EUR-Lex Access to European Union law
This document is an excerpt from the EUR-Lex website
Document 52013XG0305(01)
Council Conclusions on investing in education and training — a response to ‘Rethinking Education: Investing in skills for better socio-economic outcomes’ and the ‘2013 Annual Growth Survey’
Konklużjonijiet tal-Kunsill dwar l-Investiment fl-edukazzjoni u t-taħriġ – reazzjoni għar- Reviżjoni tal-Edukazzjoni: Ninvestu fil-ħiliet għal eżiti soċjoekonomiċi aħjar u l- Istħarriġ Annwali dwar it-Tkabbir tal-2013
Konklużjonijiet tal-Kunsill dwar l-Investiment fl-edukazzjoni u t-taħriġ – reazzjoni għar- Reviżjoni tal-Edukazzjoni: Ninvestu fil-ħiliet għal eżiti soċjoekonomiċi aħjar u l- Istħarriġ Annwali dwar it-Tkabbir tal-2013
ĠU C 64, 5.3.2013, p. 5–8
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
5.3.2013 |
MT |
Il-Ġurnal Uffiċjali tal-Unjoni Ewropea |
C 64/5 |
Konklużjonijiet tal-Kunsill dwar l-Investiment fl-edukazzjoni u t-taħriġ – reazzjoni għar-Reviżjoni tal-Edukazzjoni: Ninvestu fil-ħiliet għal eżiti soċjoekonomiċi aħjar u l-Istħarriġ Annwali dwar it-Tkabbir tal-2013
2013/C 64/06
IL-KUNSILL TAL-UNJONI EWROPEA,
FIL-KUNTEST TA':
1. |
L-Artikoli 165 u 166 tat-Trattat dwar il-Funzjonament tal-Unjoni Ewropea. |
2. |
L-istrateġija Ewropa 2020, u b'mod partikolari l-Istħarriġ Annwali dwar it-Tkabbir tal-2012 u tal-2013 u r-rakkomandazzjonijiet tal-2012 speċifiċi għall-pajjiżi. |
3. |
Il-konklużjonijiet tal-Kunsill tat-12 ta' Mejju 2009 li jistabbilixxu qafas strateġiku għall-kooperazzjoni Ewropea fl-edukazzjoni u t-taħriġ għall-perijodu sal-2020 (“ET2020”) (1), li l-għan primarju tiegħu huwa l-appoġġ għal aktar żvilupp tas-sistemi tal-edukazzjoni u t-taħriġ fl-Istati Membri bl-għan li jiġi żgurat is-sodisfazzjon personali, soċjali u professjonali taċ-ċittadini kollha, kif ukoll il-prosperità ekonomika sostenibbli u l-impjegabbiltà, filwaqt li jiġu promossi l-valuri demokratiċi, il-koeżjoni soċjali, il-kreattività u l-innovazzjoni, iċ-ċittadinanza attiva, u d-djalogu interkulturali. |
4. |
Ir-Rapport Konġunt ta' Frar 2012 tal-Kunsill u l-Kummissjoni dwar l-implimentazzjoni tal-qafas strateġiku “ET2020” (2), li stabbilixxa passi għall-mobilizzazzjoni tal-proċess “ET2020” f'appoġġ għall-objettivi ta' Ewropa 2020 dwar it-tkabbir u l-impjiegi, u identifika għadd ta' oqsma ta' prijorità għall-kooperazzjoni Ewropea fl-edukazzjoni u t-taħriġ għall-perijodu 2012-2014. |
5. |
Kriżi ekonomika sostnuta ssottolinjata mill-aħħar previżjonijiet tal-Kummissjoni, li jipprevedu rkupru ekonomiku aktar bil-mod milli mistenni u qgħad massimu ta' kważi 11 % fl-2013 (3), b'livelli ta' 60 % ta' qgħad ogħla għal ħaddiema b'ħiliet limitati (4). |
6. |
Il-ħtieġa li titwaqqaf iż-żieda fil-qgħad taż-żgħażagħ fl-Ewropa, issa f'rata medja ta' kważi 23 % u b'żieda ta' aktar minn 50 % f'diversi Stati Membri (5). |
7. |
Evidenza dejjem tikber li l-provvista tal-ħiliet mhix qed tilħaq il-ħtiġijiet tas-suq tax-xogħol, b'aktar minn żewġ miljuni postijiet tax-xogħol vakanti attwalment madwar l-Ewropa (6). |
8. |
Il-ħtieġa li jiġu stabbiliti l-pedamenti għal tkabbir u kompetittivita futuri f'kuntest ta' finanzi pubbliċi stretti permezz ta' investimenti aktar effiċjenti f'sistemi tal-edukazzjoni u t-taħriġ, u r-rendimenti soċjali u ekonomiċi innegabbli ta' dawn l-investimenti. |
9. |
Il-konklużjonijiet tal-Kunsill tas-26 ta' Novembru 2012 dwar l-Edukazzjoni u t-taħriġ f'Ewropa 2020 – il-kontribut tal-edukazzjoni u t-taħriġ għall-irkupru ekonomiku, it-tkabbir u l-impjiegi (7), li qablu li s-settur tal-edukazzjoni u t-taħriġ, inkluż il-livell ministerjali, għandu jkollu rwol aktar prominenti kemm fid-definizzjoni tal-approċċi u l-objettivi komuni relatati mal-edukazzjoni u t-taħriġ, kif ukoll fl-implimentazzjoni tal-aspetti tal-edukazzjoni u t-taħriġ tas-Semestru Ewropew ta' Ewropa 2020. |
10. |
Il-konklużjonijiet tal-Kunsill Ewropew tat-13 u l-14 ta' Diċembru 2012 (8), li:
|
11. |
L-istabbiliment, soġġett għal negozjati li għaddejjin dwar il-Qafas Finanzjarju Pluriennali 2014-2020, ta' rabta bejn l-għażla tal-prijoritajiet tal-investiment u l-interventi għall-ipprogrammar futur tal-Fondi Strutturali 2014-2020 u l-isfidi ta' politika ssottolinjati fir-rakkomandazzjonijiet speċifiċi għall-pajjiżi u l-Programmi ta' Riforma Nazzjonali tal-Istati Membri. |
JILQA':
1. |
Ir-rwol ċentrali assenjat lill-edukazzjoni u t-taħriġ bħala xprun fundamentali għat-tkabbir u l-kompetittività fl-Istħarriġ Annwali dwar it-Tkabbir tal-2013, inkluża r-referenza għar-rwol fundamentali tal-investimenti fil-kapital uman għat-trattament u l-prevenzjoni tal-qgħad u t-tħejjija ta' rkupru mogħni bl-impjiegi. |
2. |
Il-pożizzjoni tal-Istħarriġ Annwali dwar it-Tkabbir tal-2013 dwar il-konsolidazzjoni fiskali differenzjata, li tappella lill-Istati Membri biex jippreservaw il-potenzjal tat-tkabbir futur billi jagħtu prijorità lil, u fejn possibbli, it-tisħiħ tal-investimenti fl-edukazzjoni u t-taħriġ. |
3. |
L-appell tal-Istħarriġ Annwali dwar it-Tkabbir tal-2013 għar-riformi biex titjieb il-prestazzjoni tas-sistemi tal-edukazzjoni u tat-taħriġ u l-livelli ġenerali ta' ħiliet, b'rabta eqreb tad-dinjiet tax-xogħol u tal-edukazzjoni, filwaqt li jiġi rikonoxxut li m'hemmx aġenda “daqs wieħed jgħodd għal kulħadd” u li xi riformi jistgħu jieħdu ammont ta' żmien sinifikanti biex iħallu l-effetti. |
4. |
L-importanza li tingħata lill-ħiliet, l-edukazzjoni, it-taħriġ u t-tagħlim tul il-ħajja fit-titjib tal-impjegabbiltà u, b'mod partikolari, it-trattament u l-prevenzjoni tal-qgħad fost iż-żgħażagħ billi jiġu indirizzati l-kawżi fl-għeruq tiegħu, li ħafna minnhom huma eżaminati fil-komunikazzjoni reċenti tal-20 ta' Novembru 2012 mill-Kummissjoni lill-Parlament Ewropew, lill-Kunsill, lill-Kumitat Ewropew Ekonomiku u Soċjali u lill-Kumitat tar-Reġjuni – Reviżjoni tal-Edukazzjoni: Ninvestu fil-ħiliet għal eżiti soċjoekonomiċi aħjar. |
JISTIEDEN LILL-ISTATI MEMBRI, B'KONSIDERAZZJONI DEBITA GĦALL-PRINĊIPJU TAS-SUSSIDJARJETÀ, BIEX:
1. |
Jiżguraw li l-aspetti soċjali tal-edukazzjoni u t-taħriġ ikunu sostnuti u li jingħataw opportunitajiet ugwali ta' aċċess għal edukazzjoni ta' kwalità, sabiex is-sistemi tal-edukazzjoni u t-taħriġ ikunu jistgħu jkomplu jikkontribwixxu għat-trawwim ta' koeżjoni soċjali, żvilupp sostenibbli, ċittadinanza attiva u sodisfazzjon personali fis-soċjetajiet Ewropej. |
2. |
Isaħħu r-rwol tal-edukazzjoni u t-taħriġ fl-Istrateġija Ewropa 2020, b'kont meħud tal-komunikazzjoni dwar ir-Reviżjoni tal-Edukazzjoni kif ukoll l-aspetti tal-edukazzjoni u t-taħriġ tal-Istħarriġ Annwali dwar it-Tkabbir u r-rakkomandazzjonijiet speċifiċi għall-pajjiżi (CSRs), u filwaqt li jiffokaw – f'konformità mal-prijoritajiet nazzjonali u dawk ta' “ET2020” u abbażi tar-riżorsi disponibbli – fuq l-oqsma li ġejjin:
|
JAQBEL LI:
Bil-ħsieb li jkollhom rwol aktar prominenti fl-implimentazzjoni tas-Semestru Ewropew, il-laqgħa tar-rappreżentanti tal-Istati Membri fil-Kunsill Edukazzjoni, Żgħażagħ, Kultura u Sport – u/jew fejn adatt, il-korpi preparatorji rilevanti – għandhom jikkunsidraw, bil-qbil tal-Istati Membri kkonċernati, il-progress li sar mill-Istati Membri fir-reazzjoni tagħhom għall-isfidi identifikati fir-rakkomandazzjonijiet speċifiċi għall-pajjiżi (CSRs) fil-qasam tal-edukazzjoni u t-taħriġ (13). Barra minn hekk, u f'konformità mal-“pjan direzzjonali” għas-Semestru Ewropew imħejji mill-Presidenza, Kumitati rilevanti bħall-Kumitat tal-Impjiegi (EMCO) jistgħu jiġu appoġġati kif adatt mill-Kumitat tal-Edukazzjoni fir-rigward tal-eżami tal-abbozz ta' CSRs fil-qasam tal-edukazzjoni u t-taħriġ.
JINNOTA L-INTENZJONI TAL-KUMMISSJONI LI:
1. |
Filwaqt li tirrispetta l-prinċipju tas-sussidjarjetà u r-responsabbiltà nazzjonali għall-edukazzjoni u t-taħriġ, kif ukoll l-awtonomija istituzzjonali tal-fornituri tal-edukazzjoni, tappoġġa lill-Istati Membri fl-isforzi tagħhom biex itejbu s-sistemi tagħhom tal-edukazzjoni u t-taħriġ, billi tagħmel użu sħiħ mill-programmi u l-fondi tal-UE fil-qasam tal-edukazzjoni u t-taħriġ, u permezz ta' bażi ta' evidenza mtejba, analiżi dettaljata tal-ispejjeż vis-a-vis il-benefiċċji u aktar trasparenza, inkluż billi:
|
2. |
Tappoġġa inizjattivi – bħall-Alleanza proposta fil-livell tal-UE għall-Apprendistati – bl-għan li jittejjeb it-tagħlim ibbażat fuq ix-xogħol u jiġu involuti sħubiji sodi bejn l-edukazzjoni u l-impjiegi, b'mod partikolari sħab soċjali, negozji u fornituri tal-EVT, f'konformità mal-Proċess ta' Kopenħagen. |
3. |
Tesplora ma' sħab soċjali fil-livell tal-UE għażliet għaż-żieda tal-livell u l-kwalità tal-edukazzjoni u t-taħriġ mogħtija lill-adulti bil-ħsieb li l-forza tax-xogħol tingħata taħriġ mill-ġdid u mtejjeb. |
4. |
F'kooperazzjoni mill-qrib mal-Istati Membri u partijiet interessati rilevanti, tivvaluta l-impatt tal-ħolqien potenzjali ta' Żona Ewropea għall-Ħiliet u l-Kwalifiki biex tiġi promossa konverġenza aktar b'saħħitha bejn għodod differenti tal-UE u nazzjonali għat-trasparenza u r-rikonoxximent, sabiex jiġi żgurat li l-kompetenzi u l-kwalifiki jkunu jistgħu jiġu rikonoxxuti faċilment transkonfinalment. |
5. |
F'koordinazzjoni ma' kwalunkwe inizjattiva mill-Istati Membri f'dan il-qasam, tniedi inizjattiva ġdida dwar “il-Ftuħ tal-Edukazzjoni”, filwaqt li tanalizza l-impatt tal-għoti ta' appoġġ tal-UE biex iżid l-aċċess u l-użu ta' Riżorsi Edukattivi Miftuħin u ICT b'assigurazzjoni ta' kwalità. |
6. |
Tintroduċi azzjonijiet li jippromwovu l-edukazzjoni intraprenditorjali, b'mod partikolari gwida politika, u qafas li jinkoraġġixxi l-edukazzjoni intraprenditorjali fil-livell istituzzjonali. |
7. |
Tanalizza l-effiċjenza tal-infiq pubbliku fuq l-edukazzjoni u t-taħriġ u tagħti bidu għal dibattitu fil-livell tal-UE ma' partijiet interessati rilevanti dwar il-benefiċċji ta' investimenti fis-setturi differenti tal-edukazzjoni u t-taħriġ. |
JISTIEDEN LILL-ISTATI MEMBRI U LILL-KUMMISSJONI BIEX:
1. |
Jistabbilixxu rabta eqreb bejn l-isfidi prinċipali strateġiċi tal-politika identifikati permezz tas-Semestru Ewropew u l-attivitajiet tal-MMK, u jiżviluppaw, meta jintalbu, dimensjoni speċifika għall-pajjiż biex Stati Membri individwali jew gruppi tagħhom jiġu assistiti fis-segwiment ta' rakkomandazzjonijiet speċifiċi għall-pajjiżi (CSRs). |
2. |
Jużaw bis-sħiħ il-potenzjal tal-kooperazzjoni u t-tagħlim bejn il-pari kif stabbilit fil-MMK permezz ta' metodi ta' ħidma mtejba inkluż, kif adatt:
|
3. |
Jistimulaw proċess kostruttiv ta' segwiment tar-rakkomandazzjonijiet speċifiċi għall-pajjiżi permezz ta' kondiviżjoni, mal-kumitati ta' politika rilevanti (jiġifieri il-Kumitat tal-Politika Ekonomika u l-Kumitat tal-Impjiegi) u fuq bażi regolari, ir-riżultati tal-mekkaniżmi ta' kooperazzjoni tal-MMK imsemmija qabel. |
(1) ĠU C 119, 28.5.2009, p. 2.
(3) Tbassir Ekonomiku tal-Ħarifa mill-Kummissjoni Ewropea (Novembru 2012).
(4) Statistika tal-Eurostat dwar il-Qgħad (Novembru 2012).
(5) “Inressqu ż-Żgħażagħ lejn l-Impjiegi” – COM(2012) 727 final, 5 ta' Diċembru 2012.
(6) Monitoraġġ tal-Postijiet Vakanti fl-Ewropa, 7 ta' Diċembru 2012.
(7) ĠU C 393, 19.12.2012, p. 5.
(8) EUCO 205/12.
(9) 14871/12 + ADD 1-8.
(10) Rakkomandazzjoni tal-Kunsill dwar il-politiki biex jitnaqqas it-tluq bikri mill-iskejjel (ĠU C 191, 1.7.2011, p. 1).
(11) f'konformità mar-Rakkomandazzjoni tal-Kunsill tal-20 ta' Diċembru 2012 dwar il-validazzjoni tat-tagħlim mhux formali u informali (ĠU C 398, 22.12.2012, p. 1).
(12) Rakkomandazzjoni tal-Parlament Ewropew u tal-Kunsill tat-18 ta' Diċembru 2006 dwar il-kompetenzi ewlenin għat-tagħlim tul il-ħajja (ĠU L 394, 30.12.2006, p. 10).
(13) Riżerva DE dwar it-tieni nofs ta' din is-sentenza (minn “– għandhom jikkunsidraw …”).
(14) Metodu Miftuħ ta’ Koordinazzjoni.
(15) Ara d-dokument 14871/12 ADD 2, p. 3.
(16) Id-dritt għall-parteċipazzjoni tal-Istati Membri kollha fil-ħidma ta' din l-organizzazzjoni għandu jkun żgurat.