettura elettrika. Għandha tkun limitata għal vetturi purament elettriċi. L-eżenzjoni għandha tapplika għall-persuni fiżiċi u ġuridiċi kollha.

L-implimentazzjoni tar-riforma għandha titlesta sal-31 ta’ Marzu 2026.

1.2.5 Investiment: Appoġġ għax-xiri ta’ xarabanks bi propulsjoni alternattiva

L-isfida ġenerali indirizzata minn din il-miżura hija l-istess bħal dik għall-Miżura 1.2.2. L-għan tal-miżura huwa li tappoġġa ċ-ċirkolazzjoni fis-suq ta’ xarabanks li jaħdmu bi fjuwils alternattivi fit-trasport tal-passiġġieri. Bħalissa, ix-xarabanks diżil għadhom kważi esklussivament użati fit-trasport bix-xarabank. Il-bidla lejn karozzi tal-linja b’emissjonijiet baxxi għandha tikkontribwixxi għal impatt aktar baxx fuq il-klima u għal inqas tniġġis tal-arja.

Il-miżura tikkonsisti f’għotjiet attribwiti fuq il-bażi ta’ sejħiet għall-offerti. Il-fondi għandhom jintużaw prinċipalment għal karozzi tal-linja elettriċi li jaħdmu bil-batteriji, għat-trolley buses tal-batteriji, għax-xarabanks b’ċelloli tal-fjuwil u għal xarabanks li jaħdmu bil-bijometan 100 %. L-infrastruttura operazzjonalment meħtieġa, kif ukoll l-istudji ta’ fattibbiltà dwar direzzjonijiet alternattivi fit-trasport pubbliku, jistgħu jiġu appoġġati wkoll. Huwa mistenni li l-finanzjament tax-xarabanks li għandhom jiġu alimentati bil-bijometan se jibqa’ limitat (is-sehem tax-xarabanks tal-gass fil-Ġermanja naqas b’mod stabbli f’dawn l-aħħar snin u bħalissa huwa madwar 2 % tal-karozzi tal-linja kollha li qed jintużaw).

L-implimentazzjoni tal-miżura hija mistennija li tibda fit-tielet kwart tal-2021 u għandha titlesta sat-30 ta’ Settembru 2026.

1.2.6 Investiment: Għotjiet għall-promozzjoni ta’ propulsjoni ferrovjarja alternattiva

L-isfida indirizzata minn din il-miżura hija wkoll id-dekarbonizzazzjoni tas-settur tat-trasport, iżda tiffoka fuq il-ferroviji. Bħalissa qed jintużaw madwar 3 200 lokomottiv tad-diżil fit-trasport ferrovjarju tal-merkanzija; 60 % jistgħu jiġu kklassifikati bħala vetturi qodma ħafna b’emissjonijiet għolja ta’ CO2. Din il-miżura għandha l-għan li tissostitwixxi dawn il-vetturi partikolarment qodma biex jinkiseb tnaqqis sinifikanti fl-emissjonijiet tas-CO2 u tas-sustanzi li jniġġsu l-arja (bħall-ossidi tan-nitroġenu u l-karbonju iswed).

Il-miżura tikkonsisti f’appoġġ finanzjarju fil-forma ta’ għotjiet għall-akkwist ta’ vetturi ferrovjarji innovattivi (f’termini ta’ sistema tal-motopropulsjoni) jew il-konverżjoni għal magni alternattivi b’iffrankar sinifikanti ta’ CO2 fuq linji mhux elettrifikati meta mqabbla ma’ vetturi diżil konvenzjonali. L-applikazzjonijiet għandhom jingħataw prijorità fuq il-bażi ta’ benefiċċji ambjentali.

L-implimentazzjoni tal-miżura għandha titlesta sal-31 ta’ Diċembru 2024.

1.2.7 Investiment: Promozzjoni tal-industriji involuti fl-applikazzjonijiet tal-idroġenu u taċ-ċelloli tal-fjuwil fit-trasport

Din il-miżura tfittex li tikkontribwixxi għad-dekarbonizzazzjoni tas-settur tat-trasport b’rabta mad-Dekarbonizzazzjoni tal-Komponent 1.1 bl-użu tal-idroġenu rinnovabbli b’mod partikolari. L-għan huwa li tiġi appoġġata industrija tal-provvista kompetittiva għat-teknoloġija tal-idroġenu u taċ-ċelloli tal-fjuwil. Dan jinkludi l-abilitazzjoni tal-produzzjoni ta’ komponenti taċ-ċelloli tal-fjuwil u l-ittestjar serjali tal-komponenti u l-vetturi tal-idroġenu fil-Ġermanja.

Ċentru ġdid għat-Teknoloġija u l-Innovazzjoni tal-Idroġenu għandu jiffoka fuq il-katina tal-valur tat-teknoloġija tal-idroġenu u taċ-ċelloli tal-fjuwil għall-applikazzjonijiet tal-mobilità. Għandha tipprovdi wkoll faċilità ta’ żvilupp, ċertifikazzjoni u standardizzazzjoni, li ma tkunx tista’ titwettaq mingħajr appoġġ pubbliku minħabba l-istadju bikri tas-suq u l-ispejjeż għoljin involuti. Il-miżura għandha tipprovdi wkoll opportunitajiet ta’ finanzjament addizzjonali għall-industrija tal-vetturi u tal-provvista permezz tal-linji gwida ta’ finanzjament eżistenti fil-Programm Nazzjonali ta’ Innovazzjoni għat-Teknoloġija taċ-Ċelloli tal-Fjuwil u l-Idroġenu.

L-implimentazzjoni tal-miżura għandha titlesta sal-31 ta’ Awwissu 2026.

B.2. Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għal appoġġ finanzjarju li ma jitħallasx lura

Numru sekwenzjali	Miżura relatata (Riforma jew Investiment)	Stadju Ewlieni/Mira	Isem	Indikaturi kwalitattivi (għal stadji importanti)	Indikaturi kwantitattivi (għall-miri)			Skeda ta’ żmien indikattiva għat-tlestija		Deskrizzjoni ta’ kull stadju importanti u mira
					Unità ta’ kejl	Linja bażi	Għan	Kwart	Sena
22	1.2.1 Għotjiet għall-kostruzzjoni ta’ infrastruttura tal-iċċarġjar	Stadju Importanti	Dħul fis-seħħ tal-linji gwida dwar il-finanzjament	Żewġ linji gwida dwar il-finanzjament ippubblikati fil-Gazzetta Federali	—	—	—	Q4	2021	Iż-żewġ linji gwida dwar il-finanzjament huma ppubblikati fil-Gazzetta Federali, li jippermettu lill-organizzazzjonijiet/Unitajiet Domestiċi eliġibbli jippreżentaw l-applikazzjonijiet: (1) “infrastruttura tal-iċċarġjar għal bini residenzjali” u (2) “infrastruttura tal-iċċarġjar aċċessibbli għall-pubbliku għall-vetturi elettriċi”.
23	1.2.1 Għotjiet għall-kostruzzjoni ta’ infrastruttura tal-iċċarġjar	Mira	L-espansjoni tan-network pubbliku tal-iċċarġjar għall-vetturi elettriċi	—	L-għadd ta’ punti tal-iċċarġjar aċċessibbli għall-pubbliku	0	50 000	Q4	2025	Mill-inqas 50 000 punt tal-iċċarġjar aċċessibbli għall-pubbliku ġew finanzjati bl-appoġġ mill-iskema ta’ għotjiet imħaddma mill-Ministeru tat-Trasport u l-Infrastruttura Diġitali (BMVI).
24	1.2.1 Għotjiet għall-kostruzzjoni ta’ infrastruttura tal-iċċarġjar	Mira	L-espansjoni tal-punti tal-iċċarġjar f’bini residenzjali	—	Numru ta’ punti tal-iċċarġjar f’bini residenzjali	0	400 000	Q4	2023	Mill-inqas 400 000 punt tal-iċċarġjar f’bini residenzjali ġew finanzjati bl-appoġġ mill-iskema ta’ għotjiet imħaddma mill-Ministeru tat-Trasport u l-Infrastruttura Diġitali (BMVI).
25	1.2.2 Finanzjament għall-iżvilupp tal-elettromobilità	Ewlieni	Dħul fis-seħħ tal-linji gwida dwar il-finanzjament	Dħul fis-seħħ tal-linji gwida dwar il-finanzjament ippubblikati fil-Gazzetta Federali (Bundesanzeiger)	—	—	—	Q4	2020	Il-linji gwida dwar il-finanzjament li jkopru l-iżvilupp tal-flotot muniċipali u kummerċjali tal-vetturi elettroniċi u l-infrastruttura tal-iċċarġjar, kif ukoll l-R u Ż relatat (kunċetti/disinji tal-mobilità elettronika) u l-kunċetti tal-mobilità elettronika ġew ippubblikati fil-Gazzetta Federali (Bundesanzeiger), li jippermettu lill-organizzazzjonijiet eliġibbli/unitajiet domestiċi jippreżentaw l-applikazzjonijiet.
26	1.2.2 Finanzjament għall-iżvilupp tal-elettromobilità	Mira	Impenn ta’ fondi	—	EUR miljun	0	71,25	Q4	2022	Mill-EUR 75 000 000 allokati għall-miżura, ġew impenjati mill-inqas EUR 71 250 000.
27	1.2.2 Finanzjament għall-iżvilupp tal-elettromobilità	Mira	L-espansjoni tal-flotot tal-mobilità elettronika muniċipali u kummerċjali	—	Numru ta’ vetturi elettroniċi	0	4 000	Q2	2024	Muniċipalitajiet, kumpaniji u organizzazzjonijiet eliġibbli oħra irċevew impenji ta’ finanzjament għal mill-inqas 4 000 vettura elettronika b’appoġġ għall-iskema ta’ għotjiet.
28	1.2.2 Finanzjament għall-iżvilupp tal-elettromobilità	Mira	Tlestija ta’ disinni preliminari tal-elettromobilità	—	L-għadd ta’ disinni preliminari tal-elettromobilità kkompletati	0	80	Q2	2024	Mill-inqas 80 disinn preliminari tal-elettromobilità tlestew għal muniċipalitajiet, kumpaniji jew organizzazzjonijiet eliġibbli oħra.
29	1.2.3 Għotjiet għas-sostituzzjoni tal-flotta ta’ vetturi privati	Mira	Appoġġ għax-xiri ta’ 240 000 vettura elettrika	—	Għadd ta’ vetturi elettroniċi mixtrija	0	240 000	Q1	2021	Il-benefiċjarji rċevew appoġġ ta’ għotja għax-xiri ta’ total ta’ 240 000 vettura elettrika fuq il-bażi tal-linji gwida ta’ finanzjament emendati li daħlu fis-seħħ fit-8 ta’ Lulju 2020.
30	1.2.3 Għotjiet għas-sostituzzjoni tal-flotta ta’ vetturi privati	Mira	Appoġġ għax-xiri ta’ 320 000 vettura elettrika oħra	—	Għadd ta’ vetturi elettroniċi mixtrija	240 000	560 000	Q4	2022	Il-benefiċjarji rċevew appoġġ ta’ għotja għax-xiri ta’ total (kumulattiv) ta’ 560 000 vettura elettrika fuq il-bażi tal-linji gwida ta’ finanzjament emendati li daħlu fis-seħħ fit-8 ta’ Lulju 2020.
31	1.2.4 Estensjoni tal-perijodu ta’ reġistrazzjoni inizjali għall-għoti tal-eżenzjoni mit-taxxa ta’ 10 snin għall-vetturi purament elettriċi	Ewlieni	Dħul fis-seħħ tas-Seba’ Att ta’ Emenda dwar it-Taxxa fuq il-Vetturi bil-Mutur	Dispożizzjoni fil-liġi li tindika d-dħul fis-seħħ tas-Seba’ Att ta’ Emenda dwar it-Taxxa fuq il-Vetturi bil-Mutur	—	—	—	Q4	2020	Daħlet fis-seħħ l-emenda għall-Att dwar it-Taxxa fuq il-Vetturi bil-Mutur biex jiġi estiż il-perjodu ta’ reġistrazzjoni inizjali għall-vetturi elettroniċi biex tinkiseb l-eżenzjoni mit-taxxa ta’ 10 snin.
32	1.2.4 Estensjoni tal-perijodu ta’ reġistrazzjoni inizjali għall-għoti tal-eżenzjoni mit-taxxa ta’ 10 snin għall-vetturi purament elettriċi	Ewlieni	Evalwazzjoni tal-miżura	Il-miżura għandha tiġi evalwata ħames snin wara d-dħul fis-seħħ tagħha, fil-qafas previst fis-Seba’ Att ta’ Emenda dwar it-Taxxa fuq il-Vetturi bil-Mutur.	—	—	—	Q1	2026	L-evalwazzjoni għandha teżamina jekk il-bażijiet tat-taxxa fuq il-vetturi humiex mistennija li jkomplu jipprovdu inċentivi għal mobilità li ma tagħmilx ħsara lill-ambjent u l-klima fil-futur. B’mod partikolari, id-data mill-amministrazzjoni doganali u l-Awtorità Federali tat-Trasport bil-Mutur għandha tintuża għal dan il-għan (ara BT-Drs.19/20978 p. 16). L-evalwazzjoni għandha tiġi ppubblikata.
33	1.2.5 Appoġġ għax-xiri ta’ xarabanks bi propulsjoni alternattiva	Stadju Importanti	Pubblikazzjoni ta’ linji gwida dwar il-finanzjament	Pubblikazzjoni fil-Gazzetta Federali (Bundesanzeiger)	—	—	—	Q3	2021	Il-linji gwida dwar il-finanzjament tal-iskema ta’ appoġġ għax-xiri ta’ xarabanks u kowċis għat-trasport tal-passiġġieri bi propulsjoni alternattiva ġew ippubblikati fil-Gazzetta Federali (Bundesanzeiger).
34	1.2.5 Appoġġ għax-xiri ta’ xarabanks bi propulsjoni alternattiva	Mira	Approvazzjoni tal-applikazzjonijiet	—	EUR miljun	0	1 031	Q3	2025	Mill-EUR 1 085 000 000 allokati għall-miżura, ġew approvati mill-inqas EUR 1 031 000 000 ta’ proġetti ta’ xiri ta’ karozzi tal-linja, li jippermettu l-ordnijiet tax-xarabanks korrispondenti.
35	1.2.5 Appoġġ għax-xiri ta’ xarabanks bi propulsjoni alternattiva	Mira	Ordnijiet ta’ karozzi tal-linja bi propulsjoni alternattiva	—	Numru ta’ karozzi tal-linja ordnati	0	2 800	Q3	2026	Ġew ordnati mill-inqas 2 800 karozza tal-linja bi propulsjoni alternattiva b’appoġġ mill-iskema.
36	1.2.6 Għotjiet għall-promozzjoni ta’ propulsjoni ferrovjarja alternattiva	Ewlieni	Dħul fis-seħħ tal-linji gwida dwar il-finanzjament	Dħul fis-seħħ	—	—	—	Q1	2021	Il-linji gwida ta’ finanzjament għall-iskema ta’ għotjiet għall-promozzjoni ta’ propulsjoni ferrovjarja alternattiva daħlu fis-seħħ u b’hekk l-organizzazzjonijiet eliġibbli setgħu jippreżentaw l-applikazzjonijiet.
37	1.2.6 Għotjiet għall-promozzjoni ta’ propulsjoni ferrovjarja alternattiva	Mira	Approvazzjoni tal-applikazzjonijiet	—	EUR miljun	0	215,65	Q3	2024	Mill-EUR 227 000 000 allokati għall-miżura, ġew approvati mill-inqas EUR 215 650 000 ta’ proġetti ta’ xiri ferrovjarju, li jippermettu l-ordnijiet tal-vetturi ferrovjarji korrispondenti.
38	1.2.6 Għotjiet għall-promozzjoni ta’ propulsjoni ferrovjarja alternattiva	Mira	Ordni tal-vetturi ferrovjarji bi propulsjoni alternattiva	—	Għadd ta’ vetturi ferrovjarji ordnati	0	280	Q4	2024	Ġew ordnati mill-inqas 280 vettura ferrovjarja (lokomottivi) bi propulsjoni alternattiva (għad-diżil konvenzjonali), b’appoġġ mill-iskema, kif muri minn premji vinkolanti mill-benefiċjarju ta’ kuntratti għall-konsenja tal-vetturi mal-manifatturi.
39	1.2.7 Promozzjoni tal-industriji involuti fl-applikazzjonijiet tal-idroġenu u taċ-ċelloli tal-fjuwil fit-trasport	Stadju Importanti	Id-dħul fis-seħħ tal-emenda li testendi l-linji gwida eżistenti ta’ appoġġ (Förderrichtlinien) tal-Programm Nazzjonali ta’ Innovazzjoni tat-Teknoloġija tal-Idroġenu u taċ-Ċelloli tal-Fjuwil (NIP) (jew jekk ma jkunux koperti biżżejjed mil-linji gwida eżistenti ta’ appoġġ, id-dħul fis-seħħ ta’ linji gwida ġodda ta’ appoġġ).	Pubblikazzjoni fil-Gazzetta Federali (Bundesanzeiger)	—	—	—	Q4	2021	Il-linji gwida rilevanti dwar il-finanzjament fil-Programm Nazzjonali ta’ Innovazzjoni tat-Teknoloġija tal-Idroġenu u taċ-Ċelloli tal-Fjuwil (NIP), li bħalissa huma limitati sat-30 ta’ Ġunju 2021, ġew estiżi fiż-żmien u din l-estensjoni daħlet fis-seħħ. Jekk il-proġetti ppjanati taħt il-miżura ma jkunux koperti biżżejjed mil-linji gwida ta’ appoġġ eżistenti, għandhom jiġu adottati linji gwida ta’ appoġġ separati.
40	1.2.7 Promozzjoni tal-industriji involuti fl-applikazzjonijiet tal-idroġenu u taċ-ċelloli tal-fjuwil fit-trasport	Mira	Approvazzjoni ta’ proġetti għall-industrija tal-vetturi u tal-fornituri għall-applikazzjonijiet tal-idroġenu u taċ-ċelloli tal-fjuwil fit-trasport	—	Għadd ta’ proġetti approvati	0	170	Q4	2025	Ġew approvati mill-inqas 170 R & D u proġetti ta’ attivazzjoni tas-suq għall-applikazzjonijiet tal-idroġenu u taċ-ċelloli tal-fjuwil fit-trasport, li jippermettu l-bidu tal-implimentazzjoni tal-proġetti ffinanzjati.
41	1.2.7 Promozzjoni tal-industriji involuti fl-applikazzjonijiet tal-idroġenu u taċ-ċelloli tal-fjuwil fit-trasport	Stadju Importanti	L-istabbiliment ta’ Ċentru tat-Teknoloġija u l-Innovazzjoni għat-Teknoloġija tal-Idroġenu	Mill-inqas bidu parzjali tal-operazzjonijiet taċ-ċentru	—	—	—	Q3	2026	Iċ-Ċentru tat-Teknoloġija u l-Innovazzjoni għandu jkun mill-inqas parzjalment operattiv, filwaqt li, pereżempju, ix-xogħlijiet ta’ kostruzzjoni jistgħu ma jkunux tlestew. It-tħaddim parzjali taċ-ċentru jiggarantixxi li s-servizzi ta’ appoġġ reali lin-negozji u lill-partijiet ikkonċernati jistgħu jiġu pprovduti.

C. KOMPONENT 1.3: Rinnovazzjoni u kostruzzjoni li ma jagħmlux ħsara lill-klima

Il-komponent tal-pjan Ġermaniż għall-irkupru u r-reżiljenza jindirizza l-isfida tal-mitigazzjoni tat-tibdil fil-klima u t-tranżizzjoni tal-enerġija b’enfasi fuq ir-rinnovazzjoni effiċjenti fl-użu tal-enerġija.

Fis-settur tal-bini, il-Ġermanja għandha l-għan li tnaqqas l-emissjonijiet tas-CO2 b’madwar 40 % sal-2030 meta mqabbla mal-livelli attwali (120 miljun tunnellata ta’ ekwivalenti ta’ CO2 fl-2020). Sal-2050, il-Ġermanja għandha l-għan li tikseb emissjonijiet netti żero tal-gassijiet b’effett ta’ serra, inkluż għall-istokk tal-bini fil-Ġermanja. Fl-istess ħin, għandu jiġi żgurat li l-kostruzzjoni u l-akkomodazzjoni jibqgħu affordabbli.

Il-komponent tal-kostruzzjoni u r-rinnovazzjoni li ma jagħmilx ħsara lill-klima għandu l-għan li jikkontribwixxi għall-kisba ta’ dawn l-objettivi billi jżid l-effiċjenza enerġetika u s-sehem tal-enerġija rinnovabbli fil-konsum finali tal-enerġija għat-tisħin u t-tkessiħ fil-bini. Il-miżuri ta’ akkumpanjament għas-settur tal-kostruzzjoni tal-injam lejn id-diġitalizzazzjoni, iċ-ċirkolarità u l-prattiki favur il-klima għandhom jitwettqu wkoll billi l-injam huwa identifikat bħala li għandu l-potenzjal li jikkostitwixxi materjal tal-bini li ma jagħmilx ħsara lill-klima u effiċjenti fir-riżorsi, kif ukoll li jwassal għal metodi ta’ kostruzzjoni u rinnovazzjoni kosteffettivi u effiċjenti fl-użu tal-ħin.

Il-komponent jappoġġa l-indirizzar tar-Rakkomandazzjonijiet Speċifiċi għall-Pajjiżi relatati mat-tranżizzjoni ekoloġika, b’mod partikolari sistemi tal-enerġija nodfa, effiċjenti u integrati u, indirettament, biex l-akkomodazzjoni ssir aktar affordabbli (ir-Rakkomandazzjoni Speċifika għall-Pajjiż 1, 2019 u r-Rakkomandazzjoni Speċifika għall-Pajjiż 2, 2020).

C.1. Deskrizzjoni tar-riformi u l-investimenti għal appoġġ finanzjarju li ma jitħallasx lura

1.3.1 Investiment: Programm ta’ appoġġ għall-iżvilupp ta’ kostruzzjoni tal-injam li ma tagħmilx ħsara lill-klima

L-objettiv ta’ dan l-investiment huwa li jaċċellera l-iżvilupp, l-użu u d-diffużjoni ta’ teknoloġiji, proċessi, prodotti u servizzi innovattivi (trasformazzjoni diġitali) biex jiżdied l-użu tal-injam bħala materjal tal-bini li ma jagħmilx ħsara lill-klima. Il-miżura hija maħsuba wkoll biex tgħin biex jingħelbu l-iżvantaġġi u l-ostakli strutturali sabiex tkun tista’ tiġi stabbilita kostruzzjoni bl-injam fuq l-istess livell fil-kostruzzjoni ta’ ħafna sulari fuq skala kbira. Biex tingħeleb l-isfida tat-trasferiment tal-għarfien, l-innovazzjoni u t-teknoloġija bejn ir-riċerka u l-prattika, il-miżura għandha l-għan ukoll li ttejjeb in-networking bejn in-negozji, l-akkademja u l-istituzzjonijiet tar-riċerka relatati ma’ kostruzzjoni li ma tagħmilx ħsara lill-klima bl-injam.

Għal dak il-għan, il-miżura għandha tiffoka l-appoġġ fuq is-servizzi konsultattivi (analiżi, evalwazzjonijiet u rakkomandazzjonijiet) diretti lejn iż-żieda fl-użu tal-injam (koniferu/deċidwu) u relatat mad-diġitalizzazzjoni, l-innovazzjoni tas-servizz u tan-negozju, l-ottimizzazzjoni tan-negozju u r-riċiklabbiltà tal-prodotti għall-bini. Il-miżura għandha tiffoka wkoll fuq l-iżvilupp ta’ raggruppamenti tal-innovazzjoni relatati mal-innovazzjoni u l-iżvilupp ta’ kostruzzjoni tal-injam li ma tagħmilx ħsara lill-klima. Minħabba l-istruttura tas-settur, l-SMEs huma mistennija li jkunu l-benefiċjarji ewlenin tal-appoġġ.

L-implimentazzjoni tal-miżura għandha titlesta sal-31 ta’ Diċembru 2021. Dan jikkorrispondi għall-perjodu li matulu s-sidien tal-proġetti jistgħu japplikaw għall-appoġġ.

1.3.2 Investiment: Laboratorji ħajjin muniċipali għat-tranżizzjoni tal-enerġija

Laboratorji ħajjin muniċipali għat-tranżizzjoni tal-enerġija jesploraw u juru soluzzjonijiet innovattivi għall-provvista tal-enerġija effiċjenti u sostenibbli tal-viċinati urbani. L-innovazzjonijiet teknoloġiċi u mhux tekniċi huma ttestjati f’ambjent tad-dinja reali, u b’hekk jikkontribwixxu għall-iżvilupp tat-teknoloġija u l-penetrazzjoni tas-suq, filwaqt li jservu bħala mudell għall-introduzzjoni sussegwenti fuq skala kbira ta’ soluzzjonijiet integrati.

Il-laboratorji ħajjin (inkluża din il-miżura) huma waħda mill-miżuri ta’ akkoppjament tas-settur tal-Pjan Nazzjonali Ġermaniż għall-Enerġija u l-Klima (NECP).

Għandhom jiġu implimentati mill-inqas erba’ proġetti kollaborattivi, li jkopru mill-inqas 10 viċinati urbani.

L-implimentazzjoni tal-miżura għandha titlesta sal-31 ta’ Marzu 2026.

1.3.3 Investiment: Rinnovazzjoni tal-bini: finanzjament federali għal bini effiċjenti fl-enerġija

Din il-miżura ta’ investiment tiffoka fuq l-appoġġ għar-rinnovazzjoni effiċjenti fl-użu tal-enerġija tal-bini residenzjali. Il-miżura għandha tikseb, bħala medja, mill-inqas rinnovazzjoni ta’ livell medju ta’ fond kif definit fir-Rakkomandazzjoni tal-Kummissjoni (UE) 2019/786 dwar ir-Rinnovazzjoni tal-Bini 4 . B’mod aktar speċifiku, minħabba l-istat attwali tal-istokk tad-djar u r-rekwiżit minimu biex jinkiseb appoġġ taħt il-miżura (il-bini rinnovat irid jikseb bħala minimu l-klassi tal-enerġija 100), bħala medja, huwa mistenni li jinkiseb minimu ta’ 45 % tal-iffrankar tad-domanda għall-enerġija primarja u potenzjalment ogħla b’mod sinifikanti (iffrankar ta’ 70 %) permezz ta’ bonusijiet għall-enerġija rinnovabbli u klassijiet aħjar tal-effiċjenza enerġetika.

L-implimentazzjoni tal-miżura skont il-pjan Ġermaniż għall-irkupru u r-reżiljenza hija mistennija li tibda sal-1 ta’ Lulju 2021 u għandha titlesta sal-31 ta’ Awwissu 2026. Barra minn hekk, il-Ġermanja qed tippjana li testendi l-miżura lil hinn mill-2026 b’finanzjament mill-baġit nazzjonali tagħha.

C.2. Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għal appoġġ finanzjarju li ma jitħallasx lura

Numru sekwenzjali	Miżura relatata (Riforma jew Investiment)	Stadju Ewlieni/Mira	Isem	Indikaturi kwalitattivi (għal stadji importanti)	Indikaturi kwantitattivi (għall-miri)			Skeda ta’ żmien indikattiva għat-tlestija		Deskrizzjoni ta’ kull stadju importanti u mira
					Unità ta’ kejl	Linja bażi	Għan	Kwart	Sena
42	1.3.1 Programm ta’ appoġġ għall-iżvilupp ta’ settur tal-kostruzzjoni tal-injam li ma jagħmilx ħsara lill-klima	Stadju Importanti	Linji gwida ta’ finanzjament dwar il-promozzjoni ta’ kostruzzjoni tal-injam li ma tagħmilx ħsara lill-klima	Il-pubblikazzjoni fil-Gazzetta Federali (Bundesanzeiger) u d-dħul fis-seħħ tal-linji gwida dwar il-finanzjament	—	—	—	Q1	2021	Il-linji gwida ġew ippubblikati fil-Gazzetta Federali(Bundesanzeiger), li jippermettu lill-kumpaniji u lill-organizzazzjonijiet eliġibbli japplikaw għall-finanzjament.
43	1.3.1 Programm ta’ appoġġ għall-iżvilupp ta’ settur tal-kostruzzjoni tal-injam li ma jagħmilx ħsara lill-klima	Mira	Approvazzjoni ta’ proġetti relatati mal-iżvilupp ta’ kostruzzjoni tal-injam li ma tagħmilx ħsara lill-klima	—	Għadd ta’ proġetti approvati	0	20	Q2	2022	Ġew approvati mill-inqas 20 proġett, li ppermettew lill-benefiċjarji jibdew l-implimentazzjoni tagħhom.
44	1.3.2 Laboratorji ħajjin muniċipali għat-tranżizzjoni tal-enerġija	Mira	Approvazzjoni ta’ proġetti ta’ “laboratorji ħajjin”	—	Għadd ta’ proġetti approvati	0	4	Q4	2023	Mill-inqas erba’ proġetti konġunti ta’ laboratorji ħajjin ġew approvati permezz ta’ deċiżjoni ta’ għotja, li tippermetti l-bidu tal-implimentazzjoni tagħhom.
45	1.3.2 Laboratorji ħajjin muniċipali għat-tranżizzjoni tal-enerġija	Mira	Tlestija ta’ proġetti ta’ viċinat urban	—	Għadd	0	10	Q1	2026	Ġew ittestjati installazzjonijiet innovattivi għal provvista effiċjenti u sostenibbli tal-enerġija u dawn huma operattivi f’ 10 distrett urban. L-10 proġett tal-viċinat implimentati b’mod ċar jiksbu tnaqqis fid-domanda għall-enerġija primarja meta mqabbla mal-provvista tal-enerġija konvenzjonali għall-bini, u b’hekk jikkontribwixxu għad-dekarbonizzazzjoni fis-settur tal-bini.
46	1.3.3 Rinnovazzjoni tal-bini: finanzjament federali għal bini effiċjenti fl-enerġija	Stadju Importanti	Linji gwida ta’ finanzjament għall-appoġġ ta’ rinnovazzjoni effiċjenti fl-użu tal-enerġija tal-bini	Pubblikazzjoni ta’ linji gwida dwar il-finanzjament fil-Gazzetta Federali (Bundesanzeiger)	—	—	—	Q3	2021	Il-linji gwida ġew ippubblikati, li jippermettu lill-familji u lill-organizzazzjonijiet eliġibbli japplikaw għall-finanzjament.
47	1.3.3 Rinnovazzjoni tal-bini: finanzjament federali għal bini effiċjenti fl-enerġija	Mira	It-tlestija ta’ rinnovazzjonijiet effiċjenti fl-enerġija ta’ 10 000 unità ta’ akkomodazzjoni.	—	Għadd ta’ unitajiet ta’ akkomodazzjoni rinnovati	0	10 000	Q4	2024	Ikunu ġew rinnovati mill-inqas 10 000 unità residenzjali taħt l-iskema ta’ appoġġ; ix-xogħlijiet korrispondenti twettqu bis-sħiħ u l-għotjiet korrispondenti ġew żborżati.
48	1.3.3 Rinnovazzjoni tal-bini: finanzjament federali għal bini effiċjenti fl-enerġija	Mira	Tlestija ta’ rinnovazzjonijiet effiċjenti fl-enerġija ta’ 30 000 unità oħra ta’ abitazzjoni	—	Numru	10 000	40 000	Q2	2026	Ikunu ġew rinnovati mill-inqas 40 000 unità residenzjali taħt l-iskema ta’ appoġġ; ix-xogħlijiet korrispondenti twettqu bis-sħiħ u l-għotjiet korrispondenti ġew żborżati.

D. KOMPONENT 2.1: Id-data bħala l-materja prima tal-futur

L-objettivi ta’ dan il-komponent tal-pjan Ġermaniż għall-irkupru u r-reżiljenza huma li jappoġġa t-tranżizzjoni lejn ekonomija tad-data sigura u dinamika permezz tal-promozzjoni tal-innovazzjoni xprunata mid-data fil-kuntest tal-istrateġija tad-data 5 adottata mill-gvern federali Ġermaniż fis-27 ta’ Jannar 2021, kif ukoll permezz ta’ investimenti fir-riċerka, l-iżvilupp, l-innovazzjoni u l-ewwel skjeramenti industrijali f’oqsma teknoloġiċi strateġiċi marbuta mal-ipproċessar tad-data (il-mikroelettronika u l-infrastrutturi u s-servizzi tal-cloud tal-ġenerazzjoni li jmiss) fil-kuntest ta’ inizjattivi multinazzjonali kbar.

Il-komponent jappoġġa l-indirizzar tar-Rakkomandazzjonijiet Speċifiċi għall-Pajjiżi dwar l-investiment fit-tranżizzjoni diġitali (ir-Rakkomandazzjoni Speċifika għall-Pajjiż 1, 2019 u r-Rakkomandazzjoni Speċifika għall-Pajjiż 2, 2020).

D.1. Deskrizzjoni tar-riformi u l-investimenti għal appoġġ finanzjarju li ma jitħallasx lura

Ir-riforma tal-2.1.1: Politika tad-data innovattiva għall-Ġermanja

L-għanijiet tal-miżura huma li trawwem il-kondiviżjoni u l-użu innovattiv tad-data. B’mod partikolari għandha l-għan li tindirizza n-nuqqas ta’ infrastrutturi, il-litteriżmu fid-data, l-inċentivi għall-kondiviżjoni tad-data u l-inċentivi għall-investiment fl-ekonomija tad-data.

L-investiment jikkonsisti f’appoġġ għal proġetti, magħżula prinċipalment permezz ta’ sejħiet għal proposti, li jkopru l-attivitajiet li ġejjin:

-riċerka u żvilupp ta’ softwer għal informatika ta’ prestazzjoni għolja;

-proġetti pilota/użu ta’ każijiet/laboratorji reali (“sandboxes ta’ data regolatorja”) għall-ittestjar u l-monitoraġġ xjentifiku ta’ mudelli ta’ diffużjoni tad-data;

-network ta’ riċerka ta’ sitt laboratorji ħajjin li jinvestigaw id-depersonalizzazzjoni tad-data f’ċerti oqsma ta’ applikazzjoni bħall-kura tas-saħħa, l-industrija awtomobilistika, il-bejgħ bl-imnut u l-manifattura;

-proġetti ta’ riċerka dwar teknoloġiji biex id-data tiġi anonimizzata;

-azzjonijiet immirati lejn l-iżvilupp ta’ litteriżmu fid-data f’oqsma differenti tax-xjenza (inklużi dawk li huma inqas intensivi fid-data);

-laboratorji tax-xjenza tad-data marbuta mal-infrastruttura nazzjonali tad-data tar-riċerka;

-appoġġ lir-riċerkaturi żgħażagħ fix-xjenza tad-data;

-appoġġ lill-universitajiet fl-użu mill-ġdid, il-kondiviżjoni u l-ġestjoni tad-data tar-riċerka;

-il-monitoraġġ tal-ħiliet tad-data tal-popolazzjoni Ġermaniża;

-korsijiet tal-litteriżmu tad-data għall-istudenti u studenti oħra;

-ir-riċerka u l-innovazzjoni dwar l-arkitetturi, l-istituzzjonijiet u l-ispazji għas-soċjetà tad-data;

-l-iżvilupp ta’ sett ta’ għodod disponibbli liberament għal aktar litteriżmu fid-data; u

-proġett pilota dwar il-kooperazzjoni tad-data fil-katina tal-valur tal-ikel.

Għandu jiġi appoġġat ukoll sett speċifiku ta’ azzjonijiet li għandhom l-għan li jtejbu l-litteriżmu tad-data u l-użu tad-data fl-amministrazzjoni federali. Dawn għandhom jinkludu:

-ir-rendikont u l-analiżi ta’ miżuri li diġà ttieħdu biex jiżdied il-litteriżmu tad-data;

-l-immappjar tal-kompetenza tad-data fis-servizzi kollha tal-amministrazzjoni pubblika;

-il-ħolqien ta’ Xjenzjati Prinċipali tad-Data jew rwoli simili fil-ministeri federali;

-l-istabbiliment u t-tisħiħ ta’ laboratorji tad-data interni u ċentri ta’ kompetenza tad-data fil-ministeri u l-aġenziji federali, inkluż b’mod partikolari l-Uffiċċju tal-Affarijiet Barranin, il-Ministeru Federali tal-Edukazzjoni u r-Riċerka, l-Aġenzija Federali għall-Ambjent, il-Ministeru Federali tad-Difiża, il-Ministeru Federali għall-Kooperazzjoni u l-Iżvilupp Ekonomiċi, l-Istitut Federali għas-Sigurtà u s-Saħħa fuq il-Post tax-Xogħol, il-Korporazzjoni Ġermaniża għall-Kooperazzjoni Internazzjonali; u

-il-ħolqien ta’ akkademja diġitali fl-Akkademja Federali għall-Amministrazzjoni Pubblika, li tiġbor flimkien l-opportunitajiet kollha ta’ taħriġ biex tiġi appoġġata d-diġitalizzazzjoni.

L-implimentazzjoni tar-riforma għandha titlesta sal-31 ta’ Diċembru 2025.

2.1.2 Investiment: IPCEI Il-Mikroelettronika u t-Teknoloġiji tal-Komunikazzjoni

L-objettiv tal-miżura huwa li tikkontribwixxi għal inizjattiva transfruntiera fuq skala kbira li għandha l-għan li tagħti lill-Unjoni Ewropea l-kapaċitajiet fid-disinn tal-elettronika u l-iskjerament tal-ġenerazzjoni li jmiss ta’ proċessuri u komponenti elettroniċi oħra fdati b’qawwa baxxa.

L-inizjattiva hija mistennija li tiġi implimentata permezz ta’ Proġett Importanti ta’ Interess Ewropew Komuni (IPCEI) 6 .

L-investiment jikkonsisti fl-għoti ta’ appoġġ finanzjarju lill-parteċipanti Ġermaniżi fi proġetti li għandhom jiġu implimentati bħala parti mill-IPCEI.

L-implimentazzjoni tal-investiment għandha titlesta sal-31 ta’ Awwissu 2026.

2.1.3 Investiment: IPCEI Infrastruttura u Servizzi Cloud tal-Ġenerazzjoni li Jmiss (IPCEI CIS)

L-objettiv tal-miżura huwa li tikkontribwixxi għal inizjattiva transfruntiera fuq skala kbira li għandha l-għan li trawwem l-iżvilupp u l-ewwel użu industrijali ta’ soluzzjonijiet cloud u edge intelliġenti li huma innovattivi ħafna, kompletament interoperabbli, siguri ħafna, effiċjenti fl-użu tal-enerġija u konformi bis-sħiħ mal-protezzjoni tad-data.

L-inizjattiva hija mistennija li tiġi implimentata permezz ta’ IPCEI.

L-investiment jikkonsisti fl-għoti ta’ appoġġ finanzjarju lill-parteċipanti Ġermaniżi fi proġetti li għandhom jiġu implimentati bħala parti mill-IPCEI.

Il-kriterji tal-għażla għandhom jiżguraw li aktar minn 50 % ta’ dawn il-proġetti jindirizzaw l-effiċjenza fl-enerġija bħala waħda mill-prijoritajiet ewlenin tagħhom u jikkonformaw mal-Kodiċi ta’ Kondotta Ewropew dwar l-Effiċjenza Enerġetika taċ-Ċentru tad-Data.

L-implimentazzjoni tal-investiment għandha titlesta sal-31 ta’ Awwissu 2026.

D.2. Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għal appoġġ finanzjarju li ma jitħallasx lura

Numru sekwenzjali	Miżura relatata (Riforma jew Investiment)	Stadju Ewlieni/Mira	Isem	Indikaturi kwalitattivi (għal stadji importanti)	Indikaturi kwantitattivi (għall-miri)			Skeda ta’ żmien indikattiva għat-tlestija		Deskrizzjoni ta’ kull stadju importanti u mira
					Unità ta’ kejl	Linja bażi	Għan	Kwart	Sena
49	2.1.1 Politika innovattiva dwar id-data għall-Ġermanja	Stadju Importanti	Bidu tal-proġetti	Bidu tal-proġetti kollha	—	—	—	Q4	2022	Il-proġetti u l-attivitajiet kollha tal-miżura bdew. Kull fejn rilevanti, il-proċeduri tal-għażla tlestew u l-proġetti magħżula bdew.
50	2.1.1 Politika innovattiva dwar id-data għall-Ġermanja	Mira	Żvilupp ta’ riżorsi umani u kapaċitajiet fil-ministeri federali	—	Perċentwal ta’ ministeri federali b’unitajiet tad-data u laboratorji tad-data interni	0	95	Q3	2026	Mill-inqas 95 % tal-ministeri federali stabbilixxew unità tax-Xjenzjat Prinċipali tad-Data jew ekwivalenti u laboratorju tad-data interna
51	2.1.1 Politika innovattiva dwar id-data għall-Ġermanja	Mira	Eżekuzzjoni tal-baġit — żborż ta’ mill-inqas EUR 464 400 000 għall-proġetti appoġġati	—	EUR miljun	0	464,4	Q3	2026	Mill-EUR 516 000 000 allokati għall-miżura, mill-inqas EUR 464 400 000 ġew żborżati għal proġetti u attivitajiet previsti.
52	2.1.2 Mikroelettronika u Konnettività tal-IPCEI	Stadju Importanti	Disinn tal-kontenut tal-IPCEI ppjanat	Tlestija tal-proċess nazzjonali tas-sejħa għal espressjoni ta’ interess biex jiġu identifikati proġetti fil-Ġermanja	—	—	—	Q2	2021	Il-proċedura ta’ espressjoni ta’ interess tlestiet. Ġew identifikati proġetti potenzjali u parteċipanti fil-proġetti fil-Ġermanja.
53	2.1.2 Mikroelettronika u Konnettività tal-IPCEI	Mira	Tnedija tal-ewwel proġetti	—	Numru ta’ proġetti	0	10	Q4	2022	Ġew iffirmati 10 deċiżjonijiet ta’ għotja.
54	2.1.2 Mikroelettronika u Konnettività tal-IPCEI	Mira	Eżekuzzjoni tal-baġit — żborż ta’ mill-inqas EUR 1 275 000 000 għall-proġetti appoġġati	—	EUR miljun	0	1 275	Q3	2026	Mill-EUR 1 500 000 000 allokati għall-miżura, mill-inqas EUR 1 425 000 000 ġew impenjati (permezz ta’ firem ta’ deċiżjonijiet ta’ għotja) u mill-inqas EUR 1 275 000 000 ġew żborżati għal proġetti.
55	2.1.3 Infrastruttura u Servizzi Cloud tal-Ġenerazzjoni li Jmiss tal-IPCEI (IPCEI CIS)	Stadju Importanti	Tnedija ta’ proġetti ta’ riċerka	Firma tad-deċiżjonijiet ta’ għotja għall-proġetti tar-RDI	—	—	—	Q4	2022	Id-deċiżjonijiet ta’ għotja ġew iffirmati għall-proġetti kollha tar-RuŻuI koperti mid-deċiżjoni IPCEI dwar l-għajnuna mill-Istat. Il-kriterji tal-għażla żguraw li aktar minn 50 % ta’ dawn il-proġetti jindirizzaw l-effiċjenza fl-enerġija bħala waħda mill-prijoritajiet ewlenin tagħhom u jikkonformaw mal-Kodiċi ta’ Kondotta Ewropew dwar l-Effiċjenza Enerġetika taċ-Ċentru tad-Data.
56	2.1.3 Infrastruttura u Servizzi Cloud tal-Ġenerazzjoni li Jmiss tal-IPCEI (IPCEI CIS)	Stadju Importanti	Tlestija tal-proġetti tar-RDI u t-tnedija ta’ proġetti pilota fuq skala kbira ta’ każijiet ta’ użu	Pubblikazzjoni ta’ rapport dwar is-sitwazzjoni attwali tal-proġetti	—	—	—	Q4	2024	Ġie ppubblikat rapport dwar is-sitwazzjoni attwali tal-inizjattiva.
57	2.1.3 Infrastruttura u Servizzi Cloud tal-Ġenerazzjoni li Jmiss tal-IPCEI (IPCEI CIS)	Mira	L-ewwel użu industrijali ta’ soluzzjonijiet żviluppati taħt il-miżura.	—	Għadd ta’ każijiet ta’ użu indirizzati fi proġetti pilota fuq skala kbira li eventwalment jiġu indirizzati fl-ewwel skjeramenti industrijali	0	1	Q3	2026	Mill-inqas wieħed mill-każijiet ta’ użu indirizzati fil-fażi ta’ pilotaġġ fuq skala kbira għandu jkun ġie soġġett għall-ewwel użu industrijali.
58	2.1.3 Infrastruttura u Servizzi Cloud tal-Ġenerazzjoni li Jmiss tal-IPCEI (IPCEI CIS)	Mira	Eżekuzzjoni tal-baġit — żborż ta’ mill-inqas EUR 637 500 000 għall-proġetti appoġġati	—	EUR miljun	0	637,5	Q3	2026	Mill-EUR 750 000 000 allokati għall-miżura, mill-inqas EUR 712 500 000 ġew impenjati (permezz ta’ firem ta’ deċiżjonijiet ta’ għotja) u mill-inqas EUR 637 500 000 ġew żborżati għal proġetti. Aktar minn 50 % tal-proġetti ffinanzjati indirizzaw l-effiċjenza fl-enerġija bħala waħda mill-prijoritajiet ewlenin tagħhom u kkonformaw mal-Kodiċi ta’ Kondotta Ewropew dwar l-Effiċjenza Enerġetika taċ-Ċentru tad-Data.

E. KOMPONENT 2.2: Diġitalizzazzjoni tal-Ekonomija

L-objettivi tal-komponent tal-pjan Ġermaniż għall-irkupru u r-reżiljenza huma li jappoġġa t-tranżizzjoni diġitali tal-ekonomija Ġermaniża u l-isfidi li jirriżultaw minnha. Il-komponent jindirizza aspetti essenzjali bħar-riċerka u l-innovazzjoni dwar it-teknoloġiji diġitali, u l-ħiliet. Għandha wkoll l-għan li tipprovdi appoġġ speċifiku għas-setturi awtomobilistiċi u ferrovjarji.

E.1. Deskrizzjoni tar-riformi u l-investimenti għal appoġġ finanzjarju li ma jitħallasx lura

2.2.1 Investiment: Programm ta’ investiment tal-manifattur tal-vettura/tal-industrija tal-provvista

L-għan tal-miżura huwa li tipprovdi appoġġ għat-tranżizzjoni diġitali u ekoloġika tal-industrija awtomobilistika, fil-kuntest ta’ programm li għandu l-għan li jappoġġa investimenti orjentati lejn il-futur mill-manifatturi tal-vetturi u mill-industrija tal-provvista 7 .

L-investiment jikkonsisti fil-finanzjament ta’ proġetti li għandhom jintgħażlu permezz ta’ erba’ sejħiet għal proposti li jikkorrispondu għal tliet moduli u li jindirizzaw:

-modulu (a):

oinvestimenti għall-produzzjoni futura tal-vetturi, li jappoġġaw b’mod partikolari proġetti ta’ investiment minn intrapriżi żgħar u ta’ daqs medju fl-industrija tal-vetturi, bil-għan li l-proċessi ta’ produzzjoni jsiru aktar effiċjenti fl-enerġija u diġitali; u

oappoġġ għal proġetti ta’ riċerka u żvilupp fil-qasam tad-diġitalizzazzjoni tal-proċessi ta’ produzzjoni u l-industrija 4.0 fl-industrija tal-vetturi.

-modulu (b):

oappoġġ għal proġetti ta’ riċerka u żvilupp fil-qasam tas-sewqan awtomatizzat, sistemi tal-motopropulsjoni innovattivi u bini tad-dawl fit-teknoloġiji tal-vetturi.

-modulu (c):

oappoġġ għal raggruppamenti ta’ innovazzjoni reġjonali għat-trasformazzjoni tal-industrija tal-vetturi, li jindirizzaw b’mod partikolari l-industrija tal-provvista u jiffokaw fuq it-trasferiment tat-teknoloġija bejn l-intrapriżi minn reġjuni partikolarment affettwati minn tibdil strutturali, it-tranżizzjoni lejn propulsjoni newtrali għall-klima u d-diġitalizzazzjoni u l-modernizzazzjoni tal-produzzjoni tal-industrija tal-vetturi.

Għandhom jiġu appoġġati biss investimenti futuri li jagħtu kontribut sinifikanti għall-objettivi tad-diġitalizzazzjoni u tal-klima tal-programm imniedi mill-Ġermanja biex jiġu appoġġati investimenti orjentati lejn il-futur mill-manifatturi tal-vetturi u l-industrija tal-provvista. Għalhekk, l-ebda appoġġ immirat għat-teknoloġiji tal-magni ta’ kombustjoni fossili fis-settur tal-vetturi ma għandu jiġi pprovdut taħt il-miżura.

L-implimentazzjoni tal-investiment għandha titlesta sal-31 ta’ Awwissu 2026.

Ir-riforma tal-2.2.2: Programm Federali “Bini ta’ networks ta’ edukazzjoni u taħriġ kontinwi (networks CET)”

L-għan tal-miżura huwa li tappoġġa l-hekk imsejħa “netwerks CET”, li jippromwovu l-organizzazzjoni ta’ attivitajiet ta’ taħriġ, b’mod partikolari għall-impjegati tal-SMEs. B’mod aktar speċifiku, l-għan huwa li jiġi appoġġjat l-istabbiliment jew l-iżvilupp ta’ networks ta’ żvilupp professjonali, sabiex il-kumpaniji jkunu jistgħu, fost affarijiet oħra, jibbenefikaw mill-esperjenza ta’ kumpaniji oħra u ta’ ċentri u istituzzjonijiet edukattivi u konsultattivi, u b’hekk jiżviluppaw l-ippjanar strateġiku tagħhom għall-iżvilupp u t-taħriġ tal-persunal. Dawn l-“alleanzi tal-ħiliet” għandhom jippermettu wkoll lill-fornituri tat-taħriġ parteċipanti jadattaw l-offerta tagħhom.

L-investiment jikkonsisti fl-appoġġ ta’ madwar 40 proġett pilota, magħżula permezz ta’ waħda mis-sejħiet għal proposti organizzati taħt il-programmi federali “Bini ta’ networks CET”.

L-implimentazzjoni tar-riforma għandha titlesta sal-31 ta’ Diċembru 2024.

2.2.3 Investiment: Ċentru ta’ Riċerka dwar id-diġitalizzazzjoni u t-teknoloġija tal-Bundeswehr (dtec.bw)

L-objettiv tal-miżura huwa li tappoġġa attivitajiet ta’ riċerka u innovazzjoni dwar oqsma teknoloġiċi strateġiċi għall-futur, sabiex tikkontribwixxi għat-tisħiħ tas-sovranità diġitali u teknoloġika Ġermaniża u Ewropea.

L-investiment jikkonsisti f’attivitajiet ta’ riċerka, żvilupp u innovazzjoni mmexxija miċ-Ċentru għar-Riċerka dwar id-Diġitalizzazzjoni u t-Teknoloġija tal-Bundeswehr (dtec.bw).

Il-proġetti ta’ riċerka korrispondenti għandhom jiffukaw fuq oqsma diġitali u teknoloġiji ewlenin għall-futur, f’konformità mal-prijoritajiet ta’ strateġija ta’ teknoloġija avvanzata tal-gvern federali (“Sostenibbiltà”, “Protezzjoni tal-Klima u l-Enerġija”, “Mobbiltà”, “Sigurtà” u “Ekonomija u Xogħol 4.0”):

-Ir-riċerka spazjali, l-inġinerija ajruspazjali u l-komunikazzjoni spazjali;

-Teknoloġija tas-sensuri u sistemi ta’ sensuri integrati;

-Mobilità innovattiva u konnessa;

-Iċ-ċibersigurtà, inklużi l-komunikazzjonijiet kwantum;

-Riċerka dwar ir-riskju, l-infrastrutturi kritiċi, is-sigurtà u l-kunflitt;

-It-teknoloġiji, il-metodi u l-impatti tad-diġitalizzazzjoni (eż. il-manifattura addittiva);

-Id-diġitalizzazzjoni tas-setturi tal-enerġija u tal-produzzjoni, l-iżvilupp tal-infrastruttura sostenibbli;

-L-intelliġenza Artifiċjali, ir-robotika u s-sistemi fiżiċi intelliġenti; u

-Ħiliet għad-dinja diġitali tax-xogħol u mudelli ta’ tmexxija tal-futur.

L-implimentazzjoni tal-investiment għandha titlesta sal-31 ta’ Awwissu 2026.

2.2.4 Investiment: Il-promozzjoni tad-diġitalizzazzjoni tal-ferroviji bis-sostituzzjoni ta’ programmi konvenzjonali ta’ interlocking/fast-track biex titħaffef l-introduzzjoni tal- “Ġermanja Ferrovjarja Diġitali” (SLP)

L-objettiv tal-miżura huwa li tappoġġa d-diġitalizzazzjoni tal-ferroviji fil-kuntest tal-inizjattiva “Digital Rail Germany” u l-programm “fast track” li għandu l-għan li jaċċelleraha. Din l-inizjattiva tiġbor flimkien il-partijiet interessati pubbliċi u privati (inkluża l-Awtorità Federali tal-Ferroviji (EBA), l-organizzazzjonijiet tar-riċerka u tekniċi u l-industrija, fost l-oħrajn) sabiex jiġu żviluppati komponenti standardizzati, interoperabbli u modulari għad-diġitalizzazzjoni tal-operazzjonijiet ferrovjarji.

L-investiment jikkonsisti fil-finanzjament ta’ seba’ proġetti pilota tal-programm, li għandhom l-għan li jiżviluppaw soluzzjonijiet li jissostitwixxu l-kaxex ta’ sinjali qodma u s-sistemi ta’ protezzjoni tal-passaġġ invell b’sistemi ta’ sigurtà tal-aħħar ġenerazzjoni diġitali.

Erbgħa minn dawn il-proġetti għandhom jippermettu lid-ditti stabbiliti jiċċertifikaw soluzzjonijiet ġodda f’kuntest operattiv, filwaqt li t-tlieta l-oħra għandhom jippermettu lill-fornituri addizzjonali jivvalidaw is-soluzzjonijiet tagħhom fit-testijiet tal-laboratorju. Is-soluzzjonijiet il-ġodda żviluppati minn dawn il-proġetti għandhom ikunu kompatibbli mal-ispeċifikazzjonijiet tekniċi tal-programm “Digital Rail Germany”. Huma mistennija wkoll li jkunu aġġornati u kompatibbli ma’ aġġornament sussegwenti tal-ETCS (Sistema Ewropea għall-Kontroll tal-Ferroviji) permezz ta’ interfaċċi uniformi tas-sistema.

L-implimentazzjoni tal-investiment għandha titlesta sal-31 ta’ Diċembru 2021.

E.2. Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għal appoġġ finanzjarju li ma jitħallasx lura

Numru sekwenzjali	Miżura relatata (Riforma jew Investiment)	Stadju Ewlieni/Mira	Isem	Indikaturi kwalitattivi (għal stadji importanti)	Indikaturi kwantitattivi (għall-miri)			Skeda ta’ żmien indikattiva għat-tlestija		Deskrizzjoni ta’ kull stadju importanti u mira
					Unità ta’ kejl	Linja bażi	Għan	Kwart	Sena
59	2.2.1 Programm ta’ investiment għall-manifatturi/fornituri tal-vetturi	Stadju Importanti	Pubblikazzjoni tal-linji gwida kollha dwar il-finanzjament	Pubblikazzjoni tal-linji gwida addizzjonali dwar il-finanzjament fil-Gazzetta Federali (Bundesanzeiger)	—	—	—	Q1	2021	Il-linji gwida kollha dwar il-finanzjament għall-erba’ tipi ta’ miżuri ta’ appoġġ taħt il-programm ġew ippubblikati fil-Gazetta Federali Bundesanzeiger u saru legalment vinkolanti.
60	2.2.1 programm ta’ investiment għall-manifatturi/fornituri tal-vetturi	Mira	L-approvazzjoni ta’ proġetti.	—	Għadd ta’ proġetti approvati	0	401	Q1	2023	Mill-inqas 401 proġett (għat-tliet moduli) ġew approvati u rċevew deċiżjoni ta’ għotja għall-implimentazzjoni.
61	2.2.1 Programm ta’ investiment għall-manifatturi/fornituri tal-vetturi	Mira	Tlestija b’suċċess tal-proġetti	—	Għadd ta’ proġetti li tlestew b’suċċess	0	531	Q3	2026	Mill-inqas 531 proġett ta’ finanzjament approvati bejn l-2021 u l-2026 tlestew b’suċċess.
62	2.2.2 Programm Federali “Bini ulterjuri ta’ networks CET”	Stadju Importanti	Pubblikazzjoni tal-linji gwida dwar il-finanzjament	Pubblikazzjoni tal-linji gwida addizzjonali dwar il-finanzjament fil-Gazzetta Federali (Bundesanzeiger)	—	—	—	Q2	2020	Il-linji gwida dwar il-finanzjament ġew ippubblikati fil-Gazzetta Federali (Bundesanzeiger) u saru legalment vinkolanti.
63	2.2.2 Programm Federali “Bini ulterjuri ta’ networks CET”	Mira	Parteċipazzjoni attiva ta’ intrapriżi addizzjonali fin-networks tas-CET	—	Għadd ta’ intrapriżi addizzjonali li jipparteċipaw fin-networks tas-CET	0	200	Q4	2022	Mill-inqas 200 intrapriża addizzjonali jipparteċipaw fin-networks tas-CET. Dawn il-kumpaniji jipparteċipaw fil-ġbir ta’ ħtiġijiet ta’ taħriġ, it-tfassil ta’ miżuri jew moduli ta’ taħriġ ġodda u l-użu ta’ miżuri jew moduli ta’ taħriġ proposti flimkien ma’ kumpaniji oħra (l-użu ta’ informazzjoni u l-parteċipazzjoni f’avvenimenti biss ma għandhomx jitqiesu bħala parteċipazzjoni attiva). Għal din il-mira għandhom jitqiesu biss il-kumpaniji li għadhom ma ġewx innominati bħala sħab ta’ kooperazzjoni fil-bidu tal-alleanza tal-ħiliet rispettivi.
64	2.2.2 Programm Federali “Bini ulterjuri ta’ networks CET”	Mira	Reviżjoni jew tfassil mill-ġdid ta’ miżuri jew submoduli ta’ taħriġ bħala riżultat tal-ħidma tan-networks tas-CET	—	Għadd ta’ miżuri ta’ taħriġ riveduti jew imfassla mill-ġdid	0	60	Q4	2024	Mill-inqas 60 miżura jew submodulu ta’ taħriġ ġew imfassla mill-ġdid jew riveduti, filwaqt li tqiesu l-ħiliet diġitali, li nbdew jew ġew imħeġġa min-networks tas-CET jew li jqisu r-riżultati tal-valutazzjonijiet tal-ħtiġijiet imwettqa mill-korpi ta’ koordinazzjoni tan-networks tas-CET.
65	2.2.3 Ċentru ta’ Riċerka dwar id-diġitalizzazzjoni u t-teknoloġija tal-Bundeswehr	Mira	Tnedija ta’ proġetti ta’ riċerka	—	Għadd ta’ proġetti	0	68	Q1	2021	Ġew iffirmati mill-inqas 68 għotja ta’ finanzjament u t-68 proġett korrispondenti rċevew finanzjament u jistgħu jibdew l-attività ta’ riċerka tagħhom.
66	2.2.3 Ċentru ta’ Riċerka dwar id-diġitalizzazzjoni u t-teknoloġija tal-Bundeswehr	Stadju Importanti	Rapport dwar ir-riċerka u t-trasferiment tar-riżultati	Pubblikazzjoni ta’ rapport lill-Ministeru Federali tad-Difiża li jikkonferma l-progress b’suċċess tal-proġetti	—	—	—	Q4	2023	Ġie ppubblikat rapport lill-Ministeru Federali tad-Difiża, li jikkonferma l-progress tal-proġetti ffinanzjati f’termini ta’ riżultati tar-riċerka, kooperazzjoni, trasferiment tal-għarfien u trasferiment tat-teknoloġija b’mill-inqas (kollox ma’ kollox): -200 pubblikazzjoni; -70 kollaborazzjoni mibdija ma’ istituti oħra ta’ riċerka; -30 kollaborazzjoni mibdija ma’ kumpaniji industrijali u negozji ġodda; -15-il kollaborazzjoni mibdija ma’ aġenziji tal-Forzi Armati Federali u l-amministrazzjoni pubblika; -10 prototipi ta’ teknoloġiji maturi; u -10 applikazzjonijiet għal privattivi. Ġiet ippubblikata wkoll evalwazzjoni esterna tal-miżura mill-Kunsill tax-Xjenza Ġermaniż.
67	2.2.3 Ċentru ta’ Riċerka dwar id-diġitalizzazzjoni u t-teknoloġija tal-Bundeswehr	Mira	Kontinwazzjoni tal-proġetti	—	Għadd ta’ proġetti vvalutati bħala li qed jipprogressaw b’mod sodisfaċenti	0	40	Q2	2024	Fuq il-bażi ta’ evalwazzjoni interim, mill-inqas 40 proġett huma kkunsidrati bħala li qed jipprogressaw b’mod sodisfaċenti u jistgħu jkomplu bl-attivitajiet tagħhom.
68	2.2.3 Ċentru ta’ Riċerka dwar id-diġitalizzazzjoni u t-teknoloġija tal-Bundeswehr	Mira	Eżekuzzjoni tal-baġit — żborż ta’ EUR 700 000 000 lil dawk appoġġati	—	Fondi mħallsa lill-proġetti	0	700	Q3	2026	Mill-inqas EUR 700 000 000 ġew żborżati għal proġetti appoġġati permezz tal-miżura.
69	2.2.3 Ċentru ta’ Riċerka dwar id-diġitalizzazzjoni u t-teknoloġija tal-Bundeswehr	Stadju Importanti	Rapport dwar ir-riċerka u t-trasferiment tar-riżultati	Pubblikazzjoni ta’ rapport lill-Ministeru Federali tad-Difiża li jikkonferma l-progress b’suċċess tal-proġetti	—	—	—	Q3	2026	Ġie ppubblikat rapport lill-Ministeru Federali tad-Difiża, li jikkonferma s-suċċess ġenerali tal-proġetti ffinanzjati f’termini ta’ riżultati tar-riċerka, kooperazzjoni, trasferiment tal-għarfien u trasferiment tat-teknoloġija b’mill-inqas (kollox ma’ kollox): -400 pubblikazzjoni; -Tlestew 60 dottorat; -100 kollaborazzjoni mibdija ma’ istituti oħra ta’ riċerka; -70 kollaborazzjoni mibdija ma’ kumpaniji industrijali u negozji ġodda; -30 kollaborazzjoni mibdija ma’ aġenziji tal-Forzi Armati Federali u l-amministrazzjoni pubblika; -20 prototipi ta’ teknoloġiji maturi; -20 applikazzjoni għal privattivi; u -10 proġett ta’ bidu.
70	2.2.4 Il-promozzjoni tad-diġitalizzazzjoni tal-ferroviji bis-sostituzzjoni ta’ programmi konvenzjonali ta’ interlocking/fast-track biex titħaffef l-introduzzjoni ta’ “Digital Rail Germany”	Stadju Importanti	L-iffirmar tal-ftehim ta’ finanzjament għall-programm “fast track” bejn il-Gvern Federali u Deutsche Bahn	Ftehim ta’ finanzjament iffirmat bejn il-Gvern Federali u Deutsche Bahn	—	—	—	Q4	2020	Il-Ftehim ta’ finanzjament bejn il-Gvern Federali u d-Deutsche Bahn ġie ffirmat.
71	2.2.4 Il-promozzjoni tad-diġitalizzazzjoni tal-ferroviji bis-sostituzzjoni ta’ programmi konvenzjonali ta’ interlocking/fast-track biex titħaffef l-introduzzjoni ta’ “Digital Rail Germany”	Stadju Importanti	Rapport interim dwar l-implimentazzjoni	Rapport interim ippreżentat minn DB Netz AG lill-Ministeru Federali tat-Trasport u l-Infrastrutturi (BMVI) u lill-Awtorità Federali tal-Ferroviji (EBA) dwar l-implimentazzjoni tal-programm.	—	—	—	Q2	2021	DB Netz AG ippreżentat rapport lill-Ministeru Federali tat-Trasport u l-Infrastrutturi (BMVI) u lill-Awtorità Federali tal-Ferroviji (EBA) dwar l-implimentazzjoni tal-programm.
72	2.2.4 Il-promozzjoni tad-diġitalizzazzjoni tal-ferroviji bis-sostituzzjoni ta’ programmi konvenzjonali ta’ interlocking/fast-track biex titħaffef l-introduzzjoni ta’ “Digital Rail Germany”	Mira	Tlestija b’suċċess tal-proġetti pilota	—	Għadd ta’ proġetti pilota li tlestew	0	7	Q4	2021	Seba’ proġetti pilota tal-programm, li għandhom l-għan li jiżviluppaw soluzzjonijiet biex jissostitwixxu l-kaxxi ta’ sinjali qodma u s-sistemi ta’ protezzjoni tal-qsim invell b’sistemi ta’ sigurtà tal-aħħar ġenerazzjoni diġitali tlestew b’suċċess, b’validazzjoni f’kundizzjonijiet operattivi għal mill-inqas erbgħa minnhom, u b’validazzjoni f’kundizzjonijiet tal-laboratorju għall-oħrajn.

F. KOMPONENT 3.1: Diġitalizzazzjoni tal-Edukazzjoni

Il-komponent tal-pjan Ġermaniż għall-irkupru u r-reżiljenza jiffoka fuq l-għoti ta’ appoġġ finanzjarju għall-investimenti fit-tranżizzjoni diġitali fl-edukazzjoni. L-għan ġenerali huwa li jkun hemm aktar tagħlim diġitali u tagħlim aħjar fis-sistemi differenti tal-edukazzjoni u t-taħriġ fil-Ġermanja.

Il-komponent jindirizza l-isfida tal-edukazzjoni diġitali fil-Ġermanja. L-isfida li ilha tiġi identifikata ġiet aggravata mill-pandemija tal-COVID-19 billi l-lockdown relatat ikkawża l-għeluq tas-siti tal-edukazzjoni bħall-iskejjel, l-istituzzjonijiet tat-taħriġ u l-universitajiet. Bil-bidla lejn l-edukazzjoni online, l-infrastruttura subottimali u l-ħiliet diġitali bażiċi qed ixekklu l-proċessi tat-tagħlim.

Il-komponent jappoġġa l-indirizzar tar-Rakkomandazzjoni Speċifika għall-Pajjiż dwar l-iffukar tal-investiment fuq it-tranżizzjoni diġitali, b’mod partikolari fuq l-edukazzjoni (ir-Rakkomandazzjoni Speċifika għall-Pajjiż 2 fl-2020 u 1 fl-2019) u t-titjib tal-eżiti edukattivi u l-livelli ta’ ħiliet ta’ gruppi żvantaġġati (ir-Rakkomandazzjoni Speċifika għall-Pajjiż 2, 2019).

F.1. Deskrizzjoni tar-riformi u l-investimenti għal appoġġ finanzjarju li ma jitħallasx lura

3.1.1: Investiment: Programm ta’ investiment għall-apparat tal-għalliema

L-objettiv ta’ dan l-investiment huwa li jiżgura l-fattibbiltà tat-tagħlim diġitali fl-iskejjel kollha fil-Ġermanja. Dan jikkonsisti f'li l-għalliema kollha jingħataw apparat diġitali mobbli fuq bażi ta’ self. Il-miżura għandha tkun parti minn qafas akbar li jappoġġa l-edukazzjoni diġitali li huwa biss parzjalment appoġġat mill-pjan Ġermaniż għall-irkupru u r-reżiljenza. Il-forniment ta’ apparat diġitali għandu jiġi żgurat mill-iskejjel.

L-implimentazzjoni tal-investiment għandha titlesta sal-31 ta’ Diċembru 2021.

3.1.2 Riforma: Pjattaforma edukattiva

L-objettiv ta’ din il-miżura huwa li tiġi żviluppata u stabbilita l-ewwel pjattaforma nazzjonali tal-edukazzjoni għal qasam tal-edukazzjoni li jinkludi kollox li, b’mezzi diġitali, jappoġġa l-iżvilupp tal-kompetenzi mill-istudenti matul il-perkorsi ta’ tagħlim individwali tagħhom. Il-pjattaforma għandha tgħaqqad offerti ta’ tagħlim u materjali ta’ tagħlim eżistenti u ġodda u tippermetti aċċess wiesa’ u miftuħ.

L-implimentazzjoni tal-investiment hija mistennija li tibda sal-31 ta’ Diċembru 2021 u għandha titlesta sal-31 ta’ Awwissu 2026.

3.1.3 Riforma: Ċentri edukattivi ta’ eċċellenza

L-għan ta’ din il-miżura huwa li ttejjeb u tistituzzjonalizza l-edukazzjoni diġitali bħala parti mill-qafas stabbilit għall-edukazzjoni tal-għalliema u l-edukazzjoni avvanzata. Il-miżura għandha tappoġġa l-iżvilupp u l-istabbiliment ta’ ċentri ta’ kompetenza għall-edukazzjoni diġitali fuq il-bażi ta’ sistema ta’ kollaborazzjoni bejn l-edukazzjoni tal-għalliema u l-istituzzjonijiet ta’ taħriġ kontinwu, l-universitajiet u l-istituti ta’ riċerka.

L-implimentazzjoni tal-miżura għandha titlesta sal-31 ta’ Awwissu 2026.

3.1.4 Investiment: Modernizzazzjoni tal-faċilitajiet edukattivi u ta’ taħriġ tal-Forzi Armati Federali

Dan l-investiment ifittex li jattrezza sa 60 istituzzjoni edukattiva differenti tal-forzi armati (Bundeswehr) b’teknoloġija tal-informazzjoni aġġornata. Il-miżura għandha tinkludi analiżi bir-reqqa tas-sitwazzjoni attwali u l-ħtiġijiet ta’ aġġornament fl-istituzzjonijiet differenti u introduzzjoni sussegwenti tat-tagħmir u s-sistemi meħtieġa.

L-implimentazzjoni tal-investiment għandha titlesta sal-31 ta’ Marzu 2023.

F.2. Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għal appoġġ finanzjarju li ma jitħallasx lura

Numru sekwenzjali	Miżura relatata (Riforma jew Investiment)	Stadju Ewlieni/Mira	Isem	Indikaturi kwalitattivi	Indikaturi kwantitattivi			Skeda ta’ żmien indikattiva għat-tlestija		Deskrizzjoni ta’ kull stadju importanti u mira
				(għal stadji importanti)	(għall-miri)
					Unità ta’ kejl	Linja bażi	Għan	Kwart	Sena
73	3.1.1 Programm ta’ investiment għall-apparat tal-għalliema	Stadju Importanti	Ftehim amministrattiv	Konklużjoni tal-ftehim amministrattiv bejn il-Gvern Federali tal-Ġermanja u l-korpi governattivi fil-livell tal-Länder	—	—	—	Q1	2021	Pubblikazzjoni fil-Gazzetta Federali (Bundesanzeiger) tal-ftehim amministrattiv bejn il-gvern federali tal-Ġermanja u l-korpi governattivi fil-livell tal-Länder għall-implimentazzjoni ta’ dan l-investiment.
74	3.1.1 Programm ta’ investiment għall-apparat tal-għalliema	Mira	Żborż ta’ mill-inqas EUR 475 000 000 għall-proġetti appoġġati	—	EUR miljun	0	475	Q1	2022	Mill-EUR 500 000 000 allokati għall-miżura, mill-inqas EUR 475 000 000 ġew żborżati għall-forniment ta’ tagħmir diġitali għall-għalliema.
75	3.1.1 Programm ta’ investiment għall-apparat tal-għalliema	Stadju Importanti	Evalwazzjoni tal-bidliet fl-infrastruttura diġitali u l-użu tal-midja diġitali fl-iskejjel	Rapport finali ta’ l-evalwazzjoni	—	—	—	Q4	2025	Ir-rapport ta’ evalwazzjoni tal-programm jikkonferma li l-għalliema osservaw titjib fl-infrastruttura diġitali disponibbli u l-użu tal-midja diġitali fl-iskola.
76	3.1.2 Pjattaforma tal-edukazzjoni	Stadju Importanti	Dħul fis-seħħ tal-linji gwida ta’ finanzjament għall-prototipi ta’ pjattaforma edukattiva u l-akkwist imniedi	Pubblikazzjoni tal-linji gwida dwar il-finanzjament u s-sejħa għall-offerti fil-Gazzetta Federali (Bundesanzeiger )	—	—	—	Q1	2022	Daħlu fis-seħħ linji gwida ta’ finanzjament għall-iżvilupp ta’ tliet prototipi separati tal-metapjattaforma dwar l-edukazzjoni, kif ukoll għal proġetti ta’ riċerka transkompatibbli, aċċessibbli mill-istudenti u l-għalliema. Skont ir-riżultat ta’ dawn il-proġetti, id-dimensjonijiet ewlenin tal-ispeċifikazzjonijiet tal-proġett huma ċċarati u għandha titnieda l-proċedura tal-akkwist.
77	3.1.2 Pjattaforma tal-edukazzjoni	Stadju Importanti	Tnedija tal-verżjoni beta tal-pjattaforma tal-edukazzjoni	Tnedija tal-verżjoni beta tal-pjattaforma fuq is-sit web tal-(BMBF) ( Ministeru Federali tal-Edukazzjoni u r-Riċerka)	—	—	—	Q3	2023	Verżjoni beta tal-pjattaforma edukattiva għandha tkun online, bis-servizzi u l-funzjonijiet kollha li ġew identifikati fid-deskrizzjoni funzjonali bħala prijorità għolja mill-(BMBF) (Ministeru Federali tal-Edukazzjoni u r-Riċerka). Dawn il-funzjonijiet jinkludu l-aċċess għall-informazzjoni, il-profil tal-utent, il-kollaborazzjoni, il-ġestjoni tal-identità u tal-aċċess, iċ-chat-bot, il-flussi tax-xogħol, l-inbox. It-tnedija għandha tkun akkumpanjata minn verifiki addizzjonali tas-sigurtà u tal-protezzjoni tad-data u testijiet tat-tagħbija b’suċċess.
78	3.1.2 Pjattaforma tal-edukazzjoni	Stadju Importanti	Rapport ta’ evalwazzjoni finali b’deċiżjoni dwar il-futur tal-pjattaforma edukattiva	Pubblikazzjoni tar-rapport ta’ evalwazzjoni finali fil-Gazzetta Federali (Bundesanzeiger )	—	—	—	Q3	2024	Ir-rapport ta’ evalwazzjoni finali tal-pjattaforma edukattiva ġie ppubblikat, b’valutazzjoni li tikkonferma li l-proġett kien ta’ suċċess skont il-kriterji ta’ monitoraġġ tal-proġett. Il-proġett għandu jkun ta’ suċċess jekk it-tkomplija tal-pjattaforma edukattiva tkun rakkomandata jew jekk jiġi stabbilit li s-servizzi u l-funzjonijiet tal-prototipi għandhom jittieħdu u jitkomplew minn partijiet interessati oħra fuq il-bażi tar-riżultati tal-proġett.
79	3.1.3 Ċentru edukattiv ta’ eċċellenza	Stadju Importanti	Dħul fis-seħħ tal-ewwel linji gwida dwar il-finanzjament u s-sejħa għall-offerti għal aġenzija li teżegwixxi l-proġetti għall-programm ġenerali	Il-pubblikazzjoni tal-ewwel linji gwida dwar il-finanzjament fil-Gazzetta Federali (Bundesanzeiger) u l-pubblikazzjoni ta’ sejħa għall-offerti fuq pjattaforma ta’ premjazzjoni.	—	—	—	Q4	2021	Taħt it-tmexxija tal-Ministeru Federali tal-Edukazzjoni u r-Riċerka (BMBF), l-ewwel linji gwida ta’ finanzjament daħlu fis-seħħ u ġew ippubblikati. Intgħażlet aġenzija li teżegwixxi l-proġetti fuq il-bażi ta’ applikazzjonijiet li waslu permezz ta’ sejħa pubblika għall-offerti fuq pjattaforma tal-għoti.
80	3.1.3 Ċentru edukattiv ta’ eċċellenza	Mira	Approvazzjoni ta’ mill-inqas 45 proġetti ta’ riċerka	—	Għadd ta’ proġetti ta’ riċerka approvati u li għadhom għaddejjin	0	45	Q3	2022	Mill-inqas 45 proġett ta’ riċerka ġew approvati mill-aġenzija li teżegwixxi l-proġetti u jinsabu għaddejjin. Ir-riżultati ġew ippubblikati permezz tal-Gazzetta Federali (Bundesanzeiger) u s-sit web tal-BMBF.
81	3.1.3 Ċentru edukattiv ta’ eċċellenza	Stadju Importanti	Dħul fis-seħħ ta’ tliet linji gwida ta’ finanzjament addizzjonali	Pubblikazzjoni tal-linji gwida addizzjonali dwar il-finanzjament fil-Gazzetta Federali (Bundesanzeiger)	—	—	—	Q3	2022	Taħt it-tmexxija tal-Ministeru Federali tal-Edukazzjoni u r-Riċerka (BMBF), tliet linji gwida ta’ finanzjament addizzjonali, kull waħda minnhom b’orjentazzjoni tematika speċifika, daħlu fis-seħħ u ġew ippubblikati.
82	3.1.3 Ċentru edukattiv ta’ eċċellenza	Mira	Tlestija ta’ proġetti ta’ riċerka	—	Għadd ta’ proġetti ta’ riċerka kkompletati	0	45	Q3	2026	Ikunu tlestew mill-inqas 45 proġett ta’ riċerka, kif muri minn rapport ta’ evalwazzjoni finali li għandu jippreżenta r-riżultati tal-proġetti ta’ riċerka appoġġati u juri l-valur miżjud għat-taħriġ tal-għalliema fit-tagħlim diġitali u appoġġat b’mod diġitali f’kull wieħed mil-Länder. Ir-riżultati ġew ippreżentati f’avveniment tal-għeluq u fuq is-sit web tal- BMBF.
83	3.1.4 Modernizzazzjoni tal-faċilitajiet edukattivi u ta’ taħriġ tal-Forzi Armati Federali	Stadju Importanti	Kuntratt tal-proġett iffirmat	Kuntratt tal-proġett iffirmat mal-fornitur tas-servizz tal-IT	—	—	—	Q1	2021	Il-kuntratt tal-proġett għall-fażi inizjali għall-valutazzjoni tas-sistemi tal-IT tal-faċilitajiet edukattivi u ta’ taħriġ tal-Forzi Armati Federali ġie ffirmat bejn l-Uffiċċju Federali tat-Tagħmir tal-(Bundeswehr), it-Teknoloġija tal-Informazzjoni u l-Appoġġ In-Servizz (BBAINBw), awtorità federali għolja ċivili li hija direttament subordinata għall-Ministeru Federali tad-Difiża (BMVg) u l-fornitur tal-IT, li jistipula passi ewlenin fil-ħidma ta’ valutazzjoni futura.
84	3.1.4 Modernizzazzjoni tal-faċilitajiet edukattivi u ta’ taħriġ tal-Forzi Armati Federali	Mira	Analiżi tal-istituzzjonijiet edukattivi u identifikazzjoni tal-ħtiġijiet tal-IT tagħhom	—	Għadd ta’ istituzzjonijiet edukattivi analizzati bis-sħiħ	0	60	Q1	2022	Ġie adottat rapport ta’ valutazzjoni mill-Ministeru Federali għad-Difiża (BMVg). Dan ir-rapport għandu juri li l-ambjenti u l-ħtiġijiet tal-IT tal-60 istituzzjoni edukattiva magħżula inizjalment ġew analizzati, u ġew identifikati l-ħtiġijiet u l-possibbiltajiet ta’ implimentazzjoni.
85	3.1.4 Modernizzazzjoni tal-faċilitajiet edukattivi u ta’ taħriġ tal-Forzi Armati Federali	Mira	Tlestija tal-modernizzazzjoni tas-60 istituzzjoni edukattiva	—	Għadd ta’ istituzzjonijiet edukattivi li għalihom tlestiet il-modernizzazzjoni	0	60	Q1	2023	Ġie adottat rapport ta’ valutazzjoni finali mill-Ministeru Federali għad-Difiża (BMV g). Dan ir-rapport għandu jikkonferma li fuq il-bażi tar-riżultati tal-analiżi mwettqa fuq is-60 istituzzjoni, il-miżuri ta’ implimentazzjoni meħtieġa tlestew fiż-żmien u l-baġits disponibbli. Ir-riżultat tal-proċess, il-progress li diġà nkiseb fir-rigward tat-taħriġ u l-edukazzjoni għandu jintwera u t-triq’ il quddiem għas-snin ta’ wara għandha tiġi mmappjata.

G. KOMPONENT 4.1: It-tisħiħ tal-inklużjoni soċjali

Dan il-komponent tal-pjan Ġermaniż għall-irkupru u r-reżiljenza jimmobilizza r-riżorsi biex jittejbu l-aspetti differenti tal-inklużjoni soċjali: (i) l-inklużjoni fis-suq tax-xogħol tan-nisa u l-ġenituri b’mod ġenerali, (ii) it-titjib tal-eżiti u l-ħiliet edukattivi għall-istudenti li għandhom sfondi ta’ tagħlim, spiss minn sfondi żvantaġġati, (iii) is-salvagwardja tal-apprentistati, li b’hekk tappoġġja d-dħul fis-suq tax-xogħol għaż-żgħażagħ, (iv) il-protezzjoni tal-paga “take-home” u l-impjiegi billi tiġi evitata żieda fil-porzjon tat-taxxa, u (iv) it-titjib tat-trasparenza fit-tliet pilastri kollha tas-sistema tal-pensjonijiet u b’hekk l-aċċess għall-protezzjoni soċjali.

Il-komponent jappoġġa l-indirizzar tar-Rakkomandazzjoni Speċifika għall-Pajjiż dwar l-iffukar tal-politika ekonomika relatata mal-investiment fuq l-edukazzjoni u fuq iċ-ċaqliq tat-taxxi minn fuq ix-xogħol (ir-Rakkomandazzjoni Speċifika għall-Pajjiż 1, 2019), dwar it-tnaqqis tad-diżinċentivi biex wieħed jaħdem aktar sigħat, dwar it-teħid ta’ miżuri għas-salvagwardja tas-sostenibbiltà fit-tul tas-sistema tal-pensjonijiet filwaqt li tinżamm l-adegwatezza tal-livell tal-pensjoni fl-istess ħin u dwar it-titjib tal-eżiti edukattivi u tal-livelli tal-ħiliet ta’ gruppi żvantaġġati (ir-Rakkomandazzjoni Speċifika għall-Pajjiż 2, 2019) u dwar l-iffukar tal-investiment fuq l-edukazzjoni (ir-Rakkomandazzjoni Speċifika għall-Pajjiż 1, 2019 u 2 fl-2020).

G.1. Deskrizzjoni tar-riformi u l-investimenti għal appoġġ finanzjarju li ma jitħallasx lura

4.1.1 Investiment: Programm ta’ investiment “Ffinanzjar tat-tfal” 2020/21: fond speċjali “Espansjoni għall-kura ta’ kuljum tat-tfal”

L-għan tal-miżura huwa li tippromwovi l-ħolqien ta’ faċilitajiet ġodda għall-indukrar tat-tfal u r-rinnovazzjoni ta’ faċilitajiet eżistenti, li għandhom joħolqu 90 000 post addizzjonali.

Għal dan il-għan, il-Gvern Federali jipprovdi għotjiet lil-Länder u lill-awtoritajiet lokali sabiex dawn jinvestu f’bini ġdid, estensjonijiet, konverżjonijiet, rinnovamenti, rinnovazzjonijiet u tagħmir.

L-implimentazzjoni tal-miżura għandha titlesta sal-31 ta’ Diċembru 2022.

4.1.2 Riforma: Garanzija Soċjali 2021

L-objettiv tal-miżura huwa li jiġi evitat li l-impatt finanzjarju tal-COVID-19 jikkawża żidiet fil-kontribuzzjonijiet tas-sigurtà soċjali estensivi, li jċaħħdu l-paga “take-home” u li jżidu l-ispejjeż tax-xogħol.

Għal dan il-għan, il-Gvern Federali għandu jipprovdi trasferimenti fiskali għall-fondi tas-sigurtà soċjali biex jimla l-vojt fil-finanzjament tagħhom, u b’hekk jevita li r-rata ta’ kontribuzzjoni tal-kontribuzzjonijiet tas-sigurtà soċjali taqbeż l-40 % fl-2021.

L-implimentazzjoni tar-riforma għandha titlesta sal-31 ta’ Diċembru 2021.

4.1.3 Investiment: Appoġġ għall-apprendistat

L-għan tal-miżura huwa li tikkontrobatti t-tnaqqis relatat mal-COVID-19 fl-għadd ta’ apprendistati.

Għal dan il-għan, il-gvern għandu jipprovdi appoġġ finanzjarju lill-SMEs li jieħdu apprendisti u li jżommu l-livell attwali ta’ taħriġ tagħhom, joħolqu apprendistati addizzjonali, jevitaw xogħol b’ħinijiet iqsar (Kurzarbeit) għall-apprendisti, jew jieħdu apprendisti minn kumpaniji li jkunu saru insolventi.

L-implimentazzjoni tal-miżura għandha titlesta sal-31 ta’ Diċembru 2022.

4.1.4 Riforma: Appoġġ edukattiv għall-istudenti b’xogħol b’lura fit-tagħlim

L-objettiv tal-miżura huwa li jiġi evitat li jsir xogħol b’lura temporanju minħabba interruzzjoni relatata mal-COVID-19.

Għal dan il-għan, il-gvern federali għandu jipprovdi appoġġ finanzjarju lil-Länder sabiex dawn jipprovdu korsijiet addizzjonali u konsulenza lill-istudenti, b’enfasi fuq suġġetti ewlenin u kompetenzi ewlenin bħal-lingwa Ġermaniża, il-matematika u x-xjenza.

L-implimentazzjoni tal-miżura għandha titlesta sat-30 ta’ Settembru 2022.

4.1.5 Riforma: Ħarsa Ġenerali lejn il-Pensjonijiet Diġitali

L-għan ta’ din il-miżura huwa li tinħoloq Ħarsa Ġenerali dwar il-Pensjonijiet Diġitali, portal li jipprovdi liċ-ċittadini informazzjoni dwar il-provvista tal-pensjoni individwali tagħhom mit-tliet pilastri tal-pensjoni (pensjonijiet statutorji, tal-kumpanija u privati).

Għal dan il-għan, il-Fond tal-Pensjoni Ġermaniż (Deutsche Rentenversicherung Bund) għandu jistabbilixxi portal ta’ informazzjoni dwar il-pensjonijiet, li jinvolvi d-diversi partijiet interessati biex jiġi żgurat li jiġbor l-informazzjoni rilevanti dwar il-pensjonijiet, u, permezz tal-ittestjar u l-iżvilupp, jiżgura li l-portal ikun faċli għall-utent.

L-implimentazzjoni tal-miżura għandha titlesta sal-31 ta’ Awwissu 2026.

G.2. Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għal appoġġ finanzjarju li ma jitħallasx lura

Numru sekwenzjali	Miżura relatata (Riforma jew Investiment)	Stadju Ewlieni/Mira	Isem	Indikaturi kwalitattivi (għal stadji importanti)	Indikaturi kwantitattivi (għall-miri)			Skeda ta’ żmien indikattiva għat-tlestija		Deskrizzjoni ta’ kull stadju importanti u mira
					Unità ta’ kejl	Linja bażi	Għan	Kwart	Sena
86	Programm ta’ investiment 4.1.1 “Ffinanzjar tat-tfal” 2020/21: fond speċjali “Espansjoni għall-kura ta’ kuljum tat-tfal”	Stadju Importanti	Dħul fis-seħħ tal-Att dwar il-Finanzjament tal-Kura tat-Tfal u l-Att Federali dwar l-Assistenza Finanzjarja u tar-regolamenti ta’ implimentazzjoni fil-livell tal-Länder	Dispożizzjoni fil-liġi li tindika d-dħul fis-seħħ tal-Att dwar il-Finanzjament tal-Kura tat-Tfal u l-Att Federali dwar l-Assistenza Finanzjarja kif ukoll ir-regolamenti ta’ implimentazzjoni speċifiċi għal-Länder	—	—	—	Q4	2020	L-emendi għall-Att dwar il-Finanzjament tal-Kura tat-Tfal u l-Att Federali dwar l-Għajnuna Finanzjarja (KitaFinHG) għall-estensjoni tal-kura tat-tfal matul il-jum daħlu fis-seħħ. Il-Länder adottaw ir-regoli federali u għamluhom aktar speċifiċi fir-regolamenti tal-Länder tagħhom.
87	Programm ta’ investiment 4.1.1 “Ffinanzjar tat-tfal” 2020/21: fond speċjali “Espansjoni għall-kura ta’ kuljum tat-tfal”	Stadju Importanti	Pubblikazzjoni ta’ rapport interim f’konformità mal-KitaFinHG	Pubblikazzjoni ta’ rapporti interim li fihom evidenza numerika (finanzjament, numru ta’ postijiet għall-indukrar tat-tfal, numru ta’ tagħmir issussidjat) skont id-dispożizzjonijiet legali u d-diskussjonijiet ta’ koordinazzjoni rilevanti bejn il-Gvern Federali u l-Länder.	—	—	—	Q4	2023	Ġie ppubblikat rapport interim dwar postijiet għall-indukrar tat-tfal approvati u maħluqa u investimenti f’tagħmir (§ 30 (2) u (3) KitaFinHG). Il-Länder rilevanti rrappurtaw lill-Gvern Federali dwar l-istat tal-implimentazzjoni, inkluż dwar il-finanzjament, l-għadd ta’ postijiet għall-indukrar tat-tfal, l-għadd ta’ tagħmir issussidjat, skont l-obbligi ta’ monitoraġġ u gwida.
88	Programm ta’ investiment 4.1.1 “Ffinanzjar tat-tfal” 2020/21: fond speċjali “Espansjoni għall-kura ta’ kuljum tat-tfal”	Mira	Tlestija tal-miżuri kollha	—	Postijiet addizzjonali għall-indukrar tat-tfal għat-tfal	0	90 000	Q4	2025	Il-Länder ippreżentaw ir-rapport finali tagħhom dwar l-implimentazzjoni wara t-tlestija tal-kontrolli fuq l-użu tal-fondi. Ir-rapport jikkonferma li 90 000 post għall-indukrar tat-tfal li għadhom kif ġew iffinanzjati għat-tfal qabel id-dħul fl-iskola nħolqu f’faċilitajiet ta’ kura tat-tfal matul il-jum (Kindertageseinrichtungen) u servizzi ta’ kura tat-tfal matul il-jum (Kindertagespflege) fil-Ġermanja kollha.
89	4.1.2 Garanzija Soċjali 2021	Stadju Importanti	Verifika tar-rata medja tal-kontribuzzjoni tas-sigurtà soċjali għas-sena 2021	Ir-rata totali tal-kontribuzzjoni tas-sigurtà soċjali kkalkulata u hija stabbilita li ma qabżitx l-40 %	—	—	—	Q4	2021	Ir-rata totali tal-kontribuzzjoni tas-sigurtà soċjali għandha tiġi kkalkulata għas-sena 2021 u huwa stabbilit li din ma żdiditx aktar minn 40 %. Ir-rata totali tal-kontribuzzjoni tas-sigurtà soċjali għandha tiġi kkalkulata bħala s-somma tar-rati ta’ kontribuzzjoni għall-pensjonijiet, il-qgħad, il-kura fit-tul (jiġifieri mingħajr suppliment mingħajr tfal) u l-assigurazzjoni tal-kura tas-saħħa inkluża r-rata ta’ kontribuzzjoni addizzjonali medja skont § 242a Kodiċi Soċjali V (SGB V).
90	4.1.3 Appoġġ għall-apprendistat	Stadju Importanti	Dħul fis-seħħ tal-linji gwida riveduti dwar il-finanzjament għall-programm federali Ausbildungsplätze sichern	Pubblikazzjoni tal-linji gwida riveduti dwar il-finanzjament	—	—	—	Q2	2021	Il-linji gwida riveduti dwar il-finanzjament li jkopru l-programm federali kollu Ausbildungsplätze sichern ġew ippubblikati fil-Gazzetta Federali(Bundesanzeiger), li jirriflettu d-deċiżjoni tal-kabinett meħuda fis-17 ta’ Marzu 2021.
91	4.1.3 Appoġġ għall-apprendistat	Mira	Ħruġ ta’ appoġġ għall-programm federali Ausbildungsplätze sichern	—	EUR miljun	0	652,5	Q4	2022	Mill-EUR 725 000 000 allokati għall-miżura, mill-inqas EUR 652 500 000 ġew żborżati taħt il-programm.
92	4.1.3 Appoġġ għall-apprendistat	Mira	Deċiżjonijiet ta’ għoti dwar applikazzjonijiet għall-programm federali Ausbildungsplätze sichern	—	Għadd ta’ applikazzjonijiet eliġibbli li ngħataw finanzjament	0	70 000	Q4	2022	Mill-inqas 70 000 applikazzjoni eliġibbli ngħataw finanzjament taħt il-programm.
93	4.1.4 Appoġġ edukattiv għall-istudenti b’xogħol b’lura fit-tagħlim	Stadju Importanti	Ftehim bejn il-gvern federali u l-Länder biex jingħata appoġġ għat-tagħlim lill-istudenti b’xogħol b’lura ta’ tagħlim pandemiku.	Laender u l-gvern federali jadottaw il-ftehim ta’ finanzjament	—	—	—	Q2	2021	Il-Gvern federali u Laender adottaw il-ftehim ta’ finanzjament li jistabbilixxi l-kundizzjonijiet tal-finanzjament tal-appoġġ għat-tagħlim.
94	4.1.4 Appoġġ edukattiv għall-istudenti b’xogħol b’lura fit-tagħlim	Mira	1 000 000 student irċevew appoġġ għat-tagħlim	—	Għadd ta’ studenti li jirċievu appoġġ taħt il-programm	0	1 000 000	Q3	2022	Mill-inqas 1 000 000 student irċevew appoġġ għat-tagħlim bħala parti mill-programm, kif muri mir-rapport ta’ monitoraġġ.
95	4.1.5 Ħarsa Ġenerali lejn il-Pensjonijiet Diġitali	Stadju Importanti	Dħul fis-seħħ tal-Att dwar il-Ħarsa Ġenerali tal-Pensjonijiet Diġitali	Dispożizzjoni fil-liġi li tindika d-dħul fis-seħħ tal-liġi dwar il-Ħarsa Ġenerali tal-Pensjonijiet Diġitali.	—	—	—	Q1	2021	Il-liġi dwar il-Ħarsa Ġenerali tal-Pensjonijiet Diġitali (RentÜG) ġiet ippubblikata fil-Gazzetta Federali (Bundesanzeiger) u daħlet fis-seħħ.
96	4.1.5 Ħarsa Ġenerali lejn il-Pensjonijiet Diġitali	Stadju Importanti	Tlestija tal-iżvilupp u l-ewwel fażi operattiva.	Il-portal huwa disponibbli u ġie ttestjat fl-ewwel fażi operattiva. Ir-rapport ta’ evalwazzjoni dwar l-ewwel fażi operattiva ġie ppreżentat miz-ZfDR lill-kumitat ta’ tmexxija għal aktar diskussjoni.	—	—	—	Q4	2023	Il-korp ta’ koordinazzjoni responsabbli għall-ħarsa ġenerali tal-pensjoni diġitali (ZfDR, Zentrale Stelle für die Digitale Rentenübersicht) ipprovda rapport ta’ evalwazzjoni skont § 6 (3) RentÜG tal-ewwel fażi operattiva, li jivvaluta l-livell miksub ta’ użu u implimentabbiltà għall-pensjoni. Ir-rapport għandu jidentifika b’mod ċar azzjonijiet possibbli għal titjib u funzjonalitajiet ġodda li għandhom jiġu diskussi aktar fil-kumitat ta’ tmexxija.
97	4.1.5 Ħarsa Ġenerali lejn il-Pensjonijiet Diġitali	Stadju Importanti	It-tlestija tal-implimentazzjoni tat-titjib dedott mill-esperjenza prattika matul l-ewwel fażi operattiva.	It-titjib u fejn xieraq ġew implimentati funzjonalitajiet ġodda wara r-rapport ta’ evalwazzjoni u l-konsultazzjoni mal-kumitat ta’ tmexxija. Il-ħarsa Ġenerali dwar il-Pensjonijiet Diġitali tkopri l-maġġoranza tal-intitolamenti tal-pensjoni eżistenti fir-rigward ta’ dawk il-fornituri tal-pensjoni li ġeneralment huma obbligati li jipparteċipaw bil-liġi.	—	—	—	Q1	2026	Wara l-preżentazzjoni tar-rapport ta’ evalwazzjoni, għandhom jiġu stabbiliti miri konkreti dwar il-frekwenza tal-użu u dwar il-kopertura tal-intitolamenti tal-pensjoni. Il-mira dwar il-frekwenza tal-użu u l-mira dwar il-kopertura tal-intitolamenti tal-pensjoni jew tintlaħaq sat-tielet trimestru tal-1 2026 jew tittieħed azzjoni ulterjuri biex tittejjeb l-aċċettazzjoni tal-utenti bħal pereżempju l-adozzjoni ta’ regolament li jistabbilixxi d-data ta’ referenza għall-obbligu għall-fornituri tal-pensjonijiet biex jipparteċipaw fil-Ħarsa Ġenerali tal-Pensjonijiet Diġitali, li tkopri l-fornituri tal-pensjonijiet li huma meħtieġa jipprovdu dikjarazzjonijiet tal-benefiċċji annwali lill-klijenti tagħhom.

H. KOMPONENT 5.1: Tisħiħ ta’ Sistema tal-Kura tas-Saħħa reżistenti għall-Pandemija

Dan il-komponent tal-pjan Ġermaniż għall-irkupru u r-reżiljenza għandu l-għan li jżid ir-reżiljenza tas-settur tal-kura tas-saħħa, inkluż għal xokkijiet ikkawżati minn pandemiji. L-objettivi speċifiċi tal-miżuri f'dan il-komponent huma d-diġitalizzazzjoni tal-uffiċċji tas-saħħa pubblika, li għandhom rwol importanti fil-ġestjoni tal-pandemiji fil-Ġermanja, id-diġitalizzazzjoni tal-isptarijiet biex tiżdied l-effiċjenza u r-reżiljenza tagħhom, u r-riċerka u l-iżvilupp ta’ vaċċini kontra s-SARS-CoV-2.

Il-komponent jappoġġa l-indirizzar tar-Rakkomandazzjoni Speċifika għall-Pajjiż biex jiġu mobilizzati riżorsi adegwati u tissaħħaħ ir-reżiljenza tas-sistema tal-kura tas-saħħa, inkluż permezz tal-użu ta’ servizzi tas-saħħa elettronika (ir-Rakkomandazzjoni Speċifika għall-Pajjiż 1, 2020).

H.1. Deskrizzjoni tar-riformi u l-investimenti għal appoġġ finanzjarju li ma jitħallasx lura

5.1.1 Ir-riforma: Tisħiħ tar-riżorsi diġitali u tekniċi tas-servizz tas-saħħa pubblika

L-objettiv tal-miżura huwa li jiġu mmodernizzati l-uffiċċji tas-saħħa pubblika, b’mod partikolari billi jiżdied il-livell tad-diġitalizzazzjoni u l-interoperabbiltà tagħhom tas-sistemi tal-IT biex l-uffiċċji tas-saħħa pubblika jiġu konnessi ma’ atturi oħra fis-sistema tal-kura tas-saħħa pubblika. Il-miżura tikkonsisti f’introduzzjoni nazzjonali ta’ sistema tal-IT biex jiġu traċċati l-iżviluppi tal-pandemija, u jiżdied il-livell ġenerali ta’ maturità diġitali fl-uffiċċji tas-saħħa pubblika matul is-snin li ġejjin.

L-implimentazzjoni tal-miżura għandha titlesta sal-31 ta’ Awwissu 2026.

5.1.2 Investiment: Programm għal sptarijiet li jibqgħu validi fil-futur

L-għan tal-miżura huwa li tippermetti lill-isptarijiet jinvestu fi żmien qasir fil-modernizzazzjoni tagħhom, inkluż permezz tad-diġitalizzazzjoni. Il-miżura tikkonsisti fl-istabbiliment ta’ fond, li minnu l-isptarijiet jistgħu jirċievu appoġġ finanzjarju għal għadd ta’ proġetti ta’ modernizzazzjoni, pereżempju biex itejbu l-infrastruttura diġitali tagħhom, il-kapaċitajiet ta’ emerġenza, it-telemediċina, ir-robotika, jew l-IT u ċ-ċibersigurtà.

L-implimentazzjoni tal-miżura għandha titlesta sal-31 ta’ Awwissu 2026.

5.1.3 investiment: Programm speċjali biex jiġu aċċellerati r-riċerka u l-iżvilupp ta’ vaċċini meħtieġa b’mod urġenti kontra s-SARS-CoV-2

L-għanijiet tal-miżura huma li tappoġġa r-riċerka u l-iżvilupp tat-tilqim kontra s-SARS-CoV-2 sabiex jitnaqqsu s-severità u t-tul tal-pandemija. L-investiment jikkonsisti f’appoġġ finanzjarju lill-produtturi Ġermaniżi tat-tilqim biex iżidu l-iżvilupp u l-kapaċità tal-produzzjoni tagħhom, u biex iżidu l-għadd ta’ pazjenti għal fażijiet ta’ prova klinika aktar tard. Dan għandu l-għan li jsaħħaħ is-settur farmaċewtiku/bijoteknoloġiku fil-Ġermanja fit-tul u jipprovdi bażi usa’ u flessibbiltà biex iwieġeb għal pandemiji futuri.

L-implimentazzjoni tal-miżura għandha titlesta sal-31 ta’ Diċembru 2022.

H.2. Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għal appoġġ finanzjarju li ma jitħallasx lura

Numru sekwenzjali	Miżura relatata (Riforma jew Investiment)	Stadju Ewlieni/Mira	Isem	Indikaturi kwalitattivi (għal stadji importanti)	Indikaturi kwantitattivi (għall-miri)			Skeda ta’ żmien indikattiva għat-tlestija		Deskrizzjoni ta’ kull stadju importanti u mira
					Unità ta’ kejl	Linja bażi	Għan	Kwart	Sena
98	Tisħiħ tar-riżorsi diġitali u tekniċi tas-servizz tas-saħħa pubblika	Mira	użu nazzjonali tas-Sistema Elettronika ta’ Rappurtar u Informazzjoni Ġermaniża għall-Protezzjoni tal-Infezzjonijiet (Deutsches Elektronisches Melde- und Informationssystem für den Infektionsschutz, DEMIS)	—	Perċentwal ta’ uffiċċji tas-saħħa pubblika li jużaw DEMIS	0	100	Q1	2021	L-awtoritajiet kompetenti tal-Länder qed jużaw id-Domis biex jirreġistraw persuni fil-kuntest tas-SARS-CoV-2 u biex iwettqu r-rekwiżiti ta’ rappurtar skont § 8 (1) (2) tal-Liġi dwar il-Protezzjoni tal-Infezzjonijiet 8 .
99	5.1.1 Tisħiħ tar-riżorsi diġitali u tekniċi tas-servizz tas-saħħa pubblika	Mira	Il-progress tal-uffiċċji tas-saħħa pubblikalejn il-maturità diġitali	—	Perċentwali	0	35	Q1	2024	Mill-inqas 35 % tal-uffiċċji tas-saħħa pubblika tejbu l-maturità diġitali tagħhom b’mill-inqas żewġ livelli sa tmiem ir-Q4 2023 f’mill-inqas żewġ kategoriji fis-sistema ta’ maturità diġitali impjegata, meta mqabbla mal-livell ta’ maturità diġitali tagħhom tal-2021.
100	5.1.1 Tisħiħ tar-riżorsi diġitali u tekniċi tas-servizz tas-saħħa pubblika	Mira	Il-progress tal-uffiċċji tas-saħħa pubblika lejn il-maturità diġitali	—	Perċentwali	35	70	Q3	2026	Mill-inqas 70 % tal-uffiċċji tas-saħħa pubblika tejbu l-maturità diġitali tagħhom b’mill-inqas żewġ livelli sat-Q3 2026 f’mill-inqas tliet kategoriji fis-sistema ta’ maturità diġitali impjegata, meta mqabbla mal-livell ta’ maturità diġitali tagħhom tal-2021.
101	5.1.2 Programm għal sptarijiet li jibqgħu validi fil-futur	Mira	Applikazzjonijiet ippreżentati lill-Uffiċċju Federali għas-Sigurtà Soċjali għal mill-inqas EUR 2 700 000 000	—	Volum ta’ finanzjament (f’miljuni ta’ euro) għal applikazzjonijiet ippreżentati lill-Uffiċċju Federali għas-Sigurtà Soċjali	0	2 700	Q2	2022	Mill-EUR 3 000 000 000 allokati għall-miżura, ġew ippreżentati applikazzjonijiet ta’ mill-inqas EUR 2 700 000 000 f’volum lill-Uffiċċju Federali għas-Sigurtà Soċjali għal proġetti tal-isptarijiet taħt il-Programm lil sptarijiet li jibqgħu validi fil-futur sal-iskadenza għall-applikazzjonijiet tal-31 ta’ Diċembru 2021. Sal-31 ta’ Marzu 2022, l-Uffiċċju Federali għas-Sigurtà Soċjali għandu jippubblika l-volum ta’ finanzjament għall-applikazzjonijiet
102	5.1.2 Programm għal sptarijiet li jibqgħu validi fil-futur	Mira	Żieda fil-maturità diġitali ta’ mill-inqas 35 % tal-isptarijiet	—	Perċentwal ta’ sptarijiet b’maturità diġitali miżjuda	0	35	Q4	2023	Mill-inqas 35 % tal-isptarijiet li l-applikazzjoni tagħhom għal finanzjament skont il-Programm għal sptarijiet li jibqgħu validi fil-futur żiedu l-maturità diġitali tagħhom f’mill-inqas żewġ kategoriji relatati mal-Programm għal sptarijiet li jibqgħu validi fil-futur b’mill-inqas żewġ livelli ta’ maturità diġitali fis-sistema ta’ maturità diġitali użata meta mqabbla mal-evalwazzjoni tat-30 ta’ Ġunju 2021.
103	5.1.2 programm għal sptarijiet li jibqgħu validi fil-futur	Mira	Implimentazzjoni ta’ mill-inqas 75 % tal-proġetti ta’ diġitalizzazzjoni rilevanti	—	Perċentwal ta’ proġetti ta’ diġitalizzazzjoni kkompletati	0	75	Q3	2026	Mill-inqas 75 % tal-proġetti ta’ diġitalizzazzjoni li rċevew finanzjament taħt il-Programm għal sptarijiet li jibqgħu validi fil-futur u li, jekk ma jiġux implimentati bis-sħiħ sal-31 ta’ Diċembru 2024, iwasslu għal tnaqqis finanzjarju stabbilit skont l-Att dwar il-Futur tal-Isptarijiet (Krankenhauszukunftsgesetz 9 ), ġew implimentati bis-sħiħ sal-31 ta’ Awwissu 2026.
104	Programm speċjali 5.1.3 biex jiġu aċċellerati r-riċerka u l-iżvilupp ta’ vaċċini meħtieġa b’mod urġenti kontra s-SARS-CoV-2	Stadju Importanti	Approvazzjoni tal-ewwel vaċċin kontra s-SARS-CoV-2 mill-awtorità regolatorja	Rakkomandazzjoni għall-awtorizzazzjoni mill-Aġenzija Ewropea għall-Mediċini ta’ vaċċin kontra s-SARS-CoV-2 żviluppat minn waħda mit-tliet kumpaniji appoġġati	—	—	—	Q4	2020	Approvazzjoni rrakkomandata mill-Aġenzija Ewropea għall-Mediċini għal vaċċin kontra s-SARS-CoV-2 żviluppat minn waħda mit-tliet kumpaniji appoġġati permezz tal-miżura 5.1.3.
105	Programm speċjali 5.1.3 biex jiġu aċċellerati r-riċerka u l-iżvilupp ta’ vaċċini meħtieġa b’mod urġenti kontra s-SARS-CoV-2	Mira	Applikazzjoni għall-approvazzjoni ta’ vaċċin kontra s-SARS-CoV-2 tiġi ppreżentata lill-Aġenzija Ewropea għall-Mediċini mit-tieni kandidat għall-vaċċin appoġġat	Applikazzjoni għall-awtorizzazzjoni tat-tilqim titressaq għand l-Aġenzija Ewropea għall-Mediċini mit-tieni kumpanija tat-tliet kumpaniji appoġġati	—	—	—	Q3	2021	Approvazzjoni mitluba mill-Aġenzija Ewropea għall-Mediċini għal vaċċin kontra SARS-CoV-2 minn kumpanija oħra tat-tlieta appoġġata mill-miżura 5.1.3.
106	Programm speċjali 5.1.3 biex jiġu aċċellerati r-riċerka u l-iżvilupp ta’ vaċċini meħtieġa b’mod urġenti kontra s-SARS-CoV-2	Mira	Żborż ta’ mill-inqas EUR 712 500 000 għar-riċerka dwar it-tilqim appoġġata minn dan il-programm speċjali	—	EUR miljun	0	712,5	Q3	2022	Mill-EUR 750 000 000 allokati għall-miżura, mill-inqas EUR 712 500 000 (95 % tal-finanzjament totali) ġew żborżati lill-benefiċjarji għar-riċerka dwar it-tilqim.
107	5.1.3 Programm speċjali biex jiġu aċċellerati r-riċerka u l-iżvilupp ta’ vaċċini meħtieġa b’mod urġenti kontra s-SARS-CoV-2	Stadju Importanti	Tmiem il-programm	Tlestija u awditjar konklużiv tar-rapporti ta’ utilizzazzjoni u tar-rapporti finali kollha	—	—	—	Q4	2022	Ir-rapporti finali kollha dwar l-utilizzazzjoni tal-fondi ġew ippreżentati u vverifikati.

I. KOMPONENT 6.1: Amministrazzjoni Pubblika Moderna

Il-komponent tal-pjan Ġermaniż għall-irkupru u r-reżiljenza jindirizza l-isfidi tal-modernizzazzjoni tal-amministrazzjoni pubblika tal-Ġermanja. L-objettiv tal-komponent huwa li jmexxi’ l quddiem id-diġitalizzazzjoni tal-amministrazzjoni pubblika b’mod deċiżiv u li jnaqqas il-piż amministrattiv għall-kumpaniji u ċ-ċittadini meta jinteraġixxu mal-gvern.

Il-komponent jappoġġa l-indirizzar tar-Rakkomandazzjoni Speċifika għall-Pajjiż dwar it-titjib tas-servizzi pubbliċi diġitali fil-livelli kollha (ir-Rakkomandazzjoni Speċifika għall-Pajjiż 2, 2020).

I.1. Deskrizzjoni tar-riformi u l-investimenti għal appoġġ finanzjarju li ma jitħallasx lura

6.1.1 Ir-riforma: Ekosistema tal-identità Ewropea

L-objettiv tal-miżura huwa li tinħoloq ekosistema diġitali, miftuħa u sigura li tistabbilixxi u tivverifika l-identitajiet u d-dokumenti personali online, mingħajr dipendenza fuq pjattaformi privati ewlenin. Dan jinkludi IDs personali u dokumenti bħal diplomi, filwaqt li s-sistema għandha tkun miftuħa wkoll għal tipi oħra ta’ applikazzjonijiet kif ukoll il-verifika tal-identità ta’ kumpaniji u apparati fl-Internet tal-oġġetti. L-ekosistema għandha tkun miftuħa għall-użu mill-amministrazzjonijiet u mis-settur privat fl-UE u lil hinn minnha.

Il-miżura tikkonsisti fl-iżvilupp ta’ komponenti u standards tekniċi, l-appoġġ għall-isforzi tal-interoperabbiltà għal inizjattivi oħra, il-forniment ta’ ID sovrana u l-katalizzazzjoni tal-ekosistema billi jiġu żviluppati każijiet ta’ użu inizjali. L-ewwel applikazzjonijiet li għandhom jiġu żviluppati huma ssussidjati u mmexxija mill-gvern, iżda hekk kif l-ekosistema timxi ‘l quddiem, huwa mistenni li s-settur privat għandu jiżviluppa l-applikazzjonijiet b’mod indipendenti.

L-implimentazzjoni tal-miżura għandha titlesta sal-31 ta’ Diċembru 2025. Huwa mistenni li l-ekosistema tkompli tiġi implimentata wara dan il-punt.

6.1.2 Riforma: Diġitalizzazzjoni tal-amministrazzjoni — implimentazzjoni tal-Att dwar l-Aċċess Onlajn

L-għan tal-miżura huwa li s-servizzi pubbliċi jsiru disponibbli diġitalment sal-2022, f’konformità mal-Att dwar l-Aċċess Onlajn 10 . Minħabba s-sistema federali tal-Ġermanja, is-servizzi pubbliċi huma offruti kemm mil-livell federali kif ukoll mill-gvernijiet tal-Istat u l-awtoritajiet lokali, li jżid il-livell ta’ koordinazzjoni meħtieġa b’mod sostanzjali.

Il-miżura tikkonsisti fid-diġitalizzazzjoni ta’ 100 pakkett ta’ servizzi li jaqgħu taħt il-kompetenza ta’ implimentazzjoni tal-istati federali (Länder), u 115-il raggruppament ta’ servizzi fil-kompetenza tal-gvern federali.

L-implimentazzjoni tal-miżura għandha titlesta sal-31 ta’ Diċembru 2022.

6.1.3 Riforma: Diġitalizzazzjoni tal-amministrazzjoni — modernizzazzjoni tar-reġistri

L-għan tal-miżura huwa li tippermetti skambju sempliċi, sigur u diġitali ta’ data maħżuna f’diversi reġistri Ġermaniżi. Dan għandu jippermetti liċ-ċittadini u lill-kumpaniji jippreżentaw id-data tagħhom darba biss, minflok ma jkollhom jippreżentaw l-istess data lil awtoritajiet differenti diversi drabi.

Il-miżura tikkonsisti fl-iżvilupp tal-arkitettura teknika meħtieġa u l-konnessjoni ta’ mill-inqas 18 mill-aktar reġistri importanti. Sabiex jintlaħqu dawn l-objettivi u jitmexxa l-proġett, għandha tiġi stabbilita awtorità ta’ modernizzazzjoni tar-reġistru (Registermodernisierungsbehörde) .

L-implimentazzjoni tal-miżura għandha titlesta sal-31 ta’ Awwissu 2026.

I.2. Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għal appoġġ finanzjarju li ma jitħallasx lura

Numru sekwenzjali	Miżura relatata (Riforma jew Investiment)	Stadju Ewlieni/Mira	Isem	Indikaturi kwalitattivi	Indikaturi kwantitattivi			Skeda ta’ żmien indikattiva għat-tlestija		Deskrizzjoni ta’ kull stadju importanti u mira
				(għal stadji importanti)	(għall-miri)
					Unità ta’ kejl	Linja bażi	Għan	Kwart	Sena
108	6.1.1 Ekosistema tal-identità Ewropea	Mira	Tnedija ta’ proġett pilota wieħed għaċ-check-in f’lukanda diġitali	—	Numru ta’ lukandi b’check-in diġitali	0	100	Q3	2021	Beda jopera proġett pilota, li jippermetti lill-impjegati ta’ erba’ kumpaniji Ġermaniżi kbar li jagħmlu check-in b’mod diġitali għal tliet ktajjen ta’ lukandi Ġermaniżi kbar, b’parteċipazzjoni ta’ mill-inqas 100 lukanda. Il-proġett pilota jipprovdi l-ewwel komponenti tekniċi kif ukoll għarfien għall-iżvilupp ulterjuri tal-ekosistema.
109	6.1.1 Ekosistema tal-identità Ewropea	Mira	It-tlestija ta’ każijiet ta’ applikazzjoni addizzjonali appoġġati mill-gvern flimkien maċ-check-in tal-bdoti f’lukanda.	—	Numru ta’ każijiet ta’ applikazzjoni	1	5	Q3	2022	Wara l-ewwel każ ta’ applikazzjoni pilota, l-implimentazzjoni ta’ mill-inqas erba’ każijiet ta’ applikazzjoni addizzjonali (bħall-ftuħ ta’ kontijiet bankarji online, il-ġestjoni tal-aċċess, il-konklużjoni online ta’ kuntratti tat-telefown jew il-ftuħ ta’ kontijiet tal-klijenti fil-kummerċ elettroniku) tlestiet, kull wieħed b’mill-inqas 10 000 utent. Il-każijiet ta’ applikazzjoni ġew integrati f’sistemi eżistenti u, fejn meħtieġ, ġew implimentati interfaċċji ġodda.
110	6.1.1 Ekosistema tal-identità Ewropea	Mira	Forniment ta’ każijiet ta’ applikazzjoni addizzjonali lil hinn mill-piloti bi ftit jew l-ebda appoġġ mill-gvern għall-implimentazzjoni tagħhom	—	Numru ta’ każijiet ta’ applikazzjoni	5	10	Q4	2024	Is-sistema kompliet tiżdied permezz tal-implimentazzjoni ta’ każijiet ta’ applikazzjoni dejjem inqas appoġġati mill-gvern, u jeżistu mill-inqas 10 każijiet ta’ applikazzjoni b’mill-inqas 10 000 utent kull wieħed. Mill-inqas żewġ inizjattivi jew soluzzjonijiet tal-identità deċentralizzati proprjetarji (bħall-prova tat-tilqim) huma interoperabbli mas-sistema.
111	6.1.2 Id-diġitalizzazzjoni tal-amministrazzjoni — Implimentazzjoni tal-Att dwar l-Aċċess Onlajn (OZG)	Mira	Tlestija ta’ ftehimiet individwali bejn id-dipartiment ewlieni u l-Istat federali ewlieni ( Bundesland )	—	Għadd ta’ ftehimiet individwali	0	14	Q3	2021	Mill-inqas 14 ftehim individwali biex jiġi implimentat l-Att dwar l-Aċċess Onlajn ġew konklużi bejn id-dipartiment ewlieni u l-istat federali ewlieni, li fih huma definiti l-arranġamenti operattivi. L-implimentazzjoni għandha tkun skont il-prinċipju ta’ “wieħed għal kulħadd ”. Il-ftehimiet individwali jipprovdu l-bażi legali għall-kooperazzjoni u l-implimentazzjoni bbażata fuq ix-xogħol.
112	6.1.2 Id-diġitalizzazzjoni tal-amministrazzjoni — Implimentazzjoni tal-Att dwar l-Aċċess Onlajn (OZG)	Mira	Go-Lives ta’ pakketti ta’ servizzi ta’ aċċess online (Onlinezugangsgesetz-Leistungen)	—	Għadd ta’ servizzi online li sejrin f’xandira diretta	0	70	Q4	2021	Mill-inqas 70 pakkett ta’ servizzi pubbliċi huma diretti (disponibbli online għall-pubbliku ġenerali).
113	6.1.2 Id-diġitalizzazzjoni tal-amministrazzjoni — Implimentazzjoni tal-Att dwar l-Aċċess Onlajn (OZG)	Mira	Diġitalizzazzjoni mifruxa tas-servizzi amministrattivi federali bħala servizzi one-for-all	—	L-għadd ta’ servizzi online “one-for-all” li se jsiru f’xandira diretta	0	215	Q4	2022	Mill-inqas 100 mis-servizzi amministrattivi l-aktar importanti tal-istati federali (Länder) huma implimentati madwar il-pajjiż kollu bħala servizz wieħed għal kulħadd, kif ukoll 115-il servizz addizzjonali tal-gvern federali.
114	6.1.3 Id-diġitalizzazzjoni tal-Amministrazzjoni-Modernizzazzjoni tar-reġistri	Stadju Importanti	Tlestija ta’ proġetti pilota għall-ittestjar tar-reġistri pilota	Tmiem tad-dokument pilota u tad-dokument ta’ valutazzjoni kkumpilat	—	—	—	Q4	2023	Tlestija ta’ proġett pilota biex jiġu ttestjati reġistri pilota, skont l-implimentazzjoni tal-Att dwar in-Numru ta’ Identifikazzjoni (Identifikationsnummerngesetz 11 ) u l-Att dwar il-Modernizzazzjoni tar-Reġistru (Registermodernisierungsgesetz 12 ).
115	6.1.3 diġitalizzazzjoni tal-amministrazzjoni — modernizzazzjoni tar-reġistri	Stadju Importanti	Tlestija tal-implimentazzjoni tal-arkitettura uniformi għall-avvanz tal-prinċipju ta’ darba biss	Il-komponenti arkitettoniċi ċentrali huma lesti biex jiġu konnessi ma’ reġistri proprjetarji	—	—	—	Q4	2023	L-arkitettura teknika standardizzata hija lesta biex tkun konnessa ma’ reġistri ta’ prijorità għall-implimentazzjoni tal-prinċipju ta’ darba biss. Għandhom ikunu stabbiliti l-bażijiet legali għall-konnessjoni tar-reġistri ta’ prijorità. Għandu jkun hemm fis-seħħ governanza (ġestjoni ta’ diversi proġetti) biex tiġi kkontrollata l-konnessjoni bejn ir-reġistri.
116	6.1.3 Id-diġitalizzazzjoni tal-amministrazzjoni — modernizzazzjoni tar-reġistri	Mira	Konnessjoni prijoritarja tar-reġistri bbażati fuq l-utent mal-arkitettura fil-mira ta’ darba biss	—	Għadd ta’ reġistri ta’ prijorità b’implimentazzjoni ta’ darba biss	0	18	Q4	2025	Mill-inqas 18 mir-reġistri prijoritizzati huma konnessima’ infrastruttura unika biex jiġi implimentat il-prinċipju ta’ darba biss.

J. KOMPONENT 6.2: Tnaqqis tal-ostakli għall-investiment

Dan il-komponent tal-pjan Ġermaniż għall-irkupru u r-reżiljenza jindirizza l-ostakli għall-investiment, li qed idgħajfu l-investiment pubbliku u privat fil-Ġermanja. It-tnaqqis tal-ostakli għall-investiment jippermetti l-infiq f’waqtu tal-fondi u jiffaċilita l-investiment fit-tranżizzjoni ekoloġika u diġitali. Barra minn hekk, iżżid ir-reżiljenza tal-Ġermanja għal xokkijiet ekonomiċi u tikkontribwixxi biex tistimula d-domanda domestika, bil-potenzjal li tnaqqas is-surplus fil-kont kurrenti, li ġie identifikat ripetutament bħala żbilanċ makroekonomiku għall-Ġermanja.

Il-komponent jappoġġa l-indirizzar tar-Rakkomandazzjonijiet Speċifiċi għall-Pajjiżi dwar il-kisba ta’ xejra sostnuta ‘l fuq fl-investiment privat u pubbliku, u biex jissaħħaħ l-investiment (ir-Rakkomandazzjoni Speċifika għall-Pajjiż 1, 2019 u Rakkomandazzjoni Speċifika għall-Pajjiż 1, 2020).

J.1. Deskrizzjoni tar-riformi u l-investimenti għal appoġġ finanzjarju li ma jitħallasx lura

6.2.1 Ir-riforma: Programm konġunt tal-gvern federali u tal-Ländergħal amministrazzjoni effiċjenti li tkun ta’ benefiċċju għaċ-ċittadini u n-negozji

L-għanijiet tal-miżura huma li l-amministrazzjoni ssir aktar effiċjenti, orjentata lejn il-futur u li twassal għall-innovazzjoni. Hija għandha l-għan, fost affarijiet oħra, li taċċellera l-proċeduri ta’ ppjanar u approvazzjoni, li tkompli tistandardizza r-rekwiżiti li jiffaċċjaw livelli aktar baxxi ta’ gvern għat-talba ta’ sussidji finanzjarji sabiex jiġi żgurat ħruġ aktar mgħaġġel ta’ fondi, tiġi aċċellerata l-kostruzzjoni tad-djar, u jiżdied l-għadd ta’ trasferimenti b’suċċess tas-sjieda tan-negozju lill-ġenerazzjoni li jmiss.

Il-miżura tikkonsisti fl-istabbiliment ta’ grupp ta’ ħidma magħmul mil-livell federali u l-Länder, li għandu jiżviluppa proposti biex tittejjeb l-effiċjenza tal-amministrazzjoni pubblika fi 11-il qasam (kif spjegat fid-dettall fl-istadji importanti) li għandhom jiġu implimentati sal-2025.

L-implimentazzjoni tal-miżura għandha titlesta sal-31 ta’ Marzu 2025.

6.2.2 Riforma: Espansjoni tas-servizzi ta’ konsulenza ta’ PD — Berater der öffentlichen Hand GmbH fl-IBA

L-għan tal-miżura huwa li żżid l-attività ta’ investiment pubbliku, speċjalment fil-livell muniċipali, billi tippermetti lill-muniċipalitajiet u entitajiet pubbliċi oħra jintegraw aħjar il-programmi ta’ finanzjament pubbliku fil-proġetti ta’ investiment tagħhom, kif ukoll billi ttejjeb l-implimentazzjoni tal-investimenti tal-IT fl-iskejjel.

Il-miżura tikkonsisti f’żewġ submiżuri, li għandhom jiġu eżegwiti minn PD — Berater der öffentlichen Hand GmbH (PD), ditta ta’ konsulenza tas-settur pubbliku li tappartjeni l-aktar mill-istat federali u mil-Länder. L-ewwel submiżura għandha l-għan li tappoġġa l-muniċipalitajiet u entitajiet pubbliċi oħra biex jinnavigaw ix-xenarju tal-programm ta’ finanzjament, kif ukoll li ttejjeb il-kalibrazzjoni tal-programmi ta’ finanzjament pubbliku għall-ħtiġijiet tal-muniċipalitajiet u ta’ entitajiet pubbliċi oħra. It-tieni submiżura tikkonċerna d-diġitalizzazzjoni tal-iskejjel, li għalihom il-PD għandha tiżviluppa kunċetti ta’ konsulenza u tagħti pariri lill-awtoritajiet tal-iskola.

L-implimentazzjoni tal-miżura għandha titlesta sal-31 ta’ Awwissu 2026.

6.2.3 Riforma: Aċċellerazzjoni tal-proċeduri tal-ippjanar u tal-approvazzjoni fis-settur tat-trasport

L-għan tal-miżura huwa li tħaffef sostanzjalment il-proċeduri ta’ ppjanar u approvazzjoni fis-settur tat-trasport. Dan għandu l-għan li jżid il-kapaċità tar-rotot tat-trasport, kif ukoll li jiffaċilita l-espansjoni ta’ modi tat-trasport li ma jagħmlux ħsara lill-klima sabiex jintlaħqu l-miri klimatiċi tal-Ġermanja.

Il-miżura tikkonsisti fl-implimentazzjoni u l-evalwazzjoni ta’ tliet liġijiet, l-aċċelerazzjoni tal-investiment (Investitionsbeschleunigungsgesetz 13 ), l-aktar att riċenti dwar l-aċċellerazzjoni tal-ippjanar, (Planungsbeschleunigungsgesetz III 14 u l-att dwar il-miżura — att ta’ tħejjija (Maßnahmengesetzvorbereitungsgesetz 15 ).

L-implimentazzjoni tal-miżura għandha titlesta sal-31 ta’ Awwissu 2026.

J.2. Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għal appoġġ finanzjarju li ma jitħallasx lura

Numru sekwenzjali	Miżura relatata (Riforma jew Investiment)	Stadju Ewlieni/Mira	Isem	Indikaturi kwalitattivi	Indikaturi kwantitattivi			Skeda ta’ żmien indikattiva għat-tlestija		Deskrizzjoni ta’ kull stadju importanti u mira
				(għal stadji importanti)	(għall-miri)
					Unità ta’ kejl	Linja bażi	Għan	Kwart	Sena
117	6.2.1 Programm konġunt tal-gvern federali u tal-Länder għal amministrazzjoni effiċjenti li tkun ta’ benefiċċju għaċ-ċittadini u n-negozji	Stadju Importanti	L-ewwel rapport ta’ progress għall-Konferenza tal-Presidenti tal-Ministeri (MPK)	L-ewwel rapport ta’ progress ippubblikat	—	—	—	Q2	2021	L-ewwel rapport lill-kapijiet tal-gvern tal-Gvern Federali u tal-Länder ġie ppubblikat u għandu jinkludi lista ta’ dawk il-miżuri mill-programm ta’ miżuri Federali/Länder li għandhom jiġu eżaminati u pproċessati ulterjorment. Il-punt tat-tluq tar-rapport huma l-ħdax-il qasam ta’ azzjoni li ġejjin: — L-aċċellerar tal-fluss tal-għotjiet; —L-identifikazzjoni ta’ ostakli għall-ħruġ ta’ għotjiet u r-rapportar tagħhom lill-Ministeru Federali tal-Finanzi; —It-titjib tal-appoġġ finanzjarju tal-muniċipalitajiet; —Ir-razzjonalizzazzjoni u l-għamla tal-għotjiet mill-Gvern Federali għal-Länder u l-muniċipalitajiet kemm jista’ jkun uniformi; — It-titjib tat-trasferiment tas-sjieda ta’ negozji permezz ta’ task force dedikata; — Ir-reviżjoni tal-Musterbauordnung 16 (kodiċi ta’ bini tal-mudelli); — It-tisħiħ tal-ippjanar u l-awtoritajiet ta’ approvazzjoni; —It-titjib tar-reklutaġġ ta’ persunal ikkwalifikat u l-iżgurar ta’ titjib fis-sitwazzjoni tal-persunal; —L-aċċellerar tal-ippjanar, b’mod partikolari t-trasport bil-ferrovija, pubbliku lokali u privat; —Ir-razzjonalizzazzjoni tal-proċess ta’ konsultazzjoni u ta’ proċeduri ta’ parteċipazzjoni pubblika u s-simplifikar tal-parteċipazzjoni permezz tad-diġitalizzazzjoni; — Aċċellerazzjoni ulterjuri tal-proċessi tal-ippjanar u tal-approvazzjoni.
118	6.2.1 Programm konġunt tal-gvern federali u tal-Länder għal amministrazzjoni effiċjenti li tkun ta’ benefiċċju għaċ-ċittadini u n-negozji	Stadju Importanti	It-tieni rapport ta’ progress għall-Konferenza tal-Presidenti tal-Ministeri	It-tieni rapport ta’ progress ippubblikat	—	—	—	Q2	2022	Ir-rapport ta’ progress ippubblikat għandu jidentifika l-miżuri li għandhom jiġu implimentati taħt it-tmexxija tal-Gvern Federali u/jew tal-Länder. Ir-rapport ta’ progress għandu jkun fih l-elementi li ġejjin: L-isem tal-miżura; l-istatus (mibdi, lest, għadu ma bediex); pass importanti li jmiss; id-data tat-tmiem mistennija.
119	6.2.1 Programm konġunt tal-gvern federali u tal-Länder għal amministrazzjoni effiċjenti li tkun ta’ benefiċċju għaċ-ċittadini u n-negozji	Mira	Tlestija ta’ miżuri fir-rapport ta’ progress	—	Perċentwal ta’ miżuri kkompletati	0	80	Q1	2025	It-tlestija tal-implimentazzjoni ta’ mill-inqas 80 % tal-miżuri identifikati fit-tieni rapport ta’ progress.
120	6.2.2.1 Espansjoni tas-servizzi ta’ konsulenza tal-PD: Ġestjoni tal-Appoġġ għall-Finanzjament Effettiv	Stadju Importanti	Bidu ta’ servizzi ta’ konsulenza PD għal programmi ta’ finanzjament magħżula	Ftehim mal-ministeri federali dwar l-għażla tal-programmi ta’ finanzjament	—	—	—	Q4	2022	Programmi ta’ finanzjament xierqa ġew identifikati minn PD flimkien mal-ministeri federali rilevanti, u l-proġett ta’ konsulenza biex tittejjeb il-kalibrazzjoni ta’ dawn il-programmi ta’ finanzjament għall-ħtiġijiet tar-riċevituri beda.
121	6.2.2.1 Espansjoni tas-servizzi ta’ konsulenza tal-PD: Ġestjoni tal-Appoġġ għall-Finanzjament Effettiv	Mira	Konsultazzjonijiet imwettqa	—	Għadd ta’ konsultazzjonijiet imwettqa	0	100	Q3	2024	100 konsultazzjonijiet mal-benefiċjarji tal-programm ta’ finanzjament, li jistgħu jkunu wkoll parti minn servizz ta’ konsulenza dwar l-investiment, tlestew jew jinsabu fil-proċess li jitwettqu.
122	6.2.2.1 Espansjoni tas-servizzi ta’ konsulenza tal-PD: Ġestjoni tal-Appoġġ għall-Finanzjament Effettiv	Mira	Kunċetti għar-reviżjoni tal-programmi ta’ finanzjament żviluppati	—	Għadd ta’ kunċetti ta’ reviżjoni	0	4	Q3	2024	Ġew żviluppati kunċetti ta’ reviżjoni għal erba’ programmi ta’ finanzjament li fihom ukoll għarfien li jinforma t-tfassil ta’ programmi oħra.
123	6.2.2.1 Espansjoni tas-servizzi ta’ konsulenza tal-PD: Ġestjoni tal-Appoġġ għall-Finanzjament Effettiv	Stadju Importanti	Tixrid ta’ informazzjoni dwar it-tagħlimiet meħuda	Gwida għall-Finanzjament tal-Ministeru Federali tal-Finanzi ppubblikata	—	—	—	Q3	2026	Pubblikazzjoni ta’ Gwida ta’ Finanzjament tal-Ministeru Federali tal-Finanzi dwar kif jitfasslu programmi ta’ finanzjament pubbliku għal miżuri ta’ infrastruttura pubblika, biex ikun hemm fluss aħjar ta’ fondi.
124	6.2.2.1 Espansjoni tas-servizzi ta’ konsulenza tal-PD: Ġestjoni tal-Appoġġ għall-Finanzjament Effettiv	Mira	Konsultazzjonijiet imwettqa	—	Għadd ta’ konsultazzjonijiet imwettqa	100	400	Q3	2026	Mill-inqas 400 konsultazzjoni mal-benefiċjarji tal-programm ta’ finanzjament, li jistgħu jkunu wkoll parti minn proġett ta’ konsulenza dwar l-investiment aktar komprensiv, tlestew jew jinsabu fil-proċess li jitwettqu (il-mira tinkludi konsultazzjonijiet kompluti kif stabbilit fil-mira 121).
125	6.2.2.2 Espansjoni tas-servizzi ta’ konsulenza tal-PD: Konsulenza dwar l-IT fl-iskejjel	Mira	Proġetti ta’ tnedija u ta’ konsulenza pilota dwar l-IT fl-iskejjel	—	Għadd ta’ proġetti ta’ konsulenza mwettqa	0	5	Q4	2022	Inbdew mill-inqas ħames proġetti ta’ konsulenza għall-awtoritajiet tal-iskola dwar l-IT fl-iskejjel.
126	6.2.2.2 Espansjoni tas-servizzi ta’ konsulenza tal-PD: Konsulenza dwar l-IT fl-iskejjel	Stadju Importanti	Żvilupp ta’ kunċetti mudell	Kunċett mudell tal-IT	—	—	—	Q3	2024	Kunċett tal-IT u programm ta’ implimentazzjoni mudell ġew żviluppati kif evidenzjat mir-riżultati tanġibbli korrispondenti tal-proġett PD.
127	6.2.2.2 Espansjoni tas-servizzi ta’ konsulenza tal-PD: Konsulenza dwar l-IT fl-iskejjel	Mira	Proġetti ta’ konsulenza tal-IT fl-iskejjel	—	Għadd ta’ proġetti ta’ konsulenza mwettqa	5	50	Q3	2024	Total ta’ 50 konsultazzjoni tal-awtoritajiet tal-iskejjel dwar l-IT fl-iskejjel, li jistgħu jkunu parti minn proġett ta’ konsulenza dwar l-investiment aktar komprensiv, tlestew jew jinsabu fil-proċess li jitwettqu (il-mira tinkludi l-mira preċedenti).
128	6.2.3.1 Aċċellerazzjoni tal-proċeduri tal-ippjanar u tal-approvazzjoni fis-settur tat-trasport	Stadju Importanti	Dħul fis-seħħ tal-Att dwar l-Aċċelerazzjoni tal-Investiment, l-Att III dwar l-Aċċelerazzjoni tal-Ippjanar, u l-att dwar il-miżura u t-tħejjija	Dispożizzjoni fil-liġi li tindika d-dħul fis-seħħ tal-Att dwar l-Aċċelerazzjoni tal-Investiment, l-Att III dwar l-Aċċelerazzjoni tal-Ippjanar, u l-att dwar il-miżura u t-tħejjija.	—	—	—	Q4	2020	L-Att dwar l-Aċċelerazzjoni tal-Investiment, l-Att III dwar l-Aċċelerazzjoni tal-Ippjanar, u l-att dwar il-miżura u t-tħejjija (Investitionsbeschleunigungsgesetz, Planungsbeschleunigungsgesetz III, Maßnahmengesetzvorbereitungsgesetz) daħlu fis-seħħ.
129	6.2.3.1 Aċċellerazzjoni tal-proċeduri tal-ippjanar u tal-approvazzjoni fis-settur tat-trasport	Stadju Importanti	Evalwazzjoni tal-bidliet leġiżlattivi	Evalwazzjoni tat-tliet liġijiet	—	—	—	Q3	2026	Inbdiet evalwazzjoni estensiva tal-miżuri leġiżlattivi adottati (ara l-istadju importanti 128), ibbażata fuq kunċett ta’ evalwazzjoni li ġie żviluppat, u beda l-ġbir tad-data. L-evalwazzjoni għandha, fost dimensjonijiet oħra tal-evalwazzjoni, tinkludi tqabbil tat-tul tal-proċeduri tal-ippjanar u tal-approvazzjoni fis-settur tat-trasport qabel u wara l-adozzjoni tal-miżuri u tikkunsidra indikaturi kwalitattivi u kwantitattivi oħra.

Spiża totali stmata tal-pjan għall-irkupru u r-reżiljenza

L-ispiża totali stmata tal-pjan għall-irkupru u r-reżiljenza tal-Ġermanja hija ta’ EUR 26 518 833 613 17 , li hija ogħla mill-kontribuzzjoni finanzjarja massima.

TAQSIMA 2: APPOĠĠ FINANZJARJU

1.Kontribuzzjoni finanzjarja

Il-pagamenti msemmija fl-Artikolu 2(2) għandhom jiġu organizzati kif ġej:

1.1L-ewwel Installazzjoni (appoġġ mhux ripagabbli):

Numru sekwenzjali	Miżura relatata (Riforma jew Investiment)	Stadju Ewlieni/Mira	Isem
1	1.1.1 Proġetti tal-idroġenu fil-qafas tal-IPCEIs	Ewlieni	Tlestija tal-proċedura ta’ espressjoni ta’ interess
7	1.1.2 Programm ta’ appoġġ għad-dekarbonizzazzjoni fl-industrija	Ewlieni	Dħul fis-seħħ tal-linja gwida dwar il-finanzjament (Förderrichtlinie) għad-dekarbonizzazzjoni fl-industrija
11	1.1.3 Skema pilota għal kuntratti ta’ azzjoni klimatika bbażati fuq il-prinċipju tal-Kuntratti tal-Karbonju għad-Differenza	Ewlieni	Tlestija ta’ proċedura ta’ espressjoni ta’ interess għal kuntratti dwar it-tibdil fil-klima
14	1.1.4 Riċerka dwar il-protezzjoni tal-klima relatata mal-proġett	Mira	Approvazzjoni ta’ applikazzjonijiet għall-appoġġ ta’ proġetti ta’ riċerka relatati mal-klima
17	1.1.5 Proġetti emblematiċi għar-riċerka u l-innovazzjoni fil-kuntest tal-Istrateġija Nazzjonali għall-Idroġenu	Ewlieni	Pubblikazzjoni tal-kompetizzjoni “Idea Competition “Idrogen Republic Germany” (Förderaufruf zum Ideenwettbewerb “Wasserstoffrepublik Deutschland”)
22	1.2.1 Għotjiet għall-kostruzzjoni ta’ infrastruttura tal-iċċarġjar	Stadju Importanti	Dħul fis-seħħ tal-linji gwida dwar il-finanzjament
25	1.2.2 Finanzjament għall-iżvilupp tal-elettromobilità	Stadju Importanti	Dħul fis-seħħ tal-linji gwida dwar il-finanzjament
29	1.2.3 Għotjiet għas-sostituzzjoni tal-flotta ta’ vetturi privati	Mira	Appoġġ għax-xiri ta’ 240 000 vettura elettrika
31	1.2.4 Estensjoni tal-perijodu ta’ reġistrazzjoni inizjali għall-għoti tal-eżenzjoni mit-taxxa ta’ 10 snin għall-vetturi purament elettriċi	Ewlieni	Dħul fis-seħħ tas-Seba’ Att ta’ Emenda dwar it-Taxxa fuq il-Vetturi bil-Mutur
33	1.2.5 Appoġġ għax-xiri ta’ xarabanks bi propulsjoni alternattiva	Stadju Importanti	Pubblikazzjoni ta’ linji gwida dwar il-finanzjament
36	1.2.6 Għotjiet għall-promozzjoni ta’ propulsjoni ferrovjarja alternattiva	Stadju Importanti	Dħul fis-seħħ tal-linji gwida dwar il-finanzjament
39	1.2.7 Promozzjoni tal-industriji involuti fl-applikazzjonijiet tal-idroġenu u taċ-ċelloli tal-fjuwil fit-trasport	Stadju Importanti	Id-dħul fis-seħħ tal-emenda li testendi l-linji gwida eżistenti ta’ appoġġ (Förderrichtlinien) tal-Programm Nazzjonali ta’ Innovazzjoni tat-Teknoloġija tal-Idroġenu u taċ-Ċelloli tal-Fjuwil (NIP) (jew jekk ma jkunux koperti biżżejjed mil-linji gwida eżistenti ta’ appoġġ, id-dħul fis-seħħ ta’ linji gwida ġodda ta’ appoġġ).
42	1.3.1 Programm ta’ appoġġ għall-iżvilupp ta’ settur tal-kostruzzjoni tal-injam li ma jagħmilx ħsara lill-klima	Stadju Importanti	Linji gwida ta’ finanzjament dwar il-promozzjoni ta’ kostruzzjoni tal-injam li ma tagħmilx ħsara lill-klima
46	1.3.3 Rinnovazzjoni tal-bini: finanzjament federali għal bini effiċjenti fl-enerġija	Stadju Importanti	Linji gwida ta’ finanzjament għall-appoġġ ta’ rinnovazzjoni effiċjenti fl-użu tal-enerġija tal-bini
52	2.1.2 Mikroelettronika u Konnettività tal-IPCEI	Stadju Importanti	Disinn tal-kontenut tal-IPCEI ppjanat
59	2.2.1 Programm ta’ investiment għall-manifatturi/fornituri tal-vetturi	Stadju Importanti	Pubblikazzjoni tal-linji gwida kollha dwar il-finanzjament
62	2.2.2 Programm Federali “Bini ulterjuri ta’ networks CET”	Stadju Importanti	Pubblikazzjoni tal-linji gwida dwar il-finanzjament
65	2.2.3 Ċentru ta’ Riċerka dwar id-diġitalizzazzjoni u t-teknoloġija tal-Bundeswehr	Mira	Tnedija ta’ proġetti ta’ riċerka
70	2.2.4 Il-promozzjoni tad-diġitalizzazzjoni tal-ferroviji bis-sostituzzjoni ta’ programmi konvenzjonali ta’ interlocking/fast-track biex titħaffef l-introduzzjoni ta’ “Digital Rail Germany”	Stadju Importanti	L-iffirmar tal-ftehim ta’ finanzjament għall-programm “fast track” bejn il-Gvern Federali u Deutsche Bahn
71	2.2.4 Il-promozzjoni tad-diġitalizzazzjoni tal-ferroviji bis-sostituzzjoni ta’ programmi konvenzjonali ta’ interlocking/fast-track biex titħaffef l-introduzzjoni ta’ “Digital Rail Germany”	Stadju Importanti	Rapport interim dwar l-implimentazzjoni
72	2.2.4 Il-promozzjoni tad-diġitalizzazzjoni tal-ferroviji bis-sostituzzjoni ta’ programmi konvenzjonali ta’ interlocking/fast-track biex titħaffef l-introduzzjoni ta’ “Digital Rail Germany”	Mira	Tlestija b’suċċess tal-proġetti pilota
73	3.1.1 Programm ta’ investiment għall-apparat tal-għalliema	Stadju Importanti	Ftehim amministrattiv
79	3.1.3 Ċentru edukattiv ta’ eċċellenza	Stadju Importanti	Dħul fis-seħħ tal-ewwel linji gwida dwar il-finanzjament u s-sejħa għall-offerti għal aġenzija li teżegwixxi l-proġetti għall-programm ġenerali
83	3.1.4 Modernizzazzjoni tal-faċilitajiet edukattivi u ta’ taħriġ tal-Forzi Armati Federali	Stadju Importanti	Kuntratt tal-proġett iffirmat
86	Programm ta’ investiment 4.1.1 “Ffinanzjar tat-tfal” 2020/21: fond speċjali “Espansjoni għall-kura ta’ kuljum tat-tfal”	Stadju Importanti	Dħul fis-seħħ tal-Att dwar il-Finanzjament tal-Kura tat-Tfal u l-Att Federali dwar l-Assistenza Finanzjarja u tar-regolamenti ta’ implimentazzjoni fil-livell tal-Länder
89	4.1.2 Garanzija Soċjali 2021	Stadju Importanti	Verifika tar-rata medja tal-kontribuzzjoni tas-sigurtà soċjali għas-sena 2021
90	4.1.3 Appoġġ għall-apprendistat	Stadju Importanti	Dħul fis-seħħ tal-linji gwida riveduti dwar il-finanzjament għall-programm federali Ausbildungsplätze sichern
93	4.1.4 Appoġġ edukattiv għall-istudenti b’xogħol b’lura fit-tagħlim	Stadju Importanti	Ftehim bejn il-gvern federali u l-Länder biex jingħata appoġġ għat-tagħlim lill-istudenti b’xogħol b’lura ta’ tagħlim pandemiku.
95	4.1.5 Ħarsa Ġenerali lejn il-Pensjonijiet Diġitali	Stadju Importanti	Dħul fis-seħħ tal-Att dwar il-Ħarsa Ġenerali tal-Pensjonijiet Diġitali
98	Tisħiħ tar-riżorsi diġitali u tekniċi tas-servizz tas-saħħa pubblika	Mira	użu nazzjonali tas-Sistema Elettronika ta’ Rappurtar u Informazzjoni Ġermaniża għall-Protezzjoni tal-Infezzjonijiet (Deutsches Elektronisches Melde- und Informationssystem für den Infektionsschutz, Demis)
104	Programm speċjali 5.1.3 biex jiġu aċċellerati r-riċerka u l-iżvilupp ta’ vaċċini meħtieġa b’mod urġenti kontra s-SARS-CoV-2	Stadju Importanti	Approvazzjoni tal-ewwel vaċċin kontra s-SARS-CoV-2 mill-awtorità regolatorja
105	Programm speċjali 5.1.3 biex jiġu aċċellerati r-riċerka u l-iżvilupp ta’ vaċċini meħtieġa b’mod urġenti kontra s-SARS-CoV-2	Mira	Applikazzjoni għall-approvazzjoni ta’ vaċċin kontra s-SARS-CoV-2 tiġi ppreżentata lill-Aġenzija Ewropea għall-Mediċini mit-tieni kandidat għall-vaċċin appoġġat
108	6.1.1 Ekosistema tal-identità Ewropea	Mira	Tnedija ta’ proġett pilota wieħed għaċ-check-in f’lukanda diġitali
111	6.1.2 Id-diġitalizzazzjoni tal-amministrazzjoni — Implimentazzjoni tal-Att dwar l-Aċċess Onlajn (OZG)	Mira	Tlestija ta’ ftehimiet individwali bejn id-dipartiment ewlieni u l-Istat federali ewlieni ( Bundesland )
112	6.1.2 Id-diġitalizzazzjoni tal-amministrazzjoni — Implimentazzjoni tal-Att dwar l-Aċċess Onlajn (OZG)	Mira	Go-Lives ta’ pakketti ta’ servizzi ta’ aċċess online (Onlinezugangsgesetz-Leistungen)
117	6.2.1 Programm konġunt tal-gvern federali u tal-Länder għal amministrazzjoni effiċjenti li tkun ta’ benefiċċju għaċ-ċittadini u n-negozji	Stadju Importanti	L-ewwel rapport ta’ progress għall-Konferenza tal-Presidenti tal-Ministeri (MPK)
128	6.2.3.1 Aċċellerazzjoni tal-proċeduri tal-ippjanar u tal-approvazzjoni fis-settur tat-trasport	Stadju Importanti	Dħul fis-seħħ tal-Att dwar l-Aċċelerazzjoni tal-Investiment, l-Att III dwar l-Aċċelerazzjoni tal-Ippjanar, u l-att dwar il-miżura u t-tħejjija
Ammont ta’ Pagament		EUR 4 500 328 548

1.2It-tieni Installazzjoni (appoġġ mhux ripagabbli):

Numru sekwenzjali	Miżura relatata (Riforma jew Investiment)	Stadju Ewlieni/Mira	Isem
2	1.1.1 Proġetti tal-idroġenu fil-qafas tal-IPCEIs	Ewlieni	Ħruġ tal-ewwel deċiżjonijiet ta’ għotja
12	1.1.3 Skema pilota għal kuntratti ta’ azzjoni klimatika bbażati fuq il-prinċipju tal-Kuntratti tal-Karbonju għad-Differenza	Ewlieni	Linja gwida ta’ finanzjament (Förderrichtlinie) għal programm pilota dwar kuntratti dwar it-tibdil fil-klima bbażat fuq il-prinċipju tal-Kuntratti dwar il-Karbonju għad-Differenza
18	1.1.5 Proġetti emblematiċi għar-riċerka u l-innovazzjoni fil-kuntest tal-Istrateġija Nazzjonali għall-Idroġenu	Mira	Ħruġ ta’ deċiżjonijiet ta’ għotja
26	1.2.2 Finanzjament għall-iżvilupp tal-elettromobilità	Mira	Impenn ta’ fondi
30	1.2.3 Għotjiet għas-sostituzzjoni tal-flotta ta’ vetturi privati	Mira	Appoġġ għax-xiri ta’ 320 000 vettura elettrika oħra
43	1.3.1 Programm ta’ appoġġ għall-iżvilupp ta’ settur tal-kostruzzjoni tal-injam li ma jagħmilx ħsara lill-klima	Mira	Approvazzjoni ta’ proġetti relatati mal-iżvilupp ta’ kostruzzjoni tal-injam li ma tagħmilx ħsara lill-klima
49	2.1.1 politika innovattiva dwar id-data għall-Ġermanja	Stadju Importanti	Bidu tal-proġetti
53	2.1.2 Mikroelettronika u Konnettività tal-IPCEI	Mira	Tnedija tal-ewwel proġetti
55	2.1.3 Infrastruttura u Servizzi Cloud tal-Ġenerazzjoni li Jmiss tal-IPCEI (IPCEI CIS)	Stadju Importanti	Tnedija tal-proġetti tar-RDI
63	2.2.2 Programm Federali “Bini ulterjuri ta’ networks CET”	Mira	Parteċipazzjoni attiva ta’ intrapriżi addizzjonali fin-networks tas-CET
74	3.1.1 Programm ta’ investiment għall-apparat tal-għalliema	Mira	Żborż ta’ mill-inqas EUR 475 000 000 għall-proġetti appoġġati
76	3.1.2 Pjattaforma tal-edukazzjoni	Stadju Importanti	Dħul fis-seħħ tal-linji gwida ta’ finanzjament għall-prototipi ta’ pjattaforma edukattiva u l-akkwist imniedi
80	3.1.3 Ċentru edukattiv ta’ eċċellenza	Mira	Approvazzjoni ta’ mill-inqas 45 proġetti ta’ riċerka
81	3.1.3 Ċentru edukattiv ta’ eċċellenza	Stadju Importanti	Dħul fis-seħħ ta’ tliet linji gwida ta’ finanzjament addizzjonali
84	3.1.4 Modernizzazzjoni tal-faċilitajiet edukattivi u ta’ taħriġ tal-Forzi Armati Federali	Mira	Analiżi tal-istituzzjonijiet edukattivi u identifikazzjoni tal-ħtiġijiet tal-IT tagħhom
91	4.1.3 Appoġġ għall-apprendistat	Mira	Ħruġ ta’ appoġġ għall-programm federali Ausbildungsplätze sichern
92	4.1.3 Appoġġ għall-apprendistat	Mira	Deċiżjonijiet ta’ għoti dwar applikazzjonijiet għall-programm federali Ausbildungsplätze sichern
94	4.1.4 Appoġġ edukattiv għall-istudenti b’xogħol b’lura fit-tagħlim	Mira	1 000 000 student irċevew appoġġ għat-tagħlim
101	5.1.2 Programm għal sptarijiet li jibqgħu validi fil-futur	Mira	Applikazzjonijiet ippreżentati lill-Uffiċċju Federali għas-Sigurtà Soċjali għal mill-inqas EUR 2 700 000 000
106	Programm speċjali 5.1.3 biex jiġu aċċellerati r-riċerka u l-iżvilupp ta’ vaċċini meħtieġa b’mod urġenti kontra s-SARS-CoV-2	Mira	Żborż ta’ mill-inqas EUR 712 500 000 għar-riċerka dwar it-tilqim appoġġata minn dan il-programm speċjali
107	5.1.3 Programm speċjali biex jiġu aċċellerati r-riċerka u l-iżvilupp ta’ vaċċini meħtieġa b’mod urġenti kontra s-SARS-CoV-2	Stadju Importanti	Tmiem il-programm
109	6.1.1 Ekosistema tal-identità Ewropea	Mira	It-tlestija ta’ każijiet ta’ applikazzjoni addizzjonali appoġġati mill-gvern flimkien maċ-check-in tal-bdoti f’lukanda.
113	6.1.2 Id-diġitalizzazzjoni tal-amministrazzjoni — Implimentazzjoni tal-Att dwar l-Aċċess Onlajn (OZG)	Mira	Diġitalizzazzjoni mifruxa tas-servizzi amministrattivi federali bħala servizzi one-for-all
118	6.2.1 Programm konġunt tal-gvern federali u tal-Länder għal amministrazzjoni effiċjenti li tkun ta’ benefiċċju għaċ-ċittadini u n-negozji	Stadju Importanti	It-tieni rapport ta’ progress għall-Konferenza tal-Presidenti tal-Ministeri
120	6.2.2.1 Espansjoni tas-servizzi ta’ konsulenza tal-PD: Ġestjoni tal-Appoġġ għall-Finanzjament Effettiv	Stadju Importanti	Bidu ta’ servizzi ta’ konsulenza PD għal programmi ta’ finanzjament magħżula
125	6.2.2.2 Espansjoni tas-servizzi ta’ konsulenza tal-PD: Konsulenza dwar l-IT fl-iskejjel	Mira	Proġetti ta’ tnedija u ta’ konsulenza pilota dwar l-IT fl-iskejjel
Ammont ta’ Pagament		EUR 7 284 486 130

1.3It-Tielet Installazzjoni (appoġġ mhux ripagabbli):

Numru sekwenzjali	Miżura relatata (Riforma jew Investiment)	Stadju Ewlieni/Mira	Isem
3	1.1.1 Proġetti tal-idroġenu fil-qafas tal-IPCEIs	Mira	Impenn ta’ mill-inqas EUR 500 000 000
24	1.2.1 Għotjiet għall-kostruzzjoni ta’ infrastruttura tal-iċċarġjar	Mira	L-espansjoni tal-punti tal-iċċarġjar f’bini residenzjali
27	1.2.2 Finanzjament għall-iżvilupp tal-elettromobilità	Mira	L-espansjoni tal-flotot tal-mobilità elettronika muniċipali u kummerċjali
28	1.2.2 Finanzjament għall-iżvilupp tal-elettromobilità	Mira	Tlestija ta’ disinni preliminari tal-elettromobilità
44	1.3.2 Laboratorji ħajjin muniċipali għat-tranżizzjoni tal-enerġija	Mira	Approvazzjoni ta’ proġetti ta’ “laboratorji ħajjin”
60	2.2.1 programm ta’ investiment għall-manifatturi/fornituri tal-vetturi	Mira	L-approvazzjoni ta’ proġetti.
66	2.2.3 Ċentru ta’ Riċerka dwar id-diġitalizzazzjoni u t-teknoloġija tal-Bundeswehr	Stadju Importanti	Rapport dwar ir-riċerka u t-trasferiment tar-riżultati
67	2.2.3 Ċentru ta’ Riċerka dwar id-diġitalizzazzjoni u t-teknoloġija tal-Bundeswehr	Mira	Kontinwazzjoni tal-proġetti
77	3.1.2 Pjattaforma tal-edukazzjoni	Stadju Importanti	Tnedija tal-verżjoni beta tal-pjattaforma tal-edukazzjoni
85	3.1.4 Modernizzazzjoni tal-faċilitajiet edukattivi u ta’ taħriġ tal-Forzi Armati Federali	Mira	Tlestija tal-modernizzazzjoni tal-60 istituzzjoni edukattiva
87	Programm ta’ investiment 4.1.1 “Ffinanzjar tat-tfal” 2020/21: fond speċjali “Espansjoni għall-kura ta’ kuljum tat-tfal”	Stadju Importanti	Pubblikazzjoni ta’ rapport interim f’konformità mal-KitaFinHG
96	4.1.5 Ħarsa Ġenerali lejn il-Pensjonijiet Diġitali	Stadju Importanti	Tlestija tal-iżvilupp u l-ewwel fażi operattiva.
99	Tisħiħ tar-riżorsi diġitali u tekniċi tas-servizz tas-saħħa pubblika	Mira	Il-progress tal-uffiċċji tas-saħħa pubblika lejn il-maturità diġitali
102	5.1.2 Programm għal sptarijiet li jibqgħu validi fil-futur	Mira	Żieda fil-maturità diġitali ta’ mill-inqas 35 % tal-isptarijiet
114	6.1.3 Id-diġitalizzazzjoni tal-Amministrazzjoni-Modernizzazzjoni tar-reġistri	Stadju Importanti	Tlestija ta’ proġetti pilota għall-ittestjar tar-reġistri pilota
115	6.1.3 diġitalizzazzjoni tal-amministrazzjoni — modernizzazzjoni tar-reġistri	Stadju Importanti	Tlestija tal-implimentazzjoni tal-arkitettura uniformi għall-avvanz tal-prinċipju ta’ darba biss
Ammont ta’ Pagament		EUR 6 639 217 950

1.4It-Tielet Installazzjoni (appoġġ mhux ripagabbli):

Numru sekwenzjali	Miżura relatata (Riforma jew Investiment)	Stadju Ewlieni/Mira	Isem
8	1.1.2 Programm ta’ appoġġ għad-dekarbonizzazzjoni fl-industrija	Mira	Ħruġ ta’ deċiżjonijiet ta’ għotja
37	1.2.6 Għotjiet għall-promozzjoni ta’ propulsjoni ferrovjarja alternattiva	Mira	Approvazzjoni tal-applikazzjonijiet
38	1.2.6 Għotjiet għall-promozzjoni ta’ propulsjoni ferrovjarja alternattiva	Mira	Ordni tal-vetturi ferrovjarji bi propulsjoni alternattiva
47	1.3.3 Rinnovazzjoni tal-bini: finanzjament federali għal bini effiċjenti fl-enerġija	Mira	It-tlestija ta’ rinnovazzjonijiet effiċjenti fl-enerġija ta’ 10 000 unità ta’ akkomodazzjoni.
56	2.1.3 Infrastruttura u Servizzi Cloud tal-Ġenerazzjoni li Jmiss tal-IPCEI (IPCEI CIS)	Stadju Importanti	Tlestija tal-proġetti tar-RDI u t-tnedija ta’ proġetti pilota fuq skala kbira ta’ każijiet ta’ użu
64	2.2.2 Programm Federali “Bini ulterjuri ta’ networks CET”	Mira	Reviżjoni jew tfassil mill-ġdid ta’ miżuri jew submoduli ta’ taħriġ bħala riżultat tal-ħidma tan-networks tas-CET
78	3.1.2 Pjattaforma tal-edukazzjoni	Stadju Importanti	Rapport ta’ evalwazzjoni finali b’deċiżjoni dwar il-futur tal-pjattaforma edukattiva
110	6.1.1 Ekosistema tal-identità Ewropea	Mira	Forniment ta’ każijiet ta’ applikazzjoni addizzjonali lil hinn mill-piloti bi ftit jew l-ebda appoġġ mill-gvern għall-implimentazzjoni tagħhom
119	6.2.1 Programm konġunt tal-gvern federali u tal-Länder għal amministrazzjoni effiċjenti li tkun ta’ benefiċċju għaċ-ċittadini u n-negozji	Mira	Tlestija ta’ miżuri fir-rapport ta’ progress
121	6.2.2.1 Espansjoni tas-servizzi ta’ konsulenza tal-PD: Ġestjoni tal-Appoġġ għall-Finanzjament Effettiv	Mira	Konsultazzjonijiet imwettqa
122	6.2.2.1 Espansjoni tas-servizzi ta’ konsulenza tal-PD: Ġestjoni tal-Appoġġ għall-Finanzjament Effettiv	Mira	Kunċetti għar-reviżjoni tal-programmi ta’ finanzjament żviluppati
126	6.2.2.2 Espansjoni tas-servizzi ta’ konsulenza tal-PD: Konsulenza dwar l-IT fl-iskejjel	Stadju Importanti	Żvilupp ta’ kunċetti mudell
127	6.2.2.2 Espansjoni tas-servizzi ta’ konsulenza tal-PD: Konsulenza dwar l-IT fl-iskejjel	Mira	Proġetti ta’ konsulenza tal-IT fl-iskejjel
Ammont ta’ Pagament		EUR 3 480 124 348

1.5It-Tielet Installazzjoni (appoġġ mhux ripagabbli):

Numru sekwenzjali	Miżura relatata (Riforma jew Investiment)	Stadju Ewlieni/Mira	Isem
4	1.1.1 Proġetti tal-idroġenu fil-qafas tal-IPCEIs	Ewlieni	Evalwazzjoni tal-programm ta’ appoġġ
5	1.1.1 Proġetti tal-idroġenu fil-qafas tal-IPCEIs	Mira	Impenn ta’ EUR 1 500 000 000
6	1.1.1 Proġetti tal-idroġenu fil-qafas tal-IPCEIs	Mira	Ħolqien ta’ mill-inqas 300 MW ta’ kapaċità tal-elettroliżi
9	1.1.2 Programm ta’ appoġġ għad-dekarbonizzazzjoni fl-industrija	Mira	Żborż lill-proġetti appoġġati
10	1.1.2 Programm ta’ appoġġ għad-dekarbonizzazzjoni fl-industrija	Mira	Tnaqqis tal-emissjonijiet tal-gassijiet serra fl-industrija
13	1.1.3 Skema pilota għal kuntratti ta’ azzjoni klimatika bbażati fuq il-prinċipju tal-Kuntratti tal-Karbonju għad-Differenza	Mira	Żborż lill-proġetti appoġġati
15	1.1.4 Riċerka dwar il-protezzjoni tal-klima relatata mal-proġett	Mira	Żborż lill-proġetti appoġġati
16	1.1.4 Riċerka dwar il-protezzjoni tal-klima relatata mal-proġett	Mira	Tlestija ta’ proġetti ta’ riċerka appoġġati relatati mal-klima
19	1.1.5 Proġetti emblematiċi għar-riċerka u l-innovazzjoni fil-kuntest tal-Istrateġija Nazzjonali għall-Idroġenu	Mira	Tlestija tal-proġetti appoġġati
20	1.1.5 Proġetti emblematiċi għar-riċerka u l-innovazzjoni fil-kuntest tal-Istrateġija Nazzjonali għall-Idroġenu	Mira	Żborż lill-proġetti appoġġati
21	1.1.5 Proġetti emblematiċi għar-riċerka u l-innovazzjoni fil-kuntest tal-Istrateġija Nazzjonali għall-Idroġenu	Mira	Impenn għal proġetti ewlenin ta’ riċerka u innovazzjoni
23	1.2.1 Għotjiet għall-kostruzzjoni ta’ infrastruttura tal-iċċarġjar	Mira	L-espansjoni tan-network pubbliku tal-iċċarġjar għall-vetturi elettriċi
32	1.2.4 Estensjoni tal-perijodu ta’ reġistrazzjoni inizjali għall-għoti tal-eżenzjoni mit-taxxa ta’ 10 snin għall-vetturi purament elettriċi	Ewlieni	Evalwazzjoni tal-miżura
34	1.2.5 Appoġġ għax-xiri ta’ xarabanks bi propulsjoni alternattiva	Mira	Approvazzjoni tal-applikazzjonijiet
35	1.2.5 Appoġġ għax-xiri ta’ xarabanks bi propulsjoni alternattiva	Mira	Ordnijiet ta’ karozzi tal-linja bi propulsjoni alternattiva
40	1.2.7 Promozzjoni tal-industriji involuti fl-applikazzjonijiet tal-idroġenu u taċ-ċelloli tal-fjuwil fit-trasport	Mira	Approvazzjoni ta’ proġetti għall-industrija tal-vetturi u tal-fornituri għall-applikazzjonijiet tal-idroġenu u taċ-ċelloli tal-fjuwil fit-trasport
41	1.2.7 Promozzjoni tal-industriji involuti fl-applikazzjonijiet tal-idroġenu u taċ-ċelloli tal-fjuwil fit-trasport	Stadju Importanti	L-istabbiliment ta’ Ċentru tat-Teknoloġija u l-Innovazzjoni għat-Teknoloġija tal-Idroġenu
45	1.3.2 Laboratorji ħajjin muniċipali għat-tranżizzjoni tal-enerġija	Mira	Tlestija ta’ proġetti ta’ viċinat urban
48	1.3.3 Rinnovazzjoni tal-bini: finanzjament federali għal bini effiċjenti fl-enerġija	Mira	Tlestija ta’ rinnovazzjonijiet effiċjenti fl-enerġija ta’ 30 000 unità oħra ta’ abitazzjoni
50	2.1.1 Politika innovattiva dwar id-data għall-Ġermanja	Mira	Żvilupp ta’ riżorsi umani u kapaċitajiet fil-ministeri federali
51	2.1.1 Politika innovattiva dwar id-data għall-Ġermanja	Mira	Eżekuzzjoni tal-baġit — żborż ta’ mill-inqas EUR 464 400 000 għall-proġetti appoġġati
54	2.1.2 Mikroelettronika u Konnettività tal-IPCEI	Mira	Eżekuzzjoni tal-baġit — żborż ta’ mill-inqas EUR 1 275 000 000 għall-proġetti appoġġati
57	2.1.3 Infrastruttura u Servizzi Cloud tal-Ġenerazzjoni li Jmiss tal-IPCEI (IPCEI CIS)	Mira	L-ewwel użu industrijali ta’ soluzzjonijiet żviluppati taħt il-miżura.
58	2.1.3 Infrastruttura u Servizzi Cloud tal-Ġenerazzjoni li Jmiss tal-IPCEI (IPCEI CIS)	Mira	Eżekuzzjoni tal-baġit — żborż ta’ mill-inqas EUR 637 500 000 għall-proġetti appoġġati
61	2.2.1 Programm ta’ investiment għall-manifatturi/fornituri tal-vetturi	Mira	Tlestija b’suċċess tal-proġetti
68	2.2.3 Ċentru ta’ Riċerka dwar id-diġitalizzazzjoni u t-teknoloġija tal-Bundeswehr	Mira	Eżekuzzjoni tal-baġit — żborż ta’ EUR 700 000 000 lil dawk appoġġati
69	2.2.3 Ċentru ta’ Riċerka dwar id-diġitalizzazzjoni u t-teknoloġija tal-Bundeswehr	Stadju Importanti	Rapport dwar ir-riċerka u t-trasferiment tar-riżultati
75	3.1.1 Programm ta’ investiment għall-apparat tal-għalliema	Stadju Importanti	Evalwazzjoni tal-bidliet fl-infrastruttura diġitali u l-użu tal-midja diġitali fl-iskejjel
82	3.1.3 Ċentru edukattiv ta’ eċċellenza	Mira	Tlestija ta’ proġetti ta’ riċerka
88	Programm ta’ investiment 4.1.1 “Ffinanzjar tat-tfal” 2020/21: fond speċjali “Espansjoni għall-kura ta’ kuljum tat-tfal”	Mira	Tlestija tal-miżuri kollha
97	4.1.5 Ħarsa Ġenerali lejn il-Pensjonijiet Diġitali	Stadju Importanti	It-tlestija tal-implimentazzjoni tat-titjib dedott mill-esperjenza prattika matul l-ewwel fażi operattiva.
100	Tisħiħ tar-riżorsi diġitali u tekniċi tas-servizz tas-saħħa pubblika	Mira	Il-progress tal-uffiċċji tas-saħħa pubblika lejn il-maturità diġitali
103	5.1.2 programm għal sptarijiet li jibqgħu validi fil-futur	Mira	Implimentazzjoni ta’ mill-inqas 75 % tal-proġetti ta’ diġitalizzazzjoni rilevanti
116	6.1.3 Id-diġitalizzazzjoni tal-amministrazzjoni — modernizzazzjoni tar-reġistri	Mira	Konnessjoni prijoritarja tar-reġistri bbażati fuq l-utent mal-arkitettura fil-mira ta’ darba biss
123	6.2.2.1 Espansjoni tas-servizzi ta’ konsulenza tal-PD: Ġestjoni tal-Appoġġ għall-Finanzjament Effettiv	Stadju Importanti	Tixrid ta’ informazzjoni dwar it-tagħlimiet meħuda
124	6.2.2.1 Espansjoni tas-servizzi ta’ konsulenza tal-PD: Ġestjoni tal-Appoġġ għall-Finanzjament Effettiv	Mira	Konsultazzjonijiet imwettqa
129	6.2.3.1 Aċċellerazzjoni tal-proċeduri tal-ippjanar u tal-approvazzjoni fis-settur tat-trasport	Stadju Importanti	Evalwazzjoni tal-bidliet leġiżlattivi
Ammont ta’ Pagament		EUR 3 709 321 467

TAQSIMA 3: ARRANĠAMENTI ADDIZZJONALI

1.Arranġamenti għall-monitoraġġ u l-implimentazzjoni tal-pjan għall-irkupru u r-reżiljenza

Il-monitoraġġ u l-implimentazzjoni tal-pjan għall-irkupru u r-reżiljenza tal-Ġermanja għandhom isiru skont l-arranġamenti li ġejjin:

-Unità ta’ koordinazzjoni fil-Ministeru Federali tal-Finanzi għandha timmonitorja l-implimentazzjoni tal-pjan ta’ rkupru u ta’ reżiljenza tal-Ġermanja. L-unità għandha tikkoordina l-monitoraġġ u r-rappurtar tal-progress dwar l-istadji importanti u l-miri u dwar l-indikaturi rilevanti, twettaq kontrolli kwalitattivi fuq id-data finanzjarja kollha u tppreżenta talbiet għal pagament. L-unità ta’ koordinazzjoni għandha tkun responsabbli wkoll għall-identifikazzjoni u l-korrezzjoni minn kmieni ta’ kwalunkwe żvilupp potenzjali mhux mixtieq. Għandu jservi wkoll bħala korp ta’ koordinazzjoni għall-monitoraġġ u l-implimentazzjoni tal-miżuri ta’ awditjar u kontroll.

-Il-funzjoni ta’ koordinazzjoni tal-unità hija bbażata fuq mekkaniżmi u regolamenti nazzjonali stabbiliti. Id-dispożizzjonijiet legali nazzjonali rilevanti u l-mekkaniżmu nazzjonali għall-monitoraġġ u l-kontroll għandhom jiġu applikati, inklużi l-obbligi ta’ rappurtar korrispondenti. L-iżborż tal-fondi għall-miżuri fil-pjan għall-irkupru u r-reżiljenza lir-riċevituri finali għandu jsir f’konformità mal-bażi ġuridika tal-linji gwida ġenerali dwar il-finanzjament (Förderrichtlinie) għall-miżura rispettiva f’konformità mar-Regolamenti Amministrattivi Ġenerali, u fuq il-bażi ta’ deċiżjonijiet ta’ finanzjament individwali (atti amministrattivi) favur ir-riċevituri finali.

-L-unità ta’ koordinazzjoni tikkonsisti f’tim ta’ ekonomisti u esperti baġitarji u ta’ kontroll bl-esperjenza rilevanti u bl-għarfien speċjalizzat. Għandha tissejjaħ kompetenza esperta minn unitajiet oħra tal-Ministeru Federali tal-Finanzi jew Ministeri simili oħra kif meħtieġ. Il-mandat tal-unità ta’ koordinazzjoni huwa stabbilit fil-pjan ta’ distribuzzjoni tan-negozju tal-Ministeru Federali tal-Finanzi.

2.Arranġamenti għall-forniment ta’ aċċess sħiħ mill-Kummissjoni għad-data sottostanti

Il-Ministeru Federali tal-Finanzi, bħala l-korp ċentrali ta’ koordinazzjoni għall-pjan ta’ rkupru u reżiljenza tal-Ġermanja u l-implimentazzjoni tiegħu, huwa responsabbli għall-koordinazzjoni u l-monitoraġġ ġenerali tal-pjan. B’mod partikolari, hija taġixxi bħala korp ta’ koordinazzjoni għall-monitoraġġ tal-progress dwar l-istadji importanti u l-miri, għall-monitoraġġ u, fejn xieraq, għall-implimentazzjoni ta’ attivitajiet ta’ kontroll u awditjar, u għall-forniment ta’ rappurtar u talbiet għal pagamenti. Huwa jikkoordina r-rappurtar tal-istadji importanti u l-miri, l-indikaturi rilevanti, iżda wkoll informazzjoni finanzjarja kwalitattiva u data oħra, bħal dwar ir-riċevituri finali. Il-kodifikazzjoni tad-data qed isseħħ f’sistemi tal-IT deċentralizzati f’ministeri differenti, li huma obbligati jirrapportaw id-data meħtieġa lill-Ministeru Federali tal-Finanzi.

Skont l-Artikolu 24(2) tar-Regolament (UE) 2021/241, malli jitlestew l-istadji importanti u l-miri rilevanti maqbula fit-Taqsima 2.1 ta’ dan l-Anness, il-Ġermanja għandha tressaq talba debitament ġustifikata għall-ħlas tal-kontribuzzjoni finanzjarja lill-Kummissjoni. Il-Ġermanja għandha tiżgura li, fuq talba, il-Kummissjoni jkollha aċċess sħiħ għad-data sottostanti rilevanti li tappoġġa l-ġustifikazzjoni dovuta tat-talba għal pagament, kemm għall-valutazzjoni tat-talba għal pagament f’konformità mal-Artikolu 24(3) tar-Regolament (UE) 2021/241 kif ukoll għal finijiet ta’ awditjar u kontroll.

(1) L-IPCEIs huma soġġetti għar-rekwiżit ta’ notifika u għall-obbligu ta’ sospensjoni fl-Artikolu 108(3) tat-Trattat dwar il-Funzjonament tal-Unjoni Ewropea. L-għażla u l-ispeċifiċitajiet tal-proġetti proposti tista’ teħtieġ aġġustamenti biex tiżgura l-konformità mar-regoli dwar l-għajnuna mill-Istat applikabbli.

(2) Meta l-attività appoġġata tikseb emissjonijiet ta’ gassijiet serra pproġettati li mhumiex ferm aktar baxxi mill-parametri referenzjarji rilevanti, għandha tingħata spjegazzjoni tar-raġunijiet għaliex dan mhuwiex possibbli. Huma stabbiliti parametri referenzjarji għall-allokazzjoni bla ħlas għal attivitajiet li jaqgħu fil-kamp ta’ applikazzjoni tas-Sistema għall-Iskambju ta’ Kwoti tal-Emissjonijiet, kif stabbilit fir-Regolament ta’ Implimentazzjoni tal-Kummissjoni (UE) 2021/447.

(3) Meta l-attività appoġġata tikseb emissjonijiet ta’ gassijiet serra pproġettati li mhumiex ferm aktar baxxi mill-parametri referenzjarji rilevanti, għandha tingħata spjegazzjoni tar-raġunijiet għaliex dan mhuwiex possibbli. Huma stabbiliti parametri referenzjarji għall-allokazzjoni bla ħlas għal attivitajiet li jaqgħu fil-kamp ta’ applikazzjoni tas-Sistema għall-Iskambju ta’ Kwoti tal-Emissjonijiet, kif stabbilit fir-Regolament ta’ Implimentazzjoni tal-Kummissjoni (UE) 2021/447.

(4) ĠUL 127, 16.5.2019, p. 34–79

(5) Ara https://www.bundesregierung.de/breg-de/suche/datenstrategie-der-bundesregierung-1845632

(6) L-IPCEIs huma soġġetti għar-rekwiżit ta’ notifika u għall-obbligu ta’ sospensjoni fl-Artikolu 108(3) tat-Trattat dwar il-Funzjonament tal-Unjoni Ewropea. L-għażla u l-ispeċifiċitajiet tal-proġetti individwali jistgħu jeħtieġu aġġustamenti skont dan biex jiżguraw konformità mar-regoli dwar l-għajnuna mill-Istat applikabbli. Huma biss il-proġetti approvati b’deċiżjoni tal-Kummissjoni skont ir-regoli applikabbli dwar l-għajnuna mill-Istat li jistgħu jirċievu għajnuna mill-Istat.

(7) https://www.bmwi.de/Redaktion/DE/Textsammlungen/Industrie/zukunftsinvestitionen-fahrzeughersteller-zulieferindustrie.html

(8) Gesetz zur Verhütung und Bekämpfung von Infektionskrankheiten bei Menschen (Infektionsschutzgesetz – IfSG), 20 ta’ Lulju 2020 (BGBl. I p. 1045)

(9) Gesetz für ein Zukunftsprogramm Krankenhäuser (Krankenhauszukunftsgesetz – KHZG), 23 ta’ Ottubru 2020 (BGBI. I p. 2208).

(10) Onlinezugangsgesetz, 14 ta’ Awwissu 2017 (BGBl. I p. 3122, 3138).

(11) Identifikationsnummerngesetz, 28 ta’ Marzu 2021 (BGBl. I p. 591)

(12) Registermodernisierungsgesetz, 28 ta’ Marzu 2021 (BGBl. I p. 591)

(13) Gesetz zur Beschleunigung von Investitionen, it-03 ta’ Diċembru 2020 (BGBl. I 2020 p. 2694).

(14) Gesetz zur weiteren Beschleunigung von Planungs- und Genehmigungsverfahren im Verkehrsbereich, it-03 ta’ Marzu 2020 (BGBl. I 2020 p. 433).

(15) Gesetz zur Vorbereitung der Schaffung von Baurecht durch Maßnahmengesetz im Verkehrsbereich, it-22 ta’ Marzu 2020 (BGBl. I 2020 p. 640).

(16) Musterbauordnung — zuletzt geändert durch Beschluss der Bauministerkonferenz, 27 ta’ Settembru 2019 (https://www.bauministerkonferenz.de/verzeichnis.aspx?id=991&o=759O986O991)

(17) Il-Ġermanja ssottomettiet żewġ stimi tal-ispejjeż. Il-valur gross tal-pjan ta’ EUR 27 949 882 000 jinkludi l-VAT għal xi miżuri, filwaqt li valur nett ta’ mill-inqas EUR 26 518 833 613 jeskludi l-VAT.

Top

Choose the experimental features you want to try