Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 52016PC0241

Proposta għal REGOLAMENT TAL-KUNSILL li jemenda r-Regolament (UE) Nru 2016/72 fir-rigward tal-opportunitajiet tas-sajd għaċ-ċiċċirell f’ċerti ilmijiet tal-Unjoni

COM/2016/0241 final - 2016/0128 (NLE)

Brussell, 4.5.2016

COM(2016) 241 final

2016/0128(NLE)

Proposta għal

REGOLAMENT TAL-KUNSILL

li jemenda r-Regolament (UE) Nru 2016/72 fir-rigward tal-opportunitajiet tas-sajd għaċ-ċiċċirell f’ċerti ilmijiet tal-Unjoni


MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u għanijiet tal-proposta

Ir-Regolament tal-Kunsill (UE) Nru 2016/72 li jistabbilixxi l-opportunitajiet tas-sajd għall-2016 għal ċerti stokkijiet tal-ħut u ċerti gruppi ta' stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f'ċerti ilmijiet mhux tal-Unjoni. Normalment, dawn l-opportunitajiet tas-sajd jiġu emendati diversi drabi waqt il-perjodu li matulu jkunu fis-seħħ.

•Konsistenza mad-dispożizzjonijiet eżistenti fil-qasam ta’ politika

Il-miżuri proposti huma mfassla f'konformità mal-għanijiet u mar-regoli tal-Politika Komuni tas-Sajd u huma konsistenti mal-politika tal-Unjoni dwar l-iżvilupp sostenibbli.

•Konsistenza ma' politiki oħra tal-Unjoni

Il-miżuri proposti huma konsistenti ma’ politiki oħra tal-Unjoni, b’mod partikolari mal-politiki fil-qasam tal-ambjent.

2.BAŻI LEGALI, SUSSIDJARJETÀ U PROPORZJONALITÀ

•Bażi legali

Il-bażi legali ta’ din il-proposta hija l-Artikolu 43(3) tat-Trattat dwar il-Funzjonament tal-Unjoni Ewropea.

L-obbligi tal-Unjoni għall-isfruttament sostenibbli tar-riżorsi akkwatiċi ħajjin jirriżultaw mill-obbligi stipulati fl-Artikolu 2 tar-Regolament bażiku l-ġdid tal-PKS.

•Sussidjarjetà (għal kompetenza mhux esklużiva)

Il-proposta taqa’ fil-kompetenza esklużiva tal-Unjoni, kif imsemmi fl-Artikolu 3(1)(d) tat-Trattat. Għalhekk, il-prinċipju tas-sussidjarjetà ma japplikax.

•Proporzjonalità

Il-proposta tikkonforma mal-prinċipju tal-proporzjonalità għar-raġuni li ġejja: il-PKS hija politika komuni. Skont l-Artikolu 43(3) tat-Trattat, l-adozzjoni ta’ miżuri dwar l-istabbiliment u l-allokazzjoni tal-opportunitajiet tas-sajd hija r-responsabbiltà tal-Kunsill.

•Għażla tal-istrument

L-istrument propost: regolament.

3.IR-RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•L-evalwazzjonijiet ex post/il-kontrolli tal-idoneità tal-leġiżlazzjoni eżistenti

Mhux applikabbli

•Konsultazzjonijiet mal-partijiet ikkonċernati

Il-Proposta tikkunsidra s-suġġerimenti mill-partijiet ikkonċernati u mill-amministrazzjonijiet nazzjonali.

•Ġbir u użu tal-kompetenzi

Il-Proposta hija bbażata fuq il-parir xjentifiku tal-Kunsill Internazzjonali għall-Esplorazzjoni tal-Baħar (ICES).

•Valutazzjoni tal-impatt

Il-kamp ta’ applikazzjoni tar-regolament dwar l-opportunitajiet tas-sajd huwa ċirkoskritt bl-Artikolu 43(3) tat-Trattat.

•Idoneità regolatorja u simplifikazzjoni

Mhux applikabbli

•Drittijiet fundamentali

Mhux applikabbli

4.IMPLIKAZZJONIJIET BAĠITARJI

Il-miżuri proposti mhu se jkollhom l-ebda implikazzjoni baġitarja.

5.ELEMENTI OĦRA

•Spjegazzjoni dettaljata tad-dispożizzjonijiet speċifiċi tal-proposta

L-emendi proposti jimmiraw li jimmodifikaw ir-Regolament 2016/72 kif deskritt hawn taħt.

Fir-Regolament (UE) Nru 2016/72, kif emendat mir-Regolament tal-Kunsill (UE) Nru 2016/458 il-qabda totali permissibbli (TAC) għaċ-ċiċċirell fl-ilmijiet tal-Unjoni fid-diviżjonijiet IIa, IIIa tal-ICES u fis-subżona IV tal-ICES kienet ġiet stabbilita għal 79,219 tunnellata, filwaqt li l-limitu ta’ qbid għaċ-ċiċċirell fiż-żona ta’ ġestjoni 1 kien stabbilit għal 13,000 tunnellata. Iċ-ċiċċirell huwa speċi b’ħajja qasira u r-riżultati tal-monitoraġġ f’ħin reali se jsiru disponibbli biss f’nofs Mejju. Il-limitu tat-TAC għal din iż-żona issa għandu jiġi emendat skont dawn ir-riżultati u l-aktar parir riċenti tal-ICES.



2016/0128 (NLE)

Proposta għal

REGOLAMENT TAL-KUNSILL

li jemenda r-Regolament (UE) Nru 2016/72 fir-rigward tal-opportunitajiet tas-sajd għaċ-ċiċċirell f’ċerti ilmijiet tal-Unjoni

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 43(3) tiegħu,

Wara li kkunsidra l-proposta mill-Kummissjoni Ewropea,

Billi:

(1)Ir-Regolament tal-Kunsill (UE) Nru 2016/72 1 jistabbilixxi l-opportunitajiet tas-sajd għall-2016 għal ċerti stokkijiet tal-ħut u ċerti gruppi ta' stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f'ċerti ilmijiet mhux tal-Unjoni.

(2)Għall-finijiet tal-ġestjoni tal-opportunitajiet tas-sajd għaċ-ċiċċirell fid-diviżjonijiet IIa, IIIa tal-ICES u fis-subżona IV tal-ICES, l-Anness IID tar-Regolament (UE) Nru 2016/72 jiddefinixxi seba’ żoni ta’ ġestjoni li għalihom japplikaw il-limiti ta' qbid.

(3)Fir-Regolament (UE) Nru 2016/72, kif emendat mir-Regolament tal-Kunsill (UE) Nru 2016/458 2 il-qabda totali permissibbli (TAC) għaċ-ċiċċirell fl-ilmijiet tal-Unjoni fid-diviżjonijiet IIa, IIIa tal-ICES u fis-subżona IV tal-ICES kienet ġiet stabbilita għal 79,219 tunnellata, filwaqt li l-limitu ta' qbid għaċ-ċiċċirell fiż-żona ta’ ġestjoni 1 kien stabbilit għal 13,000 tunnellata. Dak il-limitu ta' qbid issa għandu jiġi emendat abbażi tar-riżultati tal-monitoraġġ f’ħin reali u skont l-aħħar parir xjentifiku tal-ICES, sabiex ikun jista' jsir l-aħjar ġbir tal-istokk.

(4)Ir-Regolament (UE) 2016/72 għandu għalhekk jiġi emendat skont dan.

(5)Billi l-modifika tal-limiti ta' qbid għandha influwenza fuq l-attivitajiet ekonomiċi u fuq l-ippjanar tal-istaġun tas-sajd tal-bastimenti tal-Unjoni, dan ir-Regolament jidħol fis-seħħ immedjatament wara l-pubblikazzjoni tiegħu.

(6)Il-limiti ta' qbid previsti fir-Regolament (UE) 2016/72 japplikaw mill-1 ta' Jannar 2016. Għalhekk, id-dispożizzjonijiet ta' dan ir-Regolament dwar il-limiti ta' qbid japplikaw ukoll minn dik id-data. Tali applikazzjoni retroattiva hija mingħajr preġudizzju għall-prinċipji taċ-ċertezza legali u għall-protezzjoni ta' aspettattivi leġittimi billi l-opportunitajiet tas-sajd ikkonċernati għadhom ma ġewx eżawriti.

ADOTTA DAN IR-REGOLAMENT:

Artikolu 1
Emendi għar-Regolament (UE) 2016/72

L-entrata dwar iċ-ċiċċirell (Ammodytes spp.) fl-ilmijiet tal-Unjoni ta' IIa, IIIa u IV fl-Anness IA tar-Regolament (UE) Nru 2016/72 tinbidel b’dan li ġej:

Speċi:

Ċiċċirell

 

 

Żona:

L-ilmijiet tal-Unjoni ta’ IIa, IIIa u IV(1)

 

Ammodytes spp.

 

 

 

 

Id-Danimarka

 

p.m.

(2)

TAC analitika

 

 

Ir-Renju Unit

p.m.

(2)

L-Artikolu 3 tar-Regolament (KE) Nru 847/96 ma japplikax

Il-Ġermanja

p.m.

(2)

L-Artikolu 4 tar-Regolament (KE) Nru 847/96 ma japplikax

L-Iżvezja

p.m.

(2)

L-Unjoni

p.m.

TAC

p.m.

(1)

Esklużi l-ilmijiet sa sitt mili nawtiċi mil-linji bażi tar-Renju Unit f'Shetland, Fair Isle u Foula.

(2)

Mingħajr preġudizzju għall-obbligu tal-ħatt l-art, il-qabdiet tal-barbun komuni, tal-merlangu u tal-kavalli jistgħu jingħaddu ma' mhux iżjed minn 2 % tal-kwota (OT1/*2A3A4), diment li dawn il-qabdiet u l-qabdiet aċċessorji ta' dawk l-ispeċijiet li jingħaddu skont l-Artikolu 15(8) tar-Regolament (UE) Nru 1380/2013, b'kollox ma jirrappreżentawx iżjed minn 9 % ta' din il-kwota taċ-ċiċċirell.

Kundizzjoni speċjali: fil-limiti tal-kwoti msemmija hawn fuq, ma jistgħux jinqabdu iżjed mill-kwantitajiet mogħtija hawn taħt fiż-żoni ta’ ġestjoni taċ-ċiċċirell li ġejjin, kif huwa ddefinit fl-Anness IID:

Żona: L-ilmijiet tal-Unjoni taż-żoni ta' ġestjoni taċ-ċiċċirell

 

1

2

3

4

5

6

7

 

(SAN/234_1)

(SAN/234_2)

(SAN/234_3)

(SAN/234_4)

(SAN/234_5)

(SAN/234_6)

(SAN/234_7)

Id-Danimarka

p.m.

4 717

59 428

5 659

0

206

0

Ir-Renju Unit

p.m.

103

1 299

124

0

5

0

Il-Ġermanja

p.m.

7

91

9

0

0

0

L-Iżvezja

p.m.

173

2 182

208

0

8

0

L-Unjoni

p.m.

5 000

63 000

6 000

0

219

0

 

 

 

 

 

 

 

 

 

 

 

 

 

 

 

 

Totali

p.m.

5 000

63 000

6 000

0

219

0

 

 

 

 

 

 

 

 

Artikolu 2
Dħul fis-seħħ

Dan ir-Regolament jidħol fis-seħħ l-għada tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Japplika mill-1 ta' Jannar 2016.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell,

   Għall-Kunsill

   Il-President

(1) Ir-Regolament tal-Kunsill (UE) 2016/72 tat-22 ta' Jannar 2016 li jistabbilixxi l-opportunitajiet tas-sajd għall-2016 għal ċerti stokkijiet tal-ħut u ċerti gruppi ta' stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f'ċerti ilmijiet mhux tal-Unjoni, u li jemenda r-Regolament (UE) 2015/104 (ĠU L 22, 28.1.2016, p. 1).
(2) Ir-Regolament tal-Kunsill (UE) 2016/458 tat-30 ta' Marzu 2016 li jemenda r-Regolament (UE) 2016/72 fir-rigward ta' ċerti opportunitajiet tas-sajd (ĠU L 80, 31.3.2016, p. 1).
Top