IL-KUMMISSJONI EWROPEA

Brussell, 14.10.2020

COM(2020) 652 final

2020/0300(COD)

Proposta għal

DEĊIŻJONI TAL-PARLAMENT EWROPEW U TAL-KUNSILL

dwar Programm Ġenerali ta’ Azzjoni Ambjentali tal-Unjoni sal-2030

MEMORANDUM TA’ SPJEGAZZJONI

1.KUNTEST TAL-PROPOSTA

Fl-4 ta’ Diċembru 2019, l-Aġenzija Ewropea għall-Ambjent (EEA) ippubblikat ir-rapport tagħha bit-titolu “The European Environment – state and outlook 2020” (SOER) 1 , u r-riżultati tiegħu huma inkwetanti. L-isfidi ambjentali, klimatiċi u ta’ sostenibbiltà attwali huma ta’ skala u urġenza bla preċedent, u jeħtieġu azzjoni immedjata u konġunta u soluzzjonijiet sistemiċi. Il-politiki ambjentali tal-Unjoni wasslu benefiċċji sostanzjali matul l-aħħar għexieren ta’ snin mingħajr ma affettwaw il-kompetittività fit-tul tal-UE, u f’dawn l-aħħar snin l-acquis ġie msawwar dejjem aktar minn viżjoni ambizzjuża fit-tul, miri u politiki ta’ qafas strateġiku, li effettivament inaqqsu l-pressjonijiet ambjentali. Madankollu, it-telf tal-bijodiversità u d-degradazzjoni tas-servizzi tal-ekosistema, it-tibdil fil-klima u l-impatti tiegħu, u l-użu mhux sostenibbli tar-riżorsi, it-tniġġis u r-riskji assoċjati għas-saħħa u l-benesseri tal-bniedem, in-natura, l-ekosistemi u l-ekonomija, kollha jeħtieġu azzjoni ulterjuri deċiżiva fl-UE u globalment.

Fil-11 ta’ Diċembru 2019, il-Kummissjoni Ewropea wieġbet għal dawn l-isfidi bl-adozzjoni tal-Patt Ekoloġiku Ewropew 2 – aġenda ambizzjuża għall-UE biex issir l-ewwel kontinent newtrali għall-klima sal-2050 u biex tipproteġi, tippreserva u ssaħħaħ il-kapital naturali tal-UE, u tipproteġi s-saħħa u l-benesseri taċ-ċittadini minn riskji u impatti ambjentali. Ibbażat fuq mudell ta’ tkabbir riġenerattiv li jagħti lura lill-pjaneta aktar milli jieħu, dan jiddeskrivi l-prijoritajiet ambjentali għas-snin li ġejjin u l-ambizzjoni tal-Unjoni li tittrasforma l-ekonomija tagħha għal futur sostenibbli filwaqt li ma tħalli lil ħadd lura, sabiex dawn l-objettivi jsiru realtà, ifassal sett ta’ politiki trasformattivi fil-fond u ħeġġeġ lill-Unjoni biex ittejjeb it-tmexxija tagħha fuq l-istadju globali dwar kwistjonijiet klimatiċi u ambjentali.

Wara d-dibattitu wiesa’ dwar il-Komunikazzjoni “Pjaneta Nadifa għal Kulħadd” 3 , f’Marzu 2020 l-UE ppreżentat l-istrateġija tagħha fit-tul taħt il-Ftehim ta’ Pariġi għall-Konvenzjoni Qafas tan-Nazzjonijiet Uniti dwar it-Tibdil fil-Klima 4 , fejn impenjat ruħha li ssir ekonomija newtrali għall-klima sal-2050. Il-Kummissjoni pproponiet li tinkludi dan l-objettiv fil-Liġi Ewropea dwar il-Klima. 5 Il-Kummissjoni Ewropea adottat ukoll għadd ta’ inizjattivi strateġiċi ġodda, b’mod partikolari Pjan ta’ Azzjoni ġdid dwar l-Ekonomija Ċirkolari għal Ewropa nadifa u kompetittiva 6 , Strateġija dwar il-Bijodiversità għall-2030 7 u Strateġija mill-Għalqa sal-Platt 8 .

L-UE adottat ukoll rispons komprensiv għall-kriżi tal-coronavirus, li qiegħda tikkawża impatt qawwi fuq il-ħajja u l-għajxien, u li wasslet għal sfidi mingħajr preċedent fit-tfassil tal-politika, aggravata minn tnaqqis qawwi fir-ritmu ekonomiku. Il-Pjan ta’ Rkupru tal-UE tal-Ġenerazzjoni li Jmiss propost mill-Kummissjoni Ewropea fis-27 ta’ Mejju 2020 u approvat mill-Kunsill Ewropew Straordinarju ta’ Lulju 2020 jenfasizza l-istatus tal-Patt Ekoloġiku Ewropew bħala l-istrateġija l-ġdida ta’ tkabbir tal-Ewropa u r-rwol tagħha fil-kisba ta’ rkupru sostenibbli u rapidu filwaqt li tiżgura wkoll prevedibbiltà fit-tul fit-triq lejn in-newtralità klimatika, u fl-aħħar mill-aħħar tranżizzjoni ġusta, li ma tħalli lil ħadd lura. It-tmien Programm ta’ Azzjoni Ambjentali, bil-viżjoni fit-tul tiegħu u l-objettivi ta’ prijorità ambjentali li huwa jaqsam mal-Patt Ekoloġiku, se jappoġġa l-impenn komuni tal-UE għal irkupru ekoloġiku.

Programmi ta’ azzjoni ambjentali ilhom jiggwidaw l-iżvilupp tal-politika ambjentali tal-UE sa mill-bidu tas-snin 70. Is-Seba’ Programm ta’ Azzjoni Ambjentali (is-seba’ EAP) se jiskadi fil-31 ta’ Diċembru 2020 u l-Artikolu 4(3) tiegħu jirrikjedi li l-Kummissjoni, jekk ikun xieraq, tippreżenta proposta għat-Tmien Programm ta’ Azzjoni Ambjentali (it-tmien EAP) fil-ħin bil-ħsieb li jiġi evitat distakk bejn is-seba’ u t-tmien EAP. Il-Patt Ekoloġiku Ewropew ħabbar l-adozzjoni ta’ programm ġdid ta’ azzjoni ambjentali.

Il-Kunsill, il-Parlament Ewropew u l-Kumitat tar-Reġjuni talbu lill-Kummissjoni biex tippreżenta sa mhux aktar tard mill-bidu tal-2020 proposta għat-tmien EAP.

2.BAŻI ĠURIDIKA, SUSSIDJARJETÀ U PROPORZJONALITÀ 

Din il-proposta għal Deċiżjoni tal-Parlament Ewropew u tal-Kunsill dwar Programm ta’ Azzjoni Ġenerali tal-Unjoni għall-Ambjent ġdid sal-2030 hija bbażata fuq l-Artikolu 192(3) tat-TFUE. Sabiex tiġi żgurata s-sjieda ta’ dan il-Programm u t-twettiq tal-objettivi prijoritarji tiegħu mill-UE u l-Istati Membri tiegħu, din il-proposta għal Deċiżjoni tistabbilixxi qafas abilitanti li jappoġġa l-kisbiet tal-objettivi ta’ prijorità u tiżgura li l-progress lejn l-objettivi jitkejjel fuq bażi regolari.

L-objettivi ta’ din il-proposta għal Deċiżjoni ma jistgħux jinkisbu b’mod suffiċjenti mill-Istati Membri waħedhom. Billi l-politika ambjentali u klimatika hija qasam ta’ kompetenza kondiviża fl-UE u politika deċentralizzata, wieħed mill-iskopijiet ta’ dan il-Programm huwa li joħloq sjieda komuni bejn it-tliet istituzzjonijiet kollha tal-UE u l-Istati Membri tal-objettivi tiegħu, li jipprovdi lil dawk li jfasslu l-politika u lil partijiet ikkonċernati oħrajn – inklużi r-reġjuni u l-bliet, in-negozji, l-imsieħba soċjali, l-organizzazzjonijiet tas-soċjetà ċivili u ċ-ċittadini individwali – b’qafas prevedibbli u direzzjoni għall-azzjoni.

3.IR-RIŻULTATI TAL-EVALWAZZJONIJIET U L-KONSULTAZZJONIJIET MAL-PARTIJIET IKKONĊERNATI

Fil-15 ta’ Mejju 2019, il-Kummissjoni ppubblikat rapport dwar l-evalwazzjoni tas-seba’  EAP 9 . Ir-rapport kien ippreċedut minn proċess estensiv ta’ konsultazzjoni li sar matul l-2018 u kien jikkonsisti f’konsultazzjoni pubblika miftuħa, konsultazzjoni mmirata bejn l-Istati Membri, konsultazzjoni mmirata bejn il-partijiet ikkonċernati kif ukoll żewġ workshops pubbliċi.

L-evalwazzjoni żvelat li s-seba’ EAP huwa ġeneralment meqjus bħala għodda strateġika effettiva u ta’ livell għoli li tiggwida l-politika ambjentali. Għal ħafna, l-EAP jaħdem ukoll bħala għodda għall-ippjanar, billi jipprovdi l-kontinwità tal-politika ambjentali – inkluż bil-viżjoni fit-tul tiegħu, ir-responsabbiltà u l-prevedibbiltà għall-azzjonijiet tal-Kummissjoni Ewropea, minbarra li jkollu influwenza pożittiva fuq l-integrazzjoni u s-simplifikazzjoni tal-politika ambjentali. L-objettivi prijoritarji tas-seba’ EAP kienu ġeneralment ikkunsidrati li għadhom validi, b’mod partikolari l-viżjoni tiegħu sal-2050.

Fit-22 ta’ Novembru 2017, il-Parlament Ewropew ippubblika valutazzjoni tal-implimentazzjoni tas-seba’ EAP 10 , segwita minn rapport dwar l-implimentazzjoni tiegħu fis-6 ta’ Marzu 2018 u riżoluzzjoni 11 fis-17 ta’ April 2018.

Fil-31 ta’ Lulju 2018, il-Kumitat Ewropew tar-Reġjuni ppubblika studju dwar id-dimensjoni lokali u reġjonali tat-tmien EAP 12 , segwit minn Opinjoni 13 , adottata fis-7 ta’ Frar 2019.

Fil-11 u t-12 ta’ Ġunju 2019, b’segwitu għad-diskussjonijiet fil-Kunsill Informali dwar l-Ambjent fid-29 u t-30 ta’ Ottubru 2018 fi Graz (l-Awstrija), sar Workshop dwar il-Programm ta’ Azzjoni Ambjentali Futur f’Hainburg (l-Awstrija). Fl-4 ta’ Ottubru 2019, il-Kunsill adotta Konklużjonijiet dwar it-“Tmien Programm ta' Azzjoni Ambjentali - Nibdlu x-Xejriet Flimkien” 14 taħt il-Presidenza Finlandiża tal-Kunsill.

4.IMPLIKAZZJONIJIET BAĠITARJI

Din il-proposta għal Deċiżjoni ġiet żviluppata f’konformità mal-proposta tal-Kummissjoni għall-Qafas Finanzjarju Pluriennali tal-UE 2021-2027. Il-proposta tinkludi skeda finanzjarja li tintroduċi l-ħtieġa għal riżorsi addizzjonali fl-Aġenzija Ewropea għall-Ambjent (EEA) u fl-Aġenzija Ewropea għas-Sustanzi Kimiċi (ECHA) fl-appoġġ għall-qafas il-ġdid ta’ monitoraġġ, kejl u rapportar ta’ dan il-Programm.

L-involviment tal-Aġenzija Ewropea għall-Ambjent (EEA) u tal-Aġenzija Ewropea għas-Sustanzi Kimiċi (ECHA) huwa ta’ importanza kbira għal din il-ħidma u biex jintlaħqu l-objettivi tat-tmien EAP. Il-qafas il-ġdid ta’ monitoraġġ u rapportar propost għat-tmien EAP se jinkludi, kemm jista’ jkun, għodod u indikaturi eżistenti ta’ monitoraġġ ibbażati l-aktar fuq statistika u data Ewropej mill-EEA u l-ECHA, biex b’hekk tiġi evitata d-duplikazzjoni u jiġi limitat il-piż amministrattiv għall-Istati Membri. Dan ifisser li kompiti addizzjonali huma fdati lil dawn l-aġenziji sabiex ikunu jistgħu jikkontribwixxu bis-sħiħ għall-kisba tal-prijoritajiet u joħolqu l-kundizzjonijiet abilitanti stabbiliti fl-Artikoli 3 u 4 ta’ dan il-Programm.

5.ELEMENTI OĦRA

Spjegazzjoni tad-dispożizzjonijiet speċifiċi tal-proposta:

L-għan ġenerali tat-tmien EAP huwa li jaċċellera t-tranżizzjoni tal-Unjoni lejn ekonomija nadifa u ċirkolari newtrali għall-klima, effiċjenti fl-użu tar-riżorsi b’mod ġust u inklużiv u li jikseb l-objettivi ambjentali tal-Aġenda 2030 tan-Nazzjonijiet Uniti u l-Għanijiet ta’ Żvilupp Sostenibbli tagħha, filwaqt li japprova bis-sħiħ l-objettivi ambjentali u klimatiċi tal-Patt Ekoloġiku Ewropew.

Artikolu 1

Il-proposta attwali sservi biex iżżid il-koerenza u s-sinerġiji bejn l-azzjonijiet fil-livelli kollha ta’ governanza billi tkejjel il-progress lejn l-objettivi ambjentali u klimatiċi b’mod integrat. F’konformità mal-prinċipju ta’ “la tagħmilx ħsara” tal-Patt Ekoloġiku Ewropew, il-proposta tappoġġa t-tnaqqis tal-pressjonijiet fuq l-ambjent u l-klima u ssaħħaħ l-approċċ integrat għall-iżvilupp u l-implimentazzjoni tal-politika, b’mod partikolari billi s-sostenibbiltà tiġi integrata fl-inizjattivi u l-proġetti rilevanti kollha fil-livell nazzjonali u tal-UE.

Artikolu 2

Ir-responsabbiltà biex jinkisbu l-għanijiet u l-objettivi relatati mal-ambjent u l-klima hija kondiviża mill-Unjoni u l-Istati Membri tagħha u tirrikjedi azzjoni mill-atturi kollha, il-gvernijiet fil-livell tal-UE, kif ukoll fil-livelli nazzjonali, reġjonali u lokali, is-sħab soċjali, is-soċjetà ċivili, iċ-ċittadini u n-negozji.

L-Artikolu 2 jistabbilixxi l-objettivi tematiċi prijoritarji fil-kuntest ta’ objettiv fit-tul sal-2050 ta’ “Ngħixu tajjeb, fi ħdan il-limiti planetarji”, diġà stabbilit fis-seba’ EAP.

Artikolu 3

Il-Patt Ekoloġiku Ewropew jenfasizza l-ħtieġa li jiġi żgurat li l-politiki u l-leġiżlazzjoni jiġu infurzati u jitwasslu b’mod effettiv.

L-Artikolu 3 jipprovdi l-bażi għal fehim u impenn konġunt dwar il-kundizzjonijiet abilitanti meħtieġa biex jintlaħqu dawn l-objettivi tematiċi ta’ prijorità, u b’hekk tiġi żgurata l-koerenza fl-implimentazzjoni fil-livell xieraq. Il-Kummissjoni ħabbret li se ttejjeb il-mod kif il-linji gwida tagħha għal regolamentazzjoni aħjar u l-għodod ta’ appoġġ jindirizzaw kwistjonijiet ta’ sostenibbiltà u innovazzjoni, bl-objettiv li l-inizjattivi kollha tal-UE jissodisfaw il-prinċipju ekoloġiku ta’ “la tagħmilx ħsara”.

Artikolu 4

Filwaqt li l-istrumenti leġiżlattivi ambjentali individwali jeħtieġu rapportar regolari mill-Istati Membri dwar politiki ambjentali speċifiċi, ma hemm l-ebda qafas komprensiv previst fid-dritt tal-UE biex jiġi żgurat approċċ ikkoordinat għall-kisba ġenerali tal-objettivi ambjentali tal-Unjoni. Il-Patt Ekoloġiku Ewropew ħabbar li l-Programm ta’ Azzjoni Ambjentali l-ġdid se jinkludi mekkaniżmu ġdid ta’ monitoraġġ sabiex jiżgura li l-Unjoni tibqa’ fit-triq it-tajba biex tilħaq l-objettivi ambjentali tagħha.

Dan il-qafas ta’ monitoraġġ tat-tmien EAP għandu jkun mingħajr preġudizzju għall-għodod eżistenti ta’ rappurtar u governanza ambjentali u klimatiċi, inklużi dawk tal-Governanza tal-Unjoni tal-Enerġija u l-Azzjoni Klimatika.

–Il-kejl tal-progress lejn l-objettivi ambjentali u klimatiċi fil-kuntest usa’ tas-sostenibbiltà, il-benesseri u r-reżiljenza

Il-kejl tal-progress tal-UE u tal-Istati Membri tagħha lejn il-kisba tal-Għanijiet ta’ Żvilupp Sostenibbli tan-NU għall-2030 jeħtieġ qafas integrat għall-objettivi ambjentali, soċjali u ekonomiċi. Il-Kunsill 15 u l-Kumitat Soċjali u Ekonomiku Ewropew 16 talbu biex jitkejlu l-prestazzjoni ekonomika u l-progress tas-soċjetà “lil hinn mill-PDG” u biex isir ċaqliq lejn l-użu tal-“benesseri” bħala kumpass għall-politika, li huwa pass appoġġat ukoll mill-Organizzazzjoni tal-Kooperazzjoni u l-Iżvilupp Ekonomiċi 17 . Il-Membri tal-Parlament Ewropew organizzaw il-Konferenza ta’ Wara t-Tkabbir tal-2018 18 flimkien mal-partijiet ikkonċernati.

F’dan il-kuntest, it-tmien qafas ta’ monitoraġġ tal-EAP se jipprovdi l-kontribut ambjentali u klimatiku għall-isforzi ġenerali tal-UE biex jitkejjel il-progress lejn is-sostenibbiltà, il-benesseri u r-reżiljenza, inkluża r-reżiljenza għad-diżastri; għandu jinforma lil dawk li jfasslu l-politika u lill-partijiet ikkonċernati dwar jekk l-Unjoni u l-Istati Membri jkunux jinsabu fit-triq it-tajba biex jiksbu trasformazzjoni sistemika.

L-istabbiliment tat-tmien qafas ta’ monitoraġġ tal-EAP għandu jitqies ukoll fil-kuntest ta’ eżerċizzji oħra ta’ governanza u monitoraġġ, b’mod partikolari s-Semestru Ewropew, ir-Rapport ta’ Monitoraġġ tal-SDGs tal-Eurostat u r-Rapport Annwali ta' Prospettiva Strateġika, li jibnu wkoll fuq id-data disponibbli u jużaw indikaturi li huma l-aktar rilevanti għall-objettivi politiċi rispettivi. Filwaqt li dawn l-għodod ta’ governanza u monitoraġġ iservu skopijiet differenti, għandhom ikunu dejjem aktar interkonnessi bil-ħsieb li jkomplu jtejbu l-koerenza tagħhom.

–Lejn sett ta’ indikaturi ewlenin tat-tmien EAP

Il-monitoraġġ tas-Seba’ Programm ta’ Azzjoni Ambjentali sar mill-Aġenzija Ewropea għall-Ambjent, li ppubblikat rapporti annwali dwar l-indikaturi ambjentali 19 . Ġiet żviluppata tabella ta’ valutazzjoni ta’ kważi 30 indikatur biex timmonitorja l-objettivi prijoritarji tas-seba’ EAP.

Il-qafas ta’ monitoraġġ tat-tmien EAP għandu jirrifletti l-objettivi prijoritarji ġodda tiegħu. Għandu jinkludi għadd limitat ta’ indikaturi ewlenin għal komunikazzjoni ta’ livell għoli, li jagħtu storja koerenti dwar l-istat tal-ambjent, il-pressjonijiet ewlenin u l-effettività tar-rispons tagħna. Dawk l-indikaturi għandhom ikunu rilevanti wkoll għall-għanijiet ġenerali taż-żieda fil-benesseri u r-reżiljenza tal-ekonomiji u s-soċjetajiet tagħna.

L-għażla ta’ indikaturi ewlenin tat-tmien EAP se tqis kif xieraq il-flussi ta’ ħidma li jinsabu għaddejjin biex jitjieb il-monitoraġġ tal-bijodiversità, l-ekonomija ċirkolari u t-tniġġis żero, li kollha għandhom jiġu ffinalizzati sal-2021/22, kif ukoll għodod oħra ta’ monitoraġġ li jkopru l-politika ambjentali u klimatika, inkluża l-Governanza tal-Unjoni tal-Enerġija u l-Azzjoni Klimatika. Għandha tibni fuq id-data disponibbli fl-Istati Membri u fil-livell tal-UE, b’mod partikolari dik imħaddma mill-Aġenzija Ewropea għall-Ambjent kif ukoll mis-Sistema Statistika Ewropea.

L-Aġenzija Ewropea għall-Ambjent u l-Aġenzija Ewropea għas-Sustanzi Kimiċi għandhom jappoġġaw lill-Kummissjoni fit-titjib tad-disponibbiltà u r-rilevanza tad-data. Dan jinkludi l-għeluq tad-diskrepanzi fl-indikaturi, b’mod partikolari l-monitoraġġ tal-politika relatata mal-ambizzjoni ta’ tniġġis żero u r-rabtiet bejn il-politiki ambjentali, soċjali u tas-saħħa.

L-istabbiliment tat-tmien qafas ta’ monitoraġġ tal-EAP se jkun appoġġat minn bażi ta’ data ġdida ta’ indikaturi ambjentali — librerija online u aċċessibbli faċilment ta’ indikaturi li toħloq ħarsa ġenerali kompluta u strutturata lejn il-mijiet ta’ indikaturi ambjentali eżistenti.

–Il-Limiti Planetarji

Il-proċess għall-iżvilupp tat-tmien qafas ta’ monitoraġġ tal-EAP se jipprovdi opportunità biex jiġi esplorat il-potenzjal tal-fluss tax-xogħol li għaddej fiċ-Ċentru Konġunt tar-Riċerka tal-Kummissjoni, l-Aġenzija Ewropea għall-Ambjent u oħrajn dwar il-limiti planetarji (eż. l-użu tal-ilma ħelu, it-tibdil fl-użu tal-art, l-aċidifikazzjoni tal-oċeani) u dwar l-impronta tal-konsum tal-Unjoni, inkluża d-deforestazzjoni u d-degradazzjoni tal-foresti f’pajjiżi terzi.

Filwaqt li x-xjenza dwar il-klima u b’mod partikolari l-ħidma tal-Bord Internazzjonali dwar it-Tibdil fil-Klima jipprovdu data u informazzjoni affidabbli dwar il-livell ta’ emissjonijiet ta’ gassijiet serra kompatibbli mal-objettiv tal-Ftehim ta’ Pariġi li ż-żieda fit-temperatura globali tinżamm sew taħt iż-2°C u jkomplu bl-isforzi biex dan jiġi limitat sa 1.5°C meta mqabbel mal-livelli preindustrijalizzati, il-ħidma għal limiti planetarji oħra għadha għaddejja. Il-progress fuq dan ix-xogħol huwa importanti biex dawk li jfasslu l-politika u l-partijiet ikkonċernati jkunu infurmati dwar jekk il-politiki ambjentali humiex ambizzjużi biżżejjed biex l-Ewropa tibqa’ fl-ispazju operattiv sikur tal-pjaneta 20 .

–Proċess ta’ konsultazzjoni dwar l-indikaturi ewlenin tat-tmien EAP

Il-Kummissjoni se tniedi proċess ta’ konsultazzjoni wiesa’ ma’ istituzzjonijiet oħra tal-UE, l-Istati Membri u l-partijiet ikkonċernati biex tfassal qafas komprensiv ta’ monitoraġġ tat-tmien EAP, ibbażat fuq dokument konsultattiv li jiddeskrivi l-metodoloġija proposta u l-passi li għandhom jittieħdu.

Abbażi ta’ dawn il-konsultazzjonijiet, il-Kummissjoni beħsiebha tippreżenta indikatur ewlieni tat-tmien EAP stabbilit sa tmiem l-2021.

Il-proċedura se tkun ikkoordinata mill-qrib mal-flussi ta’ ħidma li għaddejjin imħabbra mill-Patt Ekoloġiku Ewropew biex ifassal jew jirrieżamina l-oqfsa ta’ monitoraġġ għall-ekonomija ċirkolari, il-bijodiversità u tniġġis żero biex tiġi żgurata koerenza ġenerali u biex jitnaqqas il-piż amministrattiv.

Artikolu 5 – Evalwazzjoni

L-Artikolu 5 jipprevedi evalwazzjoni tat-tmien EAP fl-2029, qabel ma jiskadi sa tmiem l-2030.

2020/0300 (COD)

Proposta għal

DEĊIŻJONI TAL-PARLAMENT EWROPEW U TAL-KUNSILL

dwar Programm Ġenerali ta’ Azzjoni Ambjentali tal-Unjoni sal-2030

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 192(3) tiegħu,

Wara li kkunsidraw il-proposta mill-Kummissjoni Ewropea,

Wara t-trażmissjoni tal-abbozz tal-att leġiżlattiv lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 21 ,

Wara li kkunsidraw l-opinjoni tal-Kumitat tar-Reġjuni 22 ,

Waqt li jaġixxu skont il-proċedura ordinarja leġiżlattiva,

Billi:

(1)F’konformità mal-Artikolu 192(3) tat-Trattat dwar il-Funzjonament tal-Unjoni Ewropea, il-programmi ġenerali ta’ azzjoni ambjentali pprovdew il-qafas għall-azzjoni tal-Unjoni fil-qasam tal-ambjent u l-klima mill-1973.

(2)Id-Deċiżjoni Nru 1386/2013/UE tal-Parlament Ewropew u tal-Kunsill 23 stabbiliet is-Seba’ Programm ta’ Azzjoni Ambjentali (is-Seba’ EAP), li jistabbilixxi l-aġenda ambjentali tal-Unjoni sal-31 ta’ Diċembru 2020 kif ukoll viżjoni fit-tul għall-2050.

(3)L-evalwazzjoni tal-Kummissjoni tas-seba’ EAP 24 ikkonkludiet li l-viżjoni tiegħu sal-2050 u l-objettivi prijoritarji għadhom validi; li għen biex jipprovdi azzjoni aktar prevedibbli, rapida u kkoordinata fil-politika ambjentali; u li l-istruttura u l-qafas ta’ abilitazzjoni tiegħu għenu biex jinħolqu sinerġiji, u b’hekk il-politika ambjentali saret aktar effettiva u effiċjenti. Barra minn hekk, l-evalwazzjoni kkonkludiet li s-seba’ EAP antiċipa l-Aġenda 2030 tan-Nazzjonijiet Uniti billi insista li t-tkabbir ekonomiku u l-benesseri soċjali jiddependu fuq bażi ta’ riżorsi naturali b’saħħitha, u ffaċilita t-twettiq tal-Għanijiet ta’ Żvilupp Sostenibbli. Dan ippermetta wkoll li l-Unjoni titkellem b’vuċi waħda fix-xena globali dwar kwistjonijiet klimatiċi u ambjentali. Fl-evalwazzjoni tagħha tas-seba’ EAP, il-Kummissjoni kkonkludiet ukoll li l-progress relatat mal-ħarsien tan-natura, is-saħħa u l-integrazzjoni tal-politika ma kienx biżżejjed.

(4)Skont ir-rapport tal-EEA “The European environment – state and outlook 2020, Knowledge for transition to a sustainable Europe” (“SOER 2020”), l-2020 tirrappreżenta tieqa unika ta’ opportunità għall-Unjoni biex turi tmexxija fuq is-sostenibbiltà u biex tiffaċċja l-isfidi urġenti ta’ sostenibbiltà li jeħtieġu soluzzjonijiet sistemiċi. Kif intqal fis-SOER 2020, il-bidliet fil-klima u l-ekosistemi globali osservati mis-snin 50 ’l hawn huma bla preċedent għal għexieren ta’ snin sa millenja. Il-popolazzjoni globali ttriplat mill-1950, filwaqt li l-popolazzjoni li tgħix fil-bliet żdiedet b’erba’ darbiet. Bil-mudell ta’ tkabbir attwali, il-pressjonijiet ambjentali huma mistennija li jkomplu jiżdiedu, u dan jikkawża effetti diretti u indiretti ta’ ħsara fuq is-saħħa u l-benesseri tal-bniedem. Dan jgħodd b’mod speċjali għas-setturi bl-ogħla impatt ambjentali – l-ikel, il-mobbiltà, l-enerġija kif ukoll l-infrastruttura u l-bini.

(5)Il-Kummissjoni Ewropea wieġbet għall-isfidi identifikati fl-SOER 2020 billi adottat il-Patt Ekoloġiku Ewropew 25 : strateġija ġdida għat-tkabbir għat-tranżizzjoni ekoloġika u diġitali doppja li għandha l-għan li tittrasforma lill-Unjoni f’soċjetà ġusta u prospera, b’ekonomija kompetittiva, newtrali għall-klima u effiċjenti fl-użu tar-riżorsi. Ir-Regolament (UE) tal-Parlament Ewropew u tal-Kunsill 26 inaqqax fil-liġi l-mira tal-Unjoni li sal-2050 tintlaħaq in-newtralità klimatika.

(6)Il-Patt Ekoloġiku Ewropew jirfed il-Pjan ta’ Rkupru tal-UE tal-Ġenerazzjoni li Jmiss li jippromwovi l-investimenti f’setturi ekoloġiċi ewlenin meħtieġa biex tinbena r-reżiljenza, u joħloq it-tkabbir u l-impjiegi f’soċjetà ġusta u inklużiva. Il-Faċilità għall-Irkupru u r-Reżiljenza li se tagħti setgħa lill-irkupru ekonomiku tal-Unjoni mill-kriżi tal-coronavirus flimkien mal-baġit tal-Unjoni għall-2021-2027, hija bbażata wkoll fuq l-objettivi prijoritarji stabbiliti fil-Patt Ekoloġiku Ewropew. Barra minn hekk, l-inizjattivi kollha taħt il-Pjan ta’ Rkupru tal-UE tal-Ġenerazzjoni li Jmiss jenħtieġ li jirrispettaw il-prinċipju tal-Patt Ekoloġiku Ewropew ta’ “la tagħmilx ħsara”.

(7)Programmi ta’ azzjoni ambjentali ilhom jiggwidaw l-iżvilupp tal-politika ambjentali tal-UE sa mill-bidu tas-snin 70. Is-seba’ EAP se jiskadi fil-31 ta’ Diċembru 2020 u l-Artikolu 4(3) tiegħu jirrikjedi li l-Kummissjoni, jekk ikun xieraq, tippreżenta proposta għat-Tmien Programm ta’ Azzjoni Ambjentali (it-tmien EAP) fil-ħin bil-ħsieb li jiġi evitat distakk bejn is-seba’ u t-tmien EAP. Il-Patt Ekoloġiku Ewropew ħabbar l-adozzjoni ta’ programm ġdid ta’ azzjoni ambjentali.

(8)It-tmien EAP jenħtieġ li jappoġġa l-objettivi tal-ambjent u tal-azzjoni klimatika tal-Patt Ekoloġiku Ewropew f’konformità mal-objettiv fit-tul li “ngħixu tajjeb, fi ħdan il-limiti planetarji” sal-2050, li diġà huwa stabbilit fis-seba’ EAP. Jenħtieġ li jikkontribwixxi biex jintlaħqu l-Aġenda 2030 tan-Nazzjonijiet Uniti u l-Għanijiet ta’ Żvilupp Sostenibbli tagħha.

(9)It-tmien EAP jenħtieġ li jħaffef it-tranżizzjoni lejn ekonomija riġenerattiva li tagħti lura lill-pjaneta aktar milli tieħu. Mudell ta’ tkabbir riġenerattiv jirrikonoxxi li l-benesseri u l-prosperità tas-soċjetajiet tagħna jiddependu fuq klima stabbli, ambjent b’saħħtu u ekosistemi b’saħħithom, li jipprovdu spazju operattiv sikur għall-ekonomiji tagħna. Filwaqt li l-popolazzjoni globali u d-domanda għar-riżorsi naturali qed ikomplu jikbru, l-attività ekonomika għandha tiżviluppa b’mod li ma jagħmilx ħsara iżda, għall-kuntrarju, treġġa’ lura t-tibdil fil-klima u d-degradazzjoni ambjentali, timminimizza t-tniġġis u tirriżulta fiż-żamma u t-tisħiħ tal-kapital naturali, biex b’hekk tiġi żgurata l-abbundanza ta’ riżorsi rinnovabbli u mhux rinnovabbli. Permezz tal-innovazzjoni kontinwa, l-adattament għal sfidi ġodda u l-ħolqien konġunt, l-ekonomija riġenerattiva ssaħħaħ ir-reżiljenza u tipproteġi l-benesseri tal-ġenerazzjonijiet preżenti u futuri.

(10)It-tmien EAP għandu jistabbilixxi objettivi tematiċi prijoritarji fl-oqsma tan-newtralità klimatika, l-adattament għat-tibdil fil-klima, il-protezzjoni u r-restawr tal-bijodiversità, l-ekonomija ċirkolari, l-ambizzjoni ta’ tniġġis żero u t-tnaqqis tal-pressjonijiet ambjentali mill-produzzjoni u l-konsum. Barra minn hekk, għandha tidentifika l-kundizzjonijiet abilitanti biex jinkisbu l-objettivi fit-tul u l-prijoritajiet tematiċi għall-atturi kollha involuti.

(11)Billi l-politika ambjentali hija deċentralizzata ħafna, għandha tittieħed azzjoni biex jinkisbu l-objettivi prijoritarji tat-tmien EAP f’livelli differenti ta’ governanza, jiġifieri fil-livell Ewropew, nazzjonali, reġjonali u lokali, b’approċċ kollaborattiv għall-governanza f’diversi livelli. L-approċċ integrat għall-iżvilupp u l-implimentazzjoni tal-politika għandu jissaħħaħ bil-ħsieb li jiġu massimizzati s-sinerġiji bejn l-objettivi ekonomiċi, ambjentali u soċjali, filwaqt li tingħata attenzjoni partikolari lill-kompromessi potenzjali u lill-ħtiġijiet tal-gruppi vulnerabbli. Barra minn hekk, l-involviment trasparenti ta’ atturi mhux governattivi huwa importanti biex jiżgura s-suċċess tat-tmien EAP u l-ksib tal-objettivi prijoritarji tiegħu.

(12)Il-kooperazzjoni msaħħa mal-pajjiżi sħab, il-governanza ambjentali globali tajba kif ukoll is-sinerġiji bejn il-politiki interni u esterni tal-Unjoni huma kruċjali biex jintlaħqu l-objettivi ambjentali u klimatiċi tal-Unjoni.

(13)Il-Kummissjoni Ewropea għandha tivvaluta l-progress fil-kisba tal-objettivi prijoritarji tat-tmien EAP mill-Unjoni u l-Istati Membri fil-kuntest tat-tranżizzjoni lejn is-sostenibbiltà, il-benesseri u r-reżiljenza akbar. Dan huwa konformi mat-talbiet tal-Kunsill 27 u tal-Kumitat Ekonomiku u Soċjali Ewropew 28 għall-kejl tal-prestazzjoni ekonomika u l-progress tas-soċjetà “lil hinn mill-PDG”, u l-mixja lejn l-użu tal-benesseri bħala kumpass għall-politika, li hija appoġġata wkoll mill-OECD 29 .

(14)Il-valutazzjoni tal-progress lejn l-objettivi prijoritarji tat-tmien EAP għandha tirrifletti l-aħħar żviluppi fir-rigward tad-disponibbiltà u r-rilevanza tad-data u l-indikaturi. Jenħtieġ li tkun koerenti mal-għodod ta’ monitoraġġ jew governanza u mingħajr preġudizzju għalihom, li jkopru aspetti aktar speċifiċi tal-politika ambjentali u klimatika, bħal b’mod partikolari r-Regolament 1999/2018 tal-Parlament Ewropew u tal-Kunsill 30 , ir-Rieżami tal-Implimentazzjoni Ambjentali jew għodod ta’ monitoraġġ relatati mal-ekonomija ċirkolari, mat-tniġġis żero, mal-bijodiversità, mal-arja, mal-ilma, mal-ħamrija, mal-iskart, jew ma’ kwalunkwe politika ambjentali oħra. Flimkien ma’ għodod oħra użati fis-Semestru Ewropew, il-Monitoraġġ tal-SDGs tal-Eurostat u fir-Rapport ta' Prospettiva Strateġika tal-Kummissjoni 31 , dan ikun parti minn sett koerenti interkonness ta’ għodod ta’ monitoraġġ u governanza.

(15)Il-Kummissjoni u l-EEA u aġenziji rilevanti oħra jenħtieġ li jaċċessaw u jużaw mill-ġdid id-data u l-indikaturi pprovduti mill-Istati Membri skont l-atti legali applikabbli tal-Unjoni. Barra minn hekk, jenħtieġ lijintużaw sorsi oħra ta’ data, bħal data satellitari u informazzjoni pproċessata mill-Programm Ewropew ta’ Monitoraġġ tad-Dinja (Copernicus), is-Sistema Ewropea ta’ Informazzjoni dwar in-Nirien fil-Foresti u s-Sistema Ewropea ta’ Sensibilizzazzjoni dwar l-Għargħar, jew pjattaformi ta’ data bħan-Network Ewropew ta’ Osservazzjoni u Data Marittima jew il-Pjattaforma ta’ Informazzjoni għall-Monitoraġġ tas-Sustanzi Kimiċi. L-applikazzjoni ta’ għodod diġitali moderni u intelliġenza artifiċjali tippermetti l-ġestjoni u l-analiżi tad-data b’mod effettiv u b’hekk tnaqqas il-piż amministrattiv filwaqt li żżid il-puntwalità u l-kwalità.

(16)Barra minn hekk, skont ir-rekwiżiti stabbiliti fid-Direttivi 2003/4/KE, 2007/2/KE u 2019/1024/UE mill-Parlament Ewropew u l-Kunsill, l-Istati Membri jenħtieġ li jiżguraw li d-data, l-informazzjoni u l-indikaturi rilevanti għall-monitoraġġ tal-implimentazzjoni tat-tmien EAP ikunu disponibbli liberament, mhux diskriminatorji, b’aċċess miftuħ, adegwat, ta’ kwalità għolja, komparabbli, aġġornati, faċli għall-utent u aċċessibbli faċilment online.

(17)Sabiex jintlaħqu l-objettivi prijoritarji tat-tmien EAP, l-EEA u l-ECHA jenħtieġ li jkunu mgħammra b’kapaċità adegwata u riżorsi suffiċjenti biex jiżguraw bażi ta’ għarfien u evidenza soda, aċċessibbli u trasparenti biex jappoġġaw l-implimentazzjoni tal-prijoritajiet strateġiċi tal-Patt Ekoloġiku Ewropew u l-valutazzjoni tal-progress taħt il-programm.

(18)Sabiex jitqiesu l-objettivi politiċi li qed jevolvu u l-progress li sar, it-tmien EAP jenħtieġ li jiġi evalwat mill-Kummissjoni fl-2029.

(19)Peress li l-objettivi ta’ din id-Deċiżjoni ma jistgħux jintlaħqu għalkollox mill-Istati Membri iżda jistgħu, minħabba l-iskala u l-effetti tal-programm ta’ azzjoni propost, jintlaħqu aħjar fil-livell tal-Unjoni, l-Unjoni tista’ tadotta miżuri skont il-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. B’konformità mal-prinċipju tal-proporzjonalità, kif stabbilit f’dak l-Artikolu, din id-Direttiva ma tmurx lil hinn minn dak li huwa meħtieġ sabiex jintlaħqu dawk l-objettivi,

ADOTTAW DIN ID-DEĊIŻJONI:

Artikolu 1 — Suġġett

1.Din id-deċiżjoni tistabbilixxi programm ta’ azzjoni ġenerali fil-qasam tal-ambjent għall-perjodu sal-31 ta’ Diċembru 2030 (“it-tmien EAP”). Dan jistabbilixxi l-objettivi prijoritarji tiegħu, jidentifika l-kundizzjonijiet abilitanti għall-kisba tagħhom u jistabbilixxi qafas biex jitkejjel jekk l-Unjoni u l-Istati Membri tagħha jinsabux fit-triq it-tajba biex jilħqu dawk l-objettivi prijoritarji.

2.It-tmien EAP għandu l-għan li jħaffef it-tranżizzjoni lejn ekonomija newtrali mil-lat ta’ klima, effiċjenti fl-użu tar-riżorsi, nadifa u ċirkolari b’mod ġust u inklużiv, u japprova l-objettivi ambjentali u klimatiċi tal-Patt Ekoloġiku Ewropew u l-inizjattivi tiegħu.

3.It-tmien EAP huwa l-bażi għall-kisba tal-objettivi ambjentali u klimatiċi ddefiniti skont l-Aġenda 2030 tan-Nazzjonijiet Uniti u l-Għanijiet ta’ Żvilupp Sostenibbli tagħha u l-qafas ta’ monitoraġġ tagħha jikkostitwixxi l-parti ambjentali u klimatika tal-isforzi tal-UE biex tkejjel il-progress lejn sostenibbiltà akbar, inklużi n-newtralità klimatika u l-effiċjenza tar-riżorsi, il-benesseri u r-reżiljenza.

Artikolu 2 – Objettivi prijoritarji

1.It-tmien EAP għandu l-objettiv prijoritarju fit-tul għall-2050 li ċ-ċittadini jgħixu tajjeb, fi ħdan il-limiti planetarji f’ekonomija riġenerattiva fejn ma jinħela xejn, li ma jiġu prodotti l-ebda emissjonijiet netti ta’ gassijiet serra u li t-tkabbir ekonomiku jiġi diżakkoppjat mill-użu tar-riżorsi u mid-degradazzjoni ambjentali. Ambjent b’saħħtu jirfed il-benesseri taċ-ċittadini, isaħħaħ il-bijodiversità u jipproteġi, jirrestawra u jagħti valur lill-kapital naturali b’modi li jtejbu r-reżiljenza għat-tibdil fil-klima u riskji ambjentali oħra. L-Unjoni tistabbilixxi l-pass biex tiżgura l-prosperità tal-ġenerazzjonijiet preżenti u futuri globalment.

2.It-tmien EAP għandu s-sitt objettivi tematiċi prijoritarji li ġejjin:

(a)it-tnaqqis irriversibbli u gradwali tal-emissjonijiet ta’ gassijiet serra u t-titjib tal-assorbimenti minn bjar naturali u oħrajn fl-Unjoni biex tinkiseb il-mira tal-2030 għat-tnaqqis tal-emissjonijiet ta’ gassijiet serra u tinkiseb in-newtralità klimatika sal-2050 kif stabbilit fir-Regolament (UE) …/ 32 ;

(b)progress kontinwu fit-titjib tal-kapaċità ta’ adattament, it-tisħiħ tar-reżiljenza u t-tnaqqis tal-vulnerabbiltà għat-tibdil fil-klima;

(c)il-progress lejn mudell ta’ tkabbir riġenerattiv li jagħti lura lill-pjaneta aktar milli jieħu, id-diżakkoppjar tat-tkabbir ekonomiku mill-użu tar-riżorsi u d-degradazzjoni ambjentali, u l-aċċellerazzjoni tat-tranżizzjoni lejn ekonomija ċirkolari;

(d)li tiġi segwita ambizzjoni ta’ tniġġis żero għal ambjent mhux tossiku, inkluż għall-arja, l-ilma u l-ħamrija, u li jiġu protetti s-saħħa u l-benesseri taċ-ċittadini minn riskji u impatti relatati mal-ambjent;

(e)il-protezzjoni, il-preżervazzjoni u r-restawr tal-bijodiversità u t-titjib tal-kapital naturali, b’mod partikolari l-arja, l-ilma, il-ħamrija, u l-foresti, l-ilma ħelu, l-art mistagħdra u l-ekosistemi marittimi;

(f)il-promozzjoni tas-sostenibbiltà ambjentali u t-tnaqqis tal-pressjonijiet ambjentali u klimatiċi ewlenin relatati mal-produzzjoni u l-konsum, b’mod partikolari fl-oqsma tal-enerġija, l-iżvilupp industrijali, il-bini u l-infrastruttura, il-mobbiltà u s-sistema tal-ikel.

Artikolu 3 – Kundizzjonijiet li jippermettu li jintlaħqu l-objettivi prijoritarji ta’ dan il-programm

1.Biex jintlaħqu l-objettivi prijoritarji tat-tmien EAP se jkun meħtieġ:

(a)l-iżgurar ta’ implimentazzjoni effettiva u effiċjenti tal-leġiżlazzjoni tal-Unjoni dwar l-ambjent u l-klima u li jkun hemm sforz għall-eċċellenza fil-prestazzjoni ambjentali fil-livelli tal-Unjoni, kif ukoll fil-livelli nazzjonali, reġjonali u lokali inkluż permezz tal-provvista ta’ kapaċità xierqa ta’ assigurazzjoni amministrattiva u ta’ konformità, kif stipulat fir-Rieżami tal-Implimentazzjoni Ambjentali, kif ukoll it-tisħiħ tal-azzjoni kontra r-reati ambjentali,

(b)it-tisħiħ tal-approċċ integrat għall-iżvilupp u l-implimentazzjoni tal-politika, b’mod partikolari billi:

–jiġu integrati l-objettivi prijoritarji stabbiliti fl-Artikolu 2 fl-istrateġiji, l-inizjattivi leġiżlattivi u mhux leġiżlattivi, il-programmi, l-investimenti u l-proġetti kollha rilevanti fil-livelli tal-Unjoni, kif ukoll fil-livelli nazzjonali, reġjonali u lokali sabiex dawn u l-implimentazzjoni tagħhom ma jagħmlu l-ebda ħsara lil xi wieħed mill-objettivi prijoritarji stabbiliti fl-Artikolu 2;

–il-massimizzazzjoni tal-benefiċċji mill-implimentazzjoni tad-Direttivi 2014/52/UE 33 u 2001/42/KE 34 tal-Parlament Ewropew u tal-Kunsill;

–tingħata attenzjoni partikolari lis-sinerġiji u l-kompromessi potenzjali bejn l-objettivi ekonomiċi, ambjentali u soċjali sabiex jiġi żgurat li l-ħtiġijiet taċ-ċittadini għan-nutrizzjoni, l-akkomodazzjoni u l-mobbiltà jintlaħqu b’mod sostenibbli li ma jħalli lil ħadd lura;

–l-evalwazzjoni regolari tal-politiki eżistenti u t-tħejjija tal-valutazzjonijiet tal-impatt għal inizjattivi ġodda, li huma bbażati fuq konsultazzjonijiet wiesgħa li jsegwu proċeduri li huma responsabbli, inklużivi, infurmati u sempliċi biex jiġu implimentati, u li jagħtu l-attenzjoni dovuta lill-impatti mbassra fuq l-ambjent u l-klima;

(c)l-integrazzjoni effettiva tas-sostenibbiltà ambjentali u klimatika fis-Semestru Ewropew tal-governanza ekonomika, inkluż fil-Programmi Nazzjonali ta’ Riforma u l-Pjanijiet Nazzjonali ta’ Rkupru u Reżiljenza;

(d)il-mobilizzazzjoni ta’ investimenti sostenibbli minn sorsi pubbliċi u privati, inklużi fondi u strumenti disponibbli taħt il-baġit tal-Unjoni, permezz tal-Bank Ewropew tal-Investiment u fil-livell nazzjonali;

(e)it-tneħħija gradwali ta’ sussidji li jagħmlu ħsara lill-ambjent fil-livell tal-Unjoni u dak nazzjonali, l-aħjar użu ta’ strumenti bbażati fuq is-suq u għodod ta’ bbaġitjar ekoloġiku, inklużi dawk meħtieġa biex tiġi żgurata tranżizzjoni soċjalment ġusta, u l-appoġġ lin-negozji u lil partijiet ikkonċernati oħrajn fl-iżvilupp ta’ prattiki standardizzati ta’ kontabbiltà tal-kapital naturali;

(f)l-iżgurar li l-politiki u l-azzjoni ambjentali jkunu bbażati fuq l-aħjar għarfien xjentifiku disponibbli u t-tisħiħ tal-bażi tal-għarfien ambjentali u l-adozzjoni tagħha, inkluż permezz tar-riċerka, l-innovazzjoni, it-trawwim ta’ ħiliet ekoloġiċi, u l-bini ulterjuri tal-kontabbiltà ambjentali u tal-ekosistemi;

(g)l-użu tal-potenzjal tat-teknoloġiji diġitali u tad-data biex jappoġġaw il-politika ambjentali filwaqt li jimminimizzaw l-impronta ambjentali tagħhom;

(h)l-użu sħiħ tas-soluzzjonijiet ibbażati fuq in-natura u l-innovazzjoni soċjali;

(i)l-applikazzjoni effettiva ta’ standards għoljin għat-trasparenza, il-parteċipazzjoni tal-pubbliku u l-aċċess għall-ġustizzja skont il-Konvenzjoni dwar l-aċċess għall-informazzjoni, il-parteċipazzjoni tal-pubbliku fit-teħid tad-deċiżjonijiet u l-aċċess għall-ġustizzja fi kwistjonijiet ambjentali (il-Konvenzjoni ta’ Aarhus) 35 ;

(j)tagħmel id-data u l-evidenza marbuta mal-implimentazzjoni tat-tmien EAP disponibbli pubblikament u aċċessibbli faċilment, mingħajr preġudizzju għad-dispożizzjonijiet dwar il-kunfidenzjalità fil-leġiżlazzjoni speċifika għall-qasam;

(k)l-appoġġ għall-adozzjoni globali tal-objettivi prijoritarji stabbiliti fl-Artikolu 2, filwaqt li tiġi żgurata l-koerenza bejn l-approċċi interni u esterni u l-azzjoni koordinata, b’mod partikolari fir-rigward:

2.Biex jintlaħqu l-objettivi prijoritarji tat-tmien EAP se jkun hemm bżonn li jiġi mobilizzat appoġġ wiesa’ billi jiġu involuti ċ-ċittadini, is-sħab soċjali u partijiet ikkonċernati oħra, u titħeġġeġ il-kooperazzjoni fl-iżvilupp u l-implimentazzjoni ta’ strateġiji, politiki jew leġiżlazzjoni relatati mat-tmien EAP fost l-awtoritajiet nazzjonali, reġjonali u lokali, f’żoni urbani u rurali.

Artikolu 4 - Qafas ta’ monitoraġġ

1.Il-Kummissjoni, appoġġata mill-Aġenzija Ewropea għall-Ambjent u l-Aġenzija Ewropea għas-Sustanzi Kimiċi, għandha tivvaluta u tirrapporta dwar il-progress tal-Unjoni u tal-Istati Membri fir-rigward tal-kisba tal-objettivi prijoritarji stabbiliti fl-Artikolu 2 fuq bażi regolari, filwaqt li jitqiesu l-kundizzjonijiet ta’ awtorizzazzjoni stabbiliti fl-Artikolu 3.

2.Il-valutazzjoni msemmija fil-paragrafu 1 għandha tirrifletti l-aħħar żviluppi fir-rigward tad-disponibbiltà u r-rilevanza tad-data u l-indikaturi, abbażi tad-data disponibbli fl-Istati Membri u fil-livell tal-Unjoni, b’mod partikolari dawk imħaddma mill-Aġenzija Ewropea għall-Ambjent u s-Sistema Statistika Ewropea. Din il-valutazzjoni għandha tkun mingħajr preġudizzju għall-oqfsa u l-eżerċizzji eżistenti ta’ monitoraġġ, rapportar u governanza li jkopru l-politika ambjentali u klimatika.

3.L-Aġenzija Ewropea għall-Ambjent u l-Aġenzija Ewropea għas-Sustanzi Kimiċi għandhom jappoġġaw lill-Kummissjoni fit-titjib tad-disponibbiltà u r-rilevanza tad-data u l-għarfien, b’mod partikolari billi jwettqu dan li ġej:

(a)il-ġbir, l-ipproċessar u r-rapportar ta’ evidenza u data b’għodod diġitali moderni;

(b)il-ħidma lejn l-għeluq tal-lakuni rilevanti fid-data tal-monitoraġġ;

(c)it-twassil ta’ analiżi rilevanti għall-politika u sistemika, u l-kontribuzzjoni għall-implimentazzjoni tal-objettivi tal-politika fil-livell tal-Unjoni u dak nazzjonali;

(d)l-integrazzjoni tad-data dwar l-impatti ambjentali, soċjali u ekonomiċi, u l-isfruttar sħiħ ta’ data disponibbli oħra, bħal dik mogħtija minn Copernicus;

(e)it-titjib ulterjuri tal-aċċess għad-data permezz tal-programmi tal-Unjoni;

(f)l-iżgurar tat-trasparenza u tar-responsabbiltà;

(g)l-għajnuna lis-soċjetà ċivili, lill-awtoritajiet pubbliċi, liċ-ċittadini, lis-sħab soċjali u lis-settur privat biex jidentifikaw ir-riskji klimatiċi u ambjentali u jieħdu azzjoni biex jipprevjenu, jimmitigaw u jadattaw ruħhom għalihom, u jrawmu l-involviment tagħhom biex jagħlqu d-diskrepanzi fl-għarfien.

4.Il-Kummissjoni għandha teżamina regolarment il-ħtiġijiet tad-data u l-għarfien fil-livell tal-Unjoni u dak nazzjonali, inkluża l-kapaċità tal-Aġenzija Ewropea għall-Ambjent u tal-Aġenzija Ewropea għas-Sustanzi Kimiċi li jwettqu l-kompiti msemmija fil-paragrafu 3.

Artikolu 5 – Evalwazzjoni

Sal-31 ta’ Marzu 2029, il-Kummissjoni għandha twettaq evalwazzjoni tat-tmien EAP. Il-Kummissjoni għandha tippreżenta rapport lill-Parlament Ewropew u lill-Kunsill li jkun fih is-sejbiet ewlenin ta’ dik l-evalwazzjoni, akkumpanjat, jekk il-Kummissjoni tqis xieraq, minn proposta leġiżlattiva għall-programm ta’ azzjoni ambjentali li jmiss.

Artikolu 6 – Dħul fis-seħħ

Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fi Brussell,

DIKJARAZZJONI FINANZJARJA LEĠIŻLATTIVA – “AĠENZIJI”

Werrej

1.KUNTEST TAL-PROPOSTA

2.BAŻI ĠURIDIKA, SUSSIDJARJETÀ U PROPORZJONALITÀ

3.IR-RIŻULTATI TAL-EVALWAZZJONIJIET U L-KONSULTAZZJONIJIET MAL-PARTIJIET IKKONĊERNATI

4.IMPLIKAZZJONIJIET BAĠITARJI

5.ELEMENTI OĦRA

1.QAFAS TAL-PROPOSTA/INIZJATTIVA

1.1.Titolu tal-proposta/inizjattiva

1.2.Qasam/oqsma ta’ politika kkonċernat/i

1.3.Il-proposta hija marbuta ma’

1.4.Objettiv(i)

1.4.1.Objettiv(i) ġenerali

1.4.2.Objettiv(i) speċifiku/speċifiċi

1.4.3.Riżultati u impatt mistenni

1.5.Raġunijiet għall-proposta/inizjattiva

1.5.1.Rekwiżit(i) li għandhom jiġu ssodisfati fuq terminu qasir jew twil inkluża kronoloġija dettaljata għall-prosegwiment tal-implimentazzjoni tal-inizjattiva

1.5.2.Il-valur miżjud tal-involviment tal-Unjoni (dan jista’ jirriżulta minn fatturi differenti, eż. titjib fil-koordinazzjoni, ċertezza legali, effettività jew komplementarjetajiet akbar). Għall-finijiet ta’ dan il-punt, “il-valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li huwa addizzjonali għall-valur li nkella kien jinħoloq mill-Istati Membri weħidhom.

1.5.3.Lezzjonijiet miksuba minn esperjenzi simili fil-passat

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħrajn

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata u impatt finanzjarju tal-proposta/tal-inizjattiva

1.7.Mod(i) ta’ ġestjoni ppjanat(i)

2.MIŻURI TA’ ĠESTJONI

2.1.Regoli dwar il-monitoraġġ u r-rapportar

2.2.Sistema(i) ta’ ġestjoni u kontroll

2.2.1.Ġustifikazzjoni tal-mod(i) ta’ ġestjoni, il-mekkaniżmu(i) għall-implimentazzjoni tal-finanzjament, il-modalitajiet ta’ pagament u l-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema(i) ta’ kontroll intern stabbiliti għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon tal-“ispejjeż tal-kontroll ÷ il-valur tal-fondi relatati ġestiti”), u valutazzjoni tal-livelli mistennija tar-riskju ta’ żball (mal-ħlas u fl-għeluq)

2.3.Miżuri għall-prevenzjoni tal-frodi u l-irregolaritajiet

3.IMPATT FINANZJARJU STMAT TAL-PROPOSTA/INIZJATTIVA

3.1.Intestatura(i) tal-qafas finanzjarju pluriennali u l-linja(i) baġitarja(i) tan-nefqa affettwata(i)

3.2.Impatt stmat fuq in-nefqa

3.2.1.Sommarju tal-impatt stmat fuq in-nefqa

3.2.2.Stima tal-impatt fuq l-approprjazzjonijiet tal-EEA u l-ECHA

3.2.3.Stima tal-impatt fuq ir-riżorsi umani tal-EEA u l-ECHA

3.2.4.Kompatibbiltà mal-qafas finanzjarju pluriennali attwali

3.2.5.Kontribuzzjonijiet ta’ partijiet terzi

3.3.L-impatt stmat fuq id-dħul

DIKJARAZZJONI FINANZJARJA LEĠIŻLATTIVA SUPPLIMENTARI - “AĠENZIJI”

1.QAFAS TAL-PROPOSTA/INIZJATTIVA 

1.1.Titolu tal-proposta/inizjattiva

1.2.Qasam/oqsma ta’ politika kkonċernat/i

1.3.Il-proposta hija marbuta ma’ 

☑ azzjoni ġdida

◻ azzjoni ġdida li ssegwi proġett pilota/azzjoni preparatorja 36  

☑ l-estensjoni ta’ azzjoni eżistenti 

◻ fużjoni ta’ azzjoni waħda jew aktar f’azzjoni oħra/f’azzjoni ġdida 

1.4.Objettiv(i)

1.4.1.Objettiv(i) ġenerali 

1.4.2.Objettiv(i) speċifiku/speċifiċi 

1.4.3.Riżultati u impatt mistenni

Speċifika l-effetti li għandu jkollha l-proposta/inizjattiva fuq il-benefiċjarji/gruppi fil-mira.

Speċifika l-indikaturi għall-monitoraġġ tal-progress u tal-kisbiet.

1.5.Raġunijiet għall-proposta/inizjattiva 

1.5.1.Rekwiżit(i) li għandhom jiġu ssodisfati fuq terminu qasir jew twil inkluża kronoloġija dettaljata għall-prosegwiment tal-implimentazzjoni tal-inizjattiva

1.5.2.Il-valur miżjud tal-involviment tal-Unjoni (dan jista’ jirriżulta minn fatturi differenti, eż. titjib fil-koordinazzjoni, ċertezza legali, effettività jew komplementarjetajiet akbar). Għall-finijiet ta’ dan il-punt, “il-valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li huwa addizzjonali għall-valur li nkella kien jinħoloq mill-Istati Membri weħidhom.

1.5.3.Lezzjonijiet miksuba minn esperjenzi simili fil-passat

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħrajn

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata u impatt finanzjarju tal-proposta/tal-inizjattiva

◻ durata limitata

–◻    Proposta/inizjattiva b’effett minn [JJ/XX]SSSS sa [JJ/XX]SSSS

–◻    Impatt finanzjarju mill-SSSS sal-SSSS

☑ tul ta’ żmien mhux limitat

–Implimentazzjoni b’perjodu ta’ inizjalizzazzjoni mill-2021

–u warajha tħaddim fl-iskala kollha.

1.7.Mod(i) ta’ ġestjoni ppjanat(i) 38   

☑ Ġestjoni diretta mill-Kummissjoni permezz ta’

–◻    aġenziji eżekuttivi

◻ Ġestjoni kondiviża mal-Istati Membri

☑ Ġestjoni indiretta billi jiġu fdati kompiti ta' implimentazzjoni baġitarja:

◻ lill-organizzazzjonijiet internazzjonali u lill-aġenziji tagħhom (iridu jiġu speċifikati);

◻lill-BEI u lill-Fond Ewropew tal-Investiment;

☑ lill-korpi msemmija fl-Artikoli 70 u 71;

◻ lill-korpi tal-liġi pubblika;

◻ lill-korpi rregolati mil-liġi privata b’missjoni ta’ servizz pubbliku sakemm dawn jipprovdu garanziji finanzjarji adegwati;

◻ korpi regolati mid-dritt privat ta’ Stat Membru li huma fdati bl-implimentazzjoni ta’ sħubija pubblika-privata u li jipprovdu garanziji finanzjarji adegwati;

◻ persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE u li huma identifikati fl-att bażiku rilevanti.

Kummenti

2.MIŻURI TA’ ĠESTJONI 

2.1.Regoli dwar il-monitoraġġ u r-rapportar 

Speċifika l-frekwenza u l-kundizzjonijiet.

2.2.Sistema(i) ta’ ġestjoni u kontroll 

2.2.1.Ġustifikazzjoni tal-mod(i) ta’ ġestjoni, il-mekkaniżmu(i) għall-implimentazzjoni tal-finanzjament, il-modalitajiet ta’ pagament u l-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema(i) ta’ kontroll intern stabbiliti għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon tal-“ispejjeż tal-kontroll ÷ il-valur tal-fondi relatati ġestiti”), u valutazzjoni tal-livelli mistennija tar-riskju ta’ żball (mal-ħlas u fl-għeluq) 

2.3.Miżuri għall-prevenzjoni tal-frodi u l-irregolaritajiet 

Speċifika l-miżuri ta’ prevenzjoni u ta’ protezzjoni eżistenti jew previsti, eż. mill-Istrateġija Kontra l-Frodi.

3.IMPATT FINANZJARJU STMAT TAL-PROPOSTA/INIZJATTIVA 39  

3.1.Intestatura(i) tal-qafas finanzjarju pluriennali u l-linja(i) baġitarja(i) tan-nefqa affettwata(i) 

·L-intestaturi baġitarji eżistenti

Fl-ordni tal-intestaturi tal-qafas finanzjarju pluriennali u linji baġitarji.

3.2.Impatt stmat fuq in-nefqa 

3.2.1.Sommarju tal-impatt stmat fuq in-nefqa 43  

Miljuni ta’ EUR (sa tliet punti deċimali)

Huwa mistenni li l-Intestatura 3 se żżomm in-newtralità u mhux se tkun affettwata minn dawn il-proposti. Ir-riżorsi meħtieġa għall-EEA u l-ECHA se jitnaqqsu mill-baġit tal-LIFE skont qsim ta’ 2/3 tal-ispejjeż għad-DĠ Ambjent u 1/3 tal-ispejjeż għad-DĠ Azzjoni Klimatika għall-EEA, filwaqt li r-riżorsi meħtieġa għall-ECHA se jkunu koperti mid-DĠ Ambjent kollha kemm huma.

Il-prezzijiet kostanti

3.2.2.Stima tal-impatt fuq l-approprjazzjonijiet tal-EEA u l-ECHA 

–☑    Il-proposta/l-inizjattiva ma teħtieġx l-użu ta’ approprjazzjonijiet operattivi

–◻    Il-proposta/l-inizjattiva teħtieġ l-użu ta’ approprjazzjonijiet operattivi, kif spjegat hawn taħt:

Approprjazzjonijiet ta’ impenn f’miljuni ta’ EUR (aġġustati ’l fuq għal tliet pożizzjonijiet deċimali) fi prezzijiet kostanti

3.2.3.Stima tal-impatt fuq ir-riżorsi umani tal-EEA u l-ECHA 

3.2.3.1.Fil-Qosor

–◻    Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva

–☑    Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

EUR miljun (sa tliet pożizzjonijiet deċimali) fi prezzijiet kostanti

Nota: Il-prezzijiet jassumu aġġustament ta’ 31.9 % għall-postijiet tal-EEA (f’Copenhagen) u indiċjar tas-salarji ta’ 2 % għall-perjodu kollu tal-MMF (kemm il-postijiet tal-EEA kif ukoll tal-ECHA).

Rekwiżiti tal-persunal (FTE):

3.2.3.2.Stima tar-rekwiżiti tar-riżorsi umani għad-DĠ oriġinarji

–☑    Il-proposta/inizjattiva ma teħtieġ l-ebda użu ta’ riżorsi umani addizzjonali.

–◻    Il-proposta/l-inizjattiva teħtieġ l-użu tar-riżorsi umani, kif spjegat hawn taħt:

L-istima trid tiġi espressa f’ammonti sħaħ (jew sa massimu ta’ punt deċimali wieħed)

XX huwa l-qasam ta’ politika jew it-titolu baġitarju kkonċernat.

Ir-riżorsi umani meħtieġa għal din l-attività u b’mod partikolari l-qafas imtejjeb ta’ monitoraġġ li se jiġi stabbilit, se jiġu koperti mill-persunal mid-DĠ li diġà huma assenjati għall-ġestjoni tal-azzjoni u/jew ġew riallokati fi ħdan id-DĠ. Jekk ikun meħtieġ, il-ħtiġijiet se jitqabblu ma’ kwalunkwe allokazzjoni addizzjonali li tista’ tingħata lid-DĠ responsabbli mill-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

Deskrizzjoni tal-kompiti li jridu jitwettqu:

Id-deskrizzjoni tal-kalkolu tal-kost għall-unitajiet FTE għandhom ikunu inklużi fit-Taqsima 3 tal-Anness V.

3.2.4.Kompatibbiltà mal-qafas finanzjarju pluriennali attwali 

–◻    Il-proposta/l-inizjattiva hija kompatibbli mal-qafas finanzjarju pluriennali attwali.

–☑    Il-proposta/l-inizjattiva se tirrikjedi programmazzjoni mill-ġdid tal-intestatura rilevanti fil-qafas finanzjarju pluriennali.

–◻    Il-proposta/inizjattiva teħtieġ applikazzjoni tal-istrument ta’ flessibbiltà jew reviżjoni tal-qafas finanzjarju pluriennali 49 .

3.2.5.Kontribuzzjonijiet ta’ partijiet terzi 

–☑     Il-proposta/l-inizjattiva ma tipprovdix għal kofinanzjament minn partijiet terzi.

–◻    Il-proposta/l-inizjattiva tipprovdi għall-kofinanzjament stmat hawn taħt:

Miljuni ta’ EUR (sa tliet punti deċimali)

3.3.L-impatt stmat fuq id-dħul 

–☑    Il-proposta/l-inizjattiva ma għandha l-ebda impatt finanzjarju fuq id-dħul.

–◻    Il-proposta/l-inizjattiva għandha l-impatt finanzjarju li ġej:

-fuq ir-riżorsi proprji

-fuq dħul ieħor

-jekk jogħġbok indika jekk id-dħul huwiex assenjat għal linji tan-nefqa

Miljuni ta’ EUR (sa tliet punti deċimali)

Għad-dħul “assenjat” mixxellanju, speċifika l-linja/i baġitarja/i tan-nefqa affettwata/i.

Speċifika l-metodu biex jiġi kkalkolat l-impatt fuq id-dħul.

(1)    Rapport tal-Aġenzija Ewropea għall-Ambjent: The European environment - state and outlook 2020, Knowledge for transition to a sustainable Europe (2019).

(2)    COM(2019) 640 final.

(3)    COM (2018)773 final.

(4)    Preżentazzjoni mill-Kroazja u l-Kummissjoni Ewropea f’isem l-Unjoni Ewropea u l-Istati Membri tagħha, Long-term low greenhouse gas emission development strategy of the European Union and its Member States (2020, https://unfccc.int/sites/default/files/resource/HR-03-06-2020%20EU%20Submission%20on%20Long%20term%20strategy.pdf ).

(5)    COM(2020) 80 final.

(6)    COM (2020) 98 final.

(7)    COM(2020) 380 final

(8)    COM(2020) 381 final.

(9)    COM (2019) 233 final.

(10)    Valutazzjoni tal-Impatt Ewropew tal-Parlament Ewropew: L-implimentazzjoni tas-Seba’ Programm ta’ Azzjoni Ambjentali - Rieżami ta’ nofs it-terminu (2017).

(11)    Riżoluzzjoni tal-Parlament Ewropew tas-17 ta’ April 2018 dwar l-implimentazzjoni tas-seba’ Programm ta’ Azzjoni Ambjentali (2017/2030(INI)).

(12)    Il-Kumitat tar-Reġjuni: Lejn it-tmien Programm ta’ Azzjoni Ambjentali – Id-dimensjoni lokali u reġjonali (2018).

(13)    ĠU C 168, 16.5.2019, p. 27–36.

(14)    Il-Konklużjonijiet tal-Kunsill tal-4 ta’ Ottubru 2019 (12795/19).

(15)    Ara pereżmpju https://data.consilium.europa.eu/doc/document/ST-10414-2019-INIT/mt/pdf .

(16)

    https://www.eesc.europa.eu/mt/our-work/opinions-information-reports/opinions/reflection-paper-towards-sustainable-europe-2030 .

(17)    Ara pereżempju l-OECD Well-being Framework, l-OECD Framework for Policy Action on Inclusive Growth, il-Better Life Initiative u n-New Approaches to Economic Challenges Initiative.

(18)    https://www.postgrowth2018.eu/

(19)    Ara pereżempju https://www.eea.europa.eu/publications/environmental-indicator-report-2018

(20)    COM(2020) 98 final, paġna 18.

(21)    Daħħal jekk il-KESE jadotta opinjoni dwar il-proposta

(22)    Daħħal jekk il-KtR jadotta opinjoni dwar il-proposta

(23)    ĠU L 354, 28.12.2013, p. 171

(24)    COM(2019) 233 final.

(25)    COM(2019) 640 final.

(26)    COM(2020) 80 final.

(27)    Ara pereżempju https://data.consilium.europa.eu/doc/document/ST-10414-2019-INIT/mt/pdf

(28)    https://www.eesc.europa.eu/en/our-work/opinions-information-reports/opinions/reflection-paper-towards-sustainable-europe-2030.https://www.eesc.europa.eu/mt/our-work/opinions-information-reports/opinions/reflection-paper-towards-sustainable-europe-2030.

(29)    Ara pereżempju l-OECD Well-being Framework, l-OECD Framework for Policy Action on Inclusive Growth, il-Better Life Initiative u n-New Approaches to Economic Challenges Initiative.

(30)    Ir-Regolament (UE) 2018/1999 tal-Parlament Ewropew u tal-Kunsill tal-11 ta’ Diċembru 2018 dwar il-Governanza tal-Unjoni tal-Enerġija u tal-Azzjoni Klimatika, ĠU L 328, 21.12.2018, p. 1-77.

(31)    COM/2020/493 final.

(32)    COM/2020/80 final.

(33)    Id-Direttiva 2014/52/UE tal-Parlament Ewropew u tal-Kunsill tas-16 ta’ April 2014 li temenda d-Direttiva tal-Kunsill 2011/92/UE dwar il-valutazzjoni tal-effetti ta' ċerti proġetti pubbliċi u privati fuq l-ambjent, Test b’rilevanza għaż-ŻEE, ĠU L 124, 25.4.2014, p. 1–18.

(34)    Id-Direttiva 2001/42/KE tal-Parlament Ewropew u tal-Kunsill tas-27 ta’ Ġunju 2001 dwar l-istima tal-effetti ta’ ċerti pjanijiet u programmi fuq l-ambjent, ĠU L 197, 21.7.2001.

(35)    https://www.unece.org/fileadmin/DAM/env/pp/documents/cep43e.pdf.

(36)    Kif imsemmi fl-Artikolu 58(2)(a) jew (b) tar-Regolament Finanzjarju.

(37)    Ara https://ec.europa.eu/environment/legal/reporting/fc_actions_en.htm

(38)    Id-dettalji tal-modi ta’ ġestjoni u r-referenzi għar-Regolament Finanzjarju jinsabu fuq is-sit BudgWeb: https://myintracomm.ec.europa.eu/budgweb/MT/man/budgmanag/Pages/budgmanag.aspx .

(39)

   Iċ-ċifri baġitarji ppreżentati huma indikattivi u mingħajr preġudizzju għall-proċeduri baġitarji wara l-adozzjoni tal-Qafas Finanzjarju Pluriennali 2021-2027.

(40)    Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.

(41)    EFTA: L-Assoċjazzjoni Ewropea tal-Kummerċ Ħieles.

(42)    Pajjiżi kandidati u, fejn ikun applikabbli, pajjiżi potenzjalment kandidati mill-Balkani tal-Punent.

(43)

   Iċ-ċifri baġitarji ppreżentati huma indikattivi u mingħajr preġudizzju għall-proċeduri baġitarji wara l-adozzjoni tal-Qafas Finanzjarju Pluriennali 2021-2027.

(44)    Outputs huma prodotti u servizzi li jridu jiġu fornuti (eż.: numru ta’ skambji ta’ studenti ffinanzjati, numru ta’ kilometri ta’ toroq mibnija, eċċ.).

(45)    Kif deskritt fil-punt 1.4.2. “Objettiv(i) speċifiku(ċi)...”

(46)    AC= Persunal b'Kuntratt; AL = Persunal Lokali; END = Espert Nazzjonali Sekondat; INT = persunal tal-aġenziji; JPD = Professjonisti Żgħażagħ fid-Delegazzjonijiet.

(47)    Sottolimitu għall-persunal estern kopert mill-approprjazzjonijiet operattivi (li qabel kienu l-linji “BA”).

(48)    Prinċipalment għall-Fondi Strutturali, għall-Fond Agrikolu Ewropew għall-Iżvilupp Rurali (FAEŻR) u għall-Fond Ewropew għas-Sajd (FES).

(49)    Ara l-Artikoli 11 u 17 tar-Regolament tal-Kunsill (UE, Euratom) Nru 1311/2013 li jistabbilixxi l-qafas finanzjarju pluriennali għas-snin 2014-2020.

(50)    Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri l-ammonti gross wara t-tnaqqis ta’ 20 % għall-ispejjeż tal-ġbir.