(a)

Li jitjieb l-operat tas-suq intern, inkluż b’mod partikolari, livell sod, effikaċi u konsistenti ta’ regolamentazzjoni u superviżjoni;

(b)

li jiġu żgurati l-integrità, it-trasparenza, l-effikaċja u l-operat ordnat tas-swieq finanzjarji;

(c)

li tissaħħaħ il-koordinazzjoni superviżorja internazzjonali;

(d)

li jiġi evitat l-arbitraġġ regolatorju u tingħata promozzjoni għal kundizzjonijiet ugwali tal-kompetizzjoni;

(e)

li jiġi żgurat li t-teħid ta’ riskji ta’ kreditu u riskji oħrajn ikunu regolati u sorveljati kif xieraq;

(f)

li tissaħħaħ il-protezzjoni tal-konsumatur.

(a)

Li tikkontribwixxi għall-istabbiliment ta’ standards u prattiċi regolatorji u superviżorji komuni ta’ kwalità għolja;

(b)

li tiżviluppa u żżomm aġġornat manwal superviżorju Ewropew dwar is-superviżjoni ta’ istituzzjonijiet finanzjarji fl-Unjoni kollha kemm hi;

(c)

li tikkontribwixxi għall-applikazzjoni konsistenti tal-atti tal-Unjoni legalment vinkolanti;

(d)

li tiffaċilita d-delega tal-kompiti u r-responsabbiltajiet fost l-awtoritajiet kompetenti;

(e)

li tikkoopera mill-qrib mal-BERS (1);

(f)

li torganizza u twettaq analiżijiet tar-evalwazzjoni bejn il-pari tal-awtoritajiet kompetenti;

(g)

li timmonitorja u tivvaluta żviluppi tas-suq fil-qasam tal-kompetenza tagħha;

(h)

li twettaq analiżijiet ekonomiċi tas-swieq biex l-Awtorità tkun tista’ twettaq il-funzjonijiet tagħha sew;

(i)

li ssaħħaħ il-protezzjoni tad-depożitur u tal-investitur;

(j)

li tippromwovi l-funzjonament konsistenti u koerenti tal-kulleġġi tas-superviżuri, il-monitoraġġ, il-valutazzjoni u l-kejl tar-riskju sistemiku, l-iżvilupp u l-koordinazzjoni tal-pjanijiet ta’ rkupru u riżoluzzjoni, l-għoti ta’ protezzjoni ta’ livell għoli lid-depożituri u l-investituri madwar l-Unjoni u l-iżvilupp ta’ metodi għar-riżoluzzjoni tal-problemi ta’ istituzzjonijiet finanzjarji li qegħdin ifallu u valutazzjoni tal-ħtieġa ta’ strumenti ta’ finanzjament adegwati;

(k)

li twettaq kwalunkwe kompitu speċifiku ieħor stipulat f’dan ir-Regolament jew f’atti leġislattivi oħra;

(l)

li tippubblika fil-websajt tagħha, u taġġorna b’mod regolari, l-informazzjoni relatata mal-qasam tal-attivitajiet tagħha;

—

It-twettiq ta’ 66 konsultazzjoni pubblika (dwar abbozzi ta’ Standards Tekniċi Regolatorji u ta’ Implimentazzjoni żviluppati taħt is-CRDIV/CRR, id-Direttiva dwar l-Irkupru u r-Riżoluzzjoni Bankarja (BRRD), ir-Regolament dwar Swieq fl-Istrumenti Finanzjarji (MiFiR), ir-Regolament dwar l-Infrastruttura tas-Swieq Ewropej (EMIR), id-Direttiva dwar il-Kontijiet ta’ Pagament (PAD), id-Direttiva dwar il-Kreditu Ipotekarju (MCD) u d-Direttiva dwar il-Konglomerati Finanzjarji (FICOD)), l-organizzazzjoni ta’ 32 sessjoni ta’ smigħ pubbliku (6).

—

Il-preżentazzjoni ta’ 22 abbozz ta’ Standards Tekniċi Regolatorji u 10 abbozzi ta’ Standards Tekniċi ta’ Implimentazzjoni lill-Kummissjoni Ewropea għall-approvazzjoni finali (inklużi mandati fuq il-fondi proprji tal-banek, ir-riskju ta’ kreditu, ir-riskju tas-suq, il-likwidità u r-rimunerazzjoni taħt il-qafas leġiżlattiv CRDIV/CRR kif ukoll bosta mandati taħt il-BRRD).

—

Il-ħruġ ta’ 17-il linja gwida (dwar suġġetti differenti bħal xenarji ta’ pjanijiet ta’ rkupru, il-ġbir ta’ data dwar persuni li jaqilgħu pagi għoljin jew is-sigurtà ta’ pagamenti fuq l-Internet) u rakkomandazzjoni waħda lill-awtoritajiet kompetenti nazzjonali (dwar l-użu tal-Identifikatur ta’ Entità Ġuridika).

—

Il-koordinazzjoni tas-simulazzjoni ta’ kriżijiet madwar l-UE fl-2014 biex tiġi vvalutata r-reżiljenza ta’ 123 bank tal-UE għal żviluppi eknomiċi avversi, sabiex jiġu mifhuma il-vulnerabbiltajiet li fadal, tiġi kkompletata t-tiswija tas-settur bankarju tal-UE u tiżdied il-kunfidenza. Barra minn hekk, l-EBA żviluppat metodoloġija komuni u kellha rwol importanti fl-iżgurar ta’ divulgazzjoni komprensiva, konsistenti u kumparabbli tar-riżultati.

—

Il-provvediment ta’ 13-il opinjoni indirizzati lill-Kummissjoni, il-Parlament Ewropew u l-Kunsill, u parir tekniku wieħed lill-Kummissjoni Ewropea dwar il-filtru prudenzjali għal qligħ u telf ta’ valur ġust li jirriżulta mir-riskju ta’ kreditu propju tal-istituzzjoni relatat ma’ obbligi derivattivi.

—

L-adozzjoni ta’ rakkomandazzjoni formali indirizzata lill-Bank Nazzjonali Bulgaru (BNB) u lill-Fond Bulgaru għall-Assigurazzjoni tad-Depożiti (BDIF) li tinnotifika li dawn qed jiksru l-Liġi tal-UE (l-Artikolu 1(3)(i) u l-Artikolu 10 tad-Direttiva dwar Skemi ta’ Garanzija tad-Depożiti – DGSD).

—

Il-provvediment ta’ tliet ittri ta’ kumment indirizzati lill-IASB (dwar il-qafas kunċettwali għar-rappurtar finanzjarju, dwar id-divulgazzjoni u dwar il-kontabbiltà għal ġestjoni tar-riskju dinamika) u żewġ ittri ta’ kumment dwar l-awditjar indirizzati lill-IAASB (dwar l-istrateġija proposta għall-2015–2019 u l-programm ta’ ħidma propost għall-2015–2016).

—

L-ikkompletar ta’ evalwazzjoni waħda bejn il-pari dwar l-implimentazzjoni tal-linji gwida tal-EBA dwar ir-riskju tal-konċentrazzjoni tal-kreditu.

—

L-applikazzjoni, iż-żamma u t-tisħiħ tas-Single Rulebook Questions and Answers tool (għodda ta’ Mistoqsijiet u Tweġibiet tal-Ġabra Unika ta’ Regoli) fuq il-websajt tal-EBA għal istituzzjonijiet, superviżuri u partijiet interessati oħra.

—

Il-ħruġ ta’ 23 rapport tematiku f’diversi oqsma ta’ kompetenza tal-EBA (inklużi rapporti dwar il-konsistenza ta’ assi pponderati għar-riskju tal-banek, rapport dwar it-tendenzi tal-konsumaturi, rapport dwar ir-riżultati tal-eżerċizzju ta’ monitoraġġ f’Basel, rapporti dwar il-likwidità tal-banek, rapport dwar il-benchmarking ta’ pjanijiet ta’ rkupru, rapport dwar ir-rikonċiljazzjoni ta’ rappurtar statistiku u superviżorju, rapport dwar it-tnaqqis ta’ pensjonijiet/assi netti mill-fondi proprji).

—

L-iżvilupp ta’ rapporti li jsiru darbtejn fis-sena dwar is-settur bankarju u r-riskju transsettorjali, tabelli operattivi tar-riskji trimestrali, rappurtar ta’ kull ġimgħa dwar il-likwidità u l-kundizzjonijiet ta’ finanzjament tal-banek Ewropej u dwar l-indikaturi tas-suq bankarju, aġġornamenti regolari dwar ir-riskji u l-vulnerabbiltajiet ipprovduti lill-istituzzjonijiet u l-korpi tal-UE.

—

Xogħol estensiv fl-analiżi tematika regolari ta’ għadd ta’ oqsma inkluża l-finalizzazzjoni tax-xogħol fuq il-konsistenza tal-eżiti f’assi pponderati għar-riskju (RWAs).

—

Il-parteċipazzjoni attiva f’laqgħat u f’attivitajiet ta’ kulleġġi ta’ awtoritajiet superviżorji nazzjonali, inklużi l-promozzjoni u l-monitoraġġ ta’ kooperazzjoni superviżorja f’kulleġġi, assistenza fil-proċess tal-istabbiliment ta’ kulleġġi ta’ riżoluzzjoni.

—

Xogħol relatat mal-EURIBOR u kwistjonijiet relatati mal-benchmark, imwettqa b’mod konġunt mal-ESMA, inkluż il-monitoraġġ tal-implimentazzjoni tar-rakkomandazzjonijiet lill-Euribor-EBF (ippubblikati fi Frar 2014) u x-xogħol fuq il-ġbir ta’ data u tfassil potenzjali ta’ Euribor ibbażat fuq it-tranżazzjonijiet li jirrappreżenta l-ispiża mhux garantita kollha ta’ finanzjament tal-banek tal-UE.

—

Il-valutazzjoni annwali tal-implimentazzjoni mill-banek tar-rekwiżiti ta’ divulgazzjoni tal-Pilastru 3.

—

Il-kontribut għall-Programm ta’ Valutazzjoni tal-Konsistenza Regolatorja (RCAP) tal-Kumitat ta’ Basel dwar is-Superviżjoni Bankarja.

—

Il-Presidenza tal-Kumitat Konġunt tal-Awtoritajiet Superviżorji Ewropej (ASE), b’fokus fuq riskji transsettorjali, inkluż l-amministrazzjoni tar-riskju tan-negozju, u fuq il-protezzjoni tal-konsumatur.

—

Fil-qasam tax-xogħol konġunt tal-ASE fuq il-protezzjoni tal-konsumatur, fokus fuq l-iżvilupp ta’ prodotti regolatorji kif mitlub fil-leġiżlazzjoni tal-Prodotti Aggregati ta’ Investiment għall-Konsumaturi bbażat fuq l-Assigurazzjoni (PRIIPs), il-pubblikazzjoni ta’ Dokument ta’ Diskussjoni dwar Dokumenti bit-Tagħrif Ewlieni (KIDs), il-finalizzazzjoni ta’ linji gwida komuni dwar it-trattament ta’ lmenti, il-ħruġ ta’ nota ta’ tfakkir lill-istituzzjonijiet finanzjarji rigward l-awtokollokament, jiġifieri t-tqegħid tal-istrumenti proprji tagħhom mal-klijenti konsumaturi tagħhom, il-ħruġ ta’ prinċipji komuni dwar is-sorveljanza u l-governanza ta’ prodotti, u l-organizzazzjoni tat-tieni Jum il-Protezzjoni Konġunta tal-Konsumatur.

—

Fil-qasam tax-xogħol konġunt tal-ASE dwar riskji transsettorjali, il-produzzjoni ta’ żewġ rapporti konġunti dwar l-identifikazzjoni ta’ riskji u vulnerabbiltajiet transsettorjali ewlenin fis-sistema finanzjarja tal-UE.

—

Fil-qasam tax-xogħol konġunt tal-ASE dwar konglomerati finanzjarji, il-finalizzazzjoni ta’ linji gwida dwar il-konsistenza ta’ prattiki superviżorji għal konglomerati finanzjarji, u l-pubblikazzjoni ta’ lista annwali ta’ konglomerati finanzjarji identifikati.

—

It-tmexxija tal-appoġġ operazzjonali u segretarjali tal-ASE lill-Bord tal-Appell tal-ASE.

—

Il-provvediment ta’ input u kontribut għall-proċess tal-awditu mill-Kummissjoni Ewropea tas-Sistema Ewropea ta’ Superviżjoni Finanzjarja, b’mod konġunt mal-ASE l-oħra, u input għall-awditu mill-Qorti Ewropea tal-Awdituri tal-EBA u tal-prestazzjoni tagħha fl-istabbiliment tal-arranġamenti l-ġodda għar-regolamentazzjoni u s-superviżjoni.

—

Il-provvediment u l-koordinazzjoni ta’ 19-il seminar u attività ta’ taħriġ lill-persunal ta’ awtoritajiet superviżorji nazzjonali tal-UE (li minnhom erbgħa kienu pprovduti b’mod konġunt mal-ASE l-oħra); l-ilqugħ ta’ sessjoni ta’ ħidma legali għal dawk li jfasslu l-politika, superviżuri, u akkademiċi legali, u t-tielet sessjoni ta’ ħidma fuq riċerka dwar il-politika, għal ekonomisti, superviżuri u akkademiċi biex jiddiskutu l-kejl tal-livell ta’ riskju tal-banek b’mod konsistenti.

—

14-il laqgħa tal-Bord ta’ Superviżuri (8 laqgħat wiċċ imb’wiċċ, 6 telekonferenzi), 6 laqgħat tal-Bord Maniġerjali (kollha laqgħat wiċċ imb’wiċċ), u 7 laqgħat tal-Grupp tal-Partijiet Bankarji Interessati (li 2 minnhom saru b’mod konġunt mal-Bord tas-Superviżuri).

—

L-issodisfar tat-Tabella tal-persunal (l-EBA ppubblikat 69 avviz ta’ postijiet battala (41 Aġent Temporanju, 9 Aġenti Kuntrattwali u 19-il Espert Nazzjonali Sekondati) li għalihom applikaw 1  850 kandidat u 173 ġew intervistati fl-2014; ma tressaq ebda appell mad-Direttur Eżekuttiv tal-EBA jew mal-Ombudsman).

—

Titjib ulterjuri fl-amministrazzjoni u fit-trasparenza tal-proċess ta’ reklutaġġ.

—

L-introduzzjoni ta’ proċedura ta’ dikjarazzjoni ta’ kunflitt ta’ interess għal persunal ġdid, qabel il-bidu tal-kuntratt tagħhom, minn Jannar 2014.

—

Titjib ulterjuri fit-taħriġ ta’ induzzjoni għal persunal li jkun għadu kemm ġie reklutat.

—

Id-definizzjoni u l-implimentazzjoni tal-politika dwar it-traineeships, ir-reklutaġġ tal-ewwel trainees f’Diċembru 2014 b’dati tal-bidu fl-2015.

—

Ir-reviżjoni tal-politika dwar it-taħriġ fil-lingwa għal persunal eliġibbli b’fokus fuq il-kosteffettività u l-ġestjoni finanzjarja tajba.

—

L-introduzzjoni ta’ arranġamenti ta’ ħinijiet flessibbli għall-persunal tal-EBA, inklużi s-softwer u l-proċeduri relatati, b’effett minn April 2014.

—

Fir-rigward ta’ Allegro, aktar modifiki u titjib (il-modifiki jirriflettu l-Proċeduri Ġenerali ta’ Implimentazzjoni tal-Kummissjoni Ewropea dwar l-Evalwazzjoni tal-Persunal, is-simplifikazzjoni tar-rapport ta’ evalwazzjoni tal-prestazzjoni, emails ta’ notifika, emendi għall-missjonijiet fi tmiem il-ġimgħa, u reġistrazzjoni ta’ liv minħabba mard kemm biċ-ċertifikat kif ukoll mingħajru – ma għadhiex il-kompitu tal-persunal u għandha ssir mir-Riżorsi Umani biss).

—

Inkisbet eżekuzzjoni tal-baġit ta’ 99,8 % fuq il-baġit 2014.

—

Ġew ipproċessati 469 tranżazzjoni ta’ impenn finanzjarju u 2  711-il tranżazzjoni ta’ pagament.

—

Sar titjib fl-istatistika dwar il-ħin għall-pagamenti u ma ġie ġġenerat ebda mgħax fuq pagamenti tardivi.

—

Ġew implimentati għodod imtejba ta’ monitoraġġ u rappurtar tal-baġit.

—

Saru bosta sessjonijiet ta’ taħriġ fuq iċ-ċirkwit finanzjarju u r-regoli tal-akkwist.

—

12-il proċedura ta’ akkwist ġew ikkompletati b’suċċess, kollha skont ir-regoli tal-UE dwar l-akkwist.

—

Iġġeddu 29 kuntratt li inizjalment kienu ġew iffirmati fl-2013 għal perjodu ta’ 12-il xahar.