This document is an excerpt from the EUR-Lex website
Document 52018BP1374
Resolution (EU) 2018/1374 of the European Parliament of 18 April 2018 with observations forming an integral part of the decision on discharge in respect of the implementation of the budget of the European Fisheries Control Agency for the financial year 2016
Riżoluzzjoni (UE) 2018/1374 tal-Parlament Ewropew tat-18 ta’ April 2018 li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija Ewropea għall-Kontroll tas-Sajd għas-sena finanzjarja 2016
Riżoluzzjoni (UE) 2018/1374 tal-Parlament Ewropew tat-18 ta’ April 2018 li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija Ewropea għall-Kontroll tas-Sajd għas-sena finanzjarja 2016
ĠU L 248, 3.10.2018, p. 229–232
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
3.10.2018 |
MT |
Il-Ġurnal Uffiċjali tal-Unjoni Ewropea |
L 248/229 |
RIŻOLUZZJONI (UE) 2018/1374 TAL-PARLAMENT EWROPEW
tat-18 ta’ April 2018
li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija Ewropea għall-Kontroll tas-Sajd għas-sena finanzjarja 2016
IL-PARLAMENT EWROPEW,
— |
wara li kkunsidra d-deċiżjoni tiegħu dwar il-kwittanza għall-implimentazzjoni tal-baġit tal-Aġenzija Ewropea għall-Kontroll tas-Sajd għas-sena finanzjarja 2016, |
— |
wara li kkunsidra l-Artikolu 94 u l-Anness IV tar-Regoli ta’ Proċedura tiegħu, |
— |
wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għas-Sajd (A8-0107/2018), |
A. |
billi, fil-kuntest tal-proċedura ta’ kwittanza, l-awtorità ta’ kwittanza tisħaq fuq l-importanza partikolari li tissaħħaħ ulterjorment il-leġittimità demokratika tal-istituzzjonijiet tal-Unjoni permezz ta’ titjib fit-trasparenza u l-obbligu ta’ rendikont, u permezz tal-implimentazzjoni tal-kunċett ta’ bbaġitjar abbażi tal-prestazzjoni u governanza tajba tar-riżorsi umani; |
B. |
billi, skont ir-rapporti tad-dħul u l-infiq tagħha (1), il-baġit finali tal-Aġenzija Ewropea għall-Kontroll tas-Sajd (“l-Aġenzija”) għas-sena finanzjarja 2016 kien ta’ EUR 9 967 000, li jfisser żieda ta’ 8,14 % meta mqabbel mal-2015; billi ż-żieda kienet dovuta prinċipalment għal għotjiet addizzjonali ad hoc relatati mal-Proġetti Pilota tal-Gwardja tal-Kosta Ewropea; billi l-baġit kollu tal-Aġenzija huwa derivat mill-baġit tal-Unjoni; |
C. |
billi l-Qorti tal-Awdituri stqarret li kisbet assigurazzjonijiet raġonevoli li l-kontijiet annwali tal-Aġenzija għas-sena finanzjarja 2016 huma affidabbli u li t-tranżazzjonijiet ta’ bażi huma legali u regolari; |
Ġestjoni baġitarja u finanzjarja
1. |
Jinnota li l-isforzi ta’ monitoraġġ tal-baġit matul is-sena finanzjarja 2016 irriżultaw f’rata ta’ implimentazzjoni tal-baġit ta’ 99,6 %; jinnota, barra minn hekk, li r-rata ta’ eżekuzzjoni tal-approprjazzjonijiet ta’ pagament kienet ta’ 88,5 %; |
2. |
Jinnota li l-fondi addizzjonali li waslu mill-Kummissjoni matul is-sena għall-proġetti pilota dwar il-funzjonijiet tal-Gwardja tal-Kosta Ewropea influwenzaw b’mod sinifikanti l-baġit, b’mod partikolari żewġ għotjiet ad hoc, total ta’ EUR 750 000, waslu fil-baġit bħala dħul assenjat li għandhom jintefqu fis-snin baġitarji 2016 u 2017 (jiġifieri pluriennali), li jiġġustifika l-fatt li r-rata ta’ implimentazzjoni tagħhom hija meqjusa apparti mill-implimentazzjoni tal-bqija tal-baġit; |
3. |
Jilqa’ b’sodisfazzjon il-passi miksuba fl-2016 fil-qasam tal-amministrazzjoni elettronika: l-implimentazzjoni tal-moduli e-Prior għal offerti, ordnijiet u fatturazzjonijiet elettroniċi f’kooperazzjoni mad-Direttorat Ġenerali għall-Informatika (DĠ DIGIT) tal-Kummissjoni, l-implimentazzjoni tal-għodda tal-ġestjoni tal-kuntratti ABAC għar-reġistrazzjoni u s-segwitu ta’ kuntratti qafas, l-implimentazzjoni tas-sistema ta’ ġestjoni tal-missjonijiet tal-Kummissjoni (MIPS) li twassal għal tnaqqis sostanzjali fl-użu ta’ formoli stampati, l-użu fil-futur tas-Sysper 2, (għodda tal-IT għar-riżorsi umani); jirrikonoxxi mill-Aġenzija li, flimkien mal-implimentazzjoni ta’ miżuri oħra ta’ razzjonalizzazzjoni għat-titjib, bħalissa qed tipproċessa madwar 95 % tat-tranżazzjonijiet finanzjarji tagħha b’mod elettroniku, li twassal għal aktar effiċjenza, affidabbiltà tad-data u traċċabbiltà għall-awditjar; |
4. |
Ifakkar li l-baġit tal-Aġenzija baqa’ l-istess matul dawn l-aħħar ħames snin finanzjarji minkejja ż-żieda fil-missjonijiet u fl-ispezzjonijiet tagħha, jinnota, madankollu, li l-infiq tagħha fuq ir-riżorsi umani ma nbidilx u li l-kost tal-operazzjonijiet tagħha naqas matul l-istess perjodu; jisħaq fuq il-fatt li dawn l-elementi, li jissarrfu fl-ottimizzazzjoni tar-riżorsi u fil-kwalità tal-ġestjoni tal-Aġenzija, jissograw li jxekklu l-avvanz tagħha minħabba approprjazzjonijiet baġitarji insuffiċjenti, u jikkostitwixxu pressjoni fuq l-attività tal-aġenti li jeħtieġ li tkun suġġetta għal awditjar biex tkun żgurata l-kwalità tal-kundizzjonijiet ta’ xogħol tagħhom; |
Impenji u riporti
5. |
Jinnota li l-livell ta’ fondi riportati mill-2016 għall-2017 kien ta’ 11 % tas-sussidju totali tal-2016; jinnota li r-rata ta’ riporti għat-Titolu II (infiq amministrattiv) kienet ta’ 34 %, li tirrappreżenta tnaqqis ta’ 14 % meta mqabbel mar-riżultati tal-2015; jinnota madankollu li rata ta’ implimentazzjoni aktar baxxa għat-Titolu II tista’ tiġi spjegata b’għadd ta’ servizzi esterni li t-tlestija u l-pagamenti finali tagħhom għadhom pendenti fi tmiem is-sena (bħall-ICT, is-servizzi ta’ traduzzjoni u ta’ evalwazzjoni esterna); jirrikonoxxi mill-Aġenzija li l-implimentazzjoni sħiħa tagħhom se ssir matul l-2017 u li l-approprjazzjonijiet mhux se jkollhom jiġu kkanċellati; |
6. |
Jinnota li, fir-rigward ta’ impenji riportati mis-sena ta’ qabel, l-implimentazzjoni hija ta’ 95,3 %, u l-kanċellazzjoni korrispondenti tirrappreżenta 0,4 % tal-approprjazzjonijiet ta’ pagament tal-2016; |
7. |
Jirrimarka li r-riporti ħafna drabi huma parzjalment jew għalkollox ġustifikabbli min-natura pluriennali tal-programmi operattivi tal-aġenziji, li mhux neċessarjament jindikaw dgħufijiet fl-ippjanar u fl-implimentazzjoni tal-baġit, u li mhux dejjem imorru kontra l-prinċipju baġitarju tal-annwalità, b’mod partikolari jekk ikunu ppjanati minn qabel mill-aġenziji u kkomunikati lill-Qorti tal-Awdituri; |
Trasferimenti
8. |
Jinnota b’sodisfazzjon li, skont il-kontijiet finali tal-Aġenzija, il-livell u n-natura tat-trasferimenti fl-2016 baqgħu fi ħdan il-limiti tar-regoli finanzjarji; |
Proċedura ta’ akkwist u politika tal-persunal
9. |
Jinnota li fil-31 ta’ Diċembru 2016, l-għadd totali tal-persunal f’attività kien ta’ 56, li jfisser li t-tabella tal-persunal kienet mimlija 100 %; |
10. |
Josserva li l-Aġenzija wettqet it-tnaqqis ġenerali ta’ 5 % tal-persunal; jinnota madankollu li, minħabba t-tibdil fir-regolament fundatur, l-Aġenzija ngħatat 13-il post tax-xogħol għall-kompiti l-ġodda assoċjati fit-tabella tal-persunal għall-2017; |
11. |
Jinnota li l-istruttura interna tal-Aġenzija ġiet riorganizzata biex tadatta għall-bidliet ġodda u għar-riżorsi addizzjonali relatati mal-emenda tar-regolament fundatur tal-Aġenzija; |
12. |
Jinnota bi tħassib li l-perċentwal globali ta’ membri tal-persunal irġiel huwa ta’ 62 % u ta’ 38 % nisa, proporzjon żbilanċjat ta’ kważi żewġ nisa għal kull raġel; jistieden lill-Aġenzija tindirizza u tirrimedja dan l-iżbilanċ mill-aktar fis possibbli; |
13. |
Jinnota b’sodisfazzjon li l-Aġenzija għamlet il-maġġoranza kbira ta’ pagamenti fil-limiti ta’ żmien stabbiliti mir-Regolament Finanzjarju u li ma ntalab ebda mgħax mill-fornituri għal pagamenti tard; jinnota, barra minn hekk, li l-għadd medju ta’ ġranet għall-pagamenti fl-2015 kien ta’ 22 jum; |
14. |
Jisħaq fuq il-punt li l-bilanċ bejn ix-xogħol u l-ħajja privata għandu jkun parti mill-politika tal-persunal tal-Aġenzija; jinnota li l-baġit li ntefaq fuq attivitajiet ta’ benessri jammonta għal EUR 138,14 għal kull membru tal-persunal; josserva li l-ammont medju ta’ liv minħabba mard għal kull membru tal-persunal huwa ta’ 3,7 ġranet, ferm anqas mill-medja tal-aġenziji tal-Unjoni; |
15. |
Jinnota li r-regoli ta’ implimentazzjoni dwar fastidju ġew adottati mill-bord amministrattiv fl-2017; jiddispjaċih dwar id-dewmien fl-introduzzjoni ta’ dawn ir-regoli; jappella lill-Aġenzja tappoġġa l-organizzazzjoni ta’ sessjonijiet ta’ taħriġ u informazzjoni sabiex iżżid is-sensibilizzazzjoni tal-persunal; |
16. |
Jinnota b’sodisfazzjon li fl-2016, l-Aġenzija ma rċeviet ebda lment, azzjoni legali jew każ irrapportat marbuta mal-ingaġġ jew mat-tkeċċija ta’ membri tal-persunal; |
Prevenzjoni u ġestjoni tal-kunflitti ta’ interess, trasparenza u demokrazija
17. |
Jirrikonoxxi li l-Aġenzija adottat politika komprensiva dwar il-prevenzjoni u l-ġestjoni tal-kunflitti ta’ interess, li ġiet emendata fl-2016, u strateġija kontra l-frodi; jieħu nota tal-fatt li minn total ta’ 13-il azzjoni li huma ppjanati li jiġu implimentati sa tmiem l-2017, 11 minnhom diġà ġew implimentati; jieħu nota tal-fatt li l-kontrolli tal-Aġenzija mmirati biex jimpedixxu u jidentifikaw il-frodi huma simili għal dawk li jiżguraw il-legalità u r-regolarità tat-tranżazzjonijiet, bħall-prinċipju ta’ “erba’ għajnejn aħjar minn tnejn”, il-kontrolli awtomatizzati fis-sistemi finanzjarji u tal-kontabilità, il-kalkolu esternalizzat tas-salarji kif ukoll il-fatt li d-dikjarazzjonijiet ta’ nuqqas ta’ kunflitti ta’ interess ikunu ffirmati dejjem mill-membri tal-bord; jinnota b’sodisfazzjon mill-Aġenzija li, sa mit-twaqqif tagħha, ma seħħ ebda każ ta’ frodi; |
18. |
Jilqa’ b’sodisfazzjon l-emendi għall-politika tal-kunflitti ta’ interess tal-Aġenzija adottata fl-2016, b’mod partikolari, l-obbligu li l-membri tal-Bord Amministrattiv, id-Direttur Eżekuttiv tal-Aġenzija u l-Kapijiet ta’ Unitajiet jippreżentaw CVs li huma soġġetti għal pubblikazzjoni fuq is-sit web tal-Aġenzija u għandu jiġi aġġornat kull meta jkun meħtieġ; jinnota l-estensjoni tal-kamp ta’ applikazzjoni tal-membri tal-Bord Konsultattiv; |
19. |
Jirrikonoxxi mill-Aġenzija li kull dikjarazzjoni ta’ interess annwali bil-miktub ġiet immonitorjata mill-Aġenzija; jiddispjaċih madankollu li, sa tmiem l-2016, żewġ membri tal-Bord Amministrattiv ma kinux għadhom ippreżentaw id-dikjarazzjoni ta’ interess tagħhom; jinnota li l-membri tal-Bord huma mitluba mill-President biex qabel kull laqgħa tal-Bord Amministrattiv jikkonfermaw il-korrettezza fattwali tad-dikjarazzjoni ta’ interess billi jiddikjaraw kwalunkwe kunflitt potenzjali li jista’ jinqala’ f’dak li jirrigwarda l-laqgħa; jistieden lill-Aġenzija tirrapporta lill-awtorità ta’ kwittanza dwar il-progress li sar rigward is-sottomissjoni tad-dikjarazzjonijiet ta’ interess li għadhom neqsin; |
20. |
Jirrikonoxxi li l-Aġenzija qed tistenna d-deċiżjoni mudell mill-Kummissjoni sabiex tadotta d-deċiżjoni tagħha stess dwar l-iżvelar ta’ informazzjoni protetta; jinnota madankollu li, sakemm tiġi proposta d-deċiżjoni mudell mill-Kummissjoni, id-deċiżjoni attwali tal-Kummissjoni dwar l-iżvelar ta’ informazzjoni protetta se tkompli tiġi pprovduta bħala gwida lill-persunal; jinnota li fl-2016 ma kien hemm ebda każ ta’ żvelar ta’ informazzjoni protetta fl-Aġenzija; jistieden lill-Aġenzija tinforma lill-awtorità ta’ kwittanza bl-implimentazzjoni tad-deċiżjoni mudell; |
21. |
Jesprimi l-bżonn li jiġi stabbilit korp indipendenti ta’ żvelar, konsulenza u riferiment b’riżorsi baġitarji suffiċjenti, sabiex jgħin lill-informaturi jużaw il-mezzi adatti biex jiżvelaw l-informazzjoni tagħhom dwar irregolaritajiet possibbli li jaffettwaw l-interessi finanzjarji tal-Unjoni, filwaqt li jħares il-kunfidenzjalità tagħhom u jagħtihom l-appoġġ u l-konsulenza meħtieġa; |
Kisbiet ewlenin
22. |
Jilqa’ t-tliet kisbiet ewlenin identifikati mill-Aġenzija fl-2016, jiġifieri li:
|
Kontrolli interni
23. |
Jinnota li l-Bord Amministrattiv tal-Aġenzija adotta sett ta’ Standards ta’ Kontroll Intern (ICS) maħsub biex jiżgura l-kisba tal-objettivi tal-politika u dawk operattivi; jirrikonoxxi li 12 mill-ICS għandhom livell għoli ta’ implimentazzjoni, fejn erba’ oqsma għandhom livell medju ta’ implimentazzjoni fis-sistema ta’ kontroll intern; |
24. |
Jinnota b’sodisfazzjon mir-rapport tal-Qorti tal-Awdituri li ICS 10 (Kontinwità tan-Negozju), ICS 11 (Ġestjoni tad-Dokumenti) u ICS 12 (Informazzjoni u Komunikazzjoni) issa huma mmarkati bħala “Ikkompletata”; |
Awditu intern
25. |
Jinnota li, fl-2016, is-Servizz ta’ Awditjar Intern (IAS) wettaq valutazzjoni tar-riskju li tkopri l-proċessi ewlenin tal-Aġenzija, kemm operattivi kif ukoll amministrattivi; jinnota li, b’riżultat tax-xogħol tal-IAS, ġie stabbilit “il-Pjan ta’ Awditjar Intern Strateġiku tal-IAS 2017-2019”; jinnota b’sodisfazzjon li ma hemm ebda rakkomandazzjoni miftuħa tal-IAS; |
26. |
Jieħu nota li t-tieni Evalwazzjoni Esterna Indipendenti fuq Ħames Snin tal-Aġenzija għall-perjodu 2012-2016 bdiet f’Ottubru 2015 u kienet ippjanata li titlesta fl-2017; jirrimarka li kull evalwazzjoni għandha tivvaluta l-utilità, ir-rilevanza u l-effikaċja tal-Aġenzija u l-prattiki tax-xogħol tagħha u sa liema punt tikkontribwixxi għall-kisba ta’ livell għoli ta’ konformità mar-regoli li saru taħt il-PKS; jistieden lill-Aġenzija tirrapporta lill-awtorità ta’ kwittanza dwar l-eżitu ta’ din l-evalwazzjoni; |
27. |
Jirrikonoxxi l-fatt li l-Aġenzija żviluppat u implimentat monitoraġġ ċentralizzat tar-rakkomandazzjonijiet kollha ta’ awditjar maħruġa mill-Qorti tal-Awdituri, l-IAS u l-Kapaċità ta’ Kontroll Intern tagħha, bil-ħsieb li tikkonsolidahom u tissorveljahom, kif ukoll biex jittejjeb is-segwitu għall-pjanijiet ta’ azzjoni korrispondenti; |
Prestazzjoni
28. |
Jinnota l-adozzjoni tar-Regolament fundatur emendat tal-Aġenzija fl-2016, li estenda l-missjoni tal-Aġenzija biex tikkopera mal-Aġenzija Ewropea għall-Gwardja tal-Fruntiera u tal-Kosta (Frontex) u mal-Aġenzija Ewropea għas-Sigurtà Marittima (EMSA) u biex tappoġġa lill-awtoritajiet nazzjonali li jwettqu l-funzjonijiet tal-gwardja tal-kosta; josserva li dawn it-tliet Aġenziji ilhom jaħdmu flimkien mat-tliet Direttorati Ġenerali tal-Kummissjoni “sħab” tagħhom (Affarijiet Marittimi u Sajd (MARE), Migrazzjoni u Affarijiet Interni (HOME) u Mobilità u Trasport (MOVE)) fit-tħejjija u l-implimentazzjoni tal-proġett pilota “Il-Ħolqien tal-funzjoni ta’ Gwardja tal-Kosta Ewropea”, stabbilit mill-Parlament bi tħejjija għall-implimentazzjoni tal-“pakkett dwar il-fruntieri”; |
Kummenti oħra
29. |
Jissottolinja r-rwol importanti tal-Aġenzija fl-armonizzazzjoni u fl-applikazzjoni tal-prinċipji tal-PKS; jilqa’ favorevolment l-effikaċja tagħha, l-avvanz tagħha u r-riżultati eċċellenti li kisbet minn mindu twaqqfet; |
30. |
Jevidenzja l-kontribut li tagħti l-Aġenzija lill-armonizzazzjoni u lill-istandardizzazzjoni tal-miżuri tal-PKS marbuta mal-monitoraġġ, mal-kontroll u mas-sorveljanza maħsuba biex jiżguraw it-trattament indaqs u jtejbu r-rispett tar-regoli tal-PKS, inkluż l-obbligu ta’ ħatt l-art; |
31. |
Jisħaq fuq ir-rwol tal-Aġenzija fil-kooperazzjoni tal-Unjoni mal-pajjiżi terzi u mal-organizzazzjonijiet internazzjonali relatati mas-sajd, inklużi l-organizzazzjonijiet reġjonali tal-ġestjoni tas-sajd, sabiex tissaħħaħ il-konformità mal-miżuri, b’mod speċjali dawk li jiġġieldu kontra s-sajd illegali, mhux irrappurtat u mhux irregolat (IUU), adottati minn dawn l-organizzazzjonijiet internazzjonali; |
32. |
Jesprimi s-sodisfazzjon tiegħu għaż-żieda ta’ 15 % fl-ispezzjonijiet fl-2016, fatt li jixhed titjib fil-koordinament tar-riżorsi umani mal-Istati Membri permezz tal-Pjanijiet tal-Eżerċizzju Konġunt u tal-koordinament tal-pjanijiet operattivi; |
33. |
Jesprimi s-sodisfazzjon tiegħu għall-valutazzjoni tal-Qorti tal-Awdituri, fir-Rapport Speċjali Nru 8/2017 tagħha, tar-rwol fundamentali tal-Aġenzija fl-iżvilupp u fit-titjib ta’ approċċ armonizzat u koerenti tas-sistemi ta’ komunikazzjoni u ta’ skambji tad-data dwar il-prodotti tas-sajd; |
34. |
Jirrikonoxxi l-kwalità u r-rilevanza tal-kollaborazzjoni li saret mill-Aġenzija fil-qafas tal-proġett pilota komuni mal-EMSA u ma’ Frontex fir-rigward tal-ħolqien ta’ funzjoni ta’ gwardji tal-kosta; iżda jfakkar lill-Kummissjoni li jeħtieġ li l-Aġenzija tkun mgħammra b’biżżejjed mezzi għal dan it-tip ta’ proġetti jew kull proġett ieħor fil-ġejjieni, speċjalment dawk marbuta mal-użu ta’ teknoloġiji ġodda fil-monitoraġġ (droni) jew fit-taħriġ (e-learning); |
35. |
Ifakkar fl-importanza li jissaħħaħ il-mandat tal-Aġenzija sabiex jiġu żviluppati azzjonijiet operattivi konġunti ma’ aġenziji tal-Unjoni oħra speċjalizzati fis-settur marittimu, bil-għan li jiġu evitati d-diżastri fuq il-baħar u jiġu kkoordinati l-funzjonijiet tal-gwardji tal-kosta Ewropej; |
36. |
Jisħaq fuq il-bżonn ta’ żieda fl-allokazzjoni ta’ riżorsi biex tissaħħaħ il-kapaċità operattiva tal-Aġenzija quddiem l-inċertezzi marbuta mal-Brexit u mal-kontrolli supplementari li jirriżultaw minnu; |
37. |
Jipproponi li jiddaħħal Membru tal-Parlament Ewropew fil-Bord Amministrattiv tal-Aġenzija bil-għan li tissaħħaħ it-trasparenza istituzzjonali tagħha, partikolarment fl-okkażjoni tal-approvazzjoni tal-baġit minn dan il-Bord; jipproponi li l-Membru jkun elett mill-Kumitat għas-Sajd tal-Parlament; |
38. |
Jirreferi, fir-rigward tal-kummenti l-oħrajn li jakkumpanjaw id-deċiżjoni tiegħu dwar il-kwittanza, li huma ta’ natura orizzontali, għar-riżoluzzjoni tiegħu tat-18 ta’ April 2018 (2) dwar il-prestazzjoni, il-ġestjoni finanzjarja u l-kontroll tal-aġenziji. |
(1) ĠU C 333, 9.9.2016, p. 31.
(2) Testi adottati, P8_TA(2018)0133 (ara paġna 393 ta’ dan il-Ġurnal Uffiċjali).