52016DC0227

ABBOZZ TA' BAĠIT EMENDATORJU Nru 2
GĦALL-BAĠIT ĠENERALI TAL-2016

LI JDAĦĦAL IS-SURPLUS TAS-SENA FINANZJARJA 2015

B'kunsiderazzjoni ta':

–it-Trattat dwar il-Funzjonament tal-Unjoni Ewropea, u b'mod partikolari l-Artikolu 314 tiegħu, flimkien mat-Trattat li jistabbilixxi l-Komunità Ewropea tal-Enerġija Atomika, u b'mod partikolari l-Artikolu 106a tiegħu,

–ir-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-Regolament Finanzjarju applikabbli għall-baġit ġenerali tal-Unjoni 1 , u b’mod partikolari l-Artikoli 18(3) u 41 tiegħu,

–il-baġit ġenerali tal-Unjoni Ewropea għas-sena finanzjarja 2016, adottat fit-23 ta’ Novembru 2015 2 ,

–l-abbozz ta' baġit emendatorju Nru 1/2016 3 , adottat fl-14 ta'April 2016,

Il-Kummissjoni Ewropea hawnhekk qed tippreżenta lill-Parlament Ewropew u lill-Kunsill l-Abbozz tal-Baġit Emendatorju Nru 2 tal-baġit tal-2016.

BIDLIET FIR-RAPPORT TAD-DĦUL U N-NEFQA SKONT IT-TAQSIMA

Il-bidliet fir-rapport tad-dħul u n-nefqa skont it-taqsima huma disponibbli fil-EUR-Lex ( http://eur-lex.europa.eu/budget/www/index-mt.htm ). Il-verżjoni bl-Ingliż tal-bidliet f'dan ir-rapport hija mehmuża għall-informazzjoni bħala anness baġitarju.

MEMORANDUM TA’ SPJEGAZZJONI

Dan l-Abbozz ta’ Baġit Emendatorju (ABE) Nru 2/2016 huwa maħsub li jdaħħal is-surplus li rriżulta mill-implimentazzjoni tal-baġit tas-sena 2015 fil-baġit tal-2016. Kif previst fir-Regolament Finanzjarju applikabbli għall-baġit ġenerali tal-Unjoni 4 , skont il-paragrafu 3 tal-Artikolu 18, dan huwa l-uniku skop ta’ dan l-ABE u jrid jiġi ppreżentat fi żmien 15-il jum wara l-preżentazzjoni tal-kontijiet proviżorji fl-aħħar ta’ Marzu 2016.

1.L-implimentazzjoni tal-baġit tas-sena 2015 turi surplus ta’ EUR 1 349 116 813,74 (dan l-ammont jeskludi l-eżitu tal-kontribuzzjonijiet riċevuti mill-pajjiżi tal-Assoċjazzjoni Ewropea tal-Kummerċ Ħieles (European Free Trade Association, EFTA) li jagħmlu parti mill-ftehim taż-Żona Ekonomika Ewropea (ŻEE)), li għaldaqstant jiddaħħal bħala dħul fil-baġit tal-2016.

Dan is-surplus jirriżulta mis-somma tal-elementi elenkati fit-tabella ta’ hawn taħt:

(f'EUR)

2015	EFTA-ŻEE	Unjoni Ewropea	Total
Dħul għas-sena finanzjarja	392 009 812,00	146 231 620 482,45	146 623 630 294,45
Pagamenti kontra l-approprjazzjonijiet tas-sena attwali	-390 202 429,00	-143 094 537 574,31	-143 484 740 003,31
Approprjazzjonijiet ta' pagament riportati għas-sena N+1	-4 428 001,55	-1 294 470 333,92	-1 298 898 335,47
Kanċellazzjoni ta’ approprjazzjonijiet mhux użati riportati mis-sena N-1	382 622,81	28 202 729,20	28 585 352,01
Differenza bejn id-dħul assenjat riportat mis-snin N-1 għal N u minn N għal N+1		-704 014 356,32	-704 014 356,32
Differenzi tal-kambju għas-sena		182 315 866,64	182 315 866,64
Eżitu tal-baġit 2015	-2 237 995,74	1 349 116 813,74	1 346 878 818,00

2.L-ibbaġitjar tas-surplus se jnaqqas kif xieraq il-kontribuzzjoni globali tal-Istati Membri għall-iffinanzjar tal-Baġit tal-UE tal-2016.

3.It-tabella ta’ hawn taħt tippreżenta tqassim tal-eżitu tal-Unjoni Ewropea għall-2015 f’termini tal-implimentazzjoni tal-baġit (id-dħul u n-nefqa, għall-Istituzzjonijiet kollha):

(f'miljuni ta' EUR)

Tqassim tal-eżitu tal-2015
Subtotal tal-eżitu fuq l-introjtu		980
Eżitu fuq l-introjtu (differenzi bejn id-dħul miġbur u dak ibbaġittjat), li minnu:
—	Titolu 1 (riżorsi proprji)	1 071
—	Titolu 3 (surpluses, bilanċi u aġġustamenti)	-537
—	Titolu 7 (imgħax fuq pagamenti tardivi u multi)	180
—	Titoli oħrajn	266
Sottototal tal-eżitu fuq in-nefqa		187
Eżitu fuq in-nefqa, li minnha:
—	Nuqqas ta’ implimentazzjoni ta’ approprjazzjonijiet awtorizzati fil-baġit tal-2015: Il-Kummissjoni	78
—	Nuqqas ta’ implimentazzjoni ta’ approprjazzjonijiet riportati mill-2014: Il-Kummissjoni	14
—	Riżervi mhux mobilizzati fl-2015	0
—	Nuqqas ta’ implimentazzjoni ta’ approprjazzjonijiet awtorizzati fil-baġit tal-2015 u approprjazzjonijiet riportati mill-2014: intestatura amministrattiva 5 (Istituzzjonijiet oħra)	94
Sottototal tad-differenzi fir-rati tal-kambju		182
Total tal-eżitu tal-2015		1 349

Choose the experimental features you want to try