52015PC0180

This document is an excerpt from the EUR-Lex website

EUROPA
EUR-Lex home
EUR-Lex - 52015PC0180 - EN

Help

Search tips

Need more search options? Use the Advanced search

Document 52015PC0180

Help

Proposta għal REGOLAMENT TAL-PARLAMENT EWROPEW U TAL-KUNSILL dwar pjan multiannwali għall-irkupru tat-tonn fil-Lvant tal-Atlantiku u fil-Mediterran, li jħassar ir-Regolament tal-Kunsill (KE) Nru 302/2009

COM/2015/0180 final - 2015/0096 (COD)

HTML

DOC

PDF

The HTML format is unavailable in your User interface language

IL-KUMMISSJONI EWROPEA

Brussell, 24.4.2015

COM(2015) 180 final

ANNESSI

tal-

ANNESS I

Kundizzjonijiet speċifiċi li japplikaw għall-każijiet tas-sajd imsemmija fl-Artikolu 13(2)

1. Minbarra d-dispożizzjonijiet mogħtija fl-Artikolu 8(3), l-għadd massimu ta’ dgħajjes tas-sajd bil-lixka u ta’ dgħajjes tas-sajd bir-rixa li huma awtorizzati jistadu għat-tonn fil-Lvant tal-Atlantiku bil-kundizzjonijiet speċifiċi li japplikaw għad-deroga msemmija fl-Artikolu 13(2)(a) għandu jkun l-għadd ta’ bastimenti tal-qbid tal-Unjoni li jkunu ħadu sehem fis-sajd dirett għat-tonn fl-2006.

2. Minbarra d-dispożizzjonijiet mogħtija fl-Artikolu 8(3), l-għadd massimu ta’ bastimenti tal-qbid li huma awtorizzati jistadu għat-tonn fil-Baħar Adrijatiku għall-finijiet tat-trobbija tal-ħut bil-kundizzjonijiet speċifiċi li japplikaw għad-deroga msemmija fl-Artikolu 13(2)(b) għandu jkun l-għadd ta’ bastimenti tal-qbid tal-Unjoni li jkunu ħadu sehem fis-sajd dirett għat-tonn fl-2008.

3. Minbarra d-dispożizzjonijiet mogħtija fl-Artikolu 8(3), l-għadd massimu ta’ dgħajjes tas-sajd bil-lixka, ta’ bastimenti tas-sajd bil-konz u ta’ dgħajjes tas-sajd bix-xlief li huma awtorizzati jistadu għat-tonn fil-Mediterran bil-kundizzjonijiet speċifiċi li japplikaw għad-deroga msemmija fl-Artikolu 13(2)(c) għandu jkun l-għadd ta’ bastimenti tal-qbid tal-Unjoni li jkunu ħadu sehem fis-sajd dirett għat-tonn fl-2008.

4. L-għadd massimu ta’ bastimenti tal-qbid stabbilit skont il-punti 1, 2 u 3 ta’ dan l-Anness għandu jitqassam fost l-Istati Membri skont it-Trattat u f’konformità mal-Artikolu 16 tar-Regolament (UE) Nru 1380/2013.

5. Mill-kwota tal-Unjoni għat-tonn ta’ bejn 8 kg u 30 kg jew 75 ċm u 115-il ċm, perċentwali ta’ mhux aktar minn 7 % għandu jitqassam fost il-bastimenti tal-qbid awtorizzati msemmija fl-Artikolu 13(2)(a) u fil-punt 1 ta’ dan l-Anness. Dan il-perċentwali ta’ 7 % tal-kwota tal-Unjoni għandu jitqassam fost l-Istati Membri skont it-Trattat u f’konformità mal-Artikolu 16 tar-Regolament (UE) Nru 1380/2013.

6. B’deroga mill-Artikolu 13(2)(a), fil-limitu ta’ 7 % msemmi fil-punt 5 ta’ dan l-Anness, sa 100 tunnellata jistgħu jitqassmu għall-qbid ta’ tonn ta’ 6.4 kg jew ta’ 70 ċm minn dgħajjes tas-sajd bil-lixka ta’ inqas minn 17-il metru.

7. It-tqassim massimu tal-kwota tal-Unjoni fost l-Istati Membri għas-sajd bil-kundizzjonijiet speċifiċi li japplikaw għad-deroga msemmija fl-Artikolu 13(2)(b) u fil-punt 2 ta’ dan l-Anness għandu jiġi stabbilit skont it-Trattat u f’konformità mal-Artikolu 16 tar-Regolament (UE) Nru 1380/2013.

8. Mill-kwota tal-Unjoni għat-tonn ta’ bejn 8 kg u 30 kg jew 75 ċm u 115-il ċm, perċentwali ta’ mhux aktar minn 2 % għandu jitqassam fost il-bastimenti tal-qbid awtorizzati msemmija fl-Artikolu 13(2)(c) u fil-punt 3 ta’ dan l-Anness. Din il-kwota għandha titqassam fost l-Istati Membri skont it-Trattat u f’konformità mal-Artikolu 16 tar-Regolament (UE) Nru 1380/2013.

9. Kull Stat Membru li d-dgħajjes tas-sajd bil-lixka tiegħu, il-bastimenti tas-sajd bil-konz tiegħu, id-dgħajjes tas-sajd bix-xlief tiegħu u d-dgħajjes tas-sajd bir-rixa tiegħu huma awtorizzati jistadu għat-tonn skont l-Artikolu 13(2) u skont dan l-Anness għandu jistabbilixxi r-rekwiżiti li ġejjin għat-tikkettar tad-denb:

(a)it-tonn kollu maqbud għandhom jitwaħħlulu tikketti fuq denbu minnufih malli jiġi ttrażbordat;

(b)kull tikketta mwaħħla fuq denb it-tonn għandu jkollha numru uniku ta’ identifikazzjoni u tkun inkluża fid-dokumenti tal-istatistika dwar it-tonn u miktuba fuq barra ta’ kull pakkett li jkun fih it-tonn.

ANNESS II

Rekwiżiti tal-ġurnal ta’ abbord

A – IL-BASTIMENTI TAL-QBID

Speċifikazzjonijiet minimi għall-ġurnali ta’ abbord tas-sajd:

1.kull folja tal-ġurnal ta’ abbord għandu jkollha numru;

2.il-ġurnal ta’ abbord għandu jimtela kuljum (f’nofsillejl) jew qabel il-wasla fil-port;

3.il-ġurnal ta’ abbord għandu jimtela f’ każ ta’ spezzjonijiet fuq il-baħar;

4.kopja waħda tal-folji għandha tibqa’ mwaħħla mal-ġurnal ta’ abbord;

5.il-ġurnali ta’ abbord għandhom jinżammu abbord il-bastiment biex ikopru perjodu ta’ sena waħda ta’ ħidma.

Tagħrif minimu standard għall-ġurnali ta’ abbord tas-sajd:

1.isem il-kaptan u l-indirizz tiegħu;

2.id-dati u l-portijiet tat-tluq u d-dati u l-portijiet tal-wasla;

3.isem il-bastiment, in-numru tiegħu fir-reġistru, in-numru tal-ICCAT tiegħu, il-kodiċi internazzjonali tar-radju u n-numru tal-OMI (jekk dan ikun disponibbli);

4.l-irkaptu tas-sajd:

(a)il-kodiċi tat-tip tal-FAO;

(b)il-qisien (pereżempju t-tul, id-daqs tal-malji u l-għadd ta’ snanar);

5.l-attivitajiet fuq il-baħar, b’linja waħda (mill-inqas) għal kull jum tal-vjaġġ, li tkun tinkludi t-tagħrif li ġej:

(a)l-attività (pereżempju s-sajd jew it-tbaħħir);

(b)il-pożizzjoni: il-pożizzjonijiet eżatti ta’ kuljum (fi gradi u minuti), irreġistrati għal kull attività tas-sajd jew f’nofsinhar meta ma jkun sar l-ebda sajd matul dak il-jum;

(c)reġistru tal-qabdiet li jinkludi:

(1)il-kodiċi tal-FAO;

(2)il-piż sħiħ (RWT) tal-ħut maqbud kuljum, f’kilogrammi;

(3)l-għadd ta’ ħut maqbud kuljum.

Għall-bastimenti tas-sajd bil-purse seine, dan it-tagħrif għandu jiġi rreġistrat għal kull attività tas-sajd, inklużi dawk li fihom ma jinqabad xejn;

6.il-firma tal-kaptan;

7.il-mezz kif intiżen il-piż tal-ħut: billi saret stima jew billi l-ħut intiżen abbord;

8.fil-ġurnal ta’ abbord, il-piż tal-ħut irid jingħata f’ammont li jkun ekwivalenti għall-piż tal-ħut ħaj u għandhom jissemmew il-fatturi ta’ konverżjoni użati fl-evalwazzjoni.

Tagħrif minimu għall-ġurnali ta’ abbord tas-sajd fil-każ tal-ħatt l-art jew tat-trażbord:

1.id-dati tal-ħatt l-art jew tat-trażbord u l-port fejn dan iseħħ;

2.il-prodotti:

(a)l-ispeċijiet u preżentazzjoni tagħhom skont il-kodiċi tal-FAO;

(b)l-għadd ta’ ħut jew ta’ kaxxi u l-kwantità f’kilogrammi;

3.il-firma tal-kaptan jew tal-aġent tal-bastiment;

4.fil-każ tat-trażbord: isem il-bastiment li jkun qed jirċievi l-ħut, il-bandiera tiegħu u n-numru tal-ICCAT tiegħu.

Tagħrif minimu għall-ġurnali ta’ abbord tas-sajd fil-każ tat-trasferiment għal ġol-gaġeġ:

1.id-data u l-ħin tat-trasferiment u l-pożizzjoni (il-latitudni/il-lonġitudni) fejn dan iseħħ;

2.il-prodotti:

(a)identifikazzjoni tal-ispeċijiet skont il-kodiċi tal-FAO tagħhom;

(b)l-għadd ta’ ħut ittrasferit għal ġol-gaġeġ u l-kwantità tiegħu f’kilogrammi;

3.isem il-bastiment tal-irmunkar, il-bandiera tiegħu u n-numru tal-ICCAT tiegħu;

4.isem il-farm tal-ħut destinatarju u n-numru tal-ICCAT tiegħu;

5.Fil-każ ta’ attività konġunta tas-sajd, minbarra t-tagħrif imniżżel fil-punti 1 sa 4, il-kaptan għandu jirreġistra fil-ġurnal ta’ abbord tiegħu:

(a) it-tagħrif li ġej dwar il-bastiment tal-qbid li qed jittrasferixxi l-ħut għal ġol-gaġeġ:

–l-ammont ta’ qabdiet imtella’ abbord;

–l-ammont ta’ qabdiet magħduda għall-ilħuq tal-kwota individwali tiegħu;

–l-ismijiet tal-bastimenti l-oħra involuti fl-attività konġunta tas-sajd;

(b)it-tagħrif li ġej dwar il-bastimenti tal-qbid l-oħrajn tal-istess attività konġunta tas-sajd li mhumiex involuti fit-trasferiment tal-ħut:

–l-isem ta’ dawk il-bastimenti, il-kodiċijiet internazzjonali tar-radju tagħhom u n-numri tal-ICCAT tagħhom;

–il-fatt li dawn ma tellgħu abbord l-ebda qabda jew ma ttrasferew l-ebda ħut għal ġol-gaġeġ;

–l-ammont ta’ qabdiet magħduda għall-ilħuq tal-kwoti individwali tagħhom;

–l-isem tal-bastiment tal-qbid imsemmi fil-punt (a) u n-numru tal-ICCAT tiegħu.

B – Il-bastimenti tal-irmunkar

1.Il-kaptan ta’ bastiment tal-irmunkar għandu jirreġistra fil-ġurnal ta’ abbord ta’ kuljum tiegħu d-data u l-ħin tat-trasferiment u l-pożizzjoni fejn dan iseħħ, il-kwantitajiet ta’ ħut ittrasferiti (l-għadd ta’ ħut u l-kwantità tiegħu f’kilogrammi) u n-numru tal-gaġġa, kif ukoll isem il-bastiment tal-qbid, il-bandiera tiegħu u n-numru tal-ICCAT tiegħu, l-ismijiet tal-bastimenti l-oħra involuti u n-numri tal-ICCAT tagħhom, il-farm tal-ħut destinatarju u n-numru tal-ICCAT tiegħu u n-numru tad-dikjarazzjoni tat-trasferiment tal-ICCAT.

2.It-trasferimenti l-oħra tal-ħut għal fuq bastimenti awżiljarji jew għal fuq bastimenti tal-irmunkar għandhom jiġu rrappurtati billi jingħata l-istess tagħrif bħal dak imsemmi fil-punt 1, kif ukoll billi jingħata isem il-bastiment awżiljarju jew isem il-bastiment tal-irmunkar u l-bandiera tagħhom u n-numru tal-ICCAT tagħhom u n-numru tad-dikjarazzjoni tat-trasferiment tal-ICCAT.

3.Il-ġurnal ta’ abbord ta’ kuljum għandu jinkludi d-dettalji tat-trasferimenti kollha mwettqin matul l-istaġun tas-sajd. Il-ġurnal ta’ abbord ta’ kuljum għandu jinżamm abbord il-bastiment u għandu jkun aċċessibbli fi kwalunkwe ħin għall-finijiet ta’ kontroll.

C – Il-bastimenti awżiljarji

1.Il-kaptan ta’ bastiment awżiljarju għandu jirreġistra l-attivitajiet fil-ġurnal ta’ abbord tiegħu kuljum u għandu jinkludi d-data, il-ħin u l-pożizzjonijiet, il-kwantitajiet ta’ tonn imtella’ abbord, u isem il-bastiment tas-sajd, il-farm tal-ħut jew it-tunnara li hu jkun qed jaħdem magħha.

2.Il-ġurnal ta’ abbord ta’ kuljum għandu jinkludi d-dettalji tal-attivitajiet kollha mwettqin matul l-istaġun tas-sajd. Il-ġurnal ta’ abbord ta’ kuljum għandu jinżamm abbord il-bastiment u għandu jkun aċċessibbli fi kwalunkwe ħin għall-finijiet ta’ kontroll.

D – Il-bastimenti tal-ipproċessar

1.Fil-ġurnal ta’ abbord ta’ kuljum tiegħu, il-kaptan ta’ bastiment tal-ipproċessar għandu jdaħħal id-data u l-ħin li fihom saru l-attivitajiet u l-pożizzjoni fejn dawn saru, il-kwantitajiet ittrażbordati u l-għadd ta’ tonn li wasal mill-farms tal-ħut, mit-tunnari jew mill-bastimenti tal-qbid, fejn dan ikun applikabbli, u l-piż tiegħu. Huwa għandu jdaħħal ukoll l-ismijiet u n-numri tal-ICCAT ta’ dawk il-farms tal-ħut, it-tunnari jew il-bastimenti tal-qbid.

2.Il-kaptan ta’ bastiment tal-ipproċessar għandu jżomm ġurnal ta’ abbord tal-ipproċessar ta’ kuljum li jispeċifika l-piż sħiħ tal-ħut ittrasferit jew ittrażbordat u l-għadd tiegħu, il-fattur ta’ konverżjoni użat u l-piżijiet u l-kwantitajiet mogħtija skont il-preżentazzjoni tal-prodotti.

3.Il-kaptan ta’ bastiment tal-ipproċessar għandu jżomm pjan tal-istivar li juri l-post u l-kwantitajiet ta’ kull speċi u l-preżentazzjoni tagħhom.

4.Il-ġurnal ta’ abbord ta’ kuljum għandu jinkludi d-dettalji tat-trażbord kollu mwettaq matul l-istaġun tas-sajd. Il-ġurnal ta’ abbord ta’ kuljum, il-ġurnal ta’ abbord tal-ipproċessar, il-pjan tal-istivar u d-dikjarazzjonijiet oriġinali tat-trażbord tal-ICCAT għandhom jinżammu abbord il-bastiment u għandhom ikunu aċċessibbli fi kwalunkwe ħin għall-finijiet ta’ kontroll.

ANNESS III

Numru tad-dokument Dikjarazzjoni tat-trażbord tal-ICCAT

Bastiment tal-ġarr

Isem il-bastiment u l-kodiċi tar-radju tiegħu:

Bandiera:

Numru tal-awtorizzazzjoni tal-Istat tal-bandiera:

Numru fir-Reġistru Nazzjonali:

Numru fir-Reġistru tal-ICCAT:

Numru tal-OMI:

Bastiment tas-sajd

Isem il-bastiment u l-kodiċi tar-radju tiegħu:

Bandiera:

Numru tal-awtorizzazzjoni tal-Istat tal-bandiera:

Numru fir-Reġistru Nazzjonali:

Numru fir-Reġistru tal-ICCAT:

Identifikazzjoni esterna:

Numru tal-folja tal-ġurnal ta’ abbord tas-sajd:

Destinazzjoni finali:

Port:

Pajjiż:

Stat:

Data Xahar Siegħa Sena ∣2_∣0_∣__∣__∣ Isem il-kaptan tal-bastiment tas-sajd: Isem il-kaptan tal-bastiment tal-ġarr:

Tluq: ∣__∣__∣ ∣__∣__∣ ∣__∣__∣ minn: ∣__________∣

Ritorn: ∣__∣__∣ ∣__∣__∣ ∣__∣__∣ lejn: ∣__________∣ Firma: Firma:

Trażbord: ∣__∣__∣ ∣__∣__∣ ∣__∣__∣ ∣__________∣

Għat-trażbord, jekk jogħġbok agħti l-piż f’kilogrammi jew l-unità użata (pereżempju kaxxa jew basket) u l-piż tal-ħut ta’ din l-unità li nħatt l-art f’kilogrammi: ∣___∣ kilogrammi.

POST FEJN ISEĦĦ IT-TRAŻBORD:

Port

Baħar

Latitudni Lonġitudni

Speċi

Numru ta’ unitajiet

ta’ ħut

Tip ta’

prodott ħaj

Tip ta’

prodott
sħiħ

Tip ta’

prodott
imnaddaf

Tip ta’

prodott
bir-ras maqtugħa barra

Tip ta’

prodott
fi fletti

Tip ta’

prodott

Trażbord ieħor

Data: Post/pożizzjoni:

Numru tal-awtorizzazzjoni tal-Parti Kontraenti:

Firma tal-kaptan tal-bastiment tat-trasferiment:

Isem il-bastiment li jirċievi l-ħut:

Bandiera:

Numru fir-Reġistru tal-ICCAT:

Numru tal-OMI:

Firma tal-kaptan:

Data: Post/pożizzjoni:

Numru tal-awtorizzazzjoni tal-Parti Kontraenti:

Firma tal-kaptan tal-bastiment tat-trasferiment:

Isem il-bastiment li jirċievi l-ħut:

Bandiera:

Numru fir-Reġistru tal-ICCAT:

Numru tal-OMI:

Firma tal-kaptan:

Obbligi fil-każ tat-trażbord:

1. Il-bastiment (tal-ipproċessar/tat-trasport) li jirċievi l-ħut għandu jingħata d-dikjarazzjoni oriġinali tat-trażbord.

2. Il-bastiment tal-qbid jew it-tunnara korrispondenti għandha żżomm kopja tad-dikjarazzjoni tat-trażbord.

3. Il-Parti Kontraenti tal-Konvenzjoni (PKK) rilevanti li tkun tat l-awtorizzazzjoni lill-bastiment biex jaħdem għandha tawtorizza l-attivitajiet l-oħra tat-trażbord.

4. Il-bastiment li jirċievi l-ħut li jkun qed iżomm il-ħut abbord irid iżomm id-dikjarazzjoni oriġinali tat-trażbord sa ma jasal fil-post tal-ħatt l-art.

5. L-attività tat-trażbord għandha tiġi rreġistrata fil-ġurnal ta’ abbord ta’ kull bastiment li jkun involut fiha.

ANNESS IV

Numru tad-Dokument:	Dikjarazzjoni tat-trasferiment tal-ICCAT:
1 - TRASFERIMENT TA’ TONN ĦAJ MAĦSUB GĦAT-TROBBIJA TAL-ĦUT
Isem il-bastiment tas-sajd: Kodiċi tar-radju: Bandiera: Numru tal-awtorizzazzjoni tat-trasferiment tal-Istat tal-bandiera: Numru fir-Reġistru tal-ICCAT: Identifikazzjoni esterna: Numru tal-ġurnal ta’ abbord tas-sajd: Numru tal-attività konġunta tas-sajd:	Isem it-tunnara: Numru fir-Reġistru tal-ICCAT:		Isem il-bastiment tal-irmonk: Kodiċi tar-radju: Bandiera: Numru fir-Reġistru tal-ICCAT: Identifikazzjoni esterna:		Isem il-farm tal-ħut destinatarju: Numru fir-Reġistru tal-ICCAT:
					Numru tal-gaġġa:
2 - TAGĦRIF DWAR IT-TRASFERIMENT
Data:_ _ / _ _ / _ _ _ _	Post jew pożizzjoni: Port: Latitudni: Lonġitudni:
Għadd ta’ ħut:				Speċi:
Tip ta’ prodott: Ħaj  Sħiħ  Imnaddaf  Tip ta’ prodott ieħor (jekk jogħġbok speċifika liem’hu):
Isem u firma tal-kaptan tal-bastiment tas-sajd/tal-operatur tat-tunnara/tal-operatur tal-farm tal-ħut:		Isem u firma tal-kaptan tal-bastiment (tal-irmonk/tal-ipproċessar/tal-ġarr) li jirċievi l-ħut:			Ismijiet tal-osservaturi u n-numri tal-ICCAT u l-firma tagħhom:

3 - TRASFERIMENTI OĦRAJN
Data:_ _ / _ _ / _ _ _ _	Post jew pożizzjoni: Port: Latitudni: Lonġitudni:
Isem il-bastiment tal-irmonk:	Kodiċi tar-radju:		Bandiera:		Numru fir-Reġistru tal-ICCAT:
Numru tal-awtorizzazzjoni tat-trasferiment tal-Istat tal-farm tal-ħut:	Identifikazzjoni esterna:		Isem u firma tal-kaptan tal-bastiment li jirċievi l-ħut:
Data:_ _ / _ _ / _ _ _ _	Post jew pożizzjoni: Port: Latitudni: Lonġitudni:
Isem il-bastiment tal-irmonk:	Kodiċi tar-radju:		Bandiera:		Numru fir-Reġistru tal-ICCAT:
Numru tal-awtorizzazzjoni tat-trasferiment tal-Istat tal-farm tal-ħut:	Identifikazzjoni esterna:		Isem u firma tal-kaptan tal-bastiment li jirċievi l-ħut:
Data:_ _ / _ _ / _ _ _ _	Post jew pożizzjoni: Port: Latitudni: Lonġitudni:
Isem il-bastiment tal-irmonk:	Kodiċi tar-radju:		Bandiera:		Numru fir-Reġistru tal-ICCAT:
Numru tal-awtorizzazzjoni tat-trasferiment tal-Istat tal-farm tal-ħut:	Identifikazzjoni esterna:		Isem u firma tal-kaptan tal-bastiment li jirċievi l-ħut:

4 – GAĠEĠ LI MINNHOM JINĦAREĠ IT-TONN U LI FIHOM JIDDAĦĦAL
Numru tal-gaġġa li minnha qed jinħareġ it-tonn:	Kilogrammi:	Għadd ta’ ħut:
Isem il-bastiment tal-irmonk ta’ oriġini:	Kodiċi tar-radju:	Bandiera:	Numru fir-Reġistru tal-ICCAT:
Numru tal-gaġġa li fiha qed jiddaħħal il-ħut:	Kilogrammi:	Għadd ta’ ħut:
Isem il-bastiment tal-irmonk li qed jirċievi l-ħut:	Kodiċi tar-radju:	Bandiera:	Numru fir-Reġistru tal-ICCAT:
Numru tal-gaġġa li fiha qed jiddaħħal il-ħut:	Kilogrammi:	Għadd ta’ ħut:
Isem il-bastiment tal-irmonk li qed jirċievi l-ħut:	Kodiċi tar-radju:	Bandiera:	Numru fir-Reġistru tal-ICCAT:
Numru tal-gaġġa li fiha qed jiddaħħal il-ħut:	Kilogrammi:	Għadd ta’ ħut:
Isem il-bastiment tal-irmonk li qed jirċievi l-ħut:	Kodiċi tar-radju:	Bandiera:	Numru fir-Reġistru tal-ICCAT:

ANNESS V

Formola tar-rapport tal-qabdiet

Bandiera

Numru tal-ICCAT

Isem il-bastiment

Data tal-bidu tar-rapport

Data ta’ tmiem ir-rapport

Tul ta’ żmien tar-rapport (f’jiem)

Data tal-qabda

Post fejn inqabad il-ħut

Qabdiet

Il-piż allokat fil-każ ta’ attività konġunta tas-sajd (f’kilogrammi)

Latitudni

Lonġitudni

Piż (f’kilogrammi)

Għadd ta’ ħut

Piż medju (f’kilogrammi)

ANNESS VI

Attività konġunta tas-sajd
Stat tal-bandiera	Isem il-bastiment	Numru tal-ICCAT	Tul ta’ żmien tal-attività	Identità tal-operaturi	Kwota individwali tal-bastiment	Skema ta’ allokazzjoni għal kull bastiment	Farm tat-trobbija u tat-tismin tal-ħut destinatarju
							PKK	Numru tal-ICCAT

Data: …

Validazzjoni tal-Istat tal-bandiera: …

ANNESS VII

Programm ta’ osservaturi reġjonali tal-ICCAT

ĦATRA TAL-OSSERVATURI REĠJONALI TAl-ICCAT

1.Kull osservatur reġjonali tal-ICCAT għandu jkollu l-kwalifiki li ġejjin biex iwettaq il-kompiti tiegħu:

(a)biżżejjed esperjenza biex ikun jista’ jidentifika l-ispeċijiet tal-ħut u l-irkaptu tas-sajd;

(b)għarfien sodisfaċenti tal-miżuri ta’ konservazzjoni u ta’ ġestjoni tal-ICCAT, attestat permezz ta’ ċertifikat maħruġ mill-Istati Membri u bbażat fuq il-linji gwida tal-ICCAT marbutin mat-taħriġ;

(c)il-ħila li josserva l-affarijiet u li jirreġistrahom b’mod preċiż;

(d)għarfien sodisfaċenti tal-ilsien tal-Istat tal-bandiera tal-bastiment jew tal-farm tal-ħut osservat.

OBBLIGI TAL-OSSERVATURI REĠJONALI TAL-ICCAT

2.L-osservaturi reġjonali tal-ICCAT għandhom:

(a)ikunu lestew it-taħriġ tekniku mitlub mil-linji gwida stabbiliti mill-ICCAT;

(b)ikunu ċittadini ta’ wieħed mill-Istati Membri u, sa fejn ikun possibbli, ma jkunux ċittadini tal-Istat tal-farm tal-ħut jew tat-tunnara jew tal-Istat tal-bandiera tal-bastiment tas-sajd bil-purse seine. Madankollu, jekk it-tonn jinqatel fil-gaġeġ u jiġi kkummerċjalizzat bħala prodott frisk, l-osservatur reġjonali tal-ICCAT li josserva l-ħsad jista’ jkun ċittadin tal-Istat Membru li huwa responsabbli għall-farm tal-ħut;

(c)ikunu kapaċi jwettqu l-kompiti mogħtija fil-punt 3;

(d)ikunu inklużi fil-lista tal-osservaturi reġjonali tal-ICCAT miżmuma mill-ICCAT;

(e)ma jkollhomx interessi finanzjarji jew benefiċjarji attwali fl-industrija tat-tonn.

KOMPITI TAL-OSSERVATURI REĠJONALI TAL-ICCAT

3.Il-kompiti tal-osservaturi reġjonali tal-ICCAT għandhom ikunu, b’mod partikulari:

(a)għall-osservaturi fuq il-bastimenti tas-sajd bil-purse seine, li jimmonitorjaw il-konformità ta’ dawn il-bastimenti tas-sajd mal-miżuri rilevanti ta’ konservazzjoni u ta’ ġestjoni adottati mill-ICCAT. B’mod partikulari, l-osservatur għandu:

(1)f’każijiet fejn josserva xi ħaġa li tista’ tikkostitwixxi nuqqas ta’ konformità ma’ rakkomandazzjoni tal-ICCAT, jibgħat dan it-tagħrif lill-kumpanija li tkun qed timplimenta l-programm tal-osservaturi reġjonali tal-ICCAT mingħajr dewmien, li, min-naħa tagħha, għandha tibagħtu minnufih lill-awtoritajiet tal-Istat tal-bandiera tal-bastiment tal-qbid;

(2)jirreġistra l-attivitajiet tas-sajd imwettqin u jagħmel rapport dwarhom;

(3)josserva l-qabdiet u jagħmel stima tagħhom, u jivverifika d-dejta mdaħħla fil-ġurnal ta’ abbord;

(4)joħroġ rapport ta’ kuljum dwar l-attivitajiet ta’ trasferiment tal-bastimenti tas-sajd bil-purse seine;

(5)josserva u jirreġistra l-bastimenti li jistgħu jkunu qed jistadu b’mod li jikser il-miżuri ta’ konservazzjoni u ta’ ġestjoni tal-ICCAT;

(6)jirreġistra l-attivitajiet ta’ trasferiment imwettqin u jagħmel rapport dwarhom;

(7)jivverifika l-pożizzjoni tal-bastiment meta dan ikun qed iwettaq attività ta’ trasferiment;

(8)josserva l-prodotti ttrasferiti u jagħmel stima tagħhom, fosthom billi jeżamina l-vidjows irreġistrati;

(9)jivverifika isem il-bastiment tas-sajd ikkonċernat u n-numru tal-ICCAT tiegħu u jirreġistrahom;

(10)iwettaq ħidma xjentifika, bħall-ġbir ta’ dejta tal-Kompitu II, meta l-Kummissjoni titlob dan, abbażi tal-istruzzjonijiet mogħtija mill-SCRS;

(11)jirreġistra u jivverifika jekk ikunx hemm kwalunkwe marka, inkluża xi marka naturali, u jagħti tagħrif dwar kwalunkwe sinjal li tneħħiet xi marka reċentement;

(b)għall-osservaturi reġjonali tal-ICCAT fil-farms tal-ħut u fil-post fuq it-tunnari, li jimmonitorjaw il-konformità ta’ dawn il-farms u ta’ dawn it-tunnari mal-miżuri rilevanti ta’ konservazzjoni u ta’ ġestjoni adottati mill-ICCAT. B’mod partikulari, l-osservatur reġjonali tal-ICCAT għandu:

(1)jivverifika d-dejta li hemm fid-dikjarazzjoni tat-trasferiment, fid-dikjarazzjoni dwar it-tqegħid fil-gaġeġ u fid-dokument dwar il-qabdiet tat-tonn, fosthom billi jeżamina l-vidjows irreġistrati;

(2)jiċċertifika d-dejta li hemm fid-dikjarazzjoni tat-trasferiment, fid-dikjarazzjoni dwar it-tqegħid fil-gaġeġ u fid-dokumenti dwar il-qabdiet tat-tonn;

(3)joħroġ rapport ta’ kuljum dwar l-attivitajiet ta’ trasferiment tal-farms tal-ħut u tat-tunnari;

(4)jikkontrafirma d-dikjarazzjoni tat-trasferiment, id-dikjarazzjoni dwar it-tqegħid fil-gaġeġ u d-dokumenti dwar il-qabdiet tat-tonn biss meta jaqbel li t-tagħrif li jinsab fihom huwa konsistenti mal-osservazzjonijiet tiegħu, inkluż reġistrazzjoni konformi bil-vidjo, kif meħtieġ skont ir-rekwiżiti mogħtija fl-Artikolu 33(1) u fl-Artikolu 42(1);

(5)iwettaq il-ħidma xjentifika, bħall-ġbir ta’ kampjuni, mitluba mill-Kummissjoni, abbażi tal-istruzzjonijiet mogħtija mill-SCRS;

(c)li jistabbilixxu rapporti ġenerali li jiġbru fihom it-tagħrif miġbur skont dan il-punt u jagħtu l-opportunità lill-kaptan u lill-operatur tal-farm tal-ħut idaħħlu fihom kull tagħrif rilevanti;

(d)li jibagħtu r-rapport ġenerali msemmi hawn fuq lis-Segretarjat fi żmien 20 jum minn meta jintemm il-perjodu tal-osservazzjoni;

(e)li jwettqu kwalunkwe funzjoni oħra, kif iddefinit mill-ICCAT.

4.L-osservatur reġjonali tal-ICCAT għandu jittratta t-tagħrif kollu dwar l-attivitajiet tas-sajd u tat-trasferiment tal-bastimenti tas-sajd bil-purse seine u tal-farms tal-ħut bħala tagħrif kunfidenzjali u jrid jaċċetta dan ir-rekwiżit bil-miktub biex jinħatar bħala osservatur reġjonali tal-ICCAT.

5.L-osservatur reġjonali tal-ICCAT għandu jkun konformi mar-rekwiżiti stabbiliti fil-liġijiet u fir-regolamenti tal-Istat tal-bandiera jew tal-Istat tal-farm tal-ħut li taħt il-ġuriżdizzjoni tiegħu jkun jaqa’ l-bastiment jew il-farm tal-ħut li għalih huwa jkun assenjat.

6.L-osservatur reġjonali tal-ICCAT għandu jirrispetta l-ġerarkija u jħares ir-regoli ġenerali tal-imġiba li japplikaw għall-persunal kollu li jaħdem fuq il-bastiment u fil-farm tal-ħut, dejjem jekk dawn ir-regoli ma jxekklux id-dmirijiet tiegħu fil-kuntest ta’ dan il-programm u l-obbligi tal-persunal tal-bastimenti u tal-farms tal-ħut mogħtija fil-punt 7 u fl-Artikolu 49(6).

OBBLIGI TAL-ISTATI MEMBRI TAL-BANDIERA FIL-KONFRONT TAL-OSSERVATURI REĠJONALI TAL-ICCAT

7.L-Istati Membri responsabbli għall-bastiment tas-sajd bil-purse seine, għall-farm tal-ħut jew għat-tunnara għandhom jiżguraw li l-osservaturi reġjonali tal-ICCAT:

(a)jingħataw aċċess għall-persunal tal-bastimenti u tal-farms tal-ħut u għall-irkaptu, il-gaġeġ u t-tagħmir;

(b)jingħataw aċċess għat-tagħmir li ġej, fuq talba, jekk ikun hemm dan it-tagħmir fuq il-bastimenti li għalihom ikunu assenjati, sabiex ikunu jistgħu jwettqu b’mod iktar faċli dmirijiethom mogħtija fil-punt 3 tal-Anness VI:

(1)it-tagħmir tan-navigazzjoni bis-satellita;

(2)l-iskrins li juru l-immaġnijiet meħudin mir-radar, meta dawn ikunu qed jintużaw;

(3)il-mezzi elettroniċi tal-komunikazzjoni;

(c)jingħataw akkomodazzjoni, inkluż xi mkien fejn joqgħodu, ikel u faċilitajiet sanitarji xierqa, l-istess bħalma jingħataw l-uffiċjali;

(d)jingħataw biżżejjed spazju għax-xoghol klerikali fuq il-briġġ jew fil-post tal-kenn għat-tmunier, u biżżejjed spazju fuq il-gverta sabiex ikunu jistgħu jwettqu l-kompiti ta’ osservazzjoni tagħhom.

SPEJJEŻ LI ĠEJJIN MILL-PROGRAMM TA’ OSSERVATURI REĠJONALI TAL-ICCAT

8.L-operaturi tal-farms tal-ħut jew sidien il-bastimenti tas-sajd bil-purse seine għandhom iħallsu l-ispejjeż kollha li ġejjin mill-attivitajiet tal-osservaturi reġjonali tal-ICCAT.

ANNESS VIII

L-iskema tal-ICCAT ta’ spezzjoni internazzjonali konġunta

Waqt ir-Raba’ Laqgħa Regolari tagħha (li saret f’Madrid f’Novembru tal-1975) u waqt il-Laqgħa Annwali tagħha tal-2008 li saret f’Marrakesh, l-ICCAT qablet dwar dan li ġej:

Skont il-paragrafu 3 tal-Artikolu IX tal-Konvenzjoni, l-ICCAT tirrakkomanda li jiġu stabbiliti l-arranġamenti li ġejjin għall-kontrolli internazzjonali fl-ilmijiet li ma jaqgħux taħt il-ġuriżdizzjoni nazzjonali, sabiex ikun żgurat li l-Konvenzjoni u l-miżuri li huma fis-seħħ abbażi tagħha jiġu applikati:

I. KSUR SERJU

1.Għall-finijiet ta’ dawn il-proċeduri, ksur serju jfisser il-ksur li ġej tad-dispożizzjonijiet tal-miżuri ta’ konservazzjoni u ta’ ġestjoni adottati mill-ICCAT:

(a)is-sajd mingħajr liċenzja, permess jew awtorizzazzjoni maħruġa mill-PKK tal-bandiera;

(b)in-nuqqas ta’ żamma ta’ biżżejjed rekords tad-dejta dwar il-qabdiet u tad-dejta marbuta mal-qabdiet skont ir-rekwiżiti tar-rappurtar tal-ICCAT, jew rappurtar żbaljat sinifikanti tat-tali dejta dwar il-qabdiet u/jew tad-dejta marbuta mal-qabdiet;

(c)is-sajd f’żona magħluqa;

(d)is-sajd waqt staġun magħluq;

(e)it-teħid jew iż-żamma intenzjonali ta’ speċijiet bi ksur ta’ kwalunkwe miżura ta’ konservazzjoni u ta’ ġestjoni applikabbli adottata mill-ICCAT;

(f)ksur sinifikanti tal-limiti tal-qbid jew tal-kwoti li jkunu fis-seħħ skont ir-regoli tal-ICCAT;

(g)l-użu ta’ rkaptu pprojbit tas-sajd;

(h)il-falsifikazzjoni jew il-ħabi apposta tal-marki, tal-identità jew tar-reġistrazzjoni ta’ bastiment tas-sajd;

(i)il-ħabi, it-tbagħbis jew it-twarrib tal-provi marbutin ma’ investigazzjoni ta’ ksur;

(j)diversi każijiet ta’ ksur li meta jittieħdu flimkien jikkostitwixxu nuqqas serju ta’ ħarsien tal-miżuri fis-seħħ skont ir-regoli tal-ICCAT;

(k)attakk, reżistenza, intimidazzjoni, fastidju sesswali, indħil, jew tfixkil jew tidwim bla bżonn fil-konfront ta’ spettur jew osservatur awtorizzat;

(l)it-tbagħbis jew id-diżattivazzjoni intenzjonali tal-VMS;

(m)kull ksur ieħor li jista’ jiġi stabbilit mill-ICCAT, ladarba dan jiġi inkluż u ċċirkolat f’verżjoni rriveduta ta’ dawn il-proċeduri;

(n)is-sajd bl-assistenza ta’ ajruplani ta’ lokalizzazzjoni;

(o)l-indħil fis-sistema tal-monitoraġġ bis-satellita u/jew l-użu ta’ bastiment mingħajr VMS;

(p)attività ta’ trasferiment mingħajr dikjarazzjoni tat-trasferiment;

(q)it-trażbord fuq il-baħar.

2.Fil-każ ta’ kwalunkwe tlugħ abbord bastiment tas-sajd u spezzjoni tiegħu li matulha l-ispettur awtorizzat josserva attività jew kundizzjoni li tista’ tikkostitwixxi ksur serju, kif iddefinit fil-punt 1, l-awtoritajiet tal-Istat tal-bandiera tal-bastimenti ta’ spezzjoni għandhom jgħarrfu minnufih lill-Istat tal-bandiera tal-bastiment tas-sajd b’dan, kemm b’mod dirett u kemm permezz tas-Segretarjat tal-ICCAT. F’sitwazzjonijiet bħal dawn, l-ispettur għandu jgħarraf ukoll lil kwalunkwe bastiment ta’ spezzjoni tal-Istat tal-bandiera tal-bastiment tas-sajd li jkun jaf li jinsab fil-qrib.

3.L-ispettur tal-ICCAT għandu jirreġistra l-ispezzjonijiet li jwettaq u kwalunkwe ksur li jidentifika matulhom fil-ġurnal ta’ abbord tal-bastiment tas-sajd.

4.L-Istat Membru tal-bandiera għandu jiżgura li, wara l-ispezzjoni msemmija fil-punt 2 ta’ dan l-Anness, il-bastiment tas-sajd ikkonċernat iwaqqaf kull attività tas-sajd. L-Istat Membru tal-bandiera għandu jitlob lill-bastiment tas-sajd jipproċedi fi żmien 72 siegħa lejn port magħżul minnu, fejn għandha tinbeda investigazzjoni.

5.Jekk l-Istat Membru tal-bandiera ma jitlobx lill-bastiment jipproċedi lejn port, huwa għandu jipprovdi ġustifikazzjoni xierqa għal dan fil-ħin lill-Kummissjoni Ewropea, li għandha tibgħat dak it-tagħrif lis-Segretarjat tal-ICCAT, li għandu jqiegħdu għad-dispożizzjoni tal-Partijiet Kontraenti l-oħra, jekk dawn jitolbu dan.

II. TWETTIQ TAL-ISPEZZJONIJIET

6.L-ispezzjonijiet għandhom jitwettqu minn spetturi maħturin mill-Partijiet Kontraenti. L-ismijiet tal-aġenziji tal-gvern awtorizzati u ta’ kull spettur maħtur għal dak il-għan mill-gvernijiet rispettivi tagħhom għandhom jintbagħtu lill-ICCAT.

7.Il-bastimenti li jwettqu servizzi ta’ imbarkazzjoni internazzjonali u dmirijiet ta’ spezzjoni skont dan l-Anness għandhom itajru bandiera jew fjamma speċjali approvata mill-ICCAT u maħruġa mis-Segretarjat tal-ICCAT. L-ismijiet tal-bastimenti użati b’dan il-mod għandhom jintbagħtu lis-Segretarjat tal-ICCAT malli jkun prattikabbli qabel jibdew l-attivitajiet ta’ spezzjoni. Is-Segretarjat tal-ICCAT għandu jqiegħed it-tagħrif dwar il-bastimenti ta’ spezzjoni maħturin għad-dispożizzjoni tal-PKK kollha, fosthom billi jpoġġi dan it-tagħrif fuq is-sit elettroniku tiegħu li huwa protett b’password.

8.Kull spettur għandu jġorr dokument tal-identità xieraq maħruġ mill-awtoritajiet tal-Istat tal-bandiera, li għandu jkun fil-forma murija fil-punt 21 ta’ dan l-Anness.

9.Suġġett għall-arranġamenti miftiehma fil-kuntest tal-punt 16 ta’ dan l-Anness, bastiment li jtajjar il-bandiera ta’ Parti Kontraenti u li jkun qed jistad għat-tonn jew għall-ħut li jixbah lit-tonn fiż-żona tal-Konvenzjoni barra l-ilmijiet li jaqgħu taħt il-ġuriżdizzjoni nazzjonali tiegħu għandu jieqaf meta jingħata s-sinjal ix-xieraq tal-Kodiċi Internazzjonali tas-Sinjali minn bastiment li jtajjar il-fjamma tal-ICCAT deskritta fil-punt 7 u li jkollu spettur abbord, sakemm il-bastiment ma jkunx qed iwettaq attivitajiet tas-sajd dak il-ħin stess, f’liema każ għandu jieqaf minnufih hekk kif itemm it-tali attivitajiet. Kif speċifikat fil-punt 10 ta’ dan l-Anness, il-kaptan tal-bastiment għandu jippermetti lit-tim tal-ispezzjoni jitla’ abbord u għandu jipprovdilu sellum biex jitla’ abbord. Il-kaptan għandu jippermetti lit-tim tal-ispezzjoni jagħmel dawk l-eżamijiet tat-tagħmir, tal-qabda jew tal-irkaptu u ta’ kwalunkwe dokument rilevanti li l-ispettur iqis li jkunu meħtieġa sabiex tiġi vverifikata l-konformità mar-rakkomandazzjonijiet tal-ICCAT li jkunu fis-seħħ għall-Istat tal-bandiera tal-bastiment li jkun qed jiġi spezzjonat. Barra minn hekk, l-ispettur jista’ jitlob għal kwalunkwe spjegazzjoni li huwa jqis li hija meħtieġa.

10.L-uffiċjal kmandant tal-bastiment tal-ispezzjoni għandu jiddeċiedi kemm għandu jkun kbir it-tim tal-ispezzjoni filwaqt li jqis iċ-ċirkustanzi rilevanti. It-tim tal-ispezzjoni għandu jkun żgħir kemm jista’ jkun sabiex iwettaq id-dmirijiet mogħtija f’dan l-Anness b’sigurtà u b’sikurezza.

11.Meta jitla’ abbord il-bastiment, l-ispettur għandu jipprovdi d-dokument tal-identità deskritt fil-punt 8 ta’ dan l-Anness. L-ispettur għandu jħares ir-regoli, il-proċeduri u l-prattiki internazzjonali aċċettati b’mod ġenerali li għandhom x’jaqsmu mas-sigurtà tal-bastiment li qed jiġi spezzjonat u tal-ekwipaġġ tiegħu, u għandu jnaqqas kemm jista’ jkun l-interferenza fl-attivitajiet tas-sajd jew fl-istivar tal-prodotti u, safejn ikun prattikabbli, għandu jevita li jieħu azzjonijiet li jistgħu jaffettwaw ħażin il-kwalità tal-qabda li jkun hemm abbord.

Kull spettur għandu jillimita l-inkjesti tiegħu għall-aċċertazzjoni tal-ħarsien tar-rakkomandazzjonijiet tal-ICCAT li jkunu fis-seħħ għall-Istat tal-bandiera tal-bastiment ikkonċernat. Huwa u jwettaq l-ispezzjoni, spettur jista’ jistaqsi lill-kaptan tal-bastiment tas-sajd għal kwalunkwe għajnuna li jista’ jkun jeħtieġ. Huwa għandu jħejji rapport tal-ispezzjoni f’forma approvata mill-ICCAT. Huwa għandu jiffirma r-rapport fil-preżenza tal-kaptan tal-bastiment, li għandu jkollu d-dritt iżid mar-rapport kwalunkwe osservazzjoni li jaħseb li hija xierqa, jew li jitlob li din tiżdied mar-rapport, u li għandu jiffirma ħdejn it-tali osservazzjonijiet.

12.Għandhom jingħataw kopji tar-rapport lill-kaptan tal-bastiment u lill-gvern tat-tim tal-ispezzjoni, li, min-naħa tiegħu, għandu jgħaddi kopji tiegħu lill-awtoritajiet ix-xierqa tal-Istat tal-bandiera tal-bastiment spezzjonat u lill-ICCAT. Meta l-ispettur jinnota xi ksur tar-rakkomandazzjonijiet tal-ICCAT, huwa għandu jgħarraf b’dan ukoll lil kwalunkwe bastiment ta’ spezzjoni tal-Istat tal-bandiera tal-bastiment tas-sajd li jkun jaf li jinsab fil-qrib, fejn dan ikun possibbli.

13.L-Istat tal-bandiera tal-bastiment spezzjonat għandu jittratta l-fatt li jkun hemm reżistenza għal spettur jew li ma jkunx hemm konformità mal-istruzzjonijiet tiegħu bl-istess mod bħal dak l-aġir imwettaq fir-rigward ta’ spettur nazzjonali.

14.L-ispettur għandu jaqdi dmirijietu fil-kuntest ta’ dawn l-arranġamenti skont ir-regoli mogħtija f’dan ir-Regolament, iżda għandu jibqa’ taħt il-kontroll operattiv tal-awtoritajiet nazzjonali tiegħu u għandu jkun responsabbli lejhom.

15.Il-Partijiet Kontraenti għandhom iqisu r-rapporti ta’ spezzjoni, il-folji tat-tagħrif dwar il-lemħ skont ir-Rakkomandazzjoni 94-09 u d-dikjarazzjonijiet li jkunu ġejjin minn spezzjonijiet iddokumentati ta’ spetturi barranin taħt dawn l-arranġamenti u jaġixxu fuqhom bl-istess mod bħalma jagħmlu għar-rapporti tal-ispetturi nazzjonali skont il-leġizlazzjoni nazzjonali tagħhom. Id-dispożizzjonijiet ta’ dan il-punt m’għandhom jimponu l-ebda obbligu fuq xi Parti Kontraenti li tagħti r-rapport ta’ spettur barrani valur ogħla bħala prova milli kien ikollu fil-pajjiż tal-ispettur stess. Il-Partijiet Kontraenti għandhom jikkollaboraw bejniethom biex jiffaċilitaw il-proċedimenti ġudizzjarji jew oħrajn li jkun hemm minħabba rapport ta’ spettur magħmul fil-kuntest ta’ dawn l-arranġamenti.

16.(a) Il-Partijiet Kontraenti għandhom jgħarrfu lill-ICCAT sal-15 ta’ Frar ta’ kull sena bil-pjanijiet provviżorji tagħhom għat-twettiq tal-attivitajiet ta’ spezzjoni fil-kuntest ta’ dan ir-Regolament f’dik is-sena kalendarja u l-ICCAT tista’ tagħmel suġġerimenti lill-Partijiet Kontraenti għall-koordinament tal-operazzjonijiet nazzjonali f’dan il-qasam, fosthom dwar l-għadd ta’ spetturi u ta’ bastimenti li jkollhom l-ispetturi abbord.

(b) L-arranġamenti mogħtija f’dan ir-Regolament u l-pjanijiet għall-parteċipazzjoni għandhom japplikaw bejn il-Partijiet Kontraenti, sakemm dawn ma jiftehmux mod ieħor bejniethom, f’liema każ l-ICCAT għandha tiġi mgħarrfa bit-tali qbil. Madankollu, sakemm jiġi konkluż ftehim bħal dan, l-implimentazzjoni tal-iskema għandha tkun sospiża bejn żewġ Partijiet Kontraenti jekk xi wieħed minnhom ikun għarraf lill-ICCAT dwar dan.

17.(a) L-irkaptu tas-sajd għandu jiġi spezzjonat skont ir-regolamenti li jkunu fis-seħħ għas-subżona li fiha sseħħ l-ispezzjoni. L-ispettur għandu jdaħħal is-subżona li fiha tkun seħħet l-ispezzjoni u deskrizzjoni ta’ kull ksur li jkun sab matul dik l-ispezzjoni fir-rapport tal-ispezzjoni.

(b) L-ispettur għandu jkollu d-dritt jispezzjona l-irkaptu kollu tas-sajd li jkun qed jintuża jew li jkun hemm abbord.

18.L-ispettur għandu jwaħħal marka tal-identifikazzjoni approvata mill-ICCAT ma’ kwalunkwe tagħmir tas-sajd spezzjonat li jidher li jkun qed jikser ir-rakkomandazzjonijiet tal-ICCAT li jkunu fis-seħħ għall-Istat tal-bandiera tal-bastiment ikkonċernat u għandu jirreġistra dan il-fatt fir-rapport tal-ispezzjoni.

19.L-ispettur jista’ jieħu ritratti tal-irkaptu, tat-tagħmir, tad-dokumentazzjoni u ta’ kull element ieħor li huwa jqis li jkun meħtieġ, b’tali mod li jiġu żvelati dawk il-karatteristiċi li, fl-opinjoni tiegħu, mhumiex konformi mar-regolament fis-seħħ, f’liema każ l-oġġetti li jitteħdilhom ritratt għandhom jitniżżlu fir-rapport u kopji tar-ritratti għandhom jinhemżu mal-kopja tar-rapport maħsuba għall-Istat tal-bandiera.

20.L-ispettur għandu jispezzjona l-qabda kollha abbord sabiex jistabbilixxi l-konformità mar-rakkomandazzjonijiet tal-ICCAT, skont il-bżonn.

21.Il-mudell tal-Karta tal-Identità tal-ispetturi huwa mogħti hawn taħt:

ANNESS IX

L-istandards minimi għall-proċeduri għar-reġistrazzjoni bil-vidjokamera

L-attivitajiet ta’ trasferiment

(1)L-apparat elettroniku għall-ħżin li jkun fih il-vidjow oriġinali rreġistrat għandu jingħata lill-osservatur reġjonali tal-ICCAT malajr kemm jista’ jkun wara li tintemm l-attività tat-trasferiment, u dan għandu jpoġġi l-inizjali tiegħu fuqu minnufih biex jiġi evitat li jkun hemm iktar manipulazzjoni.

(2)Il-vidjow oriġinali rreġistrat għandu jinżamm abbord il-bastiment tal-qbid jew mill-operatur tal-farm tal-ħut jew tat-tunnara, fejn dan ikun xieraq, għall-perjodu kollu tal-awtorizzazzjoni.

(3)Għandhom jiġu prodotti żewġ kopji identiċi tal-vidjow irreġistrat. Kopja waħda għandha tintbagħat lill-osservatur reġjonali tal-ICCAT preżenti u l-kopja l-oħra għandha tintbagħat, flimkien mad-dikjarazzjoni tat-trasferiment u mat-tagħrif dwar il-qabdiet assoċjati li magħhom għandha x’taqsam, lill-osservatur nazzjonali abbord il-bastiment tal-irmunkar. Din il-proċedura għandha tapplika biss għall-osservaturi nazzjonali fil-każ ta’ trasferimenti bejn il-bastimenti tal-irmunkar.

(4)Fil-bidu ta’ kull vidjow u/jew fi tmiemu, għandu jidher in-numru tal-awtorizzazzjoni tat-trasferiment tal-ICCAT.

(5)Id-data u l-ħin tal-vidjow għandhom jidhru b’mod kontinwu matul kull vidjow irreġistrat.

(6)Qabel ma jibda t-trasferiment, il-vidjow għandu jinkludi l-ftuħ u l-għeluq tax-xibka jew tal-bieb u filmat li juri jekk il-gaġeġ li minnhom ikun se jinħareġ it-tonn u li fihom ikun se jiddaħħal ikunx diġà fihom it-tonn jew le.

(7)Ir-reġistrazzjoni bil-vidjokamera għandha tkun kontinwa, mingħajr interruzzjonijiet jew qtugħ, u għandha tkopri l-attività kollha tat-trasferiment.

(8)Il-vidjow irreġistrat għandu jkun ta’ kwalità tajba biżżejjed biex jiġi stmat l-għadd ta’ tonn li jkun qed jiġi ttrasferit.

(9)Jekk il-vidjow irreġistrat ma jkunx ta’ kwalità tajba biżżejjed biex jiġi stmat l-għadd ta’ tonn li jkun qed jiġi ttrasferit, l-awtoritajiet ta’ kontroll għandhom jitolbu li jsir trasferiment ġdid. Matul it-trasferiment il-ġdid, it-tonn kollu ta’ ġol-gaġġa li fiha jkun iddaħħal it-tonn għandu jiġi ttrasferit għal ġo gaġġa oħra li trid tkun vojta.

L-attivitajiet ta’ tqegħid fil-gaġeġ

(1)L-apparat elettroniku għall-ħżin li jkun fih il-vidjow oriġinali rreġistrat għandu jingħata lill-osservatur reġjonali tal-ICCAT malajr kemm jista’ jkun wara li tintemm l-attività ta’ tqegħid fil-gaġeġ, u dan għandu jpoġġi l-inizjali tiegħu fuqu minnufih biex jiġi evitat li jkun hemm iktar manipulazzjoni.

(2)Il-vidjow oriġinali rreġistrat għandu jinżamm mill-farm tal-ħut, fejn dan ikun applikabbli, għall-perjodu kollu tal-awtorizzazzjoni.

(3)Għandhom jiġu prodotti żewġ kopji identiċi tal-vidjow irreġistrat. Kopja waħda għandha tintbagħat lill-osservatur reġjonali tal-ICCAT li jkun hemm fil-farm tal-ħut.

(4)Fil-bidu ta’ kull vidjow u/jew fi tmiemu, għandu jidher in-numru tal-awtorizzazzjoni tat-tqegħid fil-gaġeġ tal-ICCAT.

(5)Id-data u l-ħin tal-vidjow għandhom jidhru b’mod kontinwu matul kull vidjow irreġistrat.

(6)Qabel ma jibda t-tqegħid fil-gaġeġ, il-vidjow għandu jinkludi l-ftuħ u l-għeluq tax-xibka jew tal-bieb u għandu juri jekk il-gaġeġ li minnhom ikun se jinħareġ it-tonn u li fihom ikun se jiddaħħal ikunx diġà fihom it-tonn jew le.

(7) Ir-reġistrazzjoni bil-vidjokamera għandha tkun kontinwa, mingħajr interruzzjonijiet jew qtugħ, u għandha tkopri l-attività kollha tat-tqegħid fil-gaġeġ.

(8)Il-vidjow irreġistrat għandu jkun ta’ kwalità tajba biżżejjed biex jiġi stmat l-għadd ta’ tonn li jkun qed jiġi ttrasferit.

(9)Jekk il-vidjow irreġistrat ma jkunx ta’ kwalità tajba biżżejjed biex jiġi stmat l-għadd ta’ tonn li jkun qed jiġi ttrasferit, l-awtoritajiet ta’ kontroll għandhom jitolbu li ssir attività ġdida ta’ tqegħid fil-gaġeġ. Matul l-attività l-ġdida ta’ tqegħid fil-gaġeġ, it-tonn kollu ta’ ġol-gaġġa tal-farm tal-ħut li fiha jkun iddaħħal it-tonn għandu jiġi ttrasferit għal ġo gaġġa oħra tal-farm tal-ħut li trid tkun vojta.

ANNESS X

Standards u proċeduri għall-programmi u l-obbligi tar-rappurtar imsemmija fl-Artikolu 44(2) sa (7) u fl-Artikolu 45(1)

A. L-użu tas-sistemi tal-kameras sterjoskopiċi

Fil-kuntest tal-attivitajiet ta’ tqegħid fil-gaġeġ, is-sistemi tal-kameras sterjoskopiċi għandhom jintużaw skont dan li ġej, hekk kif mitlub mill-Artikolu 44 ta’ dan ir-Regolament:

1. Għall-kampjuni tal-ħut ħaj, m’għandux jittieħed perċentwali ta’ inqas minn 20 % tal-ammont ta’ ħut li jkun qed jitqiegħed fil-gaġeġ. Fejn dan ikun teknikament possibbli, il-kampjuni tal-ħut ħaj għandhom jittieħdu f’sekwenza, jiġifieri trid titkejjel ħuta waħda minn kull ħamsa; il-ħut meqjus fit-tali kampjuni għandu jitkejjel f’distanza ta’ bejn żewġ u tmien metri ’l bogħod mill-kamera.

2. Il-bieb ta’ trasferiment li jgħaqqad il-gaġġa li minnha jkun se jinħareġ il-ħut mal-gaġġa li fiha jkun se jiddaħħal m’għandux ikun wiesa’ iktar minn 10 metri u għoli iktar minn 10 metri.

3. Meta jkun hemm distribuzzjoni multimodali tal-kejl tat-tul tal-ħut (jiġifieri jkun hemm żewġ koorti jew iktar ta’ daqsijiet differenti), wieħed għandu jkun jista’ juża iktar minn algoritmu ta’ konverżjoni wieħed għall-istess attività ta’ tqegħid fil-gaġeġ; għandhom jintużaw l-iktar algoritmi reċenti stabbiliti mill-SCRS biex it-tulijiet sal-furketta jinqalbu f’piżijiet totali skont il-kategorija tad-daqs tal-ħut imkejjel matul l-attività ta’ tqegħid fil-gaġeġ.

4. Il-kejl sterjoskopiku tat-tul għandu jiġi vvalidat qabel kull attività ta’ tqegħid fil-gaġeġ billi tintuża skala grafika f’distanza ta’ bejn żewġ u tmien metri.

5. Meta jintbagħtu r-riżultati tal-programm sterjoskopiku, għandu jintbagħat ukoll tagħrif dwar il-marġni ta’ żball inerenti fl-ispeċifikazzjonijiet tekniċi tas-sistema ta’ kameras sterjoskopiċi, li m’għandux jaqbeż firxa ta’ madwar 5 %.

6. Ir-rapport dwar ir-riżultati tal-programm sterjoskopiku għandu jinkludi dettalji dwar l-ispeċifikazzjonijiet tekniċi kollha msemmijin hawn fuq, fosthom l-intensità tat-teħid tal-kampjuni, il-metodu tat-teħid tal-kampjuni, id-distanza mill-kamera, id-daqs tal-bieb ta’ trasferiment u l-algoritmi (ir-relazzjoni bejn it-tul u l-piż). L-SCRS għandu jeżamina mill-ġdid dawn l-ispeċifikazzjonijiet u għandu jipprovdi rakkomandazzjonijiet biex dawn jinbidlu jekk ikun hemm bżonn.

7. F’każijiet fejn il-filmat meħud bil-kamera sterjoskopika ma jkunx ta’ kwalità tajba biżżejjed biex jiġi stmat il-piż tat-tonn li jkun qed jitqiegħed fil-gaġeġ, l-awtoritajiet tal-Istat Membru responsabbli għall-bastiment tal-qbid, għall-farm tal-ħut jew għat-tunnara għandhom jordnaw li ssir attività ġdida ta’ tqegħid fil-gaġeġ.

B. Preżentazzjoni tar-riżultati tal-programmi u l-użu tagħhom

1. Id-deċiżjonijiet dwar id-differenzi li jkun hemm bejn ir-rapport tal-qabdiet u r-riżultati li joħorġu mill-programm tas-sistema sterjoskopika għandhom jittieħdu fil-livell tal-qabdiet totali tal-attività konġunta tas-sajd jew tal-qabdiet totali fit-tunnara fil-każ tal-qabdiet tal-attivitajiet konġunti tas-sajd u tal-qabdiet fit-tunnari li jkunu maħsubin biex jintbagħtu f’faċilità ta’ farm tal-ħut li jkunu jinvolvu PKK waħda u/jew Stat Membru wieħed. Id-deċiżjonijiet dwar id-differenzi li jkun hemm bejn ir-rapport tal-qabdiet u r-riżultati li joħorġu mill-programm tas-sistema sterjoskopika għandhom jittieħdu fil-livell tal-attivitajiet ta’ tqegħid fil-gaġeġ fil-każ tal-attivitajiet konġunti tas-sajd li jkunu jinvolvu iktar minn PKK waħda u/jew Stat Membru wieħed, sakemm l-awtoritajiet tal-PKK jew tal-Istati Membri tal-bandiera tal-bastimenti tal-qbid involuti fl-attività konġunta tas-sajd ma jiftehmux kollha mod ieħor bejniethom.

2. L-Istat Membru responsabbli għall-farm tal-ħut għandu jibgħat rapport lill-Istat Membru jew lill-PKK li tkun responsabbli għall-bastiment tal-qbid jew għat-tunnara u lill-Kummissjoni, li għandu jinkludi d-dokumenti li ġejjin:

(a) rapport tekniku dwar is-sistema sterjoskopika, li għandu jinkludi:

–it-tagħrif ġenerali li ġej: l-ispeċi, il-post, il-gaġġa, id-data u l-algoritmu;

–it-tagħrif statistiku dwar id-daqs li ġej; il-piż u t-tul medju, minimu u massimu, l-għadd ta’ ħut li tqies fil-kampjun u d-distribuzzjoni tal-piż u tad-daqs;

(b) ir-riżultati ddettaljati tal-programm u d-daqs u l-piż ta’ kull ħuta li tqieset fil-kampjun;

–it-tagħrif ġenerali dwar l-attività li ġej: in-numru tal-attività ta’ tqegħid fil-gaġeġ, isem il-farm tal-ħut, in-numru tal-gaġġa, in-numru tad-dokument dwar il-qabdiet tat-tonn, in-numru tad-dikjarazzjoni tat-trasferiment tal-ICCAT, isem il-bastiment tal-qbid jew it-tunnara u l-bandiera tiegħu jew tagħha, isem il-bastiment tal-irmunkar u l-bandiera tiegħu, id-data tal-attività tas-sistema sterjoskopika u isem il-fajl tal-filmat;

–l-algoritmu li ntuża biex it-tul jinqaleb f’piż;

–tqabbil bejn l-ammonti ddikjarati fid-dokument dwar il-qabdiet tat-tonn u l-ammonti li jkunu ħarġu mis-sistema sterjoskopika għall-għadd ta’ ħut, il-piż medju u l-piż totali (il-formola li għandha tintuża biex wieħed jikkalkula din id-differenza hija din li ġej: (l-ammonti li ħarġu mis-sistema sterjoskopika - l-ammonti ddikjarati fid-dokument dwar il-qabdiet tat-tonn) / l-ammonti li ħarġu mis-sistema sterjoskopika * 100);

–il-marġni ta’ żball tas-sistema;

–fil-każ tar-rapporti dwar it-tqegħid fil-gaġeġ li għandhom x’jaqsmu mal-attivitajiet konġunti tas-sajd jew mat-tunnari, l-aħħar rapport dwar it-tqegħid fil-gaġeġ għandu jinkludi wkoll sommarju tat-tagħrif kollu mogħti fir-rapporti dwar it-tqegħid fil-gaġeġ ta’ qabel.

3. Meta jirċievu r-rapport dwar it-tqegħid fil-gaġeġ, l-awtoritajiet tal-Istat Membru tal-bastiment tal-qbid jew tat-tunnara għandhom jieħdu l-miżuri kollha meħtieġa skont is-sitwazzjonijiet li ġejjin:

(a) meta l-piż totali ddikjarat mill-bastiment tal-qbid jew mit-tunnara fid-dokument dwar il-qabdiet tat-tonn ikun fil-medda tar-riżultati li jkunu ħarġu mis-sistema sterjoskopika:

–l-awtoritajiet m’għandhom joħorġu l-ebda ordni ta’ rilaxx;

–fid-dokument dwar il-qabdiet tat-tonn għandu jinbidel l-għadd ta’ ħut (billi jintuża l-għadd ta’ ħut li jkun ħareġ mill-użu tal-kameras ta’ kontroll jew ta’ tekniki alternattivi) u l-piż medju, iżda l-piż totali m’għandux jinbidel;

(b) meta l-piż totali ddikjarat mill-bastiment tal-qbid jew mit-tunnara fid-dokument dwar il-qabdiet tat-tonn ikun inqas miċ-ċifra l-aktar baxxa tal-medda tar-riżultati li jkunu ħarġu mis-sistema sterjoskopika:

–l-awtoritajiet għandhom joħorġu ordni ta’ rilaxx, li fiha għandhom jużaw iċ-ċifra l-aktar baxxa tal-medda tar-riżultati li jkunu ħarġu mis-sistema sterjoskopika;

–l-attivitajiet tar-rilaxx għandhom jitwettqu skont il-proċedura stabbilita fl-Artikolu 32(2) u fl-Anness XI;

–wara li jkunu twettqu l-attivitajiet tar-rilaxx, fid-dokument dwar il-qabdiet tat-tonn għandu jinbidel l-għadd ta’ ħut (billi jintuża l-għadd ta’ ħut li jkun ħareġ mill-użu tal-kameras ta’ kontroll, li minnu jitnaqqas l-għadd ta’ ħut mitluq il-baħar) u l-piż medju, iżda l-piż totali m’għandux jinbidel;

(c) meta l-piż totali ddikjarat mill-bastiment tal-qbid jew mit-tunnara fid-dokument dwar il-qabdiet tat-tonn ikun jaqbeż l-ogħla ċifra tal-medda tar-riżultati li jkunu ħarġu mis-sistema sterjoskopika:

–l-awtoritajiet m’għandhom joħorġu l-ebda ordni ta’ rilaxx;

–fid-dokument dwar il-qabdiet tat-tonn għandu jinbidel il-piż totali (billi tintuża l-ogħla ċifra tal-medda tar-riżultati li jkunu ħarġu mis-sistema sterjoskopika), l-għadd ta’ ħut (billi jintużaw ir-riżultati li jkunu ħarġu mill-użu tal-kameras ta’ kontroll) u l-piż medju, kif xieraq.

4. Fil-każ ta’ kwalunkwe bidla rilevanti fid-dokument dwar il-qabdiet tat-tonn, iċ-ċifri (għall-għadd u l-piż) imniżżlin fit-Taqsima 2 għandhom ikunu l-istess bħal dawn imniżżlin fit-Taqsima 6, u ċ-ċifri mniżżlin fit-Taqsimiet 3, 4 u 6 m’għandhomx ikunu ogħla minn dawk imniżżlin fit-Taqsima 2.

5. F’każ ta’ kumpens tad-differenzi li nstabu fir-rapporti individwali dwar it-tqegħid fil-gaġeġ fl-attivitajiet kollha ta’ tqegħid fil-gaġeġ ta’ attività konġunta tas-sajd jew ta’ tunnara, kemm jekk ikun hemm bżonn issir attività ta’ rilaxx u kemm jekk le, id-dokumenti rilevanti kollha dwar il-qabdiet tat-tonn għandhom jinbidlu abbażi tal-iktar medda baxxa tar-riżultati li jkunu ħarġu mis-sistema sterjoskopika. Id-dokumenti dwar il-qabdiet tat-tonn marbutin mal-kwantitajiet ta’ tonn mitluq il-baħar ukoll għandhom jinbidlu biex ikunu jirriflettu l-piż jew l-għadd ta’ tonn mitluq il-baħar. Id-dokumenti dwar il-qabdiet tat-tonn marbutin mal-kwantitajiet ta’ tonn li ma jkunx intelaq il-baħar iżda li r-riżultati dwaru li jkunu ħarġu mis-sistemi sterjoskopiċi jew mill-użu ta’ tekniki alternattivi jkunu jvarjaw mill-kwantitajiet tiegħu ddikjarati bħala maqbudin u ttrasferiti wkoll għandhom jiġu emendati biex ikunu jirriflettu dawn id-differenzi.

Id-dokumenti dwar il-qabdiet tat-tonn marbutin mal-qabdiet li minnhom ikun intelaq it-tonn il-baħar ukoll għandhom jinbidlu biex ikunu jirriflettu l-piż jew l-għadd ta’ tonn mitluq il-baħar.

ANNESS XI

Protokoll tar-rilaxx

1. Ir-rilaxx tat-tonn minn ġol-gaġeġ tat-trasport jew tat-trobbija tal-ħut għal ġol-baħar għandu jiġi rreġistrat b’vidjokamera u jiġi osservat minn osservatur reġjonali tal-ICCAT li għandu jħejji rapport u jibagħtu, flimkien mal-vidjows irreġistrati, lis-Segretarjat tal-ICCAT.

2. Meta tkun inħarġet ordni tar-rilaxx, l-operatur tal-farm tal-ħut għandu jitlob li jiġi assenjat osservatur reġjonali tal-ICCAT għal dak il-farm tal-ħut.

3. Ir-rilaxx tat-tonn minn ġot-tunnari għal ġol-baħar għandu jiġi osservat minn osservatur nazzjonali li għandu jħejji rapport u jibagħtu lill-awtoritajiet ta’ kontroll tal-Istat Membru responsabbli.

4. Qabel ma sseħħ attività ta’ rilaxx, l-awtoritajiet ta’ kontroll tal-Istati Membri jistgħu jordnaw li jsir trasferiment ta’ kontroll bl-użu ta’ kameras standard u/jew sterjoskopiċi biex jiġu stmati l-għadd ta’ ħut li jrid jintelaq il-baħar u l-piż tiegħu.

5. L-awtoritajiet tal-Istati Membri jistgħu jimplimentaw kull miżura oħra li huma jqisu li hija meħtieġa biex ikun żgurat li l-attivitajiet ta’ rilaxx jitwettqu fiż-żmien u l-post l-aktar xieraq biex tiżdied il-probabbiltà li l-ħut wara jmur lura fil-ġliba. L-operatur għandu jkun responsabbli għas-sopravivenza tal-ħut sakemm dan jintelaq il-baħar. Dawn l-attivitajiet ta’ rilaxx għandhom iseħħu fi żmien tliet ġimgħat minn meta jitlestew l-attivitajiet ta’ tqegħid fil-gaġeġ.

6. Wara li jitlestew l-attivitajiet tal-ħsad, il-ħut li jkun għad baqa’ fil-farm tal-ħut li ma jkunx kopert minn dokument dwar il-qabdiet tat-tonn tal-ICCAT għandu jintelaq il-baħar skont il-proċeduri deskritti fl-Artikolu 32(2) u f’dan l-Anness.

ANNESS XII

It-trattament tal-ħut mejjet

Matul l-attivitajiet tas-sajd tal-bastimenti tas-sajd bil-purse seine, il-kwantitajiet ta’ ħut li jinstab mejjet fit-tartarun għandhom jitniżżlu fil-ġurnal ta’ abbord tal-bastiment tas-sajd u għandhom jitnaqqsu mill-kwota tal-Istat Membru kif xieraq.

Reġistrazzjoni jew trattament tal-ħut mejjet waqt l-ewwel trasferiment

1) Id-dokument dwar il-qabdiet tat-tonn għandu jingħata lill-operatur tal-bastiment tal-irmunkar bit-Taqsimiet 2, 3 u 4 (intitolati “Il-qabda totali”, “Il-kummerċ tal-ħut ħaj” u “It-trasferiment, inkluż il-ħut ʻmejjet’” rispettivament) mimlija.

Il-kwantitajiet totali mniżżlin fit-Taqsimiet 3 u 4 għandhom ikunu daqs il-kwantitajiet imniżżlin fit-Taqsima 2. Mad-dokument dwar il-qabdiet tat-tonn għandu jkun hemm id-dikjarazzjoni oriġinali tat-trasferiment tal-ICCAT f’konformità mad-dispożizzjonijiet ta’ dan ir-Regolament. Il-kwantitajiet imniżżlin fid-dikjarazzjoni tat-trasferiment tal-ICCAT (ta’ ħut ittrasferit ħaj), għandhom ikunu daqs il-kwantitajiet imniżżlin fit-Taqsima 3 tad-dokument dwar il-qabdiet tat-tonn marbut magħha.

2) Parti mid-dokument dwar il-qabdiet tat-tonn, inkluża t-Taqsima 8 (intitolata “Tagħrif dwar il-kummerċ”) għandha timtela u tingħata lill-operatur tal-bastiment awżiljarju li jkun qed iġorr it-tonn mejjet lejn l-art (jewinkella din għandha tinżamm abbord il-bastiment tal-qbid jekk dan it-tonn jinħatt direttament l-art). Ma’ din il-parti tad-dokument dwar il-qabdiet tat-tonn u dan il-ħut mejjet għandu jkun hemm kopja tad-dikjarazzjoni tat-trasferiment tal-ICCAT.

3) Il-kwantitajiet ta’ ħut mejjet għandhom jitniżżlu fid-dokument dwar il-qabdiet tat-tonn tal-bastiment tal-qbid li jkun qabadhom jew, fil-każ tal-attivitajiet konġunti tas-sajd, fid-dokument dwar il-qabdiet tat-tonn tal-bastimenti tal-qbid jew ta’ bastiment li jtajjar bandiera oħra li jkun qed jieħu sehem fl-attività konġunta tas-sajd.

ANNESS XIII

Tabella ta’ korrelazzjoni

Ir-Regolament tal-Kunsill (KE) Nru 302/2009	Dan ir-Regolament
L-Artikolu 1	L-Artikoli 1 u 2
L-Artikolu 2	L-Artikolu 3
L-Artikolu 3	L-Artikolu 4
L-Artikolu 4(1)	L-Artikolu 5(1)
L-Artikolu 4(2)	L-Artikolu 6(1)(a)
L-Artikolu 4(3) u (5)	L-Artikolu 7
It-tieni subparagrafu tal-Artikolu 4(4)	L-Artikolu 6(1)(a) u 6(2)
L-Artikolu 4(6)(a) u (b) u t-tieni subparagrafu tiegħu	L-Artikolu 52
It-tielet subparagrafu tal-Artikolu 4(6)	L-Artikolu 20(2)
L-Artikolu 4(7), (8), (9), (10), (11) u (12)	-
L-Artikolu 4(13)	L-Artikolu 5(3)
L-Artikolu 4(15)	L-Artikolu 17
L-Artikolu 5(1)	L-Artikolu 6(1)(b)
L-Artikolu 5(2), (3), (4), (5) u (6)	L-Artikolu 8(1), (2), (3), (4), (5) u (6)
L-Artikolu 5(7) u (8) u l-ewwel subparagrafu tal-Artikolu 5(9)	-
It-tieni subparagrafu tal-Artikolu 5(9)	L-Artikolu 6(2)
L-Artikolu 6	L-Artikolu 9
L-Artikolu 7	L-Artikoli 10 u 11
L-Artikolu 8	L-Artikolu 16
L-Artikolu 9(1) u (2)	L-Artikolu 13(1) u (2)
L-Artikolu 9(3), (4), (5), (7), (8), (9) u (10)	L-Anness I
L-Artikolu 9(6)	-
L-Artikolu 9(11)	L-Artikolu 13(3)
L-Artikolu 9(12), (13), (14) u (15)	L-Artikolu 14
L-Artikolu 10	-
L-Artikolu 11	L-Artikolu 15(2), (3) u (5)
L-Artikolu 12(1), (2), (3) u (4)	L-Artikolu 18
L-Artikolu 12(5)	-
L-Artikolu 13(1), (2) u (3)	L-Artikolu 18
L-Artikolu 13(4)	-
L-Artikolu 14(1), (2), (3) u (5)	L-Artikolu 19
L-Artikolu 14(4)	L-Artikolu 20(1)
L-Artikolu 15	L-Artikolu 21
L-Artikolu 16	L-Artikolu 27(1), (3) u (4)
L-Artikolu 17	L-Artikolu 28
L-Artikolu 18(1)	L-Artikolu 23
L-Artikolu 18(2)	L-Anness II
L-Artikolu 19	L-Artikolu 22(1), (2) u (3)
L-Artikolu 20(1) u (2)	L-Artikolu 24(1), (2) u (3)
L-Artikolu 20(3) u (4)	L-Artikolu 25
L-Artikolu 21	L-Artikolu 29(1), (2), (3), (4), (6) u (7)
L-Artikolu 22(1) u l-ewwel subparagrafu tal-Artikolu 22(2)	L-Artikolu 31(1), (3) u (5)
It-tieni subparagrafu tal-Artikolu 22(2)	L-Artikolu 32(1)
L-Artikolu 22(3)	L-Artikolu 32(2)
L-Artikolu 22(4)	L-Artikolu 36(1), (2) u (3)
L-Artikolu 22(5)	L-Anness II
L-Artikolu 22(6)	L-Artikolu 31(6)
L-Artikolu 22(7)	L-Artikolu 33(1) u l-Anness IX
L-Artikolu 22(8) u l-ewwel subparagrafu tal-Artikolu 22(9)	L-Artikolu 34
It-tieni subparagrafu tal-Artikolu 22(9)	-
L-Artikolu 22(10)	L-Artikolu 37
L-Artikolu 23	L-Artikolu 30
L-Artikolu 24(1)	L-Artikolu 45(1)
L-Artikolu 24(2), (4) u (6)	L-Artikolu 38(2), (3), (4) u (5)
L-Artikolu 24(3)	L-Artikolu 39(1) u (2)
L-Artikolu 24(5)	L-Artikolu 40
L-Artikolu 24(7)	L-Artikolu 42(1) u l-Anness IX
L-ewwel subparagrafu tal-Artikolu 24(8)	L-Artikolu 43(1) u (2)
L-Artikolu 24(9)	-
L-Artikolu 24(10)	L-Artikolu 46
L-Artikolu 24 a	L-Anness X
L-Artikolu 25	L-Artikolu 47
L-Artikolu 26(1)	L-Artikolu 24(4)
L-Artikolu 26(2)	L-Artikolu 25(1)
L-Artikolu 26(3)	L-Artikolu 24(5)
L-Artikolu 27(1)	L-Artikolu 29(5)
L-Artikolu 27(2)	L-Artikolu 41
L-Artikolu 27(3)	L-Artikolu 3(24)
L-Artikolu 28	L-Artikolu 53
L-Artikolu 29	L-Artikolu 50
L-Artikolu 30	L-Artikolu 48
L-Artikolu 31(1) u (2)(a), (b), (c) u (h)	L-Artikolu 51(2), (3), (4), (5) u (6)
L-Artikolu 31(2)(d), (e), (f) u (g)	L-Anness VII
L-Artikolu 31(3) u (4)	L-Anness VII
L-Artikolu 32	L-Artikolu 33(2), (3) u (4) L-Artikolu 42(2), (3) u (4)
L-Artikolu 33	-
L-Artikolu 33a	L-Artikolu 51
L-Artikolu 34	L-Artikolu 54
L-Artikolu 35	-
L-Artikolu 36	-
L-Artikolu 37	L-Artikolu 55
L-Artikolu 38	L-Artikolu 56
L-Artikolu 38a	L-Artikolu 59(1) u (2)
L-Artikolu 39	L-Artikolu 61
L-Artikolu 40	-
L-Artikolu 41	L-Artikolu 62

Top

IL-KUMMISSJONI EWROPEA

Brussell, 24.4.2015

COM(2015) 180 final

Proposta għal

REGOLAMENT TAL-PARLAMENT EWROPEW U TAL-KUNSILL

dwar pjan multiannwali għall-irkupru tat-tonn fil-Lvant tal-Atlantiku u fil-Mediterran, li jħassar ir-Regolament tal-Kunsill (KE) Nru 302/2009

MEMORANDUM TA’ SPJEGAZZJONI

1.IL-KUNTEST TAL-PROPOSTA

Il-proposta għandha l-għan li tittrasponi fil-liġi tal-Unjoni l-miżuri tal-pjan multiannwali għall-irkupru tat-tonn fil-Lvant tal-Atlantiku u fil-Mediterran adottat mill-Kummissjoni Internazzjonali għall-Konservazzjoni tat-Tonn tal-Atlantiku (l-ICCAT) 1 fil-laqgħat annwali tagħha tal-perjodu mill-2012 sal-2014. L-ICCAT hija l-organizzazzjoni reġjonali tal-ġestjoni tas-sajd (RFMO) responsabbli għall-ġestjoni tal-ispeċijiet tat-tonn u tal-ispeċijiet simili għalih fl-Oċean Atlantiku u fl-ibħra li jmissu miegħu, li l-Unjoni hija Parti Kontraenti fiha. Il-pjan multiannwali għall-irkupru tat-tonn ġie stabbilit fl-2006 2 u daħal fis-seħħ fl-2007.

L-ICCAT għandha s-setgħa tadotta deċiżjonijiet (“rakkomandazzjonijiet”) għall-konservazzjoni u l-ġestjoni tas-sajd fil-qasam ta’ kompetenza tagħha. Dawn l-atti jorbtu legalment u huma maħsubin b’mod ewlieni għall-Partijiet Kontraenti tal-ICCAT, iżda jinkludu wkoll ċerti obbligi għall-operaturi (pereżempju għall-kaptan tal-bastiment). Ir-rakkomandazzjonijiet tal-ICCAT jidħlu fis-seħħ sitt xhur wara li jiġu adottati u, fil-każ tal-Unjoni Ewropea, għandhom jiddaħħlu fil-liġi tal-Unjoni safejn dawn ma jkunux diġà koperti mil-leġiżlazzjoni tal-Unjoni.

Xi miżuri tal-ICCAT marbutin mat-tonn ġew trasposti permezz tar-Regolament (UE) Nru 544/2014 tal-15 ta’ Mejju 2014 3 li emenda r-Regolament tal-Kunsill (KE) Nru 302/2009 tas-6 ta’ April 2009 4 . L-għan ta’ dik l-emenda kien li jiġu trasposti fil-liġi tal-Unjoni l-miżuri dwar l-istaġuni tas-sajd li l-ICCAT adottat fl-2012 u fl-2013. Sabiex tiġi żgurata l-applikazzjoni uniformi u effettiva tal-miżuri kollha tal-pjan ta’ rkupru adottat bejn l-2012 u l-2014 fl-Unjoni Ewropea kollha, din il-proposta se ddaħħal dawn il-miżuri f’Regolament dwar pjan multiannwali għall-irkupru tat-tonn fil-Lvant tal-Atlantiku u fil-Mediterran. Dan ir-Regolament se jħassar ir-Regolament tal-Kunsill (KE) Nru 302/2009.

2.IR-RIŻULTATI TAL-KONSULTAZZJONIJIET MAL-PARTIJIET INTERESSATI U TAL-VALUTAZZJONIJIET TAL-IMPATT

Ma kien hemm bżonn issir l-ebda konsultazzjoni mal-partijiet interessati jew valutazzjoni tal-impatt.

3.L-ELEMENTI LEGALI TAL-PROPOSTA

Sommarju tal-azzjoni proposta

L-inizjattiva leġiżlattiva tindirizza t-tħassib li tiġi żgurata l-applikazzjoni uniformi u effettiva tal-aħħar miżuri tal-pjan multiannwali għall-irkupru tat-tonn tal-ICCAT fl-Unjoni Ewropea kollha. Il-miżuri rilevanti ta’ konservazzjoni u ġestjoni stabbiliti bir-Rakkomandazzjonijiet tal-ICCAT ma japplikawx direttament għall-bastimenti individwali jew għaċ-ċittadini individwali tal-Istati Membri tal-Unjoni. Għalhekk, jeħtieġ li l-miżuri tal-ICCAT marbutin mat-tonn li ġew adottati fl-2012, fl-2013 u fl-2014 jiġu trasposti fil-liġi tal-Unjoni. Il-proposta fiha miżuri tekniċi bħal dawk dwar l-attivitajiet ta’ trasferiment u tqegħid fil-gaġeġ tat-tonn ħaj, fosthom miżuri dwar l-użu tal-kameras sterjoskopiċi biex tingħata stima tal-kwantitajiet ta’ tonn u tal-għadd ta’ tonn mitluq il-baħar, ir-rekwiżiti tar-rappurtar dwar il-qabdiet u l-implimentazzjoni tal-Programm ta’ osservaturi reġjonali tal-ICCAT.

L-Artikolu 15(1) tar-Regolament (UE) Nru 1380/2013 tal-Parlament Ewropew u tal-Kunsill 5 daħħal obbligu ta’ ħatt l-art li se jibda japplika mill-1 ta’ Jannar 2015 ’il quddiem għall-qabdiet tat-tonn. Madankollu, skont l-Artikolu 15(2) ta’ dak ir-Regolament, l-obbligu ta’ ħatt l-art huwa mingħajr preġudizzju għall-obbligi internazzjonali tal-Unjoni, bħal dawk li ġejjin mir-Rakkomandazzjonijiet tal-ICCAT. Skont din l-istess dispożizzjoni, il-Kummissjoni għandha s-setgħa tadotta atti delegati biex timplimenta t-tali obbligi internazzjonali fil-liġi tal-Unjoni, fosthom, b’mod partikulari, d-derogi mill-obbligu tal-ħatt l-art. Għalhekk, għandu jitħalla jiġi skartat it-tonn f’ċerti sitwazzjonijiet stabbiliti fir-Regolament ta’ Delega tal-Kummissjoni (UE) 2015/98 tat-18 ta’ Novembru 2014 6 , iżda dan l-iskartar mhux kopert direttament minn din il-proposta.

Il-bażi legali

L-Artikolu 43(2) tat-Trattat dwar il-Funzjonament tal-Unjoni Ewropea.

Il-prinċipju tas-sussidjarjetà

Il-proposta taqa’ fl-ambitu tal-kompetenza esklużiva tal-Unjoni (l-Artikolu 3(1)(d) tat-TFUE). Għalhekk, il-prinċipju tas-sussidjarjetà ma japplikax għaliha.

Il-prinċipju tal-proporzjonalità

Il-proposta se tiżgura li l-miżuri rilevanti tal-ICCAT jiġu trasposti fil-liġijiet tal-Unjoni mingħajr ma jsir aktar milli hu meħtieġ biex jintlaħaq l-għan mixtieq.

L-għażla tal-istrument

L-istrument propost: Regolament tal-Parlament Ewropew u tal-Kunsill li jistabbilixxi pjan ta’ rkupru kif previst fl-Artikolu 9 tar-Regolament (UE) Nru 1380/2013.

Minħabba l-għadd ta’ elementi ġodda u ta’ bidliet li kien hemm, għall-finijiet taċ-ċarezza, tas-simplifikazzjoni u taċ-ċertezza legali, dan ir-Regolament se jħassar ir-Regolament tal-Kunsill (KE) Nru 302/2009.

4.IMPLIKAZZJONI BAĠITARJA

Din il-miżura ma tinvolvi l-ebda spiża addizzjonali għall-Unjoni.

Proposta għal

REGOLAMENT TAL-PARLAMENT EWROPEW U TAL-KUNSILL

dwar pjan multiannwali għall-irkupru tat-tonn fil-Lvant tal-Atlantiku u fil-Mediterran, li jħassar ir-Regolament tal-Kunsill (KE) Nru 302/2009

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikulari l-Artikolu 43(2) tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-Parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 7 ,

Filwaqt li jaġixxu skont il-proċedura leġiżlattiva ordinarja,

Billi:

(1)L-għan tal-politika komuni tas-sajd, kif stabbilit fir-Regolament (UE) Nru 1380/2013 8 , hu li jkun żgurat sfruttament tar-riżorsi tal-baħar ħajjin li jipprovdi kundizzjonijiet ekonomiċi, ambjentali u soċjali sostenibbli.

(2)L-Unjoni hija Parti tal-Konvenzjoni Internazzjonali għall-Konservazzjoni tat-Tonn tal-Atlantiku (minn hawn ’il quddiem imsejħa “il-Konvenzjoni”) 9 .

(3)Waqt il-15-il Laqgħa Speċjali tagħha fl-2006, il-Kummissjoni Internazzjonali għall-Konservazzjoni tat-Tonn tal-Atlantiku (“l-ICCAT”), li ġiet stabbilita mill-Konvenzjoni, adottat ir-Rakkomandazzjoni 06-05 10 biex jiġi stabbilit pjan multiannwali għall-irkupru tat-tonn fil-Lvant tal-Atlantiku u fil-Mediterran, li jintemm fl-2022 (“il-pjan ta’ rkupru”). Din ir-Rakkomandazzjoni daħlet fis-seħħ fit-13 ta’ Ġunju 2007.

(4)Ir-Rakkomandazzjoni 06-05 tal-ICCAT ġiet trasposta fil-liġi tal-Unjoni permezz tar-Regolament tal-Kunsill (KE) Nru 1559/2007 11 li jistabbilixxi pjan multiannwali għall-irkupru tat-tonn fil-Lvant tal-Atlantiku u fil-Mediterran.

(5)Waqt is-16-il Laqgħa Speċjali tagħha fl-2008, l-ICCAT adottat ir-Rakkomandazzjoni 08-05 12 li temenda r-Rakkomandazzjoni 06-05.

Sabiex jinbena l-istokk mill-ġdid, il-pjan ta’ rkupru stabbilit fl-2006 u emendat fl-2008 saħħaħ l-iskema tal-ICCAT ta’ spezzjoni internazzjonali konġunta u stabbilixxa tnaqqis gradwali fil-livell tal-qabdiet totali permissibbli mill-2007 sal-2011, restrizzjonijiet fuq is-sajd f’ċerti żoni u f’ċerti perjodi taż-żmien, daqs minimu ġdid għat-tonn, miżuri dwar l-attivitajiet tas-sajd sportivi u rikreattivi u miżuri marbutin mal-kapaċità tas-sajd u tat-trobbija tal-ħut.

(6)Ir-Rakkomandazzjoni 08-05 tal-ICCAT ġiet trasposta fil-liġi tal-Unjoni permezz tar-Regolament tal-Kunsill (KE) Nru 302/2009 13 li jistabbilixxi pjan multiannwali għall-irkupru tat-tonn fil-Lvant tal-Atlantiku u fil-Mediterran u li jħassar ir-Regolament (KE) Nru 1559/2007.

(7)Waqt is-17-il Laqgħa Speċjali tagħha fl-2010, l-ICCAT adottat ir-Rakkomandazzjoni 10-04 14 li temenda r-Rakkomandazzjoni 08-05. Sabiex jinbena l-istokk mill-ġdid, ir-Rakkomandazzjoni 10-04 stabbiliet iktar tnaqqis fil-livell tal-qabdiet totali permissibbli u fil-kapaċità tas-sajd u saħħet il-miżuri ta’ kontroll, b’mod partikulari dawk li għandhom x’jaqsmu mal-attivitajiet tat-trasferiment u t-tqegħid fil-gaġeġ. Hija pprevediet ukoll l-għoti ta’ pariri addizzjonali fl-2012 mill-Kumitat permanenti dwar ir-riċerka u l-istatistika (SCRS) dwar l-identifikazzjoni tal-postijiet fejn ibid il-ħut u dwar il-ħolqien ta’ żoni tal-kenn.

(8)Sabiex il-miżuri internazzjonali ta’ konservazzjoni riveduti mogħtija fir-Rakkomandazzjoni 10-04 jiġu trasposti fil-liġi tal-Unjoni, ir-Regolament tal-Kunsill (KE) Nru 302/2009 ġie emendat bir-Regolament (UE) Nru 500/2012 tal-Parlament Ewropew u tal-Kunsill 15 .

(9)Waqt it-18-il Laqgħa Speċjali tagħha fl-2012, l-ICCAT adottat ir-Rakkomandazzjoni 12-03 16 li temenda r-Rakkomandazzjoni 10-04. Sabiex tissaħħaħ l-effikaċja tal-pjan ta’ rkupru, hija stabbiliet miżuri tekniċi dwar l-attivitajiet ta’ trasferiment u tqegħid fil-gaġeġ tat-tonn ħaj, rekwiżiti ġodda tar-rappurtar dwar il-qabdiet, l-implimentazzjoni tal-Programm ta’ osservaturi reġjonali tal-ICCAT u bidliet fl-istaġuni tas-sajd. Barra minn hekk, hija saħħet ir-rwol tal-Kumitat permanenti dwar ir-riċerka u l-istatistika (SCRS) b’rabta mal-valutazzjoni tal-istokk tat-tonn.

(10)Waqt it-23 Laqgħa Normali tagħha fl-2013, l-ICCAT adottat ir-Rakkomandazzjoni 13-07 17 li temenda r-Rakkomandazzjoni 12-03 billi ddaħħal bidliet żgħar fl-istaġuni tas-sajd li ma jaffettwawx il-flotta tal-Unjoni. Barra minn hekk, ġiet adottata wkoll ir-Rakkomandazzjoni 13-08 18 li tikkumplimenta l-pjan ta’ rkupru. Din ir-Rakkomandazzjoni stabbiliet proċedura komuni għall-użu tas-sistemi tal-kameras sterjoskopiċi biex tingħata stima tal-kwantitajiet ta’ tonn fil-mument tat-tqegħid fil-gaġeġ u daħħlet data flessibbli tal-bidu tal-istaġun tas-sajd għad-dgħajjes tas-sajd bil-lixka u għad-dgħajjes tas-sajd bir-rixa fil-Lvant tal-Atlantiku.

(11)Sabiex il-miżuri essenzjali mogħtija fir-Rakkomandazzjonijiet 12-03 u 13-08, bħal dawk dwar l-istaġuni tas-sajd, jiġu trasposti fil-liġi tal-Unjoni, ir-Regolament tal-Kunsill (KE) Nru 302/2009 kompla jiġi emendat bir-Regolament (UE) Nru 544/2014 tal-Parlament Ewropew u tal-Kunsill 19 .

(12)Waqt id-19-il Laqgħa Speċjali tagħha fl-2014, l-ICCAT adottat ir-Rakkomandazzjoni 14-04 20 li temenda r-Rakkomandazzjoni 13-07 u li tħassar ir-Rakkomandazzjoni 13-08. Filwaqt li ġew issimplifikati xi wħud mid-dispożizzjonijiet ta’ kontroll eżistenti, il-proċeduri għall-użu tal-kameras sterjoskopiċi fil-mument tat-tqegħid fil-gaġeġ ġew spjegati iktar u fil-pjan ta’ rkupru ddaħħlu miżuri marbutin mal-attivitajiet ta’ tluq tal-ħut fil-baħar u mat-trattament tal-ħut mejjet.

(13)Ir-Rakkomandazzjoni 14-04 torbot legalment lill-Unjoni.

(14)L-emendi kollha tal-pjan ta’ rkupru li l-ICCAT adottat fl-2012, fl-2013 u fl-2014 li għadhom ma ġewx trasposti fil-liġi tal-Unjoni jridu jiddaħħlu fiha. Minħabba li din it-traspożizzjoni tikkonċerna pjan li l-għanijiet u l-miżuri tiegħu ġew iddefiniti mill-ICCAT, dan ir-Regolament ma jkoprix il-kontenut kollu tal-pjanijiet multiannwali stabbiliti skont l-Artikoli 9 u 10 tar-Regolament (UE) Nru 1380/2013 tal-Parlament Ewropew u tal-Kunsill 21 .

(15)Jeħtieġ li jiġu trasposti fil-liġi tal-Unjoni l-emendi futuri tal-pjan ta’ rkupru li jkunu jorbtu legalment. Sabiex it-tali emendi jiddaħħlu malajr fil-liġi tal-Unjoni, il-Kummissjoni Ewropea (“il-Kummissjoni”) għandha tingħata s-setgħa tadotta atti skont l-Artikolu 290 tat-Trattat dwar il-Funzjonament tal-Unjoni Ewropea. Huwa partikularment importanti li l-Kummissjoni twettaq konsultazzjonijiet xierqa waqt il-ħidma ta’ tħejjija tagħha, inkluż fil-livell tal-esperti. Hija u tħejji u tfassal l-atti delegati, il-Kummissjoni għandha tiżgura li d-dokumenti rilevanti jintbagħtu b’mod simultanju, fil-ħin u kif xieraq lill-Parlament Ewropew u lill-Kunsill.

(16)Sabiex jiġu żgurati kundizzjonijiet uniformi għall-implimentazzjoni tad-dispożizzjonijiet ta’ dan ir-Regolament f’dak li għandu x’jaqsam mal-attivitajiet ta’ trasferiment u ta’ tqegħid fil-gaġeġ u mar-reġistrazzjoni u r-rappurtar tal-attivitajiet tal-bastimenti u tat-tunnari, il-Kummissjoni għandha tingħata s-setgħat ta’ implimentazzjoni. Hija għandha tuża dawk is-setgħat skont ir-Regolament (UE) Nru 182/2011 tal-Parlament Ewropew u tal-Kunsill 22 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni.

(17)Il-Kummissjoni għandha tadotta atti ta’ implimentazzjoni li jkunu japplikaw immedjatament f’każijiet iġġustifikati kif xieraq marbutin mal-attivitajiet ta’ trasferiment u ta’ tqegħid fil-gaġeġ u mar-reġistrazzjoni u r-rappurtar tal-attivitajiet tal-bastimenti u tat-tunnari, fejn ikun hemm raġunijiet importanti ħafna ta’ urġenza li jeżiġu hekk.

(18)Għall-finijiet taċ-ċarezza, tas-simplifikazzjoni u taċ-ċertezza legali, dan ir-Regolament għandu jħassar ir-Regolament tal-Kunsill (KE) Nru 302/2009.

(19)Ċerti dispożizzjonijiet tar-Regolament tal-Kunsill (KE) Nru 302/2009 issa m’għadhomx jgħoddu, l-iktar minħabba li issa huma koperti minn atti oħra tal-Unjoni, u għalhekk għandhom jitħassru. Xi dispożizzjonijiet oħra għandhom jiġu aġġornati biex jirriflettu l-bidliet li seħħew fil-leġiżlazzjoni, b’mod partikulari dawk li ġew mill-adozzjoni tar-Regolament (UE) Nru 1380/2013.

(20)B’mod partikulari, ir-Regolament tal-Kunsill (KE) Nru 1224/2009 23 jistabbilixxi sistema tal-Unjoni għall-kontroll, l-ispezzjoni u l-infurzar, permezz ta’ approċċ globali u integrat, sabiex tiġi żgurata l-konformità mar-regoli kollha tal-Politika Komuni tas-Sajd, u r-Regolament ta’ Implimentazzjoni tal-Kummissjoni (UE) Nru 404/2011 24 jistabbilixxi regoli ddettaljati għall-implimentazzjoni tar-Regolament tal-Kunsill (KE) Nru 1224/2009. Ir-Regolament tal-Kunsill (KE) Nru 1005/2008 25 jistabbilixxi sistema Komunitarja sabiex tipprevjeni, tiskoraġġixxi u telimina s-sajd illegali, mhux irrappurtat u mhux irregolat. Dawk l-atti issa jkopru ċerti kwistjonijiet tar-Regolament tal-Kunsill (KE) Nru 302/2009 u b’mod partikulari l-Artikolu 33 tiegħu dwar il-miżuri ta’ infurzar u l-Anness VIII tiegħu dwar it-trażmissjoni tal-messaġġi tas-Sistema tal-Monitoraġġ tal-Bastimenti. Għalhekk, dawk id-dispożizzjonijiet m’hemmx bżonn jiddaħħlu f’dan ir-Regolament.

(21)Skont l-Artikolu 49(2) tar-Regolament ta’ Implimentazzjoni tal-Kummissjoni (UE) Nru 404/2011, il-fatturi ta’ konverżjoni adottati mill-SCRS japplikaw għall-kalkolu tal-piż sħiħ ekwivalenti tat-tonn ipproċessat, inkluż għall-finijiet ta’ dan ir-Regolament.

(22)Barra minn hekk, skont l-Artikolu 95 tar-Regolament tal-Kunsill (KE) Nru 1224/2009, ġiet adottata d-Deċiżjoni ta’ Implimentazzjoni tal-Kummissjoni 2014/156/UE 26 . Din id-Deċiżjoni ta’ Implimentazzjoni tistabbilixxi, fost l-oħrajn, punti ta’ riferiment u għanijiet fil-mira għall-kontroll tas-sajd għat-tonn fil-Lvant tal-Atlantiku u fil-Mediterran.

(23)Il-paragrafu 2.c tar-Rakkomandazzjoni 06-07 tal-ICCAT 27 jistabbilixxi programm ta’ teħid tal-kampjuni sabiex jiġi stmat l-għadd ta’ ħut skont id-daqs fil-kuntest tal-attivitajiet tat-trobbija tat-tonn. Dik id-dispożizzjoni ġiet trasposta fil-liġi tal-Unjoni permezz tal-Artikolu 10 tar-Regolament tal-Kunsill (KE) Nru 302/2009. Dan ir-Regolament m’hemmx bżonn jipprevedi speċifikament il-programm ta’ teħid tal-kampjuni, minħabba li l-ħtiġijiet ta’ dak il-programm issa huma koperti għalkollox mill-programmi stabbiliti permezz tal-paragrafu 83 tar-Rakkomandazzjoni 14-04, li għandha tiġi trasposta fil-liġi tal-Unjoni permezz ta’ dan ir-Regolament. Dak il-paragrafu jipprevedi l-użu ta’ sistemi ta’ kameras sterjoskopiċi jew ta’ tekniki alternattivi li jipprovdu l-istess livell ta’ preċiżjoni, u jkopri l-attivitajiet kollha ta’ tqegħid fil-gaġeġ sabiex jiġu rfinati l-għadd u l-piż tal-ħut.

(24)Permezz tal-Artikolu 15(1) tar-Regolament (UE) Nru 1380/2013, iddaħħal obbligu ta’ ħatt l-art li beda japplika mill-1 ta’ Jannar 2015 ’il quddiem għall-qabdiet tat-tonn. Madankollu, skont l-Artikolu 15(2) ta’ dak ir-Regolament, l-obbligu ta’ ħatt l-art huwa mingħajr preġudizzju għall-obbligi internazzjonali tal-Unjoni, bħal dawk li ġejjin mir-Rakkomandazzjonijiet tal-ICCAT. Skont din l-istess dispożizzjoni, il-Kummissjoni għandha s-setgħa tadotta atti delegati biex timplimenta t-tali obbligi internazzjonali fil-liġi tal-Unjoni, fosthom, b’mod partikulari, d-derogi mill-obbligu tal-ħatt l-art. Għalhekk, għandu jitħalla jiġi skartat it-tonn f’ċerti sitwazzjonijiet stabbiliti fir-Regolament ta’ Delega tal-Kummissjoni (UE) 2015/98 tat-18 ta’ Novembru 2014 28 . Għaldaqstant, dan ir-Regolament m’għandux bżonn ikopri dawn l-obbligi tal-iskartar,

ADOTTAW DAN IR-REGOLAMENT:

KAPITOLU I

DISPOŻIZZJONIJIET ĠENERALI

Artikolu 1

Suġġett u kamp ta’ applikazzjoni

1.Dan ir-Regolament jistabbilixxi r-regoli ġenerali għall-applikazzjoni tal-Pjan ta’ rkupru ddefinit fl-Artikolu 3(1) min-naħa tal-Unjoni.

2.Dan ir-Regolament japplika għat-tonn fil-Lvant tal-Atlantiku u fil-Mediterran.

Artikolu 2

Għan

F’konformità mal-Pjan ta’ rkupru ddefinit fl-Artikolu 3(1), l-għan ta’ dan ir-Regolament huwa li tinkiseb bijomassa li tkun tikkorrispondi bi probabbiltà ta’ mill-inqas 60 % mar-rendiment massimu sostenibbli sal-2022.

Artikolu 3

Definizzjonijiet

Għall-finijiet ta’ dan ir-Regolament, għandhom japplikaw id-definizzjonijiet li ġejjin:

(1) “Pjan ta’ rkupru” tfisser il-pjan multiannwali għall-irkupru tat-tonn (Thunnus thynnus), li ilu japplika sa mill-2007 u li se jdum japplika sal-2022 u li ġie rrakkomandat mill-Kummissjoni Internazzjonali għall-Konservazzjoni tat-Tonn tal-Atlantiku (“l-ICCAT”);

(2) “bastiment tas-sajd” tfisser kull bastiment bil-mutur użat għall-finijiet tal-isfruttament kummerċjali tar-riżorsi tat-tonn, jew maħsub għal dawn il-finijiet, inklużi l-bastimenti tal-qbid, il-bastimenti tal-ipproċessar tal-ħut, il-bastimenti ta’ appoġġ, il-bastimenti tal-irmunkar, il-bastimenti involuti fit-trażbord u l-bastimenti tat-trasport mgħammra b’tagħmir biex jittrasportaw il-prodotti tat-tonn, u l-bastimenti awżiljarji, minbarra l-bastimenti għat-trasport tal-kontejners;

(3) “bastiment tal-qbid” tfisser bastiment użat għall-finijiet tal-qbid kummerċjali tar-riżorsi tat-tonn;

(4) “bastiment tal-ipproċessar” tfisser bastiment li fuqu l-prodotti tas-sajd issirilhom waħda mill-operazzjonijiet li ġejjin jew aktar qabel ma dawn jiġu ppakkjati: it-tqattigħ fi fletti jew fi flieli, l-iffriżar u/jew l-ipproċessar;

(5) “bastiment awżiljarju” tfisser kull bastiment użat għat-trasport tat-tonn mejjet (mhux ipproċessat) minn ġo gaġġa tat-trasport jew tat-trobbija tal-ħut, minn tartarun jew minn tunnara għal port magħżul u/jew għal bastiment tal-ipproċessar;

(6) “bastiment tal-irmunkar” tfisser kull bastiment li jintuża biex jirmonka l-gaġeġ;

(7) “bastiment ta’ appoġġ” tfisser kull bastiment tas-sajd ieħor imsemmi fil-punt (2);

(8) “sajd attiv” tfisser, għal kull bastiment tal-qbid u għal kull tunnara, il-fatt li dawn jintużaw għas-sajd għat-tonn matul staġun tas-sajd partikulari;

(9) “attività konġunta tas-sajd” tfisser kull attività li ssir bejn żewġ bastimenti tas-sajd bil-purse seine jew aktar fejn il-qabda ta’ bastiment tas-sajd bil-purse seine partikulari tiġi allokata għal bastiment tas-sajd bil-purse seine ieħor jew għal bastimenti tas-sajd bil-purse seine oħrajn skont skema partikulari ta’ allokazzjoni;

(10) “attivitajiet ta’ trasferiment” tfisser:

(i)kull trasferiment tat-tonn ħaj mix-xibka tal-bastiment tal-qbid għall-ġagga tat-trasport;

(ii)kull trasferiment tat-tonn ħaj mill-gaġġa tat-trasport għal gaġġa oħra tat-trasport;

(iii)kull trasferiment tal-gaġġa bit-tonn minn bastiment tal-irmunkar għal bastiment ieħor tal-irmunkar;

(iv)kull trasferiment tat-tonn ħaj minn farm tal-ħut għal ieħor;

(v)kull trasferiment tat-tonn ħaj mit-tunnara għall-gaġġa tat-trasport;

(11) “trasferiment ta’ kontroll” tfisser kull trasferiment ieħor li jsir fuq talba tal-operaturi tas-sajd jew tal-operaturi tal-farms tal-ħut jew fuq talba tal-awtoritajiet ta’ kontroll sabiex jiġi vverifikat l-għadd ta’ ħut li jkun qed jiġi ttrasferit;

(12) “tunnara” tfisser tagħmir fiss immażżrat mal-qiegħ li s-soltu jkollu xibka li twassal it-tonn għal ġo magħlaq jew għal ġo sensiela ta’ kompartimenti magħluqin fejn jinżamm qabel jittella’;

(13) “tqegħid fil-gaġeġ” tfisser it-trasferiment tat-tonn ħaj mill-gaġġa tat-trasport jew mit-tunnara għal ġol-gaġeġ tat-trobbija tal-ħut;

(14) “trobbija tal-ħut” tfisser it-tqegħid tat-tonn fil-gaġeġ fil-farms tal-ħut u l-għalf sussegwenti tagħhom bil-għan li dawn jismnu u li tiżdied il-bijomassa totali tagħhom;

(15) “farm tal-ħut” tfisser installazzjoni użata għat-trobbija tat-tonn maqbud bit-tunnari jew bil-bastimenti tas-sajd bil-purse seine;

(16) “kapaċità ta’ trobbija tal-ħut” tfisser il-kapaċità ta’ farm tal-ħut li jżomm il-ħut għall-finijiet tat-tismin jew tat-trobbija tiegħu f’tunnellati”;

(17) “ħsad” tfisser il-qtil tat-tonn fil-farms tal-ħut jew fit-tunnari;

(18) “trażbord” tfisser il-ħatt tal-ħut kollu jew ta’ kwalunkwe ħut li jkun jinsab abbord bastiment tas-sajd għal fuq bastiment ieħor tas-sajd. Il-ħatt tat-tonn mejjet minn fuq bastiment tas-sajd bil-purse seine jew bastiment tal-irmunkar għal fuq bastiment awżiljarju m’għandux jitqies bħala trażbord;

(19) “sajd sportiv” tfisser sajd mhux kummerċjali li min jipprattikah ikun jifforma parti minn organizzazzjoni sportiva nazzjonali jew ikun ingħata liċenzja sportiva nazzjonali;

(20) “sajd rikreattiv” tfisser sajd mhux kummerċjali li min jipprattikah ma jkunx jifforma parti minn organizzazzjoni sportiva nazzjonali jew ma jkunx ingħata liċenzja sportiva nazzjonali;

(21) “kamera sterjoskopika” tfisser kamera b’żewġ lentijiet jew aktar, li jkollha sensur separat tal-immaġni jew qafas separat tal-films għal kull lenti, li jippermettulha tieħu immaġnijiet tridimensjonali;

(22) “kamera ta’ kontroll” tfisser kamera sterjoskopika u/jew vidjokamera normali użata biex jitwettqu l-kontrolli previsti minn dan ir-Regolament;

(23) “dokument dwar il-qabdiet tat-tonn” jew “dokument elettroniku dwar il-qabdiet tat-tonn” tfisser dokument dwar il-qabdiet tat-tonn. Ir-referenzi għad-dokument dwar il-qabdiet tat-tonn għandhom jeħdulhom posthom ir-referenzi għad-dokument elettroniku dwar il-qabdiet tat-tonn, skont il-każ.

(24) “Stat Membru responsabbli” tfisser l-Istat Membru tal-bandiera jew l-Istat Membru li fil-ġuriżdizzjoni tiegħu tkun tinsab it-tunnara jew ikun jinsab il-farm tal-ħut jew, jekk dawn ikunu jinsabu fl-ibħra internazzjonali, l-Istat Membru fejn ikun stabbilit l-operatur tat-tunnara jew tal-farm tal-ħut;

(25) “Kompitu II” tfisser il-Kompitu II kif iddefinit mill-ICCAT fil-manwal tagħha tal-qasam għall-istatistika u t-teħid tal-kampjuni tat-tonn tal-Atlantiku u tal-ħut li jixbah lit-tonn imsejjaħ “Field manual for statistics and sampling Atlantic tunas and tuna-like fish” 29 ;

(26) “PKK” tfisser Partijiet Kontraenti tal-Konvenzjoni u Partijiet, Entitajiet jew Entitajiet tas-Sajd Mhux Kontraenti tagħha li jikkooperaw magħha;

(27) “SCRS” tfisser il-Kumitat permanenti dwar ir-riċerka u l-istatistika tal-ICCAT;

(28) “żona tal-Konvenzjoni” tfisser iż-żona ġeografika koperta mill-miżuri tal-ICCAT stabbiliti fl-Artikolu 1 tal-Konvenzjoni.

Artikolu 4

Tul tal-bastimenti

It-tulijiet kollha tal-bastimenti msemmija f’dan ir-Regolament għandhom jinftiehmu bħala t-tul kollu tagħhom.

KAPITOLU II

Miżuri ta’ ġestjoni

Artikolu 5

Kundizzjonijiet marbutin mal-miżuri ta’ ġestjoni

1.Kull Stat Membru għandu jieħu l-miżuri meħtieġa biex jiżgura li l-attivitajiet tas-sajd tal-bastimenti tal-qbid u tat-tunnari tiegħu jkunu proporzjonati mal-opportunitajiet tas-sajd għat-tonn fil-Lvant tal-Atlantiku u fil-Mediterran li huwa jkollu għad-dispożizzjoni tiegħu.

2.Fil-kuntest tal-Pjan ta’ rkupru m’għandu jsir l-ebda trasferiment ’il quddiem ta’ kwalunkwe nuqqas ta’ ħsad.

3.Għandu jkun ipprojbit il-kiri ta’ bastimenti tas-sajd tal-Unjoni għas-sajd għat-tonn fil-Lvant tal-Atlantiku u fil-Mediterran.

Artikolu 6

Tressiq tal-pjanijiet għall-ġestjoni tal-kapaċità tas-sajd, tal-pjanijiet għas-sajd u tal-pjanijiet għall-ġestjoni tat-trobbija tal-ħut

1.Sal-31 ta’ Jannar ta’ kull sena, l-Istati Membri għandhom jibagħtu lill-Kummissjoni:

(a)pjan tas-sajd għall-bastimenti tal-qbid u għat-tunnari li jintużaw għas-sajd għat-tonn fil-Lvant tal-Atlantiku u fil-Mediterran; u

(b)pjan għall-ġestjoni tal-kapaċità tas-sajd li jiżgura li l-kapaċità tas-sajd tagħhom tkun proporzjonata mal-kwota allokata lilhom.

2.Il-Kummissjoni għandha tiġbor il-pjanijiet imsemmija fil-paragrafu 1 u tintegrahom fil-pjan tal-Unjoni għas-sajd u għall-ġestjoni tal-kapaċità li għandu jintbagħat lis-Segretarjat tal-ICCAT sal-15 ta’ Frar ta’ kull sena għad-diskussjoni u l-approvazzjoni tal-ICCAT.

3. Sal-15 ta’ April ta’ kull sena, kull Stat Membru li jkun beħsiebu jibdel il-pjan tal-ICCAT li jkun fis-seħħ għall-kapaċità tat-trobbija tal-ħut għandu jibgħat pjan għall-ġestjoni tat-trobbija tal-ħut lill-Kummissjoni, li għandha tibagħtu lis-Segretarjat tal-ICCAT.

Artikolu 7

Pjanijiet għas-sajd

1.Il-pjan annwali għas-sajd imressaq minn kull Stat Membru għandu jidentifika l-kwoti allokati għal kull grupp ta’ rkaptu msemmi fl-Artikoli 10 u 11 u għandu jispeċifika b’mod partikulari:

(a)il-bastimenti tal-qbid ta’ aktar minn 24 metru inklużi fil-lista tal-bastimenti msemmija fl-Artikolu 19(1)(a), il-kwota individwali allokata għalihom u l-miżuri li huma fis-seħħ biex jiġi żgurat li jitħarsu l-kwoti individwali u l-kwoti tal-qabdiet inċidentali totali; u

(b)għall-bastimenti tal-qbid ta’ inqas minn 24 metru u għat-tunnari, tal-inqas il-kwota allokata għall-organizzazzjonijiet tal-produtturi jew għall-gruppi ta’ bastimenti li jużaw tip ta’ rkaptu simili.

2.L-Istat Membru rilevanti għandu jibgħat lill-Kummissjoni kull emenda sussegwenti tal-pjan annwali għas-sajd jew tal-kwoti individwali allokati għall-bastimenti tal-qbid ta’ aktar minn 24 metru li huma inklużi fil-lista msemmija fl-Artikolu 19(1)(a) mill-inqas tliet ijiem qabel titwettaq l-attività li tikkorrispondi ma’ dik l-emenda. Il-Kummissjoni għandha tibgħat dawn l-emendi lis-Segretarjat tal-ICCAT tal-inqas 48 siegħa qabel ma titwettaq l-attività li tikkorrispondi ma’ dik l-emenda.

Artikolu 8

Pjanijiet għall-ġestjoni tal-kapaċità tas-sajd

1.Il-pjan annwali għall-ġestjoni tal-kapaċità tas-sajd imressaq minn kull Stat Membru għandu jkun konformi mal-kundizzjonijiet stabbiliti f’dan l-Artikolu.

2.L-għadd massimu ta’ tunnari rreġistrati fi Stat Membru partikulari u ta’ bastimenti tas-sajd li jtajru l-bandiera ta’ Stat Membru partikulari li jistgħu jistadu għat-tonn, iżommuh abbord, jittrażbordawh, jittrasportawh jew iħottuh l-art għandu jiġi stabbilit skont it-Trattat u f’konformità mal-Artikolu 16 tar-Regolament (UE) Nru 1380/2013.

3.L-għadd massimu ta’ bastimenti tas-sajd li jtajru l-bandiera ta’ Stat Membru partikulari li jkunu qed jistadu għat-tonn fil-Lvant tal-Atlantiku u fil-Mediterran għandu jkun limitat għall-għadd ta’ bastimenti tas-sajd li jtajru l-bandiera ta’ dak l-Istat Membru li jkunu stadu għat-tonn, żammewh abbord, ittrażbordawh, ittrasportawh jew ħattewh l-art fil-perjodu mill-1 ta’ Jannar 2007 sal-1 ta’ Lulju 2008, u għat-tunnellaġġ gross totali korrispondenti. Dak il-limitu għandu japplika skont it-tip ta’ rkaptu għall-bastimenti tal-qbid.

4.Għall-bastimenti awtorizzati jistadu għat-tonn skont id-deroga msemmija fl-Artikolu 13(2), fl-Anness I huma stabbiliti kundizzjonijiet addizzjonali biex jiġi stabbilit l-għadd massimu ta’ bastimenti tas-sajd.

5.L-għadd massimu ta’ tunnari ta’ Stat Membru użati biex jiġi mistad it-tonn fil-Lvant tal-Atlantiku u fil-Mediterran għandu jkun limitat għall-għadd ta’ tunnari awtorizzati minn dak l-Istat Membru sal-1 ta’ Lulju 2008.

6. B’deroga mid-dispożizzjonijiet stabbiliti fil-paragrafi 3 u 5, għall-2015, l-2016 u l-2017, f’każ li Stat Membru jkun jista’ juri li l-kapaċità tas-sajd tiegħu tista’ ma tippermettilux juża l-kwota kollha tiegħu, dak l-Istat Membru jista’ jiddeċiedi li fil-pjanijiet annwali tiegħu għas-sajd imsemmija fl-Artikolu 7 jinkludi għadd ikbar ta’ bastimenti u tunnari.

7. B’deroga mill-paragrafi 3 u 6, għall-2015, l-2016 u l-2017, kull Stat Membru għandu jillimita l-għadd ta’ bastimenti tas-sajd bil-purse seine tiegħu li ma jkunux awtorizzati jistadu għat-tonn skont id-deroga msemmija fl-Artikolu 13(2)(b) għall-għadd ta’ bastimenti tas-sajd bil-purse seine li huwa jkun awtorizza fl-2013 jew fl-2014.

8. Meta Stat Membru jkun qed jistabbilixxi l-pjanijiet tiegħu għall-ġestjoni tal-kapaċità tas-sajd, il-kapaċità tas-sajd tiegħu għandha tiġi kkalkulata abbażi tal-aħjar rati tal-qbid għal kull bastiment u rkaptu li jkunu ġew stmati fl-2009 mill-SCRS 30 u maqbulin mill-ICCAT waqt il-Laqgħa ta’ bejn is-sessjonijiet tal-Kumitat ta’ Konformità tal-ICCAT li saret fl-2010 31 . F’każ li l-SCRS jirrevedi dawn ir-rati tal-qbid, l-Istati Membri dejjem għandhom japplikaw l-aħħar rati tal-qbid maqbulin mill-ICCAT.

Artikolu 9

Pjanijiet għall-ġestjoni tat-trobbija tal-ħut

1.Il-pjan għall-ġestjoni tat-trobbija tal-ħut imressaq minn kull Stat Membru għandu jkun konformi mal-kundizzjonijiet stabbiliti f’dan l-Artikolu.

2.Għal kull Stat Membru, il-kapaċità massima tat-trobbija tat-tonn u tat-tismin tiegħu u l-ammont massimu ta’ tonn salvaġġ maqbud li kull Stat Membru jista’ jalloka għandhom jiġu stabbiliti skont it-Trattat u f’konformità mal-Artikolu 16 tar-Regolament (UE) Nru 1380/2013.

3.Il-kapaċità massima tat-trobbija tat-tonn u tat-tismin tiegħu ta’ Stat Membru għandha tkun limitata għall-kapaċità tat-trobbija tat-tonn u tat-tismin tiegħu tal-farms tal-ħut ta’ dak l-Istat Membru li kienu rreġistrati fir-reġistru tal-ICCAT tal-faċilitajiet tat-trobbija tal-ħut fl-1 ta’ Lulju 2008, jew li kienu awtorizzati u ddikjarati lill-ICCAT f’dik id-data.

4.L-ammont massimu ta’ tonn salvaġġ maqbud li jista’ jiddaħħal fil-farms tal-ħut ta’ Stat Membru għandu jkun limitat għal-livell tal-kwantitaijiet imdaħħlin irreġistrati mal-ICCAT mill-farms tal-ħut ta’ dak l-Istat Membru fl-2005, l-2006, l-2007 jew l-2008.

5.Fi ħdan il-kwantità massima ta’ tonn salvaġġ maqbud imdaħħal fil-farms tal-ħut imsemmi fil-paragrafu 4, kull Stat Membru għandu jalloka lill-farms tal-ħut tiegħu l-ammont annwali massimu ta’ tonn li jista’ jiddaħħal fihom.

KAPITOLU III

MIŻURI TEKNIĊI

TAQSIMA 1

L-ISTAĠUNI TAS-SAJD

Artikolu 10

Bastimenti tas-sajd bil-konz, bastimenti tas-sajd bil-purse seine, bastimenti tat-tkarkir użati għas-sajd għall-ħut pelaġiku, tunnari u s-sajd sportiv u rikreattiv

1.Is-sajd għat-tonn minn bastimenti tal-qbid ta’ iktar minn 24 metru li huma bastimenti tas-sajd bil-konz użati għas-sajd għall-ħut pelaġiku fuq skala kbira għandu jkun permess fil-Lvant tal-Atlantiku u fil-Mediterran matul il-perjodu mill-1 ta’ Jannar sal-31 ta’ Mejju, minbarra fiż-żona li tinsab fil-Punent ta’ 10◦fil-Punent u fit-Tramuntana ta’ 42◦fit-Tramuntana, kif ukoll fiż-żona ekonomika esklussiva tan-Norveġja, fejn dan it-tip ta’ sajd għandu jkun permess mill-1 ta’ Awwissu sal-31 ta’ Jannar.

2.Is-sajd għat-tonn bil-purse seines għandu jkun permess fil-Lvant tal-Atlantiku u fil-Mediterran matul il-perjodu mis-26 ta’ Mejju sal-24 ta’ Ġunju, minbarra fiż-żona ekonomika esklussiva tan-Norveġja, fejn dan it-tip ta’ sajd għandu jkun permess mill-25 ta’ Ġunju sal-31 ta’ Ottubru.

3.Is-sajd għat-tonn mill-bastimenti tat-tkarkir użati għas-sajd għall-ħut pelaġiku għandu jkun permess fil-Lvant tal-Atlantiku matul il-perjodu mis-16 ta’ Ġunju sal-14 ta’ Ottubru.

4.Is-sajd rikreattiv u sportiv għat-tonn għandu jkun permess fil-Lvant tal-Atlantiku u fil-Mediterran mis-16 ta’ Ġunju sal-14 ta’ Ottubru.

5.Is-sajd għat-tonn bi rkaptu ieħor minbarra dak imsemmi fil-paragrafi 1 sa 4 u fl-Artikolu 11, fosthom bit-tunnari, għandu jkun permess matul is-sena kollha.

Artikolu 11

Dgħajjes tas-sajd bil-lixka u dgħajjes tas-sajd bir-rixa

1.Is-sajd għat-tonn mid-dgħajjes tas-sajd bil-lixka u mid-dgħajjes tas-sajd bir-rixa għandu jkun permess fil-Lvant tal-Atlantiku u fil-Mediterran matul il-perjodu mill-1 ta’ Lulju sal-31 ta’ Ottubru.

2.Dejjem jekk ma tiġix affettwata l-protezzjoni tal-postijiet fejn ibid il-ħut u jekk it-tul totali tal-istaġun tas-sajd għal dak it-tip ta’ sajd ma jaqbiżx il-perjodu ta’ erba’ xhur, kull Stat Membru jista’ jiddeċiedi dwar data tal-bidu differenti għas-sajd bid-dgħajjes tas-sajd bil-lixka u bid-dgħajjes tas-sajd bir-rixa li jtajru l-bandiera tagħhom u li jistadu fil-Lvant tal-Atlantiku.

3.Fil-pjan tas-sajd tiegħu msemmi fl-Artikolu 7, kull Stat Membru għandu jispeċifika jekk inbidlux id-dati tal-bidu għal dak it-tip ta’ sajd u l-koordinati taż-żoni kkonċernati.

TAQSIMA 2

DAQS MINIMU, QABDIET INĊIDENTALI MIŻMUMIN U QABDIET INĊIDENTALI TOTALI

Artikolu 12

L-obbligu tal-ħatt l-art

Id-dispożizzjonijiet ta’ din it-Taqsima għandhom ikunu mingħajr preġudizzju għall-Artikolu 15 tar-Regolament (UE) Nru 1380/2013, inkluża kwalunkwe deroga skont l-Artikolu 15(2) ta’ dak ir-Regolament.

Artikolu 13

Daqs minimu

1.Id-daqs minimu tat-tonn maqbud fil-Lvant tal-Atlantiku u fil-Mediterran għandu jkun ta’ 30 kg jew ta’ 115-il ċm f’tul sal-furketta.

2.B’deroga mill-paragrafu 1, għandu japplika daqs minimu għat-tonn ta’ 8 kg jew ta’ 75 ċm f’tul sal-furketta fil-każijiet tas-sajd li ġejjin:

(a)it-tonn maqbud fil-Lvant tal-Atlantiku mid-dgħajjes tas-sajd bil-lixka u mid-dgħajjes tas-sajd bir-rixa;

(b)it-tonn maqbud fil-Baħar Adrijatiku għall-finijiet tat-trobbija tal-ħut;

(c)it-tonn maqbud fil-Mediterran permezz tas-sajd artiġjanali mal-kosta għall-ħut frisk b’dgħajjes tas-sajd bil-lixka, b’bastimenti tas-sajd bil-konz jew b’dgħajjes tas-sajd bix-xlief.

3.Il-kundizzjonijiet speċifiċi li japplikaw għad-deroga msemmija fil-paragrafu 2 huma stabbiliti fl-Anness I.

4.L-Istati Membri kkonċernati għandhom joħorġu awtorizzazzjonijiet speċifiċi għall-bastimenti biex dawn jistadu skont id-deroga msemmija fil-paragrafu 2. Il-bastimenti kkonċernati għandhom jitniżżlu fil-lista tal-bastimenti tal-qbid imsemmija fl-Artikolu 19(1)(a). Għal dan il-għan, għandhom japplikaw id-dispożizzjonijiet stabbiliti fl-Artikoli 19 u 20.

Artikolu 14

Qabdiet inċidentali miżmumin

1.Għall-bastimenti kollha tal-qbid u t-tunnari kollha użati għas-sajd attiv għat-tonn, għandhom ikunu permessi qabdiet inċidentali miżmumin ta’ ammont massimu ta’ 5 % ta’ tonn li jiżen bejn 8 u 30 kg jew li jkollu tul sal-furketta ta’ bejn 75 u 115-il ċm.

2.Il-perċentwali ta’ 5 % msemmi fil-paragrafu 1 għandu jiġi kkalkulat abbażi tal-qabdiet kollha tat-tonn fl-għadd ta’ ħut miżmum abbord il-bastiment jew fit-tunnara fi kwalunkwe ħin wara kull attività tas-sajd.

3.Il-qabdiet inċidentali miżmumin għandhom jitnaqqsu mill-kwota tal-Istat Membru li huwa responsabbli għall-bastiment tal-qbid jew għat-tunnara.

4.L-Artikoli 23, 28, 29 u 30 għandhom japplikaw għall-qabdiet inċidentali tat-tonn.

Artikolu 15

Qabdiet inċidentali totali

1.Kull Stat Membru għandu jalloka kwota speċifika għall-finijiet tal-qabdiet inċidentali totali tat-tonn u għandu jgħarraf lill-Kummissjoni b’dan meta jibagħtilha l-pjan tas-sajd tiegħu.

2.Il-bastimenti tal-Unjoni li ma jkunux qegħdin jistadu b’mod attiv għat-tonn għandhom jevitaw li l-qabdiet inċidentali totali tat-tonn tagħhom jaqbżu, fi kwalunkwe ħin wara attività tas-sajd, il-5 % tal-qabdiet totali abbord fil-piż jew l-għadd ta’ ħut. Il-kalkolu ta’ dak il-perċentwali skont l-għadd ta’ ħut għandu japplika biss għat-tonn u għall-ispeċijiet simili għalih ġestiti mill-ICCAT.

3.Kull Stat Membru għandu jnaqqas mill-kwota tiegħu l-ħut mejjet kollu maqbud bħala parti mill-qabdiet inċidentali totali msemmija fil-paragrafu 2. Għall-Istati Membri li m’għandhomx kwota għat-tonn, il-qabdiet inċidentali totali kkonċernati għandhom jitnaqqsu mill-kwota speċifika tal-Unjoni għall-qabdiet inċidentali totali tat-tonn stabbilita skont it-Trattat u f’konformità mal-Artikolu 16 tar-Regolament (UE) Nru 1380/2013.

4.Jekk il-kwota allokata għall-Istat Membru tal-bastiment tas-sajd ikkonċernat jew tat-tunnara kkonċernata tkun diġà ntużat kollha, għandu jiġi evitat li jinqabad kwalunkwe tonn. It-tonn mejjet għandu jinħatt l-art u jiġi kkonfiskat u għandha tittieħed azzjoni xierqa ta’ segwitu marbuta miegħu. F’konformità mal-Artikolu 27, kull Stat Membru għandu jibgħat it-tagħrif dwar it-tali kwantitajiet fuq bażi annwali lill-Kummissjoni li, min-naħa tagħha, għandha tibagħtu lis-Segretarjat tal-ICCAT.

5.Il-proċeduri msemmijin fl-Artikoli 25, 28, 29, 30 u 54 għandhom japplikaw għall-qabdiet inċidentali totali.

TAQSIMA 3

UŻU TAL-INĠENJI TAL-AJRU

Artikolu 16

Użu tal-inġenji tal-ajru

Għandu jkun ipprojbit l-użu tal-inġenji tal-ajru kollha għat-tiftix tat-tonn, fosthom l-użu tal-ajruplani, tal-ħelikopters jew ta’ kwalunkwe tip ta’ vettura tal-ajru oħra mingħajr ekwipaġġ.

KAPITOLU IV

IS-SAJD SPORTIV U RIKREATTIV

Artikolu 17

Kwota speċifika għas-sajd sportiv u rikreattiv

Kull Stat Membru għandu jirregola s-sajd sportiv u rikreattiv billi jalloka kwota speċifika għall-finijiet ta’ dak it-tip ta’ sajd u għandu jgħarraf lill-Kummissjoni b’dan meta jibagħtilha l-pjan tas-sajd tiegħu.

Artikolu 18

Is-sajd sportiv u rikreattiv

1.Kull Stat Membru li għandu kwota għat-tonn għandu jirregola s-sajd sportiv u rikreattiv billi joħroġ awtorizzazzjonijiet tas-sajd lill-bastimenti għall-għanijiet tas-sajd sportiv u rikreattiv.

2.Għas-sajd sportiv u rikreattiv, m’għandux ikun permess li wieħed jaqbad iktar minn tonna waħda għal kull bastiment kuljum.

3.It-tonn kollu li jinħatt l-art għandu jinħatt sħiħ jew bil-garġi mneħħijin u/jew imnaddaf.

4.Il-kummerċjalizzazzjoni tat-tonn maqbud waqt is-sajd sportiv u rikreattiv għandha tkun ipprojbita.

5.Kull Stat Membru għandu jirreġistra d-dejta dwar il-qabdiet mis-sajd sportiv u rikreattiv, fosthom il-piż u t-tul ta’ kull tonna maqbuda waqt dan it-tip ta’ sajd, u jibgħat id-dejta għas-sena ta’ qabel lill-Kummissjoni sat-30 ta’ Ġunju ta’ kull sena. Il-Kummissjoni għandha tibgħat dak it-tagħrif lill-SCRS.

6.Kull Stat Membru għandu jnaqqas l-għadd ta’ ħut mejjet maqbud waqt is-sajd sportiv u rikreattiv mill-kwota li huwa jkun alloka skont l-Artikolu 7(1) u l-Artikolu 17.

KAPITOLU V

MIŻURI TA’ KONTROLL

TAQSIMA 1

REĠISTRI TAL-BASTIMENTI U TAT-TUNNARI

Artikolu 19

Reġistri tal-bastimenti

1.Kull sena, kull Stat Membru għandu jibgħat lill-Kummissjoni, b’mod elettroniku, xahar qabel il-bidu tal-istaġuni tas-sajd imsemmija fl-Artikoli 10 u 11, meta jkun applikabbli, jewinkella xahar qabel il-bidu tal-perjodu ta’ awtorizzazzjoni:

(a)lista tal-bastimenti kollha tal-qbid li jtajru l-bandiera tiegħu li jkunu awtorizzati jistadu b’mod attiv għat-tonn fil-Lvant tal-Atlantiku u fil-Mediterran billi tkun inħarġitilhom awtorizzazzjoni speċjali tas-sajd għal dan; u

(b)lista tal-bastimenti l-oħra kollha tas-sajd li jtajru l-bandiera tiegħu, minbarra l-bastimenti tal-qbid, li jkunu awtorizzati jistadu għat-tonn fil-Lvant tal-Atlantiku u fil-Mediterran.

2.Iż-żewġ listi għandhom jiġu stabbiliti skont il-format mogħti fil-Linji Gwida tal-ICCAT għat-tressiq tad-dejta u tat-tagħrif meħtieġa.

3.F’sena kalendarja partikulari, bastiment tas-sajd jista’ jiġi inkluż fiż-żewġ listi msemmija fil-paragrafu 1, sakemm ma jkunx inkluż fihom it-tnejn fl-istess ħin.

4.Il-listi stabbiliti fil-paragrafu 1 għandhom jinkludu isem il-bastiment u n-numru tiegħu fir-reġistru tal-flotta tal-Unjoni (in-numru CFR) kif iddefinit fl-Anness I tar-Regolament tal-Kummissjoni (KE) Nru 26/2004 32 .

5.M’għandu jiġi aċċettat l-ebda tressiq b’lura. Il-bidliet sussegwenti fil-listi msemmija fil-paragrafu 1 waqt sena kalendarja għandhom jiġu aċċettati biss jekk il-bastiment tas-sajd innotifikat ikun miżmum milli jipparteċipa minħabba raġunijiet operattivi leġittimi jew forza maġġuri. F’ċirkustanzi bħal dawn, l-Istat Membru kkonċernat għandu jgħarraf minnufih lill-Kummissjoni b’dan il-fatt, u għandu jipprovdi:

(a)id-dettalji kollha tal-bastiment(i) tas-sajd maħsuba biex jieħdu post bastiment inkluż fil-listi msemmija fil-paragrafu 1; u

(b)rendikont komprensiv tar-raġunijiet li jiġġustifikaw din is-sostituzzjoni u kwalunkwe evidenza jew referenza rilevanti ta’ appoġġ.

6.Il-Kummissjoni għandha tibgħat it-tagħrif imsemmi fil-paragrafi 1 u 2 lis-Segretarjat tal-ICCAT sabiex dawk il-bastimenti jkunu jistgħu jitniżżlu fir-reġistru tal-ICCAT tal-bastimenti tal-qbid li huma awtorizzati jistadu b’mod attiv għat-tonn jew fir-reġistru tal-ICCAT tal-bastimenti l-oħra kollha tas-sajd (minbarra l-bastimenti tal-qbid) li huma awtorizzati jistadu għat-tonn.

7. L-Artikolu 8a(2), (6), (7) u (8) tar-Regolament tal-Kunsill (KEE) Nru 1936/2001 33 għandu japplika bl-emendi meħtieġa.

Artikolu 20

Awtorizzazzjonijiet tas-sajd tal-bastimenti

1. Mingħajr preġudizzju għall-Artikolu 15, il-bastimenti tas-sajd tal-Unjoni li ma jkunux imniżżlin fir-reġistri tal-ICCAT imsemmija fl-Artikolu 19(1) m’għandhomx ikunu awtorizzati jistadu għat-tonn, iżommuh abbord, jittrażbordawh, jittrasportawh, jittrasferixxuh, jipproċessawh jew iħottuh l-art fil-Lvant tal-Atlantiku u fil-Mediterran.

2. L-Istat Membru tal-bandiera għandu jirtira l-awtorizzazzjoni tas-sajd għat-tonn u għandu jitlob lill-bastiment jipproċedi immedjatament lejn port magħżul minnu meta jitqies li tkun ġiet eżawrita l-kwota individwali.

Artikolu 21

Reġistri tat-tunnari awtorizzati jintużaw għas-sajd għat-tonn

1. Sal-15 ta’ Frar ta’ kull sena, kull Stat Membru għandu jibgħat lill-Kummissjoni, b’mod elettroniku, lista tat-tunnari kollha tiegħu li jkunu awtorizzati jintużaw għas-sajd għat-tonn fil-Lvant tal-Atlantiku u fil-Mediterran billi tkun inħarġitilhom awtorizzazzjoni speċjali tas-sajd għal dan. Dik il-lista għandha tinkludi isem it-tunnari u n-numru tagħhom fir-reġistru u għandha tiġi stabbilita skont il-format mogħti fil-Linji Gwida tal-ICCAT għat-tressiq tad-dejta u tat-tagħrif meħtieġa.

2. Il-Kummissjoni għandha tibgħat din il-lista lis-Segretarjat tal-ICCAT sabiex dawk it-tunnari jkunu jistgħu jitniżżlu fir-reġistru tal-ICCAT tat-tunnari li huma awtorizzati jintużaw għas-sajd għat-tonn.

3. It-tunnari tal-Unjoni li ma jkunux imniżżlin fir-reġistru tal-ICCAT m’għandhomx ikunu awtorizzati jintużaw għas-sajd għat-tonn, għaż-żamma tiegħu, għat-trasferiment tiegħu, għat-tqegħid tiegħu fil-gaġeġ u għall-ħatt l-art tiegħu fil-Lvant tal-Atlantiku u fil-Mediterran.

4. L-Artikolu 8a(2), (4), (6), (7) u (8) tar-Regolament tal-Kunsill (KEE) Nru 1936/2001 għandu japplika bl-emendi meħtieġa.

Artikolu 22

Attivitajiet konġunti tas-sajd

1. Kwalunkwe attività konġunta tas-sajd għat-tonn għandha tkun awtorizzata biss bil-kunsens tal-Istat Membru (jew tal-Istati Membri) tal-bandiera kkonċernat(i). Sabiex jingħata din l-awtorizzazzjoni, kull bastiment tas-sajd bil-purse seine għandu jkun mgħammar biex jistad għat-tonn u għandu jkollu kwota individwali. L-attivitajiet konġunti tas-sajd imwettqin flimkien ma’ PKK oħrajn m’għandhomx ikunu permessi.

2. Kull Stat Membru għandu jieħu l-miżuri meħtieġa biex jikseb it-tagħrif li ġej mingħand il-bastimenti tas-sajd tiegħu li jkunu qed japplikaw għal awtorizzazzjoni biex jieħdu sehem f’attività konġunta tas-sajd:

(a)it-tul ta’ żmien tal-attività;

(b)l-identità tal-operaturi involuti fiha;

(c)il-kwoti tal-bastimenti individwali;

(d)l-iskema ta’ allokazzjoni tal-qabdiet involuti bejn il-bastimenti tas-sajd involuti; u

(e)it-tagħrif dwar il-farms tal-ħut fejn ikun se jittieħed it-tonn.

3. Kull Stat Membru għandu jibgħat it-tagħrif imsemmi fil-paragrafu 2 lill-Kummissjoni fil-format stabbilit fl-Anness VI mill-inqas 15-il jum qabel ma tibda l-attività. Il-Kummissjoni għandha tibgħat dak it-tagħrif lis-Segretarjat tal-ICCAT u lill-Istat tal-bandiera tal-bastimenti l-oħra tas-sajd li jkunu se jieħdu sehem fl-attività konġunta tas-sajd mill-inqas għaxart ijiem qabel ma tibda l-attività.

4. F’każ ta’ forza maġġuri, m’għandhiex tapplika l-iskadenza stabbilita fil-paragrafu 3 għat-tagħrif mitlub fil-paragrafu 2(e). F’dak il-każ, l-Istati Membri jistgħu jibagħtu aġġornament dwar dak it-tagħrif lill-Kummissjoni kemm jista’ jkun malajr, flimkien ma’ deskrizzjoni tal-avvenimenti li kienu jikkostitwixxu l-forza maġġuri. Il-Kummissjoni għandha tibgħat dak it-tagħrif lis-Segretarjat tal-ICCAT.

Taqsima 2
Qabdiet

Artikolu 23

Rekwiżiti ta’ reġistrazzjoni

1. Minbarra li jikkonforma mal-Artikoli 14, 15, 23 u 24 tar-Regolament tal-Kunsill (KE) Nru 1224/2009, jekk ikun applikabbli, il-kaptan ta’ bastiment tal-qbid tal-Unjoni għandu jdaħħal fil-ġurnal ta’ abbord it-tagħrif imniżżel fil-Parti A tal-Anness II.

2. Il-kaptani tal-bastimenti tal-irmunkar, tal-bastimenti awżiljarji u tal-bastimenti tal-ipproċessar għandhom jirreġistraw l-attivitajiet tagħhom skont ir-rekwiżiti stabbiliti fil-Partijiet B, C u D tal-Anness II.

Artikolu 24

Rapporti tal-qabdiet mibgħuta mill-kaptani u mill-operaturi tat-tunnari

1. Il-kaptani tal-bastimenti tal-qbid li jkunu qed jistadu b’mod attiv għat-tonn għandhom jibagħtu t-tagħrif mill-ġurnal ta’ abbord lill-awtoritajiet tal-Istat Membru tal-bandiera ta’ kuljum, fosthom in-numru tar-reġistru tal-ICCAT, isem il-bastiment, il-bidu u t-tmiem tal-perjodu ta’ awtorizzazzjoni, id-data, il-ħin, il-post (il-latitudni u l-lonġitudni) u l-piż u l-għadd tat-tonn maqbud fiż-żona tal-Konvenzjoni. Huma għandhom jibagħtu dak it-tagħrif b’mod elettroniku fil-format stabbilit fl-Anness V matul il-perjodu kollu li fih il-bastiment ikun awtorizzat jistad għat-tonn.

2. Il-kaptani tal-bastimenti tas-sajd bil-purse seine għandhom joħorġu r-rapporti ta’ kuljum kif imsemmi fil-paragrafu 1 għal attività tas-sajd fuq il-bażi ta’ attività tas-sajd b’attività tas-sajd, inklużi dawk l-attivitajiet li matulhom ma jkunu qabdu xejn.

3. L-operatur għandu jibgħat ir-rapporti msemmija fil-paragrafi 1 u 2 lill-awtoritajiet tal-Istat Membru tal-bandiera tiegħu kuljum sa mhux aktar tard mid-9.00 GMT għall-ġurnata ta’ qabel għall-bastimenti tas-sajd bil-purse seine u għall-bastimenti ta’ iktar minn 24 metru u sa mhux aktar tard minn nofsillejl tat-Tnejn għall-ġimgħa ta’ qabel li tkun intemmet f’nofsillejl GMT tal-Ħadd għall-bastimenti tal-qbid l-oħrajn.

4. L-operaturi tat-tunnari użati għas-sajd attiv għat-tonn għandhom jibagħtu rapport tal-qabdiet ta’ kuljum, fosthom in-numru tar-reġistru tal-ICCAT, id-data, il-ħin, il-qabdiet (il-piż u l-għadd tal-ħut maqbud), inkluż meta ma jkunu qabdu xejn. Huma għandhom jibagħtu dak it-tagħrif b’mod elettroniku fi żmien 48 siegħa lill-awtoritajiet tal-Istat Membru tagħhom fil-format stabbilit fl-Anness V matul il-perjodu kollu li fih huma jkunu awtorizzati jistadu għat-tonn.

5. Il-Kummissjoni tista’ tadotta atti ta’ implimentazzjoni li jistabbilixxu regoli ddettaljati għar-reġistrazzjoni u r-rappurtar tal-attivitajiet tal-bastimenti u tat-tunnari skont il-paragrafi 1 sa 4. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 59(2).

Għal raġunijiet importanti ħafna ta’ urġenza ġġustifikati kif xieraq, il-Kummissjoni għandha tadotta atti ta’ implimentazzjoni li jkunu japplikaw mill-ewwel skont il-proċedura msemmija fl-Artikolu 59(3).

Artikolu 25

Rapporti tal-qabdiet ta’ kull ġimgħa u ta’ kull xahar mibgħuta mill-Istati Membri

1. Malli jirċievi r-rapporti tal-qabdiet imsemmija fl-Artikolu 24, kull Stat Membru għandu jgħaddihom mill-ewwel lill-Kummissjoni b’mod elettroniku u huwa għandu jipprovdi minnufih lill-Kummissjoni r-rapporti tal-qabdiet ta’ kull ġimgħa għall-bastimenti tal-qbid u għat-tunnari kollha skont il-format stabbilit fl-Anness V. Kull ġimgħa, il-Kummissjoni għandha tibgħat dak it-tagħrif lis-Segretarjat tal-ICCAT skont il-format mogħti fil-Linji gwida għat-tressiq tad-dejta u tat-tagħrif meħtieġa mill-ICCAT.

2. Qabel il-ħmistax-il jum ta’ kull xahar, kull Stat Membru għandu jgħarraf lill-Kummissjoni bil-kwantitajiet ta’ tonn maqbud fil-Lvant tal-Atlantiku u fil-Mediterran li jkun inħatt l-art, ġie ttrażbordat, inqabad fit-tunnari jew tqiegħed fil-gaġeġ matul ix-xahar ta’ qabel mill-bastimenti tas-sajd li jtajru l-bandiera tiegħu jew mit-tunnari li huma rreġistrati fih. It-tagħrif mibgħut għandu jkun imqassam skont it-tip ta’ rkaptu, inklużi l-qabdiet inċidentali totali, il-qabdiet mis-sajd sportiv u rikreattiv u l-attivitajiet tas-sajd li matulhom ma jinqabad l-ebda ħut. Il-Kummissjoni għandha tibgħat dak it-tagħrif lis-Segretarjat tal-ICCAT minnufih.

Artikolu 26

Tagħrif dwar l-eżawriment tal-kwoti

1.Minbarra d-dispożizzjonijiet tal-Artikolu 34 tar-Regolament tal-Kunsill (KE) Nru 1224/2009, kull Stat Membru għandu jgħarraf lill-Kummissjoni meta jitqies li l-kwota allokata għal grupp ta’ rkaptu msemmija fl-Artikoli 10 u 11 ta’ dan ir-Regolament tkun laħqet it-80 %.

2.Minbarra d-dispożizzjonijiet tal-Artikolu 35 tar-Regolament tal-Kunsill (KE) Nru 1224/2009, kull Stat Membru għandu jgħarraf lill-Kummissjoni meta jitqies li l-kwota allokata għal grupp ta’ rkaptu msemmija fl-Artikoli 10 u 11 ta’ dan ir-Regolament jew għal attività konġunta tas-sajd jew għal bastiment tas-sajd bil-purse seine tkun ġiet eżawrita.

3.Mat-tagħrif imsemmi fil-paragrafu 2 għandha tintbagħat id-dokumentazzjoni uffiċjali li tagħti provi tas-sejħa għall-waqfien mis-sajd jew għal ritorn lura fil-port li l-Istat Membru ħareġ għall-flotta, il-grupp ta’ rkaptu, l-attività konġunta tas-sajd jew il-bastimenti tas-sajd li għandhom kwota individwali, u li tinkludi indikazzjoni ċara tad-data u l-ħin tal-għeluq tas-sajd.

Artikolu 27

Rappurtar ta’ kull sena tal-qabdiet mill-Istati Membri

1.Sal-15 ta’ Marzu ta’ kull sena, kull Stat Membru għandu jgħarraf lill-Kummissjoni bit-tagħrif iddettaljat dwar il-qabdiet tat-tonn fil-Lvant tal-Atlantiku u fil-Mediterran li kien hemm matul is-sena tas-sajd ta’ qabel. Dan it-tagħrif għandu jinkludi:

a)isem kull bastiment tal-qbid u n-numru tal-ICCAT tiegħu;

b)il-perjodu tal-awtorizzazzjoni jew tal-awtorizzazzjonijiet għal kull bastiment tal-qbid;

c)il-qabdiet totali ta’ kull bastiment tal-qbid matul il-perjodu tal-awtorizzazzjoni jew tal-awtorizzazzjonijiet, inkluż meta ma nqabad l-ebda ħut;

d)l-għadd totali ta’ jiem li matulhom kull bastiment tal-qbid ikun stad fil-Lvant tal-Atlantiku u fil-Mediterran matul il-perjodu tal-awtorizzazzjoni jew tal-awtorizzazzjonijiet; u

e)l-qabda totali li kien hemm barra l-perjodu tal-awtorizzazzjoni (il-qabdiet inċidentali totali), inkluż meta ma nqabad l-ebda ħut.

2.Għall-bastimenti li mhumiex awtorizzati jistadu b’mod attiv għat-tonn fil-Lvant tal-Atlantiku u fil-Mediterran iżda li jkunu qabdu t-tonn bħala qabda inċidentali, it-tagħrif li għandu jintbagħat lill-Kummissjoni fl-istess data mogħtija fil-paragrafu 1 għandu jinkludi:

a) isem il-bastiment u n-numru tal-ICCAT tiegħu jew in-numru tiegħu fir-reġistru nazzjonali, jekk dan ma jkunx irreġistrat mal-ICCAT; u

b)l-qabdiet totali tat-tonn.

3.Kull Stat Membru għandu jgħarraf lill-Kummissjoni b’kull tagħrif dwar il-bastimenti li mhumiex koperti mill-paragrafi 1 u 2, iżda li huwa magħruf jew preżunt li stadu għat-tonn fil-Lvant tal-Atlantiku u fil-Mediterran.

4.Il-Kummissjoni għandha tibgħat lis-Segretarjat tal-ICCAT it-tagħrif li hija tkun irċeviet skont il-paragrafi 1, 2 u 3.

Taqsima 3
Ħatt l-art u trażbord

Artikolu 28

Portijiet magħżulin

1.Kull Stat Membru għandu jagħżel xi portijiet jew postijiet qrib ix-xatt (il-portijiet magħżulin) fejn ikunu permessi l-attivitajiet tal-ħatt l-art tat-tonn jew tat-trażbord tiegħu.

2.Biex port jiġi stabbilit bħala port magħżul, l-Istat Membru tal-port għandu jispeċifika l-ħinijiet meta jkunu permessi l-ħatt l-art u t-trażbord u l-postijiet fejn dawn l-attivitajiet ikunu permessi.

3.Sal-15 ta’ Frar ta’ kull sena, kull Stat Membru għandu jibgħat lista tal-portijiet magħżulin lill-Kummissjoni, li, min-naħa tagħha, għandha tibgħat dan it-tagħrif lis-Segretarjat tal-ICCAT.

4.M’għandux ikun permess li wieħed iħott l-art jew jittrażborda mill-bastimenti tas-sajd kwalunkwe kwantità ta’ tonn mistad fil-Lvant tal-Atlantiku u fil-Mediterran f’postijiet oħra minbarra l-portijiet jew il-postijiet qrib ix-xatt magħżulin mill-PKK u mill-Istati Membri skont il-paragrafi 1 u 2.

Artikolu 29

Il-ħatt l-art

1.L-Artikolu 17 tar-Regolament tal-Kunsill (KE) Nru 1224/2009 għandu japplika għall-kaptani tal-bastimenti tas-sajd tal-Unjoni ta’ iktar minn 12-il metru li huma inklużi fil-lista tal-ICCAT tal-bastimenti msemmija fl-Artikolu 19. In-notifika qabel il-wasla skont l-Artikolu 17 ta’ dak ir-Regolament għandha tintbagħat lill-awtorità kompetenti tal-Istat Membru (inkluż l-Istat Membru tal-bandiera) jew tal-PKK li l-portijiet jew il-faċilità tal-ħatt l-art tagħha huma jkunu jixtiequ jużaw.

2.Barra minn hekk, mill-inqas erba’ sigħat qabel il-ħin stmat tal-wasla tagħhom fil-port, il-kaptani tal-bastimenti tas-sajd tal-Unjoni ta’ tul totali ta’ inqas minn 12-il metru li huma inklużi fil-lista tal-ICCAT imsemmija fl-Artikolu 19 għandhom jgħarrfu lill-awtorità kompetenti tal-Istat Membru (inkluż l-Istat Membru tal-bandiera) jew tal-PKK li l-portijiet jew il-faċilità tal-ħatt l-art tagħha huma jkunu jixtiequ jużaw, tal-inqas b’dan li ġej:

(a)il-ħin stmat tal-wasla tagħhom;

(b)l-istima tal-kwantità ta’ tonn miżmum abbord; u

(c)it-tagħrif dwar iż-żona ġeografika fejn ikunu saru l-qabdiet.

3.Fejn l-Istati Membri japplikaw l-Artikolu 80(3) tar-Regolament (UE) Nru 404/2011 għan-notifika msemmija fil-paragrafi 1 u 2, l-istima tal-kwantitajiet ta’ tonn miżmum abbord tista’ tintbagħat fil-ħin miftiehem tan-notifika qabel il-wasla.

4.L-awtoritajiet tal-Istat Membru tal-port għandhom iżommu reġistru tan-notifiki kollha ta’ qabel għas-sena attwali.

5.Il-qabdiet kollha li jinħattu l-art għandhom ikunu kkontrollati mill-awtoritajiet ta’ kontroll rilevanti tal-Istat Membru tal-port u għandu jiġi spezzjonat perċentwali tagħhom abbażi ta’ sistema ta’ valutazzjoni tar-riskju li tinvolvi l-kwota, id-daqs tal-flotta u l-isforz tas-sajd. Id-dettalji kollha ta’ din is-sistema ta’ kontroll adottata minn kull Stat Membru għandhom jingħataw fil-pjan ta’ spezzjoni annwali msemmi fl-Artikolu 51. Din is-sistema ta’ kontroll għandha tapplika wkoll għall-attivitajiet tal-ħsad.

6.L-awtoritajiet tal-Istat Membru tal-port għandhom jibagħtu rekord tal-ħatt l-art lill-awtoritajiet tal-Istat tal-bandiera tal-bastiment fi żmien 48 siegħa minn meta jintemm il-ħatt l-art.

7.Minbarra li jikkonformaw mal-Artikolu 23(1) tar-Regolament tal-Kunsill (KE) Nru 1224/2009, wara kull vjaġġ il-kaptani tal-bastimenti tal-qbid tal-Unjoni għandhom jibagħtu dikjarazzjoni tal-ħatt l-art, irrispettivament minn kemm ikunu twal dawk il-bastimenti:

a)lill-awtoritajiet kompetenti tal-Istat Membru tal-bandiera tal-bastiment;

b)u, jekk il-ħatt l-art ikun seħħ f’port ta’ Stat Membru ieħor jew ta’ PKK oħra, lill-awtoritajiet kompetenti tal-Istat Membru tal-port jew tal-PKK ikkonċernata.

8.Kull qabda li tinħatt l-art għandha tintiżen.

Artikolu 30

It-trażbord

1.B’deroga mill-Artikolu 20 tar-Regolament tal-Kunsill (KE) Nru 1224/2009, it-trażbord tat-tonn fuq il-baħar fil-Lvant tal-Atlantiku u fil-Mediterran għandu jkun ipprojbit fiċ-ċirkustanzi kollha.

2.Il-bastimenti tas-sajd għandhom jittrażbordaw il-qabdiet tat-tonn fil-portijiet magħżulin biss, bil-kundizzjonijiet stabbiliti fl-Artikolu 28.

3. L-Istat Membru tal-port għandu jiżgura kopertura sħiħa tal-ispezzjoni waqt il-ħinijiet kollha tat-trażbord u fil-postijiet kollha tat-trażbord.

4.Qabel jidħlu fi kwalunkwe port u mill-inqas 48 siegħa qabel il-ħin stmat tal-wasla, il-kaptani tal-bastiment tas-sajd li jkunu qed jirċievu l-ħut jew ir-rappreżentanti tagħhom għandhom jibagħtu t-tagħrif li ġej lill-awtoritajiet kompetenti tal-Istat Membru jew tal-PKK li l-port tagħha huma jkunu jridu jużaw:

(a)id-data u l-ħin stmati tal-wasla tagħhom u l-port tal-wasla;

(b)l-istima tal-kwantità ta’ tonn miżmum abbord u t-tagħrif dwar iż-żona ġeografika fejn ikun inqabad;

(c)isem il-bastiment tas-sajd li qed jittrażborda l-ħut u n-numru tiegħu fir-reġistru tal-ICCAT tal-bastimenti tal-qbid li huma awtorizzati jistadu b’mod attiv għat-tonn jew fir-reġistru tal-ICCAT tal-bastimenti l-oħra tas-sajd li huma awtorizzati jistadu għat-tonn fil-Lvant tal-Atlantiku u fil-Mediterran;

(d)isem il-bastiment tas-sajd li qed jirċievi l-ħut u n-numru tiegħu fir-reġistru tal-ICCAT tal-bastimenti tal-qbid li huma awtorizzati jistadu b’mod attiv għat-tonn jew fir-reġistru tal-ICCAT tal-bastimenti l-oħra tas-sajd li huma awtorizzati jistadu għat-tonn fil-Lvant tal-Atlantiku u fil-Mediterran; u

(e)it-tunnellaġġ tat-tonn li għandu jiġi ttrażbordat u ż-żona ġeografika fejn ikun inqabad.

5.Il-bastimenti tas-sajd m’għandhomx jitħallew jittrażbordaw il-ħut sakemm ma jkunux kisbu awtorizzazzjoni minn qabel għal dan mill-Istat tal-bandiera tagħhom.

6.Qabel ma jibda t-trażbord, il-kaptani tal-bastimenti tas-sajd li jkunu qed jittrażbordaw il-ħut għandhom jgħarrfu lill-Istat tal-bandiera tal-bastimenti tagħhom b’dan li ġej:

(a)il-kwantitajiet ta’ tonn li għandhom jiġi ttrażbordati;

(b)id-data meta għandu jsir it-trażbord u l-port fejn dan għandu jsir;

(c)l-isem, in-numru ta’ reġistrazzjoni u l-bandiera tal-bastiment tas-sajd li jkun se jirċievi l-ħut u n-numru tiegħu fir-reġistru tal-ICCAT tal-bastimenti tal-qbid li huma awtorizzati jistadu b’mod attiv għat-tonn jew fir-reġistru tal-ICCAT tal-bastimenti l-oħra tas-sajd li huma awtorizzati jistadu għat-tonn; u

(d)iż-żona ġeografika fejn inqabad it-tonn.

7.Kull trażbord għandu jiġi spezzjonat mill-awtoritajiet tal-Istat Membru fil-port magħżul. L-awtorità kompetenti tal-Istat Membru għandha:

(a)tispezzjona l-bastiment li jkun irċieva l-ħut hekk kif dan jasal fil-port u tivverifika t-tagħbija u d-dokumentazzjoni marbuta mal-attività tat-trażbord; u

(b)tibgħat rekord tat-trażbord lill-awtorità tal-Istat tal-bandiera tal-bastiment tal-qbid li jkun ittrażborda l-ħut fi żmien ħamest ijiem minn meta jintemm it-trażbord.

8.B’deroga mill-Artikoli 21 u 22 tar-Regolament tal-Kunsill (KE) Nru 1224/2009, il-kaptani tal-bastimenti tas-sajd tal-Unjoni għandhom jimlew u jibagħtu d-dikjarazzjoni tat-trażbord tal-ICCAT lill-awtoritajiet kompetenti tal-Istat Membru tal-bandiera tal-bastimenti, irrispettivament minn kemm ikunu twal dawk il-bastimenti. Id-dikjarazzjoni għandha tintbagħat sa mhux aktar tard minn 48 siegħa wara d-data tat-trażbord fil-port skont il-format stabbilit fl-Anness III.

Taqsima 4
L-attivitajiet ta’ trasferiment

Artikolu 31

L-awtorizzazzjoni ta’ trasferiment

1.Qabel kull attività ta’ trasferiment, il-kaptan ta’ bastiment tal-qbid jew l-operatur tal-farm tal-ħut jew tat-tunnara minn fejn joriġina t-trasferiment ikkonċernat għandu jibgħat notifika minn qabel tat-trasferiment lill-awtoritajiet kompetenti tal-Istat Membru tiegħu, li jkun fiha:

(a)l-isem tal-bastiment tal-qbid, tal-bastiment tal-irmunkar, tal-farm tal-ħut jew tat-tunnara u n-numru tagħhom fir-reġistru tal-ICCAT;

(b)il-ħin stmat tat-trasferiment;

(c)l-istima tal-kwantità ta’ tonn li għandu jiġi ttrasferit;

(d)tagħrif dwar il-pożizzjoni fejn ikun se jsir it-trasferiment (il-latitudni/il-lonġitudni) u n-numri identifikabbli tal-gaġeġ;

(e)isem il-bastiment tal-irmunkar li jkun se jirċievi l-ħut, l-għadd ta’ gaġeġ irmunkati u, fejn ikun xieraq, in-numru tiegħu fir-reġistru tal-ICCAT; u

(f)il-port, il-farm tal-ħut jew il-gaġġa fejn ikun se jittieħed it-tonn.

2.Għal dan il-għan, kull gaġġa għandha tingħata numru uniku. In-numri għandhom jinħarġu permezz ta’ sistema ta’ numerar uniku li tinkludi mill-inqas tliet ittri tal-kodiċi tal-alfa li jikkorrispondu għall-bandiera tal-bastimenti tal-irmunkar, segwiti minn tliet numri.

3.Il-bastimenti tas-sajd, il-farms tal-ħut u t-tunnari m’għandhomx jitħallew jagħmlu t-trasferiment sakemm ma jkunux kisbu awtorizzazzjoni minn qabel għal dan mill-Istat tagħhom. L-awtoritajiet tal-Istat Membru responsabbli għandhom jiddeċiedu jekk jagħtux l-awtorizzazzjoni għal kull attività ta’ trasferiment jew le. Għal dan il-għan, kull attività ta’ trasferiment għandha tingħata numru uniku ta’ identifikazzjoni, li għandu jintbagħat lill-kaptan tal-bastiment tas-sajd, lill-operatur tat-tunnara jew lill-operatur tal-farm tal-ħut skont il-każ. F’każ li tingħata l-awtorizzazzjoni, dak in-numru għandu jkun fih il-kodiċi tal-Istat Membru bi tliet ittri, l-erba’ numri li juru s-sena u t-tliet ittri “AUT” (awtorizzazzjoni), segwiti minn numri sekwenzjali. F’każ li l-awtorizzazzjoni tiġi rrifjutata, dak in-numru għandu jkun fih il-kodiċi tal-Istat Membru bi tliet ittri, l-erba’ numri li juru s-sena u t-tliet ittri “NEG” (mingħajr awtorizzazzjoni), segwiti minn numri sekwenzjali.

4. F’każ li l-ħut imut waqt li jkun qed jiġi ttrasferit, l-Istati Membri responsabbli u l-operaturi involuti fl-attività ta’ trasferiment għandhom jimxu skont id-dispożizzjonijiet stabbiliti fl-Anness XII.

5.L-Istat Membru responsabbli għall-bastiment tal-qbid, għall-bastiment tal-irmunkar, għall-farm tal-ħut jew għat-tunnara għandu jagħti l-awtorizzazzjoni biex isir it-trasferiment jew jirrifjutaha, skont il-każ, fi żmien 48 siegħa minn meta tintbagħat in-notifika minn qabel tat-trasferiment.

6.L-awtorizzazzjoni tat-trasferiment mill-Istat Membru responsabbli m’għandhiex tippreġudika l-awtorizzazzjoni tal-attività ta’ tqegħid fil-gaġeġ.

Artikolu 32

Rifjut tal-awtorizzazzjoni ta’ trasferiment

1.L-Istat Membru li jkun responsabbli għall-bastiment, għall-farm tal-ħut jew għat-tunnara m’għandux jawtorizza t-trasferiment jekk, malli jirċievi n-notifika minn qabel tat-trasferiment, huwa jqis li:

(a)il-bastiment tal-qbid jew it-tunnara li ġie ddikjarat li qabdu l-ħut m’għandhomx kwota biżżejjed;

(b)l-operatur tal-bastiment tal-qbid jew tat-tunnara ma rrappurtax kif suppost il-kwantità tal-ħut, jew ma kienx hemm awtorizzazzjoni biex din il-kwantità tinżamm fil-gaġeġ, jew li din il-kwantità ma tqisitx għall-konsum tal-kwota li tista’ tkun applikabbli;

(c)il-bastiment tal-qbid jew it-tunnara li ġie ddikjarat li qabdu l-ħut mhumiex awtorizzati jistadu għat-tonn; jew

(d)il-bastiment tal-irmunkar iddikjarat bħala l-bastiment li se jirċievi l-ħut ittrasferit mhuwiex irreġistrat fir-reġistru tal-ICCAT tal-bastimenti l-oħra kollha tas-sajd (minbarra l-bastimenti tal-qbid) li huma awtorizzati jistadu għat-tonn, imsemmija fl-Artikolu 19(1)(b), jew mhuwiex mgħammar b’Sistema ta’ Monitoraġġ tal-Bastimenti (VMS).

2.Jekk it-trasferiment ma jiġix awtorizzat:

(a)l-Istat Membru responsabbli għall-bastiment tal-qbid jew għat-tunnara għandu joħroġ ordni tar-rilaxx lill-kaptan tal-bastiment tal-qbid jew lill-operatur tat-tunnara jew tal-farm tal-ħut, skont il-każ, u javżahom li t-trasferiment mhuwiex awtorizzat u li l-ħut għandu jintelaq il-baħar;

(b)il-kaptan tal-bastiment tal-qbid jew l-operatur tal-farm tal-ħut jew tat-tunnara għandu jitlaq il-ħut il-baħar skont il-każ; u

(c)it-tonn għandu jintelaq il-baħar skont il-proċeduri stabbiliti fl-Anness XI.

Artikolu 33

Il-monitoraġġ permezz ta’ vidjokamera

1.Għall-attivitajiet tat-trasferiment, il-kaptan tal-bastiment tal-qbid jew tal-bastiment tal-irmunkar jew l-operatur tal-farm tal-ħut jew tat-tunnara li jkun qed jittrasferixxi t-tonn għandu jiżgura li l-attivitajiet tat-trasferiment jiġu mmonitorjati permezz ta’ vidjokamera fl-ilma sabiex jiġi vverifikat l-għadd ta’ ħut li jkun qed jiġi ttrasferit. L-istandards minimi u l-proċeduri għar-reġistrazzjoni bil-vidjokamera għandhom ikunu skont l-Anness IX.

2.Kull Stat Membru li huwa responsabbli għall-bastimenti, għall-farms tal-ħut jew għat-tunnari għandu jiżgura li r-reġistrazzjonijiet bil-vidjow imsemmija fil-paragrafu 1 jitqiegħdu għad-dispożizzjoni tal-ispetturi u tal-osservaturi reġjonali tal-ICCAT.

3.Kull Stat Membru li huwa responsabbli għall-bastimenti, għall-farms tal-ħut jew għat-tunnari għandu jiżgura li r-reġistrazzjonijiet bil-vidjow imsemmija fil-paragrafu 1 jitqiegħdu għad-dispożizzjoni tal-ispetturi u tal-osservaturi nazzjonali tal-Unjoni.

4.Kull Stat Membru li huwa responsabbli għall-bastimenti, għall-farms tal-ħut jew għat-tunnari għandu jieħu l-miżuri meħtieġa biex jevita kull tibdil, editjar jew manipulazzjoni tar-reġistrazzjoni oriġinali bil-vidjow.

Artikolu 34

Verifika mwettqa mill-osservaturi reġjonali tal-ICCAT u t-tnedija ta’ investigazzjoni u t-twettiq tagħha

1. Kif imsemmi fil-Programm ta’ osservaturi reġjonali tal-ICCAT stabbilit fl-Artikolu 49 u fl-Anness VII, l-osservaturi reġjonali tal-ICCAT abbord il-bastiment tal-qbid jew fil-post fuq tunnara għandhom jirreġistraw l-attivitajiet ta’ trasferiment imwettqin u jagħmlu rapport dwarhom, josservaw il-qabdiet ittrasferiti u jagħmlu stima tagħhom, u jivverifikaw l-entrati li saru fl-awtorizzazzjoni tat-trasferiment minn qabel imsemmija fl-Artikolu 31 u fid-dikjarazzjoni tat-trasferiment tal-ICCAT imsemmija fl-Artikolu 36.

2.F’każ li jkun hemm differenza ta’ aktar minn 10 % fl-għadd tal-istimi tal-qabda magħmulin mill-osservatur reġjonali tal-ICCAT, mill-awtoritajiet ta’ kontroll rilevanti u/jew mill-kaptan tal-bastiment tal-qbid jew mir-rappreżentant tat-tunnara, jew meta r-reġistrazzjoni bil-vidjow ma tkunx ta’ kwalità tajba biżżejjed jew ma tkunx ċara biżżejjed biex isiru t-tali stimi, l-Istat Membru responsabbli għall-bastiment tal-qbid, għall-farm tal-ħut jew għat-tunnara għandu jniedi investigazzjoni dwar dan li għandha tintemm qabel il-ħin tat-tqegħid fil-gaġeġ fil-farm tal-ħut jew fi kwalunkwe każ fi żmien 96 siegħa minn meta titnieda. Sakemm joħorġu r-riżultati ta’ dik l-investigazzjoni, m’għandux jiġi awtorizzat it-tqegħid fil-gaġeġ u t-taqsima tal-qabdiet tad-dokument dwar il-qabdiet tat-tonn m’għandhiex tiġi vvalidata.

3.Madankollu, meta r-reġistrazzjoni bil-vidjow ma tkunx ta’ kwalità tajba biżżejjed jew ma tkunx ċara biżżejjed biex jiġi stmat l-għadd ta’ tonn, l-operatur jista’ jitlob lill-awtoritajiet tal-Istat tal-bandiera tal-bastiment, tat-tunnara jew tal-farm tal-ħut biex jagħmel trasferiment ġdid u biex jibgħat ir-reġistrazzjoni korrispondenti bil-vidjow lill-osservatur reġjonali tal-ICCAT.

4.Mingħajr preġudizzju għall-verifiki mwettqin minn spettur, l-osservaturi reġjonali tal-ICCAT għandhom jiffirmaw id-dikjarazzjoni tat-trasferiment tal-ICCAT biss meta l-osservazzjonijiet tagħhom ikunu konformi mal-miżuri ta’ konservazzjoni u ta’ ġestjoni tal-ICCAT u meta t-tagħrif li jinsab fid-dikjarazzjoni tat-trasferiment ikun konsistenti mal-osservazzjonijiet tagħhom, inkluża reġistrazzjoni konformi bil-vidjow, kif meħtieġ skont l-Artikolu 33(1). Huma għandhom jiffirmaw dik id-dikjarazzjoni b’isem miktub b’mod ċar u b’numru ċar tal-ICCAT.

5.L-osservaturi reġjonali tal-ICCAT għandhom jivverifikaw ukoll li d-dikjarazzjoni tat-trasferiment tal-ICCAT tintbagħat lill-kaptan tal-bastiment tal-irmunkar jew lir-rappreżentant tal-farm tal-ħut jew tat-tunnara.

Artikolu 35

Miżuri biex jiġu stmati l-għadd ta’ tonn li għandu jitqiegħed fil-gaġeġ u l-piż tiegħu

L-Istati Membri għandhom jieħdu l-miżuri u l-azzjonijiet kollha meħtieġa biex ikomplu jeżaminaw il-metodi biex itejbu l-istimi kemm tal-għadd ta’ tonn u kemm tal-piż tiegħu fil-mument tal-qabda tiegħu u tat-tqegħid tiegħu fil-gaġeġ. Sat-22 ta’ Awwissu ta’ kull sena, kull Stat Membru għandu jibgħat rapport lill-Kummissjoni dwar il-miżuri li jkun ħa, u din għandha tibgħat dawn ir-rapporti lill-SCRS.

Artikolu 36

Dikjarazzjoni tat-trasferiment

1.Malli tintemm l-attività ta’ trasferiment, il-kaptani tal-bastimenti tal-qbid jew tal-irmunkar jew l-operaturi tat-tunnari jew tal-farms tal-ħut għandhom jimlew id-dikjarazzjoni tat-trasferiment tal-ICCAT u jibagħtuha lill-awtoritajiet kompetenti tal-Istat Membru tagħhom, skont il-format stabbilit fl-Anness IV.

2.L-awtoritajiet kompetenti tal-Istat Membru responsabbli għall-bastimenti, għall-farms tal-ħut jew għat-tunnari li minnhom joriġinaw it-trasferimenti għandhom jagħtu numru lill-formoli tad-dikjarazzjoni ta’ trasferiment. Is-sistema ta’ numerar għandha tinkludi l-kodiċi tal-Istat Membru bi tliet ittri, segwit mill-erba’ numri li juru s-sena, u tliet numri sekwenzjali segwiti mit-tliet ittri “ITD” (SM-20**/xxx/ITD).

3.Id-dikjarazzjoni oriġinali tat-trasferiment għandha takkumpanja t-trasferiment tal-ħut. Il-kaptan tal-bastiment tal-qbid, l-operatur tat-tunnara, il-kaptan tal-bastiment tal-irmunkar jew l-operatur tal-farm tal-ħut għandu jżomm kopja tad-dikjarazzjoni.

4.Il-kaptani tal-bastimenti li jkunu qed iwettqu l-attivitajiet ta’ trasferiment (inklużi l-bastimenti tal-irmunkar) għandhom jirrappurtaw l-attivitajiet tagħhom skont ir-rekwiżiti stabbiliti fl-Anness II.

Artikolu 37

Atti ta’ implimentazzjoni

Il-Kummissjoni tista’ tadotta atti ta’ implimentazzjoni li jistabbilixxu regoli ddettaljati għall-attivitajiet ta’ trasferiment skont l-Artikoli 31 sa 36. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 59(2).

Taqsima 5
L-attivitajiet ta’ tqegħid fil-gaġeġ

Artikolu 38

L-awtorizzazzjoni tat-tqegħid fil-gaġeġ

1. Qabel ma tibda kull attività ta’ tqegħid fil-gaġeġ, għandu jiġi pprojbit li jiġu mmażżrati gaġeġ tat-trasport f’żona ta’ nofs mil nawtiku mill-faċilitajiet tal-farm tal-ħut.

2.Qabel kull attività ta’ tqegħid fil-gaġeġ, l-awtorità kompetenti tal-Istat Membru responsabbli għall-farm tal-ħut għandha tgħarraf lill-Istat Membru jew lill-PKK responsabbli għall-bastiment tal-qbid jew għat-tunnara bil-kwantitajiet tal-ħut maqbuda minn dak il-bastiment tal-qbid jew f’dik it-tunnara u għandha titlobhom awtorizzazzjoni tat-tqegħid fil-gaġeġ.

3.L-attività ta’ tqegħid fil-gaġeġ m’għandhiex tibda qabel ma tingħata awtorizzazzjoni minn qabel għal dan mingħand:

(a) il-PKK jew l-Istat Membru responsabbli għall-bastiment tal-qbid jew għat-tunnara; jew

(b)il-PKK jew l-Istat Membru responsabbli għall-farm tal-ħut jekk ikun hemm qbil dwar dan fost l-Istati Membri involuti jew mal-PKK tal-bandiera involuta.

4.Il-PKK jew l-Istat Membru responsabbli għall-bastiment tal-qbid, għall-farm tal-ħut jew għat-tunnara għandhom jagħtu l-awtorizzazzjoni biex il-ħut jitqiegħed fil-gaġeġ jew jirrifjutawha, jekk ikun hemm bżonn, fi żmien ġurnata tax-xogħol minn meta ssir it-talba u minn meta jintbagħat it-tagħrif imsemmi fil-paragrafu 2. Jekk il-PKK jew l-Istat Membru responsabbli għall-farm tal-ħut ma jirċievu l-ebda tweġiba fi żmien jum tax-xogħol dwar dan, huma jistgħu jagħtu l-awtorizzazzjoni tagħhom biex il-ħut jitqiegħed fil-gaġeġ.

5.It-tonn għandu jitqiegħed fil-gaġeġ qabel il-15 ta’ Awwissu, sakemm l-Istat Membru jew il-PKK responsabbli għall-farm tal-ħut li jkun qed jirċievi l-ħut ma jipprovdix raġunijiet iġġustifikati kif xieraq għal dan. Dawn ir-raġunijiet għandhom jingħataw mar-rapport dwar it-tqegħid fil-gaġeġ.

Artikolu 39

Rifjut tal-awtorizzazzjoni ta’ tqegħid fil-gaġeġ

1.L-Istat Membru responsabbli għall-bastiment tal-qbid, għall-farm tal-ħut jew għat-tunnara għandu jirrifjuta l-awtorizzazzjoni ta’ tqegħid fil-gaġeġ, jekk dan ikun applikabbli, jekk, malli jirċievi t-tagħrif imsemmi fl-Artikolu 38(2), huwa jqis li:

(a)il-bastiment tal-qbid jew it-tunnara li ġie ddikjarat li qabdu l-ħut ma kellhomx kwota biżżejjed għat-tonn li tqiegħed fil-gaġġa;

(b)l-operatur tal-bastiment tal-qbid jew tat-tunnara ma rrappurtax kif suppost il-kwantità tal-ħut jew li din il-kwantità ma tqisitx għall-kalkolu tal-kwota applikabbli;

(c)il-bastiment tal-qbid jew it-tunnara li ġie ddikjarat li qabdu l-ħut mhumiex awtorizzati jistadu għat-tonn.

2.Jekk it-tqegħid fil-gaġeġ ma jiġix awtorizzat, l-Istat Membru jew il-PKK responsabbli għall-bastiment tal-qbid għandu jitlob lill-Istat Membru jew lill-PKK responsabbli għall-farm tal-ħut biex jissekwestra l-qabdiet u jirrilaxxa l-ħut billi joħroġ ordni tar-rilaxx.

3. Malli jirċievi l-ordni tar-rilaxx, l-operatur tal-farm tal-ħut għandu jitlaq il-ħut il-baħar skont id-dispożizzjonijiet stabbiliti fl-Anness XI.

Artikolu 40

Id-dokumentazzjoni dwar il-qabdiet tat-tonn

L-Istati Membri li huma responsabbli għall-farms tal-ħut għandhom jipprojbixxu kwalunkwe tqegħid fil-gaġeġ, għall-finijiet tat-trobbija, ta’ tonn li ma jkollux miegħu d-dokumentazzjoni meħtieġa mill-ICCAT skont ir-Regolament (UE) Nru 640/2010 tal-Parlament Ewropew u tal-Kunsill 34 . Id-dokumentazzjoni trid tkun preċiża u kompluta u trid tkun ġiet ikkonfermata u vvalidata mill-awtoritajiet tal-Istat Membru jew tal-PKK tal-bastimenti tal-qbid jew tat-tunnari.

Artikolu 41

Spezzjonijiet

L-Istati Membri li huma responsabbli għall-farms tal-ħut għandhom jieħdu l-miżuri meħtieġa biex jispezzjonaw kull attività ta’ tqegħid fil-gaġeġ li ssir fil-farms tal-ħut.

Artikolu 42

Il-monitoraġġ permezz ta’ vidjokamera

1.Kull Stat Membru li huwa responsabbli għall-farms tal-ħut għandu jiżgura li l-attivitajiet ta’ tqegħid fil-gaġeġ jiġu mmonitorjati permezz ta’ vidjokamera fl-ilma. Għandha ssir reġistrazzjoni bil-vidjow għal kull attività ta’ tqegħid fil-gaġeġ skont id-dispożizzjonijiet tal-Anness IX.

2.Kull Stat Membru li huwa responsabbli għall-farms tal-ħut għandu jiżgura li r-reġistrazzjonijiet bil-vidjow imsemmija fil-paragrafu 1 jitqiegħdu għad-dispożizzjoni tal-ispetturi u tal-osservaturi reġjonali tal-ICCAT.

3.Kull Stat Membru li huwa responsabbli għall-farms tal-ħut għandu jiżgura li r-reġistrazzjonijiet bil-vidjow imsemmija fil-paragrafu 1 jitqiegħdu għad-dispożizzjoni tal-ispetturi u tal-osservaturi nazzjonali tal-Unjoni.

4. Kull Stat Membru li huwa responsabbli għall-farms tal-ħut għandu jieħu l-miżuri meħtieġa biex jevita kull tibdil, editjar jew manipulazzjoni tar-reġistrazzjoni oriġinali bil-vidjow.

Artikolu 43

Tnedija ta’ investigazzjonijiet u twettiq tagħhom

1.Fejn ikun hemm differenza ta’ aktar minn 10 % fl-għadd tat-tonn stmat mill-osservatur reġjonali tal-ICCAT, mill-awtoritajiet ta’ kontroll tal-Istat Membru rilevanti u mill-operatur tal-farm tal-ħut, l-Istat Membru responsabbli għall-farm tal-ħut għandu jniedi investigazzjoni dwar dan b’kooperazzjoni mal-Istat Membru responsabbli għall-bastiment tal-qbid jew għat-tunnara.

2.Sakemm joħorġu r-riżulati ta’ dik l-investigazzjoni, m’għandux isir ħsad u t-taqsima tat-trobbija tad-dokument dwar il-qabdiet tat-tonn m’għandhiex tiġi vvalidata.

3.L-Istati Membri responsabbli għall-farm tal-ħut u għall-bastiment tal-qbid jew għat-tunnara li jkunu qed iwettqu l-investigazzjonijiet jistgħu jużaw it-tagħrif l-ieħor li jkollhom għad-dispożizzjoni tagħhom, inklużi r-riżultati tal-programmi msemmija fl-Artikolu 44, biex itemmu l-investigazzjoni tagħhom.

Artikolu 44

Miżuri u programmi biex jiġu stmati l-għadd ta’ tonn li għandu jitqiegħed fil-gaġeġ u l-piż tiegħu

1.L-Istati Membri għandhom jieħdu l-miżuri u l-azzjonijiet kollha meħtieġa kif imsemmi fl-Artikolu 35.

2.Programm li juża sistemi ta’ kameras sterjoskopiċi jew tekniki alternattivi li jipprovdu l-istess livell ta’ preċiżjoni għandu jkopri l-attivitajiet kollha tat-tqegħid fil-gaġeġ sabiex jiġi rfinat l-għadd ta’ ħut f’kull attività tat-tqegħid fil-gaġeġ u l-piż tiegħu.

3.Dak il-programm għandu jiġi implimentat skont il-proċeduri stabbiliti fl-Anness X.

4.L-Istat Membru responsabbli għall-farm tal-ħut għandu jibgħat ir-riżultati ta’ dak il-programm lill-Istat Membru li jkun responsabbli għall-bastiment jew għat-tunnara u lill-Kummissjoni skont il-Parti B tal-Anness X. Il-Kummissjoni mbagħad għandha tibagħtu lis-Segretarjat tal-ICCAT li għandu jibagħtu lill-osservatur reġjonali tal-ICCAT.

5.F’każ li r-riżultati tal-programm juru li l-kwantitajiet tat-tonn li jkun qed jitqiegħed fil-gaġeġ ikunu jvarjaw mill-kwantitajiet tat-tonn iddikjarati bħala maqbudin u ttrasferiti, l-Istat Membru responsabbli għall-farm tal-ħut għandu jniedi investigazzjoni dwar dan b’kooperazzjoni mal-Istat Membru responsabbli għall-bastiment tal-qbid jew għat-tunnara. Jekk l-investigazzjoni ma tintemmx fi żmien għaxart ijiem tax-xogħol minn meta jkunu ntbagħtu r-riżultati msemmija fil-paragrafu 4 jew jekk l-eżitu tal-investigazzjoni juri li l-għadd tat-tonn jew il-piż medju tiegħu huwa aktar minn dak iddikjarat bħala maqbud u ttrasferit, l-awtoritajiet tal-PKK jew tal-Istat Membru tal-bandiera tal-bastiment tal-qbid jew tat-tunnara għandhom joħorġu ordni tar-rilaxx għall-ammont żejjed, li għandu jiġi rrilaxxat skont il-proċeduri stabbiliti fl-Anness XI.

6.Skont il-proċeduri stabbiliti fil-punt 3 tal-Parti B tal-Anness X u wara r-rilaxx, jekk dan ikun applikabbli, il-kwantitajiet li joħorġu mill-programm għandhom jintużaw:

a) biex jiġu stabbiliti ċ-ċifri aħħarin tal-qabda li għandhom jitnaqqsu mill-kwota nazzjonali; u

b) biex dawn iċ-ċifri jitniżżlu fid-dikjarazzjonijiet dwar it-tqegħid fil-gaġeġ u fit-taqsimiet rilevanti tad-dokument dwar il-qabdiet tat-tonn.

7.Sat-30 ta’ Awwissu ta’ kull sena, kull Stat Membru responsabbli għall-farms tal-ħut għandu jibgħat rapport lill-Kummissjoni dwar ir-riżultati ta’ dawn il-programmi, u din għandha tibgħat dawn ir-rapporti lill-SCRS.

8. It-trasferiment tat-tonn ħaj minn ġo gaġġa tat-trobbija tal-ħut għal ġo gaġġa oħra tat-trobbija tal-ħut m’għandux iseħħ jekk ma jkunx hemm l-awtorizzazzjoni tal-awtoritajiet ta’ kontroll tal-Istat li huwa responsabbli għall-farm tal-ħut għal dan u jekk dawn l-awtoritajiet ma jkunux preżenti waqt it-trasferiment.

9. Jekk ikun hemm differenza ta’ 10 % jew iktar bejn il-kwantitajiet tat-tonn iddikjarati bħala maqbudin mill-bastiment jew fit-tunnara u l-kwantitajiet stabbiliti permezz tal-kameras ta’ kontroll, kif imsemmi fil-paragrafu 5 u fl-Artikolu 43, dan għandu jikkostitwixxi nuqqas potenzjali ta’ konformità min-naħa tal-bastiment ikkonċernat jew tat-tunnara kkonċernata u l-Istat Membru għandu jieħu l-miżuri meħtieġa biex jiżgura li jsegwi dan kif xieraq.

Artikolu 45

Ir-rapport dwar it-tqegħid fil-gaġeġ

1. Fi żmien ġimgħa minn meta titlesta l-attività tat-tqegħid fil-gaġeġ, l-Istat Membru responsabbli għall-farm tal-ħut għandu jibgħat rapport dwar it-tqegħid fil-gaġeġ li jkun fih l-elementi stabbiliti fil-Parti B tal-Anness X lill-Istat Membru jew lill-PKK tal-bastimenti li jkunu qabdu t-tonn jew tat-tunnari li fihom ikun inqabad it-tonn, kif ukoll lill-Kummissjoni. Dan ir-rapport għandu jkun fih ukoll it-tagħrif inkluż fid-dikjarazzjoni dwar it-tqegħid fil-gaġeġ kif stabbilit fl-Artikolu 4b u fl-Anness Ia tar-Regolament tal-Kunsill (KEE) Nru 1936/2001. Il-Kummissjoni għandha tibgħat dak ir-rapport lis-Segretarjat tal-ICCAT.

2. Għall-finijiet tal-paragrafu 1, attività ta’ tqegħid fil-gaġeġ m’għandhiex titqies li tkun tlestiet sa ma tiġi konkluża kwalunkwe investigazzjoni li tkun tnediet u, jekk ikun applikabbli, sa ma titlesta kwalunkwe attività tar-rilaxx li dwarha tkun inħarġet ordni.

Artikolu 46

Atti ta’ implimentazzjoni

Il-Kummissjoni tista’ tadotta atti ta’ implimentazzjoni li jistabbilixxu regoli ddettaljati għall-attivitajiet ta’ tqegħid fil-gaġeġ skont l-Artikoli 38 sa 45. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 59(2).

Taqsima 6
Monitoraġġ u sorveljanza

Artikolu 47

Sistema ta’ monitoraġġ tal-bastimenti

1.L-obbligi mogħtija fl-Artikolu 9(2) tar-Regolament tal-Kunsill (KE) Nru 1224/2009 dwar it-tagħmir ta’ monitoraġġ tal-bastimenti għandhom japplikaw għall-bastimenti kollha tal-irmonk u tal-irmunkar imniżżlin fir-reġistru tal-ICCAT tal-bastimenti msemmi fl-Artikolu 19(6), irrispettivament mit-tul tagħhom.

2.Il-bastimenti tas-sajd ta’ iktar minn 15-il metru li huma inklużi fir-reġistru tal-ICCAT tal-bastimenti tal-qbid imsemmi fl-Artikolu 19(1)(a) jew fir-reġistru tal-ICCAT tal-bastimenti l-oħra msemmi fl-Artikolu 19(1)(b) ta’ dan ir-Regolament għandhom jibdew jittrażmettu d-dejta tal-VMS lill-ICCAT mill-inqas 15-il jum qabel ma jiftaħ l-istaġun tas-sajd u għandhom ikomplu jittrażmettu dik id-dejta għal mill-inqas 15-il jum wara li jintemm l-istaġun tas-sajd, sakemm ma tintbagħatx talba minn qabel lill-Kummissjoni biex il-bastiment jitneħħa mir-reġistru tal-ICCAT tal-bastimenti.

3.Għall-finijiet ta’ kontroll, it-trażmissjoni tad-dejta tal-VMS mill-bastimenti tal-qbid li huma awtorizzati jistadu b’mod attiv għat-tonn m’għandhiex tiġi interrotta meta l-bastiment ikun fil-port, sakemm ma tkunx qed tintuża sistema ta’ dikjarazzjoni tad-dħul fil-port u tal-ħruġ minnu.

4.L-Istati Membri għandhom jiżguraw li ċ-Ċentri tal-Monitoraġġ tas-Sajd tagħhom jgħaddu l-messaġġi tal-VMS li jaslu mill-bastimenti tas-sajd li jtajru l-bandiera tagħhom lill-Kummissjoni u lil korp magħżul minnha f’ħin reali u billi jużaw il-format “https data feed”. Il-Kummissjoni għandha tibgħat dawn il-messaġġi b’mod elettroniku lis-Segretarjat tal-ICCAT.

5.L-Istati Membri għandhom jiżguraw li:

(a) il-messaġġi tal-VMS mill-bastimenti tas-sajd li jtajru l-bandiera tagħhom jintbagħtu lill-Kummissjoni mill-inqas kull sagħtejn meta dawn il-bastimenti jkunu qed jistadu fil-Lvant tal-Atlantiku u fil-Mediterran;

(b) f’każ ta’ ħsara teknika fil-VMS, il-messaġġi alternattivi mill-bastimenti tas-sajd li jtajru l-bandiera tagħhom li jaslu skont l-Artikolu 24(1) tar-Regolament (UE) Nru 404/2011 jintbagħtu lill-Kummissjoni fi żmien 24 siegħa minn meta jaslu fiċ-Ċentri tal-Monitoraġġ tas-Sajd tagħhom;

(c) il-messaġġi li jintbagħtu lill-Kummissjoni jingħataw numru sekwenzjali (b’identifikatur uniku) sabiex tiġi evitata d-duplikazzjoni;

(d) il-messaġġi li jintbagħtu lill-Kummissjoni jkunu konformi mal-Artikolu 24(3) tar-Regolament (UE) Nru 404/2011.

6.Kull Stat Membru għandu jieħu l-miżuri meħtieġa biex jiżgura li l-messaġġi kollha li jitqiegħdu għad-dispożizzjoni tal-bastimenti ta’ spezzjoni tiegħu jiġu ttrattati b’mod kunfidenzjali u jkunu limitati biss għall-attivitajiet ta’ spezzjoni fuq il-baħar.

Artikolu 48

Programm ta’ osservaturi nazzjonali

1.Għall-bastimenti li jistadu b’mod attiv għat-tonn, l-Istati Membri għandhom jiżguraw li l-osservaturi nazzjonali jkopru tal-inqas il-livelli li ġejjin tagħhom, f’perċentwali:

(a)20 % tal-bastimenti tat-tkarkir tagħhom użati għas-sajd għall-ħut pelaġiku (li fihom aktar minn 15-il metru);

(b)20 % tal-bastimenti tas-sajd bil-konz tagħhom (li fihom aktar minn 15-il metru);

(d)100 % tal-bastimenti tal-irmunkar; u

(e)100 % tal-attivitajiet tal-ħsad mit-tunnari.

2.Lill-osservaturi nazzjonali l-Istati Membri għandhom joħorġulhom dokumenti uffiċjali ta’ identifikazzjoni.

3.Il-kompiti tal-osservaturi nazzjonali għandhom ikunu, b’mod partikulari, li:

(a)jimmonitorjaw il-konformità tal-bastimenti tas-sajd u tat-tunnari ma’ dan ir-Regolament;

(b)jirreġistraw l-attivitajiet tas-sajd u jagħmlu rapporti dwarhom, li għandhom jinkludu dan li ġej:

(i)l-ammont ta’ ħut maqbud (inklużi l-qabdiet inċidentali totali), li jinkludi wkoll it-tqassim tal-ispeċijiet, bħal dawk miżmuma abbord jew skartati ħajjin jew mejtin;

(ii)il-latitudni u l-lonġitudni taż-żona fejn inqabad il-ħut;

(iii)il-kejl tal-isforz kif iddefinit mill-ICCAT fil-manwal tagħha tal-qasam għall-irkapti differenti (bħan-numru ta’ settijiet u n-numru ta’ snanar); u

(iv)id-data meta nqabad il-ħut;

(c)josservaw il-qabdiet u jagħmlu stima tagħhom, u jivverifikaw id-dejta mdaħħla fil-ġurnal ta’ abbord; u

(d)josservaw u jirreġistraw il-bastimenti li jistgħu jkunu qed jistadu b’mod li jikser il-miżuri ta’ konservazzjoni tal-ICCAT.

4.Barra minn hekk, l-osservaturi nazzjonali għandhom iwettqu ħidma xjentifika, bħall-ġbir ta’ dejta tal-Kompitu II kif iddefinit mill-ICCAT, meta dan ikun meħtieġ mill-ICCAT, abbażi tal-istruzzjonijiet mogħtija mill-SCRS.

5.F’dak li għandu x’jaqsam mal-implimentazzjoni tal-paragrafi 1 sa 4, kull Stat Membru għandu wkoll:

(a)jiżgura li l-osservaturi nazzjonali jkunu preżenti b’mod rappreżentattiv mil-lat temporali u spazjali fuq il-bastimenti u t-tunnari tiegħu, sabiex ikun żgurat li l-Kummissjoni tirċievi dejta u tagħrif xierqa u adegwati dwar il-qabdiet u l-isforz u dwar aspetti xjentifiċi u ta’ ġestjoni oħrajn, filwaqt li jitqiesu l-karatteristiċi tal-flotot u tal-attivitjiet tas-sajd;

(b)jiżgura li jkun hemm protokolli sodi tal-ġbir tad-dejta;

(c)jiżgura li l-osservaturi nazzjonali jkunu mħarrġa u approvati kif suppost qabel ma jintbagħtu fuq ħidma; u

(d)jiżgura, sa fejn ikun prattikabbli, tfixkil mill-inqas għall-ħidma tat-tunnari u tal-bastimenti tas-sajd li jkunu qed jistadu fiż-żona tal-Konvenzjoni.

6.Id-dejta u t-tagħrif li jinġabru permezz tal-programm ta’ osservaturi ta’ kull Stat Membru għandhom jintbagħtu lill-Kummissjoni sal-15 ta’ Lulju ta’ kull sena. Il-Kummissjoni għandha tibgħat dik id-dejta u dak it-tagħrif lill-SCRS u lis-Segretarjat tal-ICCAT kif xieraq.

Artikolu 49

Programm ta’ osservaturi reġjonali tal-ICCAT

1.Il-Programm ta’ osservaturi reġjonali tal-ICCAT kif stabbilit fil-paragrafi 2 sa 6 ta’ dan l-Artikolu u kif speċifikat iktar fl-Anness VII għandu japplika fl-Unjoni.

2.L-Istati Membri għandhom jiżguraw li osservatur reġjonali tal-ICCAT jkun preżenti:

(a)fuq kull bastiment tas-sajd bil-purse seine li huwa awtorizzat jistad għat-tonn;

(b)waqt kull trasferiment tat-tonn minn fuq il-bastimenti tas-sajd bil-purse seine;

(c)waqt kull trasferiment tat-tonn minn ġot-tunnari għal ġol-gaġeġ tat-trasport;

(d)waqt kull attività ta’ tqegħid fil-gaġeġ tat-tonn fil-farms tal-ħut;

(e)waqt il-ħsad kollu tat-tonn mill-farms tal-ħut.

3.Il-bastimenti tas-sajd bil-purse seine li ma jkollhomx osservatur reġjonali tal-ICCAT abbord m’għandhomx jiġu awtorizzati jistadu għat-tonn jew joperaw f’dan il-qasam.

4.L-Istati Membri li jkunu responsabbli għall-farms tal-ħut għandhom jiżguraw li jkun hemm osservatur reġjonali tal-ICCAT preżenti waqt kull attività ta’ tqegħid fil-gaġeġ u waqt il-ħsad kollu tal-ħut minn dawk il-farms tal-ħut.

5.L-osservaturi reġjonali tal-ICCAT għandhom ikunu inkarigati, b’mod partikulari, li:

(a)josservaw u jimmonitorjaw il-konformità tal-attivitajiet tas-sajd u tat-trobbija tal-ħut mal-Artikolu 42 tar-Regolament tal-Kunsill (KE) Nru 1005/2008, mal-Artikolu 90 tar-Regolament tal-Kunsill (KE) Nru 1224/2009 u mad-dispożizzjonijiet ta’ dan ir-Regolament;

(b)jiffirmaw id-dikjarazzjonijiet tat-trasferiment tal-ICCAT imsemmija fl-Artikolu 36 ta’ dan ir-Regolament, ir-rapporti dwar it-tqegħid fil-gaġeġ imsemmija fl-Artikolu 45 ta’ dan ir-Regolament u d-dokumenti dwar il-qabdiet tat-tonn meta dawn jaqblu li t-tagħrif mogħti fihom huwa konsistenti mal-osservazzjonijiet tagħhom; u

(c)iwettqu ħidma xjentifika, bħall-ġbir ta’ kampjuni, kif meħtieġ mill-ICCAT, abbażi tal-istruzzjonijiet mogħtija mill-SCRS.

6.L-Istat Membru tal-bandiera għandu jiżgura li l-kaptani, l-ekwipaġġ u s-sidien tal-farms tal-ħut, tat-tunnari u tal-bastimenti ma jfixklux, jintimidaw, jindaħlu, jinfluwenzaw, jikkorrompu jew jippruvaw jikkorrompu lill-osservaturi reġjonali tal-ICCAT fil-qadi ta’ dmirijiethom.

Taqsima 7
Spezzjonijiet u kontroverifiki

Artikolu 50

L-iskema tal-ICCAT ta’ spezzjoni internazzjonali konġunta

1.L-iskema tal-ICCAT ta’ spezzjoni internazzjonali konġunta stabbilita fl-Anness VIII għandha tapplika fl-Unjoni.

2.L-Istati Membri li l-bastimenti tas-sajd tagħhom huma awtorizzati jistadu għat-tonn fil-Lvant tal-Atlantiku u fil-Mediterran għandhom jaħtru spetturi u jwettqu spezzjonijiet fuq il-baħar fil-kuntest tal-iskema tal-ICCAT.

3.Jekk, fi kwalunkwe ħin, ikun hemm iktar minn 15-il bastiment tas-sajd li jtarju l-bandiera ta’ Stat Membru partikulari li jkunu qed iwettqu attivitajiet tas-sajd għat-tonn fiż-żona tal-Konvenzjoni, dak l-Istat Membru għandu jibgħat bastiment ta’ spezzjoni għall-finijiet tal-ispezzjoni u l-kontroll fuq il-baħar fiż-żona tal-Konvenzjoni għall-perjodu kollu li matulu dawk il-bastimenti jkunu hemmhekk. Dak l-obbligu għandu jitqies li jkun tħares f’każijiet fejn l-Istati Membri jikkooperaw biex jibagħtu bastiment ta’ spezzjoni jew f’każijiet fejn jintbagħat bastiment ta’ spezzjoni tal-Unjoni fiż-żona tal-Konvenzjoni.

4.Il-Kummissjoni jew korp magħżul minnha jistgħu jaħtru spetturi tal-Unjoni għall-iskema tal-ICCAT.

5.Il-Kummissjoni jew korp magħżul minnha għandhom jikkoordinaw l-attivitajiet ta’ sorveljanza u ta’ spezzjoni għall-Unjoni. Flimkien mal-Istati Membri kkonċernati, il-Kummissjoni tista’ tfassal programmi ta’ spezzjoni konġunta biex l-Unjoni tkun tista’ twettaq l-obbligu tagħha fil-kuntest tal-iskema tal-ICCAT. L-Istati Membri li l-bastimenti tas-sajd tagħhom ikunu qed jistadu għat-tonn għandhom jadottaw il-miżuri meħtieġa sabiex jiffaċilitaw l-implimentazzjoni ta’ dawk il-programmi, b’mod partikulari f’dak li għandu x’jaqsam mar-riżorsi umani u materjali meħtieġa u mal-perjodi meta dawk ir-riżorsi għandhom jintużaw u maż-żoni ġeografiċi fejn dawn għandhom jintużaw.

6.Sal-1 ta’ April ta’ kull sena, l-Istati Membri għandhom jgħarrfu lill-Kummissjoni bl-ismijiet tal-ispetturi u tal-bastimenti ta’ spezzjoni li beħsiebhom jassenjaw għall-iskema tal-ICCAT matul dik is-sena. Permezz ta’ dan it-tagħrif, il-Kummissjoni għandha tfassal, flimkien mal-Istati Membri, pjan għall-parteċipazzjoni tal-Unjoni fl-iskema tal-ICCAT kull sena, li hija għandha tibgħat lis-Segretarjat tal-ICCAT u lill-Istati Membri.

Artikolu 51

Trażmissjoni tal-pjanijiet ta’ spezzjoni

1.Sal-31 ta’ Jannar ta’ kull sena, l-Istati Membri għandhom jibagħtu l-pjanijiet ta’ spezzjoni tagħhom lill-Kummissjoni. Il-pjanijiet ta’ spezzjoni għandhom jiġu stabbiliti skont:

a)l-għanijiet, il-prijoritajiet u l-proċeduri kif ukoll il-parametri referenzjarji għall-attivitajiet ta’ spezzjoni stabbiliti fil-Programm ta’ Kontroll u Spezzjoni Speċifiku għat-Tonn tal-Lvant tal-Atlantiku u tal-Mediterran stabbilit skont l-Artikolu 95 tar-Regolament tal-Kunsill (KE) Nru 1224/2009; u

b)il-Programm ta’ azzjoni nazzjonali għall-kontroll għat-tonn tal-Lvant tal-Atlantiku u tal-Mediterran stabbilit skont l-Artikolu 46 tar-Regolament tal-Kunsill (KE) Nru 1224/2009.

2.Il-Kummissjoni għandha tiġbor flimkien il-pjanijiet nazzjonali ta’ spezzjoni u tintegrahom fil-pjan ta’ spezzjoni tal-Unjoni. Il-Kummissjoni għandha tibgħat il-pjan ta’ spezzjoni lis-Segretarjat tal-ICCAT biex l-ICCAT tkun tista’ tapprovah, flimkien mal-pjanijiet imsemmija fl-Artikolu 6(1).

Artikolu 52

Spezzjonijiet f’każ ta’ ksur

1.L-Istat Membru tal-bandiera għandu jieħu azzjoni skont il-paragrafu 2 meta bastiment li jtajjar il-bandiera tiegħu:

(a)ikun naqas milli jirrapporta dak li hu mitlub minnu skont l-Artikoli 23 u 24; jew

(b)ikun kiser id-dispożizzjonijiet stabbiliti minn dan ir-Regolament, mill-Artikoli 89 sa 93 tar-Regolament tal-Kunsill (KE) Nru 1224/2009 u mill-Kapitolu IX tar-Regolament tal-Kunsill (KE) Nru 1005/2008.

2.L-Istat Membru tal-bandiera għandu jiżgura li ssir spezzjoni fiżika taħt l-awtorità tiegħu fil-portijiet tiegħu jew minn persuna oħra maħtura minnu meta l-bastiment ma jkunx jinsab f’wieħed mill-portijiet tiegħu.

Artikolu 53

Kontroverifika

1.Kull Stat Membru għandu jivverifika, inkluż bl-użu tar-rapporti ta’ spezzjoni, tar-rapporti tal-osservaturi u tad-dejta tal-VMS, is-sottomissjoni tal-ġurnali ta’ abbord u tat-tagħrif rilevanti rreġistrat fil-ġurnali ta’ abbord tal-bastimenti tas-sajd tiegħu, fid-dokumenti dwar it-trasferiment jew it-trażbord u fid-dokumenti dwar il-qabdiet tat-tonn skont l-Artikolu 109 tar-Regolament tal-Kunsill (KE) Nru 1224/2009.

2. Kull Stat Membru għandu jwettaq kontroverifiki fuq il-ħatt l-art kollu, fuq it-trażbord kollu u fuq it-tqegħid kollu fil-gaġeġ bejn il-kwantitajiet irreġistrati skont l-ispeċi fil-ġurnal ta’ abbord tal-bastiment tas-sajd jew il-kwantitajiet irreġistrati skont l-ispeċi fid-dikjarazzjoni tat-trasferiment jew tat-trażbord u l-kwantitajiet irreġistrati fid-dikjarazzjoni tal-ħatt l-art jew tat-tqegħid fil-gaġeġ, u fi kwalunkwe dokument rilevanti ieħor, bħal fattura u/jew noti tal-bejgħ skont l-Artikolu 109 tar-Regolament tal-Kunsill (KE) Nru 1224/2009.

Taqsima 8
Kummerċjalizzazzjoni

Artikolu 54

Miżuri tas-suq

1.Mingħajr preġudizzju għar-Regolament tal-Kunsill (KE) Nru 1224/2009, għar-Regolament tal-Kunsill (KE) Nru 1005/2008 u għar-Regolament (UE) Nru 1379/2013 tal-Parlament Ewropew u tal-Kunsill 35 , għandhom ikunu pprojbiti l-kummerċ tal-Unjoni fit-tonn tal-Lvant tal-Atlantiku u tal-Mediterran u l-ħatt l-art, l-importazzjonijiet, l-esportazzjonijiet, it-tqegħid fil-gaġeġ għall-finijiet tat-tismin jew tat-trobbija, l-esportazzjonijiet mill-ġdid u t-trażbord tiegħu li ma jkollhomx magħhom id-dokumentazzjoni preċiża, sħiħa u vvalidata stabbilita f’dan ir-Regolament, fir-Regolament (UE) Nru 640/2010 u fl-Artikolu 4b tar-Regolament tal-Kunsill (KEE) Nru 1936/2001.

2. Il-kummerċ tal-Unjoni fit-tonn tal-Lvant tal-Atlantiku u tal-Mediterran u l-importazzjonijiet, il-ħatt l-art, it-tqegħid fil-gaġeġ għall-finijiet tat-tismin jew tat-trobbija, l-ipproċessar, l-esportazzjonijiet, l-esportazzjonijiet mill-ġdid u t-trażbord tiegħu għandhom ikunu pprojbiti:

a)jekk dan it-tonn ikun inqabad minn bastimenti tas-sajd jew f’tunnari li l-Istat tagħhom ma jkollux kwota, limitu fuq il-qbid jew sforz tas-sajd allokat għalih għat-tonn tal-Lvant tal-Atlantiku u tal-Mediterran skont it-termini tal-miżuri ta’ konservazzjoni u ta’ ġestjoni tal-ICCAT; jew

b)jekk dan it-tonn ikun inqabad minn bastimenti tas-sajd jew f’tunnari li l-kwoti individwali tagħhom ikunu eżawriti jew li l-Istat tagħhom ikun eżawrixxa l-opportunitajiet tas-sajd tiegħu.

3.Mingħajr preġudizzju għar-Regolament tal-Kunsill (KE) Nru 1224/2009, għar-Regolament tal-Kunsill (KE) Nru 1005/2008 u għar-Regolament (UE) Nru 1379/2013, għandhom ikunu pprojbiti l-kummerċ tal-Unjoni, l-importazzjonijiet, il-ħatt l-art, l-ipproċessar u l-esportazzjonijiet mill-farms tat-trobbija u tat-tismin tal-ħut li ma jkunux konformi mar-Regolamenti msemmija fil-paragrafu 1.

KAPITOLU VI

DISPOŻIZZJONIJIET FINALI

Artikolu 55

Evalwazzjoni

Kull sena, sal-15 ta’ Settembru, l-Istati Membri għandhom jibagħtu rapport iddettaljat lill-Kummissjoni dwar l-implimentazzjoni tagħhom ta’ dan ir-Regolament. Abbażi tat-tagħrif li l-Istati Membri jkunu bagħtulha, kull sena, sal-15 ta’ Ottubru, il-Kummissjoni għandha tibgħat rapport iddettaljat lis-Segretarjat tal-ICCAT dwar l-implimentazzjoni tar-Rakkomandazzjoni 14-04 tal-ICCAT.

Artikolu 56

Finanzjament

Il-pjan multiannwali għall-irkupru tat-tonn fil-Lvant tal-Atlantiku u fil-Mediterran għandu jitqies li huwa pjan multiannwali fis-sens tal-Artikolu 9 tar-Regolament (UE) Nru 1380/2013.

Artikolu 57

Proċedura għall-emendi

1. Sa fejn huwa meħtieġ, sabiex fil-liġi tal-Unjoni jiġu inkorporati l-emendi tad-dispożizzjonijiet eżistenti tal-pjan għall-irkupru tat-tonn li jsiru obbligatorji għall-Unjoni, il-Kummissjoni tista’ temenda d-dispożizzjonijiet mhux essenzjali ta’ dan ir-Regolament permezz ta’ atti delegati adottati skont l-Artikolu 58.

Artikolu 58

Eżerċizzju tad-delega għall-emendi

1.Il-Kummissjoni qed tingħata s-setgħa tadotta atti delegati bil-kundizzjonijiet stabbiliti f’dan l-Artikolu.

2.Il-Kummissjoni għandha tingħata d-delega tas-setgħat imsemmija fl-Artikolu 57 għal perjodu taż-żmien mhux determinat.

3.Il-Parlament Ewropew jew il-Kunsill jistgħu jirrevokaw id-delega tas-setgħat imsemmija fl-Artikolu 57 fi kwalunkwe ħin. Id-deċiżjoni ta’ revoka għandha ttemm id-delega tas-setgħat speċifikata f’dik id-Deċiżjoni. Hija għandha tidħol fis-seħħ l-għada tal-pubblikazzjoni tagħha f’Il-Ġurnal Uffiċjali tal-Unjoni Ewropea jew f’data iktar tard speċifikata fiha. Hija m’għandhiex taffettwa l-validità tal-atti delegati li jkunu diġà fis-seħħ.

4.Malli tadotta att delegat, il-Kummissjoni għandha tgħarraf lill-Parlament Ewropew u lill-Kunsill fl-istess ħin dwaru.

5.Att delegat adottat skont l-Artikolu 57 għandu jidħol fis-seħħ biss jekk la l-Parlament Ewropew u lanqas il-Kunsill ma jqajmu oġġezzjoni għalih fi żmien xahrejn minn meta dak l-att jiġi mgħarraf lilhom jew jekk, qabel ma jiskadi dak il-perjodu, il-Parlament Ewropew u l-Kunsill it-tnejn ikunu għarrfu lill-Kummissjoni li mhumiex se joġġezzjonaw għalih. Dak il-perjodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.

Artikolu 59

Implimentazzjoni

1.Il-Kummissjoni għandha tiġi megħjuna mill-Kumitat għas-Sajd u l-Akkwakultura mwaqqaf bl-Artikolu 47 tar-Regolament (UE) Nru 1380/2013. Dak il-kumitat għandu jkun kumitat fis-sens tar-Regolament (UE) Nru 182/2011.

2.Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

3.Fejn issir referenza għal dan il-paragrafu, għandu japplika l-Artikolu 8 tar-Regolament (UE) Nru 182/2011, flimkien mal-Artikolu 5 tiegħu.

Artikolu 60

Tħassir

1.Ir-Regolament tal-Kunsill (KE) Nru 302/2009 b’dan qed jitħassar.

2.Ir-referenzi għar-Regolament imħassar għandhom jinftiehmu bħala referenzi għal dan ir-Regolament u għandhom jinqraw skont it-tabella ta’ korrelazzjoni mogħtija fl-Anness XIII.

Artikolu 61

Dħul fis-seħħ

Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

Għall-Parlament Ewropew Għall-Kunsill

Il-President Il-President

(1) http://www.iccat.int/en/

(2) Ir- Rakkomandazzjoni 06-05 tal-ICCAT biex jiġi stabbilit pjan multiannwali għall-irkupru tat-tonn fil-Lvant tal-Atlantiku u fil-Mediterran.

(3) Ir-Regolament (UE) Nru 544/2014 tal-Parlament Ewropew u tal-Kunsill tal-15 ta’ Mejju 2014 li jemenda r-Regolament tal-Kunsill (KE) Nru 302/2009 dwar pjan multiannwali għall-irkupru tat-tonn fil-Lvant tal-Atlantiku u fil-Mediterran (ĠU L 163, 29.5.2014, p. 7).

(4) Ir-Regolament tal-Kunsill (KE) Nru 302/2009 tas-6 ta’ April 2009 li jistabbilixxi pjan multiannwali għall-irkupru tat-tonn fil-Lvant tal-Atlantiku u fil-Mediterran, li jemenda r-Regolament (KE) Nru 43/2009 u li jħassar ir-Regolament (KE) Nru 1559/2007 (ĠU L 96, 15.4.2009, p. 1).

(5) Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, p. 22).

(6) Ir-Regolament ta’ Delega tal-Kummissjoni (UE) 2015/98 tat-18 ta’ Novembru 2014 dwar l-implimentazzjoni tal-obbligi internazzjonali tal-Unjoni, kif imsemmi fl-Artikolu 15(2) tar-Regolament (UE) Nru 1380/2013 tal-Parlament Ewropew u tal-Kunsill, taħt il-Konvenzjoni Internazzjonali għall-Konservazzjoni tat-Tonn tal-Atlantiku u tal-Konvenzjoni dwar il-Kooperazzjoni Multilaterali Futura dwar is-Sajd fl-Atlantiku tal-Majjistral (ĠU L 16, 23.1.2015, p. 23).

(7) (għandha tiddaħħal ir-referenza rilevanti)

(8) Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, p. 22).

(9) Il-Konvenzjoni Internazzjonali għall-Konservazzjoni tat-Tonn tal-Atlantiku (minn hawn ’il quddiem imsejħa “il-Konvenzjoni”) (ĠU L 162, 18.6.1986, p. 34).

(10) Ir-Rakkomandazzjoni 06-05 tal-ICCAT biex jiġi stabbilit pjan multiannwali għall-irkupru tat-tonn fil-Lvant tal-Atlantiku u fil-Mediterran.

(11) Ir-Regolament tal-Kunsill (KE) Nru 1559/2007 tas-17 ta’ Diċembru 2007 li jistabbilixxi pjan pluriennali għall-irkupru tat-Tonn fl-Atlantiku tal-Lvant u fil-Mediterran (ĠU L 340, 22.12.2007, p. 1).

(12) Ir-Rakkomandazzjoni 08-05 li temenda r-Rakkomandazzjoni tal-ICCAT biex jiġi stabbilit pjan multiannwali għall-irkupru tat-tonn fil-Lvant tal-Atlantiku u fil-Mediterran.

(13) Ir-Regolament tal-Kunsill (KE) Nru 302/2009 tas-6 ta’ April 2009 li jistabbilixxi pjan multiannwali għall-irkupru tat-tonn fil-Lvant tal-Atlantiku u fil-Mediterran, li jemenda r-Regolament (KE) Nru 43/2009 u li jħassar ir-Regolament (KE) Nru 1559/2007 (ĠU L 96, 15.4.2009, p. 1).

(14) Ir-Rakkomandazzjoni 10-04 li temenda r-Rakkomandazzjoni tal-ICCAT biex jiġi stabbilit pjan multiannwali għall-irkupru tat-tonn fil-Lvant tal-Atlantiku u fil-Mediterran.

(15) Ir-Regolament (UE) Nru 500/2012 tal-Parlament Ewropew u tal-Kunsill tat-13 ta’ Ġunju 2012 li jemenda r-Regolament tal-Kunsill (KE) Nru 302/2009 dwar pjan multiannwali għall-irkupru tat-tonn fil-Lvant tal-Atlantiku u fil-Mediterran (ĠU L 157, 16.6.2012, p. 1).

(16) Ir-Rakkomandazzjoni 12-03 li temenda r-Rakkomandazzjoni tal-ICCAT biex jiġi stabbilit pjan multiannwali għall-irkupru tat-tonn fil-Lvant tal-Atlantiku u fil-Mediterran.

(17) Ir-Rakkomandazzjoni 13-07 li temenda r-Rakkomandazzjoni 12-03 tal-ICCAT biex jiġi stabbilit pjan multiannwali għall-irkupru tat-tonn fil-Lvant tal-Atlantiku u fil-Mediterran.

(18) Ir-Rakkomandazzjoni 13-08 tal-ICCAT li tikkumplimenta r-Rakkomandazzjoni 12-03 li stabbiliet pjan multiannwali għall-irkupru tat-tonn tal-Lvant tal-Atlantiku u tal-Mediterran .

(19) Ir-Regolament (UE) Nru 544/2014 tal-Parlament Ewropew u tal-Kunsill tal-15 ta’ Mejju 2014 li jemenda r-Regolament tal-Kunsill (KE) Nru 302/2009 dwar pjan multiannwali għall-irkupru tat-tonn fil-Lvant tal-Atlantiku u fil-Mediterran (ĠU L 163, 29.5.2014, p. 7).

(20) Ir-Rakkomandazzjoni 14-04 li temenda r-Rakkomandazzjoni 13-07 tal-ICCAT biex jiġi stabbilit pjan multiannwali għall-irkupru tat-tonn fil-Lvant tal-Atlantiku u fil-Mediterran.

(21) Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, p. 22).

(22) Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13).

(23) Ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (ĠU L 343, 22.12.2009, p. 1).

(24) Ir-Regolament ta’ Implimentazzjoni tal-Kummissjoni (UE) Nru 404/2011 tat-8 ta’ April 2011 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 1224/2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd (ĠU L 112, 30.4.2011, p. 1).

(25) Ir-Regolament tal-Kunsill (KE) Nru 1005/2008 tad-29 ta’ Settembru 2008 li jistabbilixxi sistema Komunitarja sabiex tipprevjeni, tiskoraġġixxi u telimina sajd illegali, mhux irrappurtat u mhux irregolat, li jemenda r-Regolamenti (KEE) Nru 2847/93, (KE) Nru 1936/2001 u (KE) Nru 601/2004 u li jħassar ir-Regolamenti (KE) Nru 1093/94 u (KE) Nru 1447/1999 (ĠU L 286, 29.10.2008, p. 1).

(26) Id-Deċiżjoni ta’ Implimentazzjoni tal-Kummissjoni 2014/156/UE tad-19 ta’ Marzu 2014 li tistabbilixxi programm speċifiku ta’ kontroll u spezzjoni għas-sajd li jisfrutta l-istokkijiet tat-tonn fil-Lvant tal-Atlantiku u fil-Mediterran, u tal-pixxispad fil-Mediterran u għas-sajd li jisfrutta l-istokkijiet tas-sardin u l-inċova fil-Baħar Adrijatiku tat-Tramuntana (ĠU L 85, 21.3.2014, p. 15).

(27) Ir-Rakkomandazzjoni 06-07 tal-ICCAT dwar it-trobbija tat-tonn.

(28) Ir-Regolament ta’ Delega tal-Kummissjoni (UE) 2015/98 tat-18 ta’ Novembru 2014 dwar l-implimentazzjoni tal-obbligi internazzjonali tal-Unjoni, kif imsemmi fl-Artikolu 15(2) tar-Regolament (UE) Nru 1380/2013 tal-Parlament Ewropew u tal-Kunsill, taħt il-Konvenzjoni Internazzjonali għall-Konservazzjoni tat-Tonn tal-Atlantiku u tal-Konvenzjoni dwar il-Kooperazzjoni Multilaterali Futura dwar is-Sajd fl-Atlantiku tal-Majjistral (ĠU L 16, 23.1.2015, p. 23).

(29) It-tielet edizzjoni maħruġa mill-ICCAT fl-1990.

(30) Il-paġna 128 tal-verżjoni bl-Ingliż tar-rapport tal-2009 maħruġ mill-SCRS.

(31) Il-punt 5 u l-Appendiċi 3 tal-Anness 4.2 tar-Rapport tal-Laqgħa ta’ bejn is-sessjonijiet tal-Kumitat ta’ Konformità li saret f’Madrid fi Spanja mill-24 sas-26 ta’ Frar 2010.

(32) Ir-Regolament tal-Kummissjoni (KE) Nru 26/2004 tat-30 ta’ Diċembru 2003 dwar ir-reġistru tal-flotta tas-sajd tal-Komunità (ĠU L 5, 9.1.2004, p. 25).

(33) Ir-Regolament tal-Kunsill (KEE) Nru 1936/2001 tas-27 ta’ Settembru 2001 li jistabbilixxi miżuri ta’ kontroll applikabbli għas-sajd għal ċerti stokkijiet ta’ ħut li jpassi ħafna (ĠU L 263, 3.10.2001, p. 1).

(34) Ir-Regolament (UE) Nru 640/2010 tal-Parlament Ewropew u tal-Kunsill tas-7 ta’ Lulju 2010 li jistabbilixxi programm ta’ dokumentazzjoni tal-qbid għat-tonn Thunnus thynnus u li jemenda r-Regolament tal-Kunsill (KE) Nru 1984/2003 (ĠU L 194, 24.7.2010, p. 1).

(35) Ir-Regolament (UE) Nru 1379/2013 tal-Parlament Ewropew u tal-Kunsill tal-11 ta’ Diċembru 2013 dwar l-organizzazzjoni komuni tas-swieq fil-prodotti tas-sajd u tal-akkwakultura, li jemenda r-Regolamenti tal-Kunsill (KE) Nru 1184/2006 u (KE) Nru 1224/2009 u li jħassar ir-Regolament tal-Kunsill (KE) Nru 104/2000 (ĠU L 354, 28.12.2013, p. 1).

Top

Choose the experimental features you want to try