This document is an excerpt from the EUR-Lex website
Document 52021AR4801
Opinion of the European Committee of the Regions — Towards a socially fair implementation of the Green Deal
Opinjoni tal-Kumitat Ewropew tar-Reġjuni — Lejn implimentazzjoni soċjalment ġusta tal-Patt Ekoloġiku
Opinjoni tal-Kumitat Ewropew tar-Reġjuni — Lejn implimentazzjoni soċjalment ġusta tal-Patt Ekoloġiku
COR 2021/04801
ĠU C 301, 5.8.2022, p. 70–101
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
5.8.2022 |
MT |
Il-Ġurnal Uffiċjali tal-Unjoni Ewropea |
C 301/70 |
Opinjoni tal-Kumitat Ewropew tar-Reġjuni — Lejn implimentazzjoni soċjalment ġusta tal-Patt Ekoloġiku
(2022/C 301/12)
|
I. RAKKOMANDAZZJONIJIET SABIEX JITRESSQU EMENDI
Proposta għal Regolament tal-Parlament Ewropew u tal-Kunsill li jistabbilixxi Fond Soċjali għall-Klima
COM(2021) 568 final
Emenda 1
Premessa 7
Test propost mill-Kummissjoni Ewropea |
Emenda tal-KtR |
Sabiex jiġu implimentati l-impenji lejn in-newtralità klimatika, il-leġiżlazzjoni tal-Unjoni dwar il-klima u l-enerġija ġiet rieżaminata u emendata sabiex jitħaffef it-tnaqqis tal-emissjonijiet tal-gassijiet serra. |
Sabiex jiġu implimentati l-impenji lejn in-newtralità klimatika, il-leġiżlazzjoni tal-Unjoni dwar il-klima u l-enerġija ġiet rieżaminata u emendata sabiex jitħaffef it-tnaqqis tal-emissjonijiet tal-gassijiet serra. L-emendi jenħtieġ li ikunu konformi mal-prinċipji tal-Pilastru Ewropew tad-Drittijiet Soċjali, u jiżguraw li kulħadd ikun jista’ jibbenefika bis-sħiħ mit-tranżizzjoni ġusta u li ħadd ma jitħalla jibqa’ lura. Fond Soċjali għall-Klima ġdid għandu jikkontribwixxi biex jipproteġi u jemanċipa l-aktar unitajiet domestiċi u utenti tal-mobbiltà vulnerabbli bil-ħsieb li jinqered il-faqar enerġetiku u tal-mobbiltà madwar l-Ewropa. |
Raġuni
Evidenti.
Emenda 2
Premessa 8
Test propost mill-Kummissjoni Ewropea |
Emenda tal-KtR |
Dawk l-emendi għandhom impatti ekonomiċi u soċjali differenti fuq is-setturi differenti tal-ekonomija, fuq iċ-ċittadini , u fuq l-Istati Membri. B’mod partikolari, l-inklużjoni tal-emissjonijiet tal-gassijiet serra mill-bini u mit-trasport bit-triq fil-kamp ta’ applikazzjoni tad-Direttiva 2003/87/KE tal-Parlament Ewropew u tal-Kunsill (1) jenħtieġ li tipprovdi inċentiv ekonomiku addizzjonali biex isir investiment fit-tnaqqis tal-konsum tal-fjuwils fossili u, b’hekk, jitħaffef it-tnaqqis tal-emissjonijiet tal-gassijiet serra. Flimkien ma’ miżuri oħrajn, jenħtieġ li dan inaqqas il-kostijiet għall-bini u għat-trasport bit-triq fuq terminu medju sa twil, u jipprovdi opportunitajiet ġodda għall-ħolqien tal-impjiegi u l-investiment. |
Dawk l-emendi għandhom impatti ekonomiċi u soċjali differenti fuq is-setturi differenti tal-ekonomija, fuq l-unitajiet domestiċi, l-intrapriżi mikro u żgħar, ir-reġjuni u l-bliet , u fuq l-Istati Membri. B’mod partikolari, l-inklużjoni tal-emissjonijiet tal-gassijiet serra mill-bini u mit-trasport bit-triq fil-kamp ta’ applikazzjoni tad-Direttiva 2003/87/KE tal-Parlament Ewropew u tal-Kunsill (2) jenħtieġ li tipprovdi inċentiv ekonomiku addizzjonali biex isir investiment fit-tnaqqis tal-konsum tal-fjuwils fossili u, b’hekk, jitħaffef it-tnaqqis tal-emissjonijiet tal-gassijiet serra. Flimkien ma’ miżuri oħrajn, jenħtieġ li dan inaqqas il-kostijiet għall-bini u għat-trasport bit-triq fuq terminu medju sa twil, u jipprovdi opportunitajiet ġodda għall-ħolqien tal-impjiegi u l-investiment. |
Raġuni
Evidenti.
Emenda 3
Premessa 10
Test propost mill-Kummissjoni Ewropea |
Emenda tal-KtR |
Iż-żieda fil-prezz għall-fjuwils fossili tista’ taffettwa b’mod sproporzjonat lill-unitajiet domestiċi vulnerabbli, lill-mikrointrapriżi vulnerabbli u lill-utenti tat-trasport vulnerabbli li jonfqu parti akbar mill-introjtu tagħhom fuq l-enerġija u t-trasport, li, f’ċerti reġjuni, ma għandhomx aċċess għal soluzzjonijiet ta’ mobbiltà u trasport alternattivi u affordabbli u li jistgħu ma jkollhomx il-kapaċità finanzjarja li jinvestu fit-tnaqqis tal-konsum ta’ fjuwils fossili. |
Iż-żieda fil-prezz għall-fjuwils fossili tista’ taffettwa b’mod sproporzjonat lill-unitajiet domestiċi vulnerabbli, lill- intrapriżi mikro u żgħar vulnerabbli, u lill-utenti tal-mobbiltà vulnerabbli li jonfqu parti akbar mill-introjtu tagħhom fuq l-enerġija u t-trasport, li, f’ċerti reġjuni, ma għandhomx aċċess għal soluzzjonijiet ta’ mobbiltà u trasport alternattivi u affordabbli u li jistgħu ma jkollhomx il-kapaċità finanzjarja li jinvestu fit-tnaqqis tal-konsum ta’ fjuwils fossili . L-impatt ta’ dawn il-miżuri x’aktarx ukoll li jkun differenti ħafna skont il-kundizzjonijiet speċifiċi u l-kuntest tad-diversi reġjuni tal-UE, u jenħtieġ li dawn id-differenzi jiġu esplorati b’mod espliċitu. |
Raġuni
Huwa rilevanti li jiġi enfasizzat li d-differenzi reġjonali u lokali għandhom jiġu esplorati u analizzati. Il-Fond Soċjali għall-Klima għandu jestendi l-kamp ta’ applikazzjoni tiegħu għall-intrapriżi mikro u żgħar vulnerabbli, minflok ma jimmira biss lejn il-mikrointrapriżi.
Emenda 4
Premessa 11
Test propost mill-Kummissjoni Ewropea |
Emenda tal-KtR |
Għalhekk, parti m id-dħul iġġenerat mill-inklużjoni tal-bini u tat-trasport bit-triq fil-kamp ta’ applikazzjoni tad-Direttiva 2003/87/KE jenħtieġ li jintuża biex jiġu indirizzati l-impatti soċjali li jirriżultaw minn dik l-inklużjoni, sabiex it-tranżizzjoni tkun ġusta u inklużiva, u b’hekk ħadd ma jibqa’ lura. |
Għalhekk, id-dħul iġġenerat mill-inklużjoni tal-bini u tat-trasport bit-triq fil-kamp ta’ applikazzjoni tad-Direttiva 2003/87/KE jrid jintuża biex jiġu indirizzati l-impatti soċjali u ekonomiċi li jirriżultaw minn dik l-inklużjoni, sabiex it-tranżizzjoni tkun ġusta u inklużiva, u b’hekk ħadd ma jibqa’ lura. |
Raġuni
Id-dħul kollu ġġenerat mill-ETS għall-bini u t-trasport bit-triq se jintefaq f’miżuri biex jiġu indirizzati l-impatti soċjali kkawżati mill-iffissar ta’ prezz tal-karbonju.
Emenda 5
Premessa 12
Test propost mill-Kummissjoni Ewropea |
Emenda tal-KtR |
Dan huwa saħansitra aktar rilevanti fid-dawl tal-livelli eżistenti ta’ faqar enerġetiku. Il-faqar enerġetiku huwa sitwazzjoni li fiha l-unitajiet domestiċi ma jkunux jistgħu jaċċessaw servizzi essenzjali tal-enerġija bħat-tkessiħ, hekk kif it-temperaturi jogħlew, u t-tisħin . Fl-2018, madwar 34 miljun ċittadin Ewropew irrapportaw nuqqas ta’ kapaċità li jżommu djarhom sħan b’mod adegwat, u 6,9 % tal-popolazzjoni tal-Unjoni qalu li ma jaffordjawx li jsaħħnu djarhom b’mod suffiċjenti fi stħarriġ li sar fl-2019 madwar l-UE kollha (3). B’mod ġenerali, l-Osservatorju tal-Faqar Enerġetiku jistma li aktar minn 50 miljun unità domestika fl-Unjoni Ewropea jesperjenzaw il-faqar enerġetiku. Għalhekk, il-faqar enerġetiku huwa sfida ewlenija għall-Unjoni. Filwaqt li t-tariffi soċjali jew l-appoġġ dirett għall-introjtu jistgħu jipprovdu serħan immedjat lill-unitajiet domestiċi li qed jiffaċċjaw il-faqar enerġetiku, huma biss il-miżuri strutturali mmirati, b’mod partikolari r-rinnovazzjonijiet tal-enerġija, li jistgħu jipprovdu soluzzjonijiet fit-tul. |
Dan huwa saħansitra aktar rilevanti fid-dawl tal-livelli eżistenti ta’ faqar enerġetiku. Il-faqar enerġetiku huwa sitwazzjoni li fiha l-unitajiet domestiċi ma jkollhomx aċċess għal servizzi essenzjali tal-enerġija li fuqhom jissejjes standard deċenti ta’ għajxien u saħħa, inklużi tisħin, tkessiħ, dawl, u enerġija – ilkoll adegwati – għall-apparati elettriċi, fil-kuntest rilevanti nazzjonali jew reġjonali, u fil-politika soċjali rilevanti eżistenti u politiki rilevanti oħra, ħafna drabi b’riżultat ta’ introjtu baxx, il-fatt li n-nefqa fuq l-enerġija tirrappreżenta sehem għoli u effiċjenza enerġetika baxxa bħala parti mill-introjtu disponibbli tagħhom . Fl-2018, madwar 34 miljun ċittadin Ewropew irrapportaw nuqqas ta’ kapaċità li jżommu djarhom sħan b’mod adegwat, u 6,9 % tal-popolazzjoni tal-Unjoni qalu li ma jaffordjawx li jsaħħnu djarhom b’mod suffiċjenti fi stħarriġ li sar fl-2019 madwar l-UE kollha (4). B’mod ġenerali, l-Osservatorju tal-Faqar Enerġetiku jistma li aktar minn 50 miljun unità domestika fl-Unjoni Ewropea jesperjenzaw il-faqar enerġetiku. Għalhekk, il-faqar enerġetiku u tal-mobbiltà huwa sfida ewlenija għall-Unjoni . Minkejja li l-importanza ta’ din l-isfida ġiet rikonoxxuta fil-livell tal-Unjoni għal iżjed minn għaxar snin permezz ta’ inizjattivi, leġiżlazzjoni u linji gwida differenti, ma hemm l-ebda definizzjoni standard fil-livell tal-Unjoni tal-faqar enerġetiku jew tal-mobbiltà; għalhekk, l-indikaturi meħtieġa biex dan jitkejjel jeħtieġ li jiġu żviluppati b’attenzjoni sħiħa għad-diversità reġjonali u lokali, peress li terz biss tal-Istati Membri stabbilixxew definizzjoni nazzjonali tal-faqar enerġetiku. B’riżultat ta’ dan, ma hija disponibbli l-ebda data trasparenti u komparabbli dwar il-faqar enerġetiku fl-Unjoni. Għalhekk, jenħtieġ li tiġi stabbilita definizzjoni fil-livell tal-Unjoni biex jiġi indirizzat b’mod effettiv il-faqar enerġetiku u jitkejjel il-progress fl-Istati Membri kollha . Filwaqt li t-tariffi soċjali jew l-appoġġ dirett għall-introjtu jistgħu jipprovdu serħan immedjat lill-unitajiet domestiċi li qed jiffaċċjaw il-faqar enerġetiku, huma biss il-miżuri strutturali mmirati, l-applikazzjoni tal-prinċipju “l-effiċjenza enerġetika tiġi l-ewwel”, l-installazzjoni ta’ sorsi addizzjonali ta’ enerġija rinnovabbli, inkluż permezz ta’ proġetti mmexxija mill-komunità, b’mod partikolari r-ristawr tal-enerġija, li jistgħu jipprovdu soluzzjonijiet fit-tul u jgħinu b’mod effettiv fil-ġlieda kontra l-faqar enerġetiku . |
Raġuni
Jenħtieġ li jiġu ddeterminati definizzjoni u kunċett ċari u standardizzati tal-faqar enerġetiku, b’approċċ konġunt, trasversali, flessibbli u kkoordinat għall-aspetti soċjali, tekniċi, ekonomiċi u baġitarji differenti.
Emenda 6
Premessa 14
Test propost mill-Kummissjoni Ewropea |
Emenda tal-KtR |
Għal dak l-għan, jenħtieġ li kull Stat Membru jissottometti Pjan Soċjali għall-Klima (“il-Pjan”) lill-Kummissjoni. Jenħtieġ li dawk il-Pjanijiet isegwu żewġ objettivi. L-ewwel nett, jenħtieġ li dawn jipprovdu lill- unitajiet domestiċi vulnerabbli, lill-mikrointrapriżi vulnerabbli u lill-utenti tat-trasport vulnerabbli, ir-riżorsi meħtieġa biex jiffinanzjaw u jwettqu investimenti fl-effiċjenza enerġetika, fid-dekarbonizzazzjoni tat-tisħin u tat-tkessiħ, f’vetturi b’emissjonijiet żero u baxxi u fil- mobbiltà. It-tieni nett , jenħtieġ li huma jtaffu l-impatt taż-żieda fil-kost tal-fjuwils fossili fuq dawk l-aktar vulnerabbli u, b’hekk, jipprevjenu l-faqar enerġetiku u tat-trasport matul il-perjodu ta’ tranżizzjoni sakemm ikunu ġew implimentati tali investimenti. Jenħtieġ li l-Pjanijiet ikollhom komponent ta’ investiment li jippromwovi s-soluzzjoni fit-tul għat-tnaqqis tad-dipendenza fuq il-fjuwils fossili u jistgħu jipprevedu miżuri oħrajn , inkluż l-appoġġ għall-introjtu dirett temporanju biex jittaffew l-effetti negattivi fuq l-introjtu fuq perjodu ta’ żmien iqsar. |
Għal dak l-għan, jenħtieġ li kull Stat Membru jissottometti Pjan Soċjali għall-Klima (“il-Pjan”) lill-Kummissjoni. Jenħtieġ li dawk il-Pjanijiet isegwu żewġ objettivi. L-ewwel nett, jenħtieġ li jidentifikaw u jimmappjaw l-unitajiet domestiċi li jinsabu f’sitwazzjoni ta’ faqar enerġetiku u ta’ mobbiltà, jew jinsabu f’riskju li jispiċċaw f’faqar enerġetiku, u l-intrapriżi mikro u żgħar vulnerabbli, u jipprovdu analiżi dettaljata, imwettqa flimkien mal-awtoritajiet lokali u reġjonali, l-imsieħba soċjali u s-soċjetà ċivili, dwar il-kawżi ewlenin tal-faqar enerġetiku u ta’ mobbiltà fit-territorji rispettivi tagħhom. Jenħtieġ li l-Pjanijiet jistabbilixxu wkoll miri għall-qerda progressiva u effettiva tal-faqar enerġetiku u ta’ mobbiltà. It-tieni, jenħtieġ li jipprovdu lill-unitajiet domestiċi fil-faqar enerġetiku u lill-persuni li jiffaċċjaw faqar ta’ mobbiltà, kif ukoll lill-intrapriżi mikro u żgħar, ir-riżorsi meħtieġa biex jiffinanzjaw u jwettqu investimenti fir-rinnovazzjoni profonda tal-bini, b’mod partikolari fil-bini bl-agħar prestazzjoni u fl-akkomodazzjoni soċjali, fit-tħaddim ta’ kwalunkwe domanda residwa għat-tisħin u t-tkessiħ b’enerġija rinnovabbli, u fil-mobbiltà b’emissjonijiet żero. Jenħtieġ , fuq kollox, li l-Pjanijiet ikollhom komponent ta’ investiment li jippromovi soluzzjonijiet għall-eliminazzjoni gradwali tad-dipendenza fuq il-fjuwils fossili. Jistgħu jiġu previsti miżuri oħrajn bħall-appoġġ dirett iżda jenħtieġ li jkunu limitati fiż-żmien u kkundizzjonati għal investimenti fit-tul b’impatti fit-tul . |
Raġuni
L-immappjar għandu jinkludi wkoll unitajiet domestiċi li għadhom mhux milquta mill-faqar enerġetiku, iżda li jistgħu faċilment jispiċċaw f’din is-sitwazzjoni fil-futur qrib, minħabba iżolazzjoni ħażina u prezzijiet tal-enerġija li qed jogħlew.
Emenda 7
Premessa 15
Test propost mill-Kummissjoni Ewropea |
Emenda tal-KtR |
L-Istati Membri, f’konsultazzjoni mal-awtoritajiet fil-livell reġjonali, huma fl-aħjar pożizzjoni biex ifasslu u jimplimentaw Pjanijiet li huma adattati u mmirati għaċ-ċirkostanzi lokali, reġjonali u nazzjonali tagħhom bħall-politiki eżistenti tagħhom fl-oqsma rilevanti u l-użu ppjanat ta’ fondi rilevanti oħrajn tal-UE. B’dak il-mod, id-diversità wiesgħa tas-sitwazzjonijiet, l-għarfien speċifiku tal-gvernijiet lokali u reġjonali, ir-riċerka u l-innovazzjoni u r-relazzjonijiet industrijali u l-istrutturi ta’ djalogu soċjali, kif ukoll it-tradizzjonijiet nazzjonali, jistgħu jiġu rrispettati bl-aħjar mod u jikkontribwixxu għall-effettività u l-effiċjenza tal-appoġġ globali lil dawk li huma vulnerabbli. |
L-Istati Membri, f’konsultazzjoni mal-awtoritajiet fil-livell reġjonali, lokali, urban u awtoritajiet pubbliċi oħra, is-soċjetà ċivili, l-imsieħba ekonomiċi u soċjali, huma fl-aħjar pożizzjoni biex ifasslu u jimplimentaw Pjanijiet li huma adattati u mmirati għaċ-ċirkostanzi lokali, reġjonali u nazzjonali tagħhom bħall-politiki eżistenti tagħhom fl-oqsma rilevanti u l-użu ppjanat ta’ fondi rilevanti oħrajn tal-UE. B’dak il-mod, id-diversità wiesgħa tas-sitwazzjonijiet, l-għarfien speċifiku tal-gvernijiet lokali u reġjonali, tal-imsieħba soċjali u ekonomiċi u tas-soċjetà ċivili, ir-riċerka u l-innovazzjoni u r-relazzjonijiet industrijali u l-istrutturi ta’ djalogu soċjali, kif ukoll it-tradizzjonijiet nazzjonali, jistgħu jiġu rrispettati bl-aħjar mod u jikkontribwixxu għall-effettività u l-effiċjenza tal-appoġġ globali lil dawk li huma vulnerabbli. |
Raġuni
L-awtoritajiet lokali u reġjonali għandhom jiġu rikonoxxuti bħala atturi ewlenin fl-implimentazzjoni u l-abbozzar tal-pjanijiet.
Is-soċjetà ċivili u l-imsieħba ekonomiċi u soċjali wkoll għandhom rwol x’jaqdu.
Emenda 8
Premessa 16
Test propost mill-Kummissjoni Ewropea |
Emenda tal-KtR |
L-iżgurar li l-miżuri u l-investimenti jkunu mmirati b’mod partikolari lejn unitajiet domestiċi foqra jew vulnerabbli fl-enerġija, mikrointrapriżi vulnerabbli u utenti tat-trasport vulnerabbli huwa kruċjali għal tranżizzjoni ġusta lejn in-newtralità klimatika. Il-miżuri ta’ appoġġ maħsuba biex jippromwovu t-tnaqqis fl-emissjonijiet tal-gassijiet serra jenħtieġ li jgħinu lill-Istati Membri jindirizzaw l-impatti soċjali li jirriżultaw mill-iskambju ta’ kwoti tal-emissjonijiet għas-setturi tal-bini u tat-trasport bit-triq. |
L-iżgurar li l-miżuri u l-investimenti jkunu mmirati b’mod partikolari lejn unitajiet domestiċi foqra jew vulnerabbli fl-enerġija, intrapriżi mikro u żgħar vulnerabbli, u utenti tal-mobbiltà vulnerabbli huwa kruċjali għal tranżizzjoni ġusta lejn in-newtralità klimatika. Il-miżuri ta’ appoġġ maħsuba biex jippromwovu t-tnaqqis fl-emissjonijiet tal-gassijiet serra jenħtieġ li jgħinu lill-Istati Membri , lir-reġjuni u lill-bliet jindirizzaw l-impatti soċjali li jirriżultaw mill-iskambju ta’ kwoti tal-emissjonijiet għas-setturi tal-bini u tat-trasport bit-triq. |
Raġuni
Il-gvernijiet sottonazzjonali huma responsabbli wkoll għall-protezzjoni tal-unitajiet domestiċi vulnerabbli, l-intrapriżi mikro u żgħar, u l-utenti tal-mobbiltà fit-tranżizzjoni ġusta, iżda biex jeżerċitaw il-kompetenzi tagħhom b’mod effettiv jeħtieġu wkoll skemi ta’ appoġġ.
Emenda 9
Premessa 20
Test propost mill-Kummissjoni Ewropea |
Emenda tal-KtR |
Jenħtieġ li l-Istati Membri jippreżentaw il-Pjanijiet tagħhom flimkien mal-aġġornament tal-pjanijiet nazzjonali integrati tagħhom dwar l-enerġija u l-klima f’konformità mal-Artikolu 14 tar-Regolament (UE) 2018/1999 tal-Parlament Ewropew u tal-Kunsill. Jenħtieġ li l-Pjanijiet jinkludu l- miżuri li għandhom jiġu ffinanzjati, il-kostijiet stmati tagħhom u l-kontribuzzjoni nazzjonali. Jenħtieġ li dawn jinkludu wkoll l-objettivi intermedji u l-miri ewlenin biex tiġi vvalutata l-implimentazzjoni effettiva tal-miżuri. |
Jenħtieġ li l-Istati Membri jippreżentaw il-Pjanijiet tagħhom flimkien mal-aġġornament tal-pjanijiet nazzjonali integrati tagħhom dwar l-enerġija u l-klima f’konformità mal-Artikolu 14 tar-Regolament (UE) 2018/1999 tal-Parlament Ewropew u tal-Kunsill , li jitfasslu b’kooperazzjoni mill-qrib u sinifikanti mal-awtoritajiet lokali u reġjonali, b’konformità mal-prinċipji tal-kodiċi ta’ kondotta Ewropew dwar is-sħubijiet stabbilit bir-Regolament Delegat tal-Kummissjoni (UE) Nru 240/2014 . Jenħtieġ li l-Pjanijiet jinkludu stima tal-impatti mistennija u tal-finanzjament f’reġjuni differenti, mill-inqas fil-livell NUTS 3, il- miżuri li għandhom jiġu ffinanzjati, il-kostijiet stmati tagħhom u l-kontribuzzjoni nazzjonali. Jenħtieġ li dawn jinkludu wkoll l-objettivi intermedji u l-miri ewlenin biex tiġi vvalutata l-implimentazzjoni effettiva tal-miżuri u sistema ta’ monitoraġġ . Jenħtieġ li r-reġjuni jkollhom il-possibbiltà li jfasslu l-pjanijiet tagħhom stess, speċjalment ir-reġjuni rurali, muntanjużi, periferiċi u insulari . |
Raġuni
Il-pjanijiet għandhom jinkludu stima tal-impatti mistennija f’reġjuni differenti u jipprevedu sistema għall-monitoraġġ tal-implimentazzjoni, peress li l-gvernijiet lokali u reġjonali għandhom għarfien aħjar tal-kuntest soċjoekonomiku taż-żoni lokali tagħhom. L-involviment sinifikanti tal-awtoritajiet lokali u reġjonali fit-tfassil u l-implimentazzjoni tal-Pjani Soċjali għall-Klima huwa kruċjali għas-suċċess tal-Fond, peress li parti sinifikanti tal-miżuri jeħtieġ li tiġi implimentata fil-livell lokali biex dawn ikunu ta’ suċċess, minħabba l-fatturi u d-differenzi territorjali.
Emenda 10
Premessa 21
Test propost mill-Kummissjoni Ewropea |
Emenda tal-KtR |
Il-Fond u l-Pjanijiet jenħtieġ li jkunu koerenti mar-riformi ppjanati u mal-impenji magħmula mill-Istati Membri skont il-pjanijiet nazzjonali integrati u aġġornati tagħhom dwar l-enerġija u l-klima f’konformità mar-Regolament (UE) 2018/1999, u jitfasslu minnhom, skont id-Direttiva [ssss/nnn] tal-Parlament Ewropew u tal-Kunsill [Proposta għal riformulazzjoni tad-Direttiva 2012/27/UE dwar l-effiċjenza enerġetika], il-Pjan ta’ Azzjoni tal-Pilastru Ewropew tad-Drittijiet Soċjali (5) , il-Fond Soċjali Ewropew Plus (FSE+) stabbilit bir-Regolament (UE) 2021/1057 tal-Parlament Ewropew u tal-Kunsill (6) , il-Pjanijiet għal Tranżizzjoni Ġusta skont ir-Regolament (UE) 2021/1056 tal-Parlament Ewropew u tal-Kunsill (7) u l-istrateġiji fit-tul dwar ir-rinnovazzjoni tal-bini tal-Istati Membri skont id-Direttiva 2010/31/UE tal-Parlament Ewropew u tal-Kunsill (8). Sabiex tiġi żgurata l-effiċjenza amministrattiva, fejn applikabbli, jenħtieġ li l-informazzjoni inkluża fil-Pjanijiet tkun konsistenti mal-leġiżlazzjoni u l-pjanijiet elenkati hawn fuq. |
Il-Fond u l-Pjanijiet – minbarra li jkunu allinjati mal-fondi strutturali u ta’ tranżizzjoni l-oħra, jiġifieri l-FEŻR, l-FSE+, l-FK u l-JTF, jenħtieġ li jkunu koerenti mar-riformi ppjanati u mal-impenji magħmula mill-Istati Membri skont il-pjanijiet nazzjonali integrati u aġġornati tagħhom dwar l-enerġija u l-klima f’konformità mar-Regolament (UE) 2018/1999, u jitfasslu minnhom, skont id-Direttiva [ssss/nnn] tal-Parlament Ewropew u tal-Kunsill [Proposta għal riformulazzjoni tad-Direttiva 2012/27/UE dwar l-effiċjenza enerġetika], id-Direttiva [ssss/nnn] tal-Parlament Ewropew u tal-Kunsill [li temenda d-Direttiva (UE) 2018/2001 tal-Parlament Ewropew u tal-Kunsill, ir-Regolament (UE) 2018/1999 tal-Parlament Ewropew u tal-Kunsill u d-Direttiva 98/70/KE tal-Parlament Ewropew u tal-Kunsill fir-rigward tal-promozzjoni tal-enerġija minn sorsi rinnovabbli] u l-istrateġiji fit-tul dwar ir-rinnovazzjoni tal-bini tal-Istati Membri skont id-Direttiva 2010/31/UE tal-Parlament Ewropew u tal-Kunsill (9). Sabiex tiġi żgurata l-effiċjenza amministrattiva, fejn applikabbli, jenħtieġ li l-informazzjoni inkluża fil-Pjanijiet tkun konsistenti mal-leġiżlazzjoni u l-pjanijiet elenkati hawn fuq. |
Emenda 11
Premessa 22
Test propost mill-Kummissjoni Ewropea |
Emenda tal-KtR |
Jenħtieġ li l-Unjoni tappoġġa lill-Istati Membri b’mezzi finanzjarji biex jimplimentaw il-Pjanijiet tagħhom permezz tal-Fond Soċjali għall-Klima. Il- pagamenti mill-Fond Soċjali għall-Klima jenħtieġ li jsiru bil-kundizzjoni li jiġu ssodisfati l-objettivi intermedji u l-miri inklużi fil-Pjanijiet. Dan jippermetti li jitqiesu b’mod effiċjenti ċ-ċirkostanzi u l-prijoritajiet nazzjonali, filwaqt li jiġi ssimplifikat il-finanzjament u tiġi ffaċilitata l-integrazzjoni tiegħu ma’ programmi ta’ nfiq nazzjonali oħrajn, kif ukoll jiġu ggarantiti l-impatt u l-integrità tan-nefqa tal-UE . |
Jenħtieġ li l-Unjoni tappoġġa lill-Istati Membri b’mezzi finanzjarji permezz ta’ ġestjoni kondiviża biex jimplimentaw il-Pjanijiet tagħhom permezz tal-Fond Soċjali għall-Klima. Sabiex jiġi żgurat l-aktar użu effiċjenti tal-fondi tal-UE, il- pagamenti mill-Fond Soċjali għall-Klima jenħtieġ li jsiru bil-kundizzjoni li jiġu ssodisfati l-objettivi intermedji u l-miri inklużi fil-Pjanijiet , kif ukoll kondizzjonali fuq l-adozzjoni mill-Istati Membri ta’ miri u miżuri legalment vinkolanti għall-eliminazzjoni gradwali tal-fjuwils fossili kollha f’perjodu ta’ żmien konsistenti mal-objettiv li t-tisħin globali jiġi limitat għal 1,5 oC ’il fuq mil-livelli preindustrijali, inkluż l-eliminazzjoni gradwali tal-fjuwils fossili solidi sa mhux aktar tard mill-2030 u tal-gass fossili sal-2040. |
Raġuni
Evidenti.
Emenda 12
Premessa 23
Test propost mill-Kummissjoni Ewropea |
Emenda tal-KtR |
Fil-prinċipju, jenħtieġ li l-pakkett finanzjarju tal-Fond ikun proporzjonat għal ammonti li jikkorrispondu għal 25 % tad-dħul mistenni mill-inklużjoni tal-bini u tat-trasport bit-triq fil-kamp ta’ applikazzjoni tad-Direttiva 2003/87/KE fil-perjodu 2026-2032. Skont id-Deċiżjoni tal-Kunsill (UE, Euratom) 2020/2053, jenħtieġ li l-Istati Membri jagħmlu dak id-dħul disponibbli għall-baġit tal-Unjoni bħala riżorsi proprji. L-Istati Membri għandhom jiffinanzjaw 50 % tal-kostijiet totali tal-Pjan tagħhom huma stess. Għal dan l-iskop, kif ukoll għall-investiment u l-miżuri biex titħaffef u tittaffa t-tranżizzjoni meħtieġa għaċ-ċittadini affettwati b’mod negattiv, jenħtieġ li l-Istati Membri, inter alia , jużaw id-dħul mistenni tagħhom mill-iskambju ta’ kwoti tal-emissjonijiet għall-bini u għat-trasport bit-triq skont id-Direttiva 2003/87/KE għal dak l-iskop. |
Jenħtieġ li l-pakkett finanzjarju tal-Fond ikun proporzjonat għal ammonti li jikkorrispondu għal mill-inqas 25 % tad-dħul mill-inklużjoni tal-bini u tat-trasport bit-triq fil-kamp ta’ applikazzjoni tad-Direttiva 2003/87/KE fil-perjodu 2026-2032. Skont id-Deċiżjoni tal-Kunsill (UE, Euratom) 2020/2053, jenħtieġ li l-Istati Membri jagħmlu dak id-dħul disponibbli għall-baġit tal-Unjoni bħala riżorsi proprji. L-Istati Membri għandhom jiffinanzjaw 35 % tal-kostijiet totali tal-Pjan tagħhom huma stess. Għal dan l-iskop, kif ukoll għall-investiment u l-miżuri biex titħaffef u tittaffa t-tranżizzjoni meħtieġa għaċ-ċittadini affettwati b’mod negattiv, jenħtieġ li l-Istati Membri jużaw id-dħul mistenni tagħhom mill-iskambju ta’ kwoti tal-emissjonijiet għall-bini u għat-trasport bit-triq skont id-Direttiva 2003/87/KE għal dak l-iskop. |
|
L-Istati Membri jenħtieġ li jistabbilixxu limitu minimu ta’ 35 % tad-dħul li għandu jiġi allokat lill-awtoritajiet lokali u reġjonali, u li għandu jintuża għall-implimentazzjoni ta’ miżuri li jindirizzaw l-impatti soċjali tal-inklużjoni tas-settur tal-bini u t-trasport bit-triq fis-sistema għall-iskambju ta’ kwoti tal-emissjonijiet. Jenħtieġ li tiġi ppjanata flessibbiltà li tippermetti li sehem akbar tal-Fond jiġi mmirat lejn ir-reġjuni l-aktar vulnerabbli . |
Raġuni
Il-pakkett tal-Fond Soċjali għall-Klima jista’ jilħaq il-potenzjal tiegħu biss b’kofinanzjament ogħla, peress li dak propost jista’ jippenalizza lill-Istati Membri u lir-reġjuni b’kapaċità fiskali aktar limitata. L-awtoritajiet lokali u reġjonali għandhom jingħataw ukoll aċċess dirett għall-finanzjament u r-riżorsi.
Emenda 13
Premessa 24
Test propost mill-Kummissjoni Ewropea |
Emenda tal-KtR |
|
Il-Fond Soċjali għall-Klima se jkun mogħni b’allokazzjoni bażi fil-baġit tal-UE, li se jibbenefika wkoll minn rinforzi annwali f’allinjament ma’ prezz ogħla tal-karbonju, permezz ta’ aġġustament awtomatiku tal-limiti massimi rilevanti tal-QFP, sabiex l-unitajiet domestiċi u l-utenti tat-trasport jiġu appoġġjati aktar biex jagħmlu t-tranżizzjoni klimatika. Dan għandu jkun parti integrali mill-baġit tal-UE sabiex tiġi ppreservata l-unità u l-integrità tal-baġit, jiġi rispettat il-metodu Komunitarju u jiġi żgurat li jkun hemm kontroll effettiv mill-awtorità baġitarja, magħmula mill-Parlament u mill-Kunsill. |
Raġuni
Evidenti.
Emenda 14
Premessa 25
Test propost mill-Kummissjoni Ewropea |
Emenda tal-KtR |
Sabiex tiġi żgurata allokazzjoni effiċjenti u koerenti tal-fondi u jiġi rrispettat il-prinċipju ta’ ġestjoni finanzjarja tajba, jenħtieġ li l-azzjonijiet taħt dan ir-Regolament ikunu konsistenti mal-programmi kontinwi tal-Unjoni, u jkunu komplementari għalihom, filwaqt li jevitaw finanzjament doppju mill- Fond u minn programmi oħrajn tal-Unjoni għall-istess nefqa. […] |
Sabiex tiġi żgurata allokazzjoni effiċjenti u koerenti tal-fondi u jiġi rrispettat il-prinċipju ta’ ġestjoni finanzjarja tajba, jenħtieġ li l-azzjonijiet taħt dan ir-Regolament ikunu konsistenti mal-programmi , l-istrumenti u l-fondi kontinwi tal-Unjoni, nazzjonali u fejn adatt, dawk reġjonali, u jkunu kemm addizzjonali kif ukoll komplementari għalihom, filwaqt li jevitaw finanzjament doppju u li l- Fond jissostitwixxi programmi , strumenti u fondi għall-istess nefqa. […] |
Raġuni
Evidenti.
Emenda 15
Artikolu 1
Test propost mill-Kummissjoni Ewropea |
Emenda tal-KtR |
Il-Fond Soċjali għall-Klima (“il-Fond”) huwa stabbilit. |
Il-Fond Soċjali għall-Klima (“il-Fond”) huwa stabbilit. |
Huwa għandu jipprovdi appoġġ lill-Istati Membri għall-finanzjament tal-miżuri u tal-investimenti inklużi fil-Pjanijiet Soċjali għall-Klima tagħhom (“il-Pjanijiet”). |
Huwa għandu jipprovdi appoġġ b’ġestjoni kondiviża lill-Istati Membri u lir-reġjuni għall-finanzjament tal-miżuri u tal-investimenti inklużi fil-Pjanijiet Soċjali Nazzjonali jew Reġjonali għall-Klima tagħhom (“il-Pjanijiet”) bħala parti mill-fondi strutturali tagħhom . |
Il-miżuri u l-investimenti appoġġati mill-Fond għandhom ikunu ta’ benefiċċju għall-unitajiet domestiċi, għall- mikrointrapriżi u għall-utenti tat-trasport, li huma vulnerabbli u partikolarment affettwati mill-inklużjoni tal-emissjonijiet tal-gassijiet serra mill-bini u mit-trasport bit-triq fil-kamp ta’ applikazzjoni tad-Direttiva 2003/87/KE, speċjalment l-unitajiet domestiċi fil-faqar enerġetiku u ċ-ċittadini mingħajr trasport pubbliku alternattiv għal karozzi individwali (f’żoni remoti u rurali). |
Il-miżuri u l-investimenti appoġġati mill-Fond għandhom ikunu ta’ benefiċċju għall-unitajiet domestiċi, għall- intrapriżi mikro u żgħar, u għall-utenti tat-trasport, li huma vulnerabbli u partikolarment affettwati mill-inklużjoni tal-emissjonijiet tal-gassijiet serra mill-bini u mit-trasport bit-triq fil-kamp ta’ applikazzjoni tad-Direttiva 2003/87/KE, speċjalment l-unitajiet domestiċi fil-faqar enerġetiku u ċ-ċittadini li jinsabu f’sitwazzjoni ta’ faqar fit- trasport , inkluż l-appoġġ għal mobbiltà motorizzata individwali f’żoni remoti u rurali li jiffaċċjaw sfidi relatati mal-mobbiltà minħabba nuqqas ta’ trasport pubbliku . |
L-objettiv ġenerali tal-Fond huwa li jikkontribwixxi għat-tranżizzjoni lejn in-newtralità klimatika billi jindirizza l-impatti soċjali tal-inklużjoni tal-emissjonijiet tal-gassijiet serra mill-bini u mit-trasport bit-triq fil-kamp ta’ applikazzjoni tad-Direttiva 2003/87/KE. L-objettiv speċifiku tal-Fond huwa li jappoġġa lil unitajiet domestiċi vulnerabbli, mikrointrapriżi vulnerabbli u utenti tat-trasport vulnerabbli permezz ta’ appoġġ temporanju dirett għall-introjtu u permezz ta’ miżuri u investimenti maħsuba biex iżidu l-effiċjenza enerġetika tal-binjiet, id-dekarbonizzazzjoni tat-tisħin u tat-tkessiħ tal-bini, inkluża l-integrazzjoni tal-enerġija minn sorsi rinnovabbli, u l-għoti ta’ aċċess imtejjeb għal mobbiltà u trasport b’emissjonijiet żero u baxxi. |
L-objettiv ġenerali tal-Fond huwa li jikkontribwixxi għat-tranżizzjoni lejn in-newtralità klimatika billi jindirizza l-impatti soċjali tal-inklużjoni tal-emissjonijiet tal-gassijiet serra mill-bini u mit-trasport bit-triq fil-kamp ta’ applikazzjoni tad-Direttiva 2003/87/KE. L-objettiv speċifiku tal-Fond huwa li jappoġġa lil unitajiet domestiċi vulnerabbli, intrapriżi mikro u żgħar vulnerabbli u utenti tal-mobbiltà vulnerabbli permezz ta’ appoġġ temporanju dirett għall-introjtu u permezz ta’ miżuri u investimenti maħsuba biex iżidu l-effiċjenza enerġetika tal-binjiet, id-dekarbonizzazzjoni tat-tisħin u tat-tkessiħ tal-bini, inkluża l-integrazzjoni tal-enerġija minn sorsi rinnovabbli, u l-għoti ta’ aċċess imtejjeb għal soluzzjonijiet ta’ mobbiltà sostenibbli b’emissjonijiet żero u baxxi u servizzi ta’ trasport integrati, inklużi trasport pubbliku sostenibbli, trasport kondiviż, disinn favorevoli għaċ-ċikliżmu u għal żoni pedonali. |
Raġuni
Il-fokus tal-Fond huwa fuq individwi vulnerabbli. Kunsiderazzjonijiet ġeografiċi, klimatiċi, soċjali u ekonomiċi li jistgħu jiddeterminaw il-vulnerabbiltà ta’ individwu għandhom komponent territorjali. Il-fatturi reġjonali għandhom rwol kruċjali fid-definizzjoni tal-vulnerabbiltà. It-tfassil ta’ Pjani Soċjali għall-Klima li jagħtu dettalji dwar il-miżuri konkreti biex jiġu indirizzati l-inugwaljanzi kkawżati mit-tranżizzjoni ekoloġika, għandhom jitwettqu wkoll mill-awtoritajiet lokali u reġjonali, jekk ikunu jixtiequ jagħmlu dan.
Ċittadini li għandhom trasport pubbliku alternattiv iżda li ma għandhomx mezzi ekonomiċi biżżejjed jew li qed jesperjenzaw diffikultajiet soċjali għandhom ikunu wkoll fil-mira.
Il-Fond għandu jikkostitwixxi parti mill-fondi strutturali.
Emenda 16
Artikolu 2
Test propost mill-Kummissjoni Ewropea |
Emenda tal-KtR |
||||
(…) |
(…) |
||||
|
|
||||
(…) |
(…) |
||||
|
|
||||
|
|
||||
|
|
||||
|
|
||||
|
|
Raġuni
L-inklużjoni ta’ definizzjonijiet sabiex jiġu ċċarati l-benefiċjarji.
Emenda 17
Artikolu 3(1)
Test propost mill-Kummissjoni Ewropea |
Emenda tal-KtR |
Kull Stat Membru għandu jissottometti lill-Kummissjoni Pjan Soċjali għall-Klima (“il-Pjan”) flimkien mal-aġġornament tal-pjan nazzjonali integrat dwar l-enerġija u l-klima msemmi fl-Artikolu 14(2) tar-Regolament (UE) 2018/1999 f’konformità mal-proċedura u mal-iskeda ta’ żmien stabbiliti f’dak l-Artikolu. Il-Pjan għandu jinkludi sett koerenti ta’ miżuri u investimenti maħsuba biex jindirizzaw l-impatt tal-ipprezzar tal-karbonju fuq unitajiet domestiċi vulnerabbli, mikrointrapriżi vulnerabbli u utenti tat-trasport vulnerabbli sabiex jiġu żgurati tisħin, tkessiħ u mobbiltà affordabbli, filwaqt li jakkumpanjaw u jħaffu l-miżuri meħtieġa biex jintlaħqu l-miri klimatiċi tal-Unjoni. |
Kull Stat Membru għandu jissottometti lill-Kummissjoni, bħala parti mid-dokumenti ta’ programmazzjoni għall-Fondi Strutturali, u abbażi tal-prinċipji ta’ sħubija u ta’ governanza f’diversi livelli, Pjan Soċjali għall-Klima (“il-Pjan”) flimkien mal-aġġornament tal-pjan nazzjonali integrat dwar l-enerġija u l-klima msemmi fl-Artikolu 14(2) tar-Regolament (UE) 2018/1999 f’konformità mal-proċedura u mal-iskeda ta’ żmien stabbiliti f’dak l-Artikolu. Il-Pjan għandu jinkludi sett koerenti ta’ miżuri u investimenti maħsuba biex jindirizzaw l-impatt tal-ipprezzar tal-karbonju fuq unitajiet domestiċi vulnerabbli, l-intrapriżi mikro u żgħar vulnerabbli u utenti tat-trasport vulnerabbli sabiex jiġu żgurati tisħin, tkessiħ u mobbiltà affordabbli, filwaqt li jakkumpanjaw u jħaffu l-miżuri meħtieġa biex jintlaħqu l-miri klimatiċi tal-Unjoni. Fit-twaqqif tal-Pjani tagħhom, l-Istati Membri għandhom jikkooperaw mill-qrib mal-awtoritajiet reġjonali u lokali li għandhom ikunu involuti fil-proċess tal-abbozzar. |
Raġuni
Pjan Soċjali għall-Klima għandu jkun parti mill-Fondi Strutturali, u għandu jitħejja minn kull Stat Membru, abbażi tal-prinċipji ta’ sħubija u ta’ governanza f’diversi livelli.
Emenda 18
Artikolu 3(2)
Test propost mill-Kummissjoni Ewropea |
Emenda tal-KtR |
Il-Pjan jista’ jinkludi miżuri nazzjonali li jipprovdu appoġġ għall-introjtu dirett temporanju lill-unitajiet domestiċi vulnerabbli u l-unitajiet domestiċi li huma utenti tat-trasport vulnerabbli biex jitnaqqas l-impatt taż-żieda fil-prezz tal-fjuwils fossili li tirriżulta mill-inklużjoni tal-bini u tat-trasport bit-triq fil-kamp ta’ applikazzjoni tad-Direttiva 2003/87/KE. |
Il-Pjan jista’ jinkludi miżuri nazzjonali u/jew sottonazzjonali li jipprovdu appoġġ dirett lill-unitajiet domestiċi u lill-persuni, dment li juru li tali appoġġ huwa proporzjonali, u huwa parti minn strateġija olistika biex dawk l-unitajiet domestiċi u persuni jinħarġu mill-faqar enerġetiku u ta’ mobbiltà, b’attenzjoni speċjali għan-nisa u l-persuni li jgħixu f’żoni remoti u inqas aċċessibbli, inklużi żoni periurbani, biex jgħinu fit-tnaqqis tal-ispejjeż immedjati tal-enerġija u tal-mobbiltà, billi jipprovdu aċċess iffaċilitat għal soluzzjonijiet ekoloġiċi effiċjenti fl-enerġija u servizzi ta’ mobbiltà kondiviżi u integrati. |
Raġuni
Evidenti.
Emenda 19
Artikolu 3(3)
Test propost mill-Kummissjoni Ewropea |
Emenda tal-KtR |
||||
Il-Pjan għandu jinkludi proġetti nazzjonali maħsuba biex: |
Il-Pjan għandu jinkludi proġetti nazzjonali , reġjonali u lokali maħsuba biex: |
||||
|
|
||||
|
|
||||
|
|
||||
|
|
||||
|
|
Raġuni
Ir-reġjuni u l-bliet tal-Ewropa jeħtieġ li jkollhom rwol kruċjali fl-implimentazzjoni tal-politiki u l-proġetti individwali tal-Fond. Kunsiderazzjonijiet ġeografiċi, klimatiċi, soċjali u ekonomiċi li jistgħu jiddeterminaw il-vulnerabbiltà ta’ individwu għandhom komponent territorjali.
Emenda 20
Artikolu 4(1)(b)
Test propost mill-Kummissjoni Ewropea |
Emenda tal-KtR |
||||
|
|
Raġuni
Evidenti.
Emenda 21
Artikolu 4(1)(d)
Test propost mill-Kummissjoni Ewropea |
Emenda tal-KtR |
||
|
|
Raġuni
Evidenti
Emenda 22
Artikolu 4(1)(e)
Test propost mill-Kummissjoni Ewropea |
Emenda tal-KtR |
||
|
|
Raġuni
Hemm bżonn li jiġu żgurati l-istandards għoljin ta’ kwalità u sikurezza tal-ikel, irrispettivament mill-oriġini tal-prodotti. Dan ser jinkoraġġixxi biex dawn l-istandards tas-saħħa, tax-xogħol jew soċjali jiġu implimentati f’pajjiżi terzi u b’hekk jiġu promossi l-benefiċċji globali.
Emenda 23
Artikolu 4(1)(i)
Test propost mill-Kummissjoni Ewropea |
Emenda tal-KtR |
||||
|
|
Raġuni
Evidenti.
Emenda 24
Artikolu 4(1)(j)
Test propost mill-Kummissjoni Ewropea |
Emenda tal-KtR |
||||
|
|
Raġuni
L-awtoritajiet lokali u reġjonali jafu x’inhu l-aħjar għar-reġjuni u l-bliet tagħhom stess għaliex huma konxji tal-problemi u ċ-ċirkostanzi soċjoekonomiċi taż-żoni lokali tagħhom. Konsultazzjoni mhijiex biżżejjed biex tinkludi l-fehma tagħhom fil-Pjanijiet Soċjali Nazzjonali għall-Klima. L-awtoritajiet lokali u reġjonali jeħtiġilhom ikunu jistgħu jikkomunikaw u jesprimu l-ħtiġijiet taċ-ċittadini tagħhom, u din il-komunikazzjoni trid titqies fil-livell nazzjonali, u jiġu enfasizzati d-differenzi u l-ispeċifiċitajiet bejn ir-reġjuni.
Emenda 25
Artikolu 4(1)(l)
Test propost mill-Kummissjoni Ewropea |
Emenda tal-KtR |
|
il-proporzjon tal-fond allokat għal strateġiji lokali ta’ tranżizzjoni klimatika mmexxija mill-komunità b’allokazzjoni ta’ minimu ta’ 5 % tal-pakkett totali. |
Raġuni
L-iżvilupp lokali mmexxi mill-komunità wera li huwa għodda mfassla apposta għall-ippjanar strateġiku lokali fil-biċċa l-kbira tal-Istati Membri, u jista’ jikkontribwixxi wkoll għal koordinazzjoni u azzjoni aħjar kemm fiż-żoni rurali kif ukoll fil-viċinati urbani.
Emenda 26
Artikolu 4(3)
Test propost mill-Kummissjoni Ewropea |
Emenda tal-KtR |
Meta jkunu qed iħejju l-Pjanijiet tagħhom, l-Istati Membri jistgħu jitolbu lill-Kummissjoni torganizza skambju ta’ prattiki tajbin. L-Istati Membri jistgħu jitolbu wkoll appoġġ tekniku taħt il-faċilità ELENA, stabbilita permezz ta’ Ftehim tal-Kummissjoni mal-Bank Ewropew tal-Investiment fl-2009, jew taħt l-Istrument ta’ Appoġġ Tekniku stabbilit bir-Regolament (UE) 2021/240 tal-Parlament Ewropew u tal-Kunsill. |
Meta jkunu qed iħejju l-Pjanijiet tagħhom, l-Istati Membri u l-awtoritajiet lokali u reġjonali jistgħu jitolbu lill-Kummissjoni torganizza skambju ta’ prattiki tajbin. L-Istati Membri jistgħu jitolbu wkoll appoġġ tekniku taħt il-faċilità ELENA, stabbilita permezz ta’ Ftehim tal-Kummissjoni mal-Bank Ewropew tal-Investiment fl-2009, jew taħt l-Istrument ta’ Appoġġ Tekniku stabbilit bir-Regolament (UE) 2021/240 tal-Parlament Ewropew u tal-Kunsill. |
Raġuni
Evidenti.
Emenda 27
Artikolu 5(1)
Test propost mill-Kummissjoni Ewropea |
Emenda tal-KtR |
Il-Fond għandu jipprovdi appoġġ finanzjarju lill-Istati Membri biex jiffinanzjaw il-miżuri u l-investimenti stabbiliti fil-Pjanijiet tagħhom. |
Il-Fond għandu jipprovdi appoġġ finanzjarju lill-Istati Membri u r-reġjuni, b’ġestjoni kondiviża li tirrispetta l-prinċipji ta’ sħubija u ta’ governanza f’diversi livelli, biex jiffinanzjaw il-miżuri u l-investimenti stabbiliti fil-Pjanijiet tagħhom. Kull Stat Membru għandu jistabbilixxi limitu minimu ta’ mill-inqas 35 % ta’ dawn il-fondi disponibbli biex jiġu ġestiti direttament mill-awtoritajiet lokali u reġjonali . |
Raġuni
Il-komponent reġjonali huwa kruċjali għall-implimentazzjoni u s-suċċess tal-Fond Soċjali għall-Klima. L-awtoritajiet lokali u reġjonali jafu l-aħjar il-problemi u ċ-ċirkostanzi soċjoekonomiċi tat-territorju, billi jkunu jistgħu jidentifikaw aħjar l-individwi u s-setturi l-aktar vulnerabbli, għalhekk ir-riżorsi mill-fond għandhom ikunu disponibbli għalihom ukoll. Il-Fond għandu jiġi rregolat b’ġestjoni kondiviża, li tirrispetta l-prinċipji ta’ sħubija u ta’ governanza f’diversi livelli.
Emenda 28
Artikolu 5(2)
Test propost mill-Kummissjoni Ewropea |
Emenda tal-KtR |
||||||
Il-ħlas tal-appoġġ għandu jkun kundizzjonali fuq il-kisba tal-objettivi intermedji u tal-miri għall-miżuri u l-investimenti stabbiliti fil-Pjanijiet. Dawk l-objettivi intermedji u l-miri għandhom ikunu kompatibbli mal-miri klimatiċi tal-Unjoni u jkopru b’mod partikolari: |
Il-ħlas tal-appoġġ għandu jkun kundizzjonali fuq il-kisba tal-objettivi intermedji u tal-miri għall-miżuri u l-investimenti stabbiliti fil-Pjanijiet. Dawk l-objettivi intermedji u l-miri għandhom ikunu kompatibbli mal-miri klimatiċi tal-Unjoni u jkopru b’mod partikolari: |
||||||
|
|
||||||
|
|
||||||
|
|
||||||
|
|
||||||
|
|
||||||
|
|
Raġuni
Evidenti.
Emenda 29
Artikolu 6(2)
Test propost mill-Kummissjoni Ewropea |
Emenda tal-KtR |
L-Istati Membri jistgħu jinkludu l-kostijiet tal-miżuri u tal-investimenti li ġejjin fil-kostijiet totali stmati tal-Pjanijiet, diment li dawn ikunu ta’ benefiċċju prinċipalment għall-unitajiet domestiċi vulnerabbli, għall-mikrointrapriżi vulnerabbli jew għall-utenti tat-trasport vulnerabbli u jkollhom l-għan li: |
L-Istati Membri u r-reġjuni jistgħu jinkludu l-kostijiet tal-miżuri u tal-investimenti li ġejjin fil-kostijiet totali stmati tal-Pjanijiet, diment li dawn ikunu ta’ benefiċċju prinċipalment għall-unitajiet domestiċi vulnerabbli , billi jiffokaw fuq ċittadini li ma għandhomx aċċess għas-servizzi bankarji u unitajiet domestiċi b’introjtu aktar baxx, intrapriżi mikro u żgħar vulnerabbli, jew għall-utenti tal-mobbiltà vulnerabbli u jkollhom l-għan li: |
Raġuni
Il-komponent reġjonali huwa kruċjali għall-implimentazzjoni u s-suċċess tal-Fond Soċjali għall-Klima. L-awtoritajiet lokali u reġjonali jafu l-aħjar il-problemi u ċ-ċirkostanzi soċjoekonomiċi taż-żoni lokali tagħhom, u jistgħu jidentifikaw aħjar l-individwi u s-setturi l-aktar vulnerabbli. Iċ-ċittadini b’ammont limitat ħafna ta’ riżorsi u li mhumiex kapaċi jew lesti li jiftħu kont bankarju għandhom ikunu fil-mira u appoġġati wkoll bil-miżuri tal-Fond.
Emenda 30
Artikolu 6(2)(d)
Test propost mill-Kummissjoni Ewropea |
Emenda tal-KtR |
||||
|
|
Raġuni
L-appoġġ ekonomiku għall-akkwist ta’ vettura elettrika mhuwiex l-aktar soluzzjoni adatta għall-unitajiet domestiċi vulnerabbli, minħabba l-ispejjeż għoljin ta’ manutenzjoni. Għandu jiġi żgurat li l-miżuri jkunu raġonevoli u prammatiċi biex jiġu indirizzati l-problemi reali ta’ ċittadini vulnerabbli (l-ispiża tal-kontijiet tal-enerġija)
Emenda 31
Artikolu 6(2)(e)
Test propost mill-Kummissjoni Ewropea |
Emenda tal-KtR |
||||
|
|
Raġuni
Ir-regolamentazzjoni għandha tkun newtrali fir-rigward tat-teknoloġija mill-perspettiva taċ-ċiklu tal-ħajja. Meta jitqiesu biss l-emissjonijiet diretti mit-tailpipe, hemm ir-riskju li jiżdiedu l-emissjonijiet mill-produzzjoni tal-elettriku u hemm ir-riskju li jiġu esklużi fjuwils rinnovabbli oħra.
Emenda 32
Artikolu 6(2)(g)
Test propost mill-Kummissjoni Ewropea |
Emenda tal-KtR |
||
|
|
Raġuni
Evidenti.
Emenda 33
Artikolu 8
Test propost mill-Kummissjoni Ewropea |
Emenda tal-KtR |
L-Istati Membri jistgħu jinkludu fil-kostijiet totali stmati l-appoġġ finanzjarju pprovdut lil entitajiet pubbliċi jew privati għajr unitajiet domestiċi vulnerabbli, mikrointrapriżi vulnerabbli u utenti tat-trasport vulnerabbli, jekk dawk l-entitajiet iwettqu miżuri u investimenti li fl-aħħar mill-aħħar ikunu ta’ benefiċċju għal unitajiet domestiċi vulnerabbli, mikrointrapriżi vulnerabbli u utenti tat-trasport vulnerabbli. |
L-Istati Membri u r-reġjuni jistgħu jinkludu fil-kostijiet totali stmati l-appoġġ finanzjarju pprovdut lil entitajiet pubbliċi jew privati għajr unitajiet domestiċi vulnerabbli, intrapriżi mikro u żgħar vulnerabbli, u utenti tal-mobbiltà vulnerabbli, jekk dawk l-entitajiet iwettqu miżuri u investimenti li fl-aħħar mill-aħħar ikunu ta’ benefiċċju għal unitajiet domestiċi vulnerabbli, intrapriżi mikro u żgħar vulnerabbli, u utenti tal-mobbiltà vulnerabbli. |
L-Istati Membri għandhom jipprevedu s-salvagwardji statutorji u kuntrattwali meħtieġa biex jiżguraw li l-benefiċċju kollu jiġi mgħoddi lill-unitajiet domestiċi, lill- mikrointrapriżi u lill-utenti tat-trasport . |
L-Istati Membri għandhom jipprevedu s-salvagwardji statutorji u kuntrattwali meħtieġa biex jiżguraw li l-benefiċċju kollu jiġi mgħoddi lill-unitajiet domestiċi, lill-intrapriżi mikro u żgħar, u lill-utenti tal-mobbiltà u li jkun finanzjarjament sostenibbli għalihom fit-tul . |
Raġuni
Il-komponent reġjonali huwa kruċjali għall-implimentazzjoni u s-suċċess tal-Fond Soċjali għall-Klima. L-appoġġ ekonomiku għall-akkwist ta’ vettura elettrika mhuwiex l-aktar soluzzjoni adatta għall-unitajiet domestiċi vulnerabbli, peress li l-problemi reali huma modi kif jiġu koperti l-ispejjeż tal-kontijiet tal-enerġija.
Emenda 34
Artikolu 10(2)
Test propost mill-Kummissjoni Ewropea |
Emenda tal-KtR |
L-Istati Membri jistgħu jinkarigaw lill-awtoritajiet maniġerjali tal-Fond Soċjali Ewropew Plus (FSE+) stabbilit bir-Regolament (UE) 2021/1057 u tal-programmi operazzjonali tal-politika ta’ koeżjoni skont ir-Regolament (UE) 2021/1058 bl-implimentazzjoni ta’ miżuri u investimenti […] |
L-Istati Membri jistgħu jinkarigaw lill-awtoritajiet maniġerjali tal-Fond Soċjali Ewropew Plus (FSE+) stabbilit bir-Regolament (UE) 2021/1057 u tal-programmi operazzjonali tal-politika ta’ koeżjoni skont ir-Regolament (UE) 2021/1058 bl-implimentazzjoni ta’ miżuri u investimenti […] |
Raġuni
Din l-emenda ma tirrigwardax il-verżjoni Maltija.
Emenda 35
Artikolu 11
Test propost mill-Kummissjoni Ewropea |
Emenda tal-KtR |
Il-Fond għandu jiġi implimentat mill-Kummissjoni f’ ġestjoni diretta f’konformità mar-regoli rilevanti adottati skont […] |
Il-Fond għandu jiġi implimentat mill-Kummissjoni u l-Istati Membri permezz ta’ ġestjoni kondiviża f’konformità mal-prinċipji ta’ sħubija u ta’ governanza f’diversi livelli kif stabbilt fir-Regolament dwar Dispożizzjonijiet Komuni kif ukoll mar-regoli rilevanti adottati skont […] |
Raġuni
Il-Fond għandu jiġi implimentat permezz ta’ ġestjoni kondiviża, f’konformità mal-prinċipju ta’ sħubija u ta’ governanza f’diversi livelli.
Emenda 36
Artikolu 14(1)
Test propost mill-Kummissjoni Ewropea |
Emenda tal-KtR |
L-Istati Membri għandhom jikkontribwixxu għal mill-inqas 50 fil-mija tal-kostijiet totali stmati tal-Pjanijiet tagħhom. |
L-Istati Membri għandhom jikkontribwixxu għal mill-inqas 50 fil-mija tal-kostijiet totali stmati tal-Pjanijiet tagħhom permezz ta’ ġestjoni kondiviża . |
Raġuni
Evidenti.
Emenda 37
Artikolu 14(2)
Test propost mill-Kummissjoni Ewropea |
Emenda tal-KtR |
||
L-Istati Membri għandhom, inter alia, jużaw id-dħul mill-irkantar tal-kwoti tagħhom f’konformità mal-Kapitolu IVa tad-Direttiva 2003/87/KE għall-kontribuzzjoni nazzjonali tagħhom għall-kostijiet totali stmati tal-Pjanijiet tagħhom. |
L-Istati Membri għandhom, inter alia, jużaw id-dħul mill-irkantar tal-kwoti tagħhom f’konformità mal-Kapitolu IVa tad-Direttiva 2003/87/KE għall-kontribuzzjoni nazzjonali tagħhom għall-kostijiet totali stmati tal-Pjanijiet tagħhom.
|
Raġuni
Huwa essenzjali li l-Fond Soċjali għall-Klima l-ġdid ikun jista’ jappoġġa wkoll direttament l-investimenti tal-gvernijiet lokali u reġjonali fir-rinnovazzjoni u t-titjib tal-akkomodazzjoni soċjali lokali u l-affordabbiltà tat-trasport pubbliku lokali.
Emenda 38
Artikolu 15(1)
Test propost mill-Kummissjoni Ewropea |
Emenda tal-KtR |
Il-Kummissjoni għandha tivvaluta l-Pjan u, fejn applikabbli, kwalunkwe emenda għal dak il-Pjan sottomessa minn Stat Membru f’konformità mal-Artikolu 17, għall-konformità mad-dispożizzjonijiet ta’ dan ir-Regolament. Meta twettaq dik il-valutazzjoni, il-Kummissjoni għandha taġixxi f’kooperazzjoni mill-qrib mal-Istat Membru kkonċernat. Il-Kummissjoni tista’ tagħmel osservazzjonijiet jew tfittex informazzjoni addizzjonali. L-Istat Membru kkonċernat għandu jipprovdi l-informazzjoni addizzjonali mitluba u jista’ jirrevedi l-Pjan, jekk ikun meħtieġ, inkluż wara s-sottomissjoni tal-Pjan. L-Istat Membru kkonċernat u l-Kummissjoni jistgħu jaqblu li jestendu l-iskadenza għall-valutazzjoni b’perjodu raġonevoli, jekk ikun meħtieġ. |
Il-Kummissjoni għandha tivvaluta l-Pjan u, fejn applikabbli, kwalunkwe emenda għal dak il-Pjan sottomessa minn Stat Membru f’konformità mal-Artikolu 17, għall-konformità mad-dispożizzjonijiet ta’ dan ir-Regolament. Meta twettaq dik il-valutazzjoni, il-Kummissjoni għandha taġixxi f’kooperazzjoni mill-qrib mal-Istat Membru kkonċernat. Il-Kummissjoni tista’ tagħmel osservazzjonijiet jew tfittex informazzjoni addizzjonali. L-Istat Membru kkonċernat għandu jipprovdi l-informazzjoni addizzjonali mitluba u jista’ jirrevedi l-Pjan, jekk ikun meħtieġ, inkluż wara s-sottomissjoni tal-Pjan. L-Istat Membru kkonċernat u l-Kummissjoni jistgħu jaqblu li jestendu l-iskadenza għall-valutazzjoni b’perjodu raġonevoli, jekk ikun meħtieġ. Il-Pjanijiet Soċjali Reġjonali għall-Klima mfassla mir-reġjuni li lesti jitolbu l-pakkett addizzjonali se jiġu vvalutati mill-Istat Membru, biex tiġi żgurata l-konsistenza mal-Pjan Soċjali Nazzjonali għall-Klima u jiġu evitati miżuri li jikkoinċidu. |
Raġuni
Il-komponent reġjonali huwa kruċjali għall-implimentazzjoni u s-suċċess tal-Fond Soċjali għall-Klima. L-awtoritajiet lokali u reġjonali jafu l-aħjar il-problemi u ċ-ċirkostanzi soċjoekonomiċi tat-territorju, u jistgħu jidentifikaw aħjar l-individwi u s-setturi l-aktar vulnerabbli.
Emenda 39
Artikolu 15(2)
Test propost mill-Kummissjoni Ewropea |
Emenda tal-KtR |
||||||||
Il-Kummissjoni għandha tivvaluta r-rilevanza, l-effettività, l-effiċjenza u l-koerenza tal-Pjan kif ġej: |
Il-Kummissjoni għandha tivvaluta r-rilevanza, l-effettività, l-effiċjenza u l-koerenza tal-Pjan kif ġej: |
||||||||
|
|
||||||||
|
|
||||||||
|
|
||||||||
|
|
||||||||
|
|
||||||||
|
|
||||||||
|
|
||||||||
|
|
||||||||
|
|
||||||||
|
|
||||||||
|
|
||||||||
|
|
||||||||
|
|
||||||||
|
|
||||||||
|
|
||||||||
|
|
Raġuni
Il-valutazzjonijiet huma essenzjali għall-monitoraġġ tal-evoluzzjoni, l-effiċjenza u l-effetti tal-Fond. Kif iddikjarat, il-komponent reġjonali huwa kruċjali biex jitqiesu d-differenzi u l-ispeċifiċitajiet taċ-ċittadini vulnerabbli kollha u ta’ dawk l-aktar affettwati mill-modifika tas-sistema għall-iskambju ta’ kwoti tal-emissjonijiet.
Emenda 40
Artikolu 21
Test propost mill-Kummissjoni Ewropea |
Emenda tal-KtR |
||||
Il-Kummissjoni u l-Istati Membri kkonċernati għandhom, b’mod proporzjonat mar-responsabbiltajiet rispettivi tagħhom, irawmu sinerġiji u jiżguraw koordinazzjoni effettiva bejn il-Fond u programmi u strumenti oħrajn tal-Unjoni, inklużi l-Programm InvestEU, l-Istrument ta’ Appoġġ Tekniku, il-Faċilità għall-Irkupru u r-Reżiljenza, u l-Fondi koperti mir-Regolament (UE) 2021/1060. Għal dak l-iskop, huma għandhom: |
Il-Kummissjoni, l-Istati Membri u r-reġjuni kkonċernati għandhom, b’mod proporzjonat mar-responsabbiltajiet rispettivi tagħhom, irawmu sinerġiji u jiżguraw koordinazzjoni effettiva bejn il-Fond u programmi u strumenti oħrajn tal-Unjoni, inklużi l-Programm InvestEU, l-Istrument ta’ Appoġġ Tekniku, il-Faċilità għall-Irkupru u r-Reżiljenza, u l-Fondi koperti mir-Regolament (UE) 2021/1060. Għal dak l-iskop, huma għandhom: |
||||
|
|
||||
|
|
||||
|
|
Raġuni
Il-valutazzjonijiet huma essenzjali għall-monitoraġġ tal-evoluzzjoni, l-effiċjenza u l-effetti tal-Fond. Kif iddikjarat, il-komponent reġjonali huwa kruċjali biex jitqiesu d-differenzi u l-ispeċifiċitajiet taċ-ċittadini vulnerabbli kollha u ta’ dawk l-aktar affettwati mill-modifika tas-sistema għall-iskambju ta’ kwoti tal-emissjonijiet.
Emenda 41
Artikolu 22
Test propost mill-Kummissjoni Ewropea |
Emenda tal-KtR |
L-Istati Membri għandhom jagħmlu d-data msemmija fil-punt (d), (i), (ii) u (iv) tal-Artikolu 20(2) ta’ dan ir-Regolament disponibbli għall-pubbliku u aġġornata f’sit web uniku f’formati miftuħa u li jinqraw mill-magni, kif stabbilit fl-Artikolu 5(1) tad-Direttiva (UE) 2019/1024 tal-Parlament Ewropew u tal-Kunsill, li għandhom jippermettu li d-data tiġi magħżula, imfittxija, estratta, imqabbla u użata mill-ġdid. L-informazzjoni msemmija fil-punt (d), (i) u (ii) tal-Artikolu 20(2) ta’ dan ir-Regolament ma għandhiex tiġi ppubblikata fil-każijiet imsemmija fl-Artikolu 38(3) tar-Regolament (UE, Euratom) 2018/1046 jew jekk l-appoġġ dirett għall-introjtu mħallas ikun inqas minn EUR 15 000 |
L-Istati Membri u r-reġjuni għandhom jagħmlu d-data msemmija fil-punt (d), (i), (ii) u (iv) tal-Artikolu 20(2) ta’ dan ir-Regolament disponibbli għall-pubbliku u aġġornata f’sit web uniku f’formati miftuħa u li jinqraw mill-magni, kif stabbilit fl-Artikolu 5(1) tad-Direttiva (UE) 2019/1024 tal-Parlament Ewropew u tal-Kunsill, li għandhom jippermettu li d-data tiġi magħżula, imfittxija, estratta, imqabbla u użata mill-ġdid. L-informazzjoni msemmija fil-punt (d), (i) u (ii) tal-Artikolu 20(2) ta’ dan ir-Regolament ma għandhiex tiġi ppubblikata fil-każijiet imsemmija fl-Artikolu 38(3) tar-Regolament (UE, Euratom) 2018/1046 jew jekk l-appoġġ dirett għall-introjtu mħallas ikun inqas minn EUR 15 000 |
Raġuni
Il-komponent reġjonali huwa kruċjali għall-implimentazzjoni u s-suċċess tal-Fond Soċjali għall-Klima. L-awtoritajiet lokali u reġjonali jafu l-aħjar il-problemi u ċ-ċirkostanzi soċjoekonomiċi tat-territorju, u jistgħu jidentifikaw aħjar l-individwi u s-setturi l-aktar vulnerabbli.
Emenda 42
Artikolu 23(1)
Test propost mill-Kummissjoni Ewropea |
Emenda tal-KtR |
||||
Kull Stat Membru kkonċernat għandu, fuq bażi biennali, jirrapporta lill-Kummissjoni dwar l-implimentazzjoni tal-Pjan tiegħu bħala parti mir-rapport ta’ progress nazzjonali integrat tiegħu dwar l-enerġija u l-klima skont l-Artikolu 17 tar-Regolament (UE) 2018/1999 u f’konformità mal-Artikolu 28 tiegħu. L-Istati Membri kkonċernati għandhom jinkludu fir-rapport ta’ progress tagħhom: |
Kull Stat Membru u reġjun i kkonċernat għandu, fuq bażi biennali, jirrapporta lill-Kummissjoni dwar l-implimentazzjoni tal-Pjan tiegħu bħala parti mir-rapport ta’ progress nazzjonali integrat tiegħu dwar l-enerġija u l-klima skont l-Artikolu 17 tar-Regolament (UE) 2018/1999 u f’konformità mal-Artikolu 28 tiegħu. L-Istati Membri kkonċernati għandhom jinkludu fir-rapport ta’ progress tagħhom: |
||||
|
|
||||
|
|
||||
|
|
||||
|
|
||||
|
|
||||
|
|
||||
|
|
||||
|
|
Raġuni
Il-valutazzjonijiet huma essenzjali għall-monitoraġġ tal-evoluzzjoni, l-effiċjenza u l-effetti tal-Fond. Kif iddikjarat, il-komponent reġjonali huwa kruċjali biex jitqiesu d-differenzi u l-ispeċifiċitajiet taċ-ċittadini vulnerabbli kollha u ta’ dawk l-aktar affettwati mill-modifika tas-sistema għall-iskambju ta’ kwoti tal-emissjonijiet.
Proposta għal Direttiva tal-Kunsill li tirriforma l-istruttura tal-Unjoni dwar tassazzjoni fuq prodotti tal-enerġija u l-elettriku (riformulazzjoni)
COM (2021) 563 final
Emenda 43
Premessa 28
Test propost mill-Kummissjoni Ewropea |
Emenda tal-KtR |
Tnaqqis immirat fil-livell tat-taxxa jista’ jkun meħtieġ biex jindirizza l-impatt soċjali tat-taxxi tal-enerġija. Eżenzjoni mit-tassazzjoni tista’ tkun temporanjament meħtieġa biex jiġu protetti l-unitajiet domestiċi vulnerabbli. |
Tnaqqis immirat fil-livell tat-taxxa jista’ jkun meħtieġ biex jindirizza l-impatt soċjali tat-taxxi tal-enerġija. Eżenzjoni mit-tassazzjoni tista’ tkun temporanjament meħtieġa biex jiġu protetti l-unitajiet domestiċi vulnerabbli , l-intrapriżi mikro u żgħar vulnerabbli, u l-utenti tal-mobbiltà vulnerabbli, inkluż fir-reġjuni rurali, muntanjużi, periferiċi jew insulari . |
Raġuni
Biex il-formulazzjoni tiġi adattata għall-proposta tal-Fond Soċjali għall-Klima, peress li t-tassazzjoni fuq l-enerġija tista’ tintuża biex tikkomplementa l-miżuri soċjali ppjanati.
Emenda 44
Artikolu 17
Test propost mill-Kummissjoni Ewropea |
Emenda tal-KtR |
Għall-finijiet tal-punt (c), il-prodotti tal-enerġija u l-elettriku użati minn unitajiet domestiċi rikonoxxuti bħala vulnerabbli jistgħu jiġu eżentati għal perjodu massimu ta’ għaxar snin wara d-dħul fis-seħħ ta’ din id-Direttiva . Għall-finijiet ta’ dan il-paragrafu, “unitajiet domestiċi vulnerabbli” għandha tfisser unitajiet domestiċi affettwati b’mod sinifikanti mill-impatti ta’ din id-Direttiva li, għall-fini ta’ din id-Direttiva, ifisser li huma taħt il-limitu ta’ “riskju ta’ faqar”, definit bħala 60 % tal-introjtu disponibbli ekwivalizzat medjan nazzjonali. |
Għall-finijiet tal-punt (c), il-prodotti tal-enerġija u l-elettriku użati minn unitajiet domestiċi rikonoxxuti bħala vulnerabbli fil-livell nazzjonali jew reġjonali jistgħu jiġu eżentati. Għall-finijiet ta’ dan il-paragrafu, “unitajiet domestiċi vulnerabbli” għandha tfisser unitajiet domestiċi affettwati b’mod sinifikanti mill-impatti ta’ din id-Direttiva li, għall-fini ta’ din id-Direttiva, ifisser li huma taħt il-limitu ta’ “riskju ta’ faqar”, definit bħala 60 % tal-introjtu disponibbli ekwivalizzat medjan nazzjonali u l-konsum tagħhom ma jaqbiżx il-minimu meħtieġ għal kundizzjonijiet ta’ għajxien deċenti applikabbli għar-reġjun partikolari . “Unitajiet domestiċi vulnerabbli” tfisser unitajiet domestiċi fil-faqar enerġetiku jew unitajiet domestiċi, inklużi dawk b’introjtu medju inferjuri, li huma affettwati b’mod sinifikanti mill-impatti fuq il-prezzijiet tal-inklużjoni tal-bini u t-trasport fil-kamp ta’ applikazzjoni tad-Direttiva 2003/87/KE. |
Raġuni
M’għandux ikun hemm perjodu massimu għall-eżenzjoni jekk l-unità domestika tkun għadha f’sitwazzjoni vulnerabbli. Id-definizzjoni ta’ “unità domestika vulnerabbli” hija adattata għal dik inkluża fil-Fond.
Emenda 45
Artikolu 31
Test propost mill-Kummissjoni Ewropea |
Emenda tal-KtR |
[…]. Ir-rapport għandu jqis il-funzjonament tajjeb tas-suq intern, il-kunsiderazzjonijiet ambjentali u soċjali, il-valur reali tal-livelli minimi tat-tassazzjoni u l-objettivi rilevanti usa’ tat-Trattati. |
[…]. Ir-rapport għandu jqis il-funzjonament tajjeb tas-suq intern, il-kunsiderazzjonijiet ambjentali , reġjonali, lokali, u soċjali, il-valur reali tal-livelli minimi tat-tassazzjoni u l-objettivi rilevanti usa’ tat-Trattati. |
Raġuni
Il-perspettiva reġjonali għandha tiġi evalwata.
II. RAKKOMANDAZZJONIJIET TA’ POLITIKA
IL-KUMITAT EWROPEW TAR-REĠJUNI (KtR)
1. |
jilqa’ t-tħabbira dwar il-Fond Soċjali għall-Klima bħala mod kif jiġu bbilanċjati l-effetti negattivi fuq il-gruppi u t-territorji l-aktar fil-periklu u tiġi żgurata tranżizzjoni soċjalment sostenibbli; jissottolinja li l-politiki dwar il-klima u l-enerġija, kif ukoll is-suq tal-karbonju, ma jridux jaffettwaw lill-unitajiet domestiċi, lill-intrapriżi mikro u żgħar, u lill-utenti tal-mobbiltà, inkluż fiż-żoni rurali u remoti, peress li rajna żieda kbira fis-sehem ta’ dawk li qed esperjenzaw faqar enerġetiku u ta’ mobbiltà mis-sajf tal-2021 minħabba żieda kontinwa u kbira fil-prezzijiet tal-enerġija; |
2. |
jenfasizza li l-awtoritajiet lokali u reġjonali huma atturi rilevanti ħafna fil-qasam tal-enerġija u l-klima, għaliex huma jafu l-aħjar il-karatteristiċi tat-territorji u l-kuntest soċjali u ekonomiku li fih jiġu implimentati dawn il-politiki, għandhom kompetenzi dwar il-kwistjoni, u jistgħu jieħdu l-approċċ l-iktar adatt biex tissaħħaħ l-effikaċja tagħhom; |
3. |
jitlob li meta jiġu vvalutati u approvati l-pjani, l-enfasi ewlenija tkun fuq li jiġi żgurat li l-miżuri previsti jkunu mfasslin b’mod immirat u li l-gruppi definiti fil-proposta jiġu għalhekk appoġġjati b’mod effettiv. Ir-riżorsi allokati taħt il-Fond Soċjali għall-Klima huma limitati, u għalhekk għandha tingħata attenzjoni speċjali biex jiġi żgurat li dan jappoġġja lill-unitajiet domestiċi, lill-intrapriżi mikro u żgħar, lill-utenti tal-mobbiltà l-aktar vulnerabbli, inkluż fiż-żoni rurali u remoti; |
4. |
huwa tal-fehma li l-politiki kollha li jaffettwaw in-negozji u l-unitajiet domestiċi għandhom ikunu bbażati fuq l-evidenza, u f’dan ir-rigward il-Kummissjoni, l-Eurostat u l-awtoritajiet lokali u reġjonali għandhom jikkooperaw fl-istabbiliment ta’ strutturi affidabbli għall-ġestjoni u l-ġbir tad-data, b’aċċess liberu għal dawk kollha li jfasslu l-politika u l-partijiet interessati kollha; |
5. |
jenfasizza li l-awtonomija strateġika hija kruċjali fir-rigward tal-provvista tal-enerġija tal-Ewropa; jenfasizza li mhuwiex biżżejjed li titneħħa gradwalment id-dipendenza tagħna mill-provvista tal-fjuwils fossili mill-Federazzjoni Russa biss, iżda jqis li l-pjan REPowerEU huwa mod kif titħaffef it-tranżizzjoni lejn enerġija nadifa, titnaqqas id-dipendenza tal-UE mill-importazzjonijiet tal-enerġija u tal-materja prima, u b’hekk jitnaqqsu r-riskji politiċi, ekonomiċi u ta’ sigurtà li jirriżultaw minn dawn l-importazzjonijiet. Dan ifisser li jingħataw prijorità u jiġu akkopjati flimkien investimenti massivi u konkreti biex jiġi aċċellerat l-użu tal-enerġija rinnovabbli, il-promozzjoni tal-effiċjenza enerġetika, iċ-ċirkolarità, l-elettriku u l-idroġenu nadif, u r-riċerka fi fjuwils sostenibbli alternattivi; |
6. |
jemmen li huwa importanti li l-Istati Membri jkollhom l-opportunità li jnaqqsu l-faqar enerġetiku u tal-mobbiltà permezz ta’ firxa wiesgħa ta’ għodod. Wieħed minn dawn l-għodod huwa s-sistema ta’ kera li tkopri kollox (“warm rent”), fejn is-sid tal-proprjetà jkun responsabbli għal temperatura aċċettabbli ġewwa d-dar u għalhekk ikollu inċentiv ċar favur it-titjib tal-effiċjenza enerġetika. Bħalissa, dan imur kontra l-interpretazzjoni tal-Kummissjoni dwar il-kosteffettività fid-Direttiva dwar l-Effiċjenza Enerġetika, li minflok tiffoka fuq kejl u tariffi tal-konsum individwali tat-tisħin; |
7. |
jitlob lill-Kummissjoni tniedi riċerka u konsultazzjoni mal-atturi rilevanti sabiex tiddefinixxi b’mod ċar l-enerġija minima li unità domestika teħtieġ sabiex ikollha standard ta’ għajxien deċenti, abbażi ta’ data affidabbli u serje kronoloġika, billi jitqiesu d-differenzi reġjonali, u fl-istess ħin, abbażi tal-kunċett ġdid; |
8. |
jilqa’ l-Komunikazzjoni tal-Kummissjoni Ewropea dwar “L-indirizzar tal-prezzijiet tal-enerġija li qed jogħlew: sett ta’ għodod għal azzjoni u appoġġ”, li tħeġġeġ lill-Istati Membri jużaw il-miżuri definiti fis-“sett ta’ għodod”; jilqa’ l-proposta tal-Kummissjoni Ewropea għal Rakkomandazzjoni tal-Kunsill dwar l-iżgurar ta’ tranżizzjoni ġusta lejn in-newtralità klimatika; jistieden lill-awtoritajiet nazzjonali jqisu dawn il-miżuri b’mod urġenti bil-għan li jiżguraw tranżizzjoni ġusta li ma tħalli lil ħadd jibqa’ lura, filwaqt li jagħmlu lill-awtoritajiet lokali u reġjonali parteċipanti tal-implimentazzjoni tagħhom u josservaw id-differenzi territorjali; |
9. |
ifakkar li l-Patt tas-Sindki għall-Klima u l-Enerġija wera l-utilità tiegħu permezz tal-kontribut tiegħu għal kwistjonijiet dwar l-effiċjenza enerġetika u l-klima, għalhekk id-Direttiva riformulata dwar it-Tassazzjoni tal-Enerġija (ETD) u l-Fond Soċjali għall-Klima il-ġdid (minn hawn ’il quddiem “il-Fond il-ġdid”) għandhom jieħdu vantaġġ mill-għarfien u l-għarfien espert tal-membri tal-Patt tas-Sindki, u l-azzjonijiet rapidi inklużi fil-Pjani ta’ Azzjoni għall-Enerġija Sostenibbli fil-livell lokali jew reġjonali; |
10. |
jilqa’ l-fatt li l-KE takkumpanja l-proposta għal reviżjoni tad-Direttiva dwar it-Tassazzjoni tal-Enerġija bi grilja tas-sussidjarjetà, għalkemm jiddispjaċih li hija nieqsa mill-proposta tal-Fond Soċjali għall-Klima. Ir-raġunament mogħti fir-rigward tal-valur miżjud Ewropew tal-proposti u l-introduzzjoni ta’ miżuri li jirriżultaw mill-kompetenzi tal-UE fl-oqsma tat-trasport, it-tibdil fil-klima, l-ambjent u s-suq intern, huwa f’konformità mal-prinċipji tas-sussidjarjetà u l-proporzjonalità; |
11. |
jenfasizza li hemm reġjuni madwar l-Ewropa fejn it-tisħin u t-tkessiħ distrettwali jistgħu jkunu soluzzjoni aktar affidabbli, aktar effiċjenti u affordabbli għaċ-ċittadini, għalhekk il-Fond il-ġdid għandu jiġi armonizzat ma’ Fondi Strutturali u ta’ Investiment Ewropej oħra, sabiex jingħata appoġġ suffiċjenti għall-ispejjeż tar-rinnovazzjoni ta’ appartamenti u abitazzjonijiet sabiex ikunu jistgħu jaqbdu mas-sistemi l-ġodda; |
12. |
jara li l-futur tal-ġenerazzjoni tal-enerġija huwa aktar deċentralizzat minn qabel u, f’dan ir-rigward, l-unitajiet domestiċi u n-negozji li huma lesti li jinvolvu ruħhom fl-użu tal-enerġija fotovoltajka jew mir-riħ jeħtieġu aktar appoġġ imfassal apposta għal networks intelliġenti deċentralizzati, u li tiġi eliminata l-burokrazija żejda; dan jinkludi wkoll appoġġ iddedikat mill-Fond Soċjali għall-Klima għall-Komunitajiet tal-Enerġija Rinnovabbli; |
13. |
jinnota li hemm diversi skemi ta’ appoġġ tal-Fondi Strutturali u ta’ Investiment Ewropej fl-Istati Membri li jiffavorixxu miżuri ta’ effiċjenza enerġetika mmirati lejn l-unitajiet domestiċi u n-negozji, u għalhekk jista’ jkun utli li jiġu żviluppati gwida ċara u appoġġ għad-disinn għall-iżjed unitajiet domestiċi u intrapriżi mikro u żgħar vulnerabbli li jesperjenzaw faqar enerġetiku u tal-mobbiltà, sabiex jiġi eliminat kwalunkwe riskju li dawk l-aktar fil-bżonn ta’ appoġġ jitħallew barra; |
14. |
jirrakkomanda li l-Istati Membri, r-reġjuni u l-muniċipalitajiet jaġġornaw il-pjani urbani u tal-użu tal-art, kif ukoll l-aċċess għall-prattiki relatati mal-permessi tal-kostruzzjoni, sabiex jitnaqqsu t-taxxi u l-ispejjeż u tiġi evitata l-burokrazija għall-investimenti fl-effiċjenza enerġetika tal-unitajiet domestiċi u tan-negozji; |
Dwar il-proposta tal-Fond Soċjali għall-Klima
15. |
jilqa’ l-proposta għal Fond Soċjali għall-Klima bħala dikjarazzjoni ta’ solidarjetà u impenn biex tinkiseb tranżizzjoni ekwa u soċjalment ġusta, bħala għodda ewlenija għall-appoġġ taċ-ċittadini l-aktar milquta mit-tranżizzjoni lejn in-newtralità klimatika, u bħala tweġiba għas-sejħa tagħna għat-tisħiħ tal-integrità u l-operat tal-iskema tal-UE għall-iskambju ta’ kwoti tal-emissjonijiet (ETS) filwaqt li jingħata appoġġ lil reġjuni u gruppi vulnerabbli; |
16. |
jitlob li mill-anqas 35 % tal-pakkett finanzjarju tal-Fond Soċjali għall-Klima għandu jkun ġestit direttament mill-awtoritajiet lokali u reġjonali, peress li dawn jistgħu jipprovdu mmappjar aktar preċiż tal-vulnerabbiltajiet, u huma responsabbli għall-implimentazzjoni b’suċċess, immirata u effiċjenti tal-miżuri definiti fil-pjani li jistgħu jimmiraw u jindirizzaw verament il-ħtiġijiet ta’ gruppi bi dħul aktar baxx, inklużi dawk f’riskju ta’ faqar; |
17. |
jiddispjaċih li ma saret l-ebda valutazzjoni tal-impatt konkreta u speċifika qabel ma ġiet ippreżentata l-proposta għall-Fond Soċjali għall-Klima. Valutazzjoni bħal din kienet tippermetti evalwazzjoni preċiża tal-impatti distributtivi tal-mekkaniżmu, il-funzjonament, il-ġestjoni u l-miżuri tal-Fond, li tiffoka fuq il-konsegwenzi u l-benefiċċji għaċ-ċittadini l-aktar vulnerabbli fil-livell lokali u reġjonali, u tippermetti identifikazzjoni tal-gruppi l-aktar dgħajfa mil-lat finanzjarju, sabiex l-appoġġ jiġi dirett b’mod xieraq lejn dawk li l-aktar għandhom bżonnu; |
18. |
jirrakkomanda li l-KtR, bħala l-korp li jirrappreżenta lill-awtoritajiet lokali u reġjonali, jaqdi rwol ta’ faċilitazzjoni fit-tfassil u l-implimentazzjoni tal-Pjani Soċjali għall-Klima, billi jipprovdi opportunità addizzjonali biex jintlaħaq il-livell lokali u reġjonali lil hinn mill-oqfsa nazzjonali tal-Istati Membri; |
19. |
jappella għal rikonoxximent tar-rwol tal-awtoritajiet lokali u reġjonali bħala kontributuri ewlenin għall-Pjanijiet Soċjali għall-Klima nazzjonali, peress li huma l-livell ta’ gvern l-eqreb taċ-ċittadini u jistgħu jipprovdu għarfien u għarfien espert kbir żviluppat fil-prattika, filwaqt li jiżguraw li l-abbozzar tal-Pjanijiet Soċjali għall-Klima ma jżidx piż amministrattiv għall-awtoritajiet lokali u reġjonali; jissuġġerixxi li l-awtoritajiet lokali u reġjonali għandu jkollhom il-possibbiltà li jfasslu Pjanijiet Soċjali Reġjonali għall-Klima f’konformità ma’ dawk fil-livell nazzjonali skont il-prinċipji tas-sħubija, il-governanza f’diversi livelli, is-sussidjarjetà u l-proporzjonalità; |
20. |
josserva li wieħed mill-piżijiet għar-rinnovazzjoni effiċjenti fl-enerġija tal-istokk tad-djar huwa n-nuqqas ta’ aċċess għall-għarfien dwar l-effiċjenza enerġetika u għal soluzzjonijiet tal-ogħla livell li diġà huma aċċessibbli fis-suq; sabiex tissolva din il-kwistjoni, il-KtR jissuġġerixxi li dawn il-miżuri jkunu ffinanzjati mill-Fond il-ġdid ukoll; |
21. |
jissottolinja li l-prezzijiet tal-enerġija u l-kapaċità tal-akkwist ġenerali mhumiex konnessi tajjeb ħafna, u jqis li l-użu tal-PDG jew l-ING fl-istandard tal-kapaċità tal-akkwist bħala indikatur ġenerali huwa adatt għall-politika ta’ koeżjoni ġenerali; fir-rigward tal-konsum tal-enerġija, jitlob lill-Kummissjoni ssib indikatur li huwa affidabbli daqs il-PDG u l-ING, iżda li jirrifletti aħjar l-imġiba relatata mal-konsum tal-enerġija tal-unitajiet domestiċi u tan-negozji fl-Ewropa u dan jipprovdi lill-Istati Membri b’aktar flessibbiltà biex jeliminaw id-diskrepanzi kkawżati mill-istatistika fl-allokazzjoni tal-fondi tal-UE; |
22. |
jenfasizza li filwaqt li l-għan tal-Fond Soċjali għall-Klima huwa pass fid-direzzjoni t-tajba biex titwettaq tranżizzjoni ekoloġika ġusta, għandhom jiġu żviluppati aktar sforzi f’termini finanzjarji. Il-Fond Soċjali għall-Klima mhux se jkun biżżejjed biex jindirizza l-effetti soċjali mhux mixtieqa u n-nuqqasijiet ekonomiċi tal-miżuri biex tinkiseb in-newtralità klimatika. Jitlob li d-dħul derivat mill-ETS II għandu jiġi parzjalment allokat għall-Fond Soċjali għall-Klima u għal miżuri diretti biex jiġi żgurat li ħadd ma jbati żvantaġġi mill-kisba tan-newtralità klimatika; jissuġġerixxi li f’każ li l-prezz tal-karbonju jwassal għal dħul ogħla milli mistenni, il-pakkett finanzjarju tal-Fond Soċjali għall-Klima jiżdied b’mod simili. Il-KtR jirrakkomanda li għandhom jintużaw aktar forom ta’ appoġġ ekonomiku li jistgħu jqisu l-ispeċifiċitajiet tat-territorji, tal-popolazzjonijiet, tas-setturi, tal-bliet u r-reġjuni. Filwaqt li huma lesti li jappoġġjaw l-aktar individwi vulnerabbli, ser ikollha tingħata attenzjoni speċjali għall-adegwatezza tal-miżuri u l-appoġġ għall-persuni mingħajr dar, in-nisa, iċ-ċittadini mingħajr riżorsi, iż-żgħażagħ u entitajiet finanzjarjament aktar dgħajfa; |
23. |
jitlob lill-Parlament Ewropew u lill-Kunsill biex ma jippromovu l-ebda tip ta’ mobbiltà motorizzata individwali mill-Fond il-ġdid, u minflok jappoġġjaw soluzzjonijiet ta’ mobbiltà sostenibbli b’emissjonijiet żero jew b’emissjonijiet baxxi (elettriċi, ibridi jew li jaħdmu bl-idroġenu) u servizzi ta’ mobbiltà integrati; |
Dwar ir-reviżjoni tad-Direttiva dwar it-Taxxa fuq l-Enerġija
24. |
jilqa’ l-proposta għal Direttiva li għandha l-għan li tallinja t-taxxa fuq l-enerġija mal-kontenut reali tal-enerġija u l-prestazzjoni ambjentali, u b’hekk tipprovdi inċentivi għat-tnaqqis tal-emissjonijiet tas-CO2 u tikkontribwixxi għall-kisba tal-miri l-ġodda tal-UE dwar il-klima. It-tfassil attwali tad-Direttiva ma jirriflettix dan, kif indikat ukoll mill-Qorti Ewropea tal-Awdituri (12); |
25. |
jiddispjaċih dwar in-nuqqas ta’ grilja ta’ sussidjarjetà speċifika għall-proposta dwar il-Fond Soċjali għall-Klima, filwaqt li jilqa’ l-fatt li l-proposta leġiżlattiva hija bbażata fuq l-Artikoli 91(1)(d), 192(1) u 194(1)(c) tat-Trattat dwar il-Funzjonament tal-Unjoni Ewropea (“TFUE”), u għamlet referenza għat-trasport, it-tibdil fil-klima u hija ċċentrata fuq l-enerġija, u jqis li l-proposta tiddeskrivi b’mod ċar il-valur miżjud Ewropew tagħha u hija konformi mal-prinċipji tas-sussidjarjetà u tal-proporzjonalità; |
26. |
jilqa’ l-inklużjoni tal-possibbiltà li l-Istati Membri jassistu lill-gruppi vulnerabbli u jipproteġu lill-unitajiet domestiċi kontra l-faqar enerġetiku, u li jiġġieldu l-effetti negattivi possibbli tat-taxxa; |
27. |
jilqa’ r-reviżjoni tad-Direttiva dwar it-Tassazzjoni fuq l-Enerġija sabiex il-kontenut tagħha jiġi aġġustat u adattat għall-ħtieġa ta’ aktar azzjoni klimatika u protezzjoni ambjentali, li jkun jista’ jappoġġja l-iżvilupp u l-espansjoni tal-enerġija rinnovabbli, u jippreserva l-funzjonament korrett tas-suq intern, filwaqt li jallinja t-tassazzjoni fuq il-prodotti tal-enerġija u l-elettriku mal-politiki tal-UE dwar l-enerġija u l-klima; |
28. |
jissuġġerixxi li jiġu analizzati x-xejriet territorjali tal-Istati Membri fil-livell reġjonali sabiex jiġu permessi eżenzjonijiet reġjonali jew saħansitra lokali jew livelli mnaqqsa jew kumpens ieħor f’ċirkostanzi speċjali bħal pereżempju r-riskju tal-faqar għall-unitajiet domestiċi u n-negozji l-aktar milquta; |
29. |
jirrimarka li hemm reġjuni fl-Ewropa fejn il-ħatab jintuża għat-tisħin u t-tisjir bħala sinjal ċar ta’ faqar enerġetiku; f’ċirkostanzi bħal dawn, ir-riformulazzjoni tal-ETD u tal-ETS2 it-tnejn li huma se jolqtu lil dawn il-konsumaturi, u għalhekk, jirrakkomanda l-istabbiliment ta’ programmi addizzjonali ta’ appoġġ għall-bidla fil-fjuwil minn ħatab għal sorsi ta’ enerġija nodfa, rinnovabbli u effiċjenti. |
Brussell, is-27 ta’ April 2022.
Il-President tal-Kumitat Ewropew tar-Reġjuni
Apostolos TZITZIKOSTAS
(1) Id-Direttiva 2003/87/KE tal-Parlament Ewropew u tal-Kunsill tat-13 ta’ Ottubru 2003 li tistabbilixxi skema għall-iskambju ta’ kwoti ta’ emissjonijiet ta’ gassijiet serra ġewwa l-Unjoni (ĠU L 275, 25.10.2003, p. 32).
(2) Id-Direttiva 2003/87/KE tal-Parlament Ewropew u tal-Kunsill tat-13 ta’ Ottubru 2003 li tistabbilixxi skema għall-iskambju ta’ kwoti ta’ emissjonijiet ta’ gassijiet serra ġewwa l-Unjoni (ĠU L 275, 25.10.2003, p. 32).
(3) Data mill-2018. Eurostat, SILC [ilc_mdes01])
(4) Data mill-2018. Eurostat, SILC [ilc_mdes01])
(5) Approvat mill-Kunsill Ewropew fl-24 u l-25 ta’ Ġunju 2021.
(6) Ir-Regolament (UE) 2021/1057 tal-Parlament Ewropew u tal-Kunsill tal-24 ta’ Ġunju 2021 li jistabbilixxi l-Fond Soċjali Ewropew Plus (FSE+) u li jħassar ir-Regolament (UE) Nru 1296/2013 (ĠU L 231, 30.6.2021, p. 21).
(7) Ir-Regolament (UE) 2021/1056 tal-Parlament Ewropew u tal-Kunsill tal-24 ta’ Ġunju 2021 li jistabbilixxi l-Fond għal Tranżizzjoni Ġusta (ĠU L 231, 30.6.2021, p. 1).
(8) Id-Direttiva 2010/31/UE tal-Parlament Ewropew u tal-Kunsill tad-19 ta’ Mejju 2010 dwar ir-rendiment tal-bini fl-użu tal-enerġija (ĠU L 153, 18.6.2010, p. 13).
(9) Id-Direttiva 2010/31/UE tal-Parlament Ewropew u tal-Kunsill tad-19 ta’ Mejju 2010 dwar ir-rendiment tal-bini fl-użu tal-enerġija (ĠU L 153, 18.6.2010, p. 13).
(10) ĠU L 357, 27.10.2020, p. 35.
(11) ĠU L 357, 27.10.2020, p. 35.
(12) Rapport Analitiku tal-Qorti Ewropea tal-Awdituri 01/2022: It-tassazzjoni fuq l-enerġija, l-ipprezzar tal-karbonju u s-sussidji fuq l-enerġija.