11.7.2017   

MT

Il-Ġurnal Uffiċjali tal-Unjoni Ewropea

C 222/6

1.

Fit-30 ta’ Ġunju 2017, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Bayer Aktiengesellschaft (“Bayer”, il-Ġermanja) takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll ta’ Monsanto Corporation (“Monsanto”, l-Istati Uniti tal-Amerika) permezz tax-xiri ta’ ishma.

2.

L-attivitajiet kummerċjali tal-impriżi kkonċernati huma:

—   għal Bayer: kumpanija azzjonarja ta’ ġestjoni ta’ Bayer Group ikkwotata fil-borża. Bayer Group hija organizzazzjoni internazzjonali diversifikata attiva f’erba’ oqsma kummerċjali ewlenin: il-farmaċewtiċi, is-saħħa tal-konsumatur, l-agrikoltura u s-saħħa tal-annimali,

—   għal Monsanto: korporazzjoni multinazzjonali Amerikana tal-agrokimika u tal-bijoteknoloġija agrikola kkwotata fil-borża.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+ 32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bir-referenza M.8084 — Bayer/Monsanto, fl-indirizz li ġej: