MEMORANDUM TA’ SPJEGAZZJONI

1.           KUNTEST TAL-PROPOSTA

Il-leġiżlazzjoni żooteknika tal-Unjoni għandha l-għan li tippromwovi l-kummerċ ħieles f’annimali għat-tnissil u tal-materjal ġenetiku tagħhom filwaqt li titqies is-sostenibbiltà ta’ programmi tat-tnissil u l-preservazzjoni tar-riżorsi ġenetiċi.

Bħalissa l-leġiżlazzjoni żooteknika tal-Unjoni tikkonsisti f’diversi atti bażiċi (vertikali) speċifiċi għall-ispeċi li jistabbilixxu l-prinċipji fundamentali, partikolarment dwar annimali għat-tnissil tal-ispeċi bovina, porċina, ovina, kaprina u ekwina. Dawn id-Direttivi tal-Kunsill jipprovdu l-bażijiet legali biex il-Kummissjoni tadotta miżuri dettaljati dwar:

– l-approvazzjoni u r-rikonoxximent u l-elenkar tal-organizzazzjonijiet tat-tnissil, l-assoċjazzjonijiet tan-nissiela u l-intrapriżi privati,

– ir-reġistrazzjoni u l-klassifikazzjoni tal-annimali f’reġistri ta’ mrieħel, f’reġistri tal-bhejjem u fil-każ ta’ majjal ibridu għat-tnissil f’reġistri,

– il-kontroll tal-prestazzjoni u l-evalwazzjoni ġenetika u

– għall-kontenut u l-forma taċ-ċertifikati żootekniċi għall-annimali għat-tnissil u s-semen, l-ova u l-embrijuni tagħhom.

Madankollu, ir-rekwiżiti tekniċi ta’ natura identika għall-aċċettazzjoni tal-annimali għat-tnissil għat-tnissil huma attwalment regolati bi tliet Direttivi tal-Kunsill u b'Deċiżjoni tal-Kummissjoni.

Barra minn hekk, l-ebda miżura ta’ implimentazzjoni ma ġiet adottata għad-Direttiva tal-Kunsill 91/174/KEE li tistabbilixxi l-prinċipji ta’ kummerċ fl-annimali għat-tnissil ta’ nisel pur ta’ speċi ta’ annimali oħra.

Direttiva orizzontali kkumplimentata minn miżuri ta' implimentazzjoni tipprovdi regoli dwar importazzjonijiet minn pajjiżi terzi ta’ annimali għat-tnissil u l-prodotti ġerminali tagħhom.

Finalment, Deċiżjoni tal-Kunsill speċifika tipprovdi regoli dwar in-nomina ta’ ċentru ta’ referenza għat-tnissil ta’ annimali bovini.

Din il-proposta fiha tnax-il il-Kapitolu u ħames Annessi tekniċi.

Il-Kapitoli I sa VIII tal-proposta jikkombinaw id-dispożizzjonijiet tad-Direttivi tal-Kunsill 2009/157/KE (annimali bovini), 88/661/KEE (majjal tar-razza u dak ibridu għat-tnissil), 89/361/KEE (nagħaġ u mogħoż), 90/427/KEE (equidae), 91/174/kee (annimali oħra) u 94/28/KE (importazzjonijiet) kif indikat fit-tabella ta’ korrelazzjoni.

B’mod partikolari, il-Kapitolu III fih dispożizzjonijiet li jiddeskrivu r-relazzjoni bejn in-nissiela u s-soċjetajiet tat-tnissil u s-soluzzjoni tat-tilwimiet filwaqt li jqis il-proċeduri li bħalissa huma stabbiliti fid-Deċiżjoni tal-Kummissjoni 92/354/KEE.

B’mod partikolari, il-Kapitolu IV jinkludi d-dispożizzjonijiet dwar l-aċċettazzjoni ta’ annimali għat-tnissil għal skopijiet ta’ tnissil u inseminazzjoni artifiċjali attwalment stabbiliti fid-Direttivi tal-Kunsill 87/328/KEE (bovini), 90/118/KEE (ħnieżer ta' razza pura) u 90/119/KEE (majjal ibridu għat-tnissil), kif indikat fit-tabella ta’ korrelazzjoni, iżda wkoll fid-Deċiżjoni tal-Kummissjoni 90/257/KEE (nagħaġ u mogħoż).

B’mod partikolari, il-Kapitolu V dwar il-kontroll tal-prestazzjoni jinkludi d-dispożizzjonijiet tad-Deċiżjoni tal-Kunsill 96/463/KE li tinnomina l-korp ta’ referenza għal metodi għall-ittestjar ta’ annimali bovini ta’ razza pura.

Il-kapitoli IX u X tal-proposta jistabbilixxu bażi legali għall-eżekuzzjoni ta’ kontrolli uffiċjali fil-qasam żootekniku u l-kooperazzjoni bejn l-awtoritajiet kompetenti, u dan billi jitqiesu l-prinċipji ġenerali applikati għal kontrolli bħal dawn. Dawn id-dispożizzjonijiet ġew inklużi bil-ħsieb ta' Liġi ġdida dwar is-Saħħa tal-Annimali u proposta għal Regolament dwar il-kontrolli uffiċjali u attivitajiet uffiċjali oħra. Minħabba dawn l-inizjattivi legali, il-leġiżlazzjoni dwar il-kontrolli fuq l-annimali u l-prodotti ġerminali tagħhom fil-kummerċ ġewwa l-Unjoni (id-Direttiva tal-Kunsill 90/425/KEE) u fir-rigward tal-importazzjonijiet minn pajjiżi terzi (id-Direttiva tal-Kunsill 91/496/KE) u tal-kooperazzjoni bejn l-awtoritajiet kompetenti (id-Direttiva tal-Kunsill 89/608/KEE) ma tibqax tapplika aktar għall-aspetti żootekniċi. It-test propost qed issegwi mill-qrib b’mod partikolari t-Titolu II dwar il-kontrolli uffiċjali, it-titolu IV dwar l-assistenza amministrattiva, it-Titolu VI dwar il-kontrolli tal-Kummissjoni u t-Titolu VII dwar il-miżuri ta’ infurzar tal-proposta għal Regolament ġdid dwar il-kontrolli uffiċjali u attivitajiet uffiċjali oħra.

Il-Kapitolu XI jirrifletti d-dħul fis-seħħ tat-Trattat ta’ Liżbona, li jesiġi li d-dispożizzjonijiet ta’ awtorizzazzjoni fl-atti bażiċi tal-leġiżlazzjoni żooteknika tal-Unjoni jkunu allineati mal-Artikolu 290 u mal-Artikolu 291 tat-Trattat dwar il-Funzjonament tal-Unjoni Ewropea (TFUE). Għal dan l-għan hemm bżonn li jiġu identifikati s-setgħat delegati meħtieġa skont l-Artikolu 290 tat-TFUE jew is-setgħat ta' implimentazzjoni skont l-Artikolu 291 TFUE għal kull miżura li jkollha tiġi adottata dwar setgħat mogħtija mill-att bażiku.

Il-Kapitolu XII jipprovdi dispożizzjonijiet finali dwar ir-revoki u d-dati ta’ dħul fis-seħħ u applikazzjoni.

L-Anness I (kriterji dettaljati għar-rikonoxximent ta’ soċjetajiet ta’ tnissil u l-approvazzjoni ta’ programmi tat-tnissil) jinkludi d-dispożizzjonijiet stabbiliti attwalment fl-Annessi mad-Deċiżjonijiet tal-Kummissjoni 84/247/KEE (bovini), 89/501/KEE (majjal ta’ razza pura), (89/504/KEE) (majjal ibridu għat-tnissil), 90/257/KEE (nagħaġ u mogħoż) u Nru 92/353/KEE (equidae).

L-Anness II (kriterji dettaljati għall-inklużjoni ta' annimali għat-tnissil fil-kotba tat-tnissil) jinkludi d-dispożizzjonijiet stabbiliti attwalment fid-Deċiżjonijiet tal-Kummissjoni 84/419/KEE (bovini), 89/502/KEE (majjal ta’ razza pura), (89/505/KEE) (majjal ibridu għat-tnissil), 90/255/KEE (nagħaġ u mogħoż) u Nru 96/78/KE (equidae).

L-Anness III (kriterji dettaljati għall-kontroll tal-prestazzjoni u tal-ivvalutar ġenetiku) jinkludi d-dispożizzjonijiet li attwalment huma stipulati fid-Deċiżjonijiet tal-Kummissjoni 2006/427/KE (bovini), 89/507/KEE (majjal tar-razza u dak ibridu għat-tnissil) u 90/256/KEE (nagħaġ u mogħoż).

L-Anness IV (funzjonijiet u doveri ta’ Ċentri ta’ Referenza tal-UE) jirrifletti l-Anness II għad-Deċiżjoni tal-Kunsill 96/463/KE.

L-Anness V (ċertifikat żootekniku) jinkludi r-rekwiżiti ta’ informazzjoni ewlenin li attwalment huma stipulati fl-Annessi mad-Deċiżjonijiet tal-Kummissjoni 2005/379/KE (bovini), 89/503/KEE (majjal ta’ razza pura għat-tnissil), 89/506/KEE (majjal ibridu għat-tnissil), 90/258/KEE (nagħaġ u mogħoż), 96/79/KE (equidae), 96/509/KE (importazzjonijiet ta’ semen ta’ annimali bovini, porċini, ovini u kaprini u speċi) u 96/510/KE (importazzjonijiet ta’ annimali għat-tnissil, semen, ova u embrijuni).

2.           RIŻULTATI TA’ KONSULTAZZJONIJIET MAL-PARTIJIET INTERESSATI U VALUTAZZJONIJIET TAL-IMPATTI

Il-prinċipji bażiċi u r-regoli ewlenin tal-leġiżlazzjoni żooteknika tal-Unjoni wrew li huma adegwati u adattati biżżejjed għall-iżviluppi tekniċi fil-qasam tat-tnissil tal-annimali u għalhekk inżammu fil-proposta. Madankollu, minħabba li l-leġiżlazzjoni żooteknika attwali tal-Unjoni hija organizzata vertikalment skont l-ispeċi, id-dispożizzjonijiet kważi identiċi ġew simplifikati, abbozzati b’mod aktar preċiż u f'lingwa konsistenti fil-format ta’ Regolament, sabiex jiġu evitati ostakli għall-kummerċ li jirriżultaw minn traspożizzjoni nazzjonali.

Matul l-aħħar għoxrin sena, il-Kummissjoni kellha laqgħat regolari mal-Istati Membri biex tiddiskuti kwistjonijiet żootekniċi fil-Kumitat Permanenti dwar iż-Żooteknika, u hekk ġiet żviluppata l-leġiżlazzjoni. L-attivitajiet transkonfinali ta’ soċjetajiet tat-tnissil approvati baqgħu kwistjoni kontroversjali minħabba li ċerti Stati Membri ġibdu l-attenzjoni dwar differenzi fit-traspożizzjoni nazzjonali tad-Direttivi sottostanti. Din is-sitwazzjoni baqgħet hekk sal-aħħar laqgħa tal-grupp ta’ ħidma żooteknika fi Frar 2012 fejn il-kontenut prinċipali, l-istruttura u l-elementi ġodda tal-proposta ġew ippreżentati u diskussi.

Barra minn hekk, il-Kummissjoni ilha tittratta bosta problemi mqajma min-nissiela, minn soċjetajiet tat-tnissil u l-awtoritajiet kompetenti minħabba interpretazzjoni differenti tad-dispożizzjonijiet eżistenti mill-awtoritajiet kompetenti fl-Istati Membri. Il-Kummissjoni għalhekk hi ferm konxja mill-ħtiġijiet tas-settur tat-tnissil tal-annimali u tal-awtoritajiet kompetenti tas-sorveljanza.

Id-dispożizzjonijiet proposti dwar kontrolli uffiċjali fil-qasam żootekniku huma totalment allinjati, bl-adattamenti neċessarji, għal dawk proposti, u dan wara konsultazzjoni intensiva mal-partijiet interessati min-naħa tal-Kummissjoni għal Regolament dwar kontrolli uffiċjali u attivitajiet fil-qasam veterinarju.

3.           ELEMENTI LEGALI TAL-PROPOSTA

Ir-regolament propost jipprovdi f’qafas legali wieħed il-prinċipji ta’ rikonoxximent u elenkar ta’ organizzazzjonijiet tat-tnissil, assoċjazzjonijiet ta’ nissiela u impriżi privati, l-approvazzjoni tal-programmi tagħhom tat-tnissil, id-dħul ta’ annimali f’reġistri ta’ mrieħel, f’reġistri tal-bhejjem u l-klassifikazzjoni tagħhom skont il-mertu, ir-reġistrazzjoni ta’ ħnieżer tat-tnissil ibridi f’reġistri, il-kontroll tal-prestazzjoni u l-evalwazzjoni tal-valur ġenetiku, kif ukoll iċ-ċertifikati żootekniċi għal annimali u semen, bajd u embrijuni.

Flimkien ma’ dan, huwa jipprovdi regoli dwar importazzjonijiet minn pajjiżi terzi ta’ annimali għat-tnissil, is-semen, il-bajd u l-embrijuni tagħhom, u l-indikazzjoni ta’ ċentri ta’ referenza għat-tnissil tal-annimali.

F’dan ir-Regolament huma stabbiliti dispożizzjonijiet biex isiru kontrolli uffiċjali u eżamijiet żootekniċi u biex jinħallu kunflitti li jinqalgħu meta eżamijiet żootekniċi jikxfu nuqqas ta’ konformità ma’ rekwiżiti żootekniċi.

Madankollu, ir-regoli proposti hawnhekk jirriflettu dawk stabbiliti fil-proposta tal-Kummissjoni għal Regolament ġdid dwar il-kontrolli uffiċjali li qed jiġi diskuss bħalissa fil-Parlament Ewropew u fil-Kunsill. Sabiex tipprevjeni inkonsistenzi bejn iż-żewġ testi u sabiex tiżgura approċċ armonizzat fil-qasam tal-kontrolli, il-Kummissjoni se tkun qed tosserva mill-qrib l-evoluzzjoni tad-diskussjonijiet dwar iż-żewġ testi, u meta jkun il-waqt se tagħmel il-proposti neċessarji sabiex tiżgura li d-dispożizzjonijiet dwar il-kontrolli uffiċjali fil-qasam taż-żooteknika jiġu inklużi fir-Regolament li ġej dwar il-kontrolli uffiċjali.

Ir-Regolament propost jipprovdi l-bażi legali għall-adozzjoni ta’ miżura delegata u ta' implimentazzjoni, skont l-Artikoli 290 u 291 tat-Trattat dwar il-Funzjonament tal-Unjoni Ewropea, u b’mod partikolari jwaqqaf Kumitat Żootekniku Permanenti.

4.           IMPLIKAZZJONI BAĠITARJA

Xejn.

5.           ELEMENTI FAKULTATTIVI

Xejn.

2014/0032 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

dwar il-kondizzjonijiet żootekniċi u ġenealoġiċi għall-kummerċ u l-importazzjonijiet fl-Unjoni ta’ annimali għat-tnissil u tal-prodotti ġerminali tagħhom

(Test b'rilevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 42 u l-Artikolu 43(2) tiegħu,

Wara li kkunsidraw il-proposta mill-Kummissjoni Ewropea[1],

Wara t-trażmissjoni tal-abbozz tal-att leġiżlattiv lill-Parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew[2],

Wara li kisbu l-opinjoni tal-Kumitat tar-Reġjuni[3],

Filwaqt li jaġixxu skont il-proċedura leġiżlattiva ordinarja,

Billi:

(1)       It-tnissil ta’ annimali domestiċi tal-ispeċi bovina, porċina, ovina, kaprina u ekwina, u f’livell anqas it-tnissil ta’ annimali ta’ speċi oħra, għandu post importanti fl-agrikoltura tal-Unjoni u huwa għajn ta’ dħul għall-komunità agrikola. It-tnissil ta’ annimali ta’ dawk l-ispeċi jkun inkuraġġit l-aktar jekk jintużaw annimali ta' razza pura għat-tnissil jew ħnieżer tat-tnissil ibridi ta’ kwalità ġenetika għolja reġistrata.

(2)       L-Istati Membri, għalhekk, għamlu ħilithom b’mod konsistenti, bħala parti mill-politika agrikola tagħhom, biex jippromwovu, xi minn daqqiet permezz ta’ investiment pubbliku, il-produzzjoni ta’ bhejjem ta’ karatteristika ġenetika partikolari li tissodisfa standards ta’ prestazzjoni definiti. Disparitajiet bejn dawk l-istandards għandhom il-potenzjal li joħolqu ostakli tekniċi għall-kummerċ tal-annimali għat-tnissil u l-prodotti ġerminali tagħhom u l-importazzjonijiet tagħhom fl-Unjoni.

(3)       Id-Direttiva tal-Kunsill 88/661/KEE tad-19 ta’ Diċembru 1988 dwar l-istandards żootekniċi applikabbli għal tnissil ta’ annimali tal-ispeċi tal-majjal[4], id-Direttiva tal-Kunsill 89/361/KEE tat-30 ta’ Mejju 1989 li tikkonċerna n-nagħaġ u l-mogħoż tar-razza għat-tagħmir[5], id-Direttiva tal-Kunsill 90/427/KEE tas-26 ta’ Ġunju 1990 dwar il-kondizzjonijiet żootekniċi u ġenealoġiċi li jirregolaw kummerċ intra-Komunitarju f’equidae[6], id-Direttiva tal-Kunsill 91/174/KEE tal-25 ta’ Marzu 1991 li tistabbilixxi l-ħtiġiet żootekniċi u tar-razza għall-tqegħid fis-suq tal-annimali ta' razza pura u li temenda d-Direttivi 77/504/KEE u 90/425/KEE[7], id-Direttiva tal-Kunsill 94/28/KE tat-23 ta’ Ġunju 1994 li tniżżel il-prinċipji dwar il-kondizzjonijiet żootekniċi u ġenealoġiċi applikabbli għall-importazzjonijiet minn pajjiżi terzi tal-annimali, is-semen, l-ova u l-embrijoni tagħhom, u li temenda d-Direttiva 77/504/KEE dwar l-annimali ta' razza pura tal-ispeċi bovina[8] u d-Direttiva tal-Kunsill 2009/157/KE tat-30 ta’ Novembru 2009 dwar l-annimali tal-ispeċi tal-bovini[9] ta’ razza pura għat-tnissil jipprovdu l-qafas legali għal leġiżlazzjoni tal-Unjoni dwar it-tnissil ta’ anninali ta' razza pura għat-tnissil tal-ispeċi bovina, porċina, ovina, kaprina u ekwina u ta’ ħnieżer tat-tnissil ibridi. L-għan ta' dawn id-Direttivi huwa l-iżvilupp tat-tnissil tal-bhejjem fl-Unjoni, filwaqt li fl-istess ħin jirregolaw il-kummerċ u l-importazzjonijiet fl-Unjoni ta’ annimali għat-tnissil u l-prodotti ġerminali tagħhom u b’hekk iżommu l-kompetittività tas-settur f’annimali għat-tnissil u fil-prodotti ġerminali tagħhom fl-Unjoni.

(4)       Id-Direttiva tal-Kunsill 87/328/KEE tat-18 ta’ Ġunju 1987 dwar l-aċċettazzjoni għall-iskopijiet tat-tnissil ta’ bhejjem tal-ifrat tar-refgħa ta’ razza pura[10], id-Direttiva tal-Kunsill 90/118/KEE tal-5 ta’ Marzu 1990 fuq l-aċċettazzjoni ta’ nisel pur tal-majjali tal-ifrat[11] u d-Direttiva tal-Kunsill 90/119/KEE tal-5 ta’ Marzu 1990 dwar it-tnissil minn razza differenti tal-majjali tal-ifrat[12] kienu adottati biex ma jħallux ikun hemm regoli nazzjonali b’rabta mal-aċċettazzjoni għal finijiet tat-tnissil ta’ annimali għat-tnissil tal-ispeċi bovina u porċina u mal-produzzjoni u l-użu tas-semen, l-ooċiti u l-embrijuni tagħhom li jikkostitwixxu projbizzjoni jew restrizzjoni fuq il-kummerċ fl-Unjoni jew ostakolu għalih kemm jekk fil-każ ta’ servizzi naturali, inseminazzjoni artifiċjali jew il-ġbir ta’ semen, ooċiti jew embrijuni.

(5)       Abbażi tad-Direttivi msemmijin fil-premessa 3, il-Kummissjoni, wara li kkonsultat mal-Istati Membri fil-qafas tal-Kumitat Żootekniku Permanenti mwaqqaf skont id-Deċiżjoni tal-Kunsill 77/505/KEE tal-25 ta’ Lulju 1977 li twaqqaf Kumitat Żootekniku Permanenti[13], adottat għadd ta’ deċiżjonijiet li jipprovdu kriterji speċifiċi għal speċi għall-approvazzjoni jew ir-rikonoxximent ta’ organizzazzjonijiet tat-tnissil u assoċjazzjonijiet ta’ nissiela (minn hawn 'il quddiem "soċjetajiet tat-tnissil"), id-dħul ta’ annimali għat-tnissil f’reġistri ta’ mrieħel, f’reġistri tal-bhejjem (minn hawn 'il quddiem "kotba tat-tnissil"), l-aċċettazzjoni ta’ annimali ekwini ta’ razza pura għat-tnissil u inseminazzjoni artifiċjali, għall-kontroll tal-prestazzjoni u evalwazzjoni ġenetika u t-twaqqif ta’ ċertifikati ta’ pedigree għall-kummerċ f’annimali għat-tnissil.

(6)       Il-Kummissjoni stabbiliet ukoll lista ta’ korpi tat-tnissil f’pajjiżi terzi u ċ-ċertifikati mudell ta’ pedigree għal importazzjonijiet fl-Unjoni ta’ annimali għat-tnissil, u s-semen, l-ooċiti u l-embrijuni tagħhom.

(7)       Il-leġiżlazzjoni tal-Unjoni dwar it-tnissil ta’ annimali ikkontribwiet ukoll għall-preservazzjoni ta’ riżorsi ġenetiċi ta’ annimali, għall-protezzjoni tal-bijodiversità ġenetika u għall-produzzjoni ta’ kwalità tipika li joqogħdu fuq il-karatteristiċi ereditarji speċifiċi ta’ razez lokali ta’ annimali domestiċi.

(8)       Id-Direttivi 88/661/KEE, 89/361/KEE, 90/427/KEE, 91/174/KEE, 94/28/KE u 2009/157/KE jixxiehbu ħafna fl-istruttura u l-kontenut. Diversi minn dawk id-Direttivi kienu emendati tul iż-żmien. Fl-interessi tas-sempliċità u l-konsistenza tal-leġiżlazzjoni tal-Unjoni, ikun xieraq li jkunu ssimplifikati r-regoli tal-Unjoni li hemm fihom.

(9)       Matul l-aħħar għoxrin sena l-Kummissjoni kellha twieġeb għal għadd sinifikanti ta’ lmenti mqajma minn nissiela u organizzazzjonijiet tat-tnissil b’rabta mat-traspożizzjoni u l-interpretazzjoni nazzjonali tal-liġi tal-Unjoni dwar tnissil ta’ annimali fi Stati Membri differenti. Biex tkun żgurata l-applikazzjoni uniformi tar-regoli tal-Unjoni dwar annimali għat-tnissil u biex ikunu evitati ostakoli għall-kummerċ f’annimali għat-tnissil u l-prodotti ġerminali tagħhom li jiġu minn diverġenzi fit-traspożizzjoni nazzjonali ta’ Direttivi, il-leġiżlazzjoni tal-Unjoni dwar kondizzjonijiet żootekniċi u ġenealoġiċi għal kummerċ fi u l-importazzjonijiet fl-Unjoni ta’ annimali għat-tnissil u fi prodotti ġerminali tagħhom għandha titniżżel f’Regolament.

(10)     Flimkien ma’ dan, l-esperjenza wriet li biex titħaffef l-applikazzjoni tar-regoli pprovduti f’dawk id-Direttivi għadd ta’ dispożizzjonijiet jeħtieġ ikollhom kliem aktar preċiż u terminoloġija aktar konsistenti. Fl-interessi taċ-ċarezza u l-konsistenza tal-leġiżlazzjoni tal-Unjoni, ikun jixraq ukoll li jingħataw aktar definizzjonijiet.

(11)     Iżda t-terminu "razza" għandu jibqa’ kunċett legali mhux iddeterminat li jħalli lil soċjetajiet ġenealoġiċi jiddeskrivu l-grupp ta’ annimali ta’ uniformità ġenetika suffiċjenti li huma jqisu bħala distinti minn annimali oħra ta’ dik l-ispeċi u li jdaħħluhom bl-axxendenti magħrufin tagħhom f’kotba tat-tnissil biex jirriproduċu l-karatteristiċi ġenotipiċi tagħhom permezz ta’ riproduzzjoni, skambju u għażla fil-qafas ta’ programm tat-tnissil stabbilit.

(12)     Dan ir-Regolament għandu jistabbilixxi r-regoli dwar il-kummerċ fi u l-importazzjonijiet fl-Unjoni ta’ annimali għat-tnissil u l-prodotti ġerminali tagħhom u l-importazzjoni tagħhom fl-Unjoni għall-promozzjoni ta’ programmi vijabbli tat-tnissil għat-titjib ta’ razez u għall-preservazzjoni tal-bijodiversità ġenetika ta’ annimali domestiċi.

(13)     Għaldaqstant ir-regoli dwar anninali ta' razza pura għat-tnissil stabbiliti f’dan ir-Regolament għandu jkollhom l-għan li jingħata aċċess għal kummerċ abbażi ta’ prinċipji maqbula applikabbli għar-rikonoxximent ta’ soċjetajiet ġenealoġiċi li jiġġestixxu razez u għall-approvazzjoni tal-programmi tat-tnissil rispettivi tagħhom. Dan ir-Regolament għandu jistabbilixxi wkoll kriterji li jirregolaw id-dħul ta’ annimali ta' razza pura għat-tnissil fil-klassijiet differenti tat-taqsima ewlenija ta’ kotba tat-tnissil, regoli għall-kontroll tal-prestazzjoni, l-evalwazzjoni ġenetika u l-aċċettazzjoni għal tnissil li huma riflessi fi proċeduri uniformi ta’ ċertifikazzjoni.

(14)     Bl-istess mod, ir-regoli dwar il-majjal ibridu għat-tnissil stabbiliti f’dan ir-Regolament għandu jkollhom l-għan li jingħata aċċess għal kummerċ abbażi ta’ prinċipji maqbula applikabbli għar-rikonoxximent ta’ operazzjonijiet tat-tnissil li jimmaniġġjaw inkroċjar fir-razez differenti ta' majjal ibridu għat-tnissil u għall-approvazzjoni tal-programmi tat-tnissil rispettivi tagħhom. Dan ir-Regolament għandu jistabbilixxi wkoll kriterji li jirregolaw id-dħul ta’ majjal ibridu għat-tnissil fit-taqsima ewlenija ta’ kotba tat-tnissil, regoli għall-kontroll tal-prestazzjoni, l-evalwazzjoni ġenetika u l-kriterji għall-aċċettazzjoni tat-tnissil tal-majjal ibridu għat-tnissil li huma riflessi fi proċeduri uniformi ta’ ċertifikazzjoni.

(15)     Minħabba li l-objettiv ta’ dan ir-Regolament, jiġifieri li jkun żgurat approċċ armonizzat għall-kummerċ u l-importazzjonijiet fl-Unjoni ta’ annimali għat-tnissil u tal-prodotti ġerminali tagħhom u għall-kontrolli uffiċjali li jkun meħtieġ li jsiru għal programmi tat-tnissil imwettqin minn soċjetajiet ġenealoġiċi u operazzjonijiet tat-tnissil, ma jistax jinkiseb b’mod suffiċjenti mill-Istati Membri f’livell nazzjonali u jista’, għalhekk, minħabba l-effett, il-kumplessità, il-karattru transkonfinali u internazzjonali tiegħu, ikun jista’ jinkiseb aħjar f’livell tal-Unjoni, l-Unjoni tista’ tadotta miżuri, skont il-prinċipju tas-sussidjarjetà kif imsemmi fl-Artikolu 5 tat-Trattat tal-Unjoni Ewropea. Minħabba li l-kamp ta’ applikazzjoni ta’ dan ir-Regolament huwa limitat għal dak li huwa meħtieġ biex jinkisbu l-objettivi tiegħu, huwa jħares ukoll il-prinċipju tal-proporzjonalità kif imsemmi fl-Artikolu 5(4) ta’ dak it-Trattat.

(16)     Il-kwalità tas-servizzi pprovduti minn soċjetajiet ġenealoġiċi u operazzjonijiet tat-tnissil u l-mod kif huma jevalwaw u jikklassifikaw annimali għandha impatt fuq il-valur ta’ annimali għat-tnissil fis-suq. Għaldaqstant, għandhom ikunu stabbiliti regoli għar-rikonoxximent ta’ soċjetajiet ġenealoġiċi u ta’ operazzjonijiet tat-tnissil abbażi ta’ kriterji armonizzati tal-Unjoni u tas-superviżjoni tagħhom mill-awtorità kompetenti tal-Istati Membri biex ikun żgurat li r-regoli stabbiliti minnhom ma joħolqux disparitajiet bejn programmi tat-tnissil u standards tat-tnissil u b’hekk jinħolqu ostakoli tekniċi għall-kummerċ fl-Unjoni.

(17)     Proċeduri simili għal dawk stabbiliti fid-Direttivi 88/661/KEE, 89/361/KEE, 90/427/KEE, 91/174/KEE, 94/28/KE u 2009/157/KE għall-elenkar ta’ soċjetajiet ġenealoġiċi rikonoxxuti u operazzjonijiet tat-tnissil, inklużi l-aġġornament, it-trażmissjoni u l-pubblikazzjoni tal-listi, għandhom ikunu pprovduti f’dan ir-Regolament.

(18)     Id-dritt ta' rikonoxximent ta' soċjetà tat-tnissil jew ta' operazzjoni tat-tnissil li tissodisfa l-kriterji stabbiliti hija prinċipju fundamentali tal-leġiżlazzjoni żooteknika tal-Unjoni. Il-ħarsien tal-attività ekonomika ta' soċjetà tat-tnissil diġà rikonoxxuta m'għandux jibqa' jiġġustifika l-oġġezzjoni min-naħa tal-awtorità kompetenti li tirrikonoxxi soċjetà tat-tnissil oħra għall-istess razza. L-istess jgħodd għall-approvazzjoni tal-estensjoni ġeografika ta' programm tat-tnissil li jitwettaq fuq l-istess razza jew fuq annimali għat-tnissil li jistgħu jingħażlu minn fost il-popolazzjoni tat-tnissil tas-soċjetà tat-tnissil eżistenti. Iżda l-awtorità kompetenti għandu jkollha l-bażi legali li tirrifjuta rikonoxximent jew approvazzjoni meta jkun hemm jew riskju sustanzjat li rikonoxximent bħal dak jippreġudika l-preservazzjoni ta’ razza rari jew jippreġudika l-protezzjoni tad-diversità ġenetika.

(19)     Minħabba li l-preservazzjoni ta’ razez rari teħtieġ li jkunu stabbiliti u rrikonoxxuti soċjetajiet ġenealoġiċi b’għadd limitat ta’ annimali għat-tnissil fil-kotba tat-tnissil tagħhom, l-għadd ta’ annimali għat-tnissil imdaħħal f’kotba tat-tnissil m’għandux b’mod ġenerali jkun kondizzjoni essenzjali għar-rikonoxximent ta’ soċjetà tat-tnissil, u l-approvazzjoni tal-programm tat-tnissil tagħha, anki aktar mir-rikonoxximent, titwettaq nazzjonalment filwaqt li annimali għat-tnissil adatti setgħu jkunu ddaħħlu f’kotba tat-tnissil fi Stati Membri oħra jew f’pajjiżi terzi.

(20)     Soċjetajiet ġenealoġiċi u operazzjonijiet tat-tnissil rikonoxxuti fi Stat Membru wieħed għandu jkollhom il-possibbiltà jimplimentaw il-programm approvat tat-tnissil tagħhom fi Stat Membru wieħed ieħor jew aktar biex ikun żgurat l-aqwa użu li jista’ jkun hemm ta’ annimali għat-tnissil ta’ valur ġenetiku għoli bħala fattur importanti ta’ produzzjoni fl-Unjoni. Għal dan l-għan proċedura sempliċi ta’ notifika għandha tiżgura li l-awtorità kompetenti fl-Istat Membru l-ieħor tkun taf dwar l-attività maħsuba.

(21)     Biex ma jkunx hemm konflitti għall-ġejjieni bejn soċjetajiet ġenealoġiċi li jfittxu li jipprovdu s-servizzi tagħhom lil nissiela u awtoritajiet li jirrifjutaw rikonoxximent ta’ soċjetajiet ġenealoġiċi ġodda li jikkompetu ma’ oħrajn eżistenti kien meħtieġ li r-rikonoxximent formali tas-soċjetà tat-tnissil jew tal-organizzazzjoni tat-tnissil jinfired mill-approvazzjoni tal-programm tat-tnissil maħsub.

(22)     Minn diversi lmenti li l-Kummissjoni kellha tittratta matul l-aħħar snin jidher li dan ir-Regolament għandu jipprovdi regoli ċari li jirregolaw ir-relazzjoni bejn is-soċjetà tat-tnissil li tistabbilixxi reġistru tad-dixxendenti għaż-żwiemel tar-razza għal razza partikolari ta’ anninali ta' razza pura għat-tnissil tal-ispeċi ekwini u organizzazzjoni li tgħid li l-ktieb tat-tnissil tal-oriġini ta’ dik ir-razza jkun tagħha.

(23)     Il-Kummissjoni għandu jkollha s-setgħa tadotta atti delegati li jemendaw l-Anness I biex tadatta l-kriterji għar-rikonoxximent ta’ soċjetajiet ġenealoġiċi u operazzjonijiet tat-tnissil u għall-approvazzjoni ta’ programmi tat-tnissil għal żviluppi fis-settur tat-tnissil.

(24)     Huwa meħtieġ li tkun iċċarata r-relazzjoni bejn nissiela u soċjetajiet ġenealoġiċi u operazzjonijiet tat-tnissil l-aktar biex ikun żgurat id-dritt tagħhom ta’ prinċipju ta’ sħubija f’soċjetajiet ġenealoġiċi u li operazzjonijiet tat-tnissil jieħdu sehem fil-programm tat-tnissil fiż-żona ġeografika fejn jitwettaq. Soċjetajiet ġenealoġiċi għandu jkollhom regoli li ma jħallux ikun hemm diskriminazzjoni kontra nissiela minħabba l-oriġini tagħhom u għandhom jipprovdu minimu ta’ servizz.

(25)     L-esperjenza miksuba, partikolarment fl-applikazzjoni tad-Direttiva 90/427/KEE, u limitatament anqas tad-Direttivi 89/361/KEE u 2009/157/KE, tindika li hemm ħtieġa ta’ aktar regoli preċiżi għas-soluzzjoni effikaċi ta’ tilwimiet bejn nissiela minn naħa waħda u soċjetajiet ġenealoġiċi minn naħa oħra abbażi ta’ regoli ta’ proċedura stabbiliti b’mod ċar u ta’ drittijiet u dmirijiet deskritti ta’ membri. Dan jintlaħaq l-aħjar jekk il-kwistjonijiet jiġu riżolti fis-sistema legali tal-istati Membri fejn iqumu l-istess kwistjonijiet. Il-Kummissjoni għanha tkun involuta biss fil-kwistjonijiet li jqumu bejn dawk l-entitajiet li jinsabu fi Stati Membri differenti u li ma jistgħux jiġu riżolti b'mod effettiv permezz tas-sistemi legali tal-Istati Membri fejn qiumu l-istess kwistjonijiet.

(26)     Soċjetajiet ġenealoġiċi li jistabbilixxu u jżommu kotba tat-tnissil għal anninali ta' razza pura għat-tnissil tal-ispeċi bovina, porċina, ovina, kaprina u ekwina u operazzjonijiet tat-tnissil li jistabbilixxu u jżommu reġistri ta’ razez għal ħnieżer tat-tnissil ibridi għandhom idaħħlu fil-kotba tat-tnissil u fir-reġistri ta’ razez tagħhom annimali għat-tnissil mingħajr diskriminazzjoni fir-rigward tal-Istat Membru ta’ oriġini tal-annimali jew ta’ sidhom u jikklassifikaw fejn ikun previst fil-programm tat-tnissil dawk l-annimali skont il-merti tagħhom.

(27)     Soċjetajiet ġenealoġiċi għandhom jitħallew ukoll jistabbilixxu taqsimiet supplimentari biex jaġġornaw fil-programm tat-tnissil tagħhom dawk l-annimali li ma jissodisfawx il-kriterji għal anninali ta' razza pura għat-tnissil tar-razza konċernata.

(28)     Iżda soċjetajiet ġenealoġiċi li jżommu kotba tat-tnissil għal ċerti anninali ta' razza pura għat-tnissil tal-ispeċi ekwina għandhom jitħallew ikomplu jistabbilixxu kriterji għal dħul f’dawk il-kotba tat-tnissil ta’ annimali ekwini ta’ razza pura tal-ispeċi ekwina abbażi tal-ħtieġa li jkun irregolarizzat id-dħul ta’ annimali ekwini bħal dawn meta jkunu prodotti bl-użu ta’ metodi ta’ riproduzzjoni artifiċjali.

(29)     Bl-eċċezzjoni tal-equidae, l-annimali kollha tat-tnissil ta’ razza pura jiddaħħlu f’kotba tat-tnissil skont il-leġiżlazzjoni tal-unjoni dwar is-saħħa tal-annimali fejn tidħol l-identifikazzjoni. Fil-każ ta’ anninali ta' razza pura għat-tnissil tal-ispeċi ekwina, soċjetajiet ġenealoġiċi jagħmlu wkoll l-identifikazzjoni ta’ żwiemel u ħmir li huma jdaħħlu jew jirreġistraw għal dħul fil-kotba tat-tnissil tagħhom u joħorġu dokumenti ta’ identifikazzjoni (passaporti). B’hekk huma jagħtu servizz mhux biss lil nissiela, iżda wkoll lill-awtorità kompetenti responsabbli għall-identifikazzjoni u reġistrazzjoni ta’ annimali ta’ rziezet. Iżda din is-sistema wasslet biex inħolqu ħafna korpi ta’ ħruġ ta’ passaporti li wrew bil-provi li kienu jikkumplikaw kontrolli uffiċjali dwar konformità mal-leġiżlazzjoni tal-Unjoni dwar l-iġjene alimentari u mediċini veterinarji f’dawk il-każijiet fejn informazzjoni essenzjali ma kinitx tista’ tinkiseb faċilment minn awtoritajiet veterinarji kompetenti, pereżempju fin-nuqqas ta’ database ċentrali, nuqqas ta’ ħarsien ta’ standards għoljin komuni għall-kwalità tad-dokumenti ta’ identifikazzjoni u nuqqas ta’ superviżjoni uffiċjali. Huwa, għalhekk, meħtieġ li anki anninali ta' razza pura għat-tnissil tal-ispeċi ekwina jiddaħħlu fil-kotba tat-tnissil rispettivi tagħhom skont l-identifikazzjoni tagħhom ta’ saħħa tal-annimali, filwaqt li tingħata l-possibbiltà lil awtoritajiet veterinarji kompetenti li jiddelegaw taħt ċerti kondizzjonijiet lil soċjetajiet ġenealoġiċi rikonoxxuti il-ħruġ uffiċjali ta’ dokumenti ta’ identifikazzjoni għal anninali ta' razza pura għat-tnissil tal-ispeċi ekwina.

(30)     Biex ikun żgurat li l-kondizzjonijiet għal dħul fil-kotba tat-tnissil ta’ anninali ta' razza pura għat-tnissil u li r-reġistrazzjoni ta’ ħnieżer tat-tnissil ibridi f’reġistri ta’ razez ikunu jistgħu jiġu adattati għal żviluppi fis-settur tat-tnissil il-Kummissjoni għandu jkollha s-setgħa li tadotta atti delegati biex temenda l-Anness II b’dan il-mod.

(31)     L-aċċettazzjoni ta’ annimali għat-tnissil għal finijiet tat-tnissil, għal servizz naturali jew għal riproduzzjoni assistita għandha tkun irregolata f’livell tal-Unjoni biex ma jkunx hemm ostakoli għall-kummerċ, l-aktar meta annimali għat-tnissil bħal dawn ikun sarilhom kontroll tal-prestazzjoni jew evalwazzjoni ġenetika magħmulin skont ir-regoli stabbiliti f’dan ir-Regolament u b’mod partikolari fl-Anness III tiegħu.

(32)     Filwaqt li r-regoli għall-kontroll tal-prestazzjoni u l-evalwazzjoni ġenetika kienu stabbiliti fil-livell tal-Unjoni għal annimali għat-tnissil tal-ispeċi bovina, porċina, ovina u kaprina b’karatteristiċi limitati, ir-rekwiżiti versatili għal razez, użijiet u għażliet differenti ta’ anninali ta' razza pura għat-tnissil tal-ispeċi ekwina sal-lum żammew milli ssir l-armonizzazzjoni tagħhom. Minflok, ir-regoli speċifiċi għar-razza fejn jidħol il-kontroll tal-prestazzjoni u l-evalwazzjoni ġenetika bħalissa huma stabbiliti mir-reġistru għaż-żwiemel tar-razza dwar l-oriġini tar-razza.

(33)     Il-kummissjoni għandha tingħata s-setgħa li tistabbilixxi l-kundizzjonijiet għall-kontroll tal-prestazzjoni u l-evelwazzjoni ġenetika anki għall-annimali għat-tnissil ta' razza pura tal-ispeċi ekwini u biex temenda l-kundizzjonijiet attwali fl-Anness III biex jitqiesu l-avvanzi tekniċi u xjentifiċi jew l-iżviluppi fl-ambjent legali li jinfluwenzaw il-kontrolli, bħalma hu r-Regolament tal-Kunsill (KE) Nru 1234/2007 tat- 22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament Waħdieni dwar l-OKS)[14], jew biex jinkludu, b'talba tal-Istati Membri, il-kundizzjonijiet dwar il-kontroll tal-prestazzjoni u l-evalwazzjoni ġenetika għall-annimali għat-tnissil ta' razza pura tal-ispeċi ekwini.

(34)     Il-kontroll tal-prestazzjoni u l-evalwazzjoni ġenetika jistgħu jsiru minn istituzzjonijiet nominati mis-soċjetà tat-tnissil jew mill-operazzjoni tat-tnissil. Dawk l-istituzzjonijiet nominati għandhom jikkooperaw maċ-ċentri ta’ referenza tal-Unjoni Ewropea nominati mill-Kummissjoni. Il-Kummissjoni għandha, għalhekk, ikollha s-setgħa tinnomina permezz ta’ atti implimentattivi ċentri ta’ referenza tal-Unjoni Ewropea, u għandhom jingħataw is-setgħat meħtieġa lill-Kummissjoni biex tadotta atti delegati li jiddeskrivu d-dmirijiet u l-funzjonijiet tagħhom, meta jkun meħtieġ billi jkun emendat l-Anness IV. Dawk iċ-ċentri ta’ referenza jikkwalifikaw għal għajnuna mill-Unjoni skont id-Deċiżjoni tal-Kunsill 2009/470/KE tal-25 ta’ Mejju 2009 dwar in-nefqa fil-kamp veterinarju[15]. Fil-każ ta’ anninali ta' razza pura għat-tnissil tal-speċi bovina, il-kontroll tal-prestazzjoni u l-evalwazzjoni ġenetika magħmulin minn soċjetà tat-tnissil huma bħalissa megħjunin mill-Interbull Centre, mill-korp ta’ referenza tal-Unjoni Ewropea nominat bid-Deċiżjoni tal-Kunsill 96/463/KE tat-23 ta’ Lulju 1996 li tinnomina l-korp ta’ riferenza responsabbli biex jikkollabora ħalli jagħmel l-istess il-metodi tal-ittestjar u l-evalwazzjoni tar-riżultati għal annimali ekwini ta’ razza pura tal-ispeċi tal-bovini[16]

(35)     Minħabba li hemm dispożizzjonijiet dettaljati f’dan ir-Regolament għat-tnissil ta’ annimali tal-ispeċi bovina, porċina, ovina, kaprina u tal-ispeċi ekwina biss, huwa meħtieġ li l-Kummissjoni jkollha s-setgħa tadotta atti delegati dwar ir-rikonoxximent ta’ soċjetajiet ġenealoġiċi, l-approvazzjoni ta’ programmi tat-tnissil, id-dħul ta’ annimali għat-tnissil f’kotba tat-tnissil, il-kontroll tal-prestazzjoni u l-evalwazzjoni ġenetika u l-aċċettazzjoni għal tnissil, kif ukoll tadotta atti implimentattivi għaċ-ċertifikati żootekniċi li jkunu tal-kummerċ fi u l-importazzjonijiet fl-Unjoni ta’ annimali għat-tnissil ta’ speċi oħra jekk dan ikun meħtieġ biex jitneħħaew ostakoli għall-kummerċ.

(36)     L-importazzjoni ta’ annimali għat-tnissil u tal-prodotti ġerminali tagħhom hija essenzjali għall-agrikoltura Ewropea. Importazzjonijiet ta’ annimali għat-tnissil u tal-prodotti ġerminali tagħhom għandhom, għalhekk, isiru f’kondizzjonijiet li jkunu ħafna skont dawk ir-regoli applikabbli għall-kummerċ bejn l-Istati Membri. Madankollu, l-annimali għat-tnissil u l-prodotti ġerminali tagħhom għandhom ikunu intitolati għall-inklużjoni fit-taqsima ewlenija ta' ktieb tat-tnissil jew ta' reġistru tat-tnissil fl-Unjoni kemm-il darba l-livell tal-kontrolli uffiċjali imwettqa fil-pajjiż terz esportatur ikunu żguraw l-istess ċertezza ta' dettalji tar-razza u l-istess riżultati tal-kontroll tal-prestazzjoni u l-evalwazzjoni ġenetika bħal dawk tal-Unjoni. Barra minn dan, il-korpi tat-tnissil fil-pajjiżi terzi għandhom jaċċettaw bħala reċiproċità l-annimali għat-tnissil u l-prodotti ġerminali tagħhom mis-soċjetà tat-tnissil rispettiva u mill-operazzjoni tat-tnissil rikonoxxuti fl-Unjoni.

(37)     Ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana[17] jipprovdi li għandha tkun stabbilita mill-Kummissjoni nomenklatura ta’ merkanzija, jiġifieri ‘in-Nomenklatura Magħquda', jew fil-forma mqassra ‘NM', li tissodisfa f’daqqa r-rekwiżiti tat-Tariffa Doganali Komuni, l-istatistika tal-kummerċ barrani tal-Komunità u politiki oħra tal-Unjoni dwar l-importazzjoni jew l-esportazzjoni ta’ oġġetti. L-Anness I ta’ dak ir-Regolament jelenka l-kodiċijiet tan-NM għal anninali ta' razza pura għat-tnissil tal-ispeċi bovina, porċina, ovina, kaprina u tal-ispeċi ekwina u ta’ semen bovina u jindika li huma jkunu eżentati mir-rata konvenzjonali ta’ dazji. F’dak il-każ, dawk l-annimali u l-prodotti ġerminali tagħhom għandu jkollhom magħhom iċ-ċertifikat żootekniku adatt biex jikkonferma l-klassifikazzjoni tagħhom bħala anninali ta' razza pura għat-tnissil jew bħala prodotti ġerminali tagħhom.

(38)     Malli jidħlu fl-Unjoni dawk l-annimali għat-tnissil u l-prodotti ġerminali tagħhom għandhom jagħmlu mhux biss il-kontrolli veterinarji skont id-Direttiva tal-Kunsill 91/496/KEE tal-15 ta’ Lulju 1991 li tistabbilixxi l-prinċipji li jirregolaw l-organizzazzjoni ta’ kontrolli veterinarji fuq annimali li jidħlu fil-Komunità minn pajjiżi terzi u li temenda d-Direttivi 89/662/KEE, 90/425/KEE u 90/675/KEE[18] u d-Direttiva tal-Kunsill 97/78/KE tat-18 ta’ Diċembru 1997 li tistabbilixxi l-prinċipji li jirregolaw l-organizzazzjoni ta’ kontrolli veterinarji fuq annimali li jidħlu fil-Komunità minn pajjiżi terzi iżda wkoll il-kontrolli żootekniċi meħtiġa msemmija f’dan ir-Regolament[19]. Barra minn hekk, dawn il-prodotti għandhom isirulhom ukoll il-kontrolli żootekniċi neċessarji stipulati f'dan ir-Regolament.

(39)     Il-Kummissjoni adottat Proposta għal Regolament tal-Parlament Ewropew u tal-Kunsill dwar kontrolli uffiċjali u attivitajiet uffiċjali oħra mwettqin biex tkun żgurata l-applikazzjoni tal-liġi dwar l-ikel u l-għalf, ta’ regoli dwar is-saħħa u t-trattament xieraq tal-annimal, is-saħħa tal-pjanti, materjal riproduttiv ta’ pjanti, prodotti ta’ protezzjoni tal-pjanti u li jkunu emendati r-Regolamenti (KE) Nru 999/2001, 1829/2003, 1831/2003, 1/2005, 396/2005, 834/2007, 1099/2009, 1069/2009, 1107/2009, ir-Regolamenti (UE) Nru 1151/2012, [….]/2013, u d-Direttivi 98/58/KE, 1999/74/KE, 2007/43/KE, 2008/119/KE, 2008/120/KE u 2009/128/KE (Regolamenti dwar kontrolli uffiċjali)[20]. Dak ir-Regolament huwa maħsub li jirrevoka r-Regolament (KE) Nru 882/2004 tal-Parlament Ewropew u tal-Kunsill tad-29 ta’ April 2004 dwar il-kontrolli uffiċjali mwettqa biex tiġi żgurata l-verifikazzjoni tal-konformità mal-liġi tal-għalf u l-ikel, mas-saħħa tal-annimali u mar-regoli dwar il-welfare tal-annimali[21] u d-Direttiva tal-Kunsill 90/425/KEE tas-26 ta’ Ġunju 1990 dwar l-iċċekkjar, veterinarju u żootekniku applikabbli għall-kummerċ intra-Kommunitarju ta’ ċertu annimali ħajjin u prodotti bil-ħsieb tat-tlestija tas-suq intern[22] u d-Direttivi 91/496/KEE u 97/78/KE u li jinkorpora ċerti regoli stabbiliti f’dawk l-atti f’dak ir-Regolament ġdid, bl-adattamenti meħtieġa. Iżda mhux maħsub li jkunu inklużi l-kondizzjonijiet żootekniċi u ġenealoġiċi għall-kummerċ u l-importazzjonijiet fl-Unjoni ta’ annimali għat-tnissil u tal-prodotti ġerminali tagħhom ta' annimali għat-tnissil u l-prodotti ġerminali tagħhom fil-kamp ta’ applikazzjoni ta’ dak ir-Regolament. Għalhekk huwa meħtieġ li jkunu stabbiliti regoli dwar kontrolli uffiċjali u attivitajiet uffiċjali oħra dwar annimali għat-tnissil u l-prodotti ġerminali tagħhom f’dan ir-Regolament.

(40)     Għall-applikazzjoni effikaċi ta’ regoli tal-Unjoni dwar annimali għat-tnissil u l-prodotti ġerminali tagħhom stabbiliti f’dan ir-Regolament, huwa meħtieġ li l-awtoritajiet kompetenti tal-Istati Membri jikkooperaw bejniethom u jipprovdu assistenza amministrattiva kull meta jkun meħtieġ. Għaldaqstant għandhom ikunu stabbiliti regoli ġenerali dwar assistenza amministrattiva u kooperazzjoni, simili għal dawk stabbiliti bħalissa fit-Titolu IV tar-Regolament (KE) Nru 882/2004 tal-Parlament Ewropew u tal-Kunsill, bl-adattamenti meħtieġa, f’dan ir-Regolament.

(41)     Meta kontrolli uffiċjali fl-Istati Membri jew verifiki ta’ importazzjonijiet fl-Unjoni ta’ annimali għat-tnissil u tal-prodotti ġerminali tagħhom ikunu kixfu nuqqas ta’ konformità mar-rekwiżiti żootekniċi u ġenealoġiċi stabbiliti għal importazzjonijiet bħal dawn f’dan ir-Regolament li x’aktarx joħolqu taqlibiet fil-kummerċ ta’ annimali għat-tnissil u tal-prodotti ġerminali tagħhom fl-Unjoni, il-Kummissjoni għandu jkollha s-setgħa b’dan ir-Regolament li tadotta miżuri speċjali biex tillimita l-impatt ta’ nuqqas ta’ konformità bħal dan.

(42)     L-awtorità kompetenti tal-Istati Membri għandu jkollha wkoll is-setgħat meħtieġa li tinforza regoli żootekniċi u ġenealoġiċi tal-Unjoni dwar annimali għat-tnissil stabbiliti f’dan ir-Regolament, inkluża s-sospensjoni tal-approvazzjoni ta’ programm tat-tnissil jew l-irtirar tar-rikonoxximent ta’ soċjetà tat-tnissil jew ta’ operazzjoni tat-tnissil fil-każ ta’ nuqqas ta’ konformità mar-regoli żootekniċi u ġenealoġiċi stabbiliti f’dan ir-Regolament.

(43)     Il-Kummissjoni għandha twettaq kontrolli fl-Istati Membri kif jixraq u b’mod partikolari meqjusin ir-riżultati tal-kontrolli uffiċjali mwettqin mill-Istati Membri biex tiżgura l-applikazzjoni tar-regoli żootekniċi u ġenealoġiċi stabbiliti f’dan ir-Regolament fl-Istati Membri kollha.

(44)     Bil-għan li jkunu stabbiliti l-listi ta’ pajjiżi terzi minn fejn għandu jitħallu jkun hemm importazzjonijiet fl-Unjoni ta’ annimali għat-tnissil u tas-semen, l-ooċiti u l-embrijuni tagħhom, li jitfasslu l-kondizzjonijiet għal importazzjonijiet bħal dawn, li tinkiseb informazzjoni relatata mal-funzjonament ta’ ftehimiet bilaterali u meta hekk ikun ġustifikat minħabba kull ksur serju tal-kondizzjonijiet għal importazzjonijiet bħal dawn stabbiliti f’dan ir-Regolament, il-Kummissjoni għandu jkollha s-setgħa tagħmel kontrolli f’pajjiżi terzi f’isem l-Unjoni, skont il-każ.

(45)     Minħabba li d-Direttivi 88/661/KEE, 89/361/KEE, 90/427/KEE, 94/28/KE u 2009/157/KE għandhom ikunu rrevokati u jkunu ssostitwiti minn dan ir-Regolament, huwa wkoll meħtieġ li jkunu rrevokati l-atti tal-Kummissjoni adottati skont dawk id-Direttivi u jkunu ssostitwiti jew minn atti delegati jew minn atti implimentattivi adottati skont dan ir-Regolament. Għaldaqstant il-Kummissjoni għandu jkollha s-setgħa tadotta dawk l-atti delegati jew implimentattivi.

(46)     Biex tkun żgurata l-applikazzjoni sewwa ta’ dan ir-Regolament u biex ikun issupplimentat, jew biex ikunu emendati l-Annessi I sa V tiegħu, is-setgħa li jkunu adottati atti skont l-Artikolu 290 tat-Trattat dwar il-Funzjonament tal-Unjoni Ewropea għandha tkun iddelegata lill-Kummissjoni fir-rigward tal-proċeduri u l-kriterji użati u l-kondizzjonijiet meħtieġa biex ikunu rrikonoxxuti soċjetajiet ġenealoġiċi u operazzjonijiet tat-tnissil, approvati programmi tat-tnissil, jiddaħħlu annimali f’kotba tat-tnissil u f’reġistri ta’ razez, aċċettati annimali għat-tnissil għal tnissil, riproduzzjoni naturali u assistita, isir kontroll tal-prestazzjoni u evalwazzjonijiet ġenetiċi, iddefiniti r-rekwiżiti żootekniċi u ġenealoġiċi għall-kummerċ fi u l-importazzjonijiet minn terzi ta’ annimali għat-tnissil u tal-prodotti ġerminali tagħhom, deskritti d-dmirijiet u l-funzjonijiet ta’ ċentru ta’ referenza.

(47)     Is-setgħa li tadotta atti skont l-Artikolu 290 tat-Trattat b'rabta mal-kummerċ ta' annimali ta' razza pura għat-tnissil u l-prodotti ġerminali tagħhom ta' speċijiet oħra għajr dik bovina, porċina, ovina, kaprina u ekwina u b'rabta mal-importazzjoni tagħhom fl-Unjoni għandha tiġi delegata lill-Kummissjoni sabiex ikun possibbli għall-Istati Membri li jirreaġixxu għat-tfixkil fil-kummerċ, imma aktar minn hekk ir-raġuni tkun biex jirreaġixxu meta xi razza rari tiġi f'xifer l-estinzjoni jew meta titqiegħed f'riskju il-protezzjoni għad-diversità ġenetika.

(48)     Huwa ta’ importanza partikolari li l-Kummissjoni tagħmel konsultazzjonijiet xierqa matul ix-xogħol tagħha ta’ tħejjija, inkluż f’livell espert. Il-Kummissjoni, meta tkun qed tħejji u tfassal atti delegati, għandha tiżgura trażmissjoni simultanja, f’waqtha u xierqa ta’ dokumenti rilevanti lill-Parlament Ewropew u lill-Kunsill.

(49)     Biex ikunu żgurati kondizzjonijiet uniformi għall-implimentazzjoni tad-dispożizzjonijiet f’dan ir-Regolament dwar l-elenkar ta’ soċjetajiet ġenealoġiċi u l-operazzjonijiet tat-tnissil, in-nomina ta’ ċentri ta’ referenza biex ikun żgurat li metodi tal-kontroll tal-prestazzjoni u ta’ evalwazzjoni ġenetika għal annimali għat-tnissil ikunu applikati b’mod uniformi, il-mudelli għal ċertifikati żootekniċi li jkunu ma’ annimali għat-tnissil u mal-prodotti ġerminali tagħhom u ċerti regoli dwar it-twettiq ta’ kontrolli uffiċjali, għandhom jingħataw setgħat implimentattivi lill-Kummissjoni. Dawk is-setgħat għandhom ikunu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni[23].

(50)     Ir-regoli stabbiliti fid-Direttivi tal-Kunsill 87/328/KEE, 88/661/KEE, 89/361/KEE, 90/118/KEE, 90/119/KEE, 90/427/KEE, 91/174/KEE, 94/28/KE u 2009/157/KE u fid-Deċiżjoni tal-Kunsill 96/463/KE għandhom ikunu ssostitwiti mir-regoli stabbiliti f’dan ir-Regolament u f’atti delegati u implimentattivi tal-Kummissjoni adottati skont dan ir-Regolament. Għaldaqstant dawk l-atti legali għandhom, għalhekk, ikunu rrevokati.

(51)     Id-Deċiżjoni tal-Kummissjoni 84/247/KEE tas-27 ta’ April 1984 li tniżżel il-kriterji għall-għarfien tal-organizzazzjonijiet u l-assoċjazzjonijiet ta' dawk li jrabbu, u li jżommu jew jistabilixxu kotba tar-razza tal-merħla għall-bovini tal-ifrat ta' razza pura[24], id-Deċiżjoni tal-Kummissjoni 84/419/KEE tad-19 ta’ Lulju 1984 li tistabbilixxi l-kriterji biex ikunu rreġistrati l-ifrat fil-kotba tal-merħliet[25], id-Deċiżjoni tal-Kummissjoni 2006/427/KE tal-20 ta’ Ġunju 2006 li tistabbilixxi l-metodi ta' monitoraġġ tal-prestazzjoni u l-metodi tal-ivvalutar tal-valur ġenetiku tal-bovini mnissla minn razza pura[26], id-Deċiżjoni tal-Kummissjoni 89/501/KEE tat-18 ta’ Lulju 1989 li tippreskrivi l-kriterji għal approvazzjoni u sorveljanza tal-assoċjazzjonijiet ta’ min irabbi u organizzazzjonijiet għat-tinissil li jistabbilixxu jew iżommu kotba tal-merħliet għal majjali ta’ razza pura għat-tnissil[27], id-Deċiżjoni tal-Kummissjoni 89/502/KEE tat-18 Lulju 1989 li tippreskrivi l-kriterji li jirregolaw id-dħul fil-kotba tal-merħliet għal majjali ta’ razza pura għat-tnissil[28], id-Deċiżjoni tal-Kummissjoni 89/504/KEE tat-18 ta’ Lulju 1989 li tistipula l-kriterji għall-approvazzjoni u sorveljanza ta’ assoċjazzjonijiet ta’ min irabbi, organizzazzjonijiet tat-tagħmir u impriżi privati li jwaqqfu jew jistabbilixxu reġistri għal majjal ibridu għat-tnissil[29], id-Deċiżjoni tal-Kummissjoni 89/505/KEE tat-18 ta’ Lulju 1989 li jistipulaw il-kriterji li jirregolaw dħul fir-reġistri għal majjal ibridu għat-tnissil[30], id-Deċiżjoni tal-Kummissjoni 89/507/KEE tat-18 ta’ Lulju 1989 li tistipula metodi għall-immonitorjar tal-qadi u għall-assessjar tal-valur ġenetiku ta’ majjali tar-razza u ibridi tat-tnissil[31], id-Deċiżjoni tal-Kummissjoni 90/254/KEE tal-10 ta’ Mejju 1990 li tfassal il-kriterji għall-approvazzjoni tal-organizzazzjonijiet u l-assoċjazzjonijiet ta’ nissiela liema jistabbilixxu jew iżommu kotba tal-merħliet tan-nagħaġ u l-mogħoż tat-tnissil ta’ razza pura[32], id-Deċiżjoni tal-Kummissjoni 90/255/KEE tal-10 ta’ Mejju 1990 li tistabbilixxi l-kriterji għad-dħul regolat fil-kotba tal-merħliet għan-ngħaġ u mogħoż tat-tnissil ta’ razza pura[33], id-Deċiżjoni tal-Kummissjoni 90/256/KEE tal-10 ta’ Mejju 1990 li tistabbilixxi metodi għall-munitraġġ tal-kapaċità u għall-valutazzjoni tal-valur ġenetiku tan-ngħaġ u tal-mogħoż tat-tnissil ta’ razza pura[34], id-Deċiżjoni tal-Kummissjoni 90/257/KEE tal-10 ta’ Mejju 1990 li tfassal kriterji għall-aċċettazzjoni għal skopijiet tat-tnissil ta’ ngħaġ u mogħoż ta’ razza pura u l-użu tas-semen, ova jew embryos tagħhom[35], id-Deċiżjoni tal-Kummissjoni 92/353/KEE tal-11 ta’ Ġunju 1992 li tippreskrivi l-kriterji għall-approvazzjoni jew l-għarfien ta' organizzazzjonijiet u assoċjazzjonijiet li jżommu jew jistabbilixxu kotba stud għal equidae reġistrati[36], id-Deċiżjoni tal-Kummissjoni 96/78/KE tal-10 ta’ Jannar 1996 li tistabbilixxi l-kriterji biex jitniżżlu u jiġu reġistrati l-equidae fil-kotba li jkun fihom ir-razez taż-żwiemel għal skopijiet ta’ tagħmir[37] kienu adottati skont l-atti bażiċi msemmijin fil-premessa 46 bi kriterji speċifiċi għal speċi għall-approvazzjoni jew ir-rikonoxximent ta’ soċjetajiet ġenealoġiċi u operazzjonijiet tat-tnissil, id-dħul ta’ annimali għat-tnissil f’kotba tat-tnissil, l-aċċettazzjoni għal tnissil u l-inseminazzjoni artifiċjali, għall-kontroll tal-prestazzjoni u l-evalwazzjoni ġenetika. Dan ir-Regolament jipprovdi regoli li jissostitwixxu dawk stabbiliti fl-atti tal-Kummissjoni msemmijin hawn fuq.

(52)     Regoli simili għal dawk stabbiliti fid-Deċiżjoni tal-Kummissjoni 92/354/KEE tal-11 ta’ Ġunju 1992 li tipprovdi ċerti regoli biex tiġi żgurata l-koordinazzjoni bejn organizzazzjonijiet jew assoċjazzjonijiet li jżommu jew jistabbilixxu kotba ta’ annimali maskili miżmumin għar-razza ta’ equidae reġistrati[38] huma stabbiliti f’dan ir-Regolament.

(53)     Id-Deċiżjoni tal-Kummissjoni 89/503/KEE tat-18 ta’ Lulju 1989 li tippreskrivi ċ-ċertifikat għal ħnieżer tar-razza tat-tagħmir, is-semen, il-bajd (ova) u l-embrijoni tagħhom[39], id-Deċiżjoni tal-Kummissjoni 89/506/KEE tat-18 ta’ Lulju 1989 li tippreskrivi ċ-ċertifikat ta’ majjal ibridu għat-tnissil, l-isperma, l-ova u l-embrijuni tagħhom[40], id-Deċiżjoni tal-Kummissjoni 90/258/KEE tal-10 ta’ Mejju 1990 li tfassal għal ċertifikati żootekniċi għal razza ta’ ngħaġ u mogħoż tat-tnissil pur, is-semen, bajd u embriji tagħhom[41], id-Deċiżjoni tal-Kummissjoni 96/79/KE tat-12 ta’ Jannar 1996 li tistabilixxi ċ-ċertifikati żootekniċi tas-semen, tal-ova u tal-embriji mill-ekwidi rreġistrati[42], id-Deċiżjoni tal-Kummissjoni 2005/379/KE tas-17 ta’ Mejju 2005 dwar iċ-ċertifikati tal-pedigree u l-partikolaritajiet għall-annimali tat-trobbija ta’ razza pura mis-speċi bovina, l-isperma, il-bajd u l-embrijuni tagħhom[43], ir-Regolament tal-Kummissjoni (KE) Nru 504/2008 tas-6 ta’ Ġunju 2008 li jimplimenta d-Direttivi tal-Kunsill 90/426/KEE u 90/427/KEE fir-rigward tal-metodi għall-identifikazzjoni tal-equidae[44], id-Deċiżjoni tal-Kummissjoni 96/509/KE tat-18 ta’ Lulju 1996 li tistipula l-ħtiġijiet tal-linja tan-nisel u ħtiġijiet żootekniċi għall-importazzjoni tas-semen ta’ ċerti annimali[45] kienu adottati skont atti bażiċi msemmijin fil-premessa 45.

(54)     Biex tkun żgurata ċ-ċertezza legali u biex tkun evitata duplikazzjoni, ir-revoka tal-atti tal-Kunsill għandu jkollha effett meta d-Deċiżjonijiet tal-Kummissjoni li jipprovdu kriterji speċifiċi għal speċi għall-approvazzjoni jew ir-rikonoxximent ta’ soċjetajiet ġenealoġiċi u ta’ operazzjonijiet tat-tnissil, għad-dħul ta’ annimali għat-tnissil f’kotba tat-tnissil, għall-aċċettazzjoni għal tnissil u l-inseminazzjoni artifiċjali, għall-kontroll tal-prestazzjoni u evalwazzjoni ġenetika, li huma inklużi f’dan ir-Regolament, ikunu rrevokati b’att delegat, u ċ-ċertifikati żootekniċi mudell għall-kummerċ f’annimali għat-tnissil u fil-prodotti ġerminali tagħhom u ta’ korpi tat-tnissil f’pajjiżi terzi u ċ-ċertifikati żootekniċi mudell għal importazzjonijiet fl-Unjoni ta’ annimali għat-tnissil u tal-prodotti ġerminali tagħhom minn dawk il-pajjiżi terzi jkunu stabbiliti b’atti ta' implimentazzjoni. Huwa, għalhekk, meħtieġ li jkun żgurat li dan ir-Regolament ikun applikabbli mhux anqas minn tmintax-il xahar wara d-data li fiha jkun daħal fis-seħħ.

ADOTTAW DAN IR-REGOLAMENT:

KAPITOLU I Dispożizzjonijiet Ġenerali

Artikolu 1 Suġġett u Ambitu

1.           Dan ir-Regolament jistabbilixxi:

(a)     regoli żootekniċi u ġenealoġiċi għall-kummerċ u l-importazzjonijiet fl-Unjoni ta’ annimali għat-tnissil u s-semen, l-ooċiti u l-embrijuni tagħhom;

(b)     ir-regoli dwar is-sħubija u s-soluzzjoni ta’ tilwim f’soċjetajiet ġenealoġiċi u operazzjonijiet tat-tnissil;

(c)     regoli ġenerali biex isiru kontrolli uffiċjali fuq soċjetajiet ġenealoġiċi u operazzjonijiet tat-tnissil u l-programmi tat-tnissil li jwettqu fuq annimali għat-tnissil, inkluż l-użu ta’ semen, ooċiti u embrijuni, biex jivverifikaw il-konformità mar-regoli msemmijin fil-punt (a), għal attivitajiet uffiċjali oħra, assistenza amministrattiva, kooperazzjoni u infurzar mill-Istati Membri;

(d)     regoli ġenerali biex isiru kontrolli mill-Kummissjoni fl-Istati Membri u f’pajjiżi terzi.

2.           Dan ir-Regolament m’għandux japplika għall-kummerċ fi u l-importazzjonijiet fl-Unjoni ta’ annimali għat-tnissil u s-semen, l-ooċiti u l-embrijuni tagħhom meta jkunu maħsubin għal esperimenti tekniċi jew xjentifiċi magħmulin taħt il-kontroll tal-awtorità kompetenti.

3.           Sakemm issir l-adozzjoni ta’ kull miżura delegata jew implimentattiva msemmija f’dan ir-Regolament, l-Istati Membri jistgħu jkomplu japplikaw ir-regoli żootekniċi u ġenealoġiċi nazzjonali tagħhom li jirregolaw il-kummerċ u l-importazzjonijiet fl-Istat Membru konċernat ta’ annimali għat-tnissil u s-semen, l-ooċiti u l-embrijuni tagħhom, bil-kondizzjoni li, fir-rigward ta’ importazzjonijiet bħal dawn, dawk ir-regoli ma jkunux aktar favorevoli minn dawk li jirregolaw il-kummerċ fl-Unjoni.

Artikolu 2 Definizzjonijiet

Għall-finijiet ta’ dan ir-Regolament, għandhom japplikaw id-definizzjonijiet li ġejjin:

(a)          "annimal" tfisser annimal domestiku ta’

(i)      l-ispeċi bovina (Bos taurus u Bubalus bubalis), l-ispeċi porċina (Sus scrofa), l-ispeċi ovina (Ovis aries), l-ispeċi kaprina (Capra hircus);

(ii)     l-ispeċi ekwina (Equus caballus u Equus asinus);

(iii)    speċi barra dawk imsemmijin fil-punti (i) u (ii) li għalihom ikunu ġew adottati atti delegati skont l-Artikoli 35(1) jew 45(1);

(b)          "annimal tat-tnissil" tfisser annimal tat-tnissil ta’ razza pura u ħanżir tat-tnissil ibridu;

(c)          "prodotti ġerminali" tfisser semen, ooċiti u embrijuni miġburin jew prodotti minn annimali għat-tnissil għall-fini ta’ riproduzzjoni assistita;

(d)          "soċjetà tat-tnissil" tfisser kull organizzazzjoni tat-tnissil jew assoċjazzjoni ta’ nissiela li tkun irrikonoxxuta mill-awtorità kompetenti ta’ Stat Membru skont l-Artikolu 4(2) biex twettaq programm tat-tnissil fuq anninali ta' razza pura għat-tnissil mdaħħlin fil-ktieb/kotba tat-tnissil li hija żżomm jew tistabbilixxi;

(e)          "operazzjoni tat-tnissil" tfisser kull organizzazzjoni tat-tnissil, assoċjazzjoni ta’ nissiela jew impriża privata li tkun irrikonoxxuta mill-awtorità kompetenti ta’ Stat Membru skont l-Artikolu 4(2) biex twettaq programm tat-tnissil fuq ħnieżer tat-tnissil ibridi reġistrati fir-reġistru/i ġenealoġiku/ġenealoġiċi li hija żżomm jew tistabbilixxi;

(f)          "korp tat-tnissil" tfisser kull organizzazzjoni tat-tnissil, assoċjazzjoni ta’ nissiela, impriża privata, organizzazzjoni ta’ trobbija tal-bhejjem jew servizz uffiċjali f’pajjiż terz li, fir-rigward ta’ annimali domestiċi tat-tnissil ta’ razza pura tal-ispeċi bovina, porċina, ovina, kaprina jew tal-ispeċi ekwina jew tal-ħnieżer tat-tnissil ibridi, ikunu ġew aċċettati minn servizz uffiċjali f’pajjiż terz għall-fini ta’ importazzjonijiet fl-Unjoni ta’ annimali għat-tnissil għal tnissil;

(g)          "awtorità kompetenti" tfisser l-awtorità ċentrali ta’ Stat Membru u kull awtorità oħra li lilha tkun ingħatat dik ir-responsabbiltà, responsabbli għal:

(i)      ir-rikonoxximent ta’ soċjetajiet ġenealoġiċi u operazzjonijiet tat-tnissil u l-approvazzjoni tal-programmi tat-tnissil li huma jwettqu fuq annimali għat-tnissil;

(ii)     l-organizzazzjoni ta’ kontrolli uffiċjali fuq soċjetajiet ġenealoġiċi u operazzjonijiet tat-tnissil skont ir-regoli pprovduti fl-Artikolu 46 u f’atti delegati adottati skont l-Artikolu 52(1);

(iii)    l-għoti ta’ assistenza lil Stati Membri oħra u lil pajjiżi terzi fil-każ li jinkixef li jkun hemm nuqqasijiet ta’ konformità kif imsemmi fl-Artikoli 53, 54, 55 u 56;

(iv)    l-organizzazzjoni ta’ attivitajiet uffiċjali oħra, skont ir-regoli pprovduti f’dan ir-Regolament;

(h)          "rikonoxximent" tfisser id-dikjarazzjoni formali u uffiċjali mill-awtorità kompetenti li, wara evalwazzjoni, soċjetà tat-tnissil jew operazzjoni tat-tnissil tkun konformi mar-rekwiżiti tal-Artikolu 4(2);

(i)           "annimal tat-tnissil ta’ razza pura" tfisser annimal domestiku

(i)      tal-ispeċi msemmija fil-punt (a)(i) li jkun ġej minn missier u omm u nanniet imdaħħlin fit-taqsima ewlenija ta’ ktieb tat-tnissil tal-istess razza u li huwa stess ikun imdaħħal jew reġistrat u eliġibbli għal dħul fit-taqsima ewlenija ta’ ktieb tat-tnissil bħal dan skont l-Artikolu 19;

(ii)     tal-ispeċi msemmija fil-punt (a)(ii) li jkun ġej minn missier u omm imdaħħlin fit-taqsima ewlenija ta’ ktieb tat-tnissil tal-istess razza u li huwa stess ikun imdaħħal jew reġistrat u eliġibbli għal dħul fit-taqsima ewlenija ta’ ktieb tat-tnissil bħal dan skont l-Artikolu 19;

(iii)    ta’ speċi barra dawk imsemmijin f’(i) u (ii) ta’ dan il-punt li għalih ir-regoli żootekniċi u ġenealoġiċi speċifiċi għall-kummerċ fi u l-importazzjonijiet fl-Unjoni ta’ dawk l-annimali u l-prodotti ġerminali tagħhom ikunu stabbiliti f’atti delegati adottati skont l-Artikoli 35(1) u 45(1) rispettivament;

(j)           "ħanżir tat-tnissil ibridu" tfisser annimal tal-ispeċi porċina reġistrat f’reġistru tal-bhejjem, li jitnissel minn tnissil ibridu apposta bejn:

(i)      ħnieżer tat-tnissil ta’ razza pura ta’ razez jew linji differenti;

(ii)     ħnieżer tat-tnissil li huma stess jitnisslu minn inkroċju (ibridu) bejn razez jew linji differenti;

(iii)    ħnieżer tat-tnissil li jkunu ta’ xi waħda mill-kategoriji msemmijin f’(i) jew (ii);

(k)          “ktieb tat-tnissil” tfisser kull ktieb tal-merħla u kull reġistru għaż-żwiemel ta-razza, fajl jew midjum ta’ dejta li jinżammu minn soċjetà tat-tnissil li fihom anninali ta' razza pura għat-tnissil jiddaħħlu jew ikunu rreġistrati għal dħul b’dettalji tal-axxendenti tagħhom u fejn ikun japplika tal-merti tagħhom, li jkollhom ikunu suġġetti ta’ programm tat-tnissil;

(l)           "approvazzjoni" tfisser il-permess mogħti mill-awtorità kompetenti lil soċjetà tat-tnissil jew lil operazzjoni tat-tnissil biex twettaq il-programm tagħha tat-tnissil skont l-Artikolu 8(1);

(m)         “taqsima ewlenija” tfisser it-taqsima ta’ ktieb tat-tnissil li fiha jiddaħħlu jew ikunu rreġistrati għal dħul anninali ta' razza pura għat-tnissil;

(n)          "klassi" tfisser subdiviżjoni orizzontali tat-taqsima ewlenija li fiha jiddaħħlu annimali għat-tnissil skont il-merti tagħhom;

(o)          "mertu" tfisser karatteristika kwantifikabbli li tintiret ta’ annimal tat-tnissil;

(p)          “reġistru tal-bhejjem” tfisser kull fajl jew midjum ta’ dejta li jinżamm minn operazzjoni tat-tnissil li fih ikunu rreġistrati ħnieżer tat-tnissil ibridi b’dettalji tal-axxendenti tagħhom, li jkollhom ikunu suġġett ta’ programm tat-tnissil;

(q)          "kontroll uffiċjali" tfisser kull forma ta’ kontroll li l-awtorità kompetenti jew il-Kummissjoni jwettqu għall-verifika tal-konformità mar-regoli żootekniċi u ġenealoġiċi pprovduti f’dan ir-Regolament;

(r)           "attivitajiet uffiċjali oħra" tfisser kull attività, barra minn kontroll uffiċjali, li ssir minn awtoritajiet kompetenti skont dan ir-Regolament biex tkun żgurata l-applikazzjoni tar-regoli żootekniċi u ġenealoġiċi pprovduti f’dan ir-Regolament;

(s)          "ċertifikat żootekniku" tfisser ċertifikati u attestazzjonijiet uffiċjali tat-tnissil u dokumentazzjoni kummerċjali ċertifikata li jagħtu informazzjoni lil klijenti dwar il-pedigree, l-identifikazzjoni u, fejn ikun applikabbli, l-evalwazzjoni ġenetika ta’ annimali għat-tnissil jew tal-prodotti ġerminali tagħhom u li jkun meħtieġ li jkunu ma’ dawk il-komoditajiet meta jittieħdu minn Stat Membru wieħed għal għand ieħor jew ikunu importati fl-Unjoni;

(t)           "numru permanenti uniku" tfisser kodiċi unika ta’ 15-il figura alfanumerika li tikkompila informazzjoni dwar l-annimal ekwin għalih waħdu u d-database u l-pajjiż fejn informazzjoni bħal din tkun irreġistrata għall-ewwel darba skont is-sistema ta’ kodifika tan-Numru Universali Permanenti tal-Ekwini[46] (UELN) u jkun magħmul minn:

(i)      kodiċi ta’ identifikazzjoni ta’ sitt figuri kompatibbli ma’ UELN għad-database miżmuma mill-korp ta’ ħruġ ta’ passaporti li jkun ħareġ id-dokument ta’ identifikazzjoni skont il-leġiżlazzjoni tal-Unjoni dwar is-saħħa tal-annimali, segwit minn

(ii)     numru ta’ identifikazzjoni għalih waħdu ta’ disa’ figuri assenjat lill-annimal ekwin;

(u)          "importazzjoni" tfisser l-azzjoni li biha annimali għat-tnissil u l-prodotti ġerminali tagħhom jinġiebu f’wieħed mit-territorji elenkati fl-Anness VI;

(v)          "kontroll żootekniku" tfisser il-kontroll tad-dokumenti u l-konroll tal-identità magħmulin fuq annimali għat-tnissil u l-prodotti ġerminali tagħhom importati fl-Unjoni għall-verifika tal-konformità mal-kondizzjonijiet żootekniċi msemmija fl-Artikolu 42 u mar-regoli żootekniċi u ġenealoġiċi stabbiliti f’atti delegati adottati skont l-Artikolu 45(1);

(w)         "kontroll tad-dokumenti" tfisser l-eżami taċ-ċertifikati uffiċjali, l-attestazzjonijiet uffiċjali u dokumenti oħra, inklużi dokumenti ta’ natura kummerċjali, li jkun jetiġilhom ikunu ma’ konsenji ta:

(i)      annimali għat-tnissil u prodotti ġerminali tagħhom importati fl-Unjoni, kif imsemmi fl-Artikolu 39;

(ii)     anninali ta' razza pura għat-tnissil u prodotti ġerminali tagħhom meta jkunu importati fl-Unjoni kif imsemmi f’atti delegati adottati skont l-Artikolu 45(1);

(x)          "kontroll tal-identità" tfisser spezzjoni viżiva biex jiġi vverifikat jekk li l-kontenut u t-tikkettar ta’ konsenja, inklużi l-marki fuq l-annimali, is-siġilli u l-mezzi ta’ trasport, ikunu jaqblu mal-informazzjoni mogħtija fiċ-ċertifikati żootekniċi, fl-attestazzjonijiet uffiċjali u f'dokumenti oħra li jkunu magħha;

(y)          "nuqqas ta’ konformità" tfisser nuqqas ta' konformità mar-regoli żootekniċi u ġenealoġiċi msemmija f’dan ir-Regolament.

Artikolu 3 Regoli żootekniċi u ġenealoġiċi ġenerali għall-kummerċ u għall-importazzjonijiet fl-Unjoni ta’ annimali għat-tnissil u tal-prodotti ġerminali tagħhom

Il-kummerċ u l-importazzjonijiet fl-Unjoni ta’ annimali għat-tnissil u tal-prodotti ġerminali tagħhom ma għandhomx ikunu pprojbiti, ristretti jew imfixklin minħabba raġunijiet żootekniċi jew ġenealoġiċi, minbarra dawk imsemmijin f’dan ir-Regolament.

L-annimali għat-tnissil u l-prodotti ġermianli tagġhom, is-sisdien u n-nissiela tal-annimali għat-tnissil, is-soċjetajiet tat-tnissil u l-operazzjonijiet tat-tnissil fl-Istati Membri jew fil-pajjiżi terzi ma jiġux iddiskrimati abbażi tal-pajjiż tagħhom tal-oriġini.

KAPITOLU II ir-rikonoxximent ta’ soċjetajiet ġenealoġiċi u operazzjonijiet tat-tnissil; fl-Istati Membri u l-approvazzjoni tal-programmi tat-tnissil

Taqsima 1 ir-rikonoxximent ta’ soċjetajiet ġenealoġiċi u operazzjonijiet tat-tnissil;

Artikolu 4 ir-rikonoxximent ta’ soċjetajiet ġenealoġiċi u operazzjonijiet tat-tnissil;

1.           Is-soċjetajiet ġenealoġiċi u l-operazzjonijiet tat-tnissil jistgħu japplikaw mal-awtorità kompetenti għal rikonoxximent skont il-paragrafu 2.

2.           L-awtorità kompetenti għandha tirrikonoxxi kull soċjetà tat-tnissil jew operazzjoni tat-tnissil li tapplika għandha għal rikonoxximent bil-kondizzjoni li tkun konformi mar-rekwiżiti li ġejjin:

(a)     ikollha l-uffiċċju ewlieni tagħha fit-territorju tal-Istat Membru fejn tkun tinsab l-awtorità kompetenti;

(b)     turi fl-applikazzjoni tagħha li hija tkun konformi mar-rekwiżiti stabbiliti fil-Parti 1 tal-Anness I;

(c)     tiddefinixxi fl-applikazzjoni tagħha:

(i)      in-natura tal-programm tat-tnissil tagħha, li għandu jkollu bħala għan:

– - Il-preservazzjoni tar-razza, jew

– - It-titjib tar-razza jew l-inkroċju;

(ii)     il-kamp ta’ applikazzjoni tal-programm tat-tnissil tagħha u r-regoli li hija tkun stabbiliet skont ir-rekwiżiti tal-Parti 2, u fil-każijiet ta’ annimali ekwini ta’ razza pura tal-Parti 3, tal-Anness I;

(iii)    it-territorju ġeografiku fejn tkun biħsiebha twettaq il-programm tat-tnissil tagħha.

3.           Il-Kummissjoni għandu jkollha s-setgħa li tadotta atti delegati skont l-Artikolu 71 dwar l-emendi ta’ rekwiżiti għar-rikonoxximent ta’ soċjetajiet ġenealoġiċi u ta’ operazzjonijiet tat-tnissil stabbiliti fil-Parti 1 u, fil-każ ta’ annimali ekwini ta’ razza pura, fil-Parti 3 tal-Anness I, biex tqis il-varjetà ta’ programmi tat-tnissil imwettqin minn soċjetajiet ġenealoġiċi u minn operazzjonijiet tat-tnissil.

Artikolu 5 Deroga mill-Artikolu 4(2)(b) dwar ir-rikonoxximent ta’ soċjetajiet ġenealoġiċi

1.           B’deroga mill-Artikolu 4(2)(b), l-awtorità kompetenti tista’ tirrifjuta li tirrikonoxxi soċjetà tat-tnissil li tkun konformi mar-rekwiżiti stabbiliti fil-Parti 1 tal-Anness I fejn il-programm tat-tnissil ta’ dik is-soċjetà tat-tnissil jkun ta’ ħsara għall-preservazzjoni jew għad-diversità ġenetika ta’ anninali ta' razza pura għat-tnissil mdaħħlin, jew reġistrati u eliġibbli għal dħul, fil-ktieb tat-tnissil stabbilit għal dik ir-razza minn soċjetà tat-tnissil li tkun diġà ġiet irrikonoxxuta f’dak l-Istat Membru.

2.           Għall-fini tal-paragrafu 1, l-awtorità kompetenti għandha tqis kif imiss il-kriterji li ġejjin:

(a)     l-għadd ta’ soċjetajiet ġenealoġiċi diġà rrikonoxxuti għal dik ir-razza fl-Istat Membru fejn tkun tinsab;

(b)     id-daqs tal-għadd ta’ anninali ta' razza pura għat-tnissil ta’ dik ir-razza f’dak l-Istat Membru;

(c)     l-input ġenetiku posibbli minn soċjetajiet ġenealoġiċi oħra għall-istess razza rikonoxxuta fi Stati Membri oħra jew f’pajjiżi terzi.

Artikolu 6 Rifjut tar-rikonoxximent ta’ soċjetajiet ġenealoġiċi u operazzjonijiet tat-tnissil

1.           Meta l-awtorità kompetenti msemmija fl-Artikolu 4 tirrifjuta li tirrikonoxxi soċjetà tat-tnissil jew operazzjoni tat-tnissil, hija għandha tipprovdiha bi spjegazzjoni motivata għar-rifjut maħsub tagħha u fl-istess waqt tagħti lis-soċjetà tat-tnissil jew lill-operazzjoni tat-tnissil id-dritt li tappella kontra dak ir-rifjut maħsub fi żmien 30 jum mid-data tal-irċevuta tal-ispjegazzjoni motivata.

2.           Meta, meqjus l-appell imsemmi fl-ewwel subparagrafu, l-awtorità kompetenti żżomm ferma d-deċiżjoni tagħha, hija għandha tagħti lis-soċjetà tat-tnissil jew lill-operazzjoni tat-tnissil spjegazzjoni motivata tad-deċiżjoni tagħha li tirrifjuta rikonoxximent fi żmien 30 jum mid-data tal-irċevuta ta’ kull appell u tgħarraf lill-Kummissjoni fl-istess waqt bid-deċiżjoni tagħha li tirrifjuta rikonoxximent u bir-raġunijiet għala tkun għamlet hekk.

Artikolu 7 Lista ta’ soċjetajiet ġenealoġiċi u operazzjonijiet tat-tnissil rikonoxxuti

1.           L-Istati Membri għandhom ifasslu u jżommu aġġornata lista ta’ soċjetajiet ġenealoġiċi u ta’ operazzjonijiet tat-tnissil li l-awtorità kompetenti tagħhom tkun irrikonoxxiet skont l-Artikolu 4(2) u tagħmel din il-lista disponibbli pubblikament.

2.           Il-lista msemmija fil-paragrafu 1 għandha tinkludi l-informazzjoni li ġejja:

(a)     l-isem, id-dettalji ta’ kuntatt u s-sit tal-Internet tas-soċjetà tat-tnissil jew tal-operazzjoni tat-tnissil;

(b)     ir-razza jew l-inkroċju li għalihom il-programm tat-tnissil tagħhom ikun ġie approvat;

(c)     fil-każ ta’ anninali ta' razza pura għat-tnissil tal-ispeċi ekwina, l-isem u d-dettalji ta’ kuntatt tas-soċjetà tat-tnissil li żżomm ir-reġistru għaż-żwiemel tar-razza dwar l-oriġini tar-razza.

3.           L-Istati Membri għandhom jindikaw fil-lista msemmija fil-paragrafu 1 is-sospensjoni tal-approvazzjoni ta’ programm tat-tnissil ordnat skont l-Artikolu 61(2)(f).

4.           L-Istati Membri għandhom ineħħu minnufih mil-lista msemmija fil-paragrafu 1 kull soċjetà tat-tnissil jew operazzjoni tat-tnissil li għalihom ikun ġie rtirat rikonoxximent skont l-Artikolu 61(2)(g).

5.           Il-Kummissjoni tista’, permezz ta’ atti implimentattivi, tfassal formuli mudell għall-informazzjoni li jkollha tingħata mill-Istati Membri lill-pubbliku dwar il-listi ta’ soċjetajiet ġenealoġiċi rikonoxxuti u ta’ operazzjonijiet tat-tnissil msemmijin fil-paragrafu 1.

Dawk l-atti implimentattivi għandhom ikunu adottati skont il-proċedura ta’ eżami msemmija fl-Artikolu 72(2).

Taqsima2 l-approvazzjoni ta’ programmi tat-tnissil;

Artikolu 8 Approvazzjoni ta’ programmi tat-tnissil imwettqin minn soċjetajiet ġenealoġiċi u operazzjonijiet tat-tnissil

1.           L-awtorità kompetenti għandha tapprova l-programm tat-tnissil ta’ soċjetà tat-tnissil jew ta’ operazzjoni tat-tnissil rikonoxxuta minnha skont l-Artikolu 4(2), bil-kondizzjoni li s-soċjetà tat-tnissil jew l-operazzjoni tat-tnissil tissottometti applikazzjoni għal approvazzjoni tal-programm tat-tnissil tagħha, billi turi konformità mar-rekwiżiti msemmijin fl-Artikolu 4(2)(c) u deskritti fil-Parti 2, u fil-każ ta’ annimali ekwini ta’ razza pura fil-Parti 3 tal-Anness I.

2.           L-awtorità kompetenti msemmija fl-Artikolu 4 tista’ tawtorizza lis-soċjetajiet ġenealoġiċi u lill-operazzjonijiet tat-tnissil biex jagħtu kuntratt għall-ġestjoni teknika tal-ktieb tat-tnissil jew tar-reġistru tar-razza tagħhom u ta' aspetti speċifiċi oħra tal-programm tat-tnissil tagħhom lil parti terza, bil-kondizzjoni li:

(a)     is-soċjetajiet ġenealoġiċi u l-operazzjonijiet tat-tnissil jibqgħu responsabbli vis-à-vis l-awtorità kompetenti biex jiżguraw konformità mar-rekwiżiti msemmijin fl-Artikolu 4(2)(c);

(b)     ma jkunx hemm konflitt ta’ interessi bejn dik il-parti terza u l-attivitajiet ekonomiċi ta’ nissiela li jieħdu sehem fil-programm tat-tnissil.

3.           Il-Kummissjoni għandu jkollha s-setgħa li tadotta atti delegati skont l-Artikolu 71 dwar l-emendi ta’ rekwiżiti għar-rikonoxximent ta’ soċjetajiet ġenealoġiċi u ta’ operazzjonijiet tat-tnissil stabbiliti fil-Parti 2 u, fil-każ ta’ annimali ekwini ta’ razza pura, fil-Parti 3 tal-Anness I, biex tqis il-varjetà ta’ programmi tat-tnissil imwettqin minn soċjetajiet ġenealoġiċi u minn operazzjonijiet tat-tnissil.

Artikolu 9 In-notifika u l-approvazzjoni ta’ programmi tat-tnissil imwettqin fl-Istati Membri barra mill-Istat Membru fejn is-soċjetà tat-tnissil jew l-operazzjoni tat-tnissil tkun rikonoxxuta

1.           Meta l-kamp ta’ applikazzjoni ta’ programm tat-tnissil jew it-territorju ġeografiku fejn ikollu jsir jindikaw li soċjetà tat-tnissil jew l-operazzjoni tat-tnissil tkun biħsiebha twettqu fuq annimali għat-tnissil li jkunu jinsabu fi Stat Membru ieħor, l-awtorità kompetenti msemmija fl-Artikolu 8(1) għandha:

(a)     tinnotifika lill-awtorità kompetenti ta’ dak l-Istat Membru l-ieħor mill-anqas 90 jum kalendarji qabel id-data li fiha jkun maħsub li jinbeda l-programm tat-tnissil;

(b)     tagħti lill-awtorità kompetenti msemmija fil-punt (a), flimkien ma’ dik in-notifika, kopja tal-applikazzjoni għall-approvazzjoni tal-programm tat-tnissil imsemmi fl-Artikolu 8(1).

2.           L-awtorità kompetenti msemmija fil-paragrafu 1(a) ta’ dan l-Artikolu tista', fi żmien 90 jum mid-data tal-irċevuta tan-notifika msemmija f’dak il-paragrafu, tirrifjuta l-approvazzjoni biex fit-territorju tagħha jsir programm tat-tnissil minn soċjetà tat-tnissil rikonoxxuta mill-awtorità kompetenti msemmija fl-Artikolu 8(1), meta:

(a)     programm tat-tnissil approvat ikun diġà qed isir f’dak l-Istat Membru fuq anninali ta' razza pura għat-tnissil tal-istess razza;

(b)     l-approvazzjoni ta’ programm tat-tnissil ieħor tkun thedded il-kontinwità fil-popolazzjoni tal-anninali ta' razza pura għat-tnissil li jkun hemm f’dak l-Istat Membru tant li dan ikun ta’ ħsara għall-preservazzjoni ta’ dik ir-razza jew għad-diversità ġenetika tagħha.

3.           Jekk l-awtorità kompetenti msemmija fil-paragrafu 1(a) tonqos milli twieġeb għan-notifika msemmija f’dak il-paragrafu fi żmien 90 jum, dan ikun jimplika l-approvazzjoni tagħha.

4.           L-awtorità kompetenti tal-Istat Membru fejn is-soċjetà tat-tnissil jew l-operazzjoni tat-tnissil tkun irrikonoxxuta, jew fejn hija tkun ippreżentat applikazzjoni għal rikonoxximent skont l-Artikolu 4, għandha tgħarraf lis-soċjetà tat-tnissil jew lill-operazzjoni tat-tnissil bir-riżultat tan-notifika msemmija fil-paragrafu 1(a) ta’ dan l-Artikolu mingħajr dewmien bla bżonn.

5.           Meta l-awtorità kompetenti msemmija fil-paragrafu 1(a) tkun biħsiebha tirrifjuta approvazzjoni skont il-paragrafu 2, hija għandha tgħarraf lill-Kummissjoni bil-ħsieb tagħha li tirrifjuta approvazzjoni flimkien ma’ spjegazzjoni motivata.

KAPITOLU III Id-drittijiet u l-obbligi tan-nissiela, tas-soċjetajiet tat-tnissil u l-operazzjonijiet tat-tnissil

Artikolu 10 Id-drittijiet tan-nissiela li jipapretċipaw fi programmi tat-tnissil approvati skont mal-Artikolu 8(1) u l-Artikolu 9

1.           Fejn ir-regoli ta’ soċjetà tat-tnissil jew ta’ operazzjoni tat-tnissil jipprovdu għal sħubija, nissiela jistgħu japplikaw:

(a)     għal sħubija ta’ soċjetajiet ġenealoġiċi jew operazzjonijiet tat-tnissil bħal dawk;

(b)     biex jieħdu sehem fil-programm tat-tnissil fil-kamp ta’ applikazzjoni u taż-żona ġeografika ta’ attività approvata skont l-Artikolu 8(1) jew l-Artikolu 9.

2.           Fejn ir-regoli ta’ soċjetà tat-tnissil jew ta’ operazzjoni tat-tnissil ma jipprovdux għal sħubija, nissiela li jieħdu sehem fi programm tat-tnissil approvat skont l-Artikolu 8(1) jew l-Artikolu 9 jistgħu japplikaw:

(a)     biex l-anninali ta' razza pura għat-tnissil tagħhom jiddaħħlu fit-taqsima ewlenija tal-ktieb tat-tnissil stabbilit għar-razza mis-soċjetà tat-tnissil skont l-Artikolu 17(1);

(b)     biex l-annimali tagħhom jiġu rreġistrati f’taqsima supplimentari tal-ktieb tat-tnissil stabbilit għar-razza mis-soċjetà tat-tnissil skont l-Artikolu 17(3);

(c)     biex il-ħnieżer tat-tnissil ibridi tagħhom jiġu rreġistrati f’reġistru tar-razza stabbilit għall-inkroċju b’operazzjoni tat-tnissil skont l-Artikoli 24;

(d)     biex jieħdu sehem f’kontroll tal-prestazzjoni u f’evalwazzjoni ġenetika skont l-Artikolu 27;

(e)     biex jingħataw ċertifikat żootekniku skont l-Artikolu 33(1) u (2).

3.           Nissiela għandu jkollhom id-dritt li jagħżlu l-ktieb tat-tnissil jew ir-reġistru tar-razza li fih huma jkunu jixtiequ li l-annimali għat-tnissil tagħhom jiddaħħlu jew jiġu rreġistrati skont l-Artikoli 19 u 24.

Artikolu 11 Drittijiet ta’ nissiela li jikkontestaw deċiżjoni meħuda minn soċjetà tat-tnissil

1.           Nissiela jistgħu japplikaw għall-miżuri msemmija fl-Artikolu 13 meta jgħidu li xi waħda minn dawn li ġejjin tkun ġiet irrifjutata mhux kif imiss minn soċjetà tat-tnissil:

(a)     l-informazzjoni miġbura skont l-Artikolu 10(1);

(b)     applikazzjoni għad-dħul ta’ annimal tat-tnissil ta’ razza pura fit-taqsima ewlenija ta’ ktieb tat-tnissil kif imsemmi fl-Artikolu 19;

(c)     applikazzjoni għar-reġistrazzjoni ta’ annimal f’taqsima supplimentari ta’ ktieb tat-tnissil kif imsemmi fl-Artikolu 20(3);

(d)     l-aċċettazzjoni ta’ annimal tat-tnissil ta’ razza pura għal:

(i)      tnissil kif imsemmi fl-Artikolu 21; jew

(ii)     inseminazzjoni artifiċjali kif imsemmi fl-Artikolu 23(1);

(e)     l-aċċettazzjoni ta’ annimal tat-tnissil ta’ razza pura jew tas-semen tiegħu għall-kontroll uffiċjali tal-prestazzjoni u għal evalwazzjoni ġenetika kif imsemmi fl-Artikolu 23(2);

(f)     ir-riżultati tal-kontroll tal-prestazzjoni u l-evalwazzjoni ġenetika magħmulin skont l-Artikolu 27.

2.           Nissiela jista’ jkollhom azzjoni ta’ rivalsa għall-miżuri msemmijin fl-Artikolu 13 meta jgħidu li operazzjoni tat-tnissil tkun naqset li twettaq kontroll tal-prestazzjoni jew evalwazzjoni ġenetika skont l-Artikolu 27.

Artikolu 12 Drittijiet ta’ nissiela li jikkontestaw deċiżjoni meħuda minn operazzjoni tat-tnissil

1.           Nissiela jistgħu japplikaw għall-miżuri msemmijin fl-Artikolu 13 meta jgħidu li xi waħda minn dawn li ġejjin kienet irrifjutata mhux kif imiss minn operazzjoni tat-tnissil:

(a)     applikazzjoni għar-reġistrazzjoni ta’ ħanżir tat-tnissil ibridu f’reġistru tar-razza kif imsemmi fl-Artikolu 24;

(b)     l-aċċettazzjoni ta’ ħanżir tat-tnissil ibridu għal inseminazzjoni artifiċjali kif imsemmi fl-Artikolu 26(1);

(c)     l-aċċettazzjoni ta’ ħanżir tat-tnissil ibridu jew is-semen tiegħu għall-kontroll tal-prestazzjoni kif imsemmi fl-Artikolu 26(2);

(d)     ir-riżultati tal-kontroll tal-prestazzjoni magħmul skont l-Artikolu 27.

2.           Nissiela jista’ jkollhom azzjoni ta’ rivalsa għall-miżuri msemmijin fl-Artikolu 13 meta jgħidu li operazzjoni tat-tnissil tkun naqset li twettaq kontroll tal-prestazzjoni jew evalwazzjoni ġenetika skont l-Artikolu 27.

Artikolu 13 Il-miżuri disponibbli għan-nissiela li ma jaqblux ma' deċiżjoni meħuda minn soċjetà tat-tnissil jew operazzjoni tat-tnissil

1.           Fil-każijiet msemmija fl-Artikoli 11 u 12, nissiela jistgħu:

(a)     jiksbu l-opinjoni ta’ espert indipendenti;

(b)     jappellaw kontra r-rifjuti msemmija fl-Artikoli 11(1) u 12(1) jew kontra r-riżultati tal-kontroll tal-prestazzjoni u ta’ evalwazzjoni ġenetika msemmijin fl-Artikoli 11(2) u 12(2) fi żmien 30 jum mid-data tal-irċevuta tar-rifjut jew tar-riżultati mis-soċjetà tat-tnissil jew mill-operazzjoni tat-tnissil.

2.           Fl-appell imsemmi fil-paragrafu 1(b), in-nissiel għandu jiddeskrivi l-fatti u r-raġunijiet, meta jkunu disponibbli abbażi tal-opinjoni tal-espert indipendenti msemmi fil-paragrafu 1(a), li fuqha jqis li:

(a)     ir-rifjut mis-soċjetà tat-tnissil jew ta’ operazzjoni tat-tnissil ma jkunx konformi mal-Artikoli 19, 21, 23, 27, 28, 30 jew 32; jew

(b)     ir-riżultati tal-kontroll tal-prestazzjoni u ta’ evalwazzjoni ġenetika ma jkunux inkisbu skont l-Artikolu 27.

Artikolu 14 Soluzzjoni għat-tilwim

1.           Meta soċjetà tat-tnissil jew operazzjoni tat-tnissil tiċħad l-appell minn nissiel imsemmi fl-Artikolu 13(1)(b), hija għandha tinnotifika lin-nissiel u lill-awtorità kompetenti li tkun irrikonoxxiet is-soċjetà tat-tnissil jew l-operazzjoni tat-tnissil skont l-Artikolu 4(2), fi żmien 30 jum mid-data tad-deċiżjoni tagħha li tiċħad l-appell.

2.           L-awtorità kompetenti msemmija fl-Artikolu 8(1) jew 9 tista’ treġġa’ lura d-deċiżjoni tas-soċjetà tat-tnissil jew ta’ operazzjoni tat-tnissil, meta hija tqis li dik id-deċiżjoni ma tkunx konformi mal-Artikoli 19, 21, 23, 27, 28, 30 jew 32.

3.           L-Istati Membri għandhom jiżguraw li jkun hemm proċedura ta’ appell u li deċiżjonijiet ta’ appell jingħataw f’perjodu ta’ żmien raġonevoli.

Għal dak l-għan, l-awtorità kompetenti tista’ tiddeċiedi li tistabbilixxi tribunal speċifiku bl-awtorità li jreġġa’ lura deċiżjonijiet ta’ soċjetà tat-tnissil jew ta’ operazzjoni tat-tnissil meta t-tribunal iqis li ċ-ċaħda mis-soċjetà tat-tnissil jew mill-operazzjoni tat-tnissil ta’ appell ippreżentat minn nissiel ma tkunx ġustifikata.

Artikolu 15 Drittijiet ta’ soċjetajiet ġenealoġiċi u ta’ operazzjonijiet tat-tnissil

1.           Soċjetajiet ġenealoġiċi u operazzjonijiet tat-tnissil għandu jkollhom id-drittijiet li ġejjin fir-rigward tal-programmi tat-tnissil tagħhom approvati skont l-Artikolu 8(1) jew 9:

(a)     li jwettqu l-programmi tat-tnissil tagħhom skont il-kamp ta’ applikazzjoni u ż-żona ġeografika ta’ attività definita skont l-Artikolu 4(2)(c);

(b)     li jkunu awtonomi fid-definizzjoni u t-tmexxija tal-programmi tat-tnissil tagħhom, bla ħsara għas-superviżjoni mill-awtorità kompetenti fir-rigward tal-konformità mal-Artikolu 4(2).

2.           Soċjetajiet ġenealoġiċi jew operazzjoni tat-tnissil li jipprovdu għal sħubija għandu jkollhom id-dritt li

(a)     jirrifjutaw applikazzjoni għal sħubija jekk l-annimali għat-tnissil ma jkunux fil-kamp ta’ applikazzjoni tal-programm tat-tnissil jew fiż-żona ġeografika kif imsemmi fil-punti (ii) u (iii) tal-Artikolu 4(2)(c);

(b)     jeskludu nissiela minn sħubija meta dawk in-nissiela jonqsu li jkunu konformi mad-dmirijiet tagħhom stabbiliti fir-regoli ta’ proċedura skont il-punt 3(e) tal-Parti 1 tal-Anness I.

Artikolu 16 Obbligi ta’ soċjetajiet ġenealoġiċi u ta’ operazzjonijiet tat-tnissil

1.           Soċjetajiet ġenealoġiċi u operazzjonijiet tat-tnissil, li jipprovdu għal sħubija, għandhom jistabbilixxu d-drittijiet u d-dmirijiet tal-membri tagħhom fir-regoli ta’ proċedura tagħhom skont il-punt 3(e) tal-Parti 1 tal-Anness I.

2.           Skont il-kamp ta’ applikazzjoni tal-programm tat-tnissil tagħhom approvat skont l-Artikoli 8(1) jew 9, soċjetajiet ġenealoġiċi jew operazzjonijiet tat-tnissil għandhom idaħħlu biss anninali ta' razza pura għat-tnissil fil-kotba tat-tnissil tagħhom jew jirreġistraw majjal ibridu fir-reġistri ta’ razez tagħhom li jkunu miżmuma fiż-żona ġeografika ta’ attività definita skont l-Artikolu 4(2)(c).

3.           Soċjetajiet ġenealoġiċi u operazzjonijiet tat-tnissil għandu jkollhom ir-responsabbiltà primarja li ma jħallux ikun hemm tilwim, u meta jkun meħtieġ isolvuh, li jista’ jinqala’ bejn nissiela u bejn nissiela u s-soċjetà tat-tnissil jew operazzjoni tat-tnissil fil-proċess tat-twettiq ta’ programmi tat-tnissil approvati skont l-Artikoli 8(1) jew 9, skont ir-regoli stabbilit skont l-Artikolu 14(3) mill-Istat Membru fejn it-tilwima tinqala’ u skont ir-regoli stabbiliti fil-punt 3 tal-Parti 1 tal-Anness I.

KAPITOLU IV Dħul ta’ annimali għat-tnissil f’kotba tat-tnissil u f’reġistri ta’ razez u aċċettazzjoni għal tnissil, inseminazzjoni artifiċjali u ttestjar

Taqsima 1 Dħul ta’ anninali ta' razza pura għat-tnissil f’kotba tat-tnissil miżmumin minn soċjetajiet ġenealoġiċi u aċċettazzjoni għal tnissil, inseminazzjoni artifiċjali u ttestjar

Artikolu 17 Struttura ta’ kotba tat-tnissil

1.           Kotba tat-tnissil għandhom ikunu magħmulin minn taqsima ewlenija li fiha anninali ta' razza pura għat-tnissil li jkunu konformi mar-rekwiżiti stabbiliti fil-Kapitoli I u II tal-Parti 1 tal-Anness II jistgħu jiddaħħlu jew ikunu rreġistrati għal dħul.

2.           Soċjetajiet ġenealoġiċi jistgħu jissubdividu t-taqsima ewlenija fi klassijiet fejn kriterji jew proċeduri differenti jkunu stabbiliti mis-soċjetà tat-tnissil għad-dħul ta’ anninali ta' razza pura għat-tnissil skont il-merti tagħhom fi klassijiet differenti.

Dawk il-kriterji u proċeduri jistgħu jkun jeħtieġu li l-annimal tat-tnissil ta’ razza pura jsirlu kontroll tal-prestazzjoni jew evalwazzjoni ġenetika kif imsemmi fl-Artikolu 27 jew kif stabbilit fl-att delegat adottat skont l-Artikolu 28(1) jew kull valutazzjoni oħra deskritta fil-programm tat-tnissil approvat skont l-Artikolu 8(1) jew l-Artikolu 9 qabel ma jiddaħħal fi klassi speċifika tat-taqsima ewlenija.

Soċjetajiet ġenealoġiċi jistgħu jissuddividu klassijiet skont is-sess jew l-età.

3.           Soċjetajiet ġenealoġiċi jistgħu, flimkien mat-taqsima ewlenija msemmija fil-paragrafu 1 ta’ dan l-Artikolu, jistabbilixxu taqsima supplimentari waħda jew aktar tal-ktieb tat-tnissil għal annimali tal-istess speċi li ma jkunux eliġibbli għal dħul fit-taqsima ewlenija, bil-kondizzjoni li l-annimali jissodisfaw ir-rekwiżiti tal-Artikolu 20(1), u li r-regoli tas-soċjetà tat-tnissil li skonthom il-wild ta’ dawk l-annimali jitħalla jiddaħħal fit-taqsima ewlenija jkunu konformi mar-regoli stabbiliti fil-Kapitolu III tal-Parti 1 tal-Anness II:

(a)     il-punt 3 tal-Kapitolu III tal-Parti 1 tal-Anness II, fil-każ ta' annimali nisa tal-ispeċi bovina, porċina, ovina u kaprina; jew

(b)     il-punt 4 tal-Kapitolu III tal-Parti 1 tal-Anness II, fil-każ ta' annimali rġiel u nisa tal-ispeċi ekwina;

4.           Il-Kummissjoni għandu jkollha s-setgħa tadotta atti delegati skont l-Artikolu 71 dwar emendi tar-regoli stabbiliti fil-punti 3 u 4 tal-Kapitolu II tal-Parti 1 tal-Anness II li skonthom il-wild ta’ annimali reġistrati f’taqsima supplimentari jitħalla jiddaħħal fit-taqsima ewlenija.

Artikolu 18 Taqsima speċifika fil-ktieb tat-tnissil

1.           L-awtorità kompetenti tista’ tapprova programm tat-tnissil li jkun jeħtieġlu, b’deroga mill-Artikolu 17(2), id-dħul f’taqsima separata tal-ktieb tat-tnissil ta’ ċerti anninali ta' razza pura għat-tnissil tal-ħnieżer, ovina u tal-ispeċi kaprina li:

(a)     jiddaħħlu fit-taqsima ewlenija ta’ ktieb tat-tnissil ta’ dik ir-razza miżmum minn soċjetà tat-tnissil fi Stat Membru ieħor jew f’pajjiż terz;

(b)     ikollhom karatteristiċi speċifiċi li jagħżluhom mill-għadd tal-istess razza fl-Istat Membru fejn il-programm tat-tnissil ikun approvat.

2.           Stati Membri li jkun biħsiebhom jużaw id-deroga msemmija fil-paragrafu 1 għandhom jgħarrfu minn qabel lill-Kummissjoni u lill-Istati Membri l-oħra dwar dan u jagħtu spjegazzjoni motivata.

Artikolu 19 Dħul ta’ anninali ta' razza pura għat-tnissil fit-taqsima ewlenija

1.           Soċjetajiet ġenealoġiċi għandhom, meta jkun hemm applikazzjoni minn nissiela, idaħħlu jew jirreġistraw għal dħul fit-taqsima ewlenija kull annimal tat-tnissil ta’ razza pura tar-razza koperta minn programm tat-tnissil tagħhom li jħares ir-rekwiżiti stabbiliti fil-Parti 1 tal-Anness II.

2.           Soċjetajiet ġenealoġiċi m’għandhomx jirrifjutaw id-dħul fit-taqsima ewlenija tal-kotba tat-tnissil tagħhom ta’ annimal tat-tnissil ta’ razza pura minħabba li jkun diġà mdaħħal fit-taqsima ewlenija ta’ ktieb tat-tnissil għall-istess jew, fil-każ ta’ programm tal-inkroċjar tar-razez ta’ razza differenti, ikun stabbilit minn soċjetà tat-tnissil rikonoxxuta skont l-Artikolu 4(2) fi Stat Membru ieħor jew minn korp tat-tnissil skont l-Artikolu 36(1) f’pajjiż terz.

3.           Meta t-taqsima ewlenija tkun diviża fi klassijiet, anninali ta' razza pura għat-tnissil li jissodisfaw il-kriterji għal dħul fit-taqsima ewlenija għandhom jiddaħħlu mis-soċjetà tat-tnissil fil-klassi li tkun taqbel mal-merti ta’ dawk l-anninali ta' razza pura għat-tnissil, mingħajr diskriminazzjoni minħabba l-oriġini tagħhom fi Stat Membru ieħor jew f’pajjiż terz.

4.           Il-Kummissjoni għandu jkollha s-setgħa tadotta atti delegati skont l-Artikolu 71 dwar emendi tar-rekwiżiti għad-dħul ta’ anninali ta' razza pura għat-tnissil fit-taqsima ewlenija tal-kotba tat-tnissil stabbiliti fil-Kapitolu I and II tal-Parti 1 tal-Anness II.

Artikolu 20 Rekord ta' annimali f'taqsimiet supplimentari

1.           Soċjetajiet ġenealoġiċi għandhom, meta jkun hemm applikazzjoni minn nissiela, jirreġistraw fit-taqsima supplimentari msemmija fl-Artikolu 17(3) annimali tal-ispeċi koperti mill-programm tat-tnissil tagħhom li ma jkunux eliġibbli għal dħul fit-taqsima ewlenija, bil-kondizzjoni li dawk l-annimali jissodisfaw il-kondizzjonijiet stabbiliti fil-punti 1 u 2 tal-Kapitolu III tal-Parti 1 tal-Anness II.

2.           Il-Kummissjoni għandu jkollha s-setgħa tadotta atti delegati skont l-Artikolu 71 dwar emendi tal-kondizzjonijiet għar-reġistrazzjoni ta’ annimali f’taqsimiet supplimentari ta’ kotba tat-tnissil stabbiliti fil-Kapitolu III tal-Parti 1 tal-Anness II.

Artikolu 21 Aċċettazzjoni ta’ anninali ta' razza pura għat-tnissil għal tnissil

1.           Soċjetajiet ġenealoġiċi m’għandhomx jeskludu għal raġunijiet żootekniċi jew ġenealoġiċi, minbarra dawk li jirriżultaw mill-applikazzjoni tal-Artikolu 19, l-użu ta’ anninali ta' razza pura għat-tnissil mdaħħlin fit-taqsima ewlenija tal-ktieb tat-tnissil tagħhom għal tnissil bl-użu tat-tekniki ta’ riproduzzjoni li ġejjin:

(a)     servizz naturali;

(b)     ġbir u użu ta’ ooċiti u embrijuni;

(c)     ġbir ta’ semen minn annimali għat-tnissil li jkun sarilhom, meta jkun japplika, kontroll tal-prestazzjoni u evalwazzjoni ġenetika skont l-Artikolu 27 jew kif stabbilit fl-att delegat adottat skont l-Artikolu 28(1);

(d)     inseminazzjoni artifiċjali bl-użu ta’ semen imsemmi fil-punt (c);

(e)     produzzjoni in vitro u użu ta’ embrijuni prodotti minn ooċiti msemmija fil-punt (b) u mnisslin bl-użu ta’ semen imsemmi fil-punt (c).

2.           Il-Kummissjoni għandu jkollha s-setgħa tadotta atti delegati skont l-Artikolu 71 dwar kriterji għal:

(a)     l-aċċettazzjoni minn soċjetajiet ġenealoġiċi ta’ anninali ta' razza pura għat-tnissil għal tnissil;

(b)     il-ġbir u l-użu ta’ prodotti ġerminali ta’ anninali ta' razza pura għat-tnissil għal finijiet tat-tnissil.

Artikolu 22 Metodi ta’ kontroll tal-identità

1.           Soċjetajiet ġenealoġiċi għandhom jesiġu li anninali ta' razza pura għat-tnissil tal-ispeċi bovina u annimali rġiel tat-tnissil ta’ razza pura ta’ razez tal-ħalib tal-ispeċi ovina u kaprina jkunu identifikati b’analiżi tal-grupp tad-demm tagħhom jew b’kull metodu ieħor adatt li jipprovdu mill-anqas l-istess grad ta’ ċertezza meta jintużaw għal:

(a)     il-ġbir ta’ semen għall-inseminazzjoni artifiċjali;

(b)     il-ġbir ta’ ooċiti u embrijuni.

2.           Meta tintalab minn Stat Membru jew minn assoċjazzjoni Ewropea ta’ soċjetajiet ġenealoġiċi għall-annimali ekwini ta’ razza pura tal-ispeċi konċernata, il-Kummissjoni tista’, permezz ta’ atti implimentattivi, tapprova metodi għall-kontroll tal-identità ta’ anninali ta' razza pura għat-tnissil tal-ispeċi bovina u annimali rġiel tat-tnissil ta’ razza pura ta’ razez tal-ħalib tal-ispeċi ovina u kaprina li jipprovdu mill-anqas l-istess grad ta’ ċertezza bħall-analiżi tal-grupp tad-demm ta’ dawk l-anninali ta' razza pura għat-tnissil, billi jitqiesu avanzi tekniċi u r-rakkomandazzjonijiet taċ-ċentri ta’ referenza Ewropej imsemmija fl-Artikolu 31.

Dawk l-atti implimentattivi għandhom ikunu adottati skont il-proċedura ta’ eżami msemmija fl-Artikolu 72(2).

Artikolu 23 Aċċettazzjoni tas-semen għall-inseminazzjoni artifiċjali u l-fertilizzazzjoni in-vitro tal-ooċiti u tal-annimali ta' razza pura għat-tnissil u l-prodotti ġerminali tagħhom għall-ittestjar;

1.           Soċjetajiet ġenealoġiċi m’għandhomx jipprojbixxu l-użu ta’ semen għall-inseminazzjoni artifiċjali ta’ anninali nisa ta' razza pura għat-tnissil jew fertilizzazzjoni in vitro ta’ ooċiti miġburin minn anninali nisa ta' razza pura għat-tnissil, bil-kondizzjoni li s-semen ikun inġabar minn annimali donaturi tat-tnissil ta’ razza pura ta’:

(a)     l-ispeċi bovina, porċina, ovina u speċi kaprina li kienu aċċettati għall-ġbir ta’ semen għal inseminazzjoni artifiċjali jew fertilizzazzjoni in vitro ta’ ooċiti fi Stat Membru abbażi ta’ kontroll tal-prestazzjoni u evalwazzjoni ġenetika magħmulin skont l-Artikolu 27 u l-Anness III;

(b)     l-ispeċi ekwina, li kienet aċċettata għall-ġbir ta’ semen għal inseminazzjoni artifiċjali jew fertilizzazzjoni in vitro ta’ ooċiti abbażi tal-programm tat-tnissil approvat skont l-Artikolu 8(1) jew l-Artikolu 9.

2.           Anninali ta' razza pura għat-tnissil u l-prodotti ġerminali tagħhom, imdaħħlin fit-taqsima ewlenija ta’ ktieb tat-tnissil stabbilit minn soċjetà tat-tnissil rikonoxxuta fi Stat Membru wieħed għandhom ikunu aċċettati minn soċjetà għat-tnissil li jkun qed iwettqu programm tat-tnissil fuq l-istess razza fi Stati Membri oħra għall-kontroll tal-prestazzjoni, u fejn issir evalwazzjoni ġenetika xierqa, taħt l-istess kondizzjonijiet u limitazzjonijiet kwantitattivi kif applikati għal anninali ta' razza pura għat-tnissil mdaħħlin fi ktieb tat-tnissil stabbilit minn soċjetà tat-tnissil rikonoxxuta fl-Istat Membru fejn il-kontroll tal-prestazzjoni u evalwazzjoni ġenetika jkollhom isiru skont l-Artikolu 27.

3.           Għall-fini tal-paragrafu 1 u 2, il-prodotti ġerminali tal-anninali ta' razza pura għat-tnissil msemmija f’dawk il-paragrafi għandhom jinġabru, ikunu ttrattati u jinħażnu minn ċentru ta’ ġbir u ħżin ta’ semen jew minn tim ta’ ġbir u produzzjoni ta’ embrijuni approvat uffiċjalment għal kummerċ fl-Unjoni ta’ dawn il-komoditajiet skont il-leġiżlazzjoni tal-Unjoni dwar is-saħħa tal-annimali.

4.           Fejn ikun meħtieġ għall-kummerċ, il-Kummissjoni għandu jkollha s-setgħa tadotta atti delegati skont l-Artikolu 71 dwar il-kondizzjonijiet għall-aċċettazzjoni ta’:

(a)     anninali ta' razza pura għat-tnissil tal-ispeċi ekwina ta’ ċerti razez għal inseminazzjoni artifiċjali u fertilizzazzjoni in vitro ta’ ooċiti;

(b)     anninali ta' razza pura għat-tnissil tal-ispeċi ekwina ta’ ċerti razez u l-prodotti ġerminali tagħhom għall-kontroll tal-prestazzjoni u evalwazzjoni ġenetika.

Taqsima 2 Taqsima 2 Reġistrazzjoni ta’ ħnieżer tat-tnissil ibridi f’reġistri ta’ razez miżmumin minn operazzjonijiet tat-tnissil u aċċettazzjoni għal tnissil, inseminazzjoni artifiċjali u ttestjar inseminazzjoni artifiċjali u l-kontrolli

Artikolu 24 Reġistrazzjoni ta’ ħnieżer tat-tnissil ibridi f’reġistri ta’ razez

1.           Operazzjonijiet tat-tnissil għandhom, skont il-każ wara applikazzjoni mill-membri tagħhom, jirreġistraw fir-reġistru tar-razza kull ħanżir tat-tnissil ibridu tal-istess inkroċju li jissodisfa r-rekwiżiti stabbiliti fil-Parti 2 tal-Anness II.

2.           Il-Kummissjoni għandu jkollha s-setgħa tadotta atti delegati skont l-Artikolu 71 dwar emendi tar-rekwiżiti għar-reġistrazzjoni ta’ ħnieżer tat-tnissil ibridi f’reġistri ta’ razez stabbiliti fil-Parti 2 tal-Anness II.

Artikolu 25 Aċċettazzjoni ta’ ħnieżer tat-tnissil ibridi għal tnissil

1.           Operazzjonijiet tat-tnissil m’għandhomx jeskludu minħabba raġunijiet żootekniċi jew ġenealoġiċi, minbarra dawk li jirriżultaw mill-applikazzjoni tal-Artikolu 27, l-użu ta’ ħnieżer tat-tnissil ibridi reġistrati fir-reġistri ta’ razez tagħhom għal tnissil bl-użu tat-tekniki ta’ riproduzzjoni li ġejjin:

(a)     servizz naturali;

(b)     ġbir u użu ta’ ooċiti u embrijuni;

(c)     ġbir ta’ semen minn annimali għat-tnissil li jkun sarilhom, meta jkun japplika, kontroll tal-prestazzjoni u evalwazzjoni ġenetika skont l-Artikolu 27 jew kif stabbilit fl-att delegat adottat skont l-Artikolu 28(1);

(d)     inseminazzjoni artifiċjali bl-użu ta’ semen imsemmi fil-punt (c);

(e)     produzzjoni in vitro u użu ta’ embrijuni prodotti minn ooċiti msemmija fil-punt (b) u mnisslin bl-użu ta’ semen imsemmi fil-punt (c).

2.           Il-Kummissjoni għandu jkollha s-setgħa tadotta atti delegati skont l-Artikolu 71 dwar kriterji għal:

(a)     l-aċċettazzjoni minn operazzjonijiet tat-tnissil ta’ ħnieżer tat-tnissil ibridi għal tnissil;

(b)     il-ġbir u l-użu ta’ semen, ooċiti jew embrijuni ta’ ħnieżer tat-tnissil ibridi għal finijiet tat-tnissil.

Artikolu 26 Aċċettazzjoni ta’ ħnieżer tat-tnissil ibridi għal inseminazzjoni artifiċjali u ttestjar

1.           L-operazzjonijiet tat-tnissil ma jipprojbixxux l-użu ta' semen għall-inseminazzjoni artifiċjali jew il-fertilizzazzjoni in-vitro tal-ooċiti miġbura mill-ħnieżer nisa ibridi tat-tnissil, u dan kemm-il darba s-semen ikun inġabar mill-majjal ibridu donatur għat-tnissil li l-linja tiegħu tkun ġiet sottomessa għall-kontroll tal-prestazzjoni u għal evalwazzjoni ġenetika skont l-Artikolu 27 u l-Anness III.

2.           Ħnieżer irġiel tat-tnissil ibridi u s-semen tagħhom, li jkunu reġistrati f’reġistru tar-razza rikonoxxut fi Stat Membru wieħed, għandhom ikunu aċċettati minn operazzjoni tat-tnissil li twettaq progrmm tat-tnissil fuq l-istess inkroċju tar-razza fi Stat Membru ieħor għall-kontroll tal-prestazzjoni, u fejn issir evalwazzjoni ġenetika xierqa, bl-istess kondizzjonijiet u limitazzjonijiet kwantitattivi kif ikunu applikati lil ħnieżer irġiel tat-tnissil ibridi u s-semen tagħhom reġistrati f’reġistru tar-razza stabbilit għall-istess inkroċju tar-razza minn operazjoni tat-tnissil rikonoxxuta fl-Istat Membru fejn ikun se jsir il-kontroll tal-prestazzjoni u l-evalwazzjoni ġenetika skont l-Artikolu 27.

3.           Għall-fini tal-paragrafi 1 u 2, is-semen imsemmi f’dawk il-paragrafi għandu jinġabar, ikun ittrattat u jinħażen minn ċentru ta’ ġbir u ħżin ta’ semen approvat uffiċjalment għal kummerċ fl-Unjoni ta’ dawn l-komoditajiet skont leġiżlazzjoni tal-Unjoni dwar is-saħħa tal-annimali.

4.           Il-Kummissjoni għandu jkollha s-setgħa tadotta atti delegati skont l-Artikolu 71 dwar il-kondizzjonijiet għall-aċċettazzjoni ta’ ħnieżer tat-tnissil ibridi għal inseminazzjoni artifiċjali u ttestjar.

KAPITOLU V Kontroll tal-prestazzjoni, evalwazzjoni ġenetika u ċertifikati żootekniċi

Artikolu 27 Metodi għall-kontroll tal-prestazzjoni u evalwazzjoni ġenetika

1.           Meta programm tat-tnissil approvat skont l-Artikolu 8(1) jew l-Artikolu 9 ikun jeħtieġlu kontroll tal-prestazzjoni u evalwazzjoni ġenetika għall-klassifikazzjoni ta’ anninali ta' razza pura għat-tnissil tal-ispeċi bovina, porċina, ovina u tal-ispeċi kaprina f’kotba tat-tnissil u għall-aċċettazzjoni għal tnissil ta’ annimali rġiel tat-tnissil ta’ dawk l-ispeċi u s-semen tagħhom, soċjetajiet ġenealoġiċi għandhom jiżguraw li ttestjar bħal dan ta’ prestazzjoni u evalwazzjoni ġenetika jitwettqu skont ir-regoli li ġejjin stabbiliti fl-Anness III:

(a)     għal anninali ta' razza pura għat-tnissil tal-ispeċi bovina, fil-Parti 1;

(b)     għal anninali ta' razza pura għat-tnissil tal-ispeċi porċina, fil-Kapitolu I u fil-punt 1 tal-Kapitolu II tal-Parti 2;

(c)     għal anninali ta' razza pura għat-tnissil tal-ispeċi ovina u kaprina, fil-Parti 3.

2.           Meta programm tat-tnissil approvat skont l-Artikolu 8(1) jew l-Artikolu 9 ikun jeħtieġlu kontroll tal-prestazzjoni u evalwazzjoni ġenetika għall-klassifikazzjoni ta’ anninali ta' razza pura għat-tnissil tal-ispeċi ekwina f’kotba tat-tnissil u għall-aċċettazzjoni għal tnissil ta’ annimali rġiel tat-tnissil tal-ispeċi ekwina u s-semen tagħhom, soċjetajiet ġenealoġiċi għandhom jiżguraw li ttestjar bħal dan ta’ prestazzjoni u evalwazzjoni ġenetika jitwettqu skont ir-regoli li ġejjin stabbiliti fl-Anness I:

(a)     fil-punt (1)(e) tal-Parti 2;

(b)     fil-punti (1)(a)(i) u (b)(i) u l-punt (2)(b) tal-Parti 3.

3.           Meta programm tat-tnissil approvat skont l-Artikolu 8(1) jew l-Artikolu 9 ikun jeħtieġlu evalwazzjoni ġenetika għall-klassifikazzjoni ta’ ħnieżer tat-tnissil ibridi f’reġistri ta’ razez u għall-aċċettazzjoni għal tnissil ta’ ħnieżer irġiel ibridi u s-semen tagħhom, operazzjonijiet tat-tnissil għandhom jiżguraw li l-evalwazzjoni ġenetika ssir skont ir-regoli stabbiliti fil-punt 2 tal-Kapitolu II tal-Parti 2 tal-Anness III.

Artikolu 28 Setgħat iddelegati u setgħat ta' implimentazzjoni rigward ir-rekwiżiti tal-metodi użati għall-kontroll tal-prestazzjoni u evalwazzjoni ġenetika;

1.           Il-Kummissjoni għandu jkollha s-setgħa tadotta atti delegati skont l-Artikolu 71 dwar ir-regoli għall-kontroll tal-prestazzjoni u evalwazzjoni ġenetika, u meta jkun meħtieġ temenda l-Anness III, biex tqis:

(a)     avanzi xjentifiċi;

(b)     żviluppi tekniċi;

(c)     il-funzjonament tas-suq intern; jew

(d)     il-ħtiġijiet għall-ħarsien ta’ riżorsi ġenetiċi ta’ siwi.

2.           Meqjusa l-opinjoni tal-espert indipendenti msemmija fl-Artikolu 13(1)(a), il-Kummissjoni tista’, permezz ta’ att implimentattiv, tistabbilixxi regoli uniformi għall-kontroll tal-prestazzjoni u evalwazzjonijiet ġenetiċi u għall-interpretazzjoni tar-riżultati tagħhom.

Dawk l-atti implimentattivi għandhom ikunu adottati skont il-proċedura ta’ eżami msemmija fl-Artikolu 72(2).

Artikolu 29 Istituzzjonijiet nominati għall-kontroll tal-prestazzjoni u evalwazzjoni ġenetika

1.           Soċjetajiet ġenealoġiċi u operazzjonijiet tat-tnissil għandhom, fejn ikun meħtieġ biex iwettqu l-programm tat-tnissil tagħhom approvat skont l-Artikolu 8(1) jew l-Artikolu 9, jinnominaw l-istituzzjoni li tagħmel il-kontroll tal-prestazzjoni u l-evalwazzjoni ġenetika ta’ annimali għat-tnissil msemmijin fl-Artikolu 27.

2.           L-istituzzjonijiet msemmijin fil-paragrafu 1 jistgħu jew:

(a)     joperaw bħala unitajiet speċjalizzati taħt ir-responsabbiltà ta’ soċjetà tat-tnissil jew operazzjoni tat-tnissil; jew

(b)     ikunu awtorizzati mill-awtorità kompetenti li tkun approvat il-programm tat-tnissil.

3.           Soċjetajiet ġenealoġiċi u operazzjonijiet tat-tnissil għandhom iżommu lista aġġornata ta’ istituzzjonijiet nominati minnhom skont il-paragrafu 1 u jagħmlu informazzjoni bħal din disponibbli pubblikament.

Artikolu 30 Obbligi ta’ istituzzjonijiet nominati skont l-Artikolu 29(1)

1.           Istituzzjonijiet nominati minn soċjetajiet ġenealoġiċi jew minn operazzjonijiet tat-tnissil kif imsemmi fl-Artikolu 29(1) għandhom jipprovdu l-informazzjoni li ġejja meta tintalab mill-awtorità kompetenti:

(a)     reġistrazzjonijiet tad-dejta kollha dwar testijiet ta’ prestazzjoni mwettqin;

(b)     l-identità tas-soċjetà tat-tnissil li tinnomina jew tal-operazzjoni tat-tnissil u tal-awtorità kompetenti msemmija fl-Artikolu 29(2)(b);

(c)     dettalji tal-metodi ta’ reġistrazzjoni għal karatteristiċi;

(d)     dettalji dwar il-mudell ta’ deskrizzjoni ta’ prestazzjoni użat għall-analiżi tar-riżultati tal-kontroll tal-prestazzjoni;

(e)     dettalji dwar il-metodu ta’ statistika użat għall-analiżi tar-riżultati tal-kontroll tal-prestazzjoni għal kull karatteristika evalwata;

(f)     dettalji dwar parametri ġenetiċi użati għal kull karatteristika evalwata.

2.           L-istituzzjonijiet nominati minn soċjetajiet ġenealoġiċi jew minn operazzjonijiet tat-tnissil kif imsemmi fl-Artikolu 29(1) għandhom jagħmlu disponibbli pubblikament u jżommu aġġornati r-riżultati tal-evalwazzjoni ġenetika ta’ annimali għat-tnissil li s-semen tagħhom jintuża għal inseminazzjoni artifiċjali.

Artikolu 31 Nomina ta’ ċentri ta’ referenza tal-Unjoni Ewropea

1.           Il-Kummissjoni għandha, permezz ta’ atti implimentattivi, tinnomina ċ-ċentru ta’ referenza tal-Unjoni Ewropea responsabbli għall-kollaborazzjoni ma’ soċjetajiet ġenealoġiċi biex jagħmel uniformi l-metodi għall-kontroll tal-prestazzjoni u evalwazzjoni ġenetika ta’ anninali ta' razza pura għat-tnissil tal-ispeċi bovina.

Dawk l-atti implimentattivi għandhom ikunu adottati skont il-proċedura ta’ eżami msemmija fl-Artikolu 72(2).

2.           Il-Kummissjoni tista’, permezz ta’ atti implimentattivi, tinnomina ċ-ċentri ta’ referenza tal-Unjoni Ewropea responsabbli għall-armonizzazzjoni tal-metodi għall-kontroll tal-prestazzjoni u evalwazzjoni ġenetika ta’ anninali ta' razza pura għat-tnissil tal-ispeċi minbarra dik tal-ispeċi bovina.

Dawk l-atti implimentattivi għandhom ikunu adottati skont il-proċedura ta’ eżami msemmija fl-Artikolu 72(2).

Artikolu 32 Rekwiżiti għal ċentri ta’ referenza tal-Unjoni Ewropea u d-dmirijiet u l-funzjonijiet tagħhom

1.           Ċentri ta’ referenza tal-Unjoni Ewropea nominati skont l-Artikolu 31 għandhom:

(a)     ikunu konformi mar-rekwiżiti stabbiliti fil-punt 1 tal-Anness IV;

(b)     jaqdu d-dmirijiet u l-funzjonijiet stabbiliti fil-punt 2 tal-Anness IV;

(c)     jaħdmu ma’soċjetajiet ġenealoġiċi u istituzzjonijiet nominati minn soċjetajiet ġenealoġiċi skont l-Artikolu 29(1) biex iħaffu l-applikazzjoni uniformi ta’ metodi ta’ kontroll tal-prestazzjoni u evalwazzjoni ġenetika għal anninali ta' razza pura għat-tnissil kif imsemmi fl-Artikolu 27.

2.           Il-Kummissjoni għandu jkollha s-setgħa tadotta atti delegati skont l-Artikolu 71 dwar emendi ta’:

(a)     ir-rekwiżiti għal ċentri ta’ referenza tal-Unjoni Ewropea stabbiliti fil-punt 1 tal-Anness IV;

(b)     id-dmirijiet u l-funzjonijiet ta’ ċentri ta’ referenza tal-Unjoni Ewropea stabbiliti fil-punt 2 tal-Anness IV.

L-atti delegati msemmijin fil-paragrafu 2 għandhom iqisu kif imiss l-ispeċi ta’ anninali ta' razza pura għat-tnissil li għalihom il-metodu ta’ kontroll tal-prestazzjoni u evalwazzjoni ġenetika għandhom isiru uniformi u l-avanzi xjentifiċi u tekniċi fil-qasam ta’ evalwazzjoni ġenetika.

3.           Il-Kummissjoni tista’ tagħmel l-awditjar ta’ ċentri ta’ referenza tal-Unjoni Ewropea nominati skont il-paragrafu 1 jew il-paragrafu 2 biex tivverifika li:

(a)     ikunu konformi mar-rekwiżiti stabbiliti fil-punt 1 tal-Anness IV;

(b)     jaqdu d-dmirijiet u l-funzjonijiet tagħhom stabbiliti fil-punt 2 tal-Anness IV.

Jekk dak l-awditjar isib li ċentru ta’ referenza tal-Unjoni Ewropea ma jkunx qed jaqdi l-funzjonijiet u d-dmirijiet tiegħu stabbiliti fil-punt 2 tal-Anness IV, il-Kummissjoni tkun tista’ tnaqqas il-kontribuzzjoni finanzjarja tal-Unjoni mogħtija skont l-Artikolu 31 tad-Deċiżjoni tal-Kunsill 2009/470/KE jew tirtira n-nomina skont il-proċedura msemmija fl-Artikolu 72(2).

Artikolu 33 Il-ħruġ, il-kontenut u l-format ta' ċertifikati żootekniċi għall-kummerċ fl-Unjoni ta' annimali għat-tnissil u l-prodotti ġerminali tagħhom

1.           Għall-fini tad-dħul ta’ annimali għat-tnissil u tal-prodotti ġerminali tagħhom f’kotba tat-tnissil jew ir-reġistrazzjoni tagħhom f’reġistri ta’ razez, soċjetajiet ġenealoġiċi u operazzjonijiet tat-tnissil għandhom joħorġu ċertifikati żootekniċi li:

(a)     jagħtu l-informazzjoni deskritta fl-Anness V;

(b)     ikunu konformi mal-formuli mudell li jkunu jaqblu ta’ ċertifikati żootekniċi msemmijin f’atti implimentattivi adottati skont il-paragrafu 4.

2.           Soċjetajiet ġenealoġiċi u operazzjonijiet tat-tnissil li jagħmlu kontroll tal-prestazzjoni u evalwazzjoni ġenetika skont il-programm tat-tnissil tagħhom approvat skont l-Artikolu 8(1) jew l-Artikolu 9 għandhom jiddikjaraw fiċ-ċertifikat żootekniku maħruġ għal annimal tat-tnissil jew għall-prodotti ġerminali tiegħu:

(a)     ir-riżultati kollha li jkun hemm ta’ testijiet ta’ prestazzjoni;

(b)     riżultati aġġornati tal-evalwazzjoni ġenetika;

(c)     kull pekuljaretà ġenetika u difetti ġenetiċi li jolqtu lill-annimal attwali u lill-missieru u lil ommu u lin-nanniet tiegħu kif meħtieġ mill-programm tat-tnissil approvat.

3.           Il-Kummissjoni għandu jkollha s-setgħa tadotta atti delegati skont l-Artikolu 71 dwar l-informazzjoni meħtieġa skont l-paragrafu 1(a) u fejn ikun meħtieġ l-emendi għall-kontenut ta’ ċertifikati żootekniċi msemmijin fl-Anness V.

4.           Il-Kummissjoni għandha, permezz ta’ atti implimentattivi, tfassal formuli mudell ta’ ċertifikati żootekniċi għal annimali għat-tnissil u s-semen, l-ooċiti u l-embrijuni tagħhom.

Dawk l-atti implimentattivi għandhom ikunu adottati skont il-proċedura ta’ eżami msemmija fl-Artikolu 72(2).

Artikolu 34 Derogi mill-ħruġ, il-kontenut u l-format ta' ċertifikati żootekniċi għall-kummerċ fl-Unjoni ta' annimali għat-tnissil u l-prodotti ġerminali tagħhom

1.           B’deroga mill-Artikolu 33(1), l-awtorità kompetenti tista’ tawtorizza li:

(a)     ċertifikati żootekniċi jinħarġu minn ċentri ta’ ġbir ta’ semen u minn timijiet ta’ ġbir jew produzzjoni ta’ embrijuni approvati għall-kummerċ f’dawk il-prodotti ġerminali skont leġiżlazzjoni tal-Unjoni dwar is-saħħa tal-annimali;

(b)     l-informazzjoni li jeħtieġ li tkun inkluża fiċ-ċertifikat żootekniku tkun tinsab f’dokumenti oħra li jkunu ma’ anninali ta' razza pura għat-tnissil tal-ispeċi bovina, porċina, ovina jew speċi kaprina u tal-ħnieżer tat-tnissil ibridi, bil-kondizzjoni li s-soċjetà tat-tnissil jew l-operazzjoni tat-tnissil li jżommu l-ktieb tat-tnissil jew ir-reġistru tar-razza jiċċertifikaw il-kontenut ta’ dawk id-dokumenti skont il-punt 2 tal-Parti 1 tal-Anness V;

(c)     l-informazzjoni li jeħtieġ li tkun inkluża fiċ-ċertifikat żootekniku tkun tinsab fid-dokument ta’ identifikazzjoni maħruġ mis-soċjetà tat-tnissil skont leġiżlazzjoni tal-Unjoni dwar is-saħħa tal-annimali dwar l-identifikazzjoni ta’ equidae.

2.           B’deroga mill-Artikolu 33(2)(b), jekk ir-riżultati tal-evalwazzjoni ġenetika jkunu disponibbli pubblikament fuq l-Internet, soċjetajiet ġenealoġiċi jew operazzjonijiet tat-tnissil ikunu jistgħu, fiċ-ċertifikat żootekniku, jirreferu għall-websajt minn fejn wieħed ikun jista’ jara dawk ir-riżultati.

KAPITOLU VI Regoli żootekniċi u ġenealoġiċi għal kummerċ f’annimali għat-tnissil ta’ speċi oħra

Artikolu 35 Setgħa delegata u implimentattiva dwar ir-regoli żootekniċi u ġenealoġiċi għal kummerċ f’anninali ta' razza pura għat-tnissil msemmija fl-Artikolu 2(i)(iii) u l-prodotti ġerminali tagħhom;

1.           Il-Kummissjoni għandu jkollha s-setgħa tadotta atti delegati skont l-Artikolu 71 dwar ir-regoli żootekniċi u ġenealoġiċi għal kummerċ f’anninali ta' razza pura għat-tnissil msemmija fl-Artikolu 2(i)(iii) u l-prodotti ġerminali tagħhom meta dan ikun meħtieġ għall-funzjonament tas-suq intern jew għall-ħarsien ta’ riżorsi ġenetiċi ta’ siwi, fir-rigward ta’:

(a)     ir-rikonoxximent ta’ soċjetajiet ġenealoġiċi;

(b)     l-approvazzjoni ta’ programmi tat-tnissil;

(c)     il-kondizzjonijiet għad-dħul ta’ dawk l-anninali ta' razza pura għat-tnissil f’kotba tat-tnissil;

(d)     l-aċċettazzjoni ta’ dawk l-anninali ta' razza pura għat-tnissil għat-tnissil, l-inseminazzjoni artifiċjali u l-ġbir u l-użu tal-prodotti ġerminali tagħhom minn soċjetajiet ġenealoġiċi;

(e)     il-metodi għall-kontroll tal-prestazzjoni u għall-evalwazzjoni ġenetika ta’ dawk l-anninali ta' razza pura għat-tnissil;

(f)     l-informazzjoni li għandha tkun f’ċertifikati żootekniċi li għandhom ikunu ma’ dawk l-anninali ta' razza pura għat-tnissil.

2.           Sakemm il-Kummissjoni tkun adottat l-atti delegati msemmija fil-paragrafu 1, hija għandha, permezz ta’ atti implimentattivi, tfassal formuli mudell ta’ ċertifikati żootekniċi msemmija fil-paragrafu 1(f) ta’ dan l-Artikolu għal anninali ta' razza pura għat-tnissil msemmijin fl-Artikolu 2(i)(iii) u s-semen, l-ooċiti u l-embrijuni tagħhom.

Dawk l-atti implimentattivi għandhom ikunu adottati skont il-proċedura ta’ eżami msemmija fl-Artikolu 72(2).

KAPITOLU VII KAPITOLU VII Importazzjonijiet minn pajjiżi terzi

Artikolu 36 Korpi tat-tnissil

1.           Meta ssir applikazzjoni minn nissiel, soċjetajiet ġenealoġiċi jew operazzjonijiet tat-tnissil għandhom idaħħlu jew jirreġistraw fil-kotba tat-tnissil jew fir-reġistri ta’ razez tagħhom kull annimal tat-tnissil u l-prodotti ġerminali tiegħu importati fl-Unjoni bil-kondizzjoni li jiddaħħal fi ktieb tat-tnissil jew li jkun irreġistrat f’reġistru tar-razza ta’ korp tat-tnissil f’pajjiż terz li:

(a)     iħares il-kriterji għall-elenkar ta’ korpi tat-tnissil imsemmijin fl-Artikolu 37;

(b)     ikun inkluż f’lista ta’ korpi tat-tnissil ikkomunikata lill-Kummissjoni mill-pajjiż terz ta’ oriġini tal-annimali għat-tnissil jew tal-prodotti ġerminali tagħhom.

2.           Il-Kummissjoni għandha żżomm, taġġorna u tippubblika listi ta’ korpi tat-tnissil f’pajjiżi terzi msemmijin fil-paragrafu 1(b).

Artikolu 37 Kriterji għal elenkar ta’ korpi tat-tnissil

1.           Il-Kummissjoni għandha tinkludi biss fil-lista msemmija fl-Artikolu 36(2) korpi tat-tnissil li dwarhom tkun irċeviet mill-awtorità kompetenti tal-pajjiż terz dokumentazzjoni li turi li l-korpi tat-tnissil li l-pajjiż terz ikun jixtieq li jkunu elenkati:

(a)     iwettqu programmi tat-tnissil li jkunu ekwivalenti għal programmi tat-tnissil imwettqin fuq l-istess razza jew l-inkroċju minn soċjetajiet ġenealoġiċi jew operazzjonijiet tat-tnissil fir-rigward:

(i)      tar-regoli applikabbli għad-dħul ta’ annimali għat-tnissil u tal-prodotti ġerminali tagħhom f’kotba tat-tnissil jew għar-reġistrazzjoni tagħhom f’reġistri ta’ razez;

(ii)     tar-regoli applikabbli għall-aċċettazzjoni ta’ annimali għat-tnissil għal finijiet tat-tnissil;

(iii)    tar-regoli applikabbli għall-użu ta’ prodotti ġerminali ta’ annimali għat-tnissil għall-ittestjar u t-tnissil;

(iv)    tal-metodi użati għall-kontroll tal-prestazzjoni u evalwazzjoni ġenetika;

(b)     ikollhom superviżjoni u jkunu kkontrollati minn servizz uffiċjali fil-pajjiż terz li jkollu s-setgħat meħtieġa biex jinforza regoli ekwivalenti għar-regoli msemmijin f’dan ir-Regolament li jkunu dwar:

(i)      ir-rikonoxximent ta’ soċjetajiet ġenealoġiċi u operazzjonijiet tat-tnissil;

(ii)     l-approvazzjoni tal-programmi tagħhom tat-tnissil;

(iii)    id-dħul ta’ anninali ta' razza pura għat-tnissil f’kotba tat-tnissil u r-reġistrazzjoni ta’ ħnieżer tat-tnissil ibridi f’reġistri ta’ razez;

(iv)    il-metodi tagħhom ta’ kontroll tal-prestazzjoni u ta’ evalwazzjoni ġenetika.

2.           Il-Kummissjoni għandha tinkludi biss fil-lista msemmija fl-Artikolu 36(2), korpi tat-tnissil ta’ pajjiżi terzi li dwarhom tkun irċeviet mis-servizz uffiċjali msemmi fil-paragrafu 1 tal-pajjiż terz dokumentazzjoni li turi li l-korpi tat-tnissil li l-pajjiż terz ikun jixtieq li jkunu elenkati jkollhom regoli ta’ proċedura biex jiżguraw li:

(a)     anninali ta' razza pura għat-tnissil mdaħħlin f’kotba tat-tnissil minn soċjetajiet ġenealoġiċi jiddaħħlu jew ikunu eliġibbli għal dħul mingħajr diskriminazzjoni fil-kotba tat-tnissil tal-istess razza stabbiliti minn korpi tat-tnissil f’dak il-pajjiż terz;

(b)     ħnieżer tat-tnissil ibridi reġistrati f’reġistru tar-razza minn operazzjonijiet tat-tnissil ikunu rreġistrati jew eliġibbli għal reġistrazzjoni mingħajr diskriminazzjoni fir-reġistru tar-razza tal-istess inkroċju stabbilit minn korpi tat-tnissil f’dak il-pajjiż terz.

Artikolu 38 Ftehimiet ekwivalenti

1.           Il-Kummissjoni tista’, permezz ta’ atti implimentattivi, tirrikonoxxi li miżuri applikati f’pajjiż terz ikunu ekwivalenti għal dawk meħtieġa minn dawn li ġejjin:

(a)     ir-rikonoxximent u s-superviżjoni ta’ korpi tat-tnissil imsemmijin fl-Artikolu 4 jew stabbiliti fl-att delegat adottat skont l-Artikolu 35(1);

(b)     l-approvazzjoni tal-programmi tat-tnissil tagħhom imsemmijin fl-Artikolu 8(1) jew stabbiliti fl-att delegat adottat skont l-Artikolu 35(1);

(c)     id-dħul ta’ annimali għat-tnissil f’kotba tat-tnissil u f’reġistri ta’ razez msemmijin fl-Artikoli 19 u 24 jew stabbiliti fl-att delegat adottat skont l-Artikolu 35(1);

(d)     l-aċċettazzjoni ta’ annimali għat-tnissil għal tnissil imsemmi fl-Artikoli 21 u 25 jew stabbilit fl-att delegat adottat skont l-Artikolu 35(1);

(e)     l-użu ta’ semen għal ittestjar imsemmi fl-Artikolu 23(1) jew stabbilit fl-att delegat adottat skont l-Artikolu 35(1) ;

(f)     l-użu ta’ semen għal ittestjar imsemmi fl-Artikolu 23(2) jew stabbilit fl-att delegat adottat skont l-Artikolu 35(1);

(g)     il-kontroll tal-prestazzjoni u l-evalwazzjoni ġenetika msemmijin fl-Artikolu 27 jew stabbiliti fl-att delegat adottat skont l-Artikolu 35(1).

Dawk l-atti implimentattivi għandhom ikunu adottati skont il-proċedura ta’ eżami msemmija fl-Artikolu 72(2).

2.           L-atti implimentattivi msemmija fil-paragrafu 1 għandhom ikunu adottati abbażi ta’:

(a)     eżami bir-reqqa tal-informazzjoni u d-dejta mogħtija mill-pajjiż terz konċernat skont l-Artikolu 37(1);

(b)     meta jkun xieraq, ir-riżultat sodisfaċenti ta’ kontroll magħmul skont l-Artikolu 67.

3.           L-atti implimentattivi msemmijin fil-paragrafu 1 għandhom jistabbilixxu l-modalitajiet li jirregolaw id-dħul ta’ annimali għat-tnissil u l-prodotti ġerminali tagħhom fl-Unjoni mill-pajjiż terz konċernat u jistgħu jinkludu:

(a)     in-natura u l-kontenut taċ-ċertifikati jew tad-dokumenti żootekniċi skont ir-rekwiżiti stabbiliti fl-Anness V li għandhom ikunu mal-annimali għat-tnissil jew mal-prodotti ġerminali tagħhom;

(b)     rekwiżi speċifiċi applikabbli għad-dħul fl-Unjoni tal-annimali jew tal-prodotti ġerminali tagħhom u għall-kontrolli uffiċjali li jkollhom isiru meta jidħlu fl-Unjoni;

(c)     meta jkun meħtieġ, proċeduri għat-tfassil u għall-emendi ta’ listi ta’ korpi tat-tnissil fil-pajjiż terz konċernat li minnu d-dħul ta’ annimali għat-tnissil u l-prodotti ġerminali tagħhom fl-Unjoni jkun permess.

4.           Il-Kummissjoni għandha, permezz ta’ atti implimentattivi, tirrevoka l-atti implimentattivi msemmija fil-paragrafu 1 mingħajr dewmien meta xi waħda mill-kondizzjonijiet għar-rikonoxximent tal-ekwivalenza ta’ garanziji stabbiliti fiż-żmien tal-adozzjoni tagħhom ma tibqax titħares.

Dawk l-atti implimentattivi għandhom ikunu adottati skont il-proċedura ta’ eżami msemmija fl-Artikolu 72(2).

Artikolu 39 Kundizzjonijiet żootekniċi għall-importazzjonijiet fl-Unjoni ta' annimali għat-tnissil u l-prodotti ġerminali tagħhom;

1.           Nissiela jistgħu jimportaw fl-Unjoni annimali għat-tnissil u l-prodotti ġerminali tagħhom imdaħħlin fi ktieb tat-tnissil jew reġistrati f’reġistru tar-razza ta’ korp tat-tnissil inkluż fil-lista stabbilita skont l-Artikolu 36(2) jew l-Artikolu 38(1) li jkollhom magħhom ċertifikat żootekniku kif imsemmi fl-Artikolu 40 u jkunu konformi mal-kondizzjonijiet addizzjonali li ġejjin:

(a)     l-annimali għat-tnissil ikollhom magħhom evidenza li huma għandhom jiddaħħlu fi ktieb tat-tnissil ta’ soċjetà tat-tnissil jew ikunu rreġistrati f’reġistru tar-razza ta’ operazzjoni tat-tnissil;

(b)     is-semen:

(i)      ikun inġabar minn annimali għat-tnissil li jkun sarilhom kontroll tal-prestazzjoni u evalwazzjoni ġenetika skont Anness III meta ttestjar u evalwazzjoni bħal dawk ikunu meħtieġa mill-Artikolu 27(1); jew

(ii)     ikun importat fi kwantitajiet meħtieġa għall-kontroll tal-prestazzjoni u għall-evalwazzjoni ġenetika kif imsemmi fl-Artikolu 23(2);

(c)     l-ooċiti u l-embrijuni jkunu nġabru jew kienu prodotti minn annimali għat-tnissil li jkun sarilhom kontroll tal-prestazzjoni u evalwazzjoni ġenetika skont l-Anness III meta ttestjar u evalwazzjoni bħal dawk ikunu meħtieġa mill-Artikolu 27(1).

2.           Il-Kummissjoni għandu jkollha s-setgħa tadotta atti delegati skont l-Artikolu 71 dwar ir-regoli żootekniċi u ġenealoġiċi għal importazzjonijiet fl-Unjoni ta’ annimali għat-tnissil u tal-prodotti ġerminali tagħhom biex tqis il-qagħda żooteknika speċifika f’pajjiż terz ta’ oriġini ta’ annimal tat-tnissil.

Artikolu 40 Il-ħruġ, il-kontenut u l-format ta' ċertifikati żootekniċi għall-importazzjonijiet fl-Unjoni ta' annimali għat-tnissil u l-prodotti ġerminali tagħhom;

1.           Għall-fini tad-dħul ta’ annimali għat-tnissil u tal-prodotti ġerminali f’kotba tat-tnissil jew tar-reġistrazzjoni tagħhom f’reġistri ta’ razez, iċ-ċertifikati żootekniċi msemmija fl-Artikolu 39(1) għandhom:

(a)     jinħarġu mill-korp tat-tnissil elenkat skont l-Artikolu 36(2);

(b)     jagħtu l-informazzjoni deskritta fl-Anness V;

(c)     jitfasslu skont il-formula mudell ta’ ċertifikat żootekniku msemmija f’att implimentattiv adottat skont il-paragrafu 2.

2.           Il-Kummissjoni għandha, permezz ta’ atti implimentattivi, tfassal formuli mudell ta’ ċertifikati żootekniċi għal importazzjonijiet fl-Unjoni ta’ annimali għat-tnissil u s-semen, l-ooċiti u l-embrijuni tagħhom.

Dawk l-atti implimentattivi għandhom ikunu adottati skont il-proċedura ta’ eżami msemmija fl-Artikolu 72(2).

Artikolu 41 Derogi mill-ħruġ, il-kontenut u l-format ta' ċertifikati żootekniċi għal għal importazzjonijiet fl-Unjoni ta’ annimali għat-tnissil u l-prodotti ġerminali tagħhom

1.           B’deroga mill-Artikolu 40(1)(a), prodotti ġerminali jista’ jkollhom magħhom ċertifikat żootekniku maħruġ f’isem il-korp tat-tnissil imsemmi fl-Artikolu 40(1)(a) minn ċentri ta’ ġbir ta’ semen jew minn timijiet ta’ ġbir jew produzzjoni ta’ embrijuni approvati għal importazzjonijiet fl-Unjoni ta’ dawk il-prodotti ġerminali skont leġiżlazzjoni tal-Unjoni dwar is-saħħa tal-annimali.

2.           B’deroga mill-Artikolu 40(1)(b), l-informazzjoni li jeħtieġ li tkun inkluża fiċ-ċertifikat żootekniku tista’ tkun

(a)     f’dokumenti oħra li jkunu mal-annimal tat-tnissil jew mal-prodotti ġerminali tiegħu bil-kondizzjoni li l-korp tat-tnissil li jżomm il-ktieb tat-tnissil jew ir-reġistru tar-razza jkun iċċertifika l-kontenut ta’ dawk id-dokumenti skont il-punt 2 tal-Parti 1 tal-Anness V;

(b)     referenza għall-websajt minn fejn jista’ jkun hemm aċċess għal dawk ir-riżultati, bil-kondizzjoni li r-riżultati tal-evalwazzjoni ġenetika jkunu disponibbli pubblikament fuq l-Internet.

Artikolu 42 Kontrolli żootekniċi fuq l-annimali għat-tnissil u l-prodotti ġerminali tagħhom impurtati fl-Unjoni

1.           L-Istati Membri għandhom jagħmlu eżamijiet żootekniċi fuq konsenji ta’ annimali għat-tnissil u tal-prodotti ġerminali tagħhom importati fl-Unjoni minn pajjiżi terzi fil-post ta’ spezzjonijiet tal-fruntiera li fih isiru l-verifiki ta’ dokumenti, identità u fiżiċi skont l-Artikoli 42 tar-Regolament (UE) Nru […] [COM/2013/0265 finali - 2013/0140 (COD)].

2.           Għall-fini tal-paragrafu 1, importaturi ta’ annimali għat-tnissil u tal-prodotti ġerminali tagħhom għandhom jippreżentaw lill-uffiċjal li jagħmel il-verifiki ta’ dokumenti, identità u fiżiċi msemmija fil-paragrafu 1 iċ-ċertifikat żootekniku, li għandu jkun mal-konsenja skont l-Artikolu 39(1).

Artikolu 43 Kondizzjonijiet għal dħul f’kotba tat-tnissil ta’ anninali ta' razza pura għat-tnissil importati fl-Unjoni

1.           Soċjetajiet ġenealoġiċi għandhom idaħħlu fit-taqsima ewlenija tal-ktieb tat-tnissil tagħhom anninali ta' razza pura għat-tnissil:

(a)     importati fl-Unjoni skont l-Artikolu 39(1)(a);

(b)     mwelldin fi Stat Membru bħala r-riżultat ta’ riproduzzjoni assistita bl-użu ta’

(i)      semen, importat skont l-Artikolu 39(1)(b);

(ii)     ooċiti jew embrijuni, importati skont l-Artikolu 39(1)(c).

2.           Soċjetajiet ġenealoġiċi jistgħu jdaħħlu fit-taqsima ewlenija tal-ktieb tat-tnissil tagħhom annmali tat-tnissil ta’ razza pura importati fl-Unjoni li jissodisfaw l-istandards stabbiliti għar-razza fil-programm tat-tnissil approvat skont l-Artikolu 8(1) jew l-Artikolu 9 u bil-kondizzjoni li:

(a)     il-korp tat-tnissil ikun konformi mal-kriterji għall-elenkar ta’ korpi tat-tnissil imsemmijin fl-Artikolu 37;

(b)     id-dħul ta’ annimali għat-tnissil bħal dawn ta’ razza pura fit-taqsima ewlenija tal-ktieb tat-tnissil ikun previst fil-programm tat-tnissil approvat;

(c)     l-anninali ta' razza pura għat-tnissil jkollhom magħhom ċertifikat żootekniku:

(i)      maħruġ mill-korp tat-tnissil imsemmi fil-punt (a);

(ii)     li jinkludi l-informazzjoni deskritta fl-Anness V.

Artikolu 44 Kondizzjonijiet għal reġistrazzjoni f’reġistri ta’ razez ta’ ħnieżer tat-tnissil ibridi impurtati fl-Unjoni

1.           Operazzjonijiet tat-tnissil għandhom jirreġistraw fir-reġistri ta’ razez tagħhom ħnieżer tat-tnissil ibridi:

(a)     importati fl-Unjoni skont l-Artikolu 39(1)(a);

(b)     mwelldin fi Stat Membru bħala r-riżultat ta’ riproduzzjoni assistita bl-użu ta’

(i)      semen, importat skont l-Artikolu 39(1)(b);

(ii)     ooċiti jew embrijuni, importati skont l-Artikolu 39(1)(c).

2.           Operazzjonijiet tat-tnissil jistgħu jdaħħlu fir-reġistri ta’ razez tagħhom ħnieżer tat-tnissil ibridi importati fl-Unjoni li jissodisfaw l-istandards stabbiliti għall-inkroċju fil-programm tat-tnissil approvat skont l-Artikolu 8(1) jew l-Artikolu 9 u bil-kondizzjoni li:

(a)     il-korp tat-tnissil stabbilit fil-pajjiż terz iħares ir-rekwiżiti tal-Artikolu 37;

(b)     ir-reġistrazzjoni ta’ ħnieżer tat-tnissil ibridi bħal dawn fir-reġistru tar-razza tkun prevista fil-programm tat-tnissil approvat.

KAPITOLU VIII Kondizzjonijiet żootekniċi u ġenealoġiċi għal importazzjonijiet fl-Unjoni ta’ annimali għat-tnissil ta’ speċi oħra

Artikolu 45 Setgħa delegata dwar ir-regoli żootekniċi u ġenealoġiċi għal importazzjonijiet fl-Unjoni ta’ anninali ta' razza pura għat-tnissil msemmija fl-Artikolu 2(i)(iii) u l-prodotti ġerminali tagħhom

1.           Il-Kummissjoni għandu jkollha s-setgħa tadotta atti delegati skont l-Artikolu 71 dwar regoli speċifiċi għal importazzjonijiet fl-Unjoni ta’ anninali ta' razza pura għat-tnissil msemmija fl-Artikolu 2(i)(iii) u l-prodotti ġerminali tagħhom meta dan ikun meħtieġ għall-funzjonament tas-suq intern jew għall-ħarsien ta’ riżorsi ġenetiċi ta’ siwi, fir-rigward ta’:

(a)     l-elenkar ta’ korpi tat-tnissil;

(b)     il-kondizzjonijiet għad-dħul ta’ dawk l-annimali ekwini ta’ razza pura f’kotba tat-tnissil stabbiliti minn soċjetajiet ġenealoġiċi;

(c)     l-aċċettazzjoni ta’ dawk l-anninali ta' razza pura għat-tnissil għat-tnissil, l-inseminazzjoni artifiċjali u l-ġbir u l-użu tal-prodotti ġerminali tagħhom minn soċjetajiet ġenealoġiċi;

(d)     il-metodi għall-kontroll tal-prestazzjoni u l-evalwazzjoni ġenetika ta’ dawk l-annimali ekwini ta’ razza pura;

(e)     l-informazzjoni ewlenija li għandha tkun fiċ-ċertifikat żootekniku li għandu jkun ma’ dawk l-anninali ta' razza pura għat-tnissil u l-prodotti ġerminali tagħhom.

2.           Sakemm il-Kummissjoni tkun adottat l-atti delegati msemmija fil-paragrafu 1, hija għandha, permezz ta’ atti implimentattivi, tfassal formuli mudell ta’ ċertifikati żootekniċi msemmija fil-paragrafu 1(f) għal anninali ta' razza pura għat-tnissil msemmija fl-Artikolu 2(i)(iii) u għas-semen, l-ooċiti u l-embrijuni tagħhom.

Dawk l-atti implimentattivi għandhom ikunu adottati skont il-proċedura ta’ eżami msemmija fl-Artikolu 72(2).

KAPITOLU IX KAPITOLU IX Kontrolli uffiċjali u attivitajiet uffiċjali oħra, assistenza amministrattiva, kooperazzjoni u infurzar mill-Istati Membri

Artikolu 46 Regoli ġenerali dwar kontrolli uffiċjali

1.           L-awtorità kompetenti għandha tagħmel kontrolli uffiċjali fuq soċjetajiet ġenealoġiċi u operazzjonijiet tat-tnissil regolarment, abbażi tar-riskju u sikwit kif jixraq, billi tqis:

(a)     każijiet identifikati ta’ nuqqas ta’ konformità b’rabta ma’:

(i)      annimali għat-tnissil u l-prodotti ġerminali tagħhom;

(ii)     l-attivitajiet taħt il-kontroll ta’ soċjetajiet ġenealoġiċi u operazzjonijiet tat-tnissil;

(iii)    il-post tal-attivitajiet jew tal-operazzjonijiet ta’ nissiela, soċjetajiet ġenealoġiċi u operazzjonijiet tat-tnissil;

(b)     ir-reġistrazzjonijiet l-imgħoddija ta’ soċjetajiet ġenealoġiċi u ta’ operazzjonijiet tat-tnissil dwar ir-riżultati tal-kontrolli uffiċjali magħmulin fuqhom u dwar il-konformità tagħhom mar-regoli żootekniċi u ġenealoġiċi msemmijin f’dan ir-Regolament;

(c)     l-affidabbiltà u r-riżultati tal-kontrolli prorpji li jkunu saru mis-soċjetajiet ġenealoġiċi u mill-operazzjonijiet tat-tnissil jew minn partijiet terzi meta jitolbuhom, biex tkun aċċertata l-konformità mar-regoli żootekniċi u ġenealoġiċi msemmijin f’dan ir-Regolament;

(d)     kull informazzjoni li tista’ tindika nuqqas ta’ konformità.

2.           L-awtorità kompetenti għandha tagħmel kontrolli uffiċjali fuq bażi regolari u sikwit kif jixraq biex tidentifika ksur intenzjonali li jista’ jkun hemm tar-regoli żootekniċi u ġenealoġiċi msemmijin f’dan ir-Regolament, billi tqis, flimkien mal-kriterji msemmijin fil-paragrafu 1, informazzjoni dwar ksur intenzjonali bħal dan li jista’ jkun hemm qed jinqasam permezz tal-mekkaniżmi kollha ta’ assistenza amministrattiva msemmija fl-Artikolu 53 u kull informazzjoni oħra li tkun tindika l-possibbiltà ta’ ksur bħal dan.

3.           Kontrolli uffiċjali magħmulin qabel ma ċerti annimali għat-tnissil u l-prodotti ġerminali tagħhom jitqiegħdu fis-suq minħabba l-ħruġ taċ-ċertifikati uffiċjali jew attestazzjonijiet uffiċjali meħtieġa mir-regoli żootekniċi u ġenealoġiċi msemmijin f’dan ir-Regolament bħala kondizzjoni għat-tqegħid fis-suq tal-annimali għat-tnissil jew tal-prodotti ġerminali tagħhom għandhom isiru skont:

(a)     ir-regoli żootekniċi u ġenealoġiċi msemmijin f’dan ir-Regolament;

(b)     l-atti delegati adottati mill-Kummissjoni skont l-Artikoli 35 u 45.

4.           Kontrolli uffiċjali għandhom isiru wara avviż minn qabel lin-nissiel, lis-soċjetà tat-tnissil jew lill-operazzjoni tat-tnissil sakemm ma jkunx hemm raġunijiet gravi biex il-kontrolli jsiru mingħajr ma jitħabbru.

5.           Kontrolli uffiċjali għandhom isiru kemm jista’ jkun b’mod li l-piż fuq in-nissiel, is-soċjetà tat-tnissil jew l-operazzjoni tat-tnissil ikun mill-anqas.

6.           L-awtorità kompetenti għandha tagħmel kontrolli uffiċjali bl-istess attenzjoni irrispettivament minn jekk l-annimali għat-tnissil jew il-prodotti ġerminali tagħhom ikunux:

(a)     disponibbli fis-suq tal-Unjoni, kemm jekk joriġinaw fl-Istat Membru fejn isiru l-kontrolli uffiċjali jew fi Stat Membru ieħor; jew

(b)     deħlin fl-Unjoni minn pajjiżi terzi.

Artikolu 47 Transparenza ta’ kontrolli uffiċjali

1.           L-awtorità kompetenti għandha tagħmel kontrolli uffiċjali b’livell għoli ta’ trasparenza u tagħmel disponibbli pubblikament informazzjoni rilevanti dwar l-organizzazzjoni u t-twettiq ta’ kontrolli uffiċjali.

Hija għandha tiżgura l-pubblikazzjoni regolari u f’waqtha ta’ informazzjoni dwar il-kontrolli uffiċjali li hija tagħmel u għandha tippubblika mill-anqas l-informazzjoni li ġejja:

(a)     it-tip, l-għadd u r-riżultat ta’ kontrolli uffiċjali magħmulin minnha;

(b)     it-tip u l-għadd ta’ każijiet ta’ nuqqas ta’ konformità misjuba minnha;

(c)     il-każijiet fejn miżuri jkunu ttieħdu minnha skont l-Artikoli 61;

(d)     il-każijiet fejn il-pieni msemmijin fl-Artikolu 62 kienu imposti minnha.

2.           Il-Kummissjoni għandha, permezz ta’ atti implimentattivi, tistabbilixxi u taġġorna kif ikun meħtieġ il-format li fih l-informazzjoni msemmija fil-paragrafu 1 għandha tkun ippubblikata.

Dawk l-atti implimentattivi għandhom ikunu adottati skont il-proċedura ta’ eżami msemmija fl-Artikolu 72(2).

3.           L-awtorità kompetenti tista’ tippubblika jew xort’oħra tagħmel disponibbli pubblikament informazzjoni dwar il-klassifikazzjoni ta’ soċjetajiet ġenealoġiċi u operazzjonijiet tat-tnissil, kull waħda għaliha, abbażi tar-riżultati ta’ kontrolli uffiċjali, bil-kondizzjoni li jitħarsu l-kondizzjonijiet li ġejjin:

(a)     il-kriterji ta’ klassifikazzjoni jkun oġġettivi, trasparenti u disponibbli pubblikament;

(b)     ikun hemm arranġamenti xierqa biex ikunu żgurati l-konsistenza u t-trasparenza tal-proċess ta’ klassifikazzjoni.

Artikolu 48 Proċeduri dokumentati u ta’ verifika ta’ kontroll

1.           L-awtorità kompetenti għandha tagħmel kontrolli uffiċjali skont proċeduri dokumentati, li għandu jkollhom istruzzjonijiet dettaljati għal persunal li jagħmel kontrolli uffiċjali.

2.           L-awtorità kompetenti għandu jkollha lesti proċeduri interni biex tivverifika l-konsistenza u l-effikaċja ta’ kontrolli uffiċjali u ta’ attivitajiet uffiċjali oħra li hija tagħmel.

3.           L-awtorità kompetenti għandha:

(a)     tieħu azzjonijiet korrettivi fil-każijiet kollha fejn il-proċeduri interni msemmijin fil-paragrafu 2 jidentifikaw nuqqasijiet fil-konsistenza u fl-effikaċja ta’ kontrolli uffiċjali u ta’ attivitajiet uffiċjali oħra;

(b)     taġġorna l-proċeduri dokumentati msemmijin fil-paragrafu 1 kif ikun jixraq.

Artikolu 49 Rapporti dwar kontrolli uffiċjali

1.           L-awtorità kompetenti għandha tagħmel rapporti dwar il-kontrolli uffiċjali kollha li hija tagħmel li għandu jkollhom:

(a)     deskrizzjoni tal-għan tal-kontrolli uffiċjali;

(b)     il-metodi ta’ kontroll applikati;

(c)     ir-riżultati tal-kontrolli uffiċjali;

(d)     fejn ikun xieraq, azzjoni li l-awtorità kompetenti tesiġi li n-nissiel, is-soċjetajiet ġenealoġiċi u l-operazzjonijiet tat-tnissil jieħdu bħala riżultat tal-kontrolli uffiċjali.

2.           L-awtorità kompetenti għandha tagħti lin-nissiel, lis-soċjetà tat-tnissil jew lill-operazzjoni tat-tnissil soġġetti għal kontroll uffiċjali kopja tar-rapport imsemmi fil-paragrafu 1.

Artikolu 50 Metodi u tekniki biex isiru kontrolli uffiċjali

1.           L-awtorità kompetenti għandha tagħmel kontrolli uffiċjali billi tuża metodi u tekniki ta’ kontroll li jinkludu, fejn ikun xieraq, verifika, spezzjonijiet u awditjar.

2.           L-awtorità kompetenti għandha tagħmel kontrolli uffiċjali ta’ nissiela, soċjetajiet ġenealoġiċi u operazzjonijiet tat-tnissil li jinkludu dan li ġej, fejn ikun xieraq:

(a)     eżami tas-sistemi ta’ kontroll li soċjetajiet ġenealoġiċi u operazzjonijiet tat-tnissil ikunu lestew u tar-riżultati miksubin minn sistemi ta’ kontroll bħal dawn;

(b)     spezzjoni ta’:

(i)      il-postijiet, l-uffiċċji u t-tagħmir ta’ nissiela, soċjetajiet ġenealoġiċi u operazzjonijiet tat-tnissil;

(ii)     l-annimali għat-tnissil u l-prodotti ġerminali tagħhom tan-nissiela;

(iii)    tikkettar, preżentazzjoni u reklamar ta’ nissiela, soċjetajiet ġenealoġiċi u operazzjonijiet tat-tnissil;

(c)     eżami ta’ dokumenti u rekords oħra li jistgħu jkunu rilevanti għall-valutazzjoni tal-konformità mar-regoli żootekniċi u ġenealoġiċi msemmijin f’dan ir-Regolament;

(d)     intervisti ma’ membri u persunal tas-soċjetajiet ġenealoġiċi u tal-operazzjonijiet tat-tnissil;

(e)     kull attività oħra meħtieġa biex ikun identifikat każ ta’ nuqqas ta’ konformità.

Artikolu 51 Obbligi ta’ nissiela, soċjetajiet ġenealoġiċi u operazzjonijiet tat-tnissil

1.           Nissiela, soċjetajiet ġenealoġiċi u operazzjonijiet tat-tnissil għandhom jagħtu lil uffiċjali tal-awtorità kompetenti l-aċċess meħtieġ għal dan li ġej, meta jkun meħtieġ biex isiru kontrolli uffiċjali jew attivitajiet uffiċjali oħra:

(a)     postijiet, uffiċċji u tagħmir;

(b)     sistemi ta’ ġestjoni ta’ informazzjoni kompjuterizzata;

(c)     annimali għat-tnissil u l-prodotti ġerminali tagħhom;

(d)     dokumenti u kull informazzjoni oħra rilevanti.

2.           Matul kontrolli uffiċjali u attivitajiet uffiċjali oħra, nissiela, soċjetajiet ġenealoġiċi u operazzjonijiet tat-tnissil għandhom jassistu lill-uffiċjali tal-awtorità kompetenti fit-twettiq tal-kompiti tagħhom.

3.           Il-Kummissjoni tista’, permezz ta’ atti implimentattivi, tagħmel regoli li jistabbilixxu:

(a)     l-arranġamenti għal aċċess minn uffiċjali tal-awtorità kompetenti għas-sistemi ta’ ġestjoni ta’ informazzjoni kompjuterizzata msemmijin fil-paragrafu 1(b);

(b)     regoli uniformi dwar l-assistenza msemmija fil-paragrafu 2 minn nissiela, soċjetajiet ġenealoġiċi u operazzjonijiet tat-tnissil lill-awtorità kompetenti.

Dawk l-atti implimentattivi għandhom ikunu adottati skont il-proċedura ta’ eżami msemmija fl-Artikolu 72(2).

Artikolu 52 Setgħa delegata dwar regoli speċifiċi ta’ kontrolli uffiċjali u ta’ azzjoni li għandha tittieħed mill-awtorità kompetenti b’rabta ma’ annimali għat-tnissil u l-prodotti ġerminali tagħhom

1.           Il-Kummissjoni għandu jkollha s-setgħa tadotta atti delegati skont l-Artikolu 71 dwar regoli:

(a)     biex isiru kontrolli uffiċjali fuq annimali għat-tnissil u l-prodotti ġerminali tagħhom għall-verifika tal-konformità mar-regoli żootekniċi u ġenealoġiċi msemmijin f’dan ir-Regolament;

(b)     dwar l-azzjoni li għandha tittieħed mill-awtorità kompetenti meqjusin ir-riżultati miksubin wara li jkunu saru kontrolli uffiċjali.

2.           L-atti delegati msemmijin fil-paragrafu 1 għandhom jispeċifikaw:

(a)     ir-responsabbiltajiet u l-kompiti speċifiċi tal-awtorità kompetenti, flimkien ma’ dawk imsemmijin fl-Artikoli 46 sa 50;

(b)     il-każijiet fejn l-awtorità kompetenti, b’rabta ma’ każijiet speċifiċi ta’ nuqqas ta’ konformità, għandha tieħu waħda mill-miżuri jew aktar imsemmijin f’atti implimentattivi adottati skont l-Artikolu 66(1) jew miżuri addizzjonali ma’ dawk imsemmijin f’dak l-Artikolu.

Artikolu 53 Regoli ġenerali għal assistenza amministrattiva u kooperazzjoni

1.           L-awtoritajiet kompetenti fl-Istati Membri għandhom jipprovdu lil xulxin assistenza amministrattiva biex jiżguraw l-applikazzjoni korretta tar-regoli żootekniċi u ġenealoġiċi msemmijin f’dan ir-Regolament f’każijiet ta’ nuqqas ta’ konformità li jkollhom l-oriġini tagħhom, l-estensjoni u l-effetti f’aktar minn Stat Membru wieħed.

2.           L-assistenza amministrattiva msemmija fil-paragrafu 1 għandha tinkludi, fejn ikun xieraq, parteċipazzjoni mill-awtoritajiet kompetenti ta’ Stat Membru f’kontrolli uffiċjali fuq il-post li l-awtoritajiet kompetenti ta’ Stat Membru ieħor iwettqu.

3.           Id-dispożizzjonijiet ta’ dan l-Artikolu għandhom japplikaw mingħajr preġudizzju għal regoli nazzjonali:

(a)     applikabbli għall-ħruġ ta’ dokumenti li jkunu l-oġġett ta’, jew relatati ma’ proċedimenti ġudizzjarji;

(b)     li jkollhom bħala għan il-ħarsien ta’ interessi kummerċjali vestiti f’persuni fiżiċi jew ġuridiċi.

4.           Il-komunikazzjonijiet bejn awtoritajiet kompetenti skont l-Artikoli 54, 55 u 56 għandhom ikunu bil-miktub.

Artikolu 54 Assistenza mitluba

1.           Meta l-awtorità kompetenti tqis li tkun teħtieġ informazzjoni mingħand awtorità kompetenti fi Stat Membru ieħor biex isiru jew biex ikun hemm segwitu effettiv għal kontrolli uffiċjali, hija għandha tissottometti talba motivata lil dik l-awtorità kompetenti.

L-awtoritajiet kompetenti nnotifikati għandhom, mingħajr dewmien:

(a)     tikkonferma r-riċevuta tat-talba motivata u tindika ż-żmien meħtieġ biex tingħata l-informazzjoni mitluba;

(b)     tagħmel kontrolli uffiċjali jew investigazzjonijiet meħtieġa biex

(i)      tagħti lill-awtorità kompetenti li tkun għamlet it-talba l-informazzjoni kollha meħtieġa u d-dokumenti oriġinali jew kopji ċċertifikati tagħhom;

(ii)     tivverifika, meta jkun meħtieġ fuq il-post, il-konformità mar-regoli żootekniċi u ġenealoġiċi msemmijin f’dan ir-Regolament fil-ġurisdizzjoni tagħhom.

2.           L-awtorità kompetenti li tagħmel it-talba u dik mitluba jistgħu jaqblu li uffiċjali nominati minn tal-ewwel ikunu preżenti matul il-kontrolli uffiċjali msemmijin fil-paragrafu 1(b)(i).

F’każijiet bħal dawn l-uffiċjali tal-awtorità kompetenti li tkun għamlet it-talba:

(a)     għandhom f’kull żmien ikunu jistgħu jipproduċu awtorità bil-miktub li turi l-identità u l-kapaċità uffiċjali tagħhom;

(b)     ikollhom aċċess għall-istess bini u għall-istess dokumenti bħall-uffiċjal preżenti tal-awtorità kompetenti mitluba bl-uniku għan tal-kontrolli uffiċjali li jkunu qed isiru;

(c)     m’għandhomx, minn rajhom, jeżerċitaw is-setgħat li jagħmlu kontrolli uffiċjali mogħtijin lil uffiċjali tal-awtoritajiet kompetenti mitluba.

Artikolu 55 Assistenza mhux mitluba

1.           Meta l-awtorità kompetenti ssir taf b’każ ta’ nuqqas ta’ konformità, u meta nuqqas ta’ konformità bħal dak jista’ jkollu implikazzjonijiet għal Stat Membru ieħor, hija għandha tinnotifika informazzjoni bħal dik lill-awtorità kompetenti ta’ dak l-Istat Membru l-ieħor fuq inizjattiva proprja u mingħajr dewmien bla bżonn.

2.           L-awtorità kompetenti notifikata skont il-paragrafu 1 għandha:

(a)     tikkonferma r-riċevuta tan-notifika mingħajr dewmien;

(b)     tindika fi żmien għaxart ijiem mid-data tal-irċevuta tan-notifika:

(i)      l-investigazzjonijiet li jkun fi ħsiebha tagħmel dwar il-każ ta’ nuqqas ta’ konformità msemmija fil-paragrafu 1; jew

(ii)     ir-raġunijiet għaliex tqis li ma jkunux meħtieġa investigazzjonijiet.

3.           Meta l-awtorità kompetenti notifikata skont il-paragrafu 1 tiddeċiedi li tagħmel investigazzjonijiet skont il-paragrafu 2, hija għandha tgħarraf mingħajr dewmien lill-awtorità kompetenti li tkun innotifikatha bir-riżultati ta’ kull investigazzjoni bħal din u, fejn ikun xieraq, b’kull miżura meħuda bħala riżultat.

Artikolu 56 Assistenza fil-każ ta’ nuqqas ta’ konformità

1.           Meta, matul kontrolli uffiċjali magħmulin fuq annimali għat-tnissil u fuq il-prodotti ġerminali tagħhom li joriġinaw fi Stat Membru ieħor l-awtorità kompetenti tistabbilixxi li annimali għat-tnissil bħal dawn jew prodotti ġerminali tagħhom ma jkunux konformi mar-regoli żootekniċi u ġenealoġiċi msemmijin f’dan ir-Regolament b’mod li joħolqu ksur gravi ta’ dawk ir-regoli, hija għandha, mingħajr dewmien, tinnotifika lill-awtorità kompetenti tal-Istat Membru li jkun bagħathom u ta’ kull Stat Membru ieħor konċernat biex ikunu jistgħu jagħmlu investigazzjonijiet xierqa.

2.           L-awtoritajiet kompetenti notifikati skont il-paragrafu 1 għandhom, mingħajr dewmien bla bżonn:

(a)     jikkonfermaw ir-riċevuta tan-notifika u jindikaw liema investigazzjonijiet huma jkun biħsiebhom jagħmlu dwar il-każ ta’ nuqqas ta’ konformità msemmi fil-paragrafu 1;

(b)     jinvestigaw il-ħaġa, jieħdu l-miżuri kollha meħtieġa u jgħarrfu lill-awtorità kompetenti li tkun għamlet in-notifika bin-natura tal-investigazzjonijiet u tal-kontrolli uffiċjali magħmulin minnhom, bid-deċiżjonijiet meħudin u bir-raġunijiet għal deċiżjonijiet bħal dawn.

3.           Jekk l-awtorità kompetenti li tkun għamlet in-notifika msemmija fil-paragrafu 1 ikollha raġuni biex temmen li l-investigazzjonijiet magħmulin jew li l-miżuri meħudin mill-awtoritajiet kompetenti notifikati skont il-paragrafu 2 ma jindirizzawx b’mod adegwat il-każ ta’ nuqqas ta’ konformità stabbilit, hija għandha titlob lill-awtoritajiet kompetenti notifikati biex jagħmlu kontrolli uffiċjali jew miżuri addizzjonali.

F’każijiet bħal dawn:

(a)     l-awtoritajiet kompetenti taż-żewġ Stati Membri għandhom jaraw x’modi u x’mezzi jkun hemm biex jinstab approċċ miftiehem bil-għan li jkun indirizzat kif jixraq il-każ ta’ nuqqas ta’ konformità msemmi fil-paragrafu 1 ta’ dan l-Artikolu, inkluż permezz ta’ kontrolli uffiċjali konġunti fuq il-post magħmulin skont l-Artikoli 53(2) u 54(2);

(b)     huma għandhom jgħarrfu lill-Kummissjoni mingħajr dewmien bla bżonn meta ma jkunux jistgħu jaqblu dwar miżuri xierqa.

4.           Meta kontrolli uffiċjali magħmulin fuq annimali għat-tnissil jew fuq prodotti ġerminali tagħhom li joriġinaw fi Stat Membru ieħor juru każijiet ripetuti ta’ nuqqas ta’ konformità mar-regoli msemmija fil-paragrafu 1, l-awtorità kompetenti tal-Istat Membru ta’ destinazzjoni għandha tgħarraf lill-Kummissjoni u lill-awtoritajiet kompetenti tal-Istati Membri l-oħra mingħajr dewmien bla bżonn.

Artikolu 57 Informazzjoni dwar nuqqas ta’ konformità riċevuti minn pajjiżi terzi

1.           Meta awtorità kompetenti tirċievi informazzjoni minn pajjiż terz li tkun tindika każ ta’ nuqqas ta’ konformità mar-regoli żootekniċi u ġenealoġiċi msemmijin f’dan ir-Regolament, hija għandha, mingħajr dewmien bla bżonn, tinnotifika informazzjoni bħal dik:

(a)     lill-Kummissjoni jekk tkun jew tista’ tkun rilevanti f’livell tal-Unjoni;

(b)     lill-awtorità kompetenti fi Stati Membri oħra konċernati.

2.           Informazzjoni miksuba permezz ta’ kontrolli uffiċjali u investigazzjonijiet magħmulin skont dan ir-Regolament tista’ tkun ikkomunikata lill-pajjiż terz imsemmi fil-paragrafu 1, bil-kondizzjoni li:

(a)     l-awtoritajiet kompetenti li jkunu taw l-informazzjoni jagħtu l-kunsens tagħhom għal komunikazzjoni bħal dik;

(b)     il-pajjiż terz ikun għamel sforz biex jagħti l-assistenza meħtieġa biex jinġabru l-provi meħtieġa dwar prattiki li ma jkunux jew li jkunu jidhru li ma jkunux konformi ma’ regoli tal-Unjoni;

(c)     ikun hemm konformità ma’ regoli rilevanti tal-Unjoni u nazzjonali applikabbli għall-komunikazzjoni ta’ dejta personali lil pajjiżi terzi.

Artikolu 58 Assistenza koordinata u segwitu mill-Kummissjoni

1.           Il-Kummissjoni għandha tikkoordina mingħajr dewmien il-miżuri meħudin mill-awtorità kompetenti skont dan il-Kapitolu meta:

(a)     informazzjoni disponibbli għall-Kummissjoni tindika li attivitajiet li jkunu, jew li jidhru li jkunu, ta’ nuqqas ta’ konformità:

(i)      ikollhom, jew ikun jista’ jkollhom, ramifikazzjonijiet f’aktar minn Stat Membru wieħed; jew

(ii)     jistgħu jkunu qed iseħħu f’aktar minn Stat Membru wieħed;

(b)     l-awtoritajiet kompetenti fl-Istati Membri konċernati ma jkunux jistgħu jaqblu dwar azzjoni xierqa biex jindirizzaw nuqqas ta’ konformità bħal dan.

2.           Fil-każijiet imsemmija fil-paragrafu 1, il-Kummissjoni tista’:

(a)     b’kollaborazzjoni mal-Istat Membru konċernat, tibgħat tim ta’ spezzjoni biex jagħmel kontroll uffiċjali fuq il-post;

(b)     titlob li l-awtorità kompetenti tal-Istat Membru tad-dispaċċ u, skont il-każ, dawk fi Stati Membri oħra konċernati, jintensifikaw b’mod xieraq il-kontrolli uffiċjali u jirrapportaw lilha dwar il-miżuri meħudin minnhom;

(c)     tissottometti informazzjoni dwar każijiet bħal dawn lill-Kumitat imsemmi fl-Artikolu 72(1), flimkien ma’ proposta għal miżuri biex jissewwew il-każijiet ta’ nuqqas ta’ konformità msemmijin fil-paragrafu 1(a).

Artikolu 59 Prinċipju ġenerali għall-finanzjament ta’ kontrolli uffiċjali

1.           L-Istati Membri għandhom jiżguraw li jkun hemm disponibbli riżorsi finanzjarji adegwati biex jipprovdu l-persunal u riżorsi oħra meħtieġa lill-awtorità kompetenti biex tagħmel kontrolli uffiċjali u attivitajiet uffiċjali oħra.

2.           L-Istati Membri jistgħu jiġbru ħlasijiet biex ikopru l-ispejjeż għall-kontrolli uffiċjali magħmulin minnhom.

Artikolu 60 Obbligi ġenerali tal-awtoritajiet kompetenti fir-rigward ta’ azzjoni ta’ rinfurzar

1.           Meta jkunu qed jaġixxu skont dan il-Kapitolu, l-awtoritajiet kompetenti għandhom jagħtu prijorità lil azzjoni li jkollha tittieħed biex ikunu eliminati nuqqasijiet ta’ konformità jew biex ikunu mminimizzati l-effetti tagħhom għall-kummerċ f’annimali għat-tnissil u fil-prodotti ġerminali tagħhom.

2.           F’każ ta’ suspett ta’ nuqqas ta’ konformità, l-awtoritajiet kompetenti għandhom jagħmlu investigazzjoni biex jikkonfermaw jew jeliminaw dak is-suspett.

3.           Meta jkun meħtieġ għall-finijiet tagħha, l-investigazzjoni msemmija fil-paragrafu 2 għandha tinkludi t-twettiq f’kontrolli uffiċjali intensifikati fuq annimali għat-tnissil u fuq prodotti ġerminali tagħhom u fuq nissiela, soċjetajiet ġenealoġiċi u operazzjonijiet tat-tnissil, għal perjodu xieraq.

Artikolu 61 Investigazzjonijiet u miżuri f’każ ta’ nuqqas ta’ konformità stabbilit

1.           Meta jkun ġie stabbilit in-nuqqas ta’ konformità, l-awtoritajiet kompetenti għandhom:

(a)     jagħmlu kull investigazzjoni ulterjuri meħtieġa biex tkun iddeterminata l-oriġini ta’ u kemm ikun in-nuqqas ta’ konformità u biex jistabbilixxu r-responsabbiltajiet ta’ nissiela, soċjetajiet ġenealoġiċi u operazzjonijiet tat-tnissil;

(b)     jieħdu miżuri xierqa biex jiżguraw li nissiela, soċjetajiet ġenealoġiċi u operazzjonijiet tat-tnissil isewwu n-nuqqas ta’ konformità u ma jħalluhx jerġa’ jseħħ.

Meta jiddeċiedu x’miżuri jieħdu, l-awtoritajiet kompetenti għandhom iqisu n-natura tan-nuqqas ta’ konformità u r-rekord li kellhom fl-imgħoddi n-nissiel, is-soċjetà tat-tnissil jew l-operazzjoni tat-tnissil fir-rigward ta’ konformità.

2.           Meta jaġixxu skont il-paragrafu 1, awtoritajiet kompetenti għandhom, skont il-każ:

(a)     jipposponu d-dħul f’kotba tat-tnissil ta’ anninali ta' razza pura għat-tnissil jew ir-reġistrazzjoni f’reġistri ta’ razez ta’ ħnieżer tat-tnissil ibridi;

(b)     jordnaw it-tibdil fl-istatus tal-annimali jew tal-prodotti ġerminali tagħhom kif maħsubin għat-tnissil skont dan ir-Regolament jew li tingħata informazzjoni korrettiva lin-nissiela;

(c)     jirrestrinġu jew jipprojbixxu l-kummerċ fl-annimali u l-prodotti ġerminali bħala annimali għat-tnissil jew prodotti ġerminali definiti fl-Artikolu 2 jew l-importazzjoni tagħhom fl-Unjoni jew l-esportazzjoni lejn pajjiżi terzi jew jipprojbixxuhom jew jordnaw li jiġu rritornati lejn l-Istat Membru mnejn intbagħtu;

(d)     jordnaw li n-nissiel, is-soċjetà tat-tnissil jew l-operazzjoni tat-tnissil iżidu l-frekwenza tal-kontrolli tagħhom stess;

(e)     jordnaw li ċerti attivitajiet tan-nissiel, tas-soċjetà tat-tnissil jew tal-operazzjoni tat-tnissil konċernati jkunu soġġetti għal aktar kontrolli jew għal kontrolli sistematiċi;

(f)     jordnaw li għal perjodu ta’ żmien xieraq jieqfu l-attivitajiet kollha jew parti minnhom tan-nissiel, tas-soċjetà tat-tnissil jew tal-operazzjoni tat-tnissil konċernati u, fejn ikun rilevanti, tas-siti tal-Internet li huma joperaw jew jużaw, u jissospendu l-approvazzjoni ta’ programm tat-tnissil magħmul minn soċjetà tat-tnissil jew minn operazzjoni tat-tnissil, meta dik is-soċjetà tat-tnissil jew l-operazzjoni tat-tnissil ripetutament, kontinwament jew ġeneralment jonqsu milli jkunu konformi mar-rekwiżiti tal-programm tat-tnissil approvat skont l-Artikolu 8(1) jew l-Artikolu 9;

(g)     jordnaw li jkun irtirat ir-rikonoxximent tas-soċjetà tat-tnissil jew tal-operazzjoni tat-tnissil mogħti skont l-Artikolu 4(2), jekk il-prattika amministrattiva ta’ dik is-soċjetà tat-tnissil jew tal-operazzjoni tat-tnissil tindika li huma ripetutament, kontinwament jew ġeneralment jonqsu milli jkunu konformi mar-rekwiżiti tal-Artikolu 4(2)(c);

(h)     jieħdu kull miżura oħra li l-awtoritajiet kompetenti jqisu xierqa biex jiżguraw konformità mar-regoli żootekniċi u ġenealoġiċi msemmijin f’dan ir-Regolament.

3.           L-awtoritajiet kompetenti għandhom jipprovdu lin-nissiel, lis-soċjetà tat-tnissil jew lill-operazzjoni tat-tnissil konċernati, jew lir-rappreżentant tagħhom:

(a)     b'notifika bil-miktub tad-deċiżjoni tagħhom dwar l-azzjoni jew il-miżura li jkollha tittieħed skont il-paragrafi 1 u 2, flimkien mar-raġunijiet għal dik id-deċiżjoni; u,

(b)     b'informazzjoni dwar id-drittijiet għal appell kontra deċiżjonijiet bħal dawk u dwar il-proċedura applikabbli u t-termini ta’ żmien.

4.           L-infiq kollu magħmul skont dan l-Artikolu għandu jitħallas min-nissiel, mis-soċjetà tat-tnissil jew mill-operazzjoni tat-tnissil responsabbli.

Artikolu 62 Penali

L-Istati Membri għandhom jistabbilixxu r-regoli dwar pieni applikabbli għal ksur tad-dispożizzjonijiet ta’ dan ir-Regolament u għandhom jieħdu l-miżuri kollha meħtieġa biex jiżguraw li jkunu implimentati. Il-pieni msemmijin għandhom ikunu effettivi, proporzjonati u dissważivi.

L-Istati Membri għandhom jinnotifikaw dawk id-dispożizzjonijiet lill-Kummissjoni mhux aktar tard mid-data indikata fit-tieni paragrafu tal-Artikolu 74 u għandhom jinnotifikawha mingħajr dewmien b’kull emenda sussegwenti li tolqothom.

KAPITOLU X KAPITOLU X Kontrolli mill-Kummissjoni

Taqsima 1 Kontrolli tal-Kummissjoni fl-Istati Membri

Artikolu 63 Kontrolli tal-Kummissjoni fl-Istati Membri

1.           Esperti tal-Kummissjoni għandhom jagħmlu kontrolli f’kull Stat Membru biex:

(a)     jivverifikaw l-applikazzjoni b’mod ġenerali tar-regoli żootekniċi u ġenealoġiċi msemmijin f’dan ir-Regolament;

(b)     jivverifikaw il-funzjonament ta’ sistemi nazzjonali ta’ kontroll imsemmija fl-Artikolu 46 u tal-awtorità kompetenti li tħaddimhom;

(c)     jinvestigaw u jiġbru informazzjoni:

(i)      dwar kontrolli uffiċjali u prattiki ta’ infurzar;

(ii)     dwar problemi importanti jew li jseħħu sikwit dwar l-applikazzjoni jew l-infurzar tar-regoli żootekniċi u ġenealoġiċi msemmijin f’dan ir-Regolament;

(iii)    b’rabta ma’ problemi li jinqalgħu jew żviluppi ġodda fl-Istati Membri.

2.           Il-kontrolli tal-Kummissjoni msemmijin fil-paragrafu 1 għandhom ikunu organizzati b’kooperazzjoni mal-awtoritajiet kompetenti tal-Istati Membri u jistgħu jinkludu verifiki fuq il-post b’kooperazzjoni mal-persunal tal-awtorità kompetenti li tkun qed tagħmel kontrolli uffiċjali.

3.           Esperti mill-Istati Membri jistgħu jassistu lill-esperti tal-Kummissjoni.

L-esperti nazzjonali li jakkumnpanjaw l-esperti tal-Kummissjoni għandhom jingħataw l-istess drittijiet ta’ aċċess bħall-esperti tal-Kummissjoni.

Artikolu 64 Rapporti dwar kontrolli tal-Kummissjoni fl-Istati Membri

1.           Il-Kummissjoni għandha:

(a)     tħejji kopja tal-abbozz tar-rapport tagħha dwar is-sejbiet ta’ dawk il-kontrolli tal-Kummissjoni u tibgħatha għall-kummenti lill-Istat Membru fejn ikunu saru l-kontrolli tal-Kummissjoni skont l-Artikolu 63(1);

(b)     tħejji rapport finali dwar is-sejbiet ta’ dawk il-kontrolli tal-Kummissjoni, waqt li tqis il-kummenti tal-Istat Membru msemmijin fil-punt (a);

(c)     tagħmel disponibbli pubblikament ir-rapport finali u l-kummenti tal-Istat Membru msemmi fil-punti (a) u (b).

2.           Fejn ikun xieraq, il-Kummissjoni tista’ tirrakkomanda fir-rapport finali tagħha msemmi fil-paragrafu 1(b) azzjoni korrettiva jew preventiva biex tittieħed mill-Istati Membri biex jindirizzaw in-nuqqasijiet speċifiċi jew sistemiċi identifikati matul il-kontrolli tal-Kummissjoni magħmulin skont l-Artikolu 63(1).

Artikolu 65 Obbligi tal-Istati Membri dwar il-kontrolli tal-Kummissjoni

1.           Biex jassistu lill-Kummissjoni tagħmel il-kontrolli tal-Kummissjoni msemmijin fl-Artikolu 63(1), l-Istati Membri għandhom:

(a)     jagħtu l-assistenza, id-dokumentazzjoni u l-għajnuna teknika oħra meħtieġa li jitolbu l-esperti tal-Kummissjoni biex ikunu jistgħu jagħmlu l-kontrolli tal-Kummissjoni b’mod effiċjenti u effettiv;

(b)     jiżguraw li l-esperti tal-Kummissjoni jkollhom aċċess għall-postijiet kollha jew għal partijiet ta’ postijiet u għall-informazzjoni, inklużi s-sistemi tal- informatika, meħtieġa biex isiru l-kontrolli tal-Kummissjoni.

2.           L-Istati Membri għandhom jieħdu azzjoni xierqa ta’ segwitu fid-dawl tar-rakkomandazzjonijiet stabbiliti fir-rapport finali msemmi fl-Artikolu 64(1)(b) biex jiżguraw konformità mar-regoli żootekniċi u ġenealoġiċi msemmijin f’dan ir-Regolament.

Artikolu 66 Nuqqas gravi fis-sistema ta’ kontroll ta’ Stat Membru

1.           Meta l-Kummissjoni jkollha evidenza ta’ nuqqas gravi fis-sistemi ta’ kontroll ta’ Stat Membru u nuqqas bħal dan ikun jista’ jirriżulta fi ksur mifrux ħafna tar-regoli żootekniċi u ġenealoġiċi msemmijin f’dan ir-Regolament, hija għandha, permezz ta’ atti ta' implimentazzjoni, tadotta miżura waħda jew aktar minn dawn li ġejjin, biex ikunu applikati sakemm dak in-nuqqas ikun ġie eliminat:

(a)     projbizzjoni għat-tqegħid fis-suq tal-annimali għat-tnissil jew tal-prodotti ġerminali tagħhom milqutin min-nuqqas fis-sistema ta’ kontroll uffiċjali;

(b)     kondizzjonijiet speċjali, flimkien ma’ dawk imsemmijin fil-Kapitolu II, għar-rikonoxximent ta’ soċjetajiet ġenealoġiċi u operazzjonijiet tat-tnissil, għall-approvazzjoni ta’ programmi tat-tnissil jew għat-tqegħid fis-suq ta’ annimali għat-tnissil u tal-prodotti ġerminali tagħhom;

(c)     miżuri oħra xierqa temporanji.

Dawk l-atti implimentattivi għandhom ikunu adottati skont il-proċedura ta’ eżami msemmija fl-Artikolu 72(2).

2.           Il-miżuri msemmijin fil-paragrafu 1 għandhom ikunu adottati biss wara li l-Istat Membru konċernat ikun naqas li jsewwi l-qagħda meta jintalab u fit-terminu ta’ żmien iffissat mill-Kummissjoni.

Taqsima2 Kontrolli tal-Kummissjoni f’pajjiżi terzi

Artikolu 67 Kontrolli tal-Kummissjoni f’pajjiżi terzi

1.           Esperti tal-Kummissjoni jistgħu jagħmlu kontrolli tal-Kummissjoni f’pajjiżi terzi biex:

(a)     jivverifikaw li r-regoli żootekniċi u ġenealoġiċi dwar annimali għat-tnissil u l-prodotti ġerminali tagħhom imsemmijin fil-leġiżlazzjoni tal-pajjiż terz jagħtu garanziji ekwivalenti għal dawk mogħtija fl-Unjoni b’dan ir-Regolament;

(b)     jivverifikaw li s-sistema ta’ kontroll li jkun hemm fil-pajjiż terz konċernat tkun tista’ tiżgura li konsenji ta’ annimali għat-tnissil u tal-prodotti ġerminali tagħhom esportati għall-Unjoni jkunu konformi mar-rekwiżiti rilevanti fil-Kapitolu VII ta’ dan ir-Regolament;

(c)     jiġbru informazzjoni biex jiċċaraw il-kawżi ta’ każijiet li jseħħu sikwit fejn annimali għat-tnissil u l-prodotti ġerminali tagħhom importati fl-Unjoni ma jissodisfawx ir-rekwiżiti żootekniċi u ġenealoġiċi għall-importazzjoni fl-Unjoni li  l-konformità tagħhom ma kinitx ġiet ċertifikata kif suppost.

2.           Il-kontrolli tal-Kummissjoni msemmijin fil-paragrafu 1 għandhom iqisu b’mod partikolari:

(a)     il-leġiżlazzjoni żooteknika u ġenealoġika dwar annimali għat-tnissil u l-prodotti ġerminali tagħhom tal-pajjiż terz;

(b)     l-organizzazzjoni tal-awtorità kompetenti tal-pajjiż terz, is-setgħat u l-indipendenza tagħha, is-superviżjoni li għaliha tkun soġġetta u l-awtorità li jkollha biex tinforza l-leġiżlazzjoni msemmija fil-punt (a) b’mod effettiv;

(c)     it-taħriġ tal-persunal fit-twettiq ta’ kontrolli uffiċjali;

(d)     ir-riżorsi disponibbli għall-awtorità kompetenti fil-pajjiż terz;

(e)     l-eżistenza u t-tħaddim ta’ proċeduri ta’ kontroll dokumentati u ta’ sistemi ta’ kontroll abbażi ta’ prijoritajiet;

(f)     kemm ikun hemm kontrolli uffiċjali u l-operazzjoni tagħhom magħmulin fuq annimali għat-tnissil u fuq il-prodotti ġerminali tagħhom li jaslu minn pajjiżi terzi oħra;

(g)     il-garanziji li l-pajjiż terz ikun jista’ jagħti dwar il-konformità ma’, jew l-ekwivalenza għar-rekwiżiti stabbiliti fir-regoli żootekniċi u ġenealoġiċi msemmijin f’dan ir-Regolament.

Artikolu 68 Frekwenza u organizzazzjoni ta’ kontrolli tal-Kummissjoni f’pajjiżi terzi

1.           Il-frekwenza ta’ kontrolli tal-Kummissjoni f’pajjiżi terzi għandha tkun iddeterminata abbażi ta’:

(a)     ir-regoli żootekniċi u ġenealoġiċi msemmijin f’dan ir-Regolament;

(b)     il-volum u n-natura ta’ annimali għat-tnissil u tal-prodotti ġerminali tagħhom li jidħlu fl-Unjoni mill-pajjiż terz;

(c)     ir-riżultati ta’ kontrolli tal-Kummissjoni li jkunu saru diġà;

(d)     ir-riżultati ta’ kontrolli uffiċjali fuq annimali għat-tnissil u fuq prodotti ġerminali li jidħlu fl-Unjoni mill-pajjiż terz u ta’ kull kontroll uffiċjali ieħor li l-awtoritajiet kompetenti tal-Istati Membri jkunu għamlu.

2.           Biex tħaffef l-effiċjenza u l-effikaċja tal-kontrolli tal-Kummissjoni msemmijin fil-paragrafu 1, il-Kummissjoni tista’, qabel ma tagħmilhom, titlob li l-pajjiż terz jipprovdi:

(a)     l-informazzjoni msemmija fl-Artikolu 37(1)(b);

(b)     fejn ikun xieraq, ir-reġistrazzjonijiet bil-miktub dwar il-kontrolli uffiċjali magħmulin f’dak il-pajjiż terz.

3.           Il-Kummissjoni tista’ taħtar esperti mill-Istati Membri biex jassistu lill-esperti tagħha stess matul il-kontrolli msemmijin fil-paragrafu 1.

Artikolu 69 Rapporti mill-Kummissjoni dwar kontrolli magħmulin mill-esperti tagħha f’pajjiżi terzi

1.           Meta kontrolli tal-Kummissjoni jkunu saru skont l-Artikolu 67(1), il-Kummissjoni għandha:

(a)     tħejji u tibgħat għal kummenti lill-pajjiż terz fejn ikunu saru kopja tal-abbozz tar-rapport tagħha dwar is-sejbiet tal-kontrolli tal-Kummissjoni;

(b)     tħejji r-rapport finali dwar is-sejbiet tal-kontrolli tal-Kummissjoni magħmulin mill-esperti tagħha fil-pajjiż terz, waqt li tqis il-kummenti tal-pajjiż terz fejn ikunu saru;

(c)     tagħmel disponibbli pubblikament ir-rapport finali u l-kummenti tal-pajjiż terz fejn ikunu saru.

2.           Fejn ikun xieraq, il-Kummissjoni tista’ tirrakkomanda fir-rapport finali tagħha msemmi fil-paragrafu 1 azzjoni korrettiva u preventiva biex tittieħed mill-pajjiż terz biex jindirizza n-nuqqasijiet speċifiċi jew sistemiċi identifikati mill-esperti tagħha matul il-kontrolli tal-Kummissjoni magħmulin skont l-Artikolu 67(1).

Artikolu 70 It-twaqqif ta' miżuri speċjali rigward l-importazzjoni fl-Unjoni ta' annimali għat-tnissil u l-prodotti ġerminali tagħhom;

1.           Meta jkun hemm evidenza li jkun qed iseħħ nuqqas gravi mifrux ħafna ta’ konformità mar-regoli żootekniċi u ġenealoġiċi msemmijin f’dan ir-Regolament, il-Kummissjoni għandha, permezz ta’ atti implimentattivi, tadotta l-miżuri speċjali meħtieġa biex twaqqaf nuqqas ta’ konformità bħal dan.

Dawk l-atti implimentattivi għandhom ikunu adottati skont il-proċedura ta’ eżami msemmija fl-Artikolu 72(2).

2.           Il-miżuri speċjali msemmijin fil-paragrafu 1 għandhom jidentifikaw annimali għat-tnissil u l-prodotti ġerminali tagħhom billi jirreferu għall-kodiċijiet tagħhom fin-Nomenklatura Magħquda u jistgħu jinkludu:

(a)     projbizzjoni abbażi ta’ raġunijiet żootekniċi ta’ dħul fl-Unjoni tal-annimali għat-tnissil u tal-prodotti ġerminali skont in-Nomenklatura Magħquda għal annimali għat-tnissil u l-prodotti ġerminali tagħhom li joriġinaw fi jew li jintbagħtu mill-pajjiżi terzi fir-rigward tan-nuqqas ta’ konformità msemmija fil-paragrafu 1;

(b)     ir-rekwiżit li l-annimali għat-tnissil u l-prodotti ġerminali msemmija fil-paragrafu 1 li joriġinaw fi jew li jintbagħtu minn pajjiżi terzi fir-rigward tan-nuqqas ta’ konformità msemmija fil-paragrafu 1

(i)      ikunu soġġetti għal kontrolli speċifiċi magħmulin qabel ma jintbagħtu jew malli jidħlu fl-Unjoni;

(ii)     ikollhom magħhom ċertifikat uffiċjali jew kull evidenza oħra li tiddikjara li l-annimali għat-tnissil jew il-prodotti ġerminali tagħhom jissodisfaw ir-rekwiżiti stabbiliti fil-Kapitolu VII ta’ dan ir-Regolament jew fl-att delegat adottat skont l-Artikolu 45(1);

(c)     ir-rekwiżit li l-evidenza msemmija fil-punt (b)(ii) tingħata skont format speċifiku;

(d)     miżuri oħra meħtieġa biex jissewwa n-nuqqas ta’ konformità msemmi fil-paragrafu 1.

3.           Meta jkunu adottati l-miżuri speċjali msemmijin fil-paragrafu 2, għandhom jitqiesu:

(a)     l-informazzjoni miġbura skont l-Artikolu 67(2);

(b)     kull informazzjoni oħra li l-pajjiżi terzi milqutin bin-nuqqas ta’ konformità msemmija fil-paragrafu 1 ikunu taw;

(c)     meta jkun meħtieġ, ir-riżultati ta’ kontrolli tal-Kummissjoni msemmijin fl-Artikolu 67(1).

4.           Il-Kummissjoni għandha timmonitorja s-sitwazzjoni u skont il-proċedura stabbilita fl-Artikolu 72(2) għandha temenda jew tirrevoka l-miżuri adottati, skont kif is-sitwazzjoni tiżviluppa.

KAPITOLU XI Delegazzjoni u implimentazzjoni

Artikolu 71 Eżerċizzju tad-delega

1.           Is-setgħa li jkunu adottati atti delegati hija mogħtija lill-Kummissjoni bla ħsara għall-kondizzjonijiet stabbiliti f’dan l-Artikolu.

2.           Is-setgħa li jkunu adottati atti delegati msemmija fl-Artikoli 4(3), 8(3), 17(4), 19(4), 20(2), 21(2), 23(4), 24(2), 28(1), 32(2), 33(3), 39(2) u 52(1) għandha tingħata lill-Kummissjoni għall-perjodu indeterminat mid-data tad-dħul fis-seħħ ta’ dan ir-Regolament.

3.           Id-delega tas-setgħa msemmija fl-Artikoli 4(3), 8(3), 17(4), 19(4), 20(2), 21(2), 23(4), 24(2), 28(1), 32(2), 33(3), 39(2) u 52(1) tista’ tkun irrevokata f’kull żmien mill-Parlament Ewropew jew mill-Kunsill. Deċiżjoni ta’ revoka għandha ttemm id-delega tas-setgħa speċifikata f’dik id-deċiżjoni. Hija għandha jkollha effett fil-jum wara l-pubblikazzjoni tad-deċiżjoni fil-Ġurnal Uffiċjal tal-Unjoni Ewropea jew f’data wara speċifikata fih. Hija m’għandha taffettwa l-validità ta’ ebda att delegat li jkun diġà fis-seħħ.

4.           Malli tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

5.           Att delegat adottat skont l-Artikoli 4(3), 8(3), 17(4), 19(4), 20(2), 21(2), 23(4), 24(2), 28(1), 32(2), 33(3), 35(1) u 39(2) u skont l-Artikoli 45(1) u 52(1) għandu jidħol fis-seħħ biss jekk ma tkun ġiet espressa ebda oġġezzjoni mill-Parlament Ewropew jew mill-Kunsill f’perjodu ta’ xahrejn min-notifika ta’ dak l-att lill-Parlament Ewropew u lill-Kunsill jew jekk, qabel l-iskadenza ta’ dak il-perjodu, il-Parlament Ewropew u l-Kunsill ikunu t-tnejn għarrfu lill-Kummissjoni li ma jkunux ser joġġezzjonaw. Dak il-perjodu jista’ jkun estiż b’xahrejn b’inizjattiva tal-Parlament Ewropew jew tal-Kunsill.

Artikolu 72 Proċedura tal-Kumitat

1.           Il-Kummissjoni għandha tkun assistita mill-Kumitat Żootekniku Permanenti stabbilit b’Deċiżjoni tal-Kunsill 77/505/KEE. Dak il-kumitat għandu jkun kumitat skont it-tifsira tar-Regolament (UE) Nru 182/2011.

2.           Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

Meta l-opinjoni tal-kumitat ikollha tinkiseb bi proċedura bil-miktub, dik il-proċedura għandha titwaqqaf mingħajr riżultat meta, fit-terminu ta’ żmien għall-għoti tal-opinjoni, il-president tal-kumitat hekk jiddeċiedi jew jekk maġġoranza sempliċi tal-membri tal-kumitat hekk titlob.

3.           Meta ssir referenza għal dan il-paragrafu, għandu japplika l-Artikolu 8 tar-Regolament (UE) Nru 182/2011, flimkien mal-Artikolu 5 tiegħu.

KAPITOLU XII Dispożizzjonijiet finali

Artikolu 73 Revoki

1.           Id-Direttivi tal-Kunsill 87/328/KEE, 88/661/KEE, 89/361/KEE, 90/118/KEE, 90/119/KEE, 90/427/KEE, 91/174/KEE, 94/28/KE u 2009/157/KE u d-Deċiżjoni tal-Kunsill 96/463/KE huma rrevokati.

2.           Referenzi għad-Direttivi revokati u għad-Deċiżjoni 96/463/KE revokata għandhom ikunu interpretati bħala referenzi għal dan ir-Regolament u għandhom jinqraw skont it-tabella ta’ korrelazzjoni fl-Anness VII.

Artikolu 74 Dħul fis-seħħ u applikabbiltà

Dan ir-Regolament għandhu jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjal tal-Unjoni Ewropea.

Tapplika mill-[01/xx/ssss] [date to be inserted: please insert the first day of the eighteen month following the date referred to in the first paragraph.]

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

Għall-Parlament Ewropew                                                                  Għall-Kunsill

Il-President                                                                                          Il-President

ANNESS I

Soċjetajiet ġenealoġiċi u operazzjonijiet tat-tnissil li jistabbilixxu jew iżommu kotba tat-tnissil jew reġistri taR-razez kif imsemmi fil-Kapitolu II kif jissemma fil-Kapitolu II

Parti 1 Rekwiżiti ġenerali għar-rikonoxximent ta’ soċjetajiet ġenealoġiċi u ta’ operazzjonijiet tat-tnissil kif imsemmi fl-Artikolu 4(2)

Biex tkun rikonoxxuta skont l-Artikolu 4(2), soċjetà tat-tnissil, li tistabbilixxi jew iżżomm ktieb tat-tnissil, jew operazzjoni tat-tnissil li tistabbilixxi jew iżżomm reġistru tar-razza għandu:

1.           jkollha personalità ġuridika skont il-leġiżlazzjoni fis-seħħ fl-Istat Membru fejn issir l-applikazzjoni għal rikonoxximent;

2.           tkun legalment u finanzjarjament indipendenti mill-awtorità kompetenti;

3.           tissottometti dokumentazzjoni lill-awtorità kompetenti li turi li:

(a)     għandha biżżejjed persunal ikkwalifikat u għandha faċilitajiet adegwati u tagħmir biex timplimenta b’mod effiċjenti l-programm tat-tnissil tagħha li għandu jkun approvat skont l-Artikolu 8(1) u, fejn applikabbli, l-Artikolu 9;

(b)     tista’ tagħmel jew tkun qed tagħmel il-verifiki meħtieġa biex tirreġistra l-pedigree tal-annimali għat-tnissil li fuqhom hija twettaq il-programm tat-tnissil tagħha li għandu jkun approvat skont l-Artikolu 8(1) u, fejn applikabbli, l-Artikolu 9;

(c)     jista’ jkollha jew diġà għandha għadd kbir biżżejjed ta’ annimali għat-tnissil u għadd biżżejjed ta’ nissiela fiż-żona ġeografika ta’ attività li fiha l-programm tat-tnissil, li għandu jkun approvat skont l-Artikolu 8(1) u, fejn applikabbli, l-Artikolu 9, jitwettaq għat-titjib tar-razza jew għall-inkroċju jew għall-preservazzjoni tar-razza;

(d)     tista’ tiġġenera u tuża d-dejta ta’ prestazzjoni tal-bhejjem ta’ annimali għat-tnissil neċessarja għall-programm tat-tnissil tagħha, li għandu jkun approvat skont l-Artikolu 8(1) u, fejn applikabbli, l-Artikolu 9;

(e)     f’każ fejn is-soċjetà tat-tnissil jew tal-operazzjoni tat-tnissil, ħlief l-impriżi privati, tkun stabbiliet regoli ta’ proċedura li jipprevedu:

(i)      t-trattament ugwali ta’ nissiela li jkollhom jew li japplikaw għal sħubija, li jżommu l-annimali għat-tnissil tagħhom f’impriżi li jkunu jinsabu fiż-żona ġeografika fejn jitwettaq il-programm tat-tnissil;

(ii)     ċerti servizzi meta jintalbu għal nissiela membri li jċaqalqu l-annimali għat-tnissil tagħhom għal impriżi li jkunu jinsabu barra miż-żona ġeografika fejn isir il-programm tat-tnissil approvat;

(f)      tkun adottat regoli ta’ proċedura għal soluzzjoni ta’ tilwim ma’ nissiela li jinqala’ mill-kontroll tal-prestazzjoni u mill-evalwazzjoni ġenetika ta’ annimali għat-tnissil, mid-dħul fi klassijiet skont merti u l-aċċettazzjoni għal tnissil u ġbir u użu ta’ prodotti ġerminali ta’ annimali għat-tnissil.

Rekwiżiti ġenerali għall-approvazzjoni ta’ programmi tat-tnissil imwettqin minn soċjetajiet ġenealoġiċi u operazzjonijiet tat-tnissil kif imsemmi fl-Artikoli 8(1) u 9

1.           Biex tikseb approvazzjoni ta’ programm tat-tnissil tagħha, is-soċjetà tat-tnissil jew l-operazzjoni tat-tnissil għandha tissottometti l-informazzjoni dwar dan li ġej lill-awtorità kompetenti kif imsemmi fl-Artikoli 8(1) u 9:

(a)     l-isem u l-karatteristika fid-dettall tar-razza jew, fil-każ ta’ ħnieżer tat-tnissil ibridi, tal-inkroċju kopert mill-ktieb tat-tnissil jew mir-reġistru tar-razza biex ma jitħalliex ikun hemm konfużjoni ma’ annimali simili tat-tnissil imdaħħla jew reġistrati f’kotba tat-tnissil jew f’reġistri ta’ razez eżistenti oħra;

(b)     is-sistema għall-identifikazzjoni ta’ annimali għat-tnissil, kull wieħed għalih, li tiżgura li annimali għat-tnissil jiddaħħlu biss fi ktieb tat-tnissil jew f’reġistru tar-razza meta jkunu mill-anqas identifikati skont leġiżlazzjoni tal-Unjoni dwar is-saħħa tal-annimali fir-rigward tal-identifikazzjoni u tar-reġistrazzjoni ta’ annimali tal-ispeċi konċernata;

(c)     is-sistema ta’ reġistrazzjoni ta’ pedigrees ta’ anninali ta' razza pura għat-tnissil mdaħħla jew reġistrati u eliġibbli għal dħul f’kotba tat-tnissil jew ta’ majjal ibridu għat-tnissil reġistrati f’reġistri ta’ razez;

(d)     l-objettivi tal-programm tat-tnissil u tal-kriterji dettaljati ta’ evalwazzjoni dwar l-għażla ta’ annimali għat-tnissil, li fil-każ li jkun ġie stabbilit ktieb tat-tnissil għal razza ġdida, għandhom jinkludu informazzjoni dwar iċ-ċirkostanzi dettaljati li jiġġustifikaw l-istabbiliment tar-razza l-ġdida;

(e)     is-sistemi li jiġġeneraw, jirreġistraw, jikkomunikaw u jużaw ir-riżultati ta’ kontroll tal-prestazzjoni u, fejn meħtieġ skont l-Artikolu 27, biex jagħmlu evalwazzjoni ġenetika għal stima tal-valuri ġenetiċi ta’ annimali għat-tnissil għal titjib, għażla jew preservazzjoni tar-razza jew it-titjib tal-inkroċju;

(f)     dettalji tar-regoli għad-diviżjoni tat-taqsima ewlenija tal-ktieb tat-tnissil fi klassijiet, fejn ikun hemm kondizzjonijiet jew proċeduri differenti għall-klassifikazzjoni ta’ anninali ta' razza pura għat-tnissil mdaħħla fil-ktieb tat-tnissil skont il-merti tagħhom;

(g)     meta jkun meħtieġ, sistemi biex jiddaħħlu linji ta’ parentela f’kotba tat-tnissil li jkunu ddaħlu diġà fi ktieb ta' tnissil ieħor.

2.           Soċjetajiet tat-tnissil u operazzjonijiet tat-tnissil għandu jinforma lill-awtorità kompetenti, il-membri tagħhom, in-nissiela msemmija fl-Artikolu 10(2) bi kwalunkwe informazzjoni msemmija fil-punt 1 b’mod trasparenti u f’waqtu.

Parti 3 Rekwiżiti speċifiċi għas-soċjetajiet tat-tnissil li jistabilixxu jew iżommu kotba tat-tnissil għal annimali għat-tnissil tar-razza tal-ispeċi ekwini

1.           Ir-rekwiżiti speċifiċi li ġejjin għandhom japplikaw għal anninali ta' razza pura għat-tnissil tal-ispeċi ekwina, flimkien ma’ dawk stabbiliti fil-punt 1 tal-Parti 2:

(a)     Soċjetà tat-tnissil tista’ tiddikjara lill-awtorità kompetenti li dak il-ktieb tat-tnissil li tkun stabbiliet ikun il-ktieb tat-tnissil tal-oriġini tar-razza kopert mill-programm tat-tnissil tagħha, bil-kondizzjoni li s-soċjetà tat-tnissil:

(i)      ikollha reġistrazzjoni storika li kienet stabbiliet ir-regoli msemmijin fil-punt 1 tal-Parti 2 u li kienet għamlithom disponibbli pubblikament;

(ii)     turi li fiż-żmien tal-applikazzjoni msemmija fl-Artikolu 4(1) ma hemm ebda soċjetà tat-tnissil oħra rikonoxxuta fl-istess Stat Membru jew fi Stat Membru ieħor jew f’pajjiż terz li tkun stabbiliet ktieb tat-tnissil għall-istess razza, u li tkun stabbiliet u ppubblikat ir-regoli stipulati fil-punt 1 tal-Parti 2;

(iii)    tikkoopera mill-qrib mas-soċjetajiet ġenealoġiċi msemmija fil-punt (b) ta’ din il-Parti, b’mod partikolari għall-fini tar-rekwiżiti ġenerali stabbiliti fil-punt 2 tal-Parti 2;

(iv)    tkun stabbiliet, meta jkun meħtieġ, regoli mhux diskriminattivi dwar it-tmexxija tan-negozju tagħha fir-rigward ta’ kotba tat-tnissil stabbiliti għall-istess razza f’pajjiżi terzi li ma jkunux elenkati skont l-Artikolu 37(2).

(b)     Soċjetà tat-tnissil tista’ tiddikjara lill-awtorità kompetenti li l-ktieb tat-tnissil li tkun stabbiliet ikun reġistru tad-dixxendenti għaż-żwiemel tar-razza tar-razza koperta mill-programm tat-tnissil tagħha, bil-kondizzjoni li:

(i)      tkun inkorporat fil-programm tat-tnissil tagħha stess ir-regoli stabbiliti mis-soċjetà tat-tnissil msemmija fil-punt (a) li żżomm il-ktieb tat-tnissil tal-oriġini tal-istess razza;

(ii)     tkun għamlet l-informazzjoni dwar l-użu tar-regoli msemmija fil-punt (i) u s-sors tagħhom disponibbli pubblikament;

(iii)    ikollha mekkaniżmi lesti u timpenja li taġġusta f’waqtu r-regoli li jmexxu l-programm tat-tnissil tagħha approvat skont l-Artikolu 8(1) jew l-Artikolu 9 għal emendi magħmulin għal dawk ir-regoli mis-soċjetà tat-tnissil msemmija fil-punt (a) li żżomm il-ktieb tat-tnissil tal-oriġini tar-razza.

2.           Id-derogi li ġejjin għandhom japplikaw għal anninali ta' razza pura għat-tnissil tal-ispeċi ekwina:

(a)     B’deroga mill-punt 3(e)(i) tal-Parti 1, fil-każ li għal razza waħda fit-territorju tal-Unjoni deskritta fl-Anness VI ikun hemm diversi soċjetajiet ġenealoġiċi li jżommu kotba tat-tnissil għal dik ir-razza, u l-programmi tat-tnissil tagħhom approvati skont l-Artikolu 8(1) ikunu jkopru dak it-territorju kollu, ir-regoli msemmija fil-punt 3(e)(i) ta’ dik il-Parti magħmula minn dawk is-soċjetajiet ġenealoġiċi:

(i)      ikunu jistgħu jipprovdu li anninali ta' razza pura għat-tnissil tal-ispeċi ekwina ta’ dik ir-razza għandhom jitwieldu f’parti speċifikata tat-territorju tal-Unjoni biex jikkwalifikaw għal dħul fil-ktieb tat-tnissil ta’ dik ir-razza għal finijiet ta’ dikjarazzjoni tat-twelid;

(ii)     għandhom jiżguraw li r-restrizzjoni msemmija fil-punt (i) ma tkunx tapplika għad-dħul fi ktieb tat-tnissil ta’ dik ir-razza għal finijiet ta’ riproduzzjoni.

(b)     B’deroga mill-punt 1(a) ta’ din il-Parti, meta r-regoli msemmija fil-punt 1(d) tal-Parti 2 ikunu stabbiliti esklussivament minn organizzazzjoni internazzjonali li tkun topera fuq livell dinji u ma jkunx hemm soċjetà tat-tnissil fi Stat Membru jew korp tat-tnissil f’pajjiż terz li jżommu l-ktieb tat-tnissil tal-oriġini ta’ dik ir-razza, l-awtorità kompetenti fi Stat Membru għandha tirrikonoxxi soċjetajiet ġenealoġiċi li jżommu ktieb filjali għal dik ir-razza, bil-kondizzjoni li r-regoli msemmija fil-punt 1(d) tal-Parti 2 stabbiliti minn dik l-organizzazzjoni internazzjonali:

(i)      isiru disponibbli minn dik is-soċjetà tat-tnissil lill-awtorità kompetenti msemmija fl-Artikolu 4(2) għal finijiet ta’ verifika;

(ii)     ikunu inkorporati fil-programm tat-tnissil approvat skont l-Artikolu 8(1) magħmul minn dik is-soċjetà tat-tnissil.

(c)     B’deroga mill-punt 1(b) ta’ din il-Parti, soċjetà tat-tnissil li żżomm ktieb filjali tista’ tistabbilixxi klassijiet addizzjonali skont merti, bil-kondizzjoni li l-anninali ta' razza pura għat-tnissil tal-ispeċi ekwina mdaħħlin fit-taqsima ewlenija tal-ktieb tat-tnissil tal-oriġini tar-razza jkunu jistgħu jiddaħħlu fil-klassijiet ekwivalenti tat-taqsima ewlenija tal-ktieb filjali.

ANNESS II

Entrata fil-kotba tat-tnissil u reġistrazzjoni fir-reġistri tar-razza kif jissemma fil-Kapitolu IV

Parti 1 Dħul ta’ anninali ta' razza pura għat-tnissil f’kotba tat-tnissil

Kapitolu I Taqsima ewlenija

1.           Meta ssir applikazzjoni min-nissiel, soċjetà tat-tnissil għandha, kif imsemmi fl-Artikolu 19(1), iddaħħal jew tirreġistra għal dħul fit-taqsima ewlenija tal-ktieb tat-tnissil tagħha kull annimal tat-tnissil ta’ razza pura li jkun konformi mal-kondizzjonijiet li ġejjin:

(a)     ikun jissodisfa l-kriterji ta’ parentela stabbiliti:

(i)      fil-punt (i) tal-Artikolu 2(i) fil-każ ta’ anninali ta' razza pura għat-tnissil tal-ispeċi bovina (Bos taurus u Bubalus bubalis), tal-ispeċi porċina (Sus scrofa), tal-ispeċi ovina (Ovis aries) u tal-ispeċi kaprina (Capra hircus);

(ii)     fil-punt (ii) tal-Artikolu 2(i) fil-każ ta’ anninali ta' razza pura għat-tnissil tal-ispeċi ekwina (Equus caballus u Equus asinus);

(ii)     fl-atti delegati adottati skont l-Artikoli 35(1) u 45(1) fil-każ ta’ anninali ta' razza pura għat-tnissil ta’ speċi oħra msemmija fl-Artikolu 2(i)(iii);

(b)     ikollu l-pedigree tiegħu stabbilit skont ir-regoli msemmija fil-ktieb tat-tnissil skont il-programm tat-tnissil approvat skont l-Artikolu 8(1) jew l-Artikolu 9;

(c)     ikun ġie identifikat wara t-twelid skont leġiżlazzjoni tal-Unjoni dwar is-saħħa tal-annimali li jkun tal-ispeċi konċernata u skont ir-regoli stabbiliti fil-programm tat-tnissil approvat skont l-Artikolu 8(1) jew l-Artikolu 9, li għandhom jesiġu fil-każ ta’ anninali ta' razza pura għat-tnissil tal-ispeċi ekwina l-identifikazzjoni bħala moħor mhux miftum m'ommu u mill-anqas ċertifikat ta’ kopertura;

(d)     huwa akkumpanjat, fejn meħtieġ, minn ċertifikat żootekniku maħruġ skont l-Artikolu 33(1).

2.           B’deroga mill-punt 1(a)(ii), soċjetà tat-tnissil li tagħmel programm tal-inkroċjar tar-razez dwar anninali ta' razza pura għat-tnissil tal-ispeċi ekwina tista’ ddaħħal fit-taqsima ewlenija tal-ktieb tat-tnissil tagħha annimal tat-tnissil ta’ razza pura tal-ispeċi ekwina li jkun imdaħħal fit-taqsima ewlenija ta’ ktieb tat-tnissil għal razza differenti, bil-kondizzjoni li razza oħra u l-kriterji għad-dħul ta’ dawn l-anninali ta' razza pura għat-tnissil jkunu jissemmew fil-programm tat-tnissil approvat skont l-Artikolu 8(1) jew l-Artikolu 9.

3.           Soċjetà tat-tnissil li ddaħħal fil-ktieb tat-tnissil tagħha annimal tat-tnissil ta’ razza pura tal-ispeċi ekwina li jkun iddaħħal diġà fi ktieb tat-tnissil stabbilit minn soċjetà tat-tnissil fi Stat Membru ieħor, għandha ddaħħal dak l-annimal tat-tnissil ta’ razza pura bin-numru permanenti uniku tiegħu u, ħlief meta jkun hemm qbil bejn iż-żewġ soċjetajiet ġenealoġiċi konċernati dwar deroga, bl-istess isem, b’indikazzjoni, skont ftehimiet internazzjonali għar-razza konċernata, tal-inizjali tal-pajjiż fejn ikun hemm imħor.

Kapitolu II Derogi għal kotba tat-tnissil stabbiliti ġodda għal anninali ta' razza pura għat-tnissil

1.           Meta soċjetà tat-tnissil tkun qed tiġi rikonoxxuta għall-ewwel darba skont l-Artikolu 4(2) biex tistabbilixxi ktieb tat-tnissil għal razza li għaliha ma jkunx hemm ktieb tat-tnissil fi Stat Membru, l-awtorità kompetenti tista’, b’deroga mill-paragrafu 1(a) tal-Kapitolu I, tawtorizza d-dħul dirett fit-taqsima ewlenija ta’ dak il-ktieb tat-tnissil stabbilit ġdid ta’ anninali ta' razza pura għat-tnissil jew ta’ dixxendenti ta’ anninali ta' razza pura għat-tnissil ta’ razez differenti, bil-kondizzjoni li:

(a)     ikun iddefinit perjodu ta’ stabbiliment xieraq għal intervall ġenerazzjonali tal-ispeċi konċernata tal-ktieb tat-tnissil ġdid fil-programm tat-tnissil li għandu jkun approvat skont l-Artikolu 8(1) u l-Artikolu 9;

(b)     issir referenza għal kull ktieb tat-tnissil eżistenti fejn l-anninali ta' razza pura għat-tnissil jew missierhom u ommhom kienu ddaħħlu għall-ewwel darba wara t-twelid, flimkien man-numru ta’ reġistrazzjoni oriġinali ta’ dak il-ktieb tat-tnissil;

(c)     l-annimali għat-tnissil jiddaħħlu fit-taqsima ewlenija, u fejn applikabbli fil-klassijiet xierqa, skont ir-regoli stabbiliti fil-programm tat-tnissil li għandu jkun approvat skont l-Artikolu 8(1) u l-Artikolu 9.

2.           Sa tmiem il-perjodu ta’ stabbiliment imsemmi fil-punt 1(a), l-awtorità kompetenti għandha tagħmel il-kontrolli uffiċjali msemmijin fl-Artikolu 50.

Kapitolu III Sanzjonijiet supplimentari

1.           Soċjetà tat-tnissil li żżomm ktieb tat-tnissil tista’ tiddeċiedi li annimal tal-ispeċi bovina, porċina, ovina, kaprina jew speċi ekwina, li ma jissodisfax il-kondizzjonijiet stabbiliti fil-punt 1 tal-Kapitolu I, jista’ jiddaħħal f’taqsima supplimentari ta’ dak il-ktieb tat-tnissil stabbilit skont l-Artikolu 20(1), bil-kondizzjoni li l-annimal jissodisfa l-kondizzjonijiet li ġejjin:

(a)     ikun identifikat skont leġiżlazzjoni tal-Unjoni dwar is-saħħa tal-annimali għall-ispeċi konċernati u r-regoli stabbiliti għal dak il-ktieb tat-tnissil mis-soċjetà tat-tnissil;

(b)     jitqies mis-soċjetà tat-tnissil li jkun konformi mal-karatteristika ta’ dik ir-razza msemmija fil-punt 1(a) tal-Parti 2 tal-Anness I;

(c)     ikollu prestazzjoni minima kif iffissata mir-regoli stabbiliti għal dak il-ktieb tat-tnissil mis-soċjetà tat-tnissil għall-prestazzjoni fil-karatteristiċi li għalihom annimali għat-tnissil ta’ dik l-ispeċi mdaħħlin fit-taqsima ewlenija jkunu ttestjati skont l-Anness III.

2.           Is-soċjetà tat-tnissil tista’ tapplika rekwiżiti differenti għall-konformità mal-karatteristika tar-razza msemmija fil-punt 1(b) jew għall-prestazzjoni msemmija fil-punt 1(c) skont jekk l-annimal:

(a)     ikunx ta’ dik ir-razza, għalkemm ma jkollux oriġini magħrufa; jew

(b)     ikunx inkiseb minn programm tal-inkroċjar tar-razez approvat mis-soċjetà tat-tnissil.

3.           Soċjetajiet ġenealoġiċi m’għandhomx jirrifjutaw id-dħul skont il-kondizzjonijiet stabbiliti fil-Kapitolu I fit-taqsima ewlenija tal-ktieb tat-tnissil li jkunu stabbilew ta’ kull annimal mara tal-ispeċi bovina, porċina, ovina jew tal-ispeċi kaprina li titqies ta’ razza pura skont il-kondizzjonijiet li ġejjin:

(a)     ommha u nannitha min-naħa ta’ ommha jkunu mdaħħlin f’taqsima supplimentari ta’ ktieb tat-tnissil tal-istess razza kif imsemmi fil-punt 1;

(b)     missierha u żewġ nanniet ikunu mdaħħlin fit-taqsima ewlenija ta’ ktieb tat-tnissil tal-istess razza.

4.           Soċjetajiet ġenealoġiċi li jkunu stabbilew kotba tat-tnissil għal anninali ta' razza pura għat-tnissil tal-ispeċi ekwina għandhom jistabbilixxu fil-programm tat-tnissil tagħhom approvat skont l-Artikolu 8(1) u l-Artikolu 9 il-kondizzjonijiet għal dħul fit-taqsima ewlenija ta’ annimali rġiel u nisa tat-tnissil irreġistrati fit-taqsima supplimentari.

Fil-każ ta’ annimali nisa tat-tnissil ta’ razza pura tal-ispeċi ekwina, dawk il-kondizzjonijiet m’għandhomx ikunu aktar stretti mill-kondizzjonijiet stabbiliti fil-punt 3(a) u (b) ta’ dan il-Kapitolu.

Parti 2 Reġistrazzjoni ta’ ħnieżer tat-tnissil ibridi f’reġistri ta’ razez

1.           Meta ssir applikazzjoni min-nissiel, operazzjoni tat-tnissil rikonoxxuta skont l-Artikolu 4(2) għandha tirreġistra fir-reġistru tar-razza tagħha kull ħanżir tat-tnissil ibridu tal-istess inkroċju li:

(a)     kien identifikat wara t-twelid skont leġiżlazzjoni tal-Unjoni dwar is-saħħa tal-annimali għall-ispeċi konċernata u għar-regoli ta’ dak ir-reġistru tar-razza;

(b)     ikollu parentela stabbilita skont ir-regoli tar-reġistru tar-razza li fih l-annimal ikun maħsub li jkun irreġistrat.

(c)     huwa akkumpanjat, fejn meħtieġ, minn ċertifikat żootekniku maħruġ skont l-Artikolu 33(1).

2.           Operazzjonijiet tat-tnissil m’għandhomx jirrifjutaw ir-reġistrazzjoni f’reġistri ta’ razez tagħhom ta’ ħnieżer tat-tnissil ibridi reġistrati skont il-punt 1 f’reġistru tar-razza stabbilit għall-istess inkroċju minn operazzjoni tat-tnissil rikonoxxuta skont l-Artikolu 4(2) fl-istess jew fi Stat Membru differenti.

ANNESS III

Kontroll tal-Prestazzjoni u Evalwazzjoni Ġenetika KIF JISSEMMA FIL-KAPITOLU V

Parti 1 Annimali bovini

Kapitolu I Kontroll tal-prestazzjoni

Soċjetajiet ġenealoġiċi għandhom jagħmlu kontroll tal-prestazzjoni biex jistabbilixxu l-valur għat-tnissil ta’ anninali ta' razza pura għat-tnissil tal-ispeċi bovina bl-użu ta’ taħlita waħda jew aktar tal-metodi stabbiliti f’dan il-Kapitolu.

Il-kontroll tal-prestazzjoni għandu jsegwi r-regoli u l-istandards stabbiliti miċ-ċentru ta’ referenza rilevanti tal-Unjoni Ewropea mogħtijin fl-Artikolu 31(1) b’kooperazzjoni mal-Kumitat Internazzjonali għar-Reġistrrazzjoni ta’ Annimali (ICAR).

Taqsima 1 Karratteristiċi tal-produzzjoni taċ-ċanga

1.           Għal kontroll tal-prestazzjoni, b’kull test għalih, ta’ annimal tat-tnissil jew tal-wild tiegħu ("l-annimal tat-test") fi stazzjon tal-konrolli, għandha tkun indikata l-informazzjoni li ġejja:

(a)     il-metodu tat-test u l-għadd ta’ annimali tat-test ittestjati;

(b)     il-protokoll tat-test għandu jinkludi d-dettalji li ġejjin:

(i)      it-termini tad-dħul tal-annimali tat-test fl-istazzjon tal-kontrolli;

(ii)     riżultati ta’ qabel ta’ testijiet magħmulin fuq l-annimal tat-test, inkluża, jekk applikabbli, prestazzjoni fir-razzett tal-annimal tat-test;

(iii)    l-identità tas-sid tal-annimali tat-test;

(iv)    l-età massima għall-annimal tat-test li jidħol fl-istazzjon tal-kontrolli u l-firxa tal-età tal-annimali fi gruppi tal-pari fl-istazzjon tal-kontrolli;

(v)     kemm idum l-adattament u l-perjodi tat-test fl-istazzjon tal-kontrolli;

(vi)    it-tip ta’ dieta u s-sistema ta’ għalf użati matul it-test;

(c)     il-karatteristiċi li għandhom ikunu rreġistrati fit-test għandhom jinkludu żieda fil-piż ħaj u żvilupp muskolari (konformazzjoni ta’ ċanga) u jistgħu jinkludu, jekk ikun hemm, karatteristiċi oħra bħat-trasformazzjoni tal-ikel u karatteristika ta’ karkassa.

2.           Ittestjar fil-qasam (fir-razzett)

Il-metodu tat-test u l-metodu għall-valutazzjoni ta’ riżultati ta’ testijiet għandhom jingħataw mill-istituzzjoni nominata msemmija fl-Artikolu 29(1).

Il-karatteristiċi li għandhom ikunu rreġistrati fit-test għandhom jinkludu il-piż tal-annimal ħaj u l-età u jistgħu jinkludu, jekk ikun hemm, karatteristiċi oħra bħal konformazzjoni ta’ ċanga.

3.           Ittestjar permezz ta’ dejta ta’ stħarriġ minn irziezet u l-postijiet ta’ bejgħ u qatla.

Jekk ikunu disponibbli, is-soċjetà tat-tnissil għandha tirreġistra l-piżijiet ta’ annimali ħajjin u maqtula, il-prezzijiet tal-bejgħ, il-klassifikazzjoni tal-karkassi skont l-iskema tal-Unjoni ta’ klassifikazzjoni ta’ karkassi stabbilita fl-Artikolu 42 tar-Regolament tal-Kunsill (KE) Nru 1234/2007, il-kwalità tal-laħam u karatteristiċi oħra taċ-ċanga.

Taqsima 2 Karatteristiċi tal-prodotti tal-ħalib

Soċjetajiet ġenealoġiċi għandhom jirreġistraw dejta dwar produzzjoni ta’ ħalib skont ir-regoli u l-istandards stabbiliti miċ-ċentru ta’ referenza rilevanti tal-Unjoni Ewropea msemmijin fl-Artikolu 31(1) b’kooperazzjoni ma’ ICAR.

Taqsima 3 Karatteristiċi tan-nonproduzzjoni

1.           Meta soċjetajiet ġenealoġiċi jinkludu fl-evalwazzjoni ġenetika fertilità, aptitudni għat-twellid ta’ għoġiela u lonġevità, dawk il-karatteristiċi għandhom ikunu vvalutati abbażi tar-rata ta’ nonritorn jew dejta oħra ta’ fertilizzazzjoni, il-punti għat-twellid ta’ għoġiela u t-tul ta’ ħajja produttiva u l-età tal-qtil.

2.           L-inklużjoni fl-evalwazzjoni ġenetika ta’ temperament, dejta ta’ klassifikazzjoni morfoloġika u reżistenza għall-mard għandhom jitqiesu biss jekk id-dejta tkun iġġenerata abbażi ta’ sistema ta’ reġistrazzjoni approvata mill-istituzzjoni nominata kif imsemmi fl-Artikolu 29(1).

Kapitolu II Evalwazzjoni ġenetika

1.           L-evalwazzjoni ġenetika ta’ annimali għat-tnissil għandha ssir minn istituzzjoni nominata kif imsemmi fl-Artikolu 29(1) u għandha tinkludi l-karatteristiċi ta’ prestazzjoni li ġejjin skont l-objettivi ta’ għażla stabbiliti fil-programm tat-tnissil approvat skont l-Artikolu 8(1) u l-Artikolu 9.

(a)     karatteristiċi ta’ produzzjoni minn azjendi tal-ħalib għal annimali għat-tnissil ta’ razez tal-ħalib;

(b)     karatteristiċi ta’ produzzjoni taċ-ċanga għal annimali għat-tnissil ta’ razez taċ-ċanga;

(c)     karatteristiċi ta’ produzzjoni minn azjendi tal-ħalib u taċ-ċanga għal razez ta’ finijiet doppji.

2.           L-evalwazzjoni ġenetika għandha tinkludi l-karatteristiċi ta’ nuqqas ta’ produzzjoni msemmija fit-Taqsima 3 tal-Kapitolu I ta’ dan il-Kapitolu għar-razez li fihom tkun qed tiġi pprattikata r-reġistrazzjoni ta’ dawn il-karatteristiċi minn soċjetajiet ġenealoġiċi skont il-programm tat-tnissil tagħhom approvat skont l-Artikolu 8(1) u l-Artikolu 9.

Il-valur għat-tnissil ta’ annimal tat-tnissil għandu jkun ikkalkulat abbażi tar-riżultati tal-kontroll tal-prestazzjoni tal-annimal partikolari jew ta’ dawk l-annimali li minnhom ikun ġej, u jkun jista’ jissaħħaħ bl-użu ġenomiku jew abbażi ta’ metodu ieħor ivvalidat miċ-ċentru ta’ referenza tal-Unjoni Ewropea msemmi fl-Artikolu 31(1).

3.           Il-metodi ta’ statistika applikati fl-evalwazzjoni ġenetika għandhom ikunu konformi mar-regoli u mal-istandards stabbiliti miċ-ċentru ta’ referenza rilevanti tal-Unjoni Ewropea msemmi fl-Artikolu 31(1) b’kooperazzjoni ma’ ICAR u għandhom jiggarantixxi evalwazzjoni ġenetika imparzjali mill-influwenzi tal-fatturi ambjentali ewlenin u mill-istruttura tad-dejta.

L-affidabbiltà tal-evalwazzjoni ġenetika għandha titkejjel bħala l-koeffiċjenti ta’ determinazzjoni skont regoli u standards stabbiliti miċ-ċentru ta’ referenza rilevanti tal-Unjoni Ewropea msemmi fl-Artikolu 31(1) b’kooperazzjoni ma’ ICAR. Meta jkunu ppubblikati r-riżultati tal-evalwazzjoni, għandhom jingħataw l-affidabbiltà kif ukoll id-data tal-evalwazzjoni.

4.           Pekuljaretajiet ġenetiċi u difetti ġenetiċi ta’ annimal tat-tnissil kif iddefiniti mis-soċjetà tat-tnissil għandhom ikunu ppubblikati.

5.           Barrin maħsubin għal inseminazzjoni artifiċjali, bl-eċċezzjoni ta’ barrin li jkunu ta’ razez mhedda b’estinzjoni, għandhom ikunu ssoġġettati għal evalwazzjoni ġenetika għal karatteristiċi obbligatorji kif deskritt fil-punt 6 jew 7. Dawk il-valuri tat-tnissil għandhom ikunu ppubblikati mis-soċjetà tat-tnissil.

Valuri oħra disponibbli tat-tnissil ta’ barrin maħsubin għal inseminazzjoni artifiċjali għandhom ukoll ikunu ppubblikati mis-soċjetà tat-tnissil.

6.           Evalwazzjoni ġenetika għal karatteristiċi tal-ħalib ta’ barrin maħsubin għal inseminazzjoni artifiċjali għandha tinkludi:

(a)     il-produzzjoni tal-ħalib u l-kontenut tax-xaħam tal-butir u tal-proteina;

(b)     karatteristiċi oħra ta’ produzzjoni u ta’ nuqqas ta’ produzzjoni disponibbli u rilevanti.

L-affidabbiltà minima tal-evalwazzjoni ġenetika ta’ barrin għal inseminazzjoni artifiċjali tar-razez tal-ħalib għandha tkun mill-anqas 0,5 għall-karatteristiċi li l-ħalib jirrendi, għall-kontenut ta’ xaħam tal-butir u proteina, skont ir-regoli u l-istandards stabbiliti miċ-ċentru ta’ referenza rilevanti tal-Unjoni Ewropea msemmi fl-Artikolu 31(1) b’kooperazzjoni ma’ ICAR għall-evalwazzjoni tal-karatteristiċi ewlenin ta’ produzzjoni, billi titqies l-informazzjoni disponibbli minn wild u kollaterali.

Barrin żgħar fl-età evalwati ġenomikament, mingħajr reġistrazzjoni ta’ prestazzjoni ta’ wild, għandhom jitqiesu tajbin għal inseminazzjoni artifiċjali jekk l-evalwazzjoni ġenomika tagħhom tkun ivvalutata skont regoli u standards stabbiliti miċ-ċentru ta’ referenza rilevanti tal-Unjoni Ewropea msemmi fl-Artikolu 31(1) b’kooperazzjoni ma’ ICAR.

7.           Evalwazzjoni ġenetika għal karatteristiċi tal-produzzjoni taċ-ċanga ta’ barrin maħsubin għal inseminazzjoni artifiċjali għandha ssir abbażi ta’ wieħed mill-metodi ta’ ttestjar li ġejjin:

(a)     kontroll tal-prestazzjoni, kull waħda għaliha, fi stazzjon;

(b)     test ta’ prestazzjoni ta’ wild jew kollaterali fi stazzjon tal-kontrolli jew f’unitajiet speċjalizzati;

(c)     test ta’ prestazzjoni ta’ wild jew kollaterali f’razzett; b’mod li dawk li jitwieldu jitqasmu fost l-imrieħel reġistrati biex jitħalla jsir paragun validu bejn barrin;

(d)     test ta’ prestazzjoni ta’ wild jew kollaterali permezz ta’ ġbir ta’ dejta dwar irziezet, f’bejgħ bl-irkant jew f’biċċeriji b’mod li jkun jista’ jsir paragun validu bejn barrin;

(e)     evalwazzjoni ġenomika jew kull metodu ieħor, inkluża taħlita ta’ dawn il-metodi, ivvalidata skont ir-regoli u l-istandards stabbiliti miċ-ċentru ta’ referenza rilevanti tal-Unjoni Ewropea msemmi fl-Artikolu 31(1) b’kooperazzjoni ma’ ICAR.

Jekk ikunu qed jiġu rreġistrati l-piż ta’ karkassi u, fejn ikun xieraq, il-karatteristiċi tal-kwalità tal-laħam, il-prestazzjoni tat-tkabbir u l-aptitudni għat-twellid ta’ għoġiela, dawk il-karatteristiċi, kif ukoll kull karatteristika oħra rilevanti għandhom ikunu inklużi fl-evalwazzjoni ġenetika tal-barri.

L-affidabbiltà minima tal-evalwazzjoni ġenetika ta’ barrin għal inseminazzjoni artifiċjali ta’ razez taċ-ċanga għandha tkun mill-anqas 0,5 għaż-żieda fil-piż ta’ karatteristiċi ħajjin u żvilupp muskolari (konformazzjoni ta’ ċanga) skont ir-regoli u l-istandards stabbiliti miċ-ċentru ta’ referenza rilevanti tal-Unjoni Ewropea msemmi fl-Artikolu 31(1) b’kooperazzjoni ma’ ICAR għall-evalwazzjoni tal-karatteristiċi ewlenin tal-produzzjoni,

Meta jkunu kkalkolati valuri ġenomiċi tat-tnissil, dawk il-valuri għandhom ikunu vvalidati għall-karatteristiċi konċernati skont ir-regoli u l-istandards stabbiliti miċ-ċentru ta’ referenza rilevanti tal-Unjoni Ewropea msemmi fl-Artikolu 31(1) b’kooperazzjoni ma’ ICAR.

Validazzjoni mill-ġdid ta’ dawn il-valuri għandha tkun meħtieġa f’intervalli regolari u f’kull żmien meta jkun hemm tibdiliet maġġuri fl-evalwazzjoni ġenomika jew fl-evalwazzjoni konvenzjonali jew fl-għadd ta’ annimali ta’ referenza.

Parti 2 Annimali porċini

Kapitolu I Kontroll tal-prestazzjoni

1.           Kontroll tal-prestazzjoni fi stazzjon tat-test

Għall-kontroll tal-prestazzjoni ta’ annimal tat-tnissil jew ta’ wildu ("l-annimal tat-test") fi stazzjon tat-test, għandha tkun indikata l-informazzjoni li ġejja:

(a)     l-isem tas-soċjetà tat-tnissil, tal-operazzjoni tat-tnissil jew tal-awtorità kompetenti responsabbli għall-istazzjon tal-kontrolli;

(b)     il-metodu tat-test u l-għadd ta’ annimali tat-test ittestjati;

(c)     il-protokoll tat-test, li għandu jinkludi d-dettalji li ġejjin:

(i)      it-termini tad-dħul tal-annimali tat-test fl-istazzjon tal-kontrolli;

(ii)     l-età massima għall-annimal tat-test li jidħol fl-istazzjon tal-kontrolli u l-firxa tal-età tal-annimali fi gruppi tal-pari fl-istazzjon tal-kontrolli;

(iii)    it-tul tal-perjodu tat-test fl-istazzjon tal-kontrolli;

(iv)    it-tip ta’ dieta u s-sistema ta’ għalf użati matul it-test;

(v)     l-identità tas-sid tal-annimal tat-test fil-każ ta’ kontroll tal-prestazzjoni individwali;

(d)     il-karatteristiċi reġistrati għandhom jinkludu l-piż tal-annimal ħaj, il-bdil ta’ għalf u l-istima tal-kompożizzjoni tal-ġisem, u jistgħu jinkludu dejta oħra rilevanti;

(e)     il-metodu użat għall-istima tal-merti ġenetiċi, li għandhom ikunu ddikjarati bħala valur għat-tnissil jew bħala paragun kontemporanju għal kull karatteristika, għandhom ikunu aċċettabbli xjentifikament skont prinċipji żootekniċi stabbiliti.

2.           Il-kontroll tal-prestazzjoni f’razzett

Fejn kontroll tal-prestazzjoni jitwettaq fuq farm, is-soċjetà tat-tnissil jew l-operazzjoni tat-tnissil jiżguraw li fi tmiem it-test ikun jista' jiġi kkalkulat valur tat-tnissil skont il-prinċipji żootekniċi stabbiliti u filwaqt li jitqiesu l-iskali tal-Unjoni fejn tidħol il-klassifikazzjoni tal-karkassi tal-annimali stipulati fl-Artikolu 42 tar-Regolament tal-Kunsill (KE) Nru 1234/2007.

Kapitolu II Evalwazzjoni ġenetika

1.           Ittestjar ta’ wild jew kollaterali

(a)     il-mertu ġenetiku tal-annimal tat-tnissil għandu jkun ikkalkulat billi jkunu kkalkulati l-kwalitajiet ta’ għadd xieraq ta’ wild jew kollaterali b’rabta ma’ karatteristiċi ta’ produzzjoni:

(i)      għandha tingħata jew tkun ikkwotata deskrizzjoni dettaljata tal-metodu tat-test;

(ii)     il-wild jew il-kollaterali ma jiġux trattati b'mod selettiv;

(iii)    għandhom ikunu rrikonoxxuti tliet tipi ta’ testijiet ta’ wild jew kollaterali:

– - ittestjar ċentrali fi stazzjon ta’ ittestjar ta’ wild jew kollaterali;

– - ittestjar ippjanat ta’ wild jew ta' kollaterali f’razzett, bil-kondizzjoni li l-wild jew il-kollaterali jkunu tqassmu fost imrieħel b’mod li kien possibbli jsir paragun validu bejn l-annimali għat-tnissil;

– - dejta miġbura dwar karkassi ta’ wild jew kollaterali identifikati;

(b)     il-wild jew il-kollaterali għandhom jintgħażlu b’mod imparzjali. Id-dejta kollha rilevanti għandha tintuża biex ikun ivvalutat il-valur għat-tnissil tal-annimali għat-tnissil. Influwenzi minbarra l-mertu ġenetiku għandhom ikunu eliminati bi proċeduri xierqa fid-determinazzjoni tal-valur għat-tnissil;

(c)     il-karatteristiċi reġistrati, bħaż-żieda fil-piż ħaj, bdil ta’ għalf, il-kwalità ta’ karkassi, il-karatteristiċi ta’ riproduzzjoni, fertilità, prolifiċità, vijabbiltà tal-wild jew kollaterali jew kull dejta oħra rilevanti, għandhom ikunu ddikjarati;

(d)     il-metodu użat għall-istima tal-mertu ġenetiku għandu jkun xjentifikament aċċettabbli skont prinċipji żootekniċi stabbiliti.

2.           Ittestjar ta’ kontemporanji għal ħnieżer tat-tnissil ibridi

Jekk dejta ta’ prestazzjoni jew valuri ġenetiċi jkunu indikati f’ċertifikat żootekniku li l-ħnieżer tat-tnissil ibridi jew il-prodotti ġerminali tagħhom ikollhom magħhom, għandhom japplikaw il-kondizzjonijiet applikabbli għall-wild jew għall-kollaterali ddefiniti fil-punti (a), (b), (c) u (d) tal-punt 1, wara li jkunu saru t-tibdiliet meħtieġa, għal kontemporanji ta’ linji ibridi ta’ ħnieżer tat-tnissil ibridi.

Parti 3 Annimali ovini u kaprini

Kapitolu I Kontroll tal-prestazzjoni

1.           Il-kontroll tal-prestazzjoni fi stazzjon

(a)     Il-metodu użat għall-istima tal-mertu ġenetiku għandu jkun aċċettabbli xjentifikament skont prinċipji żootekniċi stabbiliti. Il-mertu ġenetiku ta’ annimali għat-tnissil ittestjati għandu jkun iddikjarat bħala valur għat-tnissil jew paragun kontemporanju għal kull karatteristika.

(b)     L-affarijiet li ġejjin għandhom ikun ddikjarati b’mod ċar:

(i)      it-termini ta’ dħul fl-istazzjon;

(ii)     l-età massima jew il-piż ta’ annimali għat-tnissil żgħar fl-età fil-bidu tat-test u l-għadd ta’ annimali;

(iii)    it-tul tal-perjodu tat-test fl-istazzjon jew il-piż finali;

(iv)    it-tip ta’ dieta u s-sistema ta’ għalf użati matul it-test.

2.           Il-kontroll tal-prestazzjoni f’razzett

Fejn kontroll tal-prestazzjoni jitwettaq fuq farm, is-soċjetà tat-tnissil tiżgura li fi tmiem it-test ikun jista' jiġi kkalkulat valur tat-tnissil skont il-prinċipji żootekniċi stabbiliti u filwaqt li jitqiesu l-iskali tal-Unjoni fejn tidħol il-klassifikazzjoni tal-karkassi tal-annimali stipulati fl-Artikolu 42 tar-Regolament tal-Kunsill (KE) Nru 1234/2007.

3.           Reġistrazzjoni u valutazzjoni ta’ ħalib tal-mertu ġenetiku ta’ annimali nisa għal karatteristiċi tal-ħalib:

(a)     il-karatteristiċi reġistrati b’konformità mal-prinċipji maqbula minn ICAR, bħall-produzzjoni tal-ħalib, il-kompożizzjoni tal-ħalib jew kull dejta oħra rilevanti, għandhom ikunu ddikjarati;

(b)     reġistrazzjonijiet ta’ ħalib użati għad-determinazzjoni tal-merti ġenetiċi ta’ annimali nisa għandhom:

(i)      ikunu relatati ma’ perjodu ta’ żmien li jkun konformi man-norma stabbilità minn ICAR għar-reġistrazzjoni tal-produttività ta’ annimali tal-ħalib;

(ii)     ikunu aġġustati għal kull influwenza ambjentali importanti.

Kapitolu II Evalwazzjoni ġenetika

Il-mertu ġenetiku ta’ annimal tat-tnissil għandu jkun ikkalkulat billi jkunu kkalkulati l-kwalitajiet ta’ għadd xieraq ta’ wild u, skont il-każ, kollaterali kif ġej:

(a)          b’rabta ma’ karatteristiċi tal-produzzjoni tal-laħam

(i)      għandha tingħata jew tkun ikkwotata deskrizzjoni dettaljata tal-metodu tat-test;

(ii)     il-wild jew il-kollaterali għandhom ikunu ttrattati ndaqs;

(iii)    għandhom ikunu rrikonoxxuti tliet tipi ta’ testijiet ta’ wild jew kollaterali:

– - ittestjar ċentrali fi stazzjoni ta’ ttestjar ta’ wild jew ta' kollaterali;

– ittestjar ippjanat ta’ wild jew ta' kollaterali f’razzett, bil-kondizzjoni li l-wild jew il-kollaterali jkunu tqassmu fost imrieħel b’mod li kien possibbli jsir paragun validu bejn l-annimali għat-tnissil;

– dejta miġbura dwar karkassi ta’ wild jew kollaterali identifikati;

(b)          b’rabta ma’ karatteristiċi tal-ħalib

(i)      it-tifsila tat-test għandha tkun iddikjarata;

(ii)     l-annimali nisa ma jiġux trattati b'mod selettiv;

(iii)    il-produzzjoni tal-ħalib u l-kompożizzjoni tal-ħalib għandhom ikunu inklużi fil-kalkulazzjoni tal-merti ġenetiċi;

(c)          il-wild jew il-kollaterali għandhom jintgħażlu b’mod imparzjali. Id-dejta kollha rilevanti għandha tintuża biex ikun ivvalutat il-valur għat-tnissil tal-annimali għat-tnissil. Influwenzi minbarra l-mertu ġenetiku ikunu eliminati bi proċeduri xierqa fid-determinazzjoni tal-valur għat-tnissil;

(d)          il-karatteristiċi reġistrati, bħal żieda fil-piż ħaj, bdil ta’ għalf, il-kwalità tal-karkassi billi titqies is-sistema ta’ klassifikazzjoni stabbilita fir-Regolament tal-Kunsill (KEE) Nru 1234/2007, il-produzzjoni tal-ħalib, il-kompożizzjoni tal-ħalib, il-kwalità tal-produzzjoni tas-suf, il-karatteristiċi ta’ riproduzzjoni, fertilità, prolifiċità, vijabbiltà tal-wild u/jew tal-kollaterali jew kull dejta oħra rilevanti, għandhom ikunu ddikjarati;

(e)          il-metodu użat għall-istima tal-merti ġenetiċi għandu jkun xjentifikament aċċettabbli skont prinċipji żootekniċi stabbiliti.

ANNESS IV

Ċentri ta’ referenza tal-Unjoni Ewropea

1.           Ċentri ta’ referenza tal-Unjoni Ewropea nominati skont l-Artikolu 31(1) għandu jkollhom:

(a)     persunal kwalifikat kif jixraq b’taħriġ adegwat fl-kontroll tal-prestazzjoni u fl-evalwazzjoni ġenetika ta’ anninali ta' razza pura għat-tnissil;

(b)     infrastruttura amministrattiva adatta;

(c)     persunal li jkun istruwit jirrispetta n-natura konfidenzjali ta’ ċerti suġġetti, riżultati jew komunikazzjonijiet;

(d)     persunal b’tagħrif suffiċjenti ta’ attivitajiet ta’ riċerka f’livell nazzjonali, tal-Unjoni u internazzjonali;

(e)     it-tagħmir u l-istrumenti meħtieġa biex jaqdu d-dmirijiet u l-funzjonijiet msemmija fil-punt (2).

2.           Id-dmirijiet u l-funzjonijiet taċ-ċentri ta’ referenza tal-Unjoni Ewropea maħturin skont l-Artikolu 31(1) għandhom ikunu kif ġej:

(a)     biex jiddokumentaw u jgħarrfu lill-Istati Membri dwar metodi ta’ kontroll tal-prestazzjoni u evalwazzjoni ġenetika ta’ anninali ta' razza pura għat-tnissil billi:

(i)      regolarment jirċievu u jeżaminaw mill-ġdid ir-riżultati ta’ kontroll tal-prestazzjoni u ta’ evalwazzjonijiet ġenetiċi magħmulin minn soċjetajiet ġenealoġiċi u d-dejta li fuqha kienu msejsa;

(ii)     iqabblu d-diversi metodi ta’ kontroll tal-prestazzjoni u evalwazzjoni ġenetika ta’ anninali ta' razza pura għat-tnissil;

(b)     meta jintalbu mill-Kummissjoni jew minn Stat Membru biex jagħtu assistenza:

(i)      minħabba l-armonizzazzjoni ta’ diversi metodi ta’ kontroll tal-prestazzjoni u evalwazzjoni ġenetika ta’ anninali ta' razza pura għat-tnissil, b’mod partikolari biex jirrakkomandaw metodi ta’ kalkulazzjoni li għandhom jintużaw;

(ii)     fit-twaqqif ta’ pjattaforma għat-tqabbil tar-riżultati tal-metodi ta’ kontroll tal-prestazzjoni u evalwazzjoni ġenetika ta’ anninali ta' razza pura għat-tnissil fl-Istati Membri, b’mod partikolari billi

– - jiżviluppaw protokolli ta’ kontroll għall-kontroll tal-prestazzjoni u evalwazzjoni ġenetika ta’ anninali ta' razza pura għat-tnissil magħmulin fl-Istati Membri biex itejbu l-komparabbiltà ta’ riżultati u l-effikaċja ta’ programmi tat-tnissil;

– - jagħmlu valutazzjoni internazzjonali ta’ bhejjem abbażi tar-riżultati flimkien ta’ kontroll tal-prestazzjoni u evalwazzjoni ġenetika ta’ anninali ta' razza pura għat-tnissil magħmulin fl-Istati Membri;

– - iqassmu r-riżultati, kull wieħed għalih, tal-valutazzjonijiet internazzjonali;

– - jippubblikaw il-formuli ta’ konverżjoni u x-xogħol kollu ġenetiku relatat;

(iii)    billi jipprovdu dejta dwar l-evalwazzjoni ġenetika ta’ anninali ta' razza pura għat-tnissil u taħriġ biex jgħinu lill-istituzzjoni nominata kif imsemmi fl-Artikolu 29(1) li tipparteċipa fi tqabbil internazzjonali tar-riżultati ta’ evalwazzjonijiet ġenetiċi;

(iv)    billi jħaffu s-soluzzjoni ta’ problemi li jinqalgħu fl-Istati Membri b’rabta mal-evalwazzjoni ġenetika ta’ anninali ta' razza pura għat-tnissil;

(v)     billi jipprovdu, meta mitlubin mill-Kummissjoni, kompetenzi tekniċi lill-Kumitat Żootekniku Permanenti.

ANNESS v

informazzjoni li għandha tingħata fiċ-ċertifikati żootekniċi kif iMSEMMI Fil-Kapitoli VI u VII

Parti 1 Rekwiżiti ġenerali

1.           Meta r-riżultati tal-evalwazzjoni ġenetika ta’ annimal tat-tnissil ikunu disponibbli pubblikament fuq l-Internet, għandu jkun suffiċjenti li ssir referenza fiċ-ċertifikati żootekniċi msemmija fil-Partijiet 2 u 3 għall-websajt fejn dawk ir-riżultati jista’ jkun hemm aċċess għalihom.

2.           Meta l-informazzjoni li għandha tingħata fiċ-ċertifikat żootekniku skont il-Kapitoli I u II tal-Parti 2 jew tal-Parti 3 ta’ dan l-Anness tkun f’dokumenti oħra li jkunu mal-annimal tat-tnissil jew mal-prodotti ġerminali tiegħu, is-soċjetà tat-tnissil jew l-operazzjoni tat-tnissil għandha:

(a)     tiċċertifika l-kontenut ta’ dak id-dokument b’dikjarazzjoni li d-dokument ikun fih l-informazzjoni meħtieġa mill-att implimentattiv adottat skont l-Artikolu 33(4);

(b)     iżżid ma’ dik id-dikjarazzjoni lista eżawrjenti tad-dkomenti meħmużin rilevanti.

3.           It-titolu taċ-ċertifikat żootekniku għandu:

(a)     għall-annimali tar-razza ħajjin, is-semen, l-ooċiti u l-embrijuni tagħhom, irreferi għall-ispeċi tassonomiċi;

(b)     jindika jekk il-konsenja tkunx maħsuba għall-kummerċ fl-Unjoni jew għal importazzjonijiet fl-Unjoni.

Parti 2 Ċertifikati żootekniċi għal anninali ta' razza pura għat-tnissil, is-semen, l-ooċiti u l-embrijuni tagħhom

Kapitolu I Ċertifikati żootekniċi għal anninali ta' razza pura għat-tnissil

1.           Ċertifikati żootekniċi għal anninali ta' razza pura għat-tnissil għandu jkollhom l-informazzjoni li ġejja:

(a)     l-isem tas-soċjetà tat-tnissil li toħroġhom, jew f’każ ta’ importazzjonijiet fl-Unjoni, tal-korp tat-tnissil;

(b)     l-isem tal-ktieb tat-tnissil;

(c)     ir-razza;

(d)     is-sess;

(e)     in-numru tad-dħul fil-ktieb tat-tnissil;

(f)     is-sistema ta’ identifikazzjoni tal-annimal tat-tnissil ta’ razza pura;

(g)     in-numru ta’ identifikazzjoni mogħti lill-annimal tat-tnissil ta’ razza pura skont il-leġiżlazzjoni tal-Unjoni dwar is-saħħa tal-annimali li jkun tal-identifikazzjoni ta’ annimali tal-ispeċi koperta miċ-ċertifikat żootekniku jew, f’każ ta’ importazzjonijiet fl-Unjoni, skont leġiżlazzjoni nazzjonali;

(h)     id-data tat-twelid tal-annimal tat-tnissil ta’ razza pura;

(i)      l-isem, l-indirizz u l-posta elettronika tan-nissiel;

(j)      l-isem u l-indirizz tas-sid;

(k)     il-pedigree:

Missier || Nanna || Bużnanna

Nru tal-ktieb tat-tnissil || Nru tal-ktieb tat-tnissil || Nru tal-ktieb tat-tnissil

Omm || Nanna || Bużnanna

Nru tal-ktieb tat-tnissil || Nru tal-ktieb tat-tnissil || Nru tal-ktieb tat-tnissil

(l)      ir-riżultati disponibbli kollha ta’ testijiet ta’ prestazzjoni u riżultati aġġornati tal-evalwazzjoni ġenetika inklużi pekuljaretajiet ġenetiċi u difetti ġenetiċi dwar l-annimal stess tat-tnissil ta’ razza pura u ta’ missieru u ommu u tan-nanniet tiegħu kif meħtieġa fil-programm tat-tnissil approvat skont l-Artikolu 8(1) jew l-Artikolu 9 għall-kategorija u l-annimal tat-tnissil ta’ razza pura inkwistjoni;

(m)    fil-każ ta’ annimali nisa tqal, id-data tal-inseminazzjoni jew tat-tgħammir u l- identifikazzjoni tal-annimal raġel li jkun iffertilizza;

(n)     l-isem u t-titolu tal-firmatarju, id-data u l-post tal-konsenja taċ-ċertifikat u l-firma tal-individwu awtorizzat mis-soċjetà tat-tnissil li toħorġu, jew f’każ ta’ importazzjonijiet fl-Unjoni, tal-korp tat-tnissil.

2.           B’deroga mill-punt 1 ta’ dan l-Kapitolu, iċ-ċertifikat żootekniku għal kummerċ f’anninali ta' razza pura għat-tnissil tal-ispeċi ekwina jista’ jkun id-dokument ta’ identifikazzjoni skont leġiżlazzjoni tal-Unjoni dwar is-saħħa tal-annimali, bil-kondizzjoni li:

(a)     ikun fih, flimkien mal-informazzjoni meħtieġa mil-leġiżlazzjoni tal-Unjoni dwar is-saħħa tal-annimali u s-saħħa pubblika, mill-anqas l-informazzjoni skont il-punt 1(a) sa (k) u (n);

(b)     kien inħareġ minn soċjetà tat-tnissil li jkun ingħatalha l-kompitu li toħroġ id-dokument tal-identifikazzjoni mill-awtorità kompetenti.

(c)     l-informazzjoni dwar l-identità ta’ anninali ta' razza pura għat-tnissil tal-ispeċi ekwina u dwar il-ħruġ ta’ dokumenti ta’ identifikazzjoni tkun disponibbli għall-awtoritajiet veterinarji kompetenti f’database ċentrali stabbilita skont leġiżlazzjoni tal-Unjoni dwar is-saħħa tal-annimali.

Kapitolu II Ċertifikati żootekniċi għal semen ta’ anninali ta' razza pura għat-tnissil

Ċertifikati żootekniċi għal semen għandu jkun fihom l-informazzjoni li ġejja:

(a)          il-partikolaritajiet kollha msemmija fil-Kapitolu I ta’ dan l-Anness dwar l-annimal tat-tnissil ta’ razza pura li jkun ipprovda s-semen, kif ukoll il-grupp tad-demm tiegħu jew riżultati ta’ testijiet li jkunu jipprovdu garanziji xjentifiċi ekwivalenti għall-kontroll tal-identità u tal-parentela tiegħu skont kull att implimentattiv adottat skont l-Artikolu 22(2);

(b)          informazzjoni li tippermetti l-identifikazzjoni tas-semen, id-data ta’ meta jkun inġabar u l-ismijiet u l-indirizzi taċ-ċentru tal-ġbir tas-semen jew taċ-ċentru tal-ħżin tas-semen u tad-destinatarju;

(c)          għal semen maħsub għal ittestjar uffiċjali ta’ anninali ta' razza pura għat-tnissil, l-isem u l-indirizz tas-soċjetà tat-tnissil jew tal-istituzzjoni nominati skont l-Artikolu 29(1) responsabbli biex jagħmlu l-kontroll tal-prestazzjoni skont l-Artikolu 27;

(d)          l-isem u t-titolu tal-firmatarju, id-data u l-post tal-konsenja taċ-ċertifikat u l-firma tal-individwu awtorizzat mis-soċjetà tat-tnissil li toħorġu, jew f’każ ta’ importazzjonijiet fl-Unjoni, tal-korp tat-tnissil.

Kapitolu III Ċertifikati żootekniċi għal ooċiti ta’ anninali ta' razza pura għat-tnissil

Ċertifikati żootekniċi għal ooċiti ta’ anninali ta' razza pura għat-tnissil għandu jkun fihom l-informazzjoni li ġejja:

(a)          l-informazzjoni kollha msemmija fil-Kapitolu I dwar l-annimal mara donatriċi li tkun ipprovdiet l-ooċiti, kif ukoll il-grupp tad-demm tagħha jew riżultati ta’ testijiet li jipprovdu garanziji xjentifiċi ekwivalenti għall-kontroll tal-identità u l-parentela tagħha;

(b)          informazzjoni li tippermetti l-identifikazzjoni tal-ooċiti, id-data ta’ meta jkunu nġabru u l-ismijiet u l-indirizzi tat-tim tal-ġbir u tal-produzzjoni ta’ embrijuni u tad-destinatarju;

(c)          fejn ikun hemm aktar minn ooċit wieħed f'tubu straw, indikazzjoni ċara tal-għadd ta’ ooċiti li lkoll kellhom jinġabru mill-istess annimal tat-tnissil ta’ razza pura;

(d)          l-isem u t-titolu tal-firmatarju, id-data u l-post tal-konsenja taċ-ċertifikat u l-firma tal-individwu awtorizzat mis-soċjetà tat-tnissil li toħorġu, jew f’każ ta’ importazzjonijiet fl-Unjoni, tal-korp tat-tnissil.

Kapitolu IV Ċertifikati żootekniċi għal embrijuni ta’ anninali ta' razza pura għat-tnissil

Ċertifikati żootekniċi għal embrijuni għandu jkun fihom l-informazzjoni li ġejja:

(a)          l-informazzjoni kollha msemmija fil-Kapitolu I dwar l-annimal mara donatriċi u l-annimal raġel li jkun għammar, kif ukoll il-grupp tad-demm tagħhom it-tnejn jew riżultati ta’ testijiet li jipprovdu garanziji xjentifiċi ekwivalenti għall-kontroll tal-identità u tal-parentela tagħhom;

(b)          informazzjoni li tippermetti l-identifikazzjoni tal-embrijuni, id-data tal-ġbir jew tal-produzzjoni tagħhom u l-ismijiet u l-indirizzi tat-tim tal-ġbir u tal-produzzjoni tal-embrijuni u tad-destinatarju;

(c)          meta jkun hemm aktar minn embrijun wieħed f’tubu straw, indikazzjoni ċara tal-għadd tal-embrijuni li lkoll għandu jkollhom l-istess parentela;

(d)          l-isem u t-titolu tal-firmatarju, id-data u l-post tal-konsenja taċ-ċertifikat u l-firma tal-individwu awtorizzat mis-soċjetà tat-tnissil li toħorġu, jew f’każ ta’ importazzjonijiet fl-Unjoni, tal-korp tat-tnissil.

Parti 3 Ċertifikati żootekniċi għal ħnieżer tat-tnissil ibridi u s-semen, l-ooċiti u l-embrijuni tagħhom

Kapitolu I Ċertifikati żootekniċi għal ħnieżer tat-tnissil ibridi

Ċertifikati żootekniċi għal ħnieżer tat-tnissil ibridi għandu jkun fihom l-informazzjoni li ġejja.

(a)          l-isem tal-operazzjoni tat-tnissil li toħroġhom, jew f’każ ta’ importazzjonijiet fl-Unjoni, tal-korp tat-tnissil;

(b)          l-isem tar-reġistru tar-razza;

(c)          it-tip jew il-linja ġenetika;

(d)          is-sess;

(e)          in-numru tad-dħul fir-reġistru tar-razza;

(f)          is-sistema ta’ identifikazzjoni tal-annimal;

(g)          in-numru ta’ identifikazzjoni mogħti lill-ħanżir tat-tnissil ibridu skont leġiżlazzjoni tal-Unjoni dwar is-saħħa tal-annimali li tkun dwar l-identifikazzjoni ta’ annimali tal-ispeċi porċina jew, fil-każ ta’ importazzjonijiet fl-Unjoni, skont leġiżlazzjoni nazzjonali;

(h)          id-data tat-twelid tal-annimal;

(i)           l-isem u l-indirizz tan-nissiel;

(j)           l-isem u l-indirizz tas-sid;

(k)          l-isem u t-titolu tal-firmatarju, id-data u l-post tal-konsenja taċ-ċertifikat żootekniku u l-firma tal-individwu awtorizzat mill-operazzjoni tat-tnissil li toħorġu jew, f’każ ta’ importazzjonijiet fl-Unjoni, tal-korp tat-tnissil.

Ċertifikati żootekniċi għal semen minn ħnieżer tat-tnissil ibridi

Ċertifikati żootekniċi għal semen ta’ ħnieżer tat-tnissil ibridi għandu jkun fihom l-informazzjoni li ġejja.

(a)          l-informazzjoni kollha msemmija fil-Kapitolu I dwar il-ħanżir tat-tnissil ibridu li jkun ipprovda s-semen;

(b)          informazzjoni li tippermetti l-identifikazzjoni tas-semen, id-data ta’ meta jkun inġabar u l-ismijiet u l-indirizz taċ-ċentru ta’ ġbir tas-semen u tad-destinatarju;

(c)          l-isem u t-titolu tal-firmatarju, id-data u l-post tal-konsenja taċ-ċertifikat żootekniku u l-firma tal-individwu awtorizzat mill-operazzjoni tat-tnissil li toħorġu jew, f’każ ta’ importazzjonijiet fl-Unjoni, tal-korp tat-tnissil.

Kapitolu III Ċertifikati żootekniċi għal ooċiti minn ħnieżer tat-tnissil ibridi

Ċertifikati żootekniċi għal ooċiti ta’ ħnieżer tat-tnissil ibridi għandu jkun fihom l-informazzjoni li ġejja.

(a)          l-informazzjoni kollha msemmija fil-Kapitolu I dwar il-ħanżir tat-tnissil ibridu li jkun ipprovda l-ooċiti;

(b)          informazzjoni li tippermetti l-identifikazzjoni tal-ooċiti, id-data ta’ meta jkunu nġabru u l-ismijiet u l-indirizzi tat-tim tal-ġbir u tal-produzzjoni tal-embrijuni u tad-destinatarju;

(c)          l-isem u t-titolu tal-firmatarju, id-data u l-post tal-konsenja taċ-ċertifikat żootekniku u l-firma tal-individwu awtorizzat mill-operazzjoni tat-tnissil li toħorġu jew, f’każ ta’ importazzjonijiet fl-Unjoni, tal-korp tat-tnissil.

Kapitolu IV Ċertifikati żootekniċi għal embrijuni minn ħnieżer tat-tnissil ibridi

Ċertifikati żootekniċi għal embrijuni miġburin jew prodotti minn ħnieżer tat-tnissil ibridi għandu jkun fihom l-informazzjoni li ġejja.

(a)          l-informazzjoni kollha msemmija fil-Kapitolu I dwar l-annimal mara donatriċi u l-annimal raġel li jkun għammar;

(b)          informazzjoni li tippermetti l-identifikazzjoni tal-embrijuni, id-data tal-ġbir jew tal-produzzjoni tagħhom u l-ismijiet u l-indirizzi tat-tim tal-ġbir u tal-produzzjoni tal-embrijuni u tad-destinatarju; l-identifikazzjoni tas-semen użat għall-inseminazzjoni artifiċjali jew il-fertilizzazzjoni tal-ooċiti;

(c)          meta jkun hemm aktar minn embrijun wieħed f’tubu straw, indikazzjoni ċara tal-għadd tal-embrijuni li lkoll għandu jkollhom l-istess parentela;

(d)          l-isem u t-titolu tal-firmatarju, id-data u l-post tal-konsenja taċ-ċertifikat żootekniku u l-firma tal-individwu awtorizzat mill-operazzjoni tat-tnissil li toħorġu jew, f’każ ta’ importazzjonijiet fl-Unjoni, tal-korp tat-tnissil.

ANNESS VI

TERRITORJI MSEMMIJA FL-ARTIKOLU 2(v)

1.           It-territorju tar-Renju tal-Belġju

2.           It-territorju tar-Repubblika tal-Bulgarija

3.           It-territorju tar-Repubblika Ċeka

4.           It-territorju tar-Renju tad-Danimarka bl-eċċezzjoni tal-Gżejjer Faroe u tal-Groenlandja

5.           It-territorju tar-Repubblika Federali tal-Ġermanja

6.           It-territorju tar-Repubblika tal-Estonja

7.           It-territorju tal-Irlanda

8.           It-territorju tar-Repubblika Ellenika

9.           It-territorju tar-Renju ta’ Spanja bl-eċċezzjoni ta’ Ceuta u Melilla

10.         It-territorju tar-Repubblika Franċiża

11.         It-territorju tar-Repubblika tal-Kroazja

12.         It-territorju tar-Repubblika Taljana

13.         It-territorju tar-Repubblika ta’ Ċipru

14.         It-territorju tar-Repubblika tal-Latvja

15.         It-territorju tar-Repubblika tal-Litwanja

16.         It-territorju tal-Gran Dukat tal-Lussemburgu

17.         It-territorju tar-Rumanija

18.         It-territorju tar-Repubblika ta’ Malta

19.         It-territorju tar-Renju tal-Pajjiżi l-Baxxi fl-Ewropa

20.         It-territorju tar-Repubblika tal-Awstrija

21.         It-territorju tar-Repubblika tal-Polonja

22.         It-territorju tar-Repubblika Portugiża

23.         It-territorju tar-Rumanija

24.         It-territorju tar-Repubblika tas-Slovenja

25.         It-territorju tar-Repubblika Slovakka

26.         It-territorju tar-Repubblika tal-Finlandja

27.         It-territorju tar-Renju tal-Isvezja

28.         It-territorju tar-Renju Unit tal-Gran Brittanja u l-Irlanda ta’ Fuq

ANNESS VII

tabella ta’ korrelazzjoni

Att Legali || Dispożizzjonijiet || Dispożizzjonijiet korrispondenti f’dan ir-Regolament

Direttiva tal-Kunsill 2009/157/KE (ex 77/504/KEE) (Bovina) || Artikolu 1 || Artikolu 2

Artikolu 2(a), (b), (e) || Artikolu 3, l-ewwel paragrafu

Artikolu 2(c) || Artikolu 8(1)

Artikolu 2(d) || Artikolu 4(2)

Artikolu 3 || Artikolu 19(1)

Artikolu 4(1) || Artikolu 7(1)

Artikolu 4(2) || Artikolu 7(5)

Artikolu 5 || Artikolu 33(1) u l-punt 1(d) tal-Kapitolu I tal-Parti 1 tal-Anness II

Artikolu 6 || Artikoli 28(1), 4(3), 8(3), 17(4), 19(4), 20(2) u 24(2)

Artikolu 7(1) || Artikolu 72(1)

Artikolu 7(2) || Artikolu 72(2)

Artikolu 8 || ma japplikax

Artikolu 9 || ma japplikax

Artikolu 10 || ma japplikax

Artikolu 11 || ma japplikax

Direttiva tal-Kunsill 87/328/KEE (Porċini) (aċċettazzjoni għat-tnissil) || Artikolu 1 || Artikolu 21

Artikolu 2(1) || Artikolu 23(1) u (2)

Artikolu 2(2) || Artikoli 12, 13, u 28(2)

Artikolu 2(3) || -

Artikolu 3 || Artikolu 22

Artikolu 4 || Artikolu 23(3)

Artikolu 5 || Artikolu 31(1)

Artikolu 6 || ma japplikax

Artikolu 7 || ma japplikax

Deċiżjoni tal-Kunsill 96/463/KE (Interbull) (Interbull) || Artikolu 1(2) || Artikolu 32(1)

Artikolu 2 || -

ANNESS II || Anness IV

Direttiva tal-Kunsill 88/661/KEE (Porċini) (Porċini) || Artikolu 1 || Artikolu 2

Artikolu 2(1) || Artikoli 3, l-ewwel paragrafu, 4(2) u 8(1)

Artikolu 2(2) || Artikolu 1(3)

Artikolu 3 || Artikolu 21(2)

Artikolu 4(1) || Artikolu 19(1)

Artikolu 4(2) || Artikolu 18(1)

Artikolu 4a, l-ewwel paragrafu || Artikolu 7(1)

Artikolu 4a, it-tieni paragrafu || Artikolu 7(5)

Artikolu 5 || Artikolu 33(1) u l-punt 1(d) tal-Kapitolu I tal-Parti 1 tal-Anness II

Artikolu 6(1) || Artikoli 28(1), 8(3), 17(4), 19(4), 4(3), u 33(3)

Artikolu 6(2) || ma japplikax

Artikolu 7(1) || Artikoli 3, 8(1) u4(2)

Artikolu 7(2) || Artikolu 1(3)

Artikolu 7a || Artikolu 7(1)

Artikolu 8 || Artikolu 25(2)

Artikolu 9 || Artikolu 33(1) u l-punt 1(c) tal-Parti 2 tal-Anness II

Artikolu 10(1) || Artikoli 28(1), 8(3), 17(4), 19(4), 4(3), u 33(3)

Artikolu 10(2) || ma japplikax

Artikolu 11(1) || Artikolu 72(1)

Artikolu 11(2) || Artikolu 72(2)

Artikolu 11(3) || Artikolu 72(2)

Artikolu 12 || Artikolu 1(3)

Artikolu 13 || ma japplikax

Artikolu 14 || ma japplikax

Direttiva tal-Kunsill 90/118/KEE (Porċini) (aċċettazzjoni għat-tnissil – tar-razza || Artikolu 1 || Artikolu 21(1)

Artikolu 2(1) || Artikolu 23(1) u (2)

Artikolu 2(2) || Artikoli 12, 13, u 28(2)

Artikolu 2(3) || Artikoli 14 u 28(2)

Artikolu 3 || Artikolu 23(3)

Artikolu 4 || Artikolu 72(1)

Artikolu 5 || ma japplikax

Artikolu 6 || ma japplikax

Direttiva tal-Kunsill 90/119/KEE (Porċini) (aċċettazzjoni għat-tnissil – ibridi || Artikolu 1 || Artikoli 25(1) u 26(1) u (2)

Artikolu 2 || Artikolu 23(3)

Artikolu 3 || ma japplikax

Artikolu 4 || ma japplikax

Direttiva tal-Kunsill 89/361/KEE (Porċini) (Ovini u Kaprini) || Artikolu 1(1) || Artikolu 1(1)

Artikolu 1(2) || Artikolu 1(3)

Artikolu 2 || Artikolu 2

Artikolu 3(1) || Artikoli 3, l-ewwel paragrafu u 4(2),

Artikolu 3(2) || Artikolu 1(3)

Artikolu 4 || Artikoli 4(3), 19(4), 28(1) u 21(2)

Artikolu 5 || Artikolu 7(1)

Artikolu 6 || Artikolu 33(1) u l-punt 1(d) tal-Kapitolu I tal-Parti 1 tal-Anness II

Artikolu 7 || Artikolu 1(3)

Artikolu 8 || Artikolu 72(1)

Artikolu 9 || ma japplikax

Artikolu 10 || ma japplikax

Direttiva tal-Kunsill 90/427/KEE (Porċini) (Equidae) || Artikolu 1 || Artikolu 1(1)

Artikolu 2 || Artikolu 2

Artikolu 3, l-ewwel paragrafu || Artikolu 3, l-ewwel paragrafu

Artikolu 3, it-tieni paragrafu || Artikolu 1(3)

Artikolu 4(1)(a) || Part 1 u l-punt 1(a) tal-Parti 3 tal-Anness I

Artikolu 4(1)(b) || Punt 1(c) tal-Kapitolu I tal-Parti 1 tal-Anness II

Artikolu 4(2) || Artikoli 4(3), 19(4), 33, 34(1)(c), 14 u l-punt 1(c) tal-Kapitolu I tal-Parti 1 tal-Anness II

Artikolu 5 || Artikolu 7(1)

Artikolu 6 || Punt 3 tal-Kapitolu I tal-Parti 1 tal-Anness II

Artikolu 7 || Artikoli 28(1) u 21(2)

Artikolu 8(1) || Punt 1(c) tal-Kapitolu I tal-Parti 1 tal-Anness II

Artikolu 8(2) || Artikolu 33(1)

Artikolu 9 || Artikolu 1(3)

Artikolu 10 || Artikolu 72(1)

Artikolu 11 || ma japplikax

Artikolu 12 || ma japplikax

Anness || ma japplikax

Direttiva tal-Kunsill 91/174/KEE (Porċini) (kollha) || Artikolu 1 || Artikolu 2

Artikolu 2 || Artikoli 3, 35(1) and 45(1)

Artikolu 3 || ma japplikax

Artikolu 4 || ma japplikax

Artikolu 5 || ma japplikax

Artikolu 6 || ma japplikax

Artikolu 7 || ma japplikax

Artikolu 8 || ma japplikax

Direttiva tal-Kunsill 94/28/KE Importazzjonijiet Importazzjonijiet || Artikolu 1 || Artikolu 1

Artikolu 2 || Artikolu 2

Artikolu 3 || Artikoli 37

Artikolu 4 || Artikoli 39(1)(a) u 40(1)

Artikolu 5 || Artikoli 39(1)(b) u 40(1)

Artikolu 6 || Artikoli 39(1)(c) u 40(1)

Artikolu 7 || Artikoli 39(1)(c) u 40(1)

Artikolu 8 || Artikolu 39(2)

Artikolu 9(1) u (2) || Artikolu 42

Artikolu 9(3) || -

Artikolu 10 || Artikoli 67 u 70

Artikolu 11 || ma japplikax

Artikolu 12 || Artikolu 72(1)

Artikolu 13 || ma japplikax

Artikolu 14 || ma japplikax

Artikolu 15 || ma japplikax

[1]               ĠU C […], [jj/xx/ssss], p. […]

[2]               ĠU C […], [jj/xx/ssss], p. […]

[3]               ĠU C […], [jj/xx/ssss], p. […]

[4]               ĠU L 382, 31.12.1988, p. 36.

[5]               ĠU L 153, 6.6.1989, p. 30.

[6]               ĠU L 224, 18.8.1990, p. 55.

[7]               ĠU L 85, 5.4.1991, p. 37.

[8]               ĠU L 178, 12.7.1994, p. 66.

[9]               ĠU L 323, 10.12.2009, p. 1.

[10]             ĠU L 167, 26.6.1987, p. 54.

[11]             ĠU L 71, 17.3.1990, p. 34.

[12]             ĠU L 71, 17.3.1990, p. 36.

[13]             ĠU L 206, 12.8.1977, p. 11.

[14]             ĠU L 299, 16.11.2007, p. 1.

[15]             ĠU L 155, 18.6.2009, p. 30.

[16]             ĠU L 192, 2.8.1996, p. 19.

[17]             ĠU L 256, 7.9.1987, p. 1.

[18]             ĠU L 268, 24.9.1991, p. 56.

[19]             ĠU L 24, 30.1.1998, p. 9.

[20]             COM/2013/0265 finali - 2013/0140 (COD).

[21]             ĠU L 165, 30.4.2004, p. 1.

[22]             ĠU L 224, 18.8.1990, p. 29.

[23]             ĠU L 55, 28.2.2011, p. 13.

[24]             ĠU L 125, 12.5.1984, p. 58.

[25]             ĠU L 237, 5.9.1984, p. 11.

[26]             ĠU L 169, 22.6.2006, p. 56.

[27]             ĠU L 247, 23.8.1989, p. 19.

[28]             ĠU L 247, 23.8.1989, p. 21.

[29]             ĠU L 247, 23.8.1989, p. 31.

[30]             ĠU L 247, 23.8.1989, p. 33.

[31]             ĠU L 247, 23.8.1989, p. 43.

[32]             ĠU L 145, 8.6.1990, p. 30.

[33]             ĠU L 145, 8.6.1990, p. 32.

[34]             ĠU L 145, 8.6.1990, p. 35.

[35]             ĠU L 145, 8.6.1990, p. 38.

[36]             ĠU L 192, 11.7.1992, p. 63.

[37]             ĠU L 19, 25.1.1996, p. 39.

[38]             ĠU L 192, 11.7.1992, p. 66.

[39]             ĠU L 247, 23.8.1989, p. 22.

[40]             ĠU L 247, 23.8.1989, p. 34.

[41]             ĠU L 145, 8.6.1990, p. 39.

[42]             ĠU L 19, 25.1.1996, p. 41.

[43]             ĠU L 125, 18.5.2005, p. 15.

[44]             ĠU L 149, 7.6.2008, p. 3.

[45]             ĠU L 210, 20.8.1996, p. 47.

[46]             http://www.ueln.net/