EUR-Lex Access to European Union law
This document is an excerpt from the EUR-Lex website
Document 52021BP1618
Resolution (EU) 2021/1618 of the European Parliament of 29 April 2021 with observations forming an integral part of the decision on discharge in respect of the implementation of the budget of the European GNSS Agency for the financial year 2019
Riżoluzzjoni (UE) 2021/1618 tal-Parlament Ewropew tad-29 ta’ April 2021 li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija tal-GNSS Ewropea għas-sena finanzjarja 2019
Riżoluzzjoni (UE) 2021/1618 tal-Parlament Ewropew tad-29 ta’ April 2021 li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija tal-GNSS Ewropea għas-sena finanzjarja 2019
ĠU L 340, 24.9.2021, p. 341–344
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
24.9.2021 |
MT |
Il-Ġurnal Uffiċjali tal-Unjoni Ewropea |
L 340/341 |
RIŻOLUZZJONI (UE) 2021/1618 TAL-PARLAMENT EWROPEW
tad-29 ta’ April 2021
li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija tal-GNSS Ewropea għas-sena finanzjarja 2019
IL-PARLAMENT EWROPEW,
— |
wara li kkunsidra d-deċiżjoni tiegħu dwar il-kwittanza għall-implimentazzjoni tal-baġit tal-Aġenzija tal-GNSS Ewropea għas-sena finanzjarja 2019, |
— |
wara li kkunsidra l-Artikolu 100 u l-Anness V tar-Regoli ta' Proċedura tiegħu, |
— |
wara li kkunsidra r-rapport tal-Kumitat għall-Kontroll tal-Baġit (A9-0074/2021), |
A. |
billi, skont id-dikjarazzjoni tad-dħul u tan-nefqa tagħha (1), il-baġit finali tal-Aġenzija tal-GNSS Ewropea (l-"Aġenzija") għas-sena finanzjarja 2019 kien ta' EUR 33 589 862,79, li jirrappreżenta żieda ta' 4,22 % meta mqabbel mal-2018; billi l-baġit tal-Aġenzija huwa prinċipalment derivat mill-baġit tal-Unjoni (2); |
B. |
billi l-Qorti tal-Awdituri (il-"Qorti"), fir-rapport tagħha dwar il-kontijiet annwali tal-Aġenzija għas-sena finanzjarja 2019 (ir-"rapport tal-Qorti"), stqarret li l-Qorti kisbet aċċertament raġonevoli li l-kontijiet annwali tal-Aġenzija huma affidabbli u li t-tranżazzjonijiet ta' bażi huma legali u regolari; |
Ġestjoni baġitarja u finanzjarja
1. |
Jinnota b'sodisfazzjon li l-isforzi ta' monitoraġġ baġitarju matul is-sena finanzjarja 2019 irriżultaw f'rata ta' implimentazzjoni tal-baġit ta' 100 %, jiġifieri l-istess rata bħal fl-2018; jinnota, barra minn hekk, li r-rata ta' eżekuzzjoni tal-approprjazzjonijiet ta' pagament kienet ta' 85,95 %, jiġifieri żieda ta' 2,22 % meta mqabbla mal-2018; |
2. |
Jinnota li minbarra l-baġit ewlieni tagħha, fl-2018 l-Aġenzija kompliet tiġġestixxi ammont kbir ta' baġit delegat biex tkopri s-Sistema Ewropea ta' Navigazzjoni b'Kopertura Ġeostazzjonarja (EGNOS), il-Ftehim ta' Delega Galileo, il-Ftehim ta' Delega għal Servizz Pubbliku Regolat u l-ftehim ta' delega ta' Orizzont 2020; jinnota li fl-2019 ġie impenjat total ta' EUR 290 696 766,98 ta' baġit delegat u li saru pagamenti għall-ammont ta' EUR 523 494 171,23; |
Prestazzjoni
3. |
Jinnota li l-Aġenzija tuża ċerti miżuri bħala indikaturi ewlenin tal-prestazzjoni biex tivvaluta l-valur miżjud ipprovdut mill-attivitajiet tagħha u miżuri oħra biex ittejjeb il-ġestjoni tal-baġit tagħha, bħall-perċentwal ta' valutazzjonijiet tal-vulnerabbiltajiet indipendenti mwettqa li rnexxew u r-rata ta' impenn u ta' pagament fil-limiti ta' żmien preskritti; |
4. |
Jilqa' l-fatt li l-Aġenzija esternalizzat is-servizzi ta' kontabbiltà tagħha lill-Kummissjoni mill-2015 u li tikkondividi l-kapaċità tal-awditjar intern mal-Aġenzija Ewropea għas-Sustanzi Kimiċi; iħeġġeġ lill-Aġenzija tfittex kooperazzjoni akbar u usa' mal-aġenziji tal-Unjoni; |
5. |
Jistieden lill-Aġenzija tkompli tiżviluppa s-sinerġiji tagħha, iżżid il-kooperazzjoni u l-iskambju tal-aħjar prattiki mal-aġenziji l-oħra tal-Unjoni bil-għan li ttejjeb l-effiċjenza f'oqsma bħar-riżorsi umani, il-ġestjoni tal-bini, is-servizzi tal-IT u s-sigurtà; |
6. |
Jinnota li f'Lulju 2019, l-Aġenzija esperjenzat inċident li rriżulta fi qtugħ ta' sitt ijiem tas-servizzi ta' Galileo u dan wassal biex jiġu attivati proċeduri urġenti ta' rkupru fl-infrastruttura affettwata ta' Galileo; jinnota li l-bord ta' akkreditament ta' sigurtà tal-Aġenzija analizza l-fajl dwar il-qtugħ tas-servizz 2018-2019, b'attenzjoni partikolari għal dak f'Lulju 2019, u ħareġ għadd ta' punti u azzjonijiet li għandhom jiġu indirizzati sabiex tiżdied ir-robustezza tas-sistema; jistieden lill-Aġenzija tirrapporta lill-awtorità ta' kwittanza dwar l-iżviluppi f'dak ir-rigward; |
7. |
Jinnota li erba' satelliti ġodda tqiegħdu fis-servizz fi Frar 2019; |
8. |
Jinnota li l-kompetizzjoni MyGalileoApp fl-2019, li kienet tinvolvi madwar 150 tim, tat premju finanzjarju lil 3 użi innovattivi ġodda ta' Galileo, u dan f'appoġġ għan-negozji ġodda tal-Unjoni u l-innovaturi żgħażagħ biex ikabbru l-potenzjal tan-negozju tagħhom; |
9. |
Jinnota li skont ir-Rapport Speċjali tal-Qorti dwar il-Futur tal-Aġenziji (ir-Rapport Speċjali tal-Qorti) l-Aġenzija għandha awtonomija limitata ħafna fil-prattika fir-rigward tal-kompitu ewlieni tagħha li hu l-isfruttament tas-sistema globali ta' navigazzjoni bis-satellita Galileo skont ftehim ta' delega mal-Kummissjoni; jistieden lill-Kummissjoni tirrieżamina l-awtonomija tal-Aġenzija b'mod partikolari fir-rigward tal-kompetenzi tagħha dwar l-implimentazzjoni tal-ftehim ta' delega permezz ta' għadd ta' kuntratti kumplessi mas-sħab industrijali u l-entitajiet tas-settur pubbliku; jistieden lill-Aġenzija tirrapporta lill-awtorità ta' kwittanza dwar l-iżviluppi f'dak ir-rigward; |
10. |
Jinnota li, skont ir-Rapport Speċjali tal-Qorti wara l-awditu li sar bejn Marzu u Settembru 2019, jeħtieġ li l-Aġenzija ttejjeb b'mod sinifikanti l-kooperazzjoni tagħha mal-Istati Membri, il-korpi internazzjonali u aġenziji oħra tal-Unjoni peress li ġie nnutat li l-Aġenzija kellha biss informazzjoni limitata dwar l-istrateġiji u l-azzjonijiet tal-Istati Membri fl-appoġġ tal-użu tas-servizzi Galileo; iħeġġeġ bil-qawwa lill-Aġenzija żżid il-kooperazzjoni u l-kondiviżjoni tal-għarfien tagħha mal-Istati Membri, il-korpi internazzjonali u aġenziji oħra tal-Unjoni sabiex iżżid l-użu tas-servizzi Galileo u ssegwi l-għan komuni li twettaq il-politiki tal-Unjoni fl-interess taċ-ċittadini tal-Unjoni; jistieden lill-Aġenzija tirrapporta lill-awtorità ta' kwittanza dwar l-iżviluppi f'dak ir-rigward; |
11. |
Jisħaq fuq l-importanza li tiżdied id-diġitalizzazzjoni tal-Aġenzija f'termini ta' proċeduri ta' ġestjoni u operazzjonijiet interni; jisħaq fuq il-ħtieġa li l-Aġenzija tibqa' tkun proattiva f'dan ir-rigward sabiex jiġi evitat distakk diġitali bejn l-aġenziji akkost ta' kollox; jiġbed l-attenzjoni, madankollu, għall-ħtieġa li jittieħdu l-miżuri ta' sigurtà kollha meħtieġa biex jiġi evitat kwalunkwe riskju għas-sigurtà online tal-informazzjoni pproċessata; ifakkar ukoll fl-importanza li l-Aġenzija tiżviluppa viżibbiltà akbar fil-midja, l-internet u l-midja soċjali sabiex tagħmel xogħolha magħruf; |
Inċident ta' Galileo
12. |
Jiddispjaċih mill-fatt li fl-10 ta' Lulju 2019, matul aġġornament tas-sistema, seħħ inċident ta' servizz fl-infrastruttura terrestri ta' Galileo u li rriżulta f'interruzzjoni ta' sitt ijiem tas-servizzi inizjali ta' navigazzjoni u ta' kronometraġġ ta' Galileo; jilqa', madankollu, il-fatt li l-Kummissjoni waqqfet bord ta' inkjesta indipendenti biex jinvestiga l-inċident u jipprovdi rakkomandazzjonijiet biex jiġu evitati inċidenti simili fil-futur; |
13. |
Ifakkar li l-bord ta' inkjesta sab trattament ħażin, anomalija teknika ta' tagħmir, konfigurazzjoni mhux standard tat-tagħmir li kien soġġett għall-anomalija, ifakkar li l-bord ta' inkjesta identifika l-kawżi ewlenin ta' natura differenti, relatati mal-organizzazzjoni u l-ġestjoni ta' Galileo, fatturi umani, u konfigurazzjoni kumplessa u mhux standard tas-sistema; jistieden lill-Kummissjoni u lill-Aġenzija jsegwu b'mod konsistenti r-rakkomandazzjonijiet tal-bord ta' inkjesta, b'mod partikolari fir-rigward tal-kontinwità tas-servizz u l-ottimizzazzjoni tal-governanza ta' Galileo kif ukoll l-iżgurar ta' komunikazzjoni istituzzjonali aħjar lejn l-utenti u l-Istati Membri għal sitwazzjonijiet ta' kriżi; jistieden lill-Kummissjoni u lill-Aġenzija jinfurmaw regolarment lill-awtorità ta' kwittanza dwar l-azzjonijiet ta' segwitu; |
Politika dwar il-persunal
14. |
Jinnota li fil-31 ta' Diċembru 2019 92,81 % tat-tabella tal-persunal kienet implimentata, b'129 aġent temporanju maħtura minn total ta' 139 aġent temporanju awtorizzati fl-ambitu tal-baġit tal-Unjoni (meta mqabbel ma' 128 post awtorizzati fl-2018); jinnota li, barra minn hekk, fl-2019 55 aġent kuntrattwali u 3 esperti nazzjonali sekondati ħadmu għall-Aġenzija; jinnota li 10 postijiet addizzjonali ġew allokati lill-Aġenzija għat-tabella tal-persunal tagħha tal-2019 minbarra l-post diġà previst; |
15. |
Jinsab imħasseb li, skont ir-Rapport Speċjali tal-Qorti, l-Aġenzija qed titħabat biex tirrekluta persunal bl-għarfien espert tekniku meħtieġ u sabiex tikkumpensa għal nuqqas ta' postijiet jew esperti nazzjonali, l-Aġenzija qed testernalizza dejjem aktar kompiti ewlenin lil kuntratturi privati, li mbagħad taf tispiċċa tiddependi fuqhom fuqhom; jistieden lill-Kummissjoni teżamina s-sitwazzjoni bir-reqqa u tipprovdi lill-Aġenzija l-mezzi meħtieġa biex tirrekluta l-persunal meħtieġ; jistieden lill-Kummissjoni tirrapporta dwar dik il-kwistjoni lill-awtorità ta' kwittanza; |
16. |
Jilqa' l-isforzi tal-Aġenzija u l-miżuri ġodda introdotti biex tattira, tirrekluta u żżomm persunal b'kompetenza għolja; |
17. |
Jiddispjaċih għall-iżbilanċi ġeografiċi persistenti fil-kompożizzjoni tal-persunal tal-Aġenzija, speċjalment fil-livelli ta' maniġment intermedju u superjuri; jistieden lill-Aġenzija tistabbilixxi rappreżentanza xierqa ta' nazzjonalitajiet mill-Istati Membri kollha, filwaqt li fl-istess ħin tirrispetta l-kompetenzi u l-merti tal-kandidati kif indikat fl-Artikolu 27 tar-Regolamenti tal-Persunal għall-Uffiċjali; |
18. |
Jinkoraġġixxi lill-Aġenzija timmira li tiżviluppa qafas ta' politika fit-tul dwar ir-riżorsi umani li jindirizza l-bilanċ bejn ix-xogħol u l-ħajja privata, il-gwida tul il-ħajja u l-iżvilupp tal-karriera, il-bilanċ bejn il-ġeneri, it-telexogħol, il-bilanċ ġeografiku kif ukoll ir-reklutaġġ u l-integrazzjoni ta' persuni b'diżabbiltà; |
19. |
Jinnota n-nuqqas ta' bilanċ bejn il-ġeneri fl-2019 fost il-maniġment superjuri (7 irġiel u 4 nisa) u fil-bord amministrattiv (24 raġel u 5 nisa); jitlob lill-Aġenzija tiżgura li fil-futur ikun hemm bilanċ bejn il-ġeneri fil-livell tal-maniġment superjuri; jitlob lill-Kummissjoni u lill-Istati Membri jqisu l-importanza li jiżguraw bilanċ bejn il-ġeneri meta jinnominaw lill-membri fil-bord amministrattiv tal-Aġenzija; |
20. |
Jinsab imħasseb dwar id-daqs kbir tal-bord maniġerjali tal-aġenzija peress li dan jagħmel it-teħid ta' deċiżjonijiet wieħed diffiċli u jiġġenera kostijiet amministrattivi konsiderevoli; |
Sostenibbiltà
21. |
Jiddispjaċih li l-Aġenzija għadha ma adottatx miri ta' tnaqqis ta' CO2; jistieden lill-Aġenzija toħloq qafas ta' ħidma li ma jagħmilx ħsara lill-ambjent, tnaqqas l-impronta tal-karbonju tagħha u l-konsum tal-enerġija tagħha u tiżviluppa fluss tax-xogħol mingħajr karti; |
22. |
Jiddispjaċih li l-enerġija hija fornuta minn operatur li ma jipprovdix is-sehem tas-sorsi tal-enerġija fid-dettall u li l-użu tal-enerġija rinnovabbli mill-Aġenzija għalhekk ma jistax jiġi determinat; jistieden lill-Aġenzija taqleb għal operatur li jkun kapaċi jipprovdi d-dettalji dwar is-sorsi tal-enerġija; |
Akkwist pubbliku
23. |
Jinnota, fir-rigward tas-segwitu tas-sejbiet tal-Qorti fl-2018, li kienu tressqu proċedimenti legali kontra l-Aġenzija fil-Qorti tal-Ġustizzja tal-Unjoni Ewropea (QĠUE), li kkontestaw l-eżitu tal-proċedura ta' akkwist għal kuntratt qafas dwar l-implimentazzjoni tas-sistema bis-satellita Galileo matul il-perjodu mill-2017 sal-2027, għall-ammont ta' EUR 1,5 biljun; jinnota li l-każ ġie abbandunat minn Eutelsat u kkanċellat mill-QĠUE; |
24. |
Jinnota, fir-rigward tas-segwitu tas-sejbiet tas-sena preċedenti tal-Qorti, li l-modulu tas-sottomissjoni elettronika tal-proċeduri ta' akkwist elettroniku ma indirizzax il-ħtiġijiet kumplessi ta' akkwist tal-Aġenzija, u ġie deċiż li l-offerti mhux se jitwettqu b'mod elettroniku, u b'hekk ma tintuża l-ebda għodda tal-IT tal-akkwist elettroniku żviluppata mill-Kummissjoni; jinnota mit-tweġiba tal-Aġenzija li l-Aġenzija qed tkompli l-kuntatti mal-Kummissjoni biex tevalwa l-possibbiltà li tuża sejħiet għall-offerti elettroniċi għal dawk l-akkwisti li jistgħu jkunu l-aktar konvenjenti għalihom; jistieden lill-Aġenzija tirrapporta lill-awtorità ta' kwittanza dwar l-iżviluppi f'dak ir-rigward; |
Prevenzjoni u ġestjoni tal-kunflitti ta' interess u trasparenza
25. |
Jinnota li mhux is-CVs kollha tal-membri tal-bord amministrattiv ġew ippubblikati fuq is-sit web tal-Aġenzija; itenni l-appelli tiegħu lill-Aġenzija biex tippubblika s-CVs tal-membri kollha tal-bord amministrattiv u tirrapporta lill-awtorità ta' kwittanza dwar l-azzjonijiet meħuda f'dak ir-rigward; jinnota li s-segretarjat tal-bord amministrattiv kif ukoll il-koordinatur tal-kontroll intern ifakkru u jħeġġu lill-membri tal-bord amministrattiv jippreżentaw id-dokumenti neqsin u li d-dikjarazzjonijiet ta' interess tal-bord amministrattiv jinħażnu fis-sistema ta' ġestjoni tad-dokumenti tal-Aġenzija; |
26. |
Jinnota li s-CVs u d-dikjarazzjonijiet ta' interess tal-maniġment superjuri huma ppubblikati fuq is-sit web tal-Aġenzija; jinnota, madankollu, li s-CVs u d-dikjarazzjonijiet ta' interess tal-persunal maniġerjali mhumiex ippubblikati fuq is-sit web tal-Aġenzija; jinnota li l-Aġenzija qed tistenna l-approvazzjoni formali tal-implimentazzjoni tar-regoli ta' implimentazzjoni dwar il-kunflitt ta' interess mill-Kummissjoni sabiex tippubblika s-CVs tal-persunal maniġerjali fuq is-sit web tagħha; |
27. |
Jenfasizza l-fatt li l-qafas etiku attwali li japplika għall-istituzzjonijiet u l-aġenziji tal-Unjoni jbati minn żvantaġġi konsiderevoli minħabba l-frammentazzjoni tiegħu u n-nuqqas ta' konsistenza bejn id-dispożizzjonijiet eżistenti; jenfasizza li dawn il-kwistjonijiet għandhom jiġu indirizzati billi jiġi stabbilit qafas etiku komuni, li jiżgura l-applikazzjoni ta' standards etiċi għoljin għall-istituzzjonijiet, il-korpi, l-uffiċċji u l-aġenziji kollha tal-Unjoni; |
28. |
Jissottolinja li ċerti uffiċjali jimlew dikjarazzjonijiet ta' nuqqas ta' kunflitti ta' interess u jipprovdu awtovalutazzjonijiet fir-rigward tar-rispett tal-istandards etiċi; jenfasizza, madankollu, li tali awtodikjarazzjonijiet u awtovalutazzjonijiet mhumiex biżżejjed u li għalhekk huwa meħtieġ skrutinju addizzjonali; |
Kontrolli interni
29. |
Jinnota mir-rapport tal-Qorti li l-Aġenzija ffirmat arranġamenti ta' ħidma mal-Aġenzija Spazjali Ewropea (ESA) dwar l-implimentazzjoni tal-programmi EGNOS u GALILEO, u fl-2019 l-Aġenzija ħallset EUR 55,5 miljun fl-ambitu tal-arranġament ta' ħidma ta' EGNOS u EUR 223,7 miljun fl-ambitu tal-arranġament ta' ħidma ta' GALILEO; jinnota mir-rapport tal-Qorti li hemm riskju li l-pagamenti tal-Aġenzija lill-ASE jistgħu jiġu kkalkulati abbażi ta' kostijiet mhux preċiżi minħabba n-nuqqas ta' strateġija ex ante jew ex post komprensiva; jinnota mit-tweġiba tal-Aġenzija li jitwettaq kontroll ex ante biex jiġi kkonfermat li l-ammonti tat-talbiet għal pagament jaqblu mal-pjanijiet ta' pagament rispettivi u l-prefinanzjament iddikjarati fil-ftehimiet ta' ħidma u li l-kontroll ex post mhuwiex applikabbli peress li l-Aġenzija għandha obbligu kuntrattwali li tħallas; jinnota mit-tweġiba tal-Aġenzija li għandha tikkommetti ruħha li tieħu l-kontroll ex post, b'mod partikolari r-rikonċiljazzjoni sħiħa tal-ispejjeż u tal-attivitajiet mat-talbiet għall-ispejjeż, bejn l-2020 u l-2023; |
30. |
Jinnota mir-rapport tal-Qorti li l-Aġenzija qed tesperjenza dewmien fl-implimentazzjoni tal-qafas ta' kontroll intern il-ġdid tagħha, li kellu jiġi approvat fl-2019, u fl-approvazzjoni tal-pjan tal-kontinwità tan-negozju tagħha, li kien is-suġġett ta' inkjesti ta' segwitu mill-Qorti mill-2015 u ġie approvat biss fil-15 ta' Mejju 2020, u b'hekk jikkostitwixxi nuqqasijiet interni kbar fil-proċeduri tal-Aġenzija; jinnota mit-tweġiba tal-Aġenzija li beħsiebha tiffinalizza l-qafas ta' kontroll intern tagħha fl-2020; |
31. |
Jinnota li s-servizz tal-awditjar intern (IAS) ressaq rapport tal-awditjar dwar l-Isfruttament tal-EGNOS f'Novembru 2019 b'ħames rakkomandazzjonijiet importanti u kwistjoni waħda identifikata biex tiġi kkunsidrata; jistieden lill-Aġenzija tirrapporta lill-awtorità ta' kwittanza dwar il-progress imwettaq f'dak ir-rigward; |
32. |
Jinnota li l-kapaċità tal-awditjar intern wettqet awditu tal-"Bini tal-Kapaċitajiet tal-persunal tal-GSA" fl-2019 u, għalkemm ir-rapport ma ġiex iffinalizzat fl-2019, kien ippjanat li jiġu inklużi rakkomandazzjoni importanti ħafna u erba' rakkomandazzjonijiet importanti; jistieden lill-Aġenzija tirrapporta lill-awtorità ta' kwittanza dwar il-progress imwettaq fl-implimentazzjoni ta' dawk ir-rakkomandazzjonijiet; |
33. |
Jinnota li fl-2019 l-Aġenzija għażlet ditta tal-awditjar BDO biex twettaq it-tliet awditi esterni konswetudinarji dwar l-attività tal-2018 skont tliet ftehimiet ta' delega mad-DĠ GROW (issa DEFIS), għotjiet EGNOS, Galileo u Orizzont 2020, u kkonkludiet li l-fondi delegati mid-DĠ DEFIS kienu ntefqu kif suppost; għalkemm instabu ċerti żbalji klerikali, ma kien hemm l-ebda sejba materjali; |
34. |
Jinnota, fir-rigward tal-azzjonijiet ta' segwitu dwar il-kummenti tal-awtorità ta' kwittanza fis-snin preċedenti, li l-IAS wettaq awditu dwar "Il-Governanza tal-IT fil-GSA" fl-2018 u li l-Aġenzija fasslet pjan ta' azzjoni b'sitt azzjonijiet biex tindirizza oqsma potenzjali għal titjib; jinnota li f'Marzu 2020, l-IAS għalaq żewġ azzjonijiet u l-Aġenzija ħejjiet id-dokumentazzjoni l-oħra kollha rilevanti għall-azzjonijiet li jifdal u l-Aġenzija temmen li wara s-sottomissjoni tal-pakkett ippreparat, l-IAS se jkun jista' jagħlaq il-biċċa l-kbira tal-azzjonijiet li jifdal, jekk mhux saħansitra kollha; jistieden lill-Aġenzija tinforma lill-awtorità ta' kwittanza bl-iżviluppi f'dak ir-rigward; |
Kummenti oħra
35. |
Jinnota, fid-dawl tal-kummenti u tal-osservazzjonijiet mill-awtorità ta' kwittanza relatati mal-impenn tal-Aġenzija li timminimizza kwalunkwe impatt negattiv mid-deċiżjoni tar-Renju Unit li joħroġ mill-Unjoni, li xi kuntratti affettwati ġew assenjati mill-ġdid mill-kuntratturi tar-Renju Unit lil kumpaniji stabbiliti fit-territorju ta' wieħed mill-Istati Membri u kuntratti oħra kisbu skadenza naturali qabel id-data tal-ħruġ, u li s-sit ta' riżerva taċ-Ċentru ta' Monitoraġġ tas-Sigurtà Galileo ġie rilokat mir-Renju Unit lejn Spanja, u dan żgura kontinwità fis-servizzi; |
36. |
Jirreferi, rigward kummenti oħrajn ta' natura orizzontali li jakkumpanjaw id-deċiżjoni tiegħu dwar il-kwittanza, għar-riżoluzzjoni tiegħu tad-29 ta’ April 2021 (3) dwar il-prestazzjoni, il-ġestjoni finanzjarja u l-kontroll tal-aġenziji. |
(1) ĠU C 430, 20.12.2019, p. 12.
(2) ĠU C 430, 20.12.2019, p. 12.
(3) Testi adottati, P9_TA(2021)0215.