Test propost mill-Kummissjoni

Emenda tal-KtR

Il-persuni b’livell baxx ta’ ħiliet jew ta’ kwalifiki, il-persuni minn pajjiżi terzi, il-persuni b’diżabbiltà u l-minoranzi żvantaġġati bħar-Rom huma fost dawk li huma l-iżjed vulnerabbli għal qgħad fit-tul. L-impjieg preċedenti jaqdi rwol importanti wkoll, peress li f’xi pajjiżi, l-aspetti settorjali u ċikliċi huma essenzjali biex tiġi spjegata l-persistenza tal-qgħad fit-tul.

Il-persuni b’livell baxx ta’ ħiliet jew ta’ kwalifiki, in-nisa (speċjalment in-nisa b’livell baxx ta’ kwalifiki) u l-ġenituri waħidhom, persuni qrib l-irtirar, il-persuni minn pajjiżi terzi, il-persuni b’diżabbiltà u li huma morda b’mod kroniku u l-minoranzi żvantaġġati bħar-Rom huma fost dawk li huma l-iżjed vulnerabbli għal qgħad fit-tul. Fir-rigward tal-qgħad fit-tul, iż-żgħażagħ ukoll għandhom importanza partikolari, minħabba l-implikazzjonijiet marbuta mar-riskji ta’ esklużjoni soċjali, tluq bikri mill-iskola u telf ta’ kapaċità produttiva tas-soċjetà bħala riżultat tan-nuqqas ta’ parteċipazzjoni tagħhom fis-suq tax-xogħol. L-impjieg preċedenti jaqdi rwol importanti wkoll, peress li f’xi pajjiżi, l-aspetti settorjali , reġjonali u ċikliċi huma essenzjali biex tiġi spjegata l-persistenza tal-qgħad fit-tul.

Test propost mill-Kummissjoni

Emenda tal-KtR

Hemm bżonn li l-investiment fil-kapital uman jitjieb u jsir iżjed effiċjenti, bl-għan li iktar nies ikollhom f’idejhom kompetenzi tajbin u rilevanti, li jiġi indirizzat in-nuqqas ta’ ħiliet, li titwitta t-triq għal tranżizzjoni mingħajr intoppi mit-tagħlim għad-dinja tax-xogħol u għal impjegabbiltà kontinwa. It-titjib tal-prestazzjoni u tar-rilevanza tas-sistemi tal-edukazzjoni u tat-taħriġ se jgħin biex jitrażżan l-influss ta’ persuni qiegħda ġodda. Għalhekk, l-immodernizzar tas-sistemi tal-edukazzjoni u tat-taħriġ jeħtieġ jitwettaq skont is-Semestru Ewropew, il-Qafas Strateġiku għall-Kooperazzjoni Ewropea fl-Edukazzjoni u fit-Taħriġ (ET 2020) (15), ir-Rakkomandazzjoni tal-Parlament Ewropew u tal-Kunsill dwar il-kompetenzi ewlenin għat-tagħlim tul il-ħajja (16) u r-Rakkomandazzjoni tal-Kummissjoni dwar l-inklużjoni attiva tan-nies esklużi mis-suq tax-xogħol (17).

Hemm bżonn li l-investiment fil-kapital uman jitjieb u jsir iżjed effiċjenti, bl-għan li iktar nies ikollhom f’idejhom kompetenzi tajbin u rilevanti, li jiġi indirizzat in-nuqqas ta’ ħiliet, li titwitta t-triq għal tranżizzjoni mingħajr intoppi mit-tagħlim għad-dinja tax-xogħol u għal impjegabbiltà kontinwa. It-titjib tal-prestazzjoni u tar-rilevanza tas-sistemi tal-edukazzjoni u tat-taħriġ flimkien mas-servizzi għall-impjiegi se jgħinu biex jitrażżan l-influss ta’ persuni qiegħda ġodda. Bl-istess mod, il-ġlieda kontra t-tluq bikri mill-iskola, waħda mill-miri tal-Ewropa 2020, ser tgħin biex tipprevjeni l-qgħad fit-tul, li huwa wieħed mill-kawżi sottostanti . Għalhekk, l-immodernizzar tas-sistemi tal-edukazzjoni u tat-taħriġ jeħtieġ jitwettaq skont is-Semestru Ewropew, il-Qafas Strateġiku għall-Kooperazzjoni Ewropea fl-Edukazzjoni u fit-Taħriġ (ET 2020) (15), ir-Rakkomandazzjoni tal-Parlament Ewropew u tal-Kunsill dwar il-kompetenzi ewlenin għat-tagħlim tul il-ħajja (16) u r-Rakkomandazzjoni tal-Kummissjoni dwar l-inklużjoni attiva tan-nies esklużi mis-suq tax-xogħol (17).

Test propost mill-Kummissjoni

Emenda tal-KtR

Bil-ħsieb li tiġi żviluppata strateġija kkoordinata għall-impjiegi, il-linji gwida għall-politiki dwar l-impjiegi tal-Istati Membri (18) jappellaw għat-tnaqqis b’mod sinifikanti tal-qgħad strutturali u fit-tul permezz ta’ strateġiji komprensivi li jsaħħu lil xulxin, fosthom l-appoġġ attiv personalizzat sabiex wieħed jerġa’ lura fis-suq tax-xogħol.

Bil-ħsieb li tiġi żviluppata strateġija kkoordinata għall-impjiegi, il-linji gwida għall-politiki dwar l-impjiegi tal-Istati Membri (18) jappellaw għat-tnaqqis b’mod sinifikanti tal-qgħad strutturali u fit-tul permezz ta’ strateġiji komprensivi li jsaħħu lil xulxin, fosthom l-appoġġ attiv u inklużiv personalizzat sabiex wieħed jerġa’ lura fis-suq tax-xogħol.

Test propost mill-Kummissjoni

Emenda tal-KtR

Il-linji gwida jitolbu lill-Istati Membri sabiex jippromwovu l-impjegabbilità billi jinvestu fil-kapital uman, permezz ta’ sistemi xierqa ta’ Edukazzjoni u Taħriġ li huma effikaċi u effiċjenti sabiex iżidu l-livell ta’ ħiliet tal-forza tax-xogħol, u jitolbu wkoll speċifikament lill-Istati Membri sabiex jinkoraġġixxu s-sistemi ta’ taħriġ abbażi tax-xogħol bħas-sistemi ta’ tagħlim doppju u sabiex isaħħu t-taħriġ professjonali. B’mod aktar ġenerali, il-linji gwida jitolbu lill-Istati Membri li jieħdu kont tal-prinċipji tal-flessigurtà u jsaħħu l-miżuri attivi tas-suq tax-xogħol billi jżidu l-effettività, il-mira, il-komunikazzjoni, il-kopertura u l-interazzjoni tagħhom b’appoġġ tad-dħul u l-forniment tas-servizz soċjali.

Il-linji gwida jitolbu lill-Istati Membri sabiex jippromwovu l-impjegabbilità billi jinvestu fil-kapital uman, permezz ta’ sistemi xierqa ta’ Edukazzjoni u Taħriġ li huma effikaċi u effiċjenti sabiex iżidu l-livell ta’ ħiliet tal-forza tax-xogħol, u jitolbu wkoll speċifikament lill-Istati Membri sabiex jinkoraġġixxu s-sistemi ta’ taħriġ abbażi tax-xogħol bħas-sistemi ta’ tagħlim doppju u sabiex isaħħu t-taħriġ professjonali. B’mod aktar ġenerali, il-linji gwida jitolbu lill-Istati Membri li jieħdu kont tal-prinċipji tal-flessigurtà u inklużività u jsaħħu l-miżuri attivi tas-suq tax-xogħol billi jżidu l-effettività, il-mira, il-komunikazzjoni, il-kopertura u l-interazzjoni tagħhom b’appoġġ tad-dħul u l-forniment tas-servizz soċjali.

Test propost mill-Kummissjoni

Emenda tal-KtR

L-azzjonijiet li ġew proposti f’din ir-Rakkomandazzjoni għandhom ikunu kompletament kompatibbli mar-rakkomandazzjonijiet speċifiċi għall-pajjiżi li nħarġu fil-kuntest tas-Semestru Ewropew, u l-implimentazzjoni tagħhom għandha sseħħ f’konformità sħiħa mar-regoli tal-Patt ta’ Stabbiltà u ta’ Tkabbir.

L-azzjonijiet li ġew proposti f’din ir-Rakkomandazzjoni għandhom ikunu kompletament kompatibbli mar-rakkomandazzjonijiet speċifiċi għall-pajjiżi li nħarġu fil-kuntest tas-Semestru Ewropew, u l-implimentazzjoni tagħhom għandha sseħħ f’konformità sħiħa mar-regoli tal-Patt ta’ Stabbiltà u ta’ Tkabbir. Madankollu, fil-kuntest tal-Patt, sabiex jiġi evitat li l-iżbilanċi bejn pajjiżi individwali jsiru inkontrollabbli u sabiex inkunu nistgħu niċċaqalqu b’mod effettiv lejn l-istabbilizzazzjoni taż-żona tal-euro, jistgħu jiġu identifikati miżuri straordinarji, abbażi ta’ kunsens u fi żmien stabbilit, sabiex tingħata għajnuna lill-pajjiżi li s-servizzi tal-impjiegi tagħhom huma ‘l bogħod mill-istandards stabbiliti mill-aħjar prattika biex isiru l-bidliet meħtieġa.

Test propost mill-Kummissjoni

Emenda tal-KtR

Għandhom jiġu żviluppati sforzi intensifikati għall-integrazzjoni fis-suq tax-xogħol għal dawk li ntlaqtu l-iktar mill-qgħad fit-tul. Dan jeħtieġ li jimxi id f’id mar-reġistrazzjoni mtejba mas-servizzi tal-impjieg u ma’ aġenziji kompetenti oħra sabiex jiġi indirizzat in-nuqqas ta’ kopertura tal-miżuri ta’ appoġġ.

Għandhom jiġu żviluppati sforzi intensifikati għall-integrazzjoni fis-suq tax-xogħol għal dawk li ntlaqtu l-iktar mill-qgħad fit-tul. Dan jeħtieġ li jimxi id f’id mar-reġistrazzjoni mtejba mas-servizzi tal-impjieg u ma’ aġenziji kompetenti oħra sabiex jiġi indirizzat in-nuqqas ta’ kopertura tal-miżuri ta’ appoġġ. Sabiex tiġi ffaċilitata r-reġistrazzjoni tal-ikbar għadd ta’ nies qiegħda mas-servizzi tal-impjiegi għandu jkun hemm strateġija ta’ komunikazzjoni speċifika, li tista’ ssir aktar effettiva permezz tal-involviment tal-organizzazzjonijiet tas-soċjetà ċivili. Madankollu, ir-reġistrazzjoni mas-servizzi tal-impjieg mhijiex, fiha nnifisha, miżura suffiċjenti jekk is-servizzi mhux se jkunu effiċjenti biex jipproponu pjan individwali li jwassal għall-integrazzjoni fis-suq tax-xogħol. Il-persuni qiegħda mhux se jkunu disposti li jirreġistraw għas-servizzi, jekk dawn ma jkunux urew effikaċja. F’dan il-kuntest jirriżulta neċessarju li s-servizzi għall-impjiegi jkunu aktar proattivi għall-impriżi.

Test propost mill-Kummissjoni

Emenda tal-KtR

Jeħtieġ li l-approċċi individwalizzati biex jiġu appoġġati l-persuni li ilhom qiegħda, jindirizzaw ix-xkiel li jwassal għal qgħad persistenti, u jaġġornaw u jakkumpanjaw il-valutazzjoni inizjali li ssir mar-reġistrazzjoni. Dan jiggwida lil dawk li jkunu qegħdin ifittxu impjieg lejn is-servizzi ta’ appoġġ bħal konsulenza dwar id-dejn, ir-riabilitazzjoni, il-ħidma soċjali, is-servizzi tal-kura, l-integrazzjoni tal-migranti, l-akkomodazzjoni u l-appoġġ għat-trasport, li jindirizzaw l-ostakli għax-xogħol u jagħtu s-setgħa lil dawk li jkunu qegħdin ifittxu impjieg biex jilħqu għanijiet ċari li jwasslu għal impjieg.

Jeħtieġ li l-approċċi individwalizzati biex jiġu appoġġati l-persuni li ilhom qiegħda, jindirizzaw ix-xkiel li jwassal għal qgħad persistenti, u jaġġornaw u jakkumpanjaw il-valutazzjoni inizjali li ssir mar-reġistrazzjoni. Dan jiggwida lil dawk li jkunu qegħdin ifittxu impjieg lejn is-servizzi ta’ appoġġ bħal konsulenza dwar id-dejn, ir-riabilitazzjoni, il-ħidma soċjali, is-servizzi tal-kura, l-integrazzjoni tal-migranti, l-akkomodazzjoni u l-appoġġ għat-trasport, li jindirizzaw l-ostakli għax-xogħol u jagħtu s-setgħa lil dawk li jkunu qegħdin ifittxu impjieg biex jilħqu għanijiet ċari li jwasslu għal impjieg. Għandha tingħata konsiderazzjoni lill-possibbiltà li jiġi previst l-obbligu ta’ reġistrazzjoni mas-servizzi tal-impjieg għall-persuni qiegħda fit-tul li huma benefiċjarji ta’ għajnuna mis-servizzi soċjali.

Test propost mill-Kummissjoni

Emenda tal-KtR

Għall-finijiet ta’ din ir-Rakkomandazzjoni, ftehim ta’ integrazzjoni f’impjieg ifisser ftehim bil-miktub bejn il-persuna li tkun qiegħda tfittex impjieg u l-punt ta’ kuntatt waħdieni, bl-għan li tiġi ffaċilitata t-tranżizzjoni lejn impjieg fis-suq tax-xogħol. Dawn il-ftehimiet, li jitfasslu sabiex jirriflettu s-sitwazzjoni individwali tal-persuna li tkun qiegħda tfittex impjieg, jagħtu d-dettalji dwar pakkett ta’ miżuri individwalizzati li jkunu disponibbli fil-livell nazzjonali (is-suq tax-xogħol, l-edukazzjoni, it-taħriġ, is-servizzi soċjali), u li jkollhom l-għan li jappoġġaw u li jagħtu s-setgħa lill-persuni li jkunu qegħdin ifittxu impjieg sabiex jgħelbu l-ostakli speċifiċi tagħhom għal impjieg. Il-ftehimiet jiddefinixxu l-għanijiet, l-iskedi taż-żmien, ir-responsabbiltajiet reċiproċi u l-klawsoli ta’ rieżami, u jindikaw il-miżuri disponibbli ta’ appoġġ attiv u ta’ appoġġ għad-dħul u s-servizzi disponibbli ta’ appoġġ soċjali. Il-ftehimiet ta’ integrazzjoni f’impjieg jorbtu r-riċeviment tal-benefiċċji mal-parteċipazzjoni fil-miżuri attivi tas-suq tax-xogħol u fl-attivitajiet ta’ tfittxija ta’ impjieg, f’konformità mal-leġiżlazzjoni nazzjonali eżistenti.

Għall-finijiet ta’ din ir-Rakkomandazzjoni, ftehim ta’ integrazzjoni f’impjieg ifisser ftehim bil-miktub bejn il-persuna li tkun qiegħda tfittex impjieg u l-punt ta’ kuntatt waħdieni, bl-għan li tiġi ffaċilitata t-tranżizzjoni lejn impjieg fis-suq tax-xogħol. Dawn il-ftehimiet, li jitfasslu sabiex jirriflettu s-sitwazzjoni individwali tal-persuna li tkun qiegħda tfittex impjieg, jagħtu d-dettalji dwar pakkett ta’ miżuri individwalizzati li jkunu disponibbli fil-livell nazzjonali (is-suq tax-xogħol, l-edukazzjoni, it-taħriġ, is-servizzi soċjali), u li jkollhom l-għan li jappoġġaw u li jagħtu s-setgħa lill-persuni li jkunu qegħdin ifittxu impjieg sabiex jgħelbu l-ostakli speċifiċi tagħhom għal impjieg. Il-ftehimiet jiddefinixxu l-għanijiet, l-iskedi taż-żmien, ir-responsabbiltajiet reċiproċi u l-klawsoli ta’ rieżami, u jindikaw il-miżuri disponibbli ta’ appoġġ attiv u ta’ appoġġ għad-dħul u s-servizzi disponibbli ta’ appoġġ soċjali. Il-ftehimiet ta’ integrazzjoni f’impjieg jorbtu r-riċeviment tal-benefiċċji mal-parteċipazzjoni fil-miżuri attivi tas-suq tax-xogħol u fl-attivitajiet ta’ tfittxija ta’ impjieg, f’konformità mal-leġiżlazzjoni nazzjonali eżistenti , immirati għal inklużjoni soċjali effettiva .

Test propost mill-Kummissjoni

Emenda tal-KtR

Jappoġġaw ir-reġistrazzjoni tal-persuni li jkunu qegħdin ifittxu impjieg u jappoġġaw orjentazzjoni tal-miżuri ta’ integrazzjoni li tkun iktar qrib is-suq tax-xogħol. Jipprovdu valutazzjoni individwali lill-persuni rreġistrati li jkunu ilhom qiegħda. Joffru ftehim speċifiku ta’ integrazzjoni f’impjieg, għall-persuni li jkunu ilhom qiegħda, mhux iżjed tard minn meta jagħlqu 18-il xahar qiegħda. Għal dak l-għan:

Jappoġġaw ir-reġistrazzjoni tal-persuni li jkunu qegħdin ifittxu impjieg u jappoġġaw orjentazzjoni tal-miżuri ta’ integrazzjoni li tkun iktar qrib is-suq tax-xogħol. Jipprovdu valutazzjoni individwali lill-persuni rreġistrati li jkunu ilhom qiegħda. Joffru ftehim speċifiku ta’ integrazzjoni f’impjieg, għall-persuni li jkunu ilhom qiegħda, mhux iżjed tard minn meta jagħlqu 18-il xahar qiegħda; jipprovdu impjieg sussidjat biex dan jikkomplementa l-isforz għall-integrazzjoni fis-suq tax-xogħol, sabiex jiġu indirizzati l-qgħad u l-esklużjoni soċjali. Fejn l-integrazzjoni ma tirnexxix, għandu jiġi previst appoġġ universali ta’ dħul. Għal dak l-għan:

It-tisħiħ tas-servizzi tal-impjiegi eżistenti.

Test propost mill-Kummissjoni

Emenda tal-KtR

Jiġu stabbiliti servizzi tal-impjiegi bir-riżorsi u l-persunal kwalifikat li jeħtieġu biex ikunu kapaċi jilħqu l-għanijiet stabbiliti fir-rakkomandazzjoni. L-istandards għad-definizzjoni ta’ dawn is-servizzi għandhom jiġu derivati mir-riżultati tal-ħidma tan-Netwerk Ewropew tas-Servizzi Pubbliċi tal-Impjiegi. Għalhekk, jeħtieġ li jiġu indikati liema huma r-riżorsi meħtieġa għall-adattament tal-istrutturi eżistenti u jiġi stabbilit kif u fejn jistgħu jinsabu, b’referenza għall-possibbilitajiet ta’ kofinanzjament li diġà huma eżistenti, bħar-Regolament (UE) Nru 1301/2013 dwar il-FEŻR u r-Regolament (UE) Nru 1304/2013 dwar l-FSE, mingħajr ma tiġi eskluża l-possibbiltà li jiġu esplorati soluzzjonijiet fil-livell tal-UE permezz ta’ approprjazzjoni tal-Fondi Ewropej maħsuba esklużivament għal dan l-għan, fid-dawl tal-fatt li t-tnaqqis tal-qgħad fit-tul huwa mira strateġika fundamentali għall-Unjoni Ewropea kollha kemm hi. Appoġġ ekonomiku jista’ wkoll jintuża għat-twettiq ta’ aktar riformi organizzattivi tas-sistemi tas-servizzi tal-impjieg fil-pajjiżi fejn il-Kummissjoni u l-Kunsill jikkunsidraw li huma meħtieġa, fil-kuntest tas-Semestru Ewropew.

Test propost mill-Kummissjoni

Emenda tal-KtR

Il-valutazzjoni u l-approċċ individwali

Is-servizzi tax-xogħol, flimkien ma’ imsieħba oħra li jappoġġaw l-integrazzjoni fis-suq tax-xogħol, jipprovdu gwida personalizzata lil dawk li huma kkonċernati .

Il-valutazzjoni u l-approċċ individwali

Is-servizzi tax-xogħol, flimkien ma’ msieħba oħra li jappoġġaw l-integrazzjoni fis-suq tax-xogħol, u jinvolvu fornituri privati tas-servizzi tal-impjiegi u aġenziji għax-xogħol awtorizzati , jipprovdu gwida personalizzata lil partijiet interessati .

Test propost mill-Kummissjoni

Emenda tal-KtR

Il-persuni rreġistrati li jkunu ilhom qiegħda li ma jkunux koperti mill-Garanzija għaż-Żgħażagħ, jiġu offruti ftehim ta’ integrazzjoni f’impjieg mhux iżjed tard minn meta jagħlqu 18-il xahar qiegħda. Dan għandu jinkludi, minn tal-inqas, offerta ta’ servizz individwali li tkun immirata biex jinstab impjieg u l-identifikazzjoni ta’ punt ta’ kuntatt waħdieni.

Il-persuni rreġistrati li jkunu ilhom qiegħda li ma jkunux koperti mill-Garanzija għaż-Żgħażagħ, jiġu offruti ftehim ta’ integrazzjoni f’impjieg fi żmien 18-il xahar minn meta jsiru qiegħda. Dan għandu jinkludi, minn tal-inqas, offerta ta’ servizz individwali li tkun immirata biex jinstab impjieg u l-identifikazzjoni ta’ punt ta’ kuntatt waħdieni. Il-ftehim ta’ integrazzjoni tax-xogħol għandu jitfassal permezz ta’ interazzjoni proattiva mal-persuna qiegħda inkwistjoni, billi titqiegħed fiċ-ċentru u ssir responsabbli b’mod konġunt.

Test propost mill-Kummissjoni

Emenda tal-KtR

Jistabbilixxu sħubijiet bejn min iħaddem, l-imsieħba soċjali, is-servizzi tal-impjieg, l-awtoritajiet tal-gvern u s-servizzi soċjali sabiex jiġi żgurat li l-offerti jkunu mmirati għall-bżonnijiet reali tal-impriżi u tal-impjegati.

Jistabbilixxu sħubijiet bejn min iħaddem, l-imsieħba soċjali, is-servizzi tal-impjieg, l-awtoritajiet tal-gvern u s-servizzi soċjali sabiex jiġi żgurat li l-offerti jkunu mmirati għall-bżonnijiet reali tal-impriżi u tal-impjegati.

Test propost mill-Kummissjoni

Emenda tal-KtR

Jiżviluppaw servizzi għal min iħaddem bħall-iskrinjar tal-postijiet tax-xogħol battala, bħall-appoġġ ta’ kollokament, bħall-għoti ta’ pariri u bħat-taħriġ fuq il-post tax-xogħol u bħall-appoġġ ta’ wara l-kollokament sabiex tiġi ffaċilitata l-integrazzjoni mill-ġdid tal-persuni li jkunu ilhom qiegħda fis-suq tax-xogħol.

Jiżviluppaw servizzi għal min iħaddem bħall-iskrinjar tal-postijiet tax-xogħol battala, bħall-appoġġ ta’ kollokament, bħall-għoti ta’ pariri u bħat-taħriġ fuq il-post tax-xogħol u bħall-appoġġ ta’ wara l-kollokament sabiex tiġi ffaċilitata l-integrazzjoni mill-ġdid tal-persuni li jkunu ilhom qiegħda fis-suq tax-xogħol , billi jintużaw, kull meta jkun meħtieġ, politiki attivi dwar l-impjiegi eżistenti mmirati lejn dan il-grupp fil-mira .

Test propost mill-Kummissjoni

Emenda tal-KtR

Integrazzjoni akbar fl-użu tal-Fondi Strutturali, pereżempju li jorbtu l-attivitajiet ta’ taħriġ iffinanzjati mill-Fond Soċjali Ewropew (FSE) mal-azzjoni għall-appoġġ tat-tkabbir u l-innovazzjoni ffinanzjata minn fondi strutturali oħra, bi previżjoni, b’mod partikolari, ta’ inċentivi possibbli għall-kumpaniji li jimpjegaw persuni li jkunu ilhom qiegħda fit-tul. Il-finanzjament mill-FSE jista’ jintuża għat-taħriġ ta’ dawn il-persuni. L-Istati Membri u r-Reġjuni huma mistiedna jivverifikaw jekk huwiex possibbli li jiffinanzjaw lill-awtoritajiet li jiffavorixxu proġetti ta’ integrazzjoni funzjonali fost il-fondi strutturali anki eventwalment permezz tar-riżorsi pprovduti mir-Riżerva ta’ Prestazzjoni.

Test propost mill-Kummissjoni

Emenda tal-KtR

Tħejji analiżi ex ante tal-politiki attivi dwar l-impjieg immirati b’mod speċifiku għal dawk li ilhom qiegħda fit-tul sabiex jiġi propost it-twaqqif ta’ miżuri speċifiċi fl-Istati Membri. Barra minn hekk, issaħħaħ l-analiżi dwar il-politiki attivi kkombinati ma’ mogħdijiet ta’ impjieg ta’ interess pubbliku u appoġġ għad-dħul, bil-ħsieb li l-mogħdija ta’ impjieg tingħaqad mal-kisba ta’ ħiliet għall-użu fis-suq tax-xogħol. Il-mogħdijiet ta’ politika attiva marbutin ma’ xogħlijiet ta’ servizz fil-komunità għandhom jitmexxew mis-servizzi pubbliċi għall-impjiegi.

Test propost mill-Kummissjoni

Emenda tal-KtR

Tifformula rakkomdazzjonijiet għal istandards kwalitattivi u kwantitattivi li għandhom jilħqu s-servizzi tal-impjieg f’kull pajjiż fuq il-bażi tal-proposti tan-Netwerk Ewropew tas-Servizzi Pubbliċi tal-Impjiegi (stabbilit bid-Deċiżjoni Nru 573/2014/UE tal-Parlament Ewropew u tal-Kunsill tal-15 ta’ Mejju 2014) filwaqt li tiġi prevista l-approprjazzjoni ta’ Fondi Komunitarji għat-tisħiħ tas-servizzi għall-impjiegi.

Test propost mill-Kummissjoni

Emenda tal-KtR

Tagħmel distinzjoni bejn il-qgħad strutturali (fejn kull pajjiż irid juża r-riżorsi proprji tiegħu jew tal-objettiv tematiku tal-FSE dwar “It-tisħiħ tal-kapaċità amministrattiva”) u l-qgħad li jirriżulta minn fażijiet ta’ reċessjoni aktar intensi u mtawla, li, peress li jwasslu għal żidiet sinifikanti fil-livelli tal-qgħad, ikunu ta’ tensjoni akbar għas-servizzi tal-impjiegi.

Tinkoraġixxi lill-Istati Membri biex jikkwantifikaw fuq il-bażi ta’ standards definiti minn qabel, l-appoġġ temporanju addizzjonali meħtieġ mill-istrutturi eżistenti sabiex jindirizzaw l-iskossi ekonomiċi.

Tivvaluta l-possibbiltà li jiġu appoġġjati l-ispejjeż addizzjonali matul ir-rieżami ta’ nofs it-terminu tal-Qafas Finanzjarju Pluriennali. Is-soluzzjonijiet identifikati għandhom ikunu soġġetti għall-adozzjoni u l-implimentazzjoni ta’ riformi biex tittejjeb l-effiċjenza tas-servizzi tal-impjieg pubbliċi u privati fl-Istati Membri u, fil-każijiet u d-direzzjoni identifikati mir-rakkomandazzjonijiet speċifiċi għal kull pajjiż maħruġa fil-kuntest tas-Semestru Ewropew.

Test propost mill-Kummissjoni

Emenda tal-KtR

Tħeġġeġ l-integrazzjoni bejn l-attivitajiet ta’ appoġġ għall-qgħad fit-tul u attivitajiet ta’ appoġġ aktar ġenerali għall-faqar, b’tali mod li fejn l-għan ta’ integrazzjoni mill-ġdid fis-suq tax-xogħol ma jkunx intlaħaq u jkun hemm tnaqqis fil-benefiċċji għall-qgħad, il-persuna qiegħda inkwistjoni madankollu tingħata dħul minimu (naturalment wara li jsir test tal-mezzi) bil-kundizzjoni li l-persuna taċċetta li twettaq servizz komunitarju temporanju b’dimensjoni ta’ taħriġ, maħsub biex iressaq lill-persuni qiegħda lura lejn ix-xogħol filwaqt li tiġi ggarantita l-inklużjoni soċjali.

Test propost mill-Kummissjoni

Emenda tal-KtR

Tevalwa, f’kooperazzjoni mal-Istati Membri u wara konsultazzjoni mal-partijiet interessati kkonċernati, l-azzjoni meħuda bħala segwitu għal din ir-Rakkomandazzjoni, u tirrapporta lill-Kunsill sa … [tliet snin wara l-adozzjoni tar-Rakkomandazzjoni] dwar it-tagħlimiet meħuda.

Tevalwa, f’kooperazzjoni mal-Istati Membri u wara konsultazzjoni mal-partijiet interessati kkonċernati, l-azzjoni meħuda bħala segwitu għal din ir-Rakkomandazzjoni , b’mod partikolari:

u tirrapporta lill-Kunsill sa … [tliet snin wara l-adozzjoni tar-Rakkomandazzjoni] dwar it-tagħlimiet meħuda.