This document is an excerpt from the EUR-Lex website
Document 52017AE6235
Opinion of the European Economic and Social Committee on the ‘Amended proposal for a Directive of the European Parliament and of the Council on certain aspects concerning contracts for the sales of goods, amending Regulation (EC) No 2006/2004 of the European Parliament and of the Council and Directive 2009/22/EC of the European Parliament and of the Council and repealing Directive 1999/44/EC of the European Parliament and of the Council’ (COM(2017) 637 final)
Opinjoni tal-Kumitat Ekonomiku u Soċjali Ewropew dwar il-Proposta emendata għal Direttiva tal-Parlament Ewropew u tal-Kunsill dwar ċerti aspetti li jikkonċernaw kuntratti għall-bejgħ ta’ oġġetti, li temenda r-Regolament (KE) Nru 2006/2004 tal-Parlament Ewropew u tal-Kunsill u d-Direttiva 2009/22/KE tal-Parlament Ewropew u tal-Kunsill u li tħassar id-Direttiva 1999/44/KE tal-Parlament Ewropew u tal-Kunsill (COM(2017) 637 final)
Opinjoni tal-Kumitat Ekonomiku u Soċjali Ewropew dwar il-Proposta emendata għal Direttiva tal-Parlament Ewropew u tal-Kunsill dwar ċerti aspetti li jikkonċernaw kuntratti għall-bejgħ ta’ oġġetti, li temenda r-Regolament (KE) Nru 2006/2004 tal-Parlament Ewropew u tal-Kunsill u d-Direttiva 2009/22/KE tal-Parlament Ewropew u tal-Kunsill u li tħassar id-Direttiva 1999/44/KE tal-Parlament Ewropew u tal-Kunsill (COM(2017) 637 final)
EESC 2017/06235
ĠU C 227, 28.6.2018, p. 58–62
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
28.6.2018 |
MT |
Il-Ġurnal Uffiċjali tal-Unjoni Ewropea |
C 227/58 |
Opinjoni tal-Kumitat Ekonomiku u Soċjali Ewropew dwar il-Proposta emendata għal Direttiva tal-Parlament Ewropew u tal-Kunsill dwar ċerti aspetti li jikkonċernaw kuntratti għall-bejgħ ta’ oġġetti, li temenda r-Regolament (KE) Nru 2006/2004 tal-Parlament Ewropew u tal-Kunsill u d-Direttiva 2009/22/KE tal-Parlament Ewropew u tal-Kunsill u li tħassar id-Direttiva 1999/44/KE tal-Parlament Ewropew u tal-Kunsill
(COM(2017) 637 final)
(2018/C 227/08)
Relaturi: |
Christophe LEFÈVRE Jorge PEGADO LIZ Lech PILAWSKI |
Konsultazzjoni |
Kunsill Ewropew, 17.11.2017 Parlament Ewropew, 13.11.2017 |
Bażi legali |
Artikoli 114 u 304 tat-Trattat dwar il-Funzjonament tal-Unjoni Ewropea |
Sezzjoni kompetenti |
Sezzjoni Speċjalizzata għas-Suq Uniku, il-Produzzjoni u l-Konsum |
Adottata fil-plenarja |
15.2.2018 |
Sessjoni plenarja Nru |
532 |
Riżultat tal-votazzjoni (favur/kontra/astensjonijiet) |
160/5/13 |
1. Konklużjonijiet u rakkomandazzjonijiet
1.1. |
Id-differenza bejn id-dritt kuntrattwali fl-Istati Membri differenti ma tħeġġiġx lill-konsumaturi jixtru f’pajjiżi oħra tal-UE. |
1.2. |
Min-naħa l-oħra, il-fiduċja tal-intraprendituri fil-bejgħ transkonfinali għadha mhix qiegħda titjieb. Skont l-aħħar stħarriġ li sar fil-livell tal-UE, 58 % tal-bejjiegħa bl-imnut kollha fl-UE jgħidu li jħossuhom kunfidenti meta jbigħu onlajn; madankollu, 28 % biss iħossuhom kunfidenti meta jbigħu onlajn f’pajjiżi oħra tal-UE (1). |
1.3. |
Il-pożizzjonijiet adottati kemm mill-Parlament Ewropew (PE) kif ukoll mill-Kunsill dwar il-proposti ppreżentati mill-Kummissjoni fl-2015 (2) rigward il-bejgħ ta’ oġġetti onlajn u wiċċ imb wiċċ urew li, kif stqarr il-KESE fl-opinjoni tiegħu dwar dawn il-proposti (3), ir-regoli applikabbli għall-bejgħ ta’ oġġetti għandhom ikunu l-istess irrispettivament mill-mezz tal-bejgħ. |
1.4. |
Għalhekk, il-KESE jilqa’ l-fatt li l-proposta emendata għal Direttiva testendi għall-bejgħ ta’ oġġetti wiċċ imb wiċċ, il-kamp ta’ applikazzjoni tal-proposta għal Direttiva dwar ċerti aspetti li jikkonċernaw il-kuntratti għall-bejgħ onlajn. |
1.5. |
Il-KESE jistieden madankollu lill-Kummissjoni tieħu inkunsiderazzjoni fil-proposta tagħha għadd ta’ rakkomandazzjonijiet, fosthom:
|
1.6. |
Fl-aħħar nett, il-KESE jistieden lill-Kummissjoni tqis il-kummenti li jinsabu f’din l-opinjoni. |
2. L-għan u l-isfond tal-proposta emendata għal Direttiva
2.1. L-għan tal-proposta emendata għal Direttiva
2.1.1. |
Il-proposta emendata għal Direttiva tal-Parlament Ewropew u tal-Kunsill (4) għandha wkoll l-għan li testendi għall-bejgħ ta’ oġġetti wiċċ imb wiċċ, il-kamp ta’ applikazzjoni tal-proposta għal Direttiva dwar ċerti aspetti li jikkonċernaw il-kuntratti għall-bejgħ onlajn u ta’ kwalunkwe bejgħ mill-bogħod ieħor ta’ oġġetti. |
2.1.2. |
Għalhekk għandha tiffaċilita l-progress rapidu f’qasam li jinsab fil-qalba tal-istrateġiji tas-Suq Uniku, f’konformità mal-konklużjonijiet tal-Kunsill Ewropew ta’ Ġunju 2016. |
2.1.3. |
Filwaqt li tapplika għall-bejgħ kollu, il-proposta emendata għandha l-istess għan u tikkontribwixxi aktar mill-proposti preċedenti (5): din tirrispondi għall-inċertezzi u għall-effetti negattivi li jirriżultaw minn differenzi nazzjonali fid-dritt kuntrattwali. |
2.1.4. |
Il-proposta riveduta tikkomplementa u tikkonforma ma’ sensiela ta’ atti leġislattivi diġà fis-seħħ fl-UE, kemm dawk orizzontali kif ukoll dawk settorjali (6), u ma’ proposti leġislattivi li qegħdin jiġu diskussi bħalissa. |
2.2. Sommarju fil-qosor tal-proposti għad-direttivi preċedenti (7)
2.2.1. |
Fil-proposti preċedenti tagħha, il-Kummissjoni kienet iġġustifikat id-deċiżjoni tagħha li tadotta żewġ strumenti leġislattivi li jargumentaw li l-ispeċifiċità tal-kontenut diġitali timponi regoli differenti minn dawk applikabbli għal prodotti oħra. |
2.2.2. |
Biż-żewġ proposti, il-Kummissjoni kellha l-ħsieb li tikseb ħames għanijiet:
|
2.2.3. |
Skont il-Kummissjoni, il-proposti tagħha joħolqu bilanċ xieraq bejn livell għoli ta’ protezzjoni għall-konsumaturi fl-UE u opportunitajiet ta’ negozju ferm akbar. |
2.3. L-opinjoni tal-KESE dwar il-proposti inizjali (8)
2.3.1. |
Fl-opinjoni tiegħu tas-27 ta’ April 2016, il-KESE kien ikkritika l-għażla ta’ żewġ direttivi minflok ta’ waħda; b’dan il-mod, il-Kummissjoni ħolqot trattament differenti għall-bejgħ tal-oġġetti onlajn u offlajn u kkawżat, b’dannu għall-konsumaturi u għall-intraprendituri, in-nuqqas ta’ ċarezza fit-traspożizzjoni nazzjonali; |
2.3.2. |
Il-KESE jirrimarka wkoll dwar in-nuqqas ta’ azzjoni fuq sensiela ta’ kwistjonijiet li qies li kien essenzjali li jiġu armonizzati: il-possibbiltà li persuni minorenni jikkonkludu kuntratti fl-ambjent diġitali, id-definizzjoni ta’ kategoriji ta’ klawsoli inġusti speċifiċi għall-kuntratti onlajn li mhumiex previsti mid-Direttiva 93/13/KEE, il-prattika reċenti tal-buttuna “ħallas issa” (pay now) u l-inklużjoni ta’ klawsola standard dwar il-koregolamentazzjoni. |
2.3.3. |
Fl-aħħar nett, il-KESE fakkar li l-opinjonijiet tiegħu dwar id-drittijiet tal-konsumatur fl-ambjent diġitali kienu konsistenti fil-linja gwida fundamentali li teħtieġ li d-drittijiet rikonoxxuti fil-qafas ta’ bejgħ wiċċ imb wiċċ għandhom ikunu konsistenti mal-qafas tal-bejgħ onlajn jew mill-bogħod, irrispettivament mill-forma tat-tranżazzjoni diġitali. U dan kollu, dejjem sabiex jissaħħu dawn id-drittijiet minflok jiddgħajfu. |
2.3.4. |
Il-pożizzjonijiet tal-Parlament Ewropew u tal-Kunsill matul id-dibattiti tagħhom dwar dawn il-proposti kkonfermaw il-pożizzjoni tal-KESE dwar il-ħtieġa li tiġi evitata l-frammentazzjoni legali. |
3. Kummenti ġenerali
3.1. |
Il-proposta emendata tal-Kummissjoni tippreżenta sett ta’ proposti u ta’ għażliet li huma konsistenti mal-pożizzjonijiet preċedenti tal-KESE, bħall-għażla msemmija hawn fuq favur sistema waħda għall-bejgħ ta’ oġġetti onlajn u offlajn. |
3.2. |
Emendi oħrajn introdotti mid-dispożizzjoni l-ġdida jistħoqqilhom ukoll il-qbil mill-KESE. Dan huwa partikolarment il-każ rigward:
|
3.3. |
Min-naħa l-oħra, il-KESE jqis li l-possibbiltà, prevista fl-Artikolu 18 tal-proposta, li jkun hemm deroga imperattiva tad-direttiva sempliċement bi ftehim bejn il-partijiet kontraenti, għandha teżisti biss jekk il-ftehim inkwistjoni jiżgura protezzjoni effettiva u l-awtonomija tad-deċiżjonijiet tal-konsumatur. |
3.4. |
Barra minn hekk, il-KESE jqis li l-proposta emendata għandha:
|
4. Kummenti speċifiċi
4.1. Artikolu 1
4.1.1. |
Il-KESE jistaqsi dwar ir-raġunijiet li jiġġustifikaw l-esklużjoni prevista fil-paragrafu 4 dwar il-kuntratti ta’ bejgħ ta’ oġġetti użati li jinxtraw minn irkantijiet meta l-konsumaturi jkollhom il-possibbiltà li jattendu l-bejgħ personalment. |
4.2. Artikolu 9
4.2.1. |
Il-KESE jfakkar fil-kummenti li għadda fl-opinjoni preċedenti (12) filwaqt li jżomm f’moħħu li b’din il-proposta, u bil-limiti fuq id-drittijiet tal-konsumaturi, inizjalment biss id-dritt għat-tiswija jew għas-sostituzzjoni, id-drittijiet tal-konsumatur f’xi Stati Membri huma inqas protetti minn kemm huma bħalissa bis-sistemi diġà fis-seħħ. |
4.2.2. |
L-iskema prevista fil-punti 3(b) u (d) tagħmel ukoll l-applikazzjoni ta’ dik l-iskema dipendenti minn kunċetti indeterminati. Fil-fatt, l-espressjoni “impossibbli” titħalla għad-diskrezzjoni tal-bejjiegħ, u għalhekk ikun xieraq li dan it-terminu jinbidel għal “teknoloġikament impossibbli”. |
4.3. Artikolu 10
4.3.1. |
Il-KESE jitlob li l-eċċezzjoni prevista fil-paragrafu 1 għandha tkun suġġetta għall-istess kundizzjonijiet diġà stipulati fil-punt 3.3. hawn fuq. |
4.4. Artikolu 11
4.4.1. |
Il-KESE jerġa’ jtenni li d-dritt għat-tiswija jew għas-sostituzzjoni huwa limitat mid-diskrezzjoni tal-bejjiegħ dwar jekk, f’ċerta sitwazzjoni individwali u konkreta, l-eżerċizzju ta’ xi wieħed minn dawn id-drittijiet jimponix spejjeż sproporzjonati meta jitqiesu ċ-ċirkostanzi kollha. |
4.5. Artikolu 13
4.5.1. |
Il-KESE jemmen li l-artikulazzjoni tad-dispożizzjonijiet dwar it-terminu ta’ 14-il jum għar-ritorn u r-rimborż għandha tkun iċċarata. |
4.5.2. |
Il-KESE jistaqsi jekk id-dispożizzjoni tal-inċiż (d) ta’ dan l-artikolu tapplika biss, kif jidher li huwa l-każ, għal sitwazzjonijiet ta’ telf u l-qerda tal-merkanzija. |
4.6. Artikolu 14
4.6.1. |
Il-KESE jitlob li jinżamm il-perjodu ta’ garanzija l-iktar għoli li jeżisti f’ċerti Stati Membri peress li fil-każ kuntrarju, dan jirrappreżenta tnaqqis fid-drittijiet tal-konsumaturi f’dawn l-Istati Membri. |
Brussell, il-15 ta’ Frar 2018.
Il-President tal-Kumitat Ekonomiku u Soċjali Ewropew
Georges DASSIS
(1) Skont l-analiżi mwettqa fil-kuntest tal-valutazzjoni tal-kwalità tal-liġi tal-konsumatur u tal-kummerċjalizzazzjoni tal-UE, 46 % tal-bejjiegħa bl-imnut li jużaw mezzi ta’ bejgħ mill-bogħod jemmnu li l-ispejjeż marbuta mal-konformità ma’ diversi prinċipji tal-protezzjoni tal-konsumatur u mad-dritt kuntrattwali jikkostitwixxu ostakolu ewlieni għall-bejgħ transkonfinali. Għal 72 % tal-konsumaturi, id-differenzi fid-drittijiet tal-konsumatur f’każi ta’ prodotti difettużi huma importanti ħafna meta jsiru deċiżjonijiet ta’ xiri bil-preżenza fiżika, f’pajjiż ieħor tal-UE.
(2) COM(2015) 634 final u COM(2015) 635 final.
(3) ĠU C 264, 20.7.2016, p. 57.
(4) COM(2015) 635 final.
(5) COM(2015) 634 final u COM(2015) 635 final. L-opinjoni tal-KESE (ĠU C 264, 20.7.2016, p. 57).
(6) Ara b’mod partikolari d-Direttiva 2011/83/UE u r-Regolamenti (UE) Nru 1215/2012 u (KE) Nru 593/2008.
(7) COM(2015) 634 final u COM(2015) 635 final.
(8) ĠU C 264, 20.7.2016, p. 57.
(9) ĠU C 264, 20.7.2016, p. 57 (punt 4.2.5.4).
(10) ĠU C 264, 20.7.2016, p. 57 (punt 4.2.5.7).
(11) ĠU C 264, 20.7.2016, p. 57 (punt 4.2.5.7).
(12) ĠU C 264, 20.7.2017, p. 57.