This document is an excerpt from the EUR-Lex website
Document 52018PC0669
Proposal for a COUNCIL DECISION on the financial contributions to be paid by Member States to finance the European Development Fund, including the third instalment for 2018
Proposta għal DEĊIŻJONI TAL-KUNSILL dwar il-kontribuzzjonijiet finanzjarji li jridu jitħallsu mill-Istati Membri għall-finanzjament tal-Fond Ewropew għall-Iżvilupp, inkluż it-tielet ħlas parzjali għall-2018
Proposta għal DEĊIŻJONI TAL-KUNSILL dwar il-kontribuzzjonijiet finanzjarji li jridu jitħallsu mill-Istati Membri għall-finanzjament tal-Fond Ewropew għall-Iżvilupp, inkluż it-tielet ħlas parzjali għall-2018
COM/2018/669 final
IL-KUMMISSJONI EWROPEA
Brussell, 4.10.2018
COM(2018) 669 final
2018/0340(NLE)
Proposta għal
DEĊIŻJONI TAL-KUNSILL
dwar il-kontribuzzjonijiet finanzjarji li jridu jitħallsu mill-Istati Membri għall-finanzjament tal-Fond Ewropew għall-Iżvilupp, inkluż it-tielet ħlas parzjali għall-2018
MEMORANDUM TA’ SPJEGAZZJONI
1.KUNTEST TAL-PROPOSTA
•Raġunijiet u objettivi tal-proposta
Il-proposta tikkonċerna abbozz ta' Deċiżjoni tal-Kunsill dwar it-tielet ħlas parzjali tal-kontribuzzjonijiet finanzjarji għall-Fond Ewropew għall-Iżvilupp (FEŻ) li jridu jitħallsu mill-Istati Membri fl-2018.
Il-11-il FEŻ u fondi oħra tal-FEŻ li għadhom miftuħin (jiġifieri t-Tmien, id-Disa' u l-10 FEŻ) huma ġestiti skont il-ġabra ta' regoli li ġejja:
- Il-Ftehim ta' Sħubija kurrenti bejn il-membri tal-Grupp ta' Stati tal-Afrika, il-Karibew u l-Paċifiku fuq naħa, u l-Komunità Ewropea u l-Istati Membri tagħha fuq in-naħa l-oħra ("il-Ftehim ta' Sħubija AKP-UE") kif emendat l-aħħar 1 ,
- Il-Ftehim Intern bejn ir-rappreżentanti tal-gvernijiet tal-Istati Membri tal-Unjoni Ewropea, imlaqqgħin fi ħdan il-Kunsill, dwar l-iffinanzjar ta’ għajnuna mill-Unjoni Ewropea taħt il-Qafas Finanzjarju Pluriennali għall-perjodu mill-2014 sal-2020, skont il-ftehim ta’ sħubija AKP-UE, u dwar l-allokazzjoni ta’ assistenza finanzjarja għall-pajjiżi u territorji extra-Ewropej li għalihom tapplika r-Raba’ Parti tat-Trattat dwar il-Funzjonament tal-Unjoni Ewropea 2 (il-11-il “Ftehim Intern” tal-FEŻ),
- Ir-Regolament tal-Kunsill (UE) 2015/323 dwar ir-Regolament Finanzjarju applikabbli għall-11-il Fond Ewropew għall-Iżvilupp 3 ("ir-Regolament Finanzjarju tal-11-il FEŻ").
Id-dokumenti msemmijin hawn fuq jinkludu impenji pluriennali mill-Istati Membri biex jappoġġaw finanzjarjament it-teżor tal-FEŻ. Ir-Regolament Finanzjarju tal-11-il FEŻ jipprevedi li jsiru kontribuzzjonijiet regolari mill-Istati Membri għat-teżor tal-FEŻ skont impenji finanzjarji predeterminati. Il-kontribuzzjonijiet regolari huma xprunati minn Deċiżjonijiet tekniċi tal-Kunsill li jirriflettu l-implimentazzjoni ta’ impenji finanzjarji deċiżi minn qabel.
Għaldaqstant, uħud mill-intestaturi fil-memorandum ta’ spjegazzjoni mhumiex applikabbli għal sejħiet regolari għall-kontribuzzjonijiet, bħalma hi din.
•Konsistenza mad-dispożizzjonijiet ta’ politika eżistenti fil-qasam tal-politika
Irreferi għall-punt 1. Raġunijiet u għanijiet tal-proposta.
•Konsistenza ma' politiki oħra tal-Unjoni
Irreferi għall-punt 1. Raġunijiet u għanijiet tal-proposta.
2.BAŻI ĠURIDIKA, SUSSIDJARJETÀ U PROPORZJONALITÀ
•Bażi ġuridika
L-Artikolu 7 tal-Ftehim Intern 4 il-kontribuzzjonijiet mill-Istati Membri għall-11-il FEŻ iridu jiġu approvati permezz ta' Deċiżjoni tal-Kunsill adottata b'maġġoranza kwalifikata.
Skont l-Artikolu 21(7) tar-Regolament Finanzjarju tal-11-il FEŻ, l-ammont ġestit mill-Kummissjoni u l-ammont ġestit mill-Bank Ewropew tal-Investiment (BEI) huma speċifikati separatament.
Skont l-Artikolu 52 tar-Regolament Finanzjarju tal-11-il-FEŻ, il-BEI bagħat lill-Kummissjoni l-estimi aġġornati tiegħu ta' impenji u ħlasijiet skont l-istrumenti li jġestixxi.
F'konformità mal-Artikolu 22(1) tar-Regolament Finanzjarju tal-11-il FEŻ, is-sejħiet għall-kontribuzzjonijiet għandhom l-ewwel jużaw l-ammonti disponibbli minn FEŻ preċedenti, wieħed wara l-ieħor. Għall-Kummissjoni, l-ammonti kollha mill-FEŻ preċedenti diġà ntużaw, is-sejħiet għall-kontribuzzjonijiet f’din il-proposta għalhekk jirrigwardaw ammonti taħt il-11-il FEŻ.
F'konformità mal-Artikolu 21(5) tar-Regolament Finanzjarju tal-11-il FEŻ, il-Kunsill għandu jiddeċiedi dwar din il-proposta mhux aktar tard minn 21 jum kalendarju wara l-preżentazzjoni mill-Kummissjoni tal-proposta tagħha.
L-Artikolu 23(1) tar-Regolament Finanzjarju tal-11-il FEŻ jistipula li Stat Membru li jonqos milli jħallas il-pagament parzjali tal-kontribuzzjoni dovut sal-iskadenza jkun jeħtieġlu jħallas l-imgħax fuq l-ammont li ma jkunx ħallas; l-arranġamenti għall-pagament tal-imgħax huma speċifikati fl-istess Artikolu.
•Sussidjarjetà (għall-kompetenza mhux esklużiva)
Irreferi għall-punt 1. Raġunijiet u għanijiet tal-proposta.
•Proporzjonalità
Irreferi għall-punt 1. Raġunijiet u għanijiet tal-proposta.
•Għażla tal-istrument
Irreferi għall-punt 1. Raġunijiet u għanijiet tal-proposta.
2018/0340 (NLE)
Proposta għal
DEĊIŻJONI TAL-KUNSILL
dwar il-kontribuzzjonijiet finanzjarji li jridu jitħallsu mill-Istati Membri għall-finanzjament tal-Fond Ewropew għall-Iżvilupp, inkluż it-tielet ħlas parzjali għall-2018
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea,
Wara li kkunsidra l-Ftehim Intern bejn ir-rappreżentanti tal-gvernijiet tal-Istati Membri tal-Unjoni Ewropea, imlaqqgħin fi ħdan il-Kunsill, dwar l-iffinanzjar ta’ għajnuna mill-Unjoni Ewropea taħt il-Qafas Finanzjarju Pluriennali għall-perjodu mill-2014 sal-2020, skont il-ftehim ta’ sħubija AKP-UE, u dwar l-allokazzjoni ta’ assistenza finanzjarja għall-pajjiżi u territorji extra-Ewropej li għalihom tapplika r-Raba’ Parti tat-Trattat dwar il-Funzjonament tal-Unjoni Ewropea 5 ("il-Ftehim Intern"), u b'mod partikolari l-Artikolu 7(2) tiegħu,
Wara li kkunsidra r-Regolament tal-Kunsill (UE) 2015/323 tat-2 ta' Marzu 2015 dwar ir-regolament finanzjarju applikabbli ghall-11-il Fond Ewropew għall-Iżvilupp ("ir-Regolament Finanzjarju tal-11-il FEŻ") 6 , u b'mod partikolari l-Artikolu 21(5) tiegħu,
Wara li kkunsidra l-proposta tal-Kummissjoni Ewropea,
Billi:
(1)Skont il-proċedura stabbilita fl-Artikolu 21(5) tar-Regolament Finanzjarju tal-11-il FEŻ, il-Kummissjoni għandha tressaq proposta sal-10 ta' Ottubru 2018 li tispeċifika (a) l-ammont tat-tielet ħlas parzjali tal-kontribuzzjoni għall-2018, (b) ammont annwali rivedut tal-kontribuzzjoni għall-2018, f'każijiet fejn l-ammont ivarja mill-bżonnijiet reali.
(2)Skont l-Artikolu 52 tar-Regolament Finanzjarju tal-11-il FEŻ, il-Bank Ewropew tal-Investiment bagħat lill-Kummissjoni l-estimi aġġornati tiegħu tal-impenji u l-pagamenti fl-istrumenti li jġestixxi.
(3)L-Artikolu 22(1) tar-Regolament Finanzjarju tal-11-il FEŻ jistipula li s-sejħiet għal kontribuzzjonijiet l-ewwel jużaw l-ammonti stipulati fil-FEŻ preċedenti. Għalhekk jenħtieġ li ssir sejħa għall-fondi skont il-11-il FEŻ għall-fondi imsejħa mill-Kummissjoni Ewropea.
(4)Permezz tad-Deċiżjoni (UE) 2018/965, fid-9 ta' Lulju 2018, wara proposta mill-Kummissjoni Ewropea, il-Kunsill adotta d-Deċiżjoni biex jiġi ffissat l-ammont annwali tal-kontribuzzjonijiet tal-FEŻ tal-Istati Membri għall-2018 għal EUR 4 250 000 000 għall-Kummissjoni Ewropea, u għal EUR 250 000 000 għall-Bank Ewropew tal-Investiment 7 .
ADOTTA DIN ID-DEĊIŻJONI:
Artikolu 1
Il-kontribuzzjonijiet individwali tal-Fond Ewropew għall-Iżvilupp li jridu jitħallsu mill-Istati Membri lill-Kummissjoni Ewropea u lill-Bank Ewropew tal-Investiment bħala t-tielet ħlas parzjali għall-2018 huma stabbiliti fit-tabella fl-Anness ta' din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell,
Għall-Kunsill
Il-President
IL-KUMMISSJONI EWROPEA
Brussell, 4.10.2018
COM(2018) 669 final
ANNESS
Proposta għal
DEĊIŻJONI TAL-KUNSILL
dwar il-kontribuzzjonijiet finanzjarji li jridu jitħallsu mill-Istati Membri għall-finanzjament tal-Fond Ewropew għall-Iżvilupp, inkluż it-tielet ħlas parzjali għall-2018
ANNESS
|
STATI MEMBRI |
Skema tal-10 FEŻ % |
Skema tal-11-il FEŻ % |
It-tielet ħlas parzjali tal-2018 (EUR) |
Total |
|
|
Il-Kummissjoni |
Il-BEI |
||||
|
Il-11-il FEŻ |
L-10 FEŻ |
||||
|
IL-BELĠJU |
3.53 |
3.24927 |
29,243,430.00 |
0.00 |
29,243,430.00 |
|
IL-BULGARIJA |
0.14 |
0.21853 |
1,966,770.00 |
0.00 |
1,966,770.00 |
|
IR-REPUBBLIKA ĊEKA |
0.51 |
0.79745 |
7,177,050.00 |
0.00 |
7,177,050.00 |
|
ID-DANIMARKA |
2.00 |
1.98045 |
17,824,050.00 |
0.00 |
17,824,050.00 |
|
IL-ĠERMANJA |
20.50 |
20.57980 |
185,218,200.00 |
0.00 |
185,218,200.00 |
|
L-ESTONJA |
0.05 |
0.08635 |
777,150.00 |
0.00 |
777,150.00 |
|
L-IRLANDA |
0.91 |
0.94006 |
8,460,540.00 |
0.00 |
8,460,540.00 |
|
IL-GREĊJA |
1.47 |
1.50735 |
13,566,150.00 |
0.00 |
13,566,150.00 |
|
SPANJA |
7.85 |
7.93248 |
71,392,320.00 |
0.00 |
71,392,320.00 |
|
FRANZA |
19.55 |
17.81269 |
160,314,210.00 |
0.00 |
160,314,210.00 |
|
IL-KROAZJA |
0.00 |
0.22518 |
2,026,620.00 |
0.00 |
2,026,620.00 |
|
L-ITALJA |
12.86 |
12.53009 |
112,770,810.00 |
0.00 |
112,770,810.00 |
|
ĊIPRU |
0.09 |
0.11162 |
1,004,580.00 |
0.00 |
1,004,580.00 |
|
IL-LATVJA |
0.07 |
0.11612 |
1,045,080.00 |
0.00 |
1,045,080.00 |
|
IL-LITWANJA |
0.12 |
0.18077 |
1,626,930.00 |
0.00 |
1,626,930.00 |
|
IL-LUSSEMBURGU |
0.27 |
0.25509 |
2,295,810.00 |
0.00 |
2,295,810.00 |
|
L-UNGERIJA |
0.55 |
0.61456 |
5,531,040.00 |
0.00 |
5,531,040.00 |
|
MALTA |
0.03 |
0.03801 |
342,090.00 |
0.00 |
342,090.00 |
|
IN-NETHERLANDS |
4.85 |
4.77678 |
42,991,020.00 |
0.00 |
42,991,020.00 |
|
L-AWSTRIJA |
2.41 |
2.39757 |
21,578,130.00 |
0.00 |
21,578,130.00 |
|
IL-POLONJA |
1.30 |
2.00734 |
18,066,060.00 |
0.00 |
18,066,060.00 |
|
IL-PORTUGALL |
1.15 |
1.19679 |
10,771,110.00 |
0.00 |
10,771,110.00 |
|
IR-RUMANIJA |
0.37 |
0.71815 |
6,463,350.00 |
0.00 |
6,463,350.00 |
|
IS-SLOVENJA |
0.18 |
0.22452 |
2,020,680.00 |
0.00 |
2,020,680.00 |
|
IS-SLOVAKKJA |
0.21 |
0.37616 |
3,385,440.00 |
0.00 |
3,385,440.00 |
|
IL-FINLANDJA |
1.47 |
1.50909 |
13,581,810.00 |
0.00 |
13,581,810.00 |
|
L-IŻVEZJA |
2.74 |
2.93911 |
26,451,990.00 |
0.00 |
26,451,990.00 |
|
IR-RENJU UNIT |
14.82 |
14.67862 |
132,107,580.00 |
0.00 |
132,107,580.00 |
|
TOTAL TAL-EU-28 |
100.00 |
100.00 |
900,000,000.00 |
0.00 |
900,000,000.00 |